Hlaing People Channel

Public

Không thể tham gia? @hlaingpeoplechannel1

4.2k Thành viên

Cập nhật: May 18, 2026 at 3:09 AM

Hlaing People Channel

လှိုင်မြို့နယ်ပြည်သူ့ကာကွယ်ရေးအဖွဲ့မှ ပြည်သူများအတွက်သတင်းမှန်သိရှိနိုင်ရန်အတွက် ဖွင့်လှစ်ထားသော channel ဖြစ်ပါသည်။

@hlaingpeoplechannel1 is a dedicated channel for channel with regular updates in Tin nóng

Xếp hạng

Xếp hạng toàn cầu

#456

Xếp hạng ngôn ngữ

#45

Xếp hạng danh mục

#23

-1

Tăng trưởng người đăng ký (Trong 6 ngày qua)

Tổng cộng: 4.2K

Tăng trưởng 24 giờ: +0 0%

Bài đăng gần đây

Hlaing People Channel

08:53 19 thg 5, 2026

📷 Photo

251

Hlaing People Channel

08:53 19 thg 5, 2026

📷 Photo

ပခုက္ကူကနေ မြစ်အနောက်ဘက်ရှိ ယောဒေသအပါအဝင် မြို့နယ် ၁၀ ကျော်ကို စစ်ကော်မရှင် ရိက္ခာပိတ်ဆို့ဖြတ်တောက်

8 May 2026 By Hlaing / MPA

စစ်ကော်မရှင်က မကွေးတိုင်း၊ ပခုက္ကူမြို့မှ ဧရာဝတီမြစ်အနောက်ဘက်ခြမ်းရှိ မြို့နယ်များကို အဓိကထား၍ အခြေခံစားသောက်ကုန်နှင့် ရိက္ခာပစ္စည်းသယ်ဆောင်ခွင့် ပိတ်ပင်ထားကြောင်း ကုန်သည်များနှင့် တော်လှန်ရေးတပ်ဖွဲ့ဝင်အချို့ထံက သိရှိရသည်။

၂၀၂၆ ခုနှစ်၊ မေ ၁၃ ရက်မှစ၍ စစ်ကော်မရှင်က ပခုက္ကူမြို့အနောက်ဘက်ခြမ်းရှိ လက်ရှိစစ်ကြောင်းထိုးနေသည့် ယောဒေသအပါအဝင် မြိုင်၊ ပေါက်၊ မြစ်ခြေ၊ ရေစကြို၊ ဆိပ်ဖြူ၊ ချောက်၊ ရေနံချောင်း၊ စလင်း၊ မန္တလေးတိုင်းအတွင်းရှိ ငါ့သရောက်နှင့် ညောင်ဦးမြို့နယ်တို့ကို ဖြတ်လေးဖြတ်လုပ်ဆောင်နေခြင်း ဖြစ်သည်။

သတင်းအပြည့်အစုံဖတ်ရန် - https://mpanews.info/headline/9153/
#HPC

277

Hlaing People Channel

08:53 19 thg 5, 2026

📷 Photo

နတ်တလင်း စစ်ရှောင်ပြည်သူများကို ကျပ်သိန်း၈၀၀ကျော် ထောက်ပံ့

18 May 2026 By Ra Wai / MPA

ပဲခူးတိုင်း၊ နတ်တလင်းမြို့နယ်အတွင်း စစ်ရှောင်ပြည်သူများကို ကျပ်သိန်း၈၀၀ကျော် ထောက်ပံ့ခဲ့ ကြောင်း သိရသည်။

ဧပြီလပိုင်းကတည်းက နတ်တလင်းမြို့နယ်အတွင်းသို့ စစ်တပ်က စစ်ကြောင်းထိုးလာသဖြင့် ရှောင်တိမ်းနေရသည့် စစ်ရှောင်အိမ်ထောင်စု ၃ထောင်ကျော်အနက် အိမ်ထောင်စု ၄၁၅စုကို တစ်အိမ်ထောင်လျှင် ကျပ်နှစ်သိန်းတစ်သောင်းကျပ်နှုန်းဖြင့် အမျိုးသားညီညွတ်ရေးအစိုးရ< ကာကွယ်ရေးဝန်ကြီးဌာန၏ စီမံမှု နှင့် ပြည်တွင်း၊ပြည်ပ ထောက်ပို့အလှူရှင်များ အကူအညီဖြင့် ထောက်ပံ့ခဲ့ကြောင်း ပဲခူးတိုင်းစစ်ဌာန၊ ဗျူဟာ ၂၂က ယနေ့(မေ၁၈ရက်)ည သတင်းထုတ်ပြန်သည်။

#mpanew
#HPC

238

Hlaing People Channel

08:53 19 thg 5, 2026

မြန်မာနိုင်ငံရဲ့ လူနေအထူထပ်ဆုံးနဲ့ အထပ်မြင့်အဆောက်အအုံ အများအပြားရှိရာ ရန်ကုန်မြို့မှာ ဒီနေ့ နံနက် ၈ နာရီ ၃၅ မိနစ်က ကျောက်တန်းမြို့တောင်ဘက် ၉ မိုင်ခန့်အကွာ မြေအောက်အနက် ၁၀ ကီလိုမီတာခန့်ကို ဗဟိုပြုပြီး အင်အား ၅ ဒသမ ၃ အဆင့်ရှိ မြေငလျင်လှုပ်ခတ်သွားရာ ကမာရွတ်၊ မရမ်းကုန်း၊ စမ်းချောင်း၊ တောင်ဒဂုံ၊ မြောက်ဒဂုံ၊ ဒလ၊ လှိုင်သာယာ၊ သံလျင်စတဲ့ မြို့နယ်တွေမှာ သိသိသာသာခံစားခဲ့ရပါတယ်။

ဒီငလျင်အခြေအနေ၊ နောက်ဆက်တွဲငလျင် လှုပ်ခတ်နိုင်မှု၊ ကြိုတင်ပြင်ဆင်ထားရန် လိုအပ် ချက်များနှင့် ပတ်သက်၍ Myanmar Institute of Earth and Planetary Sciences မှ ဘူမိဗေဒပါမောက္ခ ဒေါက်တာမျိုးသန့်ကို ဧရာဝတီက ဆက်သွယ်မေးမြန်းထားသည်။

Website တွင် ဖတ်ရန် https://bit.ly/49WBbia
#WhatsHappeningInMyanmar
---------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://www.irrawaddy.com/donation

219

Hlaing People Channel

08:53 19 thg 5, 2026

📷 Photo

245

Hlaing People Channel

08:53 19 thg 5, 2026

ပိုမိုဆိုးရွားနေသော စားနပ်ရိက္ခာပြဿနာကို အရေးပေါ်တုံ့ပြန်နိုင်ရေး ယူရို၈သန်း အီးယူ ကူညီပေး

18 May 2026 By Ko Myo/MPA

မြန်မာနိုင်ငံအတွင်း စားနပ်ရိက္ခာအခက်အခဲ ပိုမိုဆိုးရွားလာနေချိန်တွင် အရေးပေါ်တုံ့ပြန်နိုင် ရန် အတွက် ဥရောပသမဂ္ဂ(အီးယူ)က ယူရို၈သန်းကူညီလိုက်ကြောင်း သိရသည်။

အီးယူအနေနှင့် မြန်မာနိုင်ငံတွင် အရေးပေါ်လိုအပ်နေသော စားနပ်ရိက္ခာနှင့် အာဟာရအထောက်အ ပံ့အတွက် WFPမှတစ်ဆင့် ထောက်ပံ့ပေးလိုက်ခြင်းဖြစ်ကြောင်း ယနေ့(မေ၁၈ရက်)၌ အီးယူနှင့် WFP တို့က ပူးတွဲထုတ်ပြန်လိုက်သည်။

#mpanews
#HPC

272

Hlaing People Channel

08:53 19 thg 5, 2026

📷 Photo

220

Hlaing People Channel

08:53 19 thg 5, 2026

မီးသွေးကားတစ်စီးကို ဂိတ်ကြေး ၁၂ သိန်းကျော်အထိ MNDAA ကောက်ခံနေ

18 May 2026 By PoeSangle / MPA

ရှမ်းပြည်နယ်မြောက်ပိုင်း၊ နမ့်ခမ်းမြို့ရှိ ၁၂ မိုင်ဂိတ်တွင် ကိုးကန့်တပ်ဖွဲ့ (MNDAA) က မီးသွေးလုပ်ကိုင်သည့် ဒေသခံများထံမှ မီးသွေးတစ်တန်လျှင် ယွမ် ၁၅၀ (မြန်မာကျပ်ငွေ ကိုးသောင်းခန့်) အထိ ဂိတ်ကြေးကောက်ခံနေကြောင်း ကားသမားတစ်ဦးထံမှ သိရသည်။

နမ့်ခမ်းမြို့သည် တရုတ်နယ်စပ်နှင့် နီးစပ်သည့် မြို့တစ်မြို့ဖြစ်သည့်အတွက် ဒေသခံများသည် မီးသွေးလုပ်ငန်းတစ်ခုတည်းကိုသာ အားကိုးပြီး ဘိုးဘွားစဉ်ဆက်ကတည်းက လုပ်ကိုင်လာကြခြင်းဖြစ်ကြောင်း သိရသည်။

#mpanews
#HPC

240

Hlaing People Channel

08:53 19 thg 5, 2026

📷 Photo

233

Hlaing People Channel

08:53 19 thg 5, 2026

ယင်းမာပင်တွင် စစ်တပ်က ပြည်သူ ၃ ဦးကို သတ်ဖြတ်ခဲ့ပြီး ၁ ဦးကိုဖမ်းဆီးထား၊ စစ်ကြောင်းက နေ့အချိန်နှင့် ညအချိန်ပါ ကျေးရွာများကို စီးနင်းနေ၍ ရွာပေါင်း ၁၅ ခုမှ သောင်းနှင့်ချီသော ပြည်သူများ ဆက်လက် တိမ်းရှောင်နေရ

ရန်ကုန်၊ မေ ၁၈

စစ်ကိုင်းတိုင်း၊ ယင်းမာပင်မြို့နယ်တွင် အင်အား ၄၀၀ ခန့်ပါ အကြမ်းဖက် စစ်တပ် စစ်ကြောင်းက ပြည်သူ ၃ ဦးကို သတ်ဖြတ် မြေမြုပ်ကာ ၁ ဦးကို ဖမ်းဆီးထားပြီး နေ့အချိန်နှင့် ညအချိန်ပါ ကျေးရွာများကို စီးနင်းနေ၍ ရွာပေါင်း ၁၅ ခုမှ သောင်းနှင့်ချီသော ပြည်သူများ ဆက်လက် တိမ်းရှောင်နေရကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။

ဧပြီလ အစောပိုင်းမှ စတင်ပြီး ယင်းမာပင်မြို့မှ ထွက်လာသော အကြမ်းဖက် စစ်တပ် စစ်ကြောင်းသည် ယင်းမာပင်မြို့နယ်နှင့် ပုလဲမြို့နယ် အစပ်ရှိ ကျေးရွာများကို စစ်ကြောင်းထိုးပြီး ရင်ပေါင်တိုင်ကျေးရွာကို ထပ်မံ စစ်ကြောင်းထိုး ဝင်ရောက်မွှေနှောက်နေခြင်းဖြစ်ကြောင်း သိရသည်။

ယင်းနောက် ရင်ပေါင်တိုင်ကျေးရွာမှ ဆင်စွယ်ရွာဘက်ကို ထပ်မံစစ်ကြောင်းထိုးကာ ကျေးရွာအတွင်း အထိုင်ချပြီး အင်အား ၄၀၀ ခန့်ဖြင့် ကား၊ ဆိုင်ကယ်အသုံးပြုပြီး နေ့အချိန်နှင့် ညအချိန်များပါ ရွာစဉ်လှည့်၍ မွှေနှောက်ကာ စစ်ကြောင်းထိုးနေကြောင်း သိရှိရသည်။

ထိုစစ်ကြောင်းသည် မင်းမကုန်းကျေးရွာအတွင်း ဝင်ရောက်တပ်စွဲထားစဉ် ဆင်စွယ်ရွာသား ၁ ဦးနှင့် မင်းမကုန်းရွာသား ၂ ဦးကို သတ်ဖြတ်ခဲ့ပြီး ရုပ်အလောင်းများကို မင်းမကုန်းရွာ အနောက်ဘက်တောထဲ၌ မြေမြုပ်ထားခဲ့ကြောင်း၊ ထို့ပြင် မင်းမကုန်းရွာထဲတွင် စစ်သားများ ရောက်ရှိနေသည့်အကြောင်း ဖုန်းဖြင့် ဆက်သွယ်ပြောဆိုနေသည်ကို တွေ့ရှိသည်ဟု စွပ်စွဲပြီး မင်းမကုန်းရွာသား ၁ ဦးကိုလည်း လူသားဒိုင်းအဖြစ် ဖမ်းဆီးခေါ်ဆောင်သွားကာ လက်ရှိအချိန်ထိ အသက်ရှင်မရှင်ကို အတည်မပြုနိုင်သေးကြောင်း သိရသည်။

“မင်းမကုန်းရွာမှာ စစ်ခွေးတွေရှိနေတုန်းက ဆင်စွယ်ရွာသား ၁ ဦးနဲ့ မင်းမကုန်းရွာသား ၂ ဦးရဲ့ အလောင်းတွေကို မင်းမကုန်းရွာ၏အနောက်ဘက်တောထဲမှာ မြှုပ်နှံထားခဲ့တယ်။ မင်းမကုန်းရွာသား ၁ ဦးကို ဖမ်းဆီးထားပြီး သေသလား ရှင်သလားဆိုတာ အတည်ပြုလို့မရသေးပါဘူး။ ဖမ်းဆီးခံရတဲ့ ရွာသားက ရွာထဲမှာ စစ်သား‌တွေရှိတယ်လို့ ဖုန်းပြောနေတာလို့ဆိုပြီး စစ်ခွေးတွေက ဖမ်းဆီးခေါ်ဆောင်သွားတာလို့ပဲ သိရတယ်။ အခုခွေးစစ်ကြောင်းက ဆင်စွယ်ရွာမှာ အထိုင်ချထားပြီး ဘေးပတ်ဝန်းကျင်ရှိ ရွာတွေကို ရွာစဉ်လှည့်လည်ပြီး ဆိုင်ကယ်တွေ ကားတွေနဲ့ သွားလာ စစ်ကြောင်းထိုးနေတာ စစ်ခွေးတွေက ၄၀၀ အင်အားဝန်းကျင်လောက်ရှိမယ်။ ဆင်စွယ်ရွာမှာ အရပ်သားပြည်သူတွေ အသတ်ခံရတယ်လို့ သတင်းကြားပေမယ့် အတည်မပြုနိုင်သေးဘူး" ဟု ဒေသပြည်သူတစ်ဦးက ပြောဆိုသည်။

လက်ရှိချိန်တွင် စစ်တပ် စစ်ကြောင်းကြောင့် ရင်ပေါင်တိုင်ရွာနှင့် ဆင်စွယ်ရွာအနီးနားရှိ ကျေးရွာပေါင်း ၁၅ ရွာကျော်မှ သောင်းနှင့်ချီသော ပြည်သူများသည် ဘေးလွတ်ရာထွက်ပြေးတိမ်းရှောင်နေရပြီး ရင်ပေါင်တိုင်ရွာ၊ ဆင်စွယ်ရွာ၊ ဆင်တဲရွာ၊ ညောင်တန်းရွာ၊ ပြအိုရွာနှင့် နုန်းတန်းရွာတို့ရှိ ပြည်သူများသည် နေအိမ်များကို စွန့်ခွာတိမ်းရှောင်နေရသည်မှာ ၁ လကျော်ကြာပြီဖြစ်ကြောင်း၊ အကြမ်းဖက် စစ်ကြောင်းသည် ဆင်စွယ်ရွာမှ တစ်ဆင့် ယင်းမာပင်မြို့ထဲသို့ ကား၊ ဆိုင်ကယ်များဖြင့် နေ့ညမရွေး သွားလာလှုပ်ရှား၍ ၎င်းတို့ ဖြတ်သန်းသွားရာ လမ်းပိုင်းရှိ ပုထိုးသာရွာ၊ မောင်းတုံရွာ၊ ပုပ္ပါရွာ၊ တမာပင်ခွရွာနှင့် ငါးမောင်းရွာတို့မှ ပြည်သူများသည်လည်း စစ်ကြောင်းဝင်ရောက်လာမည်ကို ထိပ်လန့်နေကြောင်း သိရသည်။

“စစ်ခွေး စစ်ကြောင်းက ဆင်စွယ်ရွာ ကနေတဆင့် ယင်းမာပင်မြို့ထဲကို နေ့ညမရွေး ကား ဆိုင်ကယ်တွေနဲ့ပါ သွားလာနေတဲ့အခြေအနေကြောင့် ဖြတ်သန်းရာရွာတွေမှာရှိတဲ့ ပုထိုးသာရွာ၊ မောင်းတုံရွာ၊ ပုပ္ပါရွာ၊ တမာပင်ခွရွာနဲ့ ငါးမောင်းရွာက ပြည်သူတွေဟာ ကျီးလန့်စာစား နေထိုင်နေကြရတာပါ။ ကျန်သောအနီးအနားရှိ ကျေးရွာတွေကတော့ စစ်ကြောင်းသတင်းကိုနားစွင့်ထားပြီး စစ်ကြောင်းဦးတည်လာရင်အဆင်သင့်ဖြစ်အောင် နေထိုင်နေကြရတယ်။ ပဲခင်းမရွာကို စစ်ကြောင်းထိုးတုန်းကလည်း ဘုန်းကြီးကျောင်းက ကားကို စစ်ခွေးတွေက ယူသွားကြတယ်လို့သိရတယ်။ စစ်ရှောင်ပြည်သူတွေက မိုးဦးကျပြီဆိုတော့ တောင်သူတွေလည်း ထွန်ယက်စိုက်ပျိုးချိန် မလုပ်နိုင်ကြတော့ဘူး။ မိုးဦးနှမ်းလည်း မစိုက်ကြရတော့ လာမယ့်နှစ် စားသုံးဆီတောင် အခက်အခဲဖြစ်လာနိုင်တယ်" ဟု ဒေသပြည်သူတစ်ဦးက ဆက်လက်ပြောဆိုသည်။

ဓာတ်ပုံ - ယင်းမာပင်မြို့နယ်တွင် ညအချိန် စစ်တပ် စစ်ကြောင်းဝင်ရောက်လာ၍ ထွက်ပြေးတိမ်းရှောင်နေရသော ပြည်သူများ

#Khitthit
#HPC

Hlaing People Channel

11:38 4 thg 5, 2026

📷 Photo

179

Hlaing People Channel

11:38 4 thg 5, 2026

အဖွဲ့ကနေ နုတ်ထွက်ကြောင်း ယူအေအီး ကြေညာပြီးနောက် OPEC+ အဖွဲ့ဝင် ၇ နိုင်ငံ ရေနံထုတ်လုပ်မှု တိုးမြှင့်မယ်

မေ ၄

ကမ္ဘာ့ရေနံဈေးကွက် အပြောင်းအလဲတွေကြားမှာ ရေနံထုတ်လုပ်တဲ့ OPEC+ အဖွဲ့ဝင် ၇ နိုင်ငံက ဇွန်လအတွင်း နေ့စဉ် ရေနံထုတ်လုပ်မှုကို စည်ပေါင်း ၁၈၈,၀၀၀ ထိ တိုးမြှင့်သွားမယ်လို့ ကြေညာလိုက်ပါတယ်။ ဒီဆုံးဖြတ်ချက်ဟာ ယူအေအီးနိုင်ငံက OPEC နဲ့ OPEC+ အဖွဲ့ကနေ နုတ်ထွက်ကြောင်း ကြေညာပြီးနောက် ထွက်ပေါ်လာတာပါ။

ဆော်ဒီအာရေဗျနဲ့ ရုရှားအပါအဝင် နိုင်ငံ ၇ နိုင်ငံက မေလ ၃ ရက်နေ့မှာ အွန်လိုင်းအစည်းအဝေး ကျင်းပပြီးနောက် ပူးတွဲကြေညာချက် ထုတ်ပြန်ခဲ့တာဖြစ်ပြီး ဇွန်လက စတင်ကာ နေ့စဉ် ရေနံထုတ်လုပ်မှုကို စည်ပေါင်း ၁၈၈,၀၀၀ ထိ တိုးမယ်လို့ ဆိုပါတယ်။

ယူအေအီးနိုင်ငံကတော့ မေလ ၁ ရက်နေ့မှာ OPEC နဲ့ OPEC+ အဖွဲ့တွေကနေ နုတ်ထွက်မယ်လို့ ကြေညာခဲ့ပြီး မေလ ၃ ရက်နေ့က အစည်းအဝေးကိုလည်း မတက်ရောက်ခဲ့ပါဘူး။

OPEC+ အဖွဲ့က မေလအတွက် နေ့စဉ် ရေနံထုတ်လုပ်မှု စည်ပေါင်း ၂၀၆,၀၀၀ ထိ တိုးမြှင့်ဖို့ သတ်မှတ်ထားပြီးဖြစ်သလို ကမ္ဘာ့ရေနံဈေးကွက် အခြေအနေတွေကို ဆက်လက်စောင့်ကြည့်သွားမယ်လို့ ဆိုပါတယ်။

တဖက်မှာလည်း အရှေ့အလယ်ပိုင်းဒေသက ဟော်မုဇ်ရေလက်ကြားကို ဖြတ်သန်းတဲ့ ရေနံတင်ပို့မှုတွေဟာ ကန့်သတ်ချက်တွေ ရှိနေဆဲဖြစ်ပါတယ်။ ရေလက်ကြား ပြန်ဖွင့်နိုင်တဲ့ အလားအလာတွေကြောင့် အခုလို ရေနံထုတ်လုပ်မှု တိုးမြှင့်တာဖြစ်နိုင်တယ်လို့ သုံးသပ်မှုတွေလည်း ထွက်ပေါ်နေပါတယ်။

အမေရိကန်နိုင်ငံ နယူးယောက်ဈေးကွက်မှာတော့ WTI ရေနံကြိုပွိုင့်ဈေးနှုန်းဟာ ဧပြီ ၃၀ ရက်နေ့က တစည်ကို ဒေါ်လာ ၁၁၀ ကျော်အထိ တက်သွားပြီး သုံးပတ်အတွင်း အမြင့်ဆုံးအဆင့်ကို ရောက်ခဲ့ပါတယ်။ ဒါဟာ အမေရိကန်အစိုးရက အီရန်အပေါ် စစ်ရေးနည်းလမ်း အသုံးပြုနိုင်ခြေကို မပယ်ဖျက်သေးတာကြောင့် ဈေးကွက်မှာ စိုးရိမ်မှုတွေ မြင့်တက်လာတဲ့အခြေအနေနဲ့ တိုက်ဆိုင်နေပါတယ်။

Ref & Photo; NHK

#Myotaw
#HPC

201

Hlaing People Channel

11:38 4 thg 5, 2026

📷 Photo

116

Hlaing People Channel

11:38 4 thg 5, 2026

မိုင်းလားနှင့် စစ်တပ်၏ အာဃာတ

ဆောင်းပါး၊ မိုးစက်ငြိမ်းချမ်း

၂၀၂၆ ခုနှစ်၊ ဧပြီလ ၂၃ ရက်နေ့က အရေခွံလဲ စစ်အုပ်စုက ပြည်နယ် ၆ ခု၊ တိုင်း ၃ ခုမှ မြို့နယ်ပေါင်း ၆၀ ကို စစ်အုပ်ချုပ်ရေး ကြေညာခဲ့သည်ကို တွေ့ရ၏။ အသစ်အဆန်းအနေဖြင့် ကြေညာသည်တော့ မဟုတ်ပေ။ ယခင် စကစ လက်ထက်က ကြေညာပြီးသားဖြစ်ပြီး ယခု အရေခွံလဲသည့် ကာလတွင် ထပ်မံအတည်ပြု ကြေညာခြင်းမျှသာ ဖြစ်၏။

စစ်တပ် မအုပ်ချုပ်နိုင်သော မြို့များ

ထိုမြို့ ၆၀ အနက် အချို့ကို မြို့ပေါ်၌ စစ်တပ်က ထိန်းချုပ်၍ ရသေးသဖြင့် စစ်အုပ်ချုပ်ရေး ကြေညာ၍ ရသေးသည်ဟု ဆိုနိုင်သော်လည်း၊ မြို့နယ်အများစုမှာ မြို့ပေါ်တွင်လည်းကောင်း၊ တမြို့နယ်လုံးတွင်လည်းကောင်း စစ်တပ် အုပ်ချုပ်နိုင်ခြင်း မရှိသည်သာမက စစ်တပ် ခြေမချနိုင်သည့် ဒေသများ၊ ထိန်းချုပ်နိုင်ခြင်း မရှိသည့် ဒေသများ ဖြစ်၏။

ကချင်ပြည်နယ်: ရွှေကူမြို့နယ် တစ်မြို့နယ်အား မြို့ပေါ်၌ စစ်တပ် ထိန်းချုပ်ထားနိုင်သော်လည်း ဆွမ်ပရာဘွမ်၊ အင်ဂျန်းယန်၊ ဆော့လော်၊ ချီဗွေ မြို့နယ် ၄ ခုအား စစ်တပ်က ထိန်းချုပ်နိုင်ခြင်း မရှိပေ။ ထို့ပြင် မြို့ပေါ်တွင်သာ ထိန်းချုပ်နိုင်သည့် ဗန်းမော်မြို့နှင့် မြို့ပေါ်ကိုပါ မထိန်းချုပ်နိုင်တော့သည့် မန်စီနှင့် မိုးမောက် မြို့နယ်နှစ်ခုကိုလည်း ထိုစာရင်းတွင် ထည့်သွင်းမထားပေ။

ကရင်နီပြည်နယ်။ ။ ဖားဆောင်း တမြို့နယ်အား မြို့ပေါ်၌ စစ်တပ်က ထိန်းချုပ်၍ ရသော်လည်း ရှားတောနှင့် မယ်စဲ့ မြို့နယ် ၂ ခုအား လုံးဝ ထိန်းချုပ်နိုင်ခြင်း မရှိပေ။

ကရင်ပြည်နယ်။ ။ မြို့ပေါ်တွင် ချုပ်ကိုင်နိုင်သည့် ကော့ကရိတ်နှင့် ကြာအင်းဆိပ်ကြီး မြို့နယ် ၂ ခုအား ထည့်ထားသော်လည်း မြို့ပေါ်တွင် ထိန်းချုပ်နိုင်ခြင်း မရှိသည့် ဖားပွန်မြို့နယ်အား ထည့်သွင်းမထားပေ။

ချင်းပြည်နယ်။ ။ ထန်တလန်မြို့ပေါ်တွင် တပ်စွဲထားနိုင်သေးသော်လည်း အုပ်ချုပ်စရာ လူထုမရှိပေ။ မင်းတပ်၊ ကန်ပက်လက်၊ မတူပီ၊ ပလက်ဝ၊ တွန်းဇံ၊ ဖလမ်းတို့ကို မြို့ပေါ်တွင်ပင် မထိန်းချုပ်နိုင်ပေ။ (ဧပြီလ ၂၅ ရက်နေ့ကတော့ ဖလမ်းမြို့ပေါ်ကို ပြန်လည် ထိန်းချုပ်နိုင်သည်ကို တွေ့ရသော်လည်း စစ်အုပ်ချုပ်ရေး မကြေညာသည့် ဟားခါး၊ တီးတိန်တို့ကိုလည်း မြို့ပေါ်တွင်သာ အုပ်ချုပ်နိုင်သည်ကို တွေ့ရ၏။)

ရခိုင်ပြည်နယ်။ ။ စစ်အုပ်ချုပ်ရေး ကြေညာထားသည့် ရမ်းဗြဲ၊ ပေါက်တော၊ ပုဏ္ဏားကျွန်း၊ ရသေ့တောင်၊ ဂွ၊ မောင်တော၊ ဘူးသီးတောင်၊ ကျောက်တော်၊ မင်းပြား၊ မြေပုံ၊ မြောက်ဦး၊ သံတွဲ၊ အမ်း၊ တောင်ကုတ် စသည့် ၁၄ မြို့နယ်အား စစ်တပ် အနားပင် မကပ်နိုင်တော့ဘဲ အာရက္ခတပ်တော်၏ ထိန်းချုပ်မှုအောက်တွင် ရှိ၏။

ရှမ်းပြည်နယ်။ ။ စစ်အုပ်ချုပ်ရေး ကြေညာသည့် နမ္မတူ၊ မဘိမ်း၊ ကွတ်ခိုင်၊ နမ့်ခမ်း၊ သိန္နီ၊ ကွမ်းလုံ၊ နမ့်ဆန်၊ မန်တုံ၊ ဟိုပန်၊ လောက်ကိုင်၊ ကုန်းကြမ်း၊ မိုးမိတ်၊ ကျောက်မဲ၊ သီပေါ၊ မိုင်းလား စသည့် ၁၅ မြို့နယ်သည် စစ်တပ် လုံးဝ ထိန်းချုပ်နိုင်ခြင်း၊ ခြေချနိုင်ခြင်း မရှိသည့် မြို့နယ်များ ဖြစ်၏။

စစ်ကိုင်းတိုင်း။ ။ အင်းတော်နှင့် ပင်လည်ဘူး မြို့နယ်နှစ်ခုအား စစ်တပ် လုံးဝ မအုပ်ချုပ်နိုင်ဘဲ ကောလင်း၊ ခင်ဦး၊ ဝက်လက်၊ ကနီ၊ ဒီပဲယင်း၊ ပုလဲ စသည့် ၆ မြို့နယ်တွင်သာ မြို့ပေါ်၌ ထိန်းချုပ်နိုင်သည်။

မကွေးတိုင်းနှင့် မန္တလေးတိုင်း။ ။ ပေါက်၊ မြိုင်၊ ဆော၊ ထီးလင်း၊ ရေစကြို စသည့် ၅ မြို့နယ်နှင့် မန္တလေးတိုင်းမှ ငါးဇွန် တမြို့နယ်ကို မြို့ပေါ်၌ စစ်တပ်က ထိန်းချုပ်နိုင်သည်။

သို့ဖြစ်ရာ အရေခွံလဲ အစိုးရက စစ်အုပ်ချုပ်ရေး ကြေညာသည့် မြို့နယ် ၆၀ အနက် ၁၇ မြို့နယ်သာ မြို့ပေါ်၌ စစ်တပ်က အုပ်ချုပ်နိုင်ပြီး ကျန် ၄၃ မြို့နယ်သည် စစ်တပ်က လုံးဝ အုပ်ချုပ်နိုင်ခြင်း မရှိပေ။

မိုင်းလား

ရှမ်းပြည်နယ်တွင် စစ်အုပ်စုနှင့် အပစ်ရပ်ထားသည့် ကိုးကန့်၊ တအာင်းပလောင် အဖွဲ့များ ထိန်းချုပ်သည့် မြို့နယ်များကို အသိအမှတ်မပြုဘဲ စစ်အုပ်ချုပ်ရေး ကြေညာထားသည်ကို တွေ့ရသကဲ့သို့၊ လက်ရှိ UWSA က ထိန်းချုပ်ထားသည့် ဟိုပန်မြို့နယ်အားလည်း စစ်အုပ်ချုပ်ရေး ကြေညာထားသည်ကို တွေ့ရ၏။ သို့သော်လည်း UWSA က မူလကတည်းက ထိန်းချုပ်ထားသည့် ပန်ဆန်း၊ နားဖန်း၊ မိုင်းမော၊ ပန်ဝိုင် စသည့် ၄ မြို့နယ်ကိုတော့ စစ်အုပ်ချုပ်ရေးအတွင်း ထည့်သွင်းခြင်း မရှိပေ။

မိုင်းလား (NDAA) သည် ၁၉၈၉ ခုနှစ်ကတည်းက UWSA နှင့် မရှေးမနှောင်း ငြိမ်းချမ်းရေး ယူခဲ့သည့် အဖွဲ့ဖြစ်၏။ အပစ်ရပ်ပြီးကတည်းက စစ်တပ်နှင့် ဆက်ဆံရေး ကောင်းမွန်ခဲ့သော်လည်း ၂၀၁၅ နောက်ပိုင်းတွင် မြောက်ပိုင်းအဖွဲ့များနှင့် ဆွေးနွေးပွဲများကို မိုင်းလားတွင် ကျင်းပခြင်းဖြင့် မိုင်းလားအဖွဲ့အား ကြားလူအဖြစ် သဘောထားခဲ့သည်ကို မြင်တွေ့ခဲ့ရ၏။

မိုင်းလားနှင့် ကိုးကန့်

မိုင်းလားဒေသ၏ အဓိကခေါင်းဆောင် ဦးစိုင်းလင်းသည် ရှမ်းတရုတ်လူမျိုးဖြစ်ပြီး သူ၏ ဒုတိယဇနီးမှာ ကိုးကန့်ခေါင်းဆောင် ဖုန်ကြားရှင်း၏ သမီး ဖုန်စစ်ချွမ် ဖြစ်၏။ သို့ဖြစ်ရာ မိုင်းလားအဖွဲ့သို့ ကိုးကန့်အနွယ်များ ပတ်သက်မှု၊ ရောက်ရှိလာမှုသည် ရှောင်လွှဲ၍ မရနိုင်ပေ။ ၂၀၀၉ ခုနှစ် ကိုးကန့်အရေးအခင်းတွင် ဖုန်ကြားရှင်းနှင့် မိသားစုများ မိုင်းလားသို့ ပြောင်းရွှေ့အခြေချခဲ့ပြီး စီးပွားရေးလုပ်ငန်းများပါ ထူထောင်ခဲ့၏။

Hlaing People Channel

11:38 4 thg 5, 2026

MPA နံနက် ၇ နာရီသတင်း (၄ ရက်၊ မေ၊ ၂၀၂၆)

- စစ်မှုထမ်း ၂ နှစ်ပြည့်ပြီးနောက် လူငယ် ခြောက်သောင်းခန့် အိမ်ပြန်မလာနိုင်တော့ဘဲ စာရင်းပျောက်ဆုံးနေ

- ကမ္ဘာကျော် The Boys စီးရီးမှာ လူထုခေါင်းဆောင်ရဲ့ အကြောက်တရားဆိုတာ တကယ့် ထောင်ပါစကားကို ဂုဏ်ယူစွာဖော်ပြခဲ့

- နိုင်ငံ့ခေါင်းဆောင် ဒေါ်အောင်ဆန်းစုကြည်ကို မိသားစု၊ရှေ့နေများနှဲ့ ပုံမှန်တွေ့ခွင့်ပေးဖို့ အီးယူ တောင်းဆို

- အင်းတော်ကို သိမ်းပိုက်ပြီးတဲ့ စစ်တပ် မော်လူးမြို့ကို ထပ်မံ စစ်ကြောင်းထိုးလာ

- မော်ရိုကိုမှာ စစ်ရေးလေ့ကျင့်မှုအတွင်း အမေရိကန် စစ်သည် နှစ်ဦး ပျောက်ဆုံး

အဲဒီလို မနက်ခင်းအထူးခြားဆုံးဖြစ်ခဲ့တဲ့ ပြည်တွင်း/ပြည်ပသတင်းတွေကို တင်ဆက်ပေးထားပါတယ်။

သတင်းအပြည့်အစုံ ကြည့်ရှုရန် >>> https://youtu.be/B5Du6dwo1Ks

179

Hlaing People Channel

11:38 4 thg 5, 2026

📷 Photo

147

Hlaing People Channel

11:38 4 thg 5, 2026

ဂျာမနီက အမေရိကန် တပ်ရုပ်၊ စပိန်နဲ့ အီတလီတို့လည်း နောက်ထပ်ဖြစ်လာနိုင်ခြေရှိ
ဧရာဝတီ၊ မေ ၄၊ ၂၀၂၆။

ဂျာမနီနိုင်ငံကနေ အမေရိကန်တပ်ဖွဲ့ဝင် ၅,၀၀၀ ခန့်ကို ရုပ်သိမ်းတော့မယ်လို့ ပင်တဂွန်စစ်ဌာနချုပ်က ကြေညာလိုက်ပြီးနောက်မှာ ဂျာမနီ ကာကွယ်ရေးဝန်ကြီး Boris Pistorius က ဒါဟာ ကြိုတင်ခန့်မှန်းထားပြီးသားကိစ္စဖြစ်ကြောင်းနဲ့ ဂျာမနီအနေနဲ့ ကိုယ့်နိုင်ငံရဲ့ ကာကွယ်ရေးကဏ္ဍမှာ ဒီထက်ပိုပြီး တာဝန်ယူဖို့ အသင့်ရှိကြောင်း စနေနေ့မှာ ပြောကြားလိုက်ပါတယ်။ ဥရောပနဲ့ ဂျာမနီမှာ အမေရိကန်တပ်တွေ ရှိနေတာဟာ ဂျာမနီအတွက်ရော အမေရိကန်အတွက်ပါ အကျိုးရှိစေမှာဖြစ်ပြီး ဂျာမနီအနေနဲ့ နေတိုး (NATO) အဖွဲ့အတွင်းမှာ ဥရောပရဲ့ အခန်းကဏ္ဍကို ပိုပြီးခိုင်မာအောင် လုပ်ဆောင်ရမယ်လို့လည်း သူက ဆိုပါတယ်။

သောကြာနေ့က ထွက်ပေါ်လာတဲ့ ထရမ့်အစိုးရရဲ့ ဒီတပ်ရုပ်သိမ်းမယ့် ကြေညာချက်ဟာ ဥရောပမဟာမိတ်တွေကြားမှာ စိုးရိမ်မှုတွေ ဖြစ်ပေါ်စေခဲ့ပြီး နေတိုးမဟာမိတ်အဖွဲ့ရဲ့ ခိုင်မြဲမှုနဲ့ ဥရောပအပေါ် အမေရိကန်ရဲ့ ရေရှည်ကတိကဝတ်တွေနဲ့ ပတ်သက်လို့ မေးခွန်းထုတ်စရာတွေ ဖြစ်လာခဲ့ပါတယ်။

ပင်တဂွန် ပြောရေးဆိုခွင့်ရှိသူ Sean Parnell ကတော့ ဒီတပ်ရုပ်သိမ်းဖို့ အမိန့်ဟာ ကာကွယ်ရေးဝန်ကြီး Pete Hegseth ဆီကနေ လာတာဖြစ်ပြီး ဥရောပမှာရှိတဲ့ အမေရိကန်တပ်တွေရဲ့ အနေအထားနဲ့ မြေပြင်အခြေအနေတွေကို သေချာသုံးသပ်ပြီးမှ ဆုံးဖြတ်တာဖြစ်တယ်လို့ ပြောပါတယ်။ ဒီတပ်ရုပ်သိမ်းမှုဟာ လာမယ့် ၆ လကနေ ၁၂ လအတွင်း အပြီးသတ်မှာဖြစ်ပြီး ဂျာမနီမှာ အမေရိကန်တပ်ဖွဲ့ဝင် ၃၀,၀၀၀ ကျော် ကျန်ရှိနေဦးမှာ ဖြစ်ပါတယ်။

ဒီလို တပ်ရုပ်သိမ်းမယ့် ကြေညာချက်ဟာ ဂျာမနီဝန်ကြီးချုပ် Friedrich Merz က အမေရိကန်ဟာ အီရန်ခေါင်းဆောင်တွေရဲ့ "အရှက်ခွဲတာ" ကို ခံနေရတယ်လို့ လူသိရှင်ကြား ပြောဆိုခဲ့ပြီး စစ်ပွဲအတွင်း အမေရိကန်ရဲ့ မဟာဗျူဟာကို ဝေဖန်ခဲ့တဲ့ ရက်ပိုင်းအကြာမှာပဲ ထွက်ပေါ်လာတာပါ။

ထရမ့်ဟာ သူရဲ့ ပထမသက်တမ်း ၂၀၂၀ ခုနှစ်တုန်းကလည်း ဂျာမနီရဲ့ ကာကွယ်ရေးအသုံးစရိတ် နည်းပါးတာကို အကြောင်းပြပြီး တပ်ဖွဲ့ဝင် ၉,၅၀၀ ခန့် ရုပ်သိမ်းဖို့ ကြိုးစားခဲ့ဖူးပါတယ်။ ဒါပေမဲ့ အဲဒီတုန်းက အထမမြောက်ခဲ့ဘဲ သမ္မတ ဘိုင်ဒန် တက်လာတော့မှ အဲဒီအစီအစဉ်ကို ပြန်ဖျက်ခဲ့တာ ဖြစ်ပါတယ်။

အခုအခါမှာတော့ ထရမ့်က အီတလီနဲ့ စပိန်နိုင်ငံတွေမှာရှိတဲ့ အမေရိကန်တပ်တွေကိုလည်း လျှော့ချဖို့ စဉ်းစားနေတယ်လို့ အရိပ်အမြွက် ပြောကြားခဲ့ပါတယ်။ "ဘာလို့ မလျှော့ချရမှာလဲ" လို့ သူက သတင်းထောက်တွေကို မေးခွန်းထုတ်ခဲ့ပြီး အဲဒီနှစ်နိုင်ငံဟာ အီရန်ပဋိပက္ခမှာ အမေရိကန်အတွက် အထောက်အကူမဖြစ်တဲ့ တုံ့ပြန်မှုတွေ လုပ်ခဲ့တယ်လို့ ဆိုပါတယ်။ အီတလီဝန်ကြီးချုပ် Giorgia Meloni နဲ့ စပိန်ဝန်ကြီးချုပ် Pedro Sánchez တို့ဟာ အီရန်အရေးမှာ အမေရိကန်ရဲ့ စစ်ရေးလုပ်ဆောင်ချက်တွေအပေါ် ပြင်းပြင်းထန်ထန် ဝေဖန်ခဲ့ကြသူတွေလည်း ဖြစ်ပါတယ်။

ကိုးကား။       ။ NPR သတင်း Germany says U. S. troop withdrawal 'anticipated', Spain and Italy could be next

ဓာတ်ပုံ -  ၂၀၂၅ ဇွန် ၁၄ ဝါရှင်တန်ဒီစီ၌ ပြုလုပ်သည့် နှစ် ၅၀ ပြည့် စစ်ရေးပြချီတက်ပွဲအတွင်း အမေရိကန်စစ်တပ် တောင်တန်းတပ်ခွဲ တိုက်ခိုက်ရေး စစ်သားများ ချီတက်နေစဉ်/ AFP
TheIrrawaddyBurmese
#HPC

Hlaing People Channel

11:38 4 thg 5, 2026

မြန်အောင်မြို့မှာ တစ်သောင်းတန်ငွေစက္ကူအတု ၄၇အုပ်နဲ့အတူ သယ်ဆောင်လာသူ ၈ဦး ဖမ်းမိ

CJ Platform

ဧရာဝတီတိုင်း၊ မြန်အောင်မြို့နယ် မလာကာကုန်းစစ်ဆေးရေးဂိတ်တွင် ဧပြီ ၂ ရက် ညနေ ၄ နာရီခွဲက အမျိုးသား ၆ ဦးနဲ့ အမျိုးသမီး ၂ ဦးကို တစ်သောင်းတန်ငွေစက္ကူအတု သိန်း ၄၇၀ နဲ့အတူ ဖမ်းဆီးရမိခဲ့တယ်လို့ မြို့ခံတွေဆီက သိရပါတယ်။

စစ်အုပ်စုတပ်နဲ့ ရဲတွေက မြန်အောင်မြို့အဝင်အထွက် စစ်ဆေးရေးဂိတ်မှာ သတင်းအရ ကားနှစ်စီးကို ရှာဖွေစစ်ဆေးခဲ့ရာ တစ်သောင်းတန်ငွေစက္ကူအတု ရွက်ရေ ၄,၇၀၀ နဲ့အတူ ဖမ်းဆီးရမိတာလို့ မြို့ခံတစ်ဦးက CJ Platform ကို ​ပြောပါတယ်။

"ကားနှစ်စီးကို စစ်တာ တိုရိုတာပရိုဘောက်စ်ကားရယ်၊ နောက်တစ်စီးက တိုရိုတာကရောင်းကားရယ်၊ အဲဒီကားပေါ်ကနေ တစ်သောင်းတန် တစ်ရာစည်း ၄၇ အုပ် မိတာ။ လူတွေရော ကားတွေရော မြန်အောင်ရဲစခန်းကို ခေါ်သွားတယ်" လို့ ပြောပါတယ်။

လက်တလောမှာ တစ်သောင်းတန်ငွေစက္ကူအတု လက်ဝယ်တွေ့ရှိသူ အမျိုးသား ၆ ဦးနဲ့ အမျိုးသမီး ၂ ဦးကို မြန်အောင်မြို့မရဲစခန်းက စစ်ဆေးနေတယ်လို့ မြို့ခံတွေဆီက သိရပါတယ်။

ပြီးခဲ့တဲ့ ဇန်နဝါရီလ ၁၈ ရက်ကလည်း အင်္ဂပူမြို့နယ် ထူးကြီးမြို့မှာ တစ်သောင်းတန်ငွေစက္ကူပြုလုပ်သူတစ်ဦးကို စစ်အုပ်စုလက်အောက်ခံရဲတွေက ဖမ်းမိခဲ့ပါတယ်။

အလားတူပင် ၂၀၂၂ ခုနှစ် အောက်တိုဘာလ ၃၁ ရက်ကလည်း လေးမျက်နှာမြို့နယ်မှာ ၁ သောင်းကျပ်တန် ငွေစက္ကူအတု အသုံးပြုသူတစ်ဦးကို စစ်အုပ်စုလက်အောက်ခံရဲတွေက ဖမ်းဆီးခဲ့တဲ့ ဖြစ်စဉ်လည်း ရှိပါတယ်။

စစ်တပ်အာဏာသိမ်းပြီးနောက် တစ်သောင်းတန်၊ ငါးထောင်တန် ငွေစက္ကူအတု ပြုလုပ်သူတွေကို ရန်ကုန်တိုင်း၊ ဧရာဝတီတိုင်း၊ မန္တလေးတိုင်း၊ မွန်ပြည်နဲ့ ရှမ်းပြည်တို့မှာ ဖမ်းဆီးရမိခဲ့ပြီး ဖမ်းဆီးရမိသူဦးရေ ၇၄ ဦး ထိရှိခဲ့ပါတယ်။

#CJPlatform
#HPC

179

Hlaing People Channel

11:38 4 thg 5, 2026

📷 Photo

175

Hlaing People Channel

11:38 4 thg 5, 2026

Khit Thit သတင်းဌာန၏ မေ ၄ ရက် မနက်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ မေ ၄ ရက် မနက်ပိုင်း တင်ဆက်ပေးမယ့် သတင်းတွေကတော့

-အကြမ်းဖက်စစ်တပ်က နေအိမ်အချုပ် ပြောင်းလဲဖမ်းဆီးထားတဲ့ ဒေါ်အောင်ဆန်းစုကြည်ကို ရှေ့နေအဖွဲ့က မနေ့ကတွေ့ခွင့်ရဖို့ကြိုးစားခဲ့ပေမယ့် တွေ့ဆုံခွင့်မရခဲ့ဘူးလို့ ရှေ့နေအဖွဲ့ဝင်တစ်ဦးက ရန်ကုန်ခေတ်သစ်သတင်းဌာနကို ပြောပါတယ်။

မြန်မာပြည်သူတွေရွေးချယ်ထားတဲ့ နိုင်ငံတော်သမ္မတဦးဝင်းမြင့်ကို မိသားစုနဲ့ပြန်တွေ့ခွင့်ပေးတာနဲ့ နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကို နေအိမ်အကျယ်ချုပ် ပြောင်းရွှေ့တာတွေက နိုင်ငံရေးအရ အပြုသဘောဆောင်တဲ့ လမ်းစမဟုတ်ဘဲ စစ်တပ်ဘက်က လှည့်စားနည်းတစ်ခုသာ ဖြစ်တယ်လို့ အမျိုးသားဒီမိုကရေစီအဖွဲ့ချုပ်(NLD)က မနေ့က သတိပေးထုတ်ပြန်ထားပါတယ်။

ထိုင်း-မြန်မာနယ်စပ် မြန်မာဘက်အခြမ်းမှာ တိုက်ပွဲတွေပြင်းထန်လာတာနဲ့အမျှ ပြီးခဲ့တဲ့ဧပြီလကစပြီး မြန်မာစစ်ကောင်စီတပ်ဖွဲ့ဝင် ၆၀ ကျော်ကို သုတ်သင်နိုင်ခဲ့တယ်လို့ KNU ရဲ့ ထုတ်ပြန်ချက်ကို ကိုးကားပြီး ထိုင်းအခြေစိုက် ခေါင်ဆော့ဒ်သတင်းဌာနက ဖော်ပြထားပါတယ်။

ဂျာမနီဝန်ကြီးချုပ်က အမေရိကန်နဲ့ ဂျာမနီကြားမှာ အခြေအနေတွေတင်းမာနေတာကို ခပ်အေးအေးပဲ တုံ့ပြန်လိုက်တဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။

#Khitthit
#HPC

189

Hlaing People Channel

10:50 30 thg 4, 2026

🎥 Video

စစ်ကော်မရှင် တိုက်ခိုက်မှုများကြောင့် လေးလအတွင်း ကလေး ၇၁ ဦး သေဆုံး

#ထူးထူးခြားခြားတစ်နေ့တာသတင်းများ #ThanLwinKhetNews

245

Hlaing People Channel

10:50 30 thg 4, 2026

📷 Photo

249

Hlaing People Channel

10:50 30 thg 4, 2026

တစ်လတာ လေကြောင်းစစ်ဆင်ရေးအတွက် လေယာဉ်ဆီဖိုး ကန်ဒေါ်လာ ၄ သန်းနီးပါး စစ်တပ် သုံးစွဲ

29 Apr 2026 By Ko Myo / MPA

စစ်တပ်သည် တစ်လတာ အကြမ်းဖက်လေကြောင်းစစ်ဆင်ရေးအတွက် လေယာဉ်ဆီဖိုး အမေရိကန်ဒေါ်လာ ၄သန်းနီးပါးသုံးစွဲခဲ့ကြောင်း Blood Money က ယနေ့(ဧပြီ၂၉ရက်)ည သတင်း ထုတ်ပြန်သည်။

လေကြောင်းဆိုင်ရာ ကျွမ်းကျင်ပညာရှင်များနှင့် လေကြောင်းစောင့်ကြည့်ရေး ချန်နယ်များမှ ကောက်ယူထားသော အချက်အလက်များနှင့် Blood Money Campaign အဖွဲ့၏ ၃လတာ သုတေသနအချက်အလက်များအပေါ် အခြေခံကာ အထက်ပါအတိုင်း ထုတ်ပြန်ခဲ့ခြင်းဖြစ်သည်။

#mpanews
#HPC

288

Hlaing People Channel

10:50 30 thg 4, 2026

📷 Photo

226

Hlaing People Channel

10:50 30 thg 4, 2026

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၅၄ ဦးသေဆုံး

ရန်ကုန်၊ ဧပြီ ၂၉

မြန်မာနိုင်ငံတစ်ဝန်း ဧပြီလ ၂၉ ရက်နေ့ ရရှိထားသော အချက်အလက်များအရ စစ်ကောင်စီ တပ်ဖွဲ့ဝင် ၅၄ ဦး သေဆုံးကြောင်း ပြည်သူ့ကာကွယ်ရေးတပ်ဖွဲ့များ၏ ထုတ်ပြန်ချက်နှင့်ပြောဆို ချက်များအရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာ ကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

#Khitthit
#HPC

230

Hlaing People Channel

10:50 30 thg 4, 2026

#HPC

214

Hlaing People Channel

10:50 30 thg 4, 2026

ကျား ဖြန့်နဲ့နွယ်တဲ့ ကရင်လက်နက်ကိုင်တွေ ဦးဆောင်ပြီး ငြိမ်းချမ်းရေးကော်မတီဖွဲ့ (ရုပ်/သံ)

ဧရာဝတီ၊ ဧပြီ ၂၉ ၊ ၂၀၂၆

ကျားအွန်လိုင်းငွေလိမ်လုပ်ငန်းတွေကနေ အကျိုးအမြတ်ရနေတဲ့ ကရင်လက်နက်ကိုင်အဖွဲ့အစည်းတွေ ဦးဆောင်ပြီး "ကရင်အမျိုုးသား ငြိမ်းချမ်းရေးဖော်ဆောင်မှုကော်မတီ "(KNPBC) ဆိုတဲ့ နာမည်နဲ့ ကော်မတီတရပ်ကို ဧပြီလ ၈ ရက်နေ့မှာ ဖွဲ့စည်းလိုက်တယ်လို့ နီးစပ်သူတွေဆီက သိရပါတယ်။

ဒီကော်မတီကို အဖွဲ့ဝင် စုစုပေါင်း ၇၇ ဦးနဲ့ ဖွဲ့စည်းထားပြီး စစ်တပ်လက်အောက်ခံ ကရင်နယ်ခြားစောင့်တပ် (BGF) ကနေ အမည်ပြောင်းထားတဲ့ KK Park ရဲ့ ပဲ့ကိုင်ရှင် ကရင်အမျိုးသားတပ်မတော် (KNA) ခေါင်းဆောင် ဗိုလ်ချုပ် စောချစ်သူက ဥက္ကဋ္ဌ ဖြစ်ပါတယ်။

စစ်တပ်နဲ့ ပစ်ခတ်မှု မရှိခဲ့တဲ့ အဖွဲ့တွေ၊ အွန်လိုင်းကျားဖြန့်လုပ်ငန်းတွေအတွက် အကာအကွယ်ပေးနေပြီး စီးပွားရေးအတွက်ပဲ အာရုံစိုက်နေတဲ့ အဖွဲ့အစည်းတွေ ဦးဆောင်မယ့် ငြိမ်းချမ်းရေးကော်မတီအပေါ် ဝေဖန်မှုတွေလည်း ရှိနေပါတယ်။

https://youtu.be/_BkiFSDiBwQ
#မြန်မာ #ဧရာဝတီ #KNPBC #BGF #KNA #DKBA #KKPark #စောချစ်သူ #ကရင်လက်နက်ကိုင် #WhathappensInMyanmar

258

Hlaing People Channel

10:50 30 thg 4, 2026

📷 Photo

245

Hlaing People Channel

10:50 30 thg 4, 2026

မြဝတီမြို့နယ်၊ ဝေါလေဗျူဟာကုန်းတွင် တိုက်ပွဲ ဆက်လက်ပြင်းထန်နေပြီး စစ်တပ်က လေယာဉ်ဖြင့် ဆက်တိုက် ဗုံးကျဲ ခုခံနေ၊ စစ်တပ် ကာကင်းများကိုလည်း တော်လှန်ရေးတပ်က သိမ်းပိုက်ရရှိထား

ရန်ကုန်၊ ဧပြီ ၂၉

ကရင်ပြည်နယ်၊ မြဝတီမြို့နယ်၊ ဝေါလေဗျူဟာကုန်းတွင် တိုက်ပွဲ ဆက်လက်ပြင်းထန်နေပြီး အကြမ်းဖက် စစ်တပ်က လေယာဉ်ဖြင့် ဆက်တိုက် ဗုံးကျဲ ခုခံနေကာ ကာကင်းများကိုလည်း တော်လှန်ရေးတပ်က သိမ်းပိုက်ရရှိထားကြောင်း ဒေသစစ်ရေးသတင်းရင်းမြစ်က ရန်ကုန်ခေတ်သစ် သတင်းဌာနထံသို့ ပြောဆိုသည်။

ယနေ့ ဧပြီလ ၂၉ ရက်နေ့တွင်လည်း မြဝတီမြို့နယ်၊ ဝေါလေဗျူဟာကုန်းတွင် အကြမ်းဖက် စစ်တပ်နှင့် တော်လှန်ရေးတပ်များ တိုက်ပွဲ ဆက်လက်ပြင်းထန်နေပြီး စစ်တပ်က Y-12 ၊ ဂျက်ဖိုက်တာများတွင် ဗုံးကျဲ ခုခံနေကြောင်း၊ ထို့ပြင် ဗျူဟာကုန်းအနီးရှိ ကာကင်းစခန်းများကိုလည်း တော်လှန်ရေးတပ်က သိမ်းဆည်းရရှိထားကြောင်း သိရသည်။

"လက်ရှိမှာ ဝေါလေဗျူဟာကုန်းရဲ့ ပတ်ပတ်လည် ကာကင်းတွေလည်း ရပြီး ဗျူဟာကုန်းပဲ ကျန်တော့တာပါ။ စစ်ခွေးတွေကို ကုန်းပေါ်ကနေ ဆင်းမရအောင် ပတ်ပတ်လည် ပိတ်ဆို့ တိုက်ခိုက်နေတာပေါ့။ ကုန်းပေါ်က စစ်ခွေးတွေကို ခေါင်းတောင် မဖော်နိုင်အောင် စနိုက်ပါနဲ့ ထောက်ထားတဲ့အထိပဲ စစ်ခွေးတွေ ကတုတ်ကျင်းထဲမှာ ထွက်မရတဲ့ပုံစံမျိုးတွေနဲ့ ဒီကောင်တွေ ဖြတ်သန်းနေရတယ်။ စစ်ခွေးတွေဘက်က ဒီနေ့လည်း Y-12 တွေရော ဂျက်ဖိုက်တာတွေနဲ့ပါ ပစ်ကူပေးနေရတယ် နေ့တိုင်းနီးပါပဲ။ လက်နက်ပစ်ကူတောင် ဒီကောင်တွေ သိပ်မရဘူး။ ဝေါလေနဲ့ မြဝတီ ၂၇၅ နဲ့ တော်တော်လေးဝေးတော့ လက်နက်ကြီးပစ်ကူမှာတော့ တော်တော်လေး အားနည်းသွားတယ်။ လေယာဉ်နဲ့ အပေါ်ကနေ ရိက္ခာလာပို့ဖို့ကလည်း သူတို့မရဘူး။ အဲ့လိုအခြေမျိုးတော့ ဖြစ်နေပြီ ဒီနေ့ဆိုလည်း တော်တော်ပွဲကြမ်းတယ်လို့ သိရတယ်" ဟု ဒေသစစ်ရေးသတင်းရင်းမြစ်က ပြောဆိုသည်။

ထို ဝေါလေဗျူဟာကုန်းတိုက်ပွဲအတွင်း အကြမ်းဖက် စစ်တပ်ဘက်မှ ထိခိုက်သေဆုံးမှုများပြားခြင်းကြောင့် စစ်တပ်က ဝေါလေမြို့ကိုပါ လေကြောင်းဖြင့် ဗုံးကျဲတိုက်ခိုက်နေပြီး နေအိမ်များလည်း ထိခိုက်ပျက်စီးမှုရှိကြောင်း၊ ထို့ပြင် အကြမ်းဖက် စစ်တပ်၏ ပစ်ခတ်မှုများကြောင့် ထိုင်းနိုင်ငံဘက်သို့ ကျည်ကျရောက် ပေါက်ကွဲမှုများရှိပြီး ပြည်သူများ ထိခိုက်မှုရှိသောကြောင့် ထိုင်းအစိုးရက ကန့်ကွက်မှုများရှိကာ နယ်စပ်တွင် နေထိုင်သော ပြည်သူများကိုလည်း ထိုင်းအစိုးရက အရေးပေါ် ရွေ့ပြောင်းပေးခဲ့ရကြောင်း သိရှိရသည်။

မတ်လ ၃၁ ရက်နေ့မှ စတင်ပြီး ဝေါလေဗျူဟာစခန်းကို ကရင်အမျိုးသားလွတ်မြောက်ရေးတပ်မတော် KNLA ၊ PDF များနှင့် အတူ ဗိုလ်ဒါဘော ဦးဆောင်၍ စခန်းသိမ်း တိုက်ပွဲ စတင်ဖော်ဆောင်ခဲ့ပြီး ထိုတိုက်ပွဲများသည် လက်ရှိချိန်ထိ ပြင်းထန်နေဆဲဖြစ်ကြောင်း သိရသည်။

#Khitthit
#HPC

Hlaing People Channel

10:50 30 thg 4, 2026

မြန်မာဘက်သို့ အင်တာနက် တရားမဝင် သွယ်တန်းပေးနေသည့် မဲဆောက်ရှိ နေအိမ်တစ်လုံးကို ထိုင်းအာဏာပိုင်များ ဝင်ရောက်စီးနင်း

သံလွင်ခက်
ဧပြီ ၂၉၊ ၂၀၂၆

ထိုင်း-မြန်မာနယ်စပ်၊ တာ့ခ်ခရိုင်၊ မဲဆောက်မြို့နယ်တွင် မြန်မာနိုင်ငံဘက်သို့ တရားမဝင် အင်တာနက်လိုင်းများ သွယ်တန်းပို့လွှတ်ပေးနေသည်ဟု သံသယရှိနေသော နေအိမ်တစ်လုံးကို ထိုင်းအာဏာပိုင် ပူးပေါင်းအဖွဲ့က ယနေ့ (ဧပြီလ ၂၉ ရက်)နံနက်ပိုင်းတွင် ဝင်ရောက်ရှာဖွေ စစ်ဆေးခဲ့ပြီး ဆက်စပ်ပစ္စည်းများကို သိမ်းဆည်းရမိခဲ့သည်ဟု သတင်းထုတ်ပြန်ထားသည်။

ယနေ့ နံနက် ၁၀ နာရီအချိန်တွင် မဲဆောက်မြို့နယ် အုပ်ချုပ်ရေးမှူး မစ္စတာကန်ဖုန်း ဖိဖတ်မွန်ထရီကွန်း၏ ညွှန်ကြားချက်ဖြင့် လုံခြုံရေးအဖွဲ့များက ကွင်းဆင်းစစ်ဆေးခဲ့ခြင်းပြီး အဆိုပါ စစ်ဆေးရေးအဖွဲ့တွင် အမှတ် ၃ မဲဆောက် ပြည်သူ့စစ်တပ်ဖွဲ့ဝင်များ၊ ရာဇမနူ အထူးစစ်ဆင်ရေးတပ်ဖွဲ့ (ခြေလျင်တပ်ခွဲ ၁၄၁၁)၊ နည်းပညာဆိုင်ရာ မှုခင်းနှိမ်နင်းရေးတပ်ဖွဲ့(TCSD)မှ တပ်ဖွဲ့ဝင်များ၊ မဲဆောက်မြို့မရဲစခန်းမှ တပ်ဖွဲ့ဝင်များနှင့် အမျိုးသားရုပ်သံနှင့် ဆက်သွယ်ရေးကော်မရှင်(NBTC) အမှတ် ၃ နှင့် အမှတ် ၃၆ ရုံးတို့မှ တာဝန်ရှိသူများ ပူးပေါင်းပါဝင်ခဲ့ကြသည်။

နည်းပညာဆိုင်ရာ မှုခင်းနှိမ်နင်းရေးတပ်ဖွဲ့ (TCSD)၏ သတင်းပေးပို့ချက်အရ မဲဆောက်မြို့နယ်၊ ထာ့ဆိုင်လွတ် ကျေးရွာအုပ်စု၊ ကျေးရွာအမှတ် ၃ ရှိ အဆိုပါ နေအိမ်ကို ဝင်ရောက်ရှာဖွေခဲ့ရာ မြန်မာနိုင်ငံဘက်သို့ အင်တာနက်လှိုင်းများ ပို့လွှတ်နိုင်ရန် ကေဘယ်ကြိုးများ သွယ်တန်းထားသည့် ဆက်စပ်ပစ္စည်းများကို တွေ့ရှိခဲ့ရခြင်း ဖြစ်သည်။

ထိုသို့ ရှာဖွေမှုအတွင်း ပြစ်မှုကျူးလွန်ရာတွင် အသုံးပြုသည့် အောက်ပါ သက်သေခံပစ္စည်း (၁၁) မျိုးကို သိမ်းဆည်းရမိခဲ့သည်။

၁။ MikroTik-CRS317-1G-16S+ (၁) ခု
၂။ T3 Technology အမျိုးအစား Router -- T623L (၁) ခု
၃။ Huawei အမျိုးအစား Router - HG8145X6 (၁) ခု
၄။ LINK (American Standard) - ဖိုက်ဘာကြိုးဖြန့်ဝေသည့်ပုံး (Fiber distribution box) (၁) ခု
၅။ MikroTik-CCR21116-12G-4S+ (၁) ခု
၆။ Huawei အမျိုးအစား Router - HG8145X6 (၁) ခု
၇။ Hikvision အမျိုးအစား CCTV ကင်မရာ - DS-7108HQHI-K1 (၁) ခု
၈။ Huawei အမျိုးအစား Router - OptiXstar F30 (V163) (၁) ခု
၉။ Huawei အမျိုးအစား Router - OptiXstar F30 (V163) (၁) ခု
၁၀။ bismon အမှတ်တံဆိပ် အဆောက်အအုံတွင်းသုံး 24 core active 2 core ကေဘယ်ကြိုး (OTDR ဖြင့် စမ်းသပ်ချက်အရ ခန့်မှန်းအကွာအဝေး ၃၂၂ မီတာခန့် ရရှိသည်)
၁၁။ Link အမှတ်တံဆိပ် 24 core active 1 core ကေဘယ်ကြိုး (OTDR ဖြင့် စမ်းသပ်ချက်အရ ခန့်မှန်းအကွာအဝေး ၁၆၀ မီတာခန့် ရရှိသည်)။

လက်ရှိတွင် သိမ်းဆည်းရမိသော အဆိုပါ သက်သေခံပစ္စည်း (၁၁) မျိုးကို ဥပဒေနှင့်အညီ ဆက်လက်စစ်ဆေး အရေးယူနိုင်ရန်အတွက် မဲဆောက်မြို့မရဲစခန်း၊ စုံစမ်းစစ်ဆေးရေးမှူးရုံးသို့ လွှဲပြောင်းပေးအပ်လိုက်သည်ဟု သတင်းထုတ်ပြန်ချက်တွင် ဖော်ပြထားသည်။
ဓါတ်ပုံ - กิตติศักดิ์ บุญจันทร์

#ThanLwinKhat
#HPC

Showing 30 of 50 posts

Xếp hạng

Yêu cầu đăng nhập

Đánh giá của người dùng (0)

Chưa có đánh giá nào. Hãy là người đầu tiên chia sẻ trải nghiệm của bạn!

Kênh Telegram liên quan

Loading recommended channels...

Hlaing People Channel

Hlaing People Channel

Xếp hạng

Tăng trưởng người đăng ký (Trong 6 ngày qua)

Bài đăng gần đây

Xếp hạng

Đánh giá của người dùng (0)

Kênh Telegram liên quan

Chaelisa

PGJOOX แจ้งข่าวสาร 📢

APSARA FM99

Alertas 24

THIKA SUPERRHIGHWAY LEAKS

News Kim Taehyung

Smey Ab ចែករំលែក

Noticias 24 horas

Kênh Telegram liên quan

Chaelisa

PGJOOX แจ้งข่าวสาร 📢

APSARA FM99

Alertas 24

THIKA SUPERRHIGHWAY LEAKS

News Kim Taehyung

Smey Ab ចែករំលែក

Noticias 24 horas

Đánh giá của người dùng (0)

Bài đăng gần đây