ULYSMEDIA.KZ

Public

Qo'shila olmaysizmi? @ulysmedia

5.9k A'zolar

Yangilangan: May 30, 2026 at 12:44 AM

ULYSMEDIA.KZ

ULYSMEDIA- ашық ақпарат алаңы https://qaz.ulysmedia.kz/

@ulysmedia is a growing community focused on httpsqazulysmediakz and ulysmedia and related topics

Reyting

Global reyting

#4803

-80

Til reytingi

#19O'zgarish yo'q

Toifa reytingi

#272

-7

Obunachilar sonining o'sishi (Oxirgi 30 kun ichida)

Jami: 5.9K

24 soatlik o'sish: +5 0%

So'nggi postlar

ULYSMEDIA.KZ

28-mar, 2026, 13:16

📷 Photo

Шавкат Рахмоновтың әйелі кінәсін мойындамады Қазақстандық танымал ММА жауынгері Шавкат Рахмоновтың жұбайы өлімге соқтырған жол апатына қатысты іс бойынша өз кінәсін мойындаған жоқ. Алдын ала сот тыңдауы Тараз қаласында өтті. Сот отырысы барысында Гүлайым…

499

ULYSMEDIA.KZ

28-mar, 2026, 13:16

🎥 Video

"Далаға шығудан қорқады": Түркістан облысында алты жасар қызды зорламақ болған

Отырар ауданында алты жастағы қыз балаға қатысты зорлық әрекеті жасалды деген күдік бар. Бұл іске жәбірленуші оқитын мектептің жоғары сынып оқушысы қатысы болуы мүмкін. Оқиға болғанына бір ай өтсе де, ата-анасы күдікті жасөспірімнің ұсталмай, сабағына барып жүргеніне наразы. Олардың айтуынша, тергеу іс жүзінде жүргізілмей отыр. http://Ulysmedia.kz/ тілшісі қыздың туысымен сөйлесіп, мән-жайды анықтады.

«Істі әрең қозғады»

Қыздың анасы оқиға болғаннан кейін бірден баланы Түркістанға гинекологқа тексертуге апарғандарын айтады.

– Гинеколог әрекет (зорлық) болғанын айтты, бірақ қыздық перде зақымданбаған. Жазбаша қорытынды беруді сұрағанда, сарапшылардың жұмысына араласа алмаймыз деп жауап берді. Содан кейін бірден 102-ге хабарласып, қылмыстық іс қозғалтуға қол жеткіздік, – деді әйел.

Оның айтуынша, содан кейін іс тоқтап қалған. Тіпті екі аптадан соң мұғалімдер қыздың сабаққа қайта келуін талап еткен. Анасы күдікті жасөспірімнің ештеңе болмағандай оқуын жалғастырып жүргеніне наразы.

«Тергеуші басқа іспен айналысып жатыр деді»

Полиция тарапынан олармен байланысқа да шықпаған. Әкесінің айтуынша, тергеушінің нөмірін өзі іздеп тапқан.

– Арыз бергеннен бері ешқандай әрекет жасалған жоқ. Тергеушімен өзіміз екінші күні хабарластық. Сараптама тағайындау туралы сұрағанда, ол мал ұрлығы ісімен айналысып жатқанын, уақыты жоқ екенін айтты. Екінші күннің өзінде бұл іске құлықсыз екенін байқадық. Біз әлі күнге дейін әділдік күтіп жүрміз, бірақ бәрі бұрмаланып жатыр. Ешкім ұсталған жоқ, әлгі бала ауылда еркін жүр, – дейді ер адам.

https://qaz.ulysmedia.kz/aimak/38374-dalaga-shygudan-korkady-turkistan-oblysynda-alty-zhasar-kyzdy-zorlamak-bolgan/

📱

ULYSMEDIA.KZ

28-mar, 2026, 13:16

🎥 Video

Қазақстандықтар зейнетақы жинақтарын қайда инвестициялауды өздері шешеді

Депутат Асхат Аймағамбет Қазақстанда зейнетақы жинақтарын басқару жүйесіне қатысты жаңа өзгерістердің қызу талқыланып жатқанын айтты.

- Еліміздегі әрбір жұмыс істейтін азамат ай сайын жалақысының 10 пайызын зейнетақы қорына аударады. Қазіргі кезде бұл қаражатты Қазақстан Ұлттық Банкі басқарып, инвестицияға бағыттайды. Жыл сайын салымшылар өз жинақтарының қаншалықты табыс әкелгенін бақылап отыра алады, - деді депутат.

Алайда қолданыстағы жүйеде азаматтарға белгілі бір таңдау еркі берілген.

- Қазіргі уақытта мынандай мүмкіндік бар: жинақталған қаражатымыздың зейнетақы қорындағы 50 пайызына дейінін сіз өзіңіз, яғни кім басқаратынын, мысалы, жеке меншік компанияларға беруіңізге болады. Арнайы лицензиясы бар. Яғни, сіз шешесіз. Егер бергіңіз келмесе, Ұлттық банк оны сақтап қалады. Ұлттық банк инвестициямен, басқарумен айналысады. Егер “жоқ, бір компанияға сенемін” деп мүмкіндік берсеңіз, сіз берген стратегия бойынша қаржы компаниясы зейнетақы қорында жинақталған қаражаттың бір бөлігімен инвестиция жасауға мүмкіндік алады, – дейді Аймағамбет.

https://qaz.ulysmedia.kz/news/38377-kazakstandyktar-zeinetaky-zhinaktaryn-kaida-investitsiialaudy-ozderi-sheshedi/

📱

507

ULYSMEDIA.KZ

28-mar, 2026, 13:16

🎥 Video

Алатау қаласына ерекше құқықтық мәртебе берілді.

Парламент «Алатау қаласының арнаулы құқықтық режимі туралы» конституциялық заңды екінші оқылымда мақұлдады.

Құжатқа сәйкес, Алатау дербес басқару, қаржыландыру және институционалдық тұрғыда ерекше режиммен дамитын қалаға айналады.

▪️МӘН-ЖАЙЫ

Заң аясында «Digital by default» қағидаты енгізіліп, қала жасанды интеллект кеңінен қолданылатын толыққанды Smart City ретінде қалыптастырылмақ.

Сондай-ақ Алатау аумағында арнайы салық режимі басымдыққа ие болады. Қала 2050 жылға дейін немесе толық қаржылық дербестікке жеткенге дейін өз бюджетінің қаражатын республикалық және өзге де бюджеттерге аудармайды.

Жер қатынастарына қатысты да өзгерістер қарастырылған: учаскелер резиденттерге тек нақты инвестициялық жобалар аясында лицензия немесе келісімшарт негізінде беріледі.

📱

487

ULYSMEDIA.KZ

28-mar, 2026, 13:16

🎥 Video

"Құрылтайда жаңа партиялар болуы керек" - депутат Бапи

Мәжіліс депутаты Ермұрат Бапи Қазақстанға 1-2 жаңа партия керегін айтты.

- Мәжілісте алты партия болды. Егер Құрылтайда сол алты партия болса, қоғамға түсініксіз болып қалады. Сондықтан, менің ойымша, міндетті түрде жаңа партиялар сайлауға түседі. Олардың қайсысы өтіп не өтпейтінін білмеймін. Қандай партия түсетінін тағы білмеймін. Бірақ жаңа құрылтайда 1-2 жаңа партия болуы керек деп ойлаймын, дейді депутат.

https://qaz.ulysmedia.kz/news/38372-ku-ryltaida-zhana-partiialar-boluy-kerek-deputat-bapi/

📱

532

ULYSMEDIA.KZ

28-mar, 2026, 13:16

📷 Photo

⚡️Ерболат Досаев қызметінен босатылды Ерболат Досаев президент әкімшілігі басшысының орынбасары лауазымынан босатылды. Ерболат Досаев бұл қызметке былтыр қыркүйекте тағайындалған. Контекст 55 жастағы Досаев 2022 жылы Қаңтар оқиғасынан соң Алматы әкімі болып…

539

ULYSMEDIA.KZ

28-mar, 2026, 13:16

📷 Photo

Алматыдағы жол апаты: бірнеше іс қозғалып, полицейлер қызметінен кетті

Қазақстанның Ішкі істер министрлігі Алматыда үш адамның қаза болуына себеп болған жол апатына байланысты бірқатар қылмыстық іс қозғалғанын мәлімдеді. Ішкі істер министрі Ержан Саденов тапсырмасы бойынша жағдай алғашқы сағаттардан бастап ерекше бақылауға алынған. Оқиғаның барлық мән-жайы, соның ішінде қоғамдық кеңістікте тараған ақпарат та тексеріліп жатыр.

ҚАМАУ ЖӘНЕ ЖАҢА ІСТЕР

Апат фактісі бойынша бұған дейін қылмыстық іс қозғалған; ZEEKR көлігінің күдікті жүргізушісі сот санкциясымен қамауға алынды; оның жол апаты кезінде жеңіл дәрежеде мас күйде болғаны анықталды.

Сонымен қатар қызметтік тексеріс басталды. Оны жүргізу үшін Алматыға Ішкі қауіпсіздік департаментінің, Әкімшілік полиция комитетінің және Кадр жұмысы департаментінің басшылары жіберілді.

Бұдан бөлек, мемлекеттік нөмірлік белгілерді заңсыз беру фактісі бойынша жеке қылмыстық іс қозғалды.

ПОЛИЦИЯДАҒЫ ТЕКСЕРІС

Сондай-ақ полиция департаменті басшыларының бірінің жүргізушіге қатысты әрекетсіздігі фактісі бойынша қылмыстық іс қозғалды. Ол уақытша ұстау изоляторына қамалды. ІІМ барлық жағдайды, соның ішінде медиа кеңістіктегі мәліметтерді де жан-жақты зерделейтінін атап өтті.

КАДРЛЫҚ ШЕШІМДЕР

Анықталған заңбұзушылықтарға байланысты кадрлық шаралар қабылданды:

- Алматы қаласы полиция департаменті бастығының орынбасары (сыртқы қызметтер мен жол қауіпсіздігіне жауапты) қызметінен босатылды;

- әкімшілік полиция және қоғамдық қауіпсіздік басқармаларының басшылары да лауазымдарынан алынды.

https://qaz.ulysmedia.kz/news/38369-almatydagy-zhol-apaty-birneshe-is-kozgalyp-politseiler-kyzmetinen-ketti/

📱

ULYSMEDIA.KZ

28-mar, 2026, 13:16

📷 Photo

Трамп Иранға қарсы әрекеттері жоспарлағаннан тез жүріп жатқанын мәлімдеді

АҚШ президенті Дональд Трамп Вашингтонның Иранға қарсы әскери әрекеттері жоспарланған мерзімнен жылдам жүріп жатқанын мәлімдеді.

Бұл туралы ол 26 наурызда 28 ақпанда басталған қақтығыстан кейін өткен министрлер кабинетінің алғашқы отырысында айтты.
Трамптың айтуынша, бастапқыда тапсырманы орындауға төрттен алты аптаға дейін уақыт бөлінген.

- Біз миссиямызды орындауға шамамен төрттен алты аптаға дейін уақыт кетеді деп болжаған едік. Ал 26 күннің ішінде біз жоспардан өте, өте, өте қатты озып кеттік, — деді ол.

Президенттің пікірінше, қазіргі жағдай АҚШ-тың пайдасына қалыптасып отыр.

КЕЛІССӨЗДЕР

Трамп сондай-ақ ықтимал келіссөздер бастамасы Тегераннан шығып отырғанын айтты.

— Келісімге келуді мен емес, олар өтініп отыр, — деді америкалық көшбасшы.

Оның сөзінше, Иран тарапы келісімге мүдделі, алайда мұны ашық мойындауға дайын емес.

https://qaz.ulysmedia.kz/news/38368-tramp-iranga-karsy-reketteri-zhosparlagannan-tez-zhurip-zhatkanyn-m-limdedi/

📱

545

ULYSMEDIA.KZ

28-mar, 2026, 13:16

📷 Photo

"Бір нәрсе болса ғана осылай шулаймыз" - Қожаев Алматыдағы жол апаты туралы Сенатор Марат Қожаев Алматыдағы жол апаты және заңсыз көше жарыстарына қатысқан жүргізушілер мәселесіне қатысты пікір білдірді. Сенатор Алматыдағы жол апатына полицейлердің қатысы…

539

ULYSMEDIA.KZ

28-mar, 2026, 13:16

📷 Photo

Қазақстанда қандастарға талап күшейеді

Қазақстанда қандастар мен қоныс аударушыларға қойылатын талаптар күшейтілуі мүмкін. Енді мемлекеттік бағдарлама бойынша басқа өңірге көшкендер міндетті түрде жұмысқа орналасуы тиіс.

НЕ ӨЗГЕРЕДІ

Еңбек министрлігі әзірлеген бұйрық жобасы 6 сәуірге дейін қоғамдық талқылауда болмақ. Құжатқа сәйкес, қоныс аударған азаматтар мен қандастар үшін жұмысқа орналасу міндеттелмек.
Бұған дейін адамдар көшіп барып, жұмыс таппай біраз уақыт жүре алатын. Енді жаңа талап бойынша: жұмысың болса – бағдарламада қаласың. Сонымен қатар, жұмыс істеп жүргенін әлеуметтік аударымдар арқылы дәлелдеу қажет болады.

ӨЗГЕРІС НЕ ҮШІН ЕНГІЗІЛМЕК?

Билік мәліметінше, кейбір қоныс аударушылар жаңа өңірде тұрақтамай, қайта көшіп кетеді.

– Ресми жұмыстың болмауы адамдардың тұрақтап қалуына кедергі келтіреді, қайта көшуге әкеледі және жергілікті бюджетке салмақ түсіреді, – дейді ведомство.

Осы өзгерістер арқылы үкімет адамдардың жаңа өңірде тұрақтап қалуын арттырып, аймақтарды тұрақты жұмыс күшімен қамтамасыз етуді көздеп отыр.

https://qaz.ulysmedia.kz/news/38364-kazakstanda-kandastarga-talap-kusheiedi/

📱

ULYSMEDIA.KZ

26-mar, 2026, 15:07

🎥 Video

Әлемге танымал инвестор, америкалық қаржыгер Рэй Далио қоғамның дамуы мен тұрақтылығы туралы ойын бөлісті. Оның айтуынша, тарихты жүздеген жыл бойы зерттей келе, өркендеуге жеткізетін үш негізгі қағида бар.

“Соның бірі — соғыстан аулақ болу. Ішкі болсын, сыртқы болсын, кез келген қақтығыс қоғамның дамуын тежейді”, - дейді ол.

📹: https://t.me/raydalio

📱

510

ULYSMEDIA.KZ

26-mar, 2026, 15:07

📷 Photo

⚡️Ерболат Досаев қызметінен босатылды Ерболат Досаев президент әкімшілігі басшысының орынбасары лауазымынан босатылды. Ерболат Досаев бұл қызметке былтыр қыркүйекте тағайындалған. Контекст 55 жастағы Досаев 2022 жылы Қаңтар оқиғасынан соң Алматы әкімі болып…

558

ULYSMEDIA.KZ

26-mar, 2026, 15:07

📷 Photo

Украинаның дрон шабуылынан кейін Ресейдің Усть-Луга портында өрт шықты

Дрондар шабуылы салдарынан Ресейдің Усть-Луга порты аумағында өрт шықты. Сондай-ақ алты әуежайда, оның ішінде Санкт-Петербург қаласындағы Пулково әуежайында ұшып-қонуға шектеу қойылды.

Мән-жай

25 наурызға қараған түні Украина дрондармен Ленинград облысы аумағына шабуыл жасаған.

Салдарынан Усть-Луга порты аумағында өрт шыққан. Бұл туралы өңір губернаторы Александр Дрозденко мәлімдеді.
Алдын ала мәлімет бойынша, зардап шеккендер жоқ. Облыс аумағында 56 дрон атып түсірілген.

Astra Telegram-арнасы Усть-Луга портының көріністерін жариялады.

Украинаның OSINT сарапшыларының мәліметінше, НОВАТЭК-Усть-Луга зауытына соққы жасалған. Бұл кәсіпорын табиғи газ бен мұнай өндіру барысында алынатын жанама өнім — тұрақты газ конденсатын өңдеуге, сондай-ақ мұнай өнімдерін сыртқы нарықтарға жөнелтуге маманданған.

Усть-Луга кенті Украина шекарасынан шамамен 855 шақырым қашықтықта орналасқан.

https://qaz.ulysmedia.kz/news/38334-ukrainanyn-dron-shabuylynan-keiin-reseidin-ust-luga-portynda-ort-shykty/

📱

ULYSMEDIA.KZ

26-mar, 2026, 15:07

📷 Photo

Алматыдағы заңсыз жарыстар: депутат полицияны сынға алды Мұрат Әбенов Алматыдағы Әл-Фараби даңғылы бойына барып, тікелей эфирде ішкі істер министрі Ержан Сәденовке үндеу жасады. Депутат тікелей эфир арқылы Алматыдағы заңсыз көше жарыстары мәселесіне назар…

504

ULYSMEDIA.KZ

26-mar, 2026, 15:07

📷 Photo

⚡️Ерболат Досаев қызметінен босатылды

Ерболат Досаев президент әкімшілігі басшысының орынбасары лауазымынан босатылды.

Ерболат Досаев бұл қызметке былтыр қыркүйекте тағайындалған.
Контекст
55 жастағы Досаев 2022 жылы Қаңтар оқиғасынан соң Алматы әкімі болып тағайындалып, былтыр 25 мамырда бұл қызметтен босатылған болатын.

Досаев елді Нұрсұлтан Назарбаев басқарып тұрған тұста, 1998 жылы премьердің кеңесшісі қызметіне тағайындалған. Содан бері қаржы, денсаулық сақтау, экономика министрі, Ұлттық банк басшысы, премьердің орынбасары қызметтерін атқарған.

Досаев 2006-2012 жылдары аралығында бизнеспен айналысқан. 2014 жылы қазақстандық Forbes журналы оны елдегі ең дәулетті 50 кәсіпкер қатарына енгізген.

📱

543

ULYSMEDIA.KZ

26-mar, 2026, 15:07

📷 Photo

Астанада LRT-да жол жүру құны қанша болады?

Ашық НҚА порталында Астана қаласының әкімдігі әзірлеген «Қаладағы жеңіл рельстік көлікпен (LRT) жолаушылар мен жүкті тасымалдау тарифі туралы» жобасы жарияланды.
Жобаға сәйкес, LRT-да бір сапарға билет құны 200 теңге деп белгіленген. Төлем қолма-қол және қолма-қол ақшасыз жүргізіледі.
Қоғамдық талқылау 27 наурызға дейін жалғасады.

Контекст

Қазақстанда LRT салу жоспары 2008 жылы мәлімделген. Бірақ одан кейінгі жылдары жобаны жүзеге асыру қымбатқа шығатыны ескеріліп, билік бұл идеядан бас тартқан. 2010 жылдардың ортасында жобаға қайтадан жан бітіп, Қазақстан Қытай даму банкінен 1,6 млрд доллар қарыз алды. Ол кезде ел президенті Нұрсұлтан Назарбаевтың жиені Нұрәлі Әлиев Астана әкімінің орынбасары болатын. Бірақ бұл жобаның аяғы жемқорлық дауына ұласып, Астана LRT компаниясының басшысы Талғат Ардан шетелге қашты. 2024 жылы Қазақстан соты оны сырттай 9 жылға соттады. Былтыр мамырда Қазақстан ұлттық қауіпсіздік комитеті Талғат Ардан Түркияда ұсталғанын, оның Қазақстанға экстрадицияланатынын айтқан.

Жемқорлық дауларынан кейін LRT-ның тіреуіш қадалары ел арасында «жемқорлық ескерткіші» деп аталып кетті.

Қасым-Жомарт Тоқаев 2019 жылы президент қызметіне кіріскен кезде LRT жобасын аяқтауға басымдық берген. Қазір LRT құрылысы аяқталып, сынақтан өтіп жатыр.

https://qaz.ulysmedia.kz/news/38329-astanada-lrt-da-zhol-zhuru-ku-ny-kansha-bolady/

📱

ULYSMEDIA.KZ

26-mar, 2026, 15:07

🎥 Video

Алматыдағы жол апаты: полиция күдіктінің қайда екенін айтты Алматыда Әл-Фараби даңғылында болған өліммен аяқталған жол апатына қатысты күдікті жүргізуші ауруханада күзетпен жатыр. Үш адамның өмірін қиған апат фактісі бойынша қылмыстық іс қозғалды. Алматы…

487

ULYSMEDIA.KZ

26-mar, 2026, 15:07

📷 Photo

Ердоған Таяу Шығыстағы соғысқа Израильді айыптады

Режеп Тайып Ердоған Түркия халқына жасаған жолдауында Ирандағы соғысқа қатысты мәлімдеме жасады.

«Бұл – Израиль мен Нетаньяхудың соғысы. Алайда оның зардабын бүкіл әлем тартып отыр», – деді ол.

Оның сөзінше, Ирандағы қақтығыс Таяу Шығыс аумағынан шығып бара жатыр. Ердоған халықаралық қауымдастықты соғысты тез арада тоқтатуға үндеді.

https://qaz.ulysmedia.kz/news/38327-erdogan-taiau-shygystagy-sogyska-izraildi-aiyptady/

📱

537

ULYSMEDIA.KZ

26-mar, 2026, 15:07

📷 Photo

15 тармақтан тұратын жоспар: АҚШ пен Иран соғысты тоқтата ма?

АҚШ Иранға атысты тоқтату туралы 15 тармақтан тұратын бейбіт келісім жоспарын жолдады. Оның ішінде жоғары деңгейде байытылған уран қорын халықаралық атом энергиясы агенттігіне беру мәселесі де бар. Иран жоспардың кейбір тармақтарымен келіскен. Вашингтон мен Тегеран арасында қандай келісім жүріп жатыр? Израильдің ұстанымы қандай? Таяу Шығыстағы ахуал қалай қарай өзгеріп жатыр? Осы және өзге де сұрақтарға жауап іздеп көрейік.

Мән-жай

The New York Times газетінің жазуынша, Вашингтон Тегеранға 15 тармақтан тұратын бейбіт келісім жоспарын жолдаған. Құжат Иран билігіне Пәкістан арқылы берілген.

Израильдың N12 телеарнасының хабарлауынша, ұсынылған құжатта Иранның жоғары деңгейде байытылған уран қорынан бас тартып, оны халықаралық атом энергиясы агенттігіне беру жөнінде талап бар.

АҚШ президентінің арнайы өкілі Стивен Уиткофф Дональд Трампқа Иран билігі бейбіт келісімнің кейбір тармақтарымен келіскенін жеткізген. Оның ішінде байытылған уран қорын беру мәселесі де бар деп жазды Аомериканың Axios басылымы дереккөздеріне сілтеме жасап. Бірақ әзірге ресми Тегеран бұған байланысты ешқандай мәлімдеме жасаған жоқ. Бұл бейбіт келісімге Израильдің қандай реакция білдіретіні де белгісіз.

23 наурызда Дональд Трамп Иран билігімен табысты келіссөздер жүргізіліп жатқанын мәлімдеді. Осыған байланысты Иранның энергетикалық инфрақұрылымына шабуыл жасауды бес күнге тоқтата тұруға бұйрық берген. Тегеран келіссөздер жүріп жатқанын жоққа шығарған.

https://qaz.ulysmedia.kz/news/38328-15-tarmaktan-turatyn-zhospar-aksh-pen-iran-sogysty-toktata-ma/

📱

ULYSMEDIA.KZ

26-mar, 2026, 15:07

📷 Photo

Серік Сәпиев пен орынбасары қызметінен кетті Қарағанды облысының дене шынықтыру және спорт басқармасында ведомство басшысы Серік Сәпиев пен оның орынбасары Дәурен Есімханов өз еркімен атқарып отырған лауазымдарынан босатылды. КОНТЕКСТ Еске салайық, бұған…

602

ULYSMEDIA.KZ

24-mar, 2026, 15:09

📷 Photo

Украина Ресейдің Балтық теңізіндегі ең ірі мұнай портын дронмен шабуылдады

23 наурызға қараған түні Украина дрондары Балтық теңізіндегі Приморск портын шабуылдады. Бұл — Ресей мұнайы мен дизель отынын экспорттауға арналған ең ірі ауыстырып тиеу пункттерінің бірі.

Портқа шабуыл болғанын Ленинград облысының губернаторы Александр Дрозденко да растады. Оның айтуынша, соққы салдарынан резервуарлардың бірі зақымданып, өрт шыққан. Қызметкерлер эвакуацияланып, қазіргі уақытта өртті сөндіру жұмыстары жүргізіліп жатыр.

Контекст

Порт тәулігіне шамамен 1 миллион баррель мұнай және 300 мың баррельге жуық дизель отынын қабылдай алады. Бұл Приморск портына жасалған екінші соққы. Алдыңғы шабуыл өткен жылдың 12 қыркүйегінде болған еді. Ол кезде порттың бір бөлігі істен шығып, мұнай жөнелту бірнеше күнге кешіктірілген.

https://qaz.ulysmedia.kz/news/38305-ukraina-reseidin-baltyk-tenizindegi-en-iri-munai-portyn-dronmen-shabuyldady/

📱

446

ULYSMEDIA.KZ

24-mar, 2026, 15:09

🎥 Video

Ел бойынша “Мөлдір бұлақ” акциясы басталып кетті

Су ресурстары және ирригация министрлігінің бастамасымен және Жамбыл облысы әкімдігінің қолдауымен су саласындағы алғашқы еріктілер қозғалысы – «Болашақтың қайнары» құрылды.

Қозғалыстың еріктілері «Мөлдір бұлақ» экологиялық акциясына қатысып, қазақстандықтарды Мемлекет басшысының «Таза Қазақстан» бастамасы аясында ұйымдастырылған бұлақтарды тазалау науқанын қолдауға шақырды.

🔺 «Біз - «Болашақтың қайнары» еріктілер тобы, бүгін Су ресурстары және ирригация министрлігінің бастамасымен өткен «Мөлдір бұлақ» акциясына қатыстық. Су - тіршіліктің бастауы. Әр бұлақтың тазалығы - біздің ортақ жауапкершілігіміз. Біз бүгін тек табиғатты қорғап қана қоймай, қоғамға үлгі болуға тырыстық. Енді осы игі істі жалғастыру үшін эстафетаны еліміздің барлық өңіріндегі еріктілерге жолдаймыз. Бірге әрекет етсек, үлкен өзгеріс жасай аламыз!», – деді Қазақ ұлттық су шаруашылығы және ирригация университетінің 3-курс студенттері Диас Әбілхан және Айдана Мұқажанова.

«Мөлдір бұлақ» экологиялық акциясы Шымкент қаласында, Алматы, Жамбыл, Қызылорда, Түркістан және Жетісу облыстарында өтті. Оған шамамен 3,8 мың адам қатысты. Акция аясында бұлақтардың көзін ашу және қалпына келтіру, сондай-ақ айналасындағы аумақтарды тазалау және абаттандыру жұмыстары жүргізілді. Қоқыс жиналып, көшеттер отырғызылды.

📱

ULYSMEDIA.KZ

24-mar, 2026, 15:09

📷 Photo

Астанада жедел жәрдем станциясының экс-директоры ақша жымқырған деген күдікке ілінді

Астанада қалалық жедел медициналық жәрдем станциясында бюджет қаражатын жымқыру дерегі бойынша қылмыстық іс қаралып жатыр.

Айыпталушы — ҚЖМЖС-тың бұрынғы директоры Мұрат Оразбаев, сондай-ақ станция қызметкерлері: көлік бөлімінің экс-басшысы Арман Балабеков пен бұрынғы механик Айбек Әбдіров.

Тергеу мәліметінше, олар бюджет қаражатын жымқыруға қатысы болуы мүмкін. Үшеуі де аса ірі және ірі көлемде сеніп тапсырылған мүлікті иемдену немесе ысырап ету бабы бойынша жауапқа тартылып отыр. Мұрат Оразбаев қалалық жедел жәрдем станциясын 2019 жылдың қарашасынан бастап басқарған.

2023 жылдың желтоқсанында ол қызметінен шеттетілді. Қазір ол қамауда отыр. Іс Астананың қылмыстық істер жөніндегі ауданаралық сотына 2026 жылдың қаңтарында түскен. Сот алдын ала тыңдау өткізіп, одан кейін негізгі сот талқылауы басталды. Қорғау тарапының істі тоқтату, материалдарды прокурорға қайтару және бұлтартпау шарасын жеңілдету туралы өтініштері сот тарапынан қанағаттандырылған жоқ. Үш айыпталушы қамауда қалды, тағы бір күдікті ешқайда кетпеу туралы қолхатпен босатылған.

https://qaz.ulysmedia.kz/news/38302-astanada-zhedel-zh-rdem-stantsiiasynyn-eks-direktory-aksha-zhymkyrgan-degen-kudikke-ilindi/

📱

ULYSMEDIA.KZ

24-mar, 2026, 15:09

📷 Photo

Brent мұнайы барреліне 112,67 долларға дейін қымбаттады

Дүйсенбі күні таңертең мұнай бағасы қалыпты өсім көрсетіп отыр, инвесторлар Таяу Шығыстағы жағдайды бағалауын жалғастырып жатыр.

Лондондағы ICE Futures биржасындағы Brent маркалы мұнайдың мамыр айына арналған фьючерстерінің құны Мәскеу уақыты бойынша 8:12-дегі мәліметке сәйкес, 0,48 долларға (0,43%) өсіп, барреліне 112,67 доллар болды.

Нью-Йорк тауар биржасындағы электронды саудада WTI маркалы мұнайдың мамыр айына арналған фьючерстері осы уақытқа қарай 0,56 долларға (0,57%) қымбаттап, барреліне 98,79 долларға жетті.

Өткен аптада Brent бағасы 8,8%-ға өсті, ал WTI керісінше 0,4%-ға арзандады. Екі марка арасындағы айырмашылық АҚШ-тың стратегиялық қорлардан мұнай босата бастауы салдарынан көпжылдық ең жоғары деңгейге жетті.

https://qaz.ulysmedia.kz/news/38303-brent-munaiy-barreline-112-67-dollarga-deiin-kymbattady/

📱

478

ULYSMEDIA.KZ

24-mar, 2026, 15:09

📷 Photo

Рыбакина Майамиде 1/8 финалға шықты

Елена Рыбакина Майамиде өтіп жатқан турнирдегі өнерін сенімді жалғастырып, қарсыласын екі сетте жеңді.

Қазақстандық теннисші Елена Рыбакина АҚШ-тың Майами қаласында өтіп жатқан WTA 1000 санатындағы турнирдің үшінші айналымынан сәтті өтті. Кезекті матчта ол әлемдік рейтингте 28-орында тұрған украиналық Марта Костюкпен кездесті.

СЕНІМДІ ЖЕҢІС

Рыбакина матчты жоғары деңгейде өткізіп, қарсыласына ойын жүргізуге мүмкіндік бермеді. Қазақстандық теннисші кездесуді екі сетте — 6:3, 6:4 есебімен аяқтап, турнирдің 1/8 финалына шықты.

ТУРНИР

Елена үшін бұл Майамидегі екінші жеңіс. Бұған дейін ол тағы бір кезеңде сенімді өнер көрсетіп, Юлия Путинцеваны (75-орын) — 6:3, 6:3 есебімен жеңген еді. Осылайша, Рыбакина маусымдағы ең беделді турнирлердің бірінде чемпиондық үшін күресті жалғастырып жатыр.

ЖҮЛДЕ ҚОРЫ

2026 жылы Майамидегі турнирдің жүлде қоры 9 415 725 доллар. Жарыс жеңімпазы 1 151 380 доллар сыйақы алып, сондай-ақ 1000 рейтингтік ұпай еншілейді.

https://qaz.ulysmedia.kz/news/38299-rybakina-maiamide-1-8-finalga-shykty/

📱

ULYSMEDIA.KZ

24-mar, 2026, 15:09

📷 Photo

Ақтаудағы сауда орталығы үш жылдан бері ашылмай келеді

Ақтауда бұрынғы қалалық базардың орнында салынып жатқан «Жібек жолы» сауда орталығының құрылысы бірнеше жылға созылып, қала тұрғындарының көкейінде сұрақ тудырып отыр.

Жоба бастапқыда 2023 жылдың жазында аяқталады деп жоспарланған. Кейін мерзім 2024 жылдың күзіне шегерілген. Алайда 2026 жылға аяқ басқанымен, нысан әлі күнге дейін пайдалануға берілген жоқ.

Тұрғындардың айтуынша, орталықтың нақты қашан ашылатыны әлі белгісіз. Көпшілік құрылыстың тағы қанша уақытқа созылатынын сұрап отыр.

Қалалық әкімдік өкілдері нысанда ішкі жоспарлау және аумақты абаттандыру жұмыстары жалғасып жатқанын мәлімдеді.
Жаңартылған мәліметке сәйкес, сауда орталығын 2026 жылдың бірінші жартыжылдығында ашу жоспарланған.

https://qaz.ulysmedia.kz/aimak/38300-aktaudagy-sauda-ortalygy-ush-zhyldan-beri-ashylmai-keledi/

📱

470

ULYSMEDIA.KZ

24-mar, 2026, 15:09

🎥 Video

Шахтинскіде жарылыс болды: 8 адам зардап шекті

Шахтинск қаласында тұрғын үйде тұрмыстық газ баллоны жарылды. Жарылыстан кейін пәтердегі жиһаз бен заттар өртенді.

Төтенше жағдай салдарынан сегіз адам зардап шекті, оның бесеуі – полицей. Барлығы ауруханаға жеткізілді.

Күдікті қашуға тырысқан

Қарағанды облысы полиция департаментінің баспасөз қызметі бұл дерек бойынша бөтеннің мүлкін қасақана жою бабы бойынша қылмыстық іс қозғалғанын хабарлады. ПД мәліметінше, полицейлер қашуға тырысқан 40 жастағы ер адамды ұстаған.

– Қазіргі уақытта ол Шахтинск қалалық ауруханасының арнайы палатасына жатқызылып, күзетке алынған. Жазылғаннан кейін уақытша ұстау изоляторына қамалады. Іс бойынша жан-жақты және объективті тергеу жүргізіліп жатыр, – деп хабарлады полиция.

https://qaz.ulysmedia.kz/aimak/38297-shakhtinskide-zharylys-boldy-8-adam-zardap-shekti/

📱

460

ULYSMEDIA.KZ

24-mar, 2026, 15:09

📷 Photo

Шалқарда қаза тапқан жасөспірімнің әкесі тергеуді әділ жүргізуді сұрады

Ақтөбе облысының Шалқар қаласында төбелес кезінде пышақ жарақатынан көз жұмған 17 жастағы Әлихан Жәнібековтің әкесі жергілікті билікке үндеу жасады. Ол облыс әкіміне, өңір прокурорына және полиция департаментінің басшылығына істі жан-жақты әрі әділ тергеп, кінәлілердің барлығын жауапкершілікке тартуды сұрады.

МӘН-ЖАЙ
Әкесінің айтуынша, оның ұлы 20 наурыз күні қатыгез шабуылдың құрбаны болған. Оның сөзінше, Шалқарда әртүрлі ауданның жасөспірімдері көп жылдан бері топ болып төбелесіп жүрген көрінеді. Бұл жергілікті тұрғындар үшін қалыпты жайтқа айналған, соның салдарынан көп жас зардап шеккен.

Жәнібек Әлимановтың айтуынша, жанжал оқиғаға бірнеше күн қалғанда басталған. Қайғылы күні оқиға орнына бір топ жас келген. Төбелес кезінде олардың бірі жасөспірімнің жүрек тұсына пышақ сұққан. Осыдан кейін жанжалға қатысқандар қашып кетіп, жараланған баланы сол жерде қалдырып кеткен.

Жасөспірімді кездейсоқ өтіп бара жатқан адам тауып алған. Ол оны ауруханаға жеткізбек болғанымен, жас жігіт жолда көз жұмып, медициналық көмек алып үлгермеген.

Қаза тапқан жасөспірімнің әкесі төбелеске шамамен 14-15 адам қатысқанын айтады. Алайда әзірше тек бір күдікті ұсталған. Оның сөзінше, қалған қатысушылардың әрекетіне құқықтық баға берілмеген, дегенмен қылмыс топ болып жасалған.

https://qaz.ulysmedia.kz/news/38293-shalkarda-kaza-tapkan-zhasospirimnin-kesi-tergeudi-dil-zhurgizudi-surady/

📱

ULYSMEDIA.KZ

24-mar, 2026, 15:09

📷 Photo

АҚШ пен Украина келіссөздерде "алға жылжу" барын мәлімдеді

Украина мен АҚШ келіссөздерде белгілі бір оң қозғалыс барын айтты, алайда нақты қандай келісімдерге қол жеткізілгені әзірге жарияланған жоқ.

Украина мен АҚШ делегациялары 21–22 наурыз күндері Флоридада өткен келіссөздердің кезекті кезеңін қорытындылады. Кездесу барысында Украинаға қауіпсіздік кепілдіктерін беру және тұтқындармен алмасу секілді гуманитарлық мәселелер негізгі тақырыптардың бірі болды.

КЕЛІССӨЗ

Украина делегациясының жетекшісі, Ұлттық қауіпсіздік және қорғаныс кеңесінің хатшысы Рустем Умеров келіссөздер нәтижесінде ілгерілеу байқалғанын жеткізді.

“Кездесулерде біз сенімді қауіпсіздік кепілдіктерін қамтамасыз ету және гуманитарлық бағыттағы, әсіресе азаматтарымызды айырбастау мен елге қайтару мәселелеріне басымдық бердік. Тараптардың ұстанымдары жақындап келеді, шешілмеген мәселелердің ауқымы да біртіндеп қысқарып жатыр”, — деді ол.

Дегенмен, нақты қандай келісімдер жасалғаны туралы мәлімет берілген жоқ.

https://qaz.ulysmedia.kz/news/38296-aksh-pen-ukraina-kelissozderde-alga-zhylzhu-baryn-m-limdedi/

📱

ULYSMEDIA.KZ

24-mar, 2026, 15:09

📷 Photo

Қазақстан мен Иран президенттері бір-біріне құттықтау хат жолдады

Иран Ислам Республикасының президенті Ораза айт пен Наурыз мейрамдарына орай Қазақстан президентінің атына құттықтау жеделхаттарын жолдады.

Масуд Пезешкиан құттықтауында мейірім мен берекеге толы осы қастерлі күндері мұсылман елдері арасындағы татулық нығайып, өзара ықпалдастықтың тереңдеуіне септігін тигізетініне сенім білдірді.

Өз кезегінде мемлекет басшысы Қасым-Жомарт Тоқаев Таяу Шығыста тұрақтылық орнауына және бауырлас халықтардың ынтымағы беки түсуіне тілектес екенін айтты.

Президент қасиетті Ораза айт пен әз-Наурыздың жаңару рухы Иран халқына бейбітшілік және бақ-береке әкелсін деген тілегін жеткізді.

https://qaz.ulysmedia.kz/news/38294-kazakstan-men-iran-prezidentteri-bir-birine-ku-ttyktau-khat-zholdady/

📱

531

Showing 30 of 100 posts

Reyting

Kirish talab qilinadi

Foydalanuvchi sharhlari (0)

Hali sharhlar yo'q. Birinchi bo'lib tajribangizni baham ko'ring!

Tegishli Telegram kanallari

Loading recommended channels...

ULYSMEDIA.KZ

ULYSMEDIA.KZ

Reyting

Obunachilar sonining o'sishi (Oxirgi 30 kun ichida)

So'nggi postlar

Reyting

Foydalanuvchi sharhlari (0)

Tegishli Telegram kanallari

SAMRUK-KAZYNA official

MILITSIYA UZB | Расмий канал

Paziyletuz | Рәсмий канал

Ақмола соттары

БАЖ Беларуская асацыяцыя журналістаў

Путешествия Узбекистан TrekkingClub

Połk Kalinoŭskaha / Полк Каліноўскага

Uchtepa tumani hokimligi Matbuot xizmati/Rasmiy kanali

Tegishli Telegram kanallari

SAMRUK-KAZYNA official

MILITSIYA UZB | Расмий канал

Paziyletuz | Рәсмий канал

Ақмола соттары

БАЖ Беларуская асацыяцыя журналістаў

Путешествия Узбекистан TrekkingClub

Połk Kalinoŭskaha / Полк Каліноўскага

Uchtepa tumani hokimligi Matbuot xizmati/Rasmiy kanali

Foydalanuvchi sharhlari (0)

So'nggi postlar