Huquqshunos yordami

Public

Kanalni ko'rish

Qo'shila olmaysizmi? @Huquqshunos_yordami

29.2k A'zolar

Yangilangan: May 12, 2026 at 5:45 AM

Huquqshunos yordami

Реклама бериш учун👉 @Akbar_1504 Ҳуқуқшуносга саволлар юбориш учун 👇👇 @Online_maslaxatchii @telefon_orqali_maslaxat

@Huquqshunos_yordami is a growing community focused on online_maslaxatchii and telefon_orqali_maslaxat and related topics

Reyting

Global reyting

#456

Til reytingi

#45

Toifa reytingi

#23

-1

Obunachilar sonining o'sishi (Oxirgi 12 kun ichida)

Jami: 29.2K

24 soatlik o'sish: +0 0%

So'nggi postlar

Huquqshunos yordami

11-may, 2026, 19:36

Avtomototransportlarni jarima maydonchasidan olib chiqish yuzasidan elektron murojaat qilish tartibi belgilandi

Hukumat qarori (208-son, 28.04.2026-y.) bilan “Avtomototransport vositalarini jarima maydonchasidan olib chiqish yuzasidan Davlat yo‘l harakati xavfsizligi xizmatiga elektron murojaat qilishning ma’muriy reglamenti tasdiqlandi.

🏛 Reglamentga ko‘ra, Ichki ishlar vazirligi Jamoat xavfsizligi departamenti Yo‘l harakati xavfsizligi xizmati va uning hududiy bo‘linmalari mazkur sohada vakolatli organ hisoblanadi.

✅ Davlat xizmati quyidagilardan biri orqali ko‘rsatiladi:

▫️ YIDXP ( http://my.gov.uz/);
▫️ Davlat yo‘l harakati xavfsizligi xizmatining mobil ilovasi;
▫️ Davlat xizmatlari markazlari.

📝 Murojaat qiluvchi YIDXP ( http://my.gov.uz/) yoki mobil ilova orqali murojaat qilganda, so‘rovnomani elektron tarzda to‘ldiradi.

✔️ So‘rovnomaga kiritilgan murojaat qiluvchi ma’lumotlarining haqqoniyligi avtomatlashtirilgan tizim orqali tekshiriladi.

🔎 Vakolatli organ murojaatni ko‘rib chiqish jarayonida quyidagilarni tekshiradi:

🔹 avtomototransportni jarima maydonchasiga joylashtirish sabablari va ushlab turish asoslari bartaraf etilgani;

🔹 yoki ma’muriy huquqbuzarlik to‘g‘risidagi ish ko‘rib chiqilib, qonuniy qaror qabul qilingani.

🗒 Murojaatni ko‘rib chiqish natijasiga ko‘ra, yuqoridagilar tasdiqlanganda, murojaat qiluvchiga YAIDXP yoki mobil ilova orqali 1 ish kuni ichida avtomototransportni jarima maydonchasidan olib chiqish mumkinligi haqida xabarnoma yuboriladi.

Savol yuborish uchun 👇👇

https://t.me/Online_maslaxatchii

6,150

Huquqshunos yordami

11-may, 2026, 19:36

O’RINDOSHLIK ASOSIDA ISHLASHIM MUMKINMI

Savol: Men tibbiyot tashkilotida 1 stavka xisobchi bo’lib ishlayman. 1 aprel 2026 yildan 5 kunlikka o’tganmiz. Shunda qo’shimcha 0,5 stavka iqtisodchi lavozimida ishlasam bo’ladimi?

Javob: Mehnat kodeksining 487-moddasi Tashkilot rahbarining, uning oʻrinbosarlarining, tashkilot bosh buxgalterining va tashkilot alohida boʻlinmasi rahbarining oʻrindoshlik asosida ishlashi haqida. Unga ko’ra:

Tashkilot rahbari, uning oʻrinbosarlari, tashkilot bosh buxgalteri va tashkilot alohida boʻlinmalarining rahbari boshqa ish beruvchida faqat tashkilotning vakolatli organi yoki tashkilot mulkdori yoxud mulkdor vakolat bergan shaxs (organ) ruxsati bilan oʻrindoshlik asosida ishlashi mumkin.

Yuqoridagi qoidaga asosan, 0,5 stavkada ichki o’rindoshlik asosida iqtisodchi lavozimida vakolatli organning roziligi bilan ishlashingiz mumkin.

Savol yuborish uchun 👇👇

https://t.me/Online_maslaxatchii

6,240

Huquqshunos yordami

11-may, 2026, 19:36

💰Qachon pensiyaga chiqishim mumkin va qancha pensiya olaman? Oddiy tushuntiramiz!

Yoshi ulg‘ayib borayotgan har bir insonni bir savol o‘ylantiradi? “Davlat menga qancha pensiya to‘laydi?”
Aslida bu hisob-kitoblar murakkabdek tuyuladi, lekin keling, hammasini oddiy qilib tushuntirishga harakat qilamiz.

📌 Yoshga doir pensiya kimlarga beriladi?

✅Erkaklar – 60 yosh, kamida 25 yil ish staji
✅Ayollar – 55 yosh, kamida 20 yil ish staji

👉Agar kamida 7 yil ish stajingiz bo‘lsa — to‘liqsiz pensiya olasiz.
👉Agar 7 yil ham bo‘lmasa — nafaqa beriladi
(erkaklar 65 yoshda, ayollar 60 yoshda)

📊 Pensiya qanday hisoblanadi?

Pensiya quyidagi formula bilan aniqlanadi:

P = PTM + OS + PU

Bu nimani anglatadi?

💎PTM – sizning o‘rtacha oylik ish haqingizning 55%
💎OS – ortiqcha ishlagan yillaringiz uchun qo‘shimcha;
💎PU – turli ustamalar (imtiyozlar, qo‘shimchalar).

↗️ Muhim jihati nimada!

💡O‘rtacha ish haqi hisoblashda sizning oxirgi 10 yildagi eng yaxshi ketma-ket 5 yillik maoshingiz olinadi

⚠️ Biroq, 2025-yildan hisoblashda maksimal ish haqi 5 652 000 so‘mgacha (ya’ni pensiya hisoblash bazaviy miqdorining 12 karrasi miqdorida hisoblanadi, 12*471 ming= 5 mln 652 ming) olinadi.
Eski maoshlar bugungi qiymatga moslab indeksatsiya qilinadi.

🧠 Xulosa qilib aytganda, qancha ko‘p va rasmiy ishlasangiz, pensiyangiz ham shuncha yuqori bo‘ladi! Biroq maksimal miqdori 5 mln 652 mingdan boshlab chiqasiz maksimal bilan hisoblanib pensiyaga chiqsangiz.

Savol yuborish uchun 👇👇

https://t.me/Online_maslaxatchii

Huquqshunos yordami

11-may, 2026, 19:36

📷 Photo

💥 Talabalar uchun xushxabar: to‘lov-kontrakt xarajatlarini qoplashda yordam beriladi!

❗️Endilikda “Ijtimoiy reyestr”ga kiritilgan oilalarning 14 yoshdan 30 yoshgacha bo‘lgan a’zolari to‘lov-kontrakt summasining bir qismini “Yoshlar daftari” jamg‘armasi hisobidan qoplanishiga https://my.gov.uz/uz/service/1374 mumkin.

❓ Kimlar ariza topshirishi mumkin?

🎓 Mazkur yordamdan faqat kunduzgi ta’lim shaklida to‘lov-kontrakt asosida o'qiydigan quyidagi shaxslar foydalanishi mumkin:

🟢 professional ta’lim tashkilotlari o‘quvchilari;
🟢 davlat va nodavlat oliy ta’lim tashkilotlari talabalari;
🟢 O‘zbekiston hududidagi xorijiy oliy ta’lim tashkilotlari va ularning filiallarida bakalavriat yoki magistratura bosqichida tahsil olayotgan talabalar.
💰 Yordam miqdori to‘lov-kontrakt summasining 50 foizigacha, biroq BHMning 50 baravaridan oshmagan miqdorda qoplab berilishi mumkin.
⏳ Arizani ko‘rib chiqish muddati 8 ish kunini tashkil etadi.

⚠️ Mazkur yordam quyidagilarga tatbiq etilmaydi:

🗄 ikkinchi va undan keyingi mutaxassislikda tahsil olayotganlar;
🗄 sirtqi, kechki yoki masofaviy ta’lim shaklida o‘qiyotganlar;
🗄 qo‘shma ta’lim dasturlari bo‘yicha tahsil olayotganlar;
🗄 tabaqalashtirilgan to‘lov-kontrakt, ya’ni “super-kontrakt” asosida o‘qiyotganlar.

❓ Jarayon qanday amalga oshiriladi?

⏺ Talabgor http://my.gov.uz/ orqali https://my.gov.uz/uz/service/1374
⏺ Ariza “Mahalla yettiligi” tomonidan ko‘rib chiqiladi.
⏺ Ijobiy qaror qabul qilingach, mablag‘ https://telegra.ph/Ijtimoiy-shartnoma-shartlarini-bajarish-muhim-04-28 dastlabki oyda bajarilish darajasiga qarab, ta’lim tashkilotining bank hisobvarag‘iga o‘tkaziladi.
❗️Mazkur imkoniyat yoshlarning ta’lim olishiga ko‘maklashish, ularning ijtimoiy himoyasini kuchaytirish hamda ta’lim xarajatlari bo‘yicha moliyaviy yukni kamaytirishga xizmat qiladi.
📣 Ushbu xabarni talaba do‘stlaringizga ham ulashing!



Savol yuborish uchun 👇👇

https://t.me/Online_maslaxatchii

Huquqshunos yordami

11-may, 2026, 19:36

❓9-may munosabati bilan necha kun dam beriladi?

2025-yil dekabrida imzolangan prezident https://lex.uz/uz/docs/-7938920 ko‘ra, 2026-yilda haftasiga 5 kun ishlaydigan xodimlar uchun 11-may – dushanba kuni ko‘chirilgan dam olish kuni sifatida belgilangan. Chunki joriy yilgi 9-may haftaning shanba kuniga to‘gʻri kelmoqda.

🔹Demak, haftasiga 5 kun ishlaydiganlar ketma-ket 3 kun dam oladi:

➖9-may, shanba – odatiy dam olish kuni;
➖10-may, yakshanba – odatiy dam olish kuni;
➖11-may, dushanba – Xotira va qadrlash kuni munosabati bilan koʻchirilgan dam olish kuni.

🔹Haftasiga 6 kun ishlaydiganlar esa ketma-ket 2 kun dam oladi:

➖9-may, shanba – Xotira va qadrlash kuni – ishlanmaydigan dam olish kuni;
➖10-may, yakshanba – odatiy dam olish kuni.

Savol yuborish uchun 👇👇

https://t.me/Online_maslaxatchii

10,400

Huquqshunos yordami

11-may, 2026, 19:36

BARCHA FARZANDLARGA MEROS TENG TAQSIMLANADIMI

❓ SAVOL: Men yashayotgan uy qaynonamni nomida, qaynona vafot qilgan holda meros qanday taqsimlanadi? 4 ta farzandi bor qaynonamni. Javob uchun oldindan rahmat.

✅Javob: Fuqarolik kodeksining 1118-moddasi Merosxoʻrlar haqida. Unga ko‘ra:

Meros ochilgan paytda hayot boʻlgan fuqarolar, shuningdek meros qoldiruvchining hayotlik paytida homila holida boʻlgan va meros ochilgandan keyin tirik tugʻilgan bolalari vasiyat va qonun boʻyicha merosxoʻr boʻlishlari mumkin.

Yuqoridagi qoidaga asosan, qaynonangizni 4 nafar farzandi teng merosxo‘r bo‘lishadi yaʼni har bir farzandiga 25 foizdan ulush ajratiladi.

Savol yuborish uchun 👇👇

https://t.me/Online_maslaxatchii

8,600

Huquqshunos yordami

11-may, 2026, 19:36

MEHNATGA LAYOQATSIZLIK NAFAQASI O’RINDOSHLIK ASOSIDAGI ISH JOYIDAN HAM TO’LANADIMI

Savol: Men rus tili fani o’qituvchisiman maktabda (asosiy)  va bog’chada o’rindoshlik asosida ishlayman yaqinda sog’lig’imda muammo borligi uchun bir yarim oy mehnatga layoqatsizlik taʼtilida bo’ldim savolim shuki
Menga Vaqtincha mehnatga layoqatsizlik nafaqasini faqat asosiy (bitta) joyda to’laydi deyishyapti shu qanchalik to’g’ri va asos bormi?

Javob: Oʻrindoshlik asosida hamda bir necha kasbda va lavozimda ishlash tartibi toʻgʻrisidagi Nizomning 18-bandi Oʻrindoshlar oʻrindoshlik asosidagi ish joyi boʻyicha vaqtincha mehnatga layoqatsizlik nafaqasi olish, ayollar esa, bundan tashqari, homiladorlik va tugʻish nafaqalari olish huquqiga egadir.

Yuqoridagi qoidaga asosan, siz o’rindoshlik ish joyizdan ham mehnatga layoqatsizlik nafaqasi olishingiz mumkin.

Savol yuborish uchun 👇👇

https://t.me/Online_maslaxatchii

7,730

Huquqshunos yordami

11-may, 2026, 19:36

📷 Photo

#2026_yil_1_maydan

🚫 Qonunchilikka ko‘ra, aliment to‘lovlarini undirish tizimi samaradorligini oshirish maqsadida aliment bo‘yicha qarzdorlik mavjud bo‘lganda qarzdorlik to‘liq bartaraf etilguniga qadar alohida yirik bitimlarni amalga oshirish, ayrim turdagi moliya-kredit va davlat xizmatlaridan foydalanishni cheklash tartibi joriy etiladi.

Savol yuborish uchun 👇👇

https://t.me/Online_maslaxatchii

8,280

Huquqshunos yordami

11-may, 2026, 19:36

Uy-joyga muhtoj yosh oilalarga ipoteka kreditlari ajratiladi

“Yangi O‘zbekiston yoshlari – 2030” strategiyasini tasdiqlash hamda yoshlarni har tomonlama qo‘llab-quvvatlash chora-tadbirlari to‘g‘risida”gi Prezident Farmoni (PF–66-son, 20.04.2026-y.) qabul qilindi.

🔰 Farmon bilan 2026–2030 yillarga mo‘ljallangan “Yangi O‘zbekiston yoshlari – 2030” strategiyasi (Strategiya) tasdiqlandi hamda uning ustuvor yo‘nalishlari belgilandi.

⏭️ Farmonga ko‘ra, 2026-yil 1-iyulgacha nodavlat qo‘shimcha ta’lim xizmatlari ko‘rsatuvchi subyektlarning yuqori natijalarga erishgan o‘qituvchilari xorijiy ilg‘or ta’lim markazlariga stajirovkaga yuboriladi.

💰 Olis va chekka hududlarda xorijiy tillarga o‘qitish bo‘yicha nodavlat qo‘shimcha ta’lim xizmatlari ko‘rsatishni tashkil etish uchun foizsiz qarz (ssuda) ajratilgan va faoliyatini kengaytirmoqchi bo‘lgan subyektlarga BHMning 730 baravarigacha miqdorda foizsiz qarz (ssuda) ajratib boriladi.

💸 2027-yil 1-yanvardan uy-joyga muhtoj yosh oilalarga birlamchi bozordan kvartira sotib olish uchun quyidagi tartibda ipoteka kreditlarini ajratish yo‘lga qo‘yiladi:

🔹 Ipoteka dasturi doirasida ipoteka kreditlari bo‘yicha hisoblangan foiz to‘lovlarining Markaziy bank asosiy stavkasidan oshgan qismi Davlat budjetidan qoplab beriladi;

🔹 quyidagi asosiy ijtimoiy mezonlarga muvofiq keladigan yosh oilalarga ipoteka krediti ajratiladi:

▪️ ariza beruvchi hamda uning turmush o‘rtog‘i 30 yoshdan oshmagan bo‘lishi;

▪️ ariza beruvchi hamda uning turmush o‘rtog‘i nomida so‘nggi 3 yilda mulk huquqi asosida ko‘chmas mulk mavjud emasligi.

Savol yuborish uchun 👇👇

https://t.me/Online_maslaxatchii

Huquqshunos yordami

11-may, 2026, 19:36

📷 Photo

#Amal_qiling

⚠️ Qonunchilikka ko‘ra, tazyiq, zo‘ravonlik yoki shafqatsizlikni targ‘ib qiluvchi mahsulotni tarqatish, reklama qilish, namoyish etish maqsadida tayyorlash yoki O‘zbekiston hududiga olib kirish, uni reklama qilish, namoyish etish, tarqatish, shu jumladan Internet jahon axborot tarmog‘ida tarqatish, —

➖ mahsulotni musodara qilib, fuqarolarga – BHMning 50 baravaridan 400 baravarigacha;

➖ mansabdor shaxslarga – 100 baravaridan 450 baravarigacha jarima solishga sabab bo‘lishi https://lex.uz/docs/97664#6437288

✅ Shuningdek, ma’muriy jazo qo‘llanilganidan keyin shunday harakatlarni sodir etganlik uchun jinoiy javobgarlik ham https://lex.uz/docs/111453#6437715

‼️Qonunni bilmaslik javobgarlikdan ozod qilmaydi...

Savol yuborish uchun 👇👇

https://t.me/Online_maslaxatchii

7,060

Huquqshunos yordami

30-mar, 2026, 23:46

🎥 Video

🌙 Ramazon oyining ulug‘ “HAYIT” kuniga va Juma ayyomiga yetkazgani uchun Yaratganga hamdu sanolar bo‘lsin!

🕋 Men uchun eng yaqin bo‘lgan insonim, Ramazon HAYITI va Juma ayyomingiz muborak bo‘lsin

9,770

Huquqshunos yordami

30-mar, 2026, 23:46

📷 Photo

❗️ Ramazon hayiti va Navro'z bayrami munosabati bilan necha kun dam olamiz?

🔰 Bayramlar munosabati bilan quyidagi kunlar dam olinadi:

🔹 20-mart (juma) – Ramazon hayiti kuni – barcha uchun dam olish kuni;

🔹 21-mart (shanba) – Navro'z bayrami kuni – barcha uchun dam olish kuni;

🔹 22-mart (yakshanba) – dam olish kuni;

🔹 23-mart (dushanba) - 5 kunlik ish haftasidagi xodimlar uchun dam olish kuni (ishlanmaydigan bayram kuni dam olish kuniga to'g'ri kelganligi sababli, bayramdan keyingi ish kuniga ko'chirilgan dam olish kuni) 6 kunlik ish haftasidagi xodimlar uchun ish kuni.

Savol yuborish uchun 👇👇

https://t.me/Online_maslaxatchii

10,600

Huquqshunos yordami

30-mar, 2026, 23:46

✈️ Bugun hamma xodimlar 1 soat vaqtli ketishga haqli

Mehnat kodeksining 187-moddasiga ko‘ra, bayram kunlari arafasida har kunlik ishning (smenaning) davomiyligi barcha xodimlar uchun kamida 1 soatga qisqartiriladi.

Ertaga 20-mart — Ramazon hayiti, dam olish kuni sifatida belgilangan bayram. Demak, bugun, 19-mart kuni barcha xodimlar 1 soat vaqtliroq uyiga ketishiga qonuniy haqqi bor.

💻 Eslatib o’taman, bayramdan oldingi kuni ishning (smenaning) davomiyligini qisqartirish imkoni bo‘lmagan uzluksiz ishlaydigan tashkilotlarda va ayrim turdagi ishlarda ortiqcha ishlaganlik xodimga qo‘shimcha dam olish vaqti berish yoki xodimning roziligi bilan ish vaqtidan tashqari ish uchun belgilangan normalar bo‘yicha haq to‘lash orqali kompensatsiya qilinadi.

Savol yuborish uchun 👇👇

https://t.me/Online_maslaxatchii

9,760

Huquqshunos yordami

30-mar, 2026, 23:46

📣 SUBSIDIYAGA ARIZA BERISH BOSHLANDI

Subsidiya olish uchun Davlat xizmatlari markazlariga bevosita borgan holda yoki  https://my.gov.uz/oz/service/325 orqali (mobil ilovada ham) mustaqil ravishda ariza topshirish kerak.

Subsidiya ajratishda ijtimoiy mezon ishlab chiqilgan. Bunda arizachilar bir nechta mezonlar bo‘yicha ball to‘plashi mumkin.

Oylik maoshga qarab hududlarda (Qoraqalpog‘iston va viloyatlar) quyidagicha ball beriladi:

🚨MHTEKMning 2,7 barobaridan 7 barobarigacha yoki  3 431 700 so‘mdan 8 897 000 so‘mgacha — 10 ball;
🚨MHTEKMning 7 barobaridan ko‘p va 8 barobarigacha yoki 8 897 000 so‘mdan 10 168 000 so‘mgacha — 5 ball.

Toshkent shahrida esa quyidagicha:

🚨MHTEKMning 2,7 barobaridan 8 barobarigacha yoki 3 431 700 so‘mdan 10 168 000 so‘mgacha — 10 ball;
🚨MHTEKMning 8 barobaridan ko‘p va 9,2 barobarigacha yoki 10 168 000 so‘mdan 11 693 200 so‘mgacha — 5 ball.

Butun mamlakatda ariza beruvchi yoki uning oilasiga tegishli mulk yoki turar-joy bo‘lmasligi — 20 ball.

“Labor-migration” dasturida ro‘yxatdan o‘tgan mehnat migranti — 10 ball.

Olis yoki chekka hududlarda mehnat faoliyatini amalga oshiruvchi mutaxassislar, tibbiyot xodimlari — 5 ball.

30 yoshgacha bo‘lgan yoshlar — 5 ball.

Og‘ir ijtimoiy ahvolga tushib qolgan ayollar (ajrashgan, beva yoki yolg‘iz onalar) — 5 ball.

“Tibbiy ijtimoiy ekspertiza” tizimidan ro‘yxatdan o‘tganlar — 5 ball.

➡️Subsidiya qancha miqdorda beriladi?

2024 yildan boshlab yangi uylar uchun ipoteka kreditlariga subsidiyalar qatʼiy belgilangan 30 mln so‘m miqdorida to‘lab berilmoqda.

Talabgor xohishi bilan subsidiya quyidagi tartibda ham to‘lanishi mumkin:

🚨dastlabki to‘lovning bir qismini qoplash uchun — ajratiladigan kreditning 15 foizi miqdorida;
🚨foiz to‘lovlarining bir qismini qoplash uchun — kredit muddatining birinchi 5 yili davomida 12 foizdan oshgan qismiga.

2025 yil va undan keyingi yillar dasturlari doirasidagi kreditlar bo‘yicha esa Markaziy bankning asosiy stavkasidan (14 foiz) oshgan qismiga to‘lanadi.

O‘zbekistonliklarga subsidiya asosida ipoteka krediti Qoraqalpog‘iston Respublikasi va viloyatlarda 380 mln, Toshkent shahrida esa 480 mln so‘mgacha beriladi.

Agarda dastlabki to‘lovning bir qismini qoplash tanlanadigan bo‘lsa, 50 mln so‘mgacha subsidiya olish mumkin bo‘ladi.

➡️ Subsidiya berish yana qay holatda rad etiladi?

🚨taqdim etilgan arizada ko‘rsatilgan maʼlumotlar ijtimoiy mezonlarga mos kelmaganda;
🚨taqdim etilgan maʼlumotlar noto‘g‘ri yoki soxta bo‘lganda;
🚨ilgari imtiyozli ipoteka kreditlaridan foydalangan holda subsidiya olganlar (avval olingan uy-joy boshqa shaxsga begonalashtirib yuborilgan taqdirda ham) takroriy murojaat etganda;
🚨joriy yilda hudud uchun ajratiladigan subsidiya soni tugaganda.

Shunday qilib, http://my.gov.uz/ portaliga kirib,  https://my.gov.uz/oz/service/325 xizmati orqali darhol ariza topshiring!

⚠️ OneID orqali ruxsat berishni unutmang!

Ariza topshirish jarayonida OneID‘dagi shaxsiy maʼlumotlarni boshqarish paneli orqali banklarga kredit tarixini ko‘rib chiqish uchun ruxsat berish kerak.

Masalan, Agrobankka ruxsat yoqib qo‘yiladigan bo‘lsa, bankning  https://agrobank.uz/uz/person/loans/mortgage ipoteka krediti orqali subsidiya olish mumkin bo‘ladi.

Bu ipoteka krediti uchun boshlang‘ich to‘lov 15 foizdan boshlanadi va yillik 17 foiz bilan ipoteka krediti hamda subsidiya olish imkoniyatiga ega bo‘lasiz.

Ruxsatnoma yoqish sizning arizaningizni baholash uchun muhimdir.

Savol yuborish uchun 👇👇

https://t.me/Online_maslaxatchii

Huquqshunos yordami

30-mar, 2026, 23:46

📣 Bugun soat 14:00 dan boshlab Ipoteka kreditlari boʻyicha subsidiyalar toʻlashning maqsadli koʻrsatkichlari doirasida arizalar qabul qilish boshlanadi

📌  Ipoteka kreditlari bo‘yicha subsidiya olishda ariza beruvchi ijtimoiy mezonlar asosida baholash natijasiga ko‘ra 30 va undan yuqori ball to‘plashi hamda kredit tarixi dasturda ishtirok etuvchi kamida bitta tijorat bankining ichki talablariga mos bo‘lishi talab etiladi.

✅  Bunda ariza beruvchida, shu jumladan, uning turmush o‘rtog‘ining nomida respublikaning barcha hududlari miqyosida mulk huquqi bilan turar joy mavjud bo‘lmasligi, shuningdek, oʻrtacha oylik daromadi miqdori belgilangan ijtimoiy mezonlar doirasida bo‘lishi lozim.

Subsidiya olish uchun quyidagi usullar:

🔵 Davlat xizmatlari markazlariga bevosita murojaat qilish;
🔵 myGov mobil ilovasi;
🔵 http://my.gov.uz/ portalida, mazkur havola orqali ariza topshirishingiz mumkin.

🔴 Muhim eslatma:

🔹 Ariza beruvchi tomonidan ariza topshirish (baholash) davrida OneID tizimida shaxsga doir ma’lumotlarni boshqarish paneli orqali ishtirok etuvchi tijorat banklariga kredit tarixini baholash maqsadida tegishli ma’lumotlardan foydalanish uchun ruxsat berilgan bo‘lishi lozim (tijorat banklari ro‘yxati ilovada). Shuningdek, kredit tarixini olishga cheklov vaqtincha o‘rnatilmagan bo’lishi kerak. Aks holda, ariza beruvchining kredit tarixini o’rganish imkoniyati cheklanib, uning arizasi rad etilishiga sabab bo‘ladi.

🔹 Harbiy tuzilmalar xodimlari bevosita davlat xizmatlari markaziga murojaat qilgan holda ariza topshirishlari mumkin.

Savol yuborish uchun 👇👇

https://t.me/Online_maslaxatchii

Huquqshunos yordami

30-mar, 2026, 23:46

📷 Photo

📢📢📢📢📢

📣  Ipoteka kreditlari boʻyicha subsidiyalar toʻlashning maqsadli koʻrsatkichlari doirasida arizalar qabul qilish joriy yilning 16-mart kuni soat 14:00 da boshlanishini maʻlum qilamiz

📌  Ipoteka kreditlari bo‘yicha subsidiya olishda ariza beruvchi ijtimoiy mezonlar asosida baholash natijasiga ko‘ra 30 va undan yuqori ball to‘plashi hamda kredit tarixi dasturda ishtirok etuvchi kamida bitta tijorat bankining ichki talablariga mos bo‘lishi talab etiladi.

✅  Bunda ariza beruvchida, shu jumladan, uning turmush o‘rtog‘ining nomida respublikaning barcha hududlari miqyosida mulk huquqi bilan turar joy mavjud bo‘lmasligi, shuningdek, oʻrtacha oylik daromadi miqdori belgilangan ijtimoiy mezonlar doirasida bo‘lishi lozim.

Subsidiya olish uchun quyidagi usullar:

🟣 Davlat xizmatlari markazlariga bevosita murojaat qilish;
🟣 myGov mobil ilovasi;
🟣 http://my.gov.uz/ portalida, https://my.gov.uz/oz/service/325 orqali ariza topshirishingiz mumkin.

🔴 Muhim eslatma:

🔹 Ariza beruvchi tomonidan ariza topshirish (baholash) davrida https://t.me/MyGovUz shaxsga doir ma’lumotlarni boshqarish paneli orqali ishtirok etuvchi tijorat banklariga kredit tarixini baholash maqsadida tegishli ma’lumotlardan foydalanish uchun ruxsat berilgan bo‘lishi lozim (tijorat banklari ro‘yxati ilovada). Shuningdek, kredit tarixini olishga cheklov vaqtincha o‘rnatilmagan bo’lishi kerak. Aks holda, ariza beruvchining kredit tarixini o’rganish imkoniyati cheklanib, uning arizasi rad etilishiga sabab bo‘ladi.

🔹 Harbiy tuzilmalar xodimlari bevosita davlat xizmatlari markaziga murojaat qilgan holda ariza topshirishlari mumkin.

Ariza beruvchining kredit tarixi tijorat banklarining ichki qoidalariga muvofiqligini baholash orqali subsidiyali ipoteka kreditlarini ajratish dasturida ishtirok etuvchi tijorat banklarining ROʻYXATI

1. “Agrobank” ATB
2. “Aloqabank” ATB
3. “Asakabank” AJ
4.  “Asia Alliance Bank” ATB
5. “Biznesni rivojlantirish banki” ATB
6. “Hamkorbank” ATB
7.  “Ipak yoʻli” AITB
8. “Ipotekabank” OTP Group
9.  “Mikrokreditbank” ATB
10.  “Orient Finans” XATB
11. “Trastbank” XAB
12. “Turonbank” ATB
13. “Xalq banki” ATB
14. “Oʻzmilliybank” AJ
15. “Oʻzsanoatqurilishbank” ATB



Savol yuborish uchun 👇👇

https://t.me/Online_maslaxatchii

Huquqshunos yordami

30-mar, 2026, 23:46

📷 Photo

#Bilasizmi

❗️ Kamida 21 yoshga to'lganda nikoh tuzgan yosh oilalar rag'batlantiriladi

Batafsil infografikada👆

Savol yuborish uchun 👇👇

https://t.me/Online_maslaxatchii

7,410

Huquqshunos yordami

30-mar, 2026, 23:46

📷 Photo

❓ Dekretga chiqmasdan ishlash mumkinmi?

Ko‘pchilik homilador ayollar “Ishlab ham yuraman, dekret pulini ham olaman” deb o‘ylab, dekretga chiqmasdan ishlashni xohlashadi. Lekin qonunchilik bu masalaga boshqacha qaraydi.

📖O‘zbekiston Respublikasi Mehnat kodeksining
404-moddasiga ko‘ra, ayolga:

tug‘ruqqacha 70 kun,

tug‘ruqdan keyin 56 kun (tug‘ish qiyin kechsa yoki ikki va undan ortiq bola tug‘ilsa 70 kun)
homiladorlik va tug‘ish ta’tili beriladi.

Shu davr uchun ayolga nafaqa to‘lanadi va u o‘rtacha oylik ish haqining kamida 75 foizidan kam bo‘lmasligi kerak.

📄 Amaldagi tartibga ko‘ra, homilador ayolga 30-haftadan boshlab 126 kunlik mehnatga layoqatsizlik varaqasi beriladi.
Bu esa shuni anglatadiki, 30-haftadan keyin ayol mehnatga layoqatsiz hisoblanadi va ishlashi mumkin emas. https://t.me/yuriskonsult_official

Savol yuborish uchun 👇👇

https://t.me/Online_maslaxatchii

Huquqshunos yordami

30-mar, 2026, 23:46

🚗 Mashina qachon jarima maydonchasiga olib kiriladi❓

Yo‘l harakati qoidalarini buzganingiz uchun YHXH xodimi mashingizni to‘xtatdi va jarima maydonchasiga olib ketishini aytdi. Lekin qonunga ko‘ra bu hamma holatlarda mumkin emas.

MJtK 291-moddaga ko‘ra, transport vositasi faqat quyidagi holatlarda ushlab turilishi mumkin:

1) tormoz, rul boshqaruvi yoki ulovchi qurilma nosoz yoki ruxsatnomasiz qayta jihozlangan mashinani boshqarish;

2) foydalanish taqiqlangan mashinalarni, davlat raqam belgisi o‘zboshimchalik bilan yechib olingan mashinalarni boshqarish;

3) davlat raqam belgisi yasama yoki o‘zgartirilgan mashinalarni, boshqa mashinani raqami qo‘yilgan mashinalarni boshqarish;

4) ruxsatnomasiz yuk mashinalarini boshqarish, yuk tashish qoidalaridan chetga chiqish;

5) ruxsatnomasiz “tonirovka” qo‘yish;

6) ruxsatsiz tovush chiqaruvchi va yorituvchi maxsus qurilmalarni o‘rnatish, davlat raqam belgilarini ko‘rish imkoniyatini cheklaydigan, ularni anglashga to‘sqinlik qiladigan turli ashyolar o‘rnatish va qoplama surtish;

7) Avtomobil transportida yo‘lovchilar tashish faoliyati bilan litsenziyasiz shug‘ullanish;

8) transport vositalarini mast holda boshqarish;

9) hujjatlarsiz mashina haydash, (bundan sug‘urta polisi, malaka oshirish sertifikatisiz boshqarish mustasno);

10) mastlikka test topshirishdan bosh tortish;

11) yo‘l-transport hodisasi yuz bergan joydan ketib qolish;

12) ichki ishlar organi xodimining transport vositasini to‘xtatish to‘g‘risidagi qonuniy talabini bajarmaslik;

13) epidemiyalarga qarshi kurash qoidalarini buzish, transport vositalarining harakatlanishiga cheklovlar buzilishi qismida;

⌛ Shuningdek, agar Siz jarima solish to‘g‘risidagi organ tomonidan jarima solingandan so‘ng 60 kun ichida to‘lanmasa mashina jarima maydoniga tortilishi mumkin.

Savol yuborish uchun 👇👇

https://t.me/Online_maslaxatchii

Huquqshunos yordami

30-mar, 2026, 23:46

📷 Photo

#Bilasizmi

☑️ Qonunchilikka ko'ra, ta'lim tashkilotlarining o'quvchi va talabalari o'qishning butun davri davomida, biroq 23 yoshga to'lguniga qadar boquvchisini yo'qotganlik pensiyasini olish https://lex.uz/docs/-112314#-127115

Savol yuborish uchun 👇👇

https://t.me/Online_maslaxatchii

7,660

Showing 20 of 20 posts

No more posts

Reyting

Kirish talab qilinadi

Foydalanuvchi sharhlari (0)

Hali sharhlar yo'q. Birinchi bo'lib tajribangizni baham ko'ring!

Tegishli Telegram kanallari

Loading recommended channels...

Huquqshunos yordami

Huquqshunos yordami

Reyting

Obunachilar sonining o'sishi (Oxirgi 12 kun ichida)

So'nggi postlar

Reyting

Foydalanuvchi sharhlari (0)

Tegishli Telegram kanallari

SAMRUK-KAZYNA official

ULYSMEDIA.KZ

MILITSIYA UZB | Расмий канал

Paziyletuz | Рәсмий канал

Ақмола соттары

БАЖ Беларуская асацыяцыя журналістаў

Путешествия Узбекистан TrekkingClub

Połk Kalinoŭskaha / Полк Каліноўскага

Tegishli Telegram kanallari

SAMRUK-KAZYNA official

ULYSMEDIA.KZ

MILITSIYA UZB | Расмий канал

Paziyletuz | Рәсмий канал

Ақмола соттары

БАЖ Беларуская асацыяцыя журналістаў

Путешествия Узбекистан TrekkingClub

Połk Kalinoŭskaha / Полк Каліноўскага

Foydalanuvchi sharhlari (0)

So'nggi postlar