Sint Nyi

Public

Xem kênh

Không thể tham gia? @Sintnyinyi

2.6k Thành viên

Cập nhật: May 17, 2026 at 6:34 AM

Sint Nyi

အားလုံးနဲ့အဆက်သွယ်မပြတ်အောင်ထောင်ထားတဲ့ Telegram Link လေးပါ။ ကျွန်တော်ရေးတဲ့စာလေးတွေလည်း ဒီပေ့ချ်မှာတင်ပေးသွားပါမယ်။

@Sintnyinyi is a dedicated channel for telegram and link with regular updates in Desi

Xếp hạng

Xếp hạng toàn cầu

#456

Xếp hạng ngôn ngữ

#45

Xếp hạng danh mục

#23

-1

Tăng trưởng người đăng ký (Trong 4 ngày qua)

Tổng cộng: 2.6K

Tăng trưởng 24 giờ: -32 1%

Bài đăng gần đây

Sint Nyi

13:56 20 thg 5, 2026

လုပ်နေတဲ့ ရှားရှားပါးပါး အကျင့်ကောင်းလေး
တစ်ခုရှိနေတော့ ရောက်ခါစက ပါလာတဲ့
သံသေတ္တာ တစ်လုံးထက်တော့
ပိုင်တာလေးတွေတိုးတိုးလာပြီး
မွေ့ယာလေး ၊ ပန်ကာလေး ဗီဒိုလေးတွေ
ဝယ်နိုင်လာတယ်ပေါ့ဗျာ။

ဒီလိုပဲ ဂျလုံးပလုံး Pro Max မဖြစ်အောင်
နေထိုင်ရင်း လုပ်စရာရှိတာလေးတွေ
လုပ်သွားလိုက်တာ အလုပ်စလုပ်တဲ့
အသက်(၂၀) ကနေ နောက်ထပ်
(၁၃) နှစ်ကြာသွားတဲ့ အသက် (၃၃) နှစ်
အရွယ်ရောက်မှ အိမ်ပိစိလေးကို
အရစ်ကျနဲ့ ဝယ်နိုင်ခဲ့တာပါ။

ဒါကလည်း သူများထက် တော်နေ
တတ်နေလို့လည်းမဟုတ်ဘူး။

" ရှောင်သင့်တာတွေကို ရှောင်ပြီး
လုပ်သင့်တာတွေကို ဆက်လုပ်နေရင်
ဖြစ်သင့်တာလေးတွေ ဖြစ်လာတတ်တယ်
ဆိုတာကို ပြောပြချင်တာ "

ကျွန်တော့ အိပ်မက်တွေ တကယ်ဖြစ်လာဖို့
လုပ်ဆောင်ခဲ့တဲ့ အဓိက အဲဒီအချက်က
အဲဒီ နှစ်ချက်ပဲရှိတယ်။

✅ ဂျလုံးပလုံးပေမယ့်
ဂျလုံးပလုံး Pro Max မဖြစ်ဖို့
ရှောင်သင့်တာတွေကိုရှောင်တယ်။

✅ ဘာတွေပဲကြုံလာ ကြုံလာ
ကိုယ်လုပ်စရာရှိတာကို တစ်ခုမဟုတ်တစ်ခု
ဆက်လုပ်နေဖြစ်တယ်။

ကိုယ်က တည်ဆောက်လိုက်၊
ကိုယ်လုပ်လို့ပဲ ပြိုပျက်သွားလိုက်။

ကိုယ်ကတည်ဆောက်လိုက်
သူများက လာဖြိုဖျက်သွားလိုက်နဲ့
ဘဝက လုံးလည်ချာလည်လိုက်နေရင်း
အချိန်တစ်ခုကို ရောက်လာတော့လည်း
လိုချင်တဲ့အိပ်မက်လေးတွေ
အကောင်အထည်ပေါ်ခဲ့ပါတယ်။

ဘယ်လိုအလုပ်တွေလုပ်ခဲ့လည်းကတော့
ကျွန်တော့စာအုပ် (၄) အုပ်လုံးမှာ
အသေးစိတ်ရေးပေးထားတာဖြစ်လို့
အကျယ်ချဲ့ မရေးပြတော့ပါဘူး။

ဒီတော့ အိမ်ပိုင်အိပ်မက် မက်နေကြတဲ့
ညီအကိုမောင်နှမတွေကို ပြောချင်တာက
ဆိုးလို့ရပါတယ်။ ဒါပေမယ့် အဆုံးထိ
မရောက်အောင်ဆိုးပါ။

အဆုံးထိဆိုးမိရင် အိပ်မက်တွေလက်တွေ့
ဖြစ်လာမှာ မဟုတ်ပါဘူး။

ဒီတော့ -

✅ကိုယ့်ကိုယ်ကို မပျက်စီးအောင်နေပါ။

✅ဘာပဲကြုံလာရ ကြုံလာရ ကိုယ်လုပ်စရာရှိတာတစ်ခုမဟုတ်တစ်ခုကို
ဆက်ပြီးလုပ်နေပါ။

အချိန်တစ်ခုရောက်တဲ့အခါ မက်နေတဲ့
အိပ်မက်တွေ အကောင်အထည်
ပေါ်လာပါလိမ့်မယ်။

ကျွန်တော်လို ဆိုးတဲ့လူအတွက်သာ
(၁၃) နှစ်ကြာခဲ့ပေမယ့် ပိုလိမ္မာတဲ့
တချို့အတွက်က (၁) နှစ်ပဲကြာရင်ကြာမယ်
တချို့အတွက် (၂) နှစ်ပဲကြာရင်ကြာမှာပါ။

လူတိုင်းတော့ အချိန်တွေမတူကြဘူးပေါ့။

ရှောင်သင့်တာတွေကို ရှောင်ပြီး
လုပ်သင့်တာတွေကို ဆက်လုပ်နေရင်
ဖြစ်သင့်တာလေးတွေ ဖြစ်လာတတ်တယ်
ဆိုတာကို ကိုယ်တွေ့အတွေ့အကြုံလေးနဲ့
ပြန်ပြီး Sharing လုပ်ပေးလိုက်ပါတယ်။

Sint Nyi
6.1.26

Sint Nyi

13:56 20 thg 5, 2026

ငွေက အရာအားလုံး မဟုတ်ပေမယ့်
အရာအားလုံးနီးပါးကတော့ ငွေရှိမှ
ဘောင်ဝင်တာပါ။

မိသားစုအထဲမှာ ဘောင်မဝင်ဘူးလား။
ပိုက်ဆံပဲရှာ။ ဘောင်ဝင်လာလိမ့်မယ်။

ဘော်ဒါတွေ အထဲမှာကော
ဘောင်မဝင်ဘူးလား။ ပိုက်ဆံပဲရှာ။
ဘောင်ဝင်လာလိမ့်မယ်။

အချစ်ရေးမှာကော ဘောင်မဝင်ဘူးလား။
ပိုက်ဆံပဲရှာ။ ဘောင်ဝင်လာလိမ့်မယ်။

သတိထားဖို့တစ်ခုက ...

ငွေရှိမှ ဘောင်ဝင်တယ်ဆိုတာ
မှန်ပေမယ့် ..

ငွေရှိတဲ့လူချင်း အတူတူဆိုရင်တော့
သန့်သန့်ရှင်းရှင်းနဲ့ ငွေရှာတဲ့လူက
ပိုပြီး ဘောင်ဝင်တာတော့ အမှန်တရားပဲ။

ဒီတော့ ၂၀၂၆ မှာ ဘောင်ဝင်ချင်ရင်
အရင်ထက်ပိုပြီး ငွေရှာပါ။

သန့်ရှင်းတဲ့ငွေဖြစ်ဖို့တော့ သတိပြုပေါ့။

Sint Nyi
2.1.26

Sint Nyi

13:56 20 thg 5, 2026

" လူငယ်တွေနဲ့ အိမ်ပိုင်အိပ်မက် "

ရှာသမျှငွေ တစ်ဝက်လောက်က
မစားရ မသောက်ရဘဲ အိမ်ငှားခအတွက်ပဲ
ပေးနေရလို့ ကိုယ်ပိုင်အိမ်လေးတစ်လုံး
လိုချင်မိတယ်ဆိုပြီး ညီလေးတစ်ယောက်
ရင်ဖွင့်လာတယ်။

နယ်ဝေးကနေ အလုပ်လာလုပ်ကြတဲ့
လူငယ်တော်တော်များ ရဲ့အဓိက
ပြဿနာတွေအထဲကတစ်ခုပေါ့။

ကိုယ်တိုင်လည်း ငယ်ငယ်ကတည်းက တိုက်ခန်းတစ်ခန်းထဲမှာ မိသားစုလိုက်ကြီး ဖြစ်သလိုစုပြီး နေခဲ့ရတော့ ဒီလူငယ်တွေလိုပဲ
" အိမ်ပိုင်အိပ်မက် " မက်ခဲ့ဖူးပါတယ်။

အဲဒီတုန်းက ကိုယ့်ရဲ့ အဓိက
ရည်ရွယ်ချက်က နားအေးပါးအေး
နေချင်မိတာ။

မိသားစုလိုက်ကြီး တိုက်ခန်းလေးတစ်ခန်းမှာ
စုပြီးနေခဲ့ရတာဆိုတော့ ဆူဆူညံညံ
မကြိုက်တဲ့ ကိုယ့်အတွက်က တော်တော်ကို
စိတ်ညစ်ခဲ့ရပါတယ်။

ဒီတော့ ကိုယ်ပိုင်အိမ်လေးတစ်အိမ်ရဖို့က
ငယ်ဘဝ အိပ်မက်ဖြစ်ခဲ့တာပေါ့။

အဲဒီ အိပ်မက်အပြင် နောက်အိပ်မက်
တစ်ခုက အိပ်ယာအစောကြီး မထဘဲ
အိပ်ရေးဝဝ အိပ်ချင်တဲ့ အိပ်မက်။

ဘဝမှာ ကျန်တာတွေရှိရှိမရှိရှိ။
ဖြစ်လာလာ မဖြစ်လာလာ။

အဲဒီနှစ်ချက်သာရှိနေခဲ့ရင်
ငါ့ဘဝက ပြီးပြည့်စုံသွားပြီလို့ကို
ခံယူခဲ့ဖူးတာ။

ဒါကလည်း ဆယ်ကျော်သက်
လူငယ်တိုင်းရဲ့ အိပ်မက်ပါပဲ။

ဒါပေမယ့် Backgound မရှိ ဘာမရှိနဲ့
ဘက်စ်ကားတိုးစီး ကျောင်းတက်ပြီး
အိမ်က လက်ဖြန့် တောင်းနေရတဲ့
ဘာ Talent မှမရှိထားတဲ့ ကိုယ်လို
လူငယ်တစ်ယောက်အတွက်က
အိမ်လိုချင်တဲ့ အိပ်မက်က လည်း
အိပ်မက်သက်သက်ပါပဲ။

လက်တွေ့မှာကျတော့ အမေ့အိမ်ရှိလို့သာ
နေရထိုင်ရတာ အဆင်ပြေနေတာ။

အမေ့အိမ်မှာသာ ကပ်မနေဘဲ
ငှားနေရမယ်ဆို အိမ်လခနဲ့တင်
လုံးလည်ချာလည်လိုက်ပြီး တိုင်ပတ်နေဦးမှာ။

ဒီလိုနဲ့ အသက် (၁၉) နှစ်မှာ ဘွဲ့ရပြီး
ဝန်ကြီးဌာနတစ်ခုမှာ အလုပ်ရတယ်။

လုပ်ရတဲ့ အလုပ်ကလည်း
နေပြည်တော်မှာဆိုတော့
အမေ့အိမ်ကနေ စပြီးလွတ်ခဲ့ပေမယ့်
ကိုယ်နေရတဲ့ ဝန်ထမ်းလိုင်းခန်းက
လူပျိုဆောင်လိုင်းခန်းဆိုတော့
အခန်းတစ်ခန်းထဲမှာလူခြောက်ယောက်
ပေါင်းပြီး နေရတာဆိုတော့
အမေ့အိမ်ထက်တောင် ပိုဆိုးနေသေးတယ်။

အိမ်မှာမှ အချိန်တစ်ခုဆို အားလုံး
အိပ်ကြသေးတယ်။

အဆောင်မှာက တစ်ညလုံးမူးတဲ့လူနဲ့
သီချင်းအကျယ်ကြီးဖွင့်တဲ့သူနဲ့
စကားအကျယ်ကြီးပြောတဲ့သူနဲ့
စစရောက်ချင်းပိုပြီး စိတ်ညစ်ရတာပေါ့။

ဒီလိုနဲ့ လစာ တစ်လကို တစ်သောင်းခွဲ နဲ့
တစ်လလုံး လောက်အောင်စားရတာဆိုတော့
အိမ်ပိုင်ဖို့ အိပ်မက်ဆိုတာ
ဝေးသထက်ဝေးခဲ့ပါတယ်။

ဒါပေမယ့် လူအများနဲ့နေရတာ အဆင်မပြေတဲ့
အချိန်တိုင်းတော့ အဲဒီအိပ်မက်ကို
ပြန်ပြန်မက်ခဲ့တာပါပဲ။

ငါပိုက်ဆံတွေရှိလာတဲ့တစ်နေ့
အိမ်ဝယ်ကိုဝယ်မယ်။
တိုက်ခန်းသေးသေး ကျဥ်းကျဥ်းလေး
ဖြစ်ဖြစ်။ တစ်ယောက်ထဲ နားအေးပါးအေး
အိပ်လို့ရတဲ့ အိမ်ဖြစ်ရင်ပြီးရောပေါ့။

ကျောထောက်နောက်ခံ ကောင်းတဲ့
လူတွေအတွက်က ကိုယ်ပိုင်အိမ်ဆိုတာ
ပူဆာလိုက်ရင် အလွယ်တကူရနိုင်ပေမယ့်
ဘဝကို တစ်ကနေ စရတဲ့ လူတွေအတွက်
ကတော့ အင်မတန်ကို ခက်ခဲတတ်တာမလို့
ကိုယ်တိုင်လည်း အသက် (၃၃) နှစ်
အရွယ်မှာမှ အရစ်ကျစနစ်နဲ့ ကိုယ်ပိုင်
အခန်းကျဥ်းလေး တစ်ခန်း ပိုင်ဆိုင်ခဲ့တာပါ။

ကျွန်တော်က ဘယ်လိုတွေကြိုးစားခဲ့လို့၊
ဘယ်လို တွေ ရုန်းကန်ခဲ့လို့၊
ဘဲဥတစ်ခြမ်းပဲ စားခဲ့လို့ကိုယ်ပိုင်အိမ်လေး
ရလာတာမလို့ခင်ဗျားတို့လည်း
ကြိုးစားကြပါ၊ ဘဲဥတစ်ခြမ်းပဲစားကြပါလို့
အာမချောင်ချင်ဘူး။

ဘာလို့လည်းဆိုတော့ ကိုယ်တိုင်က
ငပျင်းဆိုတော့ ဘဝကို သူများတွေလို
နေ့မအိပ် ညမအိပ်လည်း
လည်းကြိုးစားခဲ့တာလည်းမဟုတ်ဘူး။

ကျောင်းပြီးလို့ နေပြည်တော်ကအလုပ်ကို
သံသေတ္တာတစ်လုံး၊ အဝတ်သုံးစုံနဲ့
စရောက်တဲ့ နေ့ကတည်းက
ကျွန်တော် လုပ်သွားတာ နှစ်ခုပဲရှိတယ်။

ပထမ တစ်ခုက ကိုယ့်ကိုယ်ကို
မပျက်စီးအောင် သတိထားပြီးနေတယ်။

ဘယ်နေရာမှာမှ တော်မနေတဲ့
ကိုယ်လို သာမန်လူအတွက်က

လူပြိန်းချင်းတူရင်တောင်
မပျက်စီးတဲ့ လူပြိန်းက တခြားလူပြိန်းတွေထက် နှာတစ်ဖျားသာတယ်
ဆိုတဲ့အတိုင်း လူပြိန်းပေမယ့်
မပျက်စီးအောင် နေဖြစ်တယ်။

ဒါမှလည်း ဂျလုံးပလုံးချင်း
အတူတူဆိုရင်တောင် သူတို့က
ဂျလုံးပလုံး Pro Max ဆို
ကိုယ်က ဂျလုံးပလုံး Pro ပေါ့။

လူငယ်သဘာဝ ကျန်တာဆိုးချင်တာ
ဆိုးပေမယ့် မူးယစ်ဆေး၊ လောင်းကစားကို
တော့ စမ်းသပ်ပြီးတောင် မလုပ်မိအောင်
Control ဖြစ်ခဲ့တယ်။

ကိုယ့်မက်နေတဲ့ အိပ်မက်နှစ်ခု
အကောင်အထည် ပေါ်လာဖို့က
ဘယ်သူမှ လာလုပ်ပေးမှာမဟုတ်ဘူး။

ကိုယ်ကိုယ်ပဲလုပ်ရမှာဆိုတော့ အိပ်မက်တွေ
အကောင်ထည်ဖော်ရမယ့် ကိုယ်ကိုယ်တိုင်က
ဂျလုံးပလုံး Pro Max ဖြစ်နေလို့မရဘူး။

Pro လောက်ဆို တော်သေးတယ်လို့
တွေးမိပြီး Pro max ဖြစ်စေမယ့်
မူးယစ်ဆေးနဲ့ လောင်းကစားကို
အဲဒီကတည်းက ရှောင်ခဲ့ပါတယ်။

နောက်တစ်ချက်ကလည်း ဘာမှ
ကြီးကြီးကျယ်ကျယ် မဟုတ်ဘူး။

ဘဝတိုးတက်ဖို့ တစ်ခုမဟုတ်
တစ်ခုကို စမ်းတဝါးဝါး
လုပ်နေဖြစ်တာလေးတစ်ချက်။

ဝန်ထမ်းလုပ်ရင်းနဲ့ အကျိုးဆောင်လုပ်တယ်။
ငါးလလောက်အထိ အခန်းအရောင်းမပြောနဲ့
အငှားတောင် မရဖူးဘူး။

ထီးဖြူ၊ ဖိနပ်ပါး၊ လိုင်းကားခတွေ
အကုန်ခံရင်းနဲ့ နှစ်နှစ်လောက်နေမှ မြေကွက်လေးတစ်ကွက် ကနေ ပွဲခ
သိန်းဂဏန်းလေး ရခဲ့ဖူးတယ်။

ပြီးတော့ ဆိုင်ကယ်လေး ဝယ်တယ်။
ရှိထားတဲ့ငွေလေးနဲ့ ဟိုရောင်း ဒီဝယ်
သေးသေးလေးတွေ လိုက်လုပ်ကြည့်တယ်။

မြတ်လိုက် ရှုံးလိုက်နဲ့ပါပဲ။

ဒါပေမယ့် တစ်ခုမဟုတ်တစ်ခုကို

Sint Nyi

13:56 20 thg 5, 2026

ကိုဗစ်မတိုင်ခင်တုန်းက
အင်ဒိုနီးရှားသွားရင်းနဲ့ အရင်ခေတ်က
မြန်မာပြည်မှာ အရမ်းခေတ်စားခဲ့တဲ့
ဂျင်းဘောင်းဘီ Brand တစ်မျိုးကို
ပြန်တွေ့လို့ လက်ကားယူပြီး ဒီမှာ
ပြန်ရောင်းကြည့်ခဲ့ဖူးတယ်။

အဲဒီဘရန်းက မြန်မာပြည်မှာမရှိတော့
တော်တော်ကို ရောင်းရပါတယ်။

ဒါနဲ့ ကိုဗစ် Lockdown ကျပြီးတော့
အဝင်အထွက်တွေ အားလုံး
ပိတ်လိုက်ရတဲ့အချိန် ကျတော့
ပစ္စည်းတွေလည်း သွင်းလို့မရတော့တာနဲ့
ခဏရပ်ထားခဲ့လိုက်ရတယ်။

ဒီလိုနဲ့ဂျင်းဘောင်းဘီတွေ ပြန်သွင်းဖို့
စောင့်နေရင်းနဲ့ တခြားအလုပ်တွေ
လုပ်နေရင်းနဲ့ တစ်ရက် ...

ဘော်ဒါတစ်ယောက်နဲ့
ပြန်တွေ့ဖြစ်တယ်။

ဒီကောင်က ဒေါ်လာသန်းချီတဲ့
လုပ်ငန်းလုပ်နေတဲ့ အကြီးစား
လုပ်ငန်းရှင်တစ်ယောက်။

သူနဲ့ အတူတူ ထမင်းစားရင်း
အလုပ်အကြောင်းတွေ ပြောဖြစ်တော့
လမ်းတွေပြန်ဖွင့်ရင် ဘာလုပ်ဖို့ရှိလဲလို့
မေးလာတာနဲ့ ...

ငါတော့ အရင်လိုပဲ ဂျင်းဘောင်းဘီတွေ
ပြန်ရောင်းမယ်ကွာလို့ပြောပြတော့
သူလည်း စိတ်ဝင်စားလို့
ရှယ်ယာလုပ်ကြမလား မေးတာနဲ့

သဘောရိုးနဲ့ပဲ ဘယ်နိုင်ငံကနေ ဘယ်စျေးနဲ့
ဘယ်လိုဝယ်ပြီး ဒီမှာ ဘယ်စျေးနဲ့
ရောင်းတယ် ဆိုတာကို အကုန်လုံး
ပြောပြဖြစ်လိုက်တာပေါ့။

ဒီလိုနဲ့ သူနဲ့မတွေ့ဖြစ်တာ
ကြာသွားပြီးတော့ လမ်းတွေလည်း
ပြန်ဖွင့်ပြီဆိုတော့ ကိုယ်လည်း
ဂျင်းဘောင်းဘီတွေ သွားဝယ်ဖို့
ပလန်လုပ်နေတုန်း ...

အဲဒီဘော်ဒါကပဲ ..

သူနဲ့ သူ့ဘော်ဒါတွေ အပျော်အနေနဲ့
မြို့ထဲမှာ အဝတ်အစားဆိုင် အသစ်လေး
ဖွင့်ဖြစ်လို့ လာခဲ့ပါဦးဆိုပြီး
ဖိတ်တ်လို့ သွားအားပေးတော့မှ ...

သူရောင်းတဲ့ Branded အဝတ်အစားတွေနဲ့
ရေမွှေးတွေ ကြားထဲမှာမှ သူ့ကိုကိုယ်
ဘယ်ကမှာလဲ ပြောပြထားတဲ့
ဂျင်းဘောင်းဘီ ဘရန်းကိုပါ
တင်ရောင်းနေတာ တွေ့ခဲ့ရတော့
တော်တော်တော့ စိတ်မကောင်းဖြစ်မိပါတယ်။

သူ့ကိုတော့ အောင်မြင်ပါစေကလွဲပြီး
ကျန်တာဘာမှ ဆက်မပြောဖြစ်ပေမယ့်
ကိုယ်လည်း အဲဒီဘောင်းဘီ ဘရန်းကို
မသွင်းဖြစ်တော့ဘူး။

ဘာမဟုတ်တဲ့ကိစ္စလေးနဲ့
ဘော်ဒါအကန့်နဲ့ မလဲချင်တာရယ်ကြောင့်
သူ့ကိုလည်း အရင်အတိုင်းအခင်အမင်
မပျက်ပေါင်းဖြစ်နေပေမယ့် ..

အဲဒီနောက်ပိုင်းတော့
ကိုယ်အကောင်အထည်ဖော်မယ့်
Business Idea တွေကို ဘယ်သူ့ကိုမှ
ချမပြဖြစ်တော့ဘူးပေါ့။

လူတွေကို ယုံမိလို့ရတဲ့ နောက်ထပ်
သင်ခန်းစာအသစ်လို့ပဲ မှတ်ယူပါတယ်။

....

ဒီရက်ပိုင်းမှာပဲ ကိုယ်လေးစားရတဲ့
လုပ်ငန်းရှင် အမတစ်ယောက်က
သူလုပ်ချင်တဲ့ Business Idea တစ်ခုကို
ကိုယ့်ကို လာပြီးတိုင်ပင်ဖြစ်တယ်။

အမရဲ့ Idea က အခုလက်ရှိ စျေးကွက်
အနေအထားနဲ့ကျ အောင်မြင်မယ့်
Business Idea မျိုး ဖြစ်နေပေမယ့် ...

အဲဒီ လုပ်ငန်းက အိတ်တွေနဲ့
ပတ်သက်တာဆိုတော့ ကိုယ်ပါမှကို
သေချာပေါက် အောင်မြင်မယ်မှန်းသိလို့
ကိုယ့်ကို ဆက်သွယ်ပြီးကမ်းလှမ်းတာပါတဲ့။

အဲဒီအမ ဆက်သွယ်လာတုန်းကတော့
ကိုယ်က အိမ်ခြံမြေလုပ်ငန်းဖက်ပဲ
အာရုံရနေတာဆိုတော့ ...

ခေါင်းစားလည်းစားသလို တာဝန်အပြည့်အဝ
လိုက်ပြီးယူနေရတဲ့ အိတ်လုပ်ငန်းကို
ပြန်မလုပ်ချင်တာနဲ့ စိတ်သိပ်မပါဘူးလို့
ပြောဖြစ်ခဲ့လိုက်ပေမယ့် ...

သုံးလေးရက် သေချာပြန်ပြီးစဥ်းစား
ကြည့်လိုက်တော့ လက်ရှိ စျေးကွက်
အနေအထားအရ ဒီလုပ်ငန်းက
တော်တော်ကို အောင်မြင်နိုင်တယ်
ဆိုတာကို မြင်လာမိတယ်။

ဒါနဲ့ ကိုယ်လည်း ဆိုင်ပြန်ဖွင့်ဖို့
ပြန်စဥ်းစားပြီးတော့ ဆိုင်ကိုစပြီး သေချာ
ပြန်ပြင်ဆင်ဖြစ်တယ်။

အဲဒီ လုပ်ငန်းအောင်မြင်ဖို့အတွက်
အဓိက မရှိမဖြစ်လိုတာက ငွေမဟုတ်ဘူး။

လုပ်ငန်းကျွမ်းကျင်မှုပဲ။

အိတ်ကို အတုအစစ်ခွဲတာတို့။
လူတွေရဲ့ ယုံကြည်စိတ်ချမှုတို့။
တာဝန်ယူမှု တာဝန်ခံမှုတို့က ကိုယ့်အတွက်
experiences ရှိပြီးသားအရာတွေဆိုတော့
ကျန်တာက ဘာမှသိပ်မလိုဘူးပေါ့။

ဆိုင်ကိုသေချာပြင်ဆင်ပြီး ကျွန်တော်တော့
ဒီ လုပ်ငန်းအသစ်ကိုစပြီး လုပ်နေပါပြီလို့
ကြော်ငြာလိုက်ရုံနဲ့ အလုပ်ဖြစ်မယ့်
လုပ်ငန်းမျိုး။

Idea လာပေးတဲ့ အမကို အသိမပေးဘဲ
တစ်ယောက်တည်း ဆိုင်ဖွင့်လိုက်ပြီး
တစ်ယောက်ထဲ အမြတ်တွေယူလိုက်လို့
ရင်လည်း နာမည်ပျက်တာက လွဲရင်
ဥပဒေအရ ဘာပြဿနာမှမရှိဘူး။

ဒီမှာက ကိုယ့် Idea ကို မှတ်ပုံတင်လို့မှ
မရသေးတာ။ ဒီတော့ Idea ကိုခိုးချရင်
အရေးယူလို့မရဘူး။

ဒါကြောင့်လည်း လူတစ်ယောက်လုပ်ငန်း
အဆင်ပြေရင် သူ့လုပ်ငန်းကို တစ်ပုံစံထဲ
ပုံတူကူးချတဲ့လုပ်ငန်းတွေ
ပေါ်လာတာပေါ့။

Idea ဆိုတာ အကောင်အထည်မဖော်ရင်
Idea သပ်သပ်ပဲဆိုပြီး Ethic မရှိဘဲ
သူ့ idea ကို ယူလုပ်လိုက်လို့ရပေမယ့်
ဂျင်းဘောင်းဘီ ကိစ္စတုန်းက
ကိုယ့်ကို ကိုယ့်ဘော်ဒါလုပ်သွားတာမျိုး
သူများအပေါ် ပြန်မလုပ်ချင်တာ။

ငွေနဲ့ နာမည်နဲ့လဲမလား။
ငွေနဲ့ မိတ်ဆွေနဲ့လဲမလားဆိုတဲ့
အခြအနေမျိုး။

ကိုယ့် Idea ကို ကိုယ့်ဘော်ဒါ ယူသွားတုန်းက
ကိုယ်စိတ်မကောင်းဖြစ်ရသလို
အခုလည်း အဲဒီအမရဲ့ idea ကို
ကိုယ်ယူလုပ်လိုက်ရင် သူလည်း
သေချာပေါက် စိတ်မကောင်းဖြစ်ရမှာ
ဆ်ိုတာတော့သိတယ်။

အခန့်မသင့်ရင် မိတ်ဆွေကောင်းပါ
ဆုံးရှုံးသွားနိုင်တော့
နာမည် နဲ့ မိတ်ဆွေကောင်းနဲ့
မလဲချင်တာနဲ့ အမကို ဆက်သွယ်ပြီးတော့
အမပြောတဲ့ Idea ကို ကျွန်တော်
သဘောကျပြီး အကောင်ထည်
ဖော်ဖို့လုပ်နေပါပြီ။

ကျွန်တော်ကတော့ ဒီလုပ်ငန်းကို
လုပ်မယ်လို့ စိတ်ပိုင်းဖြတ်ထားတာမလို့..

အမ ပါသည်ဖြစ်စေ မပါသည်ဖြစ်စေ

Sint Nyi

13:56 20 thg 5, 2026

လုပ်မှာပေမယ့် ဒီလုပ်ငန်းရဲ့ idea က
အမက စခဲ့တာဖြစ်လို့ အမအနေနဲ့
ရှယ်ယာတစ်ဝက် ပါဖို့ စိတ်ဝင်စားမလားလို့
သွားပြီးတော့ ကမ်းလှမ်းဖြစ်ခဲ့လိုက်တယ်။

အမကလည်း သူ့ကိုမမေးဘဲလုပ်ရင်
ရတာတောင် Respect ထားပြီး ဒီလိုလာပြီးကမ်းလှမ်းတာကို ဝမ်းသာကြောင်းနဲ့...

တကယ်က ဒီကရမယ့်အမြတ်ဆိုတာက
သု့အတွက်က ကလေးကစားစရာပေမယ့်
Idea ကို အကောင်အထည်ဖော်ပြီး
အောင်မြင်အောင်လုပ်တာကို
လိုချင်လို့ဆိုပြီး အတူတူလုပ်ဖို့
သဘောတူဖြစ်ခဲ့ကြတယ်။

ဒီဖြစ်ရပ်နှစ်ခုမှာ အဓိက ပြောပြချင်တာက
လုပ်ငန်းအကြာင်းမဟုတ်ဘူး။
ကိုယ်ချင်းစာတရား အကြောင်းပါ။

အရင်က ကိုယ်သာ ဂျင်းဘောင်းဘီ
ကိစ္စမှာ Idea အကျော်အခွ မခံခဲ့ဖူးရင်
ကိုယ်လည်း သူများအပေါ် ကျော်ခွ၊
မိတ်အပျက်ခံပြီး ဒီအလုပ်ကို လုပ်မိဦးမှာ။

မောင်ဖြူကကိုယ့်အပေါ် အကျော်အခွ
လုပ်သွားလို့ဆိုပြီး Trauma တွေရခဲ့ပြီး
ကိုယ်ကလည်း မောင်နီအပေါ်မှာပြန်ပြီး
အကျော်အခွလုပ်မိတာမျိုး မဖြစ်ချင်တာပါ။

မောင်ဖြူကိုယ့်အပေါ်လုပ်သွားတဲ့ကိစ္စက
မောင်ဖြူနဲ့ သူ့ဘုရားနဲ့ ရှင်းရမှာဖြစ်သလို
ကိုယ်သူများအပေါ် မကောင်းတာလုပ်တာက
ကိုယ်နဲ့ ကိုယ့်ဘုရားနဲ့ရှင်းရမယ့်ကိစ္စပါ။

ဒါကိုလူတွေက မကွဲပြားလို့
ငါ့ကိုဟိုလူတောင်လိမ်သွားတာ
ငါလည်း ဒီလူကိုပြန်လိမ်လိုက်မယ်။

ငါ့ကိုဟိုလူက ရက်စက်သွားတာ
ငါလည်း ဒိလူကို ရက်စက်လိုက်မယ်
ဆိုတဲ့ စိတ်တွေနဲ့ မကောင်းမှုပေါ်
မကောင်းမှု ဆင့်သွားကြတာ။

ကိုယ်လည်း တရားတွေသိပ်ရနေတဲ့
သူတော်ကောင်းမလို့ ဒီလိုစာတွေ
ရေးနေတာတော့ မဟုတ်ပါဘူး။

ဖြတ်သန်းလာတဲ့ သက်တမ်းတစ်လျောက်
ကျော်ခဲ့ဖူး၊ ခွခဲ့ဖူး၊ ငွေနဲ့ပတ်သက်ရင်
အထာမထားခဲ့ဖူးတဲ့ လူတစ်ယောက်ပါ။

မကောင်းတဲ့စိီးပွါးရေးတွေ
အကျော်အခွ စီးပွါးရေးတွေဆိုတာက
ခဏပဲ အဆင်ပြေပြီး ပြန်ကုန်တတ်တာ
ကြုံခဲ့ဖူးတာရယ်။

နာမည်ရှိနေရင် ငွေက ကြိုက်တဲ့အချိန်
ပြန်ရှာလို့ရတယ်ဆိုတာ သိလာတော့မှ
ဘယ်နယ်ပယ်မှာဖြစ်ဖြစ် လူကောင်း
မဟုတ်ရင်တောင် မယုတ်မာဘဲ
ဖြတ်သန်းဖို့ ဆုံးဖြတ်ထားလို့
နာမည်နဲ့ ငွေနဲ့ မလဲလိုက်ယုံပါ။

အခုထိကောင်းနေသေးလားဆိုတော့လည်း
မကောင်းပါဘူး။ မယုတ်မာမိအောင်ရယ်
နာမည်မပျက်အောင်ရယ်
သတိထားနေထိုင်နေရုံလေးပါပဲ။

လူစိတ်မရှိတဲ့လူတွေက သူတို့
ခံစားခဲ့ရတဲ့အတိုင်း တပါးသူကို
ပြန်ပြီးခံစေချင်ကြသလို ..

လူစိတ်ရှိတဲ့လူတွေကတော့ သူတို့
ခံစားခဲ့ရတဲ့အတိုင်း တပါးသူကို
ပြန်ပြီး မခံစားစေချင်ကြတာမလို့

လူစိတ်ရှိတဲ့လူတစ်ယောက်
မဖြစ်သေးရင်တောင် လူစိတ်မဲ့တဲ့
လူမဖြစ်ဖို့ ဆင်ခြင်နေထိုင်ဖြစ်တာပါ။

Inventing Anna ထဲမှာ Anna တို့ရဲ့ကားကို
ဟိုတယ်အဝင်ဝမှာ ဗုံးပါမပါစစ်ဆေးတော့
Anna က " ငါတို့မှာ ပိုက်ဆံဒီလောက်
ချမ်းသာနေတာကို သူတို့က ဘာကိစ္စနဲ့
ငါတို့ကားကို ဗုံးလာစစ်နေတာလဲ" မေးတော့

Anna သူငယ်ချင်းပြန်ဖြေသွားတဲ့
စကားလေးတစ်ခွန်း သိပ်သဘောကျတယ်။

" နင့်မှာရှိတဲ့ငွေတွေ မပြောနဲ့ ။
ကမ္ဘာပေါ်မှာရှိတဲ့ငွေတွေ အားလုံး
ပေါင်းလိုက်ရင်တောင် ငြိမ်းချမ်းမှု ကို
ဝယ်လို့မရဘူး " တဲ့။

တကယ်က ကမ္ဘာပေါ်ကလူတွေ
အလိုအပ်ဆုံး အရာက ကြွယ်ဝ ချမ်းသာမှု
မဟုတ်ဘူး။ကိုယ်ချင်းစာတရားစစ်စစ်
တစ်ခုထဲပါ။

ငြိမ်းချမ်းမှုရဲ့ အဓိက
အခြေခံအုတ်မြစ်ကလည်း
ကိုယ်ချင်းစာတရားပဲဆိုတော့

သူများတွေမှာ အဲဒီတရား
ရှိသည်ဖြစ်စေ ၊ မရှိဘူးဖြစ်စေ
ကိုယ့်ရဲ့ စိတ်ခန္ဓာ ငြိမ်းချမ်းမှုရဖ်ို့အတွက်
နှစ်သစ်မှာ ရိုးသားစွာနဲ့
ကိုယ်ချင်းစာတရားထားနိုင်ကြဖို့နဲ့...

ဘယ်နယ်ပယ်မှာဖြစ်ဖြစ်
လူကောင်းမဟုတ်ရင်တောင်
လူယုတ်မာမဖြစ်ဖို့ ကိုယ့်ကိုယ်ကို
သတိပေးတဲ့အနေနဲ့ ချရေးဖြစ်ရင်း
သိသလောက်လေး
Sharing လုပ်ပေးလိုက်ပါတယ်။

Sint Nyi
12.1.26

Sint Nyi

13:56 20 thg 5, 2026

" လူ့တန်ဖိုး " ဆိုတာ
လူရဲ့ အတွင်းထဲမှာပဲရှိတယ်။

လူရဲ့ အတွင်းထဲက
" ကိုယ်ကျင့်တရား " က
" လူ့တန်ဖိုး " ပဲ။

လူရဲ့အတွင်းထဲက
" ကိုယ်ချင်းစာတရား" က
" လူ့တန်ဖိုး " ပဲ။

လူရဲ့အတွင်းထဲကမေတ္တာတရား က
" လူ့တန်ဖိုး " ပဲ။

လူတစ်ယောက်ရဲ့တန်ဖိုးက
အဲဒီလူ ရဲ့အတွင်းမှာပဲရှိတယ်။

အဲဒါကို တန်ဖိုးရှိတဲ့လူအချင်းချင်းပဲ
မြင်ရတယ်။

Sint Nyi
5.1.25

Sint Nyi

13:56 20 thg 5, 2026

" Next Level ရောက်ချင်ရင်
Risk တော့ယူရတာပါပဲ "

မနှစ်က အလုပ်တွေလုပ်နေရင်းနဲ့
Risk တွေလိုတာထက် ပိုယူမိလို့
ငွေတွေတော်တော်များများ
ကုန်လိုက်သေးတယ်။

ဒါနဲ့ အကြောင်းသိသူငယ်ချင်းက
" လက်ရှိအနေထားနဲ့တင်
အဆင်ပြေနေပြီပဲကို ဘာလို့ Risk တွေ
လိုက်ယူနေတာလဲ " မေးတော့

" Next level ရောက်ချင်လို့ "
လို့ဖြေဖြစ်တယ်။

လက်ရှိ လူလတ်တန်းစား လယ်ဗယ်က
ကျေနပ်လောက်စရာရှိပေမယ့်
အလုပ်တွေ လုပ်နေရသေးတယ်။

ပိုက်ဆံရှာနေရသေးတယ်။
ပိုက်ဆံအတွက်လည်း စိတ်ပူနေရသေးတယ်။
အချိန်တချို့လည်း ပေးနေရသေးတယ်။

ဒီတော့ ငွေအတွက်စိတ်မပူရတော့တဲ့
Next level ရောက်ချင်လို့ Risk တွေစမ်းပြီး
ယူဖြစ်တာပေါ့။

တကယ်လည်း Next level ရောက်ချင်ရင်
Risk ယူရ၊ ပေးဆပ်ရတာတော့အမှန်ပဲ။

လုပ်ငန်းတိုင်း မဟုတ်ပေမယ့်
အလုပ်တော်တော်များများမှာပေါ့။

တစ်ခုလိုချင်ရင် တစ်ခုတော့အရင်
ပေးဆပ်ကြရတာပါပဲ။

ဇူဇူတို့ ဘီလ်ဂိတ်တို့သာ
" Harvard ကျောင်း
ဆက်မတက်တော့ဘူးကွာ"ဆိုတဲ့
ဆုံးဖြတ်ချက်တွေကို Risk ယူပြီး
မချဖြစ်ခဲ့ရင် ...

Fb တို့ Microsoft တို့ ဆိုတာ
ရှိလာဦးမှာ မဟုတ်သလို
သူတို့လည်း အခုအချိန်မှာ Billionaireတွေ
ဖြစ်နေချင်မှ ဖြစ်နေတော့မှာပါ။

Harvard ကျောင်းဆင်းတိုင်းက
လူတော် လူကောင်းတွေ ဖြစ်လာကြပေမယ့်
Harvard ကျောင်းဆင်းတိုင်းကတော့
Billionaire မှဖြစ်မနေကြတာ။

အဲဒီလူတော်တွေအများကြီးအထဲမှာမှ
Risk ယူရဲတဲ့ တချို့ကပဲ ဘီလျှံနာ
ဖြစ်လာကြတာပါ။

ကိုယ်ယူတဲ့ Risk က Data အပေါ်
အခြေမခံ၊ သေသေချာချာမလေ့လာဘဲ ၊
ကိုယ်ကောင်းမယ်ထင်တာကို လျှောက်လုပ်တဲ့
Blind Riskမျိုး ဖြစ်မနေဘဲ
သေသေချာချာ လေ့လာစမ်းသပ်ထားတဲ့
Calculated Risk ဖြစ်ဖို့တော့လိုတာပေါ့။

အသက်နဲ့ရင်းပြီး အာကာသထဲမှာနေရတဲ့
Risk မျိုးကိုမယူခဲ့ရင် Neil Armstong ဆိုတဲ့
လူတစ်ယောက် လကမ္ဘာပေါ်မှာ ခြေချနိုင်တဲ့
ပထမဦးဆုံးလူသားဖြစ်လာမှာ မဟုတ်ဘူး။

Paypal ကို ရောင်းပြီး ရှိသမျှငွေ
အကုန်လုံးကို Risk ယူပြီး Space X ဆိုတဲ့
ကုမ္ပဏီမှာမရင်းရဲခဲ့ရင် Elon Musk က
ကမ္ဘာ့ အချမ်းသာဆုံးလူတစ်ယောက်
ဖြစ်နေမှာမဟုတ်ဘူး။

သူတို့အားလုံး Risk တွေယူခဲ့ကြလို့သာ
Next Level ကိုရောက်နေခဲ့ကြတာပါ။

Calculated Risk ဖြစ်ဖို့တော့လိုတာပေါ့။

ပြောချင်တာက ငွေရေးကြေးရေးနဲ့
ပတ်သတ်လို့ ရှိတာလေးနဲ့
ရောင့်ရဲ တင်းတိမ်တတ်ရင်
ဘာ Risk မှမယူနဲ့။ အေးချမ်းတဲ့
ဘဝလေးမှာပဲ အေးအေးဆေးဆေးနေပါ။

ဒါမှမဟုတ် ရှိတာနဲ့ လုံလောက်ပေမယ့်
မရောက်ဖူးသေးတဲ့ Level တစ်ခုကို
ရောက်ချင်တယ် ဆိုရင်တော့
အနည်းနဲ့အများ Risk ယူရတတ်ပါတယ်။

ဒီတော့ ကိုယ်လုပ်နေတဲ့အလုပ်နဲ့
ပတ်သက်ပြီး Risk ယူသင့်လား။
မယူသင့်ဘူးလား။

ကိုယ့်ကိုယ်ကို ပြန်စဥ်းစားပါ။

ဝန်ထမ်းအလုပ်က ထွက်ပြီး
ကိုယ်ပိုင်အလုပ် လုပ်သင့်လား။
မလုပ်သင့်ဘူးလား။ သေချာစဥ်းစားပါ။

Risk ယူတော့မယ်ဆိုရင်လည်း
Calculated Risk ဖြစ်နေဖို့လိုတယ်။

Risk တွေအထဲမှာ သေသေချာချာ
ကွဲကွဲပြားပြားသိထားဖို့လိုတာက
Blind Risk နဲ့ Calculated Riskပဲ။

ကျွန်တော်နားလည်ရသလောက်
Blind Risk ဆိုတာက ဘာနဲ့တူလဲဆိုတော့ ..

" အလုပ်ထွက်ပြီး ကိုယ်ပိုင်လုပ်ငန်းလုပ်မယ်။
ဒါပေမယ့် ဘာလုပ်ငန်းလုပ်ရမလဲတော့
မသိသေးဘူး။ "

အဲဒါမျိုးက Blind Risk။

ဘာမှသေချာ စီစဥ်ထားတာမျိုးမရှိဘူး။
တိုင်ပတ်နိုင်ချေများတဲ့
Risk မျိုးပေါ့။

Calculated Risk ကကျတော့
အောင်မြင်ဖို့ မျှော်လင့်ထားပေမယ့်
မအောင်မြင်ခဲ့ရင်တောင် ဘဝမပျက်သွားဖို့
ကြိုတင်တွက်ချက်ထားတဲ့ risk မျိုးပါ။

ဝန်ထမ်းဘဝကထွက်ပြီးတာနဲ့
ကိုယ်သေချာ Plan လုပ်ထားတဲ့
ကိုယ်ပိုင်လုပ်ငန်းကို စမ်းလုပ်တယ်။

အောင်မြင်ရင် အိုကေ။

မအောင်မြင်လို့ ရှုံးပြီဆိုရင်လည်း
ကိုယ်ခံနိုင်တဲ့ အရှုံးပမာဏအထိ အရှုံးခံပြီး
မတတ်သာတဲ့အဆုံးတော့ ဝန်ထမ်း
ပြန်လုပ်လို့ရတဲ့ Risk မျိုးပေါ့။

အဲဒီ Risk နှစ်မျိုးကို သိထားရင်
ဘာဆက်လုပ်ရမလဲ ဆက်တွေးလို့ရပြီ။

ကျွန်တော့အတွက်ကတော့
လက်ထဲမှာ ၁၀၀ ရှိထားရင် ၅၀
ဖိုးလောက်ကို Calculated Risk
ယူဖြစ်တယ်။

ကုန်ခါမှ ကုန်ပစေပေါ့။
ကုန်တော့လည်း အတွေ့အကြုံရတာပေါ့။

ရှိတဲ့ ၁၀၀ လေးနဲ့ ရောင့်ရဲတင်းတိမ်ပြီး
Middle class ဘဝလေးကို
အေးအေးချမ်းချမ်း ဖြတ်သန်းရတာထက်

၁၀၀ ရှိရင် ၅၀ကို Calculated Risk ယူပြီး
အတက်အကျ ကြမ်းတဲ့လုပ်ငန်းတွေမှာ
Invest လုပ်ရတာကို ပိုသဘောကျမိတယ်။

ရှုံးသွားတော့လည်း ၁၀၀ အထဲက
၅၀ ပဲဆိုတော့ ၅၀ ကုန်သွားတယ်
ဆိုတာထက် ၅၀ တောင်ကျန်သေးတယ်
ဆိုတဲ့ Mindset နဲ့ ဆက်ကြိုးစားရတာပေါ့။

ဒီတော့ ရောင့်ရဲတင်းတိမ်တတ်ရင်
Risk မယူပါနဲ့။

Next level ရောက်ချင်ရင်တော့
Risk ယူရတတ်ပါတယ်။ အဲဒီလို
Risk ယူတဲ့အခါမှာလည်း ကိုယ်ယူတဲ့
Riskက Calculated Risk ဖြစ်ဖို့တော့
သတိထားစေချင်တာပါ။

ကျွန်တော့ရဲ့နောက်ထွက်မယ့်စာအုပ်
နာမည်က Risk ဆိုတော့ Riskယူတာ နဲ့
ပတ်သက်တဲ့ အကြောင်းလေးတွေကို
သိသလောက်လေး Sharing လုပ်ပေး
လိုက်ပါတယ်။

Sint Nyi

13:56 20 thg 5, 2026

" ဝဋ် "

သူ့ဟာသူနေနေတဲ့ ရှဥ့်ကို ရအောင်
ဖမ်းပြီး လှောင်အိမ်ထဲထည့်တယ်။

ရှဥ့်က အပြင်ထွက်ချင်တော့
လှောင်အိမ်အထဲမှာ ဟိုကိုက်ဒီကိုက်
လုပ်တော့ အဲဒီလိုမကိုက်အောင်ဆိုပြီး ..

ရှဥ့်ရဲ့ သွားတွေကို ပလာယာနဲ့
ဆွဲနှုတ်ခဲ့တဲ့ ရက်စက်တဲ့ ဘဲကြီးအကြောင်း
စာတွေထဲ တစ်ခါထည့်ရေးခဲ့ဖူးတယ်။

အဲဒီဖြစ်ရပ်က လွန်ခဲ့တဲ့ နှစ်(၂၀)ကျော်က
ကိုယ့်မျက်စိ အရှေ့မှာဖြစ်ခဲ့တာ
ဆိုပေမယ့် အခုချိန်ထိကို
မမေ့နိုင်သေးသလို အဲဒီလို လုပ်ခဲ့တဲ့
လူကိုလည်းအခုထိ မမေ့သေးဘူး။

ဒီနေ့ ငယ်သူငယ်ချင်းတစ်ယောက်နဲ့
ပြန်ဆုံတော့ အဲဒီလူအကြောင်း
ပြန်ပြောမိရင်း ..

“အဲဒီဘဲက ရှောသွားပြီလေ” လို့
ပြောတာနဲ့ ဘာနဲ့ရှောတာလဲလို့
မေးလိုက်မိတော့

အမြန်လမ်းမှာ Accident ဖြစ်တာ၊
ဘယ်လောက်အထိ ဆိုးလဲဆိုရင်
သွားတွေပါ အကုန်ကျွတ်ထွက်ကုန်လို့
ရသလောက် ပြန်လိုက်ကောက်
လိုက်ရတယ်တဲ့။

ဒါပေမယ့်အသက်တော့ပြင်းတယ်။
ချက်ချင်း တော့ မဆုံးသွားဘူး။
ICU အထဲမှာ တစ်ပတ်လောက် နေပြီးမှ
ဆုံးသွားတယ်တဲ့။

အဲဒီသတင်းကြားကြားချင်းပဲ
သူ့ကို သနားမိတာထက်..

“ဝဋ်” နဲ့ " ကံကံ၏အကျိုး " ဆိုတာ
တကယ်ပါလားဆိုတဲ့အတွေးတွေ
ခေါင်းထဲဝင်လာတယ်။

ကိုယ်ကိုယ်တိုင်က ဘယ်ဘာသာဝင်မှ
မဟုတ်သော်ငြားလည်း

ဘာသာတရားတိုင်းရဲ့ ကောင်းတဲ့
အချက်တွေကို သဘောကျရင်
လက်တွေ့ လိုက်နာကျင့်သုံးတတ်တဲ့
အကျင့်ရှိတော့ ..

ဗုဒ္ဓအတိအလင်း ဟောခဲ့တဲ့
" ကံ၊ ကံ၏အကျိုး၊
ဝဋ်၊ သံသရာ၊ နောက်ဘဝ " ဆိုတာတွေကို
ယုံကြည်လက်ခံတဲ့သူတစ်ယောက်ပါ။

လူတိုင်းက စိုက်တဲ့အတိုင်း
ရိတ်ရတယ်။

ဗုဒ္ဓရှင် ကိုယ်တိုင်တောင်
အတိတ်ဘဝက လုပ်ခဲ့မိတဲ့
အမှားတွေကြောင့် ဘဝပေါင်းများစွာ
အကျိုးဆက်ကို ခံခဲ့ရတယ်ဆိုတာကို
ဇာတ်နိပါတ်တော်တွေထဲမှာ
အတိအလင်း ဟောကြားထားပြီးသား။

ဒီဘဝ မကောင်းတာလုပ်မိရင်
အဲဒီမကောင်းမှုရဲ့ အကျ်ိုးဆက်တွေကို
ဒီဘဝမှာပဲ ပြန်ပြီးခံရနိုင်သလို ..

ဒီဘဝ မခံရရင်လည်း နောက်ဘဝမှာတော့
သေချာပေါက် အဲဒီ အကျိုးဆက်တွေကို
ခံရမယ်လို့ အတိအလင်း
ဟောထားခဲ့ ပြီးသားပါ။

အဲဒီဟောကြားချက်တွေကို
သိသာသိကြပြီး ၊ သဘောမပေါက်ကြလို့သာ
ဝဋ်တွေ၊ ကံတွေ၊ သံသရာတွေကို
မကြောက်ဘဲ လူအချင်းချင်း ရက်စက်လိုက်၊
တိရိစ္ဆာန်လေးတွေကို ရက်စက်လိုက်
လုပ်နေကြတာလို့ ထင်တာပဲ။

ကိုယ်ကိုယ်တိုင်က ဗုဒ္ဓရဲ့ လမ်းစဥ်ကို
လိုက်တယ်။

ဗုဒ္ဓကို ယုံကြည်သက်ဝင်တယ်ဆိုရင်
ဗုဒ္ဓ ဟောထားခဲ့တဲ့ ..

“ဝဋ်ဆိုတာ လူမပြောနဲ့
ဘုရားတောင် ရှောင်လွှဲလို့မရဘူး”
ဆိုတာကို ပြန်ပြီး ဆင်ခြင်မိစေချင်ပါတယ်။

ကျွန်တော်နားလည်ရသလောက်
ကံဆိုတာ အလုပ်ပါ။

ကောင်းတဲ့ကံ ဆိုတာ
ကောင်းတဲ့ အလုပ်။

မကောင်းတဲ့ကံ ဆိုတာ
မကောင်းတဲ့အလုပ်ပဲ။

ကောင်းတဲ့အလုပ်ရဲ့
အကျိုးဆက်ကို အခုဘဝမှာဖြစ်ဖြစ်
နောက်ဘဝမှာဖြစ်ဖြစ်
မလွဲမသွေ ခံစားရမှာဖြစ်သလို

မကောင်းတဲ့အလုပ်ရဲ့
အကျိုးဆက်ကိုလည်း
ဒီဘဝမဟုတ်ရင်တောင် နောက်ဘဝ
ပြန်ပြီး ခံရမှာ အသေအချာပဲ။

ဒါကြောင့် လူလူချင်း ရက်စက်တဲ့
လုပ်ရပ်ဖြစ်ဖြစ် ..

တိရိစ္ဆာန်လေးတွေကို
ရက်စက်တဲ့ လုပ်ရပ်ဖြစ်ဖြစ် ...

တစ်နေ့မှာတော့ ကိုယ်လုပ်ခဲ့တဲ့
အကျိုးအပြစ်တွေကို ပြန်ခံရမှာဖြစ်သလို

လူလူချင်း ကူညီဖေးမခဲ့တာတွေ၊
သတ္တဝါလေးတွေအပေါ် သနားကြင်နာ
မေတ္တာထားပြီး ဆက်ဆံခဲ့တဲ့
အကျိုးတွေကိုလည်း ပြန်ပြီးခံစားကြရမှာ
အသေအချာပါပဲ။

ဘာရယ်မဟုတ်ဘူး။ ရက်စက်တတ်တဲ့
လူတစ်ယောက်ရဲ့ ဆိုးဝါးတဲ့
ထွက်သက်အကြောင်းကိူ
ကြားမိတော့ ...

ဘုရားရှင် ဟောထားတဲ့ ..

“လူတွေက ကိုယ်လုပ်ခဲ့တဲ့
လုပ်ရပ်အတိုင်း အနှေးနဲ့အမြန်
ပြန်ပြီး ပေးဆပ်ရတယ်” ဆိုတဲ့ စကားကို
ပိုပြီး ဆင်ခြင်လာခဲ့မိပါတယ်။

" ကံ၊ ကံ၏အကျိုး၊
ဝဋ်နဲ့ သံသရာ " ကို
လက်ခံထားတယ်ဆိုရင်
လူအချင်းချင်း မေတ္တာထားဖို့နဲ့တင်
မလုံလောက်သေးဘဲ ..

ကိုယ်ပေးမှကျွေးမှ ကိုယ်ချမ်းသာပေးမှ
အနေအစား အဆင်ပြေမယ့်
သတ္တဝါလေးတွေကိုပါ မေတ္တာထားပြီး
ဆက်ဆံဖို့ လိုတယ်ဆိုတာကို
ကိုယ်သိသလောက်လေး
Sharing လုပ်ပေးလိုက်ပါတယ်။

Sint Nyi
21.1.26

Sint Nyi

13:56 20 thg 5, 2026

ဒီနောက်ပိုင်း ကြုံနေရတဲ့
ပြဿနာတစ်ခုက မိတ်ဆက်ပေးရင်း
ဖြစ်တဲ့ပြဿနာဗျ။

ဥပမာ ကိုယ်က ကိုယ့်အသိ မောင်ဖြူနဲ့
တစ်နေရာကို သွားရင်းနဲ့ လမ်းမှာ
မောင်နီနဲ့အမှတ်မထင် တွေ့တော့
မောင်ဖြူနဲ့မောင်နီကို မိတ်ဆက်
ပေးလိုက်တာပေါ့။

ဒါနဲ့ တွေ့တုန်းခဏလေး မိတ်ဆက်ကြ၊
စကားတွေပြောကြ ၊ ဖုန်းနံပတ်တွေ
ဖလှယ်ကြနဲ့ လူချင်းသိသွားကြတာပေါ့။

ဒီလိုနဲ့ လေးငါးခြောက်လလောက်ကြာတော့
မောင်ဖြူက ဖုန်းဆက်လာတယ်။

ဟိုတစ်ခါ ကိုယ်မိတ်ဆက်ပေးလိုက်တဲ့
မောင်နီနဲ့ အလုပ်တစ်ခု အတူတူ
လုပ်ရင်းနဲ့ ငွေသိန်းရာဂဏန်းအလိမ်ခံရလို့
အဲဒါမောင်နီဆီကနေ တောင်းပေးပါလားတဲ့။

ကိုယ်လည်းတော်တော်အံ့သြသွားတယ်။

ဒါနဲ့ ...

ခင်ဗျားတို့နှစ်ယောက် အမှတ်မထင်
ဆုံကြလို့ လူမှုရေးအရ
မိတ်ဆက်ပေးတာကလွဲရင် ကျန်တာ
ကျွန်တော် ဘာမှမသိဘူးလို့။

ခင်ဗျားတို့အချင်းချင်း ဆက်သွယ်ကြ၊
ညှိနှိုင်းကြ ၊ အလုပ်လုပ်ဖို့ စီစဥ်နေကြတဲ့
အချိန်တုန်းကတော့ အသိမပေးဘဲ ..

အလိမ်ခံရတဲ့ အချိန်မှ
လာအသိပေးတာတော့ကိုယ်လည်း
မကူညီနိုင်ဘူး။ ကိုယ့်ဟာကိုယ်
ပြေလည်အောင် ရှင်းကြပဲ
ပြောဖြစ်လိုက်တယ်။

အဲဒီလိုကိစ္စတွေက ကိုယ်မှမဟုတ်ဘူး။
ကိုယ့်အသိတွေလည်း ကြုံရကြတတ်လို့
ရေးပေးဖြစ်တာပါ။

✅ ထပ်ပြီး အသိပေးချင်တာက

- ကျွန်တော် မိတ်ဆက်ပေးလို့ပဲဖြစ်ဖြစ်၊
- ကျွန်တော်နဲ့ အတူတူသွားလာနေတာမျိုး
မြင်ဖူးလို့ပဲဖြစ်ဖြစ်၊
- ကျွန်တော်နဲ့ FB မှာ အပြန်အလှန်
Comment ပေးနေတာမျိုးရှိနေပါစေ

✅ " ကျွန်တော်သည် ကိုယ့်ကိုယ်ကိုကလွဲရင်
ဘယ်လူပုဂ္ဂိုလ်ကိုမှ အာမမခံနိုင်
တာဝန်မယူနိုင်ဘူးဆိုတာ
အသိပေးချင်တာပါ "

ဒီခေတ်ကြီးမှာ ဟိုလူနဲ့သိတယ်
ဒီလူနဲ့သိတယ်ဆိုတိုင်းလည်း
အလွယ်တကူ မယုံကြည်ကြပါနဲ့။

ဟိုလူနဲ့သိတိုင်း ဟိုလူ့လို အကျင့်စရိုက်
မဟုတ်သလို ဒီလူနဲ့သိတိုင်းလည်း
ဒီလူ့လို အကျင့်စရိုက် မဟုတ်ကြပါဘူး။

ဥပမာ ကျွန်တော်နဲ့ သူတော်စင်တစ်ပါးနဲ့
ပုံတစ်ပုံထဲမှာ တွဲပြီးမြင်ဖူးရုံနဲ့ ကျွန်တော့ကို
သူတော်စင် လို့မထင်စေချင်တာ။

ကျွန်တော်နဲ့ ကိုယ်ကျင့်တရားကောင်းတဲ့
လုပ်ငန်းရှင်တစ်ဦးနဲ့ တစ်ဝိုင်းထဲ
ထိုင်နေတာကို မြင်ဖူးရုံနဲ့ ကျွန်တော့ကို
ကိုယ်ကျင့်တရားကောင်းတဲ့သူဌေးလို့
မမြင်စေချင်တာ။

အခုခေတ်လူလိမ်တွေက သိပ်ပြီး
ပါးနပ်ကြတယ်။ ဟန်ဆောင်တတ်ကြတယ်။
အသွင်ယူတတ်ကြတယ်။
နေရာလည်း ယူတတ်ကြပြီး
အယုံသွင်းတတ်ကြလို့
သတိထားစေချင်တာပါ။

✅ ငွေရေးကြေးရေးကြေးနဲ့ပတ်သက်ပြီး
အလုပ်လုပ်ကြည့်မှပဲ လူတစ်ယောက်ရဲ့
အတွင်းစိတ်အမှန်ကိုသိရတာပါ။

ဒါကြောင့် ဘယ်သူ့ကိုမဆို
သတိထားကြပါ။

ကိုယ်တိုင်လည်း ကိုယ်ကိုယ်ကိုတောင်
လူလိမ်မဖြစ်ဖို့ သတိထားရှင်သန်နေရတဲ့ ကာလကြီးမှာ ဘယ်သူ့ ဘယ်သူကိုမှ
အာမမခံချင်တာပါ။

ပြီးတော့ ကျွန်တော်နဲ့သိတဲ့
လူတစ်ယောက်နဲ့အလုပ်လုပ်တော့မယ်
ဆိုရင် သူ့အကြောင်း အရင်လာမေးပါ။

သူနဲ့ပတ်သက်ပြီး သိသင့်သိထိုက်တာမျိုး
အကုန်ပြောပြပေးမှာ ဖြစ်ပေမယ့် ..

ကိုယ့်ဟာကိုယ် အလုပ်အတူတူလုပ်ကြပြီး
ပြဿနာတက်ရင်တော့ ကိုယ့်ဟာကို
ရှင်းကြဖို့ကို ကြိုပြီးမေတ္တာရပ်ခံချင်တာပါ။

ဒီခေတ်ကြီးမှာ ကိုယ့်ကိုယ်ကိုတောင်
အာမခံနိုင်ဖို့ မနည်းကြိုးစားနေရလို့
တခြားဘယ်သူ့ဘယ်သူကိုမှ
အာမမခံနိုင်လို့ပါ။

Sint Nyi
29.1.26

Sint Nyi

13:56 20 thg 5, 2026

လူတိုင်းမှာ " ရှင်သန်စရာအကြောင်းအရင်း "
ဆိုတာ ရှိတယ်။

ဘဝကိုနေ့တိုင်း အဓိပ္ပာယ်ရှိရှိနဲ့
ဆက်ပြီး ရှင်သန် နေဖြစ်တဲ့
အကြောင်းအရင်းပေါ့။

" ရှင်သန်စရာ အကြောင်းအရင်း "
မရှိတော့လို့ ဘဝကို အရှုံးပေးသွားတဲ့
ကမ္ဘာကျော် အနုပညာရှင်တွေ ၊
သူဌေးသူကြွယ်တွေ အများကြီး
ရှိခဲ့သလို ...

" ရှင်သန်စရာ အကြောင်းအရင်း "
ရှိနေတဲ့လူ ကျပြန်တော့လည်း
ခြေထောက်တစ်ဖက် မရှိတော့တာတောင်
ချိုင်းထောက်တစ်ချောင်းနဲ့
ပန်းတွေလိုက်ရောင်းနေတာကို
မြင်ခဲ့ဖူးပါတယ်။

ကိုယ့်အလှည့်တုန်းကတော့ မိသားစု
မျက်နှာငယ်ပြီး ကျန်ရစ်ခဲ့ကြမှာစိုးလို့
ဘဝကို အဆုံးမသတ်ဖြစ်ခဲ့တာဆိုတော့
မိသားစုက ကိုယ့်ရဲ့ " ရှင်သန်စရာ
အကြောင်းအရင်း " ပေါ့။

လူဖြစ်တဲ့အတွက် လဲကျတဲ့
အချိန်တွေရှိမယ်။ နာကျင်ရတဲ့
အချိန်တွေရှိမယ်။
သစ္စာဖောက်ခံရတဲ့ အချိန်တွေလည်း
ရှိမှာပဲ။

အဲဒါတွေ ကြုံလာရင်
ပြိုလဲလို့ ရတယ်။
စိတ်ဓာတ်ကျလို့ ရတယ်။
ဝမ်းနည်းကြေကွဲ လို့လည်း ရတယ်။

ဒါပေမယ့် ...

ကိုယ့်ရဲ့ " ရှင်သန်စရာ အကြောင်းအရင်း "
ကိုမေ့မသွားဖို့ကလည်း သိပ်အရေးကြီးတယ်။

သင့် ရဲ့ " ရှင်သန်စရာအကြောင်းအရင်း"
က မိဘဖြစ်ရင်ဖြစ်မယ်။
သားသမီးဖြစ်ရင်ဖြစ်မယ်။

လက်တွဲဖော် ဖြစ်ရင်ဖြစ်မယ်။
ဘာသာတရား ဖြစ်ရင်ဖြစ်မယ်။
မွေးထားတဲ့ တိလေးတွေ
ဖြစ်ရင်လည်း ဖြစ်နေနိုင်တာပဲ။

တစ်ခုမဟုတ် တစ်ခုပေါ့။

လူဆိုတဲ့အမျိုးက မခံနိုင်တဲ့
ဖိအားတွေ ၊ နာကျင်မှုတွေ
ကြုံလာရတဲ့အခါမျိုးတွေမှာ ..

" ရှင်သန်စရာအကြောင်းအရင်း " ကို
ရုတ်တရက် မေ့သွားတတ်ကြပြိီး
ဘဝကို လွယ်လွယ်နဲ့
အရှုံးပေးချင်စိတ်တွေပေါ်လာတတ်ကြလို့..

ကိုယ် မဖြေရှင်းနိုင်တော့ဘူးလို့ ထင်ရတဲ့
ပြဿနာတွေကြုံလာခဲ့ရင်
လွယ်လွယ်နဲ့ အရှုံးမပေးဖို့
သတိပေးချင်တာပါ။

အဲဒီလို မခံနိုင်တဲ့ Pressure တွေကြုံလာခဲ့ရင်
သင်ရဲ့ " ရှင်သန်စရာအကြောင်းအရင်း " လေးတွေကို ပြန်သတိရပါ။

သူတို့တွေအတွက် ဆက်ပြီး ရှင်သန်ပါ။

သူတို့တွေအတွက် ဆက်ပြီး အပင်ပန်းခံပါ။

သူတို့တွေ မျက်မှာငယ်ပြီးကျန်ခဲ့ရမယ့် ဘယ်ကိစ္စကိုမှ မလုပ်မိပါစေနဲ့။

ဒီစာဖတ်ပြီးရင် ကိုယ်ရဲ့
" ရှင်သန်စရာအကြောင်းအရင်း" က
ဘယ်သူလဲဆိုတာကို မျက်စိထဲ
တန်းမြင်လာလိမ့်မယ်။

ဘဝက ဘယ်လောက်ခက်ခဲ နေပါစေ ၊
အဲဒီ " ရှင်သန်စရာအကြောင်းအရင်း"
လေးတွေအတွက် ကြိုးစားပြီးရှင်သန်ဖို့
ဒီစာလေးနဲ့ တိုက်တွန်း
ခွန်အားပေးချင်ပါတယ် ညီအကိုမောင်နှမတို့။

Sint Nyi
2.2.26

Sint Nyi

22:25 30 thg 4, 2026

" စိတ်ကိုနိုင်တဲ့လူက
အရာရာကို နိုင်ပါတယ် "

အရင်ကထက် အလုပ်တွေ
အဆင်ပြေနေတာကို မြင်တော့
မန်နေဂျာလေး က

" အကို့အနေ အထားကြ်ီးနဲ့
ဘာလို့ ဒီကားလေး စီးနေတာလဲ။
ဒီထက်ကောင်းတဲ့ကားတွေ
စီးသင့်နေပြီ" လို့ ပြောလာလို့ ...

" စီးနိုင်တိုင်း မစီးတာ ပညာပဲညီလေး"
လို့ ပြန်ပြောဖြစ်ခဲ့တယ်။

ကုန်ပစ္စည်းတစ်ခုကို မဝယ်နိုင်လို့
မဝယ်တာက ပညာ မဟုတ်ပေမယ့်၊
ဝယ်နိုင်ရဲ့သားနဲ့ မဝယ်တာကသာ
ပညာပါ။

ကိုယ့်ဘဏ်အကောင့်ထဲမှာ
သိန်းဆယ် ဂဏန်းရှိနေတဲ့အချိန်
နောက်ဆုံးပေါ်ဖုန်း မဝယ်မိအောင်
ထိန်းဖို့ထက်

ဘဏ်အကောင့်ထဲမှာ သိန်းထောင်ဂဏန်း
ရှိနေတဲ့အချိန် မဝယ်မိအောင်
ထိန်းဖို့က ပိုခက်ပါတယ်။

မဝယ်နိုင်လို့ မဝယ်တာထက်
ဝယ်နိုင်ရဲ့သားနဲ့ ဒါကငါ့အတွက်
တကယ် လိုအပ်လား၊ မလိုအပ်ဘူးလား။

သေချာ စဥ်းစားချင့်ချိန်တတ်ဖို့လည်း
လိုပါတယ်။

ဒါကြောင့်လည်း ငွေရှာရတာထက်
ရှာထားတဲ့ငွေကို ထိန်းသိမ်းရတာ
ပိုခက်တယ်လို့ အမြဲပြောဖြစ်နေတာ။

ကိုယ်လည်း အရမ်းရင့်ကျက်လွန်းလို့
ဒါတွေပြောနေတာ မဟုတ်ပါဘူး။

အကောင့်ထဲမှာ သိန်းရာဂဏန်းလေး
ရှိလာပြီဆိုရင် ကိုယ်ပိုင်အိမ်တောင်
မရှိသေးဘဲနဲ့ ၊

ကားမော်ဒယ်အမြင့်လေး စီးချင်
ဖုန်းအသစ်ထွက်တိုင်း ကိုင်ချင်
ပြည်ပ ခရီးစဥ်လေးသွားချင်တွေ
လုပ်ခဲ့ရင်း ခွေးဖြစ်ဖူးလို့
ကိုယ့်လိုမဖြစ်စေချင်လို့
ပြန်သတိပေးတာပါ။

ကိုယ့်ဘဝမှာ ဘယ်အရာက
ပိုအရေးကြီးလဲဆိုတာကို
ကိုယ်တိုင် သိစေချင်တာ။

အဓိက နဲ့ သာမညကို
ကွဲစေချင်တာ။

ငွေရေးကြေးရေး တစ်သက်တာ
စိတ်မပူရတော့တဲ့လူတွေအတွက်
ကားထည်လဲ စီးတာ
ဖုန်းထည်လဲ ဝယ်တာ
ကိစ္စမရှိပေမယ့် ၊

ပုံမှန်ဝင်ငွေ ၊ ကိုယ်ပိုင်အိမ်၊
ကိုယ်ပိုင်ကား၊ မိသားစု
ကျန်းမာရေးအတွက် အရေးပေါ်ငွေ၊
အလုပ်မလုပ်ချင်လို့ အိပ်နေရင်တောင်
ငွေဝင်နေမယ့် Investment မျိုးတွေ
မရှိထားသေးရင် စိတ်ကို ထိန်းစေချင်တာပါ။

ဝယ်နိုင်တိုင်း ဝယ်လိုက်တာ
ပညာ မဟုတ်ဘူး။

ဝယ်နိုင်ရဲ့နဲ့ လိုအပ်လား မလိုအပ်ဘူးလား
သေချာစဥ်းစားချင့်ချိန်တတ်တာကသာ
ပညာပါ။

ဒီလိုပြောလို့ ရှာသမျှအကုန်လုံး
မစားရက် မသောက်ရက်နဲ့
ခြစ်ကုတ်ပြီး စုရမယ်။ အငတ်ခံရမယ်
ပြောချင်တာမဟုတ်ဘူး။

ကိုယ့် Level လေးနဲ့ကိုယ်နေပြီး
ကိုယ့်ဘဝကိုယ်သိဖို့ ပြောချင်တာ။

လိုအပ်တဲ့အရာအတွက် သုံးပြီး
မလိုအပ်တဲ့အရာအတွက်
မသုံးဖို့ သတိပေးချင်တာ။

" မလိုအပ်တာတွေ ဝယ်တာများရင်
လိုအပ်နေတဲ့ အရာတွေပါ
ထုတ်ရောင်းရတတ်တယ်" ဆိုတာကို
မမေ့ပါနဲ့။

ကျွန်တော်တို့တွေ အများစုက
ငွေရှာနိုင်ပေမယ့် ငွေကို မစီမံ
မခန့်ခွဲတတ်လို့ ပြဿနာတက်နေကြတာပါ။

ငွေဘယ်လောက်ပဲရှာနိုင် ရှာနိုင်
မစီမံမခန့်ခွဲတတ်ရင် ပြန်ကုန်တာပါပဲ။

ငွေကို စီမံခန့်ခွဲတတ်ဖို့ကလည်း
ဘာသင်တန်း ညာသင်တန်းတွေ
လျောက်တက်နေတာထက်

ကိုယ့်စိတ်ကို ကိုယ်နိုင်ဖို့
လေ့ကျင့်တာသည်သာ အကောင်းဆုံးပါ။

စိတ်မနိုင်ဘဲနဲ့ ဘာသင်တန်းတက်တက်
ဘယ်ဆရာဆီမှာ တပည့်ခံခံ
ဘာမှမထူးပါဘူး။

စိတ်ကို နိုင်ဖို့ အရင်လေ့ကျင့်ပါ။
စိတ်ကိုနိုင်တဲ့ လူက အရာရာကို
နိုင်ပါတယ်။

ဘဏ်အကောင့်ထဲမှာ ရှိတဲ့
သိန်း ဆယ်ဂဏန်းကို ပိုတိုးပွါးလာဖို့
စီမံခန့်ခွဲ နိုင်ဖို့ ကြိုးစားပါ။

ဆယ်ဂဏန်းကို စီမံခန့်ခွဲတတ်သွားရင်
ရာဂဏန်း Level ကိုရောက်လာမယ်။

ရာဂဏန်းကို စီမံခန့်ခွဲတတ်သွားရင်
ထောင်ဂဏန်း Level ကိုရောက်လာမယ်။

ထောင်ဂဏန်း Level ကိုစီမံခန့်ခွဲတတ်သွားရင်
သိန်းသောင်းဂဏန်း Level ကို
ရောက်လာမယ်။

အခု ဘဏ်အကောင့်ထဲမှာ
ဆယ်ဂဏန်းပဲရှိသေးလို့ မထူးပါဘူး
ဒါလေးပဲ ဝယ်လိုက်တော့မယ်။
ပြီးမှ အစက ပြန်စုမယ် ဆိုတဲ့စိတ်
ရှိနေရင် သေချာ ပြန်ထိန်းပါ။

Level တစ်ခုရောက်ဖို့
သုညက စရတာထက် ဆယ်ဂဏန်းက
စရတာပိုလွယ်ကူပါတယ်။

ငွေရှာရတာ တစ်နေ့ထက်တစ်နေ့
ပိုခက်ခဲနေတဲ့ခေတ်ကြီးမှာ
မလိုအပ်တာတွေ မဝယ်မိဖို့။

ပတ်ဝန်းကျင်မှာ သုံးပြနေတာတွေကို
အားမကျမိဖို့။ ကိုယ့်ဘဝကိုယ်သိဖို့။
ဒီစာလေးနဲ့ သတိပေးချင်တာပါ။

Sint Nyi
23.9.25

Sint Nyi

22:25 30 thg 4, 2026

မွဲသာ မမွဲမိခဲ့ရင်
အရင်က အကျင့်ဆိုးတွေကြောင့်
အခုလို အဆင်ပြေနေတဲ့ ဘဝကို
ဘယ်တော့မှ ရောက်လာမှာ မဟုတ်ပါဘူး။

ဒီတော့ သဘာဝဘေးအန္တရာယ်ကြောင့်ပဲ
ယာယီ ဆင်းရဲဆင်းရဲ၊

ကိုယ့် အပြစ်ကြောင့်ပဲ
ယာယီ ဆင်းရဲဆင်းရဲ၊

သူတပါး အပြစ်ကြောင့်ပဲ
ယာယီဆင်းရဲသွားပါစေ ...

အရာရာက ပိုကောင်းဖို့
ဖြစ်လာတာ ...

ဒီအဖြစ်ဆိုးတွေကြောင့်သာ
ငါကပိုပြီး သန်မာလာတာ ...

ဒီအဖြစ်ဆိုးတွေကြောင့်သာ
အရင်ထက် အဆပေါင်းများစွာ
သာတဲ့ဘဝကို ငါရလာတော့မှာ
ဆိုတဲ့စိတ်ကို မွေးပါ။

" ကိုယ့်ကိုယ်ကို ချစ်ပါ။
ကိုယ့်ကိုယ်ကို မပျက်စီးအောင်နေပါ။
ကိုယ့်ကျန်းမာရေးကို ဂရုစိုက်ပါ။
ငွေရေးကြေးရေး ကတိတည်ပါ။

အပူစာရှောင်ပြီး သမ္မာအာဇီဝအလုပ်
အကုန် လုပ်ပါ။
ကိုယ်ချင်းစာတရား ထားပါ။
သူတပါးကို တတ်နိုင်တာကူညီပါ။ "

ကျွန်တော်တော့ မွဲနေတဲ့ကာလအတွင်း
အရာရာ ကောင်းဖို့ဖြစ်လာတာဆိုတဲ့
စိတ်ကို ခေါင်းထဲရိုက်ထည့်ပြီး ၊

လုပ်န်ိုင်သလောက် လုပ်ရင်းနဲ့
အရင်ဆုံးရှုံးခဲ့တာတွေထက်
ဆယ်ဆမကကို ပြန်ရှာနိုင်ခဲ့ပါတယ်။

ဒီလိုပြန်ရှာနိုင်တာကလည်း
သူများထက်တော်နေလို့ တတ်နေလို့
လူကောင်းသူကောင်းဖြစ်နေလို့
ပြန်ရှာနိုင်ခဲ့တာမဟုတ်ပါဘူး။

ထိုင်ပြီးစိတ်ညစ်နေလို့လည်း
ဘာမှမထူးမယ့်အတူတူ
အရာရာကောင်းဖို့ဖြစ်လာတာပဲ
ဆိုတဲ့ စိတ်လေးနဲ့ နိုင်သလောက်လေး
လုပ်ရင်းနဲ့ ပြန်အဆင်ပြေလာတာပါ။

ကျွန်တော့လို ဘာမှမဟုတ်တဲ့လူတောင်
သုညမက အနှုတ်ပြနေတဲ့
ရေဘေးဒုက္ခသည်ဘဝကနေ
ပြန်ပြီးအဆင်ပြေလာခဲ့တာ၊

မိတ်ဆွေတို့လည်း
မဖြစ်လာနိုင်စရာ မရှိပါဘူး။

မဖြစ်လာသေးတာပဲရှိတာပါ။

လူတိုင်းမှာ သူ့အချိန်နဲ့သူရှိတယ်။
အခုကျွန်တော့အချိန်ရောက်လို့
ကျွန်တော်ကစောပြီး အဆင်ပြေလာသလို
မိတ်ဆွေရဲ့အချိန်ရောက်ရင်လည်း
မိတ်ဆွေ ပြန်အဆင်ပြေလာမှာဆိုတာ
ကျွန်တော် ယုံကြည်ပါတယ်။

ဒီခရီးက ကျွန်တော် လျှောက်ခဲ့ဖူးတဲ့
လမ်းမလို့ ဆောင်ရန်ရှောင်ရန်
လေးတွေကို သိသလောက်လေး
Guideline ပြန်လုပ်ပေးတာပါ။

ကျွန်တော်ပြောနေကျစကားတစ်ခွန်း
ရှိတယ်။

" စိတ်ကို နိုင်အောင်လုပ်။
စိတ်ကိုနိုင်တဲ့လူက အရာအားလုံးကို
နိုင်တယ် " ဆိုတဲ့ အတိုင်း ..

မိမိစိတ်ကို အမြဲတမ်း
အကောင်းဘက်ကတွေးနိုင်ဖို့ ကြိုးစားပြီး
ဘဝကို အစကပြန်ကြိုးစားဖို့
ကိုယ်တွေ့ဖြစ်ရပ်လေးနဲ့ ပြန်ပြီး
အားပေးလိုက်ပါတယ်။

ရွေးချယ်စရာ ဘာမှမရှိတော့တဲ့အခါ
ဆက်ပြီးသန်မာဖို့ကိုပဲ ရွေးချယ်ပါ
ညီအကိုမောင်နှမတို့။

Sint Nyi
18.9.25

Sint Nyi

22:25 30 thg 4, 2026

" ရွေးချယ်စရာ ဘာမှမရှိတော့တဲ့အခါ
ဆက်ပြီးသန်မာဖို့ကိုပဲ ရွေးချယ်ပါ "

ဘဝမှာ ကိုယ့်အပြစ်ကြောင့် မဟုတ်ပဲ
ဆင်းရဲမွဲတေ သွားတာမျိုးတွေဆိုတာ
ကြုံလာရတတ်ပါတယ်။

တချို့က သဘာဝဘေး
အန္တရာယ်ကြောင့် ...

တချို့က မိသားစုဝင်
တစ်ဦးဦးရဲ့ အမှားကြောင့် ...

တချို့က ကျန်းမာရေးကြောင့် ..
အမျိုးမျိုးပေါ့။

ကိုယ်တိုင်လည်း
အဲဒီလို အဖြစ်မျိုးကြုံခဲ့ရဖူးတော့
အဲဒီခံစားချက်ကို ကောင်းကောင်း
နားလည်ပါတယ်။

အသုံးနဲ့အဖြုန်းကို မချင့်ချိန်တတ်လို့
ယိုင်နဲ့နဲ့ ဖြစ်နေချိန်မှာ
သဘာဝဘေးနဲ့ ကြုံတော့
ကုန်းကောက်စရာ မရှိအောင်ကို
မွဲခဲ့ဖူးပါတယ်။

ကိုယ်မွဲတာကတော့
ကိုယ်အသုံးမကျလို့က များများ
ရေဘေးကြောင့်က နည်းနည်းဆိုတော့
ခံသာသေးပေမယ့် ...

ဘာအမှားမှလည်း မလုပ်ထားမိဘဲ
စစ်ဘေး၊ မီးဘေး၊ ရေဘေး၊
ငလျင်ဘေးတွေကြောင့်
ရှိသမျှအရာအားလုံး
ဆုံးရှုံးသွားရတဲ့ လူတွေဆို
ပိုလို့တောင် ခံရခက်ကြမှာပါ။

" ငါတို့ဘာများ မှားသွားလို့လဲ။"

" ငါတို့ အရင်ဘဝက သူများကို
ဘာလုပ်ခဲ့မိလို့လဲ။"

" ငါတို့ဒီလောက် ကောင်းအောင်
နေထိုင်နေတာတောင် ဘာလို့
ဒီလိုအဖြစ်ဆိုးမျိုး ကြုံရတာလဲ "
အစရှိတဲ့ မေးခွန်းတွေ ပြန်မေးမိကြမှာပဲ။

ကိုယ့်တုန်းကလည်း " ငါဘာအပြစ်
လုပ်မိလို့ ငါ့မှာရှိတာတွေ အကုန်
ရေထဲပါသွားတာလဲ " လို့ ခဏခဏ
ပြန်မေးမိပြီး ကိုယ့်ကိုယ်ကို
ခဏခဏ အပြစ်တင်မိတယ်။

" ငါက မရှိသင့်တဲ့နေရာမှာ
ရှိနေမိလို့ အခုလိုကြုံရတာလား။"

" ငါ့ဘဝကို ဘယ်လိုပြန်စရမလဲ "
စတဲ့မေးခွန်းပေါင်းများစွာနဲ့ ..
အိပ်မပျော်ခဲ့ရတဲ့ညတွေ
များခဲ့ဖူးပါတယ်။

ကိုယ့်တုန်းက ရေကြီးလို့
ပါသွားတာပိုင်ဆိုင်မှု အကုန်နီးနီး
ဖြစ်တဲ့အပြင် သူများဆီက
ချေးထားတာတွေပါ ပါသွားတာဆိုတော့
မွဲရုံတင်မကဘူး အကြွေးပါ
တင်ပြီး ကျန်ခဲ့တာ။

ဒီကြားထဲ တရားစွဲခံရတဲ့
အမှုက (၂) မှု။

ဘဝက တော်တော်ကြီးကို
စုတ်ပျက်သတ်သွားခဲ့တာ။

ဒီတော့ နေ့တိုင်း ပြန်စဥ်းစားမိတယ်။
" ငါ့ကျမှ ဘာလို့ ဒါမျိုးတွေ
ကြုံရတာလဲ "

" ငါ့မှာ ဘာအပြစ်ရှိလို့လဲ"

အမျိုးမျိုးတွေးပေမယ့် အဖြေမရ
ခဲ့ပါဘူး။

စိတ်က ဘယ်အချိန်မှ ပြန်အဆင်ပြေလဲ
ဆိုတော့ " ဘာကြောင့်ဖြစ်ဖြစ်
ထားလိုက်တော့ "

" အဖြေရှာမရတာကြီးကို
ထိုင်စဥ်းစားပြီး ထိုင်စိတ်ညစ်နေလို့လည်း
ဆုံးရှုံးသွားတာ တွေ
ပြန်ရလာမှာမှ မဟုတ်တာ။ "

Everything happens for a reason
ဆိုတဲ့ စကားအတိုင်း တစ်နေ့နေ့
သူ့ဟာနဲ့သူ ပြန်သိလာရမှာပဲ။

ဒီတော့ ငါလည်း လုပ်စရာရှိတာ
ဆက်လုပ်နေမှ ဖြစ်မယ်လို့
တွေးမိရင်းနဲ့ ကိုယ်ကိုယ်ကို
အားတင်းပြီး ရှေ့ဆက်ဖြစ်ခဲ့တာပါ။

" ရွေးချယ်စရာ ဘာမှမရှိတော့တဲ့အခါ
ဆက်ပြီးသန်မာဖို့ကိုပဲ ရွေးချယ်ပါ "
ဆိုတဲ့ ကျွန်တော့ ဆောင်ပုဒ်အတိုင်း
တခြားရွေးစရာလည်း လမ်းမရှိတော့
ဆက်ပြီးပဲ သန်မာရတော့တာပေါ့။

ရှိသမျှအကုန် ဆုံးရှုံးသွားတဲ့
အချိန်မှာ ဘဝကို ပြန်စဖို့
အရင်ဆုံးလိုအပ်တဲ့ အရာက
" စိတ်ဓာတ်ပါ။"

အရင်ကလည်း ငါသုညက
စခဲ့ပြီး သုညဘဝ ပြန်ရောက်သွားခဲ့တာ။

အခုလည်း သုညကပြန်စမယ်
အရင်ထက် သာတဲ့ Level
ရောက်တဲ့အထိ ငါပြန်ကြိုးစားမယ်ဆိုတဲ့
ခိုင်မာတဲ့စိတ်ကလေးတော့
လိုအပ်ပါတယ်။

ဖြစ်လာသမျှကို " ငါမကောင်းလို့"
" အတိတ်ဘဝက ဘာလုပ်မိလို့ "
ဆိုပြီး ကိုယ့်ကိုယ်ကို
အပြစ်တင်နေတာထက်

" အရာအားလုံးက ကောင်းဖို့
ဖြစ်လာတာ။ ငါဒီထက်ကောင်းတဲ့
ဘဝကို ရဖို့ ဒါတွေ ကြုံခဲ့ရတယ် "
ဆိုတဲ့ Mindset ကို ရအောင်မွေးပါ။

ဘဝ ပြန်တည်ဆောက်ရမယ့်
ကာလက ခဏလေး မဟုတ်ပါဘူး။
နှစ်နဲ့ချီကြာမှာမလို့ စိတ်ဓာတ်ကို
အထူးသန်မာအောင် ထားနိုင်ဖို့
လိုပါတယ်။

ကျွန်တော် အမြဲပြောနေကျစကားလိုပဲ
ဘဝမှာ အမှောင်ဆုံးအချိန်
ရောက်ခဲ့ပြီးပြီဆိုရင် ဒီထက်
ပိုမှောင်လာစရာ မရှိတော့ပါဘူး။

ရှေ့လျှောက် ဒီထက်ပိုပြီး
လင်းလာဖို့ပဲ ရှိတော့မှာပါ။

ကျွန်တော် ကိုယ်တွေ့အတွေ့အကြုံ
အရတော့ လုံးဝ မွဲပြာကျသွားတဲ့
ဘဝကနေ သန့်ရှင်းတဲ့ဝင်ငွေနဲ့
အရင်ထက် အဆပေါင်းများစွာ
မြင့်မားတဲ့ ဘဝကို ပြန်ရနိုင်တာတော့
ကိုယ်တွေ့ပါ။

( ငွေကိုဘယ်လိုလုပ်ငန်းတွေနဲ့
ပြန်ရှာခဲ့လဲဆိုတဲ့အကြောင်း
အသေးစိတ်ကို သဘက်ခါထွက်မယ့်
TRUST စာအုပ်ထဲမှာ ရေးပေးထားလို့
ကြုံကြိုက်ရင် ဝယ်ဖတ်ကြည့်ဖို့
တိုက်တွန်းချင်ပါတယ်)

မွဲမှာကို မကြောက်ပါနဲ့။

မွဲသွားတဲ့ အချိန်မှာမှ ဘယ်သူက
အပေါင်းအသင်းကောင်း
မိတ်ဆွေကောင်းဆိုတာ သိလာရတာ။

မွဲသွားတဲ့ အချိန်မှာမှ
ငွေကို စိစစ်ပြီး
သုံးတတ်လာတာ။

မွဲသွားတဲ့ အချိန်မှာမှ အောက်ခြေ
လူတန်းစားတွေရဲ့ ဘဝတွေကို
ကိုယ်ချင်းစာတတ်လာတာ။

မွဲသွားတဲ့ အချိန်မှာမှ
မိုးရွာတုန်း ရေခံရတယ်ဆိုတာကို
နားလည်လာတာ။

" လူတိုင်းရဲ့ဘဝမှာ ခဏတာ
မွဲတဲ့အချိန်ဆိုတာ ကြုံရတတ်ပါတယ်။ "

အဲဒီ ခဏတာကာလလေးဆ်ိုတာကလည်း
လူတစ်ယောက်ကို လောကကြီးက
အောက်သက်ကြေဖို့
ပြုပြင်ပေးတဲ့ အကောင်းဆုံး
ကာလလေးပဲ။

အဲဒီကာလလေးမှာ သေသေချာချာ
ဘဝအကြောင်းကို သင်ယူပြီး
အမူအကျငိ့ဆိုးတွေကို ပြင်လိုက်နိုင်တဲ့လူ
အများစုက မွဲတာမရှည်တော့ဘဲ

အရင်ထက်သာတဲ့ ဘဝကို
ခဏလေးနဲ့ ပြန်ရတတ်ပါတယ်။

ကျွန်တော်လည်း ခဏတာမွဲဖူးတဲ့
အဲဒီကာလလေးမှာမှ ငွေသုံးကြမ်းတဲ့
အကျင့်တွေ၊

လက်ဖွာတတ်တဲ့ အကျင့်တွေ၊
ကတိမတည်တဲ့ လုပ်ရပ်တွေ၊

လိမ်ညာပြောတတ်တဲ့ အကျင့်တွေ
အားလုံးကို ပြုပြင်နိုင်ခဲ့တာပါ။

Sint Nyi

22:25 30 thg 4, 2026

" ကိုယ့်ဘဝ ကိုယ်သိပါ "

ဘော်ဒါတွေအထဲမှာ ငယ်ငယ်ကတည်းက
အရက်မသောက် ၊ ဆေးလိပ်မသောက်၊ ဆေးလည်း မချတဲ့ ဘော်ဒါ တစ်ယောက်ရှိတယ်။

သူ့ဘော်ဒါတွေ အရက်သောက်ပြီဆိုရင်
အအေးသောက်လိုက် ရေသောက်လိုက်နဲ့
အတူတူလိုက်ထိုင်ပေးတယ်။

ဘော်ဒါထဲက တချို့ကောင်တွေ
ကလပ်သွားပြီ ၊ ဆေးချပြီဆိုရင်
အကြောင်းအမျိုးမျိုးပြပြီး
မလိုက်တော့ဘူး။ အတင်းခေါ်ကာမှ
ဆယ်ခါမှာ တစ်ခါလောက်ပဲ
အတူတူ လိုက်ပေးတတ်တယ်။

ဘော်ဒါတွေ လောင်းကစား
လုပ်တာတို့ ဖဲရိုက်တာတို့လုပ်ရင်လည်း
ဘေးကနေ လိုက်ထိုင်ပေးပေမယ့်
သူဘယ်တော့မှဝင်မဆော့ဘူး။

ဘော်ဒါတွေကလည်း
အစပိုင်းတော့ အတူတူလုပ်ဖို့
ပြောကြပေမယ့် ဘယ်လိုပြောပြော
ဘာမှကို လိုက်မလုပ်တဲ့သူဆိုတော့
နောက်ပိုင်းကျတော့ လုပ်ဖို့
မတိုက်တွန်း ကြတော့ဘူး။

ငယ်ငယ်တုန်းကတည်း
မင်းဘာလို့ ဒါတွေမလုပ်တာလဲ
မေးရင် ငါမလုပ်ချင်လို့လို့ ပဲ
အမြဲဖြေတတ်တဲ့ကောင်။

ဒိကောင်ကအလုပ်လုပ်တဲ့နေရာမှာလည်း
စေ့စပ်သေချာတဲ့သူဆိုတော့
အလုပ်ကိစ္စ တိုင်ပင်စရာရှိလို့
သူနဲ့ သွားတိုင်ပင်ရင်းနဲ့ ပြန်မရနိုင်တော့တဲ့
ငယ်ဘဝတုန်းက အကြောင်းတွေ
ပြန်ပြောကြတော့မှ ..

သူ့ရဲ့ ခံယူချက်အမှန်ကို
ထုတ်ပြောလာတာ။

" မင်းတို့တွေ သောက်ကြ၊ စားကြ
မူးနေကြတဲ့အချိန် ငါလည်း
သောက်ချင်၊ စားချင် ၊ မူးချင်
ပျော်ချင်တာပေါ့ သူငယ်ချင်းရာ " တဲ့။

" ဒါပေမယ့် ငါ့ဘဝက မင်းတို့လို
မဟုတ်ဘူး။ ငါတို့မိသားစုအထဲမှာက
အရက်သောက်တဲ့သူ၊ ဆေးချတဲ့သူ
ရှိပြီးသား။

အဖေနဲ့အမေဝင်ငွေကလည်း
သူတို့ကုန်ကျစရိတ်တွေ ဆေးဖိုးတွေနဲ့တင်
တစ်လ တစ်လ မလောက်တဲ့အပြင်
သူများဆီကပါချေးနေရတာ။

ဒီကြားထဲ မိသားစုဝင်တစ်ယောက်က
ဆေးမှုနဲ့ ထောင်ကျလိုက်သေးတော့
ပိုပြီး ကြပ်တည်းတာပေါ့။

တစ်လ တစ်လ အိမ်စရိတ်နဲ့
ထောင်ဝင်စာတွေ့ရတဲ့စရိတ်တွေက
ဝင်ငွေထက်များနေတော့
အရမ်းစိတ်ညစ်ခဲ့ရလို့ အဲဒီ
အရက်တို့ ၊ ဆေးတို့ကို
ငါမလုပ်ခဲ့တာပါ " တဲ့။

" ငါလည်း လူငယ်ပဲကို။
မင်းတို့နဲ့ စိတ်တူကိုယ် သောက်စား
ပျော်ပါး ချင်တာပေါ့။

ဒါပေမယ့် အဲဒီပျော်ပါးမှုတွေက
လူတချို့အတွက် ဘာမှမဟုတ်ပေမယ့်
မတော်တဆ တစ်ခုခု ဖြစ်ခဲ့ရင်
ဆိုတဲ့အတွေးတွေကြောင့်
ငါ့စိတ်ငါနိုင်အောင်ထိန်းနေတာ " တဲ့။

" ငါ့ ဘဝကြီးက သူများတွေလို
ခဲဖျက်ကြီးကြီး မရှိတော့
ခဏခဏ မှားခွင့်မရှိဘူး။

တစ်ခါလေးမှားမိတာနဲ့ တစ်မိသားစုလုံး
ချောက်ကမ်းပါး အစွန်းကနေ
ပြုတ်ကျသွားနိုင်လို့ ငါ့မှာ
သတိထားနေရတာ " တဲ့။

ငယ်ငယ်တုန်းကမှတော်သေးတယ်။
ကိုယ်ကိုယ်ကို မပျက်စီးအောင်နေရုံနဲ့
မိသားစုကို ကူညီတာ။

အခုဆို မပျက်စီးအောင်နေရုံနဲ့
မရတော့ဘူး။ တစ်အိမ်လုံးမှာ
ငါတစ်ယောက်ထဲ အလုပ်လုပ်ရတာ
ဆိုတော့ မိသားစုတာဝန်ကြီးပါ
ငါ့ပုခုံးပေါ်ကျလာတာဆိုတော့
အရင်ထက်ပိုပြီး သတိထားရတယ်။

ငါ မတော်တဆ လဲသွားရင်
ငါ့နောက်မှာ ငါ့မိသားစု၊
ငါ့ဝန်ထမ်းတွေ၊ ငါ့ဝန်ထမ်းတွေအပေါ်
မှီခိုနေကြတဲ့ သူတို့မိသားစုတွေ၊
ရှယ်ယာရှင်တွေပါ အကုန်လုံး

တသီတတန်းကြီး အပြုံလိုက်
လဲကုန်မှာစိုးလို့ အနေအထိုင် ပိုပြီး
သတိထားနေရတယ် " တဲ့။

" ငယ်ငယ်ကတော့ ငါ့ကြောင့်
မိသားစု ဒုက္ခရောက်မှာစိုးလို့
ဒါတွေမလုပ်ခဲ့ပေမယ့်

အခုငါအဆင်ပြေလာတဲ့
အချိန်ကျတော့လည်း ဒါတွေလုပ်ချင်ရင်
လုပ်လို့ရပေမယ့် မလုပ်လက်စနဲ့
မလုပ်ဖြစ်တော့တာပါကွာ " တဲ့။

" တကယ်က ဒါတွေမပါဘဲနဲ့လည်း
ပျော်လို့ရနေတာ ငါသိနေပြီပဲ။
အခုလည်း ပျော်ပါတယ်ကွာ " တဲ့။

လေးလေးနက်နက်မပြောတတ်တဲ့
ကောင်ရဲ့ပါးစပ်ကနေ မထင်မှတ်ဘဲ
လေးနကိတဲ့စကားတွေ
ထွက်လာပြန်တော့လည်း အတော်
အံ့သြမိပါတယ်။

သူပြောတာလည်း အမှန်ပဲ။

ကျွန်တော်တို့အများစုရဲ့
ပြဿနာက ကိုယ့်ဘဝကိုယ်မသိကြတာပဲ။

ကိုယ့်ဘဝ အခြေအနေ
ကိုယ့်မိသားစု အခြေအနေ
ကိုယ့်ရဲ့လုပ်နိုင်စွမ်းအခြေအနေတွေကို
တော်ရုံမသိကြ မသုံးသပ်တတ်ကြဘူး။

ဒီကောင့်ရဲ့ အားသာချက်က
သူ့ဘဝသူသိတယ်။

သူ့ဘဝမှာ သူမှားလို့ မရဘူးဆိုတာ
သူငယ်ငယ်ကတည်းက သိတယ်။

သူ့ဟာနဲ့သူပျော်အောင်နေပေမယ့်
သူ့အတွက် Risk ယူပြီးမှ
ပျော်ရမယ့်အရာဆိုရင် သူဝင်မပါတော့ဘူး။

မပျော်ချင်လို့မဟုတ်ဘူး။
မပျော်ရဲတာ။ Risk မယူနိုင်တာ။

သူလဲသွားရင် သူ့နောက်ကလူတွေပါ
လဲသွားနိုင်တဲ့ Risk ကို ခဏတာ
အပျော်နဲ့ သူမလဲတာ။

အဲဒီလိုတွေ သူဆင်ခြင်ခဲ့လို့လည်း
အခုဘော်ဒါတွေကြားထဲမှာ
ပိုမြင့်တဲ့ Level မှာသူရှိနေတာ။

ဒီလိုသူ့အကြောင်းကိုရေးပြလို့လည်း
မင်းတို့တွေ အရက်ဘီယာဆေးလိပ်
မူးယစ်ဆေးမလုပ်ကြနဲ့ ပြောချင်တာ
မဟုတ်ပါဘူး။

ဘာပဲလုပ်လုပ် Limit နဲ့လုပ်ဖို့ရယ်၊
ကိုယ့်ဘဝကိုယ်သိဖို့ရယ်၊
စိတ်နိုင်ဖို့လိုတယ်ဆိုတာကို
သတိထားဖို့ ပြောပြချင်တာ။

လူငယ်သဘာဝ ပျော်ချင်ပါးချင်တာ
ပြဿနာမရှိပေမယ့် ..

ယူရမယ့် Risk နဲ့
ပြန်ရလာမယ့် ပျော်ရွှင်မှုကို
တန်လား မတန်ဘူးလားလည်း
အရင်ဆန်းစစ်ဖို့ လိုတယ်ဆိုတာ
သိသလောက်လေး ပြန်ရေးပြပြီး
သတိပေးချင်တာပါ။

Sint Nyi
16.9.25

Sint Nyi

22:25 30 thg 4, 2026

" ရှိပြီးသားတွေကို Upgrade လုပ်ပါ "

အိမ်မဝယ်ဖြစ်သေးတဲ့ သူငယ်ချင်း
တစ်ယောက် အိမ်ဝယ်ဖို့လာတိုင်ပင်လို့
ငွေမလောက်ရင် Installment နဲ့
ဝယ်ဖို့ အကြံပေးဖြစ်တယ်။

သူများတွေအတွက် မသိပေမယ့်
ကျွန်တော့အတွက် ဘဝစဖို့
Installment ကသိပ်အရေးပါခဲ့တယ်။

ဘဝပြန်စခဲ့တဲ့ အချိန်မှာ အလိုချင်ဆုံးက
ကိုယ်ပိုင် အိမ်နဲ့ ကိုယ်ပိုင်ကားပဲ။

ကိုယ့်မှာ ပုံမှန်ဝင်ငွေလည်းရှိပြီ၊
အဲဒီငွေက သုံးလို့လောက်တဲ့အပြင်
ပိုလျှံနေပြီ ဆိုရင်တော့ Installmentနဲ့
တစ်ခုခု ဝယ်စေချင်ပါတယ်။

ကျွန်တော့တုန်းကတော့၂၀၁၉ လောက်မှာ
Installment စနစ်နဲ့ တိုက်ခန်းလေးတစ်ခန်း
စပြီးဝယ်ဖြစ်တယ်။

အိမ်ကော ၊ ကားကောလိုပေမယ့်
အိမ်ပိုင်က ပိုအရေးကြီးတယ်ယူဆလို့။

ဒါနဲ့ ကိုယ်လိုချင်တဲ့ သိန်း(၅၀၀) တန်
တိုက်ခန်းလေးကို တစ်လ သိန်း(၅၀) နဲ့
ဆယ်လပေးစနစ်ညှိပြီး ဝယ်ဖြစ်ခဲ့တယ်။

အဲဒီကာလက ကိုယ့်ဝင်ငွေက
တစ်လမှ (၅၀) လောက်ပဲဆိုတော့
စားတာသောက်တာကိုခြွေတာတယ်။

သုံးတာကိုလည်းမရှိသလောက်
နည်းအောင် အဲဒီတစ်နှစ်လုံး
အပင်ပန်းအဆင်းရဲခံခဲ့ရတာပေါ့။

စျေးရောင်းတာ အရောင်းပါးတဲ့
မိုးတွင်းကာလဆိုရင် သိန်း(၅၀)
မပြည့်လို့ အပြင်ကနေ ချေးပြီး
ပေးခဲ့ရတဲ့ လတွေရှိတယ်။

လူတကာလိုချင်တဲ့ အိမ်ဆိုတာကို
လိုချင်ရင် လူတကာ မပေးဆပ်ချင်တဲ့
ပင်ပန်းဆင်းရဲမှုကို ခံရတယ်ပြောချင်တာ။

ဒါနဲ့ပဲ ဆယ်လကြာတဲ့အခါမှာ
အဲဒီအခန်းလေး ပိုင်လာခဲ့တယ်။

တိုက်ခန်းလေးရပြီဆိုတော့
ကားဘက်ကို ထပ်လှည့်တယ်။

ကားကကျတော့ အိမ်လောက်
မပင်ပန်းတော့ဘူး။

အဲဒီကာလက အရမ်းhot နေတဲ့
Ertiga ကို ကိုကြည်သာဟန်တို့ဆီကနေ
တစ်လ ငါးသိန်းသွင်းစနစ်နဲ့
ငါးနှစ် Installment ဝယ်ဖြစ်တယ်။

အိမ်ဖိုး တစ်လ (၅၀) သွင်းရာကနေ
ကားဖို့ တစ်လ (၅) သိန်းသွင်းရတော့
တော်တော်တော့ ဝန်ပေါ့သွားတာပေါ့။

ဒီလိုနဲ့ ဘာမှ မရှိတဲ့ ဘဝကနေ
အိမ်ပိုင်နဲ့ ကားပိုင် ရလာတဲ့အချိန်မှာ
ဒီအိမ်နဲ့ ကားကို ငွေထပ်မစိုက်ဘဲနဲ့
ပိုကောင်းတဲ့ အိမ် ၊ ပိုကောင်းတဲ့ကား
ဖြစ်လာဖို့ Upgrade လုပ်ဖို့ စပြီး
စီစဥ်ဖြစ်ခဲ့တယ်။

ဒါနဲ့ သိန်း(၅၀၀) နဲ့ဝယ်ထားတဲ့
ကိုယ်နေတဲ့ အိမ်ကို နေနေရင်းနဲ့
အရောင်းလည်းတင်ထားတာပေါ့။

ကံကောင်းတယ် ပြောမလား..

အဲဒီ သိန်း (၅၀၀) တန်အိမ်က
သိန်း (၉၀၀) နဲ့ရောင်းထွက်သွားတယ်။

( ဒီအရောင်းအဝယ် စကားပြောပုံ
စျေးညှိနှိုင်းပုံ အကြောင်းတွေ
အသေးစိတ် ကို အခုထွက်မယ့်
TRUST စာအုပ်မှာ ရေးပေးထားပါတယ်)

အဲဒီကာလက (၂၀၂၁) ခုနှစ်
ကိုဗစ်ကာလဆိုတော့ စျေးတွေ
ကျနေတဲ့အချိန်ပေါ့။

ဒါနဲ့ အဲဒီ ရိုးရိုးတိုက်ခန်းကို
ရောင်းရတဲ့ငွေ သိန်း(၉၀၀) နဲ့ ..

မီနီကွန်ဒို တိုက်အသစ်မှာ
သိန်း(၉၀၀) တန် အခန်းတစ်ခန်းဝယ်ပြီး
သွားနေဖြစ်လိုက်တယ်။

ရိုးရိုးတိုက်ခန်းကနေ မီနီကွန်ဒို
နေလိုက်ရတာအမြတ်ပေါ့။

ဒါနဲ့ အဲဒီ သိန်း(၉၀၀) နဲ့ဝယ်တဲ့
အခန်းကို (၂၀၂၄) မှာပြန်ရောင်းတာ
သိန်း (၃၁၀၀) ပြန်ရတယ်။

ပြီးတော့ အဲဒီအခန်းထပ်
နှစ်ဆ ပိုကျယ်တဲ့ မီနီကွန်ဒိုကိုပဲ
သိန်း (၃၂၀၀) နဲ့ ပြန်ဝယ်ပြီး
ပိုကျယ်တဲ့ နေရာမှာ သွားနေ
ဖြစ်လိုက်တယ်။

ကျွန်တော်ကတော့ အိမ်နဲ့
ပတ်ဝန်းကျင်ကို သိပ်ပြီး
အစွဲလန်း မကြီးတော့ မြတ်ရင်
ရောင်းထုတ်ပြီး ပိုကောင်းတာ
ဝယ်နေဖြစ်တာပဲ။

ဒီလိုနဲ့ (၂၀၂၄) မှာ သိန်း(၃၂၀၀)နဲ့
ဝယ်တဲ့အခန်းကိုအခု (၂၀၂၅) မှာ
သိန်း (၄၃၅၀) နဲ့ ရောင်းပြီးတော့

အခုနေတဲ့ ပန်တျာလမ်းက ကွန်ဒိုကို
သိန်း (၄၃၅၀) နဲ့ ပြန်ဝယ်နိုင်ခဲ့တယ်။

ကိုယ်ဝယ်တာ သိန်း (၄၃၅၀) ပေမယ့်
တကယ်တမ်း ဒီတိုက်က အခန်းတွေရဲ့
တန်ကြေးက သိန်း (၈၀၀၀)-(၁၀၀၀၀)
တန်ပါတယ်။

ကျွန်တော့အောက်ထပ်အခန်းဆိုရင်
သိန်း (၁၀၀၀၀) နဲ့ရောင်းသွားတာ။

ပြီးတော့ ငါးနှစ်အရစ်ကျနဲ့
ဝယ်ထားတဲ့ Ertiga က အရင်း (၃၅၀)
လောက်ပဲကျခဲ့ပေမယ့်
စီးရင်းနဲ့ပြန်ရောင်းတော့
(၄) နှစ်ကြာသွားတဲ့အချိန်မှာ
သိန်း (၁၃၀၀) နဲ့ ပြန်ရောင်းထွက်သွားတယ်။

ဒါနဲ့ သိန်း (၅၀) ထပ်စိုက်ပြီး (၁၃၅၀) တန်
Toyota Bz4X Ev ကို ကိုကြည်သာဟန်
ဆီကနေ Preorder မှာပြီး
ထပ်ဝယ်စီးဖြစ်တယ်။

Ev ကားတွေ ပေါ်ပေါ်ချင်းကာလ
ဆိုတော့ ကားရဖို့ကိုတော့
အချိန်တစ်ခုတော့စောင့်လိုက်ရတာပေါ့။
သက်သာချင်တာကိုး။

ကျွန်တော့ရဲ့ အိမ် Installment
သိန်း(၅၀၀) နဲ့ဝယ်ခဲ့တဲ့ ခရီးစဥ်နဲ့
သိန်း(၃၅၀) တန်ကားဝယ်ခဲ့တဲ့
ခရီးစဥ်တစ်လျောက် ..

ငွေအများကြီး ထပ်မစိုက်ရဘဲနဲ့
ဒီလို Upgrade လုပ်သွားလို့
ရတယ်ဆိုတဲ့ ဖြစ်စဥ်ကို ဗဟုသုတ
အနေ နဲ့ ပြန်ပြောပြပေးတာပါ။

Installment ရဲ့ဆိုးတဲ့တစ်ချက်က
စိတ်ချရတဲ့ ကုမ္ပဏီနဲ့ အလုပ်လုပ်မိဖို့တော့
လိုပါတယ်။

လိမ်မယ့် ကုမ္ပဏီနဲ့တွေ့ရင်တော့
အကုန်ပါသွားနိုင်လို့ သေချာတော့
သတိပြုပါ။

နောက်ထပ် အကြံပေးချင်တာတစ်ခုက
ရေရှည် Investment ဆိုရင်တော့
ရွှေနဲ့မြေပဲဝယ်စုပါ။ ရေရှည်မှာ အခန်းတွေ
ကားတွေက ရွှေတွေ မြေတွေလောက်
မမြတ်ပါဘူး။

မြေမဝယ်နိုင်မှသာ အခန်းကို
ဝယ်တာကောင်းပါတယ်။

အခုရေးပေးနေတာကလည်း
သွားရင်းလာရင်း တန်တာတွေတွေ့ရင်
ကိုယ်နေနေတဲ့ အိမ်ကို
ဝယ်လိုက်ရောင်းလိုက်
လုပ်နေရင်းနဲ့ ပိုကောင်းတဲ့နေရာကို
ရွှေ့လို့ရတယ်ပြောချင်တာပါ။

ဘာလုပ်လုပ် ရွှေစျေးနဲ့တွက်ဖို့လည်း
မမေ့နဲ့ပေါ့။

ဒီလိုရေးပြလို့ ကျွန်တော်က
တော်ပါတယ်။ တတ်ပါတယ်။
ဆရာကြီးပါလို့ ပြောချင်တာ
မဟုတ်ဘူး။

Sint Nyi

22:25 30 thg 4, 2026

အခုကျွန်တော်ပိုင်ထားတဲ့ အိမ်နဲ့ကား
တန်ဖိုးကလည်း သူဌေးတွေစီးနေတဲ့
ကားတစ်စီးစာတောင် မရှိလို့
ဝါကြွားစရာတစ်ခုမှမရှိပါဘူး။

ကျွန်တော်က ကိုယ်ကျင့်တရားကလွဲရင်
ကျန်တာတွေကို ဝါကြွားစရာတွေလို့
ကိုမမြင်တာပါ။

ကိုယ့်အလှည့်တုန်းကလည်း
ဘယ်သူမှလာပြောပြတာ
သင်ပေးတာ မရှိခဲ့လို့ ဝါးတားတား
လုပ်နေရင်းနဲ့ ဘဝက
လိမ်ဖယ် လိမ်ဖယ်နဲ့ တက်လာခဲ့ရတာမလို့၊

ဒါမျိုးလေးတွေ လုပ်သွားလို့လည်း
ရတယ်ဆိုတဲ့ Message ကိုပေးတာပါ။

ဒါကြောင့် ဝင်ငွေ တစ်ခုရှိနေပြီး
အိမ်ဝယ်ဖို့ ကားဝယ်ဖို့
ပိုက်ဆံမလောက်ရင် Installmentနဲ့
ဝယ်တာက ပိုကောင်းတယ်ဆိုတာကို
ကိုယ်တွေ့လေးနဲ့ ပြန်ပြီး
Sharing လုပ်ပေးလိုက်ပါတယ်။

Sint Nyi
8.9.25

802

Sint Nyi

22:25 30 thg 4, 2026

" ကိုယ့်အထဲကို ဝင်လာမယ့်
အရာတွေကို စိစစ်ပါ "

ခွေးဆိုရင် ဘာခွေးဖြစ်ဖြစ်
အကုန် ချစ်တတ်ပေမယ့် ..

Hachiko ဆိုတဲ့ ဖြစ်ရပ်မှန်ကို
ပြန်ရိုက်ထားတဲ့ ခွေးလိမ္မာ
ဇာတ်လမ်းလေးကြည့်ပြီး ကတည်းက ၊

တိရိစ္ဆာန်ဇာတ်လမ်းဆိုရင်
ဘယ် တိရိစ္ဆာန် ဇာတ်လမ်းမှကို
မကြည့်ဖြစ်တော့တာ။

မျောက်လိမ္မာကားလည်း
မကြည့်တော့သလို
ဆင်လိမ္မာကားလည်း
မကြည့်ဖြစ်တော့ဘူး။

ဖြစ်နိုင်ရင် ဘာတိရိစ္ဆာန် လိမ္မာကားမှ
မကြည့်ဖြစ်အောင် သတိထားပြီး
နေဖြစ်လိုက်တယ်။

ဇာတ်လမ်းတွေရဲ့သဘာဝက
လူတွေ စိတ်ဝင် စားအောင်၊
လွမ်းအောင် ဆွေးအောင်၊
ရင်ထဲဟာတာတာ ဖြစ်အောင်
ရိုက်တာဆိုတော့ ဇာတ်သိမ်းမလှတဲ့
ဇာတ်လမ်းတွေကြည့်မိပြီ ဆိုရင် ..

တစ်ပတ် နှစ်ပတ်လောက်အထိကို
စိတ်မကောင်း ဖြစ်နေတတ်လို့။

ဒါနဲ့ နောက်ဆိုရင် အဲဒီလိုဇာတ်လမ်းတွေ
မကြည့်မိအောင်နေဖို့ အထူးသတိထား
ဖြစ်သွားတယ်။

အားတဲ့အချိန်လေး စိတ်အမောလေး
ပြေမလားဆိုပြီး ရုပ်ရှင်ကြည့်ကာမှ
ပိုပြီး စိတ်မော လူမော စိတ်ပင်ပန်းနေရတာ
တော်တော် အဆင်မပြေဘူး။

ကြည့်နေရင်း Negative Feeling ကြီး
ဝင်ချလာကတည်းက
ကိုယ်ကြည့်မယ့် ရုပ်ရှင်တွေ
ကိုယ်ဖတ်မယ့် စာအုပ်တွေကို အရမ်း
သတိထားဖို့လိုတယ်ဆိုတဲ့အသိ
ဝင်လာခဲ့တာ။

ဒီလိုပြောလို့ ခွေးဇာတ်ကား
မကြည့်ရဘူးပြောချင်တာ
မဟုတ်ပါဘူး။

ကိုယ်က အရမ်းခံစားတတ်ရင်
ရုပ်ရှင်ထဲမှာ အရမ်းချစ်ကြပြီး
သေကွဲကွဲမယ့် ရုပ်ရှင်မျိုးကြည့်တာတွေ
ရှောင်သင့်တယ် ပြောချင်တာ။

ရုပ်ရှင်ကို အပန်းဖြေဖို့
စိတ်ပျော်ရွှင်ဖို့ Dopamine ထွက်ဖို့
ကြည့်သင့်တယ် ပြောချင်တာပါ။

အဲဒီမှာ သတိထားမိတာကတစ်ခုက
စိတ်ရောကိုယ်ပါ ကြည်လင်စေဖို့
အတွက်က လူတွေနဲ့ပေါင်းသင်း
ဆက်ဆံရတာ တစ်ခုတင်မဟုတ်ဘဲ၊

ကိုယ်ဖတ်နေတဲ့ စာတွေ
ကိုယ်ကြည့်နေတဲ့ ရုပ်ရှင်တွေ
ကိုယ်ကျင်လည်နေတဲ့
ပတ်ဝန်းကျင်တွေကိုလည်း
သတိထားမိဖို့ လိုတယ်ဆိုတာကိုပါ။

ကိုယ့်ဟာကိုယ်တောင်
စိတ်အဆင်ပြေအောင် မနည်း
နေထိုင်နေကြရတဲ့ ကာလကြီးမှာ၊

အဲဒီလို Negative Vibe တွေ
မတော်တဆတောင် ဝင်မလာဖို့
သေချာ သတိထားသင့်ပါတယ်။

ကျွန်တော်ကတော့ ကိုယ့်စိတ်ကိုကော
ကိုယ့် ကျန်းမာရေး ကိုကော
ကိုယ် ပျော်ရွှင်နေဖို့ကိုကော
ပထမဦးစားပေး အနေနဲ့ ဂရုစိုက်ဖြစ်တယ်။

ကိုယ့်စိတ် အဆင်မပြေရင်
အလုပ်ကော ၊ လူမှုရေးရော
စီးပွါးရေးကော ဘာမှကို
အဆင်မပြေတော့ဘူး။

ကိုယ့်စိတ်သည်သာ အဓိကဆိုတော့
ကိုယ့်ကိုယ်ကို ပျော်ရွှင်ဖို့
စိတ်ချမ်းသာဖို့ အရင်ဂရုစိုက်တယ်။

ဒီတော့မှ ကိုယ့်ပတ်ဝန်းကျင်ကို
ပြန်ပြီး ကြည့်ပေးလို့ အဆင်ပြေတာ။

ကိုယ်တိုင် စီးပွါးရေးအဆင်မပြေရင်
သူများကိုလည်း ကူညီပေးလို့ မရသလို

ကိုယ်တိုင်စိတ် အဆင်မပြေရင်လည်း
ဘယ်လိုလုပ်သူများကို အကောင်းမြင်ပြီး
Positive Energy ပေးနိုင်မလဲ။

ကိုယ်က ဘူနေရင် ၊ စိတ်မကြည်ရင်
ငွေကြေးအဆင်မပြေရင်
ကိုယ့်ပတ်ဝန်းကျင်က လူတွေ
အပေါ်မှာလည်းအဲဒီ Effect တွေက
သွားပြီး ထိတာပါပဲ။

ဒီတော့ ကိုယ့်ကိုယ်ကို
သေချာ ဂရုစိုက်တယ်။

ကိုယ့်အတွေးတွေရယ်
ကိုယ့်ခေါင်းထဲဝင်လာမယ့် အရာတွေကို
စိစစ်ပြီးမှ အဝင်ခံတယ်။

ကိုယ့်ကို စိတ်အခြေအနေ
မကောင်းဖြစ်စေမယ့် လူတွေနဲ့လည်း
ဝေးဝေးနေသလို၊
ကိုယ့်ကို စိတ်ဒုက္ခ ပေးနိုင်မယ့်
ဘယ်အရာနဲ့မဆို ဝေးဝေးက
နေဖြစ်ပါတယ်။

အားမနာဘူး၊ မသနားဘူး။

အတ္တကြီးတယ် ပဲပြောပြော
တကိုယ်ကောင်းဆန်တယ်ပဲ ဆိုဆို၊

ကိုယ့်စိတ်အဆင်ပြေမှ လုပ်ငန်းတွေနဲ့
ကိုယ့်ပတ်ဝန်းကျင်ပါ
အဆင်ပြေတတ်တာမလို့၊
ကိုယ့်စိတ်ကို အဆင်မပြေစေမယ့်
အရာတွေနဲ့ ခပ်ဝေးဝေးပဲ
နေထိုင်တာက ပိုအဆင်ပြေပါတယ်။

ဒါကြောင့်မလို့
ကိုယ့်အထဲကို ဝင်လာမယ့်အရာတွေကို
စိစစ်ပြီးမှ အဝင်ခံပါလို့
သတိပေးချင်တာပါ။

Sint Nyi
10.9.25

Sint Nyi

22:25 30 thg 4, 2026

" ရှိပြီးသားတွေကို Upgrade လုပ်ပါ "

အိမ်မဝယ်ဖြစ်သေးတဲ့ သူငယ်ချင်း
တစ်ယောက် အိမ်ဝယ်ဖို့လာတိုင်ပင်လို့
ငွေမလောက်ရင် Installment နဲ့
ဝယ်ဖို့ အကြံပေးဖြစ်တယ်။

သူများတွေအတွက် မသိပေမယ့်
ကျွန်တော့အတွက် ဘဝစဖို့
Installment ကသိပ်အရေးပါခဲ့တယ်။

ဘဝပြန်စခဲ့တဲ့ အချိန်မှာ အလိုချင်ဆုံးက
ကိုယ်ပိုင် အိမ်နဲ့ ကိုယ်ပိုင်ကားပဲ။

ကိုယ့်မှာ ပုံမှန်ဝင်ငွေလည်းရှိပြီ၊
အဲဒီငွေက သုံးလို့လောက်တဲ့အပြင်
ပိုလျှံနေပြီ ဆိုရင်တော့ Installmentနဲ့
တစ်ခုခု ဝယ်စေချင်ပါတယ်။

ကျွန်တော့တုန်းကတော့၂၀၁၉ လောက်မှာ
Installment စနစ်နဲ့ တိုက်ခန်းလေးတစ်ခန်း
စပြီးဝယ်ဖြစ်တယ်။

အိမ်ကော ၊ ကားကောလိုပေမယ့်
အိမ်ပိုင်က ပိုအရေးကြီးတယ်ယူဆလို့။

ဒါနဲ့ ကိုယ်လိုချင်တဲ့ သိန်း(၅၀၀) တန်
တိုက်ခန်းလေးကို တစ်လ သိန်း(၅၀) နဲ့
ဆယ်လပေးစနစ်ညှိပြီး ဝယ်ဖြစ်ခဲ့တယ်။

အဲဒီကာလက ကိုယ့်ဝင်ငွေက
တစ်လမှ (၅၀) လောက်ပဲဆိုတော့
စားတာသောက်တာကိုခြွေတာတယ်။

သုံးတာကိုလည်းမရှိသလောက်
နည်းအောင် အဲဒီတစ်နှစ်လုံး
အပင်ပန်းအဆင်းရဲခံခဲ့ရတာပေါ့။

စျေးရောင်းတာ အရောင်းပါးတဲ့
မိုးတွင်းကာလဆိုရင် သိန်း(၅၀)
မပြည့်လို့ အပြင်ကနေ ချေးပြီး
ပေးခဲ့ရတဲ့ လတွေရှိတယ်။

လူတကာလိုချင်တဲ့ အိမ်ဆိုတာကို
လိုချင်ရင် လူတကာ မပေးဆပ်ချင်တဲ့
ပင်ပန်းဆင်းရဲမှုကို ခံရတယ်ပြောချင်တာ။

ဒါနဲ့ပဲ ဆယ်လကြာတဲ့အခါမှာ
အဲဒီအခန်းလေး ပိုင်လာခဲ့တယ်။

တိုက်ခန်းလေးရပြီဆိုတော့
ကားဘက်ကို ထပ်လှည့်တယ်။

ကားကကျတော့ အိမ်လောက်
မပင်ပန်းတော့ဘူး။

အဲဒီကာလက အရမ်းhot နေတဲ့
Ertiga ကို ကိုကြည်သာဟန်တို့ဆီကနေ
တစ်လ ငါးသိန်းသွင်းစနစ်နဲ့
ငါးနှစ် Installment ဝယ်ဖြစ်တယ်။

အိမ်ဖိုး တစ်လ (၅၀) သွင်းရာကနေ
ကားဖို့ တစ်လ (၅) သိန်းသွင်းရတော့
တော်တော်တော့ ဝန်ပေါ့သွားတာပေါ့။

ဒီလိုနဲ့ ဘာမှ မရှိတဲ့ ဘဝကနေ
အိမ်ပိုင်နဲ့ ကားပိုင် ရလာတဲ့အချိန်မှာ
ဒီအိမ်နဲ့ ကားကို ငွေထပ်မစိုက်ဘဲနဲ့
ပိုကောင်းတဲ့ အိမ် ၊ ပိုကောင်းတဲ့ကား
ဖြစ်လာဖို့ Upgrade လုပ်ဖို့ စပြီး
စီစဥ်ဖြစ်ခဲ့တယ်။

ဒါနဲ့ သိန်း(၅၀၀) နဲ့ဝယ်ထားတဲ့
ကိုယ်နေတဲ့ အိမ်ကို နေနေရင်းနဲ့
အရောင်းလည်းတင်ထားတာပေါ့။

ကံကောင်းတယ် ပြောမလား..

အဲဒီ သိန်း (၅၀၀) တန်အိမ်က
သိန်း (၉၀၀) နဲ့ရောင်းထွက်သွားတယ်။

( ဒီအရောင်းအဝယ် စကားပြောပုံ
စျေးညှိနှိုင်းပုံ အကြောင်းတွေ
အသေးစိတ် ကို အခုထွက်မယ့်
TRUST စာအုပ်မှာ ရေးပေးထားပါတယ်)

အဲဒီကာလက (၂၀၂၁) ခုနှစ်
ကိုဗစ်ကာလဆိုတော့ စျေးတွေ
ကျနေတဲ့အချိန်ပေါ့။

ဒါနဲ့ အဲဒီ ရိုးရိုးတိုက်ခန်းကို
ရောင်းရတဲ့ငွေ သိန်း(၉၀၀) နဲ့ ..

မီနီကွန်ဒို တိုက်အသစ်မှာ
သိန်း(၉၀၀) တန် အခန်းတစ်ခန်းဝယ်ပြီး
သွားနေဖြစ်လိုက်တယ်။

ရိုးရိုးတိုက်ခန်းကနေ မီနီကွန်ဒို
နေလိုက်ရတာအမြတ်ပေါ့။

ဒါနဲ့ အဲဒီ သိန်း(၉၀၀) နဲ့ဝယ်တဲ့
အခန်းကို (၂၀၂၄) မှာပြန်ရောင်းတာ
သိန်း (၃၁၀၀) ပြန်ရတယ်။

ပြီးတော့ အဲဒီအခန်းထပ်
နှစ်ဆ ပိုကျယ်တဲ့ မီနီကွန်ဒိုကိုပဲ
သိန်း (၃၂၀၀) နဲ့ ပြန်ဝယ်ပြီး
ပိုကျယ်တဲ့ နေရာမှာ သွားနေ
ဖြစ်လိုက်တယ်။

ကျွန်တော်ကတော့ အိမ်နဲ့
ပတ်ဝန်းကျင်ကို သိပ်ပြီး
အစွဲလန်း မကြီးတော့ မြတ်ရင်
ရောင်းထုတ်ပြီး ပိုကောင်းတာ
ဝယ်နေဖြစ်တာပဲ။

ဒီလိုနဲ့ (၂၀၂၄) မှာ သိန်း(၃၂၀၀)နဲ့
ဝယ်တဲ့အခန်းကိုအခု (၂၀၂၅) မှာ
သိန်း (၄၃၅၀) နဲ့ ရောင်းပြီးတော့

အခုနေတဲ့ ပန်တျာလမ်းက ကွန်ဒိုကို
သိန်း (၄၃၅၀) နဲ့ ပြန်ဝယ်နိုင်ခဲ့တယ်။

ကိုယ်ဝယ်တာ သိန်း (၄၃၅၀) ပေမယ့်
တကယ်တမ်း ဒီတိုက်က အခန်းတွေရဲ့
တန်ကြေးက သိန်း (၈၀၀၀)-(၁၀၀၀၀)
တန်ပါတယ်။

ကျွန်တော့အောက်ထပ်အခန်းဆိုရင်
သိန်း (၁၀၀၀၀) နဲ့ရောင်းသွားတာ။

ပြီးတော့ ငါးနှစ်အရစ်ကျနဲ့
ဝယ်ထားတဲ့ Ertiga က အရင်း (၃၅၀)
လောက်ပဲကျခဲ့ပေမယ့်
စီးရင်းနဲ့ပြန်ရောင်းတော့
(၄) နှစ်ကြာသွားတဲ့အချိန်မှာ
သိန်း (၁၃၀၀) နဲ့ ပြန်ရောင်းထွက်သွားတယ်။

ဒါနဲ့ သိန်း (၅၀) ထပ်စိုက်ပြီး (၁၃၅၀) တန်
Toyota Bz4X Ev ကို ကိုကြည်သာဟန်
ဆီကနေပဲ ထပ်ဝယ်စီးဖြစ်တယ်။

ကျွန်တော့ရဲ့ အိမ် Installment
သိန်း(၅၀၀) နဲ့ဝယ်ခဲ့တဲ့ ခရီးစဥ်နဲ့
သိန်း(၃၅၀) တန်ကားဝယ်ခဲ့တဲ့
ခရီးစဥ်တစ်လျောက် ..

ငွေအများကြီး ထပ်မစိုက်ရဘဲနဲ့
ဒီလို Upgrade လုပ်သွားလို့
ရတယ်ဆိုတဲ့ ဖြစ်စဥ်ကို ဗဟုသုတ
အနေ နဲ့ ပြန်ပြောပြပေးတာပါ။

ပြောချင်တာက ကျွန်တော်
တော်ပါတယ်။ တတ်ပါတယ်။
ဆရာကြီးပါလို့ ပြောချင်တာ
မဟုတ်ဘူး။

အခုကျွန်တော်ပိုင်ထားတဲ့ အိမ်နဲ့ကား
တန်ဖိုးကလည်း တချို့လူတွေရဲ့
ခရီးတစ်ခါသွားစရိတ်ပဲ
ရှိတာမလို့ ဝါကြွားစရာ
တစ်ခုမှမရှိပါဘူး။

ကိုယ့်အလှည့်တုန်းကလည်း
ဘယ်သူမှလာပြောပြတာ
သင်ပေးတာ မရှိခဲ့လို့ ဝါးတားတား
လုပ်နေရင်းနဲ့ ဘဝက
လိမ်ဖယ် လိမ်ဖယ်နဲ့ တက်လာခဲ့ရတာမလို့၊

ဒါမျိုးလေးတွေ လုပ်သွားလို့လည်း
ရတယ်ဆိုတဲ့ Message ကိုပေးတာပါ။

ဒါကြောင့် ဝင်ငွေ တစ်ခုရှိနေပြီး
အိမ်ဝယ်ဖို့ ကားဝယ်ဖို့
ပိုက်ဆံမလောက်ရင် Installmentနဲ့
ဝယ်တာက ပိုကောင်းတယ်ဆိုတာကို
ကိုယ်တွေ့လေးနဲ့ ပြန်ပြီး
Sharing လုပ်ပေးလိုက်ပါတယ်။

Sint Nyi
10.9.25

Sint Nyi

22:25 30 thg 4, 2026

" မလုပ်သင့်တာတွေ လုပ်မိရင်
မဖြစ်သင့်တာတွေ ဖြစ်တတ်ပါတယ်"

အသိ အမတစ်ယောက် ပိုက်ဆံ
သိန်း (၂၀၀၀) လောက်
အလိမ်ခံလိုက်ရတယ်။

သူ့ကို လိမ်သွားလူဆီကနေ
နည်းမျိုးစုံနဲ့ပြန်တောင်းပေမယ့်
လုံးဝပြန်မပေးဘူ။

တိုင်ချင်ရာ တိုင်။
တရားစွဲချင်စွဲဆိုပြီး
မျက်နှာပြောင်ပြောင်နဲ့
ပြောလွှတ်တယ်။

သူလည်း လူလိမ်ရဲ့
အထင်ကြီးလောက်အောင် နေထိုင်ပြတဲ့
လူနေမှုပုံစံမှာ မျောသွားပြီးတော့

တကယ်သူဌေးထင်လို့ ယုံကြည်ပြီး
ချေးမိကာမှ ဘယ်လိုပြန်တောင်းတောင်း၊
လုံးဝ ပြန်မရလို့ တော်တော်ကို
စိတ်ထိခိုက် နေရှာတာ။

အဲဒီပိုက်ဆံက သူရှာထားသမျှ
အကုန်ပဲ။

ဒါနဲ့ အိပ်မပျော် စားမဝင်ဖြစ်ပြီး
ဘယ်လိုလုပ်ရမလဲ လာတိုင်ပင်တော့

" သူများဥစ္စာကို မကြည်ဖြူဘဲ
မတရားယူရင် အပူစာပါ။

အဲဒီ အပူစာကို စားတဲ့လူတွေက
ကောင်းစားလည်း ခဏပဲ။
ကြာကြာ မခံတတ်ဘူး။

ဒုက္ခရောက်ရင် ရောက်
ဘဝပျက်ရင် ပျက်။

ဒါမှမဟုတ် ငွေရှိပေမယ့်
အမြဲ ပူလောင်နေရတဲ့ဘဝမှာ
နေရတတ်တယ် " လို့
ပြောပြဖြစ်တယ်။

ကိုယ်တိုင်လည်း အရင်က
အဲဒီလိုမျိုး မတရားယူခဲ့ဖူး
မတရား ငွေရှာခဲ့ဖူးပြီး

ပူလိုက်လောင်လိုက်၊ ခဏလေးနဲ့
ပြန်ကုန်သွားလိုက်၊
မိသားစုအတွင်း ပူလောင်လိုက်
ဖြစ်ဖူးလို့ ပြန်ပြောပြနိုင်တာ။

အဲလိုငွေမျိုးက ရှာတုန်းခဏပဲ
အဆင်ပြေတာ၊ ပြန်ကုန်ရင်
အရင်ရှိထားတဲ့ဟာတွေပါ
အကုန်ရောပြီး ပြန်ထွက်တတ်ပါတယ်။

ဒါနဲ့ မနေ့က အဲဒီ အလိမ်ခံရတဲ့အမ
ပြန်ပြီးဆက်သွယ်လာတယ် ။

" အခုထိတော့ ပိုက်ဆံတွေ တစ်ကျပ်မှ
ပြန်မရသေးပေမယ့် ကိုဆင့်ပြောတာ
တကယ်မှန်တယ် " တဲ့။

အဲဒီ လူလိမ်အမျိုးသမီးရဲ့
သူ့ယောက်ကျားက ဆေးမှုနဲ့
ထောင်ကျသွားတယ်။

အဲဒီအမျိုးသမီးလည်း ကျန်းမာရေး
မကောင်းလို့ဆေးရုံ တက်လိုက်
ဆင်းလိုက် လုပ်ရင်း တဖြည်းဖြည်း
လုံးပါးပါးနေပြီတဲ့။

သူတို့မိသားစု အဲဒီလိုတွေဖြစ်နေတော့
သူ့ပိုက်ဆံ ပြန်တောင်းရမှာတောင်
အားနာမိတယ်ပြောလာတာနဲ့ ..

အားမနာနဲ့ ခုထိပြန်မရသေးရင်
တရားစွဲပြီး ထောင်ချလိုက်ဖို့ပဲ
တိုက်တွန်းဖြစ်ခဲ့တယ်။

အဲဒီလို လူလိမ်တွေက အမြဲ
လိမ်ညာလှည့်ပတ်နေဦးမှာ မလို့
ထောင်ထဲရောက်သွားမှပဲ
နောက်လူတွေရဲ့ချွေးနှဲစာတွေကို
ထပ်မလိမ်တော့မှာ။

အပြင်မှာရှိနေသရွေ့က
ရသလောက် လိမ်နေဦးမှာပဲ။

ဒါကြောင့်လည်း

မလုပ်သင့်တာတွေ လုပ်ရင်
မဖြစ်သင့်တာတွေ ဖြစ်မှာလို
အမြဲပြောဖြစ်တာ။

ဘုရားရှင် ဟောသလိုပဲ
အကြောင်းတရား ရှိလို့
အကျိုးတရား ဆိုတာဖြစ်လာတာပါ။

" သူတပါးကို လိမ်ညာလှည့်ပတ်ပြီး
သူတပါးမိသားစု စိတ်ပင်ပန်းဆင်းရဲပြီးမှ
ရလာတဲ့ အရာတွေက အပူစာတွေပါ။"

အဲဒီ အပူစာဆိုတာ စားမိရင်
လောင်တတ်တယ်ဆိုတာကို မယုံဘဲ
စားနေတဲ့သူတွေကတော့ အခုထိ
စားနေကြတာပဲ။

ကြုံဖူးလို့ ယုံတဲ့ ကိုယ်တွေလို
လူတွေကတော့ ကိုယ်လည်း
မစားရဲတော့သလို ..
ကိုယ့်မိသားစု ကိုလည်း
မကျွေးမိအောင် သတိထားဖြစ်တယ်။

ကိုယ့် အသိတွေ စားမိကြမှာ
စိုးလို့လည်း မစားမိဖို့
အမြဲသတိပေးဖြစ်တယ်။

ကျွန်တော်က လက်တွေ့သမားမလို့
သိပ္ပံနည်းမကျတဲ့ ဒီလိုကိစ္စတွေက်ု
လုံးဝ အယုံအကြည်မရှိပေမယ့်

အဲဒီ လောကသဘာဝ တရားကြီးကိုတော့
ကိုယ်တိုင်ကြုံဖူးလို့ကို
ယုံကြည်ပါတယ်။

" ဘယ်လူမျိုး ၊ ဘယ်ဘာသာဖြစ်ဖြစ်
နောက်ဆုံး ဘယ်ဘာသာမှ
မကိုးကွယ်ရင်တောင်၊
ကိုယ်စိုက်တဲ့အတိုင်း ပြန်ရိတ်ရတာ
လောကသဘာဝ ဆိုတာတကယ်ပါ။ "

အပူစာကို သိသိကြီးနဲ့
စားမိပြီဆိုရင်တော့ ပြန်ပြီး
ခံရမယ့် အချိန်ကျရင် ..

ဘယ်လို ကောင်းမှုတွေ လုပ်လုပ်
ဘယ်လို ယတြာတွေ ချေချေ
ရှောင်လွှဲလို့ လုံးဝမရနိုင်ပါဘူး။

လုပ်ထားတဲ့မကောင်းမှုတွေ ကို
ကောင်းမှုတွေနဲ့ မျှချေ ကျသွားအောင်
သင်္ချာ တွက်သလို ဘဲစားဘဲချေ
ချေလိုကိလို့ ရတာမှမဟုတ်တာ။

မကောင်းတာ လုပ်တဲ့အတွက်
အဲဒီအကျိုးအပြစ်ကို
ပြန်ပြီးခံရမှာပါ။

အဲဒီလူလိမ်အမျိုးသမီးလည်း
သူစိုက်ခဲ့တဲ့အတိုင်း
ပြန်ရိတ်နေရတာပါ။

ဒါမျိုးတွေ မဖြစ်ချင်ရင်
ဒါမျိုးတွေ မလုပ်မိအောင်
နေမှပဲရပါတယ်။

အပူစာဆိုတာ စားမိရင်
လောင်တတ်တယ်ဆိုတာ
ကိုယ်တိုင်ကိုယ်တွေ့သိခဲ့ရသလို

သမ္မာအာဇီဝနဲ့ သန့်ရှင်းတဲ့နည်းနဲ့
ငွေရှာတာတို့၊
ဒုက္ခရောက်နေတဲ့ လူတွေကို
ကူညီတတ်တာတို့၊

ဆာလောင်နေတဲ့ သတ္တဝါလေးတွေကို
အစာကျွေးတာတို့၊
ချို့တဲ့တဲ့ သူတွေကို ဖေးမတာတို့
လုပ်ရင်လည်း ဘဝက တဖြည်းဖြည်းနဲ့
တစ်ဆင့်ပြီး တစ်ဆင့်
တိုးတက်လာတာလည်း တကယ်
ကိုယ်တွေ့ပါပဲ။

ဒါကြောင့်လည်း ..

ဒုက္ခရောက်နေတဲ့လူတွေကို
ကူညီလိုက်ခြင်းအားဖြင့်
သူတို့ရဲ့ဘဝတွေ
မပြောင်းလဲလာရင်တောင်
ကိုယ့်ဘဝပြောင်းလဲလာလိမ့်မယ်လို့
ကျွန်တော် အမြဲတမ်းပြောဖြစ်နေတာပါ။

အပူစာဆိုတာ စားမိရင်
ပူလောင်တတ်တယ်၊ ဘဝပျက်တတ်တယ်
ဆိုတာရယ်၊

သန့်ရှင်းတဲ့ငွေက နည်းပေမယ့်
ကြာကြာခံတတ်တယ်ဆိုတာတော့
တကယ် ကိုယ်တွေ့ပါပဲ။

လူမှာ(၂) မျိုးပဲရှိတယ်။

ပင်ပန်းမှာစိုးလို့
အပူစာ စားတဲ့သူတွေရယ်။

အပူစာ စားမိမှာစိုးလို့
အပင်ပန်းခံတဲ့သူတွေရယ်ပေါ့။

ဒီတော့ ကိုယ်က ဘယ်အမျိုးအစားထဲ
ပါနေလဲဆိုတာ သတိပြုမိဖို့
ဒီစာလေးနဲ့ Sharing လုပ်ပေးလိုက်ပါတယ်။

Sint Nyi
4.9.25

Sint Nyi

22:25 30 thg 4, 2026

" ကတိ မတည်တဲ့သူကလည်း Risk ပါပဲ "

ဘယ်လောက်ခက်ခဲတဲ့
အခြေအနေ ရောက်ရောက် ..

ငွေရေးကြေးရေးနဲ့ ပတ်သက်ရင်
ကတိတည်နိုင်အောင်ကြိုးစားကြည့်
ပြဿနာတွေအားလုံး ခဏလေးနဲ့
ပြန်အဆင်ပြေသွားလိမ့်မယ်။

ကိုယ်တိုင်လည်း ကတိတွေ
မတည်နိုင်ခဲ့တဲ့ အချိန်တွေတုန်းက
တစ်သိန်း၊ နှစ်သိန်းကအစ
အကူညီတောင်းရတာခက်ခဲ ခဲ့သလို ၊

သိန်း လေးငါးဆယ်ဆိုရင်
ဘယ်နားကသွားရှာရမှန်းကို မသိခဲ့ဘူး။

" ငါ ကတိမတည်လို့ လူတွေငါ့ကို
မယုံကြတာပါလား" ဆိုတဲ့ အသိစိတ်
ဝင်လာပြီးတော့ ကတိတိုင်းကို
တည်နိုင်လာအောင် ကြိုးစား
စောင့်ထိန်းနိုင်လာတော့မှ ...

" အရောင်းအဝယ် အတွက် ငွေလိုလို
သိန်းသုံးထောင်လောက် အကောင့်ထဲ
ခဏထည့်ပေးပါ "ပြောရင်တောင် ..

" ဘယ်တော့ပြန်ပေးမလဲ " တစ်ချက်
မမေးဘဲ အကောင့်ထဲငွေတန်းထည့်ပေးတဲ့
သူတွေရှိလာတယ်။

" အဲဒါက ပြန်ဆပ်နိုင်မှန်းသိလို့
ခဏပေးတာ မဟုတ်ဘူး။
ကတိတည်မှန်းသိလို့ ပေးတာ။ "

ငွေရှိတဲ့လူတိုင်းက ကတိတည်တတ်ကြတာ
မဟုတ်လို့ ကတိတည်တတ်တဲ့လူကိုတော့
သူ့ပတ်ဝန်းကျင်က လေးစား
တန်ဖိုးထား တတ်ကြပါတယ်။

သူများဆီက ငွေချေးပြီး ရှိရဲ့သားနဲ့
ပြန်မဆပ်ကြတဲ့ သူဌေးတွေ
အများကြီးရှိတယ်။

ကတိတည်တဲ့လူ ကျတော့
ချေးထားတာ ပြန်မဆပ်နိုင်ရင်တောင်
သူ့ကတိ အပျက်မခံဘဲ
ပေါင်နှံရောင်းချ၊ ချေးငှားပြီး အချိန်မီ
မရရအောင် ပြန်ဆပ်တယ်။

ပေးမယ်ပြောတဲ့နေ့
ကမ္ဘာပျက်နေရင်တောင် ရအောင်
ပြန်ပေးတတ်ကြတယ်။

စီးပွါးရေးလောကမှာ
ရေရှည် ရပ်တည်ချင်ရင်
ငွေရှိဖို့ထက် ကတိတည်တတ်ဖို့က
ပိုအရေးကြီးပါတယ်။

လုပ်ငန်းခွင်မှာ Risk မျိုးစုံရှိတဲ့အထဲက
ကတိမတည်တဲ့လူနဲ့
အလုပ်လုပ်တာကလည်း
Risk တစ်ခုပါပဲ။

အရင်က လူပေါင်းစုံနဲ့ အလုပ်လုပ်တော့
ကတိမတည်တဲ့သူတွေနဲ့ လုပ်မိတဲ့အခါ
သူတို့နဲ့ ရောပြီး ကိုယ်ပါ နာမည်ပျက်တာတို့၊

သူတို့စကားမတည်လို့ ကိုယ့်ရဲ့ငွေကြေးတွေ
ဆုံးရှုံးခဲ့တာမျိုးတွေ အကြိမ်ကြိမ်
ဖြစ်ခဲ့ဖူးတော့ ..

အခုနောက်ပိုင်း လူတိုင်းနဲ့
အလုပ်မလုပ်ဖြစ်တော့ဘဲ
ကတိတည်တဲ့လူတွေနဲ့ပဲ
အလုပ် လုပ်ဖြစ် ေတာ့တယ်။

ကတိမတည်တဲ့လူက Risk တစ်ခုဖြစ်လို့
အလုပ်လုပ်တဲ့အခါ ကတိတည်တဲ့သူနဲ့ပဲ
လုပ်ကိုင်ဖို့ကို သိသလောက်လေး
Sharing ပြန်လုပ်ပေးလိုက်ပါတယ်။

Sint Nyi
13.7.25
TRUST စာအုပ်

Showing 20 of 20 posts

No more posts

Xếp hạng

Yêu cầu đăng nhập

Đánh giá của người dùng (0)

Chưa có đánh giá nào. Hãy là người đầu tiên chia sẻ trải nghiệm của bạn!

Kênh Telegram liên quan

Loading recommended channels...

Sint Nyi

Sint Nyi

Xếp hạng

Tăng trưởng người đăng ký (Trong 4 ngày qua)

Bài đăng gần đây

Xếp hạng

Đánh giá của người dùng (0)

Kênh Telegram liên quan

Grupuri Românești 🇷🇴

🐻Desinformador ruso👁‍🗨

Doxologia.ro

артохóлик

Primăria Chișinău

et voilà - da haben wir's!

Avertizări meteo 🌤️

Thảo Như (chính chủ) 🔞

Kênh Telegram liên quan

Grupuri Românești 🇷🇴

🐻Desinformador ruso👁‍🗨

Doxologia.ro

артохóлик

Primăria Chișinău

et voilà - da haben wir's!

Avertizări meteo 🌤️

Thảo Như (chính chủ) 🔞

Bài đăng gần đây

Đánh giá của người dùng (0)