🇺🇿 O‘zbekistonda muhandislik maktablari yo‘lga qo‘yilmoqda!
🎓 2026/2027-o‘quv yilidan boshlab Ixtisoslashtirilgan ta’lim muassasalari agentligi tizimida yangi turdagi ta’lim muassasalari — muhandislik maktablari ochilishi rejalashtirilgan. Bu tashabbus mamlakatimizda zamonaviy bilim va amaliy ko‘nikmaga ega muhandislarni tayyorlashda muhim qadam hisoblanadi.
⚙️ Muhandislik maktablari — bu STEM (Science, Technology, Engineering, Mathematics) yondashuvi asosida tashkil etilgan, o‘quvchilarni nafaqat nazariy bilim, balki real amaliy tajriba bilan ta’minlaydigan innovatsion ta’lim maskanidir.
Asosiy maqsad:
⏺ Yangi avlod muhandislarini yetishtirish
⏺ Maktab ta’limi va sanoat o‘rtasida uzviy bog‘liqlikni kuchaytirish
⏺ Mamlakatning texnologik va muhandislik salohiyatini oshirish
Ta’lim yo‘nalishlari (5 yillik dastur):
⏺ 7–9-sinflar: matematika, fizika va xorijiy tillar chuqurlashtirilgan holda o‘qitiladi
⏺ 10–11-sinflar: muhandislik fanlari va aniq ixtisoslikka yo‘naltirilgan ta’lim
⏺ Universitet fanlari bilan integratsiya (professor-o‘qituvchilar ishtirokida)
Muhandislik maktablari respublikaning turli hududlarida bosqichma-bosqich yo‘lga qo‘yiladi: Nukus, Andijon, Buxoro, Jizzax, Qarshi, Navoiy, Namangan, Samarqand, Sirdaryo, Surxondaryo, Xorazm, Farg‘ona va Toshkent viloyatlarida.
Qabul tartibi:
⏺ 2026/2027-o‘quv yilidan boshlanadi
⏺ 7-sinfdan qabul (dastlab 7–10-sinflar ham qamrab olinadi)
⏺ Tanlov (imtihon) asosida saralash
O‘quvchilar uchun imkoniyatlar:
⏺ Universitet dasturlari bilan integratsiya
⏺ 11-sinfda ishlab chiqarish amaliyoti (stajirovka)
⏺ Eng yaxshi bitiruvchilar uchun oliy ta’limga imtihonsiz, 2-kursdan qabul imkoniyati
⏺ Davlat granti asosida bepul ta’lim
Bugungi kunda agentlik tizimidagi Mirzo Ulug‘bek nomidagi ixtisoslashtirilgan maktab hamda Yangi O‘zbekiston universiteti o‘rtasida, shuningdek Muhammad al-Xorazmiy nomidagi ixtisoslashtirilgan maktab va Al-Xorazmiy universiteti o‘rtasida samarali integratsiya yo‘lga qo‘yilgan.
Endilikda ushbu model hududlarda ham joriy etilib, muhandislik maktablari oliy ta’lim muassasalari bilan bevosita hamkorlikda ishlaydi.
⚙️ Muhandislik maktablari — bu kelajak kasblariga tayyorgarlik ko‘rish, real tajriba orttirish va yuqori darajadagi ta’lim olish uchun katta imkoniyatdir. Bu loyiha yoshlarning salohiyatini ochib berish va mamlakat taraqqiyotiga xizmat qiladigan mutaxassislarni yetishtirishga xizmat qiladi.
Yangiliklarni kuzatib boring — imkoniyatni qo‘ldan boy bermang!
https://www.facebook.com/groups/927262318259670/?ref=share&mibextid=NSMWBTBizni kuzating
💻 https://gov.uz/oz/ima 🌐
https://t.me/piimauz ▶️
https://www.youtube.com/channel/UCZFpPmVyOdPpXUcazo0Cyyw 🌐
http://instagram.com/piima.uz 🌐
https://www.facebook.com/piima.uz ⚙️ https://portal.piima.uz/
