Facebookda ancha vaqtdan beri kuzatadigan
https://www.facebook.com/share/17FFrzWjC7/?mibextid=wwXIfr quyidagicha post yozibdilar. Meni ruhlantirdi. Balki sizni ham ruhlantirar degan maqsadda tarjima qilib, shu yerda ulashyapman.
Bugun men yangi uyimda — 50-qavatda uyg‘ondim. Derazadan Tokio shahri va Fuji tog‘i ko‘rinib turadi.
Bir necha kun oldin ko‘chib keldim. Hali ham ba’zan deraza yonida jim o‘tirib, shu hayot rostmi o‘zi, deb o‘ylab qolaman.
Bu ko‘chish meni qayerdan boshlaganim va bu yerga qanday kelganim haqida chuqur o‘ylashga majbur qildi.
Bolaligimda uyimizda hojatxona ham, dush ham yo‘q edi. Ba’zan haftasiga bir marta amakimnikiga borib yuvinardik — agar ruxsat berishsa. Agar ruxsat berishmasa, suv qaynatib, alyuminiy vannada yuvinardik.
Idishlarni yuvish uchun issiq suv ham yo‘q edi. Chelakda suv isitib, cho’milardik.
Ko‘pincha elektr ham, gaz ham bo‘lmasdi, hatto qishda havo -10, -20 darajagacha tushganda ham.
Bolaligimda faqat bitta orzuim bor edi: chet elda yashash va ishlash.
Lekin bir kun kelib Yaponiyada hayot quraman, biznes qilaman buni tasavvur ham qilmaganman.
Yaponiya menga juda ko‘p narsani o‘rgatdi, nafaqat biznes, balki hayot haqida ham.
Yapon kompaniyalari bilan ishlash orqali men uzoqni o‘ylashni, intizomni, mayda detallarga e’tibor berishni va ishni mukammal bajarishni o‘rgandim. Eng muhimi: mijoz va loyiha uchun chin dildan qayg‘urishni, uzoq muddatli ishonch qurishni o‘rgandim.
Qadam-baqadam, yo‘lda uchragan ko‘plab insonlarning qo‘llab-quvvatlashi bilan, ajoyib jamoa bilan birga bizneslarimizni qurdik.
Bugun esa biz chin dildan ishonadigan loyihalar ustida ishlayapmiz: toza energiya, kelajak transporti, sog‘liqni saqlash va ekologiya kabi yo‘nalishlarda. Shu bilan birga barqaror va foydali o‘sishni yaratishga harakat qilyapmiz.
12 yoshimda chet elda yashashni orzu qilganimda, bugungi natijamning hatto 1 foiziga ham erishaman deb o‘ylamaganman.
Hayotimdagi eng hayratlanarli narsa shuki: mening haqiqatim har doim tasavvurimdan ham yaxshiroq bo‘lib chiqdi.
Hozir Tokio ustidan qarab turib, buni yakun emasligini his qilyapman.
Aksincha, bu aslida yangi boshlanishga o‘xshaydi.
Shu yo‘lda meni qo‘llab-quvvatlagan do‘stlarimga, hamkorlarimga, mijozlarimga va barcha insonlarga chin dildan rahmat aytaman. Sizlarsiz bu darajaga yetolmasdim.
Endi esa yanada katta maqsadlar sari harakat qilar ekanman, sizlarning qo‘llab-quvvatlashingizga yana umid qilaman.
Buni ulashishimdan maqsad: bugun katta orzular qilayotgan kimnidir ilhomlantirishdir.
“Yapon orzusi” — bu haqiqat.
Ochig‘i, men bularning barchasiga boshqa bir davlatda erisha olarmidim bilmayman.
