កម្ពុជាថ្មី International

Public

Xem kênh

51.2K

11.3K

2.6K

Không thể tham gia? @kpt_international

5k Thành viên

Cập nhật: April 11, 2026 at 3:56 PM

About កម្ពុជាថ្មី International – Tin thế giới Telegram Channel

តាមដានព័ត៌មានអន្តរជាតិ ទាន់ហេតុការណ៍ ថ្មីៗ ខ្លីខ្លឹម មាននៅទីនេះ...

@kpt_international offers specialized information about Tin thế giới for subscribers interested in Tin thế giới

Xếp hạng

Xếp hạng toàn cầu

#456

Xếp hạng ngôn ngữ

#45

Xếp hạng danh mục

#23

-1

Tăng trưởng người đăng ký (Trong 3 ngày qua)

Tổng cộng: 5.0K

Tăng trưởng 24 giờ: -17 0%

Bài đăng gần đây

កម្ពុជាថ្មី International

14:09 7 thg 4, 2026

📷 Photo

220

កម្ពុជាថ្មី International

14:09 7 thg 4, 2026

📷 Photo

274

កម្ពុជាថ្មី International

14:09 7 thg 4, 2026

🚨កូរ៉េខាងជើងសរសើរប្រធានាធិបតីកូរ៉េខាងត្បូង ក្រោយចេញមុខសុំទោសរឿងដ្រូន

ប្រទេសកូរ៉េខាងជើងបាន​បង្ហាញនូវអាកប្បកិរិយាទន់ភ្លន់ខុសប្លែកពីធម្មតា ដោយបានពោលពាក្យសរសើរទៅកាន់ប្រធានាធិបតីកូរ៉េខាងត្បូង លោក លី ជេម្យុង (Lee Jae-myung)។ នេះ​បើតាម​ការ​ចុះផ្សាយ​របស់​ទីភ្នាក់ងារ​ព័ត៌មាន​រ៉យទ័រ​ចុះ​ផ្សាយ​ថ្ងៃទី​៧​ខែមេសា​ឆ្នាំ​២០២៦។

ការសរសើរនេះកើតឡើងបន្ទាប់ពីលោកប្រធានាធិបតី លី បានចេញមុខសម្តែងការសោកស្តាយចំពោះករណីដែលដ្រូនរបស់កូរ៉េខាងត្បូងបានហោះចូលទៅក្នុងទឹកដីកូរ៉េខាងជើង ដែលនេះជាកាយវិការសម្របសម្រួលដ៏កម្រមួយ ចំពេលដែលប្រទេសបងប្អូនទាំងពីរតែងតែមើលមុខគ្នាមិនត្រង់ក្នុងរយៈពេលប៉ុន្មានឆ្នាំចុងក្រោយ​​នេះ។

លោក លី ជេម្យុង បានបញ្ជាក់យ៉ាងច្បាស់ថា ករណីដ្រូនហោះឆ្លងដែនយ៉ាងតិចចំនួន២​លើកនោះ គឺជាទង្វើរបស់បុគ្គលស៊ីវិលមួយចំនួនដែលបានបំពានគោលការណ៍រដ្ឋាភិបាល ហើយលោកថែមទាំងបានហៅសកម្មភាពនេះថាជា «ការបះបោរ» ប្រឆាំងនឹងប្រទេសជាតិខ្លួនឯងទៀតផង។ លទ្ធផលនៃការស៊ើបអង្កេតបានបង្ហាញថា មានមន្ត្រីចារកម្ម និងមន្ត្រីយោធាម្នាក់បានជាប់ពាក់ព័ន្ធក្នុងរឿងនេះ ដែលវាជាការរំលោភលើរដ្ឋធម្មនុញ្ញរបស់កូរ៉េខាងត្បូង ដែលហាមឃាត់រាល់ការបង្កហេតុប្រឆាំងនឹងកូរ៉េខាងជើង។ លោកបានសង្កត់ធ្ងន់ក្នុងកិច្ចប្រជុំគណៈរដ្ឋមន្ត្រីថា វាមិនមែនជាចេតនារបស់រដ្ឋាភិបាលទេ ប៉ុន្តែលោកសូមសម្តែងការសោកស្តាយដែលសកម្មភាពគ្មានការទទួលខុសត្រូវរបស់បុគ្គលខ្លះ បានធ្វើ​ឲ្យ​មានភាពតានតឹងផ្នែកយោធាដោយមិនចាំបាច់។

ភ្លាមៗបន្ទាប់ពីឮពាក្យពេចន៍ទាំងនេះ អ្នកស្រី គីម យ៉ូជុង ដែលជាប្អូនស្រីដ៏មានឥទ្ធិពលរបស់លោក គីម ជុងអ៊ុន បានចេញសេចក្តីថ្លែងការណ៍តាមរយៈសារព័ត៌មានរដ្ឋ KCNA ដោយលើកឡើងថា រដ្ឋាភិបាលកូរ៉េខាងជើងចាត់ទុកសម្តីរបស់លោក លី ថាជាការបង្ហាញនូវចរិតលក្ខណៈរបស់ «បុរសដែលស្មោះត្រង់ និងមានចិត្តទូលាយ»។ អ្នកស្រីបានបន្តថា វាគឺជាអាកប្បកិរិយាដែល «មានសំណាង និងឆ្លាតវៃបំផុត» សម្រាប់សុវត្ថិភាពរបស់កូរ៉េខាងត្បូងខ្លួនឯង។

សារដ៏ទន់ភ្លន់នេះបានធ្វើ​ឲ្យ​ពិភពលោកចាប់អារម្មណ៍យ៉ាងខ្លាំង ព្រោះវាខុសស្រឡះពីការវាយប្រហារតាមសម្តីយ៉ាងចាស់ដៃនាពេលកន្លងមក ដែលកូរ៉េខាងជើងធ្លាប់ហៅកូរ៉េខាងត្បូងថាជា «សត្រូវស៊ីសាច់ហុតឈាម»។ ចាប់តាំងពីលោក លី ជេម្យុង ឡើងកាន់តំណែងកាលពីខែមិថុនាឆ្នាំ​មុន លោកតែងតែព្យាយាមលើកកម្ពស់សន្តិភាព និងចង់ស្តារទំនាក់ទំនងដែលធ្លាប់តែដុនដាបខ្លាំង​ឲ្យ​ប្រសើរឡើងវិញ ដោយលោកជឿជាក់ថា សន្តិភាពគឺជាគោលនយោបាយដ៏ល្អបំផុតដើម្បីនាំមកនូវភាពរីកចម្រើនដល់ភាគីទាំងសងខាង៕

កម្ពុជាថ្មី International

14:09 7 thg 4, 2026

📷 Photo

376

កម្ពុជាថ្មី International

14:09 7 thg 4, 2026

🚨លេចឮព័ត៌មានថា មេដឹកនាំ​ថ្មី​អ៊ីរ៉ង់​ កំពុងសន្លប់បាត់ស្មារតី មិន​អាច​គ្រប់គ្រង​ប្រទេសទេ

រឿងរ៉ាវដ៏គួរ​ឲ្យ​ភ្ញាក់ផ្អើលមួយបានផ្ទុះឡើងក្នុងរង្វង់នយោបាយពិភពលោក បន្ទាប់ពីមានរបាយការណ៍សម្ងាត់ពីភ្នាក់ងារចារកម្មអាមេរិក និងអ៊ីស្រាអែល ទម្លាយថា មេដឹកនាំកំពូលថ្មីរបស់អ៊ីរ៉ង់ គឺលោក Mojtaba Khamenei កំពុងស្ថិតក្នុងស្ថានភាពសន្លប់បាត់ស្មារតី និងមិនអាចដឹកនាំប្រទេសបានឡើយ។

តាមព័ត៌មានដែលទទួលបាន និង​ចុះផ្សាយ​ដោយ​ Daily Mail នា​ថ្ងៃទី​៧​ខែមេសា​ឆ្នាំ​២០២៦ លោក Mojtaba Khamenei កំពុងសម្រាកព្យាបាលជំងឺយ៉ាងធ្ងន់ធ្ងរនៅក្នុងទីក្រុងមជ្ឈមណ្ឌលសាសនា​ទីក្រុង Qom បន្ទាប់ពីលោកបានបាត់មុខជាសាធារណៈតាំងពីថ្ងៃដែលលោកឡើងកាន់តំណែងបន្តពីឪពុករបស់លោកមកម្ល៉េះ។

ប្រសិនបើគេនៅចាំមិនភ្លេចទេ លោកបានឡើងមកដឹកនាំប្រទេសជំនួសឪពុករបស់លោក គឺលោក Ayatollah Ali Khamenei ដែលត្រូវបានគេធ្វើឃាតតាំងពីថ្ងៃដំបូងនៃសង្គ្រាមមក។ កាលពីមុន រដ្ឋាភិបាលអ៊ីរ៉ង់ធ្លាប់អះអាងថា លោកគ្រាន់តែរងរបួសស្រាលត្រង់ជើងប៉ុណ្ណោះ នៅក្នុងហេតុការណ៍វាយប្រហារតាមអាកាសដែលបានសម្លាប់ឪពុក ម្តាយ ភរិយា និងកូនប្រុសរបស់លោក។ ប៉ុន្តែរបាយការណ៍ចុងក្រោយដែលបានចែករំលែកទៅកាន់បណ្តាប្រទេសសម្ព័ន្ធមិត្តនៅតំបន់ឈូងសមុទ្រ បែរជាបង្ហាញការពិតផ្ទុយស្រឡះ ដោយបញ្ជាក់ថា ស្ថានភាពរបស់លោកធ្ងន់ធ្ងររហូតដល់មិនអាចចូលរួមសម្រេចចិត្តលើកិច្ចការរដ្ឋណាមួយបានឡើយ។

អ្វីដែលកាន់តែគួរ​ឲ្យ​សង្ស័យនោះគឺថា ចាប់តាំងពីឡើងកាន់អំណាចមក រាល់សេចក្តីថ្លែងការណ៍របស់មេដឹកនាំថ្មីរូបនេះ គឺត្រូវបានអានដោយអ្នកសម្របសម្រួលកម្មវិធីទូរទស្សន៍រដ្ឋទាំងអស់។ សូម្បីតែវីដេអូដែលបង្ហាញថា លោកកំពុងដើរពិនិត្យផែនទីយោធា ក៏ត្រូវបានគេរកឃើញថាជាវីដេអូដែលបង្កើតឡើងដោយបច្ចេកវិទ្យាបញ្ញាសិប្បនិម្មិត (AI) តែប៉ុណ្ណោះ ហើយ​ក្រុមប្រឆាំង​ក្នុង​ស្រុក​ ក៏​បាន​អះអាងស្រដៀង​គ្នា​ដែរ​ថា លោក Mojtaba Khamenei កំពុងស្ថិតក្នុងសភាពជាមនុស្ស​រុក្ខជាតិ​៕

547

កម្ពុជាថ្មី International

14:09 7 thg 4, 2026

🚨UN ព្រមានអាមេរិក​ថា ត្រាំ​អាច​ប្រព្រឹត្ត​ខុសច្បាប់អន្តរជាតិក្នុង​សង្គ្រាម​នៅ​អ៊ីរ៉ង់

ស្របពេលដែលស្ថានភាពរវាងសហរដ្ឋអាមេរិក និងអ៊ីរ៉ង់ កំពុងតែមានភាពតានតឹងខ្លាំង អ្នកនាំពាក្យរបស់អគ្គលេខាធិការអង្គការសហប្រជាជាតិ លោក Stéphane Dujarric បានចេញមុខបញ្ជាក់យ៉ាងច្បាស់ថា ប្រសិនបើមានការវាយប្រហារណាមួយទៅលើគោលដៅស៊ីវិលនៅក្នុងប្រទេសអ៊ីរ៉ង់ នោះគឺជាការរំលោភលើច្បាប់អន្តរជាតិយ៉ាងធ្ងន់ធ្ងរ។

តាម​​សារព័ត៌មាន UNN ចុះផ្សាយ​ថ្ងៃទី​៧​ខែមេសា​ឆ្នាំ​២០២៦ ការលើកឡើងបែបនេះធ្វើឡើងបន្ទាប់ពីលោកប្រធានាធិបតី ដូណាល់ ត្រាំ បានបង្ហោះសារព្រមានកាលពីពេលថ្មីៗ​ថា លោកអាចនឹងបញ្ជា​ឲ្យ​មានការកម្ទេចទីតាំងសំខាន់ៗមួយចំនួន បើអ៊ីរ៉ង់មិនព្រមយល់ព្រមតាមកិច្ចព្រមព្រៀងដែលអាមេរិកចង់បាន។

លោក António Guterres អគ្គលេខាធិការអង្គការសហប្រជាជាតិ បានសម្តែងក្តីបារម្ភយ៉ាងខ្លាំងចំពោះពាក្យសម្តីវាយប្រហារតាមបណ្តាញសង្គមរបស់លោកត្រាំ ដែលសំដៅទៅលើការបំផ្លិចបំផ្លាញរោងចក្រអគ្គិសនី ស្ពាន និងសំណង់ស៊ីវិលដទៃទៀត។ លោកបានសង្កត់ធ្ងន់ថា ទោះបីជាសហរដ្ឋអាមេរិកមានគោលដៅខាងយោធាបែបណាក៏ដោយ ប៉ុន្តែការវាយប្រហារដែលបង្ក​ឲ្យ​មានគ្រោះថ្នាក់ដល់ប្រជាជនស៊ីវិល និងហេដ្ឋារចនាសម្ព័ន្ធបម្រើ​ឲ្យ​ជីវភាពរស់នៅប្រចាំថ្ងៃ គឺជារឿងដែលមិនអាចទទួលយកបានឡើយ ហើយវាអាចនឹងក្លាយជាសកម្មភាពខុសច្បាប់ភ្លាមៗ។

ជាមួយគ្នានេះដែរ អង្គការសហប្រជាជាតិបានអំពាវនាវយ៉ាងទទូច​ឲ្យ​ទាំងសហរដ្ឋអាមេរិក និងអ៊ីរ៉ង់ ប្រកាន់ខ្ជាប់នូវច្បាប់អន្តរជាតិ និងចៀសវាងការប៉ះពាល់ដល់ទ្រព្យសម្បត្តិសាធារណៈដែលបម្រើដល់ប្រជាជន។ ក្តីបារម្ភនេះកាន់តែខ្លាំងឡើង បន្ទាប់ពីលោក ដូណាល់ ត្រាំ បានព្រមានថា ប្រទេសអ៊ីរ៉ង់អាចនឹងត្រូវបំផ្លិចបំផ្លាញត្រឹមតែក្នុងរយៈពេលមួយយប់ប៉ុណ្ណោះ ហើយលោកថែមទាំងបានលើកឡើងពីលទ្ធភាពនៃការវាយប្រហារលើរោងចក្រអគ្គិសនី និងស្ពានជាច្រើនកន្លែងទៀត ក្នុង​លក្ខខណ្ឌ​ដែល​ទីក្រុងតេហេរ៉ង់នៅតែបន្តបិទច្រកសមុទ្រ Hormuz ឬមិនព្រមត្រឡប់មកតុចរចាវិញ៕

330

កម្ពុជាថ្មី International

14:09 7 thg 4, 2026

🎥 Video

🎞 លោក ដូណាល់ ត្រាំ ​ព្រមាន​កម្ទេច​រោងចក្រថាមពលនិង​ស្ពាន​នៅ​​ថ្ងៃអង្គារនេះ បើអ៊ីរ៉ង់​មិនចុះ​កិច្ច​ព្រមព្រៀង​បើក​ច្រក​ហ័រមូស​

ប្រធានាធិបតី​សហរដ្ឋអាមេរិក លោក ដូណាល់ ត្រាំ បាន​​ដាក់​​ការព្រមានចុងក្រោយមួយទៅកាន់អ៊ីរ៉ង់ ដោយនិយាយថា ប្រទេសនេះអាចនឹងត្រូវ «វាយកម្ទេចចោលក្នុងរយៈពេល​ត្រឹម​មួយយប់» ប្រសិនបើអ៊ីរ៉ង់​មិនបើកច្រកសមុទ្រ Hormuz ឡើងវិញនៅម៉ោង ៨:០០ យប់ នៅថ្ងៃអង្គារ ទី៧ ខែមេសា ឆ្នាំ២០២៦។

ការកើនឡើងនៃភាពតានតឹងនេះ បានកើតឡើង ​បន្ទាប់ពី​ការច្រាន​ចោល​​របស់​ទីក្រុង​តេហេរ៉ង់​ចំពោះបទ​ឈប់​បាញ់​រយៈពេល ៤៥ថ្ងៃ ដោយអ៊ីរ៉ង់កំពុងស្វែងរកការបញ្ចប់ជម្លោះជាអចិន្ត្រៃយ៍ជាមួយសហរដ្ឋអាមេរិក និង​អ៊ីស្រាអែល។ លោក ត្រាំ បានឲ្យ​ឈ្មោះថ្ងៃអង្គារ​នេះ​ថា «ទិវារោងចក្រថាមពល និងទិវាស្ពាន» ដោយគំរាមកំហែងវាយប្រហារលើហេដ្ឋារចនាសម្ព័ន្ធរបស់អ៊ីរ៉ង់ រួមទាំងស្ពាន និងរោងចក្រ​​ផលិត​ថាមពល​​​របស់​អ៊ីរ៉ង់​។

774

កម្ពុជាថ្មី International

14:09 7 thg 4, 2026

🚨រុស្ស៊ី ចេញមុខថ្កោលទោស អាមេរិកនិងអ៊ីស្រាអែល ដែលឈ្លានពានខុសច្បាប់ លើអ៊ីរ៉ង់

ជាថ្មីម្តងទៀត ប្រទេសរុស្ស៊ីបានចេញមុខថ្កោលទោសទាំងអ៊ីស្រាអែលនិងអាមេរិក ដែលបើកការ ការឈ្លានពានខុសច្បាប់និងគ្មានហេតុផល លើអ៊ីរ៉ង់ ដោយចាត់ទុកជា «សកម្មភាពឧក្រិដ្ឋ» រុញច្រានពិភពលោកឲ្យធ្លាក់ក្នុងវិបត្តិធ្ងន់ធ្ងរ។

សារព័ត៌មាន RT បានដកស្រង់សេចក្តីថ្លែងការណ៍របស់ក្រសួងការបរទេសរុស្ស៊ី ដែលប្រកាសកាលពីថ្ងៃចន្ទទី៦ខែមេសាឆ្នាំ២០២៦ថា៖ អាមេរិក និងអ៊ីស្រាអែល កំពុងបង្កើនការវាយប្រហារកាន់តែធំនិងសាហាវឃោរឃៅ ដោយការវាយប្រហារទាំងនោះមិនត្រឹមតែសំដៅលើគោលដៅយោធាប៉ុណ្ណោះទេ ប៉ុន្តែថែមទាំងប៉ះពាល់ដល់ហេដ្ឋារចនាសម្ព័ន្ធស៊ីវិលទៀតផង។

ក្រសួងកត់សម្គាល់ថា ទីតាំងនុយក្លេអ៊ែរដែលស្ថិតនៅក្រោមការការពាររបស់ទីភ្នាក់ងារថាមពលបរមាណូអន្តរជាតិ (IAEA) បានក្លាយជាគោលដៅវាយប្រហារកាន់តែញឹកញាប់ ជាពិសេសការវាយប្រហារផ្ទួនៗលើរោងចក្រថាមពលនុយក្លេអ៊ែរ Bushehr ដែលបណ្តាលឲ្យមានមនុស្សស្លាប់និងរបួស ហើយបង្កើនហានិភ័យនៃមហន្តរាយវិទ្យុសកម្ម អាចនឹងធ្ងន់ធ្ងរជាងគ្រោះថ្នាក់នៅ Chernobyl ទៅទៀត។

ទន្ទឹមនោះ អ្វីដែលក្រសួងបញ្ជាក់ថា ជារឿងដ៏គួរឲ្យបារម្ភផងដែរនោះគឺថា ជម្លោះនេះបានសម្លាប់ជនស៊ីវិលអស់រាប់ពាន់នាក់រួចទៅហើយ រួមទាំងស្ត្រី និងកុមារ ហើយបង្កឲ្យមានការឈឺចាប់យ៉ាងក្រៃលែង។ សាលារៀន មន្ទីរពេទ្យ និងទីតាំងបេតិកភណ្ឌវប្បធម៌ត្រូវបានបំផ្លាញ ខណៈបេសកកម្មការទូត និងកុងស៊ុលក៏រងការវាយប្រហារ ដែលជាការរំលោភលើអនុសញ្ញាក្រុងវីយែន៕

ប្រភព៖ RT

318

កម្ពុជាថ្មី International

14:09 7 thg 4, 2026

📷 Photo

275

កម្ពុជាថ្មី International

14:09 7 thg 4, 2026

📷 Photo

320

កម្ពុជាថ្មី International

19:35 5 thg 4, 2026

📷 Photo

🚨អ៊ីរ៉ង់ អះអាងថា ខ្លួនបាញ់ទម្លាក់ F-35 របស់អាមេរិក ២គ្រឿង ត្រឹម២៤ម៉ោង

ប្រទេសអ៊ីរ៉ង់ប្រកាសថា ខ្លួនបានបាញ់ទម្លាក់យន្តហោះចម្បាំងអាមេរិក F-35 មួយគ្រឿងទៀតហើយ ដែលនេះជាការបាញ់ធ្លាក់គ្រឿងទី២ ក្នុងរយៈពេលត្រឹម២៤ម៉ោង។

តាមការផ្សាយរបស់ Daily Mail នៅថ្ងៃសុក្រទី៣ខែមេសាឆ្នាំ២០២៦ ការបញ្ជាក់នេះគឺចេញពីកងឆ្មាំបដិវត្តន៍ (IRGC) ដែលអះអាងថា យន្តហោះ F-35 មួយគ្រឿងនេះ ត្រូវបានបាញ់ទម្លាក់នៅកណ្តាលប្រទេសអ៊ីរ៉ង់។

ទន្ទឹមនឹងសេចក្តីរាយការណ៍នេះ ប្រព័ន្ធផ្សព្វផ្សាយរដ្ឋអ៊ីរ៉ង់ Tasnim ក៏បានបង្ហាញច្បាស់ៗនូវរូបភាពនៃបំណែកយន្តហោះដែលធ្លាក់ផងដែរ ប៉ុន្តែលើកឡើងថា ជោគវាសនារបស់អ្នកបើក គឺមិនដឹងឡើយ។

បើសិនរឿងនេះពិតដូចការអះអាងរបស់ទីក្រុងតេហេរ៉ង់មែន នោះបានន័យថា នេះគឺជាយន្តហោះ F-35 គ្រឿងទី៣ហើយ ដែលត្រូវអ៊ីរ៉ង់បាញ់ទម្លាក់ ចាប់តាំងពីផ្ទុះសង្គ្រាមមជ្ឈិមបូព៌ា ថ្ងៃទី២៨ខែកុម្ភៈមក៕

ប្រភព៖ Daily Mail

596

កម្ពុជាថ្មី International

19:35 5 thg 4, 2026

📷 Photo

🚨ត្រាំ ទទួលស្គាល់ថា យន្តហោះចម្បាំងអាមេរិក ពិតជាធ្លាក់មែន ប៉ុន្តែអត់ប៉ះពាល់ដល់ការចរចាជាមួយអ៊ីរ៉ង់ទេ

ប្រធានាធិបតីអាមេរិក ដូណាល់ ត្រាំ បានទទួលស្គាល់ជាផ្លូវការថា យន្តហោះចម្បាំងពិតជាធ្លាក់មែន ប៉ុន្តែនោះគឺជាប្រភេទ F-15 មិនមែន F-35 ដូចការអះអាងរបស់អ៊ីរ៉ង់ទេ ហើយបញ្ជាក់ទៀតថា ការបាញ់ធ្លាក់នេះ នឹងមិនប៉ះពាល់ដល់ការចរចាឡើយ។

តាមការផ្សាយរបស់ The Guardian នៅថ្ងៃសៅរ៍ទី៤ខែមេសាឆ្នាំ២០២៦, នៅពេលត្រូវបានអ្នកកាសែតសួរថាតើហេតុការណ៍នេះ អាចប៉ះពាល់ដល់ការចរចាជាមួយអ៊ីរ៉ង់ដែរឬទេ? លោកត្រាំឆ្លើយថា៖ «អត់ទេ! អត់ប៉ះពាល់អ្វីទេ វាគឺសង្គ្រាម យើងកំពុងមានសង្គ្រាម»។

យន្តហោះចម្បាំង F-15E Strike Eagle ត្រូវអ៊ីរ៉ង់បាញ់ទម្លាក់នៅកណ្តាលប្រទេស កាលពីថ្ងៃសុក្រ ដោយក្នុងនោះអាកាសយានិកម្នាក់ក្នុងចំណោមពីរនាក់ ត្រូវបានរកឃើញនិងជួយសង្គ្រោះ នៅសល់ម្នាក់ទៀតមិនទាន់ដឹងដំណឹង។

ទោះបីជាយ៉ាងណាក៏ដោយ មិនមានការបញ្ជាក់ច្បាស់ឡើយថាតើយន្តហោះ ត្រូវបាញ់ទម្លាក់នៅទីតាំងណាឲ្យប្រាកដ៕

ប្រភព៖ The Guardian, NBC & Sky News

601

កម្ពុជាថ្មី International

19:35 5 thg 4, 2026

🚨លក្ខណៈពិសេសរបស់នាវារុស្ស៊ីទាំង៣គ្រឿង ដែលនឹងមកកម្ពុជា នៅចុងសប្តាហ៍នេះ

តាមការគ្រោងទុក នាវារុស្ស៊ី៣គ្រឿង នឹងមកបំពេញទស្សនកិច្ចនៅប្រទេសកម្ពុជា ចាប់ពីថ្ងៃទី៥ដល់៩ខែមេសាឆ្នាំ២០២៦ ខណៈបើយោងតាមប្រភពពីកងទ័ពជើងទឹកកម្ពុជា, ដំណើរមកដល់នេះ គឺជាបេសកកម្មឈ្វេងយល់តំបន់ឥណ្ឌូប៉ាស៊ីហ្វិក។

នាវាទាំង៣នោះមានដូចជា នាវាចម្បាំង Gromkiy អមជាមួយនាវាមុជទឹក Petropavlovsk-Kamchatsky និងនាវាសណ្តោង Andrey Stepanov។

តើនាវានីមួយៗមានលក្ខណៈពិសេសអ្វីខ្លះ?

🛑នាវាចម្បាំង Gromkiy

យោងតាមគេហទំព័រ Naval Technology, Gromkiy គឺជានាវាចម្បាំងធុនស្រាលទំនើបបំផុតមួយរបស់កងទ័ពជើងទឹករុស្ស៊ី ស្ថិតក្នុងថ្នាក់ Steregushchiy។ វាត្រូវបានបង្កើតឡើងដើម្បីបំពេញបេសកកម្មនៅតំបន់សមុទ្រក្បែរឆ្នេរ (Littoral zone) និងមានសមត្ថភាពខ្ពស់ក្នុងការវាយលុកទាំងលើទឹក ក្រោមទឹកនិងលើអាកាស។

នាវានេះត្រូវបានសង់ឡើងដោយប្រើប្រាស់សម្ភារៈសមាសធាតុពិសេស ជាមួយរូបរាងដែលជួយកាត់បន្ថយការចាប់សញ្ញាពីរ៉ាដា ធ្វើឲ្យសត្រូវពិបាករកឃើញ។

Gromkiy មានបណ្តោយ១០៤.៥ ម៉ែត្រ, ទទឹង១៣ម៉ែត្រ និងមានទម្ងន់ផ្ទុកពេញ ប្រហែល ២ ២២០ តោន។ វាអាចផ្ទុកកងទ័ពបានប្រហែល ៩០ ទៅ ១០០ នាក់។

វាមានសមត្ថភាពរត់បានល្បឿនអតិបរមាប្រហែល៥០គីឡូម៉ែត្រ/ម៉ោង ដោយអាចធ្វើដំណើរបានចម្ងាយប្រហែល ៧ ៤០០គីឡូម៉ែត្រ (ក្នុងល្បឿនសន្សំសំចៃ)។

Gromkiy បំពាក់ដោយមីស៊ីលប្រឆាំងនាវា Kh-35 Uran ចំនួន៨គ្រាប់ ដែលមានរយៈចម្ងាយរហូតដល់២៦០គីឡូម៉ែត្រ។ វាមានប្រព័ន្ធការពារអាកាស Redut VLS (១២ បំពង់បាញ់) ដែលអាចបាញ់មីស៊ីលរយៈចម្ងាយមធ្យម និងជិត ដើម្បីកម្ទេចយន្តហោះ ឬមីស៊ីលសត្រូវ។

វាថែមទាំងបំពាក់កាំភ្លើងស្វ័យប្រវត្តិក្បាលនាវាប្រភេទ A-190 ទំហំ ១០០មិល្លីម៉ែត្រ ដែលអាចបាញ់បាន ៨០ គ្រាប់ក្នុងមួយនាទី និងកាំភ្លើងយន្តហោះ AK-630M ចំនួន ២ ដើម សម្រាប់បាញ់កម្ទេចគោលដៅដែលមកក្បែរនាវា ព្រមទាំងប្រព័ន្ធតូរពីដូ (Torpedo) ប្រភេទ Paket-NK ដែលអាចប្រើសម្រាប់កម្ទេចទាំងនាវាមុជទឹក និងការពារពីតូរពីដូរបស់សត្រូវ ផងដែរ។

លើសពីនេះ នាវាចម្បាំងនេះ មានចំណតសម្រាប់ឧទ្ធម្ភាគចក្រ Ka-27 មួយគ្រឿងចុះចត សម្រាប់ជួយក្នុងការរុករក និងវាយប្រហារនាវាមុជទឹកផងដែរ។

🛑នាវាមុជទឹក Petropavlovsk-Kamchatsky

យោងតាមគេហទំព័រ Weapon Systems, នាវាមុជទឹក Petropavlovsk-Kamchatsky ស្ថិតក្នុងថ្នាក់ Improved Kilo ដែលអង្គការណាតូ ដាក់រហស្សនាមឲ្យថា «Black Hole» ព្រោះតែវាមានសមត្ថភាពធ្វើចលនាក្រោមទឹកដោយស្ងាត់បំផុត រហូតដល់រ៉ាដាសត្រូវពិបាកនឹងរកឃើញ។

ជាមួយនឹងប្រវែង ៧៤ម៉ែត្រនិងល្បឿន ៣៧.០៤ គីឡូម៉ែត្រ/ម៉ោង, Petropavlovsk-Kamchatsky ដើរដោយម៉ាស៊ីនម៉ាស៊ូត-អគ្គិសនី (Diesel-Electric) មានទម្ងន់ផ្ទុក ២ ៣៥០ តោន (លើទឹក) និង ៣ ៩៥០ តោន (ក្រោមទឹក), មុជបានជម្រៅអតិបរមា ៣០០ ម៉ែត្រ អាចស្ថិតនៅក្រោមទឹកបាន ៤៥ ថ្ងៃជាប់គ្នា ដោយមិនបាច់ឡើងមកលើ។

ចំណុចដែលធ្វើឲ្យ Petropavlovsk-Kamchatsky ខុសពីនាវាមុជទឹក Kilo-class ជំនាន់ចាស់ គឺការបំពាក់អាវុធទំនើបៗជាង។ នាវាមុជទឹកនេះ បំពាក់ដោយមីស៊ីល Kalibr-PL បាញ់ចេញពីបំពង់តូរពីដូ។ មីស៊ីលនេះអាចវាយប្រហារគោលដៅលើដីគោកបានចម្ងាយរហូតដល់ ២ ៥០០ គីឡូម៉ែត្រ។ មិនត្រឹមប៉ុណ្ណឹង វាក៏អាចដឹកមីនសមុទ្របានចំនួន ២៤ គ្រាប់ផងដែរ។

🛑នាវាសណ្តោង Andrey Stepanov

យោងតាមប្រភពពីគេហទំព័រ Marine Traffic, Andrey Stepanov គឺជាប្រភេទនាវាជំនួយពហុបំណងទំនើបបំផុតមួយរបស់កងទ័ពជើងទឹករុស្ស៊ី ស្ថិតក្នុងគម្រោង Project 23470។ វាត្រូវបានរចនាឡើងមិនត្រឹមតែសម្រាប់សណ្តោងនាវាប៉ុណ្ណោះទេ ប៉ុន្តែទាំងសម្រាប់បេសកកម្មសង្គ្រោះ និងផ្គត់ផ្គង់នៅមហាសមុទ្រឆ្ងាយៗផងដែរ។

វាមានបណ្តោយ ៦៩.៧ ម៉ែត្រ, ទទឹង ១៥ ម៉ែត្រ, ល្បឿនអតិបរមាប្រហែល ២៦ គីឡូម៉ែត្រ/ម៉ោង ជាមួយរយៈចម្ងាយប្រតិបត្តិការប្រហែល ១៤ ៨០០ គីឡូម៉ែត្រ។

Andrey Stepanov មានទម្ងន់ផ្ទុកប្រហែល ៣ ២០០ តោន អាចប្រតិបត្តិការនៅកណ្ដាលសមុទ្របាន ៣០ ថ្ងៃ ជាប់ៗគ្នា។

នាវានេះត្រូវបានបំពាក់ដោយបច្ចេកវិទ្យាសម្រាប់បេសកកម្មចម្រុះដូចជាសំបកនាវាប្រភេទ Arc4 ដែលអនុញ្ញាតឲ្យវាធ្វើដំណើរឆ្លងកាត់ទឹកកកដែលមានកម្រាស់រហូតដល់ ០.៦ ម៉ែត្រ (ស័ក្តិសមសម្រាប់តំបន់ប៉ូល)។

វាបំពាក់ដោយកាំភ្លើងបាញ់ទឹកកម្លាំងខ្លាំង សម្រាប់ជួយពន្លត់អគ្គិភ័យលើនាវាផ្សេងទៀត និងមានឧបករណ៍បូមទឹកចេញពីនាវាដែលជិតលិច។ វាមានដងស្ទូចធំនៅផ្នែកខាងក្រោយដែលអាចលើកទម្ងន់បានរហូតដល់ ២០ តោន សម្រាប់លើកដាក់ទំនិញ ឬសម្ភារៈជួសជុល។

Andrey Stepanov មានទាំងទីលានចុះចតឧទ្ធម្ភាគចក្រនៅផ្នែកខាងក្រោយនាវា ដើម្បីដឹកអ្នករបួស ឬដឹកជញ្ជូនសម្ភារៈបន្ទាន់ផងដែរ៕

ប្រភព៖ Naval Technology, Weapon Systems & Marine Traffic

កម្ពុជាថ្មី International

19:35 5 thg 4, 2026

🚨លោក Min Aung Hlaing ជាប់​ជាប្រធានាធិបតីផ្លូវការ​របស់​មីយ៉ាន់ម៉ា ក្នុង​ការបោះឆ្នោត​សភា

សភាមីយ៉ាន់ម៉ាបានបោះឆ្នោតជ្រើសរើសមេដឹកនាំរបបសឹក លោក Min Aung Hlaing ជាប្រធានាធិបតី​ផ្លូវការ នា​ថ្ងៃសុក្រ​ទី​៣​ខែ​មេសាឆ្នាំ​២០២៦​នេះ ដែលជាការបោះជំហានទៅរកតួនាទីស៊ីវិល បន្ទាប់ពីលោកបានដណ្តើមអំណាចតាមរយៈរដ្ឋប្រហារយោធារយៈពេល៥​ឆ្នាំកន្លងមក។

យោង​តាម​សារព័ត៌មាន France24 នៅក្នុងការបោះឆ្នោតនាទីក្រុងណៃពិដោ ឧត្តមសេនីយ៍វ័យ៦៩​ឆ្នាំ ទទួលបានសំឡេងគាំទ្រ ៤២៩ លើ ៥៨៤ សំឡេង ដែលជាជ័យជម្នះដាច់ឆ្ងាយពីបេក្ខជនពីររូបផ្សេងទៀត។ ដើម្បីកាន់តំណែងនេះ លោក Min Aung Hlaing បានលាលែងពីតំណែងយោធារបស់លោកកាលពីដើមសប្តាហ៍ ដោយផ្ទេរការគ្រប់គ្រងកងទ័ពទៅ​ឲ្យ​លោក Ye Win Oo ដែល​ជា​មនុស្ស​ជំនិត។

ការបោះឆ្នោតសភា​ធ្វើឡើងបន្ទាប់ពីការបោះឆ្នោតជាតិ​កាលពីខែមករា ដែលគ្រប់គ្រងដោយគណបក្សសាមគ្គីភាព និងការអភិវឌ្ឍន៍សហភាព (USDP) គាំទ្រដោយយោធា ខណៈដែលអាសនៈសភាចំនួនមួយភាគបួននៅតែត្រូវបានបម្រុងទុកសម្រាប់សមាជិកយោធាដែលមិនបានជាប់ឆ្នោត។ របបសឹកអះអាងថា វា​ជាការប្រគល់អំណាចជូនប្រជាជនវិញ តែ​ក្រុមអ្នកវិភាគបានហៅដំណើរការនេះថាជា​ការរៀបចំដើម្បីបន្លំភ្នែក ក្នុងគោលបំណងធ្វើ​ឲ្យ​ការដឹកនាំរបស់យោធាក្លាយជាស្របច្បាប់ប៉ុណ្ណោះ។ ការបោះឆ្នោតត្រូវបានរារាំងនៅក្នុងតំបន់ត្រួតត្រាដោយក្រុមឧទ្ទាមជាច្រើន ហើយមេដឹកនាំជាប់ឆ្នោតលោកស្រី អ៊ុងសាន ស៊ូជី នៅតែបន្តរងការឃុំខ្លួន។

ទោះបីជាមានការបង្កើតរដ្ឋាភិបាលថ្មីក៏ដោយ ក៏ប្រទេសមីយ៉ាន់ម៉ានៅតែធ្លាក់ក្នុងជម្លោះស៊ីវិលដ៏សាហាវដែលបានសម្លាប់មនុស្សរាប់ម៉ឺននាក់ចាប់តាំងពីឆ្នាំ២០២១មក។ ក្រុមបក្សប្រឆាំងនៅតែបន្តការតស៊ូ ខណៈដែលវិបត្តិមនុស្សធម៌នៅក្នុងប្រទេសមិនទាន់មានសញ្ញាថមថយនៅឡើយទេ ស្រប​ពេល​ដែល​លោក Min Aung Hlaing គ្រោងនឹងចូលកាន់តំណែងជាផ្លូវការនៅចុងខែនេះ៕

451

កម្ពុជាថ្មី International

19:35 5 thg 4, 2026

📷 Photo

382

កម្ពុជាថ្មី International

19:35 5 thg 4, 2026

🚨ទំនាក់ទំនងណាតូ និងអាមេរិក ធ្លាក់ចុះដល់ចំណុចទាបបំផុត​ក្នុងរយៈពេល៧៧ឆ្នាំ

សម្ព័ន្ធភាពយោធាដែលរឹងមាំបំផុតក្នុងលោកគឺ អង្គការណាតូ (NATO) កំពុងប្រឈមមុខនឹងព្យុះសង្ឃរានយោបាយដ៏អាក្រក់បំផុត បន្ទាប់ពីទំនាក់ទំនងរវាងសហរដ្ឋអាមេរិក និងសមាជិកអឺរ៉ុបបានធ្លាក់ចុះដល់កម្រិតគ្រោះថ្នាក់បំផុត ក្នុងរយៈពេលជិត ៨ទសវត្សរ៍ចាប់តាំងពីការបង្កើតឡើងក្នុងឆ្នាំ១៩៤៩។

យោងតាមរបាយការណ៍ចុងក្រោយពីភ្នាក់ងារព័ត៌មាន Reuters និង The Guardian ចុះផ្សាយនៅដើមខែមេសា ឆ្នាំ២០២៦នេះ ប្រធានាធិបតីអាមេរិក ដូណាល់ ត្រាំ បានប្រកាសជាចំហថា លោកកំពុង «ពិចារណាយ៉ាងម៉ឺងម៉ាត់» ក្នុងការដកសហរដ្ឋអាមេរិកចេញពីសម្ព័ន្ធភាពណាតូ។ ការថ្លែងបែបនេះបានធ្វើ​ឲ្យ​ពិភពលោកមានការភ្ញាក់ផ្អើលយ៉ាងខ្លាំង ខណៈដែលអង្គការមួយនេះទើបតែប្រារព្ធខួប​៧៧ឆ្នាំនៃវត្តមានរបស់ខ្លួន។

ដើមចមនៃជម្លោះ៖ ការបដិសេធជួយអាមេរិក
ភាពតានតឹងបានផ្ទុះឡើងខ្លាំង បន្ទាប់ពីបណ្តាប្រទេសជាសមាជិកណាតូនៅអឺរ៉ុប បានបដិសេធសំណើរបស់ទីក្រុងវ៉ាស៊ីនតោន ក្នុងការបញ្ជូនកងទ័ពជើងទឹកទៅកាន់ច្រកសមុទ្រ Hormuz ដើម្បីរួមដៃជាមួយអាមេរិក និងអ៊ីស្រាអែលក្នុងការប្រឈមមុខដាក់គ្នាជាមួយអ៊ីរ៉ង់។ លោក ដូណាល់ ត្រាំ បានសម្តែងការមិនពេញចិត្តយ៉ាងខ្លាំង ដោយលោកហៅអង្គការណាតូថាជា «ខ្លាក្រដាស» ដែលចាំតែយកប្រយោជន៍ពីអាមេរិក ប៉ុន្តែមិនព្រមជួយនៅពេលអាមេរិកត្រូវការ។

បើ​តាមប្រភពពី The Economic Times លោកត្រាំ បានលើកឡើងថា លោកមានអារម្មណ៍ «ខ្ពើមរអើម» ចំពោះការដែលអាមេរិកត្រូវចំណាយថវិកាយ៉ាងមហាសាលដើម្បីការពារអឺរ៉ុប ខណៈដែលប្រទេសទាំងនោះមិនផ្តល់កិច្ចសហការវិញ។

តើអាមេរិកអាចដកខ្លួនចេញបានពិតមែនឬ?
ទោះបីជាមានការគំរាមកំហែងពីប្រធានាធិបតីក៏ដោយ ក៏មានរបាំងច្បាប់យ៉ាងរឹងមាំកំពុងរារាំង។ យោងតាមគេហទំព័រព័ត៌មាន Daily Sabah និងច្បាប់ NDAA ឆ្នាំ២០២៤ ដែលត្រូវបានអនុម័តដោយព្រឹទ្ធសភាអាមេរិកកន្លងមក បានចែងថា ប្រធានាធិបតីមិនអាចដកអាមេរិកចេញពីណាតូដោយឯកតោភាគីបានទេ បើគ្មានការយល់ព្រមពីសំឡេង​២​ភាគ​៣​នៃព្រឹទ្ធសភា។

ទោះជាយ៉ាងណា អ្នកជំនាញយុទ្ធសាស្ត្របានព្រមានថា ទោះបីជាអាមេរិកមិនដកខ្លួនជាផ្លូវការ ក៏វត្តមានរបស់លោកត្រាំ បានធ្វើ​ឲ្យ​ «សាមគ្គីភាព» របស់ណាតូរលាយបាត់បង់អស់ទៅហើយ។ ប្រភពពីវិទ្យាស្ថាន Baker Institute បានវិភាគថា ទំនុកចិត្តរវាងអាមេរិក និងអឺរ៉ុបប្រហែលជាមិនអាចត្រឡប់មកដូចដើមវិញបានទេ ដែលនេះជាជ័យជម្នះផ្នែកភូមិសាស្ត្រនយោបាយសម្រាប់រុស្ស៊ី និងចិន។

ប្រតិកម្មនៅ​ក្នុង​ស្រុក
សមាជិកព្រឹទ្ធសភាអាមេរិកមកពីគណបក្សទាំងពីរ (សាធារណរដ្ឋ និងប្រជាធិបតេយ្យ) បានចេញសេចក្តីថ្លែងការណ៍រួមគ្នា ដោយសង្កត់ធ្ងន់ថា ណាតូគឺជាគ្រឹះនៃសន្តិសុខជាតិអាមេរិក។ យោងតាម US Senate Foreign Relations Committee សមាជិកព្រឹទ្ធសភាបានរំលឹកលោកត្រាំ ថា ណាតូធ្លាប់បានជួយអាមេរិកយ៉ាងខ្លាំងបន្ទាប់ពីព្រឹត្តិការណ៍១១កញ្ញា២០០១ ហើយការបោះបង់សម្ព័ន្ធមិត្តចោល គឺជាការធ្វើអត្តឃាតផ្នែកសន្តិសុខ។

បច្ចុប្បន្ន ពិភពលោកកំពុងតាមដានយ៉ាងយកចិត្តទុកដាក់ចំពោះកិច្ចប្រជុំកំពូលណាតូ ដែលនឹងត្រូវធ្វើឡើងនៅក្នុងប្រទេសតួកគី នាខែ​កក្កដា​ខាង​មុខ ដែលត្រូវបានគេរំពឹងថា​នឹងពោរពេញទៅដោយភាពតានតឹងបំផុតក្នុងប្រវត្តិសាស្ត្រ៕

កម្ពុជាថ្មី International

19:35 5 thg 4, 2026

📷 Photo

397

កម្ពុជាថ្មី International

19:35 5 thg 4, 2026

📷 Photo

🚨ម៉ាក្រុង ផ្តាំទៅ ត្រាំ៖ សង្គ្រាមមិនមែនការសម្តែងទេ ត្រូវប្រយ័ត្នសម្តី កុំនិយាយរាល់ថ្ងៃពេក

ប្រធានាធិបតីបារាំង អេម៉ានុយអែល ម៉ាក្រុង បានផ្តាំទៅប្រធានាធិបតីអាមេរិក ដូណាល់ ត្រាំ ឲ្យប្រើប្រាស់វោហារសាស្ត្របែបការទូតបន្តិចទៅ និងប្រយ័ត្នសម្តីជាងមុន ដោយបញ្ចេញអារម្មណ៍ពិតថា «គេមិនមែនចេះតែនិយាយរាល់ថ្ងៃទេ នៅពេលដោះស្រាយបញ្ហាពាក់ព័ន្ធសង្គ្រាមនិងស្ថិរភាពនុយក្លេអ៊ែរ ព្រោះនោះមិនមែនជាការសម្តែងឡើយ។

នៅពេលទៅដល់ប្រទេសកូរ៉េខាងត្បូង សម្រាប់ដំណើរទស្សនកិច្ចផ្លូវរដ្ឋកាលពីថ្ងៃព្រហស្បតិ៍ទី៣ខែមេសាឆ្នាំ២០២៦ លោកម៉ាក្រុង ប្រាប់អ្នកសារព័ត៌មានថា សង្គ្រាមនៅអ៊ីរ៉ង់ត្រូវការវិធីសាស្ត្រដោះស្រាយមួយដែលម៉ឺងម៉ាត់ មិនមែនប្រែប្រួលរាល់ថ្ងៃទេ។ នេះមិនមែនជាការសម្តែងឡើយ ហើយយើងកំពុងនិយាយអំពីសន្តិភាព សង្គ្រាម និងជីវិតមនុស្សប្រុសស្រី»។

លោក Macron លើកឡើងថា៖ «នៅពេលអ្នកចង់ធ្វើការងារឲ្យមានភាពម៉ឺងម៉ាត់ អ្នកមិនត្រូវនិយាយអ្វីនៅថ្ងៃនេះដែលផ្ទុយស្រឡះពីអ្វីដែលអ្នកនិយាយកាលពីម្សិលមិញទេ ហើយក៏ប្រហែលជាអ្នកមិនគួរនិយាយរាល់ថ្ងៃពេកដែរ។ គួរតែទុកឲ្យស្ថានការណ៍ ស្ងប់ស្ងាត់ទៅវិញខ្លះទៅ»៕

ប្រភព៖ BBC

447

កម្ពុជាថ្មី International

19:35 5 thg 4, 2026

📷 Photo

407

កម្ពុជាថ្មី International

19:35 5 thg 4, 2026

🚨រកឃើញសាកសពនៅលើកប៉ាល់​ថៃ Mayuree Naree ក្នុងច្រកសមុទ្រហ័រមូស

ក្រសួងការបរទេសថៃបានចេញសេចក្តីប្រកាសនា​ថ្ងៃសុក្រ​ទី​៣​ខែ​មេសា​ឆ្នាំ​២០២៦​នេះ​ថា ក្រុមអ្នកជំនាញបានរកឃើញ​បំណែក​សាកសពមនុស្សនៅលើកប៉ាល់​ដឹកទំនិញដែលដោតទង់ជាតិថៃឈ្មោះ Mayuree Naree។

យោង​តាម​ការ​ផ្សាយ​របស់ Khaosod ការរកឃើញនេះ កើតឡើងបន្ទាប់ពី​​កប៉ាល់​​មួយ​គ្រឿង​នេះ​រង​ការ​វាយ​ប្រហារ​ កាលពីខែមុន ខណៈ​ធ្វើដំណើរឆ្លងកាត់ច្រកសមុទ្រហ័រមូស ដែលជាតំបន់យុទ្ធសាស្ត្រកំពុង​កើត​មាន​ជម្លោះ​ដ៏​ក្ដៅគគុករវាង​អ៊ីរ៉ង់ និង​សហរដ្ឋ​អាមេរិក។

តាមរបាយការណ៍ នាវិកជនជាតិថៃចំនួន​៣នាក់បានបាត់ខ្លួនតាំងពីថ្ងៃទី១១​មីនា។ ក្រុមហ៊ុនម្ចាស់កប៉ាល់ Precious Shipping បានជួលក្រុមសង្គ្រោះជំនាញឲ្យចុះទៅរុករកជាលើកទីពីរ បើទោះបីជាលក្ខខណ្ឌនៅលើ​កប៉ាល់​មានភាពលំបាកខ្លាំងក៏ដោយ។ ស្ថានភាព​កប៉ាល់​ត្រូវបានគេដឹងថា​មាន​ការ​​ខូចខាតយ៉ាងដំណំដោយសារអគ្គិភ័យ ហើយថែមទាំងមានទឹកជន់លិចនៅក្នុងបន្ទប់ម៉ាស៊ីន និងផ្នែកផ្សេងៗទៀត ដែលធ្វើ​ឲ្យ​ការរុករកជួបឧបសគ្គយ៉ាងខ្លាំង។

នៅក្នុងប្រតិបត្តិការរុករកចុងក្រោយនេះ ក្រុម​អ្នក​ជំនាញ​បានប្រទះឃើញបំណែក​ខ្លះនៃសាកសពមនុស្សនៅក្នុងតំបន់ដែលរងការខូចខាតខ្លាំងលើកប៉ាល់។ យ៉ាង​ណាមិញ រហូតមកដល់ពេលនេះ គេនៅមិនទាន់អាចបញ្ជាក់អត្តសញ្ញាណបាននៅឡើយទេថា តើសាកសពទាំងនោះជានរណា​ឲ្យ​ប្រាកដ។

ក្រសួងការបរទេសថៃបានសម្ដែងការសោកស្ដាយយ៉ាងពន់ពេកចំពោះព្រឹត្តិការណ៍នេះ ហើយកំពុងសហការយ៉ាងជិតស្និទ្ធជាមួយស្ថានទូតថៃ អាជ្ញាធរអ៊ីរ៉ង់ និងស្ថាប័នពាក់ព័ន្ធនានា ដើម្បីពន្លឿនការត្រួតពិនិត្យអត្តសញ្ញាណ​ឲ្យ​បានឆាប់បំផុត។ ទន្ទឹមនឹងនេះ ភាគីថៃក៏បានអំពាវនាវ​ឲ្យ​គ្រប់ភាគីជម្លោះងាកមកប្រើផ្លូវការទូត និងការចរចាដោយផ្អែកលើច្បាប់អន្តរជាតិ ដើម្បីធានាសុវត្ថិភាពដល់ជនស៊ីវិល និងកប៉ាល់​ដឹកជញ្ជូនដែលត្រូវឆ្លងកាត់ច្រកសមុទ្រហ័រមូសដែលកំពុងមានភាពតានតឹងនេះ៕

496

Showing 20 of 20 posts

No more posts

Xếp hạng

Yêu cầu đăng nhập

Đánh giá của người dùng (0)

Chưa có đánh giá nào. Hãy là người đầu tiên chia sẻ trải nghiệm của bạn!

Kênh Telegram liên quan

Icelandic Met Office / Yfirstandandi / Police / Meteo / Veðurstofa Íslands - Earthquake Jarðskjálftar Volcano Alert / WWF Arctic

940

Loading recommended channels...

កម្ពុជាថ្មី International

About កម្ពុជាថ្មី International – Tin thế giới Telegram Channel

Xếp hạng

Tăng trưởng người đăng ký (Trong 3 ngày qua)

Bài đăng gần đây

Xếp hạng

Đánh giá của người dùng (0)

Kênh Telegram liên quan

Icelandic Met Office / Yfirstandandi / Police / Meteo / Veðurstofa Íslands - Earthquake Jarðskjálftar Volcano Alert / WWF Arctic

Billie Eilish World

Karol G Brasil

TIN TỨC NHANH MỘC BÀI / MOC BAI 新闻快讯

Global Intel LIVE - CoronaLive

Hóng Biến Ez News

Oposiciones Docentes 2026-2027

TIN TỨC ĐÔNG NAM Á

Kênh Telegram liên quan

Icelandic Met Office / Yfirstandandi / Police / Meteo / Veðurstofa Íslands - Earthquake Jarðskjálftar Volcano Alert / WWF Arctic

Billie Eilish World

Karol G Brasil

TIN TỨC NHANH MỘC BÀI / MOC BAI 新闻快讯

Global Intel LIVE - CoronaLive

Hóng Biến Ez News

Oposiciones Docentes 2026-2027

TIN TỨC ĐÔNG NAM Á

Đánh giá của người dùng (0)

Bài đăng gần đây