Todavía no hay reseñas. ¡Sea el primero en compartir su experiencia!
Últimas publicaciones
Bizi Baratzea
7 abr 2026, 19:59
📷 Photo
Egun on! Jakoba Errekondoren gaurko lan berezia:
Zainzurien zarpak edo erpeak landatu
✅Martxo-apirilean zainzuri zarpa edo erpea landatzen da. Ilbeheran eta sustrai egunean onena.
✅Zainzuri zuria nahi baduzu 50 cm inguru sakon sartu. Berdeak, berriz, 25-30 cm nahikoa du.
✅Martxoa-ekaina artean jateko dira. Hala ere, lehen urtean ez jan, utzi sustrai erreserbak osatzen, 20 urtetan eman beharko du eta.
https://bizibaratzea.eus/garaiko-lanak
5,340
23
0
Bizi Baratzea
7 abr 2026, 19:59
📷 Photo
Egun on! Gaur Jakoba Errekondok aurkeztu dizkigu...
Barraskiloen eta bareen aurkariak
🐌 Bareek eta barraskiloek ikaragarrizko kalteak eragin ditzakete, batez ere udaberrian eta lurralde hezeetan. Hona bere aurkari natural batzuk.
🐸 Animaliak: arrabioa, apo, igel, sugandila, ehunzangoa, kakalardoak, sugegorria, dordoka, trikua, oiloa, ahatea, antzarra eta txoriak.
🍀 Uxatzen dituzten landareak ere badira, pare horrek ikusi ere egin nahi ez dituenak: erromeroa, izpilikua, ziapea, salbia, kaputxina, begonia eta geranioa.
Batetik eta bestetik izan zure baratzean.
4,880
28
Bizi Baratzea
7 abr 2026, 19:59
📷 Photo
Egun on! Gaur Jakoba Errekondok azaldu digu nola zaindu...
Suzko ezpata (Vriesea splendens)
✅ Etxe barruko landare hau erdi itzalean gustura bizi da. Ez leku ilunetan, ez eguzkiak zuzenean jotzen duenean.
✅ 12-22 °C artean mantendu.
✅ Beste landareen adar eta enborretan itsatsita bizi ohi da, eta ura eta elikagaiak eskuratzeko garrantzitsuagoak dira ingurua eta airea, lurra baino.
✅ Ureztatzeko, hosto arteko zuloa urez bete 2-3 astetik behin. Gelako tenperaturan dagoen ura erabili, euri-ura bada hobe. Lurra lehor antzean mantendu. Aire hezea maite du, beraz, berogailuetatik urrundu.
✅ Urtetan loratu gabe egon daiteke, eta loratzean hiltzen hasten da (1 edo 2 urte iraun ditzake). Tarte hau ugaltzeko baliatu.
✅ Ugaltzeko: Landarea loratu ondoren, ipurdian altsuma berriak sortu ohi ditu. Horietako bakoitza loreontzi batean landatu udan, luarra edo simaur ondua, goroldioa eta orbela nahastuta.
📸 Dani Blanco / ARGIA CC BY NC SA
➡️ Informazio osoa: Etxeko landareak liburuan https://labur.eus/kh3sy06z
5,450
Bizi Baratzea
7 abr 2026, 19:59
📷 Photo
Egun on! Hauxe Jakoba Errekondoren gaurko lan berezia:
Ongarri berdea erein, aza jendearentzako
Aza jendea abuztuan landatzen da, neguan jateko; Brusela aza ezik, hura ekaina-uztailean landatzen baita.
✅ Lurra prestatzeko, martxoa amaieran erein txirta edo zalkea, baba txiki beltxa eta erremolatxa.
✅ Babak txirtari eutsiko dio eta biek nitrogenoa ekarriko dute lurrera, eta erremolatxak lurra harrotu eta osatuko du.
✅ Uztailean ebaki edo zanpatu eta bertan utzi, abuztuko landaketarako prest.
https://bizibaratzea.eus/garaiko-lanak
5,920
21
Bizi Baratzea
7 abr 2026, 19:59
📷 Photo
🌼 Hauxe da Manuk eman digun arrazoia Bizi Baratzeako kide egiteko. Mila esker eta ongi etorri!
Zeuk ere batu nahi duzu Lurrari begiratzen diogunon komunitatera? http://eginbizibaratzea.eus/
5,600
12
Bizi Baratzea
7 abr 2026, 19:59
📷 Photo
(Azala eta posterra: Ione Larrañaga)
🎉Badator BIZI BARATZEA ORRIA
Eduki hauek dakartza:
🪻POSTERRA: Euskal Herriko orkidea basatiak 🌷(Jakoba Errekondoren testuekin)
🌈 Zer egin udaberrian baratzean (Jakoba Errekondo), basoan (Markel Arriolabengoa), haziekin (Kelo Arribas) eta sendabelarrekin (Garbiñe Larrea)
🪱 Zizareak: golde lan fina, lurraren atsegina eta nekazarien grina
🌽 Taloak bultza ote dezake bertako artoa?
🐸 Txantxikuak txistuka, ugal garaia dute-eta
Bizi Baratzeako eta ARGIAko kideek zuen etxera bidean duzue aldizkaria. Ez bazara, hemen aukera:
https://www.argia.eus/eginbizibaratzea
5,240
23
Bizi Baratzea
7 abr 2026, 19:59
📷 Photo
Egun on! Gaur Jakoba Errekondok azaldu digu...
Txandakatzea nola egin
Ba al dakizu zein den txandakatzea ondo egiteko tresna? Kaieran marraztutako baratzearen planoa. Taulenak identifikatu eta urteroko uzta jarraituko dugu.
1️⃣. urtea: ongarri organikoa eman eta barazki gosetiak jarri: porrua, aza, tomatea, patata.
2️⃣. eta 3️⃣. urteetan azenarioa edo erremolatxa bezala ondo usteldutako ongarrizaleak.
4️⃣. urtean ongarririk behar ez dutenak tipula, baratxuria edo babarruna. Hurrengoan berriro ongarria eman.
https://bizibaratzea.eus/garaiko-lanak
5,180
27
Bizi Baratzea
7 abr 2026, 19:59
🎥 Video
🎧 Aupa lagunok! Ez da lehen aldia txikori belarraz hitz egiten duguna, baina oraingoan abiapuntu bitxi batetik heldu diogu: Vogue aldizkariaren arabera modeloek erabiltzen dute sendabelar hau, eta mirariak egiten omen ditu. Artikulu honetako egiei eta gezurrei heldu, eta hankak lurrera ekartzen ahalegindu gara. ⤵️
https://www.argia.eus/multimedia/menda-bikoitza/txikori-belarra-berriz-ere
Gozatu!
6,080
13
Bizi Baratzea
7 abr 2026, 19:59
🎥 Video
EGONARRIA: Saguzarren misterioak
Ba al duzu saguzarrik inguruan? Atera berri dira lozorrotik eta kumeak jaiotzear dira...
🦇Izurriteak saihesteko lagun handiak dira, saguzar bakoitzak milaka eltxo jaten baititu gau bakarrean.
🦇Saguzarretan espezie ugaritasuna handia da, pentsa, ugaztun espezie basatien %20 dira saguzarrak, eta Euskal Herrian bertan 27 saguzar espezie ditugu.
🦇Espezie bakoitzak ditu bere elikatzeko eta bizitzeko ohitura oso bereziak, eta horiek ekarri dizkigu Naturtzaindiako kide den Naiara Corcuerak.
🦇Elkarte honek Euskal Herriko saguzarren gida eta Gipuzkoako kiropteroen atlasa ditu argitaratuak.
🎥Ikusi osorik: https://labur.eus/nyh7hhc9
5,580
23
Bizi Baratzea
7 abr 2026, 19:59
📷 Photo
Egun on! Jakoba Errekondoren gaurko aholkuek lagunduko digute lantzen...
Ziazerba finetan finena
🌱 Ziazerba hostoa barazki finenetakoa da. Erraz hazten da, baina goxoenak udaberrian eta udazkenean izaten dira. Uda bero eta argitsua ez zaio gustatzen.
🌱 Ongarri asko eskatzen du, berdin da zer, baina asko. Asko eta zaharra, ondu gabekorik ez eman.
🌱 Udaberrian lurra epeltzen hasi orduko erein, martxoa-apirilean; udazkenean irailean.
🌱 Errenkadatan erein, ugari sortzen bada ttikiak kendu eta gordinik jan. Hazten doazen eran gupidarik gabe jan, ez utzi zakartzen.
🌱 Hilebeterako jaten hasteko modukoa da. Hostoz hosto bildu, bakoitzari kanpoko aldeko hosto batzuk kenduz. Kontuz moztu, azkazalekin ebaki, sustraiak ez kaltetzeko.
🌱 Bakantzeko premia badago, tarteka landare osoa kendu. Nahi izatera landare osoa moztu daiteke, lur gainean 4 cm ingurura, eta berritu egingo da.
🌱 Uzta oparoa baduzu, zakartzen utzi gabe izoztu.
https://bizibaratzea.eus/garaiko-lanak
5,310
Bizi Baratzea
5 abr 2026, 16:21
📷 Photo
Egun on! Hauxe Jakoba Errekondoren gaurko trikimailua:
Aldaxkak eta dilista ura
✅ Aldaxkak erabilita landare berriak sortzeko garaia da.
✅ Adar indartsua, landatzeko lur gozoa eta toki egokia aukeratu.
✅ Tarte batean sustrairik gabe iraun beharko duenez, babesean jarri: ez eguzki, ez haize.
✅ Itsasteak bi lan ditu: mozterakoan egindako zauria itxi behar du eta sustraiak sortu. Bietarako hormonak behar ditu. Zelula berriak sortzeko hormona geuk eman diezaiokegu: Etxean erraz egin dezakegu dilistak erabilita.
Dilisten hormona ura egiteko:
1️⃣ eskukada bat ale gau batez litro bete uretan beratu
2️⃣ atera eta ura jaso
3️⃣ urasetutako aleak goata edo paper hezetan jarri
4️⃣ sustraiak agertu eta 2-3 zentimetro luze direnean moztu: dilistak organikora bota, sustraiak motrailuan birrindu eta beratzeko ur hartan sartuta beste gau batez eduki.
✅ Horra hormona ura. Aldaxka ureztatzeko urari zorrotada bat hormona ura erantsi.
https://bizibaratzea.eus/garaiko-lanak
5,150
Bizi Baratzea
5 abr 2026, 16:21
📷 Photo
Egun on! Hauxe Jakoba Errekondoren gaurko lan berezia:
Belarra ereiteko zortzi urratsak
Belarra ereiteko bi garai dira nagusiak: martxoa-apirila eta iraila.
1️⃣ Burdinazko eskuarearekin lurrazala aretu.
2️⃣ Hazia zabaldu, ahalik eta berdinen. Nahasketaren arabera 20-40 gr/m2.
3️⃣ Eskuarea pasa berriro, haziak zertxobait lurperatzeko.
4️⃣ Gainetik luar edo simaur hauts geruza arin bat jarri.
5️⃣ Nahi izatera alferra pasa, zanpatzeko eta hazia lurrari itsasteko. Ez da beharrezkoa, ondorengo ureztaketak lan hori egingo baitu.
6️⃣ Belarrak jaiotzen ari direnean sustraiak oso axalean dituzte eta ureztaketa zaindu. Ura gutxi eta maiz eman, lurrazala lehortu ez dadin.
7️⃣ 10-12 cm inguru dituen arte ez moztu, eta aho zorrotza duen makinarekin egin. Landaretxoak hala moduz helduta egongo dira lurrari eta makina kamutsen batekin eginez gero, landare osoa aterako dugu lurretik. Ebakitakoan zabaltzeko joera indartzen da.
8️⃣ Nahi izatera, ongarri pixka bat gehiago eman uda aurretik.
