ОТА.
Отанг бор-ки, сени кўнглинг тўқ,
Хотиржамсан, ташвиш-ғаминг йўқ,
Ота бурчи нақадар буюк,
Ўзинг ота бўлсанг, биласан.
"Оилам", деб ғамларни енгган,
Баъзан ғолиб, баъзида сингган,
Сен учун у қанчалар елган,
Ўзинг ота бўлсанг, биласан.
Адо этди оталик қарзин,
Ўйламади ўзининг дардин,
Биродарим, отангни қадрин —
Ўзинг ота бўлсанг, биласан.
Бемор бўлсанг, гулдайин сўлган,
Минг тирилиб, минг бора ўлган,
У нақадар фидойи бўлган,
Ўзинг ота бўлсанг, биласан.
Ютуғингдан кўкларга учган,
Фахрланиб, бағрига қучган,
Нега сенга борини сочган —
Ўзинг ота бўлсанг, биласан.
Ҳаёт уни не кўйга солган,
Гоҳо бериб, гоҳида олган,
Ташвишлардан қанчалар толган,
Ўзинг ота бўлсанг, биласан.
👉
Батафсил
https://t.me/+vIV3J7QmtzY5NWJi
