UPDATE - အညွှန်းသီးသန့်

Public

Không thể tham gia? @UPDATE_review

9.4k Thành viên

Cập nhật: May 15, 2026 at 1:12 PM

UPDATE - အညွှန်းသီးသန့်

Follow @UPDATE_review to stay updated with the latest Tin tức & Báo chí trends and news

Xếp hạng

Xếp hạng toàn cầu

#456

Xếp hạng ngôn ngữ

#45

Xếp hạng danh mục

#23

-1

Tăng trưởng người đăng ký (Trong 5 ngày qua)

Tổng cộng: 9.4K

Tăng trưởng 24 giờ: +26 0%

Bài đăng gần đây

UPDATE - အညွှန်းသီးသန့်

00:20 23 thg 5, 2026

Our Times (2015)

ကျောင်းကရုပ်ဆိုးဆိုးကောင်မလေးအား ချစ်မိသွားတဲ့ ကျောင်းရဲ့ ဂိုဏ်းစတားလေး

ပရိတ်သတ်တွေထဲမှာ။
ငယ်ငယ်က ကြိတ်ကြွေခဲ့ရတဲ့ အချစ်ဦးလေးတွေနဲ့ပတ်သက်ပြီး သတိရလွမ်းနေရတဲ့သူလေးတွေရှိပါသလားA crazy little thing called love ဇာတ်လမ်းလေးလို ကြည်နူးစရာဇာတ်လမ်းတွေမှ ကြည့်ချင်တဲ့သူတွေအတွက် လာပါပြီနော်
ကျောင်းသားအရွယ်အချစ်ဇာတ်လမ်းလေး
ကိုယ်သဘောကျတဲ့သူနဲ့ တွေ့ပြီးမှ ထူးထူးခြားခြားပြောင်းလဲ လိမ္မာသွားကြတဲ့အကြောင်း
အချစ်ဆိုတာ ဘယ်အချိန်ဝင်လာလိုက်လဲမသိလိုက်ခင်မှာပဲ ကိုယ့်စိတ်ထဲသူရောက်နေတာကို သိလိုက်ရတဲ့အဖြစ်လေးတွေအကြောင်း
ချစ်စရာကောင်းတဲ့ ရိုမန်တစ်ဇာတ်ကားလေးတွေမှ ကြိုက်တတ်တဲ့သူတွေအတွက် Our Times ကားလေးတင်ပေးလိုက်ပါတယ်နော်
A crazy little thing called love လိုမျိုး ဘယ်သူ့အတွက် ဘယ်ဇာတ်ကောင်တွေက ဘယ်လိုtransformation ဖြစ်သွားမလဲ
ဘယ်လို dialogue လေးတွေ ရင်ထဲထိမလဲဆိုတာကို
ကြည့်ရမယ့် ဇာတ်ကားကောင်းလေးတစ်ကားပါ.

623

UPDATE - အညွှန်းသီးသန့်

00:20 23 thg 5, 2026

Pantaskah Aku Berhijab (2024)

ဖောက်ပြန်မှုလား၊ ရိုးသားတဲ့ချစ်ခြင်းမေတ္တာပဲလားဆိုတာဝေဖန်ရင်း လောင်မြိုက်ရမဲ့ အင်ဒိုဒရာမာရုပ်ရှင်လေးကိုတင်ဆက်ပေးလိုက်ပါတယ်။

ချစ်မိတာက ဘယ်လောက်ပဲရိုးသားပါတယ်ပြောပြော အိမ်ထောင်သည်ယောကျ်ားတစ်ယောက်ကကိုယ့်ဇနီးတစ်ယောက်လုံးရှိနေရက် တခြားမိန်းမတစ်ယောက်ကို တာဝန်ယူပေးချင်တဲ့အခါ၊ အနားမှာရှိနေပေးချင်တဲ့အခါမှာ လူ့အသိုင်းအဝိုင်းတစ်ခုလုံးက ဖောက်ပြန်မှုလို့ သတ်မှတ်ကြတာပါပဲ။

အာမန်ဆိုတဲ့ ပညာရေးအကြီးအကဲတစ်ယောက်က နယ်မြို့ကကျောင်းတစ်ခု ဥက္ကဌအပြောင်းအလဲကိစ္စနဲ့ရောက်လာချိန် အချစ်ဦး လာတီဖာနဲ့ပြန်တွေ့ခဲ့တယ်။

အစပိုင်းမှာ ဒီတိုင်းပဲရင်းရင်းနှီးနှီးရှိနေခဲ့ပေမဲ့လာတီဖာတို့သားမိနှစ်ယောက်ရဲ့ အခက်အခဲတွေကိုမြင်ပြီး ကူညီပေးချင်စိတ်၊ အကာအကွယ်ပေးချင်တဲ့ခံစားချက်တွေကကြီးကြီးမားမား ဖြစ်ပေါ်လာခဲ့တာပေါ့။

ဒါပေမဲ့ အာမန့်ကို အိမ်မှာစောင့်နေတဲ့ သားမိနှစ်ယောက်ရှိနေတဲ့အခါမှာတော့…။သုခဘုံတံခါးများဆိုတဲ့ ရုပ်ရှင်နာမည်ကတော့ အစ္စလာမ်ဘာသာမှာ အိမ်ထောင်ရေးကို သုခဘုံတံခါးလို့တင်စားကြတာမို့ပါတဲ့။

879

UPDATE - အညွှန်းသီးသန့်

00:20 23 thg 5, 2026

Letters to Juliet (2010)

ကျွန်တော်တို့သူငယ်ချင်းတွေနဲ့ဆုံတွေကြတဲ့ အခါ အတော်များများမေးလေ့ရှိကြတယ် ..ဟဲ့ နင်တို့ (၂)ယောက်ဘယ်လိုကနေဘယ်လိုချစ်သွားကြတုန်းတဲ့…
ချစ်ခဲ့ကြဖို့အတွက် အခက်အခဲပေါင်းများစွာကြုံခဲ့ရသလို ကြည်နူးစရာပေါင်းများစွာကြုံခဲ့ရပေမယ့် ပြန်ပြောပြဖို့ကြတော့ ဝါကျ(၃)ကြောင်းလောက်နဲ့ပြီးသွားတတ်တယ်..ကြိုးစားပြီးပြောပေမယ့် ကိုယ်ကြုံခဲ့ရတာတွေကများသလောက် ဖွဲ့နွဲ့ပြဖို့ခက်တော့ မြန်မြန်နိဂုံးချုပ်လိုက်ရတယ်..ဒါတွေကို FAတွေတော့ သိပ်နားလည်မယ် မထင်ဘူး…တစ်ချို့ပြောတတ်ဆိုတတ်တဲ့သူတွေအတွက်တော့ ဇာတ်လမ်းတစ်ပုဒ်နီးပါး နားထောင်ကောင်းနေတတ်မျိုးတော့ရှိတာပေါ့လေ…ဒီလိုပဲ အချစ်စာအုပ်ကောင်းတစ်အုပ် အချစ်ဇာတ်လမ်းကောင်းတစ်ကားကို ညွှန်းဆိုဖို့ကြတော့လည်း အတော်ခက်ပါတယ်..ကြည့်နူးစရာတွေ ကြုံရမြင်ရ ခံစားရတာတွေများပေမယ့် ညွှန်းဆိုဖို့ကြတော့ခက်ပါတယ်..ပြီးတော့တခြားသူညွှန်းပြီးသား အချစ်ကားတွေပြန်ကြည့်ရင် ခံစားရတာ ပေါ့နေသလိုဖြစ်နေတတ်တယ်…ဒါကြောင့် ထွေထွေထူးတော့ပြောမနေတော့ပါဘူး….

460

UPDATE - အညွှန်းသီးသန့်

00:20 23 thg 5, 2026

Uptown Girls (2003)

Dakota Fanning ငယ်ငယ်က ရုပ်ရှင်ပေါ့။ နတ်သမီးပုံပြင်ဆန်ဆန်ပဲ။ ဝက်ကလေးတစ်ကောင်နဲ့ ချမ်းသာလွန်းတဲ့မိဘတွေနဲ့ပေါ့။ မင်းသမီးက နာမည်ကျော် အဆိုတော်ကြီးရဲ့ သမီး။

တစ်နေ့မှာ သူ့အဖေနဲ့အမေက ပွဲသွားဖျော်ဖြေဖို့ သွားတဲ့ခရီးမှာ လေယာဉ်ပျက်ကျပြီး သေသွားတယ်။ ကလေးမလေးက ကိုးနှစ်ပဲရှိသေးတယ်။

ဒါပေမဲ့ အမွေတွေအများကြီးကျန်ခဲ့တော့ မင်းသမီးလေးလိုပဲ ကောင်းကောင်းရှင်သန်နိုင်ခဲ့တယ်။ သူ့အသက်၂၂ပြည့် မွေးနေ့ပွဲကို ခမ်းခမ်းနားနား ကျင်းပအပြီးမှာ သူ့အမွေ ငွေတွေကို သူ့ရှေ့နေက လှည့်ယူသွားတယ်။

ငမွဲဖြစ်သွားတဲ့ မင်းသမီးလေးက တခြားမင်းသမီးပေါက်စလေးဆီမှာ အလုပ်သွားလုပ်ရင်း လူကြီးဖြစ်ပြီး ကလေးဆန်လွန်းတဲ့ မင်းသမီးလေးနဲ့ ကလေးဖြစ်ပြီး လူကြီးဆန်လွန်းတဲ့ မင်းသမီးလေး ၂ယောက် တစ်ယောက် ထရော်မာတွေကို တစ်ယောက်ကုစားပေးသွားတဲ့ ဇာတ်လမ်းပါပဲ။ ၁၀ကျော်သက်ကလေးတွေကို ပြသင့်တဲ့ ဇာတ်လမ်းမျိုးလို့ ပြောလို့ရတယ်။

493

UPDATE - အညွှန်းသီးသန့်

00:20 23 thg 5, 2026

၁၉၁၄ ဂျူလိုင် ၁၈ကနေ ၁၉၁၈နို၀င်ဘာ၁၁ အထိကြာညောင်းခဲ့တဲ့ ပထမကမ္ဘာစစ်ကြီးအတွင်းမှာနောက်ဆုံးမိိနစ်အထိတိုက်ပွဲ၀င်ခဲ့သူတစ်ယောက်ရှိတယ် ၁၉၁၈ နို၀င်ဘာ ၁၁ရက် မနက်၁၁နာရီအချိန်မှာ ဂျာမနီကအပစ်ခတ်ရပ်စဲမယ်လိုကြေညာလိုက်သော်ငြားလည်း မဟာစစ်ကြီးမပြီးဆုံးခင် အဲ့၁၁လ မြောက်ရဲ့ ၁၁ရက်နေ့ မနက်၁၁ နာရီမတိုင်မချင်းမှာ အင်အားကြီးပြင်သစ်တွေက အမေရီကန်ကိုဆက်လက်တိုက်ခိုက်ဖိုတွန်းအားပေးခဲ့တယ်

ပြင်သစ်တွေအတွက်နယ်နိမိတ်တချိုရလိုရငြားပေါ့ ဒါပေမယ့်ဂျာမနီဖက်ကလဲ သူ့မြေတွေမပါချင်ဘူး ဆိုတော့ကာအပစ်ခတ်ရပ်စဲကြပြီဖြစ်ပေမယ်လို နောက်ဆုံးမိနစ်မတိုင်ခင်ထိ အတိုက်အခိုက်တွေရှိကြတုန်းပဲ

ထိုအချိန်မှာ ရန်သူ့စစ်ကြောင်းထဲထိရောက်နေတဲ့လူမဲစစ်သားတပ်စုကို ပြန်လည်ခေါ်ယူဖို့ အထက်ကအမိန့်အရ စာသင်ကြီးဝီလီယမ်ရေဗာစ်ဆိုင်းပြင်းရတော့တယ် ဒီလူမဲစစ်သားတွေကိုပြန်ခေါ်ဖို့ မစ်ရှင်က ရေဗာစ်အတွက်နောက်ဆုံးမစ်ရှင်ပဲ… ဒါပေမယ့်လူဖြူလူမဲညီညွတ်မှုမရှိသေးခင်ကာလဖြစ်လို့ မကြာခင်ပြီးဆုံးတော့မယ့်စစ်ကြီးအတွင်းမှာ ရေဗာစ့်ရဲဘော်တွေဟာ မလုပ်ပေးချင်ကြပါဘူး …

ကဲ plot ကတော့ လူမဲတွေကိုကြည့်မရတဲ့တပ်စုခေါင်းဆောင်စာသင်ကြီးရေဗာစ် သူဘယ်အချိန်ထိဆက်တိုက်ခိုက်သွားမှာ လူမဲစစ်သားတွေကိုအသက်ရှင်ရက်ပြန်ကယ်ထုတ်နိုင်မှာလား ပရိတ်သတ်ကြီးပဲကိုယ်တိုက် ကြည့်ရှုခံစားကြည့်ကြပါ…ဇာတ်လမ်းအညွှန်းနဲ့ ဘာသာပြန်သူကတော့ Hein That Naing ပဲဖြစ်ပါတယ်……..

902

UPDATE - အညွှန်းသီးသန့်

00:20 23 thg 5, 2026

၂၀၂၃ တုန်းက ပရိသတ်တွေကြား အရမ်းရေပန်းစားခဲ့တဲ့ The Super Mario Bros. Movie ရဲ့ အဆက်အနေနဲ့ ဒီနှစ် ၂၀၂၆ ဧပြီလမှာ "The Super Mario Galaxy Movie" ဆိုပြီး ထွက်ရှိလာပါပြီ။ ဒီတစ်ခေါက်မှာတော့ ကမ္ဘာမြေပေါ်မှာတင် မဟုတ်တော့ဘဲ အာကာသထဲအထိ သွားပြီး စွန့်စားကြမယ့် ပုံစံလေးပါ။ ဝေဖန်ရေးဆရာတွေက သိပ်သဘောမကျပေမဲ့ ပရိသတ်တွေကတော့ အရမ်းကြိုက်ကြလို့ ရုံတင်ပြီး သိပ်မကြာခင်မှာပဲ ဝင်ငွေ ဒေါ်လာ ၄၆၃ သန်းကျော်အထိ ရရှိထားပြီး အောင်မြင်နေတဲ့ ကားလေးပါ။

ဇာတ်လမ်းအကျဉ်း အရင်ကားမှာ Mario တို့ နှိမ်နင်းလိုက်လို့ သေးသေးလေးဖြစ်သွားတဲ့ Bowser ကို ကယ်ဖို့ သူ့ရဲ့သား Bowser Jr. က ကြံစည်ရာကနေ စတာပါ။ Bowser Jr. က အာကာသထဲက ကြယ်လေးတွေရဲ့ မိခင် မင်းသမီး Rosalina ကို ဖမ်းသွားပါတယ်။ ဒီတော့ Rosalina ကို ဖမ်းသွားတဲ့ ပြန်ပေးသမား Bowser Jr. ကို တားဆီးဖို့နဲ့ အာကာသကြီးကို ကယ်တင်ဖို့ Mario, Luigi, Princess Peach, Toad နဲ့ အသစ်ပါလာတဲ့ ဒိုင်နိုဆောလေး Yoshi တို့ အာကာသထဲကို သွားပြီး စွန့်စားကြရတဲ့ အကြောင်းလေးပါ။

ပါဝင်တဲ့ ဇာတ်ကောင်တွေအရင်ကားက Mario (Chris Pratt), Luigi (Charlie Day), Peach (Anya Taylor-Joy) နဲ့ Bowser (Jack Black) တို့ ပြန်ပါလာတဲ့အပြင် အသစ်အနေနဲ့ Bowser Jr. (Benny Safdie) နဲ့ မင်းသမီး Rosalina (Brie Larson) တို့ ထပ်တိုးပါဝင်လာပါတယ်။ ဒါ့အပြင် Star Fox ဂိမ်းထဲက Fox McCloud အဖြစ် Glen Powell လည်း ဧည့်သည်သရုပ်ဆောင်အနေနဲ့ ပါဝင်လာလို့ ဂိမ်းပရိသတ်တွေအတွက်တော့ တကယ့်ကို အကြိုက်တွေ့စေမှာပါ။ ဇာတ်လမ်းက အရမ်းကြီး လေးလေးနက်နက် တွေးနေစရာမလိုဘဲ ပေါ့ပေါ့ပါးပါးနဲ့ ရယ်ရယ်မောမော ကြည့်လို့ကောင်းတဲ့ ကားမျိုးပါ။ ဂိမ်းထဲက ကမ္ဘာတွေကို အပြင်မှာ မြင်ရသလိုမျိုး ဖန်တီးထားတာတွေ၊ ဇာတ်ကောင် အသစ်တွေနဲ့ အက်ရှင်အခန်းတွေကလည်း ပိုမိုက်လာပါတယ်။ ကြည့်လိုက်ကြပါဦး။

1,150

UPDATE - အညွှန်းသီးသန့်

00:20 23 thg 5, 2026

ထူးခြားမှုတွေ ကြောက်လန့်မှုတွေကိုမှ ကြိုက်နှစ်သက်တဲ့ ဇာတ်လမ်းတွဲလေးလာပါပြီ

နိုင်ငံအတွင်းမှာပဲ ခရီးသွားနေရင်းနဲ့ ဒေသမတူ နေရာမတူ လမ်းကြောင်းမတူတဲ့လူတွေဟာ သစ်တုံးတစ်တုံးလမ်းပိတ်ထားတာနဲ့ ကျီးကန်းအုပ်ကြီးကိုမြင်ပြီးပြန်လှည့်မောင်းရာကနေတ ဝင်္ကပါထဲကိုရောက်သွားသလိုဖြစ်ပြီး တစ်နေရာတည်းကိုပဲပြန်ပြန်ရောက်နေတဲ့ ထူးဆန်းပြီးကြောက်စရာကောင်းတဲ့ မြိုကြီးတစ်မြိုထဲကိုတဖွဲဖွဲနဲ့ရောက်ရှိလာကြတာပါအဲဒီမြိုကြီးကဘယ်လိုထူးဆန်းတာလဲဆိုတော့နေ့ခင်းဘက်ဆိုရင် ပုံမှန်အတိုင်းနေလိုရပေမယ့်ညပိုင်းမှာဆိုရင်တော့ တောထဲကနေအိမ်တွေကို တံခါးလာလာခေါက်တဲ့ မကောင်းဆိုးဝါးတွေရှိနေတာပါအဲဒီကောင်တွေကလူယောင်ဖန်ဆင်း လူတွေသဘောကျမယ့်ပုံစံတွေနဲ့ပြောစည်းရုံးပြီး အထဲပေးဝင်ဖိုတောင်းဆိုတတ်ကြပါတယ် အဲဒါကိုယုံစားဖိုဖွင့်ပေးလိုက်ရင်တော့ သူတိုပြုသမျှနုရတော့တာပါပဲ

949

UPDATE - အညွှန်းသီးသန့်

00:20 23 thg 5, 2026

Undertone (2026)

ဇာတ်လမ်းက Evy ဆိုတဲ့ ကောင်မလေးက သရဲတစ္ဆေအကြောင်းတွေ ပြောတဲ့ Podcast သမားတစ်ယောက်ပါ။ သူ့အမေ နေမကောင်းလို့ ပြုစုဖို့အတွက် အမေရှိတဲ့ အိမ်ဟောင်းကြီးကို သူ ပြန်ပြောင်းလာပါတယ်။ တစ်နေ့ကျတော့ သူရော သူ့ရဲ့ Podcast Co-host ဖြစ်တဲ့ Justin ပါ ကိုယ်ဝန်ရှိနေတဲ့ လင်မယားနှစ်ယောက်ဆီကနေ ထူးဆန်းတဲ့ အသံဖိုင် ၁၀ ဖိုင် ရောက်လာပါတယ်။အဲဒီအသံဖိုင်တွေထဲမှာ ကြောက်စရာအသံတွေ၊ ကလေးသီချင်းသံတွေနဲ့ နောက်ပြန်ရစ်ထားတဲ့ အသံတွေ ပါနေပါတယ်။ နောက်ပိုင်းကျတော့ သူတို့ Abyzou ဆိုတဲ့ ကလေးတွေကို ဒုက္ခပေးတတ်တဲ့ နတ်ဆိုးနဲ့ ရင်ဆိုင်နေရတယ်ဆိုတာ Justin က သိသွားပါတယ်။ အဲဒီအချိန်မှာပဲ Evy ကိုယ်တိုင်လည်း ကိုယ်ဝန်ရှိနေမှန်း သိလိုက်ရပြီး အသံဖိုင်ထဲက ဖြစ်ပျက်နေတာတွေက သူ့ဘဝနဲ့ တဖြည်းဖြည်း လာတိုက်ဆိုင်နေတာကို သတိထားမိလာပါတယ်။ ဆက်ပြီး ဘာတွေဖြစ်မလဲဆိုတာ ရင်တမမနဲ့ ကြည့်ရမယ့် ကားပါ။

729

UPDATE - အညွှန်းသီးသန့်

00:20 23 thg 5, 2026

ကိုမာဝေဒနာကိုအချိန်အတော်ကြာအောင်ခံစားနေရတဲ့ Rickတစ်ယောက်
နောက်ဆုံးတော့ လူသူကင်းမဲ့ပြီးသွေးပျက်ဖွယ်ကောင်းတဲ့ ဆေးရုံတစ်ခုကနေ ကိုမာဝင်ပြီး
ပြန်လည်နိုးထလာခဲ့တယ်

အရင်တုန်းက ကမ္ဘာကြီးဟာ ပုံမှန်အတိုင်းလည်ပတ်နေတာဖြစ်ပေမဲ့ Rick ကိုမာဝင်ပြီးပြန်လည်နိူးထလာတဲ့ ကမ္ဘာကြီးဟာ ပျက်ဆီးနေပြီး နေရာတိုင်းမှာလည်း လူသေကောင်တွေနဲ့ ပြည့်နှံနေခဲ့တယ်

Rick လည်း အစပိုင်း​တော့ထူးဆန်းနေပေမဲ့ လက်ရှိဖြစ်နေတဲ့အခြေနေတွေကိုသဘောပေါက်ရန် လူသေကောင်တွေကြားလဲ လျှောက်ပတ်ကာ ပတ်ဝန်းကျင်ကို စူးစမ်းနေခဲ့တယ်

ဒဏ်ရာတွေနဲ့ Rick တစ်ယောက် လမ်းမကြီးထဲ လိုက်သွားနေတုန်း ထိုလူသေကောင်တွေက လမ်းထလျှောက်ကာ Rickကို စားသုံးရန်စပြီး တိုက်ခိုက်ကြပါတော့တယ်

နောက်ဆုံး Rickလည်း ထိုလူသေကောင်တွေဟာ ဇွန်ဘီတွေဆိုတာသဘောပေါက်လိုက်ပြီး ပုန်းဖို့နေရာရှာရင်း မော်ဂန်ဆိုတဲ့ သားအဖနှစ်ဦးနဲ့ တွေ့ဆုံခဲ့ကြတယ်

1,060

UPDATE - အညွှန်းသီးသန့်

00:20 23 thg 5, 2026

2009ခုနှစ်က ထုတ်ဝေခဲ့တဲ့ ရဲအရာရှိ မာနို့ဂျ်ကူမားရှာရ်မာနဲ့ အခွန်အရာရှိ ရှရတ်ဒါးဂျိုရှီ ရှာမာတို့အကြောင်း ဖြစ်ရပ်မှန်၀တ္ထုကို အခြေခံပြီး ရုပ်ရှင်အနေနဲ့ ပြန်လည်ရိုက်ကူးတင်ဆက်ထားတာပါ။ဘတ်ဂျတ်ငွေရဲ့ သုံးဆကျော် ပြန်လည်ရရှိခဲ့တဲ့ ရုပ်ရှင်ကားလည်းဖြစ်ပါတယ်။

Haseen Dillruba(2021)မှာ ချစ်ရတဲ့ဇနီးသည်အတွက် လက်တစ်ဖက်ကိုစတေးခဲ့တဲ့ ချစ်တတ်လွန်းသူကြီးအဖြစ်သရုပ်ဆောင်ခဲ့တဲ့ မင်းသား ဗစ်ခရန့်မတ်ဆီက ရဲအရာရှိ မာနို့ဂျ်အဖြစ်ပါဝင်ထားပါတယ်။ ချမ်ဘာလ်ဆိုတဲ့ မြစ်လက်တက်လေးရဲ့ဘေးက ဘီလာဂွန်လို့ခေါ်တဲ့ ဇနပုဒ်ငယ်လေးမှာနေတဲ့ မိသားစုလေးတစ်ခု။

အဲဒီမိသားစုရဲ့ အိမ်ထောင်ဦးစီးဖြစ်သူက အလုပ်မှာ သူ့ရဲ့ရိုးသားတဲ့စိတ် မဟုတ်မခံစိတ်ကြောင့် တာဝန်ကရပ်ဆိုင်းခံရပါတယ်။ အဲဒါကို မကျေနပ်တာကြောင့် လာဘ်ပေးလာဘ်ယူမှုကိုတိုက်ဖျက်ဖို့ အကျင့်ပျက်ချစားမှုကို တိုက်ဖျက်ဖို့ အထက်တရားရုံးတက်မယ်ဆိုပြီး မြို့တက်သွားပါတော့တယ်။ ရဲအရာရှိမာနို့ဂျ်ဖြစ်လာမဲ့သူကတော့ သူတို့အိမ်က သားလတ်။

၁၂တန်းစာမေးပွဲအောင်ရင် ရုံးဝန်ထမ်းလေးလုပ်မယ်ပေါ့။ စာမေးပွဲမှာ ခိုးချဖို့အရေး အများကြီးကြိုးစားခဲ့ရပြီးမှ အသစ်ပြောင်းလာတဲ့ ဒုရဲအုပ်ကြီးရောက်လာလို့ ခဲလေသမျှ သဲရေကျပြီး အစ်ကိုဖြစ်သူနဲ့ ထော်လာဂျီမောင်းစားရပါတော့တယ်။ထော်လာဂျီလေးမောင်းလို့ အဆင်ပြေမယ်လုပ်မှ ခရိုနီတွေကြောင့် ဒုက္ခရောက်ရချိန်မှာ ရိုးသားတဲ့ဒုရဲအုပ်ကြီးရဲ့ ကျေးဇူးနဲ့ အချုပ်ထဲကလွတ်လာတော့ အရင်က ရိုးသားမှုဆိုတာ ဘာတန်ဖိုးမှမရှိဘူးဆိုတဲ့ စိတ်ကနေ ရိုးသားမှုနဲ့ အာဏာပေါင်းလိုက်ရင်တော့ ပြောင်းလဲမှုတွေ ဖန်တီးနိုင်တယ်ဆိုတဲ့ အတွေးဝင်ခဲ့ပါတယ်။

ဒီကနေပဲ ရဲအရာရှိတစ်ယောက်ဖြစ်ဖို့ ကြိုးစားရင်း ကြုံတွေ့ရတဲ့ ဒုက္ခအဖုံဖုံကိုရိုက်ကူးပုံဖော်ထားတာမို့ ဘောလိ၀ုဒ်ပရိသတ်ကြီးအတွက် တင်ဆက်ပေးလိုက်ရပါတယ်။ (အညွှန်းနဲ့ ဘာသာပြန်ကတော့ CM Bollywood Teamပဲဖြစ်ပါတယ်)

1,030

UPDATE - အညွှန်းသီးသန့်

15:36 8 thg 5, 2026

ဒီဇာတ်လမ်းတွဲကတော့ ၂၀၀၃ ခုနှစ်က နာမည်ကြီးခဲ့တဲ့ ဘယ်လ်ဂျီယံ ရုပ်ရှင် The Memory of a Killer

(De Zaak Alzheimer) ကို အခြေခံပြီး ရိုက်ကူးထားတဲ့ Crime Thriller ဇာတ်လမ်းတွဲအသစ် ဖြစ်ပါတယ်။

မင်းသားကြီး Liam Neeson ရိုက်ခဲ့တဲ့ Memory (2022) ရုပ်ရှင်နဲ့ ဇာတ်လမ်းသွားတူပေမဲ့ ဒီစီးရီးမှာတော့

Grey’s Anatomy မင်းသားကြီး Patrick Dempsey က ခေါင်းဆောင်မင်းသားအဖြစ် ပါဝင်ထားပါတယ်။

1,150

UPDATE - အညွှန်းသီးသန့်

15:36 8 thg 5, 2026

အဆင်သင့်ဖြစ်ပြီလား၊ မဖြစ်ဘူးလား (READY OR NOT)။ ဂိမ်း က ပြီးဆုံး သွားပြီလို ထင်ခဲ့ပေမယ့် ဒုတိယ အပိုင်း (HERE I COME) မှာ မင်္ဂလာပွဲ ဟာ နောက်တစ်ကြိမ် ငရဲ ဖြစ်ဖို ပြန်လာပြီ။

READY OR NOT 2: HERE I COME... ထိတ်လန့်စရာ ဟာသ Thriller ရဲ့ နောက်ဆက်တွဲ ။ ရှင်သန်နိုင်သူ ဟာ အသစ် နဲ့ ပိုဆိုးတဲ့ ဂိမ်းတစ်ခုကို ရင်ဆိုင်ရတော့မယ်။ ဒီတစ်ကြိမ်မှာ အမဲလိုက်ခံရသူ က အမဲလိုက်တဲ့သူ ပြန်ဖြစ်လာမလား။ သွေးထွက်သံယို အက်ရှင်၊ ရယ်စရာကောင်းတဲ့ အခြေအနေများ နဲ့ ကြောက်မက်ဖွယ်ကောင်းတဲ့ မိသားစု ။ ဒီ Official Trailer ကို ကြည့်ပြီးရင် ကြောက်စရာ ဂိမ်း ရဲ့ နောက်ဆုံး အလှည့်အပြောင်း ကို သင်ရင်ခုန်စွာ စောင့်မျှော်နေမိပါလိမ့်မယ်။

1,190

UPDATE - အညွှန်းသီးသန့်

15:36 8 thg 5, 2026

Thet ဖြတ်တာတွေ အကြမ်းစားမြင်ရမယ့် အက်ရှင်ကား

ဇာတ်လမ်းအကျဉ်းကတော့-

ပျောက်ဆုံးသွားတဲ့ ညီမလေးဖြစ်သူကို ရှာဖိုအတွက် သူ့ညီမ နောက်ဆုံးအလုပ်လုပ်ခဲ့တဲ့ ဟိုတယ် ကို ရောက်လာခဲ့ပါတယ် ။ အဲ့ဒီဟိုတယ်ဟာ ရိုးရိုးဟော်တယ်မဟုတ်ဘဲ တစ်ခုလုံးက သူဌေးတွေနဲ့ပြည့်နှက်နေခဲ့ပါတယ်။

ထိုသူဌေးတွေကော အလုပ်သမားတွေကောက စေတန် ကို ကိုးကွယ်ကြသူတွေဖြစ်ပြီး ဘယ်လောက်သတ်သတ် မသေမျိုးတဲ့ ဖြစ်နေတဲ့အခါမှာတော့

1,230

UPDATE - အညွှန်းသီးသန့်

15:36 8 thg 5, 2026

အမဲလိုက်ခံရသူတို့ရဲ့ လက်စားချေကမ္ဘာ ပြင်သစ်တောအုပ်တစ်ခုရဲ့ အေးစိမ့်တဲ့ အငွေ့အသက်တွေကြားမှာ

ရိုက်ကူးထားတဲ့ "The Hunt" ဟာ ရိုးရှင်းတဲ့ အမဲလိုက်ခရီးစဉ်တစ်ခုကနေ တစ်ခဏအတွင်း

သေရေးရှင်ရေးတိုက်ပွဲအဖြစ် ပြောင်းလဲသွားပုံကို ရင်တထိတ်ထိတ်နဲ့ မြင်တွေ့ရမယ့် Series တစ်ခုပဲဖြစ်ပါတယ်....

1,190

UPDATE - အညွှန်းသီးသန့်

15:36 8 thg 5, 2026

The Dinosaurs" ဟာ အပိုင်း (၄) ပိုင်းပါဝင်တဲ့ Netflix ရဲ့ မှတ်တမ်းရုပ်ရှင်တွဲဖြစ်ပါတယ်။ နာမည်ကျော်ဒါရိုက်တာ Steven Spielberg (Amblin Entertainment) က ထုတ်လုပ်သူအဖြစ် ပါဝင်ထားပြီး၊ CGI အထူးပြုလုပ်ချက်တွေကိုတော့ Industrial Light & Magic (ILM) က ဖန်တီးပေးထားပါတယ်။ အထူးခြားဆုံးကတော့ ဟောလိဝုဒ်မင်းသားကြီး Morgan Freeman က နောက်ခံစကားပြော (Narrator) အနေနဲ့ ပါဝင်အားဖြည့်ထားတာပဲ ဖြစ်ပါတယ်။

ဒီရုပ်ရှင်ရဲ့ အကြီးမားဆုံး အားသာချက်ကတော့ ရုပ်ထွက်နဲ့ CGI နည်းပညာပဲ ဖြစ်ပါတယ်။ သမိုင်းမတင်မီခေတ်က သဘာဝပတ်ဝန်းကျင်နဲ့ ဒိုင်နိုဆောတွေကို တကယ်အသက်ဝင်နေသလို မြင်တွေ့ရမှာပါ။ Morgan Freeman ရဲ့ အသံသြသြနဲ့ ဇာတ်ကြောင်းပြောပြမှုက ပရိသတ်ကို ဆွဲဆောင်မှုအပြည့်အဝ ပေးစွမ်းနိုင်ပြီး ရုပ်ရှင်ဆန်ဆန် ကြည့်ရှုခံစားရမှာ ဖြစ်ပါတယ်။

ဇာတ်လမ်းတွဲကို "Rise", "Conquest", "Empire", နဲ့ "Fall" ဆိုပြီး အပိုင်း ၄ ပိုင်း ခွဲခြားထားပါတယ်။ Triassic, Jurassic နဲ့ Cretaceous ခေတ်တွေတစ်လျှောက် ဒိုင်နိုဆောတွေ ဘယ်လိုပေါ်ပေါက်လာလဲ၊ ဘယ်လို ကြီးစိုးခဲ့လဲဆိုတာကနေ နောက်ဆုံး ဥက္ကာပျံကြီးကျရောက်ပြီး မျိုးသုဉ်းပျောက်ကွယ်သွားတဲ့အထိ သမိုင်းကြောင်းကို အဆင့်ဆင့် တင်ဆက်ထားပါတယ်။

မိသားစုလိုက် ကြည့်လို့ တော်တော်လေးကောင်းပါတယ်။ ဒိုင်နိုဆောတွေအကြောင်း စတင်လေ့လာမယ့် ကလေးငယ်တွေနဲ့ သာမန်ပရိသတ်တွေအတွက် ဇာတ်လမ်းအသွားအလာက ရိုးရှင်းပြီး နားလည်ရလွယ်ကူပါတယ်။

"The Dinosaurs" ဟာ အမြင်အာရုံကို ဖမ်းစားနိုင်တဲ့ ဖျော်ဖြေရေးမှတ်တမ်းရုပ်ရှင်ကောင်း တစ်ခုပါ။ သင်ဟာ တိကျနက်နဲတဲ့ သိပ္ပံပညာရပ်ပိုင်းဆိုင်ရာ အချက်အလက်တွေထက် ရုပ်ရှင်ဆန်ဆန် ကြည့်ကောင်းမယ့် ဒိုင်နိုဆောမှတ်တမ်းရုပ်ရှင်ကို ရှာနေတယ်ဆိုရင်တော့ သေချာပေါက် သဘောကျမိမှာပါ။

1,450

UPDATE - အညွှန်းသီးသန့်

15:36 8 thg 5, 2026

ရဲအရာရှိ ဆဒ်ရဟာ မိမိရဲ့တာဝန်ကိုအကောင်းဆုံးထမ်းဆောင်တဲ့လူတစ်ယောက်ဖြစ်ပါတယ်။ သူရဲ့ချစ်သူဟာ ရိုးရှင်းတဲ့မိသားစုဘ၀လေး တစ်ခုကို တည်ဆောက်ပြီးတည်ငြိမ်ချင်တဲ့သူဖြစ်ပေမယ့် ဆဒ်ရဟာလည်း ရဲတပ်ဖွဲကိုအလွန်ချစ်တဲ့လူဖြစ်တာကြောင့် အထမမြောက်ခဲ့ပါဘူး ဒီအချိန်မှာပဲ သူ့အပိုင်နယ်မှာ မိန်းကလေးတွေပျောက်ပျောက်နေတဲ့အမှုကိုလိုက်ရင်း ဒိတ်ဒိတ်ကြဲတွေနဲ့ရင်ဆိုင်ရတဲ့အခါမှာ ဆဒ်ရတစ်ယောက်ဘယ်လိုရင်ဆိုင်မလဲ။

ဇာတ်ကားရဲ့ ခေါင်းစဉ်ဖြစ်တဲ့ ဘေဘီဂျွန်ဆိုတာကရော ဘယ်သူဖြစ်မှာလဲ။ ဇာတ်လမ်းထဲမှာပဲ လိုက်ပါစီးမျောခံစားကြည့်လိုက်ပါဦးခင်ဗျာ။

780

UPDATE - အညွှန်းသီးသန့်

15:36 8 thg 5, 2026

ဂိမ်းမင်းမျိုးဆက် လို ခေါ်ခံရပြီးဂိမ်းကစားနည်းတွေကို ထုတ်လုပ်တဲ့ ချမ်းသာပြီး လျိုဝှတ်တက်တဲ့ မိသားစု တစ်ခု ရှိပါတယ်။

အဲ့ဒီအိမ်ကြီးမှာ အငယ်ဆုံးသားဖြစ်သူ အဲလစ်ကတော့ တစ်နေ့မှာဂရေ့စ် ဆိုတဲ့ ကောင်မလေးကို လက်ထပ်ယူဖို အိမ်ကိုခေါ်လာခဲ့ပါတော့တယ်။ မင်္ဂလာဆောင်တဲ့ ညမှာပဲ အစဉ်အလာ တစ်ခုကို ထိန်းသိမ်းတဲ့အနေနဲ့ မိသားစု ထဲ လူအသစ်ဝင်လာရင် ဒီမိသားစု နဲ့ထိုက်တန်လား ဆိုတာ ဆုံးဖြတ်ကြဖို Game Random တစ်ခု ရွေးပြီးဆော့ရပါတယ်။

Grace ဆွဲလိုက်တဲ့ Card က တူတူပုန်းတမ်း ကစားနည်းဖြစ်တဲ့အတွက် သတိုသမီးက ပုန်းရမှာ ဖြစ်ပြီး မိသားစု များက လိုက်ရှာရမှာပါ။ ဒီလိုကစားဖို ပျော်ရွှင်နေတဲ့သတိုသမီးလေး တစ်ယောက် ဒီညမှာ ဘယ်သူမှ မတွေ့အောင်ပုန်းနိုင်မလား ?
ဘာတွေ ဆက်ဖြစ်မလဲ ? ဆိုတာ ရင်ခုန်စိတ်လှုပ်ရှားစွာ ကြည့်ရှုလိုက်ကြရအောင်...

ထိတ်လန့်သည်းဖို Scene တွေပါလို အသဲငယ်သူများ ၊ အသက်မပြည့်သေးသူများ၊နှလုံးရောဂါရှင် နှင့်ကိုယ်ဝန်ဆောင်သည် များ ကြည့်ရှုရန် မသင့်တော်ပါ။

1,010

UPDATE - အညွှန်းသီးသန့်

15:36 8 thg 5, 2026

ရှားရှားပါးပါး ဂျပန်နင်ဂျာ စီးရီးလေးပါ

ရှေးခေတ်နင်ဂျာကားတွေနဲ့ မင်းသား the rain ရဲ့ နင်ဂျာကားနောက်ပိုင်းမှာ မထွက်တာ အတော်ကြာပါပြီ။ ဒီစီးရီးမှာတော့ နင်ဂျာတွေ ပေါပေါလောလော ပါလာပါပြီ။

အဓိကဇာတ်လိုက်တွေဖြစ်တဲ့ တာဝါရာ မိသားစုဟာ ရှီနိုဘီ ခေါ် နင်ဂျာ မိသားစုပါ။ ဖေဖေနင်ဂျာ မေမေနင်ဂျာ သားသားမီးမီး အကုန်နင်ဂျာပါ။ သူတို့က နိုင်ငံကာကွယ်ရေးတာဝန်တွေကို လျို့ဝှက်ထမ်းဆောင်ခဲ့တဲ့ နင်ဂျာတွေဖြစ်ပြီး အနားယူနေကြတာပါ။ သူတို့ရဲ့ ရန်သူ ဖူမာ နင်ဂျာတွေကိုလည်း အပြတ်ရှင်းခဲ့ပြီမို့ အလုပ်မရှိတော့ဘူးလို့ ထင်နေကြတဲ့သူတွေပါ။

ဒါပေမဲ့ နင်ဂျာ အန္တရာယ်တွေနဲ့ ရန်သူဟောင်းတွေ ပြန်ပေါ်လာပြီး သူတို့ရဲ့ အရင်အဆက်အသွယ်တွေကလည်း နင်ဂျာအဖြစ် စစ်ဆင်ရေးတွေလုပ်ဖို့ ပြန်လာခေါ်တဲ့အခါ တာဝါရာ မိသားစု လက်ရှိဘဝနဲ့ လျှို့ဝှက် နင်ဂျာတွေဘဝကြားမှာ ဘာတွေဖြစ်လာမလဲကြည့်ရတော့မှာ ဖြစ်ပါတယ်။

1,850

UPDATE - အညွှန်းသီးသန့်

15:36 8 thg 5, 2026

X-Men တွေ ပျောက်ကွယ်သွားပြီးနောက် Mutant (မျိုးဗီဇပြောင်းလဲသူ) တွေ ဖိနှိပ်ခံနေရတဲ့ လောကမှာ အစိုးရရှေ့နေ Reed Strucker ရဲ့ ကလေးနှစ်ယောက်မှာ စွမ်းအားတွေ ရှိနေမှန်း သိလိုက်ရတဲ့အခါ မိသားစုလိုက် ထွက်ပြေးရပါတော့တယ်။ အစိုးရရဲ့ ဖမ်းဆီးမှုကနေ လွတ်မြောက်ဖို့အတွက် Mutant Underground အဖွဲ့နဲ့ ပူးပေါင်းပြီး မိသားစုလုံခြုံရေးနဲ့ မျိုးနွယ်စုရှင်သန်ရေးအတွက် တိုက်ပွဲဝင်ပုံကို ရိုက်ကူးထားတဲ့ Sci-Fi Drama ဇာတ်လမ်းတွဲဖြစ်ပါတယ်။

1,580

UPDATE - အညွှန်းသီးသန့်

22:24 1 thg 5, 2026

၂၀၂၄ ရဲ့ Rating ကောင်းတဲ့တရုတ်ဒဏ္ဍာရီဇာတ်လမ်း Fantasy Animation ကားကောင်းလေးနဲ့မိတ်ဆက်ပေးချင်ပါတယ်။ တရုတ်ချစ်သူများနေ့ဒဏ္ဍာရီဖြစ်တဲ့ နတ်သမီးလေးကျစ်နွီနဲ့ လူသားလေးညိုလန်ရဲ့ဇာတ်လမ်းကိုအခြေခံပြီးတော့ ဇာတ်အိမ်တည်ထားတာပါ။

ကြယ်တာရာ(၂၈)ခုကိုတာဝန်ယူရတဲ့ နတ်သမီးကျစ်နွီဟာတာဝန်ပေါ့ဆတဲ့အတွက်ကြောင့် လူပြည့်ကိုဆင်းသက်ခဲ့ရတယ်လို့ဆိုတယ်။ကြယ်တာရာတွေကပြစ်ဒဏ်ပြန်ခတ်လို့ ကျစ်နွီဟာချစ်သူနဲ့ကလေးတွေကိုပါဆုံးရှုံးခဲ့ရတယ်။နှစ်ပေါင်းများစွာကြာပြီးတဲ့နောက်မှာ ကျစ်နွီရဲ့သားကျင်းဖုန်းဟာသူ့အမေရဲ့အပြစ်တွေကိုပြန်ပေးဆပ်ဖို့အတွက် လူ့ပြည်ကိုပြန်သွားပြီး ပျောက်ဆုံးနေတဲ့ကြယ်တာရာတွေကိုပြန်စုစည်းဖို့အကြောင်းဖန်လာခဲ့ပါတယ်။

လူ့ပြည်ကိုသွားတဲ့အချိန်မှာ မထင်မှတ်ပဲ နတ်ပြည်ကိုသွားပြီးအမေရှာချင်တဲ့ ကလေးမလေးတစ်ယောက်နဲ့တွေ့ခဲ့ပါတယ်။ သူတို့နှစ်ယောက်လက်တွဲပြီး ကြယ်တာရာတွေကိုရှာဖွေရင်း အတိတ်ကဖြစ်ရပ်မှန်တွေကို သိလိုက်ရတဲ့အခါ အရာအားလုံးကပြောင်းလဲသွားခဲ့ပါတယ်။ ဒီဇာတ်ကားလေးမှာ ကျစ်နွီကို နူးညံ့သိမ်မွေ့ပြီးအချစ်ကိုပဲအလေးထားတာမျိုးမဟုတ်ပဲ ကြယ်တာရာတွေကိုတာဝန်ယူရတဲ့ ရဲရင့်ပြီးအရည်အချင်းရှိတဲ့နတ်သမီးတစ်ပါးအဖြစ် ဒဏ္ဍာရီထဲဇာတ်ရုပ်နဲ့ကွဲထွက်အောင်ပုံဖော်ထားပါတယ်။ဒါကအချစ်ဇာတ်လမ်းတစ်ပုဒ်မဟုတ်ပဲ အိမ်ပြန်လမ်းကိုရှာဖွေတဲ့ ဘဝရဲ့ဇာတ်လမ်းလေးပဲဖြစ်ပါတယ်။

1,070

UPDATE - အညွှန်းသီးသန့်

22:24 1 thg 5, 2026

Jason Momoa ကြီးပါဝင်တဲ့ Slumberland ဆိုတဲ့ ဇာတ်ကားလေးနဲ့ မိတ်ဆက်ပေးပါရစေခင်ဗျာ။နီမိုဆိုတဲ့ ကလေးမလေးဟာ ကျွန်းတစ်ကျွန်းပေါ်က မီးပြတိုက်မှာ အဖေနဲ့အတူနေလာရင်း တစ်နေ့မှာ သူ့အဖေဆုံးပါးသွားခဲ့ပါတယ်။

ငယ်ငယ်တည်းက အမေဆုံးပါးခဲ့တာဖြစ်ပြီး အဖေပါမရှိတော့တဲ့ နီမိုဟာ တစ်ယောက်တည်းကျန်ခဲ့ကာ သူ့အဖေမသေခင်က ဆန္ဒအတိုင်း မြိုကြီးပေါ်က သူ့ဦးလေးဆီမှာ သွားနေရပါတယ်။ ဒါပေမဲ့ နီမိုဟာ သူ့ဘဝမှာ အဖေတစ်ယောက်တည်းပဲရှိခဲ့တာကြောင့် အိပ်မက်ထဲမှာ သူ့အဖေနဲ့ ပြန်တွေ့ချင်နေရှာပါတယ်။

ဒီအပြင့် သူ့အဖေထားခဲ့တဲ့ လျှိဝှက်မြေပုံတစ်ခုရှိပါသေးတယ်။ဒီမြေပုံဟာ အိပ်မောကျတိုင်းပြည်က ပုလဲတွေရှိရာကို ညွှန်ပြပေးတာဖြစ်ပြီး ဒီမြေပုံဟာ အိပ်မောကျတိုင်းပြည်က ပုလဲတွေရှိရာကို ညွှန်ပြပေးတာဖြစ်ပြီး အဲဒီပုလဲရရှိသူဟာ လိုရာဆုတစ်ခုတောင်းရင် အိပ်မက်ကမ္ဘာထဲမှာ ဆန္ဒတွေပြည့်ဝနိုင်ပါတယ်။

ဒီတော့ နီမိုဟာ မြေပုံနဲ့အတူ သူ့အဖေသူငယ်ချင်း ဝရမ်းပြေးကြီးဖလစ်အကူအညီနဲ့ အိပ်မက်တစ်ခုကနေ တစ်ခုဆီ ခုန်ကူးရင်း ပုလဲကိုလိုက်ရှာတဲ့အခါ …ကျန်တဲ့ နီမိုရဲ့ စွန့်စားခန်းနဲ့ အလွဲလေးတွေကိုတော့ ဇာတ်လမ်းလေးထဲ ခံစားကြည့်ရှုလိုက်ကြစို့နော်။(ဇာတ်လမ်းအညွှန်းနဲ့ ဘာသာပြန်က Jane ပါ။)

1,340

UPDATE - အညွှန်းသီးသန့်

22:24 1 thg 5, 2026

နာမည်ကြီး rapper 50 cent ရဲ့ ဖြစ်ရပ်မှန် တကယ့်ဘဝအကြောင်းကို ရိုက်ကူးထားတဲ့ ဇာတ်လမ်းတစ်ပုဒ်ဖြစ်ပါတယ်။ အမေဆုံးသွားပြီးနောက်ပိုင်း 12 နှစ်အရွယ်မှာ drug dealer အဖြစ်နဲ့ အသက်မွေးဝမ်းကြောင်းခဲ့ရာကနေ Rapper တစ်​ယောက်ဖြစ်လာအောင် ကြိုးစားခဲ့တဲ့ Marcus ရဲ့ဘဝဖြတ်သန်းပုံတွေကို ရိုက်ကူးထားပြီးတော့ 50 Cent ရဲ့ ဘဝဇာတ်ကြောင်းကို သိမြင်စေနိုင်မဲ့ Autobiography/ Crime ဇာတ်လမ်းတစ်ပုဒ်ပဲ ဖြစ်ပါတယ်။

လူမဲရပ်ကွက်က gangsta တွေ အဖွဲ့ဂိုဏ်းတွေနဲ့ နယ်မြေစွဲပြီး territory ဆန်တဲ့ ဂိုဏ်းတွေကြားက ရန်ငြိုးနဲ့ပစ်ခတ်မှုတွေပါဝင်ပြီး Marcusရဲ့ ကြမ်းတမ်းတဲ့ဘဝကနေ အရှုံးမပေးဘဲ ဘယ်လိုတွေကြိုးစားခဲ့လဲဆိုတာ ရင်ဖိုစိတ်လှုပ်ရှားစွာ ကြည့်ရှုရမှာပဲဖြစ်ပါတယ်။

1,540

UPDATE - အညွှန်းသီးသန့်

01:04 22 thg 4, 2026

ဒီကားက Escape Room2019 ရဲ့အဆက်ပေါ့... ပထမကားမှာအောင်မြင်မှုများစွာရခဲ့သလို အခုကားမှာလည်း ပထမကားထက်ပိုသာတဲ့ ဇာတ်ကောင်တွေ ပိုမိုက်လာတဲ့ escape rooms တွေနဲ့ ဇာတ်ကွက်လည်းပိုခိုင်မာ ပိုကောင်းလာပါတယ်။ Setting တွေပိုလန်းလာတယ်.... Game ရဲ့ လျှို့ဝက်ချက်တွေပိုမြင့်လာသလို လွှတ်မြောက်ဖို့ ပေးတဲ့ စကားဝှက်တွေက ပိုခက်လာတယ်...

ဇာတ်ကောင်အသစ်တွေထည့်ပေးထားပြီး ပိုထိတ်လန့်စရာကောင်းတဲ့ Plotတွေနဲ့ပေါ့. ဆိုတော့ ဇိုဝီနဲ့ ဘင်န်မီလာတို့ ဟာ ပထမ လူသတ်ပွဲကြီးက ကံဉာဏ်ဖေးမမှုတွေကြောင့် လွတ်မြောက်လာတဲ့(၂)ယောက်ပေါ့..

ဒီဇတ်ကားမှာတော့  သူတို့(၂)ယောက်ဟာ ကိစ္စတစ်ခုဖြေရှင်းရင်း မကြုံချင်ဆုံး  ပိုအဆင့်မြင့်ပိုရှုပ်ထွေးပြီးပိုမိုရက်စက်ကြမ်းတမ်းလာတဲ့ လှည့်ကွက်တွေကြားမမျှော်လင့်ဘဲ ထပ်ရောက်သွားပါတယ်... . သူတို့နဲ့အတူရောက်လာတဲ့သူတွေလည်းရှိပါတယ်..

ဒီလူတွေကလည်း ဒီဂိမ်းတွေကိုအတွေ့အကြုံရှိဖူးတဲ့သူတွေ.. မိမိအသက်ရှင်သန်ရေးကို သူတို့ဘယ်လိုရုန်းကန်ကြမလဲ... ဂိမ်းအားလုံးဟာ သူတို့ထင်ထားတာထက်ပိုခက်ပြီး ပိုကြမ်းလာတဲ့အခါမှာတော့....

ဘန်န်နဲ့ ဇိုဝီတို့တစ်သိုက် ပဟေဠိတွေကိုဖြေရှင်းရင်းလွတ်မြောက်နိုင်မလား ဒါတွေကို လုပ်နေတဲ့သူက ဘယ်သူလဲSurvival အရသာကို အပြည့်အဝခံစားနိုင်မယ့်. ..အသက်ရှူမှားစရာဇာတ်ကွက်တွေနဲ့အတူ ကြည့်ရှုရမှာပါ..

1,160

UPDATE - အညွှန်းသီးသန့်

01:04 22 thg 4, 2026

အခုမိတ်ဆက်ပေးသွားမယ့် ဇာတ်ကားလေးကတော့ DisneyNature ရဲ့ Documentary Filmတစ်ခုပါပဲ။ ပစိဖိတ်သမုဒ္ဒရာထဲမှာ လူသားတွေနဲ့ တစ်ခြားသတ္တဝါတွေနဲ့ ကွာခြားကာတည်ရှိနေတဲ့ အရောင်အသွေးစုံလင်လှပစွာတည်ရှိနေတဲ့ ဂလာပဂိုစ့်ကျွန်းတွေတည်ရှိနေပါတယ်။

ဒီဇာတ်လမ်းလေးကတော့ ဂလာပဂို့စ်ကျွန်းတွေပေါ်က ကျွန်းတစ်ခုမှာမွေးဖွားလာတဲ့ ပင်လယ်ခြင်္သေ့ဖျံပေါက်လေး လီယိုရဲ့ စွန့်စားခန်းတွေပါပဲ။အကောင်ပေါက်လေးဘဝ သူ့မိခင် ရေကူးသင်ရာကနေ စလို့ အရွယ်ရောက်စအချိန်မှာ သူက မွေးဖွာရာအိမ်ကနေ ထွက်သွားပြီး ကိုယ်ပိုင်လမ်းကြောင်းကို ရှာဖွေရပါတော့တယ်။

ပင်လယ်ခြင်္သေ့ဖျံအထီးတွေအတွက် ခေါင်း‌ဆောင်နေရာကို ပိုင်ဆိုင်ပြီး အုပ်စုတစ်ခု၊ အိမ်တစ်အိမ်ကို ပိုင်ဆိုင်လာနိုင်ဖို့ဆိုတာ ကိုယ်တိုင်တိုက်ခိုက်ယူရမယ့်အရာပါ။အဲ့အတွက်လီယိုက အိမ်ကနေစွန့်ခွာပြီး ပင်လယ်ပြင်တစ်လျှောက်စွန့်စားသွားလာကာ ကြီးထွားလာခဲ့ပါတယ်။

သူ့ခရီးစဥ်တစ်လျှောက်မှာ ရေအောက်လောကအလှအပတွေသာမက တစ်ခြားမျိုးစိတ်တွေ့နဲ့ တွေ့ဆုံကြုံကြိုက်မှုတွေလည်း ပါဝင်လို့နေပါတယ်။အဲ့လိုနဲ့ လီယိုတစ်ယောက် ပင်လယ်ပြင်ကျွန်းစုတွေကြား သွားလာရင် ရင့်ကျက်ကြီးထွားသန်မာလာပါတော့တယ်။

လှည့်လည်သွားလာရင်း ခိုနားစရာအိမ်ရှာဖွေနေခဲ့တဲ့ ဒီဖျံကောင်ငယ်လေးက သူ့ရည်ရွယ်ချက်ဖြစ်တဲ့အိမ်တစ်ခု မိသားစုအုပ်စုတစ်ခုကို ပိုင်ဆိုင်လာဖို့ ကြိုးစားပုံတွေကို သဘာဝအလှအပတွေနဲ့အတူ ကြည့်ရှုခံစားနိုင်မှာဖြစ်ပါတယ်။

1,330

UPDATE - အညွှန်းသီးသန့်

01:04 22 thg 4, 2026

၂၀၂၂ ခုနှစ်မှာ အသစ်ထွက်ရှိလာတဲ့ သဘာဝ မှတ်တမ်းတင် ရုပ်ရှင်အမျိုးအစားပါ။ production ကို apple က တာဝန်ယူ ထုတ်လုပ်ခဲ့တာပါ။ ဇာတ်ကားရဲ့နောက်ခံ စကားပြောသူကတော့ David Attenborough ဖြစ်ပါတယ်။ ဒေးဗစ် အက်တန်ဘောရိုးကိုတော့ nature documentary အမျိုးအစားကြည့်ဖူးသူတွေအနေနဲ့ စိမ်းမှာ မဟုတ်ပါဘူး။

အသက်ကိုးဆယ်ကျော်ပြီဖြစ်တဲ့ ဆရာကြီး အက်တန်ဘောရိုးဟာ နာမည်ကြီး Our planet , A life on our planet မှတ်တမ်းတင်ရုပ်ရှင်စီးရီးတွေမှာ နောက်ခံစကား ပြောလုပ်ခဲ့သူပဲ ဖြစ်ပါတယ်။ သူဟာ အနုပညာရှင်သက်သက်မဟုတ်ဘဲ ဖျော်ဖြေရေးဘက်မှာ သိပ္ပံနည်းကျ သဘာဝတရားအကြောင်းကို လူတွေသိလာအောင် ကြိုးစားလျက်ရှိတဲ့ ဇီဝဗေဒသိပ္ပပညာရှင်နဲ့သဘာဝထိန်းသိမ်းရေး ပညာရှင် တစ်ဦးလည်း ဖြစ်ပါတယ်။

ကျနော်ကတော့ သဘာဝသမိုင်း မှတ်တမ်းတင်ရုပ်ရှင်တွေမှာ ဆရာကြီး အက်တန်ဘောရိုး အသံမှ မဟုတ်ရင် နားမထောင်ချင် မကြည့်ချင်တော့တဲ့ အထိ ဖြစ်ရအောင် သူ့နောက်ခံစကားပြောဟန်ကို အတော်လေး အားကျနှစ်ခြိုက်ရသူပါ။

ဒီဇာတ်လမ်းမှာ သိပ္ပံအချက်အလက်တွေအပေါ်အခြေခံပြီး လူသားမတိုင်မီ ခေတ်ဦးကမ္ဘာက ဒိုင်နိုဆောတွေ အကြောင်းကို ဂရပ်ဖစ် အမိုက်စား နောက်ခံစကားပြော ကောင်းကောင်းနဲ့ တင်ဆက်ထားပါတယ်နောက်ဆုံးပေါ် ရုပ်လုံးဖော်နည်းပညာနဲ့ လူသားမတိုင်မီခေတ်က ဒိုင်နိုဆော မျိုးစိတ် အမျိုးမျိုးရဲ့ ရှင်သန် စားသောက် မိတ်လိုက်တဲ့ အဖြစ်အပျက်တွေကို သဘာဝကျစွာ ရိုက်ကူးပုံဖော်ထားတဲ့ ဇာတ်ကားမို့ မိခင်သဘာဝတရားကြီးနဲ့ သက်ရှိကွင်းဆက်အကြောင်း စိတ်ဝင်စားသူတွေအဖို့ ကြည့်ကို ကြည့်ရမယ့် edutainment ရုပ်ရှင်အမျိုးအစား တစ်ခုပါ

1,160

UPDATE - အညွှန်းသီးသန့်

10:16 10 thg 4, 2026

ဒီဇာတ်ကားကတော့ ၂၀၂၅ ခုနှစ် ဒီဇင်ဘာလကုန်ပိုင်းကမှ ထွက်ရှိထားတဲ့ David ဆိုတဲ့ ကာတွန်းဇာတ်ကားသစ်လေး ဖြစ်ပါတယ်။ Angel Studios ကနေ ထုတ်လုပ်ထားတာဖြစ်ပြီး၊ သမ္မာကျမ်းစာထဲက လူသိများတဲ့ ဒါဝိဒ် (David) ရဲ့ အကြောင်းကို အခြေခံပြီး ရိုက်ကူးထားတဲ့ Musical Animated ဇာတ်ကားကောင်း တစ်ကားဖြစ်ပါတယ်။

ဇာတ်လမ်းကတော့ သိုးထိန်းလေး ဒါဝိဒ်အကြောင်းကို အဓိကထား ရိုက်ပြထားတာပါ။ ဒါဝိဒ်က သိုးကျောင်းရင်းနဲ့ သိုးတွေကို ရန်ပြုမယ့် ခြင်္သေ့တွေကိုတောင် ရင်ဆိုင်ရဲတဲ့ သတ္တိခဲလေးပေါ့။ တစ်နေ့ကျတော့ ပရောဟိတ်မြူရယ် ရောက်လာပြီး ဒါဝိဒ်ကို အစ္စရေးရဲ့ ဘုရင်လောင်းအဖြစ် ဘိသိက်မြှောက်လိုက်ပါတယ်။ ဒါပေမဲ့ ချက်ချင်း ဘုရင်ဖြစ်တာတော့ မဟုတ်သေးပါဘူး။

လက်ရှိဘုရင် ရှောလု (Saul) စိတ်နှလုံး မကြည်မသာဖြစ်နေချိန်မှာ ဒါဝိဒ်က စောင်းသွားတီးပေးရင်း နန်းတော်နဲ့ ရင်းနှီးလာခဲ့တယ်။ နောက်တော့ ဖိလိတ္တိတွေနဲ့ စစ်ဖြစ်တဲ့အခါ နာမည်ကြီး လူဘီလူးကြီး ဂေါလျက် (Goliath) နဲ့ ယှဉ်ပြိုင်တိုက်ခိုက်ဖို့ ဖြစ်လာပါတော့တယ်။ လူကောင်သေးပေမဲ့ ဘုရားသခင်အပေါ် ယုံကြည်သက်ဝင်မှုနဲ့အတူ ဂေါလျက်ကို အနိုင်ယူလိုက်နိုင်ခဲ့ပါတယ်။

1,180

UPDATE - အညွှန်းသီးသန့်

10:16 10 thg 4, 2026

Emily Elizabeth Dickinson ဆိုတဲ့ ထူးချွန်ထက်မြက်သော ကဗျာဆရာမအကြောင်းကို အခြေခံပြီး ရိုက်ကူးတင်ဆက်ထားတာဖြစ်ပါတယ်။ ကဗျာဆရာမဆိုပေမဲ့ထိုခေတ်ထိုအခါက အမျိုးသမီးများကို စာပေလောကမှ ဖယ်ကျဉ်မှုများကြောင့်စာအုပ်ထုတ်ဝေခြင်းတော့ မရှိခဲ့ပါဘူး။ Emily ဟာ သူ့ဘဝအချိန်အတော်အများကို တစ်ကိုယ်တည်းသီးသန့်ကုန်ဆုံးခဲ့ပြီး သေဆုံးခါနီးအချိန်မှာတော့ အခန်းထဲကတောင် မထွက်တော့ပါဘူးတဲ့။သူသေဆုံးပြီးနောက်မှာမှ ကဗျာအပုဒ်ရေပေါင်း၂၀၀၀ ကျော်လောက်ကို အိမ်အကူရဲ့ အဝတ်သေတ္တာထဲမှာ တွေ့ရှိခဲ့ကြတာဖြစ်ပါတယ်။သူ့ကဗျာအများစုဟာ ခေါင်းစဉ်မရှိဘဲ သာမန်ရိုးကျ ကဗျာစည်းမျဉ်းဘောင်ထဲမှ သွေဖယ်နေခဲ့ပါတယ်။ သူ့ကဗျာတွေထဲမှာ သေခြင်းတရား၊ ထာဝရရှင်သန်ခြင်းနဲ့ သဘာဝတရားအကြောင်းအရာများကို အဓိကတွေ့ရှိရပြီး တစ်သက်လုံး အိမ်ထောင်မပြုခဲ့ဘဲ အသက် ၅၅ နှစ်မှာ သေဆုံးပါတယ်။ဒီစီးရီးရဲ့ ထူးခြားချက်က အဓိကမင်းသမီးဇာတ်ဆောင်နှစ်ယောက်ကို Friends With Benefits လိုမျိုး ပုံဖော်သွားခဲ့တာပါ။ သို့သော်လည်း အပြင်လောကမှာ တကယ်ချစ်ကြိုက်ခဲ့ကြလားဆိုတာတော့ အတည်ပြုနိုင်ခြင်းမရှိပါဘူး။၁၉ ရာစုအတွင်း အမျိုးသမီးများအပေါ် ဖိနှပ်ချုပ်ချယ်မှု၊ လူတန်းစား ခွဲခြားဆက်ဆံမှု စတာတွေကို ပါးပါးလေးနဲ့ပုတ်ပြသွားတာ အတော်အရသာရှိပါတယ်။ သို့သော်လည်း ဒီကားကို Deep and Dark ဘက်မသွားဘဲ Comedy ဘက်သွားထားတာမို့ ကြည့်ရတာ အတော်ပျော်ဖို့ကောင်းတယ်ဆိုရမှာပါ။

1,220

UPDATE - အညွှန်းသီးသန့်

10:16 10 thg 4, 2026

Escape room ဆိုတာ အခန်းတစ်ခန်းထဲမှာအပိတ်အလှောင်ခံ၊အထဲမှာ သဲလွန်စတွေရှာပြီး ပေးထားတဲ့အချိန်မပြည့်ခင် အခန်းထဲက လွတ်အောင်ထွက်ရတဲ့ game တစ်ခု။အခုရုပ်ရှင်က escape room ဟာလည်း အဲလိုပဲ entertain လည်းဖြစ်၊

ပါဝင်ကစားတဲ့သူတွေကလည်း တွေးတောကြံဆရတယ်ဆိုတဲ့ သာမန် game တစ်ခုလို ထင်နေကြပေမဲ့ တကယ်တမ်းတော့ မလွတ်ရင်တကယ်သေကြရမဲ့ အကွက်တွေဖြစ်နေတဲ့အတွက် player ၆ ယောက်ဟာလည်းတစ်ယောက်နဲ့တစ်ယောက်ကြား ယုံကြည်မှုတွေ၊အားကိုးမှုတွေ မရှိရှိအောင် တည်ဆောက်ကြရင်း လွတ်မြောက်အောင် ဝိုင်းကြိုးစားကြရပါတော့တယ်။

819

UPDATE - အညွှန်းသီးသန့်

10:16 10 thg 4, 2026

War Machine (2026) ကတော့ Netflix ကနေ ပူပူနွေးနွေး ထွက်ရှိလာတဲ့ Sci-Fi Action ဇာတ်ကားသစ်လေးပါ။

Reacher စီးရီးနဲ့ နာမည်ကြီးတဲ့ မင်းသားကြီး Alan Ritchson ခေါင်းဆောင်ပါဝင်ထားပြီး၊ အက်ရှင်ကြမ်းကြမ်းနဲ့ ဂြိုဟ်သားစက်ရုပ်တွေ ချကြတဲ့ကားမျိုး ကြိုက်တတ်ရင် သဘောကျမယ့် ဇာတ်ကားပါ။

ဇာတ်လမ်းအကျဉ်း

ဇာတ်လမ်းထဲမှာ အဓိကဇာတ်ကောင်က နာမည်မရှိဘဲ "81" လို့ပဲ ခေါ်တဲ့ စစ်သားတစ်ယောက် (Alan Ritchson) ပါ။

သူက အာဖဂန်နစ္စတန်စစ်ပွဲမှာ သူ့ညီဖြစ်သူ သေဆုံးသွားခဲ့တဲ့အတွက် စိတ်ဒဏ်ရာရနေတဲ့သူပေါ့။

ညီဖြစ်သူရဲ့ ဆန္ဒဖြစ်တဲ့ အမေရိကန် Army Ranger အထူးတပ်ဖွဲ့ဝင်ဖြစ်ဖို့ဆိုတဲ့ အိပ်မက်ကို အကောင်အထည်ဖော်ဖို့ သူကိုယ်တိုင် ဝင်ရောက်အရွေးခံပါတယ်။

Ranger ဖြစ်ဖို့ နောက်ဆုံးစမ်းသပ်မှုဖြစ်တဲ့ "Death March" လို့ခေါ်တဲ့ တောတွင်းစစ်ဆင်ရေးကို ဆင်းရတဲ့အချိန်မှာတော့ မထင်မှတ်မထားတာတွေ ဖြစ်လာပါတော့တယ်။

အဲဒီတောထဲမှာ သူတို့အဖွဲ့ဟာ ကမ္ဘာမြေပြင်က မဟုတ်တဲ့ ဧရာမ စက်ရုပ်ကြီးတစ်ကောင် နဲ့ သွားတိုးပါတော့တယ်။

အဲဒီနောက်မှာတော့ စစ်သင်တန်းဆင်းတဲ့ကားကနေ အသက်လုပြေးရ၊ ချရတဲ့ Survival ဇာတ်လမ်းအဖြစ် အရှိန်မြှင့်သွားပါတော့တယ်။

ဒီကားက ခေါင်းစားခံပြီး တွေးကြည့်ရမယ့်ကားမျိုး မဟုတ်ဘဲ အက်ရှင်အမိုက်စားတွေ၊ ပစ်ခတ်ခန်းတွေနဲ့ ပေါ့ပေါ့ပါးပါး အပန်းဖြေကြည့်လို့ကောင်းတဲ့ ရုပ်ရှင်မျိုးပါ။

Predator လို ဇာတ်လမ်းမျိုးကို Transformers လို စက်ရုပ်တွေနဲ့
ပေါင်းစပ်ထားတဲ့ ပုံစံမျိုးပေါ့...

Dennis Quaid နဲ့ Stephan James တို့လို မင်းသားတွေလည်း ပါဝင်အားဖြည့်ထားပါတယ်။

1,300

UPDATE - အညွှန်းသီးသန့်

10:16 10 thg 4, 2026

ဒီကားလေးရဲ့ ဇာတ်အိမ်ဟာ ၁၉၈၅ ခုနှစ်လောက်ကဘောလုံးလောကထဲကို စတင်ခြေချ ခဲ့တဲ့ ဘရာဇီးနိုင်ငံသား ဘောလုံးသမားကြီး {ပီလီ (pele)} နာစီမန်တို ရဲ့ သူ ကလေးဘဝကနေစပြီးအောင်မြင်လာတဲ့ အချိန်အထိ ရိုက်ကူးထားတဲ့ ဇာတ်ကားလေးပါ။

သူ့ရဲ့ ငယ်ဘဝဟာ ဖိနပ်တိုက်ကျောင်းတက်ရတဲ့ဘဝဖြစ်ပြီး သူ့ရဲ့မွေးရာပါပင်ကိုယ်စွမ်းရည်ကတော့ဘောလုံး ကစားတာပါ။ ဘောလုံးကို ကျွမ်းကျွမ်းကျင်ကျင်ကစားတတ်ပြီး အများနဲ့မတူတဲ့ ကစားနည်းနဲ့ဆော့ကစားတာပါ ဒါပေမဲ့ ဘောလုံးဆော့တာကို သူ့ရဲ့အမေဖြစ်သူက မကြိုက်ပါဘူး။ ဒါပေမဲ့ ခိုးကြောင်ခိုးဝှက်ဆော့ရင်းနဲ့ သူ့သူငယ်ချင်းတစ်ဦးသေဆုံးခဲ့ပြီး စိတ်ဒါဏ်ရာ ရခဲ့ပါတယ်။

ဒါပေမဲ့ လဲ သူ့မှာရှိတဲ့ ဘောလုံး ပင်ကိုယ်စွမ်းရည်ကို သူ့အမေဟာ တွေ့မြင်သွားပြီး သူ့ရဲ့သားကို ချစ်တဲ့ စိတ်နဲ့ ဘောလုံးအသင်း ဥက္ကဌတစ်ဦးနဲ့ မိတ်ဆက်ပေးခဲ့ပါတယ် ။ အဲ့လိုမိတ်ဆက်ပေးပြီးတဲ့နောက်မှာတော့ သူ့ဘဝရဲ့

အောင်မြင်မှုလမ်းကြောင်းဟာ စတင်လို့လာခဲ့ပါပြီ။လူတိုင်းဟာ အောင်မြင်မှုလမ်းကြောင်းအပေါ်လျှောက်လှမ်းတဲ့အခါ အခက်အခဲတွေကတော့အများကြီးတွေ့ကျစမြဲပါ ။ သူလဲ အခက်အခဲတွေအများကြီးရင်ဆိုင်ခဲ့ရပါတယ်။

သူလဲ သူ့ရဲ့ အောင်မြင်မှု လမ်းကြောင်းကို လျှောက်တဲ့အခါ ………..-ဘယ်လိုအခက်အခဲတွေတွေ့မလဲ

-အောင်မြင်မှုကို ဘယ်လိုရရှိမလဲ-သူ့ရဲ့ သနားစရာကောင်းတဲ့ ငယ်ဘဝ ပုံရိပ်တွေကိုဒီကားလေးထဲမှာ ကြည့်ရှုရမှာပါ ……..-သားသမီး အပေါ်ကို ချစ်တတ်တဲ့ မိဘ ရဲ့ ပုံရိပ်လေးတွေလဲတွေ့ရမှာပါ

1,130

Showing 30 of 32 posts

Xếp hạng

Yêu cầu đăng nhập

Đánh giá của người dùng (0)

Chưa có đánh giá nào. Hãy là người đầu tiên chia sẻ trải nghiệm của bạn!

Kênh Telegram liên quan

Loading recommended channels...

UPDATE - အညွှန်းသီးသန့်

UPDATE - အညွှန်းသီးသန့်

Xếp hạng

Tăng trưởng người đăng ký (Trong 5 ngày qua)

Bài đăng gần đây

Xếp hạng

Đánh giá của người dùng (0)

Kênh Telegram liên quan

Fent camí

【ABCVIP】DANH SÁCH ĐEN MỘC BÀI-木牌黑名单

ព័ត៌មានរន្ធត់ស្រុកខ្មែរ📍

CLUB DE LAS FIJAS

RT Latinoamérica

2fast.fun

【ABCVIP】DANH SÁCH ĐEN MỘC BÀI-木牌黑名单/越南人在海外ᰔᩚ

𝐋𝐎𝐂𝐊𝐃𝐎𝐖𝐍 𝟕𝟖𝟗 แจ้งข่าวสาร

Kênh Telegram liên quan

Fent camí

【ABCVIP】DANH SÁCH ĐEN MỘC BÀI-木牌黑名单

ព័ត៌មានរន្ធត់ស្រុកខ្មែរ📍

CLUB DE LAS FIJAS

RT Latinoamérica

2fast.fun

【ABCVIP】DANH SÁCH ĐEN MỘC BÀI-木牌黑名单/越南人在海外ᰔᩚ

𝐋𝐎𝐂𝐊𝐃𝐎𝐖𝐍 𝟕𝟖𝟗 แจ้งข่าวสาร

Đánh giá của người dùng (0)

Bài đăng gần đây