Rossiyadagi xorijliklar uchun

Public

Kanalni ko'rish

Qo'shila olmaysizmi? @forforeignersinrussiauz

4k A'zolar

Yangilangan: May 15, 2026 at 10:52 AM

Rossiyadagi xorijliklar uchun

Xorijlik shaxslarning Rossiyadagi turmushga moslashishiga bagʻishlangan T-Bank kanali. Biz migratsiya qonunlarini tushunishga yordam beramiz va yangi mamlakatda bank mahsulotlaridan qanday qilib manfaat bilan foydalanishni tushuntiramiz

Follow @forforeignersinrussiauz to stay updated with the latest turmushga and tbank trends and news

Reyting

Global reyting

#456

Til reytingi

#45

Toifa reytingi

#23

-1

Obunachilar sonining o'sishi (Oxirgi 6 kun ichida)

Jami: 4.0K

24 soatlik o'sish: -107 3%

So'nggi postlar

Rossiyadagi xorijliklar uchun

23-may, 2026, 04:38

📷 Photo

Xorijliklar uchun matkapital (onalik kapitali) olish qoidalari o‘zgarishi mumkin

✅ Hozirdagi ishlash tartibi: bola tug‘ilgan paytda ona Rossiya fuqarosi bo‘lsa, davlat tomonidan to‘lov beriladi.

➡️ Nima o‘zgaradi: bola tug‘ilgan paytda onasi kamida 5 yildan beri RF fuqarosi bo‘lsa, matkapitalga da’vogarlik qilishi mumkin bo‘ladi.

❓Matkapital nima?

Bu — bolali oilalarni davlat tomonidan qo‘llab-quvvatlash dasturi. Masalan, birinchi farzand tug‘ilganda 728 921 ₽ miqdorida sertifikat beriladi. Mablag‘ni uy-joy sotib olishga, uy qurishga yoki bolaning ta’limiga https://www.consultant.ru/document/cons_doc_LAW_64872/5b387355ab19399172e9285519334e1efb84ea37/#:~:text=3.Лица,получившиесертификат,могутраспоряжатьсясредствамиматеринского(семейного)капиталавполномобъемелибопочастямпоследующимнаправлениям:.

🗓 Qonun hali ishlab chiqilmoqda. Agar u qabul qilinsa, bu haqda batafsil yozamiz. Kanaldagi yangiliklarni kuzatib boring.

2,950

Rossiyadagi xorijliklar uchun

23-may, 2026, 04:38

📷 Photo

Bolaga fuqarolikni endi onlayn rasmiylashtirish mumkin

https://rg.ru/documents/2026/04/16/mvd-prikaz135-site-dok.html ota-onasidan biri Rossiya fuqarosi boʻlgan bolalar uchun qoidalar oʻzgardi. Endi bola uchun fuqarolik arizasini Gosuslugi orqali topshirsa boʻladi. Ariza boʻyicha qaror 30 kun ichida qabul qilinadi.

Agar arizani onlayn topshirish imkoningiz boʻlmasa, buni IIV (МВД) boʻlimiga shaxsan borib amalga oshiring.

❓ Ilgari qanday edi: Rossiya fuqaroligiga ega ota-onadan biri arizani faqat IIV (МВД) boʻlimiga shaxsan borib topshirardi.

✔️ Yaqin orada eʼlon qilinadigan postlarimizda Rossiyada tugʻilgan bolaga tugʻilganlik haqidagi guvohnomani qanday olish haqida soʻzlab beramiz.

2,210

Rossiyadagi xorijliklar uchun

23-may, 2026, 04:38

📷 Photo

VNJ qachon va qanday almashtiriladi

VNJ (yashash guvohnomasi) muddatsiz amal qiladi, biroq 14, 20 va 45 yoshga toʻlganda uni almashtirish talab etiladi. Hujjat shikastlansa yoki shaxsiy maʼlumotlaringiz oʻzgarsa, uni yangilashingiz kerak. Masalan, yangi familiya yoki tugʻilgan joy maʼlumoti bilan pasport rasmiylashtirgan boʻlsangiz yoki boshqa davlat fuqaroligini olgan boʻlsangiz.

❓VNJ qanday almashtiriladi

Hujjatlar toʻplami bilan MVDning migratsiya boʻlimiga shaxsan murojaat qiling. Buning uchun quyidagilar talab etiladi:

— ariza;
— yashash guvohnomasi;
— pasport – notarial tasdiqlangan tarjimasi bilan;
— 35 × 45 mm oʻlchamdagi toʻrtta fotosurat;
— 6 000 ₽ davlat boji toʻlanganligi haqida kvitansiya.

🕑 Hujjatlarni qaysi muddatlarda topshirish kerak

30 kun ichida
— 14, 20 yoki 45 yoshga toʻlganingizda;
— VNJ shikastlanganda yoki yoʻqolganda.

10 kun ichida
— Shaxsiy maʼlumotlaringiz, masalan, pasportdagi familiyangiz oʻzgarganda.

Yangi yashash guvohnomasi 7 ish kuni ichida tayyor boʻladi.

✔️ Agar postning sizga foydasi tekkan boʻlsa, unga layk bosib, yaqinlaringizga yuboring.

Rossiyadagi xorijliklar uchun

23-may, 2026, 04:38

📷 Photo

T-Bank xorijliklar uchun qulay banklar reytingida birinchi oʻrinni egalladi

Markswebb agentligi Rossiyada ilk bor xorijliklar uchun bank xizmatlari boʻyicha https://www.markswebb.ru/projects/banking-for-foreigners/ oʻtkazdi. Tahlilchilar banklarning xorijliklar ehtiyojlarini qanchalik yaxshi hal qilayotganini baholadi.

🔎 Reyting qanday tuzildi

Banklarni ularning mijozi boʻlmagan xorijliklar sinovdan oʻtkazdi. Ular ilovaning ishlashi va qoʻllab-quvvatlash xizmatining javoblarini tekshirdi. Shuningdek, qaysi mahsulotlar mavjudligini ham koʻrib chiqdi.

📊 Yakuniy reyting

1️⃣T‑Bank
2️⃣VTB
3️⃣Sberbank
4️⃣Alfa‑Bank
5️⃣Gazprombank
6️⃣Ozon Bank

Xorijliklar T-Bankʼda kredit karta rasmiylashtirish va kredit olish, 150+ mamlakatga pul oʻtkazish, shuningdek, besh tilda qoʻllab‑quvvatlash imkoniyatlarini yuqori baholadi. Markswebb shartlarning shaffofligini ham alohida qayd etdi. Masalan, SIM karta rasmiylashtirilganda mijozga vakil bilan uchrashuvda biometrik maʼlumotlarni bepul topshirish mumkinligi oldindan tushunarli boʻladi.

Rossiyadagi xorijliklar uchun

23-may, 2026, 04:38

📷 Photo

Rossiyada qanday qilib yakka tartibdagi tadbirkor boʻlish mumkin

Oʻz biznesingizni boshlash uchun yuridik shaxs rasmiylashtirishingiz yoki yakka tartibdagi tadbirkor (YaTT) sifatida roʻyxatdan oʻtishingiz kerak. Kichik biznes uchun koʻpincha YaTT tanlanadi: bunda hujjat yuritish osonroq, soliq solishning soddalashtirilgan tizimini (USN) tanlash mumkin.

️✏️Qanday talablar bor

Chet el fuqarosi vaqtincha yashash uchun ruxsatnoma (RVP) yoki yashash guvohnomasi (VNJ) mavjud boʻlsa, YaTT sifatida roʻyxatdan oʻtishi mumkin.

💼 T-Biznes orqali qanday roʻyxatdan oʻtiladi

Buni onlayn bajaring – soliq idorasiga borib, boj toʻlashingiz shart emas. Imzolash uchun hujjatlarni Rossiyaning istalgan nuqtasiga bepul eltib beramiz. Arizani https://www.tbank.ru/business/registration-ip/ saytida qoldiring – biz uni bir kun ichida koʻrib chiqamiz. Keyin arizangizni soliq idorasiga yuboramiz. Tekshiruv 3-5 ish kuni davom etadi.
YaTT roʻyxatdan oʻtkazilgach, biz sizga xabar beramiz va biznes uchun bepul hisob ochishga yordam beramiz.

📁 Qanday hujjatlar kerak?

— Xorijiy pasport yoki ID-karta.
— RVP yoki VNJ.
— Kelgan joyi boʻyicha roʻyxatga olinganlik toʻgʻrisidagi hujjat.

❓YaTTni yana qanday roʻyxatdan oʻtkazish mumkin

— Shaxsan soliq inspeksiyasida, 800 ₽ davlat bojini toʻlash orqali.
— MFS orqali.
— Agar elektron raqamli imzo mavjud boʻlsa, https://service.nalog.ru/gosreg/intro.html?sfrd=21001 orqali.
— Notarius orqali, lekin uning xizmat haqini toʻlashga toʻgʻri keladi.

Agar YaTTni mustaqil ravishda rasmiylashtirsangiz, hujjatlar toʻplamiga https://www.nalog.gov.ru/rn77/related_activities/registration_ip_yl/registration_ip/order/4162994/ shaklidagi arizani ilova qiling.

📍 Qanday qilib OOO (MCHJ) ochish haqida keyingi maqolalarimizda batafsil ma’lumot beramiz. Bizni kuzatishda davom eting.

➡️ https://www.tbank.ru/business/registration-ip/

Rossiyadagi xorijliklar uchun

23-may, 2026, 04:38

📷 Photo

Bolani Rossiyadagi maktabga qanday yozdirish mumkin

Farzandlaringizda RF fuqaroligi boʻlmasa ham, ular Rossiya maktablarida https://www.consultant.ru/document/cons_doc_LAW_140174/61481667d956e25b4c53b1febedf53ed1121e78c/. Buning uchun ariza topshirish va rus tili testidan oʻtish kifoya.

⏰ Ariza qachon topshiriladi

— 1-apreldan 30-iyungacha — birinchi toʻlqin. Maktabga biriktirilgan hududda roʻyxatdan oʻtgan oʻquvchilar qabul qilinadi.
— 6-iyuldan 5-sentabrgacha — ikkinchi toʻlqin. Boʻsh oʻrinlari mavjud boʻlgan istalgan maktabga hujjat topshirish mumkin.

📂 Qanday hujjatlar kerak

Ota-onadan biriga:
— pasport va uning notarial tarjimasi;
— migratsiya kartasi, yashash guvohnomasi (VNJ) yoki vaqtincha yashash uchun ruxsatnoma (RVP);
— yashash yoki vaqtincha turish joyi boʻyicha registratsiya.

Bolaga:
— tugʻilganlik haqidagi guvohnoma va uning notarial tarjimasi;
— migratsiya kartasi, RVP yoki VNJ;
— yashash yoki vaqtincha turish joyi boʻyicha registratsiya.

📃 Ariza qanday topshiriladi

Aksariyat hududlarda ariza Gosuslugi orqali qabul qilinadi. Buning uchun quyidagilarni bajarish kerak:

1️⃣ Saytda arizani oldindan toʻldiring va andozani saqlang.
2️⃣ Shakl ochilgach (1-aprel yoki 6-iyuldan boshlab) hujjatlarni topshiring.
3️⃣ Ariza holatining yangilanishini kuting. Agar u qabul qilinsa, hujjatlarning aslini maktabga olib keling.

Koʻp hollarda maktabda bolada xavfli kasalliklar yoʻqligi haqida tibbiy xulosa ham soʻraladi.

️ ✏️ Rus tilini bilish testidan qanday oʻtiladi

Maktabga qabul qilish haqidagi ariza qabul qilingach, Gosuslugi portalidagi shaxsiy kabinetda test topshirish uchun yoʻllanma paydo boʻladi. Farzandingizni 7 ish kuni ichida testga yozdiring. Oʻtish baholari va test namunalari bilan https://fipi.ru/inostr-exam/inostr-exam-deti tanishish mumkin.

❓ Nima sababdan maktabga qabul arizasi rad etilishi mumkin

Bola rus tili testidan oʻta olmasa. Ammo 3 oydan keyin yana qayta urinib koʻrish mumkin.
Shuningdek, maktabda boʻsh oʻrin qolmagan boʻlsa ham qabul rad etilishi mumkin. Bunday holatda boshqa maktab yoki shahringizdagi taʼlim boʻlimiga murojaat qiling. Keyin Gosuslugi orqali ariza topshiring.

Rossiyadagi xorijliklar uchun

23-may, 2026, 04:38

📷 Photo

⚡ 1-yanvardan patent narxi, yaʼni oylik boʻnak NDFL summasi oʻzgardi. Moskva va Moskva viloyatida u 10 000 ₽ gacha, Sankt-Peterburg va Leningrad viloyatida 8 000 ₽ gacha koʻtarildi. Eng keskin qimmatlashuv Krasnodar oʻlkasida — 17 120 ₽ dan 27 283 ₽ gacha va Tula viloyatida — 11 200 ₽ dan 25 000 ₽ gacha kuzatildi.

11,300

Rossiyadagi xorijliklar uchun

23-may, 2026, 04:38

📷 Photo

Rossiyada vaqtinchalik yashash uchun ruxsatnoma (RVP) va doimiy yashash guvohnomasi (VNJ) haqidagi maqolalarga havolalarni bir joyda jamladik.

1️⃣
2️⃣
3️⃣
4️⃣
5️⃣

📌 Agar post siz uchun foydali boʻlsa, unga "layk" bosing va yaqinlaringizga yuboring

6,820

Rossiyadagi xorijliklar uchun

23-may, 2026, 04:38

📷 Photo

Endi biometriyani Rossiyaga kirishda topshirish mumkin

1-dekabrdan boshlab chet el fuqarolari maxsus jihozlangan chegara nazorati punktlarida http://publication.pravo.gov.ru/document/0001202510100024?index=2. Ilgari bunday tartib faqat Moskva aeroportlari va “Mashtakovo” avtomobil o‘tkazish punktida amal qilardi.
Yangi qoidalar 2026-yil 30-iyungacha davom etadigan tajriba doirasida joriy etildi.

✔️ Biometriya nima va u nima uchun kerak?

Bu Yagona biometrik tizimda ( https://www.tbank.ru/finance/blog/ebs/, ЕБС) saqlanadigan ovoz yozuvi va yuz fotosurati. 2025-yildan boshlab Rossiya SIM kartasini rasmiylashtirish uchun biometriya talab etiladi. Shuningdek, u orqali ba’zi xizmatlardan foydalanish mumkin. Misol uchun, Ko‘p funksiyali markazlarda (МФЦ) pasportsiz xizmat olish imkoniyati paydo bo‘ladi.

✔️ Kimga biometriya kerak emas?

— Belarus fuqarolariga.
— 6 yoshgacha bo‘lgan bolalarga.
— Diplomatik vakolatxonalar va konsullik muassasalari xodimlariga hamda ularning oila a’zolariga.
— Diplomatik va xizmat pasportlari egalariga hamda ularning oila a’zolariga.
— Hukumatlararo feldyegerlik aloqasi xodimlariga.

✔️ Agar chegarada biometriya yig‘ilmagan bo‘lsa

Barcha jarayonni T-Bank orqali amalga oshirish mumkin. T-Mobile SIM kartasiga buyurtma bering va bizning vakilimiz uchrashuvda sizga SNILS rasmiylashtiradi, Gosuslugiʼda profilingizni tasdiqlaydi va biometriyangizni to‘playdi.
Biometriyani mustaqil ravishda topshirishingiz ham mumkin. Buning uchun SNILSʼni Rossiya ijtimoiy jamg‘armasi (Социальный фонд России) bo‘limida, Ko‘p funksiyali markazda ( https://xn--d1achjhdicc8bh4h.xn--p1ai/search/mfc) yoki ish beruvchi orqali rasmiylashtirish kerak. So‘ngra https://map.gosuslugi.ru/?layer=co&filter=rbi biriga murojaat qiling.

💬 Mavzuga oid postlar

—
—
—

Rossiyadagi xorijliklar uchun

23-may, 2026, 04:38

📷 Photo

Fuqarolik-huquqiy shartnoma nima?

Fuqarolik-huquqiy shartnoma (rus tilida GPX, GPD) – bu ijrochi buyurtmachi uchun ma’lum bir ishni pul evaziga va ma’lum bir muddat ichida bajaradigan kelishuvdir. Jismoniy va yuridik shaxslar fuqarolik-huquqiy shartnoma tuzishi mumkin.

Shartnoma orqali vaqtincha mamlakatda bo‘lish muddatini uzaytirish va patent bo‘yicha faoliyat yuritish mumkin.

📑 Fuqarolik-huquqiy shartnoma odatiy mehnat shartnomasidan qanday farq qiladi?

— Fuqarolik-huquqiy shartnoma har doim muddatlar bilan cheklangan boʻladi.
— Vaqt emas, natija uchun haq to‘lanadi.
— Ishchi ko‘pincha oʻzining shaxsiy anjomlari va uskunalaridan foydalanadi.
— Ish jadvali yo‘q – vazifalarni qulay vaqtda bajarish mumkin.
— Haq to‘lanadigan ta’til yo‘q.
— Buyurtmachi ijrochining mehnat daftarchasiga yozuv kiritmaydi.

✏️ Fuqarolik-huquqiy shartnoma qachon tuziladi

Odatda, vaqtinchalik ish bajarish kerak bo‘lganda yoki tashkilotga shtatda bo‘lmagan mutaxassisni jalb qilish maqsadida fuqarolik-huquqiy shartnomadan foydalaniladi. Masalan, simlarni o‘tkazish uchun bir oyga elektrik yollashadi.

🗂 Fuqarolik-huquqiy shartnoma uchun qanday hujjatlar kerak?

— Pasport va uning notarial tasdiqlangan tarjimasi.
— Patent.
— Migratsiya kartasi.
— Registratsiyani tasdiqlovchi hujjat.
— SNILS.

Rossiyadagi xorijliklar uchun

8-may, 2026, 19:32

📷 Photo

Vizasiz mamlakatlar fuqarolari uchun “90 kun qoidasi” nimani bildiradi?

Vizasiz mamlakatlardan kelgan xorij fuqarolari Rossiyada bir taqvim yili davomida, yaʼni 1-yanvardan 31-dekabrgacha boʻlgan muddatda https://www.consultant.ru/document/cons_doc_LAW_37868/e9d581e7e11d7901295efd89c869ae044dd3d20f/.

Buning tartibi quyidagicha:
— Birdaniga 90 kunga kelsa bo‘ladi.
— Ushbu muddatni bir yil davomida bir necha tashrifga bo‘lish mumkin. Masalan, yanvar oyida mamlakatda 30 kun boʻlib, sentyabrda esa 60 kunga kelish mumkin.

90 kunlik muddat tugagach, Rossiya Federatsiyasiga faqat keyingi yil qaytish mumkin boʻladi.

❓ Qanday qilib Rossiyada 90 kundan ortiq qolish mumkin

— Patent olib, rasmiy ish topish. Shunda Rossiyada bo‘lish muddati patentning amal qilish vaqtiga uzaytiriladi.
— Agar siz YeOII mamlakati fuqarosi bo‘lsangiz, mehnat yoki fuqarolik-huquqiy shartnoma tuzish. Shartnomaning amal qilish muddati tugaguncha Rossiyada qolish mumkin.
— Rossiyadagi oliy o‘quv yurtining kunduzgi bo‘limiga o‘qishga kirish.
— RVP yoki VNJ uchun hujjat topshirish – ariza ko‘rib chiqilguncha, mamlakatda bo‘lish muddati uzaytiriladi.

❓ Mamlakatda boʻlish muddatini buzganlarga qanday chora koʻriladi

Rossiyaga kirish bir necha yilga cheklanishi mumkin. Cheklov muddati chet el fuqarosining mamlakatda noqonuniy ravishda qancha vaqt bo‘lganiga bog‘liq:
— 180 kungacha – 3 yilga kirish taqiqlanadi;
— 270 kungacha – 5 yilga taqiq;
— 270 kundan ortiq – 10 yilga taqiq.

Muddatlar haqida batafsil ma’lumot bilan https://www.consultant.ru/document/cons_doc_LAW_11376/487ed23b6c4844a759ab5ed7121a4e7d4d950b12/# tanishing.

Rossiyadagi xorijliklar uchun

8-may, 2026, 19:32

📷 Photo

Xorijiy talaba RVPOni qanday olishi mumkin

Ta’lim olish uchun vaqtincha yashash ruxsatnomasini (RVPO) davlat OTM yoki ilmiy tashkilotning kunduzgi bo‘limiga o‘qishga kirgan chet ellik talabalar rasmiylashtirishi mumkin. Hujjat o‘qishning butun muddati davomida va u tugagandan keyin 180 kun davomida amal qiladi.

✅ RVPO bilan qanday imkoniyatlar mavjud:

— Patentsiz ishlay olish;
— Bepul davolanish uchun OMS polisi;
— Hujjatning butun amal qilish muddati davomida registratsiya;
— O‘qishni tugatgandan so‘ng uch yil ichida VNJ olish .

🗂 RVPOni qayerda rasmiylashtirish mumkin?

O‘qish joyingizdagi MVD migratsiya bo‘limiga hujjatlar to‘plamini topshiring. Sizdan quyidagi hujjatlar talab etiladi:

— Ariza ikki nusxada.
— Pasport va uning notarial tasdiqlangan tarjimasi.
— Ikkita fotosurat (35 × 45 mm).
— Talabalar safiga qabul qilinganlik to‘g‘risida buyruq.
— Oliy taʼlim muassasasi litsenziyasining nusxasi.
— Migratsiya kartasi.
— Narkologiya dispanseridan ma’lumotnoma.
— Xavfli yuqumli kasalliklar va OITV bilan kasallanmaganligi to‘g‘risida tibbiy xulosa.
— Boj to‘langanligi haqidagi kvitansiya – 1 920 ₽.

✔️️ Agar postning sizga foydasi tekkan boʻlsa, unga layk bosib, yaqinlaringizga yuboring.

Rossiyadagi xorijliklar uchun

8-may, 2026, 19:32

📷 Photo

Ish patenti yoʻqolgan taqdirda nima qilish kerak?

Hujjat berilgan MVD boʻlimi yoki migratsiya markazidan dublikat olish. Rasmiylashtirish uchun quyidagilar kerak boʻladi:

— ariza;
— pasport;
— kelish maqsadi “работа” (ish) deb koʻrsatilgan migratsiya kartasi;
— kelganlik toʻgʻrisidagi bildirishnoma blankasining yirtib olinadigan qismi;
— 2 100 ₽ davlat boji toʻlanganligi toʻgʻrisidagi kvitansiya;
— patent uchun avans NDFL toʻlanganligi toʻgʻrisidagi kvitansiyalar.

Dublikat uch ish kuni ichida beriladi. Bu vaqtda ish beruvchi xodimni ishdan boʻshatishi yoki chetlatishi mumkin emas.

❓ Davlat bojini qanday toʻlash kerak?

— migratsiya markazi yoki MVDʼning migratsiya masalalari boʻyicha boʻlimidagi axborot stendlaridan rekvizitlarni toping.
— Bojni shaxsan bank boʻlimida, pochtada (Почта России) yoki onlayn, masalan, Gosuslugi yoki T-Bank ilovasi orqali toʻlang.

✔️ Post foydali boʻlsa, layk bosing va yaqinlaringizga ulashing.

10,200

Rossiyadagi xorijliklar uchun

1-may, 2026, 23:47

📷 Photo

T-Bank ilovasida tilni qanday oʻzgartirish mumkin

1️⃣ Profilingizga oʻting.
2️⃣ “Настройки” → “Язык” tugmasini bosing. Agar iOS’da boʻlsangiz, qurilma sozlamalariga yoʻnaltirilasiz.
3️⃣ Ingliz, qirgʻiz, oʻzbek yoki tojik tilini tanlang.

Ilovadagi tilni oʻzgartirganmisiz?

Ha — 💯
Yoʻq — 😎

9,340

101

Rossiyadagi xorijliklar uchun

1-may, 2026, 23:47

📷 Photo

Rossiyaning koʻplab hududlarida patent narxi oshadi

2026-yil 1-yanvardan boshlab Moskva shahri va viloyatida patent narxi 8 900 ₽ dan 10 000 ₽ gacha koʻtariladi. Sankt-Peterburg va Leningrad viloyatida esa 6 000 ₽ dan 8 000 ₽ gacha oshadi.

Boshqa hududlarda patent narxi qancha boʻladi

— Baykalorti oʻlkasi — 13 385 ₽
— Irkutsk viloyati — 12 000 ₽
— Kamchatka oʻlkasi — 13 776 ₽
— Krasnodar oʻlkasi — 27 000 ₽
— Novosibirsk viloyati — 10 860 ₽
— Perm oʻlkasi — 8 137 ₽
— Primorye oʻlkasi — 13 800 ₽
— Pskov viloyati — 9 950 ₽
— Tatariston Respublikasi — 7 937 ₽
— Samara viloyati — 11 157 ₽
— Sverdlovsk viloyati — 9 500 ₽
— Tver viloyati — 20 169 ₽
— Tula viloyati — 25 000 ₽
— Tyumen viloyati — 11 471 ₽
— Ulyanovsk viloyati — 7 161 ₽

Qolgan hududlardagi narxlar maʼlum boʻlgach, bu haqda kanalda xabar beramiz.

Patentga pul toʻlaganda qanday qilib tejash mumkin?

Agar patentingiz 2026-yilda ham amal qiladigan boʻlsa, uni 2025-yil 31-dekabrgacha eski narxda oldindan toʻlashingiz mumkin.

T-Bank orqali qanday qilib patentga pul toʻlash mumkin?

1️⃣ Ilovamizni oching va “Toʻlovlar” sahifasiga oʻting.
2️⃣ “Toʻlovlar” → “Gosuslugi” boʻlimigacha pastga tushing.
3️⃣ “Chet el fuqarosi uchun ish patenti”ni tanlang.
4️⃣ Shaklni toʻldiring va “Toʻlash” tugmasini bosing.

Pulni keyingi ish kunida RF Gʻaznachiligi hisobiga oʻtkazamiz.

💬 Mavzuga oid postlar

➡️
➡️

Rossiyadagi xorijliklar uchun

22-apr, 2026, 05:47

📷 Photo

Tibbiy koʻrik daftarchasi kimga kerak va uni qanday olish mumkin

Hujjatni odamlar bilan yoki umumiy ovqatlanish joylarida ishlaydigan shaxslar rasmiylashtirishi kerak. Mana, shunday sohalardan bir nechtasi:

— restoranlar, oshxonalar, kafelar;
— sartaroshxonalar, mehmonxonalar;
— doʻkonlar, savdo shoxobchalari;
— bolalar bogʻchalari, maktablar, oliy oʻquv yurtlari;
— taksoparklar va jamoat transporti.

Toʻliq roʻyxatni https://www.cgemo.ru/upload/iblock/6a3/6a3877f96aa621ea348f8bf75c9e36b4.pdf koʻrishingiz mumkin.

📘 Tibbiy koʻrik daftarchasini qanday olish mumkin

https://rospotrebnadzor.ru/region/structure/str_fguz.php yoki xususiy klinikada komissiyadan oʻtib, tahlillar topshiring. Rasmiylashtirish narxi odatda 2 500 ₽ dan boshlanadi. Narx tibbiyot muassasasi va kasbingizga qarab farq qiladi.

🗂 Qanday hujjatlar kerak boʻladi

— Pasport va uning notarial tasdiqlangan tarjimasi.
— Migratsiya kartasi, patent, RVP yoki VNJ.
— Yashash joyi boʻyicha roʻyxatga olinganlikni tasdiqlovchi hujjat.
— 3 × 4 sm oʻlchamli fotosurat.

Koʻpchilik kasblar uchun tibbiy koʻrik daftarchasini yiliga bir marta uzaytirish kerak.

Showing 16 of 16 posts

No more posts

Reyting

Kirish talab qilinadi

Foydalanuvchi sharhlari (0)

Hali sharhlar yo'q. Birinchi bo'lib tajribangizni baham ko'ring!

Tegishli Telegram kanallari

Loading recommended channels...

Rossiyadagi xorijliklar uchun

Rossiyadagi xorijliklar uchun

Reyting

Obunachilar sonining o'sishi (Oxirgi 6 kun ichida)

So'nggi postlar

Reyting

Foydalanuvchi sharhlari (0)

Tegishli Telegram kanallari

Markaziy bank

Temir yoʻl vokzallari

Ziraat Bank Uzbekistan

Open budjet • Toʻlovlar

𝕂𝕠𝕣𝕖𝕒𝕕𝕒 𝕚𝕤𝕙 𝕖𝕝𝕠𝕟𝕝𝕒𝕣𝕚 👍

Bankxabar

MIR_POSTEL

Hojimurodbankir

Tegishli Telegram kanallari

Markaziy bank

Temir yoʻl vokzallari

Ziraat Bank Uzbekistan

Open budjet • Toʻlovlar

𝕂𝕠𝕣𝕖𝕒𝕕𝕒 𝕚𝕤𝕙 𝕖𝕝𝕠𝕟𝕝𝕒𝕣𝕚 👍

Bankxabar

MIR_POSTEL

Hojimurodbankir

Foydalanuvchi sharhlari (0)

So'nggi postlar