Talaba do'stimga | Dr. Alisher Umirdinov

Talaba do'stimga | Dr. Alisher Umirdinov

Public

Kanalı Görüntüle

Katılamıyor musunuz? @talaba_dostimga

0

2.9k Üyeler

Güncellendi: May 8, 2026 at 3:16 AM

Talaba do'stimga | Dr. Alisher Umirdinov

Nagoya Universiteti Oliy huquq fakulteti Professori - Umirdinov Alisher Isoqjonovich "Talaba do'stimga tavsiyalar" kanali; Murojat uchun: [email protected] Telegram kanal - @aumirdinov

@talaba_dostimga is a dedicated channel for professori and isoqjonovich with regular updates in Tıp

Sıralama

Küresel Sıralama

#456

+2

Dil Sıralaması

#45

+1

Kategori Sıralaması

#23

-1

Üye Büyümesi (Son 3 Gün)

Toplam: 2.9K

24 saat büyümesi: +0 0%

Loading...

Derecelendirme

Giriş yapılması gerekli

Loading...

Loading recommended channels...

Son Yazılar

Talaba do'stimga | Dr. Alisher Umirdinov

7 May 2026 00:24

SIAI qulmuridlari❗️

AI ning zamonaviy qullikni keltirib chiqarayotganligi borasida bahslar bor. Meni xavotirga solgani esa,

- Nima qilasan o'zingni qiynab, AI (jipiti)dan so'ra, yozib beradi;
- U zamonlar o'tib ketdi, endi hammasini internet yozadi, ahmoqlik qilma...

kabi yoshlarni ilmiy izlanish va yangi g'oyalardan sovutuvchi bir guruh 'ziyolilarimizdir'.

To'g'ri, AI da kuch kattalashib, u tobora aqlli bo'lib boryapti. Ammo, g'oya ishlab chiqish, datani tahlillash va undan o'ziga saboqlar olish va eng muhimi, turli sohalardagi prognozlash (kelajakni tusmol qilish) borasida hali ham AI juda orqada.

Ammo, bizni ajoyib 'ziyolilar' gapidan qolmayapti. Talabalarning bir qismiga ham bu moyday yoqyapti, nega yoqmasinki?!

Bunda xavf shundaki, yosh tadqiqotchilar izlanmay qo'yadi. AI qo'ygan chegaradan tashqariga chiqa olmay qoladi. Natijada AIga qul holiga keladi. U bergan ma'lumotlargagina tayanadi, chunki yoshlarni sovutishgan va bu yoshlar o'zini qiynab uzun maqola va hisobotlarni o'qishni istamaydi.

Bizda AI ni sun'iy intellekt o'laroq 'SI' deyish an'anaga kiribdi. Men shu SI va inglizchadagi AI ni qo'shib, yangi so'z tuzdim: SIAI qulmuridlari. Uni talaffuz qilish ham oson.

Hurmatli kanalim a'zolari (bunga yoshu qari hamma kiradi): SIAIga qul bo'lmaylik, uni chetiga chiqaylik, doimo oshib o'taylik va o'zimiz ustimizda ishlab, doimo uzun-uzun matnli kitob-jurnal, maqolalarni kuzatish va mutolaa qilishdan chekinmaylik. Shunda biz SIAIga qullikdan saqlanib qolamiz. Bu bizni hur millat o'laroq yetishib, erkin qolishimizni ham taminlaydi.

https://youtube.com/@alisherumirdinov4942?si=_aWRx06NbRb4w37v  |  https://www.facebook.com/share/1Gp1jrjXCS/  |    |  https://x.com/AUmirdinov  |  https://www.instagram.com/alisher_umirdinov

2,530

44

0

Talaba do'stimga | Dr. Alisher Umirdinov

7 May 2026 00:24

Qo‘shimcha xorijiy til o‘rganish ishtiyoqi

Xudoga shukur, bir necha tilni bilaman. Ammo tilini bilmaydigan mamlakatga borganimda, odamlarni tushuna olmaslik meni baribir qiynaydi. Masalan, Koreya, Germaniya, ispan tilida so‘zlashiladigan davlatlar yoki Xitoyga borganda shunday holatni his qilaman. Ana shunday paytlarda ichimda birdaniga yangi til o‘rganishga kuchli ishtiyoq uyg‘onadi — vaqt ajratib, darhol boshlagim keladi.

Lekin rus, ingliz, yapon va o‘zbek tillarini bilish imkoniga ega ekanim, eng muhimi esa, shu tillardagi juda katta hajmdagi ilmiy manbalarni hali yetarli darajada egallab ulgurmayotganim meni to‘xtatib turadi.

Ichimdagi bir ovoz doimo shunday deydi: “Alisher, endi yuzaki, gorizontal kengayishdan ko‘ra, vertikal chuqurlashish vaqti keldi. Yangi til o‘rganishni biroz chetga qo‘y, bor bilimlaring bilan chuqurroq sho'ng'i.”

Ish yukim tobora ortib borayotgani va vaqtim cheklanganini hisobga olsam, bu fikr ancha asosli ko‘rinadi. Nazarimda, endi mavjud til ko‘nikmalarim orqali yanada chuqurroq “sho‘ng‘ish” vaqti keldi.

Siz nima deysiz: ko‘p xorijiy til bilish muhimroqmi yoki 1–2 ta asosiy jahon tiliga tayangan holda ularning ichidagi adabiyotlarni chuqur o‘zlashtirish ma’qulmi?

2,320

56

Talaba do'stimga | Dr. Alisher Umirdinov

7 May 2026 00:24

📷 Photo

Darding bormi, baqirib yig'layver. Albatta dardkash (hamdard) topiladi.

https://youtube.com/@alisherumirdinov4942?si=_aWRx06NbRb4w37v  |  https://www.facebook.com/share/1Gp1jrjXCS/  |    |  https://x.com/AUmirdinov  |  https://www.instagram.com/alisher_umirdinov

Talaba do'stimga | Dr. Alisher Umirdinov

7 May 2026 00:24

📷 Photo

Yu Koizumi [Zamonaviy urush nazariyasi〜Ukraina urushi nuqtasidan dunyo kelajagiga nazar〜]

Hozirgina tugatdim. Ertaga uning taqrizi bilan bo'lashaman. Hozircha, kitob ohirida muallifning kitob haqida yozganlari menga jiddiy ta'sir qildi.

https://youtube.com/@alisherumirdinov4942?si=_aWRx06NbRb4w37v  |  https://www.facebook.com/share/1Gp1jrjXCS/  |    |  https://x.com/AUmirdinov  |  https://www.instagram.com/alisher_umirdinov

Talaba do'stimga | Dr. Alisher Umirdinov

7 May 2026 00:24

Yu Koizumi shunday yozadi, kitobi ohirida....

Har qanday kitob bo‘lmasin, uni boshidan yozib chiqish juda katta mashaqqat talab qiladi. O‘ylab yozasan, qo‘ling to‘xtab, yana o‘yga botasan, manbalarni ko‘rib ozgina yozasan-da, yana qiynalasan.　Sevimli narsam (elektr sigaret)ni ko‘proq iste’mol qila boshlaganim va uyga kech qaytishim ko‘paygani sababli, ayolimning qovog‘i solinadi.　Stress ortishi bilan ko‘z-qovog‘im titray boshlaydi.　Yozuvchi uchun “kitob yozish” degani aynan shunday ma’noni anglatsa-da, shu jarayonlar ichida ham aynan ushbu kitob meni juda qattiq qiynadi.

Oxirida esa Elena haqida aytmasdan o‘ta olmayman. Ushbu kitob uning ona vatani — Rossiyaning agressiyasini qalamga olgani bois, ayolim erining qilayotgan ishiga nisbatan qalbida o‘zgacha tuyg‘ular paydo bo‘lgan bo‘lsa kerak, deb o‘ylayman. Shunga qaramay, u kechgacha kitob ustida ishlayotgan eriga doimo mehr va tushunish bilan qaradi. Ayolimning ertalab va kechqurun men uchun tayyorlab bergan issiq qahvalari ushbu asarni yozib tugatishimda menga katta kuch bag‘ishladi.
Nima bo‘lishidan qat’i nazar, davlatlar ham, ularning urushlari ham bizning tinch va osoyishta oilaviy hayotimizni izdan chiqara olmadi.

Buning isboti sifatida ushbu asarimni ayolim Elena ga bag‘ishlayman.

2025-yil noyabr.

https://youtube.com/@alisherumirdinov4942?si=_aWRx06NbRb4w37v  |  https://www.facebook.com/share/1Gp1jrjXCS/  |    |  https://x.com/AUmirdinov  |  https://www.instagram.com/alisher_umirdinov

Talaba do'stimga | Dr. Alisher Umirdinov

7 May 2026 00:24

Oraliq va yakuniy imtihonlardan baho olish

Baho olish talaba uchun, baho qo‘yish esa ustozlar uchun doimo stressga boy ish bo‘lgan. Bu hozir ham shunday.

Jahondagi umumiy tendensiya shuni ko‘rsatadiki, universitetlar keyingi yillarda talabalarga tobora balandroq baho qo‘yishga o‘tishmoqda. Bu degani — talabalar sifati ortdi degani emas, shunchaki mijoz hisoblangan talabalarni ushlab qolish va ularni xursand qilish uchun baholar ko‘tarilmoqda. Ammo, bu qisman sun’iy harakat hisoblanadi.

O‘xshash holatni O‘zbekistonda ham kuzatish mumkin: talabaning yiqilmasligi, o‘zining seminari bo‘lganligi, yozgi o‘qishlarga qolib ketmasligi, bosh og‘rig‘i bo‘lgan apellyatsiya bermasligi va xullas, shu kabi vajlar tufayli yurtimiz professor-o‘qituvchilari ham talabalarga balandroq baho qo‘yishga o‘tishgan.

Tirishqoq talabalarni taqdirlash nuqtai nazaridan bu yomon emas, ammo bu tendensiya butun oliy ta’lim tizimiga yuqsa, bu jiddiy muammoga aylanadi. Bizning universitetlardan baho olgan talabalar chetga chiqqanida, garchi baland GPA bilan chiqishsa-da, ko‘p o‘tmay, qozon suvdan ko‘tariladi va hammasi oshkor bo‘ladi.

Ammo, talaba o‘zi olgan bahosidan qoniqmasa-chi?

・Adolatsizlikni sezsa, buni shikoyat qilgani yaxshi. Ammo, bunda o‘zi ham imtihon talablarini qay darajada bajarganini inobatga olishi lozim.

・Keyingi imtihonlarga qattiq tayyorgarlik ko‘rsin, o‘zini isbotlasin. Ustozlarning aksariyati tirishqoqligini sezgan talabasiga aslo past baho qo‘ymaydi.

・Eng muhimi, agar talaba yaxshi baho — a’lo bahoni ko‘zlasa, bunga dars boshidan harakat qilib, har bir darsga iloji boricha faol qatnashishi, boshqa ishlarga unnamasligi, savol-javobda faollik ko‘rsatishi, qo‘shimcha materiallarni o‘qib boshqalardan farqli natijani o‘rtaga qo‘yishi va ustozidan baland baho olmoqchiligini, shuning uchun ham imtihonga qanday tayyorgarlik ko‘rsa eng yaxshi bo‘lishini OLDINDAN (imtihon kuni yoki baholash kunida emas!) samimiy tarzda so‘rab olishi lozim.

https://youtube.com/@alisherumirdinov4942?si=_aWRx06NbRb4w37v  |  https://www.facebook.com/share/1Gp1jrjXCS/  |    |  https://x.com/AUmirdinov  |  https://www.instagram.com/alisher_umirdinov

Talaba do'stimga | Dr. Alisher Umirdinov

7 May 2026 00:24

📷 Photo

Bu fikrga nima deysiz?

1,580

79

Talaba do'stimga | Dr. Alisher Umirdinov

7 May 2026 00:24

📷 Photo

O'tgan hafta Yaponiyani Nagoya universiteti Oliy huquq maktabida Qahramon aka Quronboyev boshliq Mahallalar uyushmasi va Vazirlar Mahkamasi hodimlari bilan doira suhbati bo'ldi.

O'zbekiston hukumatidagilarning prezentatsiya skillari ancha o'sgan, tayyorlangan materiallar saviyasi ham chakki emas.

Yaponlar ham Mahalla institutiga qiziqib quyidagi savollarni yog'dirib tashlashdi:
・Davlat siyosatiga mahalla institutining ta'siri qay darajada?
・O'zbekistonda islom an'ananlari qayta tiklanib kuchaymoqda deyishyapti. Bunda davlat va jamiyat orasidagi ko'prik sifatida mahalla qanday rol o'ynaydi?
・Mahalla instituti o'zi davlat organimi yoki haqiqatan ham fuqarolarning o'zini o'zi boshqarish tashkilotlarimi?

Bir paytni o'zida 2 tilda moderatorlik qilish insonni haqiqatan ham pishiradi. Bu imkoniyat sizga berilsa, aslo qochirmang.


https://youtube.com/@alisherumirdinov4942?si=_aWRx06NbRb4w37v  |  https://www.facebook.com/share/1Gp1jrjXCS/  |    |  https://x.com/AUmirdinov  |  https://www.instagram.com/alisher_umirdinov

Talaba do'stimga | Dr. Alisher Umirdinov

7 May 2026 00:24

Hokkaido universiteti Slavic markazi professori, taniqli olim Uyama Tomohiko 19-aprel kuni Facebook sahifasida quyidagicha post qoldiribdi. Qiyosiy tahlili menga qiziq tuyuldi.

**

Bugun Rossiyada “1941–1945 yillardagi Buyuk Vatan urushi davrida natsistlar va ularning hamkorlari tomonidan sovet xalqlariga nisbatan amalga oshirilgan genotsid qurbonlarini xotirlash kuni” deb nomlangan yangi xotira kuni joriy etilibdi.

SSSR hududida natsist Germaniyasi tomonidan yahudiylar va boshqalarning qirg‘in qilinishi bilan urush natijasida halok bo‘lgan ruslar va boshqa xalqlar talofotini birlashtirib, barchasini “genotsid” deb atash noto‘g‘ri. Nemis-sovet urushida juda ko‘p qurbonlar bo‘lishiga, bir tomondan, Germaniya bilan hujum qilmaslik shartnomasini tuzib, urushga tayyorgarlikni sust olib borgan, urush boshlanganidan keyin esa inson hayotini yetarli darajada qadrlamagan tarzda jang olib borgan Stalin boshchiligidagi sovet rahbariyati ham ma’lum darajada javobgar. Agar ommaviy qirg‘inlar genotsid deb ataladigan bo‘lsa, unda Stalin tomonidan sovet xalqlariga nisbatan amalga oshirilgan siyosatni ham genotsid deb baholash mumkin, degan e’tirozlar ham ko‘p.

Biroq eng qo‘rqinchlisi shundaki, ayni paytda urush olib borib, ukrain xalqi va o‘z askarlarini ommaviy ravishda halok qilayotgan davlat o‘zini tarixan jabrlangan tomon sifatida ko‘rsatishga urinmoqda. O‘z qurbonlik tajribasini alohida va muqaddas qilib ko‘rsatish hamda hozir o‘zi keltirib chiqarayotgan zo‘ravonlik qurbonlariga nisbatan befarqlikning qo‘shilib ketishi urush propagandasida tez-tez uchraydigan holat. Ammo bugungi dunyoda bu holat ayniqsa Isroil va Rossiyada yaqqol ko‘zga tashlanadi, deyish mumkin.

*****

https://youtube.com/@alisherumirdinov4942?si=_aWRx06NbRb4w37v  |  https://www.facebook.com/share/1Gp1jrjXCS/  |    |  https://x.com/AUmirdinov  |  https://www.instagram.com/alisher_umirdinov

Talaba do'stimga | Dr. Alisher Umirdinov

7 May 2026 00:24

🇰🇷 Janubiy Koreyada magistratura va doktorantura o‘qishni istovchilar uchun yangi imkoniyat!

Hurmatli talabgorlar va Koreyada ta’lim olishni rejalashtirayotgan yoshlar,
Yeungnam University 2026-o‘quv yilidan boshlab KOICA Professional Human Resources Development Program dasturini yangi tarzda yo‘lga qo‘ymoqda. Shu munosabat bilan dastur doirasida yangi talabalar qabuli boshlangan

Ushbu dastur hozirda tashkiliy va ma’muriy tizimi shakllantirilayotgan bosqichda bo‘lsa-da, universitet tomonidan qabul jarayoni bo‘yicha dastlabki rasmiy e’lon berildi. Qabul 2026-yil 13-apreldan boshlangan bo‘lib, talabalar quyidagi yo‘nalishlar bo‘yicha saralanadi:

🎓 Qabul yo‘nalishlari

Information and Communication Engineering
Mechanical Engineering

📌 Muhim jihati shundaki, bu qabul umumiy graduate school admission jarayonidan alohida tarzda olib boriladi.

Bu dastur ilk bor amalga oshirilayotgani sababli, universitet nisbatan moslashuvchan hujjat topshirish va saralash shartlari asosida iqtidorli nomzodlarni tanlashni rejalashtirmoqda. Shu sababli xorijdan, ayniqsa KOICA hamkor mamlakatlaridan bo‘lgan talabalar uchun bu juda yaxshi imkoniyat bo‘lishi kutilmoqda.

🌍 Dasturda qatnashishi mumkin bo‘lgan davlatlar:

* Nepal
* Mongoliya
* Myanma
* Bangladesh
* Vetnam
* Shri-Lanka
* O‘zbekiston
* Misr
* Hindiston
* Indoneziya
* Kambodja
* Pokiston
* Filippin

Jami: 13 ta davlat

📄 Muhim eslatma
Dasturga topshirishni istagan nomzodlar rasmiy admission guideline (qabul nizomi va talablar) bilan albatta tanishib chiqishlari kerak. Barcha batafsil shartlar va kerakli hujjatlar universitetning rasmiy sahifalarida e’lon qilingan.

📞 Agar sizda dastur bo‘yicha aniq savollar bo‘lsa, to‘g‘ridan-to‘g‘ri tegishli bo‘limlarga murojaat qilishingiz tavsiya etiladi:

### 🔧 Mechanical Engineering

* Website: http://megrad.yu.ac.kr/
* Email: [[email protected]](mail to :[email protected])
* Tel: +82-53-810-2440

### 💻 Information and Communication Engineering

* Website: http://ice.yu.ac.kr/ice/grad/graduate-lab.do
* Email: [[email protected]](mail to :[email protected])
* Tel: +82-53-810-3295

🔗 KOICA Professional Human Resources Development Program rasmiy sayti:
http://koica.yu.ac.kr/

📣 Agar sizning oila a’zolaringiz, qarindoshlaringiz, do‘stlaringiz yoki tanishlaringiz orasida Koreyada o‘qishga qiziqayotganlar bo‘lsa, ushbu imkoniyatni ularga ham albatta ulashing.

Bu — Janubiy Koreyada sifatli ta’lim olish, yangi tajriba orttirish va kelajak uchun mustahkam akademik hamda professional yo‘l boshlash uchun yaxshi imkoniyat.

Showing 10 of 10 posts

No more posts