Islom Nuri

Public

Не можете присоединиться? @islomnuricom

2k Участники

Обновлено: May 18, 2026 at 11:46 AM

Islom Nuri

🌐 Веб сайтимиз: www.islomnuri.com Эски саҳифамиз: www.islamnuri.com 📹 YouTube каналимиз: https://youtube.com/channel/UCs7UPQVU2iYBPLn1KqMtC7w 📧 Бизга боғланиш учун: [email protected]

@islomnuricom offers specialized information about youtube and wwwislomnuricom for subscribers interested in Веб-сериалы

Рейтинг

Глобальный рейтинг

#456

Рейтинг по языку

#45

Рейтинг по категории

#23

-1

Рост участников (Последние 7 дней)

Всего: 2.0K

Рост за 24ч: +0 0%

Последние посты

Islom Nuri

18 мая 2026 г., 20:11

📷 Photo

​​​​​​​​​​​​«Aлбатта, Aллоҳ ва Унинг фаришталари Пайғамбарга саловат айтурлар. Эй иймон келтирганлар! Сиз ҳам унга салавот айтинг ва салом юборинг».
. . . . . . . . . .
(Aҳзоб сураси, 56-оят.)
. . . . . . . . . .
Aллоҳумма солли ва саллим ала Набиййина Муҳаммад...
. . . . . . . . . .

485

Islom Nuri

18 мая 2026 г., 20:11

📷 Photo

484

Islom Nuri

18 мая 2026 г., 20:11

📷 Photo

​​​​​​🕌 #Жума_суннатлари

• Ғусл қилиш;
• Хушбўйланиш;
• Мисвок билан тишларни тозалаш;
• Покиза кийимларни кийиш;
• Каҳф сурасини ўқиш;
• Пайғамбаримиз соллаллоҳу алайҳи ва салламга кўп салавот айтиш;
• Масжидга эртароқ бориш;
• Жума кунида яширинган дуо ижобат бўладиган вақтни топишга интилиш.

📤 Каналдаги маълумотлар ва дарсларни яқинларингизга ҳам улашинг.

532

Islom Nuri

18 мая 2026 г., 20:11

#СаволЖавоб

Зулҳижжа ойининг дастлабки ўн кунлигидаги энг афзал амаллар

Савол:
Мусулмон киши Зулҳижжа ойининг дастлабки ўн кунида нималар қилиши керак?

Жавоб:
Аллоҳ таолога ҳамду санолар, Пайғамбаримизга, у зотнинг аҳли оилалари ва саҳобаларига салавот ва саломлар бўлсин.

Зулҳижжанинг дастлабки ўн куни жуда баракали кунлардир. Уларнинг фазилати ва қадр-қиммати улуғлигидан Аллоҳ таоло Қуръони каримда бу кунлар билан қасам ичиб, бундай деган: «Тонгга қасам! Ва (Зулҳижжадаги) ўн кечага қасам!» (Фажр, 1, 2).

Ибн Аббос розияллоҳу анҳумодан ривоят қилинган ҳадисда Расулуллоҳ соллаллоҳу алайҳи ва саллам дедилар: «Бошқа ҳеч қайси кунларда қилинган солиҳ амал Аллоҳга мана шу кунлардаги (яъни Зулҳижжанинг ўн кунлигидаги) амалчалик севимли эмас». Шунда саҳобалар: «Ё Расулуллоҳ, Аллоҳ йўлидаги жиҳод ҳамми?» деб сўрашди. У зот: «Аллоҳ йўлидаги жиҳод ҳам (бу кунлардаги амалга тенг келолмайди). Фақатгина жони ва моли билан жиҳодга чиқиб, уларнинг ҳеч бири билан қайтмаган (яъни молини ҳам, жонини ҳам фидо қилган) киши бундан мустаснодир», дедилар (Бухорий ривояти).

Шундай экан, мусулмон киши бу кунларда ибодатларга қаттиқ киришиши лозим. Жумладан, намозларни кўпайтириши, Қуръон тиловат қилиши, Аллоҳни кўп зикр қилиши ва истиғфор айтиши, қариндошлик ришталарини боғлаши ва бошқа турли солиҳ амалларни бажариши мақсадга мувофиқдир.

Бу кунларга оид энг таъкидланган амаллардан бири рўза тутишдир. Чунки Пайғамбаримиз соллаллоҳу алайҳи ва саллам бу кунларда рўза тутганлар. У зотнинг баъзи аёлларидан ривоят қилинади: «Расулуллоҳ соллаллоҳу алайҳи ва саллам Зулҳижжанинг тўққиз кунида рўза тутар эдилар» (Абу Довуд ва бошқа муҳаддислар «Сунан»ларида ривоят қилган).

Абу Қатода розияллоҳу анҳудан ривоят қилинади: Бир киши Расулуллоҳ соллаллоҳу алайҳи ва салламдан: «Арафа куни рўза тутиш ҳақида нима дейсиз?» деб сўради. У зот: «Ўтган ва келаси йилги гуноҳларга каффорат бўлишини Аллоҳдан умид қиламан», деб жавоб бердилар (Аҳмад ривояти).

Ислом дини кўрсатмасига биноан бу ўн кунликнинг яна бир муҳим одоби шуки, қурбонлик қилишни ният қилган киши янги ой кўрингандан бошлаб (яъни Зулҳижжа киргач), то қурбонлигини сўйгунига қадар сочи ёки баданидаги тукларини олдириши ва тирноқларини олиши макруҳ ҳисобланади. Умму Салама розияллоҳу анҳодан ривоят қилган ҳадисда Пайғамбаримиз соллаллоҳу алайҳи ва саллам бундай деганлар: «Зулҳижжанинг ҳилолини кўрсангиз ва бирортангиз қурбонлик қилмоқчи бўлса, (то қурбонлигини сўйгунича) сочи ва тирноқларини олишдан ўзини тийсин!» (Муслим ривояти).

Валлоҳу аълам.

Манба: «Islam web» саҳифаcи, 28832-рақамли фатво.

Islom Nuri

18 мая 2026 г., 20:11

🎥 Video

◀️ Ҳаж ибодатининг фазилати

🎙 Шайх Абдулҳафиз Домла раҳимаҳуллоҳ

🔵

599

Islom Nuri

18 мая 2026 г., 20:11

[poll]

601

Islom Nuri

18 мая 2026 г., 20:11

#Тафсири_муяссар

سورة فاطر

Фотир сураси, 29–35 оятлар

إِنَّ الَّذِينَ يَتْلُونَ كِتَابَ اللَّهِ وَأَقَامُوا الصَّلَاةَ وَأَنفَقُوا مِمَّا رَزَقْنَاهُمْ سِرًّا وَعَلَانِيَةً يَرْجُونَ تِجَارَةً لَّن تَبُورَ (٢٩) لِيُوَفِّيَهُمْ أُجُورَهُمْ وَيَزِيدَهُم مِّن فَضْلِهِ ۚ إِنَّهُ غَفُورٌ شَكُورٌ (٣٠)

29, 30. Қуръон ўқийдиган ва унга амал қиладиган кишилар, намозларини ўз вақтида тўкис адо этадиган, Биз ризқ қилиб берган мол-дунёлардан фарз ва ихтиёрий нафақаларни махфий ва ошкора суратда берадиган кишилар – ана ўшалар ҳеч касод ва барбод бўлмайдиган тижоратни, яъни Парвардигорларининг розилиги ва мўл-кўл ажру савобига эришишни орзу қиладилар. Зеро, Аллоҳ таоло уларнинг амаллари мукофотини ҳеч камайтирмай, тўла-тўкис қилиб беради ва ўз фазлу марҳамати билан уларга ажр-савобларни бир неча баробар кўпайтиради. Аллоҳ уларнинг ёмонликларини кечирувчи, яхши амалларини тақдирловчи зотдир. У уларнинг яхшиликларини мўл-кўл ажру савоблар билан мукофотлайди.

وَالَّذِي أَوْحَيْنَا إِلَيْكَ مِنَ الْكِتَابِ هُوَ الْحَقُّ مُصَدِّقًا لِّمَا بَيْنَ يَدَيْهِ ۗ إِنَّ اللَّهَ بِعِبَادِهِ لَخَبِيرٌ بَصِيرٌ (٣١)

31. Эй Расул, Биз сизга нозил қилган Қуръон сиздан олдинги пайғамбарларга нозил қилган китобларимизни тасдиқловчи ҳақ китобдир. Шубҳасиз, Аллоҳ бандаларининг аҳволидан хабардор, уларнинг амалларини кўриб турувчи ва амалларига муносиб жазо ва мукофотлар берадиган зотдир.

ثُمَّ أَوْرَثْنَا الْكِتَابَ الَّذِينَ اصْطَفَيْنَا مِنْ عِبَادِنَا ۖ فَمِنْهُمْ ظَالِمٌ لِّنَفْسِهِ وَمِنْهُم مُّقْتَصِدٌ وَمِنْهُمْ سَابِقٌ بِالْخَيْرَاتِ بِإِذْنِ اللَّهِ ۚ ذَٰلِكَ هُوَ الْفَضْلُ الْكَبِيرُ (٣٢)

32. Ўтган умматлар ҳалок бўлиб кетганидан кейин Биз ўзимиз танлаган умматга – Муҳаммад саллаллоҳу алайҳи ва салламнинг умматига Қуръонни ато этдик. Бу уммат ичида баъзи гуноҳлар қилиш билан ўзига зулм қилувчи кимсалар ҳам бор. Улар ичида ўртача йўлни ушлаган, яъни фақат фарзларни адо этувчи ва ҳаромдан четланувчи кишилар ҳам бор. Улар ичида Аллоҳнинг изни билан барча яхшиликларни қилишда ўзувчи, яъни фарз бўлсин, нафл бўлсин, ҳар қандай яхши амалларни қилишга тиришувчи ва уларни бажаришга ошиқувчи кишилар ҳам бор. Бу умматнинг танланиши ва уларга китоб берилиши жуда катта марҳаматдир.

جَنَّاتُ عَدْنٍ يَدْخُلُونَهَا يُحَلَّوْنَ فِيهَا مِنْ أَسَاوِرَ مِن ذَهَبٍ وَلُؤْلُؤًا ۖ وَلِبَاسُهُمْ فِيهَا حَرِيرٌ (٣٣) وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ ۖ إِنَّ رَبَّنَا لَغَفُورٌ شَكُورٌ (٣٤) الَّذِي أَحَلَّنَا دَارَ الْمُقَامَةِ مِن فَضْلِهِ لَا يَمَسُّنَا فِيهَا نَصَبٌ وَلَا يَمَسُّنَا فِيهَا لُغُوبٌ (٣٥)

33-35. Аллоҳ ўзининг китобини ато этган бу зотлар учун абадий маскан бўлувчи жаннатлар бор. Улар у ерда тилла билакузуклар ва марваридлар билан безанадилар. Уларнинг жаннатдаги оддий либослари ҳам ипак матодан бўлади. Улар жаннатга кирган пайтларида шундай дейдилар: «Биздан ҳар қандай ғам-қайғуни кеткизган Аллоҳга ҳамду санолар бўлсин. Раббимиз Ғафур – ўта кечирувчи бўлганидан бизнинг хатоларимизни кечирди. У Шакур – ўта қадрловчи бўлганидан яхши амалларимизни қабул қилиб, уларни бир неча баробар кўпайтирди. У бизни ўз фазли билан жаннат диёрига жойлаштирди. Бу ерда бизга машаққат ҳам, чарчоқ ҳам етмайди».

Islom Nuri

18 мая 2026 г., 20:11

📷 Photo

569

Islom Nuri

18 мая 2026 г., 20:11

Ойша розияллоҳу анҳодан ривоят қилинади:
– «Ё Расулуллоҳ, биз (аёллар) сизлар билан бирга ғазот ва жиҳод қилмаймизми?» - дедим. Шунда Набий соллаллоҳу алайҳи ва саллам:
– «Сизлар учун энг яхши ва энг гўзал жиҳод ҳаждир, ҳаж мабрурдир» - дедилар.

Ойша розияллоҳу анҳо айтади: «Расулуллоҳ соллаллоҳу алайҳи ва салламдан ушбу сўзларни эшитганимдан бери қолдирмай ҳаж қиламан».

📚 Бухорий ривояти

671

Islom Nuri

18 мая 2026 г., 20:11

📷 Photo

614

Islom Nuri

3 мая 2026 г., 23:34

Аллоҳ таоло бандаларига саҳар пайтида яқин келади. Ўша онда қалб ва бадан У зотга тавба-тазарру, дуо ва истиғфор ила юзланиши даркор!

✍🏻 Шайх Абдулазиз Тарифий

545

Islom Nuri

3 мая 2026 г., 23:34

📷 Photo

🌴🌴 Эртага 23.04.2026, ҳижрий тарихда 6 – зулқаъда, 1447 йил пайшанба! 🌴🌴

Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи ва саллам дедилар: «Амаллар ҳар душанба, пайшанба кунлари (Аллоҳга) кўрсатилади. Менинг амалим рўзадор бўлган ҳолимда кўрсатилишини истайман» (Имом Термизий ривояти).

Агар қодир бўлсангиз рўзадорлар карвонига қўшилинг! Агар қодир бўлолмасангиз, бошқа диндошларингизга эслатинг. Билмайсизки, сизнинг эслатишингиз сабабли қанчалар рўза тутаркин! Сиз сабабли рўза тутган киши баробарида сизга ҳам савоб ёзилади.

📤 Азизларингизга улашишни унутманг!

933

Islom Nuri

3 мая 2026 г., 23:34

🎥 Video

◀️ Маййитнинг сифатларини айтиб йиғлаш

🎙 Шайх Абдулҳафиз Домла раҳимаҳуллоҳ

🔵

601

Islom Nuri

3 мая 2026 г., 23:34

#СаволЖавоб

Ҳаром ойларда савоб ва гуноҳлар кўпайтириб ёзиладими?

Савол:
Ҳаром (муқаддас) ойлар ҳақида маълумот берсангиз. Улар қайси ойлар? Бу ойларда қилинган амалларнинг савоби, шунингдек, гуноҳлари ҳам кўпайтириб ёзиладими?

Жавоб:
Аллоҳга ҳамду санолар, Пайғамбаримизга, у зотнинг оила аъзолари ва саҳобаларига салавот ва саломлар бўлсин.

Ҳаром ойлар тўртта бўлиб, улар зулқаъда, зулҳижжа, муҳаррам ва ражаб ойларидир. Абу Бакра розияллоҳу анҳудан ривоят қилган ҳадисда Пайғамбаримиз соллаллоҳу алайҳи ва саллам бундай деганлар: «Замон Аллоҳ осмонлару ерни яратган кунидагидек ўз ҳолига қайтди. Бир йил ўн икки ойдир. Улардан тўрттаси ҳаром ойлардир. Учтаси кетма-кет келади: зулқаъда, зулҳижжа ва муҳаррам. Тўртинчиси жумодус-соний билан шаъбон ўртасидаги Музар қабиласининг ражаб ойидир» (Бухорий ва Муслим ривояти).

Ҳадисда «Жумодус-соний билан шаъбон ўртасидаги Музар қабиласининг ражаб ойи» деб алоҳида таъкидланишининг сабаби бор. Чунки Рабеа қабиласи Рамазон ойини муқаддас санаб, уни «ражаб» деб атар эди. Музар қабиласи эса асл ражаб ойининг ўзини муқаддас санарди. Шунинг учун Пайғамбаримиз соллаллоҳу алайҳи ва саллам Музар қабиласининг тутуми тўғри эканини тасдиқлаш ва баён қилиш мақсадида «Жумодус-соний билан шаъбон ўртасидаги» деб аниқлик киритиб ўтганлар.

Бу ойларда савоб ва гуноҳларнинг кўпайтириб ёзилишига келсак, баъзи уламолар ушбу оятга суяниб, буни тасдиқлаганлар: «Аллоҳнинг китобида (Лавҳул маҳфузда) битилганига кўра, Аллоҳ осмонлару ерни яратган кунда ойлар сони ўн икки ой қилиб белгиланган. Улардан тўрттаси (уруш) ҳаром қилинган ойлардир. Мана шу энг тўғри диндир. Ушбу ойларда жонингизга зулм қилманглар!» (Тавба, 36).

Ибн Касир раҳимаҳуллоҳ «Тафсир»да бундай дейди:
«"Ушбу ойларда жонингизга зулм қилманглар!" яъни мазкур ҳаром ойларда гуноҳ қилманглар. Чунки бу ойларда қилинган гуноҳ бошқа ойлардагидан оғирроқ ва ёмонроқдир. Худди Ҳарамда (Макка ҳудудида) қилинган гуноҳлар кўпайтириб ёзилгани каби. Аллоҳ таоло айтади: "Ким Масжиди Ҳаромда зулм билан ҳақдан оғишни истаса, Биз унга аламли азобни тоттирамиз" (Ҳаж, 25). Худди шундай, ҳаром ойларда қилинган гуноҳларнинг жазоси ҳам оғирлаштирилади. Шунинг учун Шофеий мазҳаби ва бошқа кўплаб уламолар наздида бу ойларда жиноят қилганларнинг, шунингдек, Ҳарам ҳудудида ёки яқин қариндошини ўлдирган кишининг хун ҳақи (дияси) оширилади».

Сўнг Ибн Касир Қатоданинг ушбу сўзини келтиради: «Гарчи зулм (гуноҳ) ҳар қандай ҳолатда ҳам улкан жиноят бўлса-да, ҳаром ойларда қилинган зулм бошқа ойлардагига қараганда хатоси ва гуноҳи энг оғир бўлган жиноятдир. Аллоҳ Ўз яратганларидан нимани хоҳласа, ўшани улуғ қилади».

Имом Қуртубий раҳимаҳуллоҳ айтади: «Бу ойларда гуноҳ ишларга қўл уриш билан ўзингизга зулм қилманг. Чунки Аллоҳ субҳонаҳу ва таоло бирор нарсани бир томондан улуғласа, унинг битта ҳурмати бўлади. Агар икки ёки ундан ортиқ томондан улуғласа, унинг ҳурмати ҳам шунга яраша кўпаяди. Натижада бу пайтда қилинган ёмон амалнинг жазоси ҳам, яхши амалнинг савоби ҳам карралаб кўпайтирилади. Масалан, Ҳарам ҳудудида ҳамда муқаддас ойда Аллоҳга тоат-ибодат қилган одамнинг савоби – Маккада бўлса-да оддий ойда ибодат қилган кишининг савоби билан тенг бўлмайди. Шунингдек, Маккада оддий ойда қилинган ибодат савоби бошқа оддий шаҳарда ва оддий ойда қилинган ибодат савобидек эмас (балки кўпроқдир). Аллоҳ таоло бунга (яъни шахснинг ёки маконнинг ҳурмати ошишига қараб жазо ва мукофот ҳам ошишига) қуйидаги оятида ишора қилган: "Эй Пайғамбар аёллари, сизлардан ким очиқ гуноҳни қилса, унга икки баробар азоб берилади. Бундай жазо бериш Аллоҳга жуда осондир" (Аҳзоб, 30)». Валлоҳу аълам.

Манба: «Islam web» саҳифаcи, 14951-рақамли фатво.

Islom Nuri

3 мая 2026 г., 23:34

📷 Photo

615

Islom Nuri

3 мая 2026 г., 23:34

#Тафсири_муяссар

سورة فاطر

Фотир сураси, 8–14 оятлар

أَفَمَن زُيِّنَ لَهُ سُوءُ عَمَلِهِ فَرَآهُ حَسَنًا ۖ فَإِنَّ اللَّهَ يُضِلُّ مَن يَشَاءُ وَيَهْدِي مَن يَشَاءُ ۖ فَلَا تَذْهَبْ نَفْسُكَ عَلَيْهِمْ حَسَرَاتٍ ۚ إِنَّ اللَّهَ عَلِيمٌ بِمَا يَصْنَعُونَ (٨)

8. Аллоҳга осий бўлиш, куфр келтириш ва Аллоҳнинг ўрнига бут-санамларга ва илоҳларга сиғиниш каби қабиҳ ишларини шайтон чиройли қилиб кўрсатгани туфайли уларни яхши иш деб ўйлаган кимса билан Аллоҳ ҳидоятлаган ва яхшини яхши, ёмонни ёмон деб кўрадиган инсон баробар бўладими?! Аллоҳ истаган бандаларини адаштиради, истаган бандаларини ҳидоятлайди. Сиз ўша адашганларнинг кофир бўлганидан ғам-ҳасрат чекиб, жонингиз ҳалак бўлмасин. Шубҳасиз, Аллоҳ уларнинг қабиҳ ишларини яхши билади ва уларга қилмишларига муносиб энг ёмон жазони беради.

وَاللَّهُ الَّذِي أَرْسَلَ الرِّيَاحَ فَتُثِيرُ سَحَابًا فَسُقْنَاهُ إِلَىٰ بَلَدٍ مَّيِّتٍ فَأَحْيَيْنَا بِهِ الْأَرْضَ بَعْدَ مَوْتِهَا ۚ كَذَٰلِكَ النُّشُورُ (٩)

9. Аллоҳ шамолларни юборади. Шамоллар булутларни қўзғатади. Биз уларни қуриб-қақраб ётган диёрларга ҳайдаб, улардан ёмғир ёғдирдик ва қуриб-қақраб ётган ерга ҳаёт бахш этдик. Ер ўсимликлар билан ям-яшил бўлди. Аллоҳ таоло қиёмат куни ўликларни ҳам худди шундай тирилтиради.

مَن كَانَ يُرِيدُ الْعِزَّةَ فَلِلَّهِ الْعِزَّةُ جَمِيعًا ۚ إِلَيْهِ يَصْعَدُ الْكَلِمُ الطَّيِّبُ وَالْعَمَلُ الصَّالِحُ يَرْفَعُهُ ۚ وَالَّذِينَ يَمْكُرُونَ السَّيِّئَاتِ لَهُمْ عَذَابٌ شَدِيدٌ ۖ وَمَكْرُ أُولَٰئِكَ هُوَ يَبُورُ (١٠)

10. Ким дунёда ёки охиратда иззат талаб қилса, Аллоҳдангина талаб қилсин. Азизликка фақат Аллоҳга итоат қилиш билан эришилади. Барча азизлик Аллоҳникидир. Ким махлуқдан иззат талаб қилса, Аллоҳ уни хор қилади. Ким иззатни Холиқдан талаб қилса, Аллоҳ уни азиз қилади. Аллоҳга қилинган зикрлар Унинг ҳузурига кўтарилади, уларни солиҳ амаллар кўтаради. Гуноҳ ишлар қиладиган кимсалар учун оғир азоб бор. Уларнинг макрлари йўқ бўлиб кетади ва уларга фойда бермайди.

وَاللَّهُ خَلَقَكُم مِّن تُرَابٍ ثُمَّ مِن نُّطْفَةٍ ثُمَّ جَعَلَكُمْ أَزْوَاجًا ۚ وَمَا تَحْمِلُ مِنْ أُنثَىٰ وَلَا تَضَعُ إِلَّا بِعِلْمِهِ ۚ وَمَا يُعَمَّرُ مِن مُّعَمَّرٍ وَلَا يُنقَصُ مِنْ عُمُرِهِ إِلَّا فِي كِتَابٍ ۚ إِنَّ ذَٰلِكَ عَلَى اللَّهِ يَسِيرٌ (١١)

11. Аллоҳ оталарингиз Одамни тупроқдан яратди. Сўнг унинг наслини бир томчи ҳақир сувдан тарқаладиган қилди. Сўнг У сизларни эркак ва аёл қилди. Ҳар бир аёлнинг ҳомиладор бўлиши ва кўзи ёриши фақат Аллоҳнинг илми (билиши) билан содир бўлади. Кимнинг умри узун, кимнинг умри қисқа қилинган бўлса, барчаси Аллоҳнинг ҳузуридаги китобда – Лавҳул маҳфузда бор, онаси унга ҳомиладор бўлишидан ва уни туғишидан олдин Лавҳул маҳфузга битиб қўйилган. Аллоҳ таоло буларнинг барини ҳисоблаб қўйган ва яратишидан илгари билган. Аллоҳ битиб қўйган нарсадан зиёда ҳам қилинмайди, камайтирилмайди ҳам. Сизларни яратиш, барча ҳолатларингизни билиш ва уларни Лавҳул маҳфузга ёзиб қўйиш Аллоҳга жуда осон ва енгил бир ишдир.

وَمَا يَسْتَوِي الْبَحْرَانِ هَٰذَا عَذْبٌ فُرَاتٌ سَائِغٌ شَرَابُهُ وَهَٰذَا مِلْحٌ أُجَاجٌ ۖ وَمِن كُلٍّ تَأْكُلُونَ لَحْمًا طَرِيًّا وَتَسْتَخْرِجُونَ حِلْيَةً تَلْبَسُونَهَا ۖ وَتَرَى الْفُلْكَ فِيهِ مَوَاخِرَ لِتَبْتَغُوا مِن فَضْلِهِ وَلَعَلَّكُمْ تَشْكُرُونَ (١٢)

12. Бири томоқдан енгил ўтадиган ва ташналикни қондирадиган чучук сувли, иккинчиси эса ўта шўр сувли бўлган икки денгиз (яъни дарё ва денгиз) баробар эмасдир. Сизлар ҳар иккисидан янги тутилган мазали балиқларни тановул қиласиз. Тақиладиган инжу ва маржон каби зеб-зийнатларни чиқарасиз. Сиз кемаларнинг денгизларда тижорат ва бошқа мақсадларда Аллоҳнинг фазлидан ризқ талаб қилишингиз учун сувни ёриб бораётганини кўрасиз. Буларнинг барида Аллоҳнинг қудратига ва Унинг ягона ҳақ илоҳ эканига далиллар бор. Шояд сизлар Аллоҳ инъом этган бу неъматларга шукр қилсангиз.

Islom Nuri

3 мая 2026 г., 23:34

[poll]

569

Islom Nuri

3 мая 2026 г., 23:34

#СаволЖавоб

Аллоҳнинг гўзал исмларини ўрганишнинг аҳамияти

Савол:
Аллоҳнинг гўзал исмларини билишнинг қандай аҳамияти бор?

Жавоб:
Аллоҳга ҳамд, Пайғамбаримизга салавот ва саломлар бўлсин.

Аллоҳ таолонинг исмларини билиш жуда катта аҳамиятга эга. Бунинг асосий сабаблари қуйидагилардир:

1. Аллоҳ таолони ҳамда Унинг исм ва сифатларини таниб-билиш – умуман олганда энг шарафли ва энг улуғ илмдир. Чунки илмнинг қадр-қиммати ўрганилаётган нарсанинг қадр-қиммати билан ўлчанади. Бу илмда ўрганиладиган Зот эса Ўзининг исмлари, сифатлари ва ишлари билан Аллоҳ субҳонаҳу ва таолодир. Демак, бу илмни тушунишга ва уни чуқур ўрганишга ҳаракат қилиш энг олий мақсад йўлидаги ҳаракатдир. Банданинг бу илмни эгаллаши эса унга берилган энг буюк неъматлардандир. Шунинг учун ҳам Пайғамбаримиз соллаллоҳу алайҳи ва саллам бу илмни мукаммал тарзда баён қилиб берганлар. У зот буни тушунтиришга жуда қаттиқ эътибор берганлари сабабли, саҳобалар розияллоҳу анҳум фиқҳий ҳукмларда турлича фикрларга борган бўлсалар-да, бу борада (ақида ва Аллоҳнинг исм-сифатлари борасида) ҳеч қандай ихтилоф қилмаганлар.

2. Аллоҳни таниш – инсонни У Зотни яхши кўришга, Ундан қўрқишга, фақат Ундан умид қилишга ва амалларни фақат Унинг учун холис қилишга ундайди. Банданинг ҳақиқий бахт-саодати ҳам мана шундадир. Аллоҳни танишнинг эса битта йўли бор: Унинг гўзал исмларини билиш ва уларнинг маъноларини чуқур англаб етиш.

3. Аллоҳ таолони Ўзининг гўзал исмлари орқали таниш иймонни зиёда қиладиган энг асосий омиллардандир. Шайх Абдурраҳмон ибн Саъдий раҳимаҳуллоҳ айтади: «Аллоҳнинг гўзал исмларига иймон келтириш ва уларни билиш тавҳиднинг учала турини қамраб олади: рубубият тавҳиди, улуҳият тавҳиди ҳамда исм ва сифатлар тавҳиди. Бу уч тур иймоннинг руҳи, шодлиги ва ғамлардан қутулишидир. Шунингдек, у иймоннинг асли-асоси ва кўзланган мақсадидир. Банданинг Аллоҳнинг исм ва сифатлари борасидаги билими қанчалик ортса, унинг иймони шунчалик зиёда бўлади ва ишончи (яқийни) шунчалик кучаяди» («Ат-тавзиҳи вал-баён ли-шажаротил иймон», 41-бет).

4. Аллоҳ таоло бутун махлуқотларни фақат Ўзини танишлари ва Ўзигагина ибодат қилишлари учун яратган. Бандалардан талаб қилинган асосий мақсад ҳам шудир. Ибн Қаййим раҳимаҳуллоҳ айтади: «Пайғамбарлар даъватининг калити ва улар олиб келган рисолатнинг мағзи ибодат қилинувчи Зотни унинг исмлари, сифатлари ва феъл-атворлари орқали танитишдир. Чунки пайғамбарлик таълимотларининг бошидан охиригача бўлган барча мақсадлари мана шу танишга асосланади» («Ас-савоиқул мурсала», 1/150, 151).

Демак, Аллоҳни таниш билан машғул бўлиш инсон ўзининг яратилишидан кўзланган мақсад билан машғул бўлиши демакдир. Буни тарк этиш ёки бунга бепарво бўлиш эса яратилиш мақсадини унутиш ва унга лоқайдлик қилишдир. Ҳақиқий иймон дегани – Аллоҳни танимасдан туриб, шунчаки тилдаги қуруқ сўзларни айтиб қўйиш эмас. Ҳақиқий иймон банданинг ўзи иймон келтираётган Раббини таниши ва Уни исм-сифатлари орқали билишга бор кучини сарфлашидир. Инсоннинг Раббини қанчалик танишига қараб, иймони ҳам ортиб бораверади.

5. Аллоҳнинг гўзал исмларини билиш бошқа барча билим ва илмларнинг асоси (пойдевори)дир. Ибн Қаййим раҳимаҳуллоҳ айтади: «Аллоҳнинг гўзал исмларини билиш ҳар қандай бошқа билимларнинг негизи ҳисобланади. Чунки Аллоҳдан бошқа барча ўрганиладиган нарсалар ё Унинг яратган махлуқотларидир, ёки Унинг буйруғи (шариати)дир. Яъни ё У яратган коинотга тегишли билимлар бўлади, ёки У жорий қилган шариатга тегишли билимлар бўлади. Коинотнинг ҳам, шариатнинг ҳам келиб чиқиш манбаси эса Аллоҳнинг гўзал исмларига бориб тақалади. Коинот ҳам, шариат ҳам Унинг исмлари билан худди натижа ўз сабабига боғланганидек чамбарчас боғлиқдир. Аллоҳнинг гўзал исмларини тўлиқ англаб етиш бошқа барча билимларни англашнинг негизидир. Чунки коинотдаги барча илмлар Аллоҳнинг исмлари тақозо қилган нарсалардир ва бевосита ўша исмларга боғлиқдир».
Валлоҳу аълам.

Манба: «Ислом: савол ва жавоб» саҳифаcи, 4043-рақамли фатво.

Islom Nuri

3 мая 2026 г., 23:34

Бир донишманддан:
— Фарзандларингиз қалбида қатъият ва иродани қандай шакллантирдингиз? — деб сўрашди.

У бундай жавоб берди:
— Ким менга «Қўлимдан келмайди», деса, унга «Уриниб кўр!» дедим.
— Ким «Билмайман», деса, унга «Ўрганиб ол!» дедим.
— Ким «Бунинг иложи йўқ», деса, унга «Синаб кўр!» дедим.

Шундай экан, келинг, биз ҳам фарзандларимиз қалбига меҳр-муҳаббат ва ўзаро соғлом рақобат орқали рўза тутиш, тунги намозлар ўқиш, садақа бериш ва Қуръон тиловат қилишга нисбатан кучли иштиёқ ва қатъият уруғини қадайлик. Токи қиёматдаги амаллар тарозисида бунинг меваларини улкан савоблар ўлароқ териб олайлик.

✍️ Др. Аҳмад Исо Маъсаровий

4,450

Islom Nuri

3 мая 2026 г., 23:34

Шайх Абдулкарим Хузайр айтади:

«Афсуски, баъзилар Қуръондан таъсирланиб йиғлайдиган кишиларга таъна қиладилар, ниятлари борасида ёмон гумон қилиб риёкорликда айблайдилар. Бу жуда хатарли ишдир. Ниятини Аллоҳга ҳавола қилинг! Зеро, унинг қалбини ёриб кўрганингиз йўқ!»

Тобеинлардан бўлган Макҳул раҳимаҳуллоҳ айтади:

«Намозда йиғлаётган бир кишини риёкорликда айбладим. Пировардида, ўзим бир йил йиғлашдан маҳрум бўлдим».

📚 Ибн Абу Дунё, «Ал-уқубот», 83-б.

Ибн Қаййим раҳимаҳуллоҳ айтади:

«Аллоҳга қасамки, банда қилаётган амалида ўзининг ниятини билиши қийин-ку, қандай қилиб бошқаларнинг ниятларига хўжайинчилик қилади?!»

784

Islom Nuri

30 апр. 2026 г., 06:07

📷 Photo

​​​​​​🕌 #Жума_суннатлари

• Ғусл қилиш;
• Хушбўйланиш;
• Мисвок билан тишларни тозалаш;
• Покиза кийимларни кийиш;
• Каҳф сурасини ўқиш;
• Пайғамбаримиз соллаллоҳу алайҳи ва салламга кўп салавот айтиш;
• Масжидга эртароқ бориш;
• Жума кунида яширинган дуо ижобат бўладиган вақтни топишга интилиш.

📤 Каналдаги маълумотлар ва дарсларни яқинларингизга ҳам улашинг.

563

Islom Nuri

30 апр. 2026 г., 06:07

📷 Photo

​​​​​​​​​​​​«Aлбатта, Aллоҳ ва Унинг фаришталари Пайғамбарга саловат айтурлар. Эй иймон келтирганлар! Сиз ҳам унга салавот айтинг ва салом юборинг».
. . . . . . . . . .
(Aҳзоб сураси, 56-оят.)
. . . . . . . . . .
Aллоҳумма солли ва саллим ала Набиййина Муҳаммад...
. . . . . . . . . .

689

Islom Nuri

30 апр. 2026 г., 06:07

🎥 Video

◀️ Беҳуда нарсага қарашдан тийилиш

🎙 Шайх Абдулҳафиз Домла раҳимаҳуллоҳ

🔵

4,120

Islom Nuri

30 апр. 2026 г., 06:07

📷 Photo

🌴🌴 Эртага 16.04.2026, ҳижрий тарихда 28 – шаввол, 1447 йил пайшанба! 🌴🌴

Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи ва саллам дедилар: «Амаллар ҳар душанба, пайшанба кунлари (Аллоҳга) кўрсатилади. Менинг амалим рўзадор бўлган ҳолимда кўрсатилишини истайман» (Имом Термизий ривояти).

Агар қодир бўлсангиз рўзадорлар карвонига қўшилинг! Агар қодир бўлолмасангиз, бошқа диндошларингизга эслатинг. Билмайсизки, сизнинг эслатишингиз сабабли қанчалар рўза тутаркин! Сиз сабабли рўза тутган киши баробарида сизга ҳам савоб ёзилади.

📤 Азизларингизга улашишни унутманг!

837

Islom Nuri

30 апр. 2026 г., 06:07

[poll]

647

Islom Nuri

18 апр. 2026 г., 02:46

📷 Photo

​​​​​​🕌 #Жума_суннатлари

• Ғусл қилиш;
• Хушбўйланиш;
• Мисвок билан тишларни тозалаш;
• Покиза кийимларни кийиш;
• Каҳф сурасини ўқиш;
• Пайғамбаримиз соллаллоҳу алайҳи ва салламга кўп салавот айтиш;
• Масжидга эртароқ бориш;
• Жума кунида яширинган дуо ижобат бўладиган вақтни топишга интилиш.

📤 Каналдаги маълумотлар ва дарсларни яқинларингизга ҳам улашинг.

589

Islom Nuri

18 апр. 2026 г., 02:46

📷 Photo

​​​​​​​​​​​​«Aлбатта, Aллоҳ ва Унинг фаришталари Пайғамбарга саловат айтурлар. Эй иймон келтирганлар! Сиз ҳам унга салавот айтинг ва салом юборинг».
. . . . . . . . . .
(Aҳзоб сураси, 56-оят.)
. . . . . . . . . .
Aллоҳумма солли ва саллим ала Набиййина Муҳаммад...
. . . . . . . . . .

604

Islom Nuri

18 апр. 2026 г., 02:46

Кўп гапирганинг сайин хатоларинг кўпаяверади. Фақат Аллоҳнинг зикри ундай эмас. Кўп зикр қилганинг сайин хато-гуноҳларинг ўчирилаверади.

✍🏻 Аҳмад Исо Маъсаровий

664

Islom Nuri

18 апр. 2026 г., 02:46

📷 Photo

🌴🌴 Эртага 09.04.2026, ҳижрий тарихда 21 – шаввол, 1447 йил пайшанба! 🌴🌴

Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи ва саллам дедилар: «Амаллар ҳар душанба, пайшанба кунлари (Аллоҳга) кўрсатилади. Менинг амалим рўзадор бўлган ҳолимда кўрсатилишини истайман» (Имом Термизий ривояти).

Агар қодир бўлсангиз рўзадорлар карвонига қўшилинг! Агар қодир бўлолмасангиз, бошқа диндошларингизга эслатинг. Билмайсизки, сизнинг эслатишингиз сабабли қанчалар рўза тутаркин! Сиз сабабли рўза тутган киши баробарида сизга ҳам савоб ёзилади.

📤 Азизларингизга улашишни унутманг!

3,850

Islom Nuri

18 апр. 2026 г., 02:46

#СаволЖавоб

Аёли нафл рўза тутган вақтда унга яқинлик қилиш

Савол:
Эр ўзи рўзадор бўлмаган ҳолатда, шаввол ойининг олти кунлик рўзасини тутаётган аёлига жинсий яқинлик қилишининг ҳукми қандай?

Жавоб:
Аллоҳга ҳамд, Пайғамбаримизга салавот ва саломлар бўлсин.

Нафл рўза тутаётган киши ўз нафсининг амиридир, яъни ихтиёри ўзида. Хоҳласа рўзасини охирига етказади, хоҳласа очиб юборади. Лекин, албатта, охирига етказиш афзалроқдир.

Имом Аҳмад (26353) Умму Ҳонеъ розияллоҳу анҳодан ривоят қилади: «Расулуллоҳ соллаллоҳу алайҳи ва саллам олдимга кириб, ичимлик сўрадилар ва ичдилар. Сўнг менга узатдилар, мен ҳам ичдим. Кейин: "Ё Расулуллоҳ, мен аслида рўзадор эдим", дедим. Шунда Расулуллоҳ соллаллоҳу алайҳи ва саллам: "Нафл рўза тутувчи ўз нафсининг амиридир. Хоҳласа рўзасини давом эттиради, хоҳласа очиб юборади", дедилар» ("Саҳиҳул жомеъ", 3854).

Демак, ким шавволнинг олти кунлик рўзасидан бирини тутаётган бўлса-ю, оғзини очиб юборишни хоҳласа, бунга рухсат берилади. Рўзасини еб-ичиш билан бузадими, жинсий яқинлик қилиш биланми ёки бошқа нарса биланми, фарқи йўқ.

Агар бу аёл эрининг рухсатисиз нафл рўза тутган бўлса, эри уни тўшакка чақиришга ҳақлидир ва аёл эрининг бу талабига жавоб қилиши (кўниши) шарт бўлади.

Борди-ю, аёл эрининг рухсати билан рўза тутган бўлса, у ҳолда эр унинг рўзасини буздиришга ҳақли эмас. Лекин шундай бўлса-да, агар эр яқинлик қилишни хоҳлаб қолса, аёлнинг эрига итоат қилгани афзалдир.

Шайх Ибн Усаймин раҳимаҳуллоҳ айтади: «Агар аёл эрининг изни билан нафл рўза тутган бўлса, эр унинг рўзасини буздириши ҳалол бўлмайди. Чунки ўзи бунга рухсат берган. Бироқ аёл эрининг изни билан нафл рўза тутиб турган айни шу ҳолатда эри уни тўшакка чорласа, нима қилиш керак: аёл рўзасини давом эттириб, эрининг талабини рад қилгани яхшими ёки эрига итоат қилганими? Иккинчиси афзалдир, яъни эрига итоат қилиши. Чунки эрнинг тўшакка чақириғига лаббай деб жавоб бериш аслида фарз амаллардандир. Нафл рўза тутиш эса мустаҳаб (суннат) амалдир. Қолаверса, эр қаттиқ хоҳлаб турган бир пайтда аёл унга рад жавобини берса, эрнинг кўнглида аёлига нисбатан қандайдир гина пайдо бўлиши ва шу сабабли ўрталаридаги муносабатларга совуқчилик тушиши мумкин» («Мажмуъул фатово Ибн Усаймин», 21/174).
Валлоҳу аълам.

Манба: «Ислом: савол ва жавоб» саҳифаcи, 110059-рақамли фатво.

Showing 30 of 46 posts

Рейтинг

Требуется вход

Отзывы пользователей (0)

Пока нет отзывов. Будьте первым, кто поделится своим опытом!

Islom Nuri

Islom Nuri

Рейтинг

Рост участников (Последние 7 дней)

Последние посты

Рейтинг

Отзывы пользователей (0)

Похожие каналы Telegram

Монолит

Бесконечное Лето 🔰410🔰

Сибирский Гештальт

My Car

Канал Алексея Чепы

Bosfor pictures

Ахербия - все про iHerb 💚

Крупнов

Похожие каналы Telegram

Монолит

Бесконечное Лето 🔰410🔰

Сибирский Гештальт

My Car

Канал Алексея Чепы

Bosfor pictures

Ахербия - все про iHerb 💚

Крупнов

Отзывы пользователей (0)

Последние посты