Jahongir Ganiev⚖️

Public

Qo'shila olmaysizmi? @ganiev_tarjimon

7.4k A'zolar

Yangilangan: May 16, 2026 at 9:50 AM

Jahongir Ganiev⚖️

🇰🇷 Koreyada yashayotgan o'zbek yurtdoshlarimiz uchun yuridik yordam va ma'lumotlar taqdim etuvchi kanal. Adminga murojaat uchun: @kanal_admin97

@ganiev_tarjimon is a dedicated channel for yuridik and taqdim with regular updates in Koreys dramalari (K-Drama)

Reyting

Global reyting

#456

Til reytingi

#45

Toifa reytingi

#23

-1

Obunachilar sonining o'sishi (Oxirgi 6 kun ichida)

Jami: 7.4K

24 soatlik o'sish: +0 0%

So'nggi postlar

Jahongir Ganiev⚖️

21-may, 2026, 16:07

Turmush qurganlar uchun daromad solig'idan 1.000.000 vongacha chegirma olish mumkinligini bilarmidingiz? #결혼세액공제 Koreya hukumatning 2024-yilgi soliq qonunchiligiga kiritgan oʻzgartirishlariga ko'ra: qamrab olingan davrda nikohini roʻyxatdan oʻtkazgan juftliklar…

4,390

Jahongir Ganiev⚖️

21-may, 2026, 16:07

📷 Photo

“Uy egasi vs. ijarachi — ta’mirlash xarajatlarini kim to‘laydi?”
Ijara shartnomasi qilishdan oldin yoki uyda biror narsa buzilganda albatta tekshirib oling. Asosiy qoida shuki, bino eskirgani yoki konstruksiya muammosi sabab chiqqan nosozliklarni odatda uy egasi to‘laydi. ●Foydalanish vaqtida ehtiyotsizlik, noto‘g‘ri ishlatish yoki oddiy sarf materiallari bilan bog‘liq xarajatlarni esa odatda ijarachi to‘laydi.
●Isitish va suv tizimida boiler almashtirish, asosiy qismlarini ta’mirlash, issiq suv chiqmasligi, eski quvurlarning yorilishi yoki suv sizib chiqishi uy egasi zimmasida bo‘ladi. ●Ammo boiler muzlab qolsa, boiler pulti batareykasi tugasa yoki kran hamda dush qismlarini almashtirish kerak bo‘lsa, buni ijarachi qiladi.
●Elektr va yoritish bo‘yicha eski bino sabab elektr sizib chiqishi, devor ichidagi simlar nosozligi yoki domofon/videofon buzilishi uchun uy egasi javob beradi.
● Lampochka almashtirish, rozetka yoki kalit qopqog‘ini sindirish, eshik qulfi batareykasini almashtirish esa ijarachining vazifasi hisoblanadi.
●Deraza va eshiklarda deraza qiyshayib qolishi, eski setkaning yaroqsizligi yoki oynaning o‘z-o‘zidan yorilishi uy egasi tomonidan hal qilinadi.
●Agar ijarachi oynani sindirib qo‘ysa, uy hayvoni setkani yirtsa yoki eshik qulfi buzilsa, xarajat ijarachiga tushadi.
Devor va pol masalasida suv quvuri muammosi sabab mog‘or yoki namlik paydo bo‘lsa, shuningdek devorning tabiiy rangi o‘zgarsa, uy egasi javobgar bo‘ladi. Lekin uy ichida sigaret chekish sabab devor sarg‘aysa, haddan ortiq ifloslansa yoki uy hayvoni pol va devorni shikastlasa, buning xarajatini ijarachi to‘laydi.
●Oshxona va hammomda rakovina krani buzilishi, unitaz yoki qo‘l yuvgichning eskirib sinishi, plitka ko‘chishi uy egasi zimmasida. Rakovina yoki kanalizatsiya tiqilib qolishi, unitaz qopqog‘ini almashtirish yoki rakovina probkasi buzilishi esa ijarachi hisobidan bo‘ladi.
●Agar uy bilan birga konditsioner, kir yuvish mashinasi yoki muzlatgich kabi texnikalar berilgan bo‘lsa va ular eskirib buzilsa, uy egasi ta’mirlaydi. Lekin pult kabi mayda narsalar uchun odatda ijarachi javob beradi.
Muhim jihati — shartnomadagi maxsus bandlarga qarab javobgarlik o‘zgarishi mumkin. Shu sabab ijara shartnomasini albatta diqqat bilan o‘qib chiqish kerak.

Jahongir Ganiev⚖️

21-may, 2026, 16:07

📷 Photo

Bir necha yil oldin Koreyada ishlab yurgan ko‘plab yurtdoshlarimiz aynan shu aka haqida murojaat qilib, undan aldanib qolganlari va ancha miqdorda pullarini oldirib qo‘yganliklarini aytishgan edi.

5,050

Jahongir Ganiev⚖️

21-may, 2026, 16:07

📷 Photo

Koreyada uzoq yillar yashab, hattoki fuqarolik olsangiz ham, koreyslar uchun baribir “외국인” bo‘lib qolaverasiz ekan.

4,330

Jahongir Ganiev⚖️

21-may, 2026, 16:07

Turmush qurganlar uchun daromad solig'idan 1.000.000 vongacha chegirma olish mumkinligini bilarmidingiz?

#결혼세액공제
Koreya hukumatning 2024-yilgi soliq qonunchiligiga kiritgan oʻzgartirishlariga ko'ra: qamrab olingan davrda nikohini roʻyxatdan oʻtkazgan juftliklar uchun har bir juftlik uchun 1 000 000 KRW (har bir turmush oʻrtogʻi uchun 500 000 KRW) miqdorida bir martalik "nikoh soligʻi imtiyozi"ni beriladi.

Shartlar:
- 2024, 2025 yoki 2026 yilda nikoh guvohnomasi rasmiylashtirish
- Ish haqi yoki tadbirkorlik daromadi bo'lishi kerak
- Umr bo'yi faqat bir marta qo'llaniladi

Masalan: Er kompaniyada ishlaydi, ayoli uy bekasi, faqat er 500,000 ₩ olishi mumkin. Agar er-xotin ikkalovlari ham ishlaydigan bo'lsa, har biri 500,000 ₩ dan, jami 1,000,000 ₩ gacha soliq chegirmasini olishlari mumkin

Kerakli hujjatlar: nikoh guvohnomasi + ro'yxatdan o'tish ma'lumotnomasi (주민등록등본)

Qayerga topshiriladi? Turmush qurganlik uchun soliq imtiyozini 연말정산 paytida kompaniyangiz HR xodimiga kerakli hujjatlarni topshirish orqali arizaga kiritishingiz mumkin.

연말정산 davrida ariza topshirmagan bo'lsangiz unda 종합소득세 신고 davrida o'zingiz hometax sayti orqali tuzatish arizasini topshirish bilan chegirma uchun ariza topshirishingiz mumkin.

종합소득세 신고 mudati: 1-May - 31-May

Ariza topshirib ulgurib qolishga 19 kundan kam vaqt qoldi!

Bu ma'lumotni Koreyadagi yaqinda turmush qurgan tanishlaringizga ulashib qo'ying.

https://t.me/HaksengUz

4,520

Jahongir Ganiev⚖️

21-may, 2026, 16:07

📷 Photo

Bugun 12-may kuni soat 10:00 da iyul oyida bo‘lib o‘tadigan 107-TOPIK imtihoniga (Koreyada topshiriladigan) ro‘yxatdan o‘tish boshlanadi.
Ro‘yxatdan o‘tadigan hududdagilar hujjatlaringizni tayyorlab, vaqtida ariza topshiringlar.

5,090

Jahongir Ganiev⚖️

21-may, 2026, 16:07

27 yil “arvohdek hayot”: noqonuniy immigrant tanishi bilan janjaldan keyin qo‘lga olindi
27 yil davomida nelegal (noqonuniy) ravishda Koreyada yashab, qonundan yashirinib yurgan 60 yoshli chet ellik oddiy bir mojaro sababli politsiya tomonidan qo‘lga olindi.😬
Hwasong-Tongtan politsiya bo‘limi ma’lum qilishicha, Xitoy fuqarosi bo‘lgan 60 yoshli A ismli shaxs Immigratsiya nazorati qonunini buzganlikda gumon qilinib, voqea joyida qo‘lga olinib, Suwon immigratsiya boshqarmasiga topshirilgan.
Ma’lumotlarga ko‘ra, A ning uzoq yillik qochqin hayoti kichik bir janjal sabab tugagan. 4-may kuni taxminan soat 16:00 da Hwasong shahri Byonjeom-dong hududidagi ko‘chada “tanishi bilan urishayotgan odam bor” degan chaqiruvdan keyin politsiya voqea joyiga yetib borgan va u yerda A bilan duch kelgan.
Politsiya doimiy yashash joyi bo‘lmagan A dan shaxsini tasdiqlovchi hujjatlarni talab qilgan, biroq u hech qanday hujjat ko‘rsata olmagan. Keyingi so‘roqlarda esa u oxiri: “Men 1999-yilda Koreyaga kirganman va shundan beri noqonuniy yashab kelganman”, deb tan olgan.
Tergov davomida aniqlanishicha, A mamlakatga qanday yo‘l bilan kirgani hozircha noma’lum bo‘lib, u 27 yil davomida o‘zining yashashi haqida birorta ham rasmiy iz qoldirmasdan “arvohdek” hayot kechirgan. Politsiya vakillari hozirda uning Koreyaga qanday kirgani va shu vaqt davomida qayerlarda yashab yurgani bo‘yicha qo‘shimcha tergov olib borilayotganini bildirdi.

5,030

Jahongir Ganiev⚖️

21-may, 2026, 16:07

Ba’zi xabarlar odamni ich-ichidan larzaga soladi…🥲
O‘tgan yili pul yuvish jinoyatiga aralashib, Koreyada 2 yilga qamalgan bir ukamizning Onajonlari yaqinda og‘irlashib qolganini eshitdim. Onaxon tinmay “bolamni bir ko‘rsam edi…” deb takrorlayotgan ekanlar. Shu gaplarni eshitib, ichimda qandaydir og‘riq paydo bo‘ldi. Alloh Onaxonga shifo bersin…
Koreyada yoki umuman chet elda noqonuniy ishlarga aralashayotgan paytda ko‘pchilik faqat o‘zini o‘ylaydi. “Bir marta”, “tez pul”, “hech kim bilmaydi” deb kirib ketadi. Lekin oqibatida nafaqat o‘zi kuyadi… Sizdan ham ko‘proq kuyadigan, tunlari uxlamay yig‘laydigan Ota-onangiz borligini unutmang ukalar.
Oxirgi bir yil ichida qancha yosh bolalar shu haromi pul yuvish ishiga aralashib, noqonuniy schetlar ortidan qamalib ketganini ko‘rdik. Ular qilgan ishini oqlamayman. Qonun oldida har kim javob beradi. Lekin ortidan ezilib qolayotgan ota-onalarga juda achinadi odam.
Qanchadan-qancha yig‘ilarni, ko‘z yoshlarni ko‘rdim…Chet elda yurishning o‘zi oson emas. Lekin har qanday qiyinchilik ham noqonuniy yo‘lga kirishga sabab bo‘lmasligi kerak. Bir kunlik harom pul ba’zan yillab pushaymon bo‘lishga olib keladi. Eng og‘iri esa — Onangizning duosi o‘rniga ko‘z yoshini olish…
Ehhh… Alloh hammamizni noto‘g‘ri yo‘ldan asrasin.

5,800

112

Jahongir Ganiev⚖️

21-may, 2026, 16:07

🎤 Voice

Voice message

5,180

Jahongir Ganiev⚖️

21-may, 2026, 16:07

법무부, ya’ni Koreya Adliya vazirligining oxirgi siyosatlariga qarasa, ularning “endi faqat son emas, sifat muhim” degan pozitsiyasi asta-sekin amalda ham ko‘rinayotganiga o‘xshaydi.
Ayniqsa chet ellik talabalar va ishchilar masalasida oldingidek faqat odam sonini ko‘paytirish emas, haqiqatan ham o‘qiydigan, qonuniy ishlaydigan va tizimga moslashadigan insonlarga ko‘proq e’tibor qaratilayotgandek.
Oxirgi paytlarda: • 배달, 택배, qurilish va zavodlarda reydlar kuchaydi
• Universitetlarga ham nazorat oshdi
• Darsga umuman bormaydigan talabalar ko‘paygani sabab monitoring kuchaymoqda
• HiKorea tizimlari ham tobora raqamlashtirilyapti
• Fax orqali bo‘ladigan ko‘p ishlarni ham endi online qilishyapti
• Vizani uzaytirishda daromad, davomat, sug‘urta, soliq kabi narsalarni ancha sinchkov ko‘rishmoqda
Shunaqa vaziyatda endi “qanday qilib qolib ketish” emas, “qanday qonuniy va barqaror yurish” muhim davrga o‘xshayapti. Ayniqsa ayrim noqonuniy ishlash, tekbe, nomiga o‘qish kabi holatlar ko‘payib ketgani uchun immigratsiya ham tabiiy ravishda qattiqlashadi.
Lekin bir tomondan qarasa, rostan ham yaxshi o‘qib, til o‘rganib, qonuniy ishlab yurganlarga imkoniyatlar hali ham bor. Masalan E-7, F-2-7, magistratura, doktorantura, regional vizalar kabi yo‘nalishlarni hali ham qo‘llab-quvvatlashyapti. Faqat endi “nazorat” oldingidan ancha kuchli bo‘ladigandek taassurot beryapti.
Yana vaqt ko‘rsatadi, lekin hozirgi trendga qarasa, tekshiruvlar kamayishidan ko‘ra kuchayishi ehtimoli kattaroqdek.🤔😬

5,380

Jahongir Ganiev⚖️

7-may, 2026, 03:38

📷 Photo

Real Koreya — 10 sekundlik haqiqat
Bir tarafda:
📸 Starbucks, Han river, chiroyli life…
Ikkinchi tarafda esa:
🍚 Sovib qolgan guruch
🍲 Oddiy sho‘rva
🥬 Kimchi + 2 ta zakuska
🥢 10 minutda yeb, yana ishga qaytish

3,690

132

Jahongir Ganiev⚖️

7-may, 2026, 03:38

📷 Photo

📢 Ertaga ish bor (아르바이트)
Ertaga mahallamizda kichik tozalash ishi bor. 4 kishi kerak. Ish – ko‘chani chiroyli qilib tozalash. Kunlik 150,000 won (일당) beraman. 😄

4,830

188

Jahongir Ganiev⚖️

7-may, 2026, 03:38

Agar Koreyaga kelmasdan oldin o‘zingizga 1 maslahat bera olsangiz, nima der edingiz?

4,330

Jahongir Ganiev⚖️

7-may, 2026, 03:38

Yaqinda bir akamiz meni telefonlariga “Jahongir advokat” deb saqlab qo‘ygan ekanlar.😬 Kulishga sabab bo‘ldi, lekin shu joyida jiddiy masalani ham aytib o‘tish kerak. Koreyada “o‘zbek advokat” degan tushuncha deyarli yo‘q. Bu yerda advokat bo‘lish uchun inson albatta Koreyada huquq o‘qigan, davlat imtihonidan o‘tgan va 대한변호사협회 ro‘yxatidan o‘tgan bo‘lishi shart.
Shu sababli “advokatman” deb yurgan ko‘pchilik aslida advokat emas. Ular oddiy tarjimon, hujjat yozib beruvchi yoki vositachi bo‘lishi mumkin. Eng katta muammo shundaki, odamlar “biznikidan ekan” deb o‘ylab, muhim huquqiy ishlarini noto‘g‘ri odamga topshirib qo‘yishyapti. Natijada noto‘g‘ri maslahatlar, hujjat xatolari va hatto suddagi muammolar kelib chiqadi.
Shuni ham ochiq aytaman: menga jiddiy ishlar bilan murojaat qilsangiz, vaziyatga qarab yo‘l-yo‘riq berishim mumkin. Kerak bo‘lsa, aynan sizning holatingizga mos rasmiy advokatlar bilan bog‘lab beraman. Meni “advokat” deb saqlab qo‘ygan akamizga ham aytdim: yaxshisi “Jahongir tarjimon” saqlang, keyin boshqalar ham adashib qolmasin. Bu ishonch albatta yaxshi, lekin huquqiy masalada chiziqni aniq qilib qo‘yish juda muhim.

3,810

110

Jahongir Ganiev⚖️

7-may, 2026, 03:38

F-2-7 vizasiga o‘zgartirish uchun mos keladiganlar juda ko‘p. Eng muhim narsa — siz aynan qaysi tur orqali F-2-7 vizasiga topshirayotganingizni aniq bilishdir.
Ko‘pchilik shunday o‘ylaydi: agar E-1 yoki E-7-1 vizasida yurib 80 balldan yuqori to‘plasa, F-2-7 ga topshiradi. Lekin bu hamma uchun yagona yo‘l emas. Masalan, siz Koreyada magistraturani tamomlagansiz, E-7-1 vizasini olgansiz va KOSDAQ ro‘yxatidagi kompaniyada PR yoki marketing sohasida ishlayapsiz. Bunday holatda siz faqat 3 yil ishlab keyin topshirishim kerak yoki daromadim 40 mln vondan kam bo‘lsa topshirolmayman deb o‘ylashingiz noto‘g‘ri.
Ko‘pchilik bilmaydi: Koreyada magistratura bitirganlar 5 yil ichida “iqtidorli xorijiy talaba” kategoriyasi orqali ham F-2-7 vizasiga topshirishlari mumkin. Bundan tashqari, KOSDAQ yoki KOSPI ro‘yxatidagi kompaniyada ishlayotganlar uchun ham alohida imkoniyat mavjud.
Shuning uchun F-2-7 vizasiga o‘tishda siz 5 ta asosiy turdan qaysi biri sizga mos kelishini aniqlab olishingiz kerak:
●KOSPI yoki KOSDAQ ro‘yxatidagi kompaniyada ishlayotganlar
●Yuqori texnologiyali kompaniyada ishlab, ish haqi GNI ning 1.5 baravariga teng bo‘lganlar
●E-1 ~ E-7-1 yoki D-5 ~ D-9 vizalarida 3 yil ishlaganlar yoki oxirgi yil daromadi 40 mln vondan yuqori bo‘lganlar
●Koreyada magistratura tugatib, 5 yil ichida ishga joylashganlar
●Fan va muhandislik yo‘nalishi bitiruvchilari
Xulosa: F-2-7 faqat ball yig‘ish bilan bog‘liq emas. Har kim o‘z holatiga mos kategoriyani to‘g‘ri tanlasa, ancha oson yo‘l bilan topshirishi mumkin.

4,780

Jahongir Ganiev⚖️

7-may, 2026, 03:38

‼️Diqqat yangilik‼️! D-2-1 vizasiga O'zbekistondan topshirayotgan talabalar uchun muhim eslatma! D-2-1 (bakalavr) vizasiga ariza topshirayotgan talabalar uchun muhim yangilik e’lon qilindi. Quyida keltirilgan ro‘yxatdagi universitetlarga, aynan ko‘rsatilgan…

4,700

Jahongir Ganiev⚖️

7-may, 2026, 03:38

Bir yilcha oldin siz bir kishiga mashina sotasiz va mashinani onlayn ro‘yxatdan o‘tkazish uchun unga o‘z haydovchilik guvohnomangiz (prava) rasmini berasiz. Oradan taxminan bir yil o‘tib, kutilmaganda sizga politsiyadan qo‘ng‘iroq keladi: falonchi kuni ichkilik ichib mashina haydagansiz, tergovga kelib keting deyishadi.😬 Siz esa hayron va shok holatga tushasiz, chunki bunday ish qilmagansiz. Keyin ma’lum bo‘ladiki, siz mashinani sotgan odam nelegalga chiqib ketgan va reyd vaqtida sizning ruxsatingizsiz sizning pravangizni ko‘rsatib yuborgan. Eng yomoni, u sizga qo‘ng‘iroq qilib, “iltimos, meni o‘rnimga turib bering, hammasini keyin hal qilaman” deb yolvoradi. Ammo siz tushunasizki, bu oddiy masala emas — ichkilik ichib mashina haydash uchun kamida 7 million von jarima, sud jarayonlari va hatto deportatsiya ham bo‘lishi mumkin. Shu sababli hech qachon hujjatlaringizni begonalarga bermang, ayniqsa rasmini ham. Mashina sotishda esa barcha hujjatlarni faqat qonuniy va to‘liq rasmiylashtiring. Boshqaning xatosi uchun javob berish sizning hayotingizga juda katta zarar keltirishi mumkin.

4,410

Jahongir Ganiev⚖️

7-may, 2026, 03:38

1-maydan boshlab Hometax tizimi orqali 2025-yil uchun daromad to‘g‘risidagi ma’lumotnoma (소득금액증명원)ni olish mumkin. Hududiy soliq idoralarida esa ushbu hujjat odatda may oyining ikkinchi haftasidan boshlab berila boshlaydi.
Shu sababli, 1-maydan keyin E-7-4 va E-7-4R vizalarini uzaytirish yoki o‘zgartirish jarayonida 2024 va 2025-yillar uchun daromad to‘g‘risidagi ma’lumotnoma majburiy hisoblanadi. Bundan tashqari, ko‘plab savollar kelib tushayotgani sababli E-7-4 vizasi uchun koreys tili talablari haqida ham tushuntirish beramiz.2024-yil 27-noyabrdan keyin E-7-4 vizasini olganlar birinchi uzaytirishgacha kamida 2-darajali koreys tili sertifikatiga ega bo‘lishlari shart.
Agar siz ushbu sanadan keyin vizani olgan bo‘lsangiz va uzaytirish vaqtida TOPIK 2-daraja, KIIP 2-bosqichni tugatganlik yoki KIIP 3-bosqich baholash hujjatlaridan biri bo‘lmasa, sizga faqat yakuniy 6 oylik uzaytirish beriladi. Agar shu 6 oy ichida ham kerakli til hujjatlarini taqdim eta olmasangiz, E-7-4 vizangiz boshqa uzaytirilmaydi. Mazkur 2-darajali koreys tili talabi E-7-4R vizasi uchun ham bir xil qo‘llaniladi.
Xulosa qilib aytganda, koreys tili bilimi immigratsiya siyosatida deyarli majburiy talabga aylanib bormoqda. Ish bilan band bo‘lsangiz ham, imkon qadar tezroq kamida 2-darajaga tayyorgarlik ko‘rishingiz tavsiya etiladi.

5,040

Jahongir Ganiev⚖️

7-may, 2026, 03:38

📷 Photo

Koreyadagi yurtdoshlarimiz uchun muhim yangilik!
2027-yildan boshlab Koreyada ishlash tizimida muhim o‘zgarish kiritilishi rejalashtirilmoqda. Hozirgacha agar siz 1 yil (12 oy) to‘liq ishlamasangiz, 퇴직금 (ishdan bo‘shash puli) umuman berilmas edi. Shu sabab ko‘pchilik 10–11 oy ishlab ham hech qanday pul ololmay chiqib ketardi.
Yangi tizimga ko‘ra esa, endi 1 yil to‘liq ishlash shart bo‘lmaydi. Agar siz 1–2 oy yoki undan ko‘proq ishlasangiz ham, ishlagan muddatingizga qarab “공정수당” (adolatli kompensatsiya puli) beriladi. Masalan, 1–2 oy ishlaganlarga taxminan 382 ming won, 5–6 oy ishlaganlarga 1.26 million won, 9–10 oy ishlaganlarga 2 milliondan ortiq, 11 oy ishlaganlarga esa deyarli 2.5 million wongacha pul berilishi mumkin. Ya’ni endi qisqa muddat ishlaganlar ham butunlay pulsiz qolmaydi, har kim ishlagan oyiga qarab o‘z haqqini oladi. Bu ayniqsa ish joyini tez-tez o‘zgartiradiganlar uchun katta yengillik bo‘ladi.

6,290

Jahongir Ganiev⚖️

7-may, 2026, 03:38

📷 Photo

‼️Diqqat yangilik‼️! D-2-1 vizasiga O'zbekistondan topshirayotgan talabalar uchun muhim eslatma!
D-2-1 (bakalavr) vizasiga ariza topshirayotgan talabalar uchun muhim yangilik e’lon qilindi. Quyida keltirilgan ro‘yxatdagi universitetlarga, aynan ko‘rsatilgan fakultetlarga qabul qilingan hamda TOPIK sertifikati 3-daraja yoki undan yuqori bo‘lgan talabalar viza topshirish jarayonida moliyaviy hujjatlarni (bank hisobidagi mablag‘ haqida ma’lumot va shunga o‘xshash hujjatlar) taqdim etishdan ozod etiladi.
Bu o‘zgarish talabalar uchun katta yengillik hisoblanadi. Chunki odatda D-2 vizasiga topshirishda eng qiyin va ko‘p rad javoblariga sabab bo‘ladigan hujjatlardan biri aynan moliyaviy holatni tasdiqlovchi hujjatlar edi. Endilikda esa, agar siz yuqoridagi shartlarga to‘liq javob bersangiz, ushbu bosqichdan o‘tishingiz ancha osonlashadi.
❗️Ammo muhim jihat: bu imtiyoz barcha universitetlar yoki barcha yo‘nalishlarga tegishli emas. Faqatgina rasmiy ro‘yxatda ko‘rsatilgan OTMlar va aynan belgilangan fakultetlarga qabul qilingan talabalar uchun amal qiladi. Shuningdek, TOPIK darajangiz kamida 3 yoki undan yuqori bo‘lishi shart.
Manba: Aspantour

Jahongir Ganiev⚖️

1-may, 2026, 10:29

Diqqat: Stalking (스토킹) — bu jinoyat!
Bir singlimiz murojaat qilib, universitetda bir yigit uni doimiy ravishda kuzatib yurganini, necha bor ogohlantirishiga qaramasdan “sizni sevib qoldim” deb qayerga borsa ortidan borayotganini aytdilar. Hatto Instagram sahifasini topib yozishni boshlagan, blok qilgandan keyin ham bezovta qilishni to‘xtatmagan.
Bu holat bo‘yicha qonuniy chora ko‘rish mumkinmi degan savol bilan murojaat qilganlar.
Albatta, mumkin. Bunday harakatlar Koreyada ta'qib qilish (스토킹) deb baholanadi va qonun bilan jazolanadi. Agar qiz tomon aniq qarshilik bildirgan bo‘lsa, shundan keyin uni kuzatish, tinmay qo‘ng‘iroq qilish, xabar yozish yoki ijtimoiy tarmoqlarda bezovta qilish — bularning barchasi jinoyat hisoblanadi.
Bunday vaziyatda bemalol Politsiyaga murojaat qilish mumkin. Eng muhimi, “yomonlik qilgim yo‘q” deb jim yurish kerak emas. Bu sizning xavfsizligingiz bilan bog‘liq masala.
Xulosa qilib aytganda, hech kimni majburlab sevdirib bo‘lmaydi. Qarshilik bo‘lsa — to‘xtash kerak. Aks holda bu nafaqat odobsizlik, balki jinoyatdir. Vaqtni bunday narsalarga sarflamasdan, o‘qish, rivojlanish va o‘z ustida ishlash eng to‘g‘ri yo‘l aka-ukalar.

5,110

111

Jahongir Ganiev⚖️

1-may, 2026, 10:29

🔴Bugun Koreya vaqti bilan soat 21:00 da Telegram’dagi kanalimizda jonli savol-javob efirini o‘tkazamiz.🔠
Har qanday savollaringizga o‘z tajribamizdan kelib chiqib javob berishga harakat qilamiz. Oxirgi bir oy davomida shaxsiy ishlar bilan O‘zbekistonda bo‘lganimiz sababli, lichkaga kelgan 200 dan ortiq xabarlarga javob berilmay qolgan.
Savollaringiz bo‘lsa, jonli efirga qo‘shilib:o‘zingizni qiziqtirgan savollarga javob olishingiz
real tajribalar va foydali ma’lumotlardan xabardor bo‘lishingiz mumkin
📍 Jonli efir: Telegram kanal —
🕘 Vaqt: Bugun, soat 21:00 (Koreya vaqti bilan)
Barchangizni kutamiz!

4,270

Jahongir Ganiev⚖️

1-may, 2026, 10:29

Live stream started

Jahongir Ganiev⚖️

1-may, 2026, 10:29

Mas’uliyat erkak kishini ko‘p narsadan asraydi.
Men 19 yoshimda Koreyaga kelganman. Shu yoshimda musofirchilikni ko‘rganimga bugun ming shukr qilaman. Chunki aynan shu hayot meni tarbiyaladi. Oilam, ota-onam oldidagi mas’uliyat meni ko‘p narsadan asrab turdi. Yonimda yengil hayotga berilib, klublarda yuradigan tanishlarim ham bor edi. “Yoshlikda yashab qolish kerak, uka, yur sen ham” degan gaplarni ham ko‘p eshitganman.
Lekin men boshqa yo‘lni tanladim. Bo‘sh vaqtim bo‘lsa o‘qishga sarfladim, ishlab ota-onamga og‘irligim tushmaslikka harakat qildim. Hatto kerak bo‘lsa ro‘zg‘orning yukini yelkamga olishni o‘zimga sharaf deb bildim. Shu narsalar menga boshqacha zavq va kayfiyat berardi. Aynan mas’uliyat menga kuch berdi va yo‘ldan chiqarmadi.
Bugun orqaga qarab qarasam, eng to‘g‘ri qarorim shu bo‘lgan. Erkak kishini eng ko‘p himoya qiladigan narsa bu mas’uliyatdir. Hayotda mas’uliyatli bo‘ling. Yengil va oson pul topishga qiziqmang, mehnat qiling ukalar. Kelajagimiz o'zimizni qo'limizda.

4,790

195

Jahongir Ganiev⚖️

1-may, 2026, 10:29

Koreyada qolish maqsadida yolg‘on ravishda boshpana (난민) so‘ragan O‘zbekiston fuqarosi qamoq jazosiga hukm qilindi.
Changwon tuman sudining jinoiy ishlar bo‘yicha 3-yakka tarkibli sudyasi Pak Gi-ju (박기주 부장판사) davlat ishiga to‘sqinlik qilish (위계공무집행방해) va boshqa ayblovlar bilan sudga tortilgan 40 yoshlar atrofidagi O‘zbekiston fuqarosi http://A.ga/ 1 yil 4 oy muddatga ozodlikdan mahrum qilish jazosini tayinlaganini 22-sanada ma’lum qildi.
A. 2022-yil dekabr oyida o‘zi bilan bir xil fuqarolikdagi B ismli boshpana arizasi “brokeri” bilan til biriktirib, ko‘chmas mulk ijara (월세) shartnomasini soxtalashtirib, uni Kyonnam viloyati Kimhe shahrida joylashgan. Pusan Immigratsiya va chet elliklar boshqarmasining Kimhe filialiga topshirganlikda ayblanib sudga berilgan.
Aniqlanishicha, u 2022-yil noyabr oyida qisqa muddatli umumiy (단기 일반) vizasi bilan Koreyaga kirib kelgan va mamlakatda qolish muddatini uzaytirish uchun boshpana (난민) arizasini berishni rejalashtirgan. Qisqa muddatli umumiy viza odatda oila taklifi, tadbirlar yoki yig‘ilishlar kabi taklif maqsadida beriladi.
A. B ga uy-joy ijara shartnomasini soxtalashtirib berishni so‘rab 200 ming von bergan, B esa Kimhe shahridagi bir manzilda A go‘yoki ijara shartnomasi tuzgandek qilib hujjatlarni qalbakilashtirgan. Shundan so‘ng A “o‘z mamlakatida asossiz ravishda qamoqqa tushib qolish xavfi bor” degan mazmunda boshpana olish arizasini topshirib, boshpana vizasini olgan.
Sud hay’ati: “A ning jinoyati Koreya Respublikasining immigratsiya boshqaruvi tizimi va mamlakatda yashayotgan chet elliklarni samarali nazorat qilishga jiddiy zarar yetkazadi. Jinoyat jarayonida hujjatlarni qalbakilashtirib, ulardan foydalangani uning aybi og‘ir ekanini ko‘rsatadi”, — deya jazoni belgilash sababini tushuntirdi.
(Bu ancha yillardan oldingi bo'lgan keys)

Jahongir Ganiev⚖️

1-may, 2026, 10:29

Koreyada qolish maqsadida yolg‘on ravishda boshpana (난민) so‘ragan O‘zbekiston fuqarosi qamoq jazosiga hukm qilindi. Changwon tuman sudining jinoiy ishlar bo‘yicha 3-yakka tarkibli sudyasi Pak Gi-ju (박기주 부장판사) davlat ishiga to‘sqinlik qilish (위계공무집행방해) va…

3,810

Jahongir Ganiev⚖️

1-may, 2026, 10:29

📷 Photo

Diqqat savol 🤔
Uyizga immigratsiyadan shunday xat kelganlar bormi? Bu xatni bir yaxshi foydasi bor — kim topa olsa, yozib qoldiring. Kim birinchi to‘g‘ri javob topsa — bitta Ice Americano bizdan.

3,660

Jahongir Ganiev⚖️

1-may, 2026, 10:29

📷 Photo

IMEI jadvalini to‘g‘ri to‘ldirish qoidasi. Yangi tartib joriy etildi!
2026-yil 10-apreldan boshlab mobil qurilmalarning IMEI kodlarini BYuDning 31-grafasiga kiritish bo‘yicha yangi format ishga tushirildi.
Endilikda IMEI ma’lumotlari yangi talablar asosida ko‘rsatiladi. Mobil qurilmalar bo‘yicha IMEI ma’lumotlarini kiritishda quyidagi tartibga qat’iy amal qiling:
🔹 1. Qurilma raqami
Har bir qurilmaga tartib raqam beriladi (1, 2, 3 ...).
🔹 2. Slot raqami
Qurilmadagi har bir SIM slot alohida ko‘rsatiladi (masalan: 1 va 2).
🔹 3. IMEI raqami
Har bir slot uchun alohida va turli IMEI raqam kiritilishi shart.
✅ To‘g‘ri tartib:
1-qurilma → 1-slot → 1-IMEI
1-qurilma → 2-slot → 2-IMEI
2-qurilma → 1-slot → 1-IMEI
2-qurilma → 2-slot → 2-IMEI
❌ Xatoliklar:
⚠️Slot raqamini noto‘g‘ri yoki bir xil kiritish;
⚠️Bir qurilmada IMEI’larni takrorlash;
⚠️Qurilma raqamini aralashtirib yuborish.
😀 Muhim eslatma:
Qurilma nechta slotga ega bo‘lsa, uning raqami shuncha marta takrorlanadi. Shu orqali har bir IMEI qaysi qurilma va slotga tegishli ekanligi aniq ko‘rinadi.
Manba:O'ZBEKISTON DAVLAT BOJXONA XIZMATI

Jahongir Ganiev⚖️

1-may, 2026, 10:29

Agar siz 2024-yilda F-2-R vizasini olgan bo‘lsangiz, 1 yildan ortiq ishlagan bo‘lsangiz va 2025-yilda ish joyingizni o‘zgartirgan bo‘lsangiz, viza muddatini uzaytirishda sizdan qayta tavsiyanoma (Re-recommendation Letter) talab qilinadi.
1345 ma’lumotiga ko‘ra, 2026-yilgi F-2-R vizasi qoidalariga binoan, ishchilar ish joyini o‘zgartirish uchun tavsiyanoma va “viza maqomidan tashqari faoliyatga ruxsat”t (체류자격 외 활동허가) olib, Immigratsiya idorasi orqali ruxsat olishlari mumkin.
Biroq amaliyotda, yaqinda Immigratsiya idorasiga borganlarga shunday deyilgan:
ular yangi tavsiyanomani viloyat yoki shahar hokimiyatidan qayta olishlari kerak. Chunki hukumat sizning hozir qayerda ishlayotganingizni faqat viza uzaytirishga kelganingizda biladi.
Shu sababli, hozirda Immigratsiya idoralari ish joyini o‘zgartirgan F-2-R egalardan hozirgi ish joyini tasdiqlovchi yangi tavsiyanoma talab qilmoqda.
Yaxshi tomoni shundaki, bu tavsiyanoma uchun alohida kvota (cheklov) yo‘q — siz oddiy tartib bo‘yicha murojaat qilib, uni qayta olishingiz mumkin. Agar siz bu yil F-2-R vizangizni uzaytirmoqchi bo‘lsangiz va ish joyingizni o‘zgartirgan bo‘lsangiz, Immigratsiya idorasiga borishdan oldin albatta viloyat yoki shahar hokimiyatidan yangi tavsiyanoma olib qo‘ying.

4,680

Jahongir Ganiev⚖️

1-may, 2026, 10:29

📷 Photo

DIQQAT: Koreyada o‘qiyotganlar va kelmoqchi bo‘lganlar uchun yangi VIZA SIYOSATI (2026)
Adliya vazirligi yangi qaror chiqardi va bu o‘zgarishlar ayniqsa D-2 (student) hamda D-4 (til kursi) vizadagilar uchun juda muhim hisoblanadi. Endilikda Koreyaga kelishdan OLDIN tekshiruvlar ancha kuchaytiriladi. Talabaning koreys tili darajasi, haqiqiy o‘qish niyati bor-yo‘qligi sinchkovlik bilan tekshiriladi. Shunchaki “kirib olish” uchun topshirilgan hujjatlar yoki tayyorgarliksiz kelish ancha qiyinlashadi.
Shu bilan birga, haqiqatan o‘qimoqchi bo‘lgan va til darajasi bor talabalar uchun imkoniyatlar kengaytirilmoqda. Agar sizda til va real maqsad bo‘lsa, faqat moliyaviy sabab bilan viza rad qilinmasligi ham mumkin. Ya’ni endi faqat pul emas, bilim ham asosiy rol o‘ynaydi.
Koreyaga kirgandan keyingi tizim ham o‘zgaradi. Universitetlarga ko‘proq vakolat berilib, talabalarni nazorat qilish va boshqarish ularning zimmasiga yuklanadi. Talabalarga esa nisbatan erkinroq va moslashuvchan sharoitlar yaratiladi.
Eng katta yangiliklardan biri — “oxirigacha boradigan viza tizimi” joriy qilinishi rejalashtirilmoqda. Ya’ni o‘qishdan boshlab ishga joylashish va Koreyada qolishgacha bo‘lgan jarayon yagona tizimga ulanadi. Oldingidek D-2 dan D-10 ga o‘tib yana stress qilish holatlarini kamaytirish maqsad qilingan.
Bundan tashqari, zamonaviy davrga mos ravishda viza turlari ham ko‘paytiriladi. Sun’iy intellekt (AI) davriga mos o‘qish shakllari, jumladan online yoki aralash ta’lim ham hisobga olinadi. Hukumat ochiq tan oldiki, hozirgacha ko‘plab talabalar til bilmasdan kelgan, darslarni tushunmagan va bitirgandan keyin ish topishda qiynalgan. Endi esa asosiy e’tibor son emas, sifatga qaratiladi.
Hozirda Koreyada xorijiy talabalar soni 320 mingdan oshgan, lekin endilikda sifatli va haqiqatan rivojlanadigan talabalarni tanlash ustuvor bo‘ladi.
Xulosa qilib aytganda, “qanday bo‘lsa ham Koreyaga kirib olay” davri sekin-asta tugayapti. Endi til, aniq maqsad va reja bilan kelganlar uchun imkoniyatlar ko‘payadi. Davlatning maqsadi — o‘qib, keyinchalik ishlaydigan va Koreyada qolib rivojlanadigan talabalarni ko‘paytirish.
Agar Koreyaga kelishni reja qilayotgan bo‘lsangiz yoki hozir shu yerda bo‘lsangiz, eng muhim maslahat — koreys tilini kuchaytirish. Chunki endi bu eng katta hal qiluvchi omil bo‘ladi.

Showing 30 of 50 posts

Reyting

Kirish talab qilinadi

Foydalanuvchi sharhlari (0)

Hali sharhlar yo'q. Birinchi bo'lib tajribangizni baham ko'ring!

Tegishli Telegram kanallari

Loading recommended channels...

Jahongir Ganiev⚖️

Jahongir Ganiev⚖️

Reyting

Obunachilar sonining o'sishi (Oxirgi 6 kun ichida)

So'nggi postlar

Reyting

Foydalanuvchi sharhlari (0)

Tegishli Telegram kanallari

南京出击报告📮

Qora Klever Uzbek - Tilida

MENING IBLISM TV | DRAMMALAR IDUB E BOLIM MARVARDI

Uzbek students in Korea

Хохарон ва бародарон

Е8, E7, E9 Виза Корея меҳнат

KOREAN CENTER ✈️🇰🇷

𝗦𝗲𝘃𝗴𝗶 𝗰𝗵𝗶𝘇𝗶𝗾𝗹𝗮𝗿𝗶 🕊️

Tegishli Telegram kanallari

南京出击报告📮

Qora Klever Uzbek - Tilida

MENING IBLISM TV | DRAMMALAR IDUB E BOLIM MARVARDI

Uzbek students in Korea

Хохарон ва бародарон

Е8, E7, E9 Виза Корея меҳнат

KOREAN CENTER ✈️🇰🇷

𝗦𝗲𝘃𝗴𝗶 𝗰𝗵𝗶𝘇𝗶𝗾𝗹𝗮𝗿𝗶 🕊️

So'nggi postlar

Foydalanuvchi sharhlari (0)