Қарақалпақ әдебияты тарийхы мамлекетлик музейи

Қарақалпақ әдебияты тарийхы мамлекетлик музейи

Public

Арнаны көру

Қосыла алмайсыз ба? @adebiyatmuzeyi

0

390 Мүшелер

Жаңартылған: May 7, 2026 at 12:15 PM

Қарақалпақ әдебияты тарийхы мамлекетлик музейи

Бул канал Қарақалпақ әдебияты тарийхы мәмлекетлик музейиниң рәсмий каналы болып есапланады.

@adebiyatmuzeyi is a growing community focused on Pinay контенті and related topics

Рейтинг

Жалпы рейтинг

#456

+2

Тіл бойынша рейтинг

#45

+1

Санат бойынша рейтинг

#23

-1

Жазылушылардың өсуі (Соңғы 3 күн)

Барлығы: 390

24 сағаттағы өсу: +0 0%

Loading...

Рейтинг

Кіру қажет

Loading...

Loading recommended channels...

Соңғы посттар

Қарақалпақ әдебияты тарийхы мамлекетлик музейи

2026 ж. 7 мам., 08:36

🎩

| https://instagram.com/berdakh_museum?igshid=ZGUzMzM3NWJiOQ==| https://www.facebook.com/groups/359587935941450/?ref=share&mibextid=NSMWBT| https://youtube.com/@berdaqmuzey7240?si=ANHA625mVg6TiUd-

186

0

0

Қарақалпақ әдебияты тарийхы мамлекетлик музейи

2026 ж. 7 мам., 08:36

📜ҚАРАҚАЛПАҚ ҲАҚҚЫНДА СӨЗ
⚜⚜⚜

Мен кисилик таластырып,
Киси менен жарыспайман.
Тарийхшыға пал аштырып,
Әййемгиме тарыспайман.

⚜️⚜️⚜️

Мәрт Тумарис — массагеттиң,
"Қырк қызының“ урпағыман,
Перзентимен печенегтиң,
Шөлдиң қарақалпағыман.

⚜️⚜️⚜️

Қара табан, қара пуқара,
Бабам ғайбар киси болған,
Кеўли ақ қалпағы қара,
Жаў менен көп иси болған.

⚜️⚜️⚜️

Аттан қулап атырғанда,
Қан майданда сүйеп оны,
"Бир ўәсият айтып кет онда"
Деп сорапты оннан улы.

⚜️⚜️⚜️

Ўәсият екен ал сондағы
Айтып кеткен урпағына,
"Тыр жаланаш қалсаңдағы,
Бек бол, бала, қалпағыңа!..."

⚜️⚜️⚜️

Қарақалпақлар соннан баслап,
Қалпағы менен туўылыпты.
Көп заманды изге таслап,
Қалпақ шешпей жуўырыпты.

⚜️⚜️⚜️

Көп заманның әндийшесин,
Көрседе көзи ағармаған,
Жоғалтсада көп нәрсесин,
Қалпағы ҳеш жоғалмаған.

⚜️⚜️⚜️

Қатал сорап қысым етип,
Хан да оны шештире алмаған,
Жан шықпаса гелле кетип,
Жаўда оны шештире алмаған.

📆1972-жыл.

| https://instagram.com/berdakh_museum?igshid=ZGUzMzM3NWJiOQ==| https://www.facebook.com/groups/359587935941450/?ref=share&mibextid=NSMWBT| https://youtube.com/@berdaqmuzey7240?si=ANHA625mVg6TiUd-

Қарақалпақ әдебияты тарийхы мамлекетлик музейи

2026 ж. 7 мам., 08:36

📷 Photo

📖️Қарақалпақ әдебиятының үлкен байтереги, туўма таланты менен халқымыздың кеўлинен терең орын алған Ибрайым Юсупов быйыл 97 жаста.

✨ И.Юсупов өзиниң өмир жолында ҳәм жазған ҳәр бир қосық қатарында Ўатанға болған шексиз муҳаббатын жырлады. Оның қосықлары бүгин де заман менен бирге жаңлап келмекте.

✅ Музейимизде И.Юсуповқа бағышланған өз алдына көргизбеси бар.
Сондай-ақ, музей фондында шайырдың үй-архивинен алынған 2 мыңнан аслам китаплар сақланып келинбекте.

| https://instagram.com/berdakh_museum?igshid=ZGUzMzM3NWJiOQ==| https://www.facebook.com/groups/359587935941450/?ref=share&mibextid=NSMWBT| https://youtube.com/@berdaqmuzey7240?si=ANHA625mVg6TiUd-

Қарақалпақ әдебияты тарийхы мамлекетлик музейи

2026 ж. 7 мам., 08:36

🌳

| https://instagram.com/berdakh_museum?igshid=ZGUzMzM3NWJiOQ==| https://www.facebook.com/groups/359587935941450/?ref=share&mibextid=NSMWBT| https://youtube.com/@berdaqmuzey7240?si=ANHA625mVg6TiUd-

89

0

Қарақалпақ әдебияты тарийхы мамлекетлик музейи

2026 ж. 7 мам., 08:36

📷 Photo

🎨 «ЖАС ӨНЕРМЕНТЛЕР»
КӨРГИЗБЕСИ

🏛 Бердақ атындағы Қарақалпақ әдебияты тарийхы мәмлекетлик музейинде
Бердақ атындағы Қарақалпақ мәмлекетлик университетиниң Көркем-өнер факультети студентлери — жас өнермент ҳәм художниклер — Меҳригүл Аманиязова, Райхан Наўрызбаева ҳәм Айназар Узақбаевтың «ЖАС ӨНЕРМЕНТЛЕР» атлы дөретиўшилик көргизбеси болып өтти.

👥 Ашылыў мәресимине Өзбекстан Көркем-өнер академиясы Қарақалпақстан бөлими баслығы У.Утегенова, Республикамызға белгили художниклер ҳәм студент жаслар қатнасып, жас дөретиўшилерге жоқары баҳа берди.

📌 Бул сыяқлы илажлар көркем-өнеримиздиң раўажланыўында әҳмийетли екенлиги атап өтилди.

🖌 Көргизбеде заманагөй миллий колоритти сәўлелендириӯши композициялар ҳәм қол өнери үлгилери қойылды.🧵

✨ Ҳәр бир шығармада дөретиӯшиниӊ руӯхы ҳәм көркем-өнерге муҳаббат айқын сезиледи.

🌟 Бул көргизбе жас талантлар ушын көркем-өнер майданына қойылған қәдем болып, оларды жаңа жетискенликлерге илҳамландырады.

| https://instagram.com/berdakh_museum?igshid=ZGUzMzM3NWJiOQ==| https://www.facebook.com/groups/359587935941450/?ref=share&mibextid=NSMWBT| https://youtube.com/@berdaqmuzey7240?si=ANHA625mVg6TiUd-

Қарақалпақ әдебияты тарийхы мамлекетлик музейи

2026 ж. 7 мам., 08:36

📷 Photo

📚

🖋 Белгили илимпаз, Қарақалпақстанға хызмет көрсеткен илим ғайраткери Артық Каримовтыӊ туӯылғанына быйыл 100 жыл толмақта.

📜 Жақында усы илимпаздыӊ үй архивинде сақланып келген қолжазбалары ҳәм илимий мийнетлери музей фондына тапсырылды.

📖 Бул материаллар ишинде классикалық әдебият ӯәкиллери — Жийен жыраӯ ҳәм Өтеш шайырдыӊ дөретиӯшилигине байланыслы жыйналған изертлеӯлер, сондай-ақ шайырлар ҳаққында қунлы мағлыӯматлар орын алған.

📝Илимпаздыӊ мийнетлерин музейге тапсырыӯда оныӊ қызы Рәӯия Каримова жақыннан жәрдем көрсетти.

📜Музей жәмәати атынан Рәӯия Каримоваға өз миннетдаршылығымызды билдиремиз.

| https://instagram.com/berdakh_museum?igshid=ZGUzMzM3NWJiOQ==| https://www.facebook.com/groups/359587935941450/?ref=share&mibextid=NSMWBT| https://youtube.com/@berdaqmuzey7240?si=ANHA625mVg6TiUd-

Қарақалпақ әдебияты тарийхы мамлекетлик музейи

2026 ж. 7 мам., 08:36

📜

⚡️ Бердақ атындағы Қарақалпақ әдебияты тарийхы мәмлекетлик музейинде қарақалпақ әдебиятының көрнекли тулғасы, ағартыўшы ҳәм шайыр Ысақ ибн Ибраҳим Қоңыратийдиң (1836–1892) туўылғанына 🎉 190 жыл толыўы мүнәсибети менен 📚 «Вамбери ҳәм Молла Ысақ: халықлар арасындағы әдебий дослық көпири» атамасындағы конференция болып өтти.
📝 Конференцияны музей директоры Ш.Пайзуллаева кирис сөз бенен ашып берди.

🎤 Кеше даўамында алымларымыз өзлериниң қызықлы баянатлары менен қатнасты:
🔹 Ш. Абдиназимов (ҚМУ, ф.и.д., профессор) — «Қарақалпақстанлы туңғыш ағартыўшы»;
🔹 М. Қарлыбаев (Өз РИА ҚБ, т.и.д., проф.) — «Молла Ысақтан излеп...»;
🔹 П. Алламбергенова (ҚМУ, ф.и.к., доцент) — «Ысақ ибн Қоңыратый поэзиясының қарақалпақ әдебияты тарийхындағы орны»;
🔹 А. Идирисов (Музей аға илимий хызметкери, деректаныўшы) — «Ысақ Молла шығармаларында XIX әсирдеги қарақалпақлардың руўхый дүньясының сәўлелениўи».

🌍 Соныӊ менен бирге, конференцияға шет ел алымлары да айырықша итибар қаратып, өзлериниң видео қутлықлаўларын жиберди.

💬 Шығып сөйлеӯшилер

🔹 XIX әсир қарақалпақ әдебиятының белгили ўәкили болған Молла Ысақтың өмири ҳәм дөретиўшилиги;

🔹 Шығыстаныўшы Ҳерман Вамбери менен болған дослығы ҳәм оның Батыс Европа мәденияты менен байланысы;
🔹 Ж.Шамуратов ҳәм Ш.Пайзуллаева тәрепинен топланған шайырдың қосықларының әдебий-тарийхый әҳмийети додаланды.

📌 Академик С.Камалов атап өткениндей, молла Ысақ сыяқлы тарийхый тулғаларымыздың өмири ҳәм хызмети ҳаққындағы мағлыўматларды излеп табыў ҳәм келешек әўладқа жеткериў – бизлердиң муқаддес ўазыйпамыз.

📖 Қатнасыўшылар шайырдың дөретиўшилигин сақлап қалыў ҳәм илимий изертлеўлерди буннан былай да даўам еттириў зәрүрлигине айрықша тоқталды.

| https://instagram.com/berdakh_museum?igshid=ZGUzMzM3NWJiOQ==| https://www.facebook.com/groups/359587935941450/?ref=share&mibextid=NSMWBT| https://youtube.com/@berdaqmuzey7240?si=ANHA625mVg6TiUd-

Қарақалпақ әдебияты тарийхы мамлекетлик музейи

2026 ж. 7 мам., 08:36

📚ҚАРАҚАЛПАҚ ӘДЕБИЯТЫНЫҢ САҒАСЫ

📋СОППАСЛЫ СЫПЫРА ЖЫРАӮ
XIV әсирде жасаған, қарақалпақ ҳәм басқа да түркий халықлар әдебияты тарийхында айырықша орын ийелеген көркем сөз шебери.

📜Филология илимлериниӊ докторы Н.Дәӯқараев өзиниң изертлеӯлеринде қарақалпақ әдебиятының тамырларын ноғайлы дәӯиринен, яғный Соппаслы Сыпыра жыраӯ, Асан Қайғы ҳәм Жийренше шешенлердиң дөретиӯшилигинен басланатуғынын илимий тийкарлап берген.

🖋Шохан Ӯәлийханов оны Тохтамыс ханның ең абырайлы кеңесшилериниң бири ҳәм ноғайлы дәӯири эпосларының тийкарғы атқарыӯшысы сыпатында баҳалайды.

🔖Академик Әлкей Маргуланның мағлыӯматларына қарағанда, Сыпыра жыраӯ қыпшақ урыӯынан шыққан. Халық арасындағы аңызларға қарағанда оның бир ярым әсирден аслам 180 жыл өмир сүргени айтылса, ал толғаӯларында 360 жас жасағаны айтылады. Бул оның көпти көрген, дана инсан жыраӯ болғанын ҳәм дөретиӯшилигиниң бир неше әӯладлар даӯамында толықтырылып бизге шекем жетип келгенин көрсетеди.

✨Жыраӯдың ең үлкен мийрасы — атақлы «Едиге» дәстаны ҳәм бир қатар толғаӯлары.

📝Профессор Қ.Мақсетов Сыпыра жыраӯды қарақалпақ жыраӯшылық мектебиниң баслаӯшысы болған уллы тулға деп есаплайды.

🎻«Едиге» дәстанының Ерполат, Есемурат, Қыяс, Өтенияз ҳәм Кәрим жыраӯлар тәрепинен айтылған вариантларының сақланып қалыӯы жыраӯ дөретиӯшилигиниң халық арасында терең тамыр жайғанын көрсетеди.

📕Соппаслы Сыпыра жыраӯдан бизге шекем жеткен тийкарғы шығармалары:

🔰 «Бабаңман»
🔰«Аӯыз айғақ, тил тайғақ»
🔰 «Төрелер»
🔰 «Қырымның қырық батыры»
🔰 «Бир дегенде не жаман»

🌏Мухтар Магауинниң пикиринше, Сыпыра жыраӯ — қарақалпақ әдебиятындағы ең үлкен эпостың ҳәм жыраӯлар мектебиниң негизин салыӯшысы.

📖Оның шығармалары тек қарақалпақ емес, ал қазақ, татар, башқурт ҳәм ноғай фольклорында да кеңнен сақланған.

| https://instagram.com/berdakh_museum?igshid=ZGUzMzM3NWJiOQ==| https://www.facebook.com/groups/359587935941450/?ref=share&mibextid=NSMWBT| https://youtube.com/@berdaqmuzey7240?si=ANHA625mVg6TiUd-

Қарақалпақ әдебияты тарийхы мамлекетлик музейи

2026 ж. 7 мам., 08:36

📷 Photo

241

0

0

Showing 9 of 9 posts

No more posts