Віцебская Вясна

Public

Qo'shila olmaysizmi? @vicspring

255 A'zolar

Yangilangan: May 26, 2026 at 8:42 AM

Віцебская Вясна

Падзеі, працэсы, здарэнні ў Віцебску, якія могуць закрануць і цябе. Правы чалавека і праявы свабоды - толькі па-беларуску.

@vicspring is a growing community focused on Matka va lotereya and related topics

Reyting

Global reyting

#33696

-2384

Til reytingi

#161

-22

Toifa reytingi

#1353

-128

Obunachilar sonining o'sishi (Oxirgi 20 kun ichida)

Jami: 255

24 soatlik o'sish: +5 2%

So'nggi postlar

Віцебская Вясна

16-may, 2026, 23:44

📷 Photo

В российском розыске новые фамилии из Витебщины

По https://mediazonaby.com/article/2026/05/13/wanted_rb «Медиазоны», в базе МВД РФ уже почти 6 тысяч беларусов: туда людей обычно добавляют после объявления в розыск в Беларуси — то есть искать их начинают сразу две страны.

Среди них — целая витебская география. Оршанцы Александр Ивулин и Ярослав Писаренко — спортивные журналисты и авторы проекта «ЧестнОК»; Ивулин еще и бывший политзаключенный. Там же Наталья Говорова из Орши — многодетная мама, осужденная за «оскорбление Лукашенко» и представителя власти. В списке также Инесса и Маргарита Вориховы: Инессу Ворихову задерживали в Новополоцке как мать советницы Тихановской, а Маргарита сейчас представляет молодежное направление в демсилах. Отдельно — Станислава Терентьева, уроженка Миор и общественная активистка, которая раньше жила и работала в Витебске.

📷: Маргарита и Инесса Вориховы

Віцебская Вясна

16-may, 2026, 23:44

📷 Photo

Міліцыя паведаміла пра затрыманне 21-гадовага жыхара Віцебшчыны, які  “придерживался националистических и протестных взглядов”

Аднак у паведамленні  Telegram-канала “МВД Беларусі”  ніякіх доказаў гэтаму няма. Хаця мы ведаем, што сілавікі ніколі не ігнаруюць мажлівасці прадэманстраваць знойдзеную падчас вобшуку бел-чырвона-белую сімволіку. Найхутчэй, нацыяналізм і пратэстная актыўнасць згаданы, як кажуць, “для прыцягнення ўвагі”.  І для дапаўнення вобраза "ворага”.

Непасрэднай падставай для затрымання стала тое, што хлопец “размяшчаў  у сацсетках партрэты Адольфа Гітлера з мэтай гераізацыі яго асобы” і  пакідаў каментары  “аб прычыненні шкоды ветэранам Вялікай Айчыннай вайны, бо лічыў, што ў іх дзеяннях не было подзвіга”.

Затрыманне праводзілі ўзброеныя супрацоўнікі  спецназу і ГУБАЗіК. Следчыя органы распачалі крымінальную справу за “дзеянні, накіраваныя  на распальванне сацыяльнай варожасці ці варажнечы”.

Па https://t.me/pressmvd  Telegram-канала, затрыманы ўжо дае прызнальныя паказанні.

Віцебская Вясна

16-may, 2026, 23:44

📷 Photo

Суд Чашніцкага раёна прызнаў “экстрэмісцкай інфармацыйнай прадукцыяй” старонку ў Instagram нарвежскай грамадскай арганізацыі

Грамадская арганізацыя Solidaritet med Belarus (Solibel) была створана ў 2021 годзе для падтрымкі дэмакратычных зменаў, абароны правоў чалавека і дапамогі рэпрэсаваным беларусам, у тым ліку вымушаным эмігрантам.

Старонка “ http://solibel.no/“у Instagram была прызнана “экстрэмісцкай інфармацыйнай прадукцыяй” 12 траўня, на наступны дзень яе ўключылі ў Рэспубліканскі спіс экстрэмісцкіх матэрыялаў.

Віцебская Вясна

16-may, 2026, 23:44

📷 Photo

У Наваполацку адкрылі цэнтр, дзе будуць “вучыць вернасці Радзіме”

А яшчэ асновам вайсковай справы і ўзаемадапамогі. Так акрэсліў старшыня Наваполацкага гарвыканкама Ігар Бурмістраў функцыі Цэнтра вайскова-патрыятычнага выхавання і фізічнай культуры дзяцей і моладзі. Цэнтр размясцілі ў будынку былога дзіцячага садка, што выдатна ілюструе дзяржаўныя прыярытэты адносна маладога пакалення.

Ён створаны для ўдзельнікаў вайскова-патрыятычных клубаў, профільных класаў і атрадаў – іх у Наваполацку налічылі 975 чалавек. Вайскова-патрыятычны профіль уключае медычную, страявую, агнявую падрыхтоўку, рукапашны бой і ўпраўлене дронамі. Для гэтага абсталявалі цір, плац і кабінет БПЛА. Яшчэ ёсць фізкультурна-спартовы профіль, інакш кажучы, секцыі баскетбола, валейбола, футбола і настольнага тэніса. Есць і трэнажорны зал, куды наваполацкіх школьнікаў пакуль што абяцаюць пускаць бясплатна.

Не паспеў цэнтр адчыніцца, як ад імя ГА “Белая Русь” ужо атрымаў грант на далейшае развіцце памерам 100 б. в. (4 500 рублёў).

Віцебская Вясна

16-may, 2026, 23:44

📷 Photo

Ганна Федаронак: “Ворагі напісалі, што я памерла. Але я жывая!”

Ганна Федаронак, вымушаная палітэмігрантка з Пастаўшчыны, адміністратарка варшаўскага шэлтара для палітуцекачоў з Беларусі, была вымушана выступіць з незвычайным відэазваротам.

У ім жанчына https://www.facebook.com/reel/2046881746204434, што ёй пераслалі фотаздымкі ўлётак правакацыйнага зместу. Там гаварылася, што “Ганна Федаронак памерла” і што адкрыты збор сродкаў, каб яе пахаваць. Прычым указваліся рэквізіты фонда і рахункі, звязаныя з дзейнасцю актывісткі.

Як яна даведалася пазней, такія ўлёткі былі зафіксаваныя ў Чанстахове. Ганна Федаронак лічыць, што гэта правакацыя можа быць звязана з выбарамі ў Каардынацыйную раду, куды яна балатуецца, - маўляў, гэтая асоба гатовая збіраць грошы нават на ўласнае пахаванне.

Віцебская Вясна

16-may, 2026, 23:44

📷 Photo

У дзень нападу Расіі на Украіну ў наваполацкай ПК-1 па радыё ўключылі песні ваеннага часу

"Беларуская турэмная сістэма і структуры МУС адкрыта сімпатызуюць Расіі", - распавёў экс-палітвязень Анджэй Пачобут, сёлета 28 красавіка.

Пра ўмовы ўтрымання за кратамі і планы вярнуцца на радзіму - у ягоным https://www.lrt.lt/ru/novosti/17/2927093/pochobut-tiuremnye-nadzirateli-prazdnovali-napadenie-na-ukrainu-sovetskimi-pesniami, апублікаваным на партале http://lrt.lt/.

Віцебская Вясна

16-may, 2026, 23:44

📷 Photo

Газета  “Міёрскія навіны”  прапагандуе абавязковае размеркаванне студэнтаў-платнікаў

Выданне спрабуе сфармаваць пазітыўнае стаўленне да абавязковай адпрацоўкі студэнтаў-платнікаў, хаця беларускім заканадаўствам гэта не прадугледжана. Газета падае  аргументы на карысць таго,  быццам абавязковая адпрацоўка пасля навучання — гэта не абмежаванне, а справядлівая і нават карысная практыка, не кантроль над выпускніком, а форма падтрымкі маладога спецыяліста.

Асобнае месца ў артыкуле “Студентов-платников в Беларуси будут распределять” займае тэма «роўнасці» бюджэтнікаў і платнікаў. Падкрэсліваецца, што ўсе студэнты вучацца ў аднолькавых умовах і атрымліваюць аднолькавую адукацыю, а таму павінны мець і аднолькавыя «правы» на размеркаванне. Тут адбываецца своеасаблівая падмена паняццяў - размеркаванне падаецца як права, якое прадугледжавае свабоду выбару. Але фактычна з’яўляецца абавязкам, зацверджаным у заканадаўстве (пакуль яшчэ для тых, хто вучыцца “на бюджэце”). ➡️ https://tinyurl.com/bddstjye

Віцебская Вясна

16-may, 2026, 23:44

📷 Photo

64 разы за 120 дзён! Амаль праз дзень міліцыя ў Наваполацку прыцягвае да прымусовай працы асобаў, якія стаяць на прафілактычным уліку

Ужо некалькі год практыкуецца выкарыстанне ў якасці бясплатных дворнікаў тых, хто стаіць на ўліку ў крымінальна-выканаўчай інспекцыі. 118 такіх асобаў прыцягвалі ў Наваполацку да “добраахвотных грамадскіх прац” ажно 64 разы на працягу першых 4-х месяцаў гэтага года. Міліцыя сцвярджае, што прыбіранне смецця пад пагрозай адміністрацыйнага пакарання “станоўча ўплывае на працэс выпраўлення і выхавання”, “матывуе да афіцыйнага працаўладкавання і вяртання да здаровага ладу жыцця”.

Праўда, статыстыкі, якая падмацавала б гэтыя словы, няма. А прымусовая праца забаронена на заканадаўчым узроўні: у ч. 4 арт. 41 Канстытуцыі РБ сказана, што «прымусовая праца забараняецца, акрамя работы або службы, якая вызначаецца прыгаворам суда або ў адпаведнасці з законам аб надзвычайным і ваенным становішчы». Аналагічная забарона ўтрымліваецца ў арт. 13 Працоўнага кодэкса Рэспублікі Беларусь.

Віцебская Вясна

16-may, 2026, 23:44

📷 Photo

🗣«Мы маем справу не з аднаўленнем справядлівасці, а з трансфармацыяй рэпрэсій»: чаму памілаванне без рэабілітацыі не азначае свабоду

З лета 2024 года па памілаванні на волю выйшлі прыкладна 855 палітвязняў, частку з якіх прымусова выдварылі за межы Беларусі. Вызваленне палітвязняў усё часцей набывае форму «гібрыднага пераследу»: з турэмных камер людзі трапляюць пад фінансавую блакаду і прававую безабароннасць. Статусы «экстрэмістаў» і «тэрарыстаў» робяць жыццё невыносным, бо немагчыма атрымаць заробак ці распараджацца маёмасцю.

«Вясна» разам з юрыстам Паўлам Сапелкам тлумачыць, чаму памілаванне без поўнай рэабілітацыі застаецца толькі частковым крокам, і чаму праваабарончая супольнасць настойвае на аднаўленні ўсіх правоў былых палітвязняў.

«Калі дзяржава заяўляе аб "міласэрнасці", але пакідае чалавека ў прававым "гета", мы маем справу не з аднаўленнем справядлівасці, а з трансфармацыяй формы рэпрэсій».

Чытаць па спасылцы 👉 https://spring96.org/be/news/120256

https://storage.googleapis.com/spring96/read.html?page=/be/news/120256

Віцебская Вясна

16-may, 2026, 23:44

📷 Photo

Пончыкі, фаршыраваныя памідоры і аліўе. Так у Сянно ўяўляюць сабе палявую кухню

У райцэнтры 9 мая прайшоў раённы конкурс найлепшых страў палявой кухні «Рецепты Победителей». Мы наіўна , што журы будзе ацэньваць кашу з тушонкай ды  макароны па-флоцку. Але фантазія ўдзельнікаў сягнула так далёка, што прапанаваныя стравы часам  нагадвалі банкетнае меню, а не сціплую ежу з салдацкага кацялка.

Раённая газета “Голас Сенненшчыны” апублікавала фотарэпартаж з конкурсу, на якім былы прадстаўлены і халадзец, і тарталеткі з начынкай, і рулеты, і мяса на “шпажках”... У палявых умовах, у кароткіх перапынках паміж баямі пра такія стравы даводзілася толькі марыць. Але ідэолагі працягваюць эксплуатаваць ваенную тэму, рамантызуючы падзеі, якія насамрэч былі страшнымі і трагічнымі.

Пры гэтым заклікі пра захаванне гістарычнай памяці часта застаюцца пустымі словамі. Так, у Віцебску   на імёны 7 тысяч удзельнікаў вайны, якія мусілі перадаць для фіксацыі ў сістэме дадзеных.

Віцебская Вясна

2-apr, 2026, 07:59

📷 Photo

Прызненне палітвязнем: дадатковыя цяжкасці за кратамі або трэк на вызваленне?

Пасля вызвалення 19 сакавіка 250-ці палітвязняў сярод сваякоў зняволеных “за палітыку” зноў абвастрыліся дыскусіі: ці настойваць на тым, каб пра пакаранне блізкага чалавека “ніхто не ведаў”, ці надварот – зрабіць гэты факт вядомым для шырокай грамадскасці і дамагацца прызнання палітзняволеным.

🔸Як адбываецца працэдура прызнання чалавека палітычным палітвязнем?
🔸Ці могуць сваякі уплываць на канчатковае рашэнне?
🔸Што ім варта ўлічваць у цяперашняй сітуацыі, калі вызваленні палітычных зняволеных адбываюцца пра садзейнічанні ЗША?
🔸З кім можна параіцца па кожнай індывідуальнай сітуацыі?

Над гэтымі пытаннямі Віцебская вясна разважае разам з юрыстам, праваабаронцам Алегам Мацкевічам: 👉 https://tinyurl.com/j75234yd

Віцебская Вясна

2-apr, 2026, 07:59

📷 Photo

Праект, дзе ўдзельнікам пазначаны віцебскі актывіст Дзмітрый Карняенка, у Расіі прызнаны “иноагентом“

У мінулую пятніцу, 27 сакавіка, на сайце Міністэрства юстыцыі РФ з’явіліся абнаўленні ў спесе так званых “иноагентов“. У яго уключылі кінарэжысёра Паўла Таланкіна, журналістку Марыну Скорыкаву, бізнесмена Віталя Гінзбурга , а таксама «Христиане против войны». У якасці ўдзельнікаў апошняга згаданыя Наталля Васілеўская і Дзмітрый Карняенка.

“Інаагентам яшчэ не быў, але стаў”, -- напісаў актывіст у Facebook.

Ужо некалькі гадоў Дзмітрый Карняенка жыве ў вымушанай эміграцыі. Падчас знаходжання за мяжой яго двойчы ўдзельнікам “экстрэмісцкіх фармаванняў” у Беларусі - праектаў "Народный депутат" і "Хрысціянская Візія: НЕ ВАЙНЕ". Хрысціянскі антываенны праект быў прызнаны “экстрэмісцкім фармаваннем” летась, 1 красавіка 2025 г., паводле рашэння беларускага КДБ.

Віцебская Вясна

2-apr, 2026, 07:59

📷 Photo

Прапагандаст з Глыбокага крытыкуе краіны Балтыі і Польшчу за мілітарызацыю і санкцыі

Рэдактар раённай газеты “Веснік Глыбоччыны” Андрэй Панкрат на сайце газеты апублікаваў артыкул “Санкцыйны бумеранг: як брусельская палітыка ўдарае па ўласных грамадзяна”. У ім раённы прапагандыст крытыкуе палітычную і сацыяльную сферы ў Еўропе, у прыватнасці, у Літве.

Андрэй Панкрат сцвярджае, быццам кожны пяты жыхар Літвы знаходзіцца за рысай беднасці, і прыводзіць прыклад гісторыі мясцовай жыхаркі, якая нібыта атрымала рахунак за камунальныя паслугі 356 еўра - суму, якая перавышае яе даход. Ён сцвярджае, што падобныя гісторыі становяцца штодзённасцю. Толькі вось ці быў увогуле Андрэй Панкрат у Літве невядома, тым больш апошнім часам, каб распавядаць падобныя гісторыі.

Таксама ён закранае дэмаграфічную сітуацыю ў Літве: ён мяркуе, што да 2040 г. насельніцтва там скароціцца да паўтара мільёна чалавек. Але не згадвае статыстыку па нараджальнасці ў сваім рэгіёне, якая таксама значна .➡️https:// http://tinyurl.com/3btrhrv2

Віцебская Вясна

2-apr, 2026, 07:59

📷 Photo

У “экстрэмісцкі” спіс уключылі 19-гадовага віцебскага хакеіста

У абноўленым 27 сакавіка пераліку асобаў, “датычных да экстрэмісцкай дзейнасці”, унесена прозвішча Данііла Сачыўкі. У Віцебскім абласным судзе ён быў асуджаны,падобна, да “хатняй хіміі” – насупраць ягонага прозвішча пазначана “судзімасць не пагашана”. Найверагодней, яго прызналі вінаватым па так званай “справе “Беларускага Гаюна”: паводле чч. 1 і 2 арт. 361-4 КК РБ.

Данііл Аляксандравіч Сачыўка (1.04.2006 г.н.) https://r-hockey.ru/people/keeper/583-001-0108469-2/gamelog/2016#filter- ў якасці чальца хакейнага клуба «Витебск», які выступаў на пазіцыі брамніка.

Віцебская Вясна

2-apr, 2026, 07:59

📷 Photo

Насельніцтва Віцебска скарацілася на больш як 1 тысячу чалавек

На 1 студзеня 2025 года колькасці насельніцтва ў абласным цэнтры складала 358 927 чалавек, а на 1 студзеня 2025 года – ужо 357 899 чалавек.

Прыкладна на столькі ж скарацілася колькасць жыхароў Оршы ( 101 662 у 2025 г. і 100 422 у 2026 г.) і ў Наваполацку ( 95 370 у 2025 г. і 94 666 у 2026 г.) Не так радыкальна сітуацыя змянілася хібы што ў Полацку: тут, https://nashaniva.com/391394 колькасць насельніцтва за год зменшылася толькі на 180 чалавек (хаця гэтая лічба выглядае сумнёўна на фоне агульнай карціны).

Агулам, паводле падлікаў Белстата, за мінулы год насельніцтва скарацілася на 53 200 чалавек. Але варта ўлічваць, што афіцыйная статыстыка па-ранейшаму працягвае лічыць жыхарамі Беларусі тых, хто выехаў з краіны, але мае тут рэгістрацыю. Рэальная колькасць насельніцтва меншая, і тэндэнцыя да змяншэння агульнай колькасці больш выразная.

Віцебская Вясна

2-apr, 2026, 07:59

📷 Photo

Роўна праз месяц "Вясне" споўніцца 30 гадоў

Праваабарончы цэнтр "Вясна" быў створаны ў красавіку 1996 года. Тады адбыліся масавыя акцыі пратэсту дэмакратычнай апазіцыі ў Беларусі — і неабыякавыя людзі дапамагалі арыштаваным удзельнікам дэманстрацыяў ды іх сем’ям.

Ад моманту, калі дзяржава пачала масава парушаць правы сваіх грамадзян, прайшло 30 гадоў. Увесь гэты час праваабаронцы адстойвалі гэтыя правы — і працягваюць рабіць сваю справу.

https://spring96.org/be/history -
гэта гісторыя выбітных учынкаў і няпростых чалавечых лёсаў, салідарнасць, спагада, вера ў лепшае і надзея на лепшае!

Віцебская Вясна

2-apr, 2026, 07:59

Нобелеўскі лаўрэат https://prisoners.spring96.org/be/person/ales-bjaljackiy, філосаф https://prisoners.spring96.org/be/person/uladzimir-mackevicz, палітык https://prisoners.spring96.org/be/person/paviel-sieviaryniec і блогер https://prisoners.spring96.org/be/person/mikalai-dzjadok распавялі, чаму памятаць пра Дзень Волі - важна, а святкаваць — неабходна. Нават у турме або ў эміграцыі.

https://spring96.org/be/news/119892

25 сакавіка 2026 года Павел Севярынец упершыню пасля вызвалення выступіў на мітынгу з нагоды Дня Волі (Вільня)
🎥 https://www.youtube.com/watch?v=XlRLGGW-QF4

Віцебская Вясна

2-apr, 2026, 07:59

📷 Photo

Пётр Сарапеня. Гісторыя аднаго фотаздымка і аднаго лёсу

На гэтым фотаздымку, зробленым падчас святкавання Дня Волі ў Мінску у 1996 годзе – 52-гадовы жыхар Віцебска Пётр Сарапеня.

Пётр Сарапеня паходзіў з Шуміліншчыны, быў адным з першых сябраў БНФ “Адраджэнне” ў Віцебску, працаваў інжынерам-будаўніком. У 1989 годзе стаў дэлегатам Устаноўчага З’езду БНФ “Адраджэньне” ў Вільні. Пазней увайшоў у шэрагі Кансерватыўна-Хрысціянскай парты БНФ, кіраваў адной з рэгіянальных структур. Неаднаразова спрабаваў ініцыяваць святкаванні Дня Волі ў Віцебску, але атрымліваў адмовы ад уладаў на свае заяўкі (увогуле ў Віцебску з 1998 года прыватныя асобы не атрымалі ніводнага дазволу на правядзення масавых акцый).

У апошнія гады жыцця актывіст займаўся аднаўленнем гістарычнай памяці пра сталінскія рэпрэсіі, быў удзельнікам ініцыятыўнай групы “Хайсы – віцебскія Курапаты”, якая займалася ўшанавання памяці ахвяраў сталінізму. У лепшы свет Пётр Сарапеня пайшоў 8 ліпеня 2000 года.
Фота - з сайта http://vytoki.net/

Віцебская Вясна

2-apr, 2026, 07:59

📷 Photo

Асуджаны полацкі бізнесовец Уладзімір Захараў прызнаны палітзняволеным

Уладзімір Захараў валодаў вялікай колькасцю нерухомасці ў Полацку і Наваполацку. Але ў 2023 годзе ў дачыненні да яго былі крымінальныя справы. Не чакаючы арышту, ён з’ехаў з Беларусі. І адтуль дасылаў лісты прэм'еру Галоўчанку, кіраўніку КДБ Церцелю, старшыні Савета Рэспублікі Качанавай і іншым, спрабуючы пераканаць іх у тым, што падазрэнні ў адносінах да яго беспадстаўныя. Урэшце ён вярнуўся на радзіму, дзе ў лютым 2025 года быў асуджаны паводле арт. 243 Крымінальнага кодэкса — ухіленне ад выплаты сум падаткаў, збораў; арт. 369 1 Крымінальнага кодэкса — дыскрэдытацыя Беларусі.

У снежні 2025г. Уладзіміра Захарава https://viciebskspring.org/news/roznae/item/7536-develapera-uladzimira-zakharava-uklyuchyli-u-ekstremistski-peralik-na-sajtse-mus ў “экстрэмісцкі” пералік на сайце МУС. ➡️ https://tinyurl.com/25ndsnfm

Віцебская Вясна

2-apr, 2026, 07:59

«Сын за бацьку не адказвае?»: Як фота вашага дзіцяці можа апынуцца ў школьным чаце праз чужы крадзеж 📸🚫

Сістэма відэаназірання, якую нам абяцалі як гарантыю бяспекі, усё часцей ператвараецца ў інструмент публічнай ганьбы. Гісторыя мінчанкі, чыё сямейнае фота разаслалі па настаўніцкіх чатах праз дробны крадзяж мужа, — гэта сігнал для кожнага.

Што адбылося?
Мужчына скраў у краме тавар на 145 рублёў. Міліцыя рассылала стоп-кадры з камер ва ўпраўленне адукацыі, а адтуль твары жонкі і 4-гадовага сына паляцелі “для апазнання” ў Viber-чаты настаўнікаў усяго раёна. Суд прызнаў гэта законным.

Чаму так адбываецца?
⚖️ ПІКаАП (арт. 2.10) абавязвае міліцыю шукаць доказы «любымі мерамі».
⚖️ Закон аб Органах унутраных спраў (арт. 25) дазваляе шукаць парушальніка праз твары яго блізкіх.
⚖️ Закон аб персанальных даных дазваляе апрацоўку біяметрыі без вашай згоды, калі гэта «трэба дзяржаве».

Што кажуць эксперты?
Праваабаронцы ўпэўнены: гэта парушэнне прынцыпу прапарцыянальнасці. Дробны крадзёж не варты таго, каб стыгматызаваць дзіця на гады наперад. Больш за тое — калі настаўніца пераслала фота ў бацькоўскі чат, адказваць за «зліў» павінна менавіта яна, а не МУС.

Як абараніць сябе? (Чэк-ліст ад «Вясны»):
1️⃣ Фіксуйце ўсё: рабіце скрыншоты чатаў, дзе з'явілася ваша фота.
2️⃣ Пішыце скаргу: звяртайцеся ў Нацыянальны цэнтр абароны персанальных даных.
3️⃣ Патрабуйце выдалення: як толькі асоба ўстаноўлена, фота невінаватых павінны быць выдалены.
4️⃣ Падавайце ў суд: не на сістэму, а на канкрэтных «злівальнікаў» (настаўнікаў ці дырэктараў).

Поўны матэрыял чытайце на нашым сайце ➡️ https://tinyurl.com/3ahw5evy

Патрэбна дапамога? Звяртайцеся да праваабаронцаў:
🔹 Юрыст: https://t.me/lex_viasna
🔹 Праваабаронцы (Віцебск): https://t.me/Viciebsk_spring

Прыватнае жыццё — гэта не злачынства. Змагайцеся за свае правы!

Віцебская Вясна

27-mar, 2026, 01:09

📷 Photo

На Віцебшчыне зноў самы нізкі сярэдні заробак. Розніца з іншымі рэгіёнамі - ад 1338 да 80 рублёў

Паводле Нацыянальнага статыстычнага камітэта, сярэдні заробак у Мінску ў лютым гэтага года склаў 3660,7 руб.;
у Мінскай вобласці - 2782,8 руб.;
у Гродненскай вобласці - 2421 руб.;
у Брэсцкай вобласці - 2406,5 руб.;
у Гомельскай вобласці - 2402 руб.;
у Магілёўскай вобласці - 2 402 руб.;
у Віцебскай воблсці - 2322,2 руб.

Адрозненне ад іншых рэгіёнаў становіцца ўсё больш адчувальным, нягледзячы на спробы прадэманстраваць рост сярэдняга заробка як такога. Да прыкладу, летась у студзені ён складаў 1996,7 руб., і розніца з суседняй Магілёўскай вобласцю была ўсяго 5 рублёў, а цяпер 80 рублёў.

Тым часам харчовыя тавары ў вобласці ў 2025 годзе падаражэлі на 9,2 %, што вышэй, чым у Мінску і ўсіх іншых вобласцях, акрамя Мінскай (там прадукты выраслі ў цане на 9,7 %).

Віцебская Вясна

27-mar, 2026, 01:09

📷 Photo

Сёння беларусы адзначаюць свята — Дзень Волі
25 сакавіка 1918 года была прынятая Трэцяя Устаўная грамата БНР, якая абвяшчала незалежнасць Беларускай Народнай Рэспублікі.

У Віцебску Дзень Волі асабліва шырока адзначалі з канца 1990-х, хаця афіцыйна рабіць гэта не дазвалялася. Тады віцябляне прыдумалі адмысловы фармат святкавання: 25 сакавіка яны ішлі ўскладаць кветкі ў знакавых мясцінах – да помніка князю Альгерду, да мемарыяльнай дошкі Васілю Быкаву, да помніка Уладзіміру Караткевічу. І ўсё адно міліцыя практычна штогод затрымлівала людзей з бел-чырвона-белымі сцягамі, іх каралі арыштамі і штрафамі.

У нашым архіве ёсць шмат фотаздымкаў са святочных шэсцяў у Віцебску. Але паказаць мы можам толькі некаторыя з іх, каб не нашкодзіць нашым землякам, якія застаюцца ў Беларусі. Таму выбралі тыя, якія найбольш ярка перадаюць настрой гэтага свята.

З Днём Волі, Віцебск! 🤍❤️🤍

564

Віцебская Вясна

27-mar, 2026, 01:09

📷 Photo

Віцебскі праўладны блогер прапануе “выдаваць інтэрнэт па даведках”

Настаўнік гісторыі і супрацоўнік Віцебскага раённага краязнаўчага музея Андрэй Кулябкін у сваім Тг-канале напісаў наступнае: «В нынешних условиях новой мировой капиталистической войны интернет стал тем, чем изначально замышлялся - ОРУЖИЕМ. Его так и задумали в 1969 в Пентагоне как связь на случай ядерной войны, т.е. с военной целью. Да, оружие специфическое, но оружие. Интернет должен быть по справкам. И будет.»

Тг-канал аўтара называецца «Андрей Кулябкин. Видный отечественный блоггер». Ні больш, ні менш. Хоць гэты рэсурс мае ўсяго 152 падпісчыкі. Не нашмат болей (211 падпісчыкаў) і ў Іnstagram-акаўнце, які называецца таксама з прытэнзіяй на шматзначнасць – “indoevropeysky”.

Гэтую “зорку інтэрнэту” мясцовыя ўлады выкарыстоўваюць, калі трэба прасоўваць ідэалагічную павестку. Дый сам Андрэй Кулябкін не супраць: напрыклад, у 2024 г. ен стаў адзіным блогерам, які ўзяў удзел у конкурсе па колцы дроваў сярод прадстаўнікоў СМІ.

Віцебская Вясна

27-mar, 2026, 01:09

📷 Photo

Помнік ліквідатарам аварыі на ЧАЭС у Оршы паставяць не там, дзе планавалі

Рэдкі па нашых часах выпадак! Сцвярджаецца, што гэта было зроблена па просьбам гараджан, якіх не задавальняла раней пляцоўка - у скверыку каля грамадскай прыбіральні. Цяпер адзіны на Віцебшчыне помнік ліквідатарам аварыі на ЧАЭС плануюць паставіць у гарадскім парку.

Пра неабходнасць помніка гаворка ішла апошнія гадоў трыццаць. З прапановамі выступалі непасрэдныя ўдзельнікі тых падзеяў, але іх не слухалі. Але летась здарылася нечаканае: на абласным конкурсе грамадзянскіх ініцыятываў была ўхвалена заяўка з Оршы. Райвыканкам абвясціў конкурс, вызначыўшы патрабаванні да аўтараў: абавязковай мусіла стаць выява пажарнага на памятным знаку вышынёй 2,5 м., дата “26.04.1986”, слова "Чарнобыль", знак "Радыяцыя" і "элемент, які паказвае агонь". Усе гэтыя ўмовы выканаў скульптар Аляксей Яўсееў.

На ўвасабленне ініцыятарам з бюджэту было выдаткавана 36 тыс. руб. Адкрыццё памятнага знака прымяркуюць да 40-годдзя аварыі на ЧАЭС.

Віцебская Вясна

27-mar, 2026, 01:09

У спісе на вызваленне 19 сакавіка – яшчэ 4 палітвязняў -ураджэнцаў Віцебшчыны

Ім усім дазволена застацца ў Беларусі. Гэта

https://vitebskspring.org/news/palitvjazni/item/7652-u-spisakh-vyzvalenykh-palitvyaznyau-yakim-dazvolena-zastatstsa-u-belarusi-igar-burdel, жыхар Віцебска, асуджаны паводле арт. 368 Крымінальнага кодэкса (Абраза прэзідэнта Рэспублікі Беларусь);

https://vitebskspring.org/news/palitvjazni/item/7651-u-spisakh-vyzvalenykh-palitvyaznyau-yakim-dazvolena-zastatstsa-u-belarusi-dzmitryj-zagalavets, таксама жыхар Віцебска, прызнаны вінаватым у абразе Аляксандра Лукашэнкі (ч. 1 арт. 368 КК), абразе прадстаўніка ўлады (арт. 369), садзейнічанні экстрэмісцкай дзейнасці (ч.1 арт. 361-1 КК) і фінансаванні дзейнасці экстрэмісцкага фармавання (арт. 361-2 КК) і асуджаны да 3 з паловай гадоў калоніі;

https://vitebskspring.org/news/palitvjazni/item/7653-u-spisakh-vyzvalenykh-palitvyaznyau-yakim-dazvolena-zastatstsa-u-belarusi-dzmitryj-ilyukhin, ураджэнец Наваполацка, асуджаны за «садзейнічанне экстрэмісцкай дзейнасці» (ч. 1 і 2 арт. 361‑4 КК);

https://vitebskspring.org/news/palitvjazni/item/7650-u-spisakh-vyzvalenykh-palitvyaznyau-yakim-dazvolena-zastatstsa-u-belarusi-robert-kuznyatsou, ураджэнец Браслаўшчыны, прызнаны вінаватым паводле ч. 1 арт. 368 (абраза прэзідэнта Рэспублікі Беларусь), ч. 1 арт. 130 (распальванне расавай, нацыянальнай, рэлігійнай альбо іншай сацыяльнай варожасці або варажнечы), ч. 3 арт. 361 (заклікі да мер абмежавальнага характару (санкцый), іншым дзеянням, накіраваным на прычыненне шкоды нацыянальнай бяспецы Рэспублікі Беларусь), арт. 370 (здзек з дзяржаўных сімвалаў) і асуджаны да 5 гадоў зняволнення.

Віцебская Вясна

27-mar, 2026, 01:09

📷 Photo

У спісе на вызваленне 19 сакавіка – яшчэ 4 палітвязняў -ураджэнцаў Віцебшчыны

Мужчыны застаюцца ў Беларусі, некаторыя ўжо вярнуліся дадому.

Гэта https://prisoners.spring96.org/be/person/sjarhei-hutarenka - жыхар Дубровеншчыны, асуджаны 23 чэрвеня 2022 года за паклёп ( арт. 188 КК РБ), і https://prisoners.spring96.org/be/person/sjarhei-zaicau-heorhievich-5-years– аршанец, асуджаны 6 снежна 2022 года за абразу прадстаўніка шлады (арт. 369 КК РБ)

https://tinyurl.com/ydydj4rn – ураджэнец Шаркаўшчынскага раёна, жыў у Віцебску. У траўні 2024 года яго на 1 суткі арыштоўвалі за "распаўсюд экстрэмізму" - за падпіску ў TikTok на канал "Страна для жизни". У кастрычніку 2024 года быў асуджаны ў Віцебскім абласным судзе за данаты паводле ч. 1 арт. 361-2 КК РБ (фінансаванне экстрэмісцкай дзейнасці) ў закрытым рэжыме да 3 гадоў калоніі.

https://tinyurl.com/3k4adkda – ураджэнец Полацка, таксама быў асуджаны ў Віцебскім абласным судзе. Яго прызналі вінаватым паводле ч. 1 і ч. 2 арт. 361-4 КК (садзейнічанне экстрэмісцкай дзейнасці) і асудзілі да 5 гадоў калоніі.

Віцебская Вясна

27-mar, 2026, 01:09

"Рабіла кар'еру ў вялікіх кампаніях у Расіі". "Наша Ніва" https://nashaniva.com/390568 падрабязнасці пра ўраджэнку Віцебска Наталлю Звераву.

Як мы, яшчэ 13 сакавіка жанчыну ўключылі ў пералік асобаў, "датычных да эксктрэмісцкай дзейнасці", на сайце МУС. Паводле інфармацыі ініцыятывы dissidentby, суд над жанчынай адбыўся 19 лістапада 2025 г., ёй прысуджана пакаранне ў выглядзе 3-х з паловай гадоў “хатняй хіміі”.

Віцебская Вясна

25-mar, 2026, 01:19

📷 Photo

У спісах вызваленых палітвязняў, якім было дазволена застацца ў Беларусі, – віцебскі фатограф Уладіслаў Кошалеў

Ён быў прызнаны вінаватым паводле ч. 1 арт. 368 КК - за абразу Аляксандра Лукашэнкі. Справу Уладзіслава Кошалева ў судзе Кастрычніцкага раёна Віцебска разглядала суддзя Святлана Кузмічонак. Уладзіслава Кошалева асудзілі да трох гадоў “хіміі”.

Прысуд быў ў лістападзе 2024 года, разбор справы Кошалева праходзіў у закрытым рэжыме. 31 студзеня 2025-га ён спрабаваў абскардзіць вырак у Віцебскім абласным судзе.

7 лютага 2025 г. мужчыну ў пералік асобаў, “датычных да экстрэмісцкай дзейнасці” на сайце МУС. У Віцебску ён вядомы як вясельны, а таксама ню-фатограф.

Віцебская Вясна

25-mar, 2026, 01:19

📷 Photo

У спісах вызваленых палітвязняў, якім было дазволена застацца ў Беларусі, – Андрэй Загорскі, ураджэнец Докшыц

У Мінскім абласным судзе 1 красавіка 2025 г.ен быў прызнаны вінаватым па ч. 2 арт. 361-4 Крымінальнага кодэкса (садзейнічанне экстрэмісцкай дзейнасці) і ч. 1 арт. 361-2 Крымінальнага кодэкса (фінансаванне экстрэмісцкай дзейнасці). Суд яму 5 з паловай гадоў пазбаўлення волі ў калоніі агульнага рэжыму.

27 чэрвеня 2025 г. Андрэя Загорскага ўключылі ў пералік асобаў, "датычных да экстрэмісцкай дзейнасці", на сайце МУС.

Андрэй родам з Докшыцаў. Пасля школы ў 2006 паступіў у Беларускі дзяржаўны ўніверсітэт інфарматыкі і радыёэлектронікі, вучыўся на факультэце камп'ютарных сістэм і сетак. Падчас вучобы Андрэй пачаў працаваць у EPAM. Упершыню яго затрымліваў ГУБАЗіК у сакавіку 2021г.: Загорскі быў мадэратарам чата «Новая Баравая 98%». Тады ў яго дома знайшлі 1500 улётак і канфіскавалі тэлефон. Другі раз яго затрымалі ў жніўні 2023-га.

Віцебская Вясна

25-mar, 2026, 01:19

📷 Photo

У спісах вызваленых палітвязняў, якім было дазволена застацца ў Беларусі, – прадпрымальнік з Глыбокага Леанід Шпец

Ён быў асуджаны ў Гомельскім абласным судзе да трох гадоў пазбаўлення волі.

Мужчыну прызналі вінаватым паводле ч. 1 і ч. 2 арт. 361-4 КК РБ (садзейнічанне экстрэмісцкай дзейнасці) па так званай справе “Беларускага Гаюна”.

Леанід Шпец адбываў прысуд у Івацэвіцкай калоніі №22 “Ваўчыныя норы”.

5 верасня 2025 года Леанід Шпец быў унесены ў пералік грамадзян Беларусі, замежных грамадзян і асоб без грамадзянства, " датычных да экстрэмісцкай дзейнасці". 17 верасня 2025 года беларуская праваабарончая супольнасць прызнала яго палітычным зняволеным.

Showing 30 of 58 posts

Reyting

Kirish talab qilinadi

Foydalanuvchi sharhlari (0)

Hali sharhlar yo'q. Birinchi bo'lib tajribangizni baham ko'ring!

Tegishli Telegram kanallari

Loading recommended channels...

Віцебская Вясна

Віцебская Вясна

Reyting

Obunachilar sonining o'sishi (Oxirgi 20 kun ichida)

So'nggi postlar

Reyting

Foydalanuvchi sharhlari (0)

Tegishli Telegram kanallari

Ўзбекистон қурувчилар Ассоциацияси

філалабайкі беларускія

Беларусы Замежжа

Вясна / Правы чалавека ў Беларусі

Еўрапейскі Дыялог

РЕСТ | (non) daily/cf MikoMappi ～('▽^人)🚬🧁

OXIRAT XAZINASI

MEEST UZBEKISTAN

Tegishli Telegram kanallari

Ўзбекистон қурувчилар Ассоциацияси

філалабайкі беларускія

Беларусы Замежжа

Вясна / Правы чалавека ў Беларусі

Еўрапейскі Дыялог

РЕСТ | (non) daily/cf MikoMappi ～('▽^人)🚬🧁

OXIRAT XAZINASI

MEEST UZBEKISTAN

Foydalanuvchi sharhlari (0)

So'nggi postlar