မြဝတီသတင်း

Public

Không thể tham gia? @myawaddynews2

14.1k Thành viên

Cập nhật: May 14, 2026 at 9:22 AM

မြဝတီသတင်း

The Myawaddy News မှကြိုဆိုပါတယ်ခင်ဗျာ သတင်းပေးပို့ရန်- https://forms.gle/WkFY3w2UXC29gEt6A

Follow @myawaddynews2 to stay updated with the latest news and httpsformsglewkfy3w2uxc29get6a trends and news

Xếp hạng

Xếp hạng toàn cầu

#456

Xếp hạng ngôn ngữ

#45

Xếp hạng danh mục

#23

-1

Tăng trưởng người đăng ký (Trong 9 ngày qua)

Tổng cộng: 14.1K

Tăng trưởng 24 giờ: +0 0%

Bài đăng gần đây

မြဝတီသတင်း

17:32 24 thg 5, 2026

📰 ဒေါ်အောင်ဆန်းစုကြည် သက်ရှိထင်ရှားရှိကြောင်း စစ်တပ်က ထုတ်ပြရန် ငြင်းဆန်နေမှုမှာ ကျန်းမာရေးဆိုးရွားနေမှု (သို့မဟုတ်) သက်ရှိထင်ရှား မရှိတော့မှုကြောင့် ဖြစ်နိုင်ဟု စီးပွားရေးအကြံပေး ရှောင်တာနယ်ပြော

📅 May 23, 2026 at 04:36 AM

ရန်ကုန်၊ မေ ၂၃

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် သက်ရှိထင်ရှားရှိကြောင်း စစ်တပ်က ထုတ်ပြရန် ငြင်း ဆန်နေမှုမှာ ကျန်းမာရေးဆိုးရွားနေမှု (သို့မဟုတ်) သက်ရှိထင်ရှားမရှိတော့မှုကြောင့် ဖြစ်နိုင်ကြောင်း ဒေါ်အောင်ဆန်းစုကြည်၏ စီးပွားရေးအကြံပေးဟောင်း ရှောင်တာနယ် (Sean Turnell) က ထုတ်ဖော်ပြောဆိုလိုက်သည်။

မေလ ၂၂ ရက်နေ့က ထုတ်လွှင့်ခဲ့သည့် သြစတြေးလျအခြေစိုက် လိုဝီအင်စတီကျု၏ Lowy Institute Conversations ပေါ့ဒ်ကတ်စ်အစီအစဉ်တွင် “လမ်းဆုံလမ်းခွသို့ ရောက်ရှိနေသော မြန်မာနိုင်ငံ စစ်အာဏာသိမ်းပြီး ငါးနှစ်အကြာ” ခေါင်းစဉ်ဖြင့် ဆွေးနွေးစဉ် ရှောင်တာနယ်က ယခုကဲ့သို့ သုံးသပ်ပြောကြားခဲ့ခြင်း ဖြစ်သည်။

မကြာသေးမီက စစ်တပ်က ဒေါ်အောင်ဆန်းစုကြည်ကို နေအိမ်အကျယ်ချုပ်သို့ ပြောင်းရွှေ့လိုက်ပြီဟူသော ထုတ်ပြန်ချက်နှင့် ပတ်သက်၍ ရှောင်တာနယ်က လုံးဝယုံကြည်စိတ်ချရမှုမရှိကြောင်းနှင့် စိုးရိမ်ပူပန်မှုများ ပိုမိုမြင့်တက်နေကြောင်း ထည့်သွင်းပြောဆိုခဲ့သည်။

“ကျွန်တော်တို့ လွန်ခဲ့တဲ့ နှစ်ပတ်ကထက်စာရင် အခုအချိန်မှာ ပိုပြီးတော့တောင် မရေမရာ သိထားရတယ်လို့ ပြောရမှာပါ။ ဆိုလိုတာက လွန်ခဲ့တဲ့ နှစ်ပတ်လောက်က စစ်ကောင်စီဘက်က ထွက်လာတဲ့ ဒေါ်အောင်ဆန်းစုကြည်ကို နေအိမ်အကျယ်ချုပ် ပြောင်းလိုက်ပြီဆိုတဲ့ စကားကို ဇွတ်အတည်ယူလိုက်မိတာ မှားသွားပုံရပါတယ်။ အကောင်းဆုံး တွေးကြည့်လို့ရတာကတော့ သူမကို တစ်နေရာရာကို ပြောင်းရွှေ့လိုက်တာ သေချာပေမဲ့ အဲ့ဒီနေရာက အိမ်အစစ် သို့မဟုတ် ကျွန်တော်တို့ ပုံမှန်သတ်မှတ်တဲ့ နေအိမ်မျိုး ဖြစ်လိမ့်မယ်ဆိုတာကိုတော့ အလွန် သံသယဖြစ်မိပါတယ်။ နေပြည်တော်တစ်ဝိုက်က စစ်အခြေစိုက်စခန်းတွေထဲက တခြားတည်နေရာတစ်ခုခုဆီ ပြောင်းလိုက်တာပဲ ဖြစ်ဖို့များပြီး ဒါက ကျွန်တော်တို့ ခန့်မှန်းလို့ရတဲ့ အမြင့်ဆုံးအဆင့်ပါပဲ။”ဟု သူက ပြောဆိုသည်။

စစ်တပ်အနေဖြင့် ၎င်းတို့၏ ဆိုးဝါးနေသော နိုင်ငံတကာသံတမန်ရေးရာ အကျပ်အတည်းများကို ပြုပြင်ရန်နှင့် ရွေးကောက်ပွဲအကြောင်းပြကာ ပုံမှန်အစိုးရသဖွယ် ပုံဖော်ရန်အတွက် ဒေါ်အောင်ဆန်းစုကြည်၏ သတင်းကို အသုံးချနေသော်လည်း၊ အသက်ထင်ရှားရှိကြောင်း သက်သေအထောက်အထား တစ်စုံတစ်ရာမျှ ထုတ်မပြနိုင်ခြင်းမှာ အလွန်အန္တရာယ်များသည့် အခြေအနေကို ညွှန်ပြနေကြောင်း ၎င်းက ဆက်လက်ထောက်ပြသည်။

“ဒါက တကယ့်ကို စိုးရိမ်စရာကောင်းပါတယ်။ ဘာဖြစ်လို့လဲဆိုတော့ စစ်ကောင်စီက ဒါကိုလုပ်ပြီး တစ်ဖက်ကလည်း ရွေးကောက်ပွဲအကြောင်းပြကာ သူတို့ကိုယ်သူတို့ ပုံမှန်အစိုးရတစ်ရပ်လို ပုံဖော်ဖို့နဲ့ သူတို့ရဲ့ ဆိုးဝါးနေတဲ့ နိုင်ငံတကာ သံတမန်ရေးရာ အဆင့်အတန်းကို ပြုပြင်ဖို့ အသုံးချပြီး အလျှော့အတင်း ကမ်းလှမ်းချက်တစ်ချို့ ရယူဖို့ ကြိုးစားနေတာ ဖြစ်လို့ပါ။ ဒါပေမဲ့ သူမ အသက်ထင်ရှား ရှိနေသေးကြောင်း သက်သေပြနိုင်မယ့် မည်သည့်အထောက်အထားမျှ ဓာတ်ပုံများ၊ ကျန်းမာရေးစစ်တမ်း သို့မဟုတ် လက်ရှိအခြေအနေ အပ်ဒိတ်တွေကို လုံးဝ ထုတ်မပြတာက တကယ် စိုးရိမ်စရာပါ။”ဟု သူက ဆက်လက်ရှင်းပြသည်။

ရှောင်တာနယ်က စစ်ကောင်စီဘက်က ယခုကဲ့သို့ အမှန်တရားကို ဖုံးကွယ်ထားခြင်း၏ နောက်ကွယ်တွင် ဖြစ်နိုင်ခြေ အဆိုးဆုံးအခြေအနေ ၂ ခုကြောင့် ဖြစ်နိုင်ကြာင်း သတိပေးပြောကြားသွားခဲ့သည်။

“သူတို့ မျှော်မှန်းထားတဲ့ နိုင်ငံရေးရည်မှန်းချက်တွေအရ ဆိုရင်တော့ ဒါတွေကို ထုတ်ပြဖို့ သူတို့မှာ အကြောင်းပြချက် အပြည့်ရှိပါတယ်။ ဒါကိုမှ မလုပ်ဘူးဆိုရင် အချက်နှစ်ချက်ပဲ ရှိနိုင်ပါတယ်။ တစ်ချက်က သူမရဲ့ ကျန်းမာရေး အခြေအနေက အလွန်ဆိုးဝါးနေလို့ ပုံထွက်သွားရင် စိုးရိမ်ရတဲ့ အခြေအနေ ဖြစ်နိုင်သလို၊ နောက်ဆုံး အဆိုးဆုံး အတွေးကတော့ သူမ အသက်ရှိသေးရဲ့လား ဆိုတာပါပဲ။ ကျွန်တော်တို့အနေနဲ့ စစ်တပ်ဘက်က ထုတ်ပြန်ချက်ကို စောင့်နေရဆဲ ဖြစ်ပေမဲ့ အဓိကကတော့ အသက်ထင်ရှားရှိကြောင်း သက်သေကိုပဲ စောင့်နေကြတာ ဖြစ်ပါတယ်။”ဟု ရှောင်တာနယ်က ဆက်လက်ပြောဆိုသည်။

အကြမ်းဖက်စစ်တပ်က ၂၀၂၁ ခုနှစ် ဖေဖော်ဝါရီလ ၁ ရက်နေ့ စစ်အာဏာသိမ်းပြီးနောက်လူထုခေါင်းဆောင် ဒေါ်အောင်ဆန်းစုကြည်ကို မတရားဖမ်းဆီးကာ နှစ်ရှည်ထောင်ဒဏ်များ ချမှတ်ထားခြင်းဖြစ်သည်။

The post ဒေါ်အောင်ဆန်းစုကြည် သက်ရှိထင်ရှားရှိကြောင်း စစ်တပ်က ထုတ်ပြရန် ငြင်းဆန်နေမှုမှာ ကျန်းမာရေးဆိုးရွားနေမှု (သို့မဟုတ်) သက်ရှိထင်ရှား မရှိတော့မှုကြောင့် ဖြစ်နိုင်ဟု စီးပွားရေးအကြံပေး ရှောင်တာနယ်ပြော appeared first on Khit Thit Media.

🔗 ဖတ်ရန်: https://yktnews.com/2026/05/250309/
📌 Khit Thit Media

178

မြဝတီသတင်း

17:32 24 thg 5, 2026

📰 ပုလော၊ ရွှေကျင်၊ တနင်္သာရီနှင့် မြိုင်မြို့နယ်ရှိ ကျေးရွာများကို စစ်တပ်က လေယာဉ်၊ လက်နက်ကြီးဖြင့် တိုက်ခိုက်မှု ပြည်သူ ၁ ဦးသေဆုံးပြီး နေအိမ်များ ပျက်စီး

📅 May 23, 2026 at 06:33 AM

ရန်ကုန်၊ မေ ၂၃

တနင်္သာရီတိုင်း၊ ပုလောမြို့နယ်ရှိ ကျေးရွာများကို အကြမ်းဖက် စစ်တပ်က လေယာဉ်ဖြင့် ဗုံးကျဲ တိုက်ခိုက်ခဲ့ရာ မူကြိုစာသင်ကျောင်း ၁ လုံးနှင့် နေအိမ် ၄ လုံး ပျက်စီးခဲ့ကြောင်း KNU မြိတ်-ထားဝယ်ခရိုင်က ထုတ်ပြန်ထားသည်။

မေလ ၂၂ ရက်နေ့ မွန်းလွဲ ၂ နာရီခန့်တွင် ပုလောမြို့နယ်၊ ထီးမိုပွာထပ်ခေါကျေးရွာအုပ်စု၊ ဖားကွင်းကျေးရွာအတွင်းကို အကြမ်းဖက် စစ်တပ်က ဂျက်ဖိုက်တာဖြင့် ပေါင် ၅၀၀ ဗုံး ၂ လုံး ကျဲချတိုက်ခိုက်ခဲ့ခြင်းဖြစ်ကြောင်း၊ ထိုလေကြောင်း တိုက်ခိုက်မှုအတွင်း ဖားကွင်းကျေးရွာအတွင်းရှိ ကလေးငယ်များ ပညာသင်ကြားနေသော မူကြိုစာသင်ကျောင်း ၁ လုံး ထိခိုက်ပျက်စီးခဲ့ကြောင်း သိရသည်။

အလားတူ ယင်းနေ့ မွန်းလွဲ ၂ နာရီ ၅၅ မိနစ်ခန့်ကလည်း အကြမ်းဖက် စစ်တပ်က ပုလောမြို့နယ်၊ ထီးမိုပွာလာခေါကျေးရွာအုပ်စု၊ ကင်းနီကျွန်းကျေးရွာအတွင်းကို ဂျက်ဖိုက်တာဖြင့် ပေါင် ၅၀၀ ဗုံး ၂ လုံး ထပ်မံကျဲချ တိုက်ခိုက်ခဲ့ရာ ကင်းနီကျွန်းကျေးရွာအတွင်းရှိ ပြည်သူ့နေအိမ် ၄ လုံး ဗုံးစထိမှန်ကာ ပျက်စီးသွားခဲ့ကြောင်း သိရသည်။

အလားတူ ပဲခူးတိုင်း၊ ရွှေကျင်မြို့နယ်တွင်လည်း အကြမ်းဖက် စစ်တပ် ထောင်ထားသော မိုင်းနင်းမိခြင်း၊ လက်နက်ကြီးဖြင့် ပစ်ခတ် တိုက်ခိုက်ခြင်းကြောင့် ပြည်သူ ၁ ဦးသေဆုံးခဲ့ကြောင်း KNU ဗဟိုက ထုတ်ပြန်ထားသည်။

မေလ ၁၆ ရက်နေ့တွင် အင်္ဂနီကျေးရွာအတွင်း အကြမ်းဖက် စစ်တပ်က ထောင်ထားသော မြေမြုပ်မိုင်းနင်းမိပြီးကျေးရွာနေပြည်သူ အသက် ၁၃ နှစ်အရွယ် မောင်ရဲမင်းထွန်း ထိခိုက်ဒဏ်ရာရရှိခဲ့ကြောင်း၊ မေလ ၁၂ ရက်နေ့တွင် နတ်သံကွင်းရှိ အကြမ်းဖက် စစ်တပ်က ၁၂၀ မမ လက်နက်ကြီး ၁ လုံး ပစ်ခတ်ခဲ့ရာ တောကြောင်ပေါက်ကျေးရွာအတွင်း ကျရောက်ပေါက်ကွဲခဲ့ပြီး အသက် ၇၅ နှစ်အရွယ် စောလှမောင်ကြီး သေဆုံးကာ နေအိမ် ၁ လုံး ပျက်စီးခဲ့ကြောင်း သိရသည်။

ထို့ပြင် မကွေးတိုင်း၊ မြိုင်မြို့နယ်တွင်လည်း အကြမ်းဖက် စစ်တပ်က မင်းကန်ရွာကို ဗုံးကျဲ တိုက်ခိုက်မှု ပြည်သူများ ထိခိုက်မှုရှိကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

မေလ ၂၁ ရက်နေ့တွင် ညနေ ၄ နာရီခန့်တွင် မြိုင်မြိုနယ် အရှေ့တောင်ပိုင်း မင်းကန်ရွာကို အကြမ်းဖက် စစ်တပ်၏ တံတားဦးလေတပ်မှ တက်လာသော ဂျက်ဖိုက်တာ ၁ စီးနှင့် မကွေးလေတပ်မှ တက်လာသော ဂျက်ဖိုက်တာ ၁ စီးက လေကြောင်းတိုက်ခိုက်မှု ပြုလုပ်ခဲ့ကြောင်း၊ ထိုလေကြောင်းတိုက်ခိုက်မှုအတွင်း ပြည်သူ ၇ ဦးထက်မနည်း ထိခိုက်မှုရှိကြောင်း သိရသည်။

ပြည်သူ ၇ ဦးလောက်ထိခိုက်မှုရှိပါတယ်။ စစ်ခွေးတွေက အရပ်သားပြည်သူတွေ နေထိုင်တဲ့ ရွာကို လေကြောင်းနဲ့ ဗုံးကျဲ တိုက်ခိုက်သွားတာ ဟု ဒေသပြည်သူတစ်ဦးက ပြောဆိုသည်။

ထို့အတူ တနင်္သာရီတိုင်း၊ တနင်္သာရီမြို့နယ် လယ်သစ်ရွာကို အကြမ်းဖက် စစ်တပ်က တိုက်ပွဲဖြစ်ပွားခြင်းမရှိဘဲ လေကြောင်းတိုက်ခိုက်မှုပြုလုပ်ခဲ့ကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ပြောဆိုသည်။

မေလ ၂၂ ရက်နေ့ နံနက် ၈နာရီ ၃၀ မိနစ်ခန့်တွင် မြိတ်လေတပ်မှ တက်လာသော ဂျက်ဖိုက်တာဖြင့် တနင်္သာရီမြို့နယ် လယ်သစ်ရွာကို အကြမ်းဖက် စစ်တပ်က တိုက်ပွဲဖြစ်ပွားခြင်းမရှိဘဲ လေကြောင်းတိုက်ခိုက်မှုပြုလုပ်ခဲ့ကြောင်း၊ ထိုလေကြောင်းတိုက်ခိုက်မှုအတွင်း ထိခိုက်မှုအခြေအနေကို အတည်ပြုနိုင်ခြင်းမရှိသေးကြောင်း သိရသည်။

စစ်ခွေးတွေ တိုက်ပွဲဖြစ်ပွားခြင်းမရှိဘဲ လေကြောင်းတိုက်ခိုက်ခဲ့တာပါ။ စစ်ခွေး ဗုံး ၁လုံးဖြင့် ကျဲသွားတာပါ။ ပြည်သူများ ထိခိုက်ဒဏ်ရာရတာမျိုးနှင့် နေအိမ် ပျက်စီးတာတော့ မရှိပါဘူး။ ပြည်သူများအနေဖြင့် စစ်ကြောင်းနှင့် လေကြောင်းအန္တရာယ်တို့ကို သတိပြုနေထိုင်ကြဖို့ ပြောချင်ပါတယ် ဟု ဒေသပြည်သူတစ်ဦးကပြောဆိုသည်။

The post ပုလော၊ ရွှေကျင်၊ တနင်္သာရီနှင့် မြိုင်မြို့နယ်ရှိ ကျေးရွာများကို စစ်တပ်က လေယာဉ်၊ လက်နက်ကြီးဖြင့် တိုက်ခိုက်မှု ပြည်သူ ၁ ဦးသေဆုံးပြီး နေအိမ်များ ပျက်စီး appeared first on Khit Thit Media.

🔗 ဖတ်ရန်: https://yktnews.com/2026/05/250321/
📌 Khit Thit Media

မြဝတီသတင်း

17:32 24 thg 5, 2026

📰 ကိုးကန့်ကျားဖြန့်ဂိုဏ်းခေါင်းဆောင် ပယ်မိသားစုနှင့် မြီမိသားစုတို့ကို သေဒဏ်စီရင်ခဲ့ပြီးနောက် ကိုးကန့် ပြည် သူ့စစ်ခေါင်း ဆောင် ဝေဆန်း အပါအဝင် ၅ ဦးကို လူသတ်မှု၊ အွန်လိုင်းငွေလိမ်လည်မှုများဖြင့် တရုတ်တရားရုံးက ဆက်လက်စစ်ဆေးနေ

📅 May 23, 2026 at 04:37 AM

ရန်ကုန်၊ မေ ၂၃

မြန်မာစစ်တပ်လက်အောက်ခံ ကိုးကန့်ပြည်သူ့စစ်ခေါင်းဆောင်ဟောင်းများဖြစ်ကြသည့် ပယ်မိသားစုနှင့် မြီမိသားစုဝင်များကို တရုတ်အစိုးရက သေဒဏ်စီရင်ကွပ်မျက်ခဲ့ပြီးနောက်၊ အွန်လိုင်းငွေကြေးလိမ်လည်မှု (ကျားဖြန့်) နှင့် လူသတ်မှုများတွင် အဓိကပါဝင်ခဲ့သူ ကိုးကန့်ပြည်သူ့စစ်ခေါင်းဆောင် ဝေဆန်း အပါအဝင် ၅ ဦးကို တရုတ်နိုင်ငံအရှေ့ပိုင်းရှိ တရားရုံးတစ်ခုတွင် ဆက်လက်စစ်ဆေးခဲ့ကြောင်း တရုတ်နိုင်ငံပိုင် သတင်းများတွင် ဖော်ပြထားသည်။

တရုတ်နိုင်ငံအရှေ့ပိုင်း၊ ဖူကျန့်ပြည်နယ်၊ ချွမ်ကျိုးမြို့ အလယ်အလတ်ပြည်သူ့တရားရုံးသည် ဝေဆန်းနှင့် ၎င်း၏အဖွဲ့သားများအပေါ် စွဲဆိုထားသော အမှုများကို မေလ ၁၉ ရက်နေ့မှ ၂၂ ရက်နေ့အထိ ကြားနာစစ်ဆေးခဲ့ခြင်း ဖြစ်သည်။

တရားလို အစိုးရရှေ့နေများ၏ တရားရုံးအတွင်း ပြောကြားချက်အရ ဝေဆန်းနှင့် ၎င်း၏မိသားစုဝင်များသည် မြန်မာစစ်တပ်လက်အောက်ခံ ပြည်သူ့စစ်ခေါင်းဆောင်အဖြစ် တာဝန်ယူထားစဉ် ၎င်းတို့၏ စစ်ရေးနှင့် နိုင်ငံရေးဩဇာအာဏာကို အလွဲသုံးစားပြုကာ တရုတ်နိုင်ငံသားများကို အွန်လိုင်းကျားဖြန့်ငွေလိမ်ခြံဝင်းများအတွင်း အဓမ္မပစ်မှတ်ထား လိမ်လည်စေခြင်းနှင့် ရက်စက်စွာ ခိုင်းစေခြင်းများ ပြုလုပ်ခဲ့ကြောင်း သိရသည်။

အဆိုပါ ငွေလိမ်ခြံဝင်းများအတွင်း ရာဇဝတ်မှုအမြောက်အမြား ကျူးလွန်ခဲ့ပြီး ယင်းလိမ်လည်မှုများမှတစ်ဆင့် ယွမ် ၂ ဒသမ ၄ ဘီလီယံ (အမေရိကန်ဒေါ်လာ ၃၅၃ သန်း) အထိ မတရားအကျိုးအမြတ် ရယူခဲ့သည့်အပြင်၊ ဝေဆန်း ဦးဆောင်သော လက်နက်ကိုင်တပ်ဖွဲ့များနှင့် ငွေလိမ်ဂိုဏ်းများကြောင့် တရုတ်နိုင်ငံသား ၄ ဦး သေဆုံးခဲ့ရသည်ဟု အစိုးရရှေ့နေများက တရားရုံးတွင် တင်ပြခဲ့သည်။

ကိုးကန့်ဒေသတွင် စစ်တပ်၏ ကျောထောက်နောက်ခံပေးမှုဖြင့် ကာစီနိုလုပ်ငန်းများ၊ အပျော်အပါးလုပ်ငန်းများနှင့် အွန်လိုင်းကျားဖြန့်လိမ်လည်ရေးစခန်းများကို စနစ်တကျ လည်ပတ်ခဲ့ကြသည့် အခြားမာဖီးယားဂိုဏ်းဝင်များကိုလည်း တရုတ်အစိုးရက ပြတ်ပြတ်သားသား အရေးယူခဲ့ပြီး ဖြစ်သည်။

ပြီးခဲ့သည့် ဇန်နဝါရီလ ၂၉ ရက်နေ့က အွန်လိုင်းကျားဖြန့်လိမ်လည်မှု၊ လူသတ်မှု၊ မတရားဖမ်းဆီးထိန်းသိမ်းမှုနှင့် လောင်းကစားလုပ်ငန်းများ ဖွင့်လှစ်မှုတို့ဖြင့် အပြစ်ရှိကြောင်း စီရင်ချက်ချမှတ်ခံထားရသည့် ကိုးကန့်ပြည်သူ့စစ်ခေါင်းဆောင် မြီမိသားစုဝင် ၁၁ ဦးကို တရုတ်အစိုးရက သေဒဏ်စီရင်ကွပ်မျက်ခဲ့သည်။

ထို့ပြင် ဖေဖော်ဝါရီလအတွင်းကလည်း ကျားဖြန့်လိမ်လည်မှု၊ လောင်းကစားမှုနှင့် လူကုန်ကူးမှုများမှတစ်ဆင့် ယွမ်ငွေ ၂၉ ဘီလီယံကျော် (အမေရိကန်ဒေါ်လာ ၄.၁ ဘီလီယံခန့်) ကို မတရားရယူခဲ့သည့် ကိုးကန့်ပြည်သူ့စစ်ခေါင်းဆောင် ပယ်ဆောက်ချိန်၏ မိသားစုဝင် ၄ ဦးဖြစ်သော ပယ်ရင်ချန် (Bai Yingcang)၊ Yang Liqiang၊ Hu Xiaojiang နှင့် Chen Guangyi တို့ကို ကွမ်တုံး (Guangdong) ပြည်နယ် တရားရုံး၏ ဆုံးဖြတ်ချက်အရ သေဒဏ်စီရင်ကွပ်မျက်ခဲ့ပြီး ဖြစ်သည်။ ခေါင်းဆောင်ဖြစ်သူ ပယ်ဆောက်ချိန်မှာမူ သေဒဏ်ချမှတ်ခံရပြီးနောက် နာမကျန်းဖြစ်၍ သေဆုံးသွားခဲ့ခြင်း ဖြစ်သည်။

တရုတ်အာဏာပိုင်များ၏ စုံစမ်းစစ်ဆေးချက်များအရ ပယ်မိသားစုသည် ကိုယ်ပိုင်လက်နက်ကိုင်အဖွဲ့တစ်ခုကို ထိန်းချုပ်ကာ အွန်လိုင်းလိမ်လည်မှုနှင့် ကာစီနိုလုပ်ငန်းများအတွက် စခန်းပေါင်း ၄၁ ခုကို တည်ထောင်ခဲ့ပြီး၊ ၎င်းတို့၏ ရာဇဝတ်မှုများကြောင့် တရုတ်နိုင်ငံသား ၆ ဦး သေဆုံးခဲ့ကာ လူတစ်ဦး မိမိကိုယ်ကိုယ် သတ်သေသွားခဲ့ရသည်။

အဆိုပါ ကိုးကန့်ပြည်သူ့စစ်အဖွဲ့များနှင့် မာဖီးယားအင်ပါယာများသည် ၂၀၀၀ ပြည့်နှစ်အစောပိုင်းတွင် လောက်ကိုင်မြို့ကို ထိန်းချုပ်နေသော ယခင်စစ်ခေါင်းဆောင် ဖုန်ကြားရှင်ကို ဖယ်ရှားခဲ့သည့် စစ်ရေးလှုပ်ရှားမှုနောက်ပိုင်း အာဏာရလာခဲ့ခြင်းဖြစ်သည်။

ယင်းစစ်ရေးလှုပ်ရှားမှုကို လက်ရှိမြန်မာစစ်ခေါင်းဆောင် မင်းအောင်လှိုင်က ဦးဆောင်ခဲ့ခြင်းဖြစ်ပြီး၊ ထိုအချိန်က စစ်တပ်ဘက်မှ ပူးပေါင်းလုပ်ကိုင်နိုင်မည့် မဟာမိတ်အဖြစ် ဖုန်ကြားရှင်၏ လက်ထောက်ဟောင်း ပယ်ဆောက်ချိန်ကို ယုံကြည်လက်တွဲခဲ့ခြင်း ဖြစ်သည်။

သို့သော်လည်း ၂၀၂၃ ခုနှစ်တွင် တရုတ်အစိုးရအနေဖြင့် မြန်မာစစ်တပ်၏ အွန်လိုင်းလိမ် လည်မှုများအပေါ် လုံလောက်စွာ တုံ့ပြန်နှိမ်နင်းခြင်းမရှိမှုကို မကျေမနပ်ဖြစ်လာခဲ့ပြီး၊ ဒေသတွင်း တိုင်းရင်းသားလက်နက်ကိုင်အဖွဲ့များ၏ တိုက်ခိုက်မှုကို သွယ်ဝိုက်ထောက်ခံခဲ့ရာမှ ကိုးကန့်ပြည်သူ့စစ် မာဖီးယားအင်ပါယာများ အကုန်အစင် ပြိုလဲသွားခဲ့ရကာ၊ နောက်ဆုံးတွင် ကျားဖြန့်ဂိုဏ်းဝင်များကို ဖမ်းဆီး၍ တရုတ်ဘက်သို့ လွှဲပြောင်းပေးခဲ့ရခြင်း ဖြစ်သည်။

The post ကိုးကန့်ကျားဖြန့်ဂိုဏ်းခေါင်းဆောင် ပယ်မိသားစုနှင့် မြီမိသားစုတို့ကို သေဒဏ်စီရင်ခဲ့ပြီးနောက် ကိုးကန့် ပြည် သူ့စစ်ခေါင်း ဆောင် ဝေဆန်း အပါအဝင် ၅ ဦးကို လူသတ်မှု၊ အွန်လိုင်းငွေလိမ်လည်မှုများဖြင့် တရုတ်တရားရုံးက ဆက်လက်စစ်ဆေးနေ appeared first on Khit Thit Media.

မြဝတီသတင်း

17:32 24 thg 5, 2026

🔗 ဖတ်ရန်: https://yktnews.com/2026/05/250312/
📌 Khit Thit Media

213

မြဝတီသတင်း

17:32 24 thg 5, 2026

📰 မန္တလေးနှင့် မကွေးတိုင်းတို့တွင် စစ်ကောင်စီစစ်ကြောင်းက ကျေးရွာများကို ဝင်ရောက်စီးနင်းပြီး ပြည်သူပိုင်ပစ္စည်းများ လုယက်ကာ ကျောင်းသားလူငယ်များနှင့် အမျိုးသားများကို ပေါ်တာဆွဲ ဖမ်းဆီးသွား

📅 May 23, 2026 at 08:39 AM

ရန်ကုန်၊ မေ ၂၃

မန္တလေးတိုင်း၊ ငါန်းဇွန်မြို့နယ်နှင့် ညောင်ဦးမြို့နယ်အပြင်၊ မ​ကွေးတိုင်း၊ ချောက်မြို့နယ်တို့ရှိ ကျေးရွာများကို ယနေ့ မေလ ၂၃ ရက်နေ့တွင် စစ်တပ်နှင့် ပျူစောထီး (ပြည်သူ့စစ်) ပူးပေါင်းစစ်ကြောင်းများက ဝင်ရောက်စီးနင်းကာ ပြည်သူပိုင်ပစ္စည်းများကို လုယက်ယူဆောင်ခြင်းနှင့် ဒေသခံအမျိုးသားများကို ဖမ်းဆီးခေါ်ဆောင်ခြင်းများ ပြုလုပ်သွားကြောင်း ဒေသခံပြည်သူများထံမှ သိရသည်။

ယနေ့တွင် မန္တလေးတိုင်း၊ ငါန်းဇွန်မြို့နယ်၊ နဘဲပင်ကျေးရွာနှင့် ကျောက်တိုင်ကျေးရွာတို့သို့ စစ်ကောင်စီတပ်နှင့် ပြည်သူ့စစ်ပူးပေါင်းအဖွဲ့က မော်တော်ယာဉ် ၅ စီးဖြင့် အင်အားသုံး ဝင်ရောက်စီးနင်းခဲ့သည်။

ထိုသို့ ဝင်ရောက်ပြီးနောက် ကျေးရွာအတွင်းရှိ ပြည်သူ ၄ ဦးကို ဖမ်းဆီးခေါ်ဆောင်သွားသည့်အပြင် ပြည်သူပိုင် မြေပဲမျိုးအိတ်များ၊ မော်တော်ဆိုင်ကယ်များနှင့် ရွှေထည်ပစ္စည်းများကို ကား ၄ စီးအပြည့် အဓမ္မတင်ဆောင်ကာ လုယက်ယူဆောင်သွားခဲ့ကြောင်း သိရသည်။

လူငယ်ရယ်လို့ မဟုတ်ဘူးဗျ၊ ယောကျာ်းသားမှန်ရင် အကုန်ဖမ်းတာ။ အသက်ကြီးတဲ့သူတွေဆိုရင်တော့ နောက် ပိုင်းမှာ ငွေနဲ့ပြန်ရွေးခိုင်းဖို့ ဖမ်းတာ၊ လူငယ်ဆိုရင်တော့ စစ်တပ်ထဲ အဓမ္မထည့်ဖို့ ဖမ်းဆီးတာဗျ ဟု ဒေသပြည်သူတစ်ဦးက ပြောဆိုသည်။

အလားတူ ယနေ့နံနက် ၆ နာရီ ဝန်းကျင်အချိန် မန္တလေးတိုင်း၊ ညောင်ဦးမြို့နယ်၊ ဒါန်းကျေးရွာသို့ စစ်ကောင်စီစစ်ကြောင်းက ဝင်ရောက်လာပြီး ဦးရွှေဝင်းနှင့် ဒေါ်လှရီတို့၏ သားအငယ်ဆုံးဖြစ်သည့် အသက်မပြည့်သေးဘဲ ကျောင်းတက်နေဆဲဖြစ်သူ မောင်အောင်ပြည့်ချစ်ကို ဖမ်းဆီးခေါ်ဆောင်သွားခဲ့သည်။

ထို့ပြင် အဆိုပါ ဒါန်းကျေးရွာအနီးရှိ မကွေးတိုင်း၊ ချောက်မြို့နယ်အပိုင် ညောင်ပင်သာကျေးရွာတွင်လည်း ပျူစောထီးအဖွဲ့များ၏ သတင်းပေးမှုဖြင့် စစ်ကောင်စီတပ်က ဝင်ရောက်ဖမ်းဆီးရာ ဒေသခံအမျိုးသား ၅ ဦး ထပ်မံဖမ်းဆီးသွားကြောင်း သိရသည်။

စစ်တပ်က စစ်မှုထမ်းဥပဒေအရ လူအင်အား လိုအပ်နေခြင်းကြောင့်လည်းကောင်း၊ ငွေညှစ်လိုခြင်းကြောင့်လည်းကောင်း စစ်ကြောင်းထိုးရာ လမ်းတလျှောက်ရှိ ကျေးရွာများမှ ယောကျာ်းသားများကို အရွယ်မရွေး ဖမ်းဆီးမှုများ ဆက်တိုက်ပြုလုပ်နေကြောင်း ဒေသတွင်း သတင်းရင်းမြစ်များက ပြောဆိုသည်။

ဓာတ်ပုံ- အကြမ်းဖက်စစ်တပ်လက်အောက်ခံရဲများက စစ်ဆေးရေးများလုပ်ဆောင်ကာ ဆိုင်ကယ်များကို သိမ်းဆည်းနေစဉ်။ (ပုံအဟောင်းဖြစ်ပါသည်။)

The post မန္တလေးနှင့် မကွေးတိုင်းတို့တွင် စစ်ကောင်စီစစ်ကြောင်းက ကျေးရွာများကို ဝင်ရောက်စီးနင်းပြီး ပြည်သူပိုင်ပစ္စည်းများ လုယက်ကာ ကျောင်းသားလူငယ်များနှင့် အမျိုးသားများကို ပေါ်တာဆွဲ ဖမ်းဆီးသွား appeared first on Khit Thit Media.

🔗 ဖတ်ရန်: https://yktnews.com/2026/05/250334/
📌 Khit Thit Media

မြဝတီသတင်း

17:32 24 thg 5, 2026

📰 ထိုင်းနိုင်ငံတွင် မြန်မာနိုင်ငံသား အလုပ်သမား ကိုအောင်ဇော်ကို ဓားဖြင့်ထိုးသတ်ခဲ့သည့် ထိုင်းလူငယ် ၄ ဦးကို ဖမ်းဆီးရမိ

📅 May 23, 2026 at 08:38 AM

ရန်ကုန်၊ မေ ၂၃

ထိုင်းနိုင်ငံ အရှေ့မြောက်ပိုင်း နခွန်ရက်ချာဆီမာခရိုင်ရှိ အမှိုက်စွန့်ပစ်ရာနေရာတစ်ခုတွင် အသက် ၃၅ နှစ်အရွယ် မြန်မာနိုင်ငံသားအလုပ်သမား ကိုအောင်ဇော်ကို ဝိုင်းဝန်းရိုက်နှက်၍ ဓားဖြင့်ထိုးသတ်ခဲ့မှုဖြင့် အသက် ၁၃ နှစ်မှ ၁၉ နှစ်အရွယ်ရှိ ထိုင်းလူငယ် ၄ ဦးကို ရဲတပ်ဖွဲ့က ဖမ်းဆီးရမိထားကြောင်း ဘန်ကောက်ပို့စ်သတင်းအရ သိရှိရသည်။

မေလ ၂၀ ရက်နေ့ ညနေပိုင်း နခွန်ရက်ချာဆီမာခရိုင်၊ မောင်မြို့နယ် (Muang District) အတွင်းရှိ သနွန်ချီရာ (Thanonchira) မီးရထားသံလမ်းအနီးရှိ အမှိုက်စွန့်ပစ်ရာနေရာတစ်ခုတွင် ဖြစ်ပွားခဲ့ခြင်းဖြစ်ကြောင်း၊ သေဆုံး သူ မြန်မာနိုင်ငံသား အောင်ဇော် မှာ အမှိုက်ပုံ၊ ဆိုဖာအဟောင်းတစ်ခုအနီးတွင် ရင်ဘတ်၌ ဓားထိုးဒဏ်ရာဖြင့် သွေးအိုင်ထဲတွင် လဲကျနေခဲ့ကြောင်း၊ ၎င်းသည် သေဆုံးခြင်းမရှိမီ ၎င်း၏အိတ်ကို တင်းကျပ်စွာဆုပ်ကိုင်၍ အကူအညီတောင်းခံရန် ကြိုးစားခဲ့သေးကြောင်း သိရှိရသည်။

ရဲမှူးကြီး သီရိချိုင်၏ ပြောကြားချက်အရ ဒဏ်ရာရရှိခဲ့သည့် မြန်မာလုပ်သားကို မဟာရတ် နခွန်ရက်ချာဆီမာ ဆေးရုံ (Maharat Nakhon Ratchasima Hospital) သို့ အရေးပေါ်ပို့ဆောင်ခဲ့သော်လည်း နောက်ပိုင်းတွင် သေဆုံးသွားခဲ့သည်။

ရဲတပ်ဖွဲ့သည် ပြစ်မှုကျူးလွန်ရာတွင် အသုံးပြုခဲ့သည့် အရှည် ၁၄ စင်တီမီတာရှိသော ဓားတစ်စင်းနှင့်အတူ ပြစ်မှုကျူးလွန်သူ ထိုင်းလူငယ် ၄ ဦးကို ဖမ်းဆီးရမိခဲ့သည်။

ဖမ်းဆီးရမိသူများအနက် အသက် ၁၉ နှစ်အရွယ်ရှိ ပါပန်ကွန် (Papangkorn) ဆိုသူက ၎င်းကိုယ်တိုင် သေဆုံးသူကို ဓားဖြင့်ထိုးခဲ့ခြင်းဖြစ်ကြောင်း ရဲတပ်ဖွဲ့ထံတွင် ဝန်ခံထွက်ဆိုထားသည်။

ကျန်ရှိသည့် အသက် ၁၅ နှစ်အရွယ် လူငယ်နှစ်ဦးက သေဆုံးသူအား ဝိုင်းဝန်းကန်ကျောက်ခဲ့ကြပြီး အသက် ၁၃ နှစ်အရွယ် လူငယ်ကမူ ဆိုင်ကယ်စီးဦးထုပ်ဖြင့် ဝိုင်းဝန်းရိုက်နှက်ခဲ့ကြောင်း ထွက်ဆိုထားကြသည်။

အဆိုပါ လူငယ် ၄ ဦးအနက် အသက်အကြီးဆုံးဖြစ်သူ ပါပန်ကွန်မှာ ခိုးမှုဖြင့် ထောင်ဒဏ်ကျခံခဲ့ရပြီး ပြီးခဲ့သည့်လကမှ ထောင်မှ ပြန်လည်လွတ်မြောက်လာသူတစ်ဦး ဖြစ်ကြောင်း၊ ကျန်ရှိသည့် လူငယ် ၃ ဦးမှာမူ ယခင်က ပြစ်မှုမှတ်တမ်းတစ်စုံတစ်ရာ မရှိခဲ့ဖူးသူများဖြစ်ကြောင်း ရဲတပ်ဖွဲ့၏ ထုတ်ပြန်ချက်အရ သိရသည်။

The post ထိုင်းနိုင်ငံတွင် မြန်မာနိုင်ငံသား အလုပ်သမား ကိုအောင်ဇော်ကို ဓားဖြင့်ထိုးသတ်ခဲ့သည့် ထိုင်းလူငယ် ၄ ဦးကို ဖမ်းဆီးရမိ appeared first on Khit Thit Media.

🔗 ဖတ်ရန်: https://yktnews.com/2026/05/250331/
📌 Khit Thit Media

မြဝတီသတင်း

17:32 24 thg 5, 2026

📰 ကနီမြို့နယ်အတွင်း စစ်ကြောင်းထိုးနေသော စစ်သားများ မိုင်းထိသေဆုံးသူများပြားနေပြီး ရုပ်အလောင်းများကို ချင်းတွင်းမြစ်ထဲ စွန့်ပစ်နေခြင်းကြောင့် အလောင်းများ မြစ်ထဲမျောပါလာ

📅 May 23, 2026 at 08:36 AM

ရန်ကုန်၊ မေ ၂၃

စစ်ကိုင်းတိုင်း၊ ကနီမြို့နယ်အတွင်း စစ်ကြောင်းထိုးနေသော စစ်သားများ မိုင်းထိသေဆုံးသူများပြားနေပြီး ရုပ်အလောင်းများကို ချင်းတွင်းမြစ်ထဲ စွန့်ပစ်နေခြင်းကြောင့် အလောင်းများ မြစ်ထဲမျောပါလာနေကြောင်း တော်လှန်ရေး သတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။

ဧပြီလ ၂၈ ရက်နေ့မှ စတင်ပြီး အကြမ်းဖက် စစ်တပ်က မုံရွာ-ယာ​ကြီး-ကလေးဝ လမ်းပိုင်းနှင့် ချောင်းမ-ကနီ လမ်းပိုင်းကို ထိန်းချုပ်နိုင်ရေး အင်အားအလုံးအရင်းဖြင့် စစ်ကြောင်းထိုးလာခြင်းဖြစ်ကြောင်း၊ ထိုစစ်တပ် စစ်ကြောင်းနှင့် တော်လှန်ရေးတပ်များလည်း ထိတွေ့ တိုက်ပွဲများ ဖြစ်ပွားခဲ့ပြီး စစ်တပ်ဘက်မှ ထိခိုင်သေဆုံးသူများပြားကာ ထွက်ပြေး အလင်းဝင်ရောက်ခဲ့သူများလည်း ရှိကြောင်း သိရသည်။

ထို့ပြင် စစ်တပ် စစ်ကြောင်းသည် ၎င်းတို့ စစ်ကြောင်းထိုးရာ လမ်းတောက်လျောက်တွင်လည်း တော်လှန်ရေးတပ်က ထောင်ထားသော မိုင်းများ ထိမှန်ပြီး ထိခိုက်သေဆုံးမှုများပြားခဲ့ကြောင်း၊ ယင်းသို့ သေဆုံးသွားသော စစ်သားအလောင်းများကို ချင်းတွင်းမြစ်ထဲ စွန့်ပစ်ခြင်းကြောင့် အလောင်းများ မြစ်ထဲမျောပါလာမှုများရှိကြောင်း၊ ထိုသို့ မိုင်းမိသေဆုံးသော စစ်သား ၅၀ ကျော်ရှိပြီး ဒဏ်ရာရရှိသူများကိုလည်း လမ်းပိုင်းတွင် စွန့်ပစ်မှုလည်း လုပ်ဆောင်ခဲ့ကြောင်း သိရှိရသည်။

ချင်းတွင်းမြစ်ထဲ မျောပါလာတဲ့ စစ်ခွေး အလောင်းတွေက ကနီမှာ စစ်ကြောင်းထိုးနေတဲ့ စစ်ခွေးတွေပါ။ စစ်ကြောင်းထိုးရင်း မိုင်းမိသေဆုံးတဲ့ စစ်ခွေးအလောင်းတွေကို ချင်းတွင်းမြစ်ထဲ ဒီအတိုင်းမျှောပစ်နေတာ အသုဘ အခမ်းအနား မလုပ်ဘဲ ငါးစာကျွေးနေတာ မိုင်းမိ သေဆုံးတဲ့ စစ်ခွေးက ၅၀ ကျော်တယ်။ ဒဏ်ရာရတဲ့ကောင်တေတွလည်း တဖြုတ်ဖြုတ်သေနေတယ်။ စစ်ခွေးစစ်ကြောင်းက ထွက်ပြေးလာသူတွေရှိသလို ဒဏ်ရာရသူတွေကို ထမ်းမခေါ်ဘဲ လမ်းမှာ စွန့်ပစ်ထားခဲ့တာတွေလည်းရှိတယ် ဟု တော်လှန်ရေး သတင်းရင်းမြစ်က ပြောဆိုသည်။

လက်ရှိချိန်တွင် အကြမ်းဖက် စစ်တပ် စစ်ကြောင်းသည် ရေလယ်ကျွန်းပျူစောထီးစခန်း၊ ချောင်းမရွာနှင့် ချောင်းမ-ကနီ လမ်းပိုင်းတွင် ဆက်လက် စစ်ကြောင်းထိုးနေခြင်းကြောင့် ကျေးရွာပေါင်း ၂၈ ခုမှ ပြည်သူ ၂၄၆၈၉ ဦးသည် ဘေးလွတ်ရာ ထွက်ပြေး တိမ်းရှောင်နေရပြီး စားဝတ်နေရေး ခက်ခဲနေဆဲဖြစ်ကြောင်း သိရသည်။

ကနီမြို့နယ် အတွင်း အကြမ်းဖက် စစ်တပ်က ဖုန်းလိုင်းများ ဖြတ်တောက်ထားဆဲဖြစ်ပြီး ကျေးရွာများကိုလည်း လေယာဉ်ဖြင့် ဗုံးကျဲ တိုက်ခိုက်ခြင်းကြောင့် ပြည်သူ ၄ ဦး သေဆုံးကာ ပြည်သူ ၈ ဦး ထိခိုက်ဒဏ်ရာရရှိခဲ့ကြောင်း၊ ထို့ပြင် စစ်တပ်က ပြည်သူ ၁ ဦးကိုလည်း ဖမ်းဆီးသတ်ဖြတ်ခဲ့ကာ နေအိမ် ၂၀ ခန့်နှင့် စစ်ရှောင်တဲ ၅ လုံးကိုလည်း မီးရှို့ဖျက်ဆီးထားသေးကြောင်း သိရှိရသည်။

The post ကနီမြို့နယ်အတွင်း စစ်ကြောင်းထိုးနေသော စစ်သားများ မိုင်းထိသေဆုံးသူများပြားနေပြီး ရုပ်အလောင်းများကို ချင်းတွင်းမြစ်ထဲ စွန့်ပစ်နေခြင်းကြောင့် အလောင်းများ မြစ်ထဲမျောပါလာ appeared first on Khit Thit Media.

🔗 ဖတ်ရန်: https://yktnews.com/2026/05/250326/
📌 Khit Thit Media

မြဝတီသတင်း

17:32 24 thg 5, 2026

📰 ၂၀၂၆ ခုနှစ်အတွက် ၁၇ ကြိမ်မြောက် ပြည်သူ့ဂုဏ်ရည်ဆုရှင်အဖြစ် ဦးမင်းကိုနိုင်ကို ရွေးချယ်ချီးမြှင့်

📅 May 23, 2026 at 10:42 AM

ရန်ကုန်၊ မေ ၂၃

မြန်မာနိုင်ငံတွင် ပရဟိတ၊ လူမှုရေး၊ ပညာရေးနှင့် နိုင်ငံရေးကဏ္ဍများ၌ ကိုယ်ကျိုးစွန့် အနစ်နာခံပြီး လူထုအကျိုး ပြုလုပ်ငန်းများကို တစိုက်မတ်မတ် လုပ်ဆောင်နေသူများကို ဂုဏ်ပြုပေးအပ်သည့် ပြည်သူ့ဂုဏ်ရည်ဆု (Citizen of Burma Award) ၏ ၂၀၂၆ ခုနှစ်အတွက် ၁၇ ကြိမ်မြောက် ဆုရှင်အဖြစ် ဦးမင်းကိုနိုင်ကို ရွေးချယ်ချီးမြှင့်လိုက်ကြောင်း သိရသည်။

ယနေ့ ထိုင်းနိုင်ငံ၊ ချင်းမိုင်မြို့၌ ကျင်းပပြုလုပ်နေသော ပြည်သူ့ဂုဏ်ရည်ဆုချီးမြှင့်ပွဲ အခမ်းအနားတွင် ယင်းသို့ ဦးမင်းကိုနိုင်ကို ၂၀၂၆ ခုနှစ်အတွက် ၁၇ ကြိမ်မြောက် ဆုရှင်အဖြစ် တရားဝင် ကြေညာလိုက်ခြင်း ဖြစ်သည်။

ဦးမင်ကိုနိုင်သည် ၁၉၈၈ ခုနှစ် ရှစ်လေးလုံးအရေးအခင်းကြီးမှစတင်၍ ယနေ့ နွေဦးတော်လှန်ရေးတွင်ပါ တက်ကြွစွာ ဦးဆောင်ပါဝင်နေခြင်းနှင့် ပြည်သူလူထုဘက်မှ အမြဲမပြတ်ရပ်တည်ခဲ့ခြင်းကြောင့် ၁၇ ကြိမ်မြောက် ဆုရှင်အဖြစ် ကြေညာရခြင်းဖြစ်ကြောင်း သိရှိရသည်။

၁၇ ကြိမ်မြောက် ပြည်သူ့ဂုဏ်ရည်ဆုရှင် ဦးမင်းကိုနိုင်သည် ၁၉၈၀ ခုနှစ်လွန်နှစ်များအတွင်း ရန်ကုန်ဝိဇ္ဇာနှင့်သိပ္ပံတက္ကသိုလ်တွင် သတ္တဗေဒအထူးပြုဖြင့် ပညာသင်ကြားနေစဉ် ရှစ်လေးလုံးကာလ ကျောင်းသားသမဂ္ဂခေါင်းဆောင်နှင့် ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် (ABFSU) ဥက္ကဋ္ဌအဖြစ် တာဝန်ထမ်းဆောင်ရင်း စစ်အာဏာရှင်ကို ရှေ့တန်းမှ ဦးဆောင် တော်လှန်ခဲ့သည်။

ရှစ်လေးလုံး လူထုအရေးတော်ပုံကြီးတွင် ထိပ်တန်းမှ ဦးဆောင်ခဲ့မှုကြောင့် ၁၉၈၉ ခုနှစ်တွင် စစ်အစိုးရ၏ ဖမ်းဆီးအကျဉ်းချခြင်းကို ခံခဲ့ရသည်။ ၂၀၁၂ ခုနှစ် ဇန်နဝါရီလ ၁၃ ရက်နေ့တွင် သမ္မတဦးသိန်းစိန်အစိုးရ၏ စတုတ္ထအကြိမ်မြောက် အကျဉ်းသား ၆၅၁ ဦး လွတ်ငြိမ်းချမ်းသာခွင့်တွင် ပြန်လည်လွတ်မြောက်လာခဲ့သည်။

ယင်းနောက် ဒီမိုကရေစီရေးနှင့် လူ့အခွင့်အရေးလုပ်ငန်းများကို တစိုက်မတ်မတ် ဆက်လက်လုပ်ဆောင်ခဲ့ပြီး ၂၀၂၁ ခုနှစ် နွေဦးတော်လှန်ရေးတွင်လည်း ပြည်သူလူထုဘက်မှ ဆက်လက်ရပ်တည်ကာ စစ်အာဏာရှင်ဆန့်ကျင် တော်လှန်ရေးတွင် ယနေ့အချိန်အထိ ဆက်လက်ဦးဆောင်ပါဝင်နေဆဲဖြစ်သည်။

ဦးမင်းကိုနိုင်သည် မြန်မာ့ဒီမိုကရေစီအရေးတွင် ကိုယ်ကျိုးစွန့် ဆောင်ရွက်ခဲ့မှုများကြောင့် ကမ္ဘာ့နိုင်ငံအသီးသီးမှ ထင်ရှားသော နိုင်ငံတကာဆုများ ရရှိခဲ့သည်။

ဦးမင်းကိုနိုင်သည် ကနေဒါနိုင်ငံမှ John Humphrey လွတ်မြောက်ရေးဆု (ဒေါက်တာစင်သီယာမောင်နှင့် ပူးတွဲရရှိ)၊ ချက်သမ္မတနိုင်ငံ၊ People in Need ဖောင်ဒေးရှင်းမှ Homo Homini ဆု၊ နော်ဝေးနိုင်ငံမှ ကျောင်းသားငြိမ်းချမ်းရေးဆု (Student Peace Prize)၊ အမေရိကန်နိုင်ငံ၊ Train ဖောင်ဒေးရှင်းမှ လူမှုရဲစွမ်းသတ္တိဆု (Civil Courage Prize)၊ တောင်ကိုရီးယားနိုင်ငံမှ ဂွမ်ဂျူးလူ့အခွင့်အရေးဆု အပါအဝင် နိုင်ငံတကာဆုများစွာ ရရှိခဲ့သည်။

ပြည်သူ့ဂုဏ်ရည်ဆုကို ပြည်ပရောက် တိုင်းရင်းသားမြန်မာမိသားစုများနှင့် အဝေးရောက်မြန်မာများ စုစည်းဖွဲ့စည်းထားသည့် ပြည်သူ့ဂုဏ်ရည်အသင်း (Citizen of Burma Award COBA) က ချီးမြှင့်ခြင်းဖြစ်ပြီး ပြည်သူ့ဂုဏ်ရည်အသင်းကို ၂၀၁၀ ခုနှစ်တွင် စတင်တည်ထောင်ခဲ့သည်။

The post ၂၀၂၆ ခုနှစ်အတွက် ၁၇ ကြိမ်မြောက် ပြည်သူ့ဂုဏ်ရည်ဆုရှင်အဖြစ် ဦးမင်းကိုနိုင်ကို ရွေးချယ်ချီးမြှင့် appeared first on Khit Thit Media.

🔗 ဖတ်ရန်: https://yktnews.com/2026/05/250340/
📌 Khit Thit Media

မြဝတီသတင်း

17:32 24 thg 5, 2026

📰 အုတ်ဖိုမြို့နယ်တွင် တိုက်ပွဲ ဆက်လက်ပြင်းထန်နေပြီး ရွာပေါင်း ၃၀ နီးပါးမှ သောင်းနှင့်ချီသော ပြည်သူများ ဘေးလွတ်ရာ တိမ်းရှောင်နေရ

📅 May 23, 2026 at 10:40 AM

ရန်ကုန်၊ မေ ၂၃

ပဲခူးတိုင်း၊ အုတ်ဖိုမြို့နယ် အတွင်း တိုက်ပွဲဆက်လက်ပြင်းထန်နေပြီး အကြမ်းဖက် စစ်တပ်က ကျေးရွာများကို ဒရုန်း၊ လက်နက်ကြီးများဖြင့် ဆက်တိုက် တိုက်ခိုက်နေ၍ ရွာပေါင်း ၃၀ နီးပါးမှ သောင်းနှင့်ချီသော ပြည်သူများ ဘေးလွတ်ရာ တိမ်းရှောင်နေရကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

မေလ ၂၁ ရက်နေ့ မွန်းလွဲ ၁၂ နာရီခန့်မှ စတင်ပြီး အင်အား ၃၀၀ ခန့်ပါ အကြမ်းဖက် စစ်တပ် စစ်ကြောင်းသည် အုတ်ဖိုမြို့နယ်၊ ကျေးပျက်ရွာနှင့် စံပြရွာတို့တွင် စခန်းချပြီး ကျေးရွာများကို ဒရုန်းဖြင့် မီးလောင်ဗုံးများ ကျဲချကာ လက်နက်ကြီး၊ လက်နက်ငယ်များဖြင့် ပစ်ခတ် တိုက်ခိုက်ခဲ့ကြောင်း၊ ထို့ကြောင့် ကြို့ကိုးပင်ရွာ ၊ မအူတန်းရွာ ၊ ကိုင်းကြီးရွာ နှင့် ရှားစေးဘို တို့ကို ကျရောက် ပေါက်ကွဲခဲ့ပြီး အသက် ၆၄ နှစ်အရွယ် ချောင်းခွရွာသား ဦးခင်လွင် ပြင်းထန် ဒဏ်ရာရရှိခဲ့ကြောင်း သိရှိရသည်။

ထိုအကြမ်းဖက် စစ်တပ် စစ်ကြောင်းနှင့် တော်လှန်ရေး တပ်ဖွဲ့များ ယမန်နေ့ ညပိုင်းထိ တိုက်ပွဲများ ဆက်တိုက် ပြင်းထန်ခဲ့ပြီး ယနေ့ နံနက်ပိုင်းတွင် တိုက်ပွဲဖြစ်ပွားခြင်းမရှိသော်လည်း မြေပြင်တွင် နှစ်ဖက် စစ်ရေးသတင်းမာနေဆဲဖြစ်ကြောင်း သိရသည်။

ယင်းစစ်ကြောင်းသည် တိုက်ပွဲဖြစ်ပွားခြင်းမရှိသော်လည်း ကျေးရွာများကို ဒရုန်း၊ လက်နက်ကြီးများဖြင့် ရမ်းသမ်းပစ်ခတ်မှုများ လုပ်ဆောင်နေခြင်းကြောင့် ဒေါင်းကြီးရွာ၊ ဒေါင်းလေးရွာ၊ ကျေးပင်ဆိတ်ရွာ၊ မအူတန်းရွာ၊ ဝင်းသရက်ရွာ၊ သရက်နှစ်ပင်လိမ်ရွာ၊ ကိုင်းရှိုကြီးရွာ၊ သာလိကာရွာ၊ ချောင်းခွကြီးရွာ၊ ကျွဲတဲကုန်းရွာ၊ ကြိုးကြာကွင်းရွာ၊ စမ်းကြီးကုန်းရွာ၊ စံပြရွာ၊ ထွက်တိုးရွာ၊ ရေငံရွာ၊ စမ်းသုခရွာ၊ ကိုင်းတောစုရွာ၊ ကြို့ကိုးပင်ရွာ၊ ချင်းစုရွာ၊ ကျွဲဖြူမရွာ၊ ရွာရှောင်ရွာ၊ ကိုင်းကြီးရွာ၊ ကိုင်းလေးရွာ၊ တင်းကုတ်ရွာ၊ ဥတိုရွာ၊ ရေဒါရွာနှင့် ကျေးပြတ်ရွာတို့အပါအဝင် ရွာပေါင်း ၃၀ နီးပါးမှ သောင်းနှင့်ချီသောပြည်သူများ ဘေးလွတ်ရာ ထွက်ပြေးတိမ်းရှောင်နေရကြောင်း သိရှိရသည်။

စစ်ခွေးအင်အားကများတယ်။ တိုက်ပွဲတွေက မနေ့က ညပိုင်းထိ တောက်လျောက်ကို ဖြစ်နေတာ အခုမနက်ပြန်ငြိမ်နေပေမယ့် စစ်ရေးတင်းမာနေဆဲအခြေအနေဆိုတော့ အချိန်မရွေးတိုက်ပွဲပြန်ဖြစ်နိုင်ပါတယ်။ မနေ့က ညက တိုက်ပွဲက တော်တော်လေးကိုပြင်းထန်ခဲ့တယ်။ စစ်ခွေးစစ်ကြောင်းက ဆက်ထိုးနေတဲ့အပြင်ကို ရွာတွေကို ဒရုန်း၊ လက်နက်ကြီးတွေနဲ့ လိုက်ပစ်နေလို့ အခုဆို တိမ်းရှောင်နေရတဲ့ ရွာက ၃၀ နီးပါးရှိသွားပြီ ဟု စစ်ရေးသတင်းရင်းမြစ်က ပြောဆိုသည်။

လက်ရှိချိန်တွင် အကြမ်းဖက် စစ်တပ် စစ်ကြောင်းသည် အုတ်ဖိုမြို့နယ် အတွင်းရှိ ကျေးပြတ်ရွာ၊ ဥတိုရွာ၊ စံပြဝိုင်းရွာ၊ ရေဒါရွာ၊ ကြို့ကိုးပင်ရွာ၊ မအူတန်းရွာ၊ ရှားစေးဖိုရွာနှင့် နှောကုန်းရွာ ဘက်တို့တွင် စစ်ကြောင်းများ တပ်ဖြန့်ထားပြီး စစ်ကားများဖြင့်လည်း အင်အားများ ထပ်မံဖြည့်တင်းနေကြောင်း သိရသည်။

ဓာတ်ပုံ- ပုံအဟောင်းဖြစ်ပါသည်။

The post အုတ်ဖိုမြို့နယ်တွင် တိုက်ပွဲ ဆက်လက်ပြင်းထန်နေပြီး ရွာပေါင်း ၃၀ နီးပါးမှ သောင်းနှင့်ချီသော ပြည်သူများ ဘေးလွတ်ရာ တိမ်းရှောင်နေရ appeared first on Khit Thit Media.

🔗 ဖတ်ရန်: https://yktnews.com/2026/05/250337/
📌 Khit Thit Media

မြဝတီသတင်း

17:32 24 thg 5, 2026

📰 လောင်းလုံးတွင် စစ်ကြောင်းထိုးနေသည့် စစ်တပ်က ဂေါ့အင်းရွာမှ ပြည်သူများကို လူသားဒိုင်းအဖြစ် ဖမ်းဆီးထား၊ ရွာပေါင်း ၈ ခုမှ ထောင်နှင့်ချီသော ပြည်သူများ ရွာလုံးကျွတ် တိမ်းရှောင်နေရ

📅 May 23, 2026 at 10:43 AM

ရန်ကုန်၊ မေ ၂၃

တနင်္သာရီတိုင်း၊ လောင်းလုံးမြို့နယ်တွင် စစ်ကြောင်းထိုးနေသည့် အကြမ်းဖက် စစ်တပ်က ဂေါ့အင်းရွာမှ ပြည်သူများကို လူသားဒိုင်းအဖြစ် ဖမ်းဆီးထားပြီး ရွာပေါင်း ၈ ခုမှ ထောင်နှင့်ချီသော ပြည်သူများ ရွာလုံးကျွတ် တိမ်းရှောင်နေရကြောင်း Democracy Movement Strike Committee-Dawei အဖွဲ့မှ တာဝန်ရှိသူနှင့် ဒေသစစ်ရေးသတင်းရင်းမြစ်က ရန်ကုန်ခေတ်သစ်သတင်းဌာနထံသို့ပြောဆိုသည်။

မေလ ၂၂ ရက်နေ့ နံနက် အစောပိုင်း ၃ နာရီခန့်တွင် လောင်းလုံးမြို့ပေါ်မှ ထွက်လာသော အကြမ်းဖက် စစ်တပ် စစ်ကြောင်းသည် မြို့အနီးရှိ ညင်းမော်ရွာ၊ ရင်းဘုတ်ရွာနှင့် စစ်ပြဲရွာများကို စစ်ကြောင်းထိုး ဝင်ရောက်လာစဉ် တော်လှန်ရေး တပ်ဖွဲ့များနှင့် တိုက်ပွဲဖြစ်ပွားခဲ့ကြောင်း၊ တိုက်ပွဲအတွင်း အကြမ်းဖက် စစ်တပ်ဘက်မှ ထိခိုက်သေဆုံးမှုရှိသော်လည်း အရေအတွက်ကို အတည်ပြုနိုင်ခြင်းရှိသေးကြောင်း၊ ထိုစစ်ကြောင်းသည် တိုက်ပွဲဖြစ်ပွားပြီးနောက် စစ်ပြဲရွာ အနီးဝန်းကျင်တွင် တပ်ဖြန့်ထားကြောင်း သိရသည်။

လက်ရှိချိန်တွင် အကြမ်းဖက် စစ်တပ် စစ်ကြောင်းသည် ဂေါ့အင်းရွာမှ ပြည်သူများကို လူသားဒိုင်းအဖြစ် ဖမ်းဆီးထားကာ ရွာထဲ၌ ယာယီတပ်စွဲထားကြောင်း၊ လက်ရှိချိန်တွင် စစ်ကြောင်းကြောင့် စစ်ပြဲကျေးရွာ၊ ညင်းမော်ကျးရွာ၊ ဂေါ့အင်းကျေးရွာ၊ ရေဖြူကျေးရွာ ၊ ဝံတွင်းကျးရွာ၊ သင်္ကန်းတော၊ ပိန္နဲတောကျေးရွာနှင့် ကျောက်ဖြူကျေးရွာတို့မှ ပြည်သူများ ရွာလုံးကျွတ် ဘေးလွတ်ရာ ထွက်ပြေး တိမ်းရှောင်နေရကြောင်း သိရှိရသည်။

အဲဒီ စစ်ကြောင်းက ၂၂ ရက်နေ့ နံနက် အစောပိုင်းတည်းက စစ်ပြဲရွာဘက်ကို ဝင်ရောက်လာတယ်။ လောင်းလုံးမြို့ပေါ်ကနေပြီးတော့ စစ်ပြဲကျေးရွာ၊ ညင်းမော်ကျးရွာကနေပြီးတော့ ဒီနေ့ နေ့လည်ဆိုရင် ဂေါအင်းကျေးရွာထဲကို ရောက်နေပြီပေါ့။ အခုက ရွာလုံးကျွတ်ကို ရှောင်နေရတယ်။ စစ်ခွေးတွေကတော့ ပြည်သူတွေကို ဖမ်းဆီးတာမျိုးရှိပါတယ်။ အရေအတွက်ကတော့ ခန့်မှန်းဖို့ခက်တယ်။ တော်တော်များများ တစ်ရွာလုံးနီးပါး စစ်ရှောင်နေရတာ လူဦးရေ ၅၀၀၀ လောက်တော့ရှိမှာပေါ့။ စစ်ခွေး စစ်ကြောင်းထိုးလာတဲ့ကျေးရွာတွေမှာ အမျိုးသားတွေ ဖမ်းဆီးတာမျိုးရှိတယ်။ နေအိမ်မီးရှို့တာမျိုး မရှိသေးဘူး။ လက်ရှိမှာ စစ်ခွေးကြောင်းက ဂေါအင်းကျေးရွာတွင် ရှိနေတယ်လို့ သိရတယ် ဟု Democracy Movement Strike Committee-Dawei အဖွဲ့မှ တာဝန်ရှိသူကပြောဆိုသည်။

အကြမ်းဖက် စစ်တပ် သည် လောင်းလုံးမြို့နယ်အတွင်း စစ်ကြောင်းထိုးနိုင်ရန် ဧပြီလာပိုင်းမှ စတင်၍ ထားဝယ်မြို့ဘက်မှ စစ်မှုထမ်း တပ်သားသစ် အများအပြား ပါဝင်သော စစ်အင်အားများ ဖြည့်တင်းပြီးနောက် ယနေ့ တွင် စစ်ကြောင်းစတင်ထိုးလာခြင်းဖြစ်ကြောင်း သိရသည်။

အလားတူ ဧပြီလ ၂၂ ရက်နေ့ကလည်း လောင်းလုံးမြို့ပေါ်မှ အကြမ်းဖက် စစ်တပ် စစ်ကြောင်းသည် ညှင်းမော်ကျေးရွာအတွင်းသို့ ထားဝယ်-လောင်းလုံးလမ်းအတိုင်း အင်အား ၁၅၀ ခန့်ဖြင့် စစ်ကြောင်းထိုး ဝင်ရောက် တပ်စွဲထားစဉ် လောင်းလုံးသံမဏိလိပ်ပြာတပ်ဖွဲ့ (L. L. S. B. F) နှင့် ကျောင်းသားတော်လှန်ရေးတပ် (SRF) တို့က ပူးပေါင်းတိုက်ခိုက်ခြင်းကြောင့် အထိနာကာ ဧပြီလ ၂၃ ရက်နေ့ ည ၁၁ နာရီ ၃၀ မိနစ်ခန့်တွင် ညှင်းမော်ရွာမှ လောင်းလုံးမြို့ပေါ်သို့ ပြန်လည်ဆုတ်ခွာထွက်ပြေးခဲ့ကြောင်း သိရှိရသည်။

ဓာတ်ပုံ အကြမ်းဖက် စစ်တပ် စစ်ကြောင်းထိုးလာ၍ ရွာထဲ၌ ပိတ်မိသော ပြည်သူများကို ကယ်ထုတ်နေသော PDF တပ်ဖွဲ့ဝင် ၁ ဦးနှင့် ထွက်ပြေးတိမ်းရှောင်နေသော ကလေးငယ်များ (ပုံအဟောင်းဖြစ်သည်)

The post လောင်းလုံးတွင် စစ်ကြောင်းထိုးနေသည့် စစ်တပ်က ဂေါ့အင်းရွာမှ ပြည်သူများကို လူသားဒိုင်းအဖြစ် ဖမ်းဆီးထား၊ ရွာပေါင်း ၈ ခုမှ ထောင်နှင့်ချီသော ပြည်သူများ ရွာလုံးကျွတ် တိမ်းရှောင်နေရ appeared first on Khit Thit Media.

🔗 ဖတ်ရန်: https://yktnews.com/2026/05/250343/
📌 Khit Thit Media

မြဝတီသတင်း

07:45 10 thg 5, 2026

📰 မင်းအောင်လှိုင်၏ စက်သုံးဆီသုံးစွဲမှု လျှော့ချရေး စီမံချက်အတွက် ယာဉ်အိုယာဉ်ဟောင်းများကို ဖျက်သိမ်း၍ EV ကားများ အစားထိုး တင်သွင်းခိုင်းမည့် အစီအစဉ် စတင်ရန် ကညနကို ဆုံးဖြတ်လုပ်ပိုင်ခွင့်အများအပြား ပေးအပ်

📅 May 9, 2026 at 12:30 PM

ရန်ကုန်၊ မေ ၉

အကြမ်းဖက် မင်းအောင်လှိုင်၏ စက်သုံးဆီသုံးစွဲမှု လျှော့ချရေး စီမံချက်အတွက် ယာဉ်အိုယာဉ်ဟောင်းများကို အပ်နှံ၍ EV ကားအစားထိုး တင်သွင်းခိုင်းမည့် အစီအစဉ် စတင်ရန် ကညနကို ဆုံးဖြတ်လုပ်ပိုင်ခွင့်အများအပြား ပေးအပ်သွားရန်ရှိနေကြောင်း ကားအရောင်းအဝယ်အသိုင်းအ၀ိုင်းထံမှ သိရှိရသည်။

အကြမ်းဖက် မင်းအောင်လှိုင်၏ အစီအစဉ်ကို အကောင်အထည်ဖော်ရန် မေလ ၆ ရက်နေ့မှ မေလ ၈ ရက်နေ့အထိ နေပြည်တော်တွင် ပို့ဆောင်ရေးဝန်ကြီးဌာန လက်အောက်ရှိ ဌာနများက အစည်းအဝေးပြုလုပ်ခဲ့ပြီး ယင်းအစည်းအဝေးတွင် သက်တမ်း ၂၀ အောက်မော်တော်ယာဥ်ဖျက်သိမ်းမှုဆိုင်ရာ မူဝါဒများ ထုတ်ပြန်သွားမည်ဖြစ်ကြောင်း၊ အဆိုပါမူဝါဒအရ ကုန်းလမ်းပို့ဆောင်ရေး ညွှန်ကြားမှုဦးစီးဌာန- ကညနက မော်တော်ယာဉ်များကို စစ်ဆေးပြီး မြို့တော်အင်္ဂါရပ်နှင့်မညီသော၊ လမ်းတွင် မောင်းရန် မသင့်တော်သော ကားများကို မှတ်ပုံတင် ရုပ်သိမ်းကာ လျှပ်စစ်ကား အစားထိုးတင်သွင်းရန် စလစ်ထုတ်ပေးသွားမည်ဖြစ်ကြောင်း သိရှိရသည်။

ကညနမှာ လုပ်ပိုင်ခွင့် အာဏာ ပိုကြီးမှာပေါ့။ ယာဉ်စစ်ဆေးတဲ့ အရာရှိနဲ့ ကညနအရာရှိတွေရဲ့ ဆုံးဖြတ်ချက်ပေါ် မူတည်ပြီး သက်တမ်းအိုနေတဲ့ကားတွေရဲ့ မှတ်ပုံတင် ဆက်ပေး၊ မပေးဆုံးဖြတ်မှာ။ ကညနက ဆုံးဖြတ်လုပ် ပိုင်ခွင့် ပိုရတော့ စိုးရိမ်ရတာက ကိုယ့်ကားက ကောင်းနေတာတောင် ကညနကို လာဘ်ထိုးရမှာမျိုးတွေ ဖြစ်လာမှာစိုးရိမ်ရတယ်။ JDM (Japan Domestic Use ) တွေက ယာဉ်ဘယ်လောက်အိုအို ပြုပြင်ထိန်းထိန်းသိမ်းသိမ်းစီးရင် သုံးလို့ရနေတာ။ EV ကားအစားထိုးတင်သွင်းမယ့် စလစ်စျေးကလည်း အရင်လို ယာဉ်အိုယာဉ်ဟောင်းထက် စျေးပိုရနိုင်မယ့်အလားအလာမရှိဘူး။ EV ကိုလည်း လူတွေက သိပ်မကြိုက်ကြဘူး။ လူတိုင်းလည်း EV မစီးနိုင်ဘူး။ ကိုယ်ပိုင်အိမ်၊ ခြံဝင်းရှိမှ EV က အဆင်ပြေမှာ။ အားသွင်းတာကအစ ဟု မော်တော်ယာဉ်အသင်းမှ တာဝန်ရှိသူတစ်ဦးက ရှင်းပြသည်။

ပြည်သူများ၏ ချွေးနဲစာဖြင့် ဝယ်ယူထားသော ယာဉ်များကို မှတ်ပုံတင်ရုပ်သိမ်းပြီး စလစ်ထုတ်ပေးကာ EV ကား အစားထိုးခိုင်းခြင်းမှာ အာဏာရှင် လုပ်ရပ်ဟု ၎င်းက ဆက်လက်ပြောဆိုသည်။

လက်နက်ဝယ်ဖို့ လေယာဉ်တွေ ဝယ်ဖို့ နိုင်ငံခြားငွေကျတော့ သန်းရာထောင်ချီးသုံးပြီးတော့ ကားတွေကို ဆီတင်သွင်းရတာ နိုင်ငံခြားငွေကုန်တယ်ဆိုပြီးတော့ EV ကား တင်သွင်းခိုင်းတာ၊ EV ကားစီးခိုင်းတာက အာဏာရှင်လုပ်ရပ်ပဲ။ EV ကားဆိုတာ ခရီးဝေးသွားတာ၊ အသုံးပြုရတာက ဆီကားလိုမဟုတ်ဘူး။အကန့်အသတ်တွေ အများကြီး။ တိုင်းပြည်ရဲ့ စီးပွားရေးနဲ့ ကုန်ထုတ်လုပ်ငန်းတွေမှာပါ ဒီမူဝါဒက ကောင်းကျိုးပေးမှာမဟုတ်ဘူး ဟု ၎င်းက ဆက်လက်ပြောဆိုသည်။

အခြားတစ်ဖက်တွင်လည်း မင်းအောင်လှိုင်က မြန်မာနိုင်ငံအတွင်းရှိ စက်သုံးဆီအသုံးပြုသော ယာဉ်များကို လျှပ်စစ်ကား EV များဖြင့် အစားထိုးရန် မူဝါဒချမှတ်နေချိန် သားဖြစ်သူ အောင်ပြည့်စုံနှင့် သမီးဖြစ်သူ ခင်သီရိသက်မွန်တို့မှာ မြန်မာနိုင်ငံအတွင်းသို့ တရုတ်နိုင်ငံမှ လျှပ်စစ်ကား EV များ အကြီးအကျယ် တင်သွင်းနေကြရာ မိသားစုအကျိုးစီးပွားအတွက် တိုင်းပြည်၏ ပို့ဆောင်ရေးဏ္ဍကို တရုတ် EV ကားထုတ်လုပ်ရေး ကုမ္ပဏီများလက်ထဲသို့ ထိုးအပ်သည့် လုပ်ရပ်ဟု မော်တော်ယာဉ်အသိုင်းအ၀ိုင်းက သုံးသပ်ပြောဆိုကြသည်။

အကြမ်းဖက် မင်းအောင်လှိုင်က ၂၀၂၃ ခုနှစ် ဧပြီလ ၂၀ ရက်နေ့တွင် ပြည်တွင်း လျှပ်စစ် ဓာတ်အား လုံလောက်စွာ ရရှိရေးအတွက် ဆိုလာနှင့် ဆက်စပ် ပစ္စည်းကို ပြည်ပမှ တင်သွင်းမှုများအတွက် အခွန်ကင်းလွတ်ခွင့်ပြုခဲ့ပြီးနောက် မင်းအောင်လှိုင်၏ သားနှင့်သမီးဖြစ်သူတို့က ဆိုလာလျှပ်စစ်ဓာတ်အားပေးစနစ်နှင့် EV-လျှပ်စစ် ကားတင်သွင်းမှုများကို မြန်မာနိုင်ငံအတွင်းသို့ အကြီးအကျယ် တင်သွင်းမှုများ လုပ်ဆောင်ခဲ့ကြသည်။

အကြမ်းဖက် စစ်ခေါင်းဆောင် မင်းအောင်လှိုင်၏ သမီးဖြစ်သူ ခင်သီရိသက်မွန်က ၎င်း၏ လုပ်ဖော်ကိုင်ဖက်များဖြစ်သော နိုင်ဖြိုးကျော်၊ ဝေယံမင်းမောင်တို့နှင့်အတူ NPK Motor Co Ltd ကုမ္ပဏီထူထောင်ပြီး မြန်မာနိုင်ငံတွင်းသို့ လျှပ် စစ် ကားများနှင့် MG Myanmar ၊ Leapmotor Myanmar အမှတ်တံဆိပ်အမျိုးအစားအပါအဝင် လျှပ်စစ် ကားအမျိုးမျိုးကို တင်သွင်းရောင်းချလျက်ရှိသည်။

မင်းအောင်လှိုင်၏ သမီးဖြစ်သူ ခင်သီရိသက်မွန် ပိုင်ဆိုင်သော NPK Motor Co Ltd ကုမ္ပဏီက မြန်မာနိုင်ငံအတွင်းသို့ လျှပ်စစ်ကား အမှတ်တံဆိပ်အမျိုးမျိုးကို တင်သွင်းနေသည့်အပြင် မြန်မာနိုင်ငံတစ်ဝန်း လျှပ်စစ်ကားများတွင် ဓာတ်အားသွင်းသည့် EV Charging Station များလုပ်ပိုင်ခွင့်ရရှိခဲ့ပြန်သည်။

အလားတူ မင်းအောင်လှိုင်၏ သားဖြစ်သူ အောင်ပြည့်စုံက EV ကားတင်သွင်းမှုအဖြစ် တရုတ် BYD ကုမ္ပဏီမှ လျှပ်စစ်ကားများကို ပြည်တွင်းကုမ္ပဏီခွဲများစွာ တည် ထောင်၍ တင်သွင်းနေဆဲဖြစ်ကြောင်း သိရှိရသည်။

မြဝတီသတင်း

07:45 10 thg 5, 2026

The post မင်းအောင်လှိုင်၏ စက်သုံးဆီသုံးစွဲမှု လျှော့ချရေး စီမံချက်အတွက် ယာဉ်အိုယာဉ်ဟောင်းများကို ဖျက်သိမ်း၍ EV ကားများ အစားထိုး တင်သွင်းခိုင်းမည့် အစီအစဉ် စတင်ရန် ကညနကို ဆုံးဖြတ်လုပ်ပိုင်ခွင့်အများအပြား ပေးအပ် appeared first on Khit Thit Media.

🔗 ဖတ်ရန်: https://yktnews.com/2026/05/249377/
📌 Khit Thit Media

161

မြဝတီသတင်း

07:45 10 thg 5, 2026

📰 မြင်းခြံနှင့် တလုပ်မြို့တို့တွင် စစ်တပ်နှင့် တော်လှန်ရေးတပ်များ ဧပြီလ အတွင်း တိုက်ပွဲပြင်းထန်ခဲ့ပြီး စစ်တပ်ဘက်မှ ထိခိုက်သေဆုံးသူများပြား၊ စစ်တပ်က ပြည်သူ ၈ ဦးကို သတ်ဖြတ်ပြီး နေအိမ် ထောင်နှင့်ချီကို မီးရှို့ဖျက်ဆီး

📅 May 9, 2026 at 02:34 PM

ရန်ကုန်၊ မေ ၉

မန္တလေးတိုင်း၊ မြင်းခြံနှင့် တလုပ်မြို့တို့တွင် အကြမ်းဖက် စစ်တပ်နှင့် တော်လှန်ရေးတပ်များ ဧပြီလ အတွင်း တိုက်ပွဲပြင်းထန်ခဲ့ပြီး စစ်တပ်ဘက်မှ သေဆုံးသူများပြားကာ စစ်တပ်က ပြည်သူ ၈ ဦးကို သတ်ဖြတ်ပြီး နေအိမ် ထောင်နှင့်ချီကို မီးရှို့ဖျက်ဆီးခဲ့ကြောင်း တော်လှန်ရေးတပ်ဖွဲ့များ ထုတ်ပြန်ချက်နှင့် ဒေသပြည်သူများ ပြောဆိုချက်အရ သိရသည်။

ဧပြီလ ၁၂ ရက်နေ့မှ ၂၄ ရက်နေ့ထိ မြင်းခြံမြို့နယ်၊ ထိန်ပန်းရွာ၊ ရွာသစ်ရွာ၊ ကျည်းပင်ကန်ရွာနှင့် ဆိတ်ကုန်းရွာများကို စစ်ကြောင်း ၂ ကြောင်းခွဲ၍ ဝင်ရောက်လာသော အကြမ်းဖက် စစ်တပ်ကို တော်လှန်ရေး တပ်ဖွဲ့များက ခုခံတိုက်ခိုက်ခဲ့ကြောင်း၊ ထိုတိုက်ခိုက်မှုအတွင်း အကြမ်းဖက် စစ်တပ်ဘက်မှ ထိခိုက်သေဆုံးမှုများပြားခဲ့ကြောင်း၊ ထို့ပြင် တော်လှန်ရေးတပ်ဖွဲ့ဘက်မှလည်း ရဲဘော် ၃ ဦး ကျဆုံးခဲ့ကြောင်း သိရသည်။

အလားတူ တလုပ်မြို့အတွင်းကိုလည်း ဧပြီလ ၁၈ ရက်နေ့မှ ၂၉ ရက်နေ့အထိ အင်အားအလုံးအရင်းဖြင့် စစ်ကြောင်းထိုး ဝင်ရောက်လာသော အကြမ်းဖက် စစ်တပ်ကို တော်လှန်ရေးတပ်ဖွဲ့များက ခုခံတိုက်ခဲ့ရာ ၁၂ ရက်တာ တိုက်ပွဲဖြစ်ပွားခဲ့ပြီး စစ်တပ်ဘက်မှ ၂၈ ဦး ပြင်းထန်ဒဏ်ရာရရှိကာ တော်လှန်ရေးရဲဘော် ၁ ဦး ကျဆုံးခဲ့ကြောင်း သိရှိရသည်။

ထိုအကြမ်းဖက် စစ်တပ် စစ်ကြောင်းသည် ဖက်ပင်အိုင်ရွာ၊ အိုင်းမရွာ၊ ကျောင်းဖြူကန်ရွာ၊ တူရွင်းဘို့ရွာ၊ ကျီးပင်ကန်ရွာ၊ ဆိတ်ကုန်းရွာ၊ ထိန်ပန်းရွာ၊ ရွာသစ်ရွာ ၊ ရဲတိုင်ရွာ၊ မြို့ကြီးကုန်းရွာ၊ မြောက်ရွာလေးရွာ၊ ပျိုးကန်ရွာ၊ ပျားရွာအတွင်းရှိ ထောင်နှင့်ချီသော နေအိမ်များကို မီးရှို့ဖျက်ဆီးခဲ့ပြီး ဖက်ပက်အိုင်ရွာမှ ပြည်သူ ၈ ဦးကိုလည်း သတ်ဖြတ်ခဲ့ကြောင်း သိရသည်။

စစ်ခွေး စစ်ကြောင်းက မြင်းခြံမြို့နယ် အတွင်း စစ်ကြောင်းထိုးပြီး သူတို့ဝင်ရောက်စီးနင်းတဲ့ ရွာတွေကို မီးရှို့ဖျက်ဆီးပြီး ပြည်သူပိုင် ပစ္စည်းတွေကို စိတ်ကြိုက်ခိုးယူသွားတာ နေအိမ် ထောင်နဲ့ချီပြီးလည်း မီးလောင်ပြာကျသွားတယ်။ ဖက်ပက်အိုင်ရွာက ပြည်သူ ၈ ဦးကိုလည်း စစ်ခွေးတွေက သတ်ဖြတ်သွားတယ်။ ထိတွေ့ တိုက်ပွဲကလည်း ဆက်တိုက်ကို ဖြစ်ပွားခဲ့တယ် ဟု ဒေသစစ်ရေးသတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။

ဓာတ်ပုံ အကြမ်းဖက် စစ်တပ်က မီးရှို့ဖျက်ဆီးခြင်းကြောင့် မီးလောင်ပြာကျခဲ့သော ရဲတိုင်ရွာနှင့် မြို့ကြီးကုန်းရွာမှ ပြည်သူပိုင် နေအိမ်များ

The post မြင်းခြံနှင့် တလုပ်မြို့တို့တွင် စစ်တပ်နှင့် တော်လှန်ရေးတပ်များ ဧပြီလ အတွင်း တိုက်ပွဲပြင်းထန်ခဲ့ပြီး စစ်တပ်ဘက်မှ ထိခိုက်သေဆုံးသူများပြား၊ စစ်တပ်က ပြည်သူ ၈ ဦးကို သတ်ဖြတ်ပြီး နေအိမ် ထောင်နှင့်ချီကို မီးရှို့ဖျက်ဆီး appeared first on Khit Thit Media.

🔗 ဖတ်ရန်: https://yktnews.com/2026/05/249384/
📌 Khit Thit Media

မြဝတီသတင်း

07:45 10 thg 5, 2026

📰 တီးတိန်မြို့ပေါ်တွင် လက်နက်ခဲယမ်းများ တင်ဆောင်လာသည့် စစ်ကားတစ်စီးပေါက်ကွဲမှုဖြစ်ပြီး မီးလောင်ပြာကျ

📅 May 9, 2026 at 02:32 PM

ရန်ကုန်၊ မေ ၉

ချင်းပြည်နယ်၊ တီးတိန်မြို့၊ လိုင်းလုံရပ်ကွက်တွင် လက်နက်ခဲယမ်းတင်ဆောင်လာသည့် စစ်ကား တစ်စီး ပေါက်ကွဲမှုဖြစ်ပြီး မီးလောင်ပြာကျသွားကြောင်း ချင်းတော်လှန်ရေးသတင်းရင်းမြစ်က ရန် ကုန်ခေတ်သစ်သတင်းဌာနထံသို့ ပြောကြားသည်။

ယနေ့ မေလ ၉ ရက် နေ့တွင် တီးတိန်မြို့၊ လိုင်းလုံရပ်ကွက်၌ အကြမ်းဖက်စစ်ကောင်စီ၏ လက်နက် ခဲယမ်းများဖြစ်သော ကျည်ဆံ၊ ဗုံးသီးများ တင်ဆောင်လာသည့် ဖောလန်ကားတစ်စီး ပေါက်ကွဲမှု ဖြစ် ကာ မီးလောင်သွားပြီး ကားတစ်စီးလုံး ပြာကျသွားကြောင်း၊ ယင်းပေါက်ကွဲမှုနှင့်ပတ်သက်၍ အသေး စိတ်အခြေအနေ သိရှိရခြင်းမရှိသေးကြောင်း သိရသည်။

“တီးတိန်မြို့၊ လိုင်လုံးရပ်ကွက်မှာ စစ်တပ်ကား စစ်လက်နက်ပစ္စည်းဖြစ်တဲ့ လက်နက်ခဲယမ်းတွေ သယ်တဲ့ကားပေါက်ကွဲတယ်။ ဘယ်လိုဖြစ်ပြီးပေါက်ကွဲလည်းဆိုတာ မသိရသေးဘူး။ သူ့ဘာသူ သူပေါက်ကွဲတာ ဘယ်လိုဖြစ်တာလဲ မသိရသေးဘူး။” ဟု ချင်းတော်လှန်ရေးသတင်းရင်းမြစ်က ရန် ကုန်ခေတ်သစ်သတင်းဌာနထံသို့ ပြောကြားသည်။

The post တီးတိန်မြို့ပေါ်တွင် လက်နက်ခဲယမ်းများ တင်ဆောင်လာသည့် စစ်ကားတစ်စီးပေါက်ကွဲမှုဖြစ်ပြီး မီးလောင်ပြာကျ appeared first on Khit Thit Media.

🔗 ဖတ်ရန်: https://yktnews.com/2026/05/249380/
📌 Khit Thit Media

158

မြဝတီသတင်း

07:45 10 thg 5, 2026

📰 ပခုက္ကူရှိ ညောင်ပင်ရွာကို စစ်တပ်က လက်နက်ကြီး၊ ဒရုန်းများဖြင့် တိုက်ခိုက်မှု အသက် ၈ နှစ်အရွယ် ကလေးငယ် ၁ ဦး သေဆုံး၊ ယင်းမာပင်တွင်လည်း စစ်တပ်က စစ်ကြောင်းထိုးနေ၍ စစ်ရေးတင်းမာနေပြီး လမ်းပိုင်းများ ယာယီ ပိတ်ထား

📅 May 9, 2026 at 02:36 PM

ရန်ကုန်၊ မေ ၉

မကွေးတိုင်း၊ ပခုက္ကူမြို့နယ် အတွင်း အကြမ်းဖက် စစ်တပ်က လက်နက်ကြီး၊ ဒရုန်းများဖြင့် တိုက်ခိုက်မှု အသက် ၈နှစ်အရွယ် ကလေးငယ် ၁ဦး ပွဲချင်းပြီးသေဆုံးခဲ့ကြောင်း Ayar Daungအဖွဲ့ မှ သတင်းနဲ့ပြန်ကြားရေးကိုရှိန်းက ရန်ကုန်ခေတ်သစ်သတင်းဌာနထံသို့ပြောဆိုသည်။

မေလ ၈ ရက်နေ့တွင် ပခုက္ကူမြို့နယ်ရှိ အောင်သာပျူစောထီးရွာမှ အကြမ်းဖက် စစ်တပ်က ဒရုန်း၊ လက်နက်ကြီးများဖြင့် ညောင်ပင်ကျေးရွာကို ပစ်ခတ် တိုက်ခိုက်ခဲ့ရာ အသက် ၈ နှစ်အရွယ် ကလေးငယ် ၁ ဦး ပွဲချင်းပြီးသေဆုံးခဲ့ကြောင်း၊ ထို့ပြင် အသက် ၉ နှစ်အရွယ် ကလေးငယ် ၁ ဦးအပါအဝင် အသက် ၄၀နှစ် ဝန်းကျင် ပြည်သူ ၃ ဦးထိခိုက်ဒဏ်ရာရရှိခဲ့ကြောင်း သိရသည်။

စစ်ခွေးတွေက တိုက်ပွဲဖြစ်ပွားခြင်းမရှိဘဲနဲ့ လက်နက်ကြီး၊ ဒရုန်း တွေနဲ့ ညောင်ပင်ရွာကို ပစ်ခတ် တိုက်ခိုက်ခဲ့တာ ကလေးငယ် ၁ ဦး ပွဲချင်းပြီး သေဆုံးပြီး ၃ ဦး ထိခိုက်ဒဏ်ရာရတယ် ဟု Ayar Daungအဖွဲ့ မှ သတင်းနဲ့ပြန်ကြားရေးကိုရှိန်းက ပြောဆိုသည်။

အလားတူ စစ်ကိုင်းတိုင်း၊ ယင်းမာပင်မြို့နယ်အတွင်း စစ်တပ် စစ်ကြောင်းများ ဝင်ရောက်လာသောကြောင့် စစ်ရေးတင်းမာနေ၍ လမ်းပိုင်းများကို တော်လှန်တပ်ဖွဲ့များက ယာယီသွားလာခွင့် ပိတ်ထားကြောင်း ဒေသပြည်သူများပြောဆိုချက်နှင့် တော်လှန်ရေးတပ်ဖွဲ့များ ထုတ်ပြန်ချက်အရ သိရသည်။

ယနေ့ မေလ ၉ ရက်နေ့ နံနက်ပိုင်းတွင် ယင်းမာပင်မြို့နယ်၊ ရင်ပေါင်တိုင်ကျေးရွာတွင် တပ်စွဲထားသည့် အင်အား ၃၀၀ ခန့်ပါ အကြမ်းဖက် စစ်ကြောင်းသည် မောင်းတုံရွာ၊ ပုပ္ပါရွာ၊ တမာပင်ဂွရွာနှင့် လည်ငေါက်ရွာတို့ကို ဝင်ရောက်ရှိခဲ့ကြောင်း၊ ထိုစစ်ကြောင်းသည် ရင်ပေါင်တိုင်ကျေးရွာတွင် အထိုင်ချတပ်စွဲခဲ့စဉ်က ပြည်သူနေအိမ်များကို ဝင်မွေနှောက်ဖျက်ဆီးကာ တန်ဖိုးကြီးပစ္စည်းများကိုယူဆောင်သွာကြခဲ့ကြောင်း သိရှိရသည်။

ထို့ပြင် ပုလဲမြို့နယ်အတွင်းရှိ ဇီးဖြူကုန်းပျူရွာနှင့် အင်မထီပျူရွာတို့မှ ထွက်လာသော စစ်ကား ၁၃ စီးပါ စစ်ကြောင်းသည်လည်း မင်းတိုင်ပင်ရွာမှ ပုလဲမြို့ကိုဖြတ်ကာ လည်ငေါက်ရွာတွင် ရင်ပေါင်တိုင်ရွာလာသော စစ်ကြောင်းနှင့် ပူးပေါင်းစည်းကာ ယင်းမာပင်မြို့အတွင်းကို ဝင်ရောက်သွားကြောင်း သိရှိရသည်။

ယင်းမာပင်နယ် က ရင်ပေါင်တိုင်ရွာမှာ အင်အား ၃၀၀ ခန့်မှန်း စစ်ကြောင်းက ဒီနေ့မနက် မောင်းတုံရွာ ပုပ္ပါရွာကနေတဆင့် တမာပင်ခွရွာ ကိုဖြတ်ပြီး လည်ငေါက်ရွာ ကနေ စစ်ကြောင်း နှစ်ကြိမ်ခွဲထွက်ကာ ယာဉ်နှင့်ခိုးယူသွားသော ဆိုင်ကယ်တွေနှင့်အတူ ယင်းမာပင်မြို့ထဲကို ရောင်ရှိသွားပါပြီ။ တချိန်တည်းမှာ အရင်ရက်က ပုလဲနယ်ထဲက ဇီးဖြုကုန်းပျုရွာနဲ့ အင်မထီစပျုရွာထဲက ယာဉ်၁၃စီးပါ စစ်ကြောင်းကလည်း မင်းတိုင်ပင်ရွာကနေ ပုလဲမြို့ကိုဖြတ်ပြီး လည်ငေါက်ရွာမှာ ရင်ပေါင်တိုင်ရွာလာတဲ့ စစ်ကြောင်းနှင့်ပေါင်းစည်းကာ ယင်းမာပင်မြို့ထဲသို့ ဝင်ရောက်သွားပါပြီ။စစ်ခွေးတွေက ရင်ပေါင်တိုင်ရွာထဲမှာ တပ်ထိုင်သွားတဲ့ရက်တွေအတွင်း အိမ်တွေကို မွေနှောက်ဖျက်ဆီးပြီး တန်ဖိုးကြီးတာမှန်သမျှ အကုန်ယူသွားကြတယ်။ ရွာက အဓိကလုပ်ကိုင်တဲ့ ဝက်မွေးမြူရေးလုပ်ငန်းတွေလည်း အတော်လေးထိခိုက်ကုန်တယ်။ စစ်ခွေးတွေရှိနေတော့ အစာကျွေးမယ့်သူမရှိဘဲ ဝက်တွေအတော်များများ အစာရေဆာပြတ်ပြီး သေဆုံးကုန်ကြတယ် ဟု ဒေသပြည်သူ တစ်ဦးက ပြောဆိုသည်။

အကြမ်းဖက် စစ်တပ် စစ်ကြောင်းများ ပြန်လည်ထွက်ခွာသွားပြီဖြစ်၍ ရင်ပေါင်တိုင်ရွာအနီးဝန်းကျင်ရှိ နုန်းတန်းရွာ၊ ပြအိုရွာ၊ ညောင်တန်းရွာနှင့် ပုလဲမြို့နယ်အစပ်ရှိ ပုထိုးသာရွာ၊ ရွာသစ်ရွာတို့မှ စစ်ဘေးရှောင်ပြည်သူများက ယနေ့ညနေပိုင်းတွင် နေအိမ်များသို့ ပြန်လည်ဝင်ရောက် နေထိုင်နေကြပြင်ဆင်နေကြကြောင်း သိရှိရသည်။

ယင်းမာပင်ခရိုင်အတွင်း လတ်တလောဖြစ်ပေါ်နေသော စစ်ရေးအခြေအနေများကြောင့် မိဘပြည်သူများအနေဖြင့် မုံရွာ ယာကြီး ကလေးဝလမ်း ၊ ညောင်ပင်ကြီး ယင်းမာပင်လမ်း နှင့် ဖိုလ်ဝင်တောင် ယင်းမာပင်လမ်း တို့ကို လုံးဝ (လုံးဝ) အသုံးမပြုကြရန်နှင့် အကြမ်းဖက် စစ်တပ်နှင့် အချိန်မရွေး တိုက်ပွဲများ ဖြစ်ပွားနိုင်ပြီး ထိတွေ့တိုက်ပွဲအတွင်း ရောက်ရှိသွားပါက ပြည်သူ့တော်လှန်ရေးတပ်ဖွဲ့များအနေဖြင့် တစ်စုံတစ်ရာ တာဝန်ယူပေးနိုင်မည် မဟုတ်ကြောင်း ယင်းမာပင်ခရိုင် ပကဖ က ထုတ်ပြန်ထားသည်

The post ပခုက္ကူရှိ ညောင်ပင်ရွာကို စစ်တပ်က လက်နက်ကြီး၊ ဒရုန်းများဖြင့် တိုက်ခိုက်မှု အသက် ၈ နှစ်အရွယ် ကလေးငယ် ၁ ဦး သေဆုံး၊ ယင်းမာပင်တွင်လည်း စစ်တပ်က စစ်ကြောင်းထိုးနေ၍ စစ်ရေးတင်းမာနေပြီး လမ်းပိုင်းများ ယာယီ ပိတ်ထား appeared first on Khit Thit Media.

🔗 ဖတ်ရန်: https://yktnews.com/2026/05/249389/
📌 Khit Thit Media

မြဝတီသတင်း

07:45 10 thg 5, 2026

📰 ဖိလစ်ပိုင်သမ္မတဟောင်း ဒူတာတေးကို ICC တရားရုံးက အရေးယူခဲ့သည့် ဖြစ်စဉ်နောက်ပိုင်း စစ်ခေါင်းဆောင် မင်းအောင်လှိုင်ကိုလည်း တရားစွဲဆိုရန် ဖိလစ်ပိုင်နိုင်ငံကို တိုက်တွန်း

📅 May 9, 2026 at 04:23 PM

ရန်ကုန်၊ မေ ၉

ဖိလစ်ပိုင်သမ္မတဟောင်း ဒူတာတေးကို အပြည်ပြည်ဆိုင်ရာရာဇဝတ်တရားရုံး-ICC က အရေးယူခဲ့သည့် ဖြစ်စဉ်နောက်ပိုင်း စစ်ခေါင်းဆောင် မင်းအောင်လှိုင်ကိုလည်း တရားစွဲဆိုရန် ဖိလစ်ပိုင်နိုင်ငံကို ချင်းလူ့အခွင့်အရေးအဖွဲ့ (CHRO) နှင့်ချင်းပြည်နယ်မှ စစ်တပ်၏ ကျူးလွန်မှုခံခဲ့ရသော အသက်ရှင်ကျန်ရစ်သူများက တိုက်တွန်းလိုက်သည်။

စစ်ခေါင်းဆောင် မင်းအောင်လှိုင်ကို တရားစွဲရန် ဖိလစ်ပိုင် တရားရေးဝန်ကြီး ဌာန (DOJ) ထံတွင် တင်ပြထားသော် လည်း ယခုအချိန်အထိ ဆိုင်းငံ့နေဆဲဖြစ်ကြောင်း၊ မင်းအောင်လှိုင်ကို တရားစွဲဆိုရန် ၂၀၂၃ ခုနှစ် ကတည်း က ရာဇဝတ်မှုတိုင်ကြားချက်ဖြင့် အမှုဖွင့်ထားသော်လည်း အမှုမှာ ဆိုင်းငံ့နေ၍ အမှုကို ရှေ့ဆက် ဆောင်ရွက်ရန် ချင်းလူ့အခွင့်အရေးအဖွဲ့ (CHRO)က တိုက်တွန်းသည်။

ဖိလစ်ပိုင်သမ္မတဟောင်း ရိုဒရီဂို ဒူတာတေးကို နယ်သာလန်နိုင်ငံ၊ သည်ဟိဂ်မြို့ရှိ အပြည်ပြည်ဆိုင်ရာ ရာဇဝတ်မှုခရားရုံး (ICC) တွင် တရားစွဲဆိုထားမှု အပါ အဝင် နိုင်ငံတကာ၏ တာဝန်ခံမှုရှိစေရန် ဖိလစ်ပိုင်နိုင်ငံက ကြိုးပမ်းခဲ့သကဲသို့ မင်းအောင်လှိုင်ကိုလည်း တရားစွဲဆိုရန် ချင်းလူ့အခွင့်အရေးအဖွဲ့ (CHRO)က တိုက်တွန်းထားသည်။

တရားလို ရှေ့နေဖြစ်သူ Romel Bagares က သမ္မတဟောင်း ဒူတာတေးကို ICC မှာ တရားစွဲဆိုနေတာက ကျနော်တို့ရဲ့ အမှုအတွက် တွန်းအားသစ်တွေ ဖြစ်လာစေပါတယ် ဟု ပြောကြားသည်။

မင်းအောင်လှိုင်ကို ၂၀၂၃ ခုနှစ်တွင် ချင်းပြည်နယ်မှ စစ်တပ်၏ သတ်ဖြတ်မှုများမှ အသက်ရှင်ကျန်ရစ်သူများနှင့် သေဆုံးသူများ ၏ မိသားစုဝင်များက ဖိလစ်ပိုင် တရားရေးဝန်ကြီးဌာနသို့ တိုင်ကြားခဲ့ခြင်းဖြစ်သည်။

ဖိလစ်ပိုင်နိုင်ငံ၏ အခြေခံဥပဒေအရ အခြားနိုင်ငံများတွင် ကျူးလွန်သည့် စစ်ရာဇဝတ်မှုများကို အရေးယူရန် ပြဌာန်းထားသည့် ဖိလစ်ပိုင်နိုင်ငံ၏ (Universal Jurisdiction) ဆိုင်ရာ ဥပဒေကို အသုံးပြု၍ တိုင်ကြားခြင်းဖြစ်သည်။

မင်းအောင်လှိုင်ကို အမှုဖွင့်ထားသော တရားလိုများ တင်ပြထားသည့် သက်သေများထဲတွင် ၂၀၂၁ ခုနှစ်၊ စက် တင်ဘာလအတွင်း ချင်းပြည်နယ်၊ ထန်တလန်မြို့တွင် စစ်တပ်၏ ပစ်ခတ်မှုကြောင့် သေဆုံးခဲ့ရသည့် ပါစတာကျုံးဗျက်ဟမ် (Pastor Cung Biak Hum) ဖြစ်စဉ်လည်း ပါဝင်သည်။ ၎င်းသည် စစ်တပ်၏ စစ်ဆင်ရေးအတွင်း လောင် ကျွမ်းနေသည့် မီးများကို ငြှိမ်းသတ်ရန် ကြိုး ပမ်းနေစဉ် ပစ်သတ်ခံခဲ့ရခြင်းဖြစ်သည်ဟု လူ့အခွင့်အရေးအဖွဲ့များက ဆိုသည်။

ဖိလစ်ပိုင်သမ္မတ မားကို့စ်၏ အစိုးရအနေဖြင့် နိုင်ငံတကာ တာဝန်ခံမှုရှိစေရေး လုပ်ငန်းစဉ်များကို ထောက်ခံပေးရန် ယုံကြည်ကြောင်း ချင်းလူ့အခွင့်အရေးအဖွဲ့ (CHRO) မှ တာဝန်ရှိသူက ပြောကြားသည်။

လက်ရှိတွင် စစ်ခေါင်းဆောင် မင်းအောင်လှိုင်ကို တရားစွဲဆိုထားမှုများမှာ အာဂျင်တီးနား၊ အင်ဒိုနီးရှား၊ တီမောလက်စတေးနှင့် တူရကီနိုင်ငံတို့တွင်လည်း အမှုဖွင့်ထားသည်။

( http://INQUIRER.net/ တွင် ယနေ့ ဖော်ပြထားသော After Duterte ICC case, Myanmar survivors push PH rap vs junta chief ကို ဘာသာပြန်ဆိုထားပါသည်။)

The post ဖိလစ်ပိုင်သမ္မတဟောင်း ဒူတာတေးကို ICC တရားရုံးက အရေးယူခဲ့သည့် ဖြစ်စဉ်နောက်ပိုင်း စစ်ခေါင်းဆောင် မင်းအောင်လှိုင်ကိုလည်း တရားစွဲဆိုရန် ဖိလစ်ပိုင်နိုင်ငံကို တိုက်တွန်း appeared first on Khit Thit Media.

🔗 ဖတ်ရန်: https://yktnews.com/2026/05/249358/
📌 Khit Thit Media

မြဝတီသတင်း

07:45 10 thg 5, 2026

📰 ဆိပ်ဖြူမြို့နယ် ကပစ ၂၂ မှ ကပစ ၂၄ သို့ ထွက်လာသည့် စစ်ကြောင်းကို တိုက်ခိုက်မှု စစ်သား ၉ ဦးသေဆုံးပြီး ၃ ဦး အလင်းဝင်၊ ပခုက္ကူမြို့နယ်တွင်လည်း ပျူစောထီးကျေးရွာကို ပစ်ခတ် တိုက်ခိုက်

📅 May 9, 2026 at 03:39 PM

ရန်ကုန်၊ မေ ၉

မကွေးတိုင်း၊ ဆိပ်ဖြူမြို့နယ်၊ ကပစ ၂၂ မှ ကပစ ၂၄ သို့ ထွက်လာသော အင်အား ၅၀၀ ကျော်ပါ စစ် တပ်စစ်ကြောင်းကို ၄ ကြိမ် ကြားဖြတ်တိုက်ခိုက်ခဲ့ရာ စစ်သား ၉ ဦးသေဆုံးပြီး ယင်းစစ်ကြောင်းထဲမှ စစ်မှုထမ်းတပ်သား ၃ ဦး ထွက်ပြေးလာပြီး အလင်းဝင်ခဲ့ကြောင်း ပခုက္ကူခရိုင် အမှတ် ၁၂ တပ်ရင်းက ထုတ်ပြန်သည်။

မေလ ၄ ရက်နေ့တွင် ဆိပ်ဖြူမြို့နယ် ကပစ ၂၂ မှ ပေါက်မြို့နယ် ကပစ ၂၄ သို့ ပုသိမ်-မုံရွာ လမ်း အတိုင်း ဗိုလ်မှူး စိုးသူရ ဦးဆောင်ပြီး ခမရ ၅၇၃ ၊ ခမရ ၅၇၂ ၊ ခမရ ၃၁၆ နှင့် တပ်မ ၉၉ တို့ ပူးပေါင်း ထားသည့် အင်အား ၅၅၄ ဦး ပါ စစ်ကြောင်းကို ပေါက်မြို့နယ်တောင်ပိုင်း တနေရာ အရောက် ပြည်သူ့ကာကွယ်ရေးတပ်ဖွဲ့များက ကြားဖြတ် တိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ ၂ နာရီခန့်ကြာမြင့်ခဲ့ပြီး စစ်သား ၄ ဦး သေဆုံးခဲ့ကြောင်း သိရသည်။

အလားတူ မေလ ၅ ရက်နေ့တွင်လည်း ယင်းစစ်တပ် စစ်ကြောင်းကို ပေါက်မြို့နယ်၊ ပုသိမ် -မုံရွာ လမ်းပိုင်းတနေရာ၌ ပြည်သူ့ကာကွယ်ရေးတပ်ဖွဲ့များက ထပ်မံတိုက်ခိုက်ခဲ့ရာ အပြန်အလှန် ပစ် ခတ်တိုက်ပွဲ ၃ ကြိမ်ဖြစ်ခဲ့ပြီး စစ်တပ်ဘက်မှ စစ်သား ၅ ဦးသေဆုံးကာ ၁၀ ဦး ထက်မနည်း အပြင်း အထန် ဒဏ်ရာရရှိခဲ့ကြောင်း သိရသည်။

အဆိုပါတိုက်ခိုက်မှုကို ပခုက္ကူခရိုင် တောင်ပိုင်းစုဖွဲ့မှုစစ်ကြောင်းဖြစ်သည့် ပခုက္ကူခရိုင် အမှတ် ၁၂ တပ်ရင်း၊ အမှတ် ၁၁ တပ်ရင်း ၊အမှတ် ၁၈ တပ်ရင်း ၊ YRF ဗိုလ်နားပေါက်၊ SOS ၊ PLA နှင့် ပခုက္ကူ ခရိုင် စစ်ဌာန စုဖွဲ့မှုစစ်ကြောင်းတို့ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။

ထိုသို့ တိုက်ခိုက်ခံရပြီးနောက် မေလ ၆ ရက်နေ့တွင် ခမရ ၅၇၃ တပ်ရင်းမှ ပေါ်တာဆွဲဖမ်းဆီးခံရပြီး စစ်မှုထမ်းတပ်သားအဖြစ် စုဆောင်းခံရသူ စစ်သား ၃ ဦးသည် MA3 အမျိုးအစား သေနတ် ၁ လက်၊ ကျည်ဘောက် ၃ ဘောက်နှင့် ကျည်ဆံ ၆၂ တောင့်ယူဆောင်ကာ ထွက်ပြေးလာပြီး ပြည်သူ့ကာကွယ် ရေးတပ်ဖွဲ့များထံ အလင်းဝင်ခဲ့ကြောင်း သိရသည်။

အလားတူ မကွေးတိုင်း၊ ပခုက္ကူမြို့နယ်၊ ရှင်မကန်ပျူစောထီးကျေးရွာကို ဒရုန်းများ၊ ရော့ကတ်များဖြင့် ပစ်ခတ်တိုက်ခိုက်ခဲ့ရာ စစ်တပ်ဘက်မှ ထိခိုက်သေဆုံးမှုရှိကြောင်း Ayar Daungအဖွဲ့ မှ သတင်းနဲ့ပြန်ကြားရေးကိုရှိန်းက ရန်ကုန်ခေတ်သစ်သတင်းဌာနထံသို့ပြောဆိုသည်။

မေလ ၅ ရက်နေ့တွင် ပခုက္ကူမြို့နယ်၊ ရှင်မကန်ပျူစောထီးကျေးရွာတွင် အထိုင်ချ တပ်စွဲထားသော စစ်သားနှင့် ပျူစောထီးများကို ဧရာဒေါင်းပြည်သူ့ကာကွယ်ရေးတပ်ဖွဲ့မှ ရဲဘော်များက ဒရုန်း ၃စီး၊ ရော့ကတ် ၃ လုံးဖြင့် ပစ်ခတ်တိုက်ခိုက်ခဲ့ကြောင်း သိရသည်။

ထိုတိုက်ခိုက်မှုအတွင်း အကြမ်းဖက် စစ်တပ်ဘက်မှ ထိခိုက်မှုရှိသော်လည်း အရေအတွက်ကို အတည်ပြုနိုင်ခြင်းမရှိသေးကြောင်း၊ တိုက်ခိုက်မှု ပြုလုပ်ပြီးနောက် တော်လှန်ရေး ရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်းသိရှိရသည်။

စစ်ခွေးသေစာရင်း ကျွန်တော်တို့ စုံစမ်းဆဲပါ။ စစ်ခွေး စစ်ကြောင်းရောက်နေလို့ ရှင်မကန်ပျူစောထီးရွာမှာက အင်အား များတယ်။ပစရော စခရော ပေါင်းနေကျတာပါ။ ခန့်မှန်းခြေ ၅၀ လောက်ရှိတယ် ဟု Ayar Daungအဖွဲ့ မှ သတင်းနဲ့ပြန်ကြားရေးကိုရှိန်းက ပြောဆိုသည်။

The post ဆိပ်ဖြူမြို့နယ် ကပစ ၂၂ မှ ကပစ ၂၄ သို့ ထွက်လာသည့် စစ်ကြောင်းကို တိုက်ခိုက်မှု စစ်သား ၉ ဦးသေဆုံးပြီး ၃ ဦး အလင်းဝင်၊ ပခုက္ကူမြို့နယ်တွင်လည်း ပျူစောထီးကျေးရွာကို ပစ်ခတ် တိုက်ခိုက် appeared first on Khit Thit Media.

🔗 ဖတ်ရန်: https://yktnews.com/2026/05/249394/
📌 Khit Thit Media

မြဝတီသတင်း

07:45 10 thg 5, 2026

📰 မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၁၇ ဦးသေဆုံး

📅 May 9, 2026 at 04:41 PM

ရန်ကုန်၊ မေ ၉

မြန်မာနိုင်ငံတစ်ဝန်း မေလ ၉ ရက်နေ့ ရရှိထားသော အချက်အလက်များအရ စစ်ကောင်စီ တပ်ဖွဲ့ဝင် ၁၇ ဦး သေဆုံးကြောင်း ပြည်သူ့ကာကွယ်ရေးတပ်ဖွဲ့များ၏ ထုတ်ပြန်ချက်နှင့်ပြောဆို ချက်များအရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာ ကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

The post မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၁၇ ဦးသေဆုံး appeared first on Khit Thit Media.

🔗 ဖတ်ရန်: https://yktnews.com/2026/05/249398/
📌 Khit Thit Media

229

မြဝတီသတင်း

07:45 10 thg 5, 2026

📰 မင်းကင်းနှင့် ရေးမြို့နယ်တို့တွင် စစ်တပ်ကင်းစခန်းနှင့်စစ်ကြောင်းကို တိုက်ခိုက်မှု စစ်သား၄ ဦး သေဆုံးပြီး တော်လှန်ရေး ရဲဘော် ၁ ဦး ကျဆုံး

📅 May 9, 2026 at 05:18 AM

ရန်ကုန်၊ မေ ၉

စစ်ကိုင်းတိုင်း မင်းကင်းမြို့ ချောင်းဆုံတွင် အခြေပြုနေသော အကြမ်းဖက် စစ်တပ်ကင်းကို တိုက်ခိုက်ခဲ့ရာ စစ်သား ၁ဦးသေဆုံးပြီး ၁ ဦး ထိခိုက်ဒဏ်ရာရှိခဲ့ကြောင်း Students Revolutionary Force အဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံ သို့ပြောဆိုသည်။

မေလ ၈ ရက်နေ့ မွန်းလွဲ ၁နာရီ ၃၀မိနစ်ခန့်တွင် မင်းကင်းမြို့ ချောင်းဆုံတွင် အခြေပြုနေသော အကြမ်းဖက် စစ်တပ်ကင်းကို ကျောင်း သားတော်လှန် ရေးတပ်တော်၊ အမှတ် ၅၁၈ တပ်ရင်းမှ တိုက်ခိုက်ခဲ့ကြောင်း၊ ထိုတိုက်ခိုက်မှုအတွင်း အပြန်အလှန် မိနစ် ၂၀ ခန့် တိုက်ပွဲဖြစ်ကာ၊ အကြမ်းဖက် စစ်တပ်ဘက်မှာ စစ်သား ၁ ဦးသေဆုံးကာ၊ ၁ ဦးထိခိုက်ဒဏ်ရာရရှိပြီး၊ တော်လှန်ရေး ရဲ ဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း သိရှိရသည်။

မင်းကင်းမြို့၊ ချောင်းဆုံမှာ အခြေပြုတပ်စွဲထားတဲ့ ရန်သူ့ကင်းကို မိမိတို့ SRF အမှတ် ၅၁၈ တပ်ရင်းက ဝင်ရောက်တိုက်ခိုက်တာပါ။ စစ်ခွေး ၁ ကောင် သေဆုံးတယ်။ စစ်ခွေး ၁ကောင် ထိခိုက်ဒဏ်ရာရတယ်။ ကျွန်တော် ရဲဘော်တွေ အထိအခိုက်မရှိ ပြန် လည်ဆုတ်ခွာနိုင်ခဲ့ပါတယ် ဟု Students Revolutionary Force အဖွဲ့မှ တာ ဝန်ရှိသူက ပြောဆိုသည်။

အလားတူ မွန်ပြည်နယ်၊ ရေးမြို့နယ် အတွင်း စစ်ကြောင်းထိုးလာသော အကြမ်းဖက် စစ်တပ်ကို ကြားဖြတ်တိုက်ခိုက်ရာ စစ်သား ၃ ဦးသေဆုံးပြီး တော်လှန်ရေး ရဲဘော် ၁ ဦး ကျဆုံးခဲ့ကြောင်း တပင်ရွှေထီးကိုကျိုက်ပြည်သူ့ကာကွယ်ရေးတပ်မှ တာဝန်ရှိသူက ရန်ကုန်ခေတ်သစ် သတင်းဌာနထံသို့ပြောဆိုသည်။

မေလ ၈ ရက်နေ့ နံနက် ၁၁ နာရီခန့်တွင် အင်အား ၃၀၀ ကျော်ပါသော အကြမ်းဖက် စစ်တပ် စစ်ကြောင်းသည် ရေးမြို့နယ်၊ နှစ်ကရင်ရွာကို စစ်ကြောင်းထိုးလာစဉ် တော်လှန်ရေးတပ်ဖွဲ့များနှင့် လိ‌မ္မော်ခြံနှင့် နှစ်ကရင်လမ်းဆုံ အကြား ထိပ်တိုက်ထိတွေ့ တိုက်ပွဲဖြစ်ပွားခဲ့ခြင်းဖြစ်ကြောင်း သိရသည်။

ထိုထိတွေ့တိုက်ပွဲအတွင်း အကြမ်းဖက် စစ်တပ်ဘက်မှ စစ်သား ၃ ဦးသေဆုံးကာ ၅ ဦး ထိခိုက်ဒဏ်ရာရရှိခဲ့ကြောင်း၊ ထို့ပြင် တပင်ရွှေထီးကိုကျိုက်ပြည်သူကာကွယ်ရေးတပ်မှ ရဲဘော်ထက်ကို လည်း တိုက်ပွဲအတွင်း ကျဆုံးခဲ့ကြောင်း သိရှိရသည်။

စစ်ခွေး စစ်ကြောင်းထိုးလာတော့ ထိပ်တိုက်တွေ့ပြီး ထိတွေ့မှုဖြစ်တာပါ။ စိတ်တော့မကောင်းဘူး။ ကိုယ်ဘက်က ရဲဘော်တစ်ယောက်ကျတယ်ဆိုတော့ မတန်ဘူး။ စစ်ခွေး ၃ ကောင်လည်း တိုက်ပွဲအတွင်း သေဆုံးပါတယ် ဟု တပင်ရွှေထီးကိုကျိုက်ပြည်သူ့ကာကွယ်ရေးတပ်မှ တာဝန်ရှိသူက ပြောဆိုသည်။

အဆိုပါ တိုက်ခိုက်မှုကို KNLA တပ်မဟာ ၆၊ တပ်ရင်း ၂၇ ၊ တပ်ခွဲ ၁ နှင့် တပင်ရွှေထီးကိုကျိုက်ပြည်သူ့ကာ ကွယ်ရေးတပ် ပူးပေါင်း တိုက်ခိုက်ခဲ့ကြောင်း သိရှိရသည်။

The post မင်းကင်းနှင့် ရေးမြို့နယ်တို့တွင် စစ်တပ်ကင်းစခန်းနှင့်စစ်ကြောင်းကို တိုက်ခိုက်မှု စစ်သား၄ ဦး သေဆုံးပြီး တော်လှန်ရေး ရဲဘော် ၁ ဦး ကျဆုံး appeared first on Khit Thit Media.

🔗 ဖတ်ရန်: https://yktnews.com/2026/05/249347/
📌 Khit Thit Media

မြဝတီသတင်း

07:45 10 thg 5, 2026

📰 ရခိုင်ပြည်၊ ကျောက်တော်မြို့ကို စစ်တပ်က ညသန်းခေါင်ယံအချိန် လေယာဉ်အုပ်စုလိုက်ဖြင့် ဗုံးများ အဆက်မပြတ်ကျဲချတိုက်ခိုက်

📅 May 8, 2026 at 02:36 AM

ရန်ကုန်၊ မေ ၈

ရခိုင်ပြည်၊ ကျောက်တော်မြို့ကို စစ်တပ်က ညသန်းခေါင်းအချိန် လေယာဉ်အုပ်စုလိုက်ဖြင့် ဗုံးများ အဆက်မပြတ်ကျဲချတိုက်ခိုက်ခဲ့ကြောင်း ရခိုင်ဒေသသတင်းရင်းမြစ်များထံမှ သိရှိရသည်။

ယမန်နေ့ မေလ ၇ ရက်နေ့ ည ၁၀ နာရီဝန်းကျင်အချိန်မှစတင်၍ အာရက္ခတပ်တော် (AA) ထိန်းချုပ်ရာ ကျောက်တော်မြို့နယ်အတွင်းရှိ ကျေးရွာများနှင့် တောင်တန်းဒေသများကို စစ်တပ်က လေကြောင်းမှတစ်ဆင့် အပြင်း အထန် ဗုံးကြဲတိုက်ခိုက်ခဲ့ကြောင်း ၊ လေယာဉ်များက အုပ်စုလိုက်ဗုံးကျဲခဲ့ခြင်းဖြစ်ပြီး အကြိမ်ကြိမ် ဗုံးကျဲတိုက်ခိုက်ခဲ့ခြင်းဖြစ်ကြောင်း သိရှိရသည်။

စစ်တပ်၏ ဗုံးကျဲတိုက်ခိုက်မှုများတွင် နေပြည်တော်နှင့် မန္တလေးတိုင်း၊ တံတားဦးလေတပ်စခန်းများမှ တက်လာသည့် တိုက် လေယာဉ်များနှင့် Y-12 လေယာဉ်များကို အသုံးပြုခဲ့ကြောင်း၊ ကျောက်တော်မြို့ပြင်ရှိ တောင်တန်းအနီးတစ်ဝိုက်နှင့် တောင်ခြေဒေသများကို ပစ်မှတ်ထား၍ ၁၅ မိနစ်အတွင်း အနည်းဆုံး ပေါက်ကွဲမှု ၅ ကြိမ်ထက်မနည်း ဖြစ်ပွားခဲ့ပြီး ည ၁၀ နာရီ ၁၉ မိနစ်ဝန်းကျင်တွင် Y-12 လေယာဉ်များဖြင့် ဆက်တိုက်ဗုံးကျဲခဲ့ကြောင်း သိရှိရသည်။

လေယာဉ်တွေက အုပ်စုလိုက် တစ်ကျော့ပြီးတစ်ကျော့ ဗုံးလာကျဲတာ။ ပေါက်ကွဲမှုတွေ တော်တော်ပြင်းထန်ပါတယ် ဟု ရခိုင်ဒေသသတင်းရင်းမြစ်က ပြောဆိုသည်။

ယမန်နေ့ ညပိုင်း လေကြောင်းတိုက်ခိုက်မှုကြောင့် သေဆုံးမှု အခြေအနေနှင့် ပျက်စီးဆုံးရှုံးမှုများကို မသိရှိရသေးပေ။

အာရက္ခတပ်တော် (AA) က ထိန်းချုပ်ထားသော နယ်မြေများတွင် စစ်ကောင်စီတပ်၏ လေကြောင်းတိုက်ခိုက်မှုများမှာ လတ်တ လောလပိုင်းအတွင်း သိသိသာသာ တိုးမြင့်လာခဲ့ပြီး မေလ ၆ ရက်နေ့ နေ့လယ်ပိုင်းကလည်း မင်းပြားမြို့နယ်၊ ကျောက်ခုတ်ကျေးရွာအနီးရှိ တောင်တန်းဒေသများကို တိုက်လေယာဉ် ၅ စင်းနှင့် Y-12 လေယာဉ် ၂ စင်းတို့ဖြင့် တစ်နာရီကျော်ကြာ ဗုံးကြဲခဲ့ကြောင်း သိရှိရသည်။

ထို့အပြင် မေလ ၅ ရက်နေ့ကလည်း ဂွမြို့နယ်ရှိ ခမရ ၅၆၃ တပ်ရင်းဟောင်းအနီးတွင် Y-12 လေယာဉ်ဖြင့် ကင်းထောက်ပြီးနောက် တိုက်လေယာဉ် ၃ စင်းဖြင့် ဗုံး ၁၀ လုံးထက်မနည်း ကြဲချခဲ့ကြောင်း ဒေသခံများက ဆိုသည်။

ဧပြီလ ၁၉ ရက်နေ့က ပုဏ္ဏားကျွန်းနှင့် မြောက်ဦးမြို့နယ်များတွင် လေကြောင်းတိုက်ခိုက်မှုကြောင့် အရပ်သား ၁ ဦး သေဆုံးကာ ၁၄ ဦး ဒဏ်ရာရရှိခဲ့ပြီး ဧပြီလ ၁ ရက်နေ့က သံတွဲမြို့အနီး ဗုံးကြဲမှုတွင်လည်း ကလေးငယ် ၂ ဦးအပါအဝင် အရပ်သား ၄ ဦး သေဆုံးခဲ့ကြောင်း သိရသည်။

The post ရခိုင်ပြည်၊ ကျောက်တော်မြို့ကို စစ်တပ်က ညသန်းခေါင်ယံအချိန် လေယာဉ်အုပ်စုလိုက်ဖြင့် ဗုံးများ အဆက်မပြတ်ကျဲချတိုက်ခိုက် appeared first on Khit Thit Media.

🔗 ဖတ်ရန်: https://yktnews.com/2026/05/249259/
📌 Khit Thit Media

မြဝတီသတင်း

21:19 27 thg 4, 2026

📰 ဘုတ်ပြင်းမြို့နယ်တွင် ခလရ ၂၂၄ တပ်ရင်းမှ စစ်မှုထမ်း တပ်သားသစ် ၁ ဦး သေနတ် ၁ လက် ယူဆောင်လာပြီး အလင်းဝင်

📅 April 26, 2026 at 02:21 PM

ရန်ကုန်၊ ဧပြီ ၂၆

တနင်္သာရီတိုင်း၊ ဘုတ်ပြင်းမြို့နယ်တွင် ခလရ ၂၂၄ တပ်ရင်းမှ စစ်မှုထမ်း တပ်သားသစ် ၁ ဦး သေနတ် ၁ လက် ယူဆောင်လာပြီး အလင်းဝင်ရောက်ခဲ့ကြောင်း ကော့သောင်းခရိုင် အမှတ် ၁ တပ်ရင်းထံမှ သိရသည်။

ဧပြီလ ၂၂ ရက်နေ့တွင် ဘုတ်ပြင်းမြို့နယ်၊ ဘုတ်ပြင်းအခြေစိုက် ခလရ ၂၂၄ တပ်ရင်းမှ စစ်မှုထမ်း တပ်သားသစ် ၁ ဦးသည် ကော့သောင်းခရိုင် အမှတ် ၁ တပ်ရင်းနှင့် ပူးပေါင်းအဖွဲ့ထံ လက်နက်ယူဆောင်လာပြီး အလင်းဝင်ရောက်ခဲ့ခြင်းဖြစ်ကြောင်း သိရသည်။

ထိုသို့ အလင်းဝင်ရောက်လာသော စစ်မှုထမ်း တပ်သားသစ်သည် အသက် ၃၃ နှစ်အရွယ် ကိုပေါက်ကြီးဆိုသူဖြစ်ပြီး စစ်မှုထမ်း သင်တန်း အပတ်စဥ် ၁၇ ဆင်းလာသူဖြစ်ကြောင်း၊ ၎င်းသည် ရန်ကုန်မြို့ သစက (၂) မှော်ဘီ သင်တန်းကျောင်းတွင် စစ်သင်တန်းတက်ရောက်ခဲ့ပြီးနောက် ဘုတ်ပြင်းမြို့နယ် ခလရ ၂၂၄ တပ်ရင်းသို့ ရောက်ရှိလာခြင်းဖြစ်ကြောင်း သိရသည်။

လက်ရှိချိန် အလင်းဝင်လာသော စစ်မှုထမ်း တပ်သား ကိုပေါက်ကြီးသည် ပြည်ကြီးမဏ္ဍိုင်-ရတနာပုံလမ်းပိုင်းကို စစ်ကြောင်းထိုးနေသည့် အကြမ်းဖက် စစ်တပ်နှင့် လိုက်ပါလာစဉ် PDF တပ်ဖွဲ့ထံ ထွက်ပြေးလာပြီး အလင်းဝင်ရောက်ခဲ့ခြင်းဖြစ်ကြောင်း သိရှိရသည်။

အလင်းဝင်လာသော စစ်မှုထမ်းတပ်သားသစ်သည် MA-1 အမျိုးအစား သေနတ် ၁ လက်၊ ကျည်ဘောက် ၃ ခုနှင့် ကျည် ၂၈၀ တောင့်ကိုလည်း ယူဆောင်လာခဲ့ကြောင်း သိရသည်။

The post ဘုတ်ပြင်းမြို့နယ်တွင် ခလရ ၂၂၄ တပ်ရင်းမှ စစ်မှုထမ်း တပ်သားသစ် ၁ ဦး သေနတ် ၁ လက် ယူဆောင်လာပြီး အလင်းဝင် appeared first on Khit Thit Media.

🔗 ဖတ်ရန်: https://yktnews.com/2026/04/248462/
📌 Khit Thit Media

246

မြဝတီသတင်း

21:19 27 thg 4, 2026

📰 တောင်ငူမြို့နယ်၊ ကျွန်းတောကုန်းရွာမှ လူငယ် ၄ ဦးကို စစ်တပ်က ဝင်ရောက် ပေါ်တာဆွဲဖမ်းဆီးစဉ် စစ်မှုထမ်းရန် ငြင်းဆိုသည့် ကိုသူရ ဆိုသူကို စစ်သားများက ပစ်သတ်ခဲ့

📅 April 26, 2026 at 02:20 PM

ရန်ကုန်၊ ဧပြီ ၂၆

ပဲခူးတိုင်း၊ တောင်ငူမြို့နယ်၊ ကျွန်းတောကုန်းရွာမှ လူငယ် ၄ ဦးကို အကြမ်းဖက် စစ်တပ်က ဝင်ရောက် ပေါ်တာဆွဲဖမ်းဆီးစဉ် စစ်မှုထမ်းရန် ငြင်းဆိုသည့် ကိုသူရ ဆိုသူကို စစ်သားများက ပစ်သတ်ခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဧပြီလ ၂၅ ရက်နေ့ ည ၉ နာရီခန့်တွင် တောင်ငူမြို့နယ်၊ ကျွန်းတောကုန်းရွာကို အကြမ်းဖက် စစ်တပ်က ဝင်ရောက်စီးနင်းပြီး လူငယ် ၄ ဦးကို ပေါ်တာဆွဲဖမ်းဆီးခဲ့ကြောင်း၊ ထိုသို့ ဖမ်းဆီးခံရသော လူငယ် ၄ ဦးထဲမှ ကိုသူရ ဆိုသူသည် စစ်မှုထမ်းရန် ငြင်းဆိုသောကြောင့် စစ်သားများက ပစ်သတ်ခဲ့ခြင်းဖြစ်ကြောင်း သိရသည်။

ထိုသို့ ပစ်သတ်ပြီးနောက် ကျန်ရှိနေသော လူငယ် ၃ ဦးကို စစ်ကားပေါ်တင်၍ ဖမ်းဆီးခေါ်ဆောင်သွားကြောင်း၊ ဖမ်းဆီးခေါ်ဆောင်ခံရသော လူငယ်များနှင့်လည်း လက်ရှိချိန်ထိ အဆက်အသွယ် ပြန်တောက်နေကြောင်း သိရှိရသည်။

ကျွန်းတောကုန်းရွာမှာ မနေ့က ည ၉ နာရီလောက်က စစ်မှုထမ်း ပေါ်တာဆွဲတာ လူငယ် ၄ ဦး ဆွဲခံရတယ်။ ဆွဲခံရတဲ့ထဲက ကိုသူရ ဆိုတဲ့လူငယ်က မလိုက်ဘူးလို့ ​ငြင်းဆန်တာလို့ ရွာထဲမှာတင် စစ်ခွေးတွေက ပစ်သတ်ခဲ့တယ်။ ကျန်တဲ့ ၃ ဦး ကိုတော့ခေါ်ဆောင်သွားတယ်လို့ သိရတယ် ဟု ဒေသပြည်သူတစ်ဦးက ပြောဆိုသည်။

အကြမ်းဖက် စစ်တပ်က ပစ်သတ်ခဲ့သော ကိုသူရ၏ ရုပ်အလောင်းကို ယနေ့ နံနက်ပိုင်းတွင် မိသားစုဝင်များနှင့် ဒေသပြည်သူများက မီးသဂြိုလ်လိုက်ကြောင်း သိရသည်။

The post တောင်ငူမြို့နယ်၊ ကျွန်းတောကုန်းရွာမှ လူငယ် ၄ ဦးကို စစ်တပ်က ဝင်ရောက် ပေါ်တာဆွဲဖမ်းဆီးစဉ် စစ်မှုထမ်းရန် ငြင်းဆိုသည့် ကိုသူရ ဆိုသူကို စစ်သားများက ပစ်သတ်ခဲ့ appeared first on Khit Thit Media.

🔗 ဖတ်ရန်: https://yktnews.com/2026/04/248459/
📌 Khit Thit Media

230

မြဝတီသတင်း

21:19 27 thg 4, 2026

📰 ဆိပ်ဖြူမြို့နယ်ရှိ ကျေးရွာ ၂ ခုကို စစ်တပ် မီးရှို့ဖျက်ဆီးမှု နေအိမ် ၁၀၀ ကျော် မီးလောင်ပြာကျ

📅 April 26, 2026 at 12:19 PM

ရန်ကုန်၊ ဧပြီ ၂၆

မကွေးတိုင်း၊ ဆိပ်ဖြူမြို့နယ်ရှိ ကျေးရွာ ၂ ခုကို အကြမ်းဖက်စစ်တပ်က မီးရှို့ဖျက်ဆီးခြင်းကြောင့် နေအိမ် ၁၀၀ ကျော် မီးလောင်ပြာကျခဲ့ကြောင်း ဒေသပြည်သူများနှင့် ဆိပ်ဖြူပြောက်ကျား တစ်ကိုယ်တော် ကျားဇိုး LDF ပြည်သူ့ကာကွယ်ရေးတပ်မှ ကိုကျားဇိုးက ရန်ကုန်ခေတ်သစ်သတင်းဌာနထံသို့ ပြောဆိုသည်။

ဧပြီလ ၂၅ ရက်နေ့တွင် ဆိပ်ဖြူမြို့နယ်ရှိ ကပစ ၂၁ နှင့် ကပစ ၂၂ ဘက်မှ ထွက်လာသော အကြမ်းဖက်စစ်တပ် စစ်ကြောင်းသည် ဇီးဖြူကောင်းကျေးရွာနှင့် ရေပုတ်ကျေးရွာတို့ကို ရုတ်တရက် ဝင်ရောက်စီးနင်းပြီး ပြည်သူပိုင်နေအိမ်များကို မီးရှို့ဖျက်ဆီးခဲ့ခြင်းဖြစ်ကြောင်း သိရသည်။

အကြမ်းဖက်စစ်တပ် မီးရှို့ဖျက်ဆီးခြင်းကြောင့် ဇီးဖြူကောင်းရွာမှ နေအိမ် ၈၀ ကျော်နှင့် ရေပုတ်ရွာမှ နေအိမ် ၂၀ ကျော် မီးလောင်ပြာကျခဲ့ကြောင်း၊ ထိုသို့ မီးရှို့ဖျက်ဆီးပြီးနောက် စစ်တပ်စစ်ကြောင်းသည် ကျေးရွာအတွင်းမှ ပြန်လည်ဆုတ်ခွာသွားကြောင်း သိရှိရသည်။

ကပစ ဘက်ကနေလာတဲ့ စစ်ခွေးစစ်ကြောင်းက ရွာထဲကို ရုတ်တရက် ဝင်ရောက်စီးနင်းပြီး နေအိမ်တွေကို မီးရှို့ဖျက်ဆီးသွားတာ။ တိုက်ပွဲဖြစ်တာတော့မရှိဘူး။ ပြည်သူတွေ ဖမ်းဆီးခံရတာလည်းမရှိဘူးလို့တော့ သိရတယ်။ စစ်ခွေးစစ်ကြောင်းက မီးရှို့ပြီး ပြန်ဆုတ်သွားတယ်။ ၂ ရွာပေါင်း နေအိမ် ၁၀၀ ကျော်လောက် မီးလောင်ပျက်စီးသွားတယ် ဟု ဒေသပြည်သူတစ်ဦးက ပြောဆိုသည်။

ထို့ပြင် ဧပြီလ ၂၂ ရက်နေ့ကလည်း ကပစ ၂၂ မှ အင်အား ၃၀၀ ခန့်ပါသော စစ်ကြောင်းသည် ပုသိမ်-မုံရွာ လမ်းပိုင်းအတိုင်း ပေါက်မြို့ပေါ်၊ ကုက္ကိုစုပျူစောထီးရွာနှင့် ရေပြာရွာရဲစခန်းတို့သို့ ရိက္ခာပို့ဆောင်ရန် ထွက်ခွာလာသောကြောင့် လမ်းပိုင်းတစ်လျှောက်ရှိ ကျေးရွာများမှ ပြည်သူများ ဘေးလွတ်ရာ ထွက်ပြေးတိမ်းရှောင်ခဲ့ရကြောင်း သိရသည်။

အလားတူ ဧပြီလ ၁၉ ရက်နေ့ကလည်း ကပစ ၂၂ မှ ထွက်လာသော စစ်တပ်စစ်ကြောင်းသည် ပြည်သူများကို လူသားဒိုင်းအဖြစ် ဖမ်းဆီးပြီး လက်ကိုင်ဖုန်းများကို သိမ်းဆည်းကာ ဖုန်းအတွင်းရှိ ငွေကျပ်သိန်း ၁၀၀ ကျော်ကိုလည်း ၎င်းတို့ထံ အတင်းအဓမ္မလွှဲခိုင်းပြီး ယူဆောင်သွားကြောင်း သိရှိရသည်။

The post ဆိပ်ဖြူမြို့နယ်ရှိ ကျေးရွာ ၂ ခုကို စစ်တပ် မီးရှို့ဖျက်ဆီးမှု နေအိမ် ၁၀၀ ကျော် မီးလောင်ပြာကျ appeared first on Khit Thit Media.

🔗 ဖတ်ရန်: https://yktnews.com/2026/04/248454/
📌 Khit Thit Media

မြဝတီသတင်း

21:19 27 thg 4, 2026

📰 မြန်မာနိုင်ငံတွင် ပြည်သူများအပေါ် စစ်တပ်၏ ကျူးလွန်တိုက်ခိုက်မှုများအတွက် နိုင်ငံတ ကာ ရာဇဝတ်ခုံရုံး (ICC) က တရားဝင် စုံစမ်းစစ်ဆေးမှုများ ချက်ချင်း လုပ်ဆောင်ရန် KWO တောင်းဆို

📅 April 26, 2026 at 03:57 AM

ရန်ကုန်၊ ဧပြီ ၂၆

မြန်မာနိုင်ငံတွင် အရပ်သားပြည်သူများအပေါ် စစ်တပ်၏ တိုက်ခိုက်မှုများကို နိုင်ငံတကာ ရာဇဝတ်ခုံရုံး (ICC) က တရားဝင် စုံစမ်းစစ်ဆေးမှုများ ချက်ချင်းစတင်ရန်ကရင်အမျိုးသမီးအစည်းအရုံး (KWO) က တောင်းဆိုလိုက်သည်။

ယခုနှစ် ဧပြီလလယ်ပိုင်း သင်္ကြန်ကာလအတွင်း အရပ်သားပြည်သူများအပေါ် ပစ်မှတ်ထား၍ ရက်စက်ကြမ်းကြုတ်စွာ တိုက်ခိုက်ခဲ့သော စစ်တပ်၏ လုပ်ရပ်များနှင့် ပတ်သက်၍ နိုင်ငံတကာ ရာဇဝတ်ခုံရုံး (ICC) အပါအဝင် သက်ဆိုင်ရာ တရားရုံးများအနေဖြင့် တရားဝင် စုံစမ်းစစ်ဆေးမှုများကို ချက်ချင်းလုပ်ဆောင်ပေးရန် တောင်းဆိုခြင်းဖြစ်သည်။

မြန်မာစစ်တပ်သည် ယခုနှစ်အစောပိုင်းတွင် ပြုလုပ်ခဲ့သည့် ရွေးကောက်ပွဲများအပြီး၌ ၎င်းတို့ကိုယ်ကို အရပ်သားအစိုးရအဖြစ် ဟန်ဆောင်ရန် ကြိုးပမ်းနေသော်လည်း လက်တွေ့တွင်မူ လူသားချင်းစာနာမှု ကင်းမဲ့ကာ လူသားအသက်များကို တန်ဖိုးမထားသော လုပ်ရပ်များကိုသာ တစိုက်မတ်မတ် ဆက်လက်လုပ်ဆောင်နေခြင်း ဖြစ်သည်။

မြန်မာတို့၏ အထူးမြတ်ဆုံး အမျိုးသားရုံးပိတ်ရက်ဖြစ်သည့် သင်္ကြန်ကာလအတွင်း၌ စစ်တပ်သည် တိုက်ပွဲဖြစ်ပွားခြင်းမရှိသော နေရာများရှိ အရပ်သားပြည်သူများအပေါ် လေကြောင်းတိုက်ခိုက်မှုများကို ပိုမိုတိုးမြှင့်လုပ်ဆောင်ခဲ့သည်။

မြန်မာနိုင်ငံအရှေ့ပိုင်း ကော့သူးလေဒေသတွင် သင်္ကြန်ရုံးပိတ်ရက် သုံးရက်အတွင်း၌ပင် စာသင် ကျောင်းများ၊ လူနေအိမ်များ၊ ကျောင်းသားဆောင်များ၊ ဘုရားကျောင်းကန်များနှင့် ဆေးရုံများကို တမင်ပစ်မှတ်ထား၍ ဗုံးကြဲဖျက်ဆီးခဲ့ခြင်း ဖြစ်သည်။

KWO ဥက္ကဋ္ဌ နော်ကညောဖောက စစ်တပ်သည် မိသားစုများ အတူတကွ ပျော်ရွှင်စွာ ဆင်နွှဲရမည့်အချိန်ကို ရည်ရွယ်ချက်ရှိရှိ ရွေးချယ်၍ ဤတိုက်ခိုက်မှုများကို လုပ်ဆောင်ခဲ့ခြင်းဖြစ်ပြီး ၎င်းမှာ မတော်တဆဖြစ်သော အကြမ်းဖက်မှုမျိုးမဟုတ်ဘဲ အရပ်သားများကို သေစေရန်အတွက် သေသေချာချာ တွက်ချက်ထားသော အကြမ်းဖက်လုပ်ရပ်သာ ဖြစ်ကြောင်း ပြောကြားသည်။

ကော့သူးလေဒေသတွင် သင်္ကြန်မတိုင်မီ ဧပြီလ ၁၀ ရက်နေ့မှစတင်ကာ ဆယ်ရက်တိုင်တိုင် ဗုံးကြဲတိုက်ခိုက်မှုများ ဆက်တိုက်ဖြစ်ပွားခဲ့သောကြောင့် အနည်းဆုံး အရပ်သား ရှစ်ဦး သေဆုံးခဲ့ရပြီး ၂၈ ဦး ဒဏ်ရာရရှိခဲ့သည်။ ဒဏ်ရာရသူများထဲတွင် ဓာတုပစ္စည်းများနှင့် ထိတွေ့ခဲ့ရသဖြင့် ခန္ဓာကိုယ်၌ မှတ်မိနိုင်စွမ်းမရှိတော့သည်အထိ ပြင်းထန်သော လောင်ကျွမ်းဒဏ်ရာများ ရရှိခဲ့သူများလည်း ပါဝင်နေသကဲ့သို့ လူနေအိမ်ပေါင်း ၁၀၀ ကျော်လည်း ပျက်စီးခဲ့ရသည်။

စစ်တပ်က တိုက်ပွဲဖြစ်ပွားခြင်းမရှိဘဲ လေကြောင်းမှ အကြိမ်ကြိမ် ဗုံးကြဲခဲ့သဖြင့် ဒေသခံများအတွက် အရေးပါသော ဈေးတစ်ခု ပျက်စီးသွားခဲ့ရသလို ဒေးဗူနိုရှိ ကောလိပ်ကျောင်းနှင့် ယူမိထရှိ ဆေးရုံတစ်ခုလည်း ပျက်စီးသွားခဲ့ရသည်။

စုစုပေါင်း ဗုံးအလုံးရေ ၃၇၀ ကျော်နှင့် ဒရုန်းတိုက်ခိုက်မှု ၂၇ ကြိမ်အထိ အသုံးပြုခဲ့ပြီး ဘုရားကျောင်း ငါးကျောင်း၊ ဆေးခန်း လေးခုနှင့် စာသင်ကျောင်းဆောင် ၁၁ ဆောင် အပါအဝင် အများပြည်သူဆိုင်ရာ အဆောက်အအုံ ၂၂ ခု ပျက်စီးဆုံးရှုံးခဲ့ရခြင်း ဖြစ်သည်။

လက်ရှိတွင် အီရန်နိုင်ငံရှိ စစ်ပွဲများကြောင့် မြန်မာနိုင်ငံတစ်ဝန်းရှိ ပြည်သူများသည် လောင်စာဆီပြတ် လပ်မှုဒဏ်ကို ဆိုးဆိုးရွားရွား ခံစားနေရသော်လည်း စစ်တပ်သည် အဆိုပါ အဖိုးတန်ဆီများကို ပြည်သူများ၏ အကျိုးအတွက် အသုံးမပြုဘဲ မိမိပြည်သူကို ပြန်လည်သတ်ဖြတ်ရန် လေယာဉ်ဆီအဖြစ်သာ ဦးစားပေး အသုံးပြုနေသည်။

ပြီးခဲ့သည့် နှစ်ပတ်အတွင်း၌ပင် ကော့သူးလေဒေသတွင် နေရပ်စွန့်ခွာ ပြေးလွှားနေရသူ တစ်သောင်းကျော် ရှိလာနေပြီး ၎င်းတို့အတွက် အကူအညီများမှာလည်း မလုံလောက်တော့သော အခြေအနေသို့ ရောက်ရှိနေသည်။ ထို့ကြောင့် KWO အနေဖြင့် အရပ်သားများအပေါ် တိုက်ခိုက်မှုများအတွက် ICC ကဲ့သို့သော တရားရုံးများမှ တရားဝင် စုံစမ်းစစ်ဆေးမှုများ ချက်ချင်းစတင်ပေးရန်၊ စစ်တပ်ထံ လေယာဉ်ဆီနှင့် လက်နက်များ မရောက်ရှိစေရန် အပြည့်အဝ ပိတ်ဆို့အရေးယူပေးရန်နှင့် နယ်စပ်ဖြတ်ကျော် အဖွဲ့အစည်းများမှတစ်ဆင့် အမှန်တကယ် လိုအပ်နေသူများထံ လူသားချင်းစာနာမှု အကူအညီများ ထိရောက်စွာ ပေးပို့ပေးရန် နိုင်ငံတကာအသိုင်းအဝိုင်းထံ အလေးအနက် တောင်းဆိုထားသည်။

နိုင်ငံတကာအနေဖြင့် ယင်းကဲ့သို့ ချိုးဖောက်မှုများကို ရပ်တန့်စေရန် စစ်တပ်တာဝန်ရှိသူများ အပါ အဝင် ကျူးလွန်သူများကိုလည်း ထိရောက်စွာ အရေးယူပေးရန် KWO က တိုက်တွန်းထားသည်။

The post မြန်မာနိုင်ငံတွင် ပြည်သူများအပေါ် စစ်တပ်၏ ကျူးလွန်တိုက်ခိုက်မှုများအတွက် နိုင်ငံတ ကာ ရာဇဝတ်ခုံရုံး (ICC) က တရားဝင် စုံစမ်းစစ်ဆေးမှုများ ချက်ချင်း လုပ်ဆောင်ရန် KWO တောင်းဆို appeared first on Khit Thit Media.

🔗 ဖတ်ရန်: https://yktnews.com/2026/04/248410/
📌 Khit Thit Media

မြဝတီသတင်း

21:19 27 thg 4, 2026

📰 မြန်မာနိုင်ငံနယ်နိမိတ်အတွင်းမှ တရုတ်နိုင်ငံ၏ အကျိုးစီးပွားကိုထိခိုက်စေမည့် မည်သည့်လုပ်ရပ်ကိုမျှ ခွင့်ပြုမည်မဟုတ်ဘဲ တရုတ်အကျိုးစီးပွားကာကွယ်မည်ဟု အကြမ်းဖက် မင်းအောင်လှိုင် ကတိပြု

📅 April 26, 2026 at 02:56 AM

ရန်ကုန်၊ ဧပြီ ၂၆

မြန်မာနိုင်ငံနယ်နိမိတ်အတွင်းမှ တရုတ်နိုင်ငံ၏ အကျိုးစီးပွားကိုထိခိုက်စေမည့် မည်သည့်လုပ်ရပ်ကိုမျှ ခွင့်ပြုမည်မဟုတ်ဘဲ မြန်မာနိုင်ငံအတွင်းရှိ တရုတ်အကျိုးစီးပွားများကို ကာကွယ်မည်ဖြစ်ကြောင်း အကြမ်းဖက် မင်းအောင်လှိုင်က ကတိပြုပြောဆိုလိုက်သည်။

ယမန်နေ့ တရုတ်နိုင်ငံခြားရေးဝန်ကြီး ဝမ်ယိနှင့်နေပြည်တော်တွင် တွေ့ဆုံစဉ် အကြမ်းဖက် မင်းအောင်လှိုင်က ထိုသို့ ပြောဆိုလိုက်ခြင်းဖြစ်သည်။

မြန်မာနိုင်ငံနယ်နိမိတ်အတွင်း တရုတ်နိုင်ငံ၏ အကျိုးစီးပွားကို ထိခိုက်စေမည့် မည်သည့်လုပ်ရပ်ကိုမျှ ခွင့်ပြုမည်မဟုတ်ကြောင်း ၊ မြန်မာနိုင်ငံအတွင်းရှိ တရုတ်နိုင်ငံသားများ၊ အဖွဲ့အစည်းများနှင့် စီမံကိန်းများ၏ ဘေးကင်းလုံခြုံရေးအတွက် အစီအမံများ ချမှတ်ဆောင်ရွက်သွားမည်ဟု အကြမ်းဖက် မင်းအောင်လှိုင်က ကတိပြုခဲ့သည်။

ထို့ပြင် နှစ်နိုင်ငံအကြား အနာဆိုးဖြစ်နေသည့် အွန်လိုင်းလောင်းကစားနှင့် လိမ်လည်မှုများကိုလည်း အမြစ်ပြတ်သည်အထိ ဆက်လက်နှိမ်နင်းသွားမည်ဟု ဆိုသည်။

ယင်းအပြင် တရုတ်သမ္မတ ရှီကျင့်ဖျင် အဆိုပြုထားသည့် ကမ္ဘာလုံးဆိုင်ရာ အစီအမံကြီး ၄ ရပ် (GDI, GSI, GCI နှင့် Global Governance Initiative) တို့ကို ထောက်ခံကာ တက်ကြွစွာ အားပေးသွားမည်ဖြစ်ကြောင်း ၊ “One China Policy” မှ လုံးဝသွေဖယ်သွားမည် မဟုတ်ကြောင်း၊ မြန်မာ့စီးပွားရေးနှင့် ငလျင်အလွန် ပြန်လည်ထူထောင်ရေးလုပ်ငန်းများကို ကူညီထောက်ပံ့ပေးနေသည့် တရုတ်နိုင်ငံအား ကျေးဇူးတင်ရှိကြောင်း မင်းအောင်လှိုင်က ပြောဆိုသည်။

တရုတ်နိုင်ငံခြားရေးဝန်ကြီး Mr. Wang Yi ကလည်း တရုတ်နိုင်ငံအနေဖြင့် မြန်မာနိုင်ငံအပေါ် ခိုင်မာစွာ ထောက်ခံအားပေးချက် ၃ ရပ် ရှိကြောင်း ၊ မြန်မာနိုင်ငံ၏ ကိုယ်ပိုင်ဖွံ့ဖြိုးတိုးတက်ရေးလမ်းစဉ်ကို ထောက်ခံခြင်း၊ နိုင်ငံတော်အချုပ်အခြာအဏာနှင့် နယ်မြေတည်တံ့ခိုင်မြဲမှုကို ကာကွယ်ခြင်းအား ထောက်ခံခြင်းနှင့် နိုင်ငံတော်ငြိမ်းချမ်းရေးနှင့် ပြန်လည်သင့်မြတ်ရေး ဖော်ဆောင်မှုများကို ထောက်ခံခြင်းတို့ ဖြစ်ကြောင်း ပြောဆိုသည်။

The post မြန်မာနိုင်ငံနယ်နိမိတ်အတွင်းမှ တရုတ်နိုင်ငံ၏ အကျိုးစီးပွားကိုထိခိုက်စေမည့် မည်သည့်လုပ်ရပ်ကိုမျှ ခွင့်ပြုမည်မဟုတ်ဘဲ တရုတ်အကျိုးစီးပွားကာကွယ်မည်ဟု အကြမ်းဖက် မင်းအောင်လှိုင် ကတိပြု appeared first on Khit Thit Media.

🔗 ဖတ်ရန်: https://yktnews.com/2026/04/248407/
📌 Khit Thit Media

မြဝတီသတင်း

21:19 27 thg 4, 2026

📰 မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၃ ဦးသေဆုံး

📅 April 26, 2026 at 02:23 PM

ရန်ကုန်၊ ဧပြီ ၂၆

မြန်မာနိုင်ငံတစ်ဝန်း ဧပြီလ ၂၆ ရက်နေ့ ရရှိထားသော အချက်အလက်များအရ စစ်ကောင်စီ တပ်ဖွဲ့ဝင် ၃ ဦး သေဆုံးကြောင်း ပြည်သူ့ကာကွယ်ရေးတပ်ဖွဲ့များ၏ ထုတ်ပြန်ချက်နှင့်ပြောဆို ချက်များအရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာ ကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

The post မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၃ ဦးသေဆုံး appeared first on Khit Thit Media.

🔗 ဖတ်ရန်: https://yktnews.com/2026/04/248465/
📌 Khit Thit Media

229

မြဝတီသတင်း

21:19 27 thg 4, 2026

📰 စစ်တပ် ထိန်းချုပ်ထားသော လားရှိုးမြို့တွင် ကားဝယ်ဟန်ဆောင်၍ ကားပိုင်ရှင်ကို သေနတ်ဖြင့်ပစ်သတ်ကာ ကားလုယက်သွားမှု ကျူးလွန်သူများကို ဖမ်းမမိ

📅 April 26, 2026 at 08:00 AM

ရန်ကုန်၊ ဧပြီ ၂၆

စစ်တပ်ထိန်းချုပ်ထားသော လားရှိုးမြို့တွင် ကားဝယ်ဟန်ဆောင်၍ ကားပိုင်ရှင်ကို အနီးကပ်သေနတ်ဖြင့်ပစ်သတ်ကာ ကားလုယက်သွားမှု ကျူးလွန်သူများကို ဖမ်းမမိသေးကြောင်း လားရှိုးဒေသပြည်သူများ၏ ပြောဆိုချက်နှင့် ညီဖြစ်သူ၏ လူမှုကွန်ရက်မှတစ်ဆင့် ထုတ်ဖော်ရေးသားချက်များအရ သိရှိရသည်။

ဧပြီလ ၂၁ ရက်နေ့ ရှမ်းပြည်နယ်မြောက်ပိုင်း၊ လားရှိုးမြို့တွင် ကားဝယ်ယူရန် ချိန်းဆိုကာ ကားဝယ်ရောင်းလုပ်ကိုင်သူ ကားပိုင်ရှင် ကိုဆန်းအောင် သေနတ်ဖြင့် အနီးကပ်ပစ်သတ်၍ ကားလုယက်သွားခဲ့ခြင်းဖြစ်သည်။

ကားဝယ်ရောင်းလုပ်ကိုင်သူ ကားပိုင်ရှင် ကိုဆန်းအောင်က ဧပြီလ ၂၁ ရက် ညနေ ၄ နာရီခွဲခန့်တွင် ကားဝယ်မည်ဟု ချိန်းဆိုထားသော လူနှစ်ဦးနှင့် လားရှိုးမြို့၊ ဝရပ်ကွက်၊ ဗျူဟာလမ်းရှိ ပန်ဝိုင်လမ်းထဲတွင် တွေ့ဆုံခဲ့ကြောင်း၊ ကားဝယ်ရန် ရောက်ရှိလာသူ ၂ ဦးအနက် ၁ ဦးမှာ အရပ်ရှည်ရှည်၊ အသားဖြူဖြူ၊ ပိန်ပိန်နှင့် ဆံပင်ကောက်ကောက်ဖြစ်ပြီး ကျန် ၁ ဦးမှာ အရပ်ပုပု၊ အသားညိုညို ဖြစ်ကြောင်း သိရသည်။

ကားဝယ်မည့်သူ ၂ ဦးက ကားကိုစမ်းသပ်မောင်းနှင်မည်ဟု ဆိုကာ ကိုဆန်းအောင်အား ကားပေါ်သို့ အတူလိုက်ပါရန် ခေါ်ဆောင်သွားခဲ့ကြောင်း၊ ထိုသို့ ထွက်ခွာသွားပြီး မိနစ် ၃၀ ခန့်အကြာ ညနေ ၅ နာရီဝန်းကျင်တွင် လားရှိုးမြို့၊ သာသနာ ၂၅၀၀ ဘုရားတောင်ခြေ၌ ကိုဆန်းအောင်၏ ရုပ်အလောင်းကို ပြန်လည်တွေ့ရှိရကြောင်း သိရှိရသည်။

ကိုဆန်းအောင်သည် ကားအတွင်း၌ပင် နောက်ထိုင်ခုံမှ အနီးကပ်ပစ်သတ်ခံခဲ့ရခြင်းဖြစ်ပြီး ၎င်း၏ ရုပ်အလောင်းအား လူမှုကူညီရေးအသင်းများက ရင်ခွဲရုံသို့ သယ်ဆောင်ချိန်အထိ ကိုယ်ငွေ့နွေးနေဆဲဖြစ်ကြောင်း သိရသည်။

ပြစ်မှုကျူးလွန်သူများသည် ကိုဆန်းအောင်အား သာသနာ ၂၅၀၀ ဘုရားအနီး၌ ပစ်ချခဲ့ပြီးနောက် လားရှိုးမြို့ပြင်သို့ ကားဖြင့် ထွက်ပြေးသွားခဲ့ကြကြောင်း၊ ထွက်ပြေးစဉ်အတွင်း ခြေရာဖျောက်သည့်အနေဖြင့် သေဆုံးသူ၏ iPhone ဖုန်းကို ရေကန်တောင်လမ်းအနီးတွင် စွန့်ပစ်ခဲ့ကြကြောင်း သိရသည်။

သေဆုံးသူ ကိုဆန်းအောင်သည် အလွန်ရိုးသားဖြောင့်မတ်သူဖြစ်ကာ မည်သူနှင့်မျှ ရန်ငြိုးရန်စမရှိဘဲ မိသားစုအပေါ် တာဝန်ကျေပွန်သူတစ်ဦးဖြစ်ကြောင်း ၊ကိုဆန်းအောင် ကွယ်လွန်သွားခြင်းကြောင့် ၎င်း၏ ဇနီးနှင့် လူမမယ် သမီးငယ်နှစ်ဦး၊ သက်ကြီးရွယ်အို မိခင်ကြီးတို့မှာ ကြီးစွာသော သောကဒဏ်ကို ခံစားနေကြရကြောင်း သေဆုံးသူ ကိုဆန်းအောင်၏ ညီဖြစ်သူက လူမှုကွန်ရက်တွင် ရေးသားထားသည်။

သိန်း ၅၀၀ ဝန်းကျင်တန်တဲ့ ကားတစ်စီးအတွက်နဲ့ အခုလို သွေးအေးအေးနဲ့ သတ်ဖြတ်သွားတဲ့အပေါ် ဘယ်လိုမှ ဖြေမဆည်နိုင်ဘူး ဟု ညီဖြစ်သူက ဆိုသည်။

လက်ရှိတွင် သက်ဆိုင်ရာ အာဏာပိုင်များက အားသွန်ခွန်စိုက် စုံစမ်းစစ်ဆေးလျက်ရှိရာ လုယက်ခံရသည့်ကားကို ပြန်လည်တွေ့ရှိထားပြီဖြစ်ကြောင်း၊ သို့သော်လည်း ပြစ်မှုကျူးလွန်သူ လူသတ်သမားနှစ်ဦးကိုမူ ယခုအချိန်အထိ ဖမ်းဆီးရမိခြင်း မရှိသေးဘဲ မြို့ခံများအနေဖြင့်လည်း ယခုကဲ့သို့ လူစည်ကားရာ မြို့လယ်ခေါင်တွင် လက်ရဲဇက်ရဲ ကျူးလွန်သွားသည့် ဖြစ်ရပ်ကြောင့် လုံခြုံရေးအတွက် စိုးရိမ်ပူပန်လျက် ရှိကြောင်း သိရှိရသည်။

သတ်သွားတဲ့ ၂ ဦးကတော့ အခုထက်ထိကို မမိသေးဘူး။ ကားကတော့ ပြန်ရသွား​ပြီ။ လားရှိုးမှာက မူခင်းတွေက အရမ်းကို ဖြစ်နေတာ။ ဘယ်သူမှ မလုံခြုံဘူး ဟု လားရှိုးမြို့မှ ကုန်စုံဆိုင် ဖွင့်လှစ်ထားသူ က ရှင်းပြသည်။

လားရှိုးမြို့ကို MNDAA က သိမ်းပိုက်ခဲ့ပြီးနောက် ၂၀၂၅ ခုနှစ် ဧပြီလအတွင်း တရုတ်နိုင်ငံ၏ ကြားဝင်စေ့စပ်ဖိအားပေးမှုကြောင့် လားရှိုးမြို့ကို စစ်ကောင်စီထံ ပြန်လည်လွှဲပြောင်းပေးခဲ့သော်လည်းဥပဒေစိုးမိုးမှု နည်းပါးကာ မှုခင်းများ မကြာခဏ ဆိုသလို ဖြစ် ပွားနေခြင်းဖြစ်သည်။

The post စစ်တပ် ထိန်းချုပ်ထားသော လားရှိုးမြို့တွင် ကားဝယ်ဟန်ဆောင်၍ ကားပိုင်ရှင်ကို သေနတ်ဖြင့်ပစ်သတ်ကာ ကားလုယက်သွားမှု ကျူးလွန်သူများကို ဖမ်းမမိ appeared first on Khit Thit Media.

🔗 ဖတ်ရန်: https://yktnews.com/2026/04/248418/
📌 Khit Thit Media

မြဝတီသတင်း

21:19 27 thg 4, 2026

📰 ကချင်ပြည်နယ်တွင် မိုးသက်လေပြင်း ပြင်းထန်စွာကျရောက်မှုကြောင့် မြစ်ကြီးနားမြို့ရှိ ပြည်နယ်ရဲရုံး ၊ နမ္မတီးစစ်ရှောင်စခန်းများ အပါအဝင် မြို့နယ်အသီးသီးတွင် ပျက်စီးဆုံးရှုံးမှုများပြား

📅 April 26, 2026 at 04:59 AM

ရန်ကုန်၊ ဧပြီ ၂၆

ကချင်ပြည်နယ်အတွင်း၊ ယမန်နေ့ ညပိုင်း မိုးသက်လေပြင်းများ ကျရောက်မှုကြောင့် မြစ်ကြီးနားမြို့ရှိ ပြည်နယ်ရဲရုံး ၊ နမ္မတီးစစ်ရှောင်စခန်းများ အပါအဝင် မြို့နယ်အသီးသီးတွင် ပျက်စီးဆုံးရှုံးမှုများပြားကြောင်း ဒေသပြည်သူများထံမှ သိရှိရသည်။

ဧပြီလ ၂၅ ရက်နေ့ ည ၉ နာရီကျော်ဝန်းကျင်အချိန် ကချင်ပြည်နယ်၊ မြစ်ကြီးနား၊ မိုးကောင်းနှင့် နမ္မတီးဒေသများတွင် မိုးသက်လေပြင်းများ ပြင်းထန်စွာ တိုက်ခိုက်ခဲ့ခြင်းကြောင့် ပြည်နယ်ရဲရုံး၊ စစ်ဘေးရှောင်စခန်းများ အပါအဝင် ပြည်သူ့နေအိမ်များနှင့် ရှေးဟောင်းအဆောက်အအုံများစွာ ပျက်စီးဆုံးရှုံးခဲ့ရကြောင်း၊ နမ္မတီးမြို့၊ ဂျုမ်ဒွီရပ်ကွက် စက်ဝိုင်းအနီးရှိ စစ်ဘေးရှောင်စခန်းများတွင် ဧပြီ ၂၅ ရက် ည ၁၀ နာရီခန့်က လေပြင်းတိုက်ခတ်မှုကြောင့် အမိုးအကာနှင့် နေရာထိုင်ခင်းများ အပြင်းအထန် ပျက်စီးသွားခဲ့ကြောင်း သိရှိရသည်။

မိုးသက်လေပြင်း ကျရောက်မှုကြောင့် ပျက်စီးသွားသော စစ်ဘေးရှောင် စခန်းများတွင် ဖားကန့်ဒေသနှင့် နမ်ယာဒေသတို့မှ တိုက်ပွဲများကြောင့် တိမ်းရှောင်လာကြသည့် ပြည်သူအများစု ခိုလှုံနေကြခြင်းဖြစ်ပြီး ယခုအခါ နေအိမ်များ ပျက်စီးသွားသဖြင့် မိုးတွင်းကာလကို မည်သို့ဖြတ်သန်းရမည်နည်းဟူသော စိုးရိမ်မှုများ မြင့်တက်နေကြောင်း စစ်ဘေးရှောင်ပြည်သူများက ပြေဆိုကြသည်။

ထို့ပြင် နမ္မတီးမြို့ရှေ့ကျောင်းတိုက်ဝင်းအတွင်းရှိ သမိုင်းဝင် ရှေးဟောင်းဇာတ်စင်ကြီးမှာလည်း လေ ပြင်း ဒဏ်ကြောင့် ကြောက်မက်ဖွယ်ရာ ပြိုကျပျက်စီးသွားခဲ့ရကြောင်း၊ မိုးကောင်းမြို့အတွင်း၌လည်း လေပြင်းကြောင့် သစ်ပင်ကြီးငယ်များ ပြိုလဲခြင်း၊ နေအိမ်များ သွပ်အမိုးလန်ခြင်းနှင့် ခြံစည်းရိုးများ ပြိုကျခြင်းတို့ကြောင့် အပျက်အစီး များပြားခဲ့ကြောင်း၊ မြစ်ကြီးနားမြို့တွင်လည်း ရဲတပ်ဖွဲ့ရုံး အဆောက်အအုံများအပါအဝင် ပြည်ထောင်စုလမ်းမကြီးတစ်လျှောက်ရှိ နမ္မတီး၊ မရမ်းနှင့် အနီးနားကျေးရွာများမှ နေအိမ်များစွာ ထိခိုက်ပျက်စီးခဲ့ကြောင်း သိရှိရသည်။

လူတွေက ဒဏ်ရာရတာရှိတယ်။ မစိုးရိမ်ရဘူး။ အဆောက်အအုံနဲ့ စစ်ရှောင်စခန်းတွေပဲ ပြိုကုန်တာ။ အကူအညီတွေတော့ လိုနေပါတယ် ဟု ဒေသသတင်းရင်းမြစ်က ပြောဆိုသည်။

လက်ရှိတွင် ပျက်စီးဆုံးရှုံးမှု စာရင်းများကို ဆက်လက်ပြုစုနေဆဲဖြစ်ပြီး အမိုးအကာမဲ့သွားသည့် စစ်ဘေးရှောင်များနှင့် ပြည်သူများအတွက် အရေးပေါ်အကူအညီများ လိုအပ်လျက်ရှိကြောင်း၊ ပျက်စီးသွားသော နေအိမ်များနှင့် စစ်ဘေးရှောင်စခန်းများကို အမြန်ဆုံး ပြန်လည်ပြုပြင်နိုင်ရန် လိုအပ်သည့် ထောက်ပံ့မှုများ ပေးအပ်နိုင်ရန် ဒေသခံများက မျှော်လင့်နေကြသည်။

The post ကချင်ပြည်နယ်တွင် မိုးသက်လေပြင်း ပြင်းထန်စွာကျရောက်မှုကြောင့် မြစ်ကြီးနားမြို့ရှိ ပြည်နယ်ရဲရုံး ၊ နမ္မတီးစစ်ရှောင်စခန်းများ အပါအဝင် မြို့နယ်အသီးသီးတွင် ပျက်စီးဆုံးရှုံးမှုများပြား appeared first on Khit Thit Media.

🔗 ဖတ်ရန်: https://yktnews.com/2026/04/248413/
📌 Khit Thit Media

မြဝတီသတင်း

21:19 27 thg 4, 2026

📰 ယင်းမာပင်မြို့နယ်တွင် စစ်ယာဉ်တန်းကို မိုင်းဆွဲတိုက်ခိုက်မှု ကား ၁ စီးမီးလောင်ပျက်စီးပြီး စစ်တပ်ဘက်မှ ထိခိုက်သေဆုံးမှုရှိနိုင်

📅 April 26, 2026 at 08:03 AM

ရန်ကုန်၊ ဧပြီ ၂၆

စစ်ကိုင်းတိုင်း၊ ယင်းမာပင်မြို့နယ်၊ တယ်ပင်ကန်ကျေးရွာမှ ထွက်လာသော စစ်ကား ၁၇ စီးပါ စစ်ယာဉ်တန်း ကို မိုင်း အလုံး ၃၀ ကျော်ဖြင့် ဖောက်ခွဲ တိုက်ခိုက်ရာ စစ်တပ်ဘက်မှ ထိခိုက်သေဆုံးမှုများပြားပြီး ကား ၁ စီးမီးလောင်ပျက်စီးခဲ့ကြောင်း Black Shadow PDF ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ပြောဆိုသည်။

ဧပြီလ ၂၄ ရက်နေ့ ယင်းမာပင်မြို့နယ်၊ တယ်ပင်ကန်ရွာမှ ထွက်လာသော စစ်ကား ၁၇ စီးပါ ယာဉ်တန်းကို တော်လှန်ရေး တပ်ဖွဲ့များက တယ်ပင်ကန်ကျေးရွာ အနောက်ဘက်တွင် ပဒေသာမိုင်း၊ ရှေ့ထွက်မိုင်း ၃၅ လုံးဖြင့် မိုင်းဆွဲတိုက်ခိုက်ခဲ့ကြောင်း သိရသည်။

ထိုတိုက်ခိုက်မှုအတွင်း အကြမ်းဖက် စစ်တပ်ဘက်မှ စစ်သား ၂၀ ဦးထက်မနည်း ထိခိုက်သေဆုံးမှုရှိပြီး စစ်ကား ၁ စီး မီးလောင်ပျက်စီးခဲ့ကြောင်း၊ တိုက်ခိုက်မှုပြုလုပ်ပြီးနောက် တော်လှန်ရေး ရဲဘော်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရှိရသည်။

ယင်းမာပင်မြို့နယ် တယ်ပင်ကျေးရွာကနေ ထွက်လာတဲ့ အင်အား ၃၀၀ လောက်ပါတဲ့ စစ်ခွေးကား ၁၇ စီးကို တယ်ပင်ကန်ကျေးရွာ အနောက်ဘက်တွင် ကျွန်တော်တို့ တော်လှန်ရေး ပူးပေါင်းအဖွဲ့များက ပဒေသာမိုင်း ၂၀ လုံး၊ ရှေ့ထွက်မိုင်း ၁၅ လုံးနဲ့ မိုင်းဆွဲတိုက်ခိုက်ခဲ့တာပါ။ စစ်ခွေးတွေဘက်က သေဆုံးတာနဲ့ ထိခိုက်တာ ၂၀ ဦးလောက်ရှိနိုင်တယ်။ စစ်ခွေး ကား ၁ စီး မီးလောင်ပျက်စီးသွားတယ်။ စစ်ခွေးတွေဘကေက ဦးထုပ် ၁ လုံး သိမ်းဆည်းရမိတယ်။ စစ်ခွေး စစ်ကြောင်းက ယင်းမာပင်မြို့ပေါ်ထဲကို ပြန်ဆုတ်သွားတယ်။ ကျွန်တော်တို့ ရဲဘော်တွေ အထိအခိုက်မရှိ ပြန်လည်ဆုတ်ခွာနိုင်ခဲ့ပါတယ် ဟု မဲမှောင်ပြည်သူ့ကာကွယ်ရေးတပ်ဖွဲ့မှ တာဝန်ရှိသူက ပြောဆိုသည်။

အဆိုပါ တိုက်ခိုက်မှုကို ယင်းမာပင်ခရိုင်၊ တပ်ရင်းအမှတ်- ၃၀- ADPRA တပ်ခွဲ ၂ ၊ Black Shadow PDF/ မဲမှောင်ပြည်သူကာကွယ်ရေးတပ်ဖွဲ့၊ Black Vot Fighter ပြည်သူကာကွယ်ရေးအဖွဲ့၊ တပ်ရင်း ၁၆ တပ်ခွဲ ၁ ၊ BDFတပ်ဖွဲ့တို့က ပူးပေါင်းလုပ်ဆောင်ခဲ့ကြောင်း သိရသည်။

The post ယင်းမာပင်မြို့နယ်တွင် စစ်ယာဉ်တန်းကို မိုင်းဆွဲတိုက်ခိုက်မှု ကား ၁ စီးမီးလောင်ပျက်စီးပြီး စစ်တပ်ဘက်မှ ထိခိုက်သေဆုံးမှုရှိနိုင် appeared first on Khit Thit Media.

🔗 ဖတ်ရန်: https://yktnews.com/2026/04/248426/
📌 Khit Thit Media

မြဝတီသတင်း

21:19 27 thg 4, 2026

📰 နေပြည်တော်၊ လယ်ဝေးရှိ စစ်တပ်၏ ခမရ ၄၁၁ ပူးပေါင်းတပ်စခန်း တိုက်ခိုက်ခံရပြီးနောက် စစ်တပ်က ကျေးရွာများကို ဆက်တိုက် ဗုံးကျဲမှု ပြည်သူ ၁၃ ဦးသေဆုံး၊ မြေပြင်မှ စစ်ကြောင်းထိုးနေ၍ ပြည်သူများ ရွာလုံးကျွတ် ထွက်ပြေးနေရ

📅 April 26, 2026 at 08:01 AM

ရန်ကုန်၊ ဧပြီ ၂၆

နေပြည်တော်၊ လယ်ဝေးမြို့နယ်ရှိ အကြမ်းဖက် စစ်တပ်၏ ခမရ ၄၁၁ ပူးပေါင်းတပ်စခန်း တိုက်ခိုက်ခံရပြီးနောက် အကြမ်းဖက် စစ်တပ်က ကျေးရွာများကို ဆက်တိုက် ဗုံးကျဲပြီး မြေပြင်မှ စစ်ကြောင်းထိုးနေ၍ ပြည်သူများ ရွာလုံးကျွတ် ထွက်ပြေးနေရကြောင်း ဒေသသတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။

ဧပြီလ ၂၂ ရက်နေ့တွင် လယ်ဝေးမြို့နယ်ရှိ အောင်ချမ်းသာရွာသစ်ဘုန်းကြီးကျောင်းအတွင်း စခန်းထိုင်တပ်ဆွဲထားသော ခမရ ၄၁၁ ပူးပေါင်းတပ်စခန်း တိုက်ခိုက်ခံရပြီးနောက် အကြမ်းဖက် စစ်တပ်က သံတောင်မြောက်ပိုင်းဒေသရှိ ကျေးရွာများကို လေယာဉ်ဖြင့် ပေါင် ၅၀၀ ဗုံးများ နေ့စဉ် ကျဲချ တိုက်ခိုက်နေပြီး မြေပြင်မှလည်း အင်အား အလုံးအရင်းဖြင့် စစ်ကြောင်းထိုးနေခြင်းဖြစ်ကြောင်း သိရသည်။

စစ်တပ်၏ ဗုံးကျဲ တိုက်ခိုက်မှုကြောင့် ပြည်သူများ ထိခိုက်သေဆုံးမှုရှိပြီး အရေအတွက်ကို အတည်ပြုနိုင်ခြင်းမရှိသေးကြောင်း၊ လက်ရှိချိန်တွင် မြေပြင်မှလည်း စစ်ကြောင်းများ အင်အားအလုံးအရင်းဖြင့် ဝင်ရောက်လာသောကြောင့် ပြည်သူများ ရွာလုံးကျွတ် ထွက်ပြေးတိမ်းရှောင်နေရကြောင်း သိရှိရသည်။

လက်ရှိမှာစစ်ခွေးတွေဘက်က အင်အားက နေရာစုံဖြည့်ပြီး ပင်မစစ်ကြောင်းကတော့ ရေနီကနေ သံတောင်မြောက်ပိုင်းထဲ အထိ တိုးလာတယ်။ လေကြောင်းနဲ့လည်း ဗုံးကျဲ တိုက်ခိုက်တာ နေ့တိုင်းနီးပါးကို လုပ်နေတယ်။ ပေါင် ၅၀၀ ဗုံးတွေပဲ ဆက်တိုက်ကို ကျဲချ နေတာ ပြည်သူတွေ ထိခိုက်သေဆုံးမှုရှိတယ်။ အခုက ရွာလုံးကျွတ် နီးပါးကို တိမ်းရှောင်နေရတာဆိုတော့ ဘယ်နှဦး ထိခိုက်သေဆုံးတယ်ဆိုတာ အတည်ပြုဖို့ခက်နေတယ် ဟု ဒေသသတင်းရင်းမြစ်ကပြောဆိုသည်။

စစ်တပ်၏ ခမရ ၄၁၁ ပူးပေါင်းတပ်စခန်းသိမ်း တိုက်ပွဲအတွင်း စစ်တပ်ဘက်မှ ဗိုလ်မှူး ထွန်းထွန်းလင်း အပါအဝင် ၁၀ ဦးထက်မနည်းသေဆုံးကာ MA အမျိုးအစား သေနတ် ၄ လက်ကို သိမ်းဆည်းရရှိခဲ့ကြောင်း သိရသည်။

ဧပြီလ ၂၄ ရက်နေ့ နေပြည်တော်နှင့်အစပ် ကရင်ပြည်နယ်၊ သံတောင်ကြီးမြို့နယ်၊ လိပ်သိုမြို့နယ်ခွဲအတွင်းရှိ ဘုံတောင်ကျေးရွာကို စစ်ကောင်စီမှ လေယာဉ် ၃ စီးဖြင့် အကြမ်းဖက်ဗုံးကြဲတိုက်ခိုက်ခဲ့မှုကြောင့် ကလေးငယ်များအပါအဝင် ဒေသခံပြည်သူ ၁၂ ဦး သေဆုံးသွားကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။

“ဘာတိုက်ပွဲမှမရှိဘဲ ဗုံးကြဲတိုက်ခိုက်လို့ ပြည်သူ ကလေးရော လူကြီးရော အပါအဝင် ၁၂ ယောက် သေဆုံးသွားပါတယ်။ လုပ်အားပေးလုပ်ဖို့ လူစုနေတဲ့နေရာကို ကျဲချသွားတာပါ။ မိန်းကလေးငယ်တစ်ဦးလည်း ခေါင်းပြတ်ပြီး သေဆုံးသွားတယ်”ဟု ဒေသသတင်းရင်းမြစ်က ပြောဆိုသည်။

စစ်တပ်၏ လေကြောင်းတိုက်ခိုက်မှုကြောင့် သေဆုံးသူ ၁၂ ဦးရှိသည့်အပြင် ပေါင်ရိုးကျိုးသွားသူတစ်ဦး အပါအဝင် ဒေသခံ ၃ ဦးလည်း ပြင်းထန်စွာ ဒဏ်ရာရရှိခဲ့ကြောင်း၊ ယနေ့ နံနက်ပိုင်းဒဏ်ရာရရှိသူ ၁ ဦးမှာ ထပ်မံသေဆုံးသွားကြောင်း၊ ကျေးရွာအတွင်းရှိ နေအိမ်အတော်များများ မီးလောင်ပျက်စီးခဲ့ရပြီး လက်ရှိအချိန်အထိ ကျေးရွာအတွင်း ပြည်သူများ ပြန်လည် မဝင်ရောက်ရဲသေးကြောင်း သိရှိရသည်။

“နေအိမ်တွေလည်း မီးလောင်ပျက်စီးသွားခဲ့ပါတယ်။ လက်ရှိ သေဆုံးသွားတဲ့ ရုပ်အလောင်းတွေကို အခုထိ ပြန်မယူရသေးရဲကြပါဘူး။ ရွာသူရွာသားတွေ၊ ကလေးတွေရော အကုန် စစ်ဘေးရှောင်နေရပါတယ်။ အခုလက်ရှိလည်း ရွာထဲကို ဘယ်သူမှ မပြန်လာရဲကြသေးဘူး”ဟု ဒေသပြည်သူတစ်ဦးက ပြောဆိုသည်။

ရွာသူရွာသားများနှင့် ကလေးငယ်များအားလုံးသည် လက်ရှိတွင် အသက်ဘေးလွတ်ရာသို့ စစ်ဘေးရှောင်နေကြရပြီး အဆက်အသွယ်များလည်း ပြတ်တောက်နေကြောင်း၊ ယနေ့တွင်လည်း ကျေးရွာ၏ အောက်ဘက်ပိုင်း၌ တိုက်ပွဲအချို့ ဖြစ်ပွားနေသည်ဟု သတင်းများထွက်ပေါ်နေသဖြင့် ဘုံတောင်ရွာသားများမှာ ဘေးလွတ်ရာတွင် ခိုလှုံနေကြရပြီး အကူအညီများ အရေးပေါ်လိုအပ်နေကြောင်း သိရှိရသည်။

The post နေပြည်တော်၊ လယ်ဝေးရှိ စစ်တပ်၏ ခမရ ၄၁၁ ပူးပေါင်းတပ်စခန်း တိုက်ခိုက်ခံရပြီးနောက် စစ်တပ်က ကျေးရွာများကို ဆက်တိုက် ဗုံးကျဲမှု ပြည်သူ ၁၃ ဦးသေဆုံး၊ မြေပြင်မှ စစ်ကြောင်းထိုးနေ၍ ပြည်သူများ ရွာလုံးကျွတ် ထွက်ပြေးနေရ appeared first on Khit Thit Media.

🔗 ဖတ်ရန်: https://yktnews.com/2026/04/248421/
📌 Khit Thit Media

Showing 30 of 70 posts

Xếp hạng

Yêu cầu đăng nhập

Đánh giá của người dùng (0)

Chưa có đánh giá nào. Hãy là người đầu tiên chia sẻ trải nghiệm của bạn!

Kênh Telegram liên quan

Loading recommended channels...

မြဝတီသတင်း

မြဝတီသတင်း

Xếp hạng

Tăng trưởng người đăng ký (Trong 9 ngày qua)

Bài đăng gần đây

Xếp hạng

Đánh giá của người dùng (0)

Kênh Telegram liên quan

Fent camí

【ABCVIP】DANH SÁCH ĐEN MỘC BÀI-木牌黑名单

ព័ត៌មានរន្ធត់ស្រុកខ្មែរ📍

CLUB DE LAS FIJAS

RT Latinoamérica

2fast.fun

【ABCVIP】DANH SÁCH ĐEN MỘC BÀI-木牌黑名单/越南人在海外ᰔᩚ

𝐋𝐎𝐂𝐊𝐃𝐎𝐖𝐍 𝟕𝟖𝟗 แจ้งข่าวสาร

Kênh Telegram liên quan

Fent camí

【ABCVIP】DANH SÁCH ĐEN MỘC BÀI-木牌黑名单

ព័ត៌មានរន្ធត់ស្រុកខ្មែរ📍

CLUB DE LAS FIJAS

RT Latinoamérica

2fast.fun

【ABCVIP】DANH SÁCH ĐEN MỘC BÀI-木牌黑名单/越南人在海外ᰔᩚ

𝐋𝐎𝐂𝐊𝐃𝐎𝐖𝐍 𝟕𝟖𝟗 แจ้งข่าวสาร

Đánh giá của người dùng (0)

Bài đăng gần đây