Hali sharhlar yo'q. Birinchi bo'lib tajribangizni baham ko'ring!
So'nggi postlar
Islom.uz
28-mar, 2026, 02:18
Ramazon oyida ro'za tutmaslik uchun sabab bo'luvchi omillar 4-qism
Hidoya 142-son
Nafsni poklash va axloqni sayqallashda namoz va zakotdan keyin ro‘za ibodati keladi. Insonni yo‘ldan uradigan narsalar ichida qorin va jinsiy shahvatlar eng kuchlilaridan ekani hech kimga sir emas. Ro‘zaning foydalaridan biri xuddi o‘sha ikki shahvatni jilovlashga xizmat qilishidir. Ro‘za tutish Islom dinining besh rukni, besh asosidan biridir, Qur’on va Sunnat bilan sobit bo‘lgan. Shar’iy istilohda Ramazon oyida tong otganidan to quyosh botguncha niyat bilan ovqat yemaslik, ichimlik ichmaslik, jinsiy yaqinlik qilmaslik «ro‘za» deyiladi.
Muallif: Burhoniddin Marg‘inoniy
Ustoz: A’zamjon domla Qambarov
Hidoya sharh bidoyatil-mubtadi
☺️☺️☺️☺️☺️
🔗 https://www.youtube.com/watch?v=Y3q2CTA-6bM
🕋
6,850
58
0
Islom.uz
28-mar, 2026, 02:18
🎥 Video
Husni xulq
Ustoz Ismoil Muhammad Sodiq
🕋
8,330
91
0
Islom.uz
28-mar, 2026, 02:18
📷 Photo
#Саҳобалар_ҳаёти
Фитнага мубтало бўлганлар
عَنْ مُرَّةَ بْنِ كَعْبٍ رَضِي اللهُ عَنْهُ قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ ذَكَرَ الْفِتَنَ فَقَرَّبَهَا، فَمَرَّ رَجُلٌ مُقَنَّعٌ فِي ثَوْبٍ فَقَالَ: هَذَا يَوْمَئِذٍ عَلَى الْهُدَى، فَقُمْتُ إِلَيْهِ فَإِذَا هُوَ عُثْمَانُ بْنُ عَفَّانَ فَأَقْبَلْتُ بِوَجْهِهِ عَلَى النَّبِيِّ صَلَّى اللهُ عَلَيْهِ وَسَلَّمَ فَقُلْتُ: هَذَا؟ قَالَ: نَعَمْ.
Мурра ибн Каъб розияллоҳу анҳудан ривоят қилинади:
«Расулуллоҳ соллаллоҳу алайҳи васалламнинг фитналарни, уларнинг яқин қолганини зикр қилганларини эшитдим. Бас, кийимига ўраниб олган бир одам ўтиб қолди. У зот:
«Мана шу ўша кунда ҳидоятда бўлади», дедилар.
Мен туриб қарасам, Усмон ибн Аффон экан. Унинг юзини Набий соллаллоҳу алайҳи васалламга қаратиб:
«Мана шуми?» дедим.
«Ҳа», дедилар».
Шарҳ: Демак, саҳобаи киромлар содир бўлаётган ҳодисалар фитна эканини яхши билар эдилар. Улар фитнада ҳазрати Усмон ибн Аффон розияллоҳу анҳунинг ҳидоятда бўлишларини ҳам яхши билган эдилар. Шунинг учун у кишига қараб туриб, тасарруф қилар эдилар.
🔗 https://islom.uz/maqola/24969
🕋
Islom.uz
28-mar, 2026, 02:18
📷 Photo
#Тарих
Омирийларнинг ҳокимиятни эгаллаши
Андалусда ҳижрий 366–399 (милодий 976–1008) йилларда Ҳожиб Мансур Омирий мулкни, ҳукуматни ўзиники қилиб олди. У ўн ёшли халифа Ҳишомнинг васийси бўлгани ва Бану Умайяларнинг заифлашганидан унумли фойдаланди. Мансур Омирий ўткир зеҳнли, шижоатли ва тадбиркор одам бўлиб, қўзғалон ва фитналарни усталик билан бостирар эди. У насронийларга қарши фатҳ ишларини давом эттирди. Кўпинча урушларга ўзи раҳбарлик қилар эди. Элликта жанг олиб борилган бўлса, уларнинг бирортасида мағлубиятга учрамади. Шимоли-ғарбдан Испаниянинг энг узоқ ҳудудларигача етиб борди. Европа подшоҳларининг барчаси унинг ҳайбатидан титрар эди.
Мансур Омирийдан кейин ҳокимиятни ўғли Абдулмалик олди. У ҳам шижоатда, заковатда худди отасига ўхшарди. Абдулмаликдан кейин ҳокимлик унинг укаси Абдурраҳмонга ўтди. Абдурраҳмон отаси ва акасидан кўра анчагина заиф эди. У ҳижрий 399 йилда қатл қилинди. Ушбу ҳодиса билан омирийларнинг Андалусдаги ҳукми ниҳоясига етди.
🔗 https://islom.uz/maqola/24968
🕋
8,930
Islom.uz
28-mar, 2026, 02:18
📷 Photo
Президентлар Баҳоуддин Нақшбанд ва Сомонийлар мақбараларини зиёрат қилдилар
Мамлакатимизда давлат ташрифи билан бўлиб турган Тожикистон Республикаси Президенти Эмомали Раҳмон Ўзбекистон Республикаси Президенти Шавкат Мирзиёев билан биргаликда Бухородаги тарихий обидаларни зиёрат қилмоқда.
Қадимий Бухоро азалдан ўзининг беназир тарихий, меъморий ва маданий бойликлари билан машҳур бўлиб, асрлар давомида фан, ислом илми ва маънавият марказларидан бири сифатида танилган. Ёши 2,5 минг йилдан ошган шаҳарнинг тарихий марказига 1993 йилда ЮНЕСКОнинг Бутунжаҳон мероси объекти мақоми берилган.
Олий мартабали меҳмон дастлаб Ўзбекистон Республикаси Президенти Шавкат Мирзиёев ҳамроҳлигида Баҳоуддин Нақшбанд мақбарасини зиёрат қилди.
🔗 https://islom.uz/xabar/24984
🕋
#Жамият
Одамлар гапирсин!
Кузатишимча, одатда яхшилик билан бошланган бирор анъана бора-бора ёмон одатга айланиб қолиши мумкин экан. Бу илмсизлик – жаҳолатнинг ҳосиласи бўлса, ажабмас. Фикримни бир мисол билан тушунтираман.
Болалигимда маҳалламизда дадам раҳматли билан кетаётган эдик. Дарвозалардан бирига қоқилган тақага кўзим тушди (тақа – отнинг туёғига қоқиладиган темир мослама). Аввал ҳам кўриб юрардим, аммо маъносини билмасдим. Дадамнинг тушунтиришларича, авваллари одамлар асосан отда сафарга чиққан. Меҳмонхоналар бўлмагани учун бирор кимнинг уйини тақиллатиб, шу ерда тунашга жой сўраган. Албатта, отлиққа отхона ва ем ҳам керак бўлган. Бой ва ўзига тўқ кишиларда от ва табиийки отхона бўлган. Шунинг учун улар кечаси келиб қоладиган мусофирларга «Бизнинг уйда ўзингизга ҳам, отингизга ҳам қолишга шароит бор, бемалол эшигимизни тақиллатаверинг», деган ишорани билдириш мақсадида кўча дарвозасига тақа қоқиб қўйган.
«Кейинчалик одамларда (диний) илм камайиб кетди. Улар ота-бобосидан қолган дарвозалардаги тақани бойлик келтирадиган тумор сифатида кўра бошлади. Энг қизиғи, тақани остонага ҳам қоқиб қўйишяпти. Бу – жаҳолатдан. Бойликни талаб қиладиган одам меҳнат қилиши ва Аллоҳдан сўраши керак!» деб тушунтирдилар дадам раҳматли.
🔗 https://islom.uz/maqola/24967
🕋
Islom.uz
28-mar, 2026, 02:18
📷 Photo
Швеция марказий масжидида Ўзбекистондаги янгиланишлар юқори баҳоланди
Швеция пойтахти Стокголм шаҳри марказидаги “Зайд ибн Султон ал-Наҳайён” масжид-мажмуасида Ўзбекистон делегацияси ва Швеция диний пешволари ўртасида самимий мулоқот бўлиб ўтди.
Учрашувда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Янги Ўзбекистондаги диний ислоҳотлар ҳақида сўзлаб берди. Айниқса, юртимиз масжидларида мўмин-мусулмонлар учун қилинган шароитлар, турли ҳудудларда Қуръон курслари фаолият кўрсатаётгани, минтақада ягона бўлган Фатво маркази хизмат кўрсатиши, имомлар ва қориларнинг хориж сафарлари швециялик соҳа вакилларида катта қизиқиш уйғотди.
🔗 https://islom.uz/xabar/24972
🕋
9,040
Islom.uz
25-mar, 2026, 21:02
🎥 Video
Iymoni komil odam kim?
Ustoz Ismoil Muhammad Sodiq
🕋
8,300
122
0
Islom.uz
25-mar, 2026, 21:02
📷 Photo
#Суннат
Таомдан кейин идишни тозалаб қўйиш
Жобир розияллоҳу анҳудан ривоят қилинади:
«Набий соллаллоҳу алайҳи васаллам бармоқларни ва идишни ялаб қўйишни буюрдилар ва: «Сизлар таомингизнинг қаерида барака борлигини билмайсиз», дедилар».
Имом Муслим ривояти.
Бу ҳадисда бошқа бир одобни ҳам баён қилганлар. У одоб шуки, Аллоҳ таоло берган ризқ қадрсизланмаслиги учун таом еб бўлингандан сўнг бармоқларни ҳамда таом ейилган идишни хам ялаб тозалаб қўйишдир. Аслида, идишга қанча ея олса, шунча таом солиниши, ортиб қолмаслиги учун кўп солинмаслиги керак. Лекин фараз қилайлик, таом идишга кўпроқ солинди ва ортиб қолди. Қоринда таом ейишга жой қолмади. Бундай ҳолатда баъзи одамлар, идишга қанча таом солинган бўлса, барчасини еб тугатиб қўйиш зарур, деб ўйлайди. Хатто баъзилар кейин бадҳазмлик касалига мубтало бўлса ҳам, ўша таомни охиригача ейиш фарз ёки вожиб деб билади. Ёдда тутингки, шариатда, таомнинг ҳаммасини албатта еб қўйинг, деган ҳукм йўқ. Балки, шариатнинг кўрсатмаси бундай: аввало, идишга керагидан ортиқча таом солманг, лекин ортиқча таом солинса, уни қолдиришда айб йўқ. Фақат шундай қолдириш керакки, қолган таом идишнинг бир тарафида бўлсин. Бутун идишда ёйилиб ётмасин. Бунинг учун ўзингизнинг олдингиздан еб, ўша жойни тозалаб қўйишингиз керак. Токи, сиздан қолган таом бировга берилса, унда иштаҳасизлик, беҳузурлик бўлмасин. Исломнинг таълими https://islom.uz/maqola/24943
🕋
Islom.uz
25-mar, 2026, 21:02
📷 Photo
“Ҳаж – 2026” мавсуми элликбошилари учун ўқув машғулотлари бошланди
Шу йил 24 март куни Андижон, Фарғона ва Наманган вилоятларидан саралаб олинган гуруҳ раҳбарлари учун махсус ўқув семинари бўлиб ўтди. Ушбу тадбир “Ҳаж – 2026” мавсумини юқори савияда, намунали ва тартибли ташкил этиш, зиёратчиларимизга муносиб шароитлар яратиш мақсадида ташкил этилди.
Ўқув машғулотларини Наманган вилояти бош имом-хатиби Абдуллоҳ домла Самадов, Дин ишлари бўйича қўмита бўлим бошлиғи Бобомурод Рустамов ва Ўзбекистон мусулмонлари идораси Ҳаж ва умра тадбирларини ташкил этиш маркази директори Мақсуд Каримов олиб боришди.
Йиғилиш давомида нотиқлар гуруҳ раҳбарларига яқинлашиб келаётган ҳаж мавсумининг ташкилий ишлари, унга доир энг муҳим вазифалар ва масъулиятли жиҳатлари алоҳида тушунтириб ўтилди. Хусусан, зиёратчиларга Исломнинг бешинчи рукни бўлган ҳаж ибодатига пухта тайёргарлик кўриш, ҳаж амалларини адо этишнинг тартиб-қоидалари ва муборак қадамжоларни зиёрат қилиш одоблари хусусида сўз юритилди.
Шунингдек, соҳа мутасаддилари гуруҳ раҳбарларига ҳаж сафарига доир амалдаги қонунчилик ва бошқа меъёрий ҳужжатларни ҳам пухта билиш, зиёратчилар билан ишлашда доимо хушмуомала бўлиш, ўзаро ёрдам муҳитини шакллантириш муҳимлигига урғу қаратишди.
Семинар якунида иштирокчиларни қизиқтирган саволларга атрофлича жавоб берилди. Шунингдек, келгусида Фатво маркази уламолари билан ҳаж ибодатига оид шаръий масалалар бўйича дарс машғулотлари олиб бориш режа қилинди https://islom.uz/xabar/24930
🕋
Islom.uz
25-mar, 2026, 21:02
📷 Photo
#Кун_дуоси
Ҳилолни кўргандаги дуо
عَنْ طَلْحَةَ بْنِ عُبَيْدِ اللهِ رَضِي اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ كَانَ إِذَا رَأَى الْهِلَالَ قَالَ: اللَّهُمَّ أَهِلَّهُ عَلَيْنَا بِالْيُمْنِ وَالْإِيمَانِ وَالسَّلَامَةِ وَالْإِسْلَامِ رَبِّي وَرَبُّكَ اللهُ. رَوَاهُ التِّرْمِذِيُّ بِسَنَدٍ حَسَنٍ.
Толҳа ибн Убайдуллоҳ розияллоҳу анҳудан ривоят қилинади:
«Расулуллоҳ соллаллоҳу алайҳи васаллам қачон янги чиққан ойни кўрсалар, «Аллоҳим! Уни бизга хайр-барака, иймон, саломатлик ва Ислом ила чиқаргин. Роббим ва Роббинг Аллоҳдир», дер эдилар».
Термизий ҳасан санад ила ривоят қилганлар.
🔗 https://islom.uz/maqola/24931
🕋
11,200
Islom.uz
25-mar, 2026, 21:02
📷 Photo
#Уламолар
Имом Мотуридий илми каломга оид асарлари
Имом Абу Мансур Мотуридий раҳматуллоҳи алайҳи ўша вақтда илми калом деб номланган ва ақийда масалалари бўйича баҳс юритадиган илм соҳасида бир неча китоблар ёзганлар. Мазкур китоблардан баъзилари бизнинг давримизгача етиб келган ва чоп қилиниб, кўпчилик фойдаланмоқда. Шу билан бирга, улардан турли манбаларда номлари зикр қилинганлари, лекин бизгача етиб келмаганлари ҳам бор. Ана шу манбаларда бу китоблар ҳақида баъзи маълумотлар тақдим қилинган. Имом Абу Мансур Мотуридий раҳматуллоҳи алайҳининг бу соҳадаги китоблари қуйидагилардан иборат:
1. «Китабут тавҳид».
Имом Абу Мансур Мотуридий раҳматуллоҳи алайҳининг бош асарларидан бири «Китабут тавҳид»дир. Бу китобнинг номи унинг мазмунига далолат қилиб турибди. Имом Абу Мансур Мотуридий раҳматуллоҳи алайҳи ўзининг ушбу асарида мутакаллимлар услуби ила Аҳли сунна вал жамоанинг эътиқодини баён қилган.
🔗 https://islom.uz/maqola/24925
🕋
16,600
Islom.uz
25-mar, 2026, 21:02
📷 Photo
Sharh:
Demak, insonning jannatdagi manzili, martabasi masjidga borishiga qarab bo‘ladi. Mo‘min banda har safar masjidga borgani sababidan Alloh taolo unga jannatda manzil tayyorlaydi. Qancha ko‘p borsa, jannatdagi martabasi shuncha ortib boraveradi. Shundan ayon bo‘ladiki, masjidga oz borgan odamning jannatdagi martabasi ham oz bo‘ladi. Endi masjidga bormagan odamning martabasi qay darajada bo‘lishi mumkin?
Shuning uchun ertayu kech masjidga qatnab, u yerda jamoat bilan namoz o‘qishga harakat qilaverishimiz lozim.
«Hadis va Hayot» silsilasining 6-juzidan
#Hadis_va_Hayot
📚 https://t.me/hadisislomuz
15,500
Islom.uz
25-mar, 2026, 21:02
📷 Photo
Sharh:
Ushbu hadisi sharifdagi masjidlar va bozorlarga nisbatan aytilgan vasflar ularda sodir bo‘ladigan ishlar yuzasidan aytilgan.
Odatda masjidlarda Allohga ibodat qilinadi, tilovatu zikr, va’z-nasihatlar bo‘ladi, ilm o‘rganiladi, musulmonlarning axloq-odobi, tarbiyasi, ruhiy-ma’naviy holatini yaxshilash choralari ko‘riladi. Umuman, ikki dunyo foydasiga oid ishlar bo‘ladi.
Shuning uchun ham masjidlar Alloh taolo eng yaxshi ko‘rgan maskanlardir. Shuning uchun ham masjid – Allohning uyi, deyiladi. Har bir narsaning sharafi o‘sha narsaning egasining sharafiga qarab bo‘ladi. Allohning uyi bo‘lishdan ortiq sharaf bo‘lishi mumkinmi?!
Hadisi qudsiyda Alloh taolo quyidagilarni aytadi:
«Yerimdagi uylarim masjidlardir. Undagi Mening ziyoratchilarim masjidlarni obod qiluvchilardir. Bas, o‘z uyida tahorat qilib, Meni O‘z uyimda ziyorat qilgan bandaga xushhollik bo‘lsin. Ziyorat qilingan ziyorat qiluvchini ikrom etishi haqdir».
Demak, masjidlarga ko‘proq borishimiz, ularda ko‘proq ibodat qilishimiz, Allohga qurbat hosil qilishimiz lozim.
Masjidga borgach, u yerda ko‘zda tutilgan narsadan boshqa narsalar bilan mashg‘ul bo‘lish yaxshi emas. U yerda noshar’iy ishlar, gap-so‘zlar umuman bo‘lmasligiga harakat qilishimiz shart.
Bozorlar Alloh taolo eng yomon ko‘rgan joylardandir. Odatda u yerda yolg‘on, aldamchilik, birovning molini botil yo‘l bilan yeyish kabi hodisalar sodir bo‘ladi.
Islomda savdo-sotiq ishlarida halol bo‘lishga qattiq targ‘ib qilinadi. Aldamchilik, birovning haqqini yeyish, o‘zaro muomalalarda qalloblik qilish kabi ishlar qattiq qoralanadi.
Hadisda bozorlar Alloh taolo eng yomon ko‘radigan joy sifatida tilga olinishi ham shu jumlaga kiradi. Bozor bozor bo‘lganligi uchun emas, balki unda harom-xarish, noshar’iy ishlar ko‘p takrorlanib turganligi uchun shunday vasfga ega bo‘lgan. Shuning uchun musulmonlar bozorlarda doimo ehtiyot bo‘lishlari kerak. U yerlarga kirganda ham, yurganda ham Allohdan panoh so‘rab yurish lozim.
«Hadis va Hayot» silsilasining 6-juzidan
#Hadis_va_Hayot
📚 https://t.me/hadisislomuz
Islom.uz
25-mar, 2026, 21:02
43. Oli Imron surasi (33-44-oyatlar) | "Tafsiri Hilol" kitobi
Shayx Muhammad Sodiq Muhammad Yusuf hazratlarining "Tafsiri Hilol" kitoblari
Qori: Shayx Mahmud Xalil Xusoriy
Suxandon: Abdulqayyum Ismoil
#tafsir
🌐 https://youtu.be/pNa--kJGHyg?si=WhP_NUFRgqqAjCcl
🕋
17,300
77
0
Islom.uz
25-mar, 2026, 21:02
📷 Photo
#Кун_дуоси
Фақирлик, хорлик ва зулмдан паноҳ сўраш
عَنْ أَبِي هُرَيْرَةَ رَضِي اللهُ عَنْهُ قَالَ: كَانَ رَسُولُ اللهِ صَلَّى اللهُ عَلَيْهِ وَسَلَّمَ يَقُولُ: اللَّهُمَّ إِنِّي أَعُوذُ بِكَ مِنَ الْفَقْرِ وَالْقِلَّةِ وَالذِّلَّةِ، وَأَعُوذُ بِكَ مِنْ أَنْ أَظْلِمَ أَوْ أُظْلَمَ.
Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам «Аллоҳим! Албатта, мен Сендан бир фақирликдан, етишмасликдан, хорликдан паноҳ сўрайман. Сендан зулм қилишимдан ва зулмга қолишимдан паноҳ сўрайман», дер эдилар».
Шарҳ: Бу ҳадиси шарифдаги дуода бир неча нохуш нарсалардан Аллоҳ таолодан паноҳ тилаш бор.
1. Фақирлик.
«Фақирлик» сўзи аслида фақир – умуртқа поғонасининг синишидан олинган. Бундай мусибатга учраган одам қўлидан ҳеч нарса келмай, ўзгаларга муҳтож бўлиб, қимирлай олмай, ётиб қолади. Шунга ўхшаб, фақирлик ҳам кишига муҳтожлик келтиради.
🔗 https://islom.uz/maqola/24723
🕋
21,300
Islom.uz
25-mar, 2026, 21:02
📷 Photo
#Мўминларга_эслатма
Дўст ва улфатчилик одоби
Дарҳақиқат, суҳбат (ҳамроҳлик), дўстлик ва улфатчилик алоқалари никоҳ каби икки шахс орасида барпо бўладиган маънавий ришталардир. Оила ҳаётида жуфтларнинг ҳар иккиси ҳам амал қилишлари лозим бўлган қоидалар бўлганидек, дўстликнинг ҳам ўзига яраша риоя қилиш зарурий бўлган ҳақлари мавжуд. Дўстлик ришталари нафсоний туйғулар, дунёвий манфаатларга барпо қилинган бўлмаслиги, асосий мақсад охират манфаати ва Аллоҳ розилиги учун бўлиши керак. Бундай олий фазилатлар ҳаммада ҳам бўлавермагани учун ораларида суҳбат ва биродарлик ришталарини боғлайдиган кимсалар ўзларига дўст, биродар, ошна сифатида танлайдиган кишиларда бир катор комилликлар ва устун феъл-атворни ахтаришга мажбурдирлар. Шундай экан биз, аввало, суҳбат қиладиган (дўст тутадиган) кишини яхши таниб олмоғимиз лозим:
“Киши бошқасини биродар (дўст) тутса, (дастлаб) унинг ва отасининг исмини ҳамда у кимлардан эканини сўраб олсин. Зеро, бу дўстлик (риштаси) учун боғловчироқдир”.
Шунингдек дўст тутинган кишисига ўз муҳаббатини, уни яхши кўришини билдириб қўйиши керак:
“Агар сизлардан кимдир биродарини яхши кўрса, унга уни (яхши кўринишини) билдириб қўйсин”.
🔗 https://islom.uz/maqola/24404
🕋
Islom.uz
24-mar, 2026, 04:29
🎥 Video
Shavvol oyidagi olti kun ro‘za
Shayx Muhammad Sodiq Muhammad Yusuf rahimahulloh
🕋
47,300
234
0
Islom.uz
24-mar, 2026, 04:29
📷 Photo
Шаввол ойининг фазилати
Имом Нававий раҳимаҳуллоҳ: «Шаввол ойида никоҳ тўйини ўтказиш яхши саналган ишдир», дедилар.
«Саҳиҳи Муслим» шарҳидан.
Изоҳ: Имом Муслим, Термизий ва бошқалар Оиша розияллоҳу анҳодан ривоят қиладилар, у зот: «Расулуллоҳ соллаллоҳу алайҳи васаллам шаввол ойида мени ўз никоҳларига олдилар, шавволда мен билан бирга яшашни бошладилар. У зотнинг қай аёллари мендан кўра насибалироқ?», дедилар.
Оиша (қариндош) аёлларининг тўйи шавволда бўлишини мустаҳаб санар эдилар.
Имом Нававий раҳимаҳуллоҳ «Саҳиҳи Муслим»га ёзган шарҳларида Оиша розияллоҳу анҳодан юқоридаги шаввол ойи борасидаги ҳадисни зикр қиладилар ва асҳобларимиз шаввол ойида никоҳни мустаҳаб санаб, ушбу ҳадисни далил келтиришади, дейдилар. Оиша розияллоҳу анҳу бу сўзлари ила баъзи одамлар жоҳилият даврида шаввол ойида уйланиш ва турмушга чиқишни кариҳ санашларини рад этганлар. Чунки бу иш ботил ва асли йўқдир, жоҳилият қолдиқларидандир, дея баён қиладилар.
🔗 https://islom.uz/maqola/22072
🕋
19,500
Islom.uz
24-mar, 2026, 04:29
🎥 Video
🌙 Ramazon hayiti shukuhi
«Shayx Muhammad Sodiq Muhammad Yusuf» jome’ masjidida hayit shukuhi
Iydul-Fitr bayrami barchangizga muborak bo‘lsin!
🕋
17,600
157
0
Islom.uz
24-mar, 2026, 04:29
📷 Photo
#Кун_ҳадиси
Шаввол ойи рўзаси
Абу Айюб Ансорий розияллоҳу анҳудан ривоят қилинади:
«Расулуллоҳ соллаллоҳу алайҳи васаллам: «Ким Рамазон рўзасини тутиб, кетидан Шавволдан олти кун рўза тутса, йил бўйи рўза тутгандек бўлади», дедилар».
Имом Муслим ривояти.
🕋
24,400
237
Islom.uz
24-mar, 2026, 04:29
🎥 Video
🌙 Shavvol oyi ro‘zasining fazilati
Rasululloh sollallohu alayhi vasallam:
“Kim Ramazon ro'zasini tutib, ketidan Shavvoldan olti kun ro'za tutsa, yil bo'yi ro'za tutgandek bo'ladi”, dedilar (Imom Muslim rivoyati).
Bu ro‘zani istasangiz ketma-ket, istasangiz bo‘lib-bo‘lib tuting – savobi bir xil!
Biz eslatdik! Sizga esa himmat, tansihatlik, baraka tilaymiz!
🕋
25,800
278
Islom.uz
24-mar, 2026, 04:29
📷 Photo
#Шаввол
Шаввол ойининг фазилати
Аллоҳ таолонинг биз, бандаларга ато этган неъматлари беҳисоб, уларнинг саноғига етиш ҳам қийин. Аммо Парвардигорнинг бир неъмати ҳам борки, унинг нақадар муҳимлигини ҳар бир мусулмон жуда яхши билади. Бу неъмат инсонларнинг ҳаёт кечириш ва ибодат қилиш вақтларини аниқлаб-белгилашга хизмат қилувчи йил ва ой ҳисобининг жорий этганидир.
Аллоҳ таоло шундай марҳамат қилади: “Биз кеча ва кундузни (қудратимизни кўрсатиб турадиган) икки белги қилиб қўйдик. Кечанинг белгисини ўчирдик. Кундуз аломатини эса, Раббингиздан фазл (ризқ) исташларингиз учун ҳамда йиллар саноғини ва ҳисобини билишингиз учун ёруғлик қилиб қўйдик. Барча нарсани батафсил баён қилиб қўйганмиз” (Исро сураси, 12-оят); “Аллоҳ қуёшни зиё (таратувчи) ва ойни нур (сочувчи) этган ҳамда йилларнинг ададини ва (вақт ва замонга доир) ҳисобни билишларингиз учун (ойни) манзилларга ўлчаб қўйган Зотдир” (Юнус сураси, 5-оят).
🔗 https://islom.uz/maqola/2620
🕋
18,900
Islom.uz
24-mar, 2026, 04:29
📷 Photo
Имом Бухорий масжид-мажмуасида илк ҳайит намози ўқилди
Самарқанд вилояти Пайариқ туманида, қайта қурилган Имом Бухорий мажмуасидаги 10 минг кишилик янги масжидда илк ҳайит намози ўқилди.
Унда муфтий Шайх Нуриддин Холиқназар бошчилигида Ўзбекистоннинг турли ҳудудларидан келган уламолар, бош имом-хатиблар, нуронийлар ва бир неча минг кишилик жамоат иштирок этди.
5 йил давомида қайта қурилган масжид-мажмуа кеча, 19 март куни ҳайит арафасида кенг жамоатчилик учун очилди.
“Дуолар ижобат бўладиган саодатли лаҳзаларда муфтий ҳазратлари бошчилигидаги жамоат Ҳақ таолодан бутун оламга тинчлик-омонлик, юртимизга қут-барака ва халқимиз фаровонлигини сўраб дуо-ю илтижо қилдилар”, – дейилади Ўзбекистон мусулмонлари идораси хабарида.
Идора матбуот хизмати фоторепортаж тақдим https://islom.uz/xabar/24923
🕋
🌙 Iydul-Fitr bayrami barchangizga muborak bo‘lsin!
Ustoz Ismoil Muhammad Sodiq
«Shayx Muhammad Sodiq Muhammad Yusuf» jome masjidi imom-xatibi, «Hilol Nashr» matbaa-nashriyoti va http://islom.uz/ portali rahbari
& https://t.me/hilolnashrhttps://t.me/hazratim_uz
48,700
200
Islom.uz
22-mar, 2026, 21:15
📷 Photo
Ийдул-Фитр, Рамазон ҳайити муборак, Жума муборак!
Ассалому алайкум ва роҳматуллоҳи ва барокатуҳ!
Аллоҳ таолонинг тавфиқи билан муборак Рамазон ойини кундузлари рўзадор, кечалари хатми Қуръонларда қоим бўлиб ўтказдик. Шундай улуғ ибодатларни осон қилгани, завқу шавқ бергани учун Аллоҳ таолога беадад ҳамду санолар бўлсин!
Умматларига чексиз муҳаббат ва шафқат кўрсатиб, рўза тутишни барча сир-асрорлари билан ўргатиб кетган ҳабиб Пайғамбаримиз Муҳаммад Мустафо соллаллоҳу алайҳи васалламга салавоту саломлар бўлсин!
Барчамиз беҳад хурсандчилик билан динимиздаги катта байрамлардан бири – Ийдул-Фитр байрамини кутиб оляпмиз.
Бугунги файзли, тароватли кунларда барча юртдошларимизни, бутун дунё мусулмонларини Рамазон ҳайити билан самимий муборакбод этамиз.
Аллоҳ таоло азиз юртимизни ҳамиша офиятда сақласин, халқимизга тинчлик-осойишталик, хонадонларимизда файз-барака ато этсин, эзгу ишларимизда Ўзи мададкор бўлсин!
Рамазон ҳайитингиз муборак бўлсин, азизлар!
🕋
🌙 Alvido Ramazon
«Shayx Muhammad Sodiq Muhammad Yusuf» jome’ masjidi imom noibi Muhammadxon qori Karimulloh o‘g‘li
Ramazon 1447 | 2026
📹 https://youtu.be/kzAGhSgz4zE
Yaqinlaringizga ham ulashing!
