Połk Kalinoŭskaha / Полк Каліноўскага

Połk Kalinoŭskaha / Полк Каліноўскага

Public

Kanalni ko'rish

Qo'shila olmaysizmi? @KalinouskiPolk

0

3.8k A'zolar

Yangilangan: July 13, 2026 at 10:34 PM

Połk Kalinoŭskaha / Полк Каліноўскага

Афіцыйны канал Палка імя Кастуся Каліноўскага Сайт Палка: www.kalinouski.org www.youtube.com/@BELARUSFREEDOMFIGHTERS Далучыцца да Палка: @Rekrut_PKK_bot Кантакт для СМІ і іншых асоб: @PKK_media_bot

@KalinouskiPolk is a growing community focused on rekrut_pkk_bot and wwwyoutubecombelarusfreedomfighters and related topics

Reyting

Global reyting

#12713

-121

Til reytingi

#60

-2

Toifa reytingi

#869

-9

Obunachilar sonining o'sishi (Oxirgi 30 kun ichida)

Jami: 3.8K

24 soatlik o'sish: +0 0%

Loading...

Reyting

Kirish talab qilinadi

Loading...

Loading recommended channels...

So'nggi postlar

Połk Kalinoŭskaha / Полк Каліноўскага

17-may, 2026, 05:27

🎥 Video

Сёння вораг паспрабаваў знішчыць знакамітую стэлу на ўездзе ў Арэхаўскі раён. Менавіта тут расейцы былі спыненыя на пачатку паўнамаштабнай вайны. Месца стала своеасаблівым пантэонам абаронцаў Запарожжа — з цэлай алеяй прапараў падраздзяленняў, у тым ліку са сцягам Палка Каліноўскага. Сама канструкцыя выстаяла, пашкоджана толькі частка сцягоў.

На пяты год “маленькой пабедоносной войны” мэты “СВО” звяліся да нікчэмных спробаў знішчэння памежнай шыльды з алеяй сцягоў.

Павесім новыя, а акупанта — б’ём далей.

3,170

207

0

Połk Kalinoŭskaha / Полк Каліноўскага

17-may, 2026, 05:27

📷 Photo

ШТО МЫ СВЯТКУЕМ 8 ТРАЎНЯ?

Звычайна мы кажам пра перамогу над нацызмам і пра ўшаноўванне ахвяр Другой сусветнай.

Але вялікіх войнаў у гісторыі было багата.
Чаму для свету дагэтуль важная дата 8 траўня?

Да 1945 года ў свеце панаваў абсалютны суверэнітэт і права "моцнага". Вайна лічылася натуральным працягам палітыкі, а агрэсія адной дзяржавы супраць іншай не лічылася злачынствам. Прынцып «я проста выконваў загад» выпраўдваў нават мэтанакіраванае знішчэнне цэлага народа. А тэрміна «генацыд» і механізмаў для супрацьдзеяння яму не існавала.

Права народаў на самавызначэнне да 1945 года фактычна было прывілеем часткі еўрапейскіх нацый, але зусім не неад'емным правам любога народа. Яно прымянялася выбарачна і служыла хутчэй палітычным інструментам ціску адной вялікай дзяржавы на іншую.

Кожны чалавек лічыўся маёмасцю дзяржавы, да якой ён належаў. Калі дзяржава пачынала кідаць у турмы ці нават знішчаць частку сваіх грамадзян, іншыя краіны не мелі аніякіх юрыдычных падстаў для хоць якога ўмяшання.

Менавіта перамога над нацызмам і шматлікія ахвяры Другой сусветнай вайны заклалі ўмовы для “Ніколі ізноў” замест “Можем повторить”. Бо ніякай “Усеагульнай дэкларацыі правоў чалавека”, міжнародных судоў, Жэнеўскіх канвенцый і паняцця «злачынствы супраць чалавечнасці» да 1945 года проста не існавала.

Праз перамогу над нацызмам упершыню ў сусветнай гісторыі адбылася спроба стварыць падмурак для зацвярджэння сілы права замест права сілы. Менавіта ў гэтым галоўная каштоўнасць гэтай даты.

Час паказаў, што новыя стандарты патрабуюць волі і сілы для таго, каб яны паважаліся ўсімі без выключэння. Калі падвойныя стандарты працягваюць існаваць, калі эканамічныя інтарэсы ставяцца вышэй за чалавечыя каштоўнасці ці нават бяспеку, калі права прымяняецца выбарачна, усё вышэйпералічанае рызыкуе ператварыцца проста ў кіпу папер.

Гісторыя зноў кідае нам выклік, і менавіта ад нас залежыць, ці захаваецца гэты падмурак і ці будзе на ім пабудавана нешта больш трывалае, чым цяпер. Мы мусім стаць пакаленнем, якое не проста памятае пра мінулае, але і здольнае абараніць будучыню, зрабіўшы справядлівасць непахіснай нормай для ўсіх.

Са святам Перамогі!

Połk Kalinoŭskaha / Полк Каліноўскага

17-may, 2026, 05:27

📷 Photo

Да нас дайшлі «Чуйкі». Збор сродкаў на дэтэктары FPV-дронаў «Чуйка 3.0» завершаны

Набыта: 2 адзінкі.
Сабрана і выдаткавана: 61 680 грн.

Прылады ўжо на фронце і іх непасрэдна выкарыстоўваюць нашы аператары БПЛА і артылерысты.

Дзякуем усім, хто далучыўся да збору! Гэта крытычна неабходнае абсталяванне для выканання баявых задач і захавання жыццяў асабовага складу.

2,770

201

Połk Kalinoŭskaha / Полк Каліноўскага

17-may, 2026, 05:27

🎥 Video

Кожнае паведамленне пра пуск КАБаў б’е па нэрвах.

Сэрцы нават самых вопытных байцоў паскараюцца, нават пры намаганнях гэта не паказваць.

Потым — чаканне. Цягучае, вязкае. Латарэя, дзе стаўка — само жыццё. Пашанцуе гэтым разам ці не?

Секунды расцягваюцца. Ты прыслухоўваешся, нібы можаш пачуць нешта раней за іншых.

І раптам — глухія прылёты ўдалечыні. Ты выдыхаеш. Значыцца, не сюды, пранесла.

Але часам усё інакш. Гэтым разам палёгка накрывае мацней, чым звычайна, з ноткамі эйфарыі.

Бо сёння ў гэтай гульні са смерцю яна была куды бліжэй, чым звычайна. Але ты ўсё адно выжыў.

2,120

190

Połk Kalinoŭskaha / Полк Каліноўскага

17-may, 2026, 05:27

🎥 Video

🚀«Страляла па фашыстах, цяпер страляе па рашыстах». Параўнанне самай цяжкай і самай лёгкай артылерыйскіх сістэм у арсенале байцоў Палка Каліноўскага. Самы буйны калібр падраздзялення — 155-мм амерыканская гаўбіца M114. Маса гарматы складае 5,8 тоны, максімальная…

2,920

202

Połk Kalinoŭskaha / Полк Каліноўскага

17-may, 2026, 05:27

Наземныя дроны на фронце: як артылерысты Палка Каліноўскага выкарыстоўваюць НРК

На Запарожскім кірунку нашы байцы актыўна ўкараняюць у працу беспілотныя тэхналогіі. На відэа паказаны працэс загрузкі снарадаў на наземны рабатызаваны комплекс (НРК) ад украінскага вытворцы Ratel. Платформа кіруецца дыстанцыйна па абароненым радыёканале і дастаўляе цяжкі боекамплект наўпрост на агнявыя пазіцыі. Галоўная задача такой тэхнікі — выканаць лагістычную працу на прыстраляным участку і выключыць рызыку для асабовага складу пры транспартаванні боепрыпасаў.

Выкарыстанне колавых дронаў — толькі адзін з эпізодаў франтавога побыту артылерыстаў. Падрабязней пра ўладкаванне ўкрыццяў у мясцовым грунце, спецыфіку працы з цяжкім узбраеннем, а таксама асабістую гісторыю добраахвотніка Золтана і выратаванага ім сабакі Беляша можна даведацца ў https://youtu.be/22OCx_mZsEQ.

А падтрымаць нашых артылерыстаў заўжды можна тут: https://send.monobank.ua/jar/5V2h2PGcgB

Video Thumbnail

2,450

188

Połk Kalinoŭskaha / Полк Каліноўскага

17-may, 2026, 05:27

📷 Photo

26.04.1986. ЧАРНОБЫЛЬ. Памятаем і асэнсоўваем.

«Роўна 40 гадоў таму адбылася аварыя на Чарнобыльскай АЭС» — гэта можна прачытаць сёння бадай ва ўсіх медыя. Праз чатыры дзесяцігоддзі пра катастрофу пішуць як пра стыхійнае ліха, што адбылося прыродным чынам: як залева ці ўраган. Узгадкі пра Чарнобыль штучна абмяжоўваюцца развагамі пра лёс людзей, якія згубілі свае дамы, здароўе ці жыццё, альбо ўшанаваннем подзвігу ліквідатараў (якія былі пазбаўленыя Лукашэнкам статусу і адпаведных выплат яшчэ ў 90-я). А размовы пра ролю дзяржавы, непрафесійнасць і адсутнасць адказнасці яе канкрэтных дзеячаў і сістэмы ў цэлым былі замененыя на бясконцы дыскурс пра небяспеку «мірнага атама» як такога. Апошні раз мы сур’ёзна задумаліся пра наступствы Чарнобыля, сярод якіх дагэтуль жывём, у 2019 годзе — і тое дзякуючы стваральнікам серыялу HBO.

Зараз можна пачуць падобныя безасабовыя фармулёўкі: як стыхійнае ліха сама сабой пачалася вайна, сам сабой адбыўся напад з тэрыторыі Беларусі на Украіну, самі па сабе ляцяць ракеты і самі сабой наводзяцца дроны, самі па сабе адбываюцца рэпрэсіі і ламаюцца лёсы.

Але прыродным чынам усё адбываецца толькі ў самой прыродзе. У свеце людзей у кожнай падзеі ці з’яве ёсць свае свядомыя і несвядомыя аўтары і выканаўцы. І таму важна ўсведамляць як сваю, так і чужую ролю ў тым, што адбываецца тут і зараз. Пераадоленне ўсяго, што здзейснена супраць нас, магчымае толькі праз наша свядомае і адказнае дзеянне.

Połk Kalinoŭskaha / Полк Каліноўскага

17-may, 2026, 05:27

🎥 Video

🚀«Страляла па фашыстах, цяпер страляе па рашыстах». Параўнанне самай цяжкай і самай лёгкай артылерыйскіх сістэм у арсенале байцоў Палка Каліноўскага.

Самы буйны калібр падраздзялення — 155-мм амерыканская гаўбіца M114. Маса гарматы складае 5,8 тоны, максімальная далёкасць паражэння базавым аскепачна-фугасным снарадам — 14,6 км. Яна стала працуе як стацыянарны агнявы пункт для падтрымкі пяхоты. Галоўная тэхнічная асаблівасць гарматы — спецыфічная сістэма зараджання.

«M114 — старэнькая 43-га года. Разбіралі яе рукамі, здымалі цалкам люк затвора, як у тарпедным апараце. Няма гільзаў, увесь зарад згарае проста з мяшочкаў. Прыкольна, што няма гільзаў. Не трэба іх вывозіць туды-сюды, нічога не захрасае», — тлумачыць артылерыст Палка Золтан.

Найменшы калібр — 60-мм украінскі мінамёт КБА-118. Ён прызначаны для падаўлення навесным агнём жывой сілы і агнявых сродкаў праціўніка. Зброя забяспечвае стралковым падраздзяленням агнявую падтрымку і суправаджэнне пры вядзенні баявых дзеянняў.

Факт: вага мінамёта складае ўсяго 13 кг, максімальная далёкасць паражэння — да 2500 метраў, а хуткастрэльнасць дасягае 35 стрэлаў за хвіліну. Для эфектыўнай працы патрабуецца разлік з 2-3 чалавек.

Нягледзячы на розніцу ў габарытах і дыстанцыях працы, гістарычная задача ў зброі адна. Як рэзюмуе Золтан працу амерыканскай гаўбіцы: «Страляла па фашыстах, цяпер страляе па рашыстах. Кола замкнулася». Дарэчы, дапамагчы артылерыстам працягваць гэтую https://send.monobank.ua/jar/5V2h2PGcgB, праз PayPal [email protected] або па нумару карткі: 4874 1000 2261 7057

#НашаЗброя

Połk Kalinoŭskaha / Полк Каліноўскага

17-may, 2026, 05:27

📷 Photo

Дроны самі на пазіцыі не прыляцяць!

Адкрыты збор на грузавы мікрааўтобус Ford Transit для забеспячэння баявой працы ўсіх разлікаў БПЛА Палка Каліноўскага.

Сума збору: 150 000 грн.

Транспарт неабходны для маштабнай і аператыўнай перакідкі новых дронаў, спецабсталявання і крытычна важных грузаў з базавых складоў у размяшчэнне нашых разлікаў.

Грузавы бус — гарантыя таго, што ўсе пілоты Палка будуць забяспечаны неабходным для бесперапыннага знішчэння праціўніка, не губляючы часу на чаканне паставак з тылу.

Падтрымаць збор можна тут:
https://send.monobank.ua/jar/7icSu6s1RT

3,770

Połk Kalinoŭskaha / Полк Каліноўскага

17-may, 2026, 05:27

📷 Photo

Хрыстос васкрос!.. Усюды радасць,
Усё глядзіць смялей, святлей;
Вялікі мучальнік, здаецца,
Абняў ўсіх ласкаю сваей.

Хрыстос васкрос!.. Неугамонна
Плыве па нівах, пушчах клік,
Плыве адна святая думка
З канца ў канец, як свет вялік.

Хрыстос васкрос! — пяе сялянін
З сваёй убогаю раднёй,
Забыўшы песні аб прадвесні,
Забыўшы ўсё усёй душой.

Хрыстос васкрос! — пяе сіротка,
Слуга, таптаная людзьмі;
Пяе ў чужыне падарожны,
Забыты бліжнімі сваймі.

Хрыстос васкрос! — пяюць і тыя,
Хрыста згубіўшыя сыны,
Што ўціхамоўку куюць путы
Для нашай беднай стараны.

Хрыстос васкрос!.. К табе, о Божа,
І я ў дзень гэты просьбу шлю:
Хай Беларусь, мая старонка,
Ўваскрэсне к вольнаму жыццю!

Янка Купала, 1911 г

4,010

Połk Kalinoŭskaha / Полк Каліноўскага

27-mar, 2026, 23:14

📷 Photo

У Кіеве, падчас сёлетняга форуму «Шлях да волі», наш пабрацім Яўген «Салам» Жураўскі быў узнагароджаны адзнакай галоўнакамандуючага Узброеных Сіл Украіны «За сумленную службу». Ганарымся і віншуем!

532

140

Połk Kalinoŭskaha / Полк Каліноўскага

27-mar, 2026, 23:14

📷 Photo

Сёння, на Дзень Волі, у Запарожжы адбылася ўрачыстасць узнагароджання ваяроў Палка Каліноўскага.

За баявыя заслугі і асабістую мужнасць, праяўленую ў полі бою, нашы пабрацімы атрымалі шэраг узнагарод: адзнакі міністра абароны — ваенны крыж, крыж доблесці і жалезны крыж, ведамасныя ўзнагароды за баявыя заслугі, а таксама — медаль Рады БНР за баявыя заслугі.

Гэта вялікі гонар для беларускіх добраахвотнікаў. Віншуем пабрацімаў!
І віншуем усіх беларусаў з Днём Волі!

2,350

270

Połk Kalinoŭskaha / Полк Каліноўскага

27-mar, 2026, 23:14

🎥 Video

Приймаємо вітання з Днем Волі із сесійної зали Верховної Ради України. Дякуємо міжфракційному об’єднанню «За демократичну Білорусь»!

Прымаем вітанні з Днём Волі з сесійнай залы Вярхоўнай Рады Украіны. Дзякуем міжфракцыйнаму аб’яднанню «За дэмакратычную Беларусь»!

2,110

271

Połk Kalinoŭskaha / Полк Каліноўскага

27-mar, 2026, 23:14

📷 Photo

🇺🇦🦉🌎4 роки: відзначає річницю! ⠀
9 березня 2022 року з білоруських добровольців сформовано батальйон імені Кастуся Калиновського. ⠀
У травні 2022 сформовано полк. ⠀
Відтоді підрозділ пройшов крізь найгарячіші точки війни. ⠀
Десятки воїнів Полку віддали свої життя. ⠀
Десятки відзначені державними нагородами.
Від імені українського народу вітаємо особовий склад полку зі святом. ⠀

🇺🇦🦉🌎 ⠀
4 Years: The Anniversary! ⠀
March 9, 2022: Belarusian volunteers formed Kastus Kalinouski battalion. ⠀
May 2022: it was reorganized into a regiment. ⠀
Since then, the unit has fought through the fiercest battles of the war. ⠀
Dozens of warriors have given their lives. ⠀
Dozens have been awarded state honors. ⠀
On behalf of the Ukrainian people, we extend our congratulations to the personnel of the regiment on their holiday. ⠀
⠀
🇺🇦🦉🌎 ⠀
4 гады: адзначае гадавіну! ⠀
9 сакавіка 2022 года з беларускіх добраахвотнікаў быў сфармаваны батальён імя Кастуся Каліноўскага. ⠀
У траўні 2022 года батальён ператварыўся ў полк. ⠀
З таго часу падраздзяленне прайшло праз самыя гарачыя кропкі вайны. ⠀
Дзясяткі ваяроў Палка аддалі свае жыцці. ⠀
Дзясяткі былі адзначаны дзяржаўнымі ўзнагародамі. ⠀
Ад імя ўкраінскага народа шчыра віншуем асабовы склад палка са святам. ⠀

⚡️Долучайся до лав підрозділу!⠀
⠀
https://www.instagram.com/legion_recruiting?igsh=aDNkMHJzZ2N2Zmhl 👈⠀
https://www.instagram.com/legion_recruiting?igsh=aDNkMHJzZ2N2Zmhl https://base.monobank.ua/legionsupport?utm_content=link_in_bio&fbclid=PAdGRleAQT9cxleHRuA2FlbQIxMQBzcnRjBmFwcF9pZA8xMjQwMjQ1NzQyODc0MTQAAaeJBJZ6ZxJUzeazGyi6hkq7UNSnnk-czi04nn5Q3XJ72ibIPQsYJxC-BRc5rw_aem_6IyfPITJjTnrxofYOEXD3w&utm_source=ig&utm_medium=social#subscriptions ✅

Міжнародний легіон ГУР
в інших соціальних мережах:
🔸 https://youtube.com/@international_legion_diu 🔸 https://www.instagram.com/international_legion_diu?igsh=Ym5hYjBhZmYxaGh4&utm_source=qr
🔸 https://www.facebook.com/profile.php?id=61563368745991🔸 https://x.com/diu_legion
🔸 https://www.legiondiu.com/

Połk Kalinoŭskaha / Полк Каліноўскага

27-mar, 2026, 23:14

📷 Photo

Гэты мілы белы птах лічыцца мірным, бо не носіць баявога зараду.
Але жах на ворага ён наводзіць.

Птах лётае пры любым надвор’і. Яго можна зблытаць з савой, бо ён амаль бясшумны.
Мае вельмі востры зрок — можа разгледзець нават пяту акупанта, што хаваецца пад капотам свайго карча. Бо птах абсталяваны высакаякаснай камерай.

Калі ён працуе, пяхотнікі могуць спакойна выспацца, а артылерысты — дакладна і эфектыўна адпрацаваць па мэтах.

Так, нашыя ваяры атрымліваюць сапраўднае задавальненне, асвойваючы сучасныя тэхналогіі падчас трэніровак з новым бортам-разведчыкам Vector.
Бо праца з такой тэхнікай — гэта не толькі эфектыўнасць на полі бою, але і сапраўдны драйв: калі высокія тэхналогіі, дакладнасць і майстэрства аператара зліваюцца ў адну каманду. І тады кожны палёт — гэта не проста місія, а адчуванне поўнага кантролю над сітуацыяй у небе.

2,540

Połk Kalinoŭskaha / Полк Каліноўскага

25-mar, 2026, 06:16

📷 Photo

4 сакавіка ад варожага дрона падчас выканання баявой задачы загінуў Васіль «Дзір» Рапіцкі. Ён шмат гадоў жыў ва Украіне, стварыў тут сям’ю і меў цалкам мірную прафесію. Аднак на пачатку поўнамаштабнай вайны далучыўся да батальёна «Волат» у Палку Каліноўскага, удзельнічаў у абароне Кіева, у баявых дзеяннях на Мікалаеўскім і Херсонскім напрамках, у Данецкай і Луганскай абласцях, у Бахмуце і на іншых участках фронту. «Дзір» заставаўся паслядоўна верным свайму выбару. Апошнія два гады ён выконваў баявыя задачы ў іншым падраздзяленні.

У «Дзіра» засталіся жонка і двое непаўналетніх дзяцей. Вельмі важна, каб яны адчулі ўсебаковую падтрымку ў такі цяжкі час.

Падтрымаць іх фінансава можна пераводам на ўкраінскі рахунак:
4149 4990 8177 5155 — Svitlana Rapitska.

4,010

Połk Kalinoŭskaha / Полк Каліноўскага

25-mar, 2026, 06:16

📷 Photo

Масленіца для байцоў Палка Каліноўскага прайшла з сапраўдным хатнім цяплом дзякуючы магутнай падтрымцы ўкраінцаў. Яны наўпрост прывезлі вялікую і вельмі кранальную перадачу.

Супрацоўнікі дзіцячага садка ЗДО 203 "Казкова країна", малыя і іх бацькі аб'ядналі намаганні, каб парадаваць нашых ваяроў. Яны напяклі цэлую гару святочных бліноў, сабралі шмат хатняга варэння, джэмаў, печыва ды іншых прысмакаў. Але, бадай, самым каштоўным падарункам сталі папяровыя анёлы, якіх дзеці зрабілі сваімі рукамі.

Мы шчыра дзякуем кожнаму, хто далучыўся да гэтага збору. Вашы клопат, выдаткаваны час і ўкладзеная праца вельмі шмат значаць. Падтрымка людзей, якія побач — гэта надзейны тыл, што дае нашаму падраздзяленню дадатковыя сілы. Дзякуй вам.

2,890

Połk Kalinoŭskaha / Полк Каліноўскага

25-mar, 2026, 06:16

📷 Photo

Калядны збор для дзяцей беларускіх добраахвотнікаў нарэшце цалкам завершаны апошнімі пераводамі на рахункі сем’яў нашых ваяроў.

Нам разам трымалася сабраць 324 000 грн — гэта 84% ад запланаванай сумы. Дзясяткі дзяцей ужо атрымалі свае калядныя падарункі. І ў гэтым — ваш удзел, ваша салідарнасць, ваша сэрца.

Шчыра дзякуем кожнаму, хто падтрымаў збор фінансава. У час, калі вакол дзясяткі іншых ініцыятыў і пастаянная патрэба ў дапамозе, вы знайшлі магчымасць падтрымаць менавіта гэты клопат — пра дзяцей тых, хто ваюе або ўжо не вернецца дадому.

Асобная падзяка ўсім, хто дапамагаў інфармацыйна: дзяліўся допісамі, распавядаў пра збор, нагадваў пра яго. У сённяшніх умовах інфармацыйная падтрымка — гэта не менш важны ўнёсак, чым фінансавы.

Таксама дзякуем тым, хто дапамог вырашыць праблемы пераводаў: сем’і беларускіх добраахвотнікаў жывуць у розных краінах, і, паколькі ва Украіне дзейнічае ваенны стан з адпаведнымі абмежаваннямі, ўзнікалі затрымкі з пераводам сродкаў на рахункі розных замежных банкаў. Дзякуючы вашай дапамозе удалося вырашыць і гэтыя пытанні.

Мы часта гаворым пра падтрымку тых, хто са зброяй у руках абараняе Украіну. Але не менш важна памятаць пра іх сем’і. Пра дзяцей, якія растуць з разуменнем цаны свабоды. Падтрымліваючы іх, мы падтрымліваем і тых, хто стаіць на фронце. Бо за кожным ваяром — сям’я, любоў і тое, дзеля чаго ён змагаецца.

Дзякуй вам за тое, што вы гэта разумееце.

Połk Kalinoŭskaha / Полк Каліноўскага

16-mar, 2026, 15:50

🎥 Video

1461 день. 48 місяців. Рівно 4 роки.
Стільки триває повномасштабна війна.
У найтемніші часи є люди, які не стоять осторонь.
Поруч із українцями стоять білоруси.
У лавах Полку Калиновського та в інших підрозділах.
Понад 90 білорусів віддали свої життя.
Пам’ятаємо кожного.
Пам’ять робить нас сильнішими. Наполегливість веде нас.


1461 days. 48 months. Exactly 4 years.
This is how long the full-scale war has lasted.
In the darkest times, there are those who do not stand aside.
Belarusians stand alongside Ukrainians.
In the ranks of the Kalinouski Regiment and other units.
More than 90 Belarusians have given their lives.
We remember each and every one.
Memory makes us stronger. Perseverance drives us forward.


1461 дзень. 48 месяцаў. Роўна 4 гады.
Столькі доўжыцца поўнамаштабная вайна.
У найцямнейшыя часы ёсць людзі, якія не стаяць у баку.
Побач з украінцамі стаяць беларусы.
У шэрагах Палка Каліноўскага і іншых падраздзяленняў.
Больш за 90 беларусаў аддалі свае жыцці.
Памятаем кожнага.
Памяць робіць нас мацнейшымі. Упартасць вядзе нас наперад.

39,900

Połk Kalinoŭskaha / Полк Каліноўскага

16-mar, 2026, 15:50

📷 Photo

Памяць пра палеглых герояў для беларусаў — гэта не проста даніна павагі, але неад’емная частка нашай культуры. Памяць — гэта наш унутраны мост праз час. І пакуль гэты мост стаіць, народ застаецца народам. Нават ва ўмовах, калі шмат каго з нас раскідала па свеце, нам важна шанаваць і наведваць месцы нацыянальнай памяці.

Лес каля сяла Машчун пад Кіевам — адно з такіх месцаў. У сакавіку 2022 года тут адбылася адна з найважнейшых бітваў за абарону ўкраінскай сталіцы.

13 сакавіка 2022 года тут загінуў Аляксей «Тур» Скобля — беларус, які далучыўся да абароны Украіны яшчэ ў часы, калі ў свеце напад Расеі на Украіну амаль ніхто не хацеў называць вайной.

Падчас бою з пераўзыходнымі сіламі праціўніка ён атрымаў цяжкае раненне сцегнавой артэрыі. Усе спробы пабрацімаў дапамагчы яму ён спыніў загадам аб адступленні, а сам застаўся прыкрываць групу. Дзякуючы яго намаганням група змагла адысці. 14 сакавіка ў яго павінен быў быць дзень народзінаў — яму споўнілася б 32 гады. Аляксей «Тур» Скобля пасмяротна атрымаў званне «Герой Украіны».

Напярэдадні 4-й гадавіны пачатку поўнамаштабнай вайны прадстаўнікі нашай грамады разам з сябрамі валанцёрскага хабу «Сустрэча» наведалі народны мемарыял на месцы гібелі Тура. Мы зрабілі звычайныя і неабходныя рэчы — прыбралі снег, памянялі кветкі, усталявалі наш сцяг. І заклікаем усіх беларусаў, якія знаходзяцца ва Украіне, наведваць нашыя месцы памяці: сяло Машчун, Бучанскі раён, мемарыял «Янголи Перемоги».

Showing 20 of 20 posts

No more posts