Bankxabar

Public

Qo'shila olmaysizmi? @bankxabar

98.9k A'zolar

Yangilangan: September 6, 2026 at 9:52 PM

Bankxabar

Банк ва молия янгиликлари — биринчи бизда! Ҳамкорлик ва тижорат масалалари бўйича: @Bankxabarbot Мурожаат учун: @Bankxabarbot

@bankxabar is a growing community focused on bankxabarbot and bankxabarbot and related topics

Reyting

Global reyting

#239006

+329

Til reytingi

#1209

-7

Toifa reytingi

#664

Obunachilar sonining o'sishi (Oxirgi 19 kun ichida)

Jami: 98.9K

24 soatlik o'sish: -880 1%

So'nggi postlar

Bankxabar

11-sen, 2026, 01:23

📷 Photo

🏦 AloqaBank халқаро майдонда навбатдаги нуфузли мукофотни қўлга киритди

8 сентябрь куни Сингапурда Осиё тараққиёт банкининг Trade and Supply Chain Finance Program (TSCFP) Awards тақдирлаш маросими бўлиб ўтди. Унда AloqaBank «Trade Deal of the Year» — «Йилнинг энг яхши савдо битими» мукофотига сазовор бўлди.

Бу ОТБнинг савдо ва таъминот занжирларини молиялаштириш дастуридаги энг муҳим мукофотлардан бири ҳисобланади. AloqaBank амалга оширган битим савдони ривожлантириш, бизнес фаоллигини қўллаб-қувватлаш ва янги иқтисодий имкониятлар яратишга хизмат қилиши билан юқори баҳоланган.

Эътиборлиси, бу ерда гап шунчаки банк фаолиятига берилган умумий баҳо ҳақида эмас. AloqaBank амалга оширган аниқ савдо битими ОТБ томонидан йилнинг энг яхши битими сифатида эътироф этилди.

Ўзбекистон банкининг халқаро майдонда шундай натижа қайд этиши, албатта, яхши янгилик. AloqaBank жамоасини нуфузли эътироф билан табриклаймиз!

👍Каналга уланиш👉🏻

10,100

Bankxabar

11-sen, 2026, 01:23

📷 Photo

Аҳоли бандлиги ва кичик бизнес учун янги имкониятлар яратилди

Бизнесни ривожлантириш банки АТБ ҳамда Кичик бизнесга кўмаклашиш марказлари томонидан 2026 йил 10 сентябрь куни Жиззах шаҳри, Конимех ва Жондор туманларида «Мини технологиялар ярмаркаси» ўтказилди.

Тадбирларда саноат, хизмат кўрсатиш ва қишлоқ хўжалиги йўналишларида 70 дан 90 тургача замонавий ва ихчам мини-ускуналар намойиш этилди.

Ярмаркаларда 1 200 нафардан ортиқ фуқаро, ёшлар ва бўлажак тадбиркорлар иштирок этди. Ҳоким ёрдамчилари ҳамда «маҳалла банкирлари» томонидан имтиёзли кредит ва лизинг шартлари бўйича тушунтиришлар берилди.

Шунингдек, тадбирлар давомида шартномалар расмийлаштирилиб, Жиззах шаҳрида 21 нафар, Конимех туманида 15 нафар, Жондор туманида 12 нафар фуқаронинг лойиҳалари қўллаб-қувватланиши таъминланди.

Ўтказилган ярмаркалар орқали аҳоли бандлигини таъминлаш, янги даромад манбаларини яратиш ва кичик бизнесни ривожлантириш учун қўшимча имкониятлар яратилди.

https://brb.uz/axborot-markazi/brb-hududlarda-mini-texnologiyalar-yarmarkalari-otkazdi

👍Каналга уланиш👉🏻

8,730

Bankxabar

11-sen, 2026, 01:23

📷 Photo

🏦 Forbes Халқ банкини дунёнинг энг самарали банклари қаторига киритди

Нуфузли Forbes нашри https://www.forbes.com/lists/worlds-top-performing-banks/ эълон қилди. Эътиборлиси, глобал рейтингдан Ўзбекистоннинг Халқ банки ҳам жой олди.

Forbes ва Statista ҳамкорлигида шакллантирилган рейтингга 89 та мамлакатдан 500 та банк киритилган. Халқ банки эса активлари 3 млрд доллардан 10 млрд долларгача бўлган банклар тоифасида эътироф этилган.

Бу шунчаки номинация эмас. Банкларни баҳолашда уларнинг сўнгги уч йиллик халқаро молиявий ҳисоботлари, аудит натижалари ва асосий молиявий кўрсаткичлари ҳисобга олинган. Хусусан, рентабеллик, ўсиш ва даромадлар сифати, капитал ва молиялаштириш барқарорлиги, активлар сифати ҳамда фаолият самарадорлиги баҳоланган.

Халқ банкининг Forbes глобал рейтингига кириши Ўзбекистон банк тизими учун ҳам яхши натижа. Бу мамлакатда банк-молия тизимини трансформация қилиш ва рақамлаштириш борасида амалга оширилаётган ислоҳотларнинг халқаро миқёсдаги амалий натижаларидан бири бўлди.

👍Каналга уланиш👉🏻

10,300

Bankxabar

11-sen, 2026, 01:23

📷 Photo

FINBROK орқали инвестиция қилиб 12 фоизлик солиқ имтиёзидан фойдаланиш мумкин

FINBROK жисмоний шахслар учун JETT платформаси орқали Шахсий инвестиция ҳисобварағини (ШИҲ) очиш имкониятини ишга туширди. Бу ҳисобварақ орқали Ўзбекистон фонд бозоридаги қимматли қоғозларга инвестиция киритиш билан бирга, белгиланган шартларда 12 фоизлик даромад солиғи имтиёзидан фойдаланиш мумкин.

ШИҲ оддий қилиб айтганда, жисмоний шахснинг Ўзбекистон фонд бозорида муомалага чиқарилган ва биржада савдога қўйилган қимматли қоғозларни сотиб олиши учун мўлжалланган махсус сўмдаги ҳисобварақ. Уни 18 ёшга тўлган Ўзбекистон фуқаролари очиши мумкин ва бир киши бир вақтнинг ўзида фақат битта ШИҲга эга бўлади.

☑️ Ҳисобварақ FINBROK ҳамкори бўлган JETT платформаси орқали очилади. Фуқаро иш ҳақи ёки бошқа даромадининг бир қисмини ушбу ҳисобвараққа йўналтириб, ундан фонд бозоридаги қимматли қоғозларни харид қилиш учун фойдаланиши мумкин.

Энг қизиқ жиҳати солиқ имтиёзида. Қонунчиликда белгиланган шартларга риоя қилинса, ШИҲга инвестиция учун йўналтирилган даромад қисмига 12 фоизлик жисмоний шахслардан олинадиган даромад солиғи бўйича имтиёз қўлланилиши мумкин.

Бунинг учун солиқ даври давомида ШИҲга киритиладиган маблағ 100 МҲТЭКМдан ошмаслиги, шунингдек, киритилган маблағлар 12 ой давомида ҳисобварақдан чиқарилмаслиги керак. Агар маблағ ёки қимматли қоғозлар белгиланган 12 ойлик муддатдан олдин чиқарилса, киритилган маблағларга тегишли тартибда солиқ солинади.

Яъни янги имконият орқали бир томондан фонд бозорига инвестиция қилиш, иккинчи томондан эса белгиланган шартларда 12 фоизлик солиқ имтиёзидан фойдаланиш мумкин.

😎 https://t.me/Finbrok_Official

Bankxabar

11-sen, 2026, 01:23

📷 Photo

Президент Шавкат Мирзиёев ташаббуси билан белгиланган вазифалар Асакабанк раҳбарияти томонидан ҳудудларда манзилли амалга оширилмоқда

Жорий йилнинг 3 сентябрь куни Президентимиз раҳбарлигида ўтказилган видеоселектор йиғилишида белгиланган вазифалар ижросини таъминлаш доирасида Асакабанк раҳбарияти ҳудудларга чиқиб, тадбиркорлар ва аҳоли билан бевосита иш олиб бормоқда. Мулоқотларда тадбиркорликни янада ривожлантириш, янги лойиҳаларни амалга ошириш, аҳоли бандлиги ва даромадларини ошириш масалаларига алоҳида эътибор қаратилмоқда.

Бунда банк раҳбарлари фақат тадбиркорлар билан учрашиб қолмасдан, туман штаблари, маҳалла банкирлари, ҳоким ёрдамчилари ва тегишли мутасаддилар билан биргаликда ҳудуддаги вазиятни ўрганиб, ҳар бир маҳалладаги имкониятлар, янги лойиҳалар ва аҳоли бандлигини таъминлаш бўйича амалий вазифаларни белгилаб олмоқда.

☑️ Асакабанк Бошқаруви раиси в.в.б С. Закиров Хоразм вилоятининг Хонқа ва Янгиариқ туманларида иш олиб борди. Тадбиркорлар билан очиқ мулоқотларда янги бизнес лойиҳалари, мавжуд корхоналарни кенгайтириш, молиялаштириш ва қўшимча иш ўринлари яратиш масалалари кўриб чиқилди. Шу билан бирга, туман штаблари, маҳалла банкирлари, ҳоким ёрдамчилари ва мутасаддилар билан маҳаллалар кесимидаги лойиҳалар ўрганилиб, аҳоли бандлигини таъминлаш ҳамда янги даромад манбаларини яратиш бўйича вазифалар белгилаб олинди.

☑️ Асакабанк Бошқаруви раиси ўринбосари С. Талибджанов Қорақалпоғистон Республикаси Нукус шаҳрида тадбиркорлар билан учрашиб, «Узункўл» ва «Ойдинжўл» МФЙларида жойига чиққан ҳолда манзилли ўрганишлар олиб борди. Туман штаби, маҳалла банкирлари, ҳоким ёрдамчилари ва масъуллар иштирокида тадбиркорларнинг мавжуд лойиҳалари, молиялаштиришга эҳтиёжи, бизнесни кенгайтириш имкониятлари ҳамда янги иш ўринлари яратишга қаратилган ташаббуслар кўриб чиқилди.

☑️ Асакабанк Бошқаруви раиси ўринбосари Ш. Хайруллаев Бухоро вилояти Олот туманида аҳоли ва тадбиркорлар билан сайёр қабул ўтказди. Кредитлаш, молиявий қўллаб-қувватлаш, бандлик ва янги бизнес ташаббуслари билан боғлиқ мурожаатлар жойида ўрганилди. Шунингдек, туман штаби, маҳалла банкирлари, ҳоким ёрдамчилари ва мутасаддилар билан биргаликда маҳаллалардаги лойиҳалар ва аҳоли бандлиги ҳолати таҳлил қилиниб, мурожаатларни тезкор ҳал этиш ҳамда истиқболли ташаббусларни молиялаштириш бўйича аниқ вазифалар белгилаб олинди.

☑️ Асакабанк Бошқаруви раиси ўринбосари Н. Пулатов Сурхондарё вилояти Олтинсой туманида тадбиркорлар ва аҳоли билан манзилли иш олиб борди. У ерда ҳам туман штаби, маҳалла банкирлари, ҳоким ёрдамчилари ва масъуллар билан биргаликда аҳолининг даромад манбаларини кенгайтириш, тадбиркорлик лойиҳаларини шакллантириш, уларни молиявий қўллаб-қувватлаш ва янги иш ўринлари яратиш имкониятлари ўрганилди.

☑️ Асакабанк Бошқаруви раиси маслаҳатчиси Алишер Боймуродов Навоий вилояти Учқудуқ туманида туман штаби ва масъуллар билан ҳудудда амалга оширилаётган ишларни муҳокама қилди. Ташриф давомида «Sifatli kaolin» корхонаси ҳамда «K-tungsten» хорижий корхонасининг 75 млн долларлик вольфрам лойиҳаси жойига чиққан ҳолда ўрганилди. Шу билан бирга, маҳалла банкирлари, ҳоким ёрдамчилари ва мутасаддилар иштирокида маҳаллаларда аҳоли бандлиги ва оилаларнинг мурожаатлари ҳам кўриб чиқилди.

☑️ Шунингдек, Жиззах вилояти Ғаллаорол ва Фарғона вилояти Тошлоқ туманларида ҳам Асакабанк масъуллари туман штаблари, маҳалла банкирлари, ҳоким ёрдамчилари ва мутасаддилар билан биргаликда аҳоли ҳамда тадбиркорлар билан манзилли иш олиб борди. Бухоро вилоятининг Когон, Вобкент ва Қоракўл туманларида эса Марказий банк раиси ва тижорат банклари раҳбарлари иштирокида тадбиркорлар ҳамда аҳоли мурожаатлари жойида ўрганилди.

Ҳудудлардаги ишларда асосий эътибор мурожаатларни шунчаки қайд этишга эмас, ҳар бир маҳалланинг имкониятини ўрганиш, истиқболли ташаббусларни аниқлаш, уларни молиялаштириш ва янги иш ўринларига айлантиришга қаратилмоқда.Бунда банк раҳбарияти, туман штаблари, маҳалла банкирлари, ҳоким ёрдамчилари ва бошқа мутасаддиларнинг ўзаро ҳамкорлиги муҳим ўрин тутмоқда.

👍Каналга уланиш👉🏻

Bankxabar

26-avg, 2026, 17:53

⚡️ Ўзбекистонда банкларни исломий молия хизматлари учун лицензиялаш бошланди, дастлаб исломий дарчалар очилиши кутилмоқда

Ўзбекистонда исломий банк хизматларини амалда жорий этиш бўйича муҳим босқич бошланди. Марказий банк исломий молия хизматларини кўрсатиш истагидаги тижорат банкларини лицензиялаш жараёнини бошлади. Бу ҳақда Марказий банк раиси ўринбосари Санжар Носиров http://youtube.com/watch?v=jm2fdI-4160&source_ve_path=OTY3MTQ&embeds_referring_euri=https://kun.uz/.

Янги тартибга кўра, икки хил лицензия берилади. Биринчиси тўлиқ исломий молия хизматларини кўрсатадиган алоҳида исломий банклар учун бўлса, иккинчиси амалдаги тижорат банкларига ўз таркибида «исломий дарча» очиб, исломий банк маҳсулотларини таклиф қилиш имконини беради.

Ҳозирча Ўзбекистонда ҳеч қайси банк бундай лицензия олмаган. Бироқ Марказий банк маълумотига кўра, лицензиялаш жараёнлари аллақачон кетмоқда ва дастлаб анъанавий банклар таркибида исломий дарчалар пайдо бўлиши кутилмоқда. Санжар Носировнинг фикрича, жараён чўзилмаса, 2026 йил охиригача илк исломий банк хизматлари таклиф қилина бошлаши мумкин.

Бу аҳоли учун ҳам янги имкониятларни очади. Хусусан, банкларда одатий депозитлар билан бир қаторда исломий молия тамойилларига асосланган инвестициявий омонатлар ҳам пайдо бўлади. Жумладан, мудораба ва вакала асосида банклар аҳолидан маблағ жалб қилиб, уни шариат талабларига мувофиқ инвестиция қилиши мумкин бўлади.

Шунингдек, муробаҳа, ижара, истисно ва бошқа исломий молия инструментлари учун алоҳида стандартлар ишлаб чиқилади. Хизматларни фақат банк офисларида эмас, балки мобил иловалар ва онлайн платформалар орқали ҳам олиш имкониятини яратиш режалаштирилган.

Янги тизимда назорат механизми ҳам белгиланмоқда. Марказий банк ҳузурида Исломий молия кенгаши, исломий хизматларни кўрсатадиган банкларнинг ўзида эса алоҳида кенгашлар фаолият юритиб, маҳсулот ва операцияларнинг исломий молия стандартларига мувофиқлигини назорат қилади.

, исломий банк фаолиятига ҳуқуқий асос яратган қонун 2026 йил 29 июлдан кучга кирган. Режага кўра, жорий йилда камида битта тижорат банкида исломий дарча фаолиятини йўлга қўйиш, 2026–2030 йилларда эса тўлиқ исломий банк фаолиятини амалга оширадиган иккита банк ташкил этиш кўзда тутилган.

👍Каналга уланиш:

Bankxabar

26-avg, 2026, 17:53

🎓 ТАЪЛИМ КРЕДИТИНИ ҚАНДАЙ ОЛИШ МУМКИН ВА ҚАЙСИ БАНКЛАР КОНТРАКТ ҲАМДА СУПЕР-КОНТРАКТ УЧУН КРЕДИТ БЕРМОҚДА?

☑️ Янги ўқув йили олдидан талабалар ва ота-оналар учун энг долзарб масалалардан бири — контракт тўловини молиялаштириш. Бугун Ўзбекистонда таълим учун давлат дастури доирасида имтиёзли кредит олиш имконияти мавжуд бўлиб, бундай кредитлар асосан йиллик 14 фоиз ставкада ажратилади.

☑️ Имтиёзли таълим кредити Ўзбекистондаги давлат, хусусий ва хорижий олий таълим ташкилотлари ҳамда уларнинг филиалларида кундузги таълим шаклида контракт асосида ўқиётган Ўзбекистон фуқароларига берилади. Кредит талабанинг ўзига, ота-онасига ёки васийсига расмийлаштирилиши мумкин.

☑️ Кредит миқдори талабанинг курси ва ўзлаштириш кўрсаткичига боғлиқ. 1-курс талабалари учун контракт суммасининг 100 фоизигача кредит ажратилади. 2-курс ва ундан юқори босқичда эса GPA 3,0 дан паст бўлса — контрактнинг кўпи билан 80 фоизи кредит ҳисобидан қопланади ва қолган 20 фоиз талаба томонидан олдиндан тўланади. GPA 3,0 ва ундан юқори бўлса — контрактнинг 100 фоизигача кредит олиш мумкин. “Ижтимоий ҳимоя ягона реестри”га киритилган оилалар аъзолари учун ҳам контракт суммаси тўлиқ миқдорда молиялаштирилиши мумкин.

☑️ Талабанинг GPA кўрсаткичи HEMIS, контракт ҳақидаги маълумотлар эса http://kontrakt.edu.uz/ тизимидан автоматик шакллантирилади. Шу сабабли ушбу маълумотларни алоҳида йиғиб юриш талаб этилмайди.

☑️ Имтиёзли таълим кредитининг яна бир муҳим жиҳати — ўқиш даврида асосий қарз тўланмайди. Асосий қарзни қайтариш ўқиш тугаганидан 6 ой ўтгач бошланади. Хотин-қизлар учун эса давлат дастури доирасидаги таълим кредити бўйича фоиз тўловлари Жамғарма маблағлари ҳисобидан қопланади, яъни белгиланган шартларга мувофиқ улар асосий қарзни қайтаради.

☑️ Ҳозир таълим кредитларини қатор банклар таклиф қилмоқда. Жумладан, Ўзмиллийбанкда — 13,5 йилгача, Агробанк ва Ўзсаноатқурилишбанкда — ўқиш муддати + 7 йил, Асакабанк ва Туронбанкда — ўқиш муддати + 7,5 йил, Халқ банкида — ўқиш муддати + 7 йил, Микрокредитбанкда — 15 йилгача, Ҳамкорбанкда — 7 йилгача, Orient Finans Bankда — ўқиш муддати + 90 ой, Бизнесни ривожлантириш банкида — ўқиш муддати + 6 ой + 7 йил, Алоқабанкда эса — 13,5 йилгача бўлган муддатлар назарда тутилган.

☑️ Кредит маблағи талабанинг қўлига ёки банк картасига берилмайди. Банк маблағни тўғридан-тўғри олий таълим муассасасининг ҳисоб рақамига ўтказади.

☑️ Кредит олиш учун асосан ариза, контракт шартномаси ва кредит таъминотига оид ҳужжатлар — кафиллик, гаров ёки суғурта полиси талаб қилинади. Банк ўз ички талабларидан келиб чиқиб қўшимча ҳужжатларни ҳам сўраши мумкин. “Ижтимоий ҳимоя ягона реестри”га киритилган оилалардаги хотин-қизлар учун эса таъминот бўйича алоҳида енгилликлар мавжуд.

☑️ Энг қулай томони — аризани банкка бормасдан онлайн топшириш ҳам мумкин. Бунинг учун https://talim-krediti.mf.uz/ ёки https://my.gov.uz/uz/service/677 орқали мурожаат қилиш мумкин. Жараённинг асосий қисми масофадан амалга оширилади, зарурат бўлса расмийлаштириш банкда якунланади.

☑️ Бундан ташқари, айрим банклар ўз маблағлари ҳисобидан алоҳида таълим кредитлари ҳам таклиф қилмоқда. Ушбу кредитларнинг асосий фарқи шундаки, улардан айрим ҳолларда супер-контракт тўловини қоплаш, шунингдек, кундузги таълимдан ташқари кечки ва масофавий таълим учун ҳам фойдаланиш мумкин.

☑️ Бироқ бу кредитлар давлат дастури доирасидаги имтиёзли таълим кредитларидан шартлари билан фарқ қилади. Уларда фоиз ставкалари юқорироқ бўлиб, йиллик 22 фоиздан 28 фоизгача етади. Шунингдек, асосий қарзни тўлаш ҳам одатда кредит расмийлаштирилганидан кейин бошланади, яъни қарз олувчи ҳар ой фоизлар билан бирга асосий қарзнинг бир қисмини ҳам тўлаб боради.

☑️ Масалан, Ўзмиллийбанкда 150 млн сўмгача 22–24 фоизда 3–5 йилгача, Ipak Yuli Bankда 50 млн сўмгача 24,9 фоиздан 3 йилгача, InfinBankда контракт суммасининг 100 фоизигача 26,99 фоизда 3 йилгача, Бизнесни ривожлантириш банкида 100 млн сўмгача 27–28 фоизда 2–4 йилгача, Алоқабанкда 100 млн сўмгача 25 фоиздан 5 йилгача таълим кредитлари таклиф этилмоқда. Ушбу кредитлар орасида супер-контракт тўловини молиялаштириш имконини берувчи маҳсулотлар ҳам мавжуд, аммо аниқ шартлар банк ва кредит маҳсулотига қараб фарқ қилади.

☝️Демак, оддий контракт тўлови учун биринчи навбатда 14 фоизли давлат дастури доирасидаги имтиёзли таълим кредити шартларини кўриб чиқиш мақсадга мувофиқ. Супер-контракт, кечки ёки масофавий таълим учун маблағ зарур бўлса, банкларнинг ўз маблағлари ҳисобидан таклиф қилинаётган таълим кредитларини солиштириб кўриш мумкин.

👍Каналга уланиш:

Bankxabar

26-avg, 2026, 17:53

📷 Photo

⚡️«Туронбанк» Ўзбекистон банклари орасида биринчи бўлиб рефакторинг амалиётини йўлга қўйди

Мустақиллигимизнинг 35 йиллиги арафасида «Туронбанк» тадбиркорлар учун янги молиявий имконият бўлган рефакторинг амалиётини жорий қилди. Банк маълумотига кўра, бу амалиёт Ўзбекистон банклари орасида биринчи марта йўлга қўйилмоқда.

☑️ Рефакторинг аввал факторинг орқали молиялаштирилган мажбуриятларни қайта молиялаштириш имконини беради. Бу орқали тадбиркор айланма маблағлардан фойдаланиш имкониятини янада кенгайтириши мумкин.

☑️ Хусусан, «Турон Факторинг» томонидан молиялаштирилган факторинг операцияларини рефакторинг қилишда 30 кунгача 2%, 31 кундан 60 кунгача 4%, 61 кундан 90 кунгача эса 6% тариф белгиланган.

«Туронбанк» бизнес учун молиялаштириш имкониятларини яна бир янги механизм билан кенгайтирди. Янги ечим, айниқса, айланма маблағларга эҳтиёжи бор тадбиркорларга мавжуд факторинг мажбуриятларини қайта молиялаштириш орқали қўшимча молиявий имконият яратади.

👍Каналга уланиш:

19,800

Bankxabar

26-avg, 2026, 17:53

📎 File

⚡️1 СЕНТЯБРДАН ЭЛЕКТРОМОБИЛЛАРГА ИМТИЁЗЛИ КРЕДИТЛАР БЕРИЛАДИ, ТЕХНИКУМ ЎҚУВЧИЛАРИ СТИПЕНДИЯ ОЛАДИ ВА “КАРЬЕРА” ПЛАТФОРМАСИ ИШГА ТУШАДИ

Президент Шавкат Мирзиёевнинг “Маҳаллани ривожлантириш ва жамиятни юксалтириш йили” Давлат дастурига оид билан 2026 йил 1 сентябрдан бир қатор янги тартиблар амалга киритилади.

☑️ Энг муҳим янгиликлардан бири — электромобил хариди учун имтиёзли автокредитлар жорий этилади. Фуқароларга электромобил сотиб олиш учун 16 фоизгача ставкада автокредит ажратиш назарда тутилган.

☑️ Шунингдек, техникумларда кундузги таълим шаклида ўқиётган ўқувчиларга стипендия тўлаш бошланади. Барча ўқувчиларга БҲМнинг 1 баравари миқдорида, яхши ўзлаштирган ҳамда танловларда ғолиб бўлган ўқувчиларга эса БҲМнинг 3 баравари миқдорида стипендия берилади.

☑️ Яна бир янгилик — талабалар ва битирувчиларни иш берувчилар билан боғлайдиган “Карьера” электрон платформаси ишга туширилади. Платформа орқали ёшлар бўш иш ўринларини, иш берувчилар эса ўзига керакли мутахассисларни онлайн тарзда топиши мумкин бўлади.

👍Каналга уланиш:

26,600

Bankxabar

26-avg, 2026, 17:53

🎥 Video

🏦 Turonbank Call-маркази хизмат сифати бўйича «Ideal» рейтингини олди

SNS Ratings рейтинг агентлиги баҳолаш натижаларига кўра, Turonbank Call-марказининг ўзбек тилида хизмат кўрсатиш сифати (uz) AAA — «Ideal» даражасида баҳоланди.

☑️ Баҳолашда операторларнинг мулоқот маданияти ва тезкорлиги, мижозларга хизмат кўрсатиш сифати ҳамда мурожаатларни самарали ҳал этиш каби мезонлар инобатга олинган.

☑️ Банкда мижозлар учун яна бир муҳим имконият — https://t.me/turonbankuz ҳам йўлга қўйилган. Ушбу хизмат эшитишида қийинчилиги бўлган мижозларга банк хизматларидан янада қулай фойдаланиш имконини беради.

⭐️ AAA — «Ideal» рейтинги Turonbank Call-марказида мижозларга сифатли ва тезкор хизмат кўрсатиш борасида олиб борилаётган ишларга берилган юқори баҳодир.

👍Каналга уланиш:

25,300

Bankxabar

26-avg, 2026, 17:53

📷 Photo

🏦 BRB "Silk Road Finance & Technology Forum"да кафт ва табассум орқали тўловни намойиш қилди

"Бизнесни ривожлантириш банки" АТБ 24-26 август кунлари Тошкентда ўтказилаётган Silk Road Finance & Technology Forumда иштирок этмоқда. Марказий банк ва Global Finance & Technology Network (GFTN) ҳамкорлигидаги ушбу тадбир Марказий Осиёда илк халқаро платформа бўлиб, регуляторлар, молия институтлари ва финтех вакилларини бирлаштирди.

Форумда банк ўз технологик компанияси BRB-TECH билан биргаликда энг сўнгги рақамли ечимларини тақдим этмоқда:

✍️ Биометрик тўлов: Стенднинг асосий намойиши — мижозга карта ёки смартфонсиз, фақат кафтини кўрсатиш ёки табассум орқали тўлов қилиш имконини берувчи, мамлакатимиз молия бозорида янги амалиёт сифатида оммага тақдим этилаётган ечим.
✍️ Эрта огоҳлантириш тизими: Кредит портфелидаги рискларни реал вақтда таҳлил қилиб, активлар сифати ёмонлашуви белгиларини аниқловчи восита.
✍️ AI ундирув тизими: Муаммоли қарзлар билан ишлашни автоматлаштирувчи, телефон музокараларини сунъий интеллект оператори мустақил олиб борадиган тизим.
✍️ "Biznes 24/7" ва CRM360: Юридик шахслар учун масофавий хизматлар платформаси ҳамда барча бизнес йўналишларини ягона тизимга бирлаштирувчи экотизим.
✍️ "Sherdor" премиум картаси: Тарихий меросга ишора қилувчи уникал дизайнли махсус маҳсулот.

Форум доирасида иштирокчилар, шунингдек, банкнинг тадбиркорликни молиялаштириш кўрсаткичлари — ажратилган кредитлар ҳажми, молиялаштирилган лойиҳалар сони ва яратилган иш ўринлари ҳақида ҳам батафсил маълумот олмоқдалар.

👍Каналга уланиш:

Bankxabar

26-avg, 2026, 17:53

🎥 Video

Biznesni boshlang, bank xarajatlarini esa keyinga qoldiring

📗 Agrobankning yangi mijozlar uchun “ https://agrobank.uz/uz/business/tariffs/zero” tarifi biznesni ortiqcha bank xarajatlarisiz boshlash imkonini beradi.

💲 Tarif narxi — 0 so‘m, amal qilish muddati — 180 kun.

📌 Dastlabki 6 oy davomida:

🔵 hisobvaraq ochish va Internet-bankingga ulanish bepul;
🔵 bitta korporativ karta taqdim etiladi;
🔵 hisobvaraqlar va korporativ karta o‘rtasidagi o‘tkazmalar uchun komissiya olinmaydi;
🔵 ish haqi va boshqa maqsadlar uchun naqd pul yechish bepul.

📗 Agrobank “ https://agrobank.uz/uz/business/tariffs/zero” tarifi — biznesni noldan boshlayotganlar uchun bank xizmatlari 0 so‘mdan.

🗓 7-oydan boshlab xizmatlar amaldagi standart tariflar asosida ko‘rsatiladi.

https://agrobank.uz/uz/business/tariffs/zero

📱 https://www.facebook.com/share/18SoUNBZWq/?mibextid=wwXIfr  📱 https://www.instagram.com/agrobank_biznes?igsh=enVtdDZkMDBwM2Nq&utm_source=qr 📱 Telegram

Bankxabar

26-avg, 2026, 17:53

📷 Photo

💳 БАНКЛАРДАН ТЕКИН ОЛСА БЎЛАДИГАН КАРТАЛАР
(Банкларнинг Бош офис масъул ходимлари томонидан берилган маълумот асосида тайёрланди)

🏦 Анорбанк: Mastercard Milliy, Mastercard Anor Black, Mastercard Anor Black Virtual, Uzcard Duo, Uzcard Kids, Humo Tria ( https://anorbank.uz/uz/cards/).

🏦 Ҳамкорбанк: Visa So‘m, Visa Classic, Visa Virtual, UnionPay Classic, Uzcard Moment, Humo (Ҳамкор иловаси орқали бепул).( https://hamkorbank.uz/uz/physical/bank-cards/).

🏦 Universal bank: UZCARD, UZCARD Moment, VISA Classic (UZS,USD), VISA Infinite ( https://universalbank.uz/cards)

🏦TBC Bank: TBC Salom, TBC Osmon, Visa Virtual https://tbcbank.uz/cards/.

🏦 Алоқабанк: VISA virtual, HUMO virtual, Innova card, ( https://aloqabank.uz/uz/private/plastic-cards/list/).

🏦 Азия Альянс Банк: HUMO Junior, HUMO Virtual, Uzcard Junior, Uzcard Virtual, Visa Junior, Visa Virtual, Mastercard Junior, Mastercard Virtual ва Uzcard MOMENT ( https://aab.uz/uz/private/plastic-cards/list/).

🏦 Халқ банки: Uzcard, Humo, Иш ҳақи ва стипендия лойиҳалари учун биринчи марта банк картасини очиш, Пенсия, нафақа учун бериладиган карталар биринчи марта олинганда ва муддати тугаганида қайта олиш бепул( https://xb.uz/page/physical-card).

🏦 Трастбанк: Humo, Uzcard, Uzcard kids, Mastercard Standart, Mastercard Gold карталари бепул ( https://trastbank.uz/uz/private/plastic-cards/list/).

🏦 Гарант банк: Kids card UZCARD, Kids card HUMO, Virtual karta – HUMO ( https://www.garantbank.uz/uz/news/oquv-yili-boshlanishi-munosabati-bilan-garant-bankidan-individual-dizayndagi-kids-card-ni-mutlaqo-bepul-oching).

🏦 “Туронбанк“ АТБ: Uzcard ва Humo банк картасини очиш барча турдаги мижозлар учун бепул
( https://turonbank.uz/uz/private/tariffs/).

🏦 Ориент Финанс Банк: Банк мобил иловаси орқали ариза берилган Moment, Uzcard, Humo, Mastercard Standard va Visa Classic хамда Virtual Uzcard, Humo, Mastercard Standard, Visa Classic, Барча турдаги виртуал карталар
( https://apps.apple.com/uz/app/ofb/id6443708765)

🏦 Агробанк: https://agrobank.uz/uz/person/cards/humo/virtual-humo ва https://agrobank.uz/uz/person/cards/uzcard/virtual-uzcard картаси.

🏦 Ўзмиллийбанк: UZCARD MOMENT, UzCard ва HUMO Virtual карталари ( https://nbu.uz/jismoniy-shaxslarga-debet-kartalar).

🏦 Ипак Йули Банк: Visa PUBG MOBILE, Woman Card, Visa Start Sum, "Imkoniyatlar kartasi" kredit kartasi, Uzcard Duo, Humo, Visa Virtual, Mastercard Virtual( https://ipakyulibank.uz/physical/kartalar).

🏦 Асакабанк: MC World, MC Platinum, Visa Red, Virtual MC, Virtual Humo( https://asakabank.uz/uz/physical-persons/cards?menu=9)

🏦 БРБ: Humo, Visa classic , Uzcard виртуал ҳамда иш ҳақи тўлов карталарини эмиссия қилиш ( https://brb.uz/jismoniy-shaxslarga/jismoniy-shaxslar-bank-tariflari) .

🏦 МКБАНК: UZCARD Kids картаси https://mkbank.uz/uz/private/plastic-cards/list/)

👍Каналга уланиш👉🏻

Bankxabar

26-avg, 2026, 17:53

📷 Photo

"Dolzarb 40 kunlik" tashabbusi: NBU Namangan viloyatida

Davlat rahbarining topshiriqlariga muvofiq, “ https://nbu.uz/yangiliklar/respublika-boylab-dolzarb-40-kun-otkazilmoqda_03_08_26?utm_source=Telegram_post&utm_medium=cpm&utm_campaign=NBU_reach_Telegram_post_tg_post_banner_cpm_audience_channel_pr&utm_content=uz” tashabbusi doirasida NBU vakillari tomonidan Namangan viloyati Turaqo‘rg‘on tumani "Olchin" tayanch mahallasida o'rganish amalga oshirildi.

◽️ Aholi va tadbirkorlarning muammo va takliflari o‘rganildi;
◽️ Mas’ul tashkilotlar bilan aniq chora-tadbirlar belgilandi;
◽️ Tadbirkorlikni rivojlantirish, yangi ish o‘rinlarini yaratish va mahallalarning iqtisodiy salohiyatini oshirishga e’tibor qaratildi.

NBU — doimo siz bilan birga!

https://www.instagram.com/nbu.official/ | https://www.facebook.com/uznbu | https://www.youtube.com/@nbu.official

Bankxabar

26-avg, 2026, 17:53

🇺🇿 Мустақиллик байрами учун «тўёна» бериш мавсуми бошланди

Шу кунларда, айниқса, давлат ташкилотларида Мустақиллигимизнинг 35 йиллиги муносабати билан ходимларни моддий рағбатлантириш, байрам пули ёки «тўёна» ажратиш бошланди.

P/S: Сахий ва кўнгли кенг иш берувчилар дуода қоладиган мавсум бу. Айниқса, байрам арафасида мактаб харажатлари ҳам кўпайишини ҳисобга олсак, ходимлар учун бундай тўёна айни муддао😉

Шунинг учун бу постни қайси группага юборишни ўзингиз биласиз 😁

👍Каналга уланиш:

23,300

Bankxabar

23-iyl, 2026, 00:38

📷 Photo

❓ Кредит шартномасида розилик бўлса ҳам, банк қарздорнинг ишхонаси ёки МФЙга хат юбориши мумкинми?

Бизга обуначилардан қизиқ савол келди. Кредит шартномасига кредит тўловлари ўз вақтида тўланмаса, банк қарзни ундиришга кўмаклашиш мақсадида қарз олувчининг ишхонаси ёки МФЙга хат юбориши мумкинлиги, қарз олувчи эса бунга қарши эмаслиги ҳақида шарт киритилган. Шундай ҳолатда банк ишхонага ёки МФЙга хат юбориши мумкинми?

☑️ Фуқаролик кодексининг https://lex.uz/docs/111189#:~:text=354-модда.Шартноматузишэркинлиги кўра, фуқаролар ва юридик шахслар шартнома тузишда эркин ҳисобланади. Шунинг учун тарафлар қонунга зид бўлмаган ҳар қандай шартни ўзаро келишув асосида шартномага киритишлари мумкин.

Демак, агар кредит олувчи шартномада банкнинг қарздорлик юзага келганда ишхонаси ёки МФЙга мурожаат қилишига аниқ розилик берган бўлса, бундай шарт тарафларнинг ўзаро келишуви сифатида баҳоланади.

☑️ Бироқ бу ерда яна бир муҳим жиҳат бор. Фуқаролик кодексининг https://lex.uz/docs/111189#:~:text=116-модда.Қонунчиликнингталабларигамувофиқбўлмаганбитимнингҳақиқийэмаслиги мувофиқ, қонунчилик талабларига зид бўлган шартлар ҳақиқий эмас ҳисобланади. Шу сабабли шартномадаги бундай банд банк сири, шахсий маълумотларни ҳимоя қилиш ва бошқа мажбурий қонун нормаларига зид келмаслиги керак.

☝️Шунинг учун шартномада розилик мавжудлигининг ўзи банкка ҳар қандай маълумотни чекловсиз тарқатиш ҳуқуқини бермайди. Банк бундай ҳолатларда ҳам қонунчиликда белгиланган талабларга тўлиқ риоя қилиши шарт.

👍Каналга уланиш👉🏻

Bankxabar

23-iyl, 2026, 00:38

📎 File

⚡️ЎЗБЕКИСТОНДА ИСЛОМИЙ БАНКЛАР ВА «ИСЛОМИЙ ДАРЧА» ОЧИШНИНГ ЯНГИ ТАРТИБИ КУЧГА КИРДИ

Марказий банк бошқарувининг «Банк фаолиятига рухсат бериш тартиби ва шартлари тўғрисидаги низомга ўзгартириш ва қўшимчалар киритиш ҳақида»ги қарори 2026 йил 20 июлдан кучга кирди.

Мазкур қарор билан Ўзбекистонда исломий банк фаолиятини ташкил этиш, лицензиялаш, бошқариш ва назорат қилишнинг тўлиқ ҳуқуқий механизми жорий этилди. Янги тартибга кўра:

☑️ Энди мавжуд тижорат банклари ҳам «исломий дарча» очиб, исломий банк хизматларини кўрсатиши мумкин. Бунинг учун Марказий банкдан тегишли лицензия олиниши ва белгиланган талаблар бажарилиши шарт.

☑️ Исломий банк фаолиятини амалга ошириш учун лицензия олишда тақдим этиладиган ҳужжатлар рўйхати аниқ белгилаб қўйилди. Улар қаторига банкнинг уч йиллик бизнес-режаси, исломий молия бўйича маҳсулотлар режаси, молиявий прогнозлар, таваккалчиликларни бошқариш режаси, бухгалтерия ҳисобини алоҳида юритиш имкониятлари ҳамда автоматлаштирилган банк тизимларига тегишли ўзгартиришлар ҳақидаги маълумотлар ҳам киритилди.

☑️ Банкларда Исломий молия кенгашини ташкил этиш мажбурий бўлади. Шунингдек, исломий молия масалалари бўйича махсус бўлинма ҳамда исломий молия бўйича ички аудит тизими ҳам ташкил этилиши шарт.

☑️ Исломий молия кенгаши аъзолари учун янги талаблар жорий этилди. Улар ислом ҳуқуқи (фиқҳ) соҳасида билимга эга бўлиши, араб тилини билиши ва араб тилидаги бирламчи манбаларни тушуниб таҳлил қила олиши лозим.

☑️ Кенгаш аъзоларининг камида учдан икки қисми Ўзбекистон Республикаси фуқароси бўлиши шарт.

☑️ Бир шахс бир вақтнинг ўзида иккидан ортиқ банкнинг Исломий молия кенгаши аъзоси бўла олмайди. Бундан фақат бир банк гуруҳига кирувчи банклар ёки махсус мувофиқлаштирувчи кенгашларда иштирок этиш ҳолатлари мустасно.

☑️ 2027 йил 1 июлдан бошлаб Исломий молия кенгашининг камида битта аъзоси AAOIFI томонидан тан олинган халқаро сертификатлардан бирига эга бўлиши шарт. Жумладан, CIPA, CSAA, CPSS, CPAAGE ёки CSE сертификатлари қабул қилинади.

☑️ Исломий банк фаолияти учун масъул раҳбар ходим, Исломий молия кенгаши раиси ва аъзолари ҳамда бошқа муҳим лавозимларга номзодлар Марказий банк билан мажбурий келишилади. Улар суҳбатдан ўтказилиб, ишчанлик обрўси, малакаси, билим ва кўникмалари, раҳбарлик тажрибаси ҳамда жамоавий яроқлилиги баҳоланади.

☑️ Марказий банк номзодни келишиш ёки рад этиш ҳақидаги қарорни қабул қилгандан кейин уч иш куни ичида банкка ёзма ёки электрон шаклда юборади.

☑️ Исломий банкларда шариат стандартларига мувофиқликни таъминлаш сиёсати, ички назорат, таваккалчиликларни бошқариш, бухгалтерия ҳисоби, ташқи аудит ва номувофиқ даромадларни хайрияга йўналтириш тартиблари ҳам мажбурий тарзда белгиланади.

☑️ Исломий молия кенгаши аъзолари, раҳбар ходимлар ва муҳим аҳамиятга эга ходимларнинг ваколати муддатидан олдин тугатилса ёки улар лавозимидан озод этилса, банк бу ҳақда белгиланган муддатларда Марказий банкни хабардор қилиши шарт.

👍Каналга уланиш👉🏻

Bankxabar

23-iyl, 2026, 00:38

📎 File

⚡️ Исломий банклар ва исломий молия хизматларини кўрсатувчи банкларда Исломий молия кенгаши ташкил этилади

Марказий банкнинг 2026 йил 8 июлдаги қарори билан «Тижорат банкларида корпоратив бошқарув тўғрисида»ги низомга исломий банк фаолиятига оид қўшимчалар киритилди.

☑️ Эндиликда исломий банкларда исломий молия кенгаши корпоратив бошқарувнинг алоҳида иштирокчиси сифатида белгиланади. Унинг аъзолари фаолиятини баҳолаш, узоқ муддатли мақсадларга эришганини таҳлил қилиш ва мукофотлаш масалалари ҳам банкнинг корпоратив бошқарув талаблари асосида амалга оширилади.

☑️ Шунингдек, исломий молия кенгаши аъзоларининг яқин қариндошлари ҳақидаги маълумотлар банкнинг электрон базасида юритилиб, мунтазам янгиланади. Бу манфаатлар тўқнашувининг олдини олишга қаратилган.

☑️ Банклар ўз расмий веб-сайтида исломий банк фаолиятини амалга ошириш ҳуқуқини берувчи лицензия, унинг берилган санаси, амал қилиши тўхтатилгани, тиклангани ёки чақириб олингани ҳақидаги маълумотларни ҳам очиқ эълон қилиши керак бўлади.

Қарор 20.07.2026 кундан кучга кирди.

👍Каналга уланиш👉🏻

27,000

Bankxabar

23-iyl, 2026, 00:38

📷 Photo

HUMO ва “IDEMIA Secure Transactions” ягона токенизация тизимини яратиш учун кучларни бирлаштиради

Парижда HUMO ва халқаро технологик компания “IDEMIA Secure Transactions” Ягона токенизация тизимини яратиш бўйича ҳамкорлик тўғрисида меморандум имзолади.

Лойиҳа EMVCo стандарти ва тўловлар хавфсизлигининг замонавий талабларига жавоб берадиган ўзининг кенгайтириладиган инфратузилмасини яратишни назарда тутади.

Платформа янги сервисларни ривожлантириш, халқаро рақамли ҳамёнлар билан интеграция қилиш ва HUMO карталаридан замонавий тўлов экотизимида фойдаланиш имкониятларини кенгайтириш учун мўлжалланган.

Ягона токенизация тизимини яратиш HUMO’нинг тўлов инфратузилмасини ривожлантиришга қаратилган узоқ муддатли стратегиясининг асосий босқичларидан бири ҳисобланади.

👍Каналга уланиш👉🏻

20,800

Bankxabar

23-iyl, 2026, 00:38

📷 Photo

РАСМИЙ ДАРОМАДГА ЭГА БЎЛМАГАН ЁКИ ЎЗИНИ ЎЗИ БАНД ҚИЛГАНЛАР УЧУН ИПОТЕКА КРЕДИТЛАРИ
(Банкларнинг Бош офис масъул ходимлари томонидан берилган маълумот асосида тайёрланди)

🏦 Ҳамкорбанк
(Бирламчи)
• Миқдори – 600 млн сўмгача
• Фоиз ставкаси – 17%-17,5%
• Муддати –  20 йилгача
• Бошланғич тўлов – 25%
https://hamkorbank.uz/uz/physical/mortgage/mortgage-new-build/?utm_campaign=mortgage-new-build_ru_product_catalog_button&utm_term=111131

(Иккиламчи)
• Миқдори – 1 млрд сўмгача
• Фоиз ставкаси – 26%-27%
• Муддати –  10 йилгача
• Бошланғич тўлов – 30%
https://hamkorbank.uz/uz/physical/mortgage/bank-mortgage/?utm_campaign=bank-mortgage_uz_product_catalog_button&utm_term=111134
📞 1256

🏦 Гарант банк
(Бирламчи)
• Миқдори –  Шартнома асосида
• Фоиз ставкаси – 30%
• Муддати –  120 ойгача
• Бошланғич тўлов – 50%
https://www.garantbank.uz/uz/ipotechnyj-kredit-makon1
📞 1326

🏦 Алоқабанк
(Бирламчи)
• Миқдори – 380-480 млн сўмгача
• Фоиз ставкаси – 17%
• Муддати –  20 йилгача
• Бошланғич тўлов – 15-20%
https://aloqabank.uz/uz/private/crediting/primary-mortgage/
📞 71 230 77 77

🏦 Апекс банк
(Бирламчи)
• Миқдори – 1,5 млрд сўмгача
• Фоиз ставкаси –25%
• Муддати –  10 йилгача
• Бошланғич тўлов – 25%
https://www.apexbank.uz/ru/customer/ipoteka-comfort/

(Иккиламчи)
• Миқдори – 1,5 млрд сўмгача
• Фоиз ставкаси – 25%
• Муддати –  10 йилгача
• Бошланғич тўлов – 25%
https://www.apexbank.uz/ru/customer/ipoteka-comfort/
📞 1881

🏦 Азия Альянс банк
(Бирламчи ва иккиламчи)
• Миқдори - 1 млрд 318 млн 400 минг сўмгача
• Фоиз ставкаси - 26% дан бошланади
• Муддати - 15 йилгача
• Бошланғич тўлов - 30%
https://www.aab.uz/uz/private/crediting/ipotechnyy-kredit/#calculation

(Бирламчи)
• Миқдори - 480 млн сўмгача
• Фоиз ставкаси - 17% дан бошланади
• Муддати - 20 йилгача
• Бошланғич тўлов - 15% дан бошланади
https://www.aab.uz/uz/private/crediting/ipotechnyy-kredit-novyy-dom/
📞 1270

🏦 БРБ
(Бирламчи)
• Миқдори – 470 млн. сўмгача
• Фоиз ставкаси –17%
• Муддати –  20 йилгача
• Бошланғич тўлов – 15-20 %
https://brb.uz/jismoniy-shaxslarga/ipoteka/birlamchi-ipoteka

(Иккиламчи)
• Миқдори - 4.12 млрд сўмгача
• Фоиз ставкаси - 22.9% дан 24% гача
• Муддати - 15 йилгача
• Бошланғич тўлов - 20%

(Иккиламчи)
• Миқдори - 800 млн сўмгача
• Фоиз ставкаси - 21% дан 21.9% гача
• Муддати - 15 йилгача
• Бошланғич тўлов - 25%
https://brb.uz/jismoniy-shaxslarga/ipoteka/ipoteka-na-lyuboe-zhile
📞 1254

🏦 Халқ банки
(Бирламчи)
• Миқдори –  480 млн сўмгача
• Фоиз ставкаси – 17 %
• Муддати – 20 йилгача
• Бошланғич тўлов – 20 %
https://xb.uz/page/farovon-hayot-ipoteka-kredit

(Иккиламчи)
• Миқдори –  1.2 млрд сўмгача
• Фоиз ставкаси – 23%
• Муддати – 15 йилгача
• Бошланғич тўлов – 25%
https://xb.uz/page/qulay-ipoteka-krediti
📞 1106

🏦 ЎзСҚБ
(Бирламчи)
• Миқдори – 480 млн сўмгача
• Фоиз ставкаси – 17%-18%
• Муддати –  20 йилгача
• Бошланғич тўлов – 15%дан
https://sqb.uz/uz/individuals/ipoteka/new-house-ipoteka-2-uz/

(Бирламчи ва Иккиламчи)
• Миқдори – 1,5 млрд сўмгача
• Фоиз ставкаси – 21%-24%
• Муддати –  20 йилгача
• Бошланғич тўлов 20%– 30%
https://sqb.uz/uz/individuals/ipoteka/mulk-ipoteka-uz/
📞 1180

🏦 Туронбанк
(Бирламчи ва иккиламчи)
• Миқдори –  1.648 млрд сўмгача
• Фоиз ставкаси – 24 %
• Муддати – 10 йилгача
• Бошланғич тўлов – 20-30 %
https://turonbank.uz/uz/private/crediting/ipoteka-krediti-yagona-oson/

(Бирламчи)
• Миқдори –  480 млн сўмгача
• Фоиз ставкаси – 17% дан бошланади
• Муддати – 20 йилгача
• Бошланғич тўлов – 20 %
https://turonbank.uz/uz/private/crediting/ipoteka-rasmiy-daromadsiz/
📞 1220

🏦 МКБанк
(Бирламчи ва иккиламчи)
• Миқдори – 800 млн сўмгача
• Фоиз ставкаси – 21.55% дан бошланади
• Муддати –  15 йилгача
• Бошланғич тўлов – 26% дан бошланади
https://mkbank.uz/uz/private/crediting/baxtli-makon-krediti/
📞 1285

🏦 Ипак Йўли Банки
(Бирламчи ва Иккиламчи)
• Миқдори – 1,5 млрд сўмгача
• Фоиз ставкаси – 23.9% дан бошлаб
• Муддати – 10 йилгача
• Бошланғич тўлов – 25% дан бошлаб
https://ipakyulibank.uz/physical/kreditlar/ipoteka/ipoteka-24

(Бирламчи)
• Миқдори – 480 млн сўмгача
• Фоиз ставкаси – 16,5% дан бошлаб
• Муддати – 20 йилгача
• Бошланғич тўлов – 15% дан бошлаб
https://ipakyulibank.uz/physical/kreditlar/ipoteka/yangi-qurilgan-uylarga-ipoteka
📞78 140 69 00

🏦 Ўзмиллийбанк
(Бирламчи)
Микдори - чекловларсиз
Фоиз ставкаси - 17%дан
Муддати - 20 йилгача
Бошлантич тулов - 25%
https://nbu.uz/jismoniy-shaxslarga-kreditlar/gibrid-ipoteka-krediti

(Иккиламчи)
Микдори - чекловларсиз
Фоиз ставкаси - 22%дан
Муддати - 20 йилгача
Бошлантич тулов - 25%дан
https://nbu.uz/jismoniy-shaxslarga-kreditlar/tijorat-ipotekasi

(Ремонт)
Микдори - 1 млрд. сумгача
Фоиз ставкаси - 22%дан
Муддати - 20 йилгача
Бошлантич тулов - 0%дан
https://nbu.uz/jismoniy-shaxslarga-kreditlar/rekonstruksiya-va-tamirlash
📞 (78) 147-61-34

🏦 Агробанк
(Бирламчи)
• Миқдори – 380-480 млн сўмгача
• Фоиз ставкаси – 17%
• Муддати –  20 йилгача
• Бошланғич тўлов – 15% дан бошланади
https://agrobank.uz/uz/person/loans/mortgage
📞1216

⏺

👍Каналга уланиш👉🏻

Bankxabar

23-iyl, 2026, 00:38

🎥 Video

NBU’da kichik biznes kreditlarini qayta moliyalashtirish

NBU tadbirkorlarga boshqa banklarda rasmiylashtirilgan kreditlarni qayta moliyalashtirish imkoniyatini taqdim etadi. Kredit YTTlar, xususiy korxonalar, MChJlar va boshqa yuridik shaxslar uchun mo‘ljallangan.

🔹 Summa — 500 mln so‘mgacha;
🔹 Muddat — 36 oygacha;
🔹 Stavka — yillik 23%;
🔹 Ta’minot — sug‘urta polisi;
🔹 So‘ndirish — annuitet to‘lovlar.

Batafsil ma’lumot — https://nbu.uz/kichik-biznes/kreditlar/qayta-moliyalashtirish?utm_source=Telegram_post&utm_medium=cpm&utm_campaign=NBU_reach_Telegram_post_tg_post_banner_cpm_audience_channel_microloan&utm_content=🇺🇿Bankxabar orqali.

https://t.me/nbu_business

22,200

Bankxabar

23-iyl, 2026, 00:38

🎥 Video

Kayan korxonasi Ofiyat turar-joy majmuasi qurilishini yakunlab, xonadonlar kalitlarini o‘z egalariga topshirishni boshladi.

60 oygacha foizsiz muddatli to‘lov hali ham amal qiladi. Kalitlarni bugunoq to‘lovni esa bosqichma-bosqich qilasiz. Bo‘sh xonadonlar oz qoldi.

Batafsil ma’lumot: 78 555 20 20

19,500

Bankxabar

23-iyl, 2026, 00:38

📎 File

⚡️ ИПОТЕКА КРЕДИТИ БЎЙИЧА СОЛИҚ ИМТИЁЗИ АВТОМАТИК ҚЎЛЛАНИЛАДИ, ДЕКЛАРАЦИЯ ТОПШИРИШ БЕКОР ҚИЛИНАДИ ВА ЁШ ОИЛАЛАРГА СУБСИДИЯСИЗ ҲАМ ИМТИЁЗ БЕРИЛАДИ

Вазирлар Маҳкамасининг тегишли қарори лойиҳаси жамоатчилик муҳокамасига қўйилди. Унга кўра, 2027 йил 1 январдан бошлаб ипотека кредити тўловлари учун бериладиган даромад солиғи имтиёзи фуқароларнинг аризасисиз, автоматик (проактив) тартибда қўлланилиши режалаштирилмоқда.

☑️ Ипотека бўйича солиқ имтиёзини олиш учун декларация топшириш, ҳужжат йиғиш ва алоҳида мурожаат қилиш талаб этилмайди.

☑️ Тижорат банклари, Иқтисодиёт ва молия вазирлиги ҳамда Солиқ қўмитаси ахборот тизимлари ўзаро маълумот алмашади ва имтиёз автоматик ҳисобланади.

☑️ Тижорат банклари ипотека кредити бўйича тўланган асосий қарз ва фоизлар ҳақидаги маълумотларни реал вақт режимида Солиқ қўмитасига юборади.

☑️ Ёш оилаларга ипотека кредити бўйича солиқ имтиёзи субсидия олинган-олинмаганидан қатъи назар қўлланилади.

☑️ Агар Солиқ қўмитаси шакллантирган маълумотлар билан фуқаро рози бўлмаса, http://my.gov.uz/, Электрон солиқ хизматлари портали ёки "Солиқ" мобил иловаси орқали қайта ҳисоблашни сўраши мумкин.

☑️ Ипотека ҳисобига сотиб олинган уй-жой давлат рўйхатидан ўтган кундан бошлаб 36 ой ичида сотилса ёки бошқа шахсга ўтказилса, солиқ имтиёзи бекор қилиниб, аввал қўлланган имтиёзлар қайта ҳисобланади.

◾️ Лойиҳага кўра, Солиқ қўмитаси 2026 йил 1 ноябрга қадар ушбу проактив хизматни Электрон солиқ хизматлари портали, "Солиқ" мобил иловаси ва http://my.gov.uz/ порталида ишга тушириши режалаштирилган.

👍Каналга уланиш👉🏻

Bankxabar

23-iyl, 2026, 00:38

📎 File

⚡️ 17 июлдан мол-мулк ва ер солиғи имтиёзларини олиш тартиби ўзгарди

Вазирлар Маҳкамасининг 389-сон қарори қабул қилинди. Унга кўра, 2026 йил 17 июлдан мол-мулк ва ер солиғи бўйича солиқ имтиёзларини олиш тартиби рақамлаштирилиб, фуқаролар учун анча енгиллаштирилди.

☑️ Энг муҳим янгилик шундаки, I ва II гуруҳ ногиронлиги бўлган шахсларга мол-мулк ва ер солиғи бўйича имтиёзлар Ижтимоий ҳимоя миллий агентлиги маълумотлари асосида проактив тартибда қўлланилади. Яъни, улардан солиқ органига алоҳида мурожаат қилиш ёки ҳужжат тақдим этиш талаб этилмайди.

☑️ Қолган имтиёзга эга фуқаролар эса солиқ инспекциясига бормасдан, Электрон солиқ хизматлари портали ёки ЯИДХП ( http://my.gov.uz/) орқали онлайн мурожаат қилиши мумкин.

☑️ Янги тартибга кўра, ЖШШИР, кадастр рақами, объект манзили, майдони ва бошқа асосий маълумотлар автоматик шакллантирилади. Фуқаро фақат имтиёз турини танлайди ва зарур ҳужжатларни PDF шаклида юклайди.

☑️ Шунингдек, мурожаат реал вақт режимида рўйхатга олинади, 2 иш кунида текширилади, кейинги 2 иш кунида қарор қабул қилиниб, 1 иш куни ичида натижа шахсий кабинет ёки ЯИДХП орқали юборилади. Яъни, бутун жараён кўпи билан 5 иш кунида якунланади.

👍Каналга уланиш👉🏻

26,000

Bankxabar

23-iyl, 2026, 00:38

📎 File

⚡️ Махсус валюта ҳисобварағидаги маблағларни бошқа халқаро валюта операциясига йўналтиришга расман рухсат берилди

Марказий банк томонидан «Ўзбекистон Республикасида валюта операцияларини амалга ошириш қоидалари»га тегишли ўзгартиришлар . Ушбу қарор 2026 йил 17 июлдан кучга кирди.

Эслатиб ўтамиз, канали мазкур ўзгариш лойиҳаси ҳақида 9 июль куни биринчи бўлиб . Энди ушбу норма расман кучга кирди.

☑️ Янги тартибга кўра, махсус валюта ҳисобварағига киритилган маблағлар аввалгидек буюртмада кўрсатилган мақсад учун сарфланади. Бироқ мижознинг режаси ёки эҳтиёжи ўзгарса, банкка қўшимча буюртма тақдим этиш орқали ушбу маблағни бошқа жорий халқаро валюта операцияси учун ҳам йўналтириши мумкин.

Бу ўзгариш тадбиркорлар ва ташқи иқтисодий фаолият иштирокчилари учун янада катта қулайлик яратади. Энди маблағни қайтариб олиш ёки янги маблағ киритиш ўрнига, белгиланган тартибда қўшимча буюртма расмийлаштириш орқали уни бошқа халқаро валюта операциясига йўналтириш имконияти пайдо бўлди.

👍Каналга уланиш👉🏻

31,100

Bankxabar

12-may, 2026, 01:00

🔖 Бугун барча ходимлар ишдан бир соат эртароқ кетиши мумкин

Бугун кўпчилик учун одатий иш кунидек туюлиши мумкин, лекин қонунчиликка кўра ходимлар ишдан бир соат эртароқ кетишга ҳақли. Чунки эртага — 9 май Хотира ва қадрлаш куни байрами.

Меҳнат кодексининг 187-моддасига асосан, ишланмайдиган байрам кунлари арафасида ҳар кунлик иш вақти камида бир соатга қисқартирилиши шарт ва бу норма барча ходимларга тегишли ҳисобланади.

Шунингдек, байрам муносабати билан тижорат банклари учун 9, 10 ва 11 май кунлари кетма-кет дам олиш кунлари ҳисобланади.

👍Каналга уланиш👉🏻

27,900

Bankxabar

12-may, 2026, 01:00

😌 БАНКЛАРНИНГ ТЕЛЕГРАМДАГИ РАСМИЙ САҲИФАЛАРИ

🏦 Марказий банк – https://t.me/centralbankuzbekistan;
🏦 Асакабанк – https://t.me/Asakabank_official;
🏦 Ўзмиллийбанк – https://t.me/nbu_official;
🏦 ЎзСҚБ – https://t.me/sqbuz;
🏦 Агробанк – https://t.me/AgrobankChannel;
🏦 Халқ банки – https://t.me/xalqbankinfo;
🏦 МКБанк – https://t.me/mikrokreditbank;
🏦 БРБ – https://t.me/brb_uzb;
🏦 Туронбанк – https://t.me/turonbankuz;
🏦 Алоқабанк – https://t.me/aloqabank;
🏦 Ипотекабанк – https://t.me/ipotekabankofficial;
🏦Пойтахт банк – https://t.me/bank_poytaxt;
🏦 Гарант банк – https://t.me/garantbankuz_official;
🏦 Ҳамкорбанк – https://t.me/Hamkorbankuz;
🏦 Ипак Йўли банки – https://t.me/ipakyulibankuz;
🏦 Зираат банк – https://t.me/ziraatbankuzbekistan;
🏦 Трастбанк – https://t.me/trustbankuz;
🏦 Ки Ди Би банк – https://t.me/kdbuzbekistan;
🏦 Азия Альянс банк – https://t.me/asiaalliancebank
🏦 Универсалбанк – https://t.me/myuniversalbank;
🏦 Капиталбанк – https://t.me/kapital24;
🏦 Даврбанк – https://t.me/davrbankuz;
🏦 Ориент Финанс банк – https://t.me/orientfinansbank;
🏦 Mybank – https://t.me/mybank_uzb;
🏦 Инфинбанк – https://t.me/Infin_bank_bot;
🏦 Тенге банк – https://t.me/Tengebankuz;
🏦 Ти Би Си банк – https://t.me/tbc_bank_uzb;
🏦 Анорбанк – https://t.me/anorbank;
💳 Узумбанк – https://t.me/uzumbank;
🏦 Апекс банк – https://t.me/apexbank_uzb;
🏦 Ҳаёт банк – https://t.me/hayotbank_uz;
🏦 Опен банк – https://t.me/openbank_uz;
🏦 Октобанк – https://t.me/Octobank_AJ;
👍 Авобанк – https://t.me/avouzbank;
✅ Валюта биржаси — https://t.me/uzceinfo;
🏛 Mарказий депозитарий — https://t.me/uzcsd.

📜 👈

.

▪️.

🔝 .

👍Каналга уланиш👉🏻

Bankxabar

12-may, 2026, 01:00

📷 Photo

🚀 https://amrkts.club/42gkKJl - savdo qilish uchun universal platforma!

Savdo qilish uchun:
- metallar
- indekslar
- valyuta juftliklari
- xom ashyo
- aksiyalar
- kriptovalyuta

Shuningdek, mavjud:
📊 Tahlillar
📚 O‘quv materiallari
📈 Savdo signallari
🗓 Iqtisodiy taqvim
🕌 G‘ayrioddiy foizlar va yashirin komissiyalarsiz Islom hisobvaraq’i

✔️ XABAR promokodi bilan boshlang‘ich depozitingizni ikki baravar oshiring.


AMARKETS da hisob oching - https://amrkts.club/42gkKJl

21,300

Bankxabar

12-may, 2026, 01:00

⚡️АҲОЛИНИНГ ЎЗ КАРТАЛАРИ ЎРТАСИДАГИ ПУЛ ЎТКАЗМАЛАРИ КОМИССИЯСИЗ БЎЛИШИ, “МОМЕНТ” КАРТАЛАР ЧИҚАРИЛИШИ ВА КЕШБЕК ДАРҲОЛ ТУШИШИ ЖОРИЙ ЭТИЛАДИ

Президент ҳузурида ўтказилган тақдимотда аҳоли ва тадбиркорларнинг эътирозларига сабаб бўлаётган айрим масалалар муҳокама қилиниб, уларни ҳал қилиш бўйича янги таклифлар кўриб чиқилиб унга .

Қайд этилишича, 2026 йил 1 апрелдан алкоголь ва тамаки маҳсулотлари, ёқилғи ҳамда 25 млн сўмдан ошадиган товар ва хизматлар учун тўловларни фақат нақдсиз шаклда амалга ошириш тартиби жорий этилган. Шу орқали нақдсиз ҳисоб-китоблар ҳажми сезиларли даражада ошган.

Масалан, март ойида ёқилғи сотиш бўйича кунлик ўртача тушум 102,7 млрд сўм бўлган бўлса, апрелнинг 1–22 кунларида бу кўрсаткич 113 млрд сўмга етган ва 10 фоиз ўсиш қайд этилган.

☑️ Айни пайтда аҳоли томонидан ўзларини банк карталари ўртасида пул ўтказишда комиссия олинаётгани бўйича норозиликлар билдирилмоқда. Ҳозирда 21 та банк ўз банкоматлари орқали шу банк картасини нақд пул билан тўлдиришни комиссиясиз амалга оширмоқда, бошқа банк карталари учун эса 3 фоизгача комиссия ундирилмоқда.

☑️ Шу муносабат билан жисмоний шахснинг ўзига тегишли турли банк карталари ўртасидаги Me2Me ўтказмаларни комиссиясиз қилиш таклифи илгари сурилди.

Қайд этилишича, Буюк Британия, Канада ва Бразилияда бундай ўтказмалар учун комиссия олинмайди, Россияда эса ойига 30 млн рублгача комиссиясиз амалга оширилади.

☑️ Шунингдек, 100 минг сўмдан 500 минг сўмгача бўлган эгаси кўрсатилмаган “момент” карталарни чиқаришни йўлга қўйиш ҳам таклиф қилинди.

☑️ Яна бир муҳим масала сифатида умумий овқатланиш, алкоголь, тамаки ва ёқилғи савдосида кешбекни чек скан қилинган заҳотиёқ банк картасига тушириш имкониятини яратиш имкони яратилади. Ҳозирда эса кешбек маблағини кейинги ойнинг 25 санасида ечиб олиш мумкин.

Каналга уланиш👉🏻

Bankxabar

12-may, 2026, 01:00

📷 Photo

Халқ банки ва Mastercard: Энди кредит ажратишда AI дан https://t.me/xalqbankinfo

Самарқандда ўтказилган ОТБ Бошқарувчилар кенгашининг йиғилиши доирасида Халқ банки ва Mastercard ўртасида имзоланган стратегик келишув банк секторидаги технологик пойганинг янги фазасини бошлаб берди. Бу ҳамкорлик шунчаки меморандум эмас, балки иккита муҳим йўналишда амалий ечимлар тақдим этиши билан диққатга сазовор.

Биринчидан, бозорга чиқарилаётган "Xalq Card" флагман маҳсулоти мижоз тажрибасини (UX) индивидуаллаштиришга қаратилган. Халқаро тажрибага таянган ҳолда яратилаётган ушбу карта нафақат тўлов воситаси, балки ҳар бир фойдаланувчининг эҳтиёжларидан келиб чиқиб мослашувчан имтиёзлар тақдим этувчи экотизим элементи бўлиши кутилмоқда.

Иккинчи ва энг муҳим йўналиш — кредит скорингига сунъий интеллектнинг (AI) жорий этилиши. Бу қадам инсон омилини камайтириш орқали кредит сўровларини сониялар ичида кўриб чиқиш ва рискларни "data-driven" таҳлил асосида минималлаштириш имконини беради.

Халқаро технологияларнинг бундай интеграцияси банкнинг технологик имижини ва бозордаги рақобатбардошлигини сезиларли даражада мустаҳкамлайди.

👍Каналга уланиш👉🏻

Showing 30 of 45 posts

Reyting

Kirish talab qilinadi

Foydalanuvchi sharhlari (0)

Hali sharhlar yo'q. Birinchi bo'lib tajribangizni baham ko'ring!

Tegishli Telegram kanallari

Loading recommended channels...

Bankxabar

Bankxabar

Reyting

Obunachilar sonining o'sishi (Oxirgi 19 kun ichida)

So'nggi postlar

Reyting

Foydalanuvchi sharhlari (0)

Tegishli Telegram kanallari

Hojimurodbankir

Asia Alliance Bank

Карьера в ANORBANK

Банк-молия ва финтехдаги тайинловлар

“Temiryo‘linfratuzilma” AJ Rasmiy kanali

Душанбе Сити Бонк

"TERMIZ MTU" filiali Rasmiy kanali

Markaziy bank

Tegishli Telegram kanallari

Hojimurodbankir

Asia Alliance Bank

Карьера в ANORBANK

Банк-молия ва финтехдаги тайинловлар

“Temiryo‘linfratuzilma” AJ Rasmiy kanali

Душанбе Сити Бонк

"TERMIZ MTU" filiali Rasmiy kanali

Markaziy bank

So'nggi postlar

Foydalanuvchi sharhlari (0)