የኡስታዝ ሱልጣን ኸድር የትምህርት መድረክ (official)

የኡስታዝ ሱልጣን ኸድር የትምህርት መድረክ (official)

Public

Não consegue entrar? @sultan_54

0

13.6k Membros

Atualizado: May 13, 2026 at 5:23 AM

የኡስታዝ ሱልጣን ኸድር የትምህርት መድረክ (official)

ይህ በኡስታዝ ሱልጣን ኸድር እውቅና የተከፈተ ብቸኛው (official) ቻነል ሲሆን የእርሱ ትምህርቶችና አጫጭር መልእክቶች በየጊዜው የሚተላለፉበት ልዩ መድረክ ነው፡፡ አላህ መልካም ምንዳውን ይክፈለው፤ ከዕውቀቱም ተጠቃሚ ያድርገን! ትምህርታዊ ቁም ነገሮች ላይ መሳተፍ የምትፈልጉ እንዲሁም ሐሳብና አስተያየት ካልዎት በዋትስ ኣፕ ይላኩልን! ♻: https://api.whatsapp.com/send?phone=

@sultan_54 is a growing community focused on httpsapiwhatsappcomsendphone and official and related topics

Classificação

Classificação Global

#456

+2

Classificação por Idioma

#45

+1

Classificação por Categoria

#23

-1

Crescimento de Participantes (Últimos 10 Dias)

Total: 13.6K

crescimento 24h: +0 0%

Loading...

Avaliação

Login necessário

Loading...

Loading recommended channels...

Últimos Posts

የኡስታዝ ሱልጣን ኸድር የትምህርት መድረክ (official)

26 de mai. de 2026, 14:48

🎥 Video

1,070

3

0

የኡስታዝ ሱልጣን ኸድር የትምህርት መድረክ (official)

26 de mai. de 2026, 14:48

📌 ዙልሒጃ ቀን 07፦
> በዐረፋ ምሽት ላይ ከሰዎች ሁሉ የከፋው ሰው ማን እንደሆነ ያውቃሉ? ታላቁ ዓሊም ሱፍያን አስ-ሰውሪይ በጉልበታቸው ተንበርክከው ሲያለቅሱ "ከዚህ ስብስብ የከፋው ማነው?" ተብለወወ ሲጠየቅኘቁ፦ "አላህ አይምረኝም ብሎ የሚያስበው ሰው ነው" ሲል መለሱ። በአላህ ላይ መልካም ጥርጣሬ ይኑረን! 💫 #ዐረፋ #ተስፋ #የአላህ_እዝነት

927

8

0

የኡስታዝ ሱልጣን ኸድር የትምህርት መድረክ (official)

26 de mai. de 2026, 14:48

የታላቁ ዓሊም የኢማም ኢብኑል ቀይም (ረሒመሁላህ) ዕንቁ ምክር፦

“ኢማን በልብ ውስጥ የሚገኝ ደስታ፣ ጥፍጥና እና እርካታ አለው።
አንድ ሰው የአምልኮ ተግባራትን በሚፈጽምበት ጊዜ ያንን ጣፋጭና መንፈሳዊ የደስታ ቃና ካላገኘ፣ ኢማኑን አጥቷል ወይም ጎድሏል ማለት ነው!»

​📔 አር-ሪሳላህ አት-ተቡኪይያህ (7)*

904

6

0

የኡስታዝ ሱልጣን ኸድር የትምህርት መድረክ (official)

26 de mai. de 2026, 14:48

ዐላመቱ ኢብኑ ባዝ ረሂመሁላህ
### ጥያቄ (ከአድማጭ)፦
> "ጥያቄ አቅራቢው እንዲህ ይላል፦ 'እኔ መልካም ነገርን የምትወድ ነፍስ አለችኝ፤ ነገር ግን ደካማ ናት፣ ከወንጀልና ከጥፋት ፊት መቆም አትችልም። ወንጀልን ባየሁ ቁጥር ከፊቱ እደክማለሁ። ታዲያ ለዚህ የሚሆን፣ የሚመሩኝ መድኃኒት ወይም ፈውስ አለን?'"
>
### የሸይኽ ኢብን ባዝ ምላሽ፦
"አዎ! አላህ (ሱብሐነሁ ወተዓላ) *'ሰውም ደካማ ሆኖ ተፈጠረ'* ብሏል። ነገር ግን እንድትጠነክር አላህ መሣሪያዎችን ሰጥቶሃል።
ልብህ በእነርሱ እንዲጠነክር ያደረገልህን መሣሪያዎች ሰጥቶሃል፤ እነርሱም፦
* አላህን መታዘዝ፣ * ዚክርን (እርሱን ማውሳትን) ማብዛት፣ * በእርሱ ታላቅነት ላይ ማስተንተን እና በአንተ ላይ ስላለው መብት ማሰብ ናቸው።
አንተ ወደ እርሱ ተመላሽ መሆንህን፣ ተጠያቂ መሆንህንም አስብ፤ *'በጌታህ እምላለሁ! ከሚሠሩት ነገር በሙሉ በእርግጥ እንጠይቃቸዋለን'* ተብሏል።
አንተ በጥፋቶችህ ምክንያት ቅጣት የሚገባህ መሆንህን፣ በታዛዥነትህ ደግሞ ምንዳ (አጅር) የምታገኝ መሆንህን አስብ። ስለዚህ (ነፍስህን) አስታውሳት፤ ስሜትንም አትከተል፤ ከአላህ መንገድ ያሳስትሃልና። ነፍስ በአላህ እዝነት ካልተጠበቀች በስተቀር ሁልጊዜም ወደ መጥፎ ነገር አዛዥ መሆንዋን እወቅ። ስለዚህ ለስሜቷ አትታዘዝላት።
አላህ እንዲህ ብሏል፦
> *'ያ በጌታው ፊት መቆምን የፈራ፣ ነፍሱንም ከክፉ ስሜቷ የከለከለ፤ በእርግጥ ጀነት እርሷ መጠጊያው(መኖሪያወ) ናት።'*
>
ስለዚህ ነፍስህ ወደ ወንጀል ስትጠራህ፦ ነገሩ ከባድ መሆኑን፣ አላህ ከወንጀል መከልከሉን፣ በአላህ ቁጣና ቅጣት የተዛተበት መሆኑን አስታውሳት፤ (አላህ ካልማረው በስተቀር)። አንተ ደግሞ በዚያው ወንጀል ላይ እያለህ ልትሞት ትችል እንደሆነ፣ ይቅርታ ይደረግልህ ወይም ትቀጣ እንደሆነ አታውቅም።
ስለዚህ ታገላት፣ አስታውሳት፣ ነገሮችን አቅልሎ ከመመልከት (ቸልተኝነት) ተጠንቀቅ። በዚህ ላይ ከተሳካልህ አላህ ያግዝሃል፤ ከዚህችም ነፍስ ክፋት ትድናለህ።"

1,060

7

የኡስታዝ ሱልጣን ኸድር የትምህርት መድረክ (official)

26 de mai. de 2026, 14:48

📌 ዙልሒጃ ቀን 06፦
> በዐረፋ ቀን ከአላህ እዝነት ተስፋ እንዳትቆርጥ አደራ! በአንተ ላይ እንደ አሸዋ ቁጥር፣ እንደ ሰማይ ዝናብ ጠብታ ወይም እንደ ዱንያ ቀናት ብዛት ያህል ወንጀል ቢኖርብህ እንኳ አላህ ይምርሃል። አላህም መላእክቱን፦ "ምስክር ሁኑኝ፤ እኔ ወንጀላቸውን በሙሉ ምሬአቸዋለሁ" ይላቸዋል። 🌧️✨ #ምሕረት #የዐረፋ_ቀን

1,060

5

0

የኡስታዝ ሱልጣን ኸድር የትምህርት መድረክ (official)

26 de mai. de 2026, 14:48

በኢስላም ታሪክ ውስጥ ካሉ ትልልቅ **"የፈላስፎች እና የከላም ምሁራን የቁጭት እምነት ምስክርነቶች"
(اعترافات أهل الكلام والفلسفة)

የታላቁ የከላም (የነገረ-መለኮት) ምሁር እና ተፍሲር አዋቂ የፋኽሩዲን አር-ራዚ (እ.ኤ.አ በ1210 የሞቱት)
እንዲህ ይላሉ፦
> "የከላም (የአመክንዮ) መንገዶችን እና የፍልስፍና ስልቶችን በሙሉ በጥልቀት መረመርኩ፤ ነገር ግን የታመመን ልብ ሲፈውሱም ሆነ የተጠማውን ቀልብ ሲያረኩ አላየኋቸውም። ከሁሉም ይበልጥ ወደ እውነት ቀራቢው መንገድ የቁርአን መንገድ ሆኖ አገኘሁት!"
>
### የዚህ ምስክርነት (اعتراف) ትርጉም እና በጀርባው ያለው ታሪክ
ፋኽሩዲን አር-ራዚ እድሜያቸውን በሙሉ በፍልስፍና፣ በአመክንያታዊ ክርክር (ከላም) እና በግሪክ አመክንዮ ውስጥ ካሳለፉ በኋላ፣ በህይወታቸው ፍፃሜ ላይ የደረሱበትን ፍሬ ነገር ነው የተናገሩት። ይህ ንግግራቸው "አቅሳሙ አል– ለዛት" (أقسام اللذات) በተሰኘው መጽሐፋቸው ላይ የሰፈረ ሲሆን፣ ተከታዩንም ግጥም አካተውበታል፦
نِهَايَةُ أَقْدَامِ العُقُولِ عِقَالُ ... وَأَكْثَرُ سَعْيِ العَالَمِينَ ضَلَالُ

وَلَمْ نَسْتَفِدْ مِنْ بَحْثِنَا طُولَ عُمْرِنَا ... سِوَى أَنْ جَمَعْنَا فِيهِ: قِيلَ وَقَالُوا

> *የአእምሮዎች መጨረሻ መረባበሽ (መሸበር) ነው፣*
> *የአለም ምሁራንም ጥረት መጨረሻው ጥፋት ነው።*
> *በአካላቶቻችን ውስጥ ከመንፈሳዊ ስቃይ በቀር አልተጠቀምንም፣*
> *ከዘመናት ፍለጋ ያገኘነውም ቢኖር፡ 'እንዲህ ተባለ' እና 'አሉ' የሚሉ ወሬዎችን መሰብሰብ ብቻ ነው።*
>
ይህ ዓይነቱ የእምነት ኑዛዜ ወይም ምስክርነት በአር-ራዚ ብቻ የተገደበ አይደለም፤ ሌሎችም ታላላቅ የፍልስፍና እና የከላም መሪዎች በህይወታቸው መጨረሻ ላይ ተመሳሳይ የቁጭት ምስክርነት ሰጥተዋል፦
* ኢማም አል-ጁወይኒ (ኢማሙ እል-ሐረመይን)፦
​"يَا أَصْحَابَنَا لَا تَشْتَغِلُوا بِالكَلَامِ، لَوْ عَرَفْتُ أَنَّ الكَلَامَ يَبْلُغُ بِي إِلَى مَا بَلَغَ مَا اشْتَغَلْتُ بِهِ، لَقَدْ طُفْتُ المَعَاهِدَ الكِبَارَ، وَخُضْتُ البِحَارَ، وَتَرَكْتُ أَهْلَ الإِسْلَامِ وَعُلُومَهُم، وَدَخَلْتُ فِي الَّذِي نَهَوْنِي عَنْهُ، وَالْآنَ فَإِنْ لَمْ يَتَدَارَكْنِي اللهُ بِرَحْمَتِهِ فَالْوَيْلُ لِابْنِ الجُوَيْنِي، وَهَا أَنَا ذَا أَمُوتُ عَلَى عَقِيدَةِ أُمِّي" (وفي رواية: "عَلَى عَقِيدَةِ عَجَائِزِ نَيْسَابُورَ").
"​"እናንተ ወዳጆቻችን ሆይ! በከላም (በአመክንዮ/በፍልስፍና) እውቀት ላይ አትጠመዱ። ይህ የከላም እውቀት አሁን ካደረሰኝ (የጥርጣሬና የመዋለል) ደረጃ ላይ እንደሚያደርሰኝ አስቀድሜ ባውቅ ኖሮ ኖሮ ፈጽሞ በእሱ ላይ ባልተጠመድኩ ነበር። ትልልቅ የትምህርት ተቋማትን በሙሉ አዳረስኩ፣ (የፍልስፍናን) ባህሮች ዋኘሁ፣ የኢስላም ሰዎችንና እውቀቶቻቸውን ንቄ እነሱ ከተከለከሉት ነገር ውስጥ ገባሁ። አሁን ግን አላህ በራህመቱ (በእዝነቱ) ፈጥኖ ካልደረሰልኝ ለጁወይኒ ልጅ ወዮለት! እነሆ እኔ አሁን (ሁሉንም ፍልስፍና ትቼ) በእናቴ እምነት ላይ ሆኜ እሞታለሁ።"
(በሌላ ዘገባ ደግሞ፦ "በነይሳቡር የዋህ አረጋውያን ሴቶች እምነት ላይ ሆኜ እሞታለሁ" ብለዋል)

* አቡ ሓሚድ አል-ገዛሊ፦ ህይወታቸውን በሙሉ በፍልስፍና እና በከላም ካሳለፉ በኋላ፣ በመጨረሻው ዘመናቸው ወደ ሐዲስ ትምህርት በመመለስ የኢማም አል-ቡኻሪን የሐዲስ መጽሐፍ ደረታቸው ላይ አቅፈው እንደሞቱ ይነገራል።
እነዚህ ሁሉ ምስክርነቶች (اعترافات) የሚያረጋግጡት አንድ እውነትን ነው፡- የሰው ልጅ አእምሮአዊ ፍልስፍና ለጊዜው የሚያደናግር እንጂ፣ ልብን በፍጹም እርጋታና እውነተኛ እምነት (የቂን) ሊሞላ የሚችለው ቀጥተኛውና ግልጹ የቁርአን እና የሱና መለኮታዊ ብርሃን ብቻ መሆኑን ነው።

የኡስታዝ ሱልጣን ኸድር የትምህርት መድረክ (official)

26 de mai. de 2026, 14:48

📷 Photo

## የዒልም መብት ከዓሊም መብት ይቀድማል!
* **ከአላህ ዘንድ የወረደውን መከተልና ከእሱ ውጭ ያሉትን አለመከተል ግዴታ ነው።
** ማንኛውም ዓሊም  ለእኛ ተወዳጅ ቢሆንም፣ እውነት ግን ከእሱ የበለጠ ለእኛ የተወደደች መሆን አለባት።
*የአንድ ዓሊም ትልቅ ደረጃና ክብር እሱን ለማመካኛነትና ስህተቱን ለማረም የሚጠቅም እንጂ፣ የሰራውን ስህተት ትክክል ነው ለማለት ማስረጃ ሊሆን አይችልም።
እውነት ከተናጋሪው ማንነት ሳይሆን ከራሱ ከንግግሩ ተነስተን የምንቀበለው ነው፤ ውሸትም (ባጢል) በተመሳሳይ መልኩ ተናጋሪው ማንም ይሁን ማን ውድቅ የሚደረግ ነው። እውነቱን የተናገረው ወይም ውሸቱን ያወራው ሰው ያለው ማዕረግ የእውነትን ወይም የውሸትን ምንነት አይቀይረውም።

1,280

12

የኡስታዝ ሱልጣን ኸድር የትምህርት መድረክ (official)

26 de mai. de 2026, 14:48

## የኢማም አል-ሙዘኒ እና የኢማም አሽ-ሻፊዒ ውይይት
ኢማም አል-ሙዘኒ (አላህ ይዘንላቸውና) ሸይኻቸው የሆኑትን ኢማም አሽ-ሻፊዒን የጠየቁት ጥያቄ ኢማም አዝ-ዘሃቢ "ሲየር አዕላም አን-ኑበላእ" በተሰኘው መጽሐፋቸው ውስጥ ዘግበውታል።
ታሪኩም እንደሚከተለው ነው፦ በኢማም አል-ሙዘኒ ልብ ውስጥ ከተውሒድ (አስማኡ ወሲፋት) ጉዳዮች መካከል በአንዱ ላይ ጥርጣሬ ወይም አሻሚ ነገር ተፈጠረባቸው።
ዋናው ፍሬ ነገር ግን፤ አል-ሙዘኒ ወደ ኢማም አሽ-ሻፊዒ መጥተው ስለዚህ ጉዳይ ጠየቋቸው። ኢማም አሽ-ሻፊዒም (አላህ ይዘንላቸውና) ካሏቸው ነገሮች መካከል የሚከተለው ይገኝበታል፦
> ኢማም አሽ-ሻፊዒ፦ "በሰማይ ላይ ስንት ከዋክብት እንዳሉ ታውቃለህ?"
> አል-ሙዘኒ፦ "አላውቅም" (አል-ሙዘኒ ታሪኩን ሲያወራ እንዲህ ነው ያለው)።
> ኢማም አሽ-ሻፊዒይ፦ "መልካም! ከእነሱ ውስጥ ስለ አንዱ ኮከብ፤ የወጣበትን አቅጣጫ፣ የሚጠልቅበትን ቦታ እና ከምን እንደተፈጠረ ታውቃለህ?"
> አል-ሙዘኒ፦ "አላውቅም" አልኳቸው። ይላሉ

> ኢማም አሽ-ሻፊዒ፦ "እንግዲህ በአይንህ የምታየውንና ከፍጡራን ወገን የሆነን ነገር እንኳን ምንነቱንና እንዴትነቱን የማታውቅ ከሆነ፤ እንዴት ብለህ ነው ስለ ፈጣሪህ እውቀት (ስለ ባህሪያቱ እንዴትነት) ልትናገር የምትደፍረው?!"
> ሲየር አዕላም አንኑበላእ
### ዋናው መልእክት💡
በአይንህ የምታየውን፣ ፈጽሞ የማትስተውንና የምታውቀውን ፍጡር እንኳን እንዴትነቱን(ከይፊያውን) የማታውቅ ሆነህ ሳለ፤ ታዲያ አንድ ሰው ከዚህ በኋላ እንዴት ደፍሮ ስለ ፈጣሪው (የላቀና የከበረው አላህ) ማንነትና ባህሪያት 'እንዴትነት' (ከይፊያህ) ሊናገር ይችላል?!
🔴 ይህ ዓይነቱ አካሄድ (ስለ አላህ ባህሪያት እንዴትነት በጥልቀት መመርመር) ፍጹም አስተማማኝና ሰላማዊ ያልሆነ መንገድ እንደሆነ ጥርጥር የለውም።

1,160

4

የኡስታዝ ሱልጣን ኸድር የትምህርት መድረክ (official)

26 de mai. de 2026, 14:48

📌ዙልሒጃ ቀን 05፦
> "እነዚህ ባሪያዎቼ አቧራ ለብሰው፣ ፀሐይ እየመታቸው ወደእኔ መጡ።" ጌታ ሆይ! ዛሬ ያንተን ውዴታ፣ ችሮታና እዝነት እንጂ ሌላ ምንም አልፈለጉም። ዛሬ በአንድ የውዴታ እይታ እንድትመለከታቸውና ዳግመኛ የማትቆጣበትን ውዴታ እንድትለግሳቸው ብቻ ነው የፈለጉት። 🤲❤️ #የዙልሒጃ_አስር_ቀናት #ዱዓእ

1,190

7

0

የኡስታዝ ሱልጣን ኸድር የትምህርት መድረክ (official)

26 de mai. de 2026, 14:48

​قال ابن الجوزي رحمه الله :
الليالي والأيام الفاضلة لا يصلح أن يغفل عنها، لأنه إذا غفل التاجر عن موسم الربح فمتى يربح؟!"
(منهاج القاصدين ١/٣٤٣)

​ኢብኑል ጀውዚ (አላህ ይዘንላቸውና) እንዲህ ብለዋል፦
​" ታላቅ ደረጃ ያላቸው (ቅዱሳን) ሌሊቶችና ቀናትን በቸልተኝነት ማሳለፍ በፍጹም አይገባም። ምክንያቱም አንድ ነጋዴ የትርፍ ወቅቱን በቸልተኝነት ካሳለፈ፣ ታዲያ መቼ ሊያተርፍ ነው?!"
(ሚንሃጁል ቃሲዲን፣ 1/343)

1,280

7

0

የኡስታዝ ሱልጣን ኸድር የትምህርት መድረክ (official)

11 de mai. de 2026, 04:27

## 🌟 የኢማም አል-ቡኻሪ የሕይወት ታሪክ (ክፍል 1)
የሙሓዲሶች መሪ፣ "አሚረል ሙእሚኒን ፊል ሐዲስ" በመባል የሚታወቁት የታላቁ ዓሊም የኢማም አል-ቡኻሪ የሕይወት ጉዞ እጅግ አስተማሪ በሆኑ ክስተቶች የተሞላ ነው።
### 📍 ልደትና አስተዳደግ
* ሙሉ ስም፦ አቡ ዐብዲላህ ሙሐመድ ኢብኑ ኢስማኢል አል-ቡኻሪ። የተወለዱት በ194 ዓ.ሂ በቡኻራ (አሁን ኡዝቤኪስታን) የምትባለው ሀገር ናት።
* የቤተሰብ መስመር፦ አባታቸው ኢስማኢል ታላቅ ዓሊምና እጅግ ፈሪሃ አላህ (ወረዕ) የነበራቸው ሰው ነበሩ። በሚሞቱበት ጊዜ "በገንዘቤ ውስጥ አንዲትም የሐራም ወይም የሹብሃ (ጥርጣሬ ያለባት) ድርህም የለችም" ማለታቸው ይነገራል።
* የየቲምነት ሕይወት፦ ገና በሕፃንነታቸው አባታቸው ስለሞቱ፣ በእናታቸው ብርቱ እንክብካቤ አድገዋል።
### 👁️ ከአይነ ስውርነት ወደ ብርሃን
ኢማም አል-ቡኻሪ በሕፃንነታቸው አይናቸው ጠፍቶ ነበር። እናታቸው ግን ተስፋ ሳትቆርጥ አላህ አይናቸውን እንዲመልስላቸው አጥብቃ ትለምን ነበር። አንድ ቀን በሕልሟ ነቢዩ ኢብራሂምን (ዐለይሂ.ሰላም) አይታ "አንቺ ሴት ሆይ! በዱዓሽ ብዛት አላህ የልጅሽን አይን መልሶለታል" የሚል ብስራት ተነገራት። ጠዋት ስትነሳ ልጇ እይታው ተመልሶለት አገኘችው።
### 📚 የትምህርት ጥማትና ልዩ ችሎታ
* ቁርኣን፦ ገና የ10 ዓመት ልጅ ሳይሞሉ ቁርኣንን ሐፍዘው አጠናቀቁ።
* ልዩ ትውስታ፦ በልጅነታቸው ሐዲስ ሲማሩ እንደ ሌሎች ተማሪዎች ደብተር ላይ አይጽፉም ነበር። ከ16 ቀናት በኋላ ሌሎች ተማሪዎች "ለምን አትጽፍም?" ብለው ሲጠይቋቸው፣ እነሱ የጻፉትን 15,000 ሐዲሶች በቃላቸው ዘረገፉላቸው። እንዲያውም ተማሪዎቹ የጻፉት ላይ ስህተት ሲኖር የእሳቸውን ሂፍዝ በመጠቀም ያርሙ ነበር።
* ድፍረትና እውቀት፦ ገና የ11 ዓመት ልጅ እያሉ ታላላቅ መሻይኾችን በሐዲስ ሰንሰለት (ኢስናድ) ላይ ስህተት ሲሰሩ ያርሟቸው ነበር።
### ✈️ እውቀትን ፍለጋ የተደረጉ ጉዞዎች
የአገራቸው እውቀት ስላልበቃቸው ወደ ተለያዩ የእስልምና ዓለም ከተሞች ተጉዘዋል።
* መካና መዲና (ለ6 ዓመታት ቆይተዋል)፣ በግዳድ፣ በስራ፣ ኩፋ፣ ደማስቆ እና ግብፅን ጨምሮ በርካታ ቦታዎችን ረግጠዋል።
* ከ1,000 በላይ ታላላቅ (መሻይኾች) ዘንድ ተምረዋል።
### 💎 ስነ-ምግባርና አምልኮ
* በሰላት ውስጥ ያላቸው ተመስጦ፦ በአንድ ወቅት እየሰገዱ እያለ ተርብ (ተናካሽ ነፍሳት) 17 ጊዜ ነደፋቸው። እሳቸው ግን በቁርኣኑ ጣዕም ተመስጠው ሰላታቸውን አላቋረጡም ነበር።
* ምላሳቸውን መጠበቅ፦ "ሐራም መሆኑን ካወቅኩ ጀምሮ የሰውን ስም (ሀሜት/ጊባህ) አምቼ አላውቅም" ይሉ ነበር።
* የእውቀት ክብር፦ የቡኻራ ገዥ "ቤቴ መጥተህ ልጆቼን አስተምር" ብሎ በላከባቸው ጊዜ፣ "እውቀትን አላስንቅም፣ ወደ ነገስታት ደጃፍም አልወስደውም። ፈላጊው እኔ ዘንድ ይምጣ" በማለት የእውቀትን ክብር አስከብረዋል።
### 🎤 የታላላቅ መሻይኾች ምስክርነት
* ኢማም ሙስሊም፦ የኢማም አል-ቡኻሪ ተማሪ ሲሆኑ፣ የሸይኻቸው ግንባር በመሳም "የሐዲስ ሊቃውንት ሰይድ (መሪ) ሆይ!" በማለት ያከብሯቸው ነበር።
* ኢማም አሕመድ፦ ለሳቸው ያላቸው ክብር እጅግ ከፍተኛ ነበር።
✅ ክፍል 2 በአላህ ፈቃድ ይቀጥላል...
*(ለተጨማሪ ጠቃሚ ትምህርቶች ቻናላችንን ይከታተሉ!)*

የኡስታዝ ሱልጣን ኸድር የትምህርት መድረክ (official)

11 de mai. de 2026, 04:27

☀️ የማለዳ ዚክሮች (በአማርኛ ንባብ) ☀️
አስበሕና ወአስበሐል ሙልኩ ሊላህ፣ ወልሐምዱ ሊላህ፣ ላ ኢላሃ ኢለላሁ ወሕደሁ ላ ሸሪከ ለህ፣ ለሁል ሙልኩ ወለሁል ሐምዱ ወሁወ ዐላ ኩሊ ሸይኢን ቀዲር። ረቢ አስአሉከ ኸይረ ማ ፊ ሃዘል የውም ወኸይረ ማ በዕደሁ፣ ወአዑዙ ቢከ ሚን ሸሪ ማ ፊ ሀዘል የውም ወሸሪ ማ በዕደሁ። ረቢ አዑዙ ቢከ ሚነል ከሰሊ ወሱኢል ኪበር። ረቢ አዑዙ ቢከ ሚን ዐዛቢን ፊ ናሪ ወዐዛቢን ፊል ቀብር። (1 ጊዜ)
አላሁመ አንተ ረቢ ላ ኢላሃ ኢላ አንተ፣ ኸለቅተኒ ወአና ዐብዱከ፣ ወአና ዐላ ዐህዲከ ወወዕዲከ ማስ ተጠዕቱ፣ አዑዙ ቢከ ሚን ሸሪ ማ ሶነዕቱ፣ አቡኡ ለከ ቢኒዕመቲከ ዐለየ ወአቡኡ ቢዘንቢ ፈግፊርሊ ፈኢነሁ ላ የግፊሩዝ ዙኑበ ኢላ አንተ። (1 ጊዜ)
ረዲቱ ቢላሂ ረበን፣ ወቢል ኢስላሚ ዲነን፣ ወቢሙሐመዲን ሶለላሁ ዐለይሂ ወሰለመ ነቢየን። (3 ጊዜ)
ቢስሚላሂል ለዚ ላ የዱሩ መዐስሚሂ ሸይኡን ፊል አርዲ ወላ ፊሰማኢ ወሁወ ሰሚዑል ዐሊም (3 ጊዜ)
ያ ሐዩ ያ ቀዩም ቢራሕመቲከ አስተጊስ አስሊሕ ሊ ሸእኒ ኩለሁ ወላ ተኪልኒ ኢላ ነፍሲ ጠርፈተ ዐይን (3 ጊዜ)
አስበሕና ዐላ ፊጥረቲል ኢስላም፣ ወዐላ ከሊመቲል ኢኽላስ፣ ወዐላ ዲኒ ነቢዪና ሙሐመዲን ሶለላሁ ዐለይሂ ወሰለም፣ ወዐላ ሚለቲ ኣቢና ኢብራሂመ ሐኒፈን ሙስሊመን ወማ ካነ ሚነል ሙሽሪኪን። (1 ጊዜ)
አላሁመ ቢከ አስበሕና ወቢከ አምሰይና ወቢከ ነሕያ ወቢከ ነሙቱ ወኢለይከን ኑሹር። (1 ጊዜ)
አስበሕና ወአስበሐል ሙልኩ ሊላሂ ረቢል ዓለሚን፣ አላሁመ ኢኒ አስአሉከ ኸይረ ሃዘል የውም፡ ፈትሐሁ፣ ወነስረሁ፣ ወኑረሁ፣ ወበረከተሁ፣ ወሁዳሁ፣ ወአዑዙ ቢከ ሚን ሸሪ ማ ፊሂ ወሸሪ ማ በዕደሁ። (1 ጊዜ)
ሐስቢየላሁ ላ ኢላሃ ኢላ ሁወ ዐለይሂ ተወከልቱ ወሁወ ረቡል ዐርሺል ዐዚም (7 ጊዜ)
አላሁመ ኢኒ አስበሕቱ ኡሽሂዱከ፣ ወኡሽሂዱ ሐመለተ ዐርሺከ፣ ወመላኢከቲከ፣ ወጀሚዐ ኸልቂከ፣ አነከ አንተላሁ ላ ኢላሃ ኢላ አንተ ወሕደከ ላ ሸሪከ ለከ፣ ወአነ ሙሐመደን ዐብዱከ ወረሱሉከ። (4 ጊዜ)
አላሁመ ዓሊመል ገይቢ ወሸሃዳህ ፋጢረ ሰማዋቲ ወልአርድ፣ ረበ ኩሊ ሸይኢን ወመሊከህ፣ አሽሀዱ አን ላ ኢላሃ ኢላ አንተ፣ አዑዙ ቢከ ሚን ሸሪ ነፍሲ ወሚን ሸሪ ሸይጣኒ ወሸርኪህ፣ ወአን አቅተሪፈ ዐላ ነፍሲ ሱአን አው አጁረሁ ኢላ ሙስሊም (1 ጊዜ)
አላሁመ ኢኒ አዑዙ ቢከ ሚነል ሀሚ ወልሐዘን ወልዐጅዚ ወልከሰል ወልቡኽሊ ወልጁብኒ ወዶለዒ ድ– ደይኒ ወገለበቲ አ–ር ሪጃል (3 ጊዜ)
ላ ኢላሃ ኢለላሁ ወሕደሁ ላ ሸሪከ ለህ፣ ለሁል ሙልኩ ወለሁል ሐምዱ፣ ወሁወ ዐላ ኩሊ ሸይኢን ቀዲር (3 ጊዜ)
አላሁመ ሶሊ ወሰሊም ዐላ ነቢዪና ሙሐመድ (10 ጊዜ)
አላሁመ ኢኒ አስአሉከ አል-ዐፍወ ወል-ዓፊያህ ፊዱንያ ወል-አኺራህ፣ አላሁመ ኢኒ አስአሉከ አል-ዐፍወ ወል-ዓፊያህ፡ ፊ ዲኒ ወዱንያየ ወአህሊ ወማሊ፣ አላሁመ ስቱር ዐውራቲ ወአሚን ረውዓቲ፣ አላሁመ ኢሕፈዝኒ ሚን በይኒ የደየ፣ ወሚን ኸልፊ፣ ወዐን የሚኒ፣ ወዐን ሺማሊ፣ ወሚን ፈውቂ፣ ወአዑዙ ቢዐዘመቲከ አን ኡግታለ ሚን ተሕቲ። (1 ጊዜ)
* አስተግፊሩላህ ወአቱቡ ኢለይህ (100 ጊዜ)
* ሱብሐነላህ ወቢሐምዲሂ (100 ጊዜ)

​አላህ ቀናችንን የተባረከ ያድርግልን! 🤲🌸

የኡስታዝ ሱልጣን ኸድር የትምህርት መድረክ (official)

11 de mai. de 2026, 04:27

* **ማሳሰቢያ!!
ከላይ የተጠቀሱት በበራሪ ወረቀቶች ወይም በኪታቦች ላይ ተጽፈው የሚገኙትን የጥዋትና የምሽት ዚክሮች ሁሉንም ማለት በሁሉም ዑለማዎች ስምምነት (ኢጅማዕ) ግዴታ (ዋጅብ) አይደለም።
ይልቁንም "ሙስተሐብ" (የሚወደዱ) እና የትርፍ (ነፍል) ተግባራት ናቸው። እነሱን አዘውትሮ ማለት የአላህ ባሪያ የመሆን አንዱ መገለጫና ወደ አላህ የመቃረቢያ መንገድ ነው።
ይሁንና በላጩና የተሟላው መንገድ ከነቢዩ ሙሐመድ (ሰለሏሁ አለይሂ ወሰለም) የተገኙትን ዚክሮች በሙሉ በየጊዜያቸው (በጥዋት፣ በምሽት) ማለት ነው።
አንድ ሰው ከዚክሮቹ መካከል አንዱን ወይም ሁለቱን ብቻ ቢል ለዛ ተግባሩ አጅር (ምንዳ) ያገኛል። ሁሉንም ስላላላ "አጥፍቷል" ወይም "ግዴታውን ትቷል" አይባልም። ነገር ግን ሁሉንም ለማለት የሚጥር ሰው ታላቁን ምንዳና ደረጃ ያገኛል።

1,340

12

0

የኡስታዝ ሱልጣን ኸድር የትምህርት መድረክ (official)

11 de mai. de 2026, 04:27

📎 File

​🌅 የማለዳ ዚክር (አዝካሩ አስ-ሰባሕ)
🎙 በሚሻሪ ራሺድ አል-ዓፋሲ ድምፅ
​አላህ ከክፉ ነገር እንዲጠብቅዎትና የቀንዎን ስራ እንዲያገራልዎት በጥዋት እነዚህን ዚክሮች ማዳመጥና አብሮ ማለት አይዘንጉ።
​ተቀላቀሉን፦
👉

2,160

12

0

የኡስታዝ ሱልጣን ኸድር የትምህርት መድረክ (official)

11 de mai. de 2026, 04:27

### የኢማም አሕመድ ኢብኑ ሐንበል የሕይወት ታሪክ (ክፍል 2) - የመከራው ወቅትና ፅናት
ይህ ትምህርት በኢስላም ታሪክ ውስጥ ታላቅ ስም ስላላቸው ስለ ኢማም አሕመድ ኢብኑ ሐንበል የፈተና ወቅትና ያሳዩትን ተወዳዳሪ የሌለው ፅናት በዝርዝር ያቀርባል።
📌 ዋና ዋና ነጥቦች፦
1. የፈተናው መጀመሪያ (ፊትነቱ ኸልቅ አል ቁርኣን)፦
በወቅቱ የነበሩት መሪዎች (ኸሊፋዎች) ቁርኣን "የአላህ ቃል ሳይሆን ፍጡር ነው" የሚል የ"ሙእተዚላ"የተሳሳተ አስተሳሰብን በኃይል ለማስፋፋት ሞከሩ። ብዙ ዑለማዎች ተገደውና ተፈራርተው አቋማቸውን ሲቀይሩ፣ ኢማም አሕመድ ግን "ቁርኣን የአላህ ቃል እንጂ ፍጡር አይደለም" በሚለው የሀቅ መንገድ ላይ ፀንተው ቆሙ።
2. የኸሊፋ አል-መእሙንና የሙእተሲም ዘመን፦
* ኸሊፋ አል-መእሙን፦ ኢማሙን ወደ ሻም እንዲመጡና እንዲገደሉ ትእዛዝ አስተላልፎ ነበር። ነገር ግን ኢማም አሕመድ አላህ ከእሱ ጋር እንዳያገናኛቸው ዱዓ አደረጉ፤ ወደ እሱ ሳይደርሱም ኸሊፋው ሞተ።
* ኸሊፋ አል-ሙእተሲም፦ ኢማሙን በእስር ቤት ውስጥ ለረጅም ጊዜ አሰቃይቷቸዋል። በተቀናቃኝ መሻይኾች ፊት ክርክር ቢደረግም ኢማሙ በቁርኣንና በሐዲስ ማስረጃዎች አሸነፉ። በዚህም ምክንያት በአሰቃቂ ሁኔታ በግርፋት እንዲቀጡ ተደረገ።
3. አሰቃቂው ግርፋትና ፅናት፦
ኢማሙ በግርፋት ብዛት ራሳቸውን እስከመሳት ቢደርሱም፣ አቋማቸውን ግን ፈጽሞ አልቀየሩም። ግርፋቱ አካላቸውን ቢያደክመውም የልባቸውን ኢማን ግን አላጠፋውም ነበር።
4. ከኸሊፋዎች ጋር የነበራቸው ጥንቃቄ የተሞላበት ግንኙነት፦
ምንም እንኳን ከፍተኛ በደል ቢደርስባቸውም፣ ኢማም አሕመድ ህዝቡ በመሪው ላይ እንዲያምፅ ወይም ደም እንዲፈስ ፈጽሞ አልፈቀዱም። "የሙስሊሞች ደም ከመፍሰስ ይልቅ እኔ መከራውን ብቀበል ይሻላል" በማለት ትዕግስትንና አንድነትን መረጡ።
5. የነፃነት ጎህ ሲቀድ፦
ኸሊፋ አል-ሙተወኪል ወደ ስልጣን ሲመጣ፣ ትክክለኛውን የሱና መንገድ በመደገፍ ኢማም አሕመድን ከእስር ፈታቸው። በሀገሪቱ የነበረውን የቢድዓ መንገድ በማጥፋት ሱና እንዲንሰራፋ አደረገ።
6. የኢማሙ ስንብት (ህልፈት)፦
ኢማም አህመድ በ77 ዓመታቸው ከዚህ ዓለም ተለዩ። በታሪክ ባልታየ መልኩ በሰው የተጨናነቀ የቀብር ስነ-ስርዓት ተከናወነላቸው። ከ800,000 በላይ ወንዶችና 60,000 ሴቶች በቀብራቸው ላይ ተገኝተዋል ተብሎ ይገመታል።
💡 ትምህርት፦
የኢማም አህመድ ታሪክ ለእውነት መቆም፣ በመከራ ጊዜ መፅናትና የሙስሊሞችን አንድነት መጠበቅ ያለውን ዋጋ ያስተምረናል። አላህ ለዲኑ ሲሉ መከራን ለተቀበሉት ኢማም እዝነት ያድርግላቸው ጀነትም ወስጥ ደረጃቸውን ከፍ ያድርግላቸው። እኛንም በጀነት ከነሱ እና ከነቢያችን ጋር ከሚገናኙት ያድርገን። ኣሚን!
*ዶ/ር ዐዚዝ ኢብኑ ፈርሃን በተከታታይ "የኢማሞች ታሪክ" እያቀረቡት ካለው ትምህርታቸው የተወሰደ*

1,310

የኡስታዝ ሱልጣን ኸድር የትምህርት መድረክ (official)

11 de mai. de 2026, 04:27

📷 Photo

أذكار الصباح

1,050

6

የኡስታዝ ሱልጣን ኸድር የትምህርት መድረክ (official)

11 de mai. de 2026, 04:27

📷 Photo

የሰው ልጅ ከወንጀል ሲርቅና ልቡ ሲጠራ፣ ለአላህ ፍራቻና ለቁርአን ግሳጼዎች ያለው ስሜት ፈጣን ይሆናል፣ በቀላሉ ልቡ ተነክቶ እንባው ይፈሳል።

​ምንጭ፦ መጅሙዕ ረሳኢል ኢብኑ ረጀብ (1/262)

1,510

16

የኡስታዝ ሱልጣን ኸድር የትምህርት መድረክ (official)

11 de mai. de 2026, 04:27

📎 File

አዲስ ሙሓደራ - ክፍል 2 📢
​ርዕስ፦ የሸይኹል ኢስላም ዒባዳና የጽናት ተጋድሎ
​በክፍል አንድ ስለ ትምህርታቸውና ስለ ዕውቀታቸው አይተን ነበር። በዚህ በሁለተኛውና የመጨረሻው ክፍል ደግሞ፦
✅ ስለ አስደናቂው ትሕትናቸውና ልግስናቸው፤
✅ ስለ ጀግንነታቸውና ስለ እስር ቤት ቆይታቸው፤
✅ ስለ መጨረሻው የሕይወት እስትንፋስና ታሪካዊው የቀብር ስነ-ስርዓት...
በሰፊው ይተነተናል።
​ይህንን መንፈስ የሚያድስ ታሪክ አዳምጠው ሲጨርሱ ለወዳጅ ዘመድዎ ያጋሩ።
​ሊንኩን በመጫን ያዳምጡ፦
[]🔗

1,670

2

የኡስታዝ ሱልጣን ኸድር የትምህርት መድረክ (official)

11 de mai. de 2026, 04:27

የ ኢማሙ አሕመድ ኢብኑ ሐንበል (ኢማሙ አህሊ ሱነቲ ወልጀመዓ ) የህይወት ታሪክ ባጭር። ክፍል(1)
ዋና ዋና ነጥቦቹም የሚከተሉት ናቸው፦
1. ማንነት፣ ትውልድና እድገት
* ስምና ዘር፡ አሕመድ ኢቢኑ ሙሐመድ ኢቢኑ ሐንበል ይባላሉ። ዝርያቸውም ከታዋቂው የዓረብ ጎሳ "ሸይባን" ይመዘዛል።
* ውልደትና የቲምነት፡ በ164 ዓ.ሂ በባግዳድ ተወለዱ። አባታቸው በለጋ እድሜያቸው ስለሞቱ በናታቸው "ሶፍያ ቢንቱ መይሙና" እጅ በችግር ግን ደግሞ በጥሩ ስነ-ምግባር ታንጸው አደጉ።
* የ"ኢብኑ ሐንበል" ስያሜ፡ "ሐንበል" የአባታቸው ስም ሳይሆን የአያታቸው ስም ነው። አያታቸው ታዋቂ መሪ ስለነበሩ በእሳቸው ስም ተጠሩ።
2. የዕውቀት ጉዞና መሻይኾቻቸው
የጥናት መጀመሪያ፡** በ16 ዓመታቸው የሐዲስ ጥናት ጀመሩ። እናታቸው ለጉዞ የሚያስፈልጋቸውን ስንቅ አዘጋጅታ "አላህ ዘንድ አደራ ሰጥቼሃለሁ" በማለት መረቀቻቸው።
* የተጓዙባቸው ቦታዎች፡ ኩፋ፣ በስራ፣ መካ፣ መዲና፣ የመን እና ሻም (ሶርያ) በመሄድ ዕውቀት ቀስመዋል።
* ዋና ዋና መሻይኾቻቸው፡ ከታላላቅ ዑለማዎች መካከል እንደ ኢማሙ አሽ– ሻፊዒይ፣ ወኪዕ ኢብኑ አል-ጀራሕ እና ዐብዱረዛቅ አስ-ሰንዓኒ ዘንድ ተምረዋል።
### 3. ተማሪዎቻቸውና የዕውቀት ደረጃቸው
* ታዋቂ ተማሪዎች፡ ኢማም ቡኻሪ፣ ኢማም ሙስሊም፣ አቡ ዳውድ እና ልጆቻቸው (ሷሊሕና ዐብዱላህ) የእሳቸው ተማሪዎች ነበሩ።
* የሐዲስ እውቀት፡ አንድ ሚሊዮን (1,000,000) የሚጠጉ ሐዲሶችን በቃላቸው ያውቁ ነበር ተብሏል።
* ፈቂህና ሙሐዲስ፡ ኢማም አሕመድ የሐዲስ ሊቅ ብቻ ሳይሆኑ ጥልቅ የፊቅህ እውቀት የነበራቸው ታላቅ ምሁር ነበሩ።
4. ስነ-ምግባርና አምልኮ
* አርአያነት፡ ዓለማዊ ድሎትን የማይመኙ (ዙህድ ያለቸው) እና ከጥራጣሬ ነገሮች የራቁ ነበሩ። የሰዎችን እርዳታና ስጦታ አይቀበሉም ነበር።
* ሱናን መከተል፡ ማንኛውንም ሐዲስ ሲሰሙ በተግባር ላይ ያውሉት ነበር። ነቢዩ (ﷺ) ዋግምት ተደርገው (ሒጃማ) ለባለሙያው(አቡ ጠይባህ) ዲናር እንደከፈሉ ሲሰሙ፣ እሳቸውም በተመሳሳይ መልኩ አድርገዋል።
* ትሕትና፡ በጣም ትሁትና ንጽህናቸውን የሚጠብቁ ነበሩ፤ የቤታቸውን ስራ ራሳቸው ይሰሩ ነበር።
5. "ሙስነድ (የሐዲስ መድብል)" እና የጥናት ስልት
* መረጃዎቻቸው፡ ቁርአንን፣ ሐዲስንና የሶሐባዎችን ንግግር መሰረት ያደረጉ ነበሩ።
* አል-ሙስነድ፡ ይህ መጽሐፍ በዓለም ትልቁ የሐዲስ ስብስብ ሲሆን፣ በሺዎች የሚቆጠሩ ሐዲሶችን ይዟል። መጽሐፉን የጀመሩት በ200 ዓ.ሂ አካባቢ ነው።
ክፍል አንድ እዚህ ጋ አብቃ።
በሚቀጥለው ክፍል(2) ስለ ኢማም አሕመድ ትልቁ ፈተና (ቁርአን ፍጡር ነው የሚለው የሙእተዚላ ፈተና/ፊትነተል ኸልቀል ቁርአን) ይቀጥላል። ኢንሻ አላህ!

1,610

የኡስታዝ ሱልጣን ኸድር የትምህርት መድረክ (official)

11 de mai. de 2026, 04:27

አሻኢራዎች "ቁርአን ፍጡር ነው" የሚል እምነት አላቸው፣ ይህ ንግግር በሱና ሊቃውንት ዘንድ እጅግ አደገኛና ከእስልምና የሚያስወጣ ነው።
​ አል-በይጁሪ ንግግር፦ "ጀውሃረት አት-ተውሂድ ማብራሪያ ገፅ(108) ላይ" አላህ ቁርአንን መጀመሪያ በለውሐል መሕፉዝ ላይ ፈጥሮታል።" ይላሉ
​ አል-ባቂላኒ ንግግር፦ "አል-ኢንሳፍ" በተሰኘው ኪታባቸው ላይ "ከቦታ ወደ ቦታ የሚሸጋገረው ቁርአን የጅብሪል ንግግር ነው።" ብለዋል፣ ይህ ደግሞ ቁርአን የአላህ ቃል መሆኑን መካድና ከሙስሊሞች ስምምነት ያፈነገጠ አቋም ነው።
​ የሰለፎችና የኢማም አል-ቡኻሪ አቋም
​ኢማም አል-ቡኻሪ "ኸልቁ አፍዓሊል ዒባድ" በተሰኘው ኪታባቸው ላይ እንደገለጹት፤ ቁርአን ፍጡር ነው የሚል ሰው ከእስልምና ይወጣል።" በማለት አስፍረዋል።
​ዐብደላህ ኢብኑ ሙባረክ እንዲህ ብለዋል፦ "አላህ '(እኔ አላህ ነኝ፣ ከእኔ ሌላ አምላክ የለም)' ያለውን ቃል ፍጡር ነው የሚል ሰው ከእስልምና ወጥቷል።"
​አመክንዮአዊ ማስረጃ
ከዛፉ በስተኩል ሙሳ አለይሂ ሰላም፦
﴿ إِنَّنِيٓ أَنَا ٱللَّهُ لَآ إِلَٰهَ إِلَّآ أَنَا۠ فَٱعۡبُدۡنِي وَأَقِمِ ٱلصَّلَوٰةَ لِذِكۡرِيٓ  ﴾ [طه: 14]
የሚለውን ቃል(ድምፅ) ሰምቷል።
​ቁርአን ፍጡር ቢሆን ኖሮ፣ አምላክነትን በሐሰት እንደሞገተ ፍጡር ይቆጠር ነበር። ነገር ግን ቁርአን የአላህ ቃል በመሆኑና አምላክነቱንም እራሱ ስለሚገልጽ ፍጡር ሊሆን አይችልም።
​የአህሉ ሱና አቋም ቁርአን የአላህ ቃል እንጂ ፍጡር አለመሆኑን የሚያረጋግጥ ትክክለኛ መንገድ ነው።
​📢 ለተጨማሪ ትምህርቶች ቻናላችንን ይቀላቀሉ፦

1,340

1

የኡስታዝ ሱልጣን ኸድር የትምህርት መድረክ (official)

1 de abr. de 2026, 22:16

ኒካሕ(ጋብቻ )የሸይጣንን ተንኮል ለመመከት ይረዳል።
ኢብን ተይሚያ (ረሒመሁላህ) እንዲህ ብለዋል፦
○ "ላጤ መሆን የሸይጣንን ተንኮል ለመመከት፣ ዒልምን ለመቅሰም እና አላህን ለመገዛት የበለጠ ያግዛል ተብሎ የሚታሰበው፦
የሸሪዓን ድንጋጌና ተጨባጭ ሁኔታን የሚቃረን ስህተት ነው።
ይልቁንም ላጤ አለመሆን (ማግባት) የሸይጣንን ተንኮል ለመመከት የበለጠ ያግዛል።"

📚መጅሙዕ አል-ፈታዋ (31/ 63)

1,320

11

0

የኡስታዝ ሱልጣን ኸድር የትምህርት መድረክ (official)

1 de abr. de 2026, 22:16

በኢማሙ አሕመድ እና በተማሪያቸው አል-መርሩዚ መካከል በትዳር ዙሪያ  የተደረገ ድንቅ ውይይት!
● [መርሩዚ] እንዲህ አለ፦ አቡ አብደላህ (ኢማም አሕመድን) እንዲህ ሲሉ ሰማኋቸው፦ "ነቢዩ ﷺ ሳይጋቡ መቆየትን (ምንኩስናን) ከልክለዋል። የነቢዩን ﷺ ፈለግ የጠላ ሰው እውነት ላይ አይደለም። የነቢዩን ባልደረቦች፣ የሙሃጅሮችንና የአንሷሮችን መንገድ የጠላ ሰው ደግሞ ከዲኑ ውስጥ ምንም ቦታ የለውም።"
* ነቢዩ ﷺ እንዲህ ብለዋል፦ «እኔ በሌሎች ሕዝቦች ፊት በእናንተ ብዛት  እፊካከራለሁና(እኩራለሁ።) በብዛት ውለዱ።»
* "ነቢዩ ያዕቆብ (ዐለይሂ ሰላም) በዚያ ሁሉ ሀዘናቸው ውስጥ እንኳ አግብተዋል፣ ልጅም ተወልዶላቸዋል።"
* ነቢዩ ﷺ እንዲህ ብለዋል፦ «ሴቶች(ሚስቶች) ለእኔ (እንዲወደዱ) ተደርገዋል።»
* የነቢዩ ﷺ ባልደረቦችም ያገቡ ነበር።
● እኔም አልኩ፦ ሰዎች ግን "ገቢያቸንን በሐላል መንገድ የማግኛ መንገዱ ጠቧል።" ይላሉ።
* እሳቸውም ፦ "ነቢዩ ﷺ ምንም ለሌለው ሰው እንኳ  በብረት በቀለበት (መህርነት) ድረዋል።"
* እኔም፦ በቁርኣን ሱራም ቢሆን (ይቻላል አይደል)? አልኩኝ።
እሳቸውም፦ "ይህንን ተወው" አሉ። "ትክክል (ሶሒሕ) አይደለም እንዴ?" አልኳቸው።
* እሳቸው፦ "ተወው አልኩህ! ከአንድ ነገር ስከለክልህ ተከለከል፤ አንድ ወንድ ሊያገባ ይገባል፤ ካለው (ይቀልባታል)፣ ከሌለው ደግሞ ይታገሳል።"አሉኝ።
● እኔም አልኩ፦ "እርስዎ፦ "የምቀልባት ካጣሁ እፈታታለሁ" ይሉኛል። እኔ ግን ስራ አግኝቼ መህሯ አንድ ሺህ ድርሀም ቢሆንብኝስ? እኔ ደግሞ አሁን ላይ ምንም የለኝም።
* ሳቁና እንዲህ አሉ፦ "በአምስት ድርሀም አግባ! ኢብኑ አል-ሙሰየብ (ታላቁ ታቢዒይ) ልጃቸውን በሁለት ድርሀም ድረዋል።"
● እኔም፦ ቤተሰቦቼ በአምስት ድርሀም እንዳገባ አይፈቅዱልኝም አልኳቸው።
* አሉ፦ "አሃ! አሁን የዱንያን ነገር አመጣህብኝ፤ ይህ ሌላ ጉዳይ ነው።"
● እኔም፦ ኢብራሂም ኢብኑ አድሀም (ታላቁ ዛሂድ) "የቤተሰብ ሐላፊ መሆን እንዴት ያስፈራል?!..." ማለታቸው ይወራል ስላቸው፤
* ንግግሬን ሳልጨርስ ጮኹብኝና እንዲህ አሉ፦ "በጎንዮሽ መንገዶች (ጠቃሚ ባልሆኑ ወሬዎች) ውስጥ ወደቅን። አላህ ዓፊያውን ይስጥህና—ሙሐመድ ﷺ እና ባልደረቦቻቸው ምን ላይ እንደነበሩ ተመልከት!"
● ቀጠልኩና ለአቡ አብደላህ እንዲህ አልኳቸው፦ -ፉደይል ኢብኑ ዒያድ "አንድ ሰው በልባችን ውስጥ (ትልቅ ቦታ) ይኖራል፤ ነገር ግን በማዕዱ ዙሪያ ሰዎች ሲሰበሰቡ (ቤተሰብ ሲያፈራ) ከልባችን ይወጣል።" ማለታቸው ይወራል?
* አሉ፦ "ከእነዚህ የጎንዮሽ ወሬዎች ተወኝ!አላልኩህም? እውቀት እንዲህ አይቀሰምም! አላህ አውፍ ይበልህና! —ሙሐመድ ﷺ እና ባልደረቦቻቸው ምን ላይ እንደነበሩ ተመልከት!"( እነሱን ተዋቸው!)
* ከዚያም ቀጠሉና፦ "እነሆ በዘመንህ ያሉ ደጋግ ሰዎች (ሷሊሖች) አግብተው እንጂ አታገኛቸውም።"
📚 ምንጭ፦ አል-ጃሚዕ ሊዑሉሚ አል-ኢማም አሕመድ (10/ 484 - 485)

1,520

የኡስታዝ ሱልጣን ኸድር የትምህርት መድረክ (official)

1 de abr. de 2026, 22:16

📷 Photo

ፈውስ ለሚፈልግ ሰው
ኢብን አል-ቀዪም አል-ጀውዚያ (አላህ ይዘንላቸውና) "መዳሪጁ ሳሊኪን" በተሰኘው መጽሐፋቸው ላይ እንዲህ ብለዋል፦
> "እኔ በዚህ ረገድ (በሩቃ) በራሴም ሆነ በሌሎች ላይ አስደናቂ ነገሮችን ሞክሬያለሁ፤ በተለይም መካ (አላህ ያክብራትና) በነበርኩበት ጊዜ። እንቅስቃሴዬን ሊገቱ የሚቃረቡ በጣም አስቸጋሪ ህመሞች ያጋጥሙኝ ነበር፤ በተለይ በጦዋፍ ወቅትና በሌሎችም ጊዜያት። በዚያን ጊዜ ወደ ፋቲሃ ለመቅራት እፈጥንና ህመሙ ባለበት ቦታ ላይ እደባብሰዋለሁ፤ ያኔ ህመሙ ልክ እንደ ጠጠር ተንከባሎ እንደሚወድቅ (ወዲያው እንደሚጠፋ) ሆኖ ይሰማኝ ነበር። ይህንንም ደጋግሜ ሞክሬዋለሁ።
> እንዲሁም ከዘምዘም ውሃ በአንድ (ብርጭቆ) እወስድና ፋቲሃን ደጋግሜ እቀራበት ነበር፤ ከዚያም እጠጣዋለሁ። በዚህም ውስጥ በመድኃኒት የማላገኘውን ዓይነት ጥቅም እና ጥንካሬ አገኝ ነበር። ነገሩ ከዚያም በላይ ታላቅ ነው፤ ሆኖም (ውጤቱ) እንደ እምነት ጥንካሬና እንደ እርግጠኝነት (የቂን) ጥራት ይለያያል። አላህም ረዳታችን ነው።"
>

2,460

የኡስታዝ ሱልጣን ኸድር የትምህርት መድረክ (official)

1 de abr. de 2026, 22:16

📷 Photo

በፋቲሃ መታከም (ሩቅያ ማድረግ)
ሸይኽ ሙሐመድ ሳሊሕ አል-ዑሰይሚን (ረሂመሁላህ)እንዲህ ብለዋል፦
> "ሱረቱል ፋቲሃ 'ሩቅያ' (ፈውስ የሚገኝባት ) መሆኗ ከነቢዩ ﷺ ተረጋግጧል። ይህም ማለት በታመመ ሰው ላይ ፈውስን በመፈለግ ትቀራለች። ይህ ደግሞ በተግባር የተሞከረና የተረጋገጠ የሆነ ነገር ነው። በታመመ ሰው ላይ ፋቲሃን መቅራት ለፈውስ በጣም ቅርብ ከሆኑ ሕክምናዎች አንዱ ነው።"
>
ምንጭ፦ ፈታዋ ኑሩን ዓለ አድ-ደርብ

1,520

21

የኡስታዝ ሱልጣን ኸድር የትምህርት መድረክ (official)

1 de abr. de 2026, 22:16

🌷ሰባሑል ኸይር
> "በአላህ እምላለሁ! ሲሳይህ በባሕር ሥር ባለ ድንጋይ ውስጥ ቢሆን እንኳ፣ አንተ ጋር እስኪደርስ ድረስ አላህ ያወጣዋል።
> እወቅ! የሰው ልጅ ኃይል ሁሉ ቢሰባሰብ እንኳ፣ አንተ ጋር ሊደርስ ከተጻፈልህ ነገር (ሪዝቅ) የሚከልክልህ ምንም ነገር የለም፤ ስለዚህ ተረጋጋ።"
>

1,320

28

0

የኡስታዝ ሱልጣን ኸድር የትምህርት መድረክ (official)

1 de abr. de 2026, 22:16

> "አንድ (ሰው እንደ ተራራ የሚገዝፉ ወንጀሎችን ተሸክሞ  የውመል ቂያማ ይመጣል፤ ነገር ግን ምላሱ አላህን በማውሳት (በመዘከሩ) የተነሳ ወንጀሎቹን ሲያፈራርሳቸው (ሲዘርዛቸው) ያገኘዋል።" (ኢብኑ ተይሚያህ)
>  ይህን ዚክር ደጋግመው ይበሉ፦
✨ አስተግፊሩላህ አል-ዐዚም ወአቱቡ ኢለይህ
✨ አስተግፊሩላህ አል-ዐዚም ወአቱቡ ኢለይህ
✨ አስተግፊሩላህ አል-ዐዚም ወአቱቡ ኢለይህ
⤴️ ለሚወዱት ሰው በማጋራት የዚክሩ ተቋዳሽ ያድርጓቸው።
ጥቆማ፦  የአላህን ዚክር ማብዛትና ኢስቲግፋር ማድረግ (ምሕረት መለመን) ምን ያህል ታላላቅ ወንጀሎችን እንኳ ሳይቀር እንደሚያብስ  የታላቁ ዓሊም ኢብኑ ተይሚያህ ምክር ነው። በተለይም በዚህ ዘመን ልብ በጭንቀትና በወንጀል በከበደበት ጊዜ ይህን ማዘውተር ትልቅ እረፍት ይሰጣል።

1,930

28

0

የኡስታዝ ሱልጣን ኸድር የትምህርት መድረክ (official)

1 de abr. de 2026, 22:16

📷 Photo

قال رسول الله ﷺ

من دعا إلى هدى كان

له من الأجر مثل أجور من تبعه

📚[ اخرجه مسلم ]

1,420

17

የኡስታዝ ሱልጣን ኸድር የትምህርት መድረክ (official)

1 de abr. de 2026, 22:16

📷 Photo

ዑመር ኢብኑ ሳሊህ አል-በግዳዲ እንዲህ ይላሉ፦
"ኢማም አሕመድ ኢብኑ ሐንበልን 'ቀልብን የሚያለሰልሰው (የሚያራራው) ምንድን ነው?' ብዬ ጠየቅኳቸው። ወደ እኔ ተመለከቱና አንገታቸውን ደፉ፤ ደግመው ተመለከቱኝና ዳግም አንገታቸውን ወደ መሬት አቀረቀሩ፤ ከዚያም እንዲህ አሉ፦ 'ቀልብን የሚለሰልሰው በምንድን ነው? ያልከኝ?
(ቀልብ የሚለሰልሰውማ) ሐላልን በመመገብ ነዋ!'"
> "አላህ ሆይ! ሐላል ሪዝቅን በመፈለግ ላይ እርዳን፣ አግራልንም።"

{اللهم اكفني بحلالك عن حرامك، وأغنني بفضلك عمن سواك} 🤲

1,460

31

የኡስታዝ ሱልጣን ኸድር የትምህርት መድረክ (official)

1 de abr. de 2026, 22:16

[poll]

1,390

16

0

የኡስታዝ ሱልጣን ኸድር የትምህርት መድረክ (official)

1 de abr. de 2026, 22:16

📷 Photo

عَن سُلَيْمَانَ التَّيمِيِّ قَالَ:

«إِنَّ الرَّجُلَ لَيُذنِبُ الذَّنب فيُصبحُ وَعَليهِ مَدْلَتهُ»

سير أعلام النبلاء» (٦ / ٢٠٠)]

1,300

14

Showing 30 of 30 posts

No more posts