SIZ HALIYAM UXLAYAPSIZMI?
Yangi kunning avji uygʻondi,
Oymomoning zavji uygʻondi,
Daryolarning mavji uygʻondi,
Siz haliyam uxlayapsizmi!?
Allaqachon koʻzin ochdi tong,
Bugun uchun chalayotir bong,
Zulmat ichra gʻaflat bosib, dong
Siz haliyam uxlayapsizmi!?
Uygʻonganlar qalbi chaqindir,
Koʻngillari yorugʻ - yorqindir,
Turing, vaqti-bomdod yaqindir,
Eh, haliyam uxlayapsizmi!?
Umr asli oʻtkinchi, gʻorat,
Vaqt sanalmas mudroqi holat,
Dam gʻanimat, lahza omonat,
Siz haliyam uxlayapsizmi!?
Qarang, omad qoʻlin tutmoqda,
Farishtalar bir-bir oʻtmoqda,
Sizni buyuk ishlar kutmoqda,
Eh, haliyam uxlayapsizmi!?
Uyqu - basir umrdir guyo,
Unda neki, hammasi roʻyo,
Uygʻondi yurt, uygʻondi dunyo,
Siz haliyam uxlayapsizmi!?
Yangi tongni qarshi olishga uygʻonganlarga Assalomu-alaykum!
Tongingiz muborak boʻlsin!http:
