Мирзо Кенжабек ижодхонаси

Public

Просмотреть канал

Не можете присоединиться? @m_kenjabek

5.2k Участники

Обновлено: May 15, 2026 at 3:56 PM

Мирзо Кенжабек ижодхонаси

Ўзбекистон Ислом цивилизацияси маркази бўлим бошлиғи, шайх ва шоир устоз Мирзо Кенжабек (Мирзо Аҳмад Хушназар Термизий)нинг ижодхонаси. ЎЗАНДАН МАЪЛУМОТЛАР ОЛИНГАНДА МАНБА КЎРСАТИШ ЛОЗИМ!

@m_kenjabek is a dedicated channel for Религия with regular updates in Религия

Рейтинг

Глобальный рейтинг

#456

Рейтинг по языку

#45

Рейтинг по категории

#23

-1

Рост участников (Сегодня)

Всего: 5.2K

Последние посты

Мирзо Кенжабек ижодхонаси

22 мая 2026 г., 20:03

* * *

ИСААК ЛЕВИТАННИНГ
ТОВУШСИЗ АЙТГАН СЎЗЛАРИ
(Константин Паустовскийнинг “Исаак Левитан”
қиссасини ўқиб)

Кўз тикиб табиат овозларига,
Яшадим мунгларни қоғозга тизиб.
Лекин бу дунёнинг бор бўзларига
Менинг ўз умримни бўлмайди чизиб.

Сочдим қоғозларга фасллар рангин,
Мавжланиб кўринди баҳорлар кўзга.
Бироқ манзаралар не учун ғамгин?
Нега баҳорларим ўхшайди кузга?

Борлиқ жилмаярми суратда, ахир,
Агар жилмаймаса мусаввир ўзи?
Мусаввир – борлиқнинг унсиз тилидир,
Борлиқ – мусаввирнинг айтажак сўзи:

Хазонлар – ғурбатда тўкилган умр,
Тиниққан дарёлар – сўник бир ҳавас.
Мен кузни севардим, севардим ахир,
Куз – видо олдидан олинган нафас!

Товушсиз бир куйга солдим-у уни,
Лекин инкор қилди мени табиат.
Шу сабаб титроқдир қайинзор уни,
Ва шундан нурларда паришон шиддат.

Ватаним — Русия, бемеҳр она,
Қувғин бир шайдоман, беқадр, бебурд.
Аммо кўп юртларни кезиб, ягона
Виждоним юрт бўлди, эътиқодим – юрт!

Энди кузларингда яшайдирман мен,
Энди кўзларингда яшайдирман мен.
Энди дунёларни қўйгил, дафъатан
Англадим: бўлса ҳам нечоғ бағри кенг,
Сарсонлик ҳеч кимга бўлолмас Ватан[1].

1978
Небит Тоғ
(Туркманистон)

Мирзо Кенжабек


[1] Константин Георгиевич Паустовский – машҳур рус ёзувчиси. 1892 йил 19-май куни туғилиб, 1968 йилда вафот этган.

“Орест Кипренский”деган қиссаси, машҳур манзаралар мусаввири ҳақида ҳикоя қилгувчи “Исаак Левитан”, ёзувчилик меҳнатининг гўзал моҳияти ҳақидаги “Золотая роза” (“Олтин атиргул”) каби асарлари бор. Умри охирида “Повесть о жизни” (“Ҳаёт қиссаси”) номли кенг кўламли саргузашт асар устида ишлаган.

(Камина адибнинг “Исаак Левитан” деган китобини 1978 йилда Туркманистоннинг Небиттоғ туманида офицерлик ҳарбий ўқувида бўлган вақтимизда ҳарбий қисм кутубхонасидан олиб ўқиган эдим... Бу шеър кайфияти ўшанда туғилган.)


| https://t.me/xojagon_uz
•┈┈• ❀ 🌷☘️🌷 ❀ •┈┈•

2,070

Мирзо Кенжабек ижодхонаси

22 мая 2026 г., 20:03

* * *

ҲАЗРАТИ ЯҲЁ ИБН МАЪОЗИ РОЗИЙ
қуддиса сирруҳу ҳикматларидан

•┈❁✿❁┈•

Сен Ҳақни нақадар севсанг, халқ сени шу қадар севар. Сен Ҳақдан на қадар қўрқсанг, халқ сендан шу қадар қўрқар.

* * *
Кимки Аллоҳ билан бой бўлса, у доим бойдир. Кимки касб-кори билангина бой бўлса, у доим камбағалдир.

* * *
Мўъмин, умид ва қўрқув (хавф ва ражо) орасида икки арслон орасидаги тулкидек бўлмоғи лозим.

* * *
Ўйламай сўйлаган охирида пушаймон бўлур, ўйлаб, андиша билан сўйлаган саломат бўлур.

* * *
Насуҳ тавбасининг нишони учтадир: 1 – оз емоқ (рўза учун); 2 – оз ухламоқ (ибодат учун); 3 – оз демоқ (Ҳақ зикри учун).

* * *
Муҳаббат нишони улдурки, яхшиликдан кеккаймас, жафодан эгилмас.

* * *
Илоҳи! Амал туфайли Сен учун Сендан қўрқарман; фазлинг сабабли Сендан умид этарман. Фазлингни мендан дариғ тутма, ёмон амалим туфайли менга итоб айламаки, мен айбдорман...


Шайх Фаридуддин Аттор ҳазратларининг
"Тазкират ул-авлиё" асаридан.
Форс тилидан Устоз Мирзо Кенжабек таржимаси.


| https://t.me/xojagon_uz
•┈┈• ❀ 🌷☘️🌷 ❀ •┈┈•

2,310

Мирзо Кенжабек ижодхонаси

22 мая 2026 г., 20:03

ТЎРТЛИКЛАР
(Болалар олами)

* * *
Болалар новдадан отчалар қилар,
Ҳар гўзал ишни шул соддалар қилар.
Болалар дўстига хиёнат этмас,
Не разил иш бўлса, катталар қилар...

* * *
Бемор жон хислатга ёр деб ўйлайман,
Дунё кенг, кўнглимиз тор деб ўйлайман.
Чанг-тупроқ, лойдаги болалар ичра
Бўлажак буюклар бор деб ўйлайман...

* * *
Комил бўл, хуш эмас чала бўлганинг,
Хушдир маърифатга тўла бўлганинг.
Эй дўст, болаларни уришаверма,
Эсингдан чиқдими бола бўлганинг?!.

* * *
Нечун болаларга тарафдор бўлдим?
Беғубор хилқатга нечун ёр бўлдим?
Чунки кўп соғиндим поклик фаслини,
Ғаддор катталардан кўп безор бўлдим!..

2025.

Мирзо Кенжабек


| https://t.me/xojagon_uz
•┈┈• ❀ 🌷☘️🌷 ❀ •┈┈•

2,070

Мирзо Кенжабек ижодхонаси

22 мая 2026 г., 20:03

* * *

БИЗ КИМЛАРНИНГ АВЛОДИМИЗ?

•┈❁✿❁┈•

Биз – кейинги насллар Имом Бухорий, Абу Мансур ал-Мотуридий, Имом ат-Термизий, Бурҳонуддин Марғиноний авлодларимиз, дея мақтанишни биламиз! Лекин уларнинг бирор-бир асарларидаги ахлоқий-ақидавий ҳукмлардан хабаримиз борми? Ҳазрати Бурҳонуддин Марғинонийнинг жаҳонга машҳур “Ҳидоя” китобида никоҳ ва талоқнинг ҳукмлари муфассал баён қилинган.

Ҳар бир ижодкор ўз миллатининг маънавий манбаъларини ўрганиши, асар ёзганда ўша маънавий ҳукмлар доирасида амал қилиши зарур. Абдулла Қодирий диний ҳукмларда хатога йўл қўймаслиги учун неча-нечалаб дин арбоблари билан суҳбатлар қилгани адиб ҳақидаги хотиралар ва унинг романларидан маълум. Мустамлака даврида ўтган бир авлод вакиллари диний-маънавий илмларни ўрганишдан маҳрум эдилар. Истиқлол даври қаламкашлари учун эса ҳеч қандай узр йўқ. Қуръони карим, ҳадиси шариф, эътиқод ва одоб илмларини ўрганиш учун ҳозир ҳамма шароитлар мавжуд.

Китобхон дегани сиз билан биз билган ўқувчилардан иборат эмас. Юртимизда, чет элларда илму маърифатдан, эътиқод илмидан хабардор минг-минглаб билимли ўзбек китобхонлари бор. Қалам аҳли ўз асари билан китобхон олдида ўзини хижолатга қўймаслиги керак.

Устоз Мирзо Кенжабек,
"Ёшларга дил сўзларим" китобидан.

| https://t.me/xojagon_uz
•┈┈• ❀ 🌷☘️🌷 ❀ •┈┈•

2,040

Мирзо Кенжабек ижодхонаси

22 мая 2026 г., 20:03

*   *   *
Ассалому алайкум ва раҳматуллоҳи ва барокатуҳ!

БУГУН:
Чоршанба.
Ҳижрий 1447 йил.
Зулҳижжа ойининг 3-куни.
Милодий 2026 йил
20-май.

Ё Раббимиз! Ушбу кунни бизлар учун ва бутун дунё инсонлари учун хайрли қил!
Юртимизга ва дунёга доимий тинчликни ато эт!


| https://t.me/xojagon_uz
•┈┈• ❀ 🌷☘️🌷 ❀ •┈┈•

2,030

Мирзо Кенжабек ижодхонаси

22 мая 2026 г., 20:03

* * *
ҲАЗРАТИ ШАЙХ ЖЎНАЙД БАҒДОДИЙ
қуддиса сирруҳу ҳикматларидан

•┈❁✿❁┈•

Дарвиш улдирким, ер каби бўлгай, устига супуринди тўксалар, сабр -таҳаммул этгай ва барча яхшиликларни унда кўргай.

* * *
Сўфи улдирки, соф - холис бўлгай:
Ҳақ таолодан бошқасидан узулмоқ билан ва нафсига тилакларини бермаслик билан! Ва яна кўнгли худди Иброҳим Халилуллоҳ кўнглидек дунё дўстлигидан салим бўлгай; таслимияти худди Исмоил алайҳиссаломнинг таслимиятидек бўлгай; ғуссаси худди Довуд алайҳиссаломнинг ғуссасидек бўлгай; сабри худди Айюб алайҳиссаломнинг сабридек бўлгай; фақри худди Ийсо алайҳиссаломнинг фақридек бўлгай; шавқи худди Муҳаммад Мустафо соллаллоҳу алайҳи ва салламнинг шавқидек бўлгай.

* * *
Футувват (жавонмардлик) Шомда, фасоҳат Ироқда, сидқ Хуросондадир.
Бу манзилда йўлдан оздиргувчилар кўп. Йўл бошида хатарли: 1.Макр. 2.Қаҳр. 3.Лутф - тузоқлари бор ва буларнинг ниҳояси - охири йўқдир.

* * *
Банда билан Ҳақ таоло ўртасида тўрт денгиз бор; уларни кечиб ўтмагунча Унга етишиб бўлмас:
1. Дунё. Унинг кемаси зуҳддир.
2. Халқ. Унинг кемаси узлатдир.
3. Иблис. Унинг кемаси душманлиги бўлиб, ундан сақланмоқ керак.
4. Нафс. У ёмонликни буюрувчи, ҳавога учувчидир. Эр улдирким ўз нафсини мағлуб этгай.


Шайх Фаридуддин Аттор ҳазратларининг
"Тазкират ул-авлиё" асаридан.
Форс тилидан Устоз Мирзо Кенжабек таржимаси.


| https://t.me/xojagon_uz
•┈┈• ❀ 🌷☘️🌷 ❀ •┈┈•

1,690

Мирзо Кенжабек ижодхонаси

22 мая 2026 г., 20:03

📷 Photo

* * *

«РАББИМ! ШАФҚАТИНГГА СИҒИНДИМ ТАҒИН...»

•┈❁✿❁┈•

Раббим! Шафқатингга сиғиндим тағин,
Билурсан, нафс ишин, ҳолин, равнақин.
Биз феълан узоқмиз Сендан, Сен эса
Бизга жон томирдан яқинсан, яқин!..

Қоф, 16.


Мирзо Кенжабек

| https://t.me/xojagon_uz
•┈┈• ❀ 🌷☘️🌷 ❀ •┈┈•

4,330

Мирзо Кенжабек ижодхонаси

22 мая 2026 г., 20:03

*   *   *
Ассалому алайкум ва раҳматуллоҳи ва барокатуҳ!

БУГУН:
Сешанба.
Ҳижрий 1447 йил.
Зулҳижжа ойининг 2-куни.
Милодий 2026 йил
19-май.

Ё Раббимиз! Ушбу кунни бизлар учун ва бутун дунё инсонлари учун хайрли қил!
Юртимизга ва дунёга доимий тинчликни ато эт!


| https://t.me/xojagon_uz
•┈┈• ❀ 🌷☘️🌷 ❀ •┈┈•

1,740

Мирзо Кенжабек ижодхонаси

22 мая 2026 г., 20:03

📷 Photo

* * *

«РАББИМ! СЕНДАН ЎЗГА БОР ҚИЛГУВЧИ ЙЎҚ...»

•┈❁✿❁┈•

Раббим! Сендан ўзга бор қилувчи йўқ,
Сен кимни ёв қилсанг, ёр қилувчи йўқ.
Ҳеч ким азиз қилмас, кимни хор қилсанг,
Сен азиз қилганни хор қилувчи йўқ!..

Оли Имрон, 26; Ҳаж, 18.


Мирзо Кенжабек

| https://t.me/xojagon_uz
•┈┈• ❀ 🌷☘️🌷 ❀ •┈┈•

3,420

Мирзо Кенжабек ижодхонаси

22 мая 2026 г., 20:03

* * *

«ИНСОН ҒАЙРИ ИЖТИМОИЙ БЎЛМАСЛИГИ КЕРАК...»

•┈❁✿❁┈•

Киши ўзига бир дўст танламоғи лозим, ёлғиз яшамаслиги керак. Ёлғиз яшаган киши ғайри ижтимоий бўлади, одамови бўлади, яъни жамиятнинг қочқини бўлади, жамият билан чиқиша олмайдиган кимса бўлади. Яъни, руҳан хаста бир инсондир бундай одам.

* * *
Инсон ғайри ижтимоий бўлмаслиги керак. У жамиятнинг ичида яшаши керак. Азизларим, инсон турли ижтимоий фаолиятларга аралашмоғи лозим. Аммо ундай тор бир маънода эмас. Ижтимоий фаолиятлар ҳам адабга мувофиқ бўлмоғи лозим, дину диёнатга, иймонга мувофиқ бўлмоғи лозим...

Шайх Маҳмуд Асъад Жўшон (раҳматуллоҳи алайҳ)

Манба: “Муршиди комил ҳикматлари” китобидан.
Мусанниф: Мирзо Кенжабек.

| https://t.me/xojagon_uz
•┈┈• ❀ 🌷☘️🌷 ❀ •┈┈•

2,040

Мирзо Кенжабек ижодхонаси

15 мая 2026 г., 15:57

*   *   *
Ассалому алайкум ва раҳматуллоҳи ва барокатуҳ!

БУГУН:
Пайшанба.
Ҳижрий 1447 йил.
Зулқаъда ойининг 27-куни.
Милодий 2026 йил
14-май.

Ё Раббимиз! Ушбу кунни бизлар учун ва бутун дунё инсонлари учун хайрли қил!
Юртимизга ва дунёга доимий тинчликни ато эт!


| https://t.me/xojagon_uz
•┈┈• ❀ 🌷☘️🌷 ❀ •┈┈•

883

Мирзо Кенжабек ижодхонаси

15 мая 2026 г., 15:57

* * *

ГЎЗАЛ МАНБАЛАР

•┈❁✿❁┈•

Ҳазрати Фаридуддин Атторнинг ягона насрий асари – “Тазкират ул-авлиё” ва қатор достонлари, Абул-Футуҳ Аҳмад Ғаззолийнинг Юсуф қиссаси асосидаги “Баҳрул-маҳаббат” (“Муҳаббат денгизи”) асари, Хожа Муҳаммад Порсонинг “Фаслул-хитоб” асари, Абул-Муҳсин Муҳаммад Боқирнинг “Мақомоти Хожа Нақшбанд” китоби, Хожа Ҳофиз Шерозий девони, Шайх Саъдий “Гулистон” ва “Бўстон”и, Хожа Аҳмад Яссавий ҳикматлари, Абдураҳмон Жомийнинг “Нафаҳотул-унс” асари, Султон Ҳусайн Бойқарога бағишланган “Искандар Хирадномаси” ҳамда “Юсуф ва Зулайхо” достонлари, Алишер Навоийнинг “Насойимул-муҳаббат” асари, “Лисонут-тайр”, “Руҳул-қудс” достонлари, Саййид Қосимийнинг Илоҳий ишқ дарж этилган манзумалари, Иброҳим Ҳаққийнинг турк тилидаги “Маърифатнома” назмий асари, Бедил, Машраб, Огаҳий ижод олами, Гётенинг “Шарқу Ғарб девон”и, Александр Пушкиннинг “Подражания Корану” (“Қуръонга эргашув”) туркуми – бу асарларни ўқимай ва англамай туриб юксак мақомдаги ижодкор бўлиш имконсиздир.

Ёш қаламкаш дўстларим мени кечирсинлар, камина мазкур манбалардан, тасаввуф адабиётидан бебаҳра инсонларни, ҳатто шижоат билан адабиётга кириб келаётган энг истеъдодли шоирларни ҳам маънавий қашшоқ ҳолда кўраман...

Устоз Мирзо Кенжабек,
"Ёшларга дил сўзларим" китобидан.

| https://t.me/xojagon_uz
•┈┈• ❀ 🌷☘️🌷 ❀ •┈┈•

1,020

Мирзо Кенжабек ижодхонаси

15 мая 2026 г., 15:57

🎥 Video

* * *

«ҲОЛИНГНИ ДУНЁДА КУЛГАНЛАР БИЛМАС...»

•┈❁✿❁┈•

Дардингни ўз дилин тиғлаган билур,
Дарду ғамин пинҳон сақлаган билур.
Ҳолингни дунёда кулганлар билмас,
Кеча зулматида йиғлаган билур.

Мирзо Кенжабек

| https://t.me/xojagon_uz
•┈┈• ❀ 🌷☘️🌷 ❀ •┈┈•

957

Мирзо Кенжабек ижодхонаси

15 мая 2026 г., 15:57

* * *

«ЯҚИЙНСИЗ ИЛМ ИШГА ЯРАМАС..»
Ҳазрати Ҳабиби Ажамий қуддиса сирруҳу зикри

•┈❁✿❁┈•

Ёзу қиш киядиган бир пўстини бор эди. Бир кун таҳорат олар экан, пўстинни йўл устига қўйиб кетди. Ҳасан Басрий пўстинни кўрди. Ҳабиб келгунича кутди. Ҳабиб келиб, салом берди.

– Эй мусулмонлар имоми! Бу ерда нечун турибсан?– деди.
– Эй Ҳабиб! Пўстинни бу ерга қўйиш керак эмас, кимга ишондинг? – деди.
– Қўриқламоқ учун сени жўнатган кишига ишондим,– деди.

Ҳасан бир куни Ҳабибнинг олдига келди. Ҳабиб икки коса арпа шўрвасини туз билан бирга Ҳасаннинг олдига қўйди. Ея бошлагач, тиланчи келди. Энди Ҳасаннинг олдидан олиб, дарвишга берди.

– Эй Ҳабиб! Сен яхши кишисан-да! Бир оз илм ўқиган бўлса эдинг, биттасини меҳмонга қолдириб, биттасини тиланчига берар эдинг. Шундоқ қилмоқ керак,– деди. Ҳабиб жавоб бермади. Бир соат ўтиб, бир қул келди. Бошида бир дастурхон, ичида ҳолва, нон ва беш юз дирҳам бор эди. Буларни Ҳабибнинг олдига қўйди. Ҳабиб дастурхонни Ҳасанга қолдириб, тангаларни дарвишларга улашиб берди. Ҳасан ер экан, Ҳабиб:

– Эй устод! Сен яхши кишисан! Агар бир оз яқинлик бўлса, яна яхшироқдирки, яқийнсиз илм ишга ярамас,– деди.

Шайх Фаридуддин Аттор ҳазратларининг
"Тазкират ул-авлиё"асаридан.
Форс тилидан Устоз Мирзо Кенжабек таржимаси.

| https://t.me/xojagon_uz
•┈┈• ❀ 🌷☘️🌷 ❀ •┈┈•

650

Мирзо Кенжабек ижодхонаси

15 мая 2026 г., 15:57

🎥 Video

* * *

«ФАҚАТ ҚАЛБИ БОРЛАР КЕЛСИН БИЗ ТОМОН!..»

•┈❁✿❁┈•

Аслий дўсту ёрлар келсин биз томон,
Ғамгинлар, беморлар келсин биз томон.
Давлати борларни тўрга ўтқазинг,
Фақат қалби борлар келсин биз томон!..

Мирзо Кенжабек


| https://t.me/xojagon_uz
•┈┈• ❀ 🌷☘️🌷 ❀ •┈┈•

863

Мирзо Кенжабек ижодхонаси

15 мая 2026 г., 15:57

🎥 Video

* * *

«ДУНЁ ИЧРА НИГОҲИМНИ ҒОФИЛ ДЕМАНГ...»

•┈❁✿❁┈•

Ҳа, мен сокин юрадирман ерга қараб,
Балки, ҳикмат терадирман ерга қараб.
Дунё ичра нигоҳимни ғофил деманг,
Мен осмонни кўрадирман ерга қараб.

Мирзо Кенжабек

| https://t.me/xojagon_uz
•┈┈• ❀ 🌷☘️🌷 ❀ •┈┈•

1,220

Мирзо Кенжабек ижодхонаси

15 мая 2026 г., 15:57

*   *   *
Ассалому алайкум ва раҳматуллоҳи ва барокатуҳ!

БУГУН:
Чоршанба.
Ҳижрий 1447 йил.
Зулқаъда ойининг 26-куни.
Милодий 2026 йил
13-май.

Ё Раббимиз! Ушбу кунни бизлар учун ва бутун дунё инсонлари учун хайрли қил!
Юртимизга ва дунёга доимий тинчликни ато эт!


| https://t.me/xojagon_uz
•┈┈• ❀ 🌷☘️🌷 ❀ •┈┈•

968

Мирзо Кенжабек ижодхонаси

15 мая 2026 г., 15:57

* * *

«ЧАЛА ТАБИБ ЖОНДАН АЙИРАДИ...»

•┈❁✿❁┈•

Бир киши, қалбида ишқи Илоҳий машъаласи ёнмасдан туриб, беҳуда улуғ ишларга уринмасин, чунки қош қўяман деб қўз чиқаради, хайр қиламан деб шарр (ёмонлик) қилади, жонни ёқади, қалбни бузади, атроф-майдонни бир-бирига қориштиради, бандаларни бир-бирларига тўқнаштиради, Ғазаб билан туриб, зарар билан ўлтиради, тирилтираман деб ўлдиради, обод қиламан деб барбод қилади; чунки чала табиб жондан айиради...

* * *
Ҳалққа яхши хизмат қилмоқнинг шарти аввало Ҳаққа яхши қул бўлмоқдир.

* * *
Холиқига вафоси бўлмаган кимсанинг махлуқотга сафоси ва фойдаси сира бўлмас!

* * *
Зоҳирини истаганича покласин, тозаласин, ботини кир ва нопок бўлса, бекор, фойдасиз!

* * *
Сўзини истаганича нозик ва ширин қилсин, нияти фосид бўлса, ҳеч аҳамияти йўқ!

* * *
Бизнинг бугунги кунда чекаётган аламларимизнинг кўпи душмандан эмас, балки ноқис мусулмондандир.

* * *
Киши ўз қусурини кўрмоғидек ирфон бўлмагай.


Шайх Маҳмуд Асъад Жўшон (раҳматуллоҳи алайҳ)


Манба: “Муршиди комил ҳикматлари”.
Таржимон ва нашрга тайёрловчи:
Устоз Мирзо Кенжабек.


| https://t.me/xojagon_uz
•┈┈• ❀ 🌷☘️🌷 ❀ •┈┈•

671

Мирзо Кенжабек ижодхонаси

15 мая 2026 г., 15:57

🎥 Video

* * *

«ҚУЁШ ЙЎҚ ҒАРБ БИЛАН ШАРҚНИНГ ҲУКМИДА...»

•┈❁✿❁┈•

Қуёш йўқ ғарб билан шарқнинг ҳукмида,
Ой йўқ осмон деган тахтнинг ҳукмида.
Ой, қуёш, коинот: замину само,
Жонлар ҳам, қалблар ҳам – Ҳақнинг ҳукмида.

Мирзо Кенжабек

| https://t.me/xojagon_uz
•┈┈• ❀ 🌷☘️🌷 ❀ •┈┈•

684

Мирзо Кенжабек ижодхонаси

15 мая 2026 г., 15:57

* * *

«БИЗ УЙҒОҚДИРМИЗ...»

•┈❁✿❁┈•

Робиъа бир кун савмаъада бетоб бўлди. Уйқуга кетди. Битта ўғри келиб, бир абзалини олди. Чиқишга йўл топа олмади. Абзални ташлагач, йўл кўринди. Шу маҳал абзални яна олди, яна йўл топа олмади. Тағин такрорлади.

Ниҳоят, бир овоз эшитди:
«– Эй Эр! Заҳмат чекма. Робиъа шунча йил ўзини Бизга топширди. Журъати йўқдирки, унинг атрофига бирор кимса келса. Ул дўстимиз ухласа, Биз дўсти уйғоқдирмиз!» дейилди. Ўғри буни эшитгач, тавба қилди.

Шайх Фаридуддин Аттор ҳазратларининг
"Тазкират ул-авлиё"асаридан.
Форс тилидан Устоз Мирзо Кенжабек таржимаси.

| https://t.me/xojagon_uz
•┈┈• ❀ 🌷☘️🌷 ❀ •┈┈•

1,930

Showing 20 of 20 posts

No more posts

Рейтинг

Требуется вход

Отзывы пользователей (0)

Пока нет отзывов. Будьте первым, кто поделится своим опытом!

Мирзо Кенжабек ижодхонаси

Мирзо Кенжабек ижодхонаси

Рейтинг

Рост участников (Сегодня)

Последние посты

Рейтинг

Отзывы пользователей (0)

Похожие каналы Telegram

Синодальная библиотека

Андреевский монастырь

Дебилы, бл*ть

Записки Провинциального Пастора

шейх Салих аль-‘Усайми ©

Губернатор дьявола

Кристобаль Хунта

Вертикальные

Похожие каналы Telegram

Синодальная библиотека

Андреевский монастырь

Дебилы, бл*ть

Записки Провинциального Пастора

шейх Салих аль-‘Усайми ©

Губернатор дьявола

Кристобаль Хунта

Вертикальные

Отзывы пользователей (0)

Последние посты