Nessuna recensione ancora. Sii il primo a condividere la tua opinione!
Ultimi post
Muhammad Sameh
11 mag 2026, 17:23
أعظم خدمة ممكن تقدمها لنفسك إنك تبطل توثق اللحظة بالصور بس، وتبدأ تركز على الفيديوهات.. حتى لو كان فيديو مدته ثانيتين أو تلاتة.
الفيديو بيحافظ على المشاعر، الحركة، الصوت، كل دي تفاصيل الصور مش بتقدر تنقلها.
جرب تعمل كده، وهتدعيلي بعدين.
7,460
153
0
Muhammad Sameh
11 mag 2026, 17:23
📷 Photo
على غرار دسكورد وكام ابلكيشن تانيين، دلوقتي في واتساب هتقدر تعمل منشن لكل الجروب مرة واحدة عن طريق انك تكتب @all
6,590
38
Muhammad Sameh
11 mag 2026, 17:23
بقالي كتير مستني ان حد يطور تقنية تنقل الروائح عن طريق الأجهزة الإلكترونية؛ اظن الموضوع ده هيعمل ثورة في عالم الترفيه والتسويق!
تخيل تبقى بتتفرج على فيلم عندك في البيت ولما مشهد ييجي في الشاطي تشم ريحة الحبر مثلا !
بلاش ده، تخيل انك فاتح ويب سايت بيبيع برفيوم، ولما تختار حاجة منهم تشم ريحتها عن طريق الموبايل قبل ما تشتري، حرفيًا ثورة في عالم الايكوميرس.
الموضوع يبان خيال وغير قابل للتطبيق، بس معظم اللي بنعتبره طبيعي النهارده كان في وقت من الأوقات مجرد خيال.
على الرغم من المشاكل الكتير الي عاملاها التكنولوجيا والذكاء الاصطناعي، بس أنا سعيد اني عايش في العصر ده وبشوف بعيني مستوى رفاهية مكنش حد يتخيله من 100 سنة فاتت.
11,100
79
0
Muhammad Sameh
11 mag 2026, 17:23
🕊️
9,360
81
0
Muhammad Sameh
11 mag 2026, 17:23
They called me a madman
لما اشتريت ٩٦ جيجا رامات.
11,600
63
0
Muhammad Sameh
11 mag 2026, 17:23
📷 Photo
دايمًا الألوان في الشاشات بتختلف عن الالوان في الطباعة، وده لأن الالوان على الشاشات الرقمية بتكون بنظام اسمه RGB أما في الطباعة بتكون بنظام CMYK في معظم الحالات؛ ومن هنا اتولدت شركة PANTON؛ بانتون جت وقالتلك انا هعمل نظام جديد للألوان تفهمه الشاشات ومكن الطباعة في نفس الوقت عشان احل مشكلة اختلاف الالوان دي واللون الي هتشوفه على الشاشة هو اللون الي هيتطبع وعملتلك مكتبة لونية تقدر تحملها على برامج التصميم أو تشتريها مطبوعة عشان تشوف اللون قدام عينك.
على مدار 26 سنة من اول سنة 2000 حتى الآن كانت بانتون بتختار لون واحد مميز كل سنة يبقى واجهة للسنة دي وبيحدد توجه الموضه والفاشون وبيبقى زي تريند للمصممين والرسامين أنهم يستخدموا اللون ده في أعمالهم
تم اختيار بانتون عام 2026 وكان من نصيب PANTONE 11-4201 واسمه Cloud Dancer.
11,000
Muhammad Sameh
11 mag 2026, 17:23
شباب لما تخلوا ChatGPT يكتبلكم كونتنت بالله عليكم امسحوا اي جملة بالشكل ده:
"ده مش مجرد كونتنت، دي حكاية عريقة"
"ده مش مجرد عرض، دي مفاجأة كبيرة"
"ده مش مجرد برجر، دي فرايد تشيكن"
اي حاجة بالوزن ده امسحوها خالص عشان بتتلقط بسرعة وبيبقى شكلكم وحش اوي.
11,800
101
0
Muhammad Sameh
11 mag 2026, 17:23
📷 Photo
اخيرًا عروض الجمعة البيضاء بتاعت فري-بيك نزلت على الموقع، كالمعتاد بتتأخر كل مرة!
لو ناوي تشتري ده احسن وقت عشان في الأغلب مش هنلاقي عروض بنفس القوة لحد اخر السنة، وفري بيك اصلًا اسعارها عليت اوي الفترة الي فاتت بسبب مميزات الذكاء الاصطناعي، فدي اسعار كويسة.
لو اشتركت سنة في الـ Premium هتقف عليك بـ93 يورو بدل 180 ودول تقريبًا 4450 جنيه مصري.
ولو اشتركت سنة في الـ +Premium هتقف عليك بـ206 يورو بدل 408 ودول تقريبًا 9250 جنيه مصري.
نصيحتي ليك تشترك في +Premium عشان تاخد مميزات الذكاء الاصطناعي انليمتد، وعدد الكريديتس فيها منطقي شوية عن الـ Premium
مع العلم ان اشتراك فري بيك بيشتغل على 3 اجهزة في نفس الوقت يعني ممكن تقسم فلوسه مع 2 صحابك وساعتها الواحد هيدفع 1500 جنيه للبريميم أو 3100 للاشتراك البلس.
لو مش معاك جروب تشترك معاه ممكن تشوف في الكومنتات وان شاء الله تلاقي، وشوف اول كومنت ضروي قبل ما تشترك.
9,640
Muhammad Sameh
11 mag 2026, 17:23
📷 Photo
لو عاوز تعمل اشتراك ادوبي فدي اضمن واسلم طريقة ممكن تعمل بيها اشتراك، ببساطة اشتراك مباشر مع ادوبي نفسها بنفس اسعار الصفحات الي بتبيع الاشتراكات المضروبة.
الفترة دي فيه عروض حلوة على الاشتراكات بمناسبة البلاك فرايداي، لو معاك ايميل جامعي الاشتراك هيكون 500ج/شهر، وتقدر تجيب اي ايميل من اي حد من قرايبك او معارفك.
اما لو مش معاك ايميل طلبة هيكون الاشتراك بـ800ج/شهر، وده لسه برضه رقم حلو!
العروض دي سارية فقط للمشتركين الجدد، اعمل اكونت جديد واشترك بيه، وخلي بالك ان الفترة دي اوبي شادة حيلها شوية في ان اتنين يستعملوا اشتراك واحد في نفس الوقت، فلو عندك القدرة المالية انك تعمل اشتراك لوحدك اعمل كدا ومتتأخرش.
8,900
14
Muhammad Sameh
11 mag 2026, 17:23
دلوقتي هتقدر تنقل الفايلات AirDrop من الآيفون للأندرويد!
ولأ، مش عن طريق اي برامج خارجية ومن غير لف ودوران.
كلنا عارفين ان فيه مقابل للـAirDrop في الويندوز بإسم QuickShare، كل واحد فيهم بيشتغل بشكل مختلف عن التاني، بس دلوقتي كويك شير هيدعم الاير دروب بطريقة ما.
هتبعت الصورة من الايردروب في الآيفون هتوصلك في الكويك شير في الاندرويد والعكس صحيح، اكن الاتنين نفس النظام!
الموضوع ده وصل في تحديث النهاردة لموبايلات بيكسل ١٠ وقريب هتنزل لكل الاندرويد.
7,450
64
0
Muhammad Sameh
31 mar 2026, 06:01
📷 Photo
في أوقات كتير بنكون محتاجين إيميل جامعي علشان نقدر نستفيد من العروض والخصومات اللي بتقدمها الشركات للطلاب، لكن الوصول لإيميل .edu مش دايمًا بيكون سهل. معظم الشركات بتقدم خصومات قوية للإيميلات الجامعية، وده بيبقى واضح جدًا في شهر نوفمبر مع عروض البلاك فرايداي.
اشهرهم شركة ادوبي الي طول السنة عاملة اشتراك مُخفض للطلبة، وفي البلاك فرايداي الاشتراك ده بيكون بسعر اقل بكتير، لو مش معاك ايميل جامعي فلحسن حظك فيه خدمة هتديك ايميل ببلاش.
بس خلينا الأول نكون صريحين، الحركة دي مش دايمًا بتنتجح، فيه شركات اول لما تشوفك مسجل بأيميل اخره edu بتديك العروض بتاعتها، وفيه شركات تانية بتعمل تحقق verfiy وتدخلك في دوامات وفي الأخر طلبك هيترفض، فأنت وحظك.
عشان تاخد الأيميل الجامعي https://bit.ly/4r70XY5وتكتب اليوزر نيم الي انت عاوزه والف مبروك هيكون معاك حساب جامعي لمدة ٧ ايام!
7,120
Muhammad Sameh
31 mar 2026, 06:01
📷 Photo
ابتداءًا من اليوم الخميس 30 اكتوبر الساعة 12 بالليل هيتم تفعيل التوقيت الشتوي في مصر.
وده معناه ان لما الساعة تبقى 12:00 بالليل لازم ناخد كل ساعات البيت ونظبطها تبقى 11:00 بإختصار الوقت أتقدم ساعة، بالمناسبة كدا رجعنا تاني مش ماشيين مع توقيت السعودية وبقينا بدري ساعة عنهم، فلو شغلك الساعة ١٠ بتوقيت السعودية فده معناه انك هتبدأ ٩ بتوقيت مصر.
بالتالي مواعيد الصلاة اختلفت عن الي احنا متعودين عليه، ودي مواعيد الصلاة الجديدة بكرة بعد تفعيل التوقيت الشتوي وهتختلف دقايق من محافظة لمحافظة.
هنفضل ماشيين بالتوقيت الشتوي لمدة 6 شهور تقريبًا وهنرجع للتوقيت الصيفي بتاعنا في آخر يوم خميس من شهر ابريل.
16,100
74
Muhammad Sameh
31 mar 2026, 06:01
عندي عادة ملتزم بيها من ٣ سنين ان مع كل توقيت صيفي وشتوي بنزل تنبيه عندي في الصفحة باختلاف مواعيد الصلاة، البوست ده الحمد لله بينتشر وبيوصل لمصر كلها حرفيًا بنفس التصميم بتاعي ودي حاجة اكيد تسعدني.
بس للاسف مع كل سنة البوستات القديمة بترجع تظهر للناس في الميموريز وتنتشر تاني وبيكون فيها مواعيد غلط بسبب انها مواعيد السنة الي فاتت.
مع اني بنشر المواعيد الجديدة بس للاسف القديم بينتشر اكتر، بصراحة مش عارف اعمل ايه وحاسس اني بأخذ ذنب المعلومات المغلوطة ومش عارف اوقف الانتشار ده ازاي.
7,910
111
0
Muhammad Sameh
31 mar 2026, 06:01
📷 Photo
كانت بتواجهني مشكلة دايمًا لمّا احتاج اخش ميتينج من الكمبيوتر واحتاج اني اشغل كاميرا والكمبيوتر بتاعي مفهوش كاميرا، لكن أسعار الويب كام مبالغ فيها جدًا.
في نفس الوقت انا معايا موبايل الكاميرا بتاعته أكيد هتبقى احسن من اي ويب كام موجودة، فقعدت أفكر هل ممكن استخدم الموبايل بتاعي كأنه كاميرا للكمبيوتر؟
بعد قليل من البحث لقيت برنامج صغير بيعمل كدا، البرنامج ده بتحمله للموبايل وللكمبيوتر بتاعك وبيوصلك الموبايل كأنه ويب كام، والجميل أنك ممكن توصله عن طريق الواي فاي أو سلك الشاحن، وبيشتغل على الأندرويد أو الأيفون.
https://bit.ly/droidpc https://bit.ly/droidandroid https://apple.co/3JwO99o
10,100
80
Muhammad Sameh
31 mar 2026, 06:01
📷 Photo
بعد ما اشتراك ChatGPT Plus غلي وبقى بـ 1000ج
نزلتلنا خطة جديدة اسمها Go و 250ج بس، حرفيًا ربع السعر!
خطة الاشتراك دي كانت موجودة في الهند فقط وحاليًا اتفتحتلنا في مصر كمان ، ودي عبارة عن خطة مصغرة من الـPlus وشالوا منها شوية حاجات تانية زي إنشاء الفيديوهات بـ Sora ومحرر الأكواد Codex.
شايفها صفقة بصراحة لما ان محدش بيستخدم الحاجات التانية دي وخصوصًا ان عندك بديل لـSora وهو Veo 3 من جوجل وكمان نانو بانانا وده ممكن تاخده سنة كاملة مجانًا دلوقتي.
هسيبلكم الفروقات بتاعت الخطط في اول كومنت لو عاوز تعرف الليمت بتاع ChatGPT go.
9,150
65
Muhammad Sameh
31 mar 2026, 06:01
📷 Photo
دلوقتي كارت telda بقى متاح انك تضيفه على Apple Pay!🎉
وبكده ينضم لكروت بنك مصر والأهلي وبنك CIB، وعقبال باقي البنوك.
