Жигарларим
Сиз бир неъмат ўзидан тортиқ,
Дунёлардан, бойликдан ортиқ,
Соғинчларим елкамга ортиб,
Жигарларим, сизни соғиндим.
Сиз - оқибат деган нур-китоб,
Йўқламадим, бўлибсиз бетоб,
Кўргим келар шу онда, шу тоб,
Жигарларим, сизни соғиндим.
Ўргилай қош-кўзларингиздан,
Аччиқ-ширин сўзларингиздан,
Порлаб турган юзларингиздан,
Жигарларим, сизни соғиндим.
Ярамадим корингизга мен,
Бошга ёққан қорингизга мен,
Шукр айтдим борингизга мен,
Жигарларим, сизни соғиндим.
Хотиралар ёдимда ҳамон,
Соғинч чорлар фақат сиз томон,
Сиздан узоқ бўлганим ёмон,
Жигарларим, сизни соғиндим.
Ўтказгансиз ҳамиша тўрга,
Уйларингиз тўлсин-ей нурга,
Жаннатларга кирайлик бирга,
Жигарларим, сизни соғиндим.
✍МУСЛИМА.
https://telegram.me/joinchat/Eyf9Vbm8ruAxMDIy
☝️Обуна бўлишни унутманг!