မြန်မာ့ဂုဏ် သတင်းမီဒီယာ

Public

Không thể tham gia? @myanmahonor

10.9k Thành viên

Cập nhật: May 15, 2026 at 1:42 AM

မြန်မာ့ဂုဏ် သတင်းမီဒီယာ

https://myanmagon.com/

Join @myanmahonor for exclusive httpsmyanmagoncom content and discussions in 15

Xếp hạng

Xếp hạng toàn cầu

#456

Xếp hạng ngôn ngữ

#45

Xếp hạng danh mục

#23

-1

Tăng trưởng người đăng ký (Trong 7 ngày qua)

Tổng cộng: 10.9K

Tăng trưởng 24 giờ: +0 0%

Bài đăng gần đây

မြန်မာ့ဂုဏ် သတင်းမီဒီယာ

18:15 23 thg 5, 2026

📷 Photo

မြန်မာ့ဂုဏ် သတင်းမီဒီယာ

18:15 23 thg 5, 2026

ပြည်ထောင်စုဝန်ကြီး ဦးမောင်မြင့် ပြည်မြို့ သရေခေတ္တရာမြို့ဟောင်းအတွင်းရှိ ရှေးဟောင်းယဉ်ကျေးမှု အမွေအနှစ်များနှင့် သရေခေတ္တရာပြတိုက်အတွင်း ခင်းကျင်းပြသထားရှိမှု ကြည့်ရှုစစ်ဆေး

မြန်မာ့ဂုဏ် မေ ၂၃

ဟိုတယ်၊ ခရီးသွားလာရေးနှင့်ယဉ်ကျေးမှုဝန်ကြီးဌာန ပြည်ထောင်စုဝန်ကြီး ဦးမောင်မြင့်သည် ယမန်နေ့တွင် ပဲခူးတိုင်းဒေသကြီး ပြည်မြို့ရှိ ကမ္ဘာ့အမွေအနှစ်စာရင်းဝင်ဒေသ သရေခေတ္တရာမြို့ဟောင်းအတွင်းရှိ ငလျင်ဒဏ်ကြောင့် ထိခိုက်ခဲ့သော ဘောဘောကြီးစေတီတော် ပြန်လည်ပြုပြင်ထိန်းသိမ်းမှုလုပ်ငန်းများ ဆောင်ရွက်နေမှု၊ ပျူခေတ်သင်္ဂြိုဟ်မြှုပ်နှံခဲ့သည့် အထောက်အထားများရှိသည့် အရိုးအိုးကုန်း (တူးဖော်မှုကုန်းအမှတ်-၅၃) နှင့် ငလျင်ဒဏ်ကြောင့် ထိခိုက်ခဲ့သော လေးမျက်နှာဂူဘုရား ပြန်လည်ပြုပြင်ထိန်းသိမ်းထားရှိမှုများကို လှည့်လည်ကြည့်ရှုစစ်ဆေးပါတယ်။

ထို့နောက် ရှေးဟောင်းသုတေသနနည်းပညာသင်တန်းကျောင်း (ပြည်) ၌ တာဝန်ရှိသူများနှင့် တွေ့ဆုံပြီး ယဉ်ကျေးမှုအမွေအနှစ်များကို ရှာဖွေ၊ ဖော်ထုတ်၊ ကာကွယ်ထိန်းသိမ်းစောင့်ရှောက်ခြင်းနှင့် ပတ်သက်၍ ပိုမိုကျယ်ပြန့်စွာ သိရှိနိုင်စေရန်၊ ပြည်သူလူထုအား အသိပညာပေးဟောပြောခြင်းနှင့် စာသင်ကျောင်းများတွင် အသိပညာပေး Educated ပြုလုပ်၍ အသိပညာဗဟုသုတများ တိုးတက်အောင်ဆောင်ရွက်စေလိုကြောင်း မှာကြားကာ ရှေးဟောင်းပစ္စည်းများအား သိပ္ပံနည်းကျသက်တမ်းတွက်ချက်သည့် Thermoluminescence Dating ဓာတ်ခွဲခန်းကို ကြည့်ရှုစစ်ဆေးပါတယ်။

ယင်းနောက် ပြည်မြို့ အလင်္ကာဟိုတယ်၌ ဌာနဆိုင်ရာများ၊ ဟိုတယ်လုပ်ငန်းရှင်များအသင်း၊ သရေခေတ္တရာဇုန်မှ တာဝန်ရှိသူများ၊ ဟိုတယ်နှင့် တည်းခိုခန်းလုပ်ငန်းရှင်များနှင့် တွေ့ဆုံပြီး ပြည်ဒေသသည် ပြည်ပခရီးသွားဧည့်သည်များ စိတ်ဝင်စားသည့် ဒေသတစ်ခုဖြစ်သည့်အပြင် ယဉ်ကျေးမှုကို အခြေခံသော ခရီးစဉ်ဒေသများစွာရှိသဖြင့် ယဉ်ကျေးမှုနှင့် ခရီးသွားလုပ်ငန်းဖွံ့ဖြိုးတိုးတက်ရေးအတွက် Media များတွင် ကြော်ငြာ၍ ခရီးသွားလုပ်ငန်းဖွံ့ဖြိုးတိုးတက်ရေးကို ဆောင်ရွက်သွားရန်နှင့် ယဉ်ကျေးမှုနှင့် ခရီးသွားလုပ်ငန်းပူးပေါင်း၍ ဝိုင်းဝန်းကြိုးစားဆောင်ရွက်ရန် မှာကြားခဲ့ကြောင်း သိရပါတယ်။
#Myanmagon

မြန်မာ့ဂုဏ် သတင်းမီဒီယာ

18:15 23 thg 5, 2026

📷 Photo

207

မြန်မာ့ဂုဏ် သတင်းမီဒီယာ

18:15 23 thg 5, 2026

နိုင်ငံတော်တည်ငြိမ်ရေးနှင့် ပြည်သူ့ဆက်သွယ်ရေး ကဏ္ဍမြှင့်တင်ရန် ပြည်ထောင်စုဝန်ကြီး ဦးထိန်လင်း “Media and Psychology” သင်တန်း ဖွင့်လှစ်

မြန်မာ့ဂုဏ် မေ ၂၃

ပြန်ကြားရေးဝန်ကြီးဌာန၊ မီဒီယာဖွံ့ဖြိုးတိုးတက်ရေးဦးစီးဌာန၏ ရက် (၁၀၀) စီမံကိန်းအတွင်း အကောင်အထည်ဖော်မည့် လုပ်ငန်းစဉ်တစ်ခုဖြစ်သည့် “Media and Psychology” (မီဒီယာနှင့် စိတ်ပညာ) သင်တန်း ဖွင့်ပွဲအခမ်းအနားကို မေလ (၁၈)ရက်နေ့
မွန်းလွဲ ၁ နာရီတွင် နေပြည်တော်ရှိ ပြန်ကြားရေးဝန်ကြီးဌာန စုပေါင်းခန်းမ၌ ကျင်းပခဲ့ရာ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးထိန်လင်း တက်ရောက်၍ အဖွင့်အမှာစကား ပြောကြားခဲ့ကြောင်း သိရပါတယ်။

အဆိုပါ သင်တန်းဖွင့်ပွဲ အခမ်းအနားသို့ ပြန်ကြားရေးဝန်ကြီးဌာန ဒုတိယဝန်ကြီး၊ အမြဲတမ်းအတွင်းဝန်နှင့် ဌာနဆိုင်ရာ တာဝန်ရှိသူများ၊ သင်တန်းကထိကနှင့် သင်တန်းသား၊ သင်တန်းသူများ အစုံအလင် တက်ရောက်ခဲ့ကြပါတယ်။

ယခုဖွင့်လှစ်သည့် မီဒီယာနှင့် စိတ်ပညာသင်တန်းသည် နိုင်ငံတော် တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေး လုပ်ငန်းစဉ်များတွင် မီဒီယာနည်းလမ်းများအသုံးပြုကာ ပြည်သူလူထုနှင့် ထိတွေ့သော ဆက်သွယ်ရေးကဏ္ဍ (Public Communication) ကို ပိုမိုတိုးမြှင့် တည်ဆောက်နိုင်ရန် ရည်ရွယ်ခြင်း ဖြစ်ပါတယ်။

အထူးသဖြင့် ပြည်သူလူထုထံ သတင်းအချက်အလက်များ တင်ဆက်ရာတွင် စိတ်ပညာ သဘောတရားများကို စနစ်တကျ ပေါင်းစပ်အသုံးပြုနိုင်ရေး၊ မီဒီယာကျင့်ဝတ်သိက္ခာ၊ တာဝန်ယူမှုနှင့် လူမှုတာဝန်ခံမှု (Social Accountability) တို့ကို အခြေခံသည့် ခိုင်မာသော မီဒီယာအကြောင်းအရာ (Media Content) များကို အရည်အသွေးပြည့်ဝစွာ ရေးသားထုတ်လုပ်နိုင်စေရန်အတွက် ရည်ရွယ်၍ အလေးထား ဖွင့်လှစ်ခြင်းဖြစ်ကြောင်း ထုတ်ပြန်ချက်
အရ သိရပါတယ်။

အဆိုပါ "Media and Psychology" သင်တန်းကို မီဒီယာဖွံ့ဖြိုးတိုးတက်ရေးဦးစီးဌာန ညွှန်ကြားရေးမှူးချုပ် ဒေါက်တာသီတာတင်က အဓိက တာဝန်ယူ၍ (၅) ရက်ကြာ စနစ်တကျ စာတွေ့၊ မိန့်ခွန်းစစ်စစ်များနှင့် သင်ကြားပို့ချသွားတာဖြစ်ပါတယ်။

သင်တန်းသို့ ပြန်ကြားရေးဝန်ကြီးဌာနအောက်ရှိ ဌာနခွဲအသီးသီးမှ ဝန်ထမ်းများ၊ သတင်းနှင့် ပြန်ကြားရေးလုပ်ငန်းများနှင့် တိုက်ရိုက်သက်ဆိုင်သည့် အစိုးရဝန်ကြီးဌာနများမှ ဝန်ထမ်းများနှင့်အတူ ပုဂ္ဂလိက မီဒီယာလုပ်ငန်းများမှ စိတ်ပါဝင်စားသူများပါ တက်တက်ကြွကြွ တက်ရောက်ခဲ့တယ်လို့သိရပါတယ်။
#Myanmagon

မြန်မာ့ဂုဏ် သတင်းမီဒီယာ

18:15 23 thg 5, 2026

ပြည်ထောင်စုဝန်ကြီး ဒေါက်တာမျိုးသိန်းကျော် Nizhny Novgorod State Technical University သို့ သွားရောက်လေ့လာပြီး မြန်မာပညာတော်သင်ကျောင်းသားများနှင့် တွေ့ဆုံ

MMG May 23rd

ရုရှားဖက်ဒရေးရှင်းနိုင်ငံ Nizhny Novgorod မြို့၌ ရောက်ရှိနေသော သိပ္ပံနှင့်နည်းပညာဝန်ကြီးဌာန ပြည်ထောင်စုဝန်ကြီး ဒေါက်တာ မျိုးသိန်းကျော်သည် ယမန်နေ့နံနက်ပိုင်းက Nizhny Novgorod State Technical University (NNSTU) တက္ကသိုလ်အစည်းအဝေးခန်းမ၌ ပါမောက္ခချုပ်၊ ဒုတိယပါမောက္ခချုပ်နှင့် ပါမောက္ခများ၊ တာဝန်ရှိသူများနှင့် တွေ့ဆုံပြီး မြန်မာနိုင်ငံရှိ တက္ကသိုလ်များနှင့် NNSTU တို့အကြား ပူးပေါင်းဆောင်ရွက်နိုင်မည့် ကိစ္စရပ်များကို အပြန်အလှန်ဆွေးနွေးကြပါတယ်။

ထို့နောက် ပြည်ထောင်စုဝန်ကြီးသည် တက္ကသိုလ်ရှိ စာသင်ခန်းများနှင့် လက်တွေ့ခန်းများကို ကြည့်ရှုလေ့လာပါတယ်။

ယင်းနောက် Nizhny Novgorod မြို့၌ ပညာတော်သင်ရောက်ရှိနေကြသော ကျောင်းသား ကျောင်းသူများအား တွေ့ဆုံအားပေးစကားပြောကြားပါတယ်။

ဆက်လက်၍ ANO Gorky Tech သို့ သွားရောက်ပြီး ဒေသတွင်း အိုင်တီကုမ္ပဏီများနှင့် ချိတ်ဆက်ဆောင်ရွက်နေမှုအခြေအနေကို ကြည့်ရှုလေ့လာပါတယ်။

ANO Gorky Tech သည် အစိုးရမဟုတ်သော အကျိုးအမြတ်မယူသည့် အဖွဲ့အစည်း (Autonomous Non-Profit Organization – ANO) ဖြစ်ပြီး ဒေသတွင်းအိုင်တီကုမ္ပဏီများကို အကူအညီပေးရန်၊ နည်းပညာကုမ္ပဏီအသစ်များကို မြေတောင်မြှောက်ပေးရန်၊ ဒေသ၏ဒီဂျစ်တယ် ကဏ္ဍတစ်ခုလုံးကို ပေါင်းစပ်ညှိနှိုင်းဆောင်ရွက်ရန် ဖွဲ့စည်းထားသည့် အိုင်တီဖွံ့ဖြိုးတိုးတက်ရေး ဗဟိုဌာနတစ်ခုဖြစ်ကြောင်း သိရပါတယ်။
#Myanmagon

277

မြန်မာ့ဂုဏ် သတင်းမီဒီယာ

18:15 23 thg 5, 2026

📷 Photo

စက်သုံးဆီများ တရားမဝင် သိုလှောင်ထားသူ အမျိုးသားတစ်ဦးအား ဖမ်းဆီးအရေးယူ

MMG May 23rd

မန္တလေးတိုင်းဒေသကြီး၊ မတ္တရာမြို့နယ်၌ မေလ ၂၀ ရက်နေ့က စက်သုံးဆီများ တရားမဝင် သိုလှောင်ထားသူ အမျိုးသားတစ်ဦးအား ဖမ်းဆီးအရေးယူထားတယ်လို့သိရပါတယ်။

ဖြစ်စဉ်မှာ မေလ ၂၀ ရက်‌နေ့က မတ္တရာမြို့၊ အမှတ်(၄) မှန်စီရပ်ကွက်နေ ဦးသက်ကိုကိုအောင်(၄၃)နှစ်၏ စက်သုံးဆီအရောင်ဆိုင်အား မတ္တရာမြို့မ ရဲစခန်းမှ တပ်ဖွဲ့ဝင်များနှင့် ရေနံထွက်ပစ္စည်းကြီးကြပ်စစ်ဆေးရေးဦးစီးဌာနမှ ဝန်ထမ်းများ ပါဝင်‌သော ပူးပေါင်းအဖွဲ့က သွားရောက်စစ်ဆေးခဲ့တယ်လို့ဆိုပါတယ်။

ယင်းသို့စစ်ဆေးရာ အဆိုပါစက်သုံးဆီဆိုင်ရှိ ဆီသိုလှောင်ခန်းများအတွင်း၌ 92 ဓာတ်ဆီ ၃၈၀ ဂါလန်၊ ဒီဇယ်(HSD) ၄၀၀ ဂါလန်နှင့် ပရီမီယံဒီဇယ်(PD) ၇၆၀ ဂါလန်တို့အား တရားမဝင်သိုလှောင်ထားကြောင်း စစ်ဆေးတွေ့ရှိရသဖြင့် သက်ကိုကိုအောင်အား မတ္တရာမြို့မ ရဲစခန်း(ပ)၄၀/၂၀၂၆၊ ရေနံနှင့်ရေနံထွက်ပစ္စည်းဆိုင်ရာဥပဒေပုဒ်မ ၃၇ ဖြင့် အမှုဖွင့်အရေးယူထားကြောင်း သိရပါတယ်။
#Myanmagon

260

မြန်မာ့ဂုဏ် သတင်းမီဒီယာ

18:15 23 thg 5, 2026

📷 Photo

198

မြန်မာ့ဂုဏ် သတင်းမီဒီယာ

18:15 23 thg 5, 2026

📷 Photo

320

မြန်မာ့ဂုဏ် သတင်းမီဒီယာ

18:15 23 thg 5, 2026

အားကစားရေးရာဝန်ကြီးဌာန၏ ရက် ၁၀၀ အတွင်း စီမံချက်ဖြစ်သည့်Football For School ဆိုင်ရာ လုပ်ငန်းများကို Pilot Project တစ်ခုအဖြစ် အကောင်အထည်ဖော်ဆောင်ရွက်နေမှုများနှင့်စပ်လျဉ်း၍ လုပ်ငန်းညှိနှိုင်းအစည်းအဝေးကျင်းပ

မြန်မာ့ဂုဏ် မေ ၂၃

အားကစားရေးရာဝန်ကြီးဌာန၏ ရက် ၁၀၀ အတွင်း စီမံချက်ဖြစ်သည့် Football For School ဆိုင်ရာလုပ်ငန်းများကို Pilot Project တစ်ခုအဖြစ် အကောင်အထည်ဖော်ဆောင်ရွက်နေမှုများနှင့် စပ်လျဉ်း၍ လုပ်ငန်းညှိနှိုင်းအစည်းအဝေးကို ယမန်နေ့နံနက်ပိုင်းတွင် ‌နေပြည်တော်၊ ရုံးအမှတ်(၃၁)ရှိ အားကစားရေးရာဝန်ကြီးဌာန အစည်းအဝေးခန်းမ၌ ကျင်းပခဲ့ရာ အားကစားရေးရာဝန်ကြီးဌာန ပြည်ထောင်စုဝန်ကြီး ဦးရဲမြင့်ထွန်း၊ ဒုတိယဝန်ကြီး ဦးညီညီ၊ အမြဲတမ်းအတွင်းဝန် ဦးမျိုးကျော်သူ၊ အားကစားနှင့်ကာယပညာဦးစီးဌာန ညွှန်ကြားရေးမှူးချုပ် ဦးဉာဏ်ဇော်ဦး၊ ဒုတိယညွှန်ကြားရေးမှူးချုပ်များ၊  ဌာနခွဲများမှ တာဝန်ခံညွှန်ကြားရေးမှူးများ တက်ရောက်ခဲ့ပါတယ်။

ဦးစွာ ပြည်ထောင်စုဝန်ကြီးက အဖွင့်အမှာစကားပြောကြားရာတွင် နိုင်ငံတော်သမ္မတ၏ မိန့်ခွန်းပါလမ်းညွှန်ချက်အရ အားကစားကဏ္ဍမြင့်မားစေရန် ရည်ရွယ်၍ မိမိတို့ဝန်ကြီးဌာနမှ ပြည်သူ့ အတွက် ကြိုးပမ်းဆောင်ရွက်ချက်များအဖြစ် ရက် ၁၀၀ အတွင်း စီမံချက်ရေးဆွဲပြီး Smart School နှင့် Football For School ဆိုင်ရာလုပ်ငန်းများကို Pilot Project တစ်ခုအဖြစ် တိုင်းဒေသကြီးနှင့်ပြည်နယ် ၅ ခု တို့တွင် အကောင်အထည်ဖော်ဆောင်ရွက်နေမှုများနှင့်စပ်လျဉ်း၍  ဌာနခွဲများမှ လက်ရှိဆောင်ရွက်နေမှု အခြေအနေများကို တင်ပြပေးသွားရန်နှင့် ဝန်ထမ်းများအနေဖြင့် လုပ်ငန်းများဆောင်ရွက်ရာတွင် တစ်ဦးကောင်းတစ်ယောက်ကောင်း ဆောင်ရွက်ခြင်းမပြုဘဲ အစုအဖွဲ့ဖြင့် ဆောင်ရွက်သွားရန်လိုကြောင်း၊ နိုင်ငံတော်သမ္မတ၏လမ်းညွှန်ချက်အရ ရက် ၁၀၀ အတွင်း ရန်ကုန်တိုင်းဒေသကြီး၊ ဧရာဝတီတိုင်း ဒေသကြီး၊ မကွေးတိုင်းဒေသကြီးနှင့် မန္တလေးတိုင်းဒေသကြီးရှိ မိတ္ထီလာမြို့နယ်များသို့ တိုင်းဒေသကြီး ဝန်ကြီးချုပ်များနှင့်အတူ သွားရောက်၍  ကွင်းဆင်းစစ်ဆေးခြင်းများကို ဆောင်ရွက်ခဲ့ရာ တိုင်း/ ခရိုင်/ မြို့နယ်များမှ တာဝန်ရှိသူများ၏ မြန်မာ့အားကစားအဆင့်အတန်းတိုးတက်မြင့်မားစေရေးနှင့် တိုင်း ဒေသကြီးများမှ မျိုးဆက်သစ် အားကစားသမားများရရှိစေရေးအတွက် အားထည့်၍ လှုပ်ရှားဆောင်ရွက် နေမှုများကို တွေ့ရှိခဲ့ရပါကြောင်း၊ အားကစားကဏ္ဍပိုမိုတိုးတက်မြင့်မားလာစေရန် ရေတို၊ ရေရှည် စီမံချက်များရေးဆွဲ၍ တင်ပြဆောင်ရွက်သွားရန်လိုကြောင်း၊ ဝန်ထမ်းများ၏ သက်သာချောင်ချိ စေရေးအတွက် ထောက်ပံ့ဆောင်ရွက်ပေးနိုင်ပါက ဝန်ထမ်းများအနေဖြင့် ဝန်ကြီးဌာန၏ ရည်မှန်းချက် များနှင့် လုပ်ငန်းတာဝန်များကို ပိုမိုထိရောက်စွာ အကောင်အထည်ဖော်ဆောင်ရွက်နိုင်မည်ဖြစ်ကြောင်း၊  မိမိတို့ဝန်ကြီးဌာနအား Smart ဖြစ်သည့် ဝန်ကြီးဌာနတစ်ခုအဖြစ် ရပ်တည်နိုင်ပြီး နိုင်ငံတော် အကြီးအကဲ၏ လိုလားချက်၊ လမ်းညွှန်ချက်များကို အားလုံးအတူတကွ ညီညီညွတ်ညွတ် လက်တွဲ၍ တိကျမြန်ဆန်စွာ အကောင်အထည်ဖော်ဆောင်ရွက်သွားစေလိုကြောင်း ပြောကြားခဲ့ပါတယ်။

ဆက်လက်ပြီး ဒုတိယဝန်ကြီးက အမှာစကားပြောကြားရာတွင် အကြီးအကဲများ၏ မူဝါဒများနှင့် လမ်းညွှန်ချက်များကို လိုက်နာမှတ်သားပြီး ပေါင်းစပ်ဆောင်ရွက်သွားမည်ဖြစ်ကြောင်း၊ ရက် ၁၀၀ အတွင်း စီမံချက်နှင့်ပတ်သက်ပြီး ဆောင်ရွက်သွားမည့်လုပ်ငန်းများဖြစ်သည့် ပြည်တွင်း/ပြည်ပအားကစားပြိုင်ပွဲ များနှင့် ဆုတံဆိပ်ရရှိခဲ့မှုအခြေအနေများ၊ အခြေခံအားကစားသင်တန်းများနှင့် အားကစားနည်းအလိုက် နည်းပြ/ဒိုင်လူကြီး မွမ်းမံသင်တန်းများကို ဖွင့်လှစ်ပေးနိုင်ခဲ့မှုအခြေအနေများ၊ တိုင်းဒေသကြီးနှင့် ပြည်နယ်များတွင် ရက် ၁၀၀ အတွင်း အသိပညာပေးသင်တန်း၊ အားကစားပြိုင်ပွဲများနှင့် မျိုးဆက်သစ် အားကစားသမားများမွေးထုတ်ပေးနိုင်ရန် ဆောင်ရွက်နေမှုအခြေအနေများကို တာဝန်ရှိသူများက အသေးစိတ် ပြည့်စုံစွာ တင်ပြပေးသွားရန်လိုကြောင်း ပြောကြားခဲ့ပါတယ်။

ထို့နောက် အစည်းအဝေးသို့ တက်ရောက်လာကြသည့် အမြဲတမ်းအတွင်းဝန်၊ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များနှင့် ဌာနခွဲများမှ တာဝန်ခံညွှန်ကြားရေးမှူးများက မိမိတို့တာဝန်ယူ ဆောင်ရွက်လျက်ရှိသည့် လုပ်ငန်းဆိုင်ရာကိစ္စရပ်များနှင့်စပ်လျဉ်းပြီး အသီးသီး တင်ပြဆွေးနွေးခဲ့ကြရာ ပြည်ထောင်စုဝန်ကြီးက လိုအပ်သည်များကို ဖြည့်စွက်ဆွေးနွေးပြောကြားခဲ့ပြီး နိုင်ငံတော်အကြီးအကဲ ၏ လမ်းညွှန်ချက်များနှင့် မြန်မာ့အားကစားကဏ္ဍ ပိုမိုတိုးတက်မြင့်မားစေရေးအတွက် မိသားစုသဖွယ် အချင်းချင်း စည်းလုံးညီညွတ်စွာဖြင့် မိမိတို့ကျရာအခန်းကဏ္ဍမှ တာဝန်ကျေပွန်အောင် ထမ်းဆောင် ပေးသွားရန်နှင့် ဝန်ထမ်းများ၏ တင်ပြချက်များနှင့် အခက်အခဲများကို ဆင့်ကဲဆင့်ကဲ တာဝန်ယူ ဖြေရှင်းပေးပြီး လိုအပ်သည်များကို ဖြည့်ဆည်းဆောင်ရွက်ပေးသွားမည်ဖြစ်ကြောင်း ပြောကြားခဲ့ပြီး အစည်းအဝေးအား ရုပ်သိမ်းခဲ့ကြောင်း သိရပါတယ်။
#Myanmagon

မြန်မာ့ဂုဏ် သတင်းမီဒီယာ

18:15 23 thg 5, 2026

📷 Photo

247

မြန်မာ့ဂုဏ် သတင်းမီဒီယာ

08:42 9 thg 5, 2026

သိပ္ပံနှင့်နည်းပညာ၊ လေကြောင်းနဲ့
အာကာသသိပ္ပံပညာဆိုင်ရာ နယ်ပယ်တွင် ထူးချွန်ထက်မြက်တဲ့
နိုင်ငံအနာဂတ်လူငယ်များဖြစ်စေလိုကြောင်းဆို

မြန်မာ့ဂုဏ် မေ ၈

တနင်္သာရီတိုင်းဒေသကြီး ဝန်ကြီးချုပ် ဦးဇော်နိုင်ဦး သည် ကမ်းရိုးတန်းဒေသတိုင်းစစ်ဌာနချုပ် တိုင်းမှူး ဗိုလ်ချုပ် ကျော်ကျော်ဟန်၊ တိုင်းဒေသကြီး ဝန်ကြီးများ၊ ဌာနဆိုင်ရာတာဝန်ရှိသူများနှင့်အတူ မေ(၈)ရက် မွန်းလွဲပိုင်းက မြိတ်လေတပ်စခန်းဌာနချုပ်၌ ဖွင့်လှစ်လျက်ရှိသော အခြေခံလေကြောင်းလူငယ် သင်တန်းအမှတ်စဉ်(၁၀)မှ သင်တန်း သား/သူများ သင်ကြားလေ့ကျင့်နေမှုများအား သွားရောက်ကြည့်ရှု့အားပေးပြီး ချီးမြှင့်ငွေများပေးအပ်ပါတယ်။

တနင်္သာရီတိုင်းဒေသကြီးအတွင်းရှိ ကျောင်းသား/သူလူငယ်မောင်မယ်များ နွေရာသီကျောင်းပိတ်ရက် ကာလ အတွင်း အခြေခံလေကြောင်းဆိုင်ရာ ပညာရပ်များကို စိတ်ပါဝင်စားပြီး ကျွမ်းကျင်တတ်မြောက်စေရန်၊ ခေတ်မီနိုင်ငံ တော်တည်ဆောက်ရေးတွင် လေယာဉ်ပျံသန်းမှုဆိုင်ရာ ပညာရပ်များကို နားလည်သိရှိစေရန်၊ စိတ်ဓာတ်၊ စည်းကမ်း၊ ကိုယ်လက်ကြံ့ခိုင်မှုနှင့် စည်းလုံးညီညွတ်မှုရှိစေရန် ရည်ရွယ်၍ အခြေခံလေကြောင်းလူငယ်သင်တန်း အမှတ်စဉ်(၁၀) ကို ဧပြီ(၂၇)ရက်မှစ၍ ဖွင့်လှစ်ပြီး သင်ကြားလေကျင့်ပေးလျက်ရှိရာ သင်ကြားလေ့ကျင့်နေမှုအား ဝန်ကြီးချုပ်နှင့်အဖွဲ့မှ သွားရောက်ကြည့်ရှုအားပေးကြပါတယ်။

ထို့နောက် အခြေခံလေကြောင်းလူငယ်သင်တန်း လူငယ်မောင်မယ်များအား တိုင်းဒေသကြီး ဝန်ကြီးချုပ် က လူငယ်များသည် နိုင်ငံတော်၏အနာဂတ်ဖြစ်သကဲ့သို့ တိုင်းဒေသကြီး ဖွံ့ဖြိုးတိုးတက်ရေးအတွက်လည်း အရေးပါဆုံး သော အင်အားစုဖြစ်ကြောင်း၊ ယနေ့ခေတ်တွင် သိပ္ပံနှင့်နည်းပညာ၊ လေကြောင်းနဲ့ အာကာသသိပ္ပံပညာဆိုင်ရာ နည်းပညာများသည် နိုင်ငံတစ်နိုင်ငံ၏ ဖွံ့ဖြိုးတိုးတက်မှုကိုတိုင်းတာရာတွင် အရေးပါသည့်ကဏ္ဍများဖြစ်ကြောင်း၊ ဒါ့ကြောင့် လေကြောင်းပညာရပ်များကို စိတ်ပါဝင်စားစွာ လေ့လာသင်ယူနေကြသည့် လူငယ်များသည် တိုင်းဒေသကြီး အတွက်သာမက နိုင်ငံတော်အတွက်ပါ တန်ဖိုးရှိသည့် လူ့စွမ်းအား အရင်းအမြစ်များ ဖြစ်ကြကြောင်း၊

လူငယ်များအနေဖြင့် မိမိတို့၏ရည်မှန်းချက်ကို ခိုင်မာစွာထားရှိပြီး ပညာကို စဉ်ဆက်မပြတ် လေ့လာကြရန် လိုအပ်ကြောင်း၊ လေကြောင်းပညာရပ်သည် တိကျမှုနှင့်လုံခြုံမှုကို အခြေခံသော ပညာရပ်ဖြစ်တာကြောင့် လေ့လာ သင်ယူသည့်အခါတွင် ပေါ့ပေါ့တန်တန်မထားဘဲ အခြေခံကနေစပြီး သေချာနက်နဲစွာ သင်ယူကြရမည်ဖြစ်ကြောင်း၊ သင်္ချာ၊ ရူပဗေဒ၊ အင်္ဂလိပ်စာ၊ ကွန်ပျူတာနှင့် နည်းပညာ ပညာရပ်များကိုလည်း အားဖြည့်လေ့လာကြရန် တိုက်တွန်းလို ကြောင်း၊ ဒါ့အပြင် လူငယ်များသည် စာပေဗဟုသုတသာမက ကိုယ်ကျင့်တရား ကောင်းမွန်မှု၊ နိုင်ငံချစ်စိတ်၊ ဒေသ ချစ်စိတ်၊ မိဘဆရာသမားများအပေါ် ကျေးဇူးသိတတ်မှုတို့ကိုလည်း ထိန်းသိမ်းမြှင့်တင်ကြရမည်ဖြစ်ကြောင်း၊ ပညာ တတ်မြောက်မှုနှင့်အတူ စိတ်ဓာတ်ကောင်းမွန်မှုရှိမှသာ နိုင်ငံတော်နဲ့ ပြည်သူများအတွက် အကျိုးပြုနိုင်သည့် လူကောင်းများအဖြစ် ပေါ်ထွန်းလာကြမည်ဖြစ်ကြောင်း ပြောကြားပါတယ်။

ထို့နောက် ဝန်ကြီးချုပ် မှ သင်တန်းသား/သူများနှင့် သင်တန်းဆရာများအား ဂုဏ်ပြုချီးမြှင့်ငွေများ ပေးအပ် ခဲ့ပြီး အခြေခံလေကြောင်းလူငယ် သင်တန်းသား/သူများအား ရင်းရင်းနှီးနှီးတွေ့ဆုံပါတယ်။

သင်တန်းကို သင်တန်းသား (၂၇)ဦး နှင့် သင်တန်းသူ(၂၄)ဦး တက်ရောက်လျက်ရှိကြပြီး သင်တန်းကာလအနေဖြင့် ဧပြီ(၂၇)ရက်မှ မေ(၂၉)ရက်အထိ ဖွင့်လှစ်သွားမည်ဖြစ်ကာ သင်တန်းကာလ တတိယအပတ်တွင် သင်တန်းသား လူငယ်မောင်မယ်များအား လေ့လာရေး ခရီးများ ပို့ဆောင်ခြင်း၊ သင်တန်းစခန်းများပြိုင်ပွဲ ဝင်ရောက်ယှဉ်ပြိုင်ခြင်းများ ဆောင်ရွက်ကြမည်ဖြစ်ကြောင်း သိရပါတယ်။
#Myanmagon

မြန်မာ့ဂုဏ် သတင်းမီဒီယာ

08:42 9 thg 5, 2026

📷 Photo

တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး ကာကွယ်ရေးဦးစီးချုပ်ရုံး(ကြည်း)ဝန်းအတွင်းရှိ အရာရှိ၊ စစ်သည်၊ မိသားစုများအား တွေ့ဆုံအမှာစကားပြောကြား

မြန်မာ့ဂုဏ် မေ ၈

တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး သည် မေလ ၈ ရက်မွန်းလွဲပိုင်းတွင် ကာကွယ်ရေးဦးစီးချုပ်ရုံး(ကြည်း)ဝန်းအတွင်းရှိ အရာရှိ၊ စစ်သည်၊ မိသားစုများအား နေပြည်တော်ရှိ ဇေယျာသီရိဗိမာန်ခန်းမတွင် တွေ့ဆုံ အမှာစကားပြောကြားပါတယ်။

ထိုသို့တွေ့ဆုံ အမှာစကားပြောကြားရာတွင် တပ်မတော်ကာကွယ်ရေးဦးစီးချုပ်က လေ့ကျင့်ရေးသည် အရေးကြီးပြီး တပ်မတော်သားများ၏ အသက်ခန္ဓာဖြစ်သော အမိန့်နာခံတတ်မှုသည် လေ့ကျင့်ရေးမှအခြေခံခြင်းဖြစ်ကြောင်း၊ အမိန့်နာခံမှုရှိပြီး စည်းကမ်းကောင်းမွန်မှုသည် စစ်သည်တော်ကောင်းတစ်ဦး၏ အင်္ဂါရပ်ပင်ဖြစ်ကြောင်း၊  အမိန့်နာခံမှုနှင့် စည်းကမ်းလိုက်နာမှု အားကောင်းပါက အောင်မြင်မှုများစွာ ရရှိမည်ဖြစ်ကြောင်း စသည်ဖြင့် ပြောကြားခဲ့တယ်လို့ သိရှိရပါတယ်။
#Myanmagon

387

မြန်မာ့ဂုဏ် သတင်းမီဒီယာ

08:42 9 thg 5, 2026

📷 Photo

256

မြန်မာ့ဂုဏ် သတင်းမီဒီယာ

08:42 9 thg 5, 2026

ပြည်ထောင်စုဝန်ကြီး ဦးမျိုးဇော်သိမ်းလယ်ဝေးမြို့နယ် သမဝါယမစနစ် စိုက်ပျိုးမွေးမြူရေးနှင့် ကုန်ထုတ်လုပ်ငန်းများ ဆောင်ရွက်နေမှု ကွင်းဆင်းကြည့်ရှုစစ်‌ဆေး

မြန်မာ့ဂုဏ် မေ ၈

သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး ဦးမျိုးဇော်သိမ်းသည် ယနေ့နံနက်ပိုင်းက သက်ဆိုင်ရာတာဝန်ရှိသူများနှင့်အတူ နေပြည်တော်ကောင်စီနယ်မြေ လယ်ဝေး မြို့နယ်အတွင်း သမဝါယမစနစ်ဖြင့် စိုက်ပျိုးမွေးမြူရေးနှင့် ကုန်ထုတ်လုပ်ငန်းများ ဆောင်ရွက်နေမှု အခြေအနေများကို ကွင်းဆင်းကြည့်ရှုစစ်ဆေးပါတယ်။

ရှေးဦးစွာ ပြည်ထောင်စုဝန်ကြီးနှင့်အဖွဲ့သည် နေပြည်တော်ကောင်စီနယ်မြေ၊ လယ်ဝေးမြို့ နယ်၊ တလုပ်ပင်ကျေးရွာအုပ်စု၊ ကွင်းအမှတ်-၁၈၅၄(ခ)တွင် ဒို့မြန်မာအထွေထွေစီးပွားရေးလုပ်ငန်း သမဝါယမအသင်းက အသားတိုးနွားမွေးမြူရေးလုပ်ငန်း ဆောင်ရွက်နေမှုအား ကွင်းဆင်းကြည့်ရှု စစ်ဆေးပြီး တာဝန်ရှိသူများ၏ လုပ်ငန်းဆောင်ရွက်နေမှုများ ရှင်းလင်းတင်ပြမှုအပေါ် ပြည်ထောင်စု ဝန်ကြီးက မိမိတို့ဝန်ကြီးဌာနအနေဖြင့် သမဝါယမစနစ်ဖြင့် စနစ်ကျသော မွေးမြူရေးလုပ်ငန်းများ ဖြစ်ပေါ်လာစေရေး အားပေးဆောင်ရွက်လျက် ရှိပါကြောင်း၊ တိရစ္ဆာန်ရောဂါများ မကျရောက်စေရေး ကြိုတင်ကာကွယ်ဆောင်ရွက်ကြရန်နှင့် တိရစ္ဆာန်ဖြည့်စွက်စာများ လုံလောက်မှုရှိစေရေး စီမံဆောင် ရွက်ရန် ဆွေးနွေးမှာကြားပြီး လိုအပ်သည်များ ညှိနှိုင်းပေါင်းစပ် ဖြည့်ဆည်းဆောင်ရွက်ပေးခဲ့ပါတယ်။

ဆက်လက်၍ ပြည်ထောင်စုဝန်ကြီးနှင့်အဖွဲ့သည် လယ်ဝေးမြို့နယ်၊ ရှားချောင်းကျေးရွာရှိ နွေစပါးစိုက်တောင်သူများနှင့် တွေ့ဆုံခဲ့ရာ ပြည်ထောင်စုဝန်ကြီးက နိုင်ငံတော်အစိုးရအနေဖြင့် ကျေးလက်နေတောင်သူများ၏ လူမှုစီးပွားဖွံ့ဖြိုးတိုးတက်စေရေး သမဝါယမစနစ်ဖြင့် စုပေါင်း ဆောင်ရွက်သည့် စနစ်ကျသော စိုက်ပျိုးရေးထုတ်ကုန်များ တိုးမြှင့်ထုတ်လုပ်နိုင်ရေး အားပေး ဆောင်ရွက်လျက်ရှိပါကြောင်း၊ တောင်သူများအနေဖြင့် စိုက်ပျိုးရေးလုပ်ငန်းများကို တစ်ဦးချင်း ဆောင်ရွက်ရာတွင် လိုအပ်သည့် မျိုး၊ သွင်းအားစုများအတွက် ကုန်ကျစရိတ် ပိုမိုကုန်ကျနိုင်ကြောင်း၊ ထွက်ရှိလာသော ထုတ်ကုန်များ ရောင်းချရာတွင်လည်း တစ်ဦးချင်းရောင်းချပါက အကျိုးအမြတ် ရရှိမှု နည်းပါးနိုင်ကြောင်း၊ ဒါကြောင့် သမဝါယမစနစ်ဖြင့် တစ်ကွင်းတစ်ဆက်စပ်တည်းရှိသော လယ်ကွင်းများတွင် ထွန်ယက်ချိန်၊ စိုက်ပျိုးချိန်၊ ရိတ်သိမ်းချိန်များ တူညီစေရေး စုပေါင်းဆောင်ရွက် ကြရန်လိုအပ်ကြောင်း၊ သက်ဆိုင်ရာတာဝန်ရှိသူများ အနေဖြင့်လည်း လိုအပ်သည့် မျိုးကောင်းမျိုး သန့်၊ သွင်းအားစုဓာတ်မြေဩဇာများ အချိန်မီရရှိရေး၊ စိုက်ပျိုးရေရရှိရေး ပူးပေါင်းဆောင်ရွက်ကြရန် လိုအပ်ကြောင်း၊ စနစ်ကျ လယ်ယာစနစ် ဖော်ထုတ်ဆောင်ရွက်နိုင်သည်အထိ မျှော်မှန်းပြီး ပူးပေါင်း ဆောင်ရွက်ကြရန်လိုကြောင်း ဆွေးနွေးမှာကြားပြီး ဒေသခံတောင်သူများ၏ ဒေသဖွံ့ဖြိုးရေး တင်ပြချက်များကို ညှိနှိုင်းပေါင်းစပ် ဆောင်ရွက်ပေးခဲ့ပါတယ်။
#Myanmagon

မြန်မာ့ဂုဏ် သတင်းမီဒီယာ

08:42 9 thg 5, 2026

📷 Photo

221

မြန်မာ့ဂုဏ် သတင်းမီဒီယာ

05:24 2 thg 5, 2026

မြန်မာနိုင်ငံအတွင်း တရားမဝင် ဝင်ရောက်နေထိုင်လျက်ရှိသည့် ပြည်ပနိုင်ငံသား ၄၃ ဦးအား ကွန်ဟိန်းမြို့နယ်၊ ကာလိမြို့၊ ဝမ်မိုင်ကျေးရွာအနီး ထပ်မံဖမ်းဆီးရမိ

မြန်မာ့ဂုဏ် မေလ ၁

မြန်မာနိုင်ငံအစိုးရအနေဖြင့် နိုင်ငံအတွင်း အွန်လိုင်းလိမ်လည်လောင်းကစားမှု လုပ်ငန်းများ လုံးဝအခြေမပြုနိုင်စေရေးအတွက် အွန်လိုင်းလိမ်လည်လောင်းကစားမှုတိုက်ဖျက်ရေး လုပ်ငန်းစဉ် များကို အမျိုးသားရေးတာဝန်တစ်ရပ်အဖြစ် ဆောင်ရွက်လျက်ရှိပြီး ပြည်တွင်းအင်အားစုများအပြင် အိမ်နီးချင်းနိုင်ငံအစိုးရများနှင့်လည်း ပေါင်းစပ်ညှိနှိုင်း၍ တက်ကြွစွာဆောင်ရွက်လျက်ရှိရာ တိုင်းဒေ သကြီးနှင့် ပြည်နယ်အသီးသီးရှိ ဌာနဆိုင်ရာပူးပေါင်းအဖွဲ့ များသည်လည်း အွန်လိုင်းလိမ်လည် လောင်းကစားမှုတိုက်ဖျက်ရေးလုပ်ငန်းများနှင့် နိုင်ငံအတွင်းသို့ ပြည်ပနိုင်ငံသားများ တရားမဝင် ဝင်ရောက် နေထိုင်မှုမရှိစေရေးတို့ကို အသေးစိတ် စစ်ဆေးကြပ်မတ် ဆောင်ရွက်လျက်ရှိပါတယ်။

ထိုသို့ ဆောင်ရွက်လျက်ရှိစဉ် ရှမ်းပြည်နယ်(တောင်ပိုင်း) ကွန်ဟိန်းမြို့နယ်၊ ကာလိမြို့၊ ဝမ်မိုင် ကျေးရွာအနီး သံလွင်မြစ်ကူး ကူးတိုဆိပ်၌ တရားမဝင်ပြည်ပနိုင်ငံသားများ ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များ၊ အုပ်ချုပ်ရေးအဖွဲ့အစည်းများနှင့် ဌာနဆိုင်ရာတာဝန်ရှိသူများ ပါဝင်သော ပူးပေါင်းအဖွဲ့များက သွားရောက်ရှာဖွေစစ်ဆေးခဲ့ရာ ယနေ့ နံနက်ပိုင်း ၂နာရီခန့်တွင် မြန်မာနိုင်ငံအတွင်းသို့ တရားမဝင်ဝင်ရောက်နေထိုင်လျက်ရှိသည့် တရုတ်နိုင်ငံသား အမျိုးသား ၄၃ ဦး အား ဖော်ထုတ်ဖမ်းဆီးထိန်းသိမ်းနိုင်ခဲ့ပါတယ်။

အဆိုပါ ဖမ်းဆီးရမိသူများ၏ ကနဦးထွက်ဆိုချက်အရ ၎င်းတို့သည် ရှမ်းပြည်နယ်(မြောက်ပိုင်း) တန့်ယန်းမြို့နယ်အတွင်း တရားမဝင်အွန်လိုင်း လောင်းကစား လုပ်ကိုင်နေစဉ် လုံခြုံရေးတပ်ဖွဲ့ဝင်များမှ လိုက်လံရှာဖွေဖော်ထုတ် ဖမ်းဆီးလျက်ရှိသဖြင့် တရုတ် နိုင်ငံသို့ ပြန်ရန်အတွက် တောလမ်းအတိုင်း ထွက်ပြေးလာစဉ် ဖမ်းဆီးခံခဲ့ရခြင်းဖြစ်ကြောင်း သိရှိရ ပါတယ်။

မြန်မာနိုင်ငံအစိုးရအနေဖြင့် အွန်လိုင်းလိမ်လည်မှုများနှင့် အွန်လိုင်းလောင်းကစားမှု တိုက်ဖျက် ရေးလုပ်ငန်းစဉ်များကို တက်ကြွစွာ ပူးပေါင်းဆောင်ရွက်လျက်ရှိသည့်အပြင် အကြောင်းအမျိုးမျိုးကြောင့် မြန်မာနိုင်ငံအတွင်းသို့ ရောက်ရှိနေပြီး အွန်လိုင်းလိမ်လည်လောင်းကစားမှုတွင် တစ်နည်းနည်းဖြင့် ပါဝင်ပတ်သက်နေသည့် ပြည်ပနိုင်ငံသားများကိုလည်း တရားဥပဒေနှင့်အညီ စစ်ဆေးကာ လူသားချင်း စာနာထောက်ထားမှုနှင့် နိုင်ငံအချင်းချင်း ချစ်ကြည်ရင်းနှီးမှုတို့ကိုရှေးရှု၍ သက်ဆိုင်ရာနိုင်ငံများသို့ ပြန်လည် လွှဲပြောင်းပေးခြင်းများ၊ အဓိကပြစ်မှုကျူးလွန်ခဲ့သူများကိုလည်း ဖမ်းဆီးထိန်းသိမ်းပြီး သက်ဆိုင်ရာအစိုးရအဖွဲ့ထံ တရားဝင်လွှဲပြောင်းပေးခြင်းများနှင့် တရားဥပဒေနှင့်အညီ ထိရောက်စွာ အရေးယူခြင်းများ ဆောင်ရွက်လျက်ရှိပါတယ်။
#News #Myanmagon

မြန်မာ့ဂုဏ် သတင်းမီဒီယာ

05:24 2 thg 5, 2026

📷 Photo

မြေငလျင်သတင်း

၂၀၂၆ ခုနှစ်၊ မေလ ၁ ရက်နေ့၊ မြန်မာစံတော်ချိန် (၀၉)နာရီ၊ (၂၁)မိနစ်၊ (၄၃)စက္ကန့် အချိန်တွင် ကမ္ဘာအေးမြေငလျင်စခန်းမှ အနောက်ဘက် (၄၂) မိုင်ခန့် ကွာဝေးသော မြန်မာနိုင်ငံပြည်တွင်း (မအူပင်မြို့၏ အနောက်မြောက်ဘက် (၁၁) မိုင်ခန့်အကွာ)၊ မြောက်လတ္တီတွဒ် (၁၆.၈၂) ဒီဂရီ၊ အရှေ့လောင်ဂျီတွဒ် (၉၅.၅၁) ဒီဂရီ၊ အနက် (၅) ကီလိုမီတာကို ဗဟိုပြု၍ ပမာဏ ၄.၂(M) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း တိုင်းထွာရရှိ ပါသည်။
#Myanmagon

260

မြန်မာ့ဂုဏ် သတင်းမီဒီယာ

05:24 2 thg 5, 2026

၂၀၂၆ ခုနှစ် ကာကွယ်ရေးဦးစီးချုပ်(လေ) တံခွန်စိုက်ဒိုင်း သေနတ်ပစ်ပြိုင်ပွဲ ဆုပေးပွဲကျင်းပ

မြန်မာ့ဂုဏ်  မေ ၁

၂၀၂၆ ခုနှစ် ကာကွယ်ရေးဦးစီးချုပ်(လေ) တံခွန်စိုက်ဒိုင်း သေနတ်ပစ်ပြိုင်ပွဲ ဆုပေးပွဲကို ယနေ့နံနက်ပိုင်းတွင် တောင်ငူမြို့ရှိ တောင်ငူလေတပ်စခန်းဌာနချုပ်၌ ပြုလုပ်ရာ တောင်ငူလေတပ်စခန်းဌာနချုပ်၊ လေတပ်စခန်းဌာနချုပ်မှူး ဗိုလ်မှူးကြီးရန်နိုင်၊ တောင်ပိုင်းတိုင်းစစ်ဌာနချုပ်မှ တပ်မတော်အရာရှိကြီးများ၊ တပ်မတော်(လေ)မှ အရာရှိကြီးများ၊ အရာရှိ/စစ်သည်များ၊ မိသားစုဝင်များနှင့် ပြိုင်ပွဲဝင်အသင်းများ တက်ရောက်ကြပါတယ်။

ထို့နောက် ကာကွယ်ရေးဦးစီးချုပ်ရုံး(လေ)တံခွန်စိုက်ဒိုင်း သေနတ်ပစ်ပြိုင်ပွဲတွင် တစ်ဦးချင်းဆုရရှိသူများနှင့် အသင်းလိုက်ဆုရရှိသူများကို တာဝန်ရှိသူများကလည်းကောင်း၊ တံခွန်စိုက်ဒိုင်းရရှိသော တောင်ငူလေတပ်စခန်းဌာနချုပ်အသင်းအားကာကွယ်ရေးဦးစီးချုပ်(လေ)ကိုယ်စား တောင်ငူလေတပ်စခန်းဌာနချုပ်၊ လေတပ်စခန်းဌာနချုပ်မှူး ဗိုလ်မှူးကြီး ရန်နိုင် ကလည်းကောင်း တံခွန်စိုက်ဒိုင်းဆုနှင့် ဂုဏ်ပြုဆုများ အသီးသီးပေးအပ်ချီးမြှင့်ကြပါတယ်။

အဆိုပါ သေနတ်ပစ်ပြိုင်ပွဲကို ကာကွယ်ရေးဦးစီးချုပ်(လေ)ကွပ်ကဲမှုအောက်ရှိ လေတပ်ကွပ်ကဲမှုဌာနချုပ်များ၊ လေတပ်စခန်းဌာနချုပ်များနှင့် လေတပ်စခန်းအသီးသီးမှ ပြိုင်ပွဲဝင်အမျိုးသား အသင်း ၁၃ သင်း၊ အမျိုးသမီးအသင်း ၁၁ သင်းတို့ဖြင့် ဧပြီလ ၂၇ ရက်မှ ယနေ့အထိ ကျင်းပပြုလုပ်ခဲ့ခြင်းဖြစ်ပါတယ်။
#News #Myanmagon

182

မြန်မာ့ဂုဏ် သတင်းမီဒီယာ

05:24 2 thg 5, 2026

📷 Photo

အိန္ဒိယရေတပ်ဦးစီးချုပ် Admiral Dinesh Kumar Tripathi, PVSM, AVSM, NM ဦးဆောင်သော
ချစ်ကြည်ရေးကိုယ်စားလှယ်အဖွဲ့ ရန်ကုန်မြို့သို့ရောက်ရှိ

မြန်မာ့ဂုဏ် မေ ၁ ရက်

ပြည်ထောင်စုသမ္မတမြန်မာနိုင်ငံတော်သို့ ချစ်ကြည်ရေးခရီးလည်ပတ်ရန်အတွက် အိန္ဒိယရေတပ်
ဦးစီးချုပ်Admiral Dinesh Kumar Tripathi, PVSM, AVSM, NM ဦးဆောင်သော ကိုယ်စားလှယ်အဖွဲ့
သည် ယနေ့ ညနေပိုင်းတွင် ရန်ကုန်မြို့သို့ လေကြောင်းခရီးဖြင့်ရောက်ရှိလာရာ တပ်မတော်(ရေ)မှ အရာရှိကြီးများ၊ မြန်မာနိုင်ငံဆိုင်ရာ အိန္ဒိယရေတပ်စစ်သံမှူးနှင့် တာဝန်ရှိသူများက ရန်ကုန်အပြည်ပြည် ဆိုင်ရာလေဆိပ်၌ ကြိုဆိုနှုတ်ဆက်ကြပါတယ်။

အဆိုပါ ချစ်ကြည်ရေးကိုယ်စားလှယ်အဖွဲ့သည် ရွှေတိဂုံစေတီတော်မြတ်ကြီးအား သွားရောက်ဖူးမြော်ကြည်ညိုကြပြီး မြန်မာနိုင်ငံတွင် မေလ ၆ ရက်အထိနေထိုင်၍ အထင်ကရ နေရာများသို့ သွားရောက်လေ့လာလည် ပတ်ခြင်းနှင့် နှစ်နိုင်ငံရေတပ်ဆိုင်ရာ ချစ်ကြည်ရေးခရီးစဉ်များ ဆက်လက်ဆောင်ရွက်သွားမည်ဖြစ် ကြောင်း သိရပါတယ်။
#News #Myanmagon

237

မြန်မာ့ဂုဏ် သတင်းမီဒီယာ

05:24 2 thg 5, 2026

📷 Photo

215

မြန်မာ့ဂုဏ် သတင်းမီဒီယာ

05:24 2 thg 5, 2026

📷 Photo

ရန်ကုန်မှ မန္တလေးသို့  DEMU ရထားဖြင့်   ယနေ့စတင်ပြေးဆွဲ

MMG May 1

ရန်ကုန်မှ မန္တလေးသို့ DEMU ရထားဖြင့် တိုက်ရိုက်ပြေးဆွဲခြင်းကို ယနေ့ (မေ ၁) တွင် စတင်ပြေးဆွဲပြီ ဖြစ်ပါတယ်။

ရန်ကုန်-မန္တလေး တိုက်ရိုက် အမှတ်(၅)အဆန်/ အမှတ်(၆)အစုန် DEMU ရထားဖြင့် ပြေးဆွဲခြင်း ဖြစ်ပါတယ်။

အမှတ်(၅)အဆန် ရန်ကုန်-မန္တလေး DEMU ရထားသည် ရန်ကုန်ဘူတာကြီးမှ မနက် ၆ နာရီ၌ စတင်ထွက်ခွာခဲ့ပြီး မန္တလေးဘူတာကို ညနေ ၄ နာရီ၌ ရောက်ရှိခဲ့ပါတယ်။

ထို့အတူ အမှတ်(၆)အစုန် မန္တလေး-ရန်ကုန် DEMU ရထားသည် မန္တလေးဘူတာမှ မနက် ၆ နာရီ၌ ထွက်ခွာပြီး ရန်
ကုန်ဘူတာကြီးကို ညနေ ၄ နာရီ ၁၀ မိနစ်၌ ရောက်ရှိခဲ့ပါတယ်။

လက်မှတ်ခနှုန်းထားများသည် အထက်တန်း ၄၈၀၀၀ ကျပ်၊ ပထမတန်း ၃၄၀၀၀ ကျပ်ဖြစ်ပါတယ်။

လမ်းခရီး၌ တိုးကြောင်ကလေး၊ ပဲခူး၊ ညောင်လေးပင်၊ တောင်ငူ၊ ပျဉ်းမနား၊ နေပြည်တော်၊ ရမည်းသင်း၊ သာစည်နှင့် ကျောက် ဆည်ဘူတာများ၌ ရပ်တန့်ပေးမှာဖြစ်ပါတယ်။
#News #Myanmagon

289

မြန်မာ့ဂုဏ် သတင်းမီဒီယာ

05:24 2 thg 5, 2026

📷 Photo

တပ်မတော်ဆေးရုံများ၌ တက်ရောက်ဆေးကုသမှုခံယူနေသူများအား ကြည့်ရှုအားပေး

မြန်မာ့ဂုဏ် မေ ၁

မေလ ၁ ရက်တွင် ရှမ်းပြည်နယ်(တောင်ပိုင်း)၊ တောင်ကြီးမြို့ရှိ တပ်မတော်ဆေးရုံနှင့် ဧရာဝတီတိုင်းဒေသကြီး၊ ပုသိမ်မြို့ရှိ တပ်မတော်ဆေးတပ်ရင်းတို့၌ တက်ရောက်ဆေးကုသမှု ခံယူလျက်ရှိသော အရာရှိ၊ စစ်သည်၊ မိသားစုဝင်များ၊ မြန်မာနိုင်ငံရဲတပ်ဖွဲ့ဝင်များ၊ စစ်မှုထမ်းဟောင်းအဖွဲ့ဝင်များ၊ ပြည်သူ့စစ်(ဌာနေ) တပ်ဖွဲ့ဝင်များနှင့် ဒေသခံတိုင်းရင်းသားပြည်သူများအား တိုင်းစစ်ဌာနချုပ်များမှ တိုင်းမှူးများနှင့် တာဝန်ရှိသူများက သွားရောက်ကြည့်ရှု၍ လူနာတစ်ဦးချင်းစီ၏ ရောဂါဖြစ်ပွားမှု၊ ဆေးဝါးကုသပေးထားမှုနှင့် ကျန်းမာရေးတိုးတက်ကောင်းမွန်မှုအခြေအနေများကို ရင်းရင်းနှီးနှီး မေးမြန်းအားပေးစကားပြောကြားကာ အာဟာရဖြည့်စားသောက်ဖွယ်ရာများနှင့် ချီးမြှင့်ငွေများ ပေးအပ်ခဲ့ပါတယ်။

ထို့နောက် တိုင်းစစ်ဌာနချုပ်များမှ တိုင်းမှူးများနှင့် တာဝန်ရှိသူများသည် ဆေးရုံများအတွင်း လှည့်လည်ကြည့်ရှုစစ်ဆေးကြပြီး လိုအပ်သည်များ ပေါင်းစပ်ညှိနှိုင်းဆောင်ရွက်ပေးခဲ့ကြတယ်လို့ သိရပါတယ်။
#News #Myanmagon

201

မြန်မာ့ဂုဏ် သတင်းမီဒီယာ

05:24 2 thg 5, 2026

📷 Photo

170

မြန်မာ့ဂုဏ် သတင်းမီဒီယာ

05:24 2 thg 5, 2026

ပဲခူးမြို့၌ ၂၀၂၆ ခုနှစ် အလုပ်သမားနေ့အခမ်းအနား ကျင်းပ

မြန်မာ့ဂုဏ် မေ ၁

ပဲခူးမြို့ မြို့တော်ခန်းမ၌ မေ ၁ ရက် နံနက်ပိုင်းက ၂၀၂၆ ခုနှစ်၊ အလုပ်သမားနေ့ အခမ်းအနား ကျင်းပပြုလုပ်ခဲ့ရာ ပဲခူးတိုင်းဒေသကြီးဝန်ကြီးချုပ် ဦးမျိုးဆွေဝင်းနှင့်ဇနီး ဒေါ်စိုးစိုးသက်တို့ တက်ရောက်ချီးမြှင့်ခဲ့ပါတယ်။

ဦးစွာ ပဲခူးတိုင်းဒေသကြီး ဝန်ကြီးချုပ်က ပြည်ထောင်စုမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်ထံမှ ပေးပို့သည့် အလုပ်သမားနေ့ သဝဏ်လွှာအား ဖတ်ကြားပါတယ်။

ထို့နောက် တိုင်းဒေသကြီးဝန်ကြီးချုပ်နှင့် ဇနီး ဒေါ်စိုးစိုးသက်၊ အလုပ်သမားဝန်ကြီးဌာန၊ ဒုတိယဝန်ကြီးနှင့် တိုင်းဒေသကြီး ဝန်ကြီးများက ၂၀၂၆ ခုနှစ်၊ အလုပ်သမားနေ့ အထိမ်းအမှတ် Video Clip အား ကြည့်ရှုခဲ့ကြပါတယ်။

၎င်းနောက် ပဲခူးတိုင်းဒေသကြီး ဝန်ကြီးချုပ်နှင့် တာဝန်ရှိသူများက အလုပ်သမားနေ့ အခမ်းအနား တက်ရောက်လာကြသူများအား ရင်းရင်းနှီးနှီး လိုက်လံနှုတ်ဆက်အားပေးပါတယ်။

ပဲခူးတိုင်းဒေသကြီးအစိုးရအဖွဲ့၏ ဦးဆောင်မှုဖြင့် အခါအားလျော်စွာ အလုပ်အကိုင်အခွင့်အလမ်းပြပွဲ(Job Fair)များ ပြုလုပ်ပေးလျက်ရှိပြီး တိုင်းဒေသကြီးအတွင်း အလုပ်လက်မဲ့များလျော့ပါးလာပြီး မိသားစုဝင်ငွေတိုးတက်စေခြင်း၊ အလုပ်လုပ်ကိုင်နိုင်သူအားလုံး အလုပ်အကိုင်ရရှိနိုင်ပါက ဒေသတွင်း ကုန်ထုတ်စွမ်းအားမြှင့်မားလာပြီး စီးပွားရေးဖွံ့ဖြိုးတိုးတက်မှုကို အထောက်အကူဖြစ်စေနိုင်ခြင်း၊ အလုပ် အကိုင်ရှာဖွေသူ အလုပ်သမားများနှင့် အလုပ်သမားလိုအပ်သူ အလုပ်ရှင်များအတွက် အချိန်မကုန်၊ ငွေမကုန်ဘဲ တစ်နေရာတည်းတွင် ချိတ်ဆက်ဆောင်ရွက်ပေးနိုင်ခြင်းဖြင့် အစိုးရ၊ အလုပ်ရှင်၊ အလုပ်သမား သုံးပွင့်ဆိုင်အကျိုးဖြစ်ထွန်းစေနိုင်သည့် အစီအစဉ်များ ဆောင်ရွက်ပေး လျက်ရှိပါတယ်။
#News #Myanmagon

292

မြန်မာ့ဂုဏ် သတင်းမီဒီယာ

12:10 22 thg 4, 2026

ပြည်ထောင်စု၀န်ကြီး ဒေါက်တာချောချောစိန် Naypyitaw State Academy ကို သုတေသနရှေ့ပြေးတက္ကသိုလ်အဖြစ် ထူထောင်ရေး ကြည့်ရှုစစ်ဆေး

မြန်မာ့ဂုဏ် ဧပြီ ၂၂

ပညာရေး၀န်ကြီးဌာန ပြည်ထောင်စု၀န်ကြီး ဒေါက်တာချောချောစိန်သည် ဒုတိယ၀န်ကြီး ဒေါက်တာဇော်မြင့်၊ ညွှန်ကြားရေးမှူးချုပ်များ၊ ဒုတိယအမြဲတမ်းအတွင်းဝန်များ၊ တာ၀န်ရှိသူများနှင့်အတူ ယမန်နေ့နံနက်ပိုင်းတွင် Naypyitaw State Academy သို့ ရောက်ရှိပြီး အပန်းဖြေရိပ်သာ (Recreation Centre) တည်ဆောက်ပြီးစီးမှုအခြေအနေကို ကြည့်ရှုကာ Naypyitaw State Academy တွင် Centre for Research and Innovation(CRI) ဖွင့်လှစ်နိုင်ရေးအတွက် လှည့်လည်ကြည့်ရှုစစ်ဆေးပါတယ်။

ထို့နောက် ပြည်ထောင်စုဝန်ကြီးသည် Naypyitaw State Academy အစည်းအဝေးခန်းမ၌ ညွှန်ကြားရေးမှူးချုပ်များ၊ ပါမောက္ခချုပ်၊ ဒုတိယပါမောက္ခချုပ်၊ ပါမောက္ခ (ဌာနမှူး) များ၊ တာဝန်ရှိသူများနှင့် တွေ့ဆုံ၍ နိုင်ငံတော်သမ္မတက Naypyitaw State Academy ကို သုတေသနစွမ်းရည်မြှင့်တင်သည့် ရှေ့ပြေးတက္ကသိုလ်အဖြစ် တည်ဆောက်သွားမည်ဖြစ်ကြောင်း လမ်းညွှန်မှုပြုခဲ့ပြီးဖြစ်သဖြင့် အကောင်အထည်ဖော်ရမည့် ကိစ္စရပ်များကို လာရောက်လေ့လာခြင်းဖြစ်ပါကြောင်း၊ Naypyitaw State Academy သည် နိုင်ငံ့ဦးဆောင်တက္ကသိုလ်တစ်ခုဖြစ်သည့် အားလျော်စွာ ရှေ့ပြေး Pilot Project များကို အမြဲတမ်းပါဝင်ဆောင်ရွက်ရမည် ဖြစ်ပါကြောင်း၊

Naypyitaw State Academy၊ ရန်ကုန်တက္ကသိုလ်နှင့် မန္တလေးတက္ကသိုလ်တို့တွင် Centre for Research and Innovation (CRI) ကို စတင်ထူထောင်အကောင် အထည်ဖော်သွားမည်ဖြစ်ပါကြောင်း၊ Naypyitaw State Academy တွင် သုတေသနနှင့် တီထွင်ဆန်းသစ်မှုလုပ်ငန်းများ ဆောင်ရွက်ရန်အတွက် လူသားအရင်းအမြစ်များ၊ နိုင်ငံတကာအဆင့်မီ သုတေသနစက်ပစ္စည်းများ သင့်တင့်စွာ ဖြည့်ဆည်းထားပြီးဖြစ်သဖြင့် နိုင်ငံတော်အတွက် အကျိုးရှိပြီး ထိရောက်သော သုတေသနများ ထွက်ပေါ်လာစေရန် ရက် ၁၀၀ အတွင်း လုပ်ငန်းအကောင်အထည်ဖော်ဆောင်ရွက်သွားရမည်ဖြစ်ပါကြောင်း။

Digital Education နှင့် ပတ်သက်၍ Digital Learning Platform ကို ဆောင်ရွက်ရမည်ဖြစ်ရာ သင်ယူမှုစီမံခန့်ခွဲရေးစနစ် (Learning Management System-LMS) ကို စနစ်တကျဆောင်ရွက်သွားရမည်ဖြစ်ပါကြောင်း၊ ယင်းသို့ဆောင်ရွက်ရာတွင် ဉာဏ်ရည်တုနည်းပညာ Artificial Intelligence (AI) နှင့် ချိတ်ဆက်ဆောင်ရွက်ရမည်ဖြစ်ပါကြောင်း၊ AI tools များကို အသုံးပြု၍ Lecture များ ပိုမိုကောင်းမွန်အောင် ပြင်ဆင်ကြစေလိုကြောင်း၊ ဆရာ ဆရာမများ ကိုယ်တိုင် LMS Platform ကို ကျွမ်းကျင်စွာ အသုံးပြုတတ်စေရန် သင်တန်းများ ပေးရမည်ဖြစ်ပါကြောင်း၊ သို့ဖြစ်၍ Naypyitaw State Academy ကစတင်ကာ LMS Platform ကို အကောင်အထည်ဖော်ရမည်ဖြစ်ပါကြောင်း၊ လူရည်ချွန်စီမံကိန်း အကောင်အထည်ဖော်ဆောင်ရွက်လျက်ရှိရာ Naypyitaw State Academy တွင် လိုအပ်သည့် ပြင်ဆင်ဆောင်ရွက်မှုများကို ဆက်စပ်ဝန်ကြီးဌာနများနှင့် ပူးပေါင်းဆောင်ရွက်ကြစေလိုပါကြောင်း၊ လူရည်ချွန်စီမံကိန်း အောင်မြင်စွာ ကျင်းပဆောင်ရွက်နိုင်ရေး ပူးပေါင်းဆောင်ရွက်ကြစေလိုကြောင်း ပြောကြားပါတယ်။

ထို့နောက် ဒုတိယဝန်ကြီး ဒေါက်တာဇော်မြင့်က Naypyitaw State Academy တွင် Centre for Research and Innovation(CRI) တည်ထောင်နိုင်ရေးအတွက် အမှန်တကယ်လိုအပ်သည့် စက်ပစ္စည်းများကို ပြည့်စုံအောင် ဖြည့်ဆည်းပေးနိုင်ရေး ညှိနှိုင်းဆောင်ရွက်သွားမည်ဖြစ်ပါကြောင်း၊ Learning Management System(LMS) နှင့် ပတ်သက်၍ Naypyitaw State Academy တွင် Digital Education ၏ အခြေခံအဆောက်အအုံများဖြစ်သည့် Smart TV၊ Digital Learning Centre၊ LMS စနစ်နှင့် မြန်နှုန်းမြင့်အင်တာနက်လိုင်းများကို တပ်ဆင်ပေးထားပြီးဖြစ်သဖြင့် သင်ကြားရေး၊ သုတေသနနှင့် တီထွင်မှုလုပ်ငန်းများကို တွန်းအားပေးဆောင်ရွက်သွားမည်ဖြစ်ပါကြောင်း တင်ပြပါတယ်။

ယင်းနောက် Naypyitaw State Academy ပါမောက္ခချုပ် ဒေါက်တာနုနုလွင်နှင့် ပါမောက္ခ (ဌာနမှူး) များက ဆွေးနွေးတင်ပြကြရာ ပြည်ထောင်စုဝန်ကြီးက လိုအပ်သည်များကို ပေါင်းစပ်ညှိနှိုင်းဆောင်ရွက်ပေးပါတယ်။

မွန်းလွဲပိုင်းတွင် ပြည်ထောင်စုဝန်ကြီးသည် ပညာရေးဝန်ကြီးဌာန အစည်းအဝေးခန်းမ၌ ကျင်းပသည့် ၂၀၂၅-၂၀၂၆ ပညာသင်နှစ် လူရည်ချွန်စခန်းများ ဖွင့်လှစ်ရေး လုပ်ငန်းညှိနှိုင်းအစည်းအဝေးသို့ တက်ရောက်၍ သက်ဆိုင်ရာကော်မတီအသီးသီးက မိမိတို့၏ လုပ်ငန်းစဉ်များနှင့် စပ်လျဉ်း၍ ဆောင်ရွက်ပြီးစီးမှုအခြေအနေများကို ရှင်းလင်းတင်ပြကြစေလိုကြောင်း ပြောကြားပါတယ်။

ထို့နောက် ဆပ်ကော်မတီဥက္ကဋ္ဌများက မိမိတို့ဆပ်ကော်မတီအလိုက် လုပ်ငန်းဆောင်ရွက်ပြီးစီးမှု အခြေအနေများကို ရှင်းလင်းတင်ပြကြရာ တက်ရောက်လာကြသူများ ဝိုင်းဝန်းအကြံပြုဆွေးနွေးကြပြီး ပြည်ထောင်စုဝန်ကြီးက နိဂုံးချုပ်အမှာစကားပြောကြားခဲ့ကြောင်း သိရပါတယ်။
#News #Myanmagon

မြန်မာ့ဂုဏ် သတင်းမီဒီယာ

12:10 22 thg 4, 2026

📷 Photo

121

မြန်မာ့ဂုဏ် သတင်းမီဒီယာ

12:10 22 thg 4, 2026

လုပ်ငန်းတာဝန်များကို ဝန်ထမ်းများ၏ စည်းလုံးညီညွတ်မှု၊ လုံလဝီရိယ၊ မလျှော့သောဇွဲတိုဖြင့် အောင်မြင်စွာ ကျော်ဖြတ်နိုင်မည်ဟုယုံကြည်

မြန်မာ့ဂုဏ် ဧပြီ ၂၂

သာသနာရေးဝန်ကြီးဌာနတွင် တာဝန်ထမ်းဆောင်လျက်ရှိသည့် ဝန်ထမ်းများနှင့် တွေ့ဆုံပွဲကို ယမန်နေ့နံနက် ၁၀ နာရီတွင် သာသနာရေးဝန်ကြီးဌာန ရုံးအမှတ် ၃၁ စုပေါင်းအစည်းအဝေးခန်းမမြေညီထပ်၌ ကျင်းပပါတယ်။

အခမ်းအနားသို့ သာသနာရေးဝန်ကြီးဌာန ပြည်ထောင်စုဝန်ကြီး ဦးတင်ဦးလွင်၊ ဒုတိယဝန်ကြီး ဦးလင်းအောင်၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ တာဝန်ရှိသူများ၊ ဦးစီးဌာနများနှင့် တက္ကသိုလ်တို့မှ အရာထမ်း၊ အမှုထမ်းများ တက်ရောက်ကြပါတယ်။

ဦးစွာ ပြည်ထောင်စုဝန်ကြီးက မြန်မာသက္ကရာဇ် ၁၃၈၇ ခုနှစ်မှသည် ၁၃၈၈ ခုနှစ်သို့ ကူးပြောင်းရောက်ရှိ လာပြီဖြစ်သောကြောင့် နှစ်ဟောင်းတွင် ကြုံတွေ့ရသည့် အခက်အခဲများ၊ စိန်ခေါ်မှုများကို ရင်ဆိုင်ကျော်ဖြတ်နိုင်ခဲ့ကြသကဲ့သို့ ယခုနှစ်သစ်တွင်လည်း မိမိတို့ဝန်ထမ်းများ၏ လုပ်ငန်းတာဝန်များကို စည်းလုံးညီညွတ်မှု၊ လုံ့လဝီရိယ၊ မလျှော့သောဇွဲတို့ဖြင့် အောင်မြင်စွာကျော်ဖြတ်နိုင်မည်ဟု ယုံကြည်ပါကြောင်း၊ ယခုအခါ မြန်မာနိုင်ငံသည် ဒီမိုကရေစီလမ်းကြောင်းပေါ်ကို ပြန်လည်ခြေချပြီး ပိုမိုကောင်းမွန်သည့် အနာဂတ်ဆီသို့ ဦးတည်လျှောက်လှမ်းနေပြီဖြစ်သည့်အတွက် ပါတီစုံဒီမိုကရေစီစနစ် ပိုမိုခိုင်မာအောင် ကြိုးပမ်းတည်ဆောက်သွားရမည်ဖြစ်ကြောင်း၊ အစိုးရအဖွဲ့၏ ရည်မှန်းချက်၊ မူဝါဒများနှင့် သဘောထားများကို ပြည်ထောင်စုလွှတ်တော်မှတစ်ဆင့် မိဘပြည်သူများကို တင်ပြပြီး နိုင်ငံနှင့် ပြည်သူအကျိုးကို ထိရောက်အောင်မြင်အောင် ဆောင်ရွက်သွားမည်ဖြစ်ပါကြောင်း။

ဧပြီ ၃၀ ရက်မှ မေ ၂ ရက်အထိ ရန်ကုန်မြို့ ကမ္ဘာအေးကုန်းမြေ မဟာပါသာဏလိုဏ်ဂူတော်ကြီး တွင် ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် အထိမ်းအမှတ် မဟာမင်္ဂလာအခမ်းအနား ကျင်းပရန်ရှိပြီး နေပြည်တော်တွင်လည်း ဧပြီ ၃၀ ရက်တွင် ကဆုန်လပြည့် ဗုဒ္ဓနေ့ဆိုင်ရာ မဟာမင်္ဂလာအခမ်းအနားများ ကျင်းပရန်ရှိသည့်အတွက် ဌာနအလိုက်လုပ်ငန်းများ ဆောင်ရွက်ရန်ရှိသည်များကို အချိန်မီပြီးစီးအောင် ဆောင်ရွက်ကြရန်နှင့် အခက်အခဲများရှိပါက အဆင့်ဆင့်တင်ပြဆောင်ရွက်ကြရန်လိုပါကြောင်း။

မိမိတို့ သာသနာရေးဝန်ကြီးဌာနအနေဖြင့် သင်္ဂါယနာလုပ်ငန်း၏ ပဓာနဖြစ်သည့် ပိဋကကျမ်းစာများကို ခဲစာလုံးမူမှ ကွန်ပျူတာမူအဖြစ်သို့ ပါဠိတော်၊ အဋ္ဌကထာ၊ ဋီကာအားလုံးတို့ကို အစုံလိုက်အတွဲလိုက် ပြန်လည်ရိုက်နှိပ်နိုင်ရေးဆောင်ရွက်ခဲ့ရာ ယခုအခါ အဋ္ဌကထာ ၅၁ အုပ်ကို အစုံလိုက် ရိုက်နှိပ်ပြီးဖြစ်၍ ပရိယတ္တိဝန်ဆောင်ဆရာတော် အရှင်မြတ်များနှင့် ပရိယတ္တိစာသင်တိုက်ကြီးများကို လှူဒါန်းလျက်ရှိပါကြောင်း၊ ဆက်လက်၍ ဋီကာ ၂၆ အုပ်ကို ကွန်ပျူတာစာမူအဖြစ် ရိုက်နှိပ်နိုင်ရေး ဆောင်ရွက်လျက်ရှိပါကြောင်း၊ ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် အထိမ်းအမှတ်အခမ်းအနား မကြာမီကျင်းပတော့မည်ဖြစ်သည့်အတွက် ယခုအခမ်းအနားနှင့် ဆက်စပ်ပြီး ဝန်ထမ်းများအနေဖြင့် မိမိတို့တာဝန်ထမ်းဆောင်စဉ်ကာလအတွင်း ဆောင်ရွက်မှုများသည် တန်ဖိုးမဖြတ်နိုင်သည့် သမိုင်းမှတ်တမ်းတစ်ခုအဖြစ် ကျန်ရှိနေမည်ဖြစ်သည့်အပြင် ကုသိုလ်များလည်း ပွားများနိုင်မည်ဖြစ်ပါကြောင်း။

“ပြည်သူလူထုအပေါ်တွင် တာဝန်ထမ်းဆောင်ရင်းဖြင့် ကုသိုလ်ပြုပါ” ဆိုသည့် ဆောင်ပုဒ်နှင့်အညီ လိုက်နာဆောင်ရွက်ကြရန်၊ မိမိတို့ဆောင်ရွက်မှုတိုင်းကိုလည်း တာဝန်ရှိသူအဆင့်ဆင့်ကို ပြန်လည်သတင်းပို့ရန် လိုအပ်သည်ဖြစ်သည့်အတွက် “ပြန်လည်သတင်းပို့ပါ” ဆိုသည့် ဆောင်ပုဒ်နှင့်အညီ လိုက်နာဆောင်ရွက်သွားကြရန် မှာကြားခဲ့ကြောင်း သိရပါတယ်။
#News #Myanmagon

မြန်မာ့ဂုဏ် သတင်းမီဒီယာ

12:10 22 thg 4, 2026

📷 Photo

မြန်မာ့ဂုဏ် သတင်းမီဒီယာ

12:10 22 thg 4, 2026

လျှပ်စစ်နှင့် စွမ်းအင်ဝန်ကြီးဌာန ဝန်ထမ်းများအား ဌာန၏တာဝန်နှင့် ဆောင်ရွက်သွားမည့် အစီအမံများ ရှင်းလင်းပြောကြားခြင်း အခမ်းအနားကျင်းပ

မြန်မာ့ဂုဏ် ဧပြီ ၂၂

လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်က ဝန်ထမ်းများအားဌာန၏ တာဝန်နှင့် ဆောင်ရွက်သွားမည့် အစီအမံများ ရှင်းလင်းပြောကြားခြင်းကို ယနေ့နံနက် ၁၀ နာရီတွင် လျှပ်စစ်နှင့်စွမ်းအင်ဝန်ကြီးဌာန ရုံးအမှတ် (၆) ၌ ပြုလုပ်ခဲ့ပါတယ်။

ပြည်ထောင်စုဝန်ကြီးက လျှပ်စစ်နှင့်စွမ်းအင်ကဏ္ဍသည် နိုင်ငံတော်ဖွံ့ဖြိုးတိုးတက်ရေးနှင့် စီးပွားရေးဖွံ့ဖြိုးတိုးတက်မှုတို့အတွက် အခြေခံကျပါကြောင်း၊ နိုင်ငံအတွက် လိုအပ်လျက်ရှိသည့် လျှပ်စစ်နှင့် စွမ်းအင်ကဏ္ဍမြှင့်တင်ရေး အလေးထားလုပ်ဆောင်သွားရန် နိုင်ငံတော်သမ္မတကလမ်းညွှန်မှုပြုထားပါကြောင်း၊ လျှပ်စစ်နှင့် စွမ်းအင်ဝန်ကြီးဌာန လက်အောက်ရှိဝန်ထမ်းများ အလုပ်တာဝန်များ ဆောင်ရွက်ရာတွင် ရလဒ်ကောင်းများ ရရှိလာစေရန် နိုင်ငံတော်နှင့် ပြည်သူတို့ အကျိုးကို ရှေးရှုလုပ်ဆောင်ကြစေလိုပါကြောင်း၊ လျှပ်စစ်နှင့် စွမ်းအင်ဝန်ကြီးဌာနသည် ကျွမ်းကျင်ပညာရှင်များ၊ အင်ဂျင်နီယာများ၊ ဘူမိဗေဒပညာရှင်များဖြင့် ဖွဲ့စည်းလုပ်ဆောင်ရသည့် အလုပ်ဖြစ်သောကြောင့် ဝန်ထမ်းတစ်ဦးချင်းအနေဖြင့် မိမိတို့၏နယ်ပယ်အသီးသီးတွင် Professional ဖြစ်လာစေရန် ကြိုးစားကြစေလိုပါကြောင်း၊ “ပြည်သူလူထု၏ အကျိုးစီးပွားကို ထိခိုက်နစ်နာစေမည့် မည်သည့်အကြောင်းအရာကို မျှလက်ခံမည်မဟုတ်” ဆိုသော နိုင်ငံတော်သမ္မတ၏ လမ်းညွှန်ချက်အား နှလုံးသွင်း၍ လုပ်ငန်းတာဝန်များ ထမ်းဆောင်ကြရမည်ဖြစ်ပါကြောင်း၊ ဝန်ထမ်းများ ကိုယ်ကျိုးစီးပွားအတွက် လုပ်ဆောင်နေမှုများကို တွေ့ရှိရပါက ထိရောက်စွာ အရေးယူသွားမည်ဖြစ်ကြောင်း ပြောကြားပါတယ်။

ဆက်လက်၍ ပြည်ထောင်စုဝန်ကြီးက လျှပ်စစ်ဓာတ်အား ထုတ်လုပ်မှုစီမံကိန်းလုပ်ငန်းများ လျင်မြန်စွာ ပြီးမြောက်စေရေးတွန်းအားပေးဆောင်ရွက်သွားမည်ဖြစ်သကဲ့သို့ လျှပ်စစ်ဓာတ်အားလေလွင့်ဆုံးရှုံးမှုမဖြစ်ပေါ်စေရေး နည်းပညာအသုံးပြုဆောင်ရွက်ခြင်း၊ မသမာမှုများ ပြုလုပ်နေခြင်းတို့ကို ထိရောက်စွာ ဟန့်တားနိုင်ရန်အစီအမံဖြင့် ဆောင်ရွက်သွားမည်ဖြစ်ကြောင်း၊ ဓာတ်အားလေလွင့်ဆုံးရှုံးမှု လျှော့ချနိုင်ခြင်းဖြင့် နိုင်ငံတော်အနေဖြင့် ဝင်ငွေတိုးမြှင့်ရရှိမည် ဖြစ်သည့်အပြင် ဆုံးရှုံးနေသည့် ဓာတ်အားများအား လိုအပ်မှုရှိနေသည့် နေရာများသို့ တိုးမြှင့်ဖြန့်ဖြူး ပေးနိုင်မည်ဖြစ်သဖြင့် ဝန်ထမ်းများအနေဖြင့် ချမှတ်ဆောင်ရွက်မည့် အစီအမံအတိုင်း တိကျစွာလိုက်နာဆောင်ရွက်ရမည်ဖြစ်ပါကြောင်း၊ ပြည်သူလူထု၏ယုံကြည် အားကိုးမှုရရှိသည့် ဌာနတစ်ခုအဖြစ် ရပ်တည်နိုင်ရေးဝန်ထမ်းတိုင်းအနေဖြင့် ကြိုးစားဆောင်ရွက်ကြရန် တိုက်တွန်းပါကြောင်း မှာကြားပါတယ်။

ဆက်လက်၍ လျှပ်စစ်ဓာတ်အား ပို့လွှတ်ရေးနှင့် ကွပ်ကဲရေးဦးစီးဌာနမှ ညွှန်ကြားရေးမှူးချုပ်က 500KV ဓာတ်အားလိုင်း တည်ဆောက်နေမှုအခြေအနေများ၊ ရန်ကုန်လျှပ်စစ်ဓာတ်အားပေးရေးကော်ပိုရေးရှင်းဥက္ကဋ္ဌက လျှပ်စစ်ဓာတ်အား လျော့နည်း ပျောက်ဆုံးမှုကျဆင်းစေရေး ဆောင်ရွက်နေမှုအခြေအနေများနှင့် ပတ်သက်၍ ရှင်းလင်းတင်ပြခဲ့ရာ ပြည်ထောင်စုဝန်ကြီးက လိုအပ်သည်များ ပေါင်းစပ်ညှိနှိုင်းဆောင်ရွက်ပေးပါတယ်။

ယင်းအခမ်းအနားသို့ လျှပ်စစ်နှင့်စွမ်းအင်ဝန်ကြီးဌာနမှ ဒုတိယဝန်ကြီးများ၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဦးဆောင်ညွှန်ကြားရေးမှူးများ၊ တာဝန်ရှိသူများနှင့် ကြီးကြပ်မှုအောက် တိုင်းဒေသကြီး/ ပြည်နယ်များရှိ အရာထမ်း၊ အမှုထမ်းများက ဗီဒီယိုကွန်ဖရင့်စနစ်ဖြင့် တက်ရောက်ခဲ့ကြကြောင်း သိရပါတယ်။
#News #Myanmagon

မြန်မာ့ဂုဏ် သတင်းမီဒီယာ

12:10 22 thg 4, 2026

📷 Photo

122

Showing 30 of 50 posts

Xếp hạng

Yêu cầu đăng nhập

Đánh giá của người dùng (0)

Chưa có đánh giá nào. Hãy là người đầu tiên chia sẻ trải nghiệm của bạn!

Kênh Telegram liên quan

Icelandic Met Office / Yfirstandandi / Police / Meteo / Veðurstofa Íslands - Earthquake Jarðskjálftar Volcano Alert / WWF Arctic

890

Loading recommended channels...

မြန်မာ့ဂုဏ် သတင်းမီဒီယာ

မြန်မာ့ဂုဏ် သတင်းမီဒီယာ

Xếp hạng

Tăng trưởng người đăng ký (Trong 7 ngày qua)

Bài đăng gần đây

Xếp hạng

Đánh giá của người dùng (0)

Kênh Telegram liên quan

Icelandic Met Office / Yfirstandandi / Police / Meteo / Veðurstofa Íslands - Earthquake Jarðskjálftar Volcano Alert / WWF Arctic

Billie Eilish World

Karol G Brasil

TIN TỨC NHANH MỘC BÀI / MOC BAI 新闻快讯

အထန်ကမ္ဘာနံပါတ်တစ် 🌚

កម្ពុជាថ្មី International

Global Intel LIVE - CoronaLive

越南大事件 🇻🇳 Vietnam News

Kênh Telegram liên quan

Icelandic Met Office / Yfirstandandi / Police / Meteo / Veðurstofa Íslands - Earthquake Jarðskjálftar Volcano Alert / WWF Arctic

Billie Eilish World

Karol G Brasil

TIN TỨC NHANH MỘC BÀI / MOC BAI 新闻快讯

အထန်ကမ္ဘာနံပါတ်တစ် 🌚

កម្ពុជាថ្មី International

Global Intel LIVE - CoronaLive

越南大事件 🇻🇳 Vietnam News

Bài đăng gần đây

Đánh giá của người dùng (0)