နိုင်ငံကြီးသား

Public

Không thể tham gia? @bigcountrycitizen

7.8k Thành viên

Cập nhật: May 14, 2026 at 12:58 AM

နိုင်ငံကြီးသား

ငုံ့မခံနဲ့ဟေ့

@bigcountrycitizen offers specialized information about Chính trị for subscribers interested in Chính trị

Xếp hạng

Xếp hạng toàn cầu

#456

Xếp hạng ngôn ngữ

#45

Xếp hạng danh mục

#23

-1

Tăng trưởng người đăng ký (Trong 9 ngày qua)

Tổng cộng: 7.8K

Tăng trưởng 24 giờ: +0 0%

Bài đăng gần đây

နိုင်ငံကြီးသား

05:53 25 thg 5, 2026

🎥 Video

မုံရွာမြို့ပေါ်မှာ လူငယ်တွေ ပျော်ပါးနေတဲ့ အချိန်ကာလအတွင်း  အရာတော်ဘက်မှာ ဗုံးသွားကြဲတဲ့ ဂျိုင်ရို အပေါ်က ပျံသန်းသွားတာကို ရိုက်ထားမိတဲ့ ဗီဒီယိုပါ။

အပြစ်တင်တာမဟုတ်ပါဘူး၊ ကိုယ်တိုင်လည်း လူငယ်ဖြစ်လို့ ကျေးလက်ဘက်မှာ  ဘောက်ဖွင့်ပြီး ကခဲ့ ခုန်ခဲ့ပါတယ်။

ပျော်တဲ့ အချိန်မှာ ပျော်ကြပါ။ ကိုယ်တိုင်လည်း လူငယ်ဘဲ ပျော်တတ်ပါတယ်။ ဒါ ပြဿနာမဟုတ်ပါဘူး။ ဒါပေမယ့် ဘယ်လို အခြေအနေတွေ ဖြစ်နေလဲ မသိရင်တော့ ပြဿနာရှိပါတယ်။

သိရပါမယ်။ နာစရာကို နာစရာမှန်း၊ မတရားလုပ်နေတာကို မတရားမှုမှန်း သိနေရပါမယ်။ မုံရွာလိုမျိုး မြို့ပေါ်က လူငယ်တွေဆို ပိုပြီး သိရပါမယ်။ ဆာလင်းကြီးကို ချတဲ့ ဗုံးသံအကျယ်ကြီးက မြို့ပေါ် လူနေရပ်ကွက်တွေကနေကို ကြားရမှာပါ။

လူငယ်ပီပီ အချိန်မှာ ပျော်သလို စိတ်နာစရာတွေလည်း စိတ်နာပစ်ကြ။ စိတ်တို ပစ်လိုက်ကြ။ မတရားတာဆိုရင် တုံ့ပြန်ပစ်လိုက်ကြစမ်းပါ။

မသိချင်ယောင်ဆောင်နေတာ

ဥပက္ခာပြုနေတာ

နေတတ်သလို နေလိုက်တာက လူငယ်မဟုတ်ဘူး ။

ငါတို့က လူငယ်တွေ။ ထိရင် ချမယ့် ဖိရင် ကြွတက်လာတယ် ၊

မိဘက အစ ဘာကောင်ကြီးနေနေ ဘာကိုမှ စောက်ဂရုမစိုက်ကြတဲ့ လူငယ်တွေဆိုတာတော့ မမေ့ကြနဲ့ ။

လူငယ်ဟာ လူငယ်လိုနေ။

လူငယ်ဟာ လူငယ် ပီသ ပစ်ကြ။

မကြောက်နဲ့။

2,820

နိုင်ငံကြီးသား

05:53 25 thg 5, 2026

📷 Photo

1,740

နိုင်ငံကြီးသား

05:53 25 thg 5, 2026

ရှေ့တန်းရောက် အရာတော် ပြည်သူ တစ်သိန်း ရှစ်သောင်း

တစ်ရက်ကို ၂၅ ကြိမ်နှုန်း ဗုံးကြဲခံနေရတဲ့ နေရာ

ကျွန်တော်တို့ အားလုံး ရှေ့တန်း စစ်မျက်နှာပြင်တစ်ခုကို ရောက်သွားပြီး အဲ့နေရာကို ရန်သူက လေးဆယ့်ငါးမိနစ်ကို တစ်ကြိမ်နှုန်းနဲ့ တိုက်ခိုက် ဗုံးကြဲနေတယ်လို့ တွေးဖူးပါသလား။

သနပ်ခါးမြို့တော် - အရာတော်မြို့နယ်က အရပ်သားပြည်သူ (၁၈၀,၀၀၀) တစ်သိန်းရှစ်သောင်းလောက်က ရှေ့တန်းစစ်မျက်နှာပြင်ရဲ့ အလယ်ဗဟို အတိကို ရောက်နေကြပါပြီ ။

၂၀၂၆ ၊ မတ်လ အကုန်ကနေစပြီး နေ့စဥ်ရက်ဆက် ဗုံးကြဲ တိုက်ခိုက်မှုတွေ စတင်ခဲ့ပါတယ်။ ဗုံးကြဲတိုက်ခိုက်ခဲ့တဲ့ နေရာအများစုဟာလည်း ပြည်သူတွေ နေထိုင်ရာ နေရာတွေဖြစ်ပြီး စစ်ရေးဧရိယာတွေနဲ့ မသက်ဆိုင်ပါဘူး။

ယနေ့ ဧပြီလ ၁၉ ရက်နေ့အထိဆိုရင် ရက်ပေါင်း ၂၀ ကျော် နေ့စဥ်ရက်ဆက် တိုက်ခိုက်ခံနေရတာ ဖြစ်ပါတယ်။

အရာတော် ပကဖမှ ထုတ်ပြန်ထားတဲ့ အချက်အလက်အရ သကြန်ကာလ ၅ ရက်အတွင်းမှာလည်း စုစုပေါင်း ၁၂၅ ကြိမ် တိုက်ခိုက်ခဲ့ပါတယ်။ ။

ဒီတိုက်ခိုက်မှုဟာ တစ်နေ့လျှင် ပျမ်းမျှ ၂၅ ကြိမ်ခန့် ဖြစ်ပွားနေပြီး၊ ၄၅ မိနစ်တိုင်း တစ်ကြိမ်နှုန်းနီးပါး ဆက်တိုက်ပြုလုပ်နေတာကြောင့် ဒေသခံများအတွက် အလွန်အန္တရာယ်များတဲ့ အခြေအနေကို ရောက်ရှိနေပါတယ်။

အသုံးပြုထားသော လေကြောင်းနှင့် တိုက်ခိုက်ရေးစနစ်များမှာ—
Suicide Drone — ၁၃ ကြိမ်
ပါရာမော်တာ — ၁၄ ကြိမ်
ဂျိုင်ရိုကော်ပတာ — ၆ ကြိမ်
ဂျက်ဖိုက်တာ — ၂၃ ကြိမ်
Y-12 ဗုံးချယာဉ် — ၃၅ ကြိမ်
Mi-35 တိုက်ခိုက်ရေးဟယ်လီကော်ပတာ — ၁၉ ကြိမ်
ဟောင်ဝှစ်ဇာ (Howitzer) — ၁၅ ကြိမ်
စုစုပေါင်းအားဖြင့် လေကြောင်းသာလွန်အင်အားကို အခြေခံကာ တိုက်ခိုက်မှုများ ဆက်တိုက်လုပ်ဆောင်နေခြင်းဖြစ်ပါတယ်။

ဒေသခံများအဆိုအရ၊ လေကြောင်းတိုက်ခိုက်မှုများဟာ ဒီနေ့အထိ နေ့နှင့်ည မရွေး ဆက်လက်ဖြစ်ပွားနေပြီး၊ အချို့အချိန်များတွင် တစ်နာရီအတွင်း အကြိမ်များစွာ ဆက်တိုက်ထပ်မံတိုက်ခိုက်ခြင်းများလည်း ရှိနေကြောင်း သိရပါတယ်။ ထို့ကြောင့် ကျေးရွာများမှ လူဦးရေများ အရေးပေါ်ရွှေ့ပြောင်းနေရပြီး အစားအစာနှင့် အမိုးအကာ ပြတ်လပ်မှုများလည်း တိုးလာနေပါတယ်။

အရာတော်မြို့နယ်ဟာ လက်ရှိတွင် လေကြောင်းတိုက်ခိုက်မှုအလွန်မြင့်မားသော “အန္တရာယ်ဇုန်” တစ်ခုအဖြစ် ပြောင်းလဲနေပြီး၊ အချိန်တိုအတွင်း ထပ်မံပြင်းထန်လာနိုင်ကြောင်း သတိပေးမှုများလည်း ထွက်ပေါ်နေပါတယ်။

မောင်ဒွန်း
The News Angle

နိုင်ငံကြီးသား

05:53 25 thg 5, 2026

သမ္မတကြီး ဦးဝင်းမြင့် လွတ်မြောက်မှု သတင်းကို
ဘာကြောင့် တရုတ်မီဒီယာတွေက အရင်ဆုံး ဖော်ပြခဲ့တာလဲ

သမ္မတကြီး ဦးဝင်းမြင့် လွတ်မြောက်လာတဲ့ သတင်းကို ပြည်တွင်း မီဒီယာတွေ၊ ဒါမှမဟုတ် ကမ္ဘာကျော် အနောက်အုပ်စု သတင်းဌာနကြီးတွေထက် တရုတ်အစိုးရပိုင် မီဒီယာတွေက အရင်ဆုံး ဦးဆောင်ဖော်ပြခဲ့တာဟာ ရိုးရိုးတန်းတန်း တိုက်ဆိုင်မှုတစ်ခု မဟုတ်ပါဘူး။

သတင်းဦးကို တရုတ်မီဒီယာတွေ ဘာကြောင့် ရခဲ့သလဲ

ဆင်ဟွာ (Xinhua) လို တရုတ်နိုင်ငံပိုင် မီဒီယာတွေက နိုင်ငံတော်ပိုင် MRTV ကြေညာချက် ထွက်ထွက်ချင်းမှာပဲ (သို့မဟုတ် မထွက်ခင်ကတည်းက) အသင့်ပြင်ထားတဲ့ သတင်းတစ်ပုဒ်လို ချက်ချင်း ဖော်ပြနိုင်ခဲ့ပါတယ်။

သာမန်အားဖြင့် အနောက်မီဒီယာတွေက သတင်းတစ်ပုဒ်ကို မြေပြင်အခြေအနေ၊ တိကျခိုင်လုံမှု အဆင့်ဆင့်ကို အတည်ပြုနေချိန်မှာ တရုတ်မီဒီယာတွေက အချိန်နဲ့တပြေးညီ ဖြန့်ချိနိုင်ခဲ့တာဟာ ဒီကိစ္စကို ကြိုတင်သိရှိထားလို့၊ ဒါမှမဟုတ် သူတို့ကိုယ်တိုင် ပါဝင်ပတ်သက်နေလို့ ဖြစ်ပါတယ်။ တရုတ်နိုင်ငံပိုင် မီဒီယာတွေဟာ အစိုးရရဲ့ မူဝါဒနဲ့ အာဘော်ကို တိုက်ရိုက် ထင်ဟပ်တာဖြစ်တဲ့အတွက် ဒီသတင်းကို အလောတကြီး ဖော်ပြမှုဟာ နိုင်ငံရေးအရ ရည်ရွယ်ချက်ရှိရှိနဲ့ "ငါတို့ စီစဉ်ထားတဲ့အတိုင်း ဖြစ်လာပြီ" ဆိုတဲ့ သတင်းစကား ပါးလိုက်တာပဲ ဖြစ်ပါတယ်။

စစ်ကောင်စီရဲ့ ဆုံးဖြတ်ချက်လား၊ တရုတ်ရဲ့ ဖိအားလား

လက်ရှိအချိန်မှာ စစ်ကောင်စီဟာ နိုင်ငံတကာ သံတမန်ရေး၊ စီးပွားရေးနဲ့ လက်နက်ခဲယမ်း ထောက်ပံ့မှုတွေအတွက် တရုတ်နိုင်ငံကို အကြီးအကျယ် မှီခိုနေရပါတယ်။ တရုတ်ဘက်ကလည်း မြန်မာပြည်တွင်းက သူတို့ရဲ့ ဘီလီယံချီ ရင်းနှီးမြှုပ်နှံထားတဲ့ စီမံကိန်းကြီးတွေနဲ့ နယ်စပ်ကုန်သွယ်ရေးလမ်းကြောင်းတွေ ရပ်တန့်နေတာကို အမြန်ဆုံး ပြန်လည်ပတ်ချင်နေပါတယ်။ ဒါကြောင့် စစ်ကောင်စီကို "နိုင်ငံရေးအရ အပေးအယူ တစ်ခုခု စလုပ်ဖို့" ပြင်းပြင်းထန်ထန် ဖိအားပေးလာတာ ဖြစ်ပါတယ်။

သမ္မတဟောင်း ဦးဝင်းမြင့်ကို အခုလို လွှတ်ပေးလိုက်တဲ့ လုပ်ရပ်ဟာ စစ်ကောင်စီရဲ့ သဘောထားကြီးမှု၊ ဒါမှမဟုတ် နိုင်ငံရေးအရ ပြေလည်အောင် ဖြေရှင်းလိုတဲ့ ဆန္ဒစစ်စစ်ကြောင့် မဟုတ်ပါဘူး။ ဒါဟာ နောက်ကွယ်ကနေ တရုတ်နိုင်ငံက ကြိုးကိုင် စီစဉ်ထားတဲ့ "တရုတ်ရဲ့ အကြံအစည်" သာ ဖြစ်ပါတယ်။ သတင်းကို တရုတ်မီဒီယာတွေကနေ စနစ်တကျ အရင်ဆုံး ဖြန့်ချိလိုက်တာကလည်း မြန်မာ့ပြည်တွင်းရေးကိစ္စတွေမှာ တရုတ်နိုင်ငံက ဇာတ်ညွှန်းရေးဆွဲပြီး တိုက်ရိုက် ဝင်ရောက်စွက်ဖက်နေတာဖြစ်ပါတယ်။

မီးမော်

နိုင်ငံကြီးသား

05:53 25 thg 5, 2026

📷 Photo

1,730

နိုင်ငံကြီးသား

05:53 25 thg 5, 2026

📷 Photo

https://www.facebook.com/share/p/17sSYvkHjp/

1,770

နိုင်ငံကြီးသား

05:53 25 thg 5, 2026

📷 Photo

1,610

နိုင်ငံကြီးသား

05:53 25 thg 5, 2026

📷 Photo

ကုလသမဂ္ဂနဲ့ အာဆီယံရဲ့ ခေါင်းဆောင်စာရင်းမှာ သမ္မတဦးဝင်းမြင့်သာ ဆက်ရှိနေ

စစ်ခေါင်းဆောင်ဟောင်းက နေပြည်တော်မှာအရပ်ဘက်အုပ်ချုပ်ရေးပုံစံပြောင်းပြီး ဦးမင်းအောင်လှိုင်အနေနဲ့ သမ္မတရာထူးယူလိုက်ပြီဖြစ်ပေမဲ့ ကုလသမဂ္ဂ နဲ့ အာဆီယံတို့ရဲ့ ၂၀၂၆ မြန်မာနိုင်ငံရဲ့ ခေါင်းဆောင်တွေဖော်ပြမှုမှာ သမ္မတ ဦးဝင်းမြင့်နဲ့ နိုင်ငံခြားရေးဝန်ကြီး ဒေါ်အောင်ဆန်းစုကြည်တို့က ဆက်ပြီးရှိနေပါတယ်။

အာဆီယံရဲ့ ဝက်ဘ်ဆိုက်မှာလည်း အာဆီယံအဖွဲ့ဝင်နိုင်ငံတွေရဲ့ ခေါင်းဆောင်တွေစာရင်းမှာ ဦးဝင်းမြင့်ကို မြန်မာနိုင်ငံရဲ့ သမ္မတအဖြစ်ဖော်ပြထားပါတယ်။

#ဘီဘီစီမြန်မာပိုင်း #ဦးဝင်းမြင့် #ဒေါ်အောင်ဆန်းစုကြည် #အာဆီယံ #ကုလသမဂ္ဂ

1,960

နိုင်ငံကြီးသား

05:53 25 thg 5, 2026

📷 Photo

1,310

နိုင်ငံကြီးသား

05:53 25 thg 5, 2026

မြ​န်မာ မစ်ကီမောက် (Mickey-mouse) ဆိုတာ ဘာကိုပြောတာလဲ

​အင်္ဂလိပ်အသုံးအနှုန်းမှာ တစ်ခုခုကို 'Mickey-mouse' လို့ ခိုင်းနှိုင်းလိုက်ပြီဆိုရင် ချစ်စရာကောင်းတယ်လို့ ဆိုလိုတာ မဟုတ်ဘူးဗျ။ "အဆင့်မရှိတာ၊ ကလေးကလားနိုင်တာ၊ အနှစ်သာရမရှိဘဲ ဟန်လုံးလုံးမကျတာ၊ အတုအယောင်" လို့ ပြောချင်တာပါ။

​သတင်းခေါင်းစဉ်က ဘာကိုဆိုလိုတာလဲဆိုတော့ "ဒီအာဏာရှင်ကြီးက စစ်ဝတ်စုံချွတ်ပြီး အရပ်သားအဝတ်အစားတွေ ပြောင်းဝတ်ပြနေပေမယ့် ဘယ်သူမှ အရူးမခံဘူး၊ ရယ်စရာ မျောက်ပြဆန်ပြ လုပ်နေတာပဲ" လို့ ပြောင်လှောင်လိုက်တာပါ။ တကယ့် နိုင်ငံရေးအပြောင်းအလဲ မဟုတ်ဘဲ ကလေးတွေ ကစားစရာ သေနတ်ကိုင်ပြီး စစ်တိုက်တမ်း ကစားနေသလို၊ သမ္မတကြီးတမ်း ကစားနေသလိုပဲလို့ လှောင်ထားတာပါ။

​ဒါက လက်ရှိ အမေရိကန်သံရုံးက ထုတ်ပြန်နေတဲ့ သဘောထားတွေနဲ့ အဓိပ္ပာယ်အရ သွားပြီး တစ်ထပ်တည်းကျနေပါတယ်။ အမေရိကန်အစိုးရရော၊ သံရုံးကရော စစ်ကောင်စီလုပ်မယ့် ရွေးကောက်ပွဲတွေ၊ အရပ်သားအစိုးရဆိုပြီး အသွင်ပြောင်းတာတွေ အားလုံးကို "Sham" ဆိုတဲ့ စကားလုံး အမြဲသုံးပါတယ်။ "Sham" ဆိုတာက "အတုအယောင်၊ အလိမ်အညာ၊ ဟန်ဆောင်ပန်ဆောင်" လို့ အဓိပ္ပာယ်ရတယ်။

နိုင်ငံတကာက ဘယ်လို မြင်နေလဲ ၊ အင်တာနေရှင်နယ် သတင်းတိုက်တွေက ဘယ်လိုရေးနေကြလဲဆိုတာ စစ်တပ်ကပေးတဲ့ သတင်းတွေနဲ့ဘဲ ပိတ်မိနေပြီး ခေါင်းငြိမ့်နေရတဲ့ သူတွေသိစေဖို့ပါ။

" နိုင်ငံတကာက မင်းတို့ ဇာတ်ပွဲကြီးကို ထိုင်ရယ်နေကြတယ် '' ဆိုတာပါ။

1,540

နိုင်ငံကြီးသား

15:56 10 thg 5, 2026

သံချပ် ဟာ အနုပညာ နဲ့ လူမှုနိုင်ငံရေး သရော်မှု
(Socio-political Satire) ကို​ပေါင်းစပ်ထားတဲ့ ချစ်စရာ​ကောင်းတဲ့အစဥ်အလာ အဖြစ်
သင်္ကြန် နဲ့ သံချပ်ဟာ ပနံတင့် လွန်းလှပါတယ်။

အရင်လို ဆု​​ပေး မဏ္ဍပ်​တွေမှာ နားမ​ထောင်နိုင်ကြတဲ့သူများအဖို့ အိမ်က​နေကြည့်နိုင်မယ့် သံချပ်​လေး​တွေစုစည်း​ဖော်ပြ​ပေးလိုက်ပါတယ်။ အခက်အခဲ​တွေကြားက ​နေ ရိုးရာမပျက် ထိန်းသိမ်း​နေကြသူများကိုလည်း ​ကျေးဇူးတင်ရပါတယ်။

မောင်မောင်ဆိုလေ ထီးရိုးရှည် တော်လှန်သင်္ကြန်သံချပ်
https://www.facebook.com/share/v/18EbqKFu7P/

ဒေါင်းတို့မျိုးဆက် -‌ ၂၀၂၆
https://www.facebook.com/peacockgeneration

တမာမိုး သံချပ် ၂၀၂၆
https://www.facebook.com/share/v/1ETpbnPKUJ/

ခေတ်ကိုထင်ဟပ် “တော်လှန်သံချပ်”
https://www.facebook.com/share/v/1AyZcLbYsG/

အမျိုးသမီးမဟာမိတ်အင်အားစု (WAB)ရဲ့ အမျိုးသမီးသံချပ်
https://www.facebook.com/share/v/18ZQu5S1fj/

လူ့ဘောင်သစ်သံချပ်
https://www.facebook.com/share/v/1CgbWf3wuu/

ဒို့ဖားစည် သံချပ်
https://www.facebook.com/share/v/1CjfY5jY5z/

ပြည်တော်ဝင် သံချပ်
https://www.facebook.com/share/v/1AxrgnupyG/

YTF ရဲ့ ဂယက်သံချပ်
https://www.facebook.com/share/v/1BbustcgWV/

KNQ သံချပ်
https://www.facebook.com/share/v/1DvuAoxTDi/

တော်လှန်အညာ သံချပ်
https://www.facebook.com/share/v/1HLMYn8p5V/

ချိန်းဘရီး" သံချပ်
https://www.facebook.com/share/v/18GdRdowPL/

ရွာပေါင်းစုံ တော်လှန်သံချပ်
https://www.facebook.com/share/v/17XNtSNDtc/

ဒေါင်းတို့အားမာန် သံချပ်အသင်း
https://www.facebook.com/share/v/18j61NTtfZ/

People's Healthcare Network - KALAY
https://www.facebook.com/share/v/1F7SV6ZuAX/

နိုင်ငံကြီးသား

15:56 10 thg 5, 2026

ဗိုလ်ချုပ်ထွန်းမြတ်နိုင် ကတိပေးလာ
...

​【 ဘာတွေ ကတိပေးလိုက်တာလဲ ? 】

​လက်ရှိ ရခိုင်ပြည်နယ်ထဲမှာ
ကျန်နေသေးတဲ့ နယ်မြေတွေကို
အဆုံးအဖြတ် တိုက်ပွဲတွေ ဆက်လက် ဆင်နွှဲပြီး၊
​လာမယ့် ၂၀၂၆ နဲ့ ၂၀၂၇ ခုနှစ် မကုန်ခင်မှာ
အပြီးသတ် သိမ်းပိုက် အောင်ပွဲခံမယ်ဆိုပြီး
ယုံကြည်ချက် အပြည့်နဲ့ ပြည်သူကို အသိပေးလိုက်တာပါ။
​...

​【 လက်ရှိ မြေပြင်အခြေအနေက ဘယ်လိုရှိနေလဲ ? 】

​အားလုံးသိတဲ့အတိုင်းပဲ
အခုဆိုရင် AA ဟာ ရခိုင်က မြို့နယ် (၁၄) မြို့နယ်နဲ့
ချင်းပြည်နယ်က ပလက်ဝကို အပြီးသတ် သိမ်းပိုက်ပြီး
အုပ်ချုပ်ရေးယန္တရားတွေပါ လည်ပတ်နေပြီ ဖြစ်ပါတယ်။
​လက်ကျန်ဖြစ်တဲ့ စစ်တွေနဲ့ ကျောက်ဖြူ ဘက်တွေမှာလည်း
တိုက်ပွဲတွေ အပြင်းအထန် ဆက်ဖြစ်နေပါတယ်။
​...

​【 ပြည်သူတွေက ဘယ်လိုမြင်လဲ ? 】

​ပြည်သူတွေက AA ကို အပြည့်အဝ ယုံကြည်နေကြပါတယ်။
​ဘာလို့လဲဆိုတော့ သူတို့က
"စကားနည်းနည်းနဲ့ အလုပ်များများ သက်သေပြတတ်တဲ့"
အဖွဲ့ဖြစ်နေလို့ပါပဲ။
​ဒီစကားဟာ "ရခိုင်ပြည် မကြာခင် လွတ်မြောက်တော့မယ်" ဆိုတဲ့
မတ်ဆေ့ချ်ကို ပြည်သူတွေဆီ ပါးလိုက်တာဖြစ်ပြီး၊
​ပြည်သူတွေဘက်ကလည်း အဆုံးအဖြတ်ကာလမှာ
ဆက်ပြီး ကြံ့ကြံ့ခံ ဝန်းရံပေးကြဖို့
ဒေသခံတွေက တိုက်တွန်းထားပါတယ်။
​...

​【 ပြည်မနဲ့ မဟာမိတ်တွေအတွက် ဘာအဓိပ္ပာယ်ဆောင်လဲ ? 】

​AA ဟာ ရခိုင်ပြည်တွင်းမှာတင်မကဘဲ
ပြည်မက တော်လှန်ရေး အင်အားစုတွေ၊ မဟာမိတ်တွေနဲ့လည်း
မကွေး၊ ပဲခူး၊ ဧရာဝတီ၊ ချင်း၊ ကချင်နဲ့ ရှမ်းမြောက် စတဲ့
နေရာအနှံ့မှာ လက်တွဲ တိုက်ပွဲဝင်နေတာပါ။
​ဒါကြောင့် AA ရဲ့ အောင်ပွဲဟာ
မြန်မာတစ်နိုင်ငံလုံးက စစ်အာဏာရှင်စနစ်ကို
အမြစ်ပြတ် တိုက်ထုတ်ဖို့အတွက်
အင်မတန် အရေးပါတဲ့ အခန်းကဏ္ဍကနေ ပါဝင်နေပါတယ်။
​...

​နှစ်ပေါင်း ၂၄၀ ကျော် ဆုံးရှုံးခဲ့ရတဲ့ အချုပ်အခြာအာဏာကို ပြန်ရဖို့
လူထုတစ်ရပ်လုံး ပါဝင်တဲ့
ဒီအမျိုးသားလွတ်မြောက်ရေး တိုက်ပွဲကြီးမှာ၊
​ပြည်သူတွေ ပေးဆပ်ခဲ့ရတဲ့ အသက်၊ သွေး၊ ချွေးတွေနဲ့အညီ
မဖြစ်မနေ အောင်ပွဲခံပြမယ်လို့
ဗိုလ်ချုပ်က အခိုင်အမာ ကတိပေးထားတာမို့
​တော်လှန်ရေးကို အားပေးနေတဲ့ ပြည်သူတွေအားလုံးအတွက်တော့
တကယ့်ကို ခွန်အားဖြစ်စေမယ့် သတင်းပဲ ဖြစ်ပါတယ်ဗျာ။

​#AA #ArakanArmy #ရခိုင်ပြည် #ရခိုင်စစ်ရေး #ထွန်းမြတ်နိုင် #Arakan #MyanmarConflict #RevolutionMyanmar #အောင်ပွဲ #DMGNews #BreakingNewsMM

နိုင်ငံကြီးသား

15:56 10 thg 5, 2026

စစ်မှုထမ်းရတဲ့ လူငယ်တွေ အိမ်ပြန်ရောက်ရဲ့လား ???

စစ်ကောင်စီက အတင်းအဓမ္မ ခေါ်ဆောင်သွားတဲ့ ပြည်သူ့စစ်မှုထမ်း အမှတ်စဉ် (၁) က လူငယ်တွေထဲမှာ ရန်ကုန်တိုင်းက ၉၁ ယောက်ပဲ အိမ်ပြန်ရောက်လာတယ်လို့ သိရပါတယ်။
​...
​【 စစ်ကောင်စီရဲ့ ထုတ်ပြန်ချက်နဲ့ မြေပြင်က အမှန်တရား 】

​စစ်ကောင်စီကတော့ မနေ့က (ဧပြီ ၁၁ ရက်) မှာ အမှတ်စဉ် (၁) ကို အောင်မြင်စွာ ပြီးမြောက်သူ တစ်နိုင်ငံလုံး အတိုင်းအတာနဲ့ ၃၈၅ ယောက် ရှိတယ်လို့ ဆိုပါတယ်။

​အဲဒီ စစ်သည်တွေကို တာဝန်ပြီးဆုံးကြောင်း လက်မှတ်တွေ၊ ထောက်ပံ့ကြေးနဲ့ ဆုငွေတွေပေးပြီး နေရပ်ပြန်ခွင့်ပြုလိုက်ပြီလို့ သတင်းထုတ်ပြန်ထားပါတယ်။

​ဒါပေမဲ့ တကယ့်မြေပြင်မှာ အိမ်ပြန်ရောက်လာတဲ့ အရေအတွက်က သူတို့ပြောတာထက် အများကြီး နည်းပါးနေတာကို တွေ့ရပါတယ်။
​...

​【 ရန်ကုန်တိုင်းက အခြေအနေက ဘယ်လိုရှိလဲ ? 】

​ပြီးခဲ့တဲ့ ၂၀၂၄ ခုနှစ်၊ ဧပြီ ၈ ရက်နေ့က ရန်ကုန်တိုင်း တိုက်ကြီး (တတက-၁ ဂျိုးဖြူ) နဲ့ လှည်းကူး (စခတ-၁ ဖောင်ကြီး) တို့မှာ ဖွင့်ခဲ့တဲ့ သင်တန်းတွေမှာ ရန်ကုန်တိုင်းက လူငယ် အယောက် ၆၀၀ လောက် ပါဝင်ခဲ့ပါတယ်။

​ကော့မှူး တစ်မြို့နယ်တည်းကတင် လူငယ် ၁၅၀ လောက် အခေါ်ခံခဲ့ရတာပါ။
​ဒါပေမဲ့ အခု တကယ်တမ်း စစ်မှုထမ်းပြီးဆုံးကြောင်း လက်မှတ်ရလို့ အိမ်ပြန်လာနိုင်သူက ရန်ကုန်တစ်တိုင်းလုံးမှာမှ ၉၁ ယောက်ပဲ ရှိပါတယ်။
​...
​【 ကျန်တဲ့လူငယ်တွေ ဘယ်ရောက်သွားလဲ ? 】

​ကရင်နီပြည်နယ် လွိုင်ကော်မှာလည်း ဧပြီလ ၃ ရက်နေ့က သင်တန်းဆင်းပွဲ လုပ်ခဲ့ပါသေးတယ်။

​ဒါပေမဲ့ အဲဒီ သင်တန်းဆင်း လူငယ်အများစုဟာ တိုက်ပွဲတွေ အရမ်းပြင်းထန်နေတဲ့ ရခိုင်နဲ့ ရခိုင်အစပ် နယ်မြေတွေကို ရှေ့တန်းပို့ဆောင်ခံခဲ့ရပါတယ်။

​အဲဒီလို ရှေ့တန်းရောက်သွားပြီး သေဆုံး ဒါမှမဟုတ် ပျောက်ဆုံးသွားတဲ့ လူငယ်တွေရဲ့ အခြေအနေကိုတော့ စစ်ကောင်စီဘက်က လုံးဝ ထိမ်ချန် ဖုံးကွယ်ထားပါတယ်။

1,270

နိုင်ငံကြီးသား

15:56 10 thg 5, 2026

📷 Photo

864

နိုင်ငံကြီးသား

15:56 10 thg 5, 2026

📷 Photo

1,170

နိုင်ငံကြီးသား

15:56 10 thg 5, 2026

မကြာခင် ကုန်ဈေးနှုန်းတွေ ကျမှာလား ???

https://www.facebook.com/share/p/1bQB5kaPT6/

1,160

နိုင်ငံကြီးသား

15:56 10 thg 5, 2026

မကြာခင် ကုန်ဈေးနှုန်း ကျမှာလား ??

သတင်းကောင်းလေး တစ်ခုကတော့ မကြာခင် ပြည်တွင်းမှာ ဓာတ်ဆီ၊ ဒီဇယ်ဈေးတွေ ပြန်ကျလာဖို့ ရှိတယ်ဆိုတာပါပဲဗျ။.

​ဘာဖြစ်လို့လဲဆိုတော့ ဟိုတလောက အမေရိကန်နဲ့ အီရန် ပြဿနာလေးတွေ နည်းနည်း ငြိမ်သွားပြီး သဘောတူညီချက်တွေ ရလိုက်တယ်ဆိုတော့၊ ကမ္ဘာ့ရေနံဈေးကွက်မှာ ဆီဈေးတွေ သိသိသာသာကို ထိုးကျသွားလို့ပါ။ ကျွန်တော်တို့ မြန်မာနိုင်ငံကလည်း ဆီကို အပြင်ကနေ အဓိက ဝယ်သုံးနေရတာဆိုတော့၊ ဟိုဘက်မှာ ဆီဈေးကျရင် ဒီဘက်မှာ ဆီသွင်းတဲ့ ကုန်ကျစရိတ်တွေ သက်သာသွားပြီလေ။ ဒါကြောင့် ပြည်တွင်းက ဓာတ်ဆီဈေးတွေလည်း ပြန်ကျလာဖို့ အလားအလာ အရမ်းကောင်းသွားပါပြီ။

​ကုန်ဈေးနှုန်းတွေအပေါ် ဘယ်လို သက်ရောက်မလဲ?

​ဆီဈေးကျမယ်ဆိုတာက ကျွန်တော်တို့ အရပ်သား ပြည်သူတွေအတွက်တော့ တကယ့်ကို ထွက်ပေါက်တစ်ခုပဲဗျ။ အခုဆို ကုန်ဈေးနှုန်းတွေက အကုန်တက်၊ ဆန်၊ ဆီ၊ ဆားကအစ စားစရာသောက်စရာ ဈေးတွေက အမိုးပွင့်နေတာလေ။ ဒီလို ကုန်ဈေးနှုန်းတွေ အဆမတန် တက်ရတဲ့ အဓိက အကြောင်းရင်းထဲမှာ သယ်ယူပို့ဆောင်ရေး စရိတ် (ကားခ၊ တန်ဆာခ) တွေ ကြီးနေတာက ထိပ်ဆုံးက ပါတာပေါ့။

​ဆီဈေးလေး ပြန်ကျလာပြီဆိုရင် ကားသမားတွေ၊ သုံးဘီးသမားတွေ၊ ဆိုင်ကယ်သမားတွေ ဆီဖိုး သက်သာသွားမယ်။ အဲဒီတော့ နယ်စုံကို ကုန်ပို့နေတဲ့ ကားခတွေ၊ တန်ဆာခတွေပါ လိုက်ကျလာနိုင်တဲ့အတွက် အခုလောလောဆယ် မတန်တဆ ဖြစ်နေတဲ့ ကုန်ဈေးနှုန်းတွေလည်း နောက်ဆိုရင် နည်းနည်းပါးပါး ပြန်ကျလာဖို့ မျှော်လင့်ချက် ကြီးကြီးမားမား ရှိလာပြီပေါ့ဗျာ။
​ဒါပေမယ့် ချက်ချင်းကြီးတော့ ကျလာပါ့မလား?.

​တစ်ခု နားလည်ထားရမှာက "ကမ္ဘာ့ဈေးကျတာနဲ့ မနက်ဖြန် ချက်ချင်း ဈေးချရောင်းမလား" ဆိုတော့ အဲဒီလောက်လည်း မလွယ်သေးဘူးဗျ။ ဘာလို့လဲဆိုတော့ ကျွန်တော်တို့ဆီမှာက ဒေါ်လာဈေးက မငြိမ်သေးဘူးလေ။ ဆီသွင်းတဲ့ ကုမ္ပဏီတွေက ဒေါ်လာရှာဝယ်ရတာ ခက်နေတုန်းပဲ။ ပြီးတော့ ဆီဆိုင်တွေမှာ ခွဲတမ်းနဲ့ ရောင်းနေတာတွေ၊ တန်းစီနေရတဲ့ အခက်အခဲတွေကလည်း ရှိနေသေးတော့ ကမ္ဘာ့ဈေး ကျသလောက် ချက်ချင်းကြီး ထိုးကျသွားဖို့တော့ နည်းနည်း အချိန်ယူရဦးမယ်။

​ဘယ်လိုပဲဖြစ်ဖြစ် အခုလို ကမ္ဘာ့ဆီဈေး ကျသွားတာကတော့ ကျွန်တော်တို့ဆီက အဆမတန် မြင့်နေတဲ့ ကုန်ဈေးနှုန်းတွေကို ပြန်ဆွဲချပေးနိုင်မယ့် အကောင်းဆုံး အခွင့်အရေးတစ်ခု ဖြစ်နေတာတော့ အသေအချာပါပဲဗျာ။

နိုင်ငံကြီးသား

15:56 10 thg 5, 2026

🎥 Video

မတရားဖမ်းဆီးခံထားရတဲ့ သမ္မတ ဦးဝင်းမြင့်၊ လူထုခေါင်းဆောင် ဒေါ်အောင်ဆန်းစုကြည် နဲ့ နိုင်ငံရေးအကျဉ်းသားတွေ အားလုံးလွတ်မြောက်ရေး အတွက် Blue Shirt Campaign (၁၂) ရက်တာ လှုပ်ရှားမှုကို ဒီနေ့မှာ စတင်လိုက်ပြီဖြစ်တယ်လို့ သိရပါတယ်။

နိုင်ငံရေးအကျဉ်းသားဟောင်း ဟံသာဝတီ ဦးဝင်းတင် ကွယ်လွန်ခြင်း ၁၂ နှစ်ပြည့်အဖြစ်နဲ့ Blue Shirt Campaign ကို ပြုလုပ်မှာဖြစ်တယ်လို့ အဖွဲ့အစည်းပေါင်း ၃၀ က စုပေါင်းပြီး ထုတ်ပြန်လိုက်တာပါ။
ပြည်သူတွေအနေနဲ့ Blue Shirt Campaign ၁၂ ရက်တာ လှုပ်ရှားမှုမှာ ပူးပေါင်းပါဝင်ပေးကြဖို့ အတွက်လည်း တိုက်တွန်းထားပါတယ်။

Blue Shirt Campaign ကို ဧပြီ ၁၀ ရက်ဖြစ်တဲ့ ဒီနေ့ကစပြီး ဧပြီ ၂၁ ရက်အထိ ၁၂ ရက်တာ လူထုလှုပ်ရှားမှု ပြုလုပ်သွားမှာပါ။ အဲဒီလူထုလှုပ်ရှားမှုကို တော်လှန်ရေးအင်အားစုတွေ နဲ့ ပြည်သူတွေက အွန်းလိုင်း နဲ့ မြေပြင်တွေမှာ ပြုလုပ်သွားမှာဖြစ်ပါတယ်။

1,480

နိုင်ငံကြီးသား

15:56 10 thg 5, 2026

📷 Photo

1,490

နိုင်ငံကြီးသား

15:56 10 thg 5, 2026

🎥 Video

Time Traveller ကိုမော့စ် ရဲ့ ဓာတ်ဆီ 😅

1,640

နိုင်ငံကြီးသား

14:08 13 thg 4, 2026

📷 Photo

အမေ့ကို လွမ်းတဲ့ နွေ

ဒီလို နွေဦးအခါသမယကို ရောက်လာတိုင်း ပြည်သူနဲ့အတူ အပြုံးပန်းတွေ ဝေဆာစွာနဲ့ သင်္ကြန်ကို ဆင်နွှဲခဲ့တဲ့ "အမေ" ကို အလွန်တမ်းတ လွမ်းဆွတ်မိပါတယ်။ အမေ့ရဲ့ မေတ္တာအပြုံးတွေ၊ ပြည်သူတွေအပေါ် ထားရှိတဲ့ နွေးထွေးတဲ့ စကားသံတွေဟာ တစ်ချိန်က ကျွန်တော်တို့အတွက်တော့ အပူကင်းတဲ့ သင်္ကြန်ရေစင်ပါပဲ။ အခုတော့ အမေမရှိတဲ့၊ အမေနဲ့ ဝေးကွာနေရတဲ့ ဒီနွေဟာ ခြောက်သွေ့လွန်းလှပါတယ်။

အကျဉ်းစံ နံရံတွေကြားထဲမှာ အမေ ဘယ်လောက်တောင် ပူပြင်းတဲ့ နွေရက်တွေကို ဖြတ်သန်းနေရမလဲဆိုတာ တွေးမိတိုင်း ရင်နာရပါတယ်။ ရေသံ၊ ဆိုင်းသံတွေ ကြားရတိုင်း အမေ့ကို သတိရတဲ့စိတ်က ပိုပြီး ပြင်းပြလာပါတယ်။ ဒါပေမဲ့ အမေ့ရဲ့ မလျှော့သော ဇွဲလုံ့လနဲ့ ကြံ့ခိုင်တဲ့ စိတ်ဓာတ်တွေက ကျွန်တော်တို့ ပြည်သူတွေအတွက်တော့ အမြဲတမ်း ရှင်သန်နေတဲ့ ခွန်အားတွေပါပဲ။

ဒီနှစ် သင်္ကြန်မှာလည်း ရေတစ်ခွက်ကို ကိုင်မြှောက်လိုက်တိုင်း အမေ ဘေးကင်းကျန်းမာပါစေ၊ အမေ အမြန်ဆုံး လွတ်မြောက်ပါစေလို့ပဲ ဆုတောင်းနေကြပါတယ်။

အမေ ပြန်လာမယ့် တစ်နေ့၊ ပြည်သူတွေအားလုံး ငြိမ်းချမ်းစွာနဲ့ အာဏာရှင်စနစ်အောက်ကနေ အပြီးတိုင် လွတ်မြောက်မယ့် တစ်နေ့မှသာ ကျွန်တော်တို့ လိုလားတောင့်တတဲ့ "အစစ်အမှန် သင်္ကြန်" ဟာ ရောက်ရှိလာမှာပါ။

951

နိုင်ငံကြီးသား

14:08 13 thg 4, 2026

အခု ဧပြီလဆန်းပိုင်းမှာ စစ်ကောင်စီက ညွှန်ကြားချက်အသစ်တစ်ခု ထုတ်လိုက်တယ်။ အဲဒါက ဘာလဲဆိုတော့ လယ်ထွန်စက်တွေ၊ ရေတင်စက်တွေအတွက် ဆီဝယ်ချင်ရင် မြို့နယ်စိုက်ပျိုးရေးကြီးကြပ်မှုကော်မတီရဲ့ ထောက်ခံစာပါမှ ဆီဆိုင်တွေက ရောင်းပေးရမယ် ဆိုတာပါပဲ။

ဆီသွားဝယ်လို့ရဖို့ဆိုတာကလည်း လွယ်လွယ်လေး မဟုတ်ဘူးဗျ။ အဲဒီထောက်ခံစာထဲမှာ ကိုယ်တကယ် စိုက်ပျိုးနေတဲ့ ရွာနာမည်၊ ကွင်းအမှတ်၊ တောင်သူနာမည်၊ စိုက်ဧက ဘယ်လောက်ရှိလဲဆိုတာတွေ အတိအကျ ပါရမယ်။ ဒါ့အပြင် တစ်ရက်ကို ဘယ်လောက် ထွန်ယက်နိုင်လဲ၊ ရေတင်ဖို့ ဆီဘယ်လောက်(ဂါလန်) အတိအကျ လိုသလဲ ဆိုတာတွေရော၊ ဘယ်ဆီဆိုင်မှာ သွားဝယ်မှာလဲ ဆိုတဲ့ ဆီဆိုင်နာမည်ကိုပါ တစ်ခါတည်း သေချာရေးထည့်ရမှာတဲ့။ ပြီးတော့ စက်တွေအတွက် မှတ်ပုံတင်စာအုပ်တွေလည်း ပါမှ ရမယ်လို့ ဆိုတယ်။

ဆီဆိုင်တွေဘက်ကလည်း ဒီအတိုင်း ရောင်းပေးလိုက်ရင် ပြီးရော မဟုတ်ဘူး။ ရောင်းရတဲ့ ဆီတွေကို သီးသန့် စာရင်း (လယ်ဂျာ) ထဲမှာ သေချာမှတ်ရမယ်။ ထွန်စက်တစ်စီးချင်းစီ၊ ရေတင်စက် တစ်လုံးချင်းစီအတွက် မှတ်ပုံတင်စာအုပ်တွေ လုပ်ထားပေးရမယ်။ ပြီးရင် နေ့စဉ် ရောင်းရတဲ့ အခြေအနေကို သက်ဆိုင်ရာ လယ်ယာသုံး Group တွေထဲမှာ နေ့တိုင်း တင်ပြနေရဦးမှာပါ။

ဒီလိုမျိုး အဆင့်တွေ အများကြီးနဲ့ တင်းကျပ်လိုက်တော့ တောင်သူတွေအတွက်က ဆီရဖို့ တော်တော်လေးကို ခက်ခဲသွားပြီ။ စာရွက်စာတမ်းတွေ လုပ်နေရတာနဲ့တင် အလုပ်တွေလည်း အရမ်းကြန့်ကြာကုန်တာပေါ့။ ပဲခူးတိုင်း သနပ်ပင်မြို့နယ်က လယ်ဧက ၁၀၀ လောက်လုပ်တဲ့ တောင်သူတစ်ဦးဆိုရင် "ဒီဇယ်က လိုသလောက်မရဘူး၊ ဈေးကလည်း တက်နေတော့ စိုက်ပျိုးရေးလုပ်ဖို့ အဆင်မပြေတော့ဘူး။ အပြင်ဈေးကွက်မှာဆို ဒီဇယ်တစ်ပေပါကို ၂၅ သိန်းလောက်ထိ ဖြစ်နေပြီ" လို့ ညည်းတွားပြောဆိုနေပါတယ်။

တကယ်တော့ စက်သုံးဆီအသိုင်းအဝိုင်းက သိရသလောက်ကတော့ စစ်တပ်ဘက်က ဆီလုံလုံလောက်လောက် မသွင်းနိုင်၊ မပေးနိုင်တော့လို့ အခုလိုမျိုး စည်းကမ်းတွေ အများကြီးထုတ်ပြီး ပုံစံမျိုးစုံနဲ့ ကန့်သတ်ကျပ်မတ်လာတာလို့ ဆိုပါတယ်။ မွန်ပြည်နယ် ပေါင်မြို့နယ်ဘက်မှာဆိုရင် တောင်သူတွေဟာ ဆီဝယ်ဖို့အတွက် ရေတင်စက်ကြီးတွေပါ ဆီဆိုင်အထိ သယ်လာပြီး တန်းစီနေရတယ်လို့လည်း သိရပါတယ်။

နိုင်ငံကြီးသား

14:08 13 thg 4, 2026

📷 Photo

784

နိုင်ငံကြီးသား

14:08 13 thg 4, 2026

📷 Photo

စစ်တပ်က မတ္တရာမြို့နယ်မှာ စစ်မှုထမ်းစတင် ခေါ်ယူ

ဧပြီ−၁၊၂၀၂၆၊ရှိန်း/ People's Spring

စစ်တပ်ကပြန်လည်ထိန်းချုပ်ထားတဲ့ မန္တလေးတိုင်း၊မတ္တရာမြို့နယ်မှာ စစ်မှုထမ်းဖို့ လူဦးရေ၁,၅၀၀ တောင်းထားပြီး ကျေးရွာတွေအလိုက် စတင်လူတောင်းနေတယ်လို့ ဒေသခံတွေက ပြောပါတယ်။

မတ္တရာတမြို့နယ်လုံးအနေနဲ့ ဧပြီလအတွက် စစ်မှုထမ်းရန် လူဦး ရေ ၁၅၀၀ စစ်တပ်က တောင်းထားပြီး ကျေးရွာတွေအတွင်းလည်း စစ်မှုထမ်းဖို့ လော်စပီကာတွေနဲ့လိုက်လံ အော်ဟစ် သတိပေးနေတယ်လို့ သိရပါတယ်။

"ရွာထဲကို ဒေသခံ တွေပြန်လာနေဖို့မြူစွယ်နေတာ။ပြန်လာနေတဲ့ အိမ်တွေကိုလည်း အထွက် ကန့်သတ်တာတွေ လုပ်နေတယ်။ပြီးတော့ တပ်စွဲထားတဲ့ စစ်တပ်ကို မိသားစုစာရင်းသွား ပေးရတယ်။စာရင်းတွေ အကုန်စကစဆီမှာရှိနေတာ"လို့ ဒေသခံတဦးက ပြောပါတယ်။

‌မတ္တရာမြို့နယ်မှာ ကျေးရွာငယ်တစ်ရွာကို ၅ဦးနဲ့ ကျေးရွာအကြီးဖြစ်ပါက ၁၀ဦးကနေ ၁၅ဦးအထိ စစ်မှုထမ်းဖို့လူ တောင်းထားတယ်လို့ သိရပါတယ်။

မတ္တရာမြို့နယ်ကို စစ်တပ်က ပြန်လည်ထိမ်းချုပ်ပြီးနောက် ၂၀၂၅ နိုဝင်ဘာမှာလည်း ကျေးရွာတချို့မှာ ရွာလုံခြုံရေးအတွက်ဆိုပြီး ပြည်သူ့စစ်တွေဖွဲ့ခဲ့ပါသေးတယ်။

1,340

နိုင်ငံကြီးသား

14:08 13 thg 4, 2026

ဩော်... အရေးထဲ ခေွးက ပလ္လင်ပေါ်တက်နေတယ် 😅😅

https://www.facebook.com/share/v/1EFeVw2PFB/

1,090

နိုင်ငံကြီးသား

14:08 13 thg 4, 2026

🎥 Video

ဪ ... အရေးထဲ ခွေးက ပလ္လင်ပေါ် တက်နေတယ်

1,600

နိုင်ငံကြီးသား

14:08 13 thg 4, 2026

📷 Photo

" နိုင်ငံတော် သမ္မတ "

စစ်ကောင်စီရဲ့ မတရားရုံးမှာ ဦးဝင်းမြင့်ကို ကျမ်းကျိန်ခိုင်းပြီး အလုပ်အကိုင် ဖြည့်ဖို့ မေးတော့ ဦးဝင်းမြင့်က " နိုင်ငံတော် သမ္မတ " လို့ ဖြေတယ်။

တရားသူကြီးက လက်ရှိ အလုပ်အကိုင်ကို ထွက်ဆိုရမှာ ဖြစ်တယ်လို့ ဖိအားပေးတော့ ဦးဝင်းမြင့်က " ကျုပ် အလုပ်အကိုင်က နိုင်ငံတော်သမ္မတ " လို့ပဲ ထပ်ဖြေတယ်။ အဲတာနဲ့ နေရပ်လိပ်စာ ထွက်ဆိုပါဆိုတော့ " နိုင်ငံတော်သမ္မတ အိမ်တော်၊ နေပြည်တော် " လို့ ဖြေတယ်။ ဘယ်လိုမှ ပြောမရတော့ ဦးဝင်းမြင့် ပြောတဲ့အတိုင်းပဲ ဖြည့်လိုက်ရတယ်။

သေနတ်ပြ ခြိမ်းခြောက် အသက်ရန်ရှာ၊ အကျဉ်းအကျပ်ထဲ ရုပ်ပိုင်းဆိုင်ရာအရအမျိုးစုံ ဖိအားပေး နှိပ်စက်ထားပေမဲ့ စိတ်ပိုင်းဆိုင်ရာခွန်အားကို ဘယ်လိုမှ ဖိအားပေး ပြောင်းလဲလို့ မရဘူးဆိုတာ နိုင်ငံတော်သမ္မတကြီး ဦးဝင်းမြင့်က သက်သေထူနေတယ်။

အခုထိ ဖမ်းထားပေမဲ့ ကုလသမဂ္ဂစာရင်းမှာရော အာဆီယံမှာပါ ဦးဝင်းမြင့်က မြန်မာနိုင်ငံရဲ့ နိုင်ငံတော်အကြီးအကဲဖြစ်တယ်။ ဦးဝင်းမြင့်မှာ အဂ္ဂမဟာ ဘာညာစည်သူ စတဲ့ ကိုယ့်ဘာကိုယ်ပေးထားတဲ့ ဂုဏ်ပုဒ်တွေ မရှိဘူး။ ပြည်သူပေးတဲ့ တရားဝင်မှုပဲရှိတယ်။

ငါတို့ သမ္မတ ဘယ်သူလဲ ………..
ဦးဝင်းမြင့် ဦးဝင်းမြင့်

- Sett Aung

1,150

နိုင်ငံကြီးသား

14:08 13 thg 4, 2026

📷 Photo

1,240

နိုင်ငံကြီးသား

14:08 13 thg 4, 2026

"သစ္စာရှိတိုင်း နေရာမရဘူး" ကွ

တစ်ချိန်က တပ်ချုပ်နေရာကို မျှော်လင့်တကြီးနဲ့ ထိုင်စောင့်နေခဲ့တဲ့ ဒုဗိုလ်ချုပ်မှူးကြီး စိုးဝင်း တစ်ယောက်တော့ နောက်ဆုံးမှာ မင်းအောင်လှိုင်ရဲ့ "ခေတ်သစ် ကန်ထုတ်နည်း" နဲ့ အလှပဆုံး ကြုံသွားရပါပြီ။ တိုတိုပြောရရင်တော့ တပ်ချုပ်နေရာလည်း မရ၊ ယူနီဖောင်းလည်း အချွတ်ခံလိုက်ရတဲ့ အဖြစ်ပါ။

တစ်သက်လုံး "နံပါတ် ၂" ဆိုပြီး ဖင်ကပ်ခွာမရှိ လိုက်နေခဲ့ပေမယ့် တကယ်တမ်း ပွဲလည်းကျရော မင်းအောင်လှိုင်က စိုးဝင်းကို မျက်လုံးထဲမထည့်ဘဲ သူ့လူယုံ ရဲဝင်းဦးကိုပဲ ခေါင်းပေါ် ကောက်တင်လိုက်ပါတယ်။ "သစ္စာရှိတိုင်း နေရာမရဘူး" ဆိုတာကို အခုတော့ စစ်တပ်ထဲက နံပါတ် (၂) ကြီး ကောင်းကောင်းကြီး သဘောပေါက်လောက်ပါပြီ။

ဒါပေမဲ့ မျက်နှာပူလို့လား၊ သနားလို့လားတော့ မသိဘူး၊ ရာထူးအသစ်လေး တစ်ခုတော့ အရောင်တင်ပြီး ဖန်တီးပေးထားပါသေးတယ်။ ဘာတဲ့... "တရားဥပဒေစိုးမိုးရေး၊ နိုင်ငံခြားရေး၊ ငြိမ်းချမ်းရေးလုပ်ငန်းစဉ်နဲ့ ဥပဒေပြုရေးဆိုင်ရာ ကိစ္စရပ်တွေကို လမ်းညွှန်ညှိနှိုင်းပေးရမယ့် တာဝန်" တဲ့။

နာမည် ကြည့်လိုက်ရင် အကြီးကြီးပဲ၊ ဒါပေမဲ့ သေချာပြန်စဉ်းစားကြည့်ရင်တော့ ရယ်စရာကောင်းနေပါတယ်။
လုံးဝမရှိတော့တဲ့ တရားဥပဒေစိုးမိုးရေး
နိုင်ငံတကာက ဘယ်သူမှ အဖက်မလုပ်တော့တဲ့ နိုင်ငံခြားရေး
သူတို့ဘာသာရေးပြီး သူတို့ဘာသာ ပြန်ဖတ်နေတဲ့ အတုအယောင် ဥပဒေပြုရေး
ပြောရရင်တော့ "ဘာမှ အဖတ်ဆယ်စရာ မရှိတော့တဲ့ အလုပ်တွေကို မင်းသွားလုပ်" ဆိုပြီး အာဏာမဲ့တဲ့ နေရာတစ်ခုဆီကို သေသပ်လှပစွာ လွှင့်ပစ်လိုက်တာပါပဲ။

ဒီပွဲမှာ အမြတ်အထွက်ဆုံးကတော့ မင်းအောင်လှိုင်ရဲ့ လူယုံတော် ရဲဝင်းဦးပါပဲ။ လုပ်သက်နဲ့ ရာထူးစဉ်ဆက်တွေကို အကုန်ကျော်ခွပြီး နေရာယူသွားတဲ့ ဒီဖြစ်ရပ်ကို ကြည့်ရင် စစ်ခေါင်းဆောင်ဟာ ဘယ်သူ့ကိုမှ မယုံတော့ဘဲ သူ့အမိန့်ကို ခေါင်းညိတ်မယ့် "လူယုံသက်သက်" ကိုပဲ ဘေးနားမှာ ထားချင်တော့တယ်ဆိုတာ အထင်းသား မြင်နေရပါတယ်။

အချုပ်ပြောရရင်တော့ စိုးဝင်းတစ်ယောက် "မင်းသားကြီးနေရာ ရပြီထင်ပြီး ဇာတ်စင်ပေါ် ပြုံးဖြီးဖြီးနဲ့ တက်သွားတာ၊ ကန့်လန့်ကာအနောက်လည်း ရောက်ရော လူကြမ်းနေရာကနေပါ အနားပေးခံလိုက်ရတဲ့" အဖြစ်ပါပဲ။

သူတို့အချင်းချင်းတောင် ဒီလောက် သွေးအေးအေးနဲ့ ပြုံးပြုံးကြီး ဓားနဲ့ခုတ်နေကြတာဆိုတော့၊ ရှေ့ဆက်လာမယ့် စစ်ကောင်စီရဲ့ အကွဲအပြဲ ဇာတ်လမ်းတွဲတွေကတော့ အတော်လေး ကြည့်ကောင်းဦးမှာ အသေအချာပါပဲ။

နိုင်ငံကြီးသား

14:08 13 thg 4, 2026

📷 Photo

964

Showing 30 of 44 posts

Xếp hạng

Yêu cầu đăng nhập

Đánh giá của người dùng (0)

Chưa có đánh giá nào. Hãy là người đầu tiên chia sẻ trải nghiệm của bạn!

Kênh Telegram liên quan

Mission Future : the future of our planet are Antarctica / Arctic - Antarctic / Greenland - Antártida / Antarctique / Antarktis

890

Government Debt - Staatsschulden / Schulden - Deuda gubernamental - Dívida Governamental - Dette gouvernementale - Debito

220

Loading recommended channels...

နိုင်ငံကြီးသား

နိုင်ငံကြီးသား

Xếp hạng

Tăng trưởng người đăng ký (Trong 9 ngày qua)

Bài đăng gần đây

Xếp hạng

Đánh giá của người dùng (0)

Kênh Telegram liên quan

Mission Future : the future of our planet are Antarctica / Arctic - Antarctic / Greenland - Antártida / Antarctique / Antarktis

Fabrice Sorlin

𝕱𝖗𝖔𝖓𝖙𝖋𝖑𝖎𝖈𝖙 🇵🇸🔻🇱🇧

VITA Comunità sociale e politica

🌏နိုင်ငံတကာသတင်းများ

Madison Beer Brasil

ចែករំលែក ប្រវត្តិវិទ្យា - Share of History

Government Debt - Staatsschulden / Schulden - Deuda gubernamental - Dívida Governamental - Dette gouvernementale - Debito

Kênh Telegram liên quan

Mission Future : the future of our planet are Antarctica / Arctic - Antarctic / Greenland - Antártida / Antarctique / Antarktis

Fabrice Sorlin

𝕱𝖗𝖔𝖓𝖙𝖋𝖑𝖎𝖈𝖙 🇵🇸🔻🇱🇧

VITA Comunità sociale e politica

🌏နိုင်ငံတကာသတင်းများ

Madison Beer Brasil

ចែករំលែក ប្រវត្តិវិទ្យា - Share of History

Government Debt - Staatsschulden / Schulden - Deuda gubernamental - Dívida Governamental - Dette gouvernementale - Debito

Bài đăng gần đây

Đánh giá của người dùng (0)