BBA Surxondaryo viloyati bo'limi

BBA Surxondaryo viloyati bo'limi

Public

Kanalni ko'rish

Qo'shila olmaysizmi? @BBA_surxondaryo

0

1.5k A'zolar

Yangilangan: September 2, 2026 at 11:30 AM

BBA Surxondaryo viloyati bo'limi

Bilim va malakalarni baholash agentligi Surxondaryo viloyati bo'limining telegramdagi rasmiy kanali. Manzil: Termiz shahri Tinchlik maxallasi Shodiyona ko‘chasi 1a-uy. Murojaat uchun tel: 91 232 18 45.

@BBA_surxondaryo is a dedicated channel for viloyati and rasmiy with regular updates in Streaming va IPTV

Reyting

Global reyting

#18638

-128

Til reytingi

#128

-3

Toifa reytingi

#466

-5

Obunachilar sonining o'sishi (Oxirgi 5 kun ichida)

Jami: 1.5K

24 soatlik o'sish: -76 5%

Loading...

Reyting

Kirish talab qilinadi

Loading...

Loading recommended channels...

So'nggi postlar

BBA Surxondaryo viloyati bo'limi

30-avg, 2026, 23:49

📷 Photo

#Mustaqillikning_35_yilligi

Prezident tabrigidan: ta’lim va ilm-fanga oid muhim fikrlar

🇺🇿 Prezident Shavkat Mirziyoyevning O‘zbekiston Respublikasi davlat mustaqilligining 35 yilligi munosabati bilan so‘zlagan nutqida ta’lim, ilm-fan, innovatsiyalar va yoshlar masalasiga alohida e’tibor qaratildi.

🎗 Kelgusi yillarda bilim va malakani mamlakatimiz taraqqiyotining asosiy kapitaliga aylantirishga qaratilgan milliy dastur amalga oshiriladi.

🎗 Yurtimizdagi texnikumlarda xalqaro ta’lim standartlari joriy etiladi. Yoshlarga yuqori daromadli kasblarni o‘rgatish yo‘lga qo‘yilib, qamrov 1 million nafarga yetkaziladi.

🎗 Yangi Toshkentda Yangi O‘zbekiston universiteti, Nizomiy nomidagi O‘zbekiston Milliy pedagogika universiteti va O‘zbekiston milliy kutubxonasining yangi binolari ishga tushirilgani, ushbu hudud kelgusida ilm-fan, ta’lim va madaniyat markaziga aylanishi qayd etilgan.

🎗 Yangi O‘zbekistonda kasb egallamagan birorta yigit-qiz qolmasligi maqsad qilingan.

🎗 Kelgusida kamida 10 ta universitetni dunyoning TOP-1000 talik reytingiga kiritish katta marra sifatida belgilandi.

🎗 Oliy ta’limda o‘qish uchun qulay sharoitlarning kengayishi natijasida talabalar soni 1 million 600 ming nafarga yetdi.

🎗 Talabalarning yarmidan ko‘pini xotin-qizlar tashkil etayotgani Uchinchi Renessansning o‘ziga xos qiyofasi sifatida qayd etildi. Bilimli qizlar — bilimli oila, bilimli avlod va ma’rifatli jamiyat demakdir.

🎗 Ta’lim bilan bir qatorda ilm-fan, zamonaviy texnologiyalar va innovatsiyalar taraqqiyotimizning hal qiluvchi omili sifatida belgilanmoqda.

🎗 IT, sun’iy intellekt va kreativ iqtisodiyotni rivojlantirish orqali 10 million yoshni raqamli industriya va kelajak kasblariga olib kirish maqsad qilindi.

🎗 O‘zbekiston texnologiya sohalarida jahonga ilg‘or tashabbuslarni taklif qiladigan markazga aylanishi zarur. O‘zbek tili esa raqamli dunyoda ilm va texnologiya yaratiladigan til bo‘lishi lozim.

🎗 Dunyo hamjamiyatida munosib o‘rin egallash uchun bilimli, kelajak kasblarini puxta egallagan va mustaqil fikrlaydigan yangi avlod mutaxassislari zarur.

🎗 Shu bois ta’limga sifat va mazmun olib kirish, muallimning obro‘-e’tiborini yuksaltirish va uning daromadini oshirishga e’tibor qaratilmoqda.

🎗 Prezident yoshlarni “Yangi O‘zbekiston yulduzlari, kelajak bunyodkorlari” deb atab, ularni oldinga intilish va doimiy izlanishdan to‘xtamaslikka chaqirdi.

✅Agentlikning rasmiy sahifalari:
https://t.me/BaholashUz | https://www.facebook.com/dtmuzb/ | https://instagram.com/dtmuzb/ | https://www.youtube.com/@BaholashUz

81

0

0

BBA Surxondaryo viloyati bo'limi

30-avg, 2026, 23:49

📷 Photo

#Qabul2026
#Vakant_joy
#Tanlov

Vakant o‘rinlarga qo‘shimcha tanlov uchun ro‘yxatdan o‘tish yakunlandi

Oliy ta’lim tashkilotlarining bakalavriat ta’lim yo‘nalishlariga kirish uchun vakant o‘rinlar mavjud bo‘lgan, fanlar majmuasi va ta’lim tili mos bakalavriat ta’lim yo‘nalishlari qo‘shimcha tanlovda ishtirok etish uchun ro‘yxatdan o‘tish bo‘yicha belgilangan muddat 28-avgust kuni soat 23:59 da o‘z nihoyasiga yetdi.

Roʻyxatdan oʻtgan abituriyentlarni toʻplagan ballari ketma-ketligiga qatʼiy rioya qilingan holda, vakant oʻrinlarga bazaviy toʻlov-kontrakt asosida talabalikka tavsiya etish boʻyicha tanlov natijalari 2026-yil 3-sentyabrga qadar eʼlon qilinadi.

Agentlikning tanlov qaydnomalari abituriyentlarni talabalikka qabul qilish boʻyicha belgilangan tartibda buyruqlarni rasmiylashtirish uchun asos boʻladi.

✅ Agentlikning rasmiy sahifalari:
https://t.me/BaholashUz | https://www.facebook.com/dtmuzb/ | https://instagram.com/dtmuzb/ | https://www.youtube.com/@BaholashUz

BBA Surxondaryo viloyati bo'limi

30-avg, 2026, 23:49

🎥 Video

O‘ttiz besh yillik mustaqil taraqqiyot yo‘limiz bizga bir haqiqatni o‘rgatdi: xalq va davlat yagona maqsad yo‘lida birlashib, astoydil harakat qilsa, zabt etib bo‘lmaydigan marraning o‘zi yo‘q.

✅Agentlikning rasmiy sahifalari:
https://t.me/BaholashUz | https://www.facebook.com/dtmuzb/ | https://instagram.com/dtmuzb/ | https://www.youtube.com/@BaholashUz

154

BBA Surxondaryo viloyati bo'limi

30-avg, 2026, 23:49

📷 Photo

Prezident Shavkat Mirziyoyevning davlat mustaqilligining 35 yilligi munosabati bilan so‘zlagan tabrigidan asosiy fikrlar (ikkinchi qism):

📌 Aholining o‘rtacha umr ko‘rish davomiyligi 1991-yildagi 66,4 yoshdan 2025-yilda 75,4 yoshga yetgani, go‘daklar va onalar o‘limi ko‘rsatkichi 4 barobar kamaygani sohadagi islohotlarimizning eng muhim natijasidir;

📌 Mamlakatimiz taraqqiyotning mutlaqo yangi davriga qadam qo‘ymoqda. Kelgusi o‘n yillik biz uchun milliy yuksalish davri bo‘ladi;

📌 Kelgusi yillarda yurtimizda inson qadrini yanada yuksaltiradigan 7 ta milliy dasturni amalga oshiramiz;

📌 Birinchi milliy dastur bilim va malakani kelgusi taraqqiyotimizning asosiy kapitaliga aylantirishdan iborat bo‘ladi;

📌 Tibbiyotda profilaktikani kuchaytirish orqali salomatlikni asrash modeliga o‘tamiz. Davlat tibbiy sug‘urtasi mamlakatning barcha xonadonlariga kirib boradi;

📌 2030-yilgacha yalpi ichki mahsulot hajmi 300 milliard dollarga yetkaziladi;

📌 To‘rtinchi milliy dastur suv va tabiatga munosabatni tubdan o‘zgartirishga qaratiladi;

📌Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz;

📌Mahalla jamiyat taraqqiyotining asosiy buyurtmachisiga aylantiriladi;

📌 O‘zbekistonni xalqaro diplomatiyaning muhim markaziga aylantirish uchun ko‘pqirrali, vazmin va muvozanatli tashqi siyosatni davom ettiramiz;

📌 Biz bugun kechagidan kuchlimiz. Nasib etsa, ertaga bundan ham kuchli bo‘lamiz;

📌 Xalq va davlat yagona maqsad yo‘lida birlashib, astoydil harakat qilsa, zabt etib bo‘lmaydigan marraning o‘zi yo‘q. Bunday buyuk qudratga ega xalq va davlatni yenga oladigan kuchning o‘zi yo‘q;

📌 Matonatli, mard va olijanob xalqimiz o‘z oldiga qo‘ygan ulug‘ maqsadlarga albatta yetadi. https://www.facebook.com/PressSecretaryUZ| https://www.instagram.com/press_secretary_uz/| https://x.com/Sherzod_Asadov

BBA Surxondaryo viloyati bo'limi

30-avg, 2026, 23:49

📷 Photo

Prezident Shavkat Mirziyoyev nutqini shunday tilaklar bilan yakunladi:

– Vatanimizning oltin davrini, yangi buyuk tarixini albatta barchamiz birgalikda yaratamiz!

Bizga mustaqillik ne’matini bergan Parvardigorimizga cheksiz shukronalar bo‘lsin!

Istiqlolimiz ijodkori va haqiqiy bunyodkori bo‘lgan xalqimizga shon-sharaflar bo‘lsin!

Sizlarni, sizlar orqali butun xalqimizni bugungi ulug‘ bayram – O‘zbekiston Respublikasi davlat mustaqilligining o‘ttiz besh yilligi bilan yana bir bor tabriklayman.

Yurtimiz tinch, xonadonlarimiz obod va farovon bo‘lsin!

Yashasin O‘zbekiston Respublikasi!

Yashasin O‘zbekiston xalqi!

✅Agentlikning rasmiy sahifalari:
https://t.me/BaholashUz | https://www.facebook.com/dtmuzb/ | https://instagram.com/dtmuzb/ | https://www.youtube.com/@BaholashUz

BBA Surxondaryo viloyati bo'limi

30-avg, 2026, 23:49

📷 Photo

Prezident Shavkat Mirziyoyevning davlat mustaqilligining 35 yilligi munosabati bilan so‘zlagan tabrigidan asosiy fikrlar (birinchi qism):

📌Buyuk istiqlolimizning ildizlari uch ming yildan ziyod bo‘lgan davlatchilik an’analarimiz va qadimiy sivilizatsiyamiz tarixiga borib taqaladi;

📌 Mustaqillik, eng avvalo, bizga shonu sharafimizni, muqaddas dinimizni, ona tilimizni, unutilayotgan milliy qadriyatlarimizni qaytarib berdi;

📌 Bugungi erkin hayot uchun jonini fido qilgan ulug‘ ajdodlarimiz, jadidlar xotirasiga ta'zim bajo keltiramiz;

📌 Birinchi Prezidentimiz, atoqli davlat va siyosat arbobi Islom Abdug‘aniyevich Karimovning yorqin xotirasini ehtirom bilan yod etamiz;

📌 Islohotlarni boshlagan birinchi kunlardanoq xalqning qalbiga quloq soldik, aholining dardiga darmon bo‘lishni maqsad qildik;

📌 "Paxta qulligi", "majburiy mehnat va bolalar mehnati", "konvertatsiya cheklovi", "propiska" kabi odamlarni yillar davomida qiynab kelgan muammolarga barham berdik;

📌 Har bir inson erkin va farovon yashaydigan jamiyatni barpo etish uchun keyingi 10 yilda tinimsiz izlandik, qattiq mehnat qildik. O‘zbekistonni dunyoga keng ochdik;

📌 2030-yilga borib yalpi ichki mahsulot hajmini 160 milliard dollarga yetkazishni reja qilgan edik. Bu vazifani shu yilning o‘zida ortig'i bilan amalga oshiramiz va daromadi o‘rtachadan yuqori bo‘lgan davlatlar qatoriga kiramiz;

📌 Bugungi kunda kambag'allik darajasini 2017-yildagi 35 foizdan 4 foizga tushurishga erishdik. 10 million nafar insonning turmush sifati yaxshilandi;

📌 Mamlakatimiz oliy ta’lim muassasalari talabalarining yarmidan ko‘pini qizlar va ayollar tashkil etadi. Bilimli qizlar — bilimli oila, bilimli avlod, ma’rifatli jamiyat deganidir;

📌Ta’lim bilan bir qatorda ilm-fan, zamonaviy texnologiya va innovatsiyalarni ham taraqqiyotimizning hal qiluvchi omili deb bilamiz;

📌 Mening niyatim: O‘zbekiston texnologiya sohalarida jahonga ilg‘or tashabbuslarni taklif qiladigan markazga aylanishi zarur. https://www.facebook.com/PressSecretaryUZ| https://www.instagram.com/press_secretary_uz/| https://x.com/Sherzod_Asadov

BBA Surxondaryo viloyati bo'limi

30-avg, 2026, 23:49

📷 Photo

Yangi Toshkentda Oʻzbekiston Respublikasi davlat mustaqilligining 35 yilligiga bagʻishlangan tantanali marosim https://president.uz/oz/lists/view/9545 Tadbirda Prezident Shavkat Mirziyoyev ishtirok etib, xalqimizni ulugʻ ayyom bilan samimiy tabrikladi.
—
В Новом Ташкенте https://president.uz/ru/lists/view/9545 торжественная церемония по случаю 35-летия государственной независимости Республики Узбекистан. Приняв участие в мероприятии, Президент Шавкат Мирзиёев сердечно поздравил наш народ с великим праздником.

#Mirziyoyev #bayram #Mustaqillik #35yil

https://president.uz/| https://www.facebook.com/Mirziyoyev/| https://www.instagram.com/mirziyoyev_sh/| https://www.youtube.com/channel/UC61Jnumjuz8NXhSuLoZD2xg| https://x.com/president_uz

BBA Surxondaryo viloyati bo'limi

30-avg, 2026, 23:49

📷 Photo

Prezident Shavkat Mirziyoyev O‘zbekiston Respublikasi davlat mustaqilligining 35 yilligiga bag‘ishlangan tantanali marosimda nutq so‘zlamoqda.

Davlatimiz rahbari xalqimizni ayyom bilan samimiy tabrikladi. Eng ulug‘ bayramimiz Yangi Toshkentda o‘tkazilayotgani tantana shukuhini yanada oshirayotganini ta’kidladi.

Kelgusida ilm-fan, ta’lim va madaniyat markazi bo‘ladigan ushbu hududda kuni kecha Yangi O‘zbekiston universiteti, Nizomiy nomidagi O‘zbekiston Milliy pedagogika universiteti hamda O‘zbekiston milliy kutubxonasining muhtasham binolari ishga tushirildi.

Tantana ishtirokchilari huzurida ochiladigan favvora dunyodagi eng baland musiqali favvora sifatida “Ginnessning rekordlar kitobi”dan joy olgani bayram kayfiyatiga yanada baland ruh bag‘ishlashi qayd etildi.

– Bir necha yuz yillik orzular ro‘yobga chiqayotgan ushbu betakror makonda butun xalqimiz bilan hali yana ko‘plab quvonchli va tarixiy voqealarga guvoh bo‘lamiz.

Aminmanki, Yangi Toshkent poytaxtimizning ko‘rkiga ko‘rk qo‘shib, biz barpo etayotgan Yangi O‘zbekistonning kuch-qudratini namoyon etadigan chinakam taraqqiyot markaziga aylanadi,
– dedi Prezidentimiz.

https://www.facebook.com/PressSecretaryUZ| https://www.instagram.com/press_secretary_uz/| https://x.com/Sherzod_Asadov

BBA Surxondaryo viloyati bo'limi

30-avg, 2026, 23:49

📷 Photo

Davlatimiz rahbari 1991-yilda xalqimizning xohish-irodasi va qat’iyati bilan davlat mustaqilligi qo‘lga kiritilganini ta’kidladi.

Buyuk istiqlolimiz ildizlari uch ming yildan ziyod davlatchilik an’analarimiz va qadimiy sivilizatsiyamiz tarixiga borib taqaladi.

Birinchi va Ikkinchi Renessans davrida Muhammad al-Xorazmiy, Ahmad Farg‘oniy, Abu Rayhon Beruniy, Abu Ali ibn Sino, Mirzo Ulug‘bek va Mir Alisher Navoiy kabi buyuk allomalarimiz bashariyat tafakkuri xazinasini boyitgani qayd etildi.

Sohibqiron Amir Temur bobomiz barpo etgan davlat adolat va bunyodkorlik timsoli sifatida tarix zarvaraqlaridan munosib o‘rin olgani ta’kidlandi.

– Vatan ozodligi va milliy istiqlol yo‘lida jonini fido qilgan Behbudiy, Munavvarqori, Fitrat, Qodiriy, Cho‘lpon kabi jadid bobolarimizning hurriyat haqidagi orzu-niyatlari bugun Yangi O‘zbekistonda to‘liq ro‘yobga chiqmoqda.

Mustaqillik bizga shon-u sharafimiz, muqaddas dinimiz, ona tilimiz va unutilayotgan milliy qadriyatlarimizni qaytarib berdi. Istiqlol tufayli biz o‘zligimizni anglab, ulug‘ ota-bobolarimizning munosib vorislari ekanimizni butun dunyoga namoyon etdik,
– dedi davlatimiz rahbari.
https://www.facebook.com/PressSecretaryUZ| https://www.instagram.com/press_secretary_uz/| https://x.com/Sherzod_Asadov

BBA Surxondaryo viloyati bo'limi

30-avg, 2026, 23:49

📷 Photo

#OnlaynTest
#Aprobatsiya2026

〰️〰️〰️〰️〰️〰️

Boshlang'ich taʼlim oʻqituvchilarining bilim darajasi va pedagogik mahoratini aniqlash va ularga sertifikat berish bo'yicha

🇺🇿 Oʻzbekiston Respublikasi Vazirlar Mahkamasining 2026-yil
29-iyuldagi 411-son qarorida belgilangan topshiriqlar ijrosini ta’minlash maqsadida boshlangʻich taʼlim oʻqituvchilarining bilim darajasi va pedagogik mahoratini aniqlash hamda ularga sertifikat berish tizimini yo'lga qo'yish ishlari bosqichma-bosqich amalga oshirilmoqda.

📆 Mazkur ishlar doirasida Bilim va malakalarni baholash agentligi tomonidan 2026-yil 28-avgust kuni boshlang'ich ta'lim oʻqituvchilarini sertifikatlashga oid test sinovlarining aprobatsiyasi o'tkazildi.

👥 Test sinovlarining aprobatsiyasi Qoraqalpog‘iston Respublikasi, viloyatlar va Toshkent shahrida tashkil etilib, “Onlayn test” axborot tizimi orqali amalga oshirildi.

✅ Agentlikning rasmiy sahifalari:
https://t.me/BaholashUz | https://www.facebook.com/dtmuzb/ | https://instagram.com/dtmuzb/ | https://www.youtube.com/@BaholashUz

BBA Surxondaryo viloyati bo'limi

21-may, 2026, 07:03

📷 Photo

#Sayyor_qabul #Yoshlar_kuni

Agentlik rahbarining Sirdaryoda fuqarolar va yoshlar bilan uchrashuvi boʻlib oʻtadi

😎 Bilim va malakalarni baholash agentligi tomonidan “Mahallani rivojlantirish va jamiyatni yuksaltirish” yili, “Oʻzbekiston – 2030” hamda "Yangi Oʻzbekiston yoshlari – 2030" strategiyalari doirasida hududlarda ochiq muloqotlar, sayyor qabullar hamda “Yoshlar kuni” munosabati bilan yoshlar bilan uchrashuvlar tashkil etib kelinmoqda.

👩‍👩‍👦 Fuqarolarning murojaatlarini joyida koʻrib chiqish, muammolarini tahlil qilish va hal qilish, abituriyentlar hamda ularning ota-onalarini qiziqtirgan savollarga javob berish, shuningdek, yoshlar bilan ochiq va samimiy muloqot oʻtkazib, ularning tashabbuslarini qoʻllab-quvvatlash, fikr va takliflarini tinglash asosiy maqsadi hisoblanadi.

🧿 Navbatdagi "Sayyor qabul" va "Yoshlar kuni"ga bagʻishlangan tadbir Bilim va malakalarni baholash agentligi direktori Karimov Madjit Malikovich ishtirokida Sirdaryo viloyatida, Agentlikning viloyatdagi binosida oʻtkaziladi.

📅 Sana: 21-may

🕚 Vaqt: 11:00

📱 Manzil: Sirdaryo viloyati, Guliston shahri, 4-mavze, "Buyuk kelajak" massivi.

🗺 Mo‘ljal: Yoshlar markazi binosi, Viloyat arxivi, Guliston davlat pedagogika instituti.

👫 Barcha yoshlar, abituriyentlar va fuqarolarni mazkur uchrashuv va ochiq muloqotda faol ishtirok etishga taklif etamiz!

✅ Agentlikning rasmiy sahifalari:
https://t.me/BaholashUz | https://t.me/BaholashUz  | https://t.me/BaholashUz| https://t.me/BaholashUz

BBA Surxondaryo viloyati bo'limi

21-may, 2026, 07:03

📎 File

Xorijiy davlatlarda ta'lim olganlik haqidagi hujjatlarni tan olish (nostrifikatsiya) bo‘yicha navbatdagi test sinovlari 2026-yil 21-may kuni o‘tkaziladi.

📋 Test sinovida ishtirok etishi belgilangan talabgorlar ro‘yxati, test topshiradigan fanlar va test topshirish hududi bilan yuqoridagi PDF faylda tanishish mumkin ( http://my.gov.uz/ sayti yoki Davlat xizmatlari markazlari orqali ro‘yxatdan o‘tishda topshirgan ariza raqami orqali).

❗️ Talabgorlar imtihon o‘tkaziladigan binoga belgilangan vaqtdan kechikmagan holda shaxsini tasdiqlovchi hujjat (pasport yoki ID-karta) bilan kelishlari lozim.

🖋Izoh: Talabgorlar turli sabablarga ko'ra test topshirish hududini yoki test topshirish tilini o'zgartirish uchun https://t.me/NostrifikatsiyaBBA_bot manzili orqali (ariza raqami, ism, familiya va sharifini keltirgan holda) murojaat qilishlari mumkin.

92

BBA Surxondaryo viloyati bo'limi

21-may, 2026, 07:03

📷 Photo

#Qonunchilikdagi_yangiliklar

Alisher Navoiy nomidagi xalqaro o‘zbek tili olimpiadasi tashkil etiladi

Vazirlar Mahkamasining 2026-yil 18-maydagi 250-son qarori bilan “Alisher Navoiy nomidagi xalqaro o‘zbek tili olimpiadasini tashkil etish va o‘tkazish tartibi to‘g‘risida”gi nizom https://lex.uz/docs/8201065.

Xalqaro olimpiadaning maqsadi xorijiy davlatlarda o‘zbek tili yoki xorijiy tillarda ta’lim olayotgan maktab o‘quvchilari o‘rtasida o‘zbek tilini o‘rganishni keng targ‘ib qilish va xorijiy davlatlarda o‘quvchilarning o‘zbek tilini chuqur o‘rganishga qiziqishlarini oshirishdan iborat.

Nizomga ko‘ra, xalqaro olimpiadada 14-18 yoshdagi chet elda istiqomat qiluvchi vatandosh bo‘lgan maktab o‘quvchilari yakka yoki jamoaviy tarzda ixtiyoriy ravishda ishtirok etadi.

Xalqaro olimpiada har yili oktyabr oyigacha 2 bosqichda (test topshiriqlari va yozma ish shaklida) o‘tkaziladi.

Ishtirokchilar jamoaviy yoki yakka tartibda offlayn va onlayn shaklda ishtirok etishlari mumkin.

Xalqaro olimpiada g‘oliblari Respublika oliy ta’lim tashkilotlarining “Filologiya va tillarni o‘qitish: o‘zbek tili va adabiyoti” ta’lim yo‘nalishlariga umumiy qabul kvotasidan tashqari davlat granti asosida o‘qishga qabul qilinadi.

✅ Agentlikning rasmiy sahifalari:
https://t.me/BaholashUz | https://www.facebook.com/dtmuzb/ | https://instagram.com/dtmuzb/ | https://www.youtube.com/@BaholashUz

BBA Surxondaryo viloyati bo'limi

21-may, 2026, 07:03

📷 Photo

Nostrifikatsiya bo‘yicha imtihon bo‘lib o‘tadi

🗓 2026-yil 21-may kuni xorijiy davlatlarda ta'lim olganlik haqidagi hujjatlarni tan olish (nostrifikatsiya) bo‘yicha test sinovlari o‘tkaziladi.

📋 Talabgorlar http://my.gov.uz/ sayti yoki Davlat xizmatlari markazlari orqali ro‘yxatdan o‘tishda topshirgan ariza raqami yordamida test sinovida ishtirok etishi belgilangan talabgorlar ro‘yxati (ariza raqamlari ko‘rsatilgan), test topshiradigan fanlar va test topshirish hududlari bilan ushbu https://t.me/NostrifikatsiyaBBAda tanishishlari mumkin.

🆔 Talabgorlar imtihon o‘tkaziladigan binoga belgilangan vaqtdan kechikmagan holda shaxsini tasdiqlovchi hujjat (pasport yoki ID-karta) bilan kelishlari lozim.

❗️ Izoh: Talabgorlar turli sabablarga ko'ra test topshirish hududini yoki test topshirish tilini o'zgartirish uchun https://t.me/NostrifikatsiyaBBA_bot manzili orqali (ariza raqami, ism, familiya va sharifini keltirgan holda) murojaat qilishlari mumkin.

✅ Agentlikning rasmiy sahifalari:
https://t.me/BaholashUz | https://www.facebook.com/dtmuzb/ | https://instagram.com/dtmuzb/ | https://www.youtube.com/@BaholashUz

BBA Surxondaryo viloyati bo'limi

21-may, 2026, 07:03

📷 Photo

#Prezident_tashrifi

Prezidentimiz ayni vaqtda Boku shahrida bo'lib turibdi

Oʻzbekiston Respublikasi Prezidenti Shavkat Mirziyoyev BMTning Aholi punktlari boʻyicha dasturi shafeligida Boku shahrida oʻtkazilayotgan Butunjahon urbanizatsiya forumining 13-sessiyasi ochilish marosimida https://president.uz/oz/lists/view/9223.

Forum kun tartibidan shaharlarni barqaror rivojlantirish, aholini zamonaviy va arzon uy-joy bilan taʼminlash, shahar muhiti sifatini oshirish, iqlim barqarorligini mustahkamlash, ijtimoiy va transport infratuzilmasini rivojlantirish hamda uy-joyni moliyalashtirish mexanizmlarini takomillashtirish masalalari oʻrin olgan.

Shuningdek, Oʻzbekiston Prezidenti forum doirasidagi Yetakchilar sammitida nutq soʻzladi.

Prezidentimiz oʻz nutqi davomida:

shaharlarni rivojlantirishda “mutanosib urbanizatsiya” tamoyilini keng joriy etish;
shahar boshqaruvida texnologiya, standartlar va tajribalarni tizimli almashishga qaratilgan xalqaro “Aqlli va xavfsiz shaharlar alyansi”ni tuzish;
kelgusi yilda Samarqand shahrida uy-joy qurilishiga moliya va investitsiyalarni jalb etishdagi yangicha yondashuvlar yuzasidan xalqaro forum oʻtkazish;
global iqlim oʻzgarishlarini inobatga olgan holda “yashil shaharlar”ni barpo etishning umumiy tamoyillari va standartlarini qabul qilish;
shaharlarning tabiat bilan uygʻun rivojlanishini ragʻbatlantirish maqsadida BMT-Habitatning “Yashil shahar” xalqaro mukofotini taʼsis etish;
butunjahon urbanizatsiya forumining 15-sessiyasini 2030-yilda Yangi Toshkent shahrida oʻtkazishni va uning bosh mavzusini “Shaharlarning barqaror rivojlanishida mahalla institutining oʻrni” deb nomlash

kabi takliflarni https://president.uz/oz/lists/view/9224.

✅ Agentlikning rasmiy sahifalari:
https://t.me/BaholashUz | https://www.facebook.com/dtmuzb/ | https://instagram.com/dtmuzb/ | https://www.youtube.com/@BaholashUz

BBA Surxondaryo viloyati bo'limi

21-may, 2026, 07:03

📷 Photo

〰️〰️〰️

Chet tilidan malaka imtihonlari davom etadi

😎 Bilim va malakalarni baholash agentligi tomonidan avval https://t.me/BaholashUz chet tillaridan malaka imtihonlarining yozma va gapirish bosqichlari bo‘lib o‘tmoqda.

✏️ Imtihonlarning yozma bosqichi 2026-yil 16-17-may kunlari Qoraqalpog‘iston Respublikasi, viloyatlar va Toshkent shahrida tashkil etildi.

👫 Ularda salkam 52 ming nafar talabgor ishtirok etgan bo‘lsa, shulardan 129 nafari amaldagi tartib-qoidani buzgani uchun jarayondan chetlatildi.

🎙 Mazkur imtihonning yozma bosqichi yana 23-24- va 30-31-may kunlari o‘tkazilishi belgilangan. Gapirish ko‘nikmasini baholash bosqichi esa may oyida dam olish kunlari ko‘pligi bois 5-maydan boshlangan bo‘lib, 12-iyunga qadar davom etadi.

❗️ Shu o‘rinda chet tillaridan malaka imtihonlari topshiradigan talabgorlarga imtihon o‘tkaziladigan binoga har qanday taqiqlangan vositalarsiz kelishlarini, faqat o‘z bilimlariga tayanishlarini so‘raymiz.

🌐 Imtihon natijalari VMQ-73 son qarorida belgilangan tartibga muvofiq e’lon qilinadi.

✅ Agentlikning rasmiy sahifalari:
https://t.me/BaholashUz | https://www.facebook.com/dtmuzb/ | https://instagram.com/dtmuzb/ | https://www.youtube.com/@BaholashUz

BBA Surxondaryo viloyati bo'limi

21-may, 2026, 07:03

🎥 Video

"8 yoshdaman, 4 yoshimdan ingliz tilini o'rganaman..."!
Bugun Bilim va malakalarni baholash agentligi Sirdaryo viloyati bo‘limida tashkil etilgan chet tilini bilish darajasini aniqlash bo‘yicha malaka imtihonida 8 yoshli Xamroyev Ibrohim Anvarjon o'g'li imtihon topshirdi. Bu hozirga qadar mazkur tizimda imtihon topshirgan eng yosh talabgor sifatida qayd etildi.

Yosh talabgor bilan suhbatni tomosha qiling. Kishida bevosita havas uyg‘otadigan samimiyat, bilimga chanqoqlik va intiluvchanlik uyg‘unligi.

Bundan avval 10 yoshli talabgor ingliz tilidan malaka imtihonida ishtirok etib, natijaga ko‘ra C1 darajadagi sertifikatga ega bo‘lgani to‘g‘risida https://t.me/BBAAndijon.

✅ Agentlikning rasmiy sahifalari:
https://t.me/BaholashUz | https://www.facebook.com/dtmuzb/ | https://instagram.com/dtmuzb/ | https://www.youtube.com/@BaholashUz

BBA Surxondaryo viloyati bo'limi

21-may, 2026, 07:03

📷 Photo

#Prezident #tashrif

Oʻzbekiston Respublikasi Prezidenti Shavkat Mirziyoyev Ozarbayjon Respublikasi Prezidenti Ilhom Aliyevning taklifiga binoan amaliy tashrif bilan Boku shahriga https://president.uz/oz/lists/view/9221.

✅ Agentlikning rasmiy sahifalari:
https://t.me/BaholashUz | https://www.facebook.com/dtmuzb/ | https://instagram.com/dtmuzb/ | https://www.youtube.com/@BaholashUz

BBA Surxondaryo viloyati bo'limi

21-may, 2026, 07:03

📷 Photo

#Kitobxonlik

Kitob mutolaasi – bilim manbai, tafakkur qanoti va ma’naviyat oynasidir

😎 Bilim va malakalarni baholash agentligida xodimlar o‘rtasida kitobxonlik madaniyatini keng targ‘ib qilish, ma’naviy muhitni yanada mustahkamlash hamda mutolaaga bo‘lgan qiziqishni oshirish maqsadida “Kitob o‘qish soati” tadbiri bo‘lib o‘tdi.

👫 Mazkur tadbirda agentlik xodimlari turli janrdagi badiiy, ilmiy-ommabop va ma’rifiy asarlar mutolaasi bilan shug‘ullanib, o‘qilgan kitoblar yuzasidan fikr va taassurotlari bilan o‘rtoqlashdilar. Ayniqsa, inson kamoloti, vatanparvarlik, ma’naviyat, liderlik va kasbiy rivojlanish mavzulariga bag‘ishlangan kitoblar beqiyosligi yana bir o‘z isbotini topdi.

📈 Albatta, kitob mutolaasi inson tafakkurini yuksaltiradi, dunyoqarashini kengaytiradi, nutq madaniyati va tahliliy fikrlash qobiliyatini rivojlantirishda alohida yetakchi o‘rin tutadi. Mutolaa insonni ezgulikka, izlanishga va doimiy o‘z ustida ishlashga undaydi.

📖 “Kitob o‘qish soati” nafaqat xodimlarning bo‘sh vaqtlarini mazmunli tashkil etish, balki ma’naviy muhitni yuksaltirish, o‘zaro fikr almashish va intellektual muloqotni kuchaytirishga ham xizmat qiladi.

✅ Agentlikning rasmiy sahifalari:
https://t.me/BaholashUz | https://www.facebook.com/dtmuzb/ | https://instagram.com/dtmuzb/ | https://www.youtube.com/@BaholashUz

BBA Surxondaryo viloyati bo'limi

21-may, 2026, 07:03

🎥 Video

#Xalqaro_sammit

Turkiston sammiti qadimiy tariximiz, muqaddas dinimiz, madaniy va ma’rifiy ildizlarimiz, qadriyat va an’analarimiz mushtarakligi, xalqlarimiz birligi va hamjihatligining yorqin timsoli bo‘ldi.

✅ Agentlikning rasmiy sahifalari:
https://t.me/BaholashUz | https://www.facebook.com/dtmuzb/ | https://instagram.com/dtmuzb/ | https://www.youtube.com/@BaholashUz

90

Showing 20 of 20 posts

No more posts