27 марта память "ФЕОДОРОВСКОЙ" Иконы Божьей Матери.
Название своё икона получила от великого князя Ярослава Всеволодовича, отца святого Александра Невского, носившего в святом крещении имя Феодор в честь святого Феодора Стратилата.
Обретена она была, по преданию, его старшим братом, святым Георгием (Юрием) Всеволодовичем, в ветхой деревянной часовне близ старинного города Городца — позже на том месте был устроен Городецкий Феодоровский монастырь. Князь Ярослав-Феодор, ставший после гибели брата Великим князем Владимирским, в 1239 году торжественно перенес останки брата из Ростова в Успенский собор Владимира, а оставшейся от него иконой благословил своего сына, святого Александра Невского, вступившего в том же году в брак с полоцкой княжной.С тех пор Феодоровская икона Божией Матери стала моленным образом святого Александра, а после его смерти в память о нём была взята его младшим братом Василием, который умер в Костроме.
Сегодня икона Божией Матери «Феодоровская» постоянно находится в кафедральном Богоявленском соборе Костромы.
Тропарь, глас 4
Пpише́ствием честны́я Твоея́ ико́ны, Богоотpокови́це, /обpа́дованный днесь Богохpани́мый гpад Костpома́, /я́коже дpе́вний Изpа́иль к киво́ту Заве́та, /пpитека́ет ко изобpаже́нию лица́ Твоего́ /и воплоти́вшагося от Тебе́ Бога на́шего, /да Твои́м Ма́теpним к Нему́ пpедста́тельством/ пpи́сно хода́тайствуеши всем, /под сень кpо́ва Твоего пpибега́ющим, //миp и ве́лию ми́лость.
Кондак, глас 8
Благода́рственная принося́ще Ти, раби́ Твои́, Богороди́тельнице, о всех, /и́миже благоде́яла еси́ гра́ду на́шему, /из глубины́ души́ взыва́ем к Тебе́ и ми́ли ся де́ем: /не преста́ни, Влады́чице, /Ма́терними к Сы́ну Твоему́ и Бо́гу на́шему моли́твами/ подава́ти вся блага́я и спаси́тельная всем, /ве́рою и любо́вию вопию́щим Ти: //ра́дуйся, Де́во, христиа́н похвало́.
Величание
Велича́ем Тя, /Пресвята́я Де́во, /Богоизбра́нная Отрокови́це, /и чтим о́браз Твой святы́й, /и́мже то́чиши исцеле́ния //всем с ве́рою притека́ющим.
Молитва
О, Пресвята́я Влады́чице Богоро́дице и Присноде́во, Мари́е, еди́ная наде́ждо нам гре́шным! К Тебе́ прибега́ем и Тебе́ мо́лим, я́ко ве́лие и́маши дерзнове́ние пред ро́ждшимся от Тебе́ по пло́ти Го́сподем Бо́гом и Спаси́телем на́шим Иису́сом Христо́м. Не пре́зри слез на́ших, не возгнуша́йся воздыха́ний на́ших, не отри́ни ско́рби на́шея, не посрами́ упова́ния на́шего на Тя, но Ма́терними моле́нии Твои́ми умоли́ Го́спода Бо́га, да сподо́бит нас гре́шных и недосто́йных свободи́тися от грехо́в и страсте́й душе́вных и теле́сных, умре́ти ми́ру и жи́ти Ему́ еди́ному по вся дни живота́ на́шего. О, Пресвята́я Влады́чице Богоро́дице, путеше́ствующим спутеше́ствуй и огражда́й и охраня́й о́ныя, изба́ви плене́нных от плене́ния, свободи́ стра́ждущих от бед, уте́ши су́щих в печа́ли, ско́рбех и напа́стех, облегчи́ нищету́ и вся́ко злострада́ние теле́сное, и да́руй всем вся потре́бная к животу́, благоче́стию и жи́зни вре́менней.Спаси́, Влады́чице, вся стра́ны и гра́ды и сию́ страну́ и сей град, и́мже сия́ чудотво́рная и свята́я ико́на Твоя́ даде́ся во утеше́ние и огражде́ние, изба́ви я́ от гла́да, губи́тельства, тру́са, пото́па, огня́, меча́, наше́ствия иноплеме́нных, междоусо́бныя бра́ни, и отврати́ вся́кий гнев на ны пра́ведно дви́жимый. Да́руй нам вре́мя на покая́ние и обраще́ние, изба́ви нас от внеза́пныя сме́рти, и во вре́мя исхо́да на́шего предста́ни нам я́вльшися, Де́во Богоро́дице, и изба́ви нас от возду́шных мыта́рств, князе́й ве́ка сего́, сподо́би на Стра́шнем Суди́щи Христо́вем ста́ти одесну́ю, и соде́лай нас насле́дники ве́чных благ, да сла́вим вове́ки великоле́пое и́мя Сы́на Твоего́ и Бо́га на́шего со Безнача́льным Его́ Отце́м и Святы́м и Бла́гим и Животворя́щим Его́ Ду́хом, ны́не и при́сно и во ве́ки веко́в. Ами́нь.
#икона- Феодоровская икона Богоматери. XIII в. Богоявленский собор, Богоявленско- Анастасиин монастырь, Кострома, Россия.
канал Колокол 🔔
