اہل دل کی دِل آویز باتیں📔📚

Public

شامل نہیں ہو سکتے؟ @Aslaf_K_Aqwal

4.6k اراکین

اپ ڈیٹ کیا گیا: September 9, 2026 at 12:12 AM

اہل دل کی دِل آویز باتیں📔📚

اے مردہ دل!جب بڑھاپے کی لغزش انسان کو خدا سے دور کردیتی ہے تو کہا جاتا ہے تونے شباب کو غفلت میں ضائع کیا اور بڑھاپے میں اعمال بد پر روتا ہے اگر تجھے خبر ہوتی جو تیرے لئے تیار ہوچکا ہے تو تُو طویل طویل راتوں میں رویا کرتاـ

Follow @Aslaf_K_Aqwal to stay updated with the latest Spirituality trends and news

درجہ بندی

عالمی درجہ بندی

#266590

+524

زبان کی درجہ بندی

#431

زمرہ کی درجہ بندی

#1787

سبسکرائبرز کی تعداد میں اضافہ (پچھلے 14 دنوں میں)

کل: 4.6K

24 گھنٹے میں اضافہ: +9 0%

تازہ ترین پوسٹس

اہل دل کی دِل آویز باتیں📔📚

7 ستمبر، 2026، 08:25 AM

اے خواہشِ نفس کے سمندر میں ڈوبنے والے، جسے تیرنا بھی نہیں آتا!کتنی ہی بار تیرے گرد نصیحت کی کشتیاں چکر لگاتی ہیں اور ان کے سوار تجھے پکارتے ہیں:
﴿ارْكَبْ مَعَنَا﴾
’"ہمارے ساتھ سوار ہو جا"
مگر تو پھر بھی غفلت کے بھنور میں ڈوبا ہوا ہے،
تعجب ہے!جوں جوں تیری عمر بڑھتی جاتی ہے، تیری عقل و بصیرت گھٹتی جاتی ہے،،
تو اس خیمۂ قیام کو ایک مضبوط میخ سے باندھنے میں لگا ہوا ہے،
حالانکہ کوچ کا بگل بج چکا ہے!جس نے گزرے ہوئے ایام سے عبرت نہ لی، اسے ملامت بھی باز نہیں لا سکتی،
راہ طویل ہے، مگر زادِ راہ نہیں، اور جب بھی زادِ راہ میسر ہوتا ہے، تیرا عمل اور زیادہ کوتاہی میں گزر جاتا ہے،

ابن الجوزی رحمہ اللہ،
صبا نجد

1,450

اہل دل کی دِل آویز باتیں📔📚

7 ستمبر، 2026، 08:25 AM

جوہری کہتے ہیں کہ میں نے بشر الحافی کو ان کی بہن کے جنازے میں یہ کہتے ہوئے سنا:
بندہ جب اللّٰہ کی اطاعت میں کوتاہی کرنے لگتا ہے تو اللّٰہ اس کا مونس و غم خوار اس سے چھین لیتا ہے..!
(وفيات الأعيان، ابن خلكان)
[ترجمانی: طاہر اسلام عسکری]

1,090

اہل دل کی دِل آویز باتیں📔📚

7 ستمبر، 2026، 08:25 AM

رہی بات تنہائی کی تو میں اس معاملے میں تم سے بھی زیادہ سخت حال میں ہوں، الله کی قسم! مجھے یہاں ایسا کوئی شخص معلوم نہیں جس کے ساتھ مل بیٹھنے سے مجھے انس حاصل ہو، سوائے ایک شخص کے! شیخ احمد العبادی؛ اس کے باوجود سال بھر میں شاید ہی تین مرتبہ اس سے ملاقات ہوپاتی…

938

اہل دل کی دِل آویز باتیں📔📚

7 ستمبر، 2026، 08:25 AM

اےےےےےے پروردگار
میں تجھ سے ایسی سکون کا سوال کرتا ہوں جسے الفاظ نہ جانتے ہوں اور ایسے سلامتی کا جسے عقلیں نہ سمجھ سکیں اور ایسی راحت کا جو خالی پن سے نہیں بلکہ بالیدگی سے حاصل ہو
ایسی راحت جو یہ جانتی ہو کہ روح کی خاموشی میں کیسے بسنا ہے اور جسے نہ کسی آواز کی ضرورت ہو اور نہ کسی دلیل کی
میں تجھ سے سوال کرتا ہوں کہ تو میرے اندر کے اضطراب کو سکون دے دے اور میرے اندر کے بکھراؤ کو ایک کر دے اور میرے بکھرے ہوئے وجود کو یوں سمیٹ دے جیسے کوئی چیز کو دوسری چیز سے نہیں ملاتا بلکہ جیسے کوئی چیز کو اس کی اصل کی طرف لوٹا دیتا ہے تو میرے لیے ہر غم سے نکالنے کا ایسا راستہ بنا دے جو صرف ایک دروازہ نہ ہو بلکہ ایک آگہی ہو اور ہر تنگی سے ایسی کشادگی بنا دے جو صرف ایک جگہ نہ ہو بلکہ ایک حالت ہو
اور اےےےےےے پروردگار مجھے اپنے اندر ایسا مستحکم کر دے جسے آنے والا وقت پریشان نہ کر سکے
اور نہ گزرا ہوا وقت اسے مشغول کر سکے مستحکم بالکل اس سچائی کی طرح جسے کسی برہان کی ضرورت نہیں ہوتی اور اس وجود کی طرح جسے کسی تشریح کی ضرورت نہیں ہوتی
میں تجھ سے صرف کشادگی کا سوال نہیں کرتا بلکہ سمجھ کا سوال کرتا ہوں جو کچھ ہو رہا ہے اس میں حکمت کی سمجھ اور جو کچھ گزر رہا ہے اس میں خوبصورتی کی سمجھ اور اس چیز میں معنی کی سمجھ جو ظاہری طور پر بے معنی ہے
مجھے ایسا یقین عطا کر جو ڈگمگائے نہیں غائب کے یقین کی طرح نہیں بلکہ حاضر کے یقین کی طرح تیرا یقین ہر لمحے میں اور ہر دھڑکن میں
اور ہر خاموشی میں
اور اگر درد کا ہونا لازمی ہی ہے تو اسے سایہ کی طرح ہلکا درد بنا دے
جو مجھ سے گزر جائے اور مجھ پر بوجھ نہ بنے اور اگر غم کا ہونا لازمی ہی ہے
تو اسے ایسا پختہ غم بنا دے جو حکمت دے اور اداسی نہ دے
میرے دل کو ایک ایسا آئینہ بنا دے جو اس سے گزرنے والی چیزوں کی عکاسی نہ کرے بلکہ اس کی عکاسی کرے جو گزرنے سے بھی گہرا ہو وہ موجودگی کی عکاسی کرے وہ اس وجود کی عکاسی کرے جو نہ بوڑھا ہوتا ہے نہ کم ہوتا ہے اور نہ بدلتا ہے
اور میرے اپنے نفس کے حق میں میری کوتاہی کو معاف کر دے کیونکہ میرا نفس میرے پاس ایک امانت ہے اور میں نے اس میں بہت زیادتی کی ہے اور تو اس کو اس کی پہلی چمک اس کی پرانی پاکیزگی اور وہ سکون لوٹا دے جو ہوا سے واقف نہیں ہے
اےےےےےے وہ ذات جس کی طرف ہر موڑ پر لوٹنا ہے اور اسی کی طرف رجوع کرنا ہے
اور ہر حرکت کے بعد اسی کے پاس سکون ہے تو میرے اندر ایک ایسا وطن بنا دے جسے طوفان ہلا نہ سکیں اور دن بدل نہ سکیں ایک ایسا وطن جس میں ہر چیز پرسکون ہو کیونکہ وہ تجھ میں ہے اور تو ہی ہدایت ہے تو ہی سکون ہے اور تو ہی سلامتی ہے اےےےےےے اللہ

- عمر درازؔ - 🖋 📜

اہل دل کی دِل آویز باتیں📔📚

7 ستمبر، 2026، 08:25 AM

" آپ کا سب سے بڑا دشمن آپ کا اپنا اعصابی نظام ہے اور آپ کے اندر کا تناؤ آپ کو کسی ایسے کام میں مبتلا کر سکتا ہے جس کا انجام اچھا نہ ہو۔"

جارج آرویل

1,290

اہل دل کی دِل آویز باتیں📔📚

7 ستمبر، 2026، 08:25 AM

کوئی بھی آپ سے اس بات پر معذرت نہیں کرے گا کہ اس نے آپ کے اعصاب تباہ کیے ہیں اس لیے ان کی حفاظت آپ خود کیجیے اور کسی کے سامنے یہ وضاحت نہ کیجیے کہ اس نے آپ کو کتنا تھکایا ہے کیونکہ دوسروں کو تھکانے والے اس بات کو کبھی تسلیم نہیں کرتے اس لیے اپنی توانائی اس چیز میں لگائیے جو آپ کو فائدہ دے اور اپنے جذبات کو اس سے دور رکھیے جو آپ کو مشقت میں ڈالے

- عمر درازؔ - 🖋 📜

821

اہل دل کی دِل آویز باتیں📔📚

7 ستمبر، 2026، 08:25 AM

رہی بات تنہائی کی تو میں اس معاملے میں تم سے بھی زیادہ سخت حال میں ہوں، الله کی قسم! مجھے یہاں ایسا کوئی شخص معلوم نہیں جس کے ساتھ مل بیٹھنے سے مجھے انس حاصل ہو، سوائے ایک شخص کے! شیخ احمد العبادی؛ اس کے باوجود سال بھر میں شاید ہی تین مرتبہ اس سے ملاقات ہوپاتی ہے، اور وہ بھی ہر اعتبار سے ویسا نہیں ہے جیسا میں چاہتا ہوں،،
رہے باقی لوگ تو ان سے ملنا جلنا میری طبیعت کو مکدر اور دل کو غمگین کردیتا ہے،،

میں پہلے مہینے میں دو مرتبہ سینما دیکھ کر اپنی طبیعت کو بہلا لیا کرتا تھا، پھر چند وجوہ کی بنا پر اس سے بھی جی ہٹا لیا:
اول: نئی فلمیں فحاشی اور بے حیائی میں بہت آگے بڑھ گئی ہیں، اور یہ پھوہڑ پن ایسا ہے جو لطف ہی کو ختم کر دیتا ہے،،
دوم: جب فلموں میں بول چال اور گفتگو شامل ہوئی تو ان کا تقریباً تین چوتھائی حصہ گانے بن گیا؛ حالانکہ سینما کی اصل لذت تو کہانی میں ہے۔ جہاں تک ہندوستانی گانوں کا تعلق ہے، مجھے ان میں کوئی لطف نہیں آتا،
سوم: اور یہ سب سے کمزور وجہ ہے کہ یہاں علم و دین سے وابستہ لوگ سینما کا بائیکاٹ کیے ہوئے ہیں،،

رہی سیر و تفریح تو اس میں بھی میرا کوئی حصہ نہیں، کیونکہ اسکی شرائط میں سے یاروں و دوستوں کا ہونا ضروری ہے، اور وہ میرے پاس کہاں ہیں؟

انہی حالات کی وجہ سے میری داڑھی میں سفیدی اتر آئی ہے اور میری طبیعت بہت زیادہ تنگ و پژمردہ ہوگئی ہے، میں اس حال کو پہنچ گیا ہوں کہ جیسے کہا گیا ہے:
عَوَى الذِّئْبُ فَاسْتَأْنَسْتُ بِالذِّئْبِ إِذْ عَوَى
وَصَوَّتَ إِنْسَانٌ فَكِدْتُ أَطِيرُ

"بھیڑیے نے جب آواز دی تو مجھے اس کی آواز سے بھی انس محسوس ہوا،
اور جب کسی انسان نے پکارا تو قریب تھا کہ خوف سے اُڑ جاؤں"

خلاصہ یہ ہے کہ یہاں میری زندگی بدبختی اور بدحالی کی زندگی ہے؛ لیکن ہر حال میں اللہ کا شکر ہے۔ اس کی نعمتیں مجھ پر اور اس کی تمام مخلوق پر بے شمار ہیں۔ ان نعمتوں میں سے ایک بڑی نعمت یہ بھی ہے کہ اللہ تعالیٰ کے فضل سے مجھے کسی انسان کا محتاج نہیں ہونا پڑتا،،

اور یہ بھی کہ مجھے کتابوں میں کسی قدر لذت نصیب ہوئی ہے، بلکہ اس جواب کو لکھنے میں بھی مجھے ایک ایسی لذت محسوس ہوئی جو معمول کے خلاف ہے، اسی لیے میں نے اسے طویل کردیا۔ اب تو میرا جی چاہ رہا ہے کہ اسے اور طویل کروں، لیکن ڈرتا ہوں کہ تم میری اکثر باتوں کو ہذیان نہ سمجھ بیٹھو؛ اور شاید وہ واقعی ہذیان ہی ہو،،

تمہارا خط آج رات، آٹھ محرم کی رات کو پہنچا۔ شہر کے لوگ اپنی محرم کی تفریحات اور کھیل تماشوں میں مشغول ہیں۔ میں نے اس سال تماشے دیکھنے سے بھی کنارہ کشی اختیار کرلی ہے، حالاں کہ ہر سال میں محرم کی ان راتوں کا بیشتر حصہ اسی میں صرف کیا کرتا تھا،،

آج بھی میں مذکورہ رسالے کی تحریر میں مشغول رہا، یہاں تک کہ اکتا گیا۔ پھر تماشے کے لیے باہر نکلنے کے بارے میں تردد میں تھا۔ اتنے میں تمہارا خط آگیا، تو میرے لیے یہ دروازہ کھل گیا اور میں نے جواب لکھنا شروع کردیا۔ مجھے اندیشہ تھا کہ اگر میں اسے مؤخر کردوں تو میری وہ عادتاً غالب آنے والی طبیعت پھر مجھ پر غالب آجائے گی اور خط لکھنے میں تاخیر ہوجائے گی،

اللہ رب العزت کی قسم! اگر میرے پاس کچھ ایسا علم نہ ہوتا جس کے بارے میں مجھے امید ہے کہ اللہ تعالیٰ اسے شائع کرنے کی توفیق عطا فرمائے گا، اور اگر میری اللہ عزوجل کی اطاعت کچھ ایسی نہ ہوتی جسے میں حقیر سمجھتا ہوں اور امید رکھتا ہوں کہ اگر زندگی نے ساتھ دیا تو اللہ تعالیٰ اس سے بہتر اطاعت کی توفیق عطا فرمائے گا، تو میرے نزدیک موت زندگی سے زیادہ محبوب ہوتی؛ بلکہ موت ہی محبوب اور زندگی مکروہ ہوتی،،
اس وقت میرا یہی عقیدہ ہے، آگے کیا ہوگا، میں نہیں جانتا۔
والسلام۔
تمہارا بھائی
عبد الرحمن

[المدخل إلى آثار المعلمي، ص 224–226]

اہل دل کی دِل آویز باتیں📔📚

7 ستمبر، 2026، 08:25 AM

📷 Photo

" ہاں! میں نے اس زمین میں کو خود کو تنہا رہنے پر ترجیح دی ہے،
میں تنہا جیتا ہوں، تنہا کھاتا ہوں، تنہا سوچتا ہوں، تنہا خوش ہوتا ہوں، اور تنہا ہی درد اٹھاتا ہوں،
اگر اس تنہائی میں کوئی لذت و نشاط ہے، تو یہ دنیا کے فنون میں سے ایک فن ہے، اور اگر اسمیں کوئی حسرت و دکھ ہے، تو یہ بھی دنیا کے غموں میں سے ایک غم ہے، "
جمهرة مقالات محمود شاكر (٨٤٢/٢).

1,450

اہل دل کی دِل آویز باتیں📔📚

7 ستمبر، 2026، 08:25 AM

" کوئی صبح، کوئی شام ایسی نہیں ہوتی جس میں ندا لگانے والا ندا نہیں لگاتا کہ:
اے لوگوں! دنیا سے کوچ کا وقت آیا جاتاہے، دنیا سے کوچ کا وقت آیا جاتا ہے "

حذیفہ رضی اللّٰہ عنہ
[العاقبة في ذكر الموت ولآخرة]

1,100

اہل دل کی دِل آویز باتیں📔📚

7 ستمبر، 2026، 08:25 AM

" جس نے بنیادی اصولوں کو ضائع کردیا، وہ منزل تک پہنچنے سے محروم رہے گا، خواہ وہ بڑے بڑے القاب کا حامل ہو اور بے شمار لوگوں کے مجمعے اسکے تالیاں بجاتے ہوں "

1,300

اہل دل کی دِل آویز باتیں📔📚

23 اگست، 2026، 01:54 AM

📷 Photo

اگر یہ کاغذ کا ٹکڑا ہوتا تو میں اسے پھاڑ دیتا ، اگر یہ بوتل ہوتی تو میں اسے توڑ دیتا ، اگر یہ دیوار ہوتی تو میں اسے گرا دیتا لیکن یہ میرا دل ہے!

(محمود درویش)

1,070

اہل دل کی دِل آویز باتیں📔📚

23 اگست، 2026، 01:54 AM

📷 Photo

784

اہل دل کی دِل آویز باتیں📔📚

23 اگست، 2026، 01:54 AM

سونے والے کمرے میں نہ گھڑی ہوتی ہے اور نہ موبائل۔ رات جب نیند آنے لگتی ہے تو موبائل کو اسٹڈی ٹیبل پر چھوڑ آتا ہوں اور واپس اپنے کمرے میں آ کر بستر پر دھم سے گر جاتا ہوں۔ اس کمرے میں کتابوں کی کوئی الماری بھی نہیں ہے۔ بس سرہانے وہی کتاب رکھ لیتا ہوں جو اگلی صبح پڑھنی ہوتی ہے۔آج کل لندن کی راتیں چھوٹی ہوتی ہیں۔ کبھی کھڑکی کے باہر خاموش سڑکیں نظر آتی ہیں، کبھی ہلکی بارش کی آواز دل کو مزید بھی خاموش کر دیتی ہے۔ اس شہر میں لاکھوں لوگ رہتے ہیں، مگر کبھی کبھی انسان خود کو ایک چھوٹے سے کمرے میں پوری دنیا سے الگ محسوس کرتا ہے۔

آنکھ کھلتی ہے تو اندازہ لگاتا ہوں کہ شاید ساڑھے تین یا پونے چار بج رہے ہوں گے۔ چند لمحے بستر پر خاموش لیٹا رہتا ہوں، پھر اٹھ کر وضو کرتا ہوں اور اسی نیت سے پڑھنے بیٹھ جاتا ہوں کہ پتہ نہیں پورے دن میں دوبارہ موقع ملے گا یا نہیں۔ اس معاملے میں خود کو خوش نصیب سمجھتا ہوں کہ لندن جیسے مصروف اور تیز رفتار شہر میں رہتے ہوئے بھی میری صبح کی شروعات بھاگ دوڑ سے نہیں ہوتی۔ باقی دن چاہے جیسا بھی گزرے، چاہے کتنی ہی مصروفیات کیوں نہ ہوں، لیکن صبح کے یہ دو ڈھائی گھنٹے میرے اپنے ہوتے ہیں۔ یہی چند گھنٹے مجھے یہ احساس دلاتے ہیں کہ زندگی مکمل طور پر حالات کے ہاتھ میں نہیں ہے۔ اس دن میں میرا بھی کچھ حصہ ہے، جس پر میرا حق ہے۔

آپ مجھ سے کوئی بھی کام کروا لیں۔ روزمرہ کی ذمہ داریاں اٹھوا لیں، دنیا کی دوڑ میں شامل کر دیں، کاغذوں اور اسکرینوں کے درمیان بٹھا دیں، لیکن صبح کا یہ وقت اگر میرے پاس ہے تو ایسا لگتا ہے جیسے میں نے دن کا ایک چھوٹا سا حصہ اپنے لیے بچا لیا ہے۔ جب کمرے سے باہر نکلتا ہوں تو پہلی نظر گھڑی پر جاتی ہے۔ ساڑھے آٹھ یا پونے نو بج چکے ہوتے ہیں۔ پھر موبائل کی اسکرین آن کرتا ہوں… کئی پیغامات، کئی مسڈ کالز، کئی کاموں کی یاد دہانیاں۔ موبائل دن میں داخل ہو چکا ہوتا ہے اور پھر آہستہ آہستہ محسوس ہونے لگتا ہے کہ یہ دن بھی میرے ہاتھ سے نکل رہا ہے۔

کبھی کوئی دوست آ گیا تو چائے پی لی، لیکن اپنے دیس کی دودھ والی چائے یہاں بنتی ہی نہیں۔ کوشش کئی بار کی، چائے پتی بدلی، مگر وہ ذائقہ نہیں آ سکا۔ پھر رات ہو جاتی ہے۔ دن بھر کی تھکن، ذمہ داریاں، پیغامات اور لوگوں کی توقعات… سب کچھ ساتھ چلتا رہتا ہے۔ رات گیارہ بجے تک پھر وہ وقت نہیں رہتا جو صرف میرا ہو۔ دیر گئے رات تک خبریں لکھنا، ترجمہ کرنا.... کب وقت گزر جاتا ہے، پتہ ہی نہیں چلتا۔

سونے سے پہلے ذہن میں کئی طرح کے خیال آتے ہیں۔ کبھی مستقبل کی فکر، کبھی ماضی کی یادیں، کبھی یہ سوال کہ زندگی جس راستے پر چل رہی ہے، کیا واقعی یہی راستہ ہے؟ کبھی کبھی دل تھک بھی جاتا ہے۔ لیکن ایسے وقت میں صبح کے وہ دو ڈھائی گھنٹے اچانک یاد آ جاتے ہیں اور پھر دل خود سے کہتا ہے: ”یہ حصہ تو تمہارا ہے۔ تم نے ہی تو فیصلہ کیا تھا نا… کہ زندگی میں پیسے تھوڑے کم ہوں تو کوئی بات نہیں، لیکن زندگی کو آہستہ آہستہ، دھیمی آنچ پر پکنا چاہیے۔ تم نے ہی تو کہا تھا کہ حالات جیسے بھی ہوں، پڑھنا نہیں چھوڑنا ہے۔“پھر دل کو سکون ملتا ہے۔ کیونکہ زندگی تو وہی ہے جو انسان نے خود چنی ہوتی ہے۔ راستے آسان نہیں ہوتے، تنہائیاں بھی آتی ہیں، کبھی کبھی اپنے فیصلے بھی بھاری لگنے لگتے ہیں، لیکن پھر یاد آتا ہے کہ اسی راستے کے لیے تو کبھی دعا کی تھی۔ تو پھر شکایت کیسی؟

اہل دل کی دِل آویز باتیں📔📚

23 اگست، 2026، 01:54 AM

*🎯 غم کے ساتھ جینا سیکھیئے !*

زندگی میں غم کا آنا کوئی عیب نہیں ہے بلکہ یہ دنیا کی حقیقت بھی ہے اور بعض اوقات یہی غم ترقی اور قربِ الٰہی کا ذریعہ بن جاتے ہیں، رسول اللہ ﷺ نے فرمایا:
«حُفَّتِ الْجَنَّةُ بِالْمَكَارِهِ، وَحُفَّتِ النَّارُ بِالشَّهَوَاتِ» (الترمذی: 2559)
یہ دنیا مَکارہ اور تکالیف کی آماجگاہ ہے، اسی لئے ہم یہاں مختلف حالات کے ساتھ زندگی گزارتے ہیں، بس ان حالات میں "شکرِ ربانی" کا اہتمام ہو تو غموں کے ساتھ جینا آسان ہوجاتا ہے۔
بعض لوگ دنیاوی امور اور معاشرتی مسائل کے غم پر یہ کہتے ہیں کہ "ہم ان غموں کے لئے نہیں آئے۔" .... یہ بات علی الاطلاق درست نہیں ہے، بلاشبہ ہم غم کے لئے نہیں آئے، مگر جنت بھی تو سستی نہیں ہے، کچھ نہ کچھ سہنا پڑتا ہے، چنانچہ اگر ان غموں کو صبر، رضا اور حسنِ عمل کے ساتھ برداشت کیا جائے تو یہی غم دخولِ جنت کا ذریعہ بن جاتے ہیں۔
البتہ غم کو اپنی مستقل کیفیت بنالینا درست نہیں ہے، غم کے ساتھ جینا، اس سے سبق لینا اور اپنی ذمہ داریاں ادا کرتے رہنا ہی اہلِ کمال کا وصف ہے۔
یہ دعا پابندی کے ساتھ پڑھتے رہیں، ان شاء اللہ غم میں بھی کمی محسوس ہوگی:
*اَللّٰهُمَّ اجْعَلْ وَسَاوِسَ قَلْبِيْ خَشْيَتَكَ وَذِكْرَكَ، وَاجْعَلْ هِمَّتِيْ وَهَوَايَ فِيْمَا تُحِبُّ وَتَرْضٰى*
یہ دعا وساوس سے نجات کے لئے ہے، تاہم مشاہدہ یہ بھی ہے کہ اس کے اہتمام سے غم میں بھی کمی آتی ہے، حضرت مولانا محمد احسان الحق صاحب دامت برکاتہم بھی اس کی تلقین فرماتے ہیں۔
البتہ ہر وقت اظہارِ غم مناسب نہیں ہے، تاہم اگر کسی موقع پر دوسروں کی اصلاح و تذکیر یا اپنی طبیعت کا بوجھ ہلکا کرنے کے لئے غم کا اظہار کیا جائے تو اس میں حرج نہیں۔
امت کا غم اور اس کی فکر بھی نہایت اہم ہے، بلکہ ایمان کا تقاضہ ہے، تاہم اس کے ساتھ گھر، خاندان، والدین، اولاد، سسرال، اعزہ و اقارب اور دیگر افراد حقوق کو بھی پیشِ نظر رکھنا حقیقی "عبدیت" ہے، کسی کی حق تلفی کرکے امت کے غم میں گھلنے کا ثبوت سیرتِ نبوی ﷺ سے نہیں ملتا، جہدِ دین کا مفہوم بہت وسیع ہے، اور اس کا خلاصہ "ادائے حقوق" ہے، جو حق جس کا ہے، اسے اس کے مقام پر ادا کرنا ہی حقیقی دینداری ہے۔

✍️ مفتی سفیان بلند
مؤسس معهد الإمام سفیان الثوری

اہل دل کی دِل آویز باتیں📔📚

23 اگست، 2026، 01:54 AM

آدمی بس دو طرح کے ہوتے ہیں ۔

پہلی قسم ؛
مجھے اس نے بہت گہرا زخم دیا۔ کیوں؟ آخر کیوں؟ کس لیے؟ کہاں ہو تم؟ میں اب بھی تمہارا منتظر ہوں۔ چھ برس بیت گئے۔ اللہ ہی جانتا ہے کہ تم نے اپنے آپ پر کیا گزاری ہوگی۔
میں نے چاہا تو بہت کہ تمہیں بھلا دوں، مگر نہ بھلا سکا۔ اب بس یہی دعا ہے کہ جہاں بھی ہو، خوش رہو۔
تم اب بھی میرے دل کے افق پر چمکتا ہوا سب سے حسین چاند ہو۔ میں ہمیشہ تمہاری راہ تکوں گا، انہی آنکھوں کے ساتھ جو آج بھی تمہاری منتظر ہیں۔

دوسری قسم ؛
زندگی بہرحال چلتی رہتی ہے

1,710

اہل دل کی دِل آویز باتیں📔📚

23 اگست، 2026، 01:54 AM

چونکہ تم چھوٹی چھوٹی باتوں کو بھی دل پر لے لیتے ہو،
اس لیے اے دوست! تم بہت جلد تھک جاؤ گے۔
یہ دنیا ان لوگوں کے لیے موزوں نہیں جو حد سے زیادہ حساس ہوتے ہیں۔

ــ غادہ السمان، شامی ادیبہ
ترجمہ: اسد اللہ میر الحسنی

1,400

اہل دل کی دِل آویز باتیں📔📚

23 اگست، 2026، 01:54 AM

ہمارے کپکپاتے دِلوں کے اندر امید کا بیج بونے والوں پر سلامتی ہو ۔

1,690

اہل دل کی دِل آویز باتیں📔📚

23 اگست، 2026، 01:54 AM

📷 Photo

1,390

اہل دل کی دِل آویز باتیں📔📚

23 اگست، 2026، 01:54 AM

📎 File

1,320

اہل دل کی دِل آویز باتیں📔📚

23 اگست، 2026، 01:54 AM

بعض اوقات گھبراہٹ اس قدر ہیبت ناک ہوتی ہے کہ ہمارے دل دلاسوں کی تھپکیوں تلے بھی ہانپتے رہتے ہیں '۔

2,000

اہل دل کی دِل آویز باتیں📔📚

19 مئی، 2026، 05:48 PM

”جس کو بھی مجھ سے کچھ چاہیے ہو، تو وہ ایک رقعہ میں لکھ کر دے دے، کیونکہ میں یہ گوارا نہیں کرتا کہ مانگتے وقت کسی کے چہرے پر شرمندگی کے آثار دیکھوں۔“

(امام مطرف بن عبداللّٰه رحمه اللّٰه ٩٥هـ | بهجة المجالس : ٦٨)

1,310

اہل دل کی دِل آویز باتیں📔📚

19 مئی، 2026، 05:48 PM

" تم نے اپنے شانۂ ناز پر اتنا بار لاد لیا ہوا ہے کہ اب نہ چل پارہے ہو، نہ سکون سے بیٹھ پارہے ہو، بس تھکن سی لیے ہوئے آزردہ سے کھڑے ہو، اور یہ بار بھی کیا ہے وہی علائق کی باتوں کا دکھ، انکی فریب بازیوں و جدائیوں کے رونے، ناکامیاب خواہشوں و حسرتوں کے دفتر، پامال قول و قرار کے اوراق بس، اور کچھ بھی نہیں، بھلا یہ بھی کوئی بوجھ ہے، جسکی وجہ سے تم نے اپنے نازدار دوشِ جسم کو جھکا لیا ہے، اور استراحت و آرام سے منہ موڑ لیا ہے،،
میری بات ایک دفعہ گوشِ دل سے سنو! اس انبارِ زیاں آور کو ذرا ایک بار نیچے پٹخ دو، اور ایک طرف بیٹھ کر اپنے ذہن کو مشقت دے کر سنجیدگی سے سوچو کہ تم نے خود کو کتنی فضول اور مہمل چیزوں کے زیر انحصار اور انکا نیاز مند بنارکھا ہے، سچ میں تمہارا قہقہہ چھوٹ جائے گا،، تمہاری عقل پر جو حماقت کا جالا پڑا ہے وہ ہٹ جائے گا، اور آنکھوں کے دریچوں پر جمی یاس و حرماں کی گرد جو تمہیں تمہاری راحت سے اوجھل رکھتی ہے ایک دم نظر آنے لگے گی، تمہارا پردۂ گوش جس میں ہر دم نوائے حزن و ملال کی بازگشت رہتی ہے، دفعتاً خوشی و نشاط کی صداؤں سے گونج اٹھے گا، تمہارا دل جو لمحہ بہ لمحہ سوز و فغاں میں ڈوب کر سسکیاں لیتا ہے، نغمۂ دلنوازی و شادکامی گانے لگے گا،
تم ایک بار اسے پورے اعتماد و وثوق کے ساتھ اقدام میں تو لاؤ، پھر دیکھو تمہاری جبلتِ سرد کیسے ابھر کر آتی ہے، اور غموں کی چڑیل کیسے تم سے دور بھاگتی ہے، اور چین و راحت کا فرشتہ تمہیں کیسے گلے لگاتا ہے "

1,470

اہل دل کی دِل آویز باتیں📔📚

19 مئی، 2026، 05:48 PM

”ہم نے عیش و عشرت کی زندگی بھی گزاری ہے اور اس سے قبل بے سرو سامانی کی بھی۔ اور ہم اس نتیجے پر پہنچے ہیں کہ پچھلی زندگی کہیں خوبصورت تھی۔ اب جسمانی راحت کے سب اسباب میسر ہیں، ٹھنڈا پانی، آرام دہ چھت، اور عالیشان گاڑیاں؛ مگر اب دل میں چین و سکون اور دل کے اللہ سے تعلق کی وہ پہلی سی کیفیت نہیں رہی۔“

(العلامة ابن عثيمين رحمه الله | التعليق على مسلم : ١٨/٧)

1,450

اہل دل کی دِل آویز باتیں📔📚

19 مئی، 2026، 05:48 PM

ہم یہ جان چکے ہیں کہ ہر جمع ہونے والے کے لیے جدا ہونا لازم ہے، اور ہر قریب ہونے والے کے لیے دور ہونا طے ہے۔ اللہ کی اپنے بندوں اور ملکوں میں یہی سنت رہی ہے یہاں تک کہ اللہ زمین اور جو کچھ اس پر ہے اس کا وارث بن جائے، اور وہی سب سے بہتر وارث ہے۔ دنیا کی مصیبتوں میں سے کوئی بھی چیز جدائی کے برابر نہیں؛ اگر آنسوؤں کے بجائے روحیں بھی بہہ جائیں تو وہ بھی کم ہے۔ بعض حکماء کو یہ کہتے سنا گیا ہے کہ "جدائی موت کا بھائی ہے،" تو دوسرے نے کہا: "بلکہ موت جدائی کا بھائی ہے۔"

(طوق الحمامة لإبن حزم)

1,950

اہل دل کی دِل آویز باتیں📔📚

19 مئی، 2026، 05:48 PM

▫️امام الشافعیؒ فرماتے ہیں:

“لوگوں کی زبانوں سے کوئی بھی محفوظ نہیں، چاہے وہ کتنا ہی پاکیزہ کیوں نہ ہو۔ اگر وہ خاموش رہے تو کہتے ہیں کہ یہ بول نہیں سکتا، اور اگر بولے تو کہتے ہیں کہ بہت زیادہ باتیں کرتا ہے۔ اگر وہ روزہ رکھے اور راتوں کو عبادت کرے تو کہتے ہیں کہ یہ دکھاوا کرتا ہے، دھوکہ دیتا ہے۔”

📚 [دیوان الإمام الشافعی]

1,410

اہل دل کی دِل آویز باتیں📔📚

19 مئی، 2026، 05:48 PM

📷 Photo

"جو شخص زندگی اور غم و فکر کا بوجھ اٹھائے ہوئے ہے، وہ غفلت اور نیند سے نابلد ہے،نہ وہ سکون پر اکتفا کرتا ہے اور نہ دنیاوی خوشیوں میں گم ہوتا ہے۔ جب کبھی اس کی ہمت ڈگمگانے لگے، اس کا فکری بوجھ اسے دوبارہ جھنجھوڑ دیتا ہے، اور وہ فولادی عزم کے ساتھ اٹھ کھڑا ہوتا ہے، ہر لمحہ اپنی نگاہ گردشِ دوراں، کیلنڈر اور موت کی نشانوں پر جمائے رکھتا ہے "

لیلی حمدان

2,010

اہل دل کی دِل آویز باتیں📔📚

19 مئی، 2026، 05:48 PM

شیطان آپ کے معاملے میں صبر کا بہترین مظاہرہ کرتا ہے کیونکہ آپ اس کی زندگی کا مقصد ہیں۔ وہ آپ کے ساتھ اتنی باریکی سے اور آہستہ آہستہ کام کرتا ہے کہ آپ اکثر اس کا احساس نہیں کر پاتے۔
ابتداء میں وہ صرف ایک چھوٹے عمل — جیسے ایک روزانہ کی عبادت یا تسبیح — سے آپ کو محروم کر دیتا ہے۔ پھر آہستہ آہستہ وہ دل سے دین کی محبت کو نکال کر اسے اپنی مرضی کے عناصر سے بھر دیتا ہے۔

2,160

اہل دل کی دِل آویز باتیں📔📚

19 مئی، 2026، 05:48 PM

داعی اجل تمام زمین کے باشندوں کو پکارنے والا ہے ہر ذی روح کی منزل آخر موت ہے جو بے روگ نہیں مرتا وہ بوڑھا ہو کر زندگی سے اکتا جاتا ہے اور بالآخر موت اس کو عدم کے حوالے کر دیتی ہے۔

قطرہ بن فجاءۃ

1,520

اہل دل کی دِل آویز باتیں📔📚

19 مئی، 2026، 05:48 PM

کئی دفعہ ایسا ہوتا ہے کہ ایک شخص کسی دوسرے کو راہ بتلاتا ہے، نصیحت کرتا ہے، اس کی توفیق و راستی کا باعث بنتا ہے، پھر وہ دوسرا شخص نیکی میں اتنا آگے نکل جاتا ہے کہ یہ پہلا شخص دیکھتا رہ جاتا ہے۔ کسی استاد کا اپنے طلبہ کو، واعظ کا اپنے مخاطبین کو، داعی کا اپنے مدعووین کو یا مصاحب کا اپنے اصحاب کو اپنے سے کہیں آگے نکلتا ہوا دیکھنا بڑا ملا جلا سا احساس ہے!

کبھی انسان شرمساری کے احساس سے پانی پانی ہو جاتا ہے، اکیلے میں اپنا محاسبہ کرتا ہے، توبہ تائب ہوتا ہے، ٹسوے بہاتا ہے، پیچھے رہ جانے کی وحشت و اذیت اسے بے چین رکھتی ہے۔ وہ اپنے ہر اس کلمے کو پہاڑ کی طرح اپنے سینے پر محسوس کرتا ہے جسے سن کر لوگ تو اللہ کی طرف چل پڑے، مگر وہ وہیں کا وہیں رہ گیا!

کبھی وہ اللہ تعالیٰ کے پردے کی خوبصورتی دیکھ کر حیران و ششدر رہ جاتا ہے کہ جس کے نیچے نیتوں کا کھوٹ، ہوائے نفس، پوشیدہ نافرمانیاں، دنیا کی محبت اور نہ جانے کیا کیا مصیبتیں ہوتی ہیں، مگر لوگوں کو وہ ایک پرہیزگار واعظ، داعی یا مدرس دِکھ رہا ہوتا ہے! ایک شخص نے عابد و زاہد تابعی مذعور بن طفیل رحمہ اللہ کی تعریف کی تو آسمان کی طرف دیکھ کر کہنے لگے : ”اے اللہ، تو مجھے جانتا ہے، یہ نہیں جانتا۔“

کبھی وہ اپنے آپ کو اس موم بتی کی طرح پاتا ہے جو اپنے ارد گرد تو روشنی کرتی ہے مگر خود جل جاتی ہے۔ شاید سید الواعظین ابن الجوزی رحمہ اللہ پر بھی کوئی ایسی کیفیت ہی گزری ہو گی جو انہوں نے ایک روز اپنے وعظ میں کہہ دیا : ”اگر تم جنت میں جاؤ اور مجھے وہاں نہ پاؤ تو میرے بارے میں اللہ سے پوچھنا اور کہنا : یا رب! تیرا فلاں بندہ ہمیں تیری یاد دلایا کرتا تھا ...“

کبھی وہ ان لوگوں کے اپنے حق میں صدقہ جاریہ ہونے پر غور کرتا ہے، ”الدال على الخير كفاعله“ کی بشارت سامنے رکھتا ہے، تو ایک لطیف سے احساس سے جھوم اٹھتا ہے، حتی کہ بسا اوقات اس کیلیے اس کا أرجى عمل (وہ عمل کہ اللہ کے ہاں جس کا مول پڑنے کی سب سے زیادہ امید ہو) ہی یہ ہو جاتا ہے کہ اللہ تعالیٰ نے بھٹکے ہؤوں کو اپنا دَر دکھلانے کیلیے اسے بھی ایک سبب بنا رکھا ہے!

....

اہل دل کی دِل آویز باتیں📔📚

19 مئی، 2026، 05:48 PM

میں نے بہت سے ایسے بزرگ مردوں اور عورتوں کو دیکھا ہے جن میں اللہ کی عبادت، اس کا خوف اور اس سے قربت کی ایسی تڑپ تھی جسے بیان کرنا ممکن نہیں، ان کی زبانیں اللہ کے ذکر اور دعا سے کبھی نہیں تھکتی تھیں، وہ رات کا زیادہ تر حصہ نمازِ تہجد اور تلاوتِ قرآن میں گزارتے تھے، اور عید کے فوراً بعد دوسرے ہی دن شوال کے چھ روزے رکھنا شروع کر دیتے تھے، ان میں سے اکثر پڑھنا لکھنا نہیں جانتے تھے، اس کے باوجود وہ اللہ کی کتاب حفظ کرنے کے لیے اپنی جان لڑا دیتے تھے، وہ صدقہ کرنے اور لوگوں کو نفع پہنچانے سے محبت کرتے تھے، بلکہ بعض تو اپنی جمع پونجی ہی اللہ کی راہ میں دے دیتے تھے، آپ انہیں جب بھی دیکھتے، عبادت اور اطاعت میں ہی پاتے۔
یہ وہ لوگ تھے جو نہ تو خبیث افکار سے آلودہ ہوئے، نہ فاسد عقائد سے، اور نہ ہی انہوں نے علم اور ٹیکنالوجی کے اس دھماکے کو دیکھا جس نے لوگوں کے اوقات ضائع کر دیے، انہیں فضول کاموں میں الجھا دیا اور شاید گناہوں میں دھکیل دیا، وہ سیاست، لوگوں کی درجہ بندی کرنے اور ان کی عزتوں کے پیچھے پڑنے میں مشغول نہیں ہوئے، انہوں نے جان لیا تھا کہ زندگی ایک ایسی فرصت ہے جس کا کوئی نعم البدل نہیں، لہٰذا وہ اس دنیا سے ہلکے پھلکے ہو کر رخصت ہوئے، انہوں نے کبھی کسی کو دکھ نہیں پہنچایا، آج زبانیں ان کی تعریف اور ان کے لیے دعاؤں سے تر ہیں۔ تو مبارک ہو ان کے لیے اور خوشخبری ہو ان کے لیے۔
پس ان ڈگریوں اور عہدوں کا کیا فائدہ اگر وہ اللہ کی اطاعت، اس کی رضا اور مسلمانوں کے نفع کے کام نہ آئیں؟
ہم اللہ سے دعا کرتے ہیں کہ وہ ہمارے، آپ کے اور تمام مسلمانوں کے مرحومین پر رحم فرمائے۔

— د. حسين الفيفي۔
انتخاب و ترجمہ : Umar Write's

2,090

Showing 30 of 45 posts

درجہ بندی

لاگ ان درکار ہے

صارف کے جائزے (0)

ابھی تک کوئی جائزے نہیں ہیں۔ پہلے بنیں اور اپنا تجربہ شیئر کریں!

اہل دل کی دِل آویز باتیں📔📚

اہل دل کی دِل آویز باتیں📔📚

درجہ بندی

سبسکرائبرز کی تعداد میں اضافہ (پچھلے 14 دنوں میں)

تازہ ترین پوسٹس

درجہ بندی

صارف کے جائزے (0)

متعلقہ ٹیلیگرام چینلز

د خوب تعبیر

قارچ دارویی سیلوسایبین مجیک ماشروم

صُوَر خیال

چشم سوّم 👁 ارتباط با کائنات

خواطر 🍂

لــِ عـَيِّـنْـاهَـا

اشعار ناب آئينے

مجربات روحانيات علاج التابعه علاج الحسد علاج السحر ختمات قرانيه استخاره بالقران عالم الخيرات طب اعشاب الروحاني

متعلقہ ٹیلیگرام چینلز

د خوب تعبیر

قارچ دارویی سیلوسایبین مجیک ماشروم

صُوَر خیال

چشم سوّم 👁 ارتباط با کائنات

خواطر 🍂

لــِ عـَيِّـنْـاهَـا

اشعار ناب آئينے

مجربات روحانيات علاج التابعه علاج الحسد علاج السحر ختمات قرانيه استخاره بالقران عالم الخيرات طب اعشاب الروحاني

تازہ ترین پوسٹس

صارف کے جائزے (0)