سەید عومەر : Said Omer

Public

Katılamıyor musunuz? @saidomer1

4.8k Üyeler

Güncellendi: August 29, 2026 at 10:25 PM

سەید عومەر : Said Omer

رَبِّ أَنْعَمْتَ فَزِدْ.

@saidomer1 is a growing community focused on Siyaset and related topics

Sıralama

Küresel Sıralama

#81393

-360

Dil Sıralaması

#734

-9

Kategori Sıralaması

#1391

-2

Üye Büyümesi (Son 15 Gün)

Toplam: 4.8K

24 saat büyümesi: +51 1%

Son Yazılar

سەید عومەر : Said Omer

24 Ağu 2026 12:23

ئینسانی باوکدار و خاوەن عیلم و فەزڵ، لەهەر ئاستێکدا بێت، بوار و کار و پیشەی کەس بە سووک و لاوەکی نابینێت، ئەگەر ڕۆژێک نانەوای گەڕەکەکە نەخۆش بێت، بە هەزار مەلا و دکتۆر و… شوێنی پڕ ناکرێتەوە.

تۆ ئەگەر فەقیهی عەللامەی زەمان و پڕۆفیسۆری ئەتۆمیش بیت، هێشتا لەهەزاران بواری تردا، نەزان و عەوامیت، ئەبێت مەمنون و سوپاسگوزاری پینەچییەکی دەستڕەنگین بیت، کە کارت ئاسان ئەکات.

پێنج ساڵە، لانی کەم پێنج هەزار مەسەلەی عیلیم خوێندووە، سەدان و هەزار لاپەڕەم نووسیوە، بەڵام ئێستاش فێرنەبووم مەعدەنووس و کەرەوز لێک جیابکەمەوە!
هەموو جارێک بەوپەڕی نەزانییەوە لەبەقاڵەکە ئەپرسم: کاکە ئەمە کەرەوزە؟
ئەویش بەوپەڕی ئەدەبەوە: نەوەڵا، مەعدەنووسە!
یەک جار بەڕاستی هەڵم نەگرت، دوێنێ نەبێت، ئەویش چونکە هەر کەرەوزیان هەبوو!
تەبعەن هەر پرسیارم کرد!

بەهەرحاڵ، تۆ هەرکێیت، هەرچیت، هەر تاکێک و پایەیەکی وەستان و بەردەوامی ژیان و کۆمەڵگایت، نە زیاتر.
ئەندازیار و کرێکارێک، تەواوکەری یەکن، بە بێ یەک، هیچ نین.

1,730

208

سەید عومەر : Said Omer

24 Ağu 2026 12:23

هەر عیلمێک، لەئەهلی خۆی وەربگرە، بەڵام وریابە، ئەهلی هەر عیلم و فەنێک، وا وەسف و وێنای عیلمەکەی خۆیان ئەکەن، کە باڵاترین و دەوڵەمەندترینە و زۆرترین کات و تەمەنی پێویستە!

1,700

188

سەید عومەر : Said Omer

24 Ağu 2026 12:23

📷 Photo

دوێنێ ڕۆشتم بۆ پێشانگای کتێبی کوردی، لەفامیلی مۆڵ، هێندە چۆڵ و کز بوو، ئەگەر لەژیاندا تەنها ئەو کێشەمان هەبووایە، ئەبوو چینێک بۆی بگرین!

بەڵام کاتێک ئێمە لەبنی هەڕەمی ماسلۆدا کەوتووین، لەپێویستییەکانی زیندوومانەوەدا کێشەمان هەیە، کەی باسی پلەی باڵایەتی!

1,870

215

سەید عومەر : Said Omer

24 Ağu 2026 12:23

📎 File

1,660

سەید عومەر : Said Omer

24 Ağu 2026 12:23

📷 Photo

قەدیمەن عولەمای عامیلین، لەگەڵ ئەوەی خەتمی ساڵانەی شیفایان هەبوو، لەم مانگەدا، خەتمێکی تایبەتیشیان ئەکرد، تەنانەت کەسانێک هەبوون، هەموو کاریان خوێندنەوەى شیفا بوو، چونکە وەقفی تایبەت بە شیفا هەبوو!

ئەگەر خەتمی ئەسڵەکەشمان پێ ناکرێت، کەم نییە لەخزمەت ئەم موختەسەڕەیدا بین، کە بە نزیکەیی چواریەکی ئەسڵەکەیە.

2,060

135

سەید عومەر : Said Omer

24 Ağu 2026 12:23

کاری ئێمە، لەهەموو کایەکاندا چەقی بەستووە، نوێگەری پێ ناکرێت، چارەی پێ نییە، چونکە لەباشترین حاڵەتدا، پێمان وایە: پڕۆژەکەمان پێویستی بە چاکسازییە. بەڵام بوێری ئەوەمان نییە، کە بڵێین: ئەم پڕۆژە، لەئەساسەوە فەشەلی هێناوە، پیربووە، کۆتایی هاتووە!

ئەوەشی ئەو دەنگە هەڵبڕێت، هەرکەس لەئاستی خۆیەوە، بۆ ڕازیکردنی سەرووی خۆی و بەردەوامی بەرژەوەندییەکەی، دەیان تۆمەت بۆ خاوەنی هەڵەبەستێت و کپ ئەکرێت!

3,850

143

سەید عومەر : Said Omer

24 Ağu 2026 12:23

سەرقاڵی و ماندوێتی، خۆی لەخۆیدا هیچ فەزیلەتێکی نییە، بەڵکو سەنگی مەحەک ئەوەیە: سەرقاڵی چیت؟ بە چییەوە ماندوویت؟ پاڵنەرت چییە و بەرهەمی مەژغەڵەتەکەت چی ئەبێت؟

ئەوانەی بەس دائەنیشن و ئەخەون، لەهەزاریشدا یەک نین.
لەڕاستیدا هەموومان سەرقاڵین، بەڵام کەمترینمان سەرقاڵی کارێکن، کە بە نەکردنی، شتێکمان لەکیس بچێت، لەبەرامبەر واجبێکدا کەمتەرخەم بین، یان بەرهەمێکی ببینین.

کێ هەیە، بیانووی سەرقاڵیی نەبێت؟ ڕاستیش ئەکەین، بەڵام سەدا نەوەدی سەرقاڵییەکانمان، قابیلی دەستبەرداربوون و جێ پڕکردنەوەیە بە ئەرک و کایەی بەردار.

1,950

172

سەید عومەر : Said Omer

24 Ağu 2026 12:23

ئاساییە مرۆڤ بەشێک لەحەسوودی هەبێت، نائاساییە کە هەوڵی چارەی نەدات!

ئێمە وابیرئەکەینەوە، زیانی حەسوودی، بۆ بەرامبەرە، بۆیە بەزەییمان بە بەرامبەردا دێتەوە! لەکاتێدا حەسوودی خاوەنەکەی خۆی ئەسووتێنێت.

بۆیە ئەبێت بۆ ئارامی خۆمان و وەک خزمەتی دڵ و دەروونمان، حەسوودیمان بکوژین و چارەی بکەین.

2,010

203

سەید عومەر : Said Omer

24 Ağu 2026 12:23

قورس نییە، خۆت لەسەنگی مەحەک بدەیت، بزانە و ببینە: ستەم و گومڕایی، بێزار و توڕەیە لەعیلم و فیکرەکەت، یان نا؟ سەرئێشەیان بۆ دروست ئەکات؟! حیکمەت و سنگفراوانیت، لەگەڵ ئەو خەڵکەدایە، یان ئەڕژێتە کاسەی ستەمکار و خۆتت لەگەڵدا گونجاندون؟!

عولەمای بە حەق و حیکمەت، عوزر بۆ ئەعمالی عەوام ئەهێننەوە و دەرچە بۆ تەفسیق و تەبدیع و تەکفیر نەکردنیان ئەدۆزنەوە. بەڵام لەبەرامبەردا، لەگەڵ سەڵاتیندا توندن.

ئەمما عولەما(مەجازەن)ی سەڵاتین، بەسەر عەوامدا ئەنەڕێنن و عوزر بۆ سوڵتە ئەهێننەوە!

2,060

127

سەید عومەر : Said Omer

24 Ağu 2026 12:23

📷 Photo

ئیمامی شافیعی ئەیفەرموو: هیچ کەسێک بەسەر هەموو عەرەبیدا زاڵ نابێت و شارەزای نابێت، مەگەر پێغەمبەرێک!

ئەئیمەی نەحو، وێنەی خەلیل و ئەخفەش و کیسائی، ئەیانفەرموو: عەرەبی هێندە فراوانە، خەریکە بڵێین: هەرچۆن بوترێت، هەر هەڵە نییە و وەجهی هەیە!
یان ئەوەی شارەزای کەلامی عەرەب بێت، لەحن و هەڵە ناداتە پاڵ کەس!

زۆر جار لەئیعڕابی ئایەتێکدا، جگە لەوەی ئەیخوێنمەوە، یەک-دوو ئیعڕابی تریشم بە خەیاڵدا دێت، کە ئەگەڕێمەوە خزمەت ئەم مەوسوعە بێ وێنە، ئەبینم هەمووی ڕاستە و وتراوە، بگرە ڕەنگە دوو ئیعرابی تریشی هەبێت!

2,160

176

سەید عومەر : Said Omer

22 May 2026 12:42

🎥 Video

شێخ زەکی داغستانی، میراتگری ڕەسەنی خوێندنی حیجازە.

جەنابیان لەسعودییە، وەک عەبدولباستن لەمیسڕ، هەموان لەسەر دەنگی گۆشبوون، لەڕادیۆوە.
ساڵانێکی زۆرە، لەڕێگای کەناڵی مەککەوە ناسیومە و خۆشەویستی چووەتە دڵم، چێژێکی جیاواز لەدەنگی ئەبینم.

1,420

158

سەید عومەر : Said Omer

22 May 2026 12:42

لەعولومی شەرعیدا، کۆمەڵە یاسا و مامەڵەیەکی خودایی هەیە، چونکە عیلمەکە ئەدرێتە پاڵ خوای موتەعال، تەقریبەن پێی تایبەتە.

کاتێک بۆ هیدایەت و بەرزی خۆت ئەخوێنیت و هەرواش بەردەوام ئەبیت، ئەبێتە هۆکاری بەرزی و هیدایەتی خۆت و چواردەور و کۆمەڵگاش.
بە پێچەوانەوە، لەسەرەتاوە، یان ناوەڕاست، کە ئامانجت ململانێ و شکاندنی خەڵک بوو، وەک کەس سوودت لێ نابینێت، خۆشت ئەشکێنێت…

1,770

188

سەید عومەر : Said Omer

22 May 2026 12:42

مودەڕڕیس، ئەگەر زانا بێت و جڵەوی زانست و بابەتەکەی گرتبێت، هەرچەند قورس بێت، ئەتوانێت ئاسانی بکات و قوتابی تێبگەیەنێت.

ئەو مامۆستایەی بانگەشەی داخراوی بابەتەکە و مەحاڵی تێگەشتنی ئەکات، دەرگای لەخۆی نەکراوەتەوە.

ئەو زانستەی زۆر لات قورسە و لێی تێناگەیت، دڵنیابە لەئەهلی خۆیت نەبیستووە.

1,640

189

سەید عومەر : Said Omer

22 May 2026 12:42

ئیمامی ئیبن وەردی، خاوەنی گرنگترین نەزم لەمەزهەبی ئیمامی شافیعیدا، کە (بهجة الحاوي)ـە، ئەفەرموێت: ساڵی (٧١٥) لەمزگەوتی (القصاعین) لەدیمەشق، بە خزمەتی شەیخولئیسلام ئیبنو تەیمییە گەشتم، هەندێکم لەبارەی فیقهـ و تەفسیر و نەحووەوە عەرزکرد لەخزمەتیدا، قسەکانمی لا سەرنجڕاکێش بوو، ئینجا ماچی ناوچاومی کرد، کە ئومێدم زۆرە بە بەرەکەتی.
شەوێک لای مامەوە، ئەحواڵی سەیر و خۆشەویستی و ڕێزی زۆریم دی بۆ زانایان، لەپشتییەوە نوێژی تەراویحم کرد، خوشوع و سۆزێکی عەجیبم لەنوێژ و خوێندنیدا دی، کە تەواوی دڵی کەمەندکێش ئەکرد.

لەوەفاتیشیدا شیعرێکی بۆ نووسی، کە مەشهورە بە (الطائیة).

1,740

149

سەید عومەر : Said Omer

22 May 2026 12:42

کە لەمێژوو و تایبەتمەندی ڕۆژهەڵاتناسان ورد ئەبیتەوە، بە کەسانێکی گەمژەی بێ ئیشی سەرلێشێواویان ئەزانیت، لەسەر شتی وا پڕوپوج نووسیویانە، کاغەزەکەی بدەیت بە پاقلەفرۆش، سوودی زیاترە!

بەڵام دواتر دەرکەوت نەخێر، هەر ئەو نووسین و چاودێرییە وردانە، لەبەزانابوون لەئەزهەرەوە بە کافری، هەتا باسی جۆری خواردنەکانی فڵانە شار و گوند، بەجۆرێک بوو بە ماددەیەکی خامی ئامادە بۆ دەوڵەتەکانیان، کە هاتن بۆ داگیرکردن و بەشکردنی خاکی ئوممەتی ئیسلامی، وەک ئەوەبوو سەد ساڵ بێت لەگەڵ ئەو خەڵکە و لەو خاکەدا ژیابن، هێندە زانابوون و توانییان هۆکارەکانی پەرتتربوون بقۆزنەوە!

1,580

130

سەید عومەر : Said Omer

22 May 2026 12:42

دەرگایەکی خێرت بۆ کراوەتەوە، بەوەی زانستێک و عیبادەتێک و کارێکی خێرت پێ ئەکرێت و بۆت ئاسانە، لەدەستی مەدە و بیقۆزەرەوە، تەنانەت مەیگۆڕەوە بە باشتریش، ئەگەر لێی دڵنیا نیت.

زۆر کەم هەڵەکەوێت، کەسێک ئەهلی عیلم و شەونوێژ و ڕۆژوو و خەیر و سەدەقە و دەعوە و… بێت، بەڵکو بە زۆری هەر یەک-دوو دەرگای بۆ ئەکرێتەوە، دەست بە دەرگاکەتەوە بگرە.

ئەوەی بۆ تۆ ئاسانە، بۆ کەسانێک زۆر قورسە.

کە سەرەتای یوتیوب و بڵاوکردنەوەی توراسی زانایان بوو، ئەموت: ئیتر هەموو کەسێک ئەبێت بە عالم!
بەڵام دواتر دیتم، بۆ زۆرێک لەکرێکاری قورستر، دانیشتنە بە دیار عولومەوە، لەبەردەم سپلیتدا!

1,890

205

سەید عومەر : Said Omer

22 May 2026 12:42

ئەوانەی بانگەشەی وەستاندنی بەرەنگاری ستەمکاران و قۆرخکاران ئەکەن، بە بیانووی زۆرپێشکەوتوویی ئەوان و شکستی ئێمە، پێ بزانن، یان نا، ئاو ئەکەنە ئاشی دوژمنەوە.

لەمە خراپتر ئەوەیە، بە مەرجی بگریت، جارێ سەرەتا ئێمە (F45) دروست بکەین، ئینجا بڵێین: یەڵڵا!

هەرگیز ئەمە لەسونەنی نەسڕی ئیلاهی و تەدافوعی نێوان حەق و باتڵ نەبووە.

1,480

123

سەید عومەر : Said Omer

22 May 2026 12:42

ڕووداوە گەورەکانی مێژوو، بۆ زۆرینەی هاوزەمانی، وەک ڕووداوگەلێکی سادە و ئاسایی دەرکەوتوون، بەڵام کاتێک لەدواتردا، لەسیاقی مێژوویەکی چەند سەد ساڵەدا لێک دراونەتەوە، ئەبینیت شتی زۆر بچووک، سەرەتای گۆڕانکاری گەورە بووە.

ڕەنگە بە ڕووداوێکی زۆر ئاسایی بزانیت، بەڵام ئەزانیت: وا ئەمریکا لەئۆکرانیا پشتی لەئەوروپا کرد و ئەوروپاش لەکۆتا جەنگی ئەمریکادا، پشتی لەئەمریکا کرد؟!

ئەم ڕووداوەی کە زۆر بە ئاسایی گرتووتە و یەکەمین سەردێڕی هیچ هەواڵێکیش نییە، لەڕاستیدا لەگۆڕانە گەورەکانی تاریخە و مێژووی پێ ئەگۆڕێت.

ئەڵبەت قسەمان لەگەڵ کەسانێک نییە، کە وا ئەزانن هەموو عالەم بە دەست دە کەسەوەیە و لەدوورگەیەکن، هیتلەر و سەدام و قەزافی و جەماعەتیش زیندوون و هاکا هاتنەوە!

1,650

114

سەید عومەر : Said Omer

22 May 2026 12:42

لەپاش سۆز و بەزەی ئیلاهی، گەورەترین پشتی بێ کەسان و مەزڵومان، تەکنۆلۆژیای سەردەمە، بەڵێ سەردەمێک تەواو قۆرخکرابوو، یان ئەوەی بە هەژار و وڵات و دانیشتووانی جیهانی سێیەم ئەگات، یەک لەسەر هەزاری بنچینەی لای زلهێزانە، بەڵام هێشتاش هەر گەورەترین پشت و ئامرازە و موعجیزەی پێ ئەهێنرێتە بوون.

پێش بیست ساڵ و لەدەمی ئیحتیلالی ئەفغانستان و عێراقدا، بە خەیاڵی کێدا ئەهات، ڕۆژگارێک بێت، ئەمریکا و ئیسڕائیلی زڕکوڕی زۆڵەکی، ئاوا بەدەست شارێکی وەک غەززە و وڵاتێکی هەژاری ڕووخاوی دواکەوتووی وەک ئێرانەوە، ئیحراج و زەلیل بکرێن!

تەبعەن لێرەدا قسە لەبەستەزمانی ئێران نییە، بەڵکو دەستی لەملیۆنان خوێنی مسوڵماناندایە، قسە لەکاریگەری تەکنۆلۆژیایەکی سادە و سەرەتایی هەرزانی وەک بەیرقدار و درۆنەکانی ئۆکرانیایە، لەبەرامبەر پڕۆژە ملیارییەکانی وەک (F35) و (Su57)!

بەکاریگەری تەکنۆلۆژیا و ژیری دەستکرد، ئەو گۆڕانکارییە سیاسییانەی لەڕابردوودا بە سەد ساڵ ڕووی ئەدا، لەئێستادا چەند ساڵێکی کەمی بەسە!

بۆیە لێرەوە زیاتر دڵنیا ئەبیتەوە، هەستانەوە و فەلاحی بەرەی ڕاست و ئەهلی ئیسلام، نە خەونێکی شاعیرانەیە، نە مەحکومە بەوەی کە ئێمە لەتەکنۆلۆژیادا پێش ڕۆژئاوا بکەوین!

1,670

136

سەید عومەر : Said Omer

22 May 2026 12:42

📷 Photo

734

152

سەید عومەر : Said Omer

8 May 2026 01:46

ئەگەر تەمەنی نوح(علیە السّلام) و ماڵی قاڕوونم هەبێت، دەقەیەک و دینارێکی، لەبابەتی دروستکردنی هەیبەت و کەسایەتی و کاریگەریدا سەرف ناکەم.
ئاوا ڕێ بکە و ئاوا دابنیشە و نان بخۆ و دەستت بجوڵێنەوە!

هەیبەت و قەبوڵ، خوا ئەیدات، بە توڕەیی و مۆنی و وشەی باق و بریق و خۆ بچووکردنەوە نییە.
ئەسڵەن با هەر نەبێت، کێشە چییە؟!

کابرایەک هاتە خزمەت پێغەمبەری خوا(دروودی خوای لێ بێت)، گیانی کەوتە لەرزین!
خۆشەویست(دروودی خوای لێ بێت) پێی فەرموو: ئارام بە ئەی پیاو، خۆ من پاشا نیم، من کوڕی ئافرەتێکم، کە گۆشتی وشککراوەی ئەخوارد!

1,480

213

سەید عومەر : Said Omer

8 May 2026 01:46

کارێکی باش ئەکەیت، ڕووخۆشیت و لەگەڵ دۆستانت سوعبەت و قسەی خۆشت هەیە.
چەند خاڵێکت عەرز ئەکەم:

- قسەخۆشی، لەسەر قسەی ناشرین و بازاڕی نەوەستاوە، لەمەجلیسی ئەهلی عیلمدا، ئەوپەڕی قسەی خۆش و پێکەنین هەیە، بە بێ قسەی بەرز و نزم و ناشرین.

- هەوڵبدە، ئەگەر ویستیشت قسەخۆش بیت، زۆر قسە و بەسەرهات مەگێڕەوە، نەکا بە خراپ بەسەرتدا بشکێتەوە و تۆمەتێکت بدرێتە پاڵ، زاتەن زۆرینە تاقەتی زۆر گوێگرتنیان نەماوە، بۆیە مەجالی خەڵک بدە.

- خۆشترین قسە و سوعبەت، ئەوەیە کە لەسەر سروشتی خۆت بۆت دێت، نەک نوکتە و قسەی چەند بارە، ئەسڵەن مرۆڤ کە خۆشمەشرەب بێت، ئەتوانێت لەمەجلیسی دۆستاندا، لەوپەڕی جدییەتدا، جێی قسەی خۆش و پێکەنین بکاتەوە.
بە کورتی: خۆت بە.

1,550

229

سەید عومەر : Said Omer

8 May 2026 01:46

هەموو عولوم بخوێنە، بەڵام لات ئاسایی بێت، ئەگەر دەرگای هەندێکت لێ نەکرایەوە، یان دەرگای یەک عیلمت لێ کرایەوە.
ئەئیممەی کیبار هەن، کە لەهەندێک عیلمدا بە زەعیف وەسف کراون!

ئەڵبەت: زەعیفی ئەوان، عالمی ئێستایە!
والله المستعان.

1,630

176

سەید عومەر : Said Omer

8 May 2026 01:46

بە کەمی عیلم و هەنگاوی بچوک و کتێبی بچوک ڕازیبە، دوور نییە خوای گەورە، زۆر و گەورە و زیادیشیت پێ عەتتا بکات، بە مەرجی بەردەوامی.
زۆرن ئەوانەی پەلاماری هەموو فونون ئەدەن و ئامانج و پلانی قەبە دائەنێن و دەستیان لەهیچەوە دەرەچێت!

ڕێگای ئەلفییە و جەمعولجەوامیع و مینهاج و بوخاری و ….
بە عەوامیل و وەڕەقات و ئەبی شوجاع و ئەڕبەعین دەست پێ ئەکات.

1,720

194

سەید عومەر : Said Omer

8 May 2026 01:46

بزانە کە هەمیشە، نووسراوی زانایانی ئەندەلوس، تام و بۆنێکی جیاوازی هەیە…

بنواڕە:
تەفسیری قوڕتوبی.
تەفسیری ئیبن جوزەی.
ئیستیزکاری ئیبن عەبدلبەڕ.
موحەللای ئیبن حەزم.
بیدایەتولموجتەهیدی ئیبن ڕوشد.
موافەقاتی شاتیبی.
دەیانی تر…

1,660

168

سەید عومەر : Said Omer

8 May 2026 01:46

لەئەدەبییاتدا، ژانەرێک و تایپێک نووسین هەیە، پێی ئەوترێت: ئەدەبی زیندان!
عادەتەن ڕۆمان و بیرەوەری زیندانییانە.
بەڵام شتێکمان نییە، لەسەر ئەدەبی زیندانیوانان[سەججان]، هەرکاتیش پرسیاریان لێ ئەکرێت، ئەڵێن: ئێمە فەرمانمان جێبەجێکردووە، یان ئەوانە خۆفرۆش و تاوانبار بوون…

بەڵام ئەبینیت نەخێر، بەڵکو ئەوپەڕی چێژی لێ ئەبینێت و ئالوودەی سادیزمە!

وەک موتابەعە و خوێندنەوەی لاوەکی، زۆر ئاگاداری زیندانەکانی سۆڤیەت و یابانی ئیمپڕاتۆریەت و ئەڵمانیای نازی و ئەمریکا و بەعس و ئەوەم، بەڵام هەرگیز لەمرۆڤایەتیدا نەبووە، سەختتر و پیستر و قێزەونتر و وەحشیانەتر، لەسجنەکانی بەعسی سوریا و زیندانییەوانانی عەلەوی!

ڕۆژانە ڤیدیۆی نوێی ساڵانی ڕابردوو بڵاوئەکرێتەوە و زیندووئەکرێتەوە، هەرچەند ئامۆژگاری کەس ناکەم، سەیریان بکات، بەڵام بەڕاستی مرۆڤ و ئەو نیزامەی لێوە ئەناسیت!

ئەتوانیت وێنای ئەمە بکەیت: ئافرەت، بەو ناسکی و هەستیارییەوە، لەسەر جەنازەی زیندانی وەستاوە، سزای جەستەی ئەدات و سوکایەتی و پێکەنین!
ئافرەت!

بەڵام لەئەدەبی سوجوندا، یاسایەکی سەرەکییە: تۆ لەسەروو مرۆڤبوونەوەیت، زیندانیش خواری مرۆڤ، هیچ هەست و شوعور و عەقڵی نییە!
بۆیە زۆرێک لەسەججانە دیارەکانی بەعسی سوری، بانگەشەی خوایەتیان کردووە!

1,620

115

سەید عومەر : Said Omer

8 May 2026 01:46

📷 Photo

1,410

سەید عومەر : Said Omer

8 May 2026 01:46

نەسخی ئەحکام، لای جەنابی مەلای گەورە(رفع الله قدره في الدارين).

ئەگەر بە تەنها، تەماشای ئایەتی (١٠٦)ی سورەتی بەقەڕە بکەین، ڕەنگە وا تێبگەین، جەنابیان نەفی نەسخی ئەحکام ئەکەن، (ولو) ئەفەرموون: ئێرە جێی نییە.
بەڵام کە بنواڕینە ئایەتی (١٠١)ی سورەتی نەحل، بە ڕوونی بۆچوون و مەزهەبی ئەبینین، کە ئیسباتی ئەکات و زۆریش دەلیلی عەقڵی لەسەر دێنێتەوە.

دەقی تەفسیری هەرتک ئایەتەکەتان بۆ دائەنێم، لە(خوڵاسەی تەفسیری مەلای گەورە)وە.

ئایەتی (١٠٦)ی سورەتی بەقەڕە:

جه‌نابی كیبریائی، قودره‌تی هه‌یه‌، (بناءً عليه) ئه‌فه‌رموێت: ﴿مَا نَنسَخۡ مِنۡ ءَايَةٍ أَوۡ نُنسِهَا﴾ هه‌ر ئایه‌تێك، هه‌ر خاریقه‌یه‌ك‌، كه‌ ئیزاله‌ی بكه‌ین، یان له‌فیكری خه‌ڵقی ببه‌ینه‌وه‌، وه‌ك ئه‌و پێغه‌مبه‌رانه‌ی، كه‌ ناو و نیشانیان نه‌ماوه‌ ﴿نَأۡتِ بِخَيۡرٖ مِّنۡهَآ﴾ له‌وی چاكتر و عه‌جایبتر ئه‌هێنین، ئه‌گه‌ر بزانین مه‌نفه‌عه‌تی هه‌یه ‌﴿أَوۡ مِثۡلِهَآۗ﴾ یان(علی الأقل) ئیتیان به‌ میسلی ئه‌كه‌ین.

كه‌وابێت، وه‌ك موجه‌ددیدی میسڕی[موحه‌ممه‌د عه‌بده‌] ئه‌فه‌رموێت: مه‌قسه‌د له‌م ئایه‌ته‌، موعجیزه‌یه‌، نه‌ك ئایه‌تی ئه‌حكام.
بۆیه‌ جه‌نابی حه‌ق ئه‌فه‌رموێت: ﴿أَلَمۡ تَعۡلَمۡ﴾ ئه‌ی تاڵیبی ڕه‌شاد، ئایا تۆ نازانیت ﴿أَنَّ ٱللَّهَ عَلَىٰ كُلِّ شَيۡءٖ قَدِيرٌ(١٠٦)﴾ هه‌رچشتێك بێت، موعتاد و غه‌یره‌ موعتاد، مادام له‌دائیره‌ی ئیمكاندا بێت، مه‌قدوری خودایه‌؟ ئه‌گه‌ر مه‌قسه‌د له‌ئایه‌تی حوكم بوایه‌، ئه‌یفه‌رموو: (ألم تعلمْ أنَّ اللهَ علیمٌ حكیم). یان چشتێكی ئه‌وها، كه‌ موناسیبی نه‌سخی ئه‌حكامی شه‌رعی بێت.
حه‌قیقه‌ته‌ن ئێره‌ جێی نه‌سخ نییه‌، بۆیه‌ باز به‌ ته‌ئكید ئه‌فه‌رموێت: ﴿أَلَمۡ تَعۡلَمۡ أَنَّ ٱللَّهَ لَهُۥ مُلۡكُ ٱلسَّمَٰوَٰتِ وَٱلۡأَرۡضِۗ﴾ كه‌وابێت، عادیلی موتڵه‌ق، مالیكی مولك، (علی الإطلاق) له‌ئیتیان به‌ خه‌واریق، عاجیز نییه‌ و، ئایاتی ئه‌و، كه‌ له‌مولكی سه‌ماوات و ئه‌رزدایه‌، ئه‌گه‌ر به‌ فیكر ته‌ماشای بكه‌ن، به‌ هه‌زار ده‌ره‌جه‌ له‌فه‌وقی خه‌واریقه ‌﴿وَمَا لَكُم مِّن دُونِ ٱللَّهِ مِن وَلِيّٖ وَلَا نَصِيرٍ(١٠٧)﴾ به‌ غه‌یری خودا، كه‌س یار و نه‌سیڕی ئێوه‌ نییه.‌

ئایەتی (١٠١)ی سورەتی نەحل:

﴿وَإِذَا بَدَّلۡنَآ ءَايَةٗ مَّكَانَ ءَايَةٖ﴾ ده‌یكه‌نه‌ موجیبی ته‌عن! ئه‌و ته‌بدیله‌، له‌ته‌ڕه‌ف خوایه ﴿وَٱللَّهُ أَعۡلَمُ بِمَا يُنَزِّلُ﴾‌‌ له‌غه‌فڵه‌ت نییه ‌﴿قَالُوٓاْ﴾ كه‌فه‌ڕه‌. مومكینه‌ ئه‌گه‌ر موشریكه‌كان وابڵێن، ئیلقائاتی ئه‌حباری یه‌هودی بێت. ﴿إِنَّمَآ أَنتَ مُفۡتَرِۢۚ﴾ ئیفتیڕا ده‌كه‌یت، ده‌ڵێیت ئی خوایه‌، كه‌لیمه‌ی خوا ته‌به‌ددولی نابێت! ﴿بَلۡ أَكۡثَرُهُمۡ لَا يَعۡلَمُونَ(١٠١)﴾ كه‌سێک ئه‌هلی عیلم بێت، ته‌ماشای كائینات بكات، حوكم به‌ نه‌سخ، به‌ڵكو به‌ وجودی نه‌سخ ده‌كات، خاسه‌ته‌ن كه‌سێک ئیمانی هه‌بێت، خالیقی ته‌بیعه‌ت و وازیعی شه‌ریعه‌ت یه‌كه‌، مه‌جبوره‌ن ده‌ڵێت: مادام نه‌سخ له‌عاله‌می كه‌وندا هه‌بێت، ده‌بێت له‌عاله‌می شه‌رعیشدا ببێت.

ئینسان له‌ده‌وری منداڵی، تا ده‌گاته‌ كه‌ماڵ، چه‌ند ئه‌تواڕێک ده‌گۆڕێت، ئه‌حكامیشی به‌و گوێره‌یه‌ ده‌گۆڕێت، ئه‌گه‌ر به‌گوێره‌ی حه‌ڕه‌كاتی منداڵی بكات، زۆر ناشرینه‌، لۆمه‌ی ده‌كرێت. فوسوڵ ته‌به‌ددول ده‌كات، حوكم چۆن ته‌به‌ددول ناكات؟ ئیقلیم موخته‌لەفن، چۆن ئه‌حكامی هه‌موان وه‌ك یه‌ك ده‌بێت؟ ئه‌وائیلی ته‌علیم و ئه‌واسیت و ئه‌واخیری، چۆن وه‌ك یه‌ك ده‌بن؟

عمر

سەید عومەر : Said Omer

8 May 2026 01:46

زانا و بیرمەند، ئەوە نییە کە هەموو شتێکی خوێندووەتەوە، بۆیە ئەیزانێت!
بەڵکو بناغەیەکی عیلمی و سەقافی وای هەیە، زۆر شت نەبیستوویەتی، نە خوێندوویەتی، بەڵام زۆر ورد و عیلمییانەش لێی ئەدوێت!

خوێنەر، هەمیشە ئەڵێت: فڵان ئەڵێت و فیسار وتی!
ئەما زانا و بیرمەند، خۆی خاوەنی زۆربەی قسەکانیەتی، بناغە عیلمی و مەعریفییەکەی، دەوڵەمەندی کردووە لەهەژاری لەبەردەم زانست و زانیاری ئەوانی تردا، لەهەموو باسێکدا.

1,490

146

سەید عومەر : Said Omer

8 May 2026 01:46

📷 Photo

لەم ڕێگەدا، تۆ بۆت نییە و ناتوانیت دوای حەزت بکەویت، مافی بازبازنێنی نێوان کتێبانت نییە، ڕێگایەکی ڕوونت هەیە و (بسم الله).

کتێبم هەیە، باشترین و بەرزترین کتێبی عیلمێکە، بەڵام پێنج ساڵە دەستم بەری نەکەوتووە، کتێبیشم هەیە، کتێبێکی ئاسایی عیلمێکە، بەڵام پێویست بووە لەمانگێکدا پێنج جار خەتمی بکەم.

1,500

156

Showing 30 of 60 posts

Derecelendirme

Giriş yapılması gerekli

Kullanıcı Yorumları (0)

Henüz yorum yok. Deneyiminizi ilk paylaşan siz olun!

İlgili Telegram Kanalları

Loading recommended channels...

سەید عومەر : Said Omer

سەید عومەر : Said Omer

Sıralama

Üye Büyümesi (Son 15 Gün)

Son Yazılar

Derecelendirme

Kullanıcı Yorumları (0)

İlgili Telegram Kanalları

yoklm🔅

SRP | THWIP | VOICE

Pola security

TULPAR

Azerbaycan_Mahnıları😍

Qizingiz yozdi...

SIYOSIY FANLAR AKADEMIYASI

"Xalqaro munosabatlar" kafedrasi

İlgili Telegram Kanalları

yoklm🔅

SRP | THWIP | VOICE

Pola security

TULPAR

Azerbaycan_Mahnıları😍

Qizingiz yozdi...

SIYOSIY FANLAR AKADEMIYASI

"Xalqaro munosabatlar" kafedrasi

Son Yazılar

Kullanıcı Yorumları (0)