ARMENPRESS | ԱՐՄԵՆՊՐԵՍ

Public

Просмотреть канал

Не можете присоединиться? @armenpress_am

1.9k Участники

Обновлено: May 6, 2026 at 9:27 AM

ARMENPRESS | ԱՐՄԵՆՊՐԵՍ

«Արմենպրես» լրատվական գործակալությունը հիմնադրվել Է 1918 թվականի դեկտեմբերի 18-ին: Գործակալությունն ամենահինն է Հայաստանում:

Follow @armenpress_am to stay updated with the latest 1918 trends and news

Рейтинг

Глобальный рейтинг

#456

Рейтинг по языку

#45

Рейтинг по категории

#23

-1

Рост участников (Последние 3 дней)

Всего: 1.9K

Рост за 24ч: +0 0%

Последние посты

ARMENPRESS | ԱՐՄԵՆՊՐԵՍ

25 апр. 2026 г., 09:46

📷 Photo

Հայաստանի Հանրապետությունում Նիդերլանդների Թագավորության դեսպան Մարիկե Մոնրոյ-Վինթերն այցելել է Ծիծեռնակաբերդի հուշահամալիր:

«Արմենպրես»-ի հաղորդմամբ՝ այս մասին հայտնում է Նիդերլանդների դեսպանությունը։

«Այսօր՝ ապրիլի 24-ին, մենք հիշատակում ենք 1915-1917 թվականներին հայերի նկատմամբ իրականացված զանգվածային ոճրագործությունը: Անկեղծորեն կիսում ենք հայ ժողովրդի վիշտը նախնիների կրած տառապանքների համար։ Միանում ենք հայերին և խոնարհվում այս ողբերգության բոլոր զոհերի հիշատակի և վերապրողների առաջ»,-նշել է դեսպանը։

111

ARMENPRESS | ԱՐՄԵՆՊՐԵՍ

25 апр. 2026 г., 09:46

📷 Photo

Ֆրանսիայի նախագահ Էմանուել Մակրոնը Հայոց ցեղասպանության 111-րդ տարելիցի կապակցությամբ հայտարարություն է տարածել։

«Ապրիլի 24-ին Հանրապետությունը հիշատակում է 1915 թվականի Հայոց ցեղասպանությունը և հարգանքի տուրք է մատուցում դրա զոհերի հիշատակին։ Սա հնարավորություն է՝ հիշելու, փոխանցելու և ընդգծելու այն անխզելի կապը, որը միավորում է Ֆրանսիան Հայաստանի և ֆրանսիացի ժողովրդին հայերի հետ»,-«Արմենպրես»-ի հաղորդմամբ՝ X-ի իր միկրոբլոգում գրել է Մակրոնը։

ARMENPRESS | ԱՐՄԵՆՊՐԵՍ

25 апр. 2026 г., 09:46

📷 Photo

Հունաստանի նախագահ Կոնստանտինոս Տասուլասը հայտարարություն է տարածել Հայոց ցեղասպանության 111-րդ տարելիցի կապակցությամբ՝ ընդգծելով, որ հայ և հույն ժողովուրդները կապված են համատեղ փորձությունների, ինչպես նաև համերաշխության, բարեկամության և փոխադարձ հարգանքի ամուր հարաբերությունների միջոցով կերտված հավերժական կապերով։

Հայտարարությունը հրապարակվել է Հունաստանի նախագահի պաշտոնական կայքում։

«Այսօր՝ Օսմանյան կայսրության կողմից իրականացված Հայոց ցեղասպանության 111-րդ տարելիցին, որը մարդկության դեմ ամենասարսափելի հանցագործություններից մեկն է, մենք հարգանքի տուրք ենք մատուցում 1.5 միլիոն զոհերի հիշատակին»,-նշել է Հունաստանի նախագահը։

Նա ընդգծել է, որ այս հիշողությունը ներկայացնում է անսասան պարտականություն ինչպես զոհերի, այնպես էլ պատմական ճշմարտության նկատմամբ, որպեսզի մոռացությունը չդառնա ռևիզիոնիզմի, բռնության և անհանդուրժողականության աղբյուր։

«Հունաստանն ու Հայաստանը կապված են համատեղ փորձությունների, ինչպես նաև համերաշխության, բարեկամության և փոխադարձ հարգանքի ամուր հարաբերությունների միջոցով կերտված հավերժական կապերով։ Ժամանակակից միջազգային համատեքստում, որը բնորոշ է ճգնաժամերին, հակամարտություններին և անորոշությանը, ժողովուրդների միջև խաղաղության, փոխըմբռնման և համագործակցության նկատմամբ հանձնառությունն ավելի կարևոր է դառնում։ Պատմական հիշողությունը պահանջում է մշտական ​​զգոնություն՝ ապահովելու համար, որ պատմության ողբերգական իրադարձությունները երբեք չկրկնվեն»,-շեշտել է Կոնստանտինոս Տասուլասը։

ARMENPRESS | ԱՐՄԵՆՊՐԵՍ

25 апр. 2026 г., 09:46

Եվրոպայի խորհրդի խորհրդարանական վեհաժողովում Հայաստանի պատվիրակության անդամները Ստրասբուրգում հարգանքի տուրք են մատուցել Հայոց ցեղասպանության զոհերի հիշատակին։
https://youtu.be/a6vlYcDxf4c?si=LZQIizvOPNRjxoi5

ARMENPRESS | ԱՐՄԵՆՊՐԵՍ

25 апр. 2026 г., 09:46

❗️Հայաստանի վարչապետի մամուլի քարտուղար Նազելի Բաղդասարյանը հերքել է X սոցիալական հարթակում տարածվող լուրերն այն մասին, որ ԱՄՆ նախագահ Դոնալդ Թրամփը և ՀՀ վարչապետ նիկոլ Փաշինյանը հեռախոսազրույց են ունեցել։

Նազելի Բաղդասարյանն ընդգծել է, որ վերոնշված պնդումն ունի օտարերկրյա տեղեկատվական մանիպուլյացիայի և միջամտության՝ FIMI-ի բնորոշ հատկանիշներ։

«X սոցիալական հարթակում որոշ օգտահաշիվների կողմից տարածվում է ակնհայտ կեղծ և մանիպուլյատիվ տեղեկություն այն մասին, թե իբր ԱՄՆ նախագահ Դոնալդ Թրամփը Truth Social հարթակում գրառում է կատարել՝ հայտնելով Հայաստանի Հանրապետության վարչապետ Նիկոլ Փաշինյանի հետ հեռախոսազրույցի մասին։

Հայտնում եմ, որ նման հեռախոսազրույց տեղի չի ունեցել։ Հայաստանի Հանրապետության վարչապետ Նիկոլ Փաշինյանի և ԱՄՆ նախագահ Դոնալդ Թրամփի միջև նման բովանդակությամբ քննարկում չի եղել։ Տարածվող տեղեկությունը կեղծ է և չի համապատասխանում իրականությանը։

Նշված պնդումն ունի օտարերկրյա տեղեկատվական մանիպուլյացիայի և միջամտության՝ FIMI-ի բնորոշ հատկանիշներ։ Մասնավորապես, հաշվի առնելով դրա տարածման մեթոդաբանությունը՝ X հարթակում մի շարք օգտահաշիվների կողմից նույնաբովանդակ կամ փոխկապակցված ձևակերպումներով ամպլիֆիկացված տարածումը, չստուգված աղբյուրի վրա հիմնված պնդման շրջանառումը, դիտարկում ենք որպես համակարգված տեղեկատվական մանիպուլյացիայի փորձ»,– գրել է մամուլի քարտուղարը՝ հորդորելով լրատվամիջոցներին, հանրային դերակատարներին և սոցիալական ցանցերի օգտատերերին զերծ մնալ չստուգված տեղեկությունների տարածումից, հատկապես այն դեպքերում, երբ դրանք վերաբերում են Հայաստանի Հանրապետության ազգային անվտանգությանը, արտաքին քաղաքականությանը և տարածաշրջանային կայունությանը։

107

ARMENPRESS | ԱՐՄԵՆՊՐԵՍ

25 апр. 2026 г., 09:46

🇦🇲🇪🇺 Եվրոպական խորհրդարանում ապրիլի 28-30-ը կանցկացվի https://armenpress.am/hy/article/1248394, ապա նաև՝ քվեարկություն՝ ԵՄ-ի կողմից Հայաստանի ժողովրդավարական դիմակայունությանն աջակցելու բանաձևի ընդունման վերաբերյալ։

114

ARMENPRESS | ԱՐՄԵՆՊՐԵՍ

25 апр. 2026 г., 09:46

📷 Photo

Հունաստանի ազգային պաշտպանության նախարար Նիկոս Դենդիասն ուղերձ է հղել Հայոց ցեղասպանության 111-րդ տարելիցի կապակցությամբ՝ ընդգծելով, որ պատմական ճշմարտության ճանաչումը ողջ միջազգային հանրության կողմից անհրաժեշտ պայման է։

«Արմենպրես»-ի հաղորդմամբ՝ այս մասին Նիկոս Դենդիասը գրառում է կատարել X-ի իր միկրոբլոգում։

«Այսօր մենք հարգանքի տուրք ենք մատուցում 20-րդ դարում մարդկության դեմ ուղղված ամենասարսափելի հանցագործություններից մեկի՝ Հայոց ցեղասպանության զոհերի հիշատակին։ Հելլենիզմի համար, որն իր բարեկամ ժողովրդի հետ կիսում է հալածանքների և ողբերգությունների պատմական փորձը, հիշատակի միջոցառումները պարզապես տարելից չեն։ Դրանք մշտական ​​հիշեցում են, որ պատմական ճշմարտության ճանաչումը ողջ միջազգային հանրության կողմից անհրաժեշտ պայման է՝ ապահովելու համար, որ մարդկության դեմ ուղղված հանցագործությունները երբեք չկրկնվեն։ Այլևս երբե՛ք»,-իր գրառման մեջ նշել է հույն պաշտոնյան։

120

ARMENPRESS | ԱՐՄԵՆՊՐԵՍ

25 апр. 2026 г., 09:46

📷 Photo

Լիբանանի նախագահ Ժոզեֆ Աունը Հայոց ցեղասպանության 111-րդ տարելիցի կապակցությամբ հայտարարել է, որ այդ ողբերգությունը բաց վերք է մարդկության խղճում։ «Արմենպրես»-ի փոխանցմամբ՝ այս մասին հաղորդում է Լիբանանի նախագահական գրասենյակը։

«Խորը ցավով եմ հիշում այդ մարդկային ողբերգությունը, որը բաց վերք է դարձել մարդկության խղճի վրա, և վերահաստատում եմ իմ անսասան նվիրվածությունն արդարության, ճշմարտության և մարդկային արժանապատվության արժեքներին», - նշել է նախագահ Աունը։

Նա հավելել է, որ իր հիմնադրումից ի վեր Լիբանանը եղել է անվտանգ վայր երկրի սահմաններում ապաստան փնտրող հայերի համար և նրանց դարձրել է ազգային կառուցվածքի անբաժանելի մասը։

«Հայկական ծագումով լիբանանցիները երբեք հյուր չեն եղել այս երկրում, այլ իսկական գործընկերներ են եղել նրա կառուցման, տոկունության և բարգավաճման գործում։ Նրանք իրենց ներդրումն են ունեցել տարբեր ոլորտներում՝ տնտեսությունից մինչև մշակույթ, արդյունաբերությունից մինչև արվեստ, քաղաքականությունից մինչև կրթություն՝ հստակ հետք թողնելով ժամանակակից Լիբանանի պատմության վրա», - նշված է հաղորդագրության մեջ։

«Այս առիթով ես ողջունում եմ հայ ժողովրդի տոկունությունը և նրանց անսասանությունը՝ պահպանելու իր ինքնությունն ու հիշողությունը։ Ես հաստատում եմ, որ այս տարելիցի հիշատակումը ոչ միայն անցյալի հիշողություն է, այլև նոր կոչ՝ մերժելու անարդարությունը, որտեղ էլ որ այն լինի, և աշխատելու ավելի արդար և մարդկային աշխարհի համար», - նշել է նախագահը։

Աունը նաև հաստատել է, որ Լիբանանը հավատարիմ կմնա իր առաքելությանը՝ որպես ազատության և բազմակարծության երկիր՝ հավելելով, որ հիշողությունը ողբերգությունների կրկնությունը կանխելու բանալին է:

«Եկեք այս հիշողությունից քաղենք մեր ազգային միասնությունն ամրապնդելու, մարդկային արժանապատվությունը պաշտպանելու և մեր նախնիների զոհողություններին և ապագա սերունդների հույսերին արժանի ապագա կառուցելու վճռականությունը», - հավելել է նա:

ARMENPRESS | ԱՐՄԵՆՊՐԵՍ

25 апр. 2026 г., 09:46

📷 Photo

Հայաստանում Կանադայի դեսպան Էնդրյու Թըրներն այցելել է Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության անմեղ զոհերի հիշատակին։ «Արմենպրես»-ի հաղորդմամբ՝ Հայաստանում Կանադայի դեսպան Էնդրյու Թըրները X-ի իր միկրոբլոգում գրառում է կատարել՝ անդրադառնալով ապրիլի 24-ին Ծիծեռնակաբերդ կատարած այցին։

«Ինձ համար մեծ պատիվ էր այսօր՝ Հայոց ցեղասպանության զոհերի հիշատակի օրը, ներկայացնել Կանադան Ծիծեռնակաբերդում։ Հզոր, ազդեցիկ արարողություն»,-գրել է դեսպանը։

100

ARMENPRESS | ԱՐՄԵՆՊՐԵՍ

25 апр. 2026 г., 09:46

📷 Photo

Հայաստանի Հանրապետությունում Ռուսաստանի Դաշնության դեսպան Սերգեյ Կոպիրկինն այցելել է Ծիծեռնակաբերդ և հարգանքի տուրք մատուցել Հայոց ցեղասպանության զոհերի հիշատակին

։«Արմենպրես»-ի փոխանցմամբ՝ այս մասին հայտնում է ՀՀ-ում Ռուսաստանի դեսպանությունը։ Նշվում է, որ ՌԴ դեսպանն ու դեսպանության ռազմական կցորդը ծաղիկներ են խոնարհել անմար կրակի մոտ։

111

Showing 10 of 10 posts

No more posts

Рейтинг

Требуется вход

Отзывы пользователей (0)

Пока нет отзывов. Будьте первым, кто поделится своим опытом!

ARMENPRESS | ԱՐՄԵՆՊՐԵՍ

ARMENPRESS | ԱՐՄԵՆՊՐԵՍ

Рейтинг

Рост участников (Последние 3 дней)

Последние посты

Рейтинг

Отзывы пользователей (0)

Похожие каналы Telegram

Кавказ Сегодня

Херсонское Агентство Новостей

Procto_blog

Фонд «Орион»

Брянск и Бежица

Минченко. Исторические выписки

Дороги и транспорт МО

ЗЕМСКИЙ

Похожие каналы Telegram

Кавказ Сегодня

Херсонское Агентство Новостей

Procto_blog

Фонд «Орион»

Брянск и Бежица

Минченко. Исторические выписки

Дороги и транспорт МО

ЗЕМСКИЙ

Отзывы пользователей (0)

Последние посты