BYD O‘zbekistonda ilk bor KIA’ni ortda qoldirdi
“O‘zavtosanoat” 2024-yildan boshlab milliy avtosanoat statistikasini muntazam e’lon qilib kelmoqda.
Shu vaqt davomida savdolar bo‘yicha Chevrolet birinchi, KIA ikkinchi, BYD esa uchinchi o‘rinni egallab kelayotgan edi.
Ammo 2026-yil buni o‘zgartirdi. Dastlabki ikki oyda O‘zbekiston avtomobil zavodlari 57 512 dona
https://t.me/uzauto_official
Birinchi o‘rinda Chevrolet — 45 609, ikkinchi o‘rinda BYD — 4 621, uchinchi o‘rinda esa KIA — 4 611 dona.
Ha, farq juda kichik va bu atigi yanvar-fevral oyi natijalari, lekin avval bu ham yo’q edi: KIA doim va barqaror ravishda BYD’dan oldinda yurardi.
Biroq oradagi tafovut qisqarib, qisqarib, mana endi deyarli yo‘qoldi.
Bundan keyin ham shunday davom etadi, degani emas. Har ikki brend ham ishlab chiqarishni, ham savdoni oshirmoqda, shuning uchun ular hali ko‘p marta o‘rin almashishadi.
Shunchaki, hozir O‘zbekistonda ilk bor elektromobil ishlab chiqaruvchi ikkinchi pog‘onaga ko‘tarilib, bozorning 8 foizini egalladi.
Umuman, bu yil “Chevrolet bo‘lmagan” avtosanoatdan yangiliklar ko‘p bo‘ladi.
ADM Jizzakh o‘zining ilk obligatsiyalarini chiqarib, kengayish uchun $150 million jalb qilishga tayyorlanmoqda.
Asaka Motors mamlakatdagi ilk mikroavtobuslar — Iveco Daily’ni ishlab chiqarishni maqsad qilgan.
BYD Uzbekistan Factory Yuan Up modelini yig‘ishni boshlash niyatida.
Alyans Auto Volkswagen’ning ikkinchi kirib kelishini ta’minlashi, SamAuto esa yangi egasi bilan yangi o‘sishga erishishi kerak.
Albatta, bularning barchasi hozircha rejalar, xolos, biroq ularning kamida bir qismi amalga oshsa, Chevrolet’dan keyingi ikkinchi o‘rin uchun kurash yanada qiziqarli tus oladi )
ОБУНА БЎЛИНГ -
