اہل دل کی دِل آویز باتیں📔📚

Public

چینل دیکھیں

5.4K

4.8K

1.7K

شامل نہیں ہو سکتے؟ @Aslaf_K_Aqwal

4.7k اراکین

اپ ڈیٹ کیا گیا: May 17, 2026 at 9:37 PM

اہل دل کی دِل آویز باتیں📔📚

اے مردہ دل!جب بڑھاپے کی لغزش انسان کو خدا سے دور کردیتی ہے تو کہا جاتا ہے تونے شباب کو غفلت میں ضائع کیا اور بڑھاپے میں اعمال بد پر روتا ہے اگر تجھے خبر ہوتی جو تیرے لئے تیار ہوچکا ہے تو تُو طویل طویل راتوں میں رویا کرتاـ

Follow @Aslaf_K_Aqwal to stay updated with the latest Spirituality trends and news

درجہ بندی

عالمی درجہ بندی

#456

زبان کی درجہ بندی

#45

زمرہ کی درجہ بندی

#23

-1

سبسکرائبرز کی تعداد میں اضافہ (پچھلے 6 دنوں میں)

کل: 4.7K

24 گھنٹے میں اضافہ: +0 0%

تازہ ترین پوسٹس

اہل دل کی دِل آویز باتیں📔📚

19 مئی، 2026، 05:48 PM

”جس کو بھی مجھ سے کچھ چاہیے ہو، تو وہ ایک رقعہ میں لکھ کر دے دے، کیونکہ میں یہ گوارا نہیں کرتا کہ مانگتے وقت کسی کے چہرے پر شرمندگی کے آثار دیکھوں۔“

(امام مطرف بن عبداللّٰه رحمه اللّٰه ٩٥هـ | بهجة المجالس : ٦٨)

1,310

اہل دل کی دِل آویز باتیں📔📚

19 مئی، 2026، 05:48 PM

" تم نے اپنے شانۂ ناز پر اتنا بار لاد لیا ہوا ہے کہ اب نہ چل پارہے ہو، نہ سکون سے بیٹھ پارہے ہو، بس تھکن سی لیے ہوئے آزردہ سے کھڑے ہو، اور یہ بار بھی کیا ہے وہی علائق کی باتوں کا دکھ، انکی فریب بازیوں و جدائیوں کے رونے، ناکامیاب خواہشوں و حسرتوں کے دفتر، پامال قول و قرار کے اوراق بس، اور کچھ بھی نہیں، بھلا یہ بھی کوئی بوجھ ہے، جسکی وجہ سے تم نے اپنے نازدار دوشِ جسم کو جھکا لیا ہے، اور استراحت و آرام سے منہ موڑ لیا ہے،،
میری بات ایک دفعہ گوشِ دل سے سنو! اس انبارِ زیاں آور کو ذرا ایک بار نیچے پٹخ دو، اور ایک طرف بیٹھ کر اپنے ذہن کو مشقت دے کر سنجیدگی سے سوچو کہ تم نے خود کو کتنی فضول اور مہمل چیزوں کے زیر انحصار اور انکا نیاز مند بنارکھا ہے، سچ میں تمہارا قہقہہ چھوٹ جائے گا،، تمہاری عقل پر جو حماقت کا جالا پڑا ہے وہ ہٹ جائے گا، اور آنکھوں کے دریچوں پر جمی یاس و حرماں کی گرد جو تمہیں تمہاری راحت سے اوجھل رکھتی ہے ایک دم نظر آنے لگے گی، تمہارا پردۂ گوش جس میں ہر دم نوائے حزن و ملال کی بازگشت رہتی ہے، دفعتاً خوشی و نشاط کی صداؤں سے گونج اٹھے گا، تمہارا دل جو لمحہ بہ لمحہ سوز و فغاں میں ڈوب کر سسکیاں لیتا ہے، نغمۂ دلنوازی و شادکامی گانے لگے گا،
تم ایک بار اسے پورے اعتماد و وثوق کے ساتھ اقدام میں تو لاؤ، پھر دیکھو تمہاری جبلتِ سرد کیسے ابھر کر آتی ہے، اور غموں کی چڑیل کیسے تم سے دور بھاگتی ہے، اور چین و راحت کا فرشتہ تمہیں کیسے گلے لگاتا ہے "

1,470

اہل دل کی دِل آویز باتیں📔📚

19 مئی، 2026، 05:48 PM

”ہم نے عیش و عشرت کی زندگی بھی گزاری ہے اور اس سے قبل بے سرو سامانی کی بھی۔ اور ہم اس نتیجے پر پہنچے ہیں کہ پچھلی زندگی کہیں خوبصورت تھی۔ اب جسمانی راحت کے سب اسباب میسر ہیں، ٹھنڈا پانی، آرام دہ چھت، اور عالیشان گاڑیاں؛ مگر اب دل میں چین و سکون اور دل کے اللہ سے تعلق کی وہ پہلی سی کیفیت نہیں رہی۔“

(العلامة ابن عثيمين رحمه الله | التعليق على مسلم : ١٨/٧)

1,450

اہل دل کی دِل آویز باتیں📔📚

19 مئی، 2026، 05:48 PM

ہم یہ جان چکے ہیں کہ ہر جمع ہونے والے کے لیے جدا ہونا لازم ہے، اور ہر قریب ہونے والے کے لیے دور ہونا طے ہے۔ اللہ کی اپنے بندوں اور ملکوں میں یہی سنت رہی ہے یہاں تک کہ اللہ زمین اور جو کچھ اس پر ہے اس کا وارث بن جائے، اور وہی سب سے بہتر وارث ہے۔ دنیا کی مصیبتوں میں سے کوئی بھی چیز جدائی کے برابر نہیں؛ اگر آنسوؤں کے بجائے روحیں بھی بہہ جائیں تو وہ بھی کم ہے۔ بعض حکماء کو یہ کہتے سنا گیا ہے کہ "جدائی موت کا بھائی ہے،" تو دوسرے نے کہا: "بلکہ موت جدائی کا بھائی ہے۔"

(طوق الحمامة لإبن حزم)

1,950

اہل دل کی دِل آویز باتیں📔📚

19 مئی، 2026، 05:48 PM

▫️امام الشافعیؒ فرماتے ہیں:

“لوگوں کی زبانوں سے کوئی بھی محفوظ نہیں، چاہے وہ کتنا ہی پاکیزہ کیوں نہ ہو۔ اگر وہ خاموش رہے تو کہتے ہیں کہ یہ بول نہیں سکتا، اور اگر بولے تو کہتے ہیں کہ بہت زیادہ باتیں کرتا ہے۔ اگر وہ روزہ رکھے اور راتوں کو عبادت کرے تو کہتے ہیں کہ یہ دکھاوا کرتا ہے، دھوکہ دیتا ہے۔”

📚 [دیوان الإمام الشافعی]

1,410

اہل دل کی دِل آویز باتیں📔📚

19 مئی، 2026، 05:48 PM

📷 Photo

"جو شخص زندگی اور غم و فکر کا بوجھ اٹھائے ہوئے ہے، وہ غفلت اور نیند سے نابلد ہے،نہ وہ سکون پر اکتفا کرتا ہے اور نہ دنیاوی خوشیوں میں گم ہوتا ہے۔ جب کبھی اس کی ہمت ڈگمگانے لگے، اس کا فکری بوجھ اسے دوبارہ جھنجھوڑ دیتا ہے، اور وہ فولادی عزم کے ساتھ اٹھ کھڑا ہوتا ہے، ہر لمحہ اپنی نگاہ گردشِ دوراں، کیلنڈر اور موت کی نشانوں پر جمائے رکھتا ہے "

لیلی حمدان

2,010

اہل دل کی دِل آویز باتیں📔📚

19 مئی، 2026، 05:48 PM

شیطان آپ کے معاملے میں صبر کا بہترین مظاہرہ کرتا ہے کیونکہ آپ اس کی زندگی کا مقصد ہیں۔ وہ آپ کے ساتھ اتنی باریکی سے اور آہستہ آہستہ کام کرتا ہے کہ آپ اکثر اس کا احساس نہیں کر پاتے۔
ابتداء میں وہ صرف ایک چھوٹے عمل — جیسے ایک روزانہ کی عبادت یا تسبیح — سے آپ کو محروم کر دیتا ہے۔ پھر آہستہ آہستہ وہ دل سے دین کی محبت کو نکال کر اسے اپنی مرضی کے عناصر سے بھر دیتا ہے۔

2,160

اہل دل کی دِل آویز باتیں📔📚

19 مئی، 2026، 05:48 PM

داعی اجل تمام زمین کے باشندوں کو پکارنے والا ہے ہر ذی روح کی منزل آخر موت ہے جو بے روگ نہیں مرتا وہ بوڑھا ہو کر زندگی سے اکتا جاتا ہے اور بالآخر موت اس کو عدم کے حوالے کر دیتی ہے۔

قطرہ بن فجاءۃ

1,520

اہل دل کی دِل آویز باتیں📔📚

19 مئی، 2026، 05:48 PM

کئی دفعہ ایسا ہوتا ہے کہ ایک شخص کسی دوسرے کو راہ بتلاتا ہے، نصیحت کرتا ہے، اس کی توفیق و راستی کا باعث بنتا ہے، پھر وہ دوسرا شخص نیکی میں اتنا آگے نکل جاتا ہے کہ یہ پہلا شخص دیکھتا رہ جاتا ہے۔ کسی استاد کا اپنے طلبہ کو، واعظ کا اپنے مخاطبین کو، داعی کا اپنے مدعووین کو یا مصاحب کا اپنے اصحاب کو اپنے سے کہیں آگے نکلتا ہوا دیکھنا بڑا ملا جلا سا احساس ہے!

کبھی انسان شرمساری کے احساس سے پانی پانی ہو جاتا ہے، اکیلے میں اپنا محاسبہ کرتا ہے، توبہ تائب ہوتا ہے، ٹسوے بہاتا ہے، پیچھے رہ جانے کی وحشت و اذیت اسے بے چین رکھتی ہے۔ وہ اپنے ہر اس کلمے کو پہاڑ کی طرح اپنے سینے پر محسوس کرتا ہے جسے سن کر لوگ تو اللہ کی طرف چل پڑے، مگر وہ وہیں کا وہیں رہ گیا!

کبھی وہ اللہ تعالیٰ کے پردے کی خوبصورتی دیکھ کر حیران و ششدر رہ جاتا ہے کہ جس کے نیچے نیتوں کا کھوٹ، ہوائے نفس، پوشیدہ نافرمانیاں، دنیا کی محبت اور نہ جانے کیا کیا مصیبتیں ہوتی ہیں، مگر لوگوں کو وہ ایک پرہیزگار واعظ، داعی یا مدرس دِکھ رہا ہوتا ہے! ایک شخص نے عابد و زاہد تابعی مذعور بن طفیل رحمہ اللہ کی تعریف کی تو آسمان کی طرف دیکھ کر کہنے لگے : ”اے اللہ، تو مجھے جانتا ہے، یہ نہیں جانتا۔“

کبھی وہ اپنے آپ کو اس موم بتی کی طرح پاتا ہے جو اپنے ارد گرد تو روشنی کرتی ہے مگر خود جل جاتی ہے۔ شاید سید الواعظین ابن الجوزی رحمہ اللہ پر بھی کوئی ایسی کیفیت ہی گزری ہو گی جو انہوں نے ایک روز اپنے وعظ میں کہہ دیا : ”اگر تم جنت میں جاؤ اور مجھے وہاں نہ پاؤ تو میرے بارے میں اللہ سے پوچھنا اور کہنا : یا رب! تیرا فلاں بندہ ہمیں تیری یاد دلایا کرتا تھا ...“

کبھی وہ ان لوگوں کے اپنے حق میں صدقہ جاریہ ہونے پر غور کرتا ہے، ”الدال على الخير كفاعله“ کی بشارت سامنے رکھتا ہے، تو ایک لطیف سے احساس سے جھوم اٹھتا ہے، حتی کہ بسا اوقات اس کیلیے اس کا أرجى عمل (وہ عمل کہ اللہ کے ہاں جس کا مول پڑنے کی سب سے زیادہ امید ہو) ہی یہ ہو جاتا ہے کہ اللہ تعالیٰ نے بھٹکے ہؤوں کو اپنا دَر دکھلانے کیلیے اسے بھی ایک سبب بنا رکھا ہے!

....

اہل دل کی دِل آویز باتیں📔📚

19 مئی، 2026، 05:48 PM

میں نے بہت سے ایسے بزرگ مردوں اور عورتوں کو دیکھا ہے جن میں اللہ کی عبادت، اس کا خوف اور اس سے قربت کی ایسی تڑپ تھی جسے بیان کرنا ممکن نہیں، ان کی زبانیں اللہ کے ذکر اور دعا سے کبھی نہیں تھکتی تھیں، وہ رات کا زیادہ تر حصہ نمازِ تہجد اور تلاوتِ قرآن میں گزارتے تھے، اور عید کے فوراً بعد دوسرے ہی دن شوال کے چھ روزے رکھنا شروع کر دیتے تھے، ان میں سے اکثر پڑھنا لکھنا نہیں جانتے تھے، اس کے باوجود وہ اللہ کی کتاب حفظ کرنے کے لیے اپنی جان لڑا دیتے تھے، وہ صدقہ کرنے اور لوگوں کو نفع پہنچانے سے محبت کرتے تھے، بلکہ بعض تو اپنی جمع پونجی ہی اللہ کی راہ میں دے دیتے تھے، آپ انہیں جب بھی دیکھتے، عبادت اور اطاعت میں ہی پاتے۔
یہ وہ لوگ تھے جو نہ تو خبیث افکار سے آلودہ ہوئے، نہ فاسد عقائد سے، اور نہ ہی انہوں نے علم اور ٹیکنالوجی کے اس دھماکے کو دیکھا جس نے لوگوں کے اوقات ضائع کر دیے، انہیں فضول کاموں میں الجھا دیا اور شاید گناہوں میں دھکیل دیا، وہ سیاست، لوگوں کی درجہ بندی کرنے اور ان کی عزتوں کے پیچھے پڑنے میں مشغول نہیں ہوئے، انہوں نے جان لیا تھا کہ زندگی ایک ایسی فرصت ہے جس کا کوئی نعم البدل نہیں، لہٰذا وہ اس دنیا سے ہلکے پھلکے ہو کر رخصت ہوئے، انہوں نے کبھی کسی کو دکھ نہیں پہنچایا، آج زبانیں ان کی تعریف اور ان کے لیے دعاؤں سے تر ہیں۔ تو مبارک ہو ان کے لیے اور خوشخبری ہو ان کے لیے۔
پس ان ڈگریوں اور عہدوں کا کیا فائدہ اگر وہ اللہ کی اطاعت، اس کی رضا اور مسلمانوں کے نفع کے کام نہ آئیں؟
ہم اللہ سے دعا کرتے ہیں کہ وہ ہمارے، آپ کے اور تمام مسلمانوں کے مرحومین پر رحم فرمائے۔

— د. حسين الفيفي۔
انتخاب و ترجمہ : Umar Write's

2,090

اہل دل کی دِل آویز باتیں📔📚

4 مئی، 2026، 07:51 PM

"پیغامات خود ہمیں ٹھیک نہیں کرتے، وہ صرف ہمیں اچھا محسوس کراتے ہیں،
لیکن شفا تو اسی وقت ملتی ہے جب تم اس چیز کو چھوڑ دیتے ہو جو تمہیں تکلیف دے رہی ہے۔
تو اس چیز کو چھوڑ دو جو تمہیں نقصان پہنچاتی ہے، اور تم ہر صبح اچھے ہو جاؤ گے۔"

1,740

اہل دل کی دِل آویز باتیں📔📚

4 مئی، 2026، 07:51 PM

میرے دِل نے آپ کی کمی کو شِدّت سے محسوس کیا۔

بےشک جُدائی موت سے زیادہ سخت ہے۔

۲۱'۳'۲۰۲۶

2,290

اہل دل کی دِل آویز باتیں📔📚

4 مئی، 2026، 07:51 PM

pinned «”اے محرومِ عنایت بدنصیب!! تیری سکرین پر ننگے بدن دیکھنے کی رسیا آنکھیں مصحف کے پاکیزہ اوراق پر بھلا کیسے ٹِک پائیں گی؟! هيهات هيهات!!“»

اہل دل کی دِل آویز باتیں📔📚

30 اپریل، 2026، 01:53 PM

پارسائی کا زعم ...

اللہ کی طرف چلنے والے مسافر کو خیر کے مواسم میں سب سے خطرناک آفت جو آ سکتی ہے وہ عُجْب (خود پسندی) ہے۔ کیونکہ اللہ کی طرف جانے والی شاہراہ بہت زیادہ آباد نہیں ہوتی، اور خاص ہموار بھی نہیں ہوتی۔ وحشت اور مکارہ (طبیعت پر گراں گزرنے والے امور) سے بھرپور ہوتی ہے۔ انسان جب اس شاہراہ کے ارد گرد پگڈنڈیوں میں گرے پڑے اور سر گرداں لوگوں کی کثرت دیکھتا ہے، یا پیچھے مڑ کر ہمت ہار جانے والوں یا سست روی سے چلنے والوں کو دیکھتا ہے تو بسا اوقات برتری اور تیس مار خانی کے مرض میں مبتلا ہو جاتا ہے۔ پارسائی کا زعم اسے وہاں سے گراتا ہے جہاں سے پھر اٹھنا بہت مشکل ہوتا ہے!

اس مہلک مرض کا علاج مختلف امور میں ہے :

انسان کو یہ معلوم ہو کہ توفیق اور ہدایت محض اللہ کا فضل ہے۔ یہ اللہ تعالیٰ ہی ہے جو راہ دکھلاتا ہے، راہ پر چلاتا ہے، اور چلتے رہنے کا حوصلہ دیتا ہے۔ حدیث قدسی ہے: ”كلكم ضال إلا من هديته!“ تم سب گمراہ ہو سوائے جس کو میں راہ دکھلا دوں! ... بھلا فقیر کو مانگی تانگی کی چیز پر اکڑنا زیب دیتا ہے؟!

انسان یہ بات مت بھولے کہ اللہ تعالیٰ کے ہاں فیصلے دل کے احوال پر ہوتے ہیں۔ کوئی شخص اپنے اخلاص اور دل کی سلامتی کے ساتھ بڑے بڑے صائمین و قائمین سے آگے نکل سکتا ہے! بکر المزنی رحمہ اللہ نے ابوبکر رضی اللہ عنہ کے بارے میں فرمایا تھا : ”ما فاق أبو بكر أصحاب محمد ﷺ بصوم ولا بصلاة ولكن بشيء كان في قلبه“ ابوبکر باقی سب صحابہ سے نماز روزے کی وجہ سے آگے نہیں نکلے، بلکہ اس چیز کی وجہ سے آگے نکلے جو ان کے دل میں قرار پا چکی تھی!

انسان کو اللہ کے مکر سے بے خوف نہیں ہونا چاہیے۔ جب تک سانس چل رہی ہے کچھ معلوم نہیں عبودیت کا سفر کیا رُخ طے کر لے، فإن الحي لا تؤمن عليه الفتنة! حضرتِ انسان ایک ہی جست میں جنت کے بالشت بھر فاصلے سے جہنم کی کھائیوں کا سفر طے کرنے کی زبردست صلاحیت رکھتا ہے۔ سو اپنے بے ڈھنگے عملوں کا کیا مان اور کیسا بھرم!! اسے تو ان کی قبولیت کے بارے میں فکرمند اور ثبات و حسنِ خاتمہ کیلیے دعاگو رہنا چاہیے۔

انسان ان لوگوں کی طرف دیکھے جو اس شاہراہ پر اس سے پہلے گزرے ہیں، کہ وہ ان کے قدموں کی گرد کو بھی پہنچا ہے؟! حسن بصری جتنا عمل کر لیا ہے یا سفیان ثوری کے برابر آ گیا ہے؟! عبداللہ بن زبیر رضی اللہ عنہ جیسی نماز پڑھنے لگا ہے یا اماں عائشہ رضی اللہ عنہا سے بڑا صائم الدھر بن گیا ہے؟! وہ چیز کیا ہے اور اس کی اوقات کیا ہے؟ اتنے ناکارہ عمل کے ساتھ... اتنا پیچھے رہ جانے والا... کہ صالحین و مقربین کو وہ کوسوں دور ستاروں کی مانند چمکتا ہوا بھی دیکھ پائے تو بسا غنیمت ہے!

اہل دل کی دِل آویز باتیں📔📚

30 اپریل، 2026، 01:53 PM

pinned «اللّٰه کی طرف لوٹنے میں کبھی ہچکچاہٹ مت کرو، چاہے تم کتنے ہی گناہوں میں لت پت ہو جاؤ۔ وہ (اللّٰه) جس نے تمہیں گناہ کے سائے تلے بھی چھپائے رکھا، وہ توبہ کے سائے تلے ہرگز تمہیں رسوا نہیں کرے گا ۔»

اہل دل کی دِل آویز باتیں📔📚

30 اپریل، 2026، 01:53 PM

آپ ایک سو طلبۂ علم سے سوال کریں کہ تراویح بیس رکعت ہے یا گیارہ۔ نناوے فورًا جواب دیں گے، بلکہ بحث پر بھی آمادہ ہو جائیں گے۔ آپ انہی سے سوال کریں کہ کس نے مکمل رمضان امام کے ساتھ ساتھ مکمل تراویح اس طرح ادا کی ہیں کہ پورے قرآن مجید کا سماع کر لیا ہے تو شاید دس بھی بمشکل ہوں۔

آپ ایک سو حفاظ سے سوال کریں کہ تین دن سے کم میں قرآن مجید ختم کرنا کیسا ہے؟ نناوے آپ کو مسئلہ بتا دیں گے اور شاید دلیل بھی دیں۔ آپ انہی سے سوال کریں کہ رمضان جیسے فاضل مہینے میں ہر تین رات میں ایک دفعہ قرآن مجید ختم کرنے کا معمول کس کا ہے، تو پانچ بھی نہیں ہوں گے۔

آپ ایک سو واعظین سے سوال کریں کہ آخری عشرے کی راتوں میں دروس کا انعقاد کیسا ہے؟ سبھی بڑھ چڑھ کر جواب دیں گے۔ آپ انہی سے پوچھیں کہ کس نے ”أحيا ليله“ کے مصداق مکمل رات عبادت میں گزارنے کا تجربہ کیا ہے، تو تین چار بھی شاید ہی ہوں۔

اس نوعیت کی بہت ساری بحثوں کی وجہ شاید بے عملی ہے، اور ان کا حل علم سے زیادہ عمل میں ہے۔

حسن بصری رحمہ اللہ نے کچھ لوگوں کو مسجد میں بحث کرتے دیکھا۔ کچھ دیر ان کی گفتگو سنتے رہے، پھر فرمایا : ”بخدا یہ لوگ عبادت سے تھک چکے ہیں، ان کیلیے باتیں کرنا عمل کرنے سے زیادہ آسان ہے، اور خدا خوفی پہلے ہی کم ہے، سو بحثیں کرنے لگے ہوئے ہیں۔“ (الزهد لأحمد : ١٥٤٦)

والله أعلم بالصواب

2,000

اہل دل کی دِل آویز باتیں📔📚

18 اپریل، 2026، 03:12 PM

" مساجد میں نمازیوں کے چہروں کے قریب کیمرہ لے جا کر ان کے جذبات اور کیفیات کو منظرِ عام پر لانا ایک اذیت ناک جسارت ہے، بلکہ بندگانِ خدا کی خلوتِ عبادت میں مداخلت ہے،،
اور اس سے بھی بڑھ کر باعثِ تشویش یہ ہے کہ امام کے چہرے کے عین سامنے کیمرہ جما دیا جائے، تاکہ اس کے رخساروں پر ڈھلکتے آنسو سب کو دکھائے جائیں،،گویا خشوع و گریہ بھی نمائش کا سامان بن جائے،،
یاد رکھو! مقامِ اخلاص نہایت بلند اور نازک ہے۔
اے ائمۂ مساجد! اللہ سے ڈرو۔ نفس کمزور ہے، اور شیطان تاک میں رہتا ہے،،وہ دل کی باریک لغزش کو بھی شہرت اور ریا کی راہ بنا دیتا ہے "

شیخ عبداللہ الشھری

2,100

اہل دل کی دِل آویز باتیں📔📚

18 اپریل، 2026، 03:12 PM

غور کیجئے تو انسان کی زندگی اوراس کے احساسات کا بھی کچھ عجیب حال ہے،تین برس کی مدت ہو یا تین دن کی،مگر جب گزرنے پر آتی ہے تو گزر ہی جاتی ہے،گزرنے سے پہلے سوچئے تو حیرانی ہوتی ہے کہ یہ پہاڑ سی مدت کیونکر کٹے گی،گزرنے کے بعد سوچئے تو تعجب ہوتا ہے کہ جو کچھ گزرچکا ،وہ چند لمحوں سے زیادہ نہ تھا۔
(غبار خاطر،ص:۴۲)
ابولکلام آزاد

2,360

اہل دل کی دِل آویز باتیں📔📚

18 اپریل، 2026، 03:12 PM

”اے محرومِ عنایت بدنصیب!! تیری سکرین پر ننگے بدن دیکھنے کی رسیا آنکھیں مصحف کے پاکیزہ اوراق پر بھلا کیسے ٹِک پائیں گی؟! هيهات هيهات!!“

2,070

اہل دل کی دِل آویز باتیں📔📚

18 اپریل، 2026، 03:12 PM

ڈوپامین نیشن: ہم خوشی کے سمندر میں کیوں ڈوب رہے ہیں؟ 🌊📱
کیا ہم نے کبھی سوچا ہے کہ ہمارے اسلاف کی زندگی ہم سے کتنی مختلف تھی؟ وہ بے چارے سارا دن ایک بیری (Berry) ڈھونڈنے کے لیے شیروں سے بچتے پھرتے تھے اور اگر غار میں سوکھا ٹکرا مل جاتا تو جشن مناتے تھے۔ اسے ماہرین "کمی" (Scarcity) کا دور کہتے ہیں۔
لیکن آج ہم "فراوانی" (Abundance) کے اس سمندر میں غرق ہیں جہاں سب سے بڑا مسئلہ یہ ہے کہ نیٹ فلکس (Netflix) کی 5000 فلموں میں سے کون سی دیکھیں کہ کھانا ختم ہونے سے پہلے انتخاب مکمل ہو جائے۔ ہمارا دماغ اس تیزی سے بدلتی دنیا کے لیے ڈیزائن (Design) ہی نہیں ہوا تھا۔ ڈاکٹر اینا لیمبکے کہتی ہیں کہ "اسمارٹ فون (Smartphone) آج کے دور کی نشہ آور سوئی ہے" جو 24 گھنٹے ہماری توجہ کی رگوں میں ڈیجیٹل ڈوپامین انڈیل رہی ہے۔
ہماری حالت اس کیکٹس (Cactus) کی طرح ہے جسے کسی بارش والے جنگل (Rainforest) میں لا کھڑا کیا گیا ہو۔ کیکٹس کی فطرت پانی جمع کرنا ہے کیونکہ وہ صحرا کے لیے بنا تھا، لیکن بارش کے جنگل میں حد سے زیادہ پانی اس کی جڑوں کو گلا (Rotting) دیتا ہے۔ بالکل اسی طرح، لذت کے اس جنگل میں ہم سب کے دماغ بھی ڈوپامین کے سیلاب سے متاثر ہو رہے ہیں۔
ڈوپامین کیا ہے؟ (دماغ کی آفاقی کرنسی) 🧠💰
ڈوپامین (Dopamine) کے بارے میں سب سے بڑی غلط فہمی یہ ہے کہ یہ "لذت" کا مالیکیول ہے۔ دراصل یہ لذت کا نہیں بلکہ "ترغیب" (Motivation) کا مالیکیول ہے۔ یہ ہمیں صوفے سے اٹھا کر موبائل فون تک پہنچاتا ہے۔ یہ "حصول" سے زیادہ "تلاش" کا ایندھن ہے۔
دماغ اس معاملے میں بالکل اندھا ہے؛ اسے یہ تمیز نہیں کہ ڈوپامین کسی محنت والے کام سے آ رہا ہے یا محض اسکرین سکرولنگ (Scrolling) سے۔ جب کوئی چیز 1000 فیصد اچانک اضافہ (Spike) پیدا کرتی ہے تو وہ دماغ میں کسی ایٹمی دھماکے سے کم نہیں ہوتی۔ یہ ہماری بقا کی جبلت کو ہائی جیک (Hijack) کر لیتی ہے۔
لذت اور تکلیف کا ترازو ⚖️😈
دماغ کا ایک اٹل قانون ہے: توازن (Homeostasis)۔ اسے ایک ترازو سمجھیں۔ جب ہم کوئی لذت بخش کام کرتے ہیں تو ترازو لذت کی طرف جھک جاتا ہے۔ لیکن ہمارا دماغ فطرت کا کنجوس ہے، اسے یہ جھکاؤ پسند نہیں۔
یہیں ان گریملنز (Gremlins) یعنی بن بلائے چھوٹے شیطانوں کا داخلہ ہوتا ہے۔ جیسے ہی ہم لذت کی طرف جھکتے ہیں، یہ چھوٹے شیطان تکلیف والے پلڑے پر کودنا شروع کر دیتے ہیں تاکہ توازن بحال ہو۔ لیکن مسئلہ یہ ہے کہ یہ شیطان لذت ختم ہونے کے بعد بھی فوراً نہیں اترتے۔ یہی وجہ ہے کہ گھنٹوں سوشل میڈیا استعمال کرنے کے بعد ہم میں سے اکثر کو ایک عجیب سی بے چینی اور خالی پن محسوس ہوتا ہے۔
اگر ہم بار بار مصنوعی لذت حاصل کریں گے تو یہ شیطان وہیں ڈیرے ڈال لیں گے۔ اب ہمیں "نارمل" محسوس کرنے کے لیے بھی اس نشے یا عادت کی ضرورت پڑے گی کیونکہ ہمارا ترازو مستقل طور پر تکلیف کی طرف جھک چکا ہے۔
حل کیا ہے؟ (D. O. P. A. M. I. N. E. فریم ورک) 🛠️
اگر ہم محسوس کرتے ہیں کہ ہمارا دماغ ہائی جیک ہو چکا ہے، تو ہمیں ایک مکمل "ری سیٹ" (Reset) کی ضرورت ہے:
ڈیٹا (Data): ایمانداری سے دیکھیں کہ دن میں کتنے گھنٹے کہاں ضائع ہو رہے ہیں؟
مقاصد (Objectives): کیا ہم بوریت یا تنہائی سے بھاگنے کے لیے موبائل کا سہارا لے رہے ہیں؟
پرہیز (Abstinence): 30 دن کا قاعدہ۔ دماغ کی نیورو پلاسٹیسٹی (Neuroplasticity) کو ری سیٹ ہونے کے لیے کم از کم ایک مہینہ چاہیے۔
ذہن سازی (Mindfulness): جب تکلیف یا بوریت ہو، تو اس سے بھاگنے کے بجائے اسے محسوس کریں۔
اگلے اقدامات (Next Steps): مستقبل کے لیے حفاظتی دیواریں بنانا، جیسے موبائل کو دوسرے کمرے میں رکھنا۔
تکلیف کا جادو (Hormesis) ✨❄️
ترازو کو لذت کی طرف لانے کا سب سے پائیدار طریقہ یہ ہے کہ ہم جان بوجھ کر "تکلیف" والے پلڑے پر دباؤ ڈالیں۔ اسے سائنس میں ہارمیسیس (Hormesis) کہتے ہیں۔ ٹھنڈے پانی کا غسل یا سخت ورزش ایسی لذتیں ہیں جو ہم نے "کمائی" ہوتی ہیں، اس لیے دماغ ان کے بدلے میں ہمیں سزا نہیں دیتا بلکہ طویل مدتی سکون دیتا ہے۔
خلاصہ کلام 📝
ہمیں یہ سمجھنا ہوگا کہ لذت کے پیچھے اندھا دھند بھاگنا دراصل تکلیف کو دعوت دینا ہے۔ سچائی اور اعتدال ہی وہ راستے ہیں جو ہمیں اس ڈیجیٹل دلدل سے نکال سکتے ہیں۔ دنیا کی تلخیوں اور بوریت کے ساتھ "موجود" رہنا سیکھنا ہی اصل کامیابی ہے۔
توازن کی تلاش کوئی جادوئی چھڑی نہیں ہے، بلکہ یہ ایک ایک کر کے چراغ روشن کرنے کا نام ہے۔ جب ہم پیچھے مڑ کر دیکھیں گے، تو ہمیں احساس ہوگا کہ ہماری چھوٹی چھوٹی کوششوں سے پوری زندگی روشن ہو چکی ہے۔
کیا ہم آج سے 30 دن کے ڈوپامین ری سیٹ (Dopamine Reset) کے لیے تیار ہیں؟ کمنٹس میں اپنی رائے ضرور دیں۔
م

اہل دل کی دِل آویز باتیں📔📚

18 اپریل، 2026، 03:12 PM

دنیا میں خاموش آنسوؤں کا سب سے بڑا دریا "مرد نہیں رویا کرتے" کی اوٹ میں بہتا ہے۔

عبید فاخر

2,490

اہل دل کی دِل آویز باتیں📔📚

18 اپریل، 2026، 03:12 PM

ایک عام شخص آتا ہے، دن بھر محنت مزدوری کرنے والا، سادہ لوح۔ امام کے ساتھ عشاء پڑھتا ہے، پھر سنتیں پڑھتا ہے۔ پھر تراویح شروع کر دیتا ہے۔ اسے سمجھ آتی ہے یا نہیں مگر وہ آخر تک بڑے انہماک اور دلجمعی کے ساتھ امام کے ساتھ رہتا ہے۔ پھر وتر پڑھتا ہے، دعا میں اگر امام رو دے تو وہ بھی رو پڑتا ہے، باوجود اس کے کہ اسے خاص سمجھ نہیں آ رہی ہوتی۔ سلام پھیرنے کے بعد کچھ دیر حسبِ عادت دعا کیلیے ہاتھ اٹھاتا ہے، اور خاموشی سے واپس ہو لیتا ہے۔

ایک طالب علم آتا ہے، لوگوں کی اصلاح پر کمربستہ، امت کا بار کندھوں پر لادنے والا۔ بے دلی سے عشاء پڑھتا ہے، پھر سنتوں کے وقت بیٹھ جاتا ہے۔ تراویح کبھی آدھی پڑھ کر کھسک لیتا ہے، تو کبھی صفوں میں پیچھے جا بیٹھتا ہے، اور رکوع کے قریب آ ملتا ہے۔ یہ دو چار رکعتیں بھی وہ ایڑھیوں پر وزن کا توازن برابر کرنے میں گزار دیتا ہے۔ سلام پھرنے کے بعد وہ امام صاحب کے سر جا کر بیٹھ جاتا ہے، "آج تو مزہ آ گیا" کہتا ہے، گپیں مارتا ہے، قہوہ پیتا ہے اور واپسی کی راہ پکڑ لیتا ہے۔

وإلى الله ترجع الأمور!

2,600

اہل دل کی دِل آویز باتیں📔📚

18 اپریل، 2026، 03:12 PM

میرے نزدیک انسان کی بدبختی کا سبب یہ نہیں کہ وہ تنہا ہے،بلکہ یہ ہے کہ وہ ان لوگوں کے درمیان جیتا ہے جو نہ صرف اسے سمجھنے سے قاصر ہیں بلکہ ہمیشہ اس کی بات کی غلط تعبیر کرتے رہتے ہیں۔انسان کی محرومی کی حقیقی وجہ یہ نہیں کہ اسے کوئی ہم‌نشیں نہیں ملتا،بلکہ یہ ہے کہ اسے کوئی ایسا ہم‌نشیں نہیں ملتا جو اس کے مزاج، اس کے دکھ اور اس کے خوابوں سے ہم‌آہنگ ہو۔

سو اگر زندگی میں تمہیں کوئی ایسا شخص مل جائے جس کے سامنے تم اپنے دل کی بات بلا جھجک کہہ سکو اور وہ تمہیں سمجھنے میں خطا نہ کرے،تو یقین جانو، یہ زندگی کی سب سے بڑی نعمت ہےجو کسی انسان کو عطا ہو سکتی ہے۔

ـــ ڈاکٹر احمد خالد توفیق مصری ناول نگار
ترجمہ: اسد اللہ میر الحسنی
نشرِ مکرر

2,770

اہل دل کی دِل آویز باتیں📔📚

18 اپریل، 2026، 03:12 PM

اللّٰه کی طرف لوٹنے میں کبھی ہچکچاہٹ مت کرو، چاہے تم کتنے ہی گناہوں میں لت پت ہو جاؤ۔ وہ (اللّٰه) جس نے تمہیں گناہ کے سائے تلے بھی چھپائے رکھا، وہ توبہ کے سائے تلے ہرگز تمہیں رسوا نہیں کرے۔

2,840

اہل دل کی دِل آویز باتیں📔📚

9 اپریل، 2026، 09:54 PM

📷 Photo

"ہر انسان اپنے اندر ایک خاموش عدالت لیے پھرتا ہے، جہاں نہ کوئی گواہ ہوتا ہے، نہ کوئی منصف اور وہاں وہ خود ہی، تنہائی میں، اپنے آپ کو کڑی سزا سناتا ہے۔"

2,900

Showing 25 of 25 posts

No more posts

درجہ بندی

لاگ ان درکار ہے

صارف کے جائزے (0)

ابھی تک کوئی جائزے نہیں ہیں۔ پہلے بنیں اور اپنا تجربہ شیئر کریں!

اہل دل کی دِل آویز باتیں📔📚

اہل دل کی دِل آویز باتیں📔📚

درجہ بندی

سبسکرائبرز کی تعداد میں اضافہ (پچھلے 6 دنوں میں)

تازہ ترین پوسٹس

درجہ بندی

صارف کے جائزے (0)

متعلقہ ٹیلیگرام چینلز

Tzkera | تَذكِرة

د خوب تعبیر

اشعار ناب آئينے

اللهم دراستي ❤️

قارچ دارویی سیلوسایبین مجیک ماشروم

ميراث أهل السنة الأشاعرة

خواطر

چشم سوّم 👁 ارتباط با کائنات

متعلقہ ٹیلیگرام چینلز

Tzkera | تَذكِرة

د خوب تعبیر

اشعار ناب آئينے

اللهم دراستي ❤️

قارچ دارویی سیلوسایبین مجیک ماشروم

ميراث أهل السنة الأشاعرة

خواطر

چشم سوّم 👁 ارتباط با کائنات

تازہ ترین پوسٹس

صارف کے جائزے (0)