🌼🌼🌼
🪶Дуонинг қабул бўлиш сабаблари
1. Кечанинг охирги учдан бир қисми
2. Азон айтиладиган вақт
3. Азон ва иқомат орасида
4. Фарз намозида салом беришдан аввал
5. Жума куни имом минбарга кўтарилганидан намоз тугагунига қадар
6. Жума куни аср намозидан шом намозигача
7. Арафа куни
8. Қадр кечаси
9. Ёмғир ёғаётган пайтда
10. Мазлумнинг дуоси
11. Рўзадорнинг ифтор вақтидаги дуоси
🪶Дуо қабул бўлишини тўсадиган офат
Бесабрлик — “Дуоим ижобат бўлмаяпти”, деб сабрсизлик қилиш, малолланиб дуони тарк этиш.
🟫 “Аллоҳга дуоингиз ижобат қилинишига ишонган ҳолда дуо қилинглар. Билингларки, Аллоҳ ғофил ва бепарво қалбдан чиққан дуони қабул қилмайди”.
🪶Дуо ижобат бўлишини тўсадиган сабаблар
• Дуонинг шариатга зид бўлиши
• Қалбдаги иймоннинг заиф бўлиши, фикрни жамлаб Аллоҳга юзланмаслик. Бундай дуо бўш камондан отилган ўққа ўхшайди.
🪶Дуонинг қабул бўлишига тўсқинлик қилувчи нарсалар: ҳаром ва шубҳали луқмалар (таом), тақвода заифлик қилиш, зулм, мусиқа, қалбни гуноҳлар қоплаб олиши ҳамда қалб иллатлари.
🔘Дуо — ёмонликни даф қилиш ва муродга эришишнинг энг кучли сабабларидан биридир.
🔘 Дуонинг энг фойдалиси (тез таъсир қиладигани) — илтижо билан, ўтиниб қилинган дуодир.
🟫 “Бас, Мени эслангиз, Мен ҳам сизларни эслайман”.
(Бақара сураси, 152-оят)
🔘 Дуо — энг фойдали даво
Бало ва мусибатнинг душмани дуо ҳисобланади. Дуо бало ва мусибат билан курашади, ундан ҳимоя қилади ҳамда келишига йўл қўймайди.
Мусибатни дуо аритади, яъни йўқ қилади. Мусибат тушган тақдирда ҳам уни енгил ўтишига сабаб бўлади.
🔘 “Дуо — мўминнинг қалқони, қуроли, диннинг устуни ҳамда осмон-у ернинг нуридир”.
🪶Дуо ва балонинг уч даражаси
1. Дуо балодан кучлироқ бўлади — натижада дуо балони қайтаради.
2. Дуо балодан заифроқ бўлади — натижада бало дуодан устун келиб, бандага мусибат етади. Гарчи дуо заиф бўлса ҳам, балони енгиллаштиради.
3. Иккисининг кучи тенг бўлади — натижада бир-бирига тўсқинлик қилади.
🪶Дуонинг кайфияти
1. Хушуъ ва ҳузуъ билан дуо қилиш
2. Ўзини ҳокисор ва хор тутиш
3. Қиблага юзланиш
4. Таҳоратли бўлиш
5. Қўлни кўтариб, ёлвориб сўраш
6. Аллоҳга ҳамд-у сано айтиб, Муҳаммад соллаллоҳу алайҳи васалламга саловот айтиб бошлаш
7. Гуноҳ ва хатоларига тавба қилиб, истиғфор айтиш
8. Аллоҳга юзланиб, У Зот яхши кўрадиган сўзлар билан ҳожатини ёлвориб сўраш
9. Аллоҳнинг раҳматидан умид қилиш ва азоби ҳамда интиқомидан қўрқиш
10. Аллоҳнинг исм-сифатлари ва тавҳидини васила қилиб сўраш
11. Дуодан олдин садақа бериш
12. Аллоҳ таолодан синиқ қалб билан дуо қилиш керак. Қалбдаги ихлос, тавозуъ ва чин дилдан илтижо қилиш дуонинг таъсирини кучайтиради.
🟫• “Бандаларим сиздан Мен ҳақимда сўрасалар, албатта Мен яқинман. Дуо қилувчининг дуосини ижобат қилурман”.
(Бақара сураси, 186-оят)
🪶Дуонинг учта фойдаси бор:
1. Дуо қилади ва шу дуосини ҳаётда кўради. Масалан, фарзанд сораса, Аллоҳ Таоло фарзанд беради ёки мол-давлат сорайди, Аллоҳ Таоло мол-давлат беради ва ҳакозо.
2. Дуо инсонга келаётган катта бир мусибатни тўхтатади.
3. Аллоҳ Таоло дуосини охиратга олиб қўяди. Мана шу дуо эвазига Аллоҳ Таоло охиратда катта бир ажр-мукофот беради. Дуо қилган одам ҳеч қачон зарар қилмайди. Матн
