ДУОНИ НОТЎҒРИ ҚИЛИБМАН!
Ассалому алайкум, аслзода ўқирманлар. Саломатмисиз?
"Бу череччур келишган йигит қайга кетаяпти?" десангиз, хотинларнинг тили билан айтганда "Хиёнат қилишга"га кетаяпти.
"Командиропкага кетаяпман" десангиз, "Тинчликми? Охирги пайтда командиропкаларингиз кўпайиб кетти" деб қолишади-ку) Биз эркаклар оилам, бола-чақам деб кетамиз, командиропкага. Хиёнат қилишгамас) Тўғри, баъзида кичкинагина "Микрохиёнат"ча қилиб қўйишимиз мумкин. Аммо, қалбимиз тоза))
Ана, қизиб ҳам олдик) Энди, асосий мавзуга ўтайлик. Яқинда бир дўстим "Дуони тўғри қилиш" ҳақида гапириб қолди. Мен ҳам анчадан бери шу ҳақида ўйлаб юрганим учун у фикр мойдай ёқиб тушди. Ота-оналаримиз "Яхши жойларда ишла, яхши жойларда ўқи!" деб дуо қилишади-ку. Шу дуони сал ўзгартириш керакми, дейман-да. Дуони бундан ҳам катта сўраш керак. "Болам яхши жойларда ишласин! " эмас, "Яхши жойлар боламга ишласин!", "Яхши бизнеслар болам учун ишласин", "Пул, омад, боламнинг ортидан қувиб юрсин!", "Иш-иш деб бошқалар учун ишламай оила-бола-чақаси билан бахтли-хотижрам ҳаёт кечирсин-у, пул ўзи келаверсин!" деб қилсак бўлади-ку)
Мана, яхши жойларда ўқисин дейишганди, ўқидик. Ишласин дейишганди, ишлаяпмиз)
Сидқидилдан қилинган дуо амалга ошиш хусусиятига эга. Шунинг учун тўғри сўрашни ўрганиш керакми, дейман-да) Қўй боқиб юрган пайтларим, талабалик пайтларда "Командиропка" га кетаётганларни кўриб шундай ҳавас қилиб сўрардим. Бизга ҳам насиб қилсин деб) Дуоларим ижобат бўлиб бошим командиропкадан чиқмай қолса бўладими) Миндей ўйлаб қарасам нотўғри сўраган эканман-да) Ҳозир, самолётни кўрсам кўнглим айнийдиган, командиропкани эшитсам "Эҳ, турқинг қурғур, янами?" дейдиган даражада безор бўлганман)
Кейин, буни ечимини топдим. Ўз услубимнинг сирини сизларга ҳам айтай) Хуллас, Хуфтондан кейин яқинлар, ўтганлар, устозлар ҳамманинг ҳаққига дуо қилиб бўлгандан кейин, "Худбинлик"ни ёқиб, 5 дақиқа фақат ўзингиз учун дуо қиласиз, сўрайсиз. Сўраганда ҳам сидқидилдан сўрайсиз. Катта-катта сўрайверинг, қўрқманг. "Эй, Ҳудожон, шу бетайин ўғлимнинг ишларига ғойибдан омад бер. Кўрганлар юғе, шу кечагина ейишга нони йўқ Мардон бекоркасал шу даражада кучайиб кеттими деб юборсин!" деб чин кўнгилдан сўранг-да, ижобат бўлади. Мен буни кўп синаб кўрганман. Нимаики сўраган бўлсам амалга ошган.
Ҳозир нимани сўраётганимни айтайми? "Эй, Ҳудожоним, ўзинга ҳамду-санолар бўлсин. Нима сўрасам бераяпсан. Шу яқин келажакда шундай бўлай-ки, ишга бормай, ишламай, уйда бўлай-да, пул ўзи келиб турсин. Ишга сарфлаётган вақтимни оиламга, ота-онамга, фарзандларимга ва бошлаб қўйган китобларимни ёзишга, ижод билан илм билан шуғулланишга сарфлай!" деб дуо қилаяпман)
Сал ҳаддимдан ошиб сўраяпман-у, лекин ишонаман. Аллоҳ сўраганимни беради)
Шунақа гаплар, аслзода ўқирманлар. Нега бундай келишган, омадли, илмли, бой ва мақтанчоқ эканлигимни, бундай натижаларга қандай эришганимни сирини сизларга текинга ўргатдим) Шунақа зўрманда мен) Бўпти, ҳозир самолёт учиб кетиб қолса веламан бошлиқдан гап эшитиб)
Баҳодир Ниппоний - Яхши кунларда сиз билан бирга. Садоқатлилардан сўранг)
👈
