Hali sharhlar yo'q. Birinchi bo'lib tajribangizni baham ko'ring!
So'nggi postlar
Abror Zohidov
7-may, 2026, 01:14
☺️ «Уялмайсизми?» демасангиз айтаман
Хижолат бўлсангиз, қолганини ўқиманг.
Мусофирхонани, квартираларни эр-хотинларга бераман. Албатта никоҳини, ЗАГСларини жиддий суриштираман. Ҳаммаси жойида. «Хўп, нима бўлибди? Мусофирлар келадида» дегандирсиз. Қизиқ томони шунда. Келадиганлар мусофирлар эмас, Тошкентда доимий яшайдиганлар.
Мендан икки сабаб билан квартира сўрашади:
1. Ёш эр-хотин, лекин бирга эмас, бир-бирига ташна. Қайнонами, қайнотами, ишқилиб келинни сиғдиришмаган. Никоҳ узилмаган, йигит бошқа хотин қилмаган. Ота-онасидан ҳам кеча олмайди, муроса топа олмайди. Иложсиз, кўришиб туришади…;
2. Бу тоифа ёш эмас, 30-40 ёш атрофидаги жуфтликлар. Бирининг вазияти «домчилик, бир хонада яшаймиз, болалар катта бўлиб қолди-да…», иккинчиси «вилоятдан келиб икки хона уй олганимга 15 йил бўлди. Бирор кун, ишонинг, бирор кун меҳмон йўқ куним йўқ…».
Шунақа қилиб беш-олтитаси «доимий мижоз»лар бўлиб қолишган. Билмадим, бу ҳам бир савоб бўлса керак-да… 🤷♂️
Аброр Зоҳидов
| https://www.instagram.com/abrorzohidov1
1,570
153
0
Abror Zohidov
7-may, 2026, 01:14
❌ Метродаги думбулликни кўриб, ишлам калламай қолди
🤷♂️ Қизиқ а?! Метрода карта билан уч кишидан ортиқ кишига тўлаб бўлмас экан. Дейлик, биз беш кишилик оиламиз. Уч кишига тўладим, бу тизимга кўра қолган икки болам қолиб кетаркан-да.
Бугун метрода сайёҳларни кўрдим. Тахминан 20-25 киши ҳайрон бўлиб туришибди. Ўзлари тўлай олишмади, гид нақд билан тўлаш учун банкоматга кетди. Одатда сайёҳ/меҳмонларга ёрдам бергим келади. Кичик кўмагим тегсин, деб ҳаммасини чақирдим ва бирин-кетин картамда тўлаб, турникетдан ўтказа бошладим.
Уч кишидан кейин яшил ўрнида қизил ранг кўринди. «Балки турникет ишламагандир» деб бошқасига тўладим. Уям ишламади. Ходим опадан сўрадим. «Уч кишига тўлов қилган бўлсангиз картангиз энди блокланади. Ярим соатгача ишламайди», деди. Ҳайратландим. Сайёҳлар ҳам қолаверишди. Индамай кетдим…
Бу қанақа тизим бўлди? «Рақамлаштириш» дейилди, тўлаяпмиз. «Шаффофлик» дейилди, ойнадан баттар шаффоф бўлиб кетдик. «Карта ишлатинг» дейилди, ишлатяпмиз. Лекин бу нима аҳмоқгарчилик? Карта меники, пул меники. Истаганимга тўла олмасам, ҳуқуқларим чекланмайдими?!
Аброр Зоҳидов
| https://www.instagram.com/abrorzohidov1
2,050
Abror Zohidov
7-may, 2026, 01:14
📷 Photo
🤷♂️ «Болалар контенти» ҳақида ўйлаганмисиз?
✅ Мен кўп ўйлайман, қўрқиб кетаман ҳатто. Болаларимиз эрта-кеч телефонда, улар нималарни кўришяпти? Назорат қиляпмизми, нимани таклиф этяпмиз?!
Агар болаларимизнинг сифатли медиа маҳсулотга бўлган эҳтиёжини миллий контентлар билан қопламасак, бўшлиқни ахлоқий мезонларимизга зид чет эл маҳсулотлари тўлдира бошлайди. Болаларимиз ўқиётган китоблар, кўраётган мультфильмлар ва рақамли оламдаги қизиқишлари уларнинг эртанги шахсиятини белгилайди.
Шу мавзуда тадбир уюштирилди. Аниқроғи, муҳокама, суҳбат бўлиб ўтди. Учрашувда ижодкорлар, илмий соҳа вакиллари, масъуллар ва жамоатчилик фаоллари иштирок этди.
Тадбир болалар контенти соҳасидаги энг оғриқли муаммоларни очиқ-ойдин ўртага ташлаш майдони бўлди. Мулоқот давомида:
✅ болалар контенти соҳасидаги мавжуд масалалар муҳокама қилинди;
✅ янги ғоя ва креатив лойиҳалар, уларни амалга ошириш бўйича таклифлар кўриб чиқилди;
✅ халқимиз суйган режиссёрлар, аниматорлар, ёзувчилар ва жамоатчилик фаоллари билан эркин фикр алмашилди.
Ҳар йили болалар учун «Ютуб»да 10 млн.дан ортиқ материаллар жойлаштириларкан. Хўш, ўзбек медиамайдонидаги вазият қандай? «Фарзандларимиз учун сифатли контентни биргаликда яратамиз!» деган шиор бежиз илгари сурилмади.
✨ Аммо фақат чиройли сўзларнинг ўзи етарли бўлмайди. Қалам тутганлар борки бу ҳақида ўйлаши керак. Шарт!
Аброр Зоҳидов
| https://www.instagram.com/abrorzohidov1
Abror Zohidov
7-may, 2026, 01:14
“Неъмат” дея ниқобламанг ёки қасдма-қасд туғишни бас қилинг! Фарзанд Яратганнинг неъмати эканлигига, тирик жон борки ризқи етиб туришига ҳеч шубҳа йўқ. Лекин устма-уст туққан, ўзи ёш, қўлида ёш бола, бунинг устига рўзғорнинг минг ташвишига ўралиб бораётган…
2,610
81
0
Abror Zohidov
7-may, 2026, 01:14
📷 Photo
✅ “100/100/100 эҳсон” ёки болажонлар учун “Баҳорий таом – фойдали витаминлар”!
Эсингизда бор а, роппа-росса бир йил олдин шундай эҳсон . Бу сафар ҳам 100 оилага 100 минг сўмлик харажат қилиб, 100 минг сўмдан эҳсон бериш мўлжалланган!
Шартлар ўша-ўша: бемор болажонга ҳам, оддий оилага ҳам, муҳтожга ҳам, ёш талабага – ҳамма-ҳаммага! Картангизга тушириб берамиз, Сиз 100 минг сўмга бир таомлик бозорлик қиласиз. Бўлди! Қизиқ, а?
Синаб кўрдик, етаркан. 4-5 киши мисолида ҳисоб-китоб қилдик (2025 йилга нисбатан кўп ўзгариш бўлмади):
1. Ярим кило гўшт (тўш) – 45.000 сўм;
2. Янги картошка – 10.000 сўм;
3. Бир бош карам, янги сабзи+пиёз+шолғом+кўкат тўплами – 20.000 сўм;
4. Салат маҳсулоти, 2 та нон – 20.000 сўм;
5. Таъбга кўра маҳсулотлар алмаштирилиши мумкин.
Энг муҳими – таомни уй шароитида тайёрланг. Очиқ гуруҳ – 100 KISHIGA 100 EHSON, аъзо бўлганингиз кифоя. Оилавий ҳолат текширилмайди, обуначилар сони ошириш мақсадимиз йўқ. Фақат гуруҳга тайёр таом билан сурат ёки видео жўнатсангиз, шод бўлардик. Ўзингиз, оилангиз ёки талабалар билан бирга эканингиз ҳақида гуруҳга қисқа маълумот юборсангиз бўлди. Тамом!
Эсда тутинг:
* Акциялар 30 апрелгача давом этади, кечикманг;
* Иштирокчилар сони 150 кишидан ошиб кетса, муддатидан олдин тўхтатилади;
* Танланганларга (ҳаммага имкон бўлмаслиги мумкин албатта) қайта алоқага чиқилади;
* Шахсингизни сир тутиш истагида ёки хижолат бўлсангиз, билдиринг.
Кимдир бош қўшиш истагида бўлса, бош устига! Бор-йўғи 100 минг сўм билан бир оилани, болажонларни хурсанд қилиш жуда осон. Мен тавсия қиламан, оилаларга тўғридан-тўғри ўтказиб берасиз.
* “Бу нима бўларди?”, “Бир кило гўштнинг ўзи 150 минг бўляптику?” дейдиганлар – бу эълон сиз ҳақингизда эмас, шукр қиладиганлар ҳақида.
Аброр Зоҳидов
| https://www.instagram.com/abrorzohidov1
Abror Zohidov
7-may, 2026, 01:14
🖐 Азизлар! Юқоридаги акция бўйича 150 дан ортиқ хатлар етиб келди, гуруҳнинг ўзида 100 дан ошди. Шу тарзда эълон ўз кучини йўқотди. Эҳсон навбати билан картага тушириб берилади. Энди ёзманг!
1,930
41
0
Abror Zohidov
7-may, 2026, 01:14
📷 Photo
✅ Дардимиз бир: Ўзбекистон ва Қозоғистон жиддий масалани муҳокама қилишди
Ўзгидромет агентлиги директори Шерзод Ҳабибуллаев "Марказий Осиёда эрта огоҳлантириш тизимлари: минтақавий ҳамкорликдан барқарор келажак сари" мавзусидаги панел сессияда иштирок этди ва маъруза қилди.
⚡️ Қизиқ фактлар бор экан:
* Ўзбекистонда гидрометеорологик кузатувлар тизимини ривожлантириш, маълумотлардан самарали фойдаланиш асосида қарорлар қабул қилиш ҳамда эрта огоҳлантириш тизимларини такомиллаштириш борасида амалга оширилаётган ишлар олиб борилмоқда. Хусусан, республика ҳудудида 425 та кузатув пунктидан иборат тармоқ фаолият юритаётгани, кузатувлар 1921 йилдан буён олиб борилаётгани қизиқ. Бу бир асрдан ортиқ дегани;
* Гидрометеорологик мониторинг тармоғини модернизация қилиш, автоматик станцияларни кенг жорий этиш, маълумотларни интеграция қилиш ва ҳудудий қамровни 95 фоизга етказиш бўйича ҳаракат кетяпти;
* Замонавий мониторингда сунъий йўлдош маълумотларидан кенг фойдаланилаётгани, жумладан, NOAA, Meteosat ва бошқа сунъий йўлдошлар орқали олинган маълумотлар асосида прогнозлар тайёрланаётгани эътиборли;
Шерзод Ҳабибуллаев Ўзгидрометнинг халқаро ҳамкорлиги, жумладан, Жаҳон метеорология ташкилоти доирасидаги фаолияти ҳамда минтақавий ҳамкорликни кучайтириш орқали барқарор ва хавфсиз келажакни таъминлаш бўйича сўзлабди. Чунки ўзимизга ҳам, қардош давлатларга ҳам бу жуда муҳим.
Аброр Зоҳидов
| https://www.instagram.com/abrorzohidov1
Abror Zohidov
7-may, 2026, 01:14
📷 Photo
“Неъмат” дея ниқобламанг ёки қасдма-қасд туғишни бас қилинг!
Фарзанд Яратганнинг неъмати эканлигига, тирик жон борки ризқи етиб туришига ҳеч шубҳа йўқ. Лекин устма-уст туққан, ўзи ёш, қўлида ёш бола, бунинг устига рўзғорнинг минг ташвишига ўралиб бораётган аёлнинг яна ҳомиладор бўлиши стресс келтириб чиқармайдими? Зўрма-зўраки эришаман деб, шунгача берилган бошқа неъматлар – тинчлик ва соғликка рахна солиб қўйилмаяптими?
Қолаверса, айрим аёлларимизда устма-уст қасдма-қасд туғиш одати бор. Шу йўл билан янги оилада мустаҳкам илдиз отиш, эрни маҳкам ушлаб олиш ниятидагилар ҳам бисёр. Ўзбек болажонлиги билан постсовет ҳудудида аҳолиси ўсиш бўйича биринчиликка чиқиб олдик.
Бунинг ортидан келиб чиқадиган ишсизлик, аёл соғлигидаги муаммолар, оилавий зиддият, руҳиятидаги салбий ўзгариш, иқтисодий етишмовчиликни ўйлашгаям вақтимиз йўқдек гуё. Болани фақат дунёга келтириш ва қорнини тўйдириш эмас, унга вақт ажратиш, шуғулланиш, соғлиғи ҳақида кўпроқ қайғуриш ҳам лозим.
Аброр Зоҳидов
https://ishonch.uz/news/bolalar-bir-birini-sudrab-katta-bladim
