Musayev blogi

Public

Kanalni ko'rish

Qo'shila olmaysizmi? @Musayev_blogi

3.1k A'zolar

Yangilangan: August 31, 2026 at 3:54 PM

Musayev blogi

Tengdoshlarim uchun foydali deb bilganlarim — Professional, Ilmiy va Shaxsiy rivojlanish — Maqsad va rejalar — Vaqtni boshqarish — Chet el hayoti Sifatli kontentni qadrlaganlar uchun! Takliflar @JanobMusayev Co-founder of @eventgouz & @grantgouz

Follow @Musayev_blogi to stay updated with the latest bilganlarim and shaxsiy trends and news

Reyting

Global reyting

#277740

+437

Til reytingi

#1356

-3

Toifa reytingi

#2200

Obunachilar sonining o'sishi (Oxirgi 6 kun ichida)

Jami: 3.1K

24 soatlik o'sish: +12 0%

So'nggi postlar

Musayev blogi

5-sen, 2026, 20:59

📷 Photo

📣 Siz kutgan DAAD Mentorlik Kursi 2027 mavsumi

🇩🇪 Germaniyaning eng nufuzli DAAD grantida g'olib bo'lishga astoydil harakat qilayotgan qadrli nomzodlar, biz bu yo'lda sizga yordam berish yetib kelmoqdamiz. Bittagina emas, 9 ta tajribali mentordan iborat jamoa.

Kurs davomida
➡️ 10 bo'limdan iborat video-darslar
➡️ Har haftalik jonli savol-javob sessiyalar
➡️ Portfolio va karyera rejangiz tahlili
➡️ Hujjatlar bo'yicha mentor maslahati
➡️ Hamda ularni batafsil tekshirib berish
➡️ Mentorlar bilan 10 soatgacha individual sessiyalar

🎓 Mentorlar yo'nalishi
➡️ Iqtisod va Moliya
➡️ Axborot tizimlari va kompyuter ilmi
➡️ Huquq
➡️ Sog'likni saqlash & Farmasevtika
➡️ Ta'lim boshqaruvi

Biz hozirgacha
✅ 300+ talabani o'qitdik
✅ 50 ga yaqin g'oliblikka ko'mak berdik
✅ 3000 yaqin talaba yig'ilgan bepul hamjamiyat tuzdik
✅ 10 dan ortiq bepul chatlar o'tkazdik
✅ Har bir o'quvchiga kelajagiga boshqa nigoh bilan qarashga ko'maklashdik

Biz kursimiz orqali sizga g'oliblik va'dasini bermaymiz. Ammo bu yo'lni yolg'iz bosib o'tmasligingiz uchun bor tajribamiz va kuchimiz bilan yordam beramiz.

🫴 https://t.me/mentorgouz_bot

#DAAD #magistratura #mentorlik_kursi

💼 https://t.me/mentorgouz | https://t.me/grantgouz

2,430

Musayev blogi

5-sen, 2026, 20:59

📷 Photo

MentorGO qaytmoqda... Oxirgi 3 oyda bosh vaqtim bo'ldi deguncha asosiy e'tibor qaratayotgan ishim — bu loyihalarimizga yangi qon olib kirish, ular aslida boshidan qanday bo'lishini orzu qilgan bo'lsak shunday darajaga olib chiqish bo'lyapti. Aynan shu sababga…

2,010

Musayev blogi

5-sen, 2026, 20:59

Bolalik unutilmas xotiralari

Yoshligimdan galaktiko vaqtidan beri "Real Madrid", hali "Manchester"dalik paytidaligidayoq CR7 muxlisi bo'lganman.

O'tkir burchakdan jarima zarbasini golga aylantirganini ko'rib turgan 7-8 yoshli bola qanday qilib muxlis bo'lib qolganini o'zi ham sezmagan.

Messini esa 2009-yil "Oltin to'p"ni qo'lga kiritmaguncha deyarli tanimasdim. Ashaddiy Ronaldo muxlisiga aylanib ulgurgan bolakay uchun o'sha vaqt Messini "yomon ko'rib qolish" nuqtasi bo'lgan.

Ronaldo "Real"ga o'tishi esa bu olovni yanada alanga oldirdi. Boshqa tomondan uyda Akam qaysidir nuqtada Messi muxlisiga aylangan edi.

Keyingi 3 yil men uchun oson kechmadi. Messi qayta-qayta "Oltin to'p" yutishini har safar Ronaldo o'rnida o'tirgandek kuzatdim. "Barcelona" "Real"ni yer bilan bitta qilib, yanchib tashlagan o'yindan keyin, Messi Chempionlar Ligasida butun "Real" himoyasini aldab o'tib gol urgandan keyin yig'lagudek bo'lib, qachondir biz ham ana shunday dominantlik qilishimizga ishonib uxlab qolganman.

Oradan vaqt o'tib, ana shunday davr ham keldi. Universitetda o'qib yurgan vaqtim 2017-yil "Real Madrid" 2 marta ketma-ket ChLni yutganda "Barcelona"ni 10 kishi bo'lib ham
yuta olishimizga ishonardim (shunday bo'lgan ham).

Ulg'aygan sarim esa Messi o'yinlarini qiziqish bilan kuzata boshladim. Unga nisbatan hurmat paydo bo'ldi. 2014-yildagi finalda yutqazganda ham yetakchilik ruhiyati yetishmaganiga achindim.

2022-yili finalda esa chinakamiga muxlislik qildim. Ronaldo muxlisi sifatida Ronaldo va Messi erasi jahon chempionligi bilan tugashi kerak edi. Tarixdagi eng qiziqarli bo'lgan finalda Messi avlodlar qarama-qarshiligida g'olib ham bo'ldi.

Bugun ham Ronaldo muxlisi sifatida Argentina va Messi 3-avlod qarama-qarshiligida g'olib bo'lishini xohlab o'tiribman. Aslida ikkala afsona ham isbotlashi shart bo'lgan narsa qolmagan bo'lsa ham.

Akam ikkimiz uchun bolalikning unutilmas xotiralarini taqdim qilgan era eng cho'qqida yakunlanishini xohlayman. Ayniqsa, men 3 karra boydada, Akam esa kichik malika otasiga aylangan ushbu ajoyib kunda )
Qachondir bu gapni aytishimga ishonmasdim.

Olg'a Messi!

Musayev blogi

5-sen, 2026, 20:59

MentorGO qaytmoqda...

Oxirgi 3 oyda bosh vaqtim bo'ldi deguncha asosiy e'tibor qaratayotgan ishim — bu loyihalarimizga yangi qon olib kirish, ular aslida boshidan qanday bo'lishini orzu qilgan bo'lsak shunday darajaga olib chiqish bo'lyapti.

Aynan shu sababga ko'ra ham blog uchun deyarli vaqt ajratmayapman. Ish, oiladan ortganda qoladigan 1-2 soat vaqtga yoki yozish yoki loyihalar ustida ishlashni tanlash qolyapti. Yozishni, fikrlarim, xulosalarimni odamlar bilan ulashishni va ularni eshitishni yaxshi ko'raman.

Lekin yaqinda shuni tushundimki, yozishdan ham ko'ra bunyod qilishni ko'proq yaxshi ko'rar ekanman. Oddiy qilib aytganda men har doim harakatlari va qilgan ishlari gaplaridan ko'ra kattaroq bo'lgan inson bo'lishni xohlaganman.

May oyi davomida ta'tilda bo'lsam ham asosiy vaqtimni https://grantgo.uz/ to'liq qayta qurib chiqishga sarfladim. Hali o'ylagan ko'p narsalarim oldinda bo'lsa ham, bu o'zgarish loyihani qaytadan tug'ilishi uning buyog'iga yashab ketishi uchun muhim edi.

Oxirgi 2 haftadan beri esa salkam 5 yildan beri yig'ilgan tajribalar asosida mentorlik kurslarini MentorGO saytiga olib o'tyapman. Yo'q, maqsad shunchaki kursga sayt orqali yozilishni qo'shish emas, mustaqil mentorlar uchun chinakam ochiq platforma tuzish.

Maqsad odamlarimizdagi chetda o'qish, til o'rganish, karyera qurish va sayohat qilish orzusini liberallashtirish. Qandaydir to'g'ri kelgan agentlikka oylab topgan pulini qo'shqo'llab topshirmasdan, aynan shu yo'lni bosib o'tgan odamlardan yordam olish imkonini yaratish.

Buni amalga oshirishda esa oxirgi vaqtlarda sun'iy intellekt o'rni beqiyos bo'lyapti. O'zim qilsam yillab vaqt olishi mumkin ishlarni haftalarda bitiryapman. Bugun esa MentorGO strategiyasi haqida suhbatlashayotgan paytda juda yaxshi narsani eslatib yubordi:

Sening kuchli tomoning — bu shunchaki kurslarni sotish emas. Bu sendagi filosofiya. Raqobatchilaring odamlarga "Biz javobni bilamiz" degan g'oyani sotishga urinadi. Sen esa odamlarga "Biz sizga javobni topishingizda yordam beramiz" deysan. Ana shu narsa sendagi har bir elementda aks etishi kerak...

Ha, bizning maqsadimiz boshidan odamlarga tayyor javobni berish bo'lmagan. Biz ularga javobni topishda yordam beramiz.

MentorGO ham aynan shu maqsad bilan qaytmoqda! Tez kunlarda...

#EffortTeam

Musayev blogi

5-sen, 2026, 20:59

Urishga urar ekansan, hech bo'lmaganda 1000-golingni ursang bo'lmasmidi a?! 🥲

2,920

Musayev blogi

5-sen, 2026, 20:59

📷 Photo

Adashmasam 10 yoshlarda Ronaldo bilan birga rasmga tushgandim. Mana oradan salkam 20 yil o'tib Ronaldoga qarshi O'zbekiston o'yinini ko'rib o'tiribman... 🥲

Heyterlar rasmni Photoshop deyishadi :)

3,020

129

Musayev blogi

5-sen, 2026, 20:59

Zubayr bilan aylanishga chiqqanimizda shu gulga ko'zimiz tushdi. Parkimizda kimnidir nomiga qo'yilgan o'rindiqlar juda ko'p va bu yaxshi deb o'ylayman. Charchagan, o'tirgisi kelgan odam hordig'ini chiqaradi, bu ham o'tgan odam uchun katta savob.

Oddiy misol, O'zbekistonda mahallalarda suv kranti tashqariga o'rnatilgan edi, keyin ko'pchilik uyini ichkarisiga ko'chirdi. Lekin tashqarida tursa, chanqagan odam chanqog'ini bosishi mumkin.

Oldingilar ko'chaga mevali daraxtlar ekishgani ham bejizga emas...

https://t.me/dur_bola

2,660

Musayev blogi

5-sen, 2026, 20:59

Oila — quvvat zanjiri

Erkak uyga charchab kelganda unga talpinib kutib oladigan bolalaridan quvvat oladi.

Bola har safar oldiga borganda uni bag'riga oladigan onasidan quvvat oladi.

Ayol yelkasiga bemalol boshini qo'yib o'zini xotirjam his qila oladigan umr yo'ldoshidan quvvat oladi.

Ammo shu zanjirning qaysidir bo'g'ini uzilsa, undan hamma zarar ko'radi. Oila hech kim uchun quvvat manbayi bo'lmay qoladi. Uzilgan bo'g'inning o'zi uchun ham...

Oila zanjirini uzadigan bo'g'in bo'lmang!

#family_life

2,940

103

Musayev blogi

5-sen, 2026, 20:59

#hayotiy

Shu kunlarda blue collar jobs qilishga majbur bo’lyapman. Doimiy jismoniy toliqish, issiq ob-havo va jarohat olish ehtimoli yuqori. Ammo, qilmasak ham bo’lmaydida. Yashab qolish kerak.

E’tibor berganim, birga ishlaydigan bollar orasida 5 minut tanaffus vaqtida qo’liga kitob olib, o’qib o’tiradiganlar bor. Boshqasi esa Ipad’ini olib ozgina bo’lsayam dars qilib oladi. O’zim esa bir ikkita boshqa bollar bilan shaxmat o’ynayman. 2000+ ELOlari bor.

Aytmoqchi bo’lganim, mana shu yigitlardayam top universitetlarga kiradigan, xalqaro olimpiadalarni yutadigan potensial bor. O’sha yutuqlarga erishganlardan hech qanaqa kam joylari yo’q.

Faqatgina taqdir hammani bir xil siylamaydi. Kimdirda kerakli kurslarga borish uchun sharoit bo’lmagan. Kimdir esa imkoniyatlardan boxabar bo’lib turish uchun networking kruglari bo’lmagan. Kimdir esa tengdoshlari xorijiy tillarni o’rganayotganda majburlikdan bozorda arava yetaklagan.

Albatta, men muvaffaqqiyatga erishgan tengdoshlarimni bunga loyiq emas edi demoqchi emasman. Ularni judayam xurmat qilaman. Harakat va intilishga yarasha natijalar ham keladi. Faqat, bir narsani unutmasligimiz kerakki, barchamiz qaysidir nuqtada biroz omadli bo’lib qolganmiz.

Bizni eng yaxshi kurslarda o’qitgan ota-onalarimiz borligi, chekka tog’-u toshlarda emas, shahar markazi yoki obod qishloqlarda yashashimiz, tajribali ustozlar yo’limizdan chiqib qolgani. Bularning hammasi taqdirning sovg’alari. Sovg’a kim uchundir yirik, kim uchundir kichkina bo’ladi. Yokida, umuman boshqa shakl va tamoyilda keladi.

Bir tomondan, taqdirimiz uchun shukr qilib ko’ngilni xotirjam qilish eng to’g’risi. Boshqa tomondan esa, o’sha ko’ngil, gohi-gohida, “nega men emas” deb so’rab ham qoladi.

June 17, 2026
Incheon, South Korea

Musayev blogi

5-sen, 2026, 20:59

#hayotiy Shu kunlarda blue collar jobs qilishga majbur bo’lyapman. Doimiy jismoniy toliqish, issiq ob-havo va jarohat olish ehtimoli yuqori. Ammo, qilmasak ham bo’lmaydida. Yashab qolish kerak. E’tibor berganim, birga ishlaydigan bollar orasida 5 minut tanaffus…

4,790

Musayev blogi

28-apr, 2026, 20:28

📷 Photo

Tata Steel Masters 2026 so'nggi turi

Yuqorida oxirgi turdan oldingi holat. Bugun Nodirbek 13-o'rindagi Arjun Erigaisi bilan, Javohir 14-o'rindagi Van Ngyuen bilan o'ynaydi.

Nodirbek raqibi aslida ancha kuchli, faqat bu turnirda yaxshi formada emasdek. Javohirniki esa nisbatan oson. Lekin har holda 2656 reyting osmondan tushmagan.

Javohir kecha tur boshidayoq o'yinni durang qilib oxirgi turga energiya saqladi. Nodirbek daxshat o'ynab yutib ketdi.

Agar bugun Nodirbek durang o'ynab, Javohir g'alaba qozonsa Tie-breakda ikki o'zbek shaxmatchisi ishtirokida "dream final" ko'ramiz. O'tgan yili huddi shunday vaziyat Hindistonlik Prag va Gukesh o'rtasida bo'lgandi.

Albatta, ikki shaxmatchimiz ham g'alabaga loyiq va g'alaba tilaymiz. Lekin muxlis sifatida baribir yakunda intriga kutadi odam 😅

#chess_life

3,650

Musayev blogi

28-apr, 2026, 20:28

Tata Steel Masters 2026 so'nggi turi Yuqorida oxirgi turdan oldingi holat. Bugun Nodirbek 13-o'rindagi Arjun Erigaisi bilan, Javohir 14-o'rindagi Van Ngyuen bilan o'ynaydi. Nodirbek raqibi aslida ancha kuchli, faqat bu turnirda yaxshi formada emasdek. Javohirniki…

3,610

Musayev blogi

28-apr, 2026, 20:28

🇮🇪 Irlandiya hukumati granti va mentorlik kursiga qabul ochildi!

Men dunyoning bir chetidagi kichik orolchaga kelib qolishimga sabab bo'lgan Irlandiya hukumati grantiga (GOI-IES Scholarship) https://t.me/grantgouz

Grant dedlayni 12-mart bo'lgani bilan unga topshirish uchun avval Irlandiya universitetlari kamida biridan qabul xati olish kerak bo'ladi. Uning uchun esa harakatni hozirdan kechiktirmay boshlash shart!

Irlandiyada o'qishga qiziqqanlar va grantga topshirmoqchi bo'lganlar uchun GOI-IES 2026 mentorlik kursimga qabul e'lon qilmoqchiman. Vaqt va imkoniyatimdan kelib chiqib kursga faqat 8 ta o'quvchi qabul qilaman. Va ular quyidagi talablarga javob berishi kerak.

Kurs kim uchun (talablar)
➡️ Irlandiyada magistratura o'qishga astoydil qiziqish (bakalavrlarga berilmaydi)
➡️ Irlandiya universitetlariga topshirishda application fee uchun €50-100 atrofida sarflashga tayyor bo'lishi (kurs narxidan tashqari)
➡️ 1-fevralgacha Irlandiya universitetlaridan kamida biriga hujjat topshirishga ulgurish
➡️ Quyidagi grant haqidagi tanishuv videosi bilan tanishib chiqish

Kurs tarkibi
➡️ GOI-IES granti bo'yicha onlayn videodarslar
➡️ Magistratura grantlari uchun "Universal Mentorlik Kursi" darslari
➡️ Hujjatlarni tekshirib berish uchun 2 ta individual sessiya

Kurs narxi 999,000 so'm. Ikkiga bo'lib to'lash mumkin

Grant bilan tanishuv videosi
😎 https://youtu.be/AxHyCjNliVw

Murojaat uchun
👉️️️️️️ https://t.me/mentorgo_sarvinoz

#GOI_IES #Irlandiya #Magistratura

Musayev blogi

28-apr, 2026, 20:28

???

Kimdir menga ??? qabilida xabar yozganini ko'rishim bilan kayfiyatim jiddiy o'zgaradi. Buni xabar oluvchiga nisbatan hurmatsizlik va xabarni yozgan odam tomonidan muomala madaniyatidagi farosatsizlik deb qabul qilaman.

Afsuski, O'zbekistondagilar bilan gaplashganda bunday xabarlarga deyarli har kuni duch kelaman. Eng yomoni bunaqa xabar bizda shaxsiy yozishmalar, guruhlar yoki izohlarda o'zining savoliga javob olishda yoki narigi tomondan nimadir talab qilishda juda ommaviy va odatiy tarzda ishlatiladi.

"Buni nimasi yomon??", "Nima bo'libdi endi shunga???", "Men unaqa degan ma'noda yozmagandim!!!" deb o'ylashi mumkin shunday xabar yozadigan odamlar. Ularga oddiy tuyuladigan xabar ortida o'ziga yarasha tarix va jiddiy negativ psixologiya yotganini esa ko'pchiliklari bilishmasa kerak.

? tarixi

Biznes olamida "?" xabarini o'ziga yarasha yaqin tarixi bor. Tarixga esa uni dunyoning boy odamlaridan bo'lgan Jeff Bezos olib kirgan.

Jeff Amazonga asos solgan yillarida qo'lida minglab odamlar ishlayotgan bo'lishiga qaramasdan mijozlar unga shikoyatlarini to'g'ridan-to'g'ri jo'natishlari mumkin bo'lgan. U esa bu xabarlardan ba'zilarini qo'l ostidagilarga hech qanday izohlarsiz, birgina "?" qo'shib yuborgan. Jeffdan bu kabi xabar olish esa uning ishchilarini shunchaki daxshatga https://www.reuters.com/business/retail-consumer/with-bezos-out-amazon-ceo-is-this-end-his-ominous-question-mark-emails-2021-02-03/

Tarixdan yana bir narsa ma'lum — Jeff juda yaxshi biznesmen lekin judayam yomon boshliq, balki https://www.ituc-csi.org/amazon-s-jeff-bezos-wins-ituc-s Uning qo'l ostida ishlash xodimlar uchun do'zaxning o'zi bo'lgan.

??? bilan nima muammo bor

Endi mavzuga qaytsak. Yuqoridagi tarixga murojaat qilishdan maqsad dunyodagi "eng yomon boshliq" nomiga sazovor bo'lgan Jeff Bezos ham xodimlariga "Bu nimasi?" degan ma'nodagi xabarni bitta "?" bilan yuborgan 3 ta "???" bilan emasligini eslatish. Buning ustiga nima bo'lganda ham bu xabarni u boshliq sifatida xodimlariga yuborgan. Shunchaki to'g'ri kelgan begona odamga emas.

Masalan, men shu vaqtgacha hech qachon ishdagi boshlig'im yoki menejerimdan "?" yoki "???" kabi xabar olganimni eslolmayman. Irlandiyani qo'yib turaylik, hattoki O'zbekistonda ham. Lekin telegramda bu narsa bilan deyarli har kuni yuzlashaman.

Menimcha, endi sal bo'lsa ham muammo nimada ekanini tushundingiz. Kimdir shaxsiyda yoki guruhda "DAADga qande xujjat topshiradi. Aytvorolasimi" qabilida xabar yozadi. Ba'zida xabarni ko'rsam ham keyinroq yozarman deb atay ochmayman. Guruhda bo'lsa ba'zida o'tkazib yuborishim mumkin. Shunda ortidan o'sha "sehrli" xabar keladi — "???". Agar bu befarosatlikka yanayam ko'proq odam e'tiborini tortmoqchi bo'lsa "????????????" tarzda yuborishi ham mumkin.

O'sha vaqtda to'g'risi ichimdan "Sen menga kim bo'libsanki savolingga javobni bunaqa tarzda talab qilasan? Ishda boshlig'im bo'lganingda ham tushunardim balki. Nimaga bizda odamlar hammadan bunaqa tarzda talab qilishga o'rganib qolgan?" degan xayollar o'tadi va undan buyog'iga o'sha odam mendan yumshoq gap eshitmasligi aniq.

Xabarni madaniyatli eslatish

Agar kimdandir savol so'rab javob ololmasangiz, uni eslatishning juda oddiy yo'li bor — so'zlarni ishlatish. "Uzr, shu xabarga javob bera olasizmi?" deyish bilan ham xabaringizni eslatasiz, ham ana shu xabarni ham yozolmasdan "???" yuboradigan savodsiz emasligingiz ko'rinadi va yordam olmoqchi bo'lgan odamingizga nisbatan hurmat ko'rsatgan bo'lasiz.

Agar shunda ham javob ololmasangiz, unda "Ha mayli, hozir vaqtingiz yo'q, shekilli. To'g'ri tushunaman. Rahmat" deb ketish mumkin. Ishoning o'sha odam uyalganidan ham sizga javob qaytaradi. Uyam boshqalarga "???" yuboradiganlar toifasidan bo'lmasa agar.

Ha aytgancha, xabaringizga javob olgandan keyin yoki ololmasangiz ham suhbat yakunida "Rahmat. Salomat bo'ling" deb qo'yishni unutmang. "Ishim bitdi, eshagim loydan o'tdi" degandek qilib indamay so'ppayib ketib qolish ham juda xunuk ko'rinadi. Ayniqsa, mijozlarga xizmat ko'rsatish operatorlari yoki profillari bilan gaplashayotganda. Nima bo'lganda ham ular ham odam. Har holda AI almashtirib yubormaguncha.

Boshqalarga kamida o'zingizga qilinishini xohlaganingizdek muomalada bo'ling
#communication

Musayev blogi

28-apr, 2026, 20:28

Chetda magistratura o'qimoqchi bo'lsangiz eng birinchi navbatda o'rganishingiz kerak bo'lgan bitta til bor - ingliz tili.

Ingliz tilini o'rganmay turib nemis, yapon, koreys, turk, fransuz yoki boshqa istalgan tilini o'rganish chetda magistratura o'qish uchun noto'g'ri qaror.

Orzuingiz aynan Germaniya, Yaponiya yoki Koreyada o'qish bo'lsa ham u yerda to'liq ingliz tilida o'qitiladigan dasturlarni topa olasiz. Hattoki ba'zida ingliz tili talab qiladigan dasturlar ancha ko'proq ham bo'ladi.

Ingliz tilini IELTS 6.5-7 darajasida o'rganib olgandan va qaysi davlat borishingiz aniq bo'lganidan keyin yoki qiziqishingizga qarab qo'shimcha tillarni o'rganaverishingiz mumkin.

Tavsiya aynan (magistraturada) o'qish uchun tegishli!

#magistratura #masters

6,860

Musayev blogi

28-apr, 2026, 20:28

Blog kayfiyatiga mos rasm topib oldim. Internetdan olinmagan. AI ishlatilmagan 🙂

2,640

Musayev blogi

28-apr, 2026, 20:28

Vatan himoyasi

“Vatan ostonadan boshlanadi” - bu gap judayam ko’p ishlatilganidan siyqasi chiqqandek tuyilsada, odam ulg’aygan sari u qanchalik haqiqat ekanini tushunib borar ekan. Vatan - bu birinchi navbatda bizning oilamiz, uyimiz, ostonamizdan ortidagi o’zimizni tinch his qila oladigan mo'jaz maskanimiz.

Tarixda vatan uchun jang qilgan ota-bobolarimiz ham aslida qandaydir siyosiy chegaralar uchun emas, shunchaki o’z oilasi, uyi va ostonasi tinchligi uchun jang qilganligi shubhasiz. Xudoga shukurki, hozir ulardek janglarda qatnashishga hojat yo’q. Ammo hozir ham vatanimiz - o’z uyimiz himoyamizga muhtoj. Tashqaridan kelgan kuchlardan emas, uni ichkaridan yemirishga urinayotganlardan himoyaga ko'proq muhtoj.

— farzandlarimiz o’z mahallasi yoki maktabi yonidagi yo’llarda ularni bosib ketishdan cho’chimaydigan “terroristlar”dan;
— oilamiz boquvchilari ularni yarim tungacha ishda ushlab o’tirib oilasidan mahrum qilishdan hayiqmaydigan boshliqlardan;
— ayollarimiz ularning shaxsiy tanlovlarini hurmat qilishni bilmaydiganlardan;
— mulklarimiz ularni bemalol buzib-ko’mib tashlashdan qo’rqmaydiganlardan;
— huquqlarimiz ularni hurmat qilmaydigan yoki ularni imi-jimida tortib olishni qoyillatadigan olg’irlardan himoya qilinishga muhtoj.

Shuning uchun vatan ham, uning himoyasi ham ostonadan boshlanadi.

Vatan himoyachilari kuni muborak bo’lsin!

2,960

Musayev blogi

28-apr, 2026, 20:28

2025-yil tahlili
2-qism

Iyul (davomi)

Oy oxirlarida tushlik qilib o’tirsak bir email kelib qoldi. Qarasam ishxonamdan 20-30 daqiqalik masofadagi uylardan biriga yana lotoreyadan tanlaganimiz haqida xabar kelgan ekan. Lekin bu uyga qachon ariza topshirganim ham esimda yo’q edi. Keyin bilsam, o’tgan yil dekabrdagi arizam kutish ro’yxatida turgan ekan.

Juda xursand bo’ldim. Ammo ayolim hali Irlandiyaga endi kelgani sababli ba’zi so’ralgan hujjatlarni tayyorlash oson bo’lmadi. O’tgan safar xatolik sabab bitta qabul qilishmagani sabab bu safar ham umidim katta emasdi. Lekin hujjatlarni jo’natganimdan 3-4 kun o’tib “Qabul qilindingiz!” deb xabar keldi.

Ammo uy hali to’liq tayyor emasligi sabab Avgust oxirlarida yana bog’lanishlarini aytishdi 🙁

Avgust

Avgust oyi kutish bilan o’tdi. Bir tomondan uydan xabar kelishini, ikkinchi tomondan xaydovchilik imtihonimga navbat yetib kelishini kutish. Yangi uyga ko’chamiz degan o’y bilan turgan joyimizga yangi narsalar olishni to’xtatdik. U yerda 6 oy yashagan bo’lsak, shundan 3 oyi boshqa joyga ko’chishni kutish bilan o’tdi.

Boshqa joyga ko’chish sababli qo’shimcha xaydovchilik darslarni ham to’xtatib turdim. Uy haqida esa borib ko’rmaguncha hech kimga, uydagilarga ham aytmay turishga qaror qildik. Shu orada Irlandiyadagi 5 ta o’zbek oilasi ko’rishdik.

Sentabr

Va nihoyat uyni borib ko’rdim. Faqat bu yerda ijaradan chiqib ketishdan kamida bir oy oldin uy egasini xabardor qilish kerak. Shunchaki “Ertaga chiqib ketyapmiz” deyolmaysiz. Ijarachini chiqarib yuborish esa undan ham qiyin. Ijara narxini oshirishga ham cheklovlar bor [4].

Sentabr oyi ko’chish tayyorgarligi, hujjatbozlik va oilaviy ishlar bilan o’tdi. Orada ishga ham borib-kelib turdim albatta :)

Bu vaqtgacha ancha mebel olib qo’yganimiz sababli Irlandiyadagi uy ko’chirish xizmatlari [5] qanday ishlashi va narxlarini ham o’rganib chiqdim.

Oktabr

Oy o’rtalarida yangi uyga ko’chib o’tdik. O’zbekistondan tanishlarimiz katta yordam berdi. Bir haftacha narsalarni joylab, yana qaytadan svet, gaz va internet ta’minotchilari narxlarini solishtirib tanlab chiqdim [6]. Oldingi uy kompaniyasi insof bilan to’lagan depozitimizni to’liq qaytarib berdi.

Oy davomida ishdan ta’tilda bo’lganim sababli buyog’iga asosiy e’tibor xaydovchilik guvohnomasi asosiy imtihonidan o’tish edi. Qo’shimcha darslar band qildim. Instruktorim birinchi darsdan keyinoq o’zim mashina olmasam bu ish qiyin bo’lishini tushuntirdi. Alloh o’zi yetkazib oy oxirida kreditlarsiz avtomobil ham sotib oldim [7].

Oy oxirida esa to’liq DAAD kursi bilan band bo’ldim. Kuniga qatorasiga 5-6 soatlab individual sessiyalar o’tganim sabab oxiri ayolim ham “Tezroq ishga qayting endi” deb yubordi 😁

Noyabr

Yangi ko’chgan joyimiz farqi ikkimizga ham yaqqol sezildi. Ishga borib-kelish ancha osonlashgani sabab ko’proq narsalarga ulgurishni va kamroq charchashni boshladim. Ayolim ham o’zini huddi yana bir boshqa davlatga kelib qolgandek his qilayotganini aytdi [8].

Xaydovchilik imtihonimni esa oy oxirlariga band qildim. Ancha qo’lim kelib qolgani sababli aslida mumkin bo'lmasa ham mustaqil xaydashni boshladim (va bu imtihonda juda katta yordam berdi). Instruktorim bilan darslardan tashqari ayolim yonimda o’tirib tayyorgarlikda yordam berdi.

Tayyorgarliklar, yaxshi ustozlar, oilam qo’llab-quvvatlashi, Onajonim duolari va albatta Juma kunida topshirilgan imtihon hikmati bilan imtihondan bittada o’tib ketdim.

Dekabr

Oy boshlarida dasturchi sifatida yo'limni topishda yordam bergan ustozim Yo'ldosh aka Londonga sayohati davomida atayin meni ko'rgani Dublinga kelib ketdi [9]. Shanba kuni bo'lishiga qaramasdan navbatchilar ularga Microsoft ofisiga kirishga ruxsat berishdi. Butun ofisni aylantirib chiqdim. O'zim ham bundan juda xursand bo'lib faxrlandim to'g'risi.

Oy davomida Dublinning bir qancha joylariga, shu qatori Corkka ham sayohat qilib keldik. 4 yil deganda birinchi marta yangi yilni yolg'izlikda kutib olmadim [10].

Shunday qilib noaniqliklar bilan boshlangan yil ancha barqaror va samarali yakunlandi.

#Year_summary #Irish_life #Diary

Musayev blogi

28-apr, 2026, 20:28

Jamoamizga qo'shilish imkoniyati!

O'tgan yil shaxsiy hayot va karyera bilan loyihalarga yetarlicha vaqt ajrata olmagan bo'lsam ham, bu yildan yana sekin-asta ularga e'tiborni oshirib bormoqchiman.

Buning uchun esa "Effort Team" jamoamizga yangi a'zolar kerak bo'ladi. Shulardan eng birinchisi - tajribali grafik dizayner. To'liq e'lon havolasini quyidan topishingiz mumkin:
🔗 https://t.me/mentorgouz

Aytganimdek bu boshlanishi. Keyingi 1-2 oy davomida yana boshqa vakansiyalarni ham e'lon qilib boraman.

5,290

Musayev blogi

28-apr, 2026, 20:28

Channel photo updated

Musayev blogi

15-apr, 2026, 14:08

2025-yil tahlili

O'tgan yil "Musayev blogi" va Effort Team loyihalari uchun nisbatan ancha sokin o'tdi. Orada juda tez-tez mahsuldorligim judayam pasayib ketganini his qildim.

Lekin ortga qarab o'ylab qarasam, oilaviy hayot va karyeradagi https://t.me/janob_musayev izga qo'yib olish uchun shunday sokinlik zarur ham bo'lgan ekan.

Kamida o'zim uchun esdalik bo'lishi uchun yil tahlilini yozib chiqmoqchiman.

Yanvar
2025-yil noaniqliklar bilan boshlandi deyish mumkin. Bir tomondan ayolimning vizasi 1 oydan keyin chiqadimi, 2 oymi yoki 6 oymi aniq bilmasdim. Boshqa tomondan yangi joyda ish boshladim. Qo'shimchasiga ijaraga uy qidirishim va haydovchilik guvohnomasi imtihoniga tayyorgarlik ko'rishim kerak edi. Oy oxirida nazariy testdan 100% natija bilan .

Fevral
Oy asosan dunyoning 1-raqamli turar joy krizisiga uchragan davlatdan ijaraga uy qidirish bilan o'tdi. Toshkentda uy topish qiyin deb yurardim. Dublinda bu narsa chinakamiga deyarli ilojsiz ekan [1]. Bir yildan beri uy qidirib yurganlarni uchratdim.

Katalakdek uylarga €1500 narx qo'yib qo'yilishiga qaramasdan o'nlab odamlar uni ko'rgani navbatda turganini jonli guvohi bo'ldim.

Orada davlat tomonidan subsidiya qilingan yangi turar joydan lotoreyadan uy chiqib qoldi. Lekin daromadimni noto'g'ri hisob-kitob qilishgani sababli hujjatlarni qabul qilishmadi.

Mart
Tepadagi uyga appelyatsiya yozgandim. Umid uzgan joyimda 3-4 haftadan keyin o'zi qo'llab qayta javob kelib qoldi va bir-ikkita qo'shimcha hujjat topshirganimdan keyin hammasi o'xshab ketdi. Yangi qurilgan uyga tepadagi narxdan arzonroqqa ijaraga o'tishim aniq bo'ldi.

Bu orada Irlandiya elchixonasidan so'rab ayolim vizasi Yanvar oyidayoq chiqqanini bildim. Toshkentdagi VFS Global monopol agentligi mas'uliyatsizligi sababli mart oyida passportni oldik va darhol uyga qarab uchdim.

Aprel
Qisqa muddat O'zbekistonda oilam bilan bo'lgandan keyin ayolim bilan Irlandiyaga qaytdik. Uy nisbatan arzon va yangi bo'lgani bilan deyarli bo'm-bo'sh edi. Bir oy davomida kerakli mebellarni onlayn buyurtma qilib, stol-stuldan tortib divangacha o'zimiz terib chiqdik.

O'zbekistondagi uyni uydagilar bizgacha chiroyli qilib yasatib qo'ygandi. Bu yerda hammasini noldan o'zimiz boshladik. Lekin aynan shunisi bilan hamma narsa juda qadrli bo'lib qoldi.

May
Irlandiyada 3 yildan beri birinchi marta doktorga (tish doktori) ishim tushdi. Shundayam o'zim uchun emas )

Kelishdan oldin obdon stomotolog ko'rigidan o'tib kelgan bo'lsak ham nasibga shu yerda €200 dan oshiqroqqa tish oldirish yozilgan ekan. Davolash esa €1000 dan oshiqqa tushardi. Yaxshiyam Microsoft butun oilam sog'lik sug'urtasini qoplab beradi. Yil davomida juda ko'p yordam berdi.

Oy o'rtalarida ishimda juda katta o'zgarishlar bo'lib boshqa jamoaga o'tdim. Bu haqida https://t.me/janob_musayev batafsil.

Iyun
May oxiri va iyun boshlarida 12 soatlik zaruriy haydovchilik darslarini tugatdim. Buyoqda Irlandiya tibbiyot tizimini yanada chuqurroq o'rganib chiqishga to'g'ri keldi [2], yaxshi sabablar bilan.

Ma'lum bo'lishicha Irlandiya tibbiyot tizimi ham ancha qiyin holatda ekan. Umumiy doktorlar (General Practicioner) bu yerda juda katta bosim bilan ishlagani sababli, ular ro'yxatiga qo'shilish ham oson bo'lmadi. 2-3 hafta vaqtim ketib uniyam epladim.

Iyul
Turgan uyimiz juda yaxshi bo'lganiga qaramasdan u ishxonamdan Dublinning g'irt narigi tomoni, shimolda joylashgan edi. Ishga borib-kelish uchun bir tomonga 1.5 soat vaqtim ketardi. Solishtirish uchun Toshkentdagi "Uch qahramon"dan Chilonzorgacha joy. Lekin bu yerda metro yo'q. Umuman jamoat transporti havas qiladigan emas. Yaxshiyamki Microsoft haligacha uydan ishlashga ruxsat berardi.

Bundan tashqari uyning yaqin-atrofi unchalik tinch hudud emasdi. Aniqrog'i Dublinning ghettosi yonginasida joylashgandi. Ishga ketganda ham ko'ngil tinch bo'lmasdi. Oldin turgan joylarim - Dublin janubi, tinch va yam-yashil joylarini rosa sog'inib yurgandim.

Oy oxirlarida tushlik qilib o'tirsak bir email kelib qoldi.

Davomi bor... )

#Year_summary #Irish_life #Diary

Musayev blogi

15-apr, 2026, 14:08

Irlandiyada haydovchilik guvohnomasi oldim

Yil https://focus.independent.ie/thumbor/eOygh9oBOeo2J1gLsMX1Am9pWIg=/0x130:600x460/960x640/prod-mh-ireland/3ce9a6ea-be68-11ed-b776-0210609a3fe2.jpgboshida "Bu yilgi rejalarimdan biri haydovchilik guvohnomasi" olish deb post . Salkam bir yil davom etgan jarayondan keyin o'tgan oyda va nihoyat to'laqonli haydovchiga aylandim.

O'tgan yil oila qurib Irlandiyaga qaytgan vaqtimdayoq buyog'iga jamoat transportida qiynalishimizni va avtomobilga ehtiyoj oshishini sezgandim. Dekabr oyidan boshlab nazariy imtihonga tayyorgarlikni boshladim va yanvar oxirida undan 100% natija bilan .

Test natijasiga qo'shimcha doktordan umumiy sog'lik va ko'rish holati haqidagi hujjatlarni yubordim (va €45 to'lov qildim). Agar haydovchida haydashga ta'sir qiluvchi qandaydir kasallik bo'lsa yoki ko'zoynak taqilishi kerak bo'lsa, bu haqida haydovchilik guvohnomasiga raqam bilan belgi qo'yilar ekan.

2-3 haftadan keyin fevral oxirlarida pochta orqali o'rganuvchi haydovchilik guvohnomasi yetib keldi. Bu guvohnomani olgandan keyin rulga o'tirish mumkin, faqat yoningizda to'liq guvohnomasi bor, kamida 2 yil tajribaga ega odam bo'lishi kerak. U orqali avtomobil haydashni o'rganishingiz mumkin bo'ladi.

To'liq guvohnoma olish uchun esa istalgan dars berish litsenziyasiga ega xususiy instruktordan 12 soatli majburiy avtomobil haydash darslarini olish kerak. Instruktor yoki haydovchilik maktabini o'zingiz topasiz va tanlaysiz. Narxlarni bozor belgilaydi va odatda soatiga €45-60 atrofida.

May-iyun oylarida instuktorimning Nissan Leaf elektromobilida yuqoridagi 12 soatli haydovchilik darslarini tugatdim. Lekin asosiy imtihonni topshirish uchun o'rganuvchi guvohnomasini olgandan keyin kamida 6 oy o'tishi ham kerak ekan. Bu vaqtni esa ko'proq avtomobil haydab o'rganish uchun sarflash kerak.

Asosiy imtihondan o'tish uchun 12 soat haydash tajribasi yetarli emas. Odatda kamida 30 soat mashq qilish tavsiya qilinar ekan. Orada ishxonamdagi sherigim mashinasida 2-3 marta shug'ullandim. Keyin boshqa joyga ko'chish munosabati bilan iyul-sentabr oralig'i tanaffus bo'lib qoldi.

Lekin iyul boshlaridayoq asosiy imtihon uchun ro'yxatdan o'tib qo'ydim. Chunki bu yerda imtihon topshirish uchun navbat juda ko'p va odamlar odatda 4-6 oy ba'zida 1 yillab navbat kutishadi. Navbatim kelguncha 6 oy o'tishi aniq edi )

Oktabr boshida yangi joyga ko'chdik va u yerda boshqa instuktordan yana 10 soat dars olishga qaror qildim. Birinchi darsdayoq menga o'zim avtomobil olishim kerakligini, ko'proq minishni mashq qilmasam imtihondan o'tish qiyin bo'lishini aytdi.

O'zi aynan oktabr oxirlarida sharoit to'g'ri kelib qolib avtomobil ham oldim. Keyingi darslarni o'z avtomobilimda qildik. Instruktorim haq ekan, bu narsa juda katta yordam berdi. Orada noqonuniy bo'lsa ham o'zim mustaqil ham haydab yurdim )

Shu orada imtihonimga ham taklif kelib, uni 21-noyabr Juma kuniga belgiladim. Irlandiyada odatda har 2 tadan 1 ta odam imtihondan yiqiladi. Juda ko'pchilik birinchi urinishda o'ta olmaydi va bu normal ham hisoblanadi. Bu narsa qaysidir ma'noda menga yengillik ham berdi. Lekin astoydil shug'ullanaverdim.

Imtihonga yaqin ayolim bilan ham rosa mashq qildik. Yonimda sherik bo'lib o'tirib berdi. Ishonchim nisbatan ortdi, xatolar ancha kamaydi. Imtihondan bir kun oldin ham ta'til olib qiyin yo'llarda va qiyinroq harakatlarni ham ancha sinab ko'rdim. Imtihongacha umumiy 50 soatdan oshiqroq mashina haydadim.

"Mashg'ulotda qiyin bo'lsa jang vaqti oson bo'ladi" deganlaridek imtihon kutganimdan oson bo'ldi. Osonroq yo'llardan yurdim, yon-atrofda boshqa o'rganuvchilar harakati ham sal yordam berib yubordi. Instruktorim 1-2 kun oldin qattiq tayinlab o'rgatgan maslahatlari va albatta Onam duolari yordam berdi va 6 ta o'rtacha xato bilan imtihondan bir urinishda o'tib ketdim 🙂

To'liq haydovchilik guvohnomam esa yana 2-3 haftadan keyin yetib keldi va shunday qilib salkam bir yil deganda Irlandiyada haydovchilik guvohnomasi oldim!

#irish_life #driving_life

P. S: Bugun esa birinchi marta GAI tekshiruvidan o'tdim. Pravam va ichmaganmanmi-yo'qmi tekshirdi. Post shuni "yuvish" uchun yozildi 😁

Musayev blogi

15-apr, 2026, 14:08

📷 Photo

Cork 27.12.2025

#irish_life

3,420

Showing 23 of 23 posts

No more posts

Reyting

Kirish talab qilinadi

Foydalanuvchi sharhlari (0)

Hali sharhlar yo'q. Birinchi bo'lib tajribangizni baham ko'ring!

Tegishli Telegram kanallari

Loading recommended channels...

Musayev blogi

Musayev blogi

Reyting

Obunachilar sonining o'sishi (Oxirgi 6 kun ichida)

So'nggi postlar

Reyting

Foydalanuvchi sharhlari (0)

Tegishli Telegram kanallari

Nozima Sultonmurod

Agora

Qalam ahli

Bozorolog

arendatoruz

Biyroncha

Qishloqi 👨‍💻

Молхона | Барча икки оёқлилар - душман…

Tegishli Telegram kanallari

Nozima Sultonmurod

Agora

Qalam ahli

Bozorolog

arendatoruz

Biyroncha

Qishloqi 👨‍💻

Молхона | Барча икки оёқлилар - душман…

So'nggi postlar

Foydalanuvchi sharhlari (0)