Sputnik Аԥсны

Public

Kanalni ko'rish

67.8K

26.7K

11.3K

Qo'shila olmaysizmi? @sputnik_apsny_info

565 A'zolar

Yangilangan: May 28, 2026 at 4:10 AM

Sputnik Аԥсны

Ажәабжьқәа – аԥсышәала! Шәнапы аҵажәҩы, шәазҿлымҳаз ҳхатәы бызшәала раԥхьаӡа акәны ицәажәо аканал

Follow @sputnik_apsny_info to stay updated with the latest Erotika trends and news

Reyting

Global reyting

#456

Til reytingi

#45

Toifa reytingi

#23

-1

Obunachilar sonining o'sishi (Oxirgi 14 kun ichida)

Jami: 565

24 soatlik o'sish: -1 0%

So'nggi postlar

Sputnik Аԥсны

12-may, 2026, 21:53

Аԥсны аӡбаратә усбарҭа аҳәынҭқарра иузаҟәымҭхо хәҭоуп ҳәа азгәеиҭеит Бадра Гәынба иҟаиҵаз адныҳәалараҿы.

Уи Иреиҳаӡоу аӡбарҭаҿы имҩаԥысуаз аартраан даԥхьеит аҳәынҭқарра ахада Иусбарҭа анапхгаҩы актәи ихаҭыԥуаҩ Дмитри Шамба.

"Аконференциа Аԥсны Аҳәынҭқарраҟны аиашаӡбара асистема аҿиара иадҳәалоу актуалра злоу азҵаарақәа рзы здаҟам ҭыԥуп. Уи иара убасгьы аҭҵаарадырратә еилазаареи азинхархәаҩцәеи реинырра арӷәӷәара иацхраауеит, жәаҳәарада уа ирыдыркыло аӡбаратә актқәа рхаҭабзиара аизырҳара иацхраауеит", — ҳәа https://t.me/SputnikAbkhazia атекст аҿы.

Шамба иазгәеиҭеит аусмҩаԥгатә аҿы излацәажәараны иҟоу актуалра шрымоу, алахәылацәа рхыԥхьаӡара ишацло.

"Уи иаанаго аиҿкааҩцәа ииашоу ахырхарҭала ицоит ауп", — ҳәа иҳәеит иара.

📎 Раԥхьаӡа акәны аҭҵаарадырра-практикатә конференциа мҩаԥысит 2023 шықәсазы, иагьазкын Аԥсны азеиԥш иурисдикциа иаҵанакуа аӡбарҭақәа рышьақәгылара 100 шықәса ахыҵра.

Sputnik Аԥсны

12-may, 2026, 21:53

Жәлар Реизареи Иреиҳаӡоу аӡбарҭеи русеицура ихадоу аԥыжәара амоуп ҳәа инаҵшьны иазгәеиҭеит Апарламент аиҳабы Лаша Ашәба.

"Иазгәаҭатәуп аконференциа алахәылацәа рхаҭара аҳаракыра, еицырдыруа азиндырыҩцәа, еиуеиԥшым аинстанциақәа рнапхгаҩцәеи рыӡбаҩцәеи, аҳәаанырцәтәи асасцәа ралахәра. Уи иаанарԥшуеит ари афорум аҳаҭыр шыҳараку", — ҳәа https://t.me/SputnikAbkhazia иара.

Ашәба иара убасгьы иазгәеиҭеит аԥсуа специалистцәеи Урыстәылантәи рколлегацәеи реинырра аҵак ду шамоу.

📎 IV Жәларбжьаратәи аҭҵаарадырра-практикатә "Аԥсны Аҳәынҭқарраҿы азинӡбара" лаҵарамза 12-13 рзы имҩаԥысуеит, уи ареспублика азеиԥш иурисдикциа иаҵанакуа аӡбарҭақәа аԥҵоижьҭеи 103 шықәса аҵра иазкуп.

Sputnik Аԥсны

12-may, 2026, 21:53

🎥 Video

Иахьа Аҟәа дыргәаладыршәеит Баграт Шьынқәба.

Жәлар рпоет ибаҟа амҵан ашәҭшьыҵәрақәа шьҭарҵеит аҳәынҭқарра ахада Бадра Гәынба, уи ихаҭыԥуаҩ Беслан Бигәаа, аԥыза-министр Владимир Делба, аиҳабыра алахәылацәа, аҭҵаарадырратәи арҿиаратәи интеллигенциа рхаҭарнакцәа, абри атәы https://t.me/presspresidentofabkhazia Аԥсны ахада ипресс-маҵзура.

📎 Баграт Шьынқәба – аԥсуа шәҟәыҩҩы, аҳәынҭқарратә усзуҩы, Аԥсны Жәлар рпоет, "Ахьӡ-Аԥша" аорден I аҩаӡара занашьоу. Диит лаҵарамза 12 1917 шықәсазы Ҷлоу ақыҭан.

Sputnik Аԥсны

12-may, 2026, 21:53

IV Жәларбжьаратәи аҭҵаарадырра-практикатә конференциа "Аԥсны Аҳәынҭқарраҟны азинӡбара" https://t.me/SputnikAbkhazia Иреиҳаӡоу аӡбарҭаҿы.

Уи ҩымш имҩаԥыслоит. Лаҵарамза 13 рзы иазгәарҭо ареспублика азеиԥш иурисдикциа иаҵанакуа аӡбарҭақәа аԥҵоижьҭеи 103 шықәса аҵра иазкуп.

Аконференциа аусура рхы аладырхәуеит аҭҵаарадыррақәа рдокторцәеи ркандидатцәеи, аӡбаҩцәа, аҳәынҭусбарҭақәа, азинхьчаратә еиҿкаарақәа рхаҭарнакцәа, арҵаҩцәа, аҵарауаа, Аԥсни Урыстәылеи рҟынтәи апрактикаҿы аус зуа аҟазацәа.

Иазгәаҭоуп атематикатә секциақәа хәбеи астол гьежьи. Урҭ рызкуп аӡбаратә мчра аҿиара, ареспублика азинтә система, ашьауӷатә ӡбареиҿкаара ауадаҩрақәа, ауаҩы изинқәа рыхьчара, аиашаӡбара ацифраркра.

Sputnik Аԥсны

12-may, 2026, 21:53

Лаҵара 16-17 рзы Аԥсны имҩаԥысуеит Лӡаа Fest.

Апрограммаҿы иҟоуп алекциақәа, ашколхәыҷқәа рзы аҭҵаарадырратә интерактив, асахьаҭыхыҩцәа рҟазаратә-классқәа, амузыка, адәаҿы акинорбарақәа, Аҳәынҭқарратә хортә капеллеи ансамбль "Гәындеи" злахәу Оҭар Хәынҵариа изку аконцерт ду. Абри атәы лҳәеит Sputnik аинтервиу азҭаз аиҿкааҩцәа ируаӡәку Софиа Дбарԥҳа.

Афестиваль ареспубликаҿы имҩаԥысуеижьҭеи, аха сынтәа уи ҩымш имҩаԥысуеит.

Дбарԥҳа лажәақәа рыла, апрограмма арҭбаара алшара ҟанаҵеит асахьаҭыхыҩцәа лабҿаба рыхәаԥшрала арт-кластер амҩаԥгара, ахәылԥазтәи акинозал аартра, рыҽдырҭбаауеит амузыкатәи алекциатәи апрограммақәа.

"Ҳара уаанӡеиԥш аҭҵаарадырреи, аҟазареи, аԥсабареи рҳәаа аԥыраҳхуеит. Араҟа урҭ иаку ҭагылазаашьаны иҟалоит", — лҳәеит лара.

Зынӡа апрограмма иалахәуп 25-ҩык инареиҳаны алахәылацәа – аҵарауаа, асахьаҭыхыҩцәа, амузыкантцәа, анапҟазацәа.

Анеира хәыда-ԥсадоуп, афестиваль ареликттә мзаҵлақәа рымҵа имҩаԥгахоит.

Sputnik Аԥсны

12-may, 2026, 21:53

Аиапон бызшәахьы еиҭаргаз Мураҭ Иаган идоуҳатә нысымҩа ӡырыргеит Токиатәи ауниверситет аҿы.

Ашәҟәы "Каф ашьха нырцәынтәи сааит" еиҭеигеит Едзи Сибата. Уи ҭрыжьит 4 000 екземплиар иҟоу атираж ала.

Аӡыргараҿы иқәгылеит Иаган иҵаҩцәа Даиани Уеини Вилсонаа. Урҭ астудентцәеи арҵаҩцәеи ирзеиҭарҳәеит афилософ иԥсҭазааратә мҩеи идоуҳатә ҭынхеи ртәы.

"Ҷыдала ахшыҩзышьҭра аҭан аԥснытәии иапониатәии адоуҳатә беиарақәа реишьашәалара — аиҳабацәа пату рықәҵара, ауаажәларра рҿаԥхьа аҭакԥхықәра, ауаҩи аколлективи рыбжьара ахеиӷьтәреи агармониеи рҽазышәара", — ҳәа аанацҳауеит Москватәи аԥсуа диаспора.

📎 Ашәҟәыҩҩы, афилософ диит ԥхынҷкәын 16 1915 шықәсазы, иҭаацәа Ҭырқәтәылаҟа ихҵәеит. Иара еиқәиршәеит Мраҭашәара Кавказтәи ашьхарыуаа ржәытә культуратә қьабзқәа шьаҭас измоу Аамсҭа Қьабз аҵара.

Sputnik Аԥсны

12-may, 2026, 21:53

📷 Photo

2025 шықәсазы Аԥсны асоциал-економикатә ҵакы змоу ахыбрақәа рыргылара иазырхан х-миллиард мааҭ инареиҳаны.

Зынӡа аԥара рзоужьын 318 усмҩаԥгатә, урҭ рҟынтәи 41 — Аинвестпрограмма инақәыршәаны. Урҭ азырхан амҩақәа рҭагылазаашьа аиӷьтәра, ӡыла аиқәыршәара, аенергетика, агәабзиарахьчара ҳәа арбоуп Аминистрцәа реилазаара адыррақәа.

Зегь раасҭа аусурақәа аԥара рзоужьуп Аҟәа — азеиԥш рбагақәа рҟынтәи 31%.
#social

Sputnik Аԥсны

12-may, 2026, 21:53

Урыстәыла аҳаирхыхьчаратә мчқәа ҵхагәы инаркны асааҭ 07:00 рҟынӡа украинатәи аԥырҩы дызҭам ахархәагақәа 27 ҭадырхеит Белгородтәи, Воронежтәи, Ростовтәи аобластқә рҿы.

Асааҭ 07:00 инаркны 09:00 рҟынӡа ибжьанакыз аамҭазы даҽа ԥшь-дронк ҭадырхеит Волгоградтәии Ростовтәии аобластқәа рҿы ҳәа аанацҳауеит Атәылахьчара аминистрра.

Sputnik Аԥсны

12-may, 2026, 21:53

Лабра ақыҭан иргылоу ахш зауад аԥышәаратә аалыҵ аҭыжьра иазхиоуп. Абри атәы арадио Sputnik аҿы иҳәеит уи аиҳабацәа ируаӡәку Баҭал Ӡаԥшьба.

Ӡаԥшьба иажәақәа рыла, араҟа иҭрыжьлоит ахшлых ахкқәа зегьы.

"Ахш, ахарҵәы, еиуеиԥшым ашә хкқәа, аиогуртқәа, ахҷаҭ, ауараш. Беларуссиантәи ирԥшшоу ахш аагаразы аиқәшаҳаҭра ҳабжьаҳҵахьеит. Макьана аӡа ааҳхәоит, аха ҳхала аферма аҟаҵара ҳгәы иҭоуп. Ҽнак жәа-тоннак ахш адкылара иазхиоуп ҳзауад, уи зегьы аус адулара ҳалшоит", — иҳәеит иара.

Ахш зауад иҭнажьуа аалыҵ Аԥсны ишыҟаҵоу азы адырга ҷыдақәа рнызаауеит. Араҟа 30-ҩык рҟынӡа аҭыԥантәи ауааԥсыра аус рулоит ҳәа азгәеиҭеит Ӡаԥшьба.

🖇 Лабра ақыҭан ахш зауад аргыларазы апроект аԥшьган Аԥсны аекономика аминистрра апрограмма "2024 шықәсазы имаҷуи ибжьаратәиу анаплакра ацхыраара аҭаразы" ала.

Ахш зауад аусура ишазхиоу атәы инарҭбааны шәазыӡырҩыр шәылоит https://sputnik-abkhazia.info/_editorial_preview_/20260511/1062915589.html аҿы.
#social

Sputnik Аԥсны

12-may, 2026, 21:53

📷 Photo

Аԥсны зҽаԥсазтәыз ажурналист Русудан Барганџьиа иахьа лиубилеи азгәалҭеит.

1983 шықәсазы Қарҭтәи аҳәынҭқарратә университет далгеит, аусура далагеит агазеҭ "Советская Абхазия" аҟны.

1986 шықәсазы Барганџьиа Аԥсны ажурналистцәа реидгыла далахәылахеит, шықәсык ашьҭахь СССР ажурналистцәа реидгыла далалеит.

2010 шықәса раахыс Русудан Барганџьиа агазеҭ "Республика Абхазия" аҟны аус луеит, лара изныкымкәа Аԥсны ажурналистцәа реидгыла имҩаԥнаго аицлабрақәа рҟны аԥхьахәқәа ланаршьахьеит.

"Русудан Амиран- иԥҳа аиҳарак ақыҭанхамҩа, ақыҭа аҿиара апрограмма анагӡара, анхацәа ирызкны илыҩуеит. Русудан Барганџьиа агәабзиареи, ақәҿиарақәеи, аманшәалареи лзеиӷьаҳшьоит", — аҳәоит Аԥсны ажурналистцәа реидгыла ахантәаҩы Руслан Ҳашыг иҟаиҵаз адныҳәалараҿы.

Sputnik Аԥсны

2-apr, 2026, 21:22

Аҟәа аҳаирбаӷәазаҿы иҟоу аеровокзалтә комплекс ҿыц сааҭк ала 400-ҩык апассаџьырцәа рымаҵ аура алшоит ҳәа иҳәеит Урыстәылатәи Афедерациа атранспорт аминистр Андреи Никитин Санкт-Петербург имҩаԥысуаз Жәларбжьаратәи атранспорт-логистикатә форум аҿы.

Иара игәалаиршәеит, Санкт-Петербург шакәу 2023 шықәсазы Аԥсны аҳаирбаӷәаза аиҭашьақәыргылара ахацыркра аҭыԥ ахьаҭаз.

"Апассаџьырцәа хра аманы реихшаразы уаҟа иаԥҵоуп ашьҭыԥррареи атәареи рзалқәа хаз-хазтәи рхыбрақәа, аҳәаахьчаратә, аҳазалхратә, аԥырра аламҭалазтәи агәаҭара азонақәа рыманы. Авокзал иаԥну ашҭаҿ еиҿкаауп амашьынаргыларҭатә ҭыԥқәеи адгьылтә транспорт аангыларҭақәеи", — ҳәа https://t.me/SputnikAbkhazia Никитин.

Ари аус Аԥсныҟа анеира арманшәалара акыр ишьҭнахуеит, апассаџьырцәа ркомфорти ршәарҭадареи алнаршоит, аимадарақәа рырӷәӷәареи атуризм аҿиареи иацхраауеит ҳәа инаҵшьны иазгәеиҭеит иара.

Никитин иажәақәа рыла, атранспорт ахырхарҭа хадақәа зегьы рыла иахьа Аԥсни Урыстәылеи русеицура аҿиара амҩа иануп.

"2025 шықәсазы аихамҩа зхы иазырхәоз апассаџьырцәа рныҟәара 40% ихалеит. Аимадара алдыршоит афымцадәыӷбақәа" Диоскуриеи " Москвеи Санкт-Петербурги рҟынтәи ахара ицо адәыӷбеилазаарақәеи. Ихацдыркит иццаку амшынтә кометақәа рныҟәара, иара убас иаку абилеҭ асистема. Урыстәылаа еиҳа аҭаххара змоу автомашьынатә аушьҭырҭатә ҭыԥ "Адлер" ҳарҿыцуеит. Ҳгәы иҭоуп ԥхьаҟагьы ҳтәылақәа рыбжьара аныҟәарақәа ауааԥсыра рзы еиҳа иманшәалахарц аус рыдулара", — иҳәеит атранспорт аминистр.

Sputnik Аԥсны

2-apr, 2026, 21:22

🎥 Video

ДЖәР ахада Денис Пушилин Аԥсныҟа дааит жәларбжьаратәи аекономикатә форум "Аԥсны – ԥхьаҟатәи аинвестициақәа" иҽалаирхәырцаз.

Аԥсуа-аурыс ҳәааҿы иара диԥылеит Аԥсны адәныҟатәи аусқәа рминистр Олег Барцыц.

Аделегациа дацны ареспубликахь дааит "Донбасстәи абнатә дивизиа" адҵаҟаҵаҩ Ахра Аҩӡба.

📎 Жәларбжьаратәи аекономикатә форум мҩаԥысуеит Аԥсны мшаԥы 3-4 рзы, аусмҩаԥгатәқәа ирылагеит Аҟәеи Очамчыреи мшаԥы 2 рзы.

Sputnik Аԥсны

2-apr, 2026, 21:22

"Иара джурналистны ихы иԥхьаӡон, уи амиссиа иара изы зегь раасҭа ихадан".

Иналукааша адипломат, акьыԥхь Амаҵзура "Новости" (уажәы РИА Новости) аиҳабы Валентин Фалин имемориалтә ӷәы кыдырҵеит Москва, амедиагәыԥ "Урыстәыла иахьа" ахыбра аҭӡаҿы.

"Иара еснагь аҵакыҵәҟьа ибарҭан. Фалин ишәҟәаҿы иҩуан: "Аполитикатә баҩхатәрақәа рахьтә зеиԥш маҷӡоу аиаша абла аҭаԥшроуп". Иара джурналистны ихы иԥхьаӡон, ари амиссиа иара изы ихадаз иреиуан", — ҳәа https://t.me/SputnikAbkhazia амедиагәыԥ "Урыстәыла иахьа" адиректор хада Дмитри Киселиов.

Фалин амедиагәыԥ аҿиараҿы аҵак ду наигӡеит, Урыстәыла жәларбжьаратәи аҳаҭыр арӷәӷәараҿы илагала дууп.

Аусмҩаԥгатә иалахәын Урыстәыла АдәАР ахаҭарнак ҷыда Мариа Захарова, Урыстәыла Ажурналистцәа реидгыла ахантәаҩы Владимир Соловиов, иара убас Валентин Михаил-иԥа иуацәа, иколлегацәа, иҵаҩцәа.

Захарова инаҵшьны иазгәалҭеит, Фалин иахьа хыԥхьаӡара рацәала ахырхарҭақәа рыла имҩаԥысуа, зымҽхак ҭбаау аинформациатә усура ашьаҭа шышьҭеиҵаз.

Sputnik Аԥсны

2-apr, 2026, 21:22

Аекспо-цәыргақәҵа "Аԥсны акультуратә код" аатит Аҟәа, Сергеи Багаԥшь ихьӡ зху ашҭаҿы.

Аԥсны Акультура аминистрра акреативтә економикеи акультуратә индустриақәеи рыҟәша аиҳабы Светлана Габуниаԥҳа ишазгәалҭаз ала, ацәыргақәҵа мҩаԥыслоит мшаԥымза 2-4 рзы жәларбжьаратәи аекономикатә форум "Аԥсны — ԥхьаҟатәи аинвестициақәа" аҳәаақәа ирҭагӡаны.

Уи иалахәуп 40-ҩык анапҟазацәеи 20-ҩык ареспублика афатә аалыҵ аҭыжьыҩцәеи.

Иара убас, азалқәа руак аҿы аԥснытәи адизаинерцәа рнапкымҭақәа – ацәашәҵатә коллекциақәа ӡырыргоит, амилаҭтә маҭәақәагьы уахь иналаҵаны.

"Уаҵәы Аԥсны анапхгара алархәны аофициалтә аартра мҩаԥгахоит, урыстәылатәи аганахьалагьы асасцәа ҳарзыԥшуп", — ҳәа https://t.me/SputnikAbkhazia лара.

📎 Жәларбжьаратәи аекономикатә форум мҩаԥысуеит Аԥсны мшаԥы 3-4 рзы, аусмҩаԥгатәқәа ирылагеит Аҟәеи Очамчыреи мшаԥы 2 рзы.

Sputnik Аԥсны

2-apr, 2026, 21:22

Аҟәатәи аҳаирбаӷәазаҿы иааиԥмырҟьаӡакәа аус зуло атерминал ҿыцқәа ҩба аадыртит.

"Аҵыхәтәантәи шықәсыки бжаки рыла аҳаирбаӷәазатә комплекс арҿыцразы аусурақәа нагӡан. Ашьҭыԥраара-тәаратә цәаҳәа, аперронқәа реиҭашьақәыргыларазы аусурақәа мҩаԥган. Иара убасгьы атерминал ҿыцқәа рыргыларазы аусурақәа хыркәшоуп", — ҳәа Sputnik иазеиҭеиҳәеит аҳаирбаӷәаза адиректор хада Руслан Блиндиук.

Иара убас, анџьныртә инфраструктура шьаҭанкыла еиҭашьақәыргылан, апассаџьырцәа иманшәаланы рныҟәара алзыршо аусурақәа мҩаԥган ҳәа инаҵшьны иазгәеиҭеит иара.

Иара убасгьы аҭоурыхтә терминал аиҭашьақәыргылара аус иацҵоуп. Уи аусура аларгара ргәы иҭоуп аԥхынтәи акурорттә аамҭахәҭа алагамҭазы.

Аартра аусмҩаԥгатә авидеоеимадарала иҽалаирхәит Урыстәыла атранспорт аминистр Андреи Никитин.

"Сынтәатәи ашықәс азы мацара ҳауала имҩаныргеит 120-нызқьҩык ауаа. Ари апроцесс аҿы алагала ду ҟанаҵоит Аҟәа аҳаирбаӷәазаҿы иҟоу аеровокзалтә комплекс ҿыц, уи сааҭк ала 400-ҩык апассаџьырцәа рымаҵ аур алшоит", — ҳәа инаҵшьны иазгәеиҭеит иара.

Аԥсны аекономика аминистр Ҭеимураз Амқәаб иҳәеит аҟәатәи аҳаирбаӷәаза ареспублика Урыстәыла арегион харақәа ишрыднаҳәалаз, иара Урыстәыла Атранспорт аминистр иҭабуп ҳәа иеиҳәеит апроект иаиҭаз адгыларазы.

📎 2025 шықәса лаҵара 1 аахыс Аԥсни Урыстәыла арегионқәеи рыбжьара аҳаиреимадара еиҭахацыркхеижьҭеи, апассаџьырцәа рымаҵ аура мҩаԥысуан аамҭалатәи атерминалқәа рҿы.

Sputnik Аԥсны

2-apr, 2026, 21:22

🎥 Video

Аԥсныҟа https://t.me/presspresidentofabkhazia Сергеи Кириенко.

Аҟәатәи аҳаирбаӷәазаҿы Урыстәыла ахада Иусбарҭа аиҳабы актәи ихаҭыԥуаҩ атәыла ахада Бадра Гәынба диԥылеит.

Кириенкои атәыла ахадеи ахәаԥшит ахәыҷтәы сахьаҭыхратә "Аҟәа ажәҩанаҿ амҵәыжәҩақәа: аиҩызара ацҳа" алахәылацәа русумҭақәа. Аицлабрааҿы 27-ҩык аиааира ргеит. Актәи аҭыԥқәа аанызкалыз амилаҭтә центр "Урыстәыла" иаҭаар рылшоит.

Sputnik Аԥсны

2-apr, 2026, 21:22

Жәларбжьаратәи аекономикатә форум Аҟәа аҿиара иахәо иҟалар алшоит ҳәа азгәеиҭеит аҳҭнықалақь ахада Ҭемыр Агрба.

Урыстәыла ахада Иусбарҭа анапхгаҩы актәи ихаҭыԥуаҩ Сергеи Кириенко, Аахыҵ Уаԥстәыла ахада Алан Гаглоев, афедералтә министрцәа, абизнес-еилазаара ахаҭарнакцәа астол гьежьқәа рҿы аинфраструктуратә бизнес инаркны абизнес маҷи абжьаратә бизнеси рыҿиара аҟынӡа апроектқәа жәпакы ирылацәажәараны иҟоуп ҳәа азгәеиҭеит иара.

"Ҳара иаҳуалуп баша џьара арбаразы афорум амҩаԥгара акәымкәа, ас еиԥш иҟоу аиԥыларақәа зегьы ҳақалақь аҿиаразы ихәарҭаны, ҳаҳҭнықалақь ауааԥсыреи асасцәеи рзы иманшәалоу аҭагылазаашьа аԥызҵо аакәны аҟаҵара", — ҳәа инаҵшьны https://t.me/SputnikAbkhazia Агрба.

Аҟәа ахада иҳәеит ареспублика аҳҭнықалақь ҿырԥштәны ишыҟоу Урыстәылеи Аԥсни реизыҟазаашьақәа динамикала рыҿиаразы – аинфраструктуратә проектқәа нарыгӡоит, аԥшаҳәа аиҭашьақәыргылара мҩаԥысуеит, акоммуналтә техника, ауаажәларратә, иҷыдоу атранспорт ҳамҭас иаауеит.

Sputnik Аԥсны

2-apr, 2026, 21:22

Аԥснытәи жәларбжьаратәи аекономикатә форум Урыстәылеиԥш уи анҭыҵгьы аинтерес ду цәырнагеит иҳәеит ареспублика атуризм аминистр Асҭамыр Логәуа.

Иара иажәақәа рыла, Очамчыра имҩаԥысуа аиԥылара иалахәуп Урыстәылеи Ермантәылеи рҟынтәи атуризм аусхк ахаҭарнакцәа.

"Дҵас иҟоу апозициақәа рырдырреи реизааигәатәреи аҽазышәароуп, иҟалап асасааирҭақәеи, ари аусхк аҟны абизнес маҷи, Урыстәылантәи атурагентцәеи рыбжьара ишиашоу аилаӡарақәа рнапаҵаҩра акәхаргьы", — https://t.me/SputnikAbkhazia аминистр.

Логәуа иазгәеиҭеит Очамчыра араион аҿы аусбарҭа еиҿнакааз аусмҩаԥгатәқәа машәыршақә ишыҟамлаз. Уи атәыла мрагыларатәи ахәҭа атуристтә лшара аарԥшразы ихымԥадатәу шусу.

Sputnik Аԥсны

2-apr, 2026, 21:22

Амшын еиқәа арегион аҿы атәылақәа атурист изы еицлабуеит, Аԥсынгьы урҭ рхыԥхьаӡараҿы иҟоуп ҳәа иԥхьаӡоит атуризм аминистр Асҭамыр Логәуа.

"Ари аиндаҭлараҿы ҳара ҳҭыԥи ҳтуристи ҳаԥшаароуп. Убри азы есыҽны ҳхы аус адааулалароуп, амаҵзура еиӷьтәуа, ажәалагалақәа еиӷьтәуа, ҳтәылаҿы асасцәа рыԥсшьара еиҳа иманшәаланы иҟаҳҵалароуп", — https://t.me/SputnikAbkhazia иара.

Логәуа иажәақәа рыла, 2025 шықәсазы ареспублика иаҭааит 1,8 миллионҩык атуристцәа.

Sputnik Аԥсны

2-apr, 2026, 21:22

Аполитикатә ҭышәынтәалара аинвестициатә гәазыҳәара амзызк аҳасаб ала иалацәажәоит Аҟәа имҩаԥгахо астол гьежь аҟны.

Уи еиҿнакаауеит апартиа "Иаку Аԥсны". Аусмҩаԥгатә алахәхаразы ааԥхьара рыҭоуп аполитикатә мчрақәа зегьы рхаҭарнакцәа.

"Урыстәылантәи иааԥхьоуи ҳареи иаартны аицәажәара ҳҭахуп. Ҳара ирзеиҭаҳҳәар ҳҭахуп ҳреспублика иамоу аинвестициатә лшарақәас иаабо, ҳинвесторцәеи ҳареи ҳаинырра ҳшахәаԥшуа", — https://t.me/SputnikAbkhazia апартиа ахантәаҩы Алхас Барзаниа.

Sputnik Аԥсны

30-mar, 2026, 20:23

Telegram иҳаҩсыз аԥсшьарамшқәа рзы 150 нызқь инареиҳаны аканалқәеи агәыԥқәеи русура ааннакылеит.

Ахархәара аԥҟарақәа реилагаразы 2026 шықәсазы русура ааныркылахьеит 11,1 млн паблик.

Уаанӡа адырра ҟаҵан Урыстәыла амессенџьер мшаԥы 1 инаркны зынӡа иааныркылар шалшо азы. Аха Урыстәыла ахада иҟны иҟоу ауаҩы изинқәа рыхьчаразы Ахеилак аҿы ишазгәарҭаз ала, уи аусура еиҭашьақәдыргылар рылшоит аилахәыра урыстәылатәи азакәанԥҵара аҭахрақәа нанагӡар.

Telegram иааиԥмырҟьаӡакәа аиԥҟьарақәеи аусура аанкылареи раан MAX иаԥсоу альтернативан иҟоуп. Sputnik Абхазия уа ашәҟәы аҽҭанагалахьеит. Зегь реиҳа ихадоу, аинтерес зҵоу ахҭысқәа еснагь рдырра шәылшоит.

Sputnik Аԥсны

30-mar, 2026, 20:23

🎥 Video

🔸2025 шықәсазы Аԥсны абиуџьет ахашәала 21,7 млрд мааҭ артәеит, абиуџьет аныхрақәа 20,9 млрд мааҭ ҳәа азгәеиҭеит афинансқәа рминистр Саид Гәбаз Аминистрцәа реилазаара аилатәараҿы аҳасабырба ҟаҵо.

2024 шықәса иаҿырԥшны 2025 шықәсазтәи ахашәала уахәаԥшуазар 5,9 млрд мааҭ рыла еизырҳан. Ари алҵшәахеит Урыстәылатәи афинанстә цхыраара амҽхак аизҳара.

Иара убас афинансқәа рминистр иазгәеиҭеит аҳәынҭқарратә биуџьет ахатәы хашәалахәы шеизҳаз. 2025 шықәсазы аҳәынҭқарратә биуџьет харҭәаан 13,3 млрд мааҭ рыла, уи иарбаз арбагақәа раасҭа 104% рыла еизҳаит.

Sputnik Аԥсны

30-mar, 2026, 20:23

🎥 Video

Гагратәи ахәыҷтәы акәашаратә ансамбль "Афырҭын" Краснодар имҩаԥысуаз афестиваль "Аҳаракыраҿы" араӡнытә Гран-прии актәи аҭыԥқәа хԥеи анаршьеит.

Ансамбль анапхгаҩы, Аԥсны зҽаԥсазтәыз артист Мурат Қриа Sputnik ишазеиҭеиҳәаз ала, дара х-кәашарак нарыгӡеит: "Аԥсуа жәлар рыкәашара", "Аварцәа рыкәашара", "Аурашьа".

"Абарҭ акәашарақәа зегьы рзы актәи аҭыԥ ҳарҭеит. Ахәаԥшцәеи аӡбаҩцәеи даара ибзианы ҳарыдыркылеит. Ансамбль абжьаратәи агәыԥ роуп иқәгылаз", — ҳәа иҳәеит иара.

Уаанӡа иаарыцҳахьан аџьаз Гран-прии, иара убас актәии аҩбатәии аԥхьахәқәа ​​Аҟәатәи ансамбль "Уарада". Афестиваль Аԥсны адагьы, Нхыҵ-Кавказтәи ареспубликақәа рҟынтәи агәыԥқәа алахәын, урҭ шә-номерк инареиҳаны иқәдыргылеит.

Sputnik Аԥсны

30-mar, 2026, 20:23

Аԥснытәи аспортсменцәа Москва имҩаԥысуаз абокс азы Урыстәылазегьтәи аицлабраҿы аԥхьахә ҭыԥқәа ааныркылеит.

Диана Мелкониан ахьтәы медал ланашьахеит 48 кьыла рҟынӡа зыкапан ыҟоу рыбжьара. Беата Арышԥҳа 57 кьыла зыкапан ыҟоу рыбжьара аџьаз ланашьахеит.

Аҳәынҭспортеилакы иҟанаҵо https://t.me/gosmolodsport_ra рыла, аспортсменцәа Москватәи еизгоу акоманда иалахәын.

Аицлабрақәа мҩаԥысуан Урыстәыла зҽаԥсазтәыз аспорт азҟаза, 2012 шықәсазы Олимпиатә хәмаррақәа рҟны аиааира згаз, ҩынтә адунеи иачемпионхаз, хынтә Европа ачемпион Софиа Очигава лыхьӡала аҳамҭақәа ранашьаразы.

📎 Диана Мелкониан — Аԥсны аспорт азҟаза, Урыстәыла аспорт азҟаза акандидат, Давид Аҩӡба иҿы лҽазыҟалҵоит. Беата Арыԥҳа Аԥсны аспорт азҟаза, Урыстәыла аспорт азҟаза акандидат. Аԥсны зҽаԥсазтәыз азыҟаҵаҩ Альберт Кардиоӷлы иҿы лҽазыҟалҵоит.

Sputnik Аԥсны

30-mar, 2026, 20:23

Урыстәылатәи арегионқәа рҿы аҳаирхыхьчаратә мчқәа уахыкала украинатәи аԥырҩы дызҭам ахархәагақәа 102 ҭадырхеит ҳәа аанацҳауеит Атәылахьчара аминистрра.

Адронқәа ҭархан Белгородтәи, Курсктәи, Воронежтәи, Ростовтәи, Волгоградтәи, Пензатәи, Улиановтәи, Самаратәи аобластқәеи, Краснодартәи атәылаҿацәи, Ҟрыми, Азовтәи амшын инахыкни.

Sputnik Аԥсны

30-mar, 2026, 20:23

"Адуӡӡа инаиркны узырччо аҟынӡа шьаҿак". Хәажәкырамза 30 1814 шықәсазы аурыс ир зхадараҿы иҟаз, Наполеон иҿагылаз акоалициа аидгылатә ар Париж иалалеит.

Аҳҭнықалақь азы аиҿагылара ӷәӷәа 1814 шықәсазтәи Франциатәи акампаниаҿы зегь реиҳа игәымбылџьбарахеит, аидгыларатә ар рзы зегь реиҳа ишьаарҵәырахаз ируакхеит. Ҽнакала, хәажәкыра 30 рзы, аа-нызқьҩык инареиҳаны асолдаҭцәа ҭахеит, урҭ рахьынтә ф-нызқьҩык инареиҳаны урысқәан.

Хәажәкыра 31 ауха Париж абџьар шышьҭанаҵоз азы ашәҟәы анапы аҵанаҩит. Аиқәшаҳаҭра ишаҳәоз ала, афранцыз ар ақалақь аанрыжьыр акәын ашьыжь, асааҭ быжьба рзы.

Шьыбжьон, Александр I зхадараҿы дыҟаз аурыс гвардиа гәырӷьарала Франциа аҳҭнықалақь иалалеит. Аимператор агәшаҭара аарԥшы иажәа наигӡеит ақалақь шимырҳәуа ауааԥсыра ахылаԥшра шриҭуа азы. Франциантәи арепарациақәаҵәҟьагьы имгеит. Уи азы Европа "ахақәиҭтәҩы" ҳәа ихьӡырҵеит.

Аинтерес зҵоу:
"Быстро" акәу "Бистро" акәу? Еицырдыруа алегенда излаҳәо ала, аурыс казақцәа парижтәи аофициантцәа ццакырала рымаҵ руларц азы ирыдырҵон "Быстро!", уи ажәа маҷ-маҷ акаҳуажәырҭатә ҳақәа ирыхьыӡхалеит — "бистро" ҳәа.

Аԥшҩы даԥшит. Аурыс фицарцәа ҿарацәа гәахәарыла ирыдыркылон Парижтәи аристократиатә еилазаарақәа рҿы. Европа зегьы аҿы еицырдыруаз аԥшҩы – мадмуазель Ленорман ас еиԥш иҟоу асалонқәа руак аҿы ԥхьаҟатәи адекабристцәа Сергеи Муравиови-Апостоли Павел Пестели акнаҳара шрықәшәоз даԥшит. Ус иагьыҟалеит.

Амода ҿыц. Парижнтәи аурыс солдаҭцәа рыԥсадгьыл ахь иааргеит ахымҩаԥгашьа ҿыцқәагьы, атрадициақәагьы, аидеиақәагьы. Иаҳҳәап, акаҳуажәра, иҭацәу аԥаҭлыка астол аҵаҟа аргылара. Александр I иакәзар, франциатәи аҳҭнықалақь архитектура даара игәаԥхеит, уи азы Урыстәылаҟа ааԥхьара риҭеит архитекторцәақәа, Исаакиевтәи аныхабаа авторс иҟалараны иҟаз Монферрангьы уахь дналаҵаны.
#social

Sputnik Аԥсны

30-mar, 2026, 20:23

Тҟәарчал Ашахтиор ибаҟа аиҭашьақәыргылара https://t.me/SputnikAbkhazia.

Аусурақәа мҩаԥысуеит араион ахада Герман Каҷараа инапынҵала.

Тҟәарчал араион архитектор хада Авҭандил Хошҭариа иазгәеиҭеит ахаҳәтә шьаҭа арӷәӷәареи аиҭашьақәыргылареи ишалагаз.

"Тҟәарчал аҭоурыхтә ҭеиҭыԥши ҳҭоурых ду ԥхьаҟатәи абиԥарақәа рзы агәалашәара аиқәырхареи ҳара ҳзы аҵак ду амоуп", — ҳәа азгәаҭоуп араион ахадара апресс-маҵзура акьыԥхьпмҭаҿы.

Sputnik Аԥсны

30-mar, 2026, 20:23

📷 Photo

Аԥсны акультуратә афиша хәажәкыра 30 - мшаԥы 5 рзы.

▫️Аԥсуа драматә театр
Хәажәкыра 30, 19:00 – "Иареи лареи".
Хәажәкыра 30, 19:00 – "Ҳауа идагәада".

▫️РУСДРАМА
Хәажәкыра 30, 19:00 – "Едит Пиаф".
Мшаԥы 1, 19:00 – "Ашәахәақәа рҿы".
Мшаԥы 2, 19:00 – "Аныҟәара. Аџьаз".
Мшаԥы 3, 19:00 – "Примадонна".
Мшаԥы 4, 19:00 – "Софичка".
Мшаԥы 5, 12:00 – "Акәатакәҷышь џьынган".

▫️Ацәыргақәҵақәа
Хәажәкыра 30, 9:30 инаркны – Аԥсни аҳәаанырцәи рсахьаҭыхҩцәа русумҭақәа рцәыргақәҵа "The Wall Gallery" аҿы.
Хәажәкыра 30-31, 10:00 инаркны – Амилаҭтә сахьатә галереиаҿы ацәыргақәҵа "МОСКВА – АҞӘА. Аҟазара азеиԥш ашәышықәсазы".
Хәажәкыра 30-31, 10:00 рзы – AUADA gallery аҿы Амра Чичибаиаԥҳа лцәыргақәҵа "Алампақәеи афонарқәеи зегьы арахь иааит...".

▫️Alaff Club
Мшаԥы 1, 19:00 – "Аԥснытәи Нарҭаа" рықәгылара ақьафурҭа "Мариаж" аҿы.

▫️Аетно-парк "Аԥсны"
Мшаԥы 3, 13:30 – афорум "Акаҷыҷ".

▫️Аԥснытәи аҳәынҭфилармониа
Мшаԥы 5, 18:00 – апроект "Жәлар рсцена — Лабҿаба" 3-тәи адуцәа злахәу аихшьаалатә концерт.

Sputnik Аԥсны

30-mar, 2026, 20:23

🎥 Video

Аҟәатәи ахәыҷтәы акәашаратә ансамбль "Уарада" Краснодар имҩаԥысуаз жәлар рыкәашара афестиваль "На вершине" аҿы аџьазтә Гран-прии актәи, аҩбатәии аԥхьахәтә ҭыԥқәеи аннакылеит.

Аԥсны зҽаԥсазтәыз артистка, агәыԥ анапхгаҩцәа иреиуоу Ҭамила Џьалагониаԥҳа Sputnik ишазеиҭалҳәаз ала, "Уарада" ықәгылеит аԥсуеи адыгеи кәашарақәа рыла.

"Ҳгәыԥ 58-ҩык артистцәа рыла ишьақәгылоуп. Раԥхьаӡа акәны ари афестиваль ҳхы алаҳархәит. Ахәаԥшцәа гәык-ԥсык ала ҳрыдыркылеит, аӡбаҩцәагьы гәахәара дула ирыдыркылеит. Зегьы ргәы иахәеит, ҳақәгыларақәа рзы ҳдырҽхәеит", — ҳәа лҳәеит лара.

Афестиваль Аԥсны адагьы, Нхыҵ-Кавказтәи ареспубликақәа рҟынтәи агәыԥқәа алахәын, урҭ шә-номерк инареиҳаны иқәдыргылеит.

Ансамбль "Уарада" еиҿкаан жәашықәса раԥхьа. Иара хыԥхьаӡара рацәала Аԥсни жәларбжьаратәи аицлабрақәа рҿы аиааирақәа агахьеит.

Sputnik Аԥсны

30-mar, 2026, 20:23

Урыстәыла Telegram аусура аиҭашьақәыргылара алшоит, амессенџьер урыстәылатәи азакәанԥҵара иақәныҟәозар ҳәа азгәарҭеит атәыла ахада иҟны иаԥҵоу ауаҩы изинқәа рыхьчаразы Ахеилак аҟны.

"Telegram агәыԥ Урыстәылеи иареи аиқәшаҳаҭра рыбжьарҵарц азы алшара дуқәа ыҟоуп, ҷыдала аекстремизми ҳҳәынҭқарра амилаҭ ашәарҭара иҭазыргыло аканалқәеи рганахьала урыстәыла иқәныргыла аԥҟарақәа ирықәныҟуазар", — ҳәа иҳәеит ауаа рзинқәа рыхьчаразы Ахеилак ахантәаҩы Александр Ионов ихатәы тг-канал аҿы.

Telegram аԥкрақәа шамоугьы, Sputnik Аԥсны https://max.ru/sputnikabkhazia аҿы иҿыцу ажәабжьқәа акьыԥхьуеит.

Showing 30 of 30 posts

No more posts

Reyting

Kirish talab qilinadi

Foydalanuvchi sharhlari (0)

Hali sharhlar yo'q. Birinchi bo'lib tajribangizni baham ko'ring!

Tegishli Telegram kanallari

Loading recommended channels...

Sputnik Аԥсны

Sputnik Аԥсны

Reyting

Obunachilar sonining o'sishi (Oxirgi 14 kun ichida)

So'nggi postlar

Reyting

Foydalanuvchi sharhlari (0)

Tegishli Telegram kanallari

Xorazm Telekanal

Адраджэнне

😍😍😍😍

ndekil

سہەرَەتہا ˢᴬᴿᴬᵀᴬ

Cleopatra

Kimyo va Biologiyadan masalalar

پروکسی کانفینگ vpn

Tegishli Telegram kanallari

Xorazm Telekanal

Адраджэнне

😍😍😍😍

ndekil

سہەرَەتہا ˢᴬᴿᴬᵀᴬ

Cleopatra

Kimyo va Biologiyadan masalalar

پروکسی کانفینگ vpn

Foydalanuvchi sharhlari (0)

So'nggi postlar