Ethiopian Lecturers Voice

Public

Voir la chaîne

Vous ne pouvez pas rejoindre ? @EUASAs

9.6k Membre

Mis à jour: May 13, 2026 at 6:45 PM

Ethiopian Lecturers Voice

Join @EUASAs for exclusive Apprentissage des Langues content and discussions in 20

Classement

Classement mondial

#456

Classement par langue

#45

Classement par catégorie

#23

-1

Croissance des abonnés (Les 8 derniers jours)

Total: 9.6K

Croissance sur 24h: +0 0%

Derniers articles

Ethiopian Lecturers Voice

25 mai 2026, 17:22

ነጭ አብዮት እንጀምራለን !
**
‎#የመምህራን #ደመወዝ #ከሁሉም #በላይ #ልዩ #ትኩረት #የሚሻው #ለምንድን #ነው?
‎➨ክቡር የመንግስት አካላት እና ውድ የሀገራችን መሪዎች ሆይ :-እኔ መምህር ተማም እንደሻው (28 አመት የማስተማር ልምድ ያለኝ )

‎ዛሬ ይህንን መልእክት ለመጻፍ የተነሳሁት፣ የሀገራችንንና የትውልድን እጣ ፈንታ የሚወስነው ትልቁ ሙያ፣ የመምህርነት ሙያ፣ አሁንም ድረስ የሚገባውን ክብርና የኢኮኖሚ ድጋፍ እያገኘ ባለመሆኑ ነው። የመምህራን ደመወዝ፣ ከሌሎች የመንግስት ሰራተኞች ደመወዝ በተለየ መልኩ ሊታይ የሚገባው ጉዳይ መሆኑን በብርቱ ለማሳሰብ እወዳለሁ።

‎1. የመምህሩ ሚና ልዩ ነው፦
‎መምህር በቀላሉ ደመወዝ የሚቀበል የመንግስት ሰራተኛ ብቻ አይደለም። መምህር የሀገር አሰልጣኝ፣ የትውልድ ቀራጺ፣ የዕውቀት ምንጭ፣ የክህሎት ሰጭና የመልካም ስነ-ምግባር አርአያ ነው። የሀኪም፣ የኢንጂነር፣ የገበሬ፣ የፖለቲከኛና የማንኛውንም ባለሙያ መሠረት የሚጥለው መምህር ነው። መምህር ለሀገሩ እድገት የላቀ ዋጋ የሚከፍል እንጂ የደመወዝ ቆጠራ ብቻ የገባ አይደለም።

‎2. የመምህሩ የገንዘብ ችግር የሚያስከትለው አደጋ፦
‎አንድ መምህር ለቤተሰቡ የሚያስፈልገውን መሰረታዊ ነገር እንኳን ማሟላት ሲሳነው፣ ትምህርቱን በሙሉ ልቡና በሙሉ ሀሳቡ ማስተማር ይሳነዋል። በኑሮ ጫና ተጠምዶ ተማሪዎቹን በሚገባ ለማገልገል ይቸገራል። ይህም በትምህርት ጥራት ላይ ቀጥተኛና አደገኛ ተጽእኖ ይፈጥራል። ደካማ ደመወዝ ጥሩና ብቁ የሆኑ ተማሪዎች የመምህርነት ሙያን እንዳይመርጡ ያደርጋል፣ በዚህም የትምህርት ጥራቱ ከትውልድ ወደ ትውልድ እየወረደ ይሄዳል።

‎3. ኢንቨስትመንት ለትውልድ እንጂ ለግለሰብ አይደለም፦
‎የመምህር ደመወዝ ጭማሪ እንደ ተራ የመንግስት ወጪ መታየት የለበትም። ይልቁንም፣ በመጪው ትውልድ ላይ የሚደረግ ስትራቴጂካዊ ኢንቨስትመንት ነው። አንድን ሀገር ወደፊት ለማስኬድ የሚደረጉ ጥረቶች ሁሉ የሚቀመሱት በመምህሩ የትምህርት ጥራት ነው። መምህሩ ደመወዙ በቂ ሆኖለት ሙያውን በሙሉ ልቡ ሲያገለግል፣ የሚፈጥረው ትውልድ ብቁ፣ የተማረና ምርታማ ይሆናል። ይህ ደግሞ የሀገርን ኢኮኖሚ፣ ማህበራዊና ፖለቲካዊ መሰረት ያጠናክራል።

‎4. የሌሎች ሀገራት ተሞክሮ፦
‎በአለም ላይ በጥራትና በኢኮኖሚ የላቁ ሀገራት መምህራንን ከሌሎች የህብረተሰብ ክፍሎች በተለየ መልኩ እንደሚያከብሩና ከፍ ያለ ደመወዝ እንደሚከፍሉ ታሪክ ይመሰክራል። መምህራንን መደገፍና ማበረታታት የሀገራቸውን እድገት ዋስትና ለማድረግ እንደ ትልቅ ስትራቴጂ ይወስዳሉ። ይህ ተሞክሮ ለኛም ትልቅ ትምህርት ነው።

‎ስለዚህ፣ የመምህራን ደመወዝ ጭማሪ ከተራ የደመወዝ ማሻሻያ አልፎ፣ ለሀገር ህልውናና ዘላቂ ብልጽግና እንደ ትልቅ ስትራቴጂያዊ ቅድሚያ የሚሰጠው ጉዳይ እንዲሆን አጥብቄ አሳስባለሁ። መንግስት ይህንን ጉዳይ ከሌሎች በተለየ ሁኔታ በመመልከት የመምህራንን የኑሮ ሁኔታ በማሻሻል ለትውልድ የተሻለ መሰረት እንዲጥል ጥሪዬን አቀርባለሁ።
‎በአክብሮት፣
‎👆ነጭ አብዮት ከመጀመራችን በፊት ጥያቄዎቻችን ይመለሱልን ዘንድ በታላቅ አክብሮት፣ፍፁም ሰላማዊና ፍቅር በተሞላበት አክብሮት እንጠይቃለን !

የኢትዮጵያ መምህራን
ነሃሴ 22/2017 ዓ.ም

Join us : https://t.me/ethio_first1

19,000

Ethiopian Lecturers Voice

25 mai 2026, 17:22

📷 Photo

#ዜናመሠረት ከሀምሌ 1 ጀምሮ ከ20 አመት በላይ ያገለገሉ የመንግስት ሰራተኞች ጨምሮ የአስር ሺዎች እጣ ፈንታ ታውቋል

(ይህ ከትናንት በስቲያ በመሠረት ሚድያ የቀረበ መረጃ በብዙ አንባቢዎች ጥያቄ መሰረት ለሁሉም አንባቢዎች ክፍት ተደርጎ በድጋሜ ቀርቧል)

(መሠረት ሚድያ)- ከጥቂት ወራት በፊት የፀደቀው የመንግስት ሰራተኞች አዋጅ "ተቋማት ተልዕኳቸውን በብቃት እንዲፈፅሙ የሚያስችል ነው" ቢባልም ከአዋጁ ጋር ተያይዞ በርካታ የመንግስት ሰራተኞች ከስራ ሊቀነሱ እንደሚችሉ መሠረት ሚድያ ከወራት በፊት መዘገቡ ይታወሳል።

አሁን የደረሰን መረጃ እንደሚጠቁመው ደግሞ በአስር ሺዎች የሚቆጠሩ የመንግስት ሰራተኞች ከሀምሌ 1/2017 ዓ/ም ጀምሮ ከስራ ሊቀነሱ እንደሆነ ታውቋል።

በዚህም ሁሉም የመንግስት ተቋማት 'ሪፎርም' በሚል አሰራር ከ20 አመት በላይ ያገለገሉ ሰራተኞችን ጨምሮ ከሀምሌ 1 ጀምሮ ውላቸው እንዲቋረጥ ከወዲሁ ዝግጅት እየተደረገ መሆኑን መሠረት ሚድያ ከመንግስት ምንጮች አረጋግጧል።

ከኢትዮጵያ አየር መንገድ እስከ ምድር ባቡር ኮርፖሬሽን፣ ከፓርላማ ፅህፈት ቤት እስከ ዩኒቨርስቲዎች፣ ከክፍለ ከተማዎች እስከ ሚኒስቴር መስሪያ ቤቶች ወዘተ ይተገብሩታል በተባለው በዚህ የሰራተኛ ቅነሳ በአስር ሺዎች የሚቆጠሩ ሰራተኞች ከስራቸው ይሰናበታሉ ተብሎ ይጠበቃል።

የህዝብ ተወካዮች ምክር ቤት የሰው ሃብት ልማት ሥራ ስምሪትና ቴክኖሎጂ ጉዳዮች ቋሚ ኮሚቴ ሰብሳቢ ዶ/ር ነገሪ ሌንጮ በአዋጁ አላማና አስፈላጊነት ዙሪያ ከወራት በፊት ማብራሪያ ሰጥተው በነበሩበት ወቅት በቀጥታ ስለ ሰራተኛ ቅነሳው ያነሱት ነገር ባይኖርም በመንግስት አቅጣጫ ከተያዘባቸው ጉዳዮች አንዱ "ከሚያስፈልገው በላይ የመንግስት ሰራተኛ አለ" የሚለው ዋናው መሆኑን ጠቅሰው ነበር።

በሕዝብ ተወካዮች ምክር ቤት የመንግስት ዋና ተጠሪ ሚንስትር አቶ ተስፋዬ በልጅጌም ሂደቱ የግለሰቦችን መብት ያለአግባብ እንዳይጎዳ ሚዛኑን አስጠብቆ በመሄድ ረገድ ተገቢው ጥንቃቄ ይደረጋል ቢሉም በርካቶች ከስራቸው መቀነሳቸው እንደማይቀር ታውቋል።

የረቂቅ አዋጁን ይዘት በአግባቡ ባለመረዳት በአንዳንድ የሚዲያ ተቋማት የተዛቡ መረጃዎች እየተላለፉ እንደሆነ የሚናገሩት ዶ/ር ነገሪ በበኩላቸው ግልፀኝነት በሚያስፈልጋቸው ጉዳዮች ላይ በመወያየት ረቂቅ አዋጁን የበለጠ ለማዳበር እና ህዝቡ ትክክለኛ መረጃ እንዲያገኝ ለማድረግ ይደረጋል ብለዋል።

አዋጁ እንደ ፍርድ ቤት፣ አቃቤ ህግ፣ ፖሊስ፣ መከላከያ፣ እና ደህንነትን የመሳሰሉ ተቋማት ውስጥ የብሄር ስብጥር ለማድረግም ያለመ መሆኑን የጠቁሙት ምንጮቻችን አዋጁ "የብሔር ብሔረሰቦች ብዙሃነት እና አካታችነት ስርዓትን ይገነባል" በሚል በመንግስት እንደታሰበ አስረድተዋል።

የዚህን የመንግስት ሰራተኞች ቅነሳ የሚጠቁም ነገር ግን ብዙ ሰው ልብ ያላለው አንድ መረጃ በአንድ የመንግስት ሚድያም ተለቆ ነበር።

"ሲቪል ሰርቪሱ ሀገሪቷ ከምትሸከመውና አገልግሎቱ ከሚፈልገው በላይ የበዛ መሆኑ ተጠቆመ" የሚል መረጃ በቅርቡ በኢትዮጵያ ፕረስ ድርጅት ተሰራጭቶ የነበረ ሲሆን በአሁኑ ወቅት ያለው የሲቪል ሰርቪሱ ቁጥር ሀገሪቷ ከምትሸከመውና አገልግሎቱ ከሚፈልገው በላይ የበዛ መሆኑን ዶ/ር ነገሪ መናገራቸውን ዘግቦ ነበር።

ዶ/ር ነገሪ በዚህ ንግግራቸው እንደጠቀሱት "በየመንግሥት መሥሪያ ቤቱ ያለው የሠራተኛ ቁጥር በጣም በርካታ ነው። ሀገሪቷ ከምትሸከመውና አገልግሎቱ ከሚፈልገው በላይ የበዛ ነው። ከአደረጃጀት አንጻር ሲታይም በአንድ መሥሪያ ቤት ውስጥ መዋቅሩ የሚሸከመው ብዙ የሰው ኃይልን ነው፤ በተሸከመ ቁጥር ደግሞ የሚያገኘው ጥቅም አናሳ ነው" ብለው ነበር።

ሀላፊው አክለውም "የመንግሥት ሠራተኞች የብዛታቸውን ያህል የሚሠሩት አገልግሎት የሚያረካ አይደለም፣ የተወሰኑ ይሠራሉ፤ ሌሎቹ ግን የተወሰኑ ሠራተኞች በሠሩት ትከሻ ላይ ተንጠላጥለው ይኖራሉ" በማለት የሰራተኛ ቅነሳ መኖሩን በተዘዋዋሪ መንገድ ጠቁመዋል።

ይሁንና ይህ መረጃ መሠረት ሚድያ ላይ ከወጣ በኋላ ለመንግስት ሚድያዎች በሰጡት ሌላ ማብራርያ “አዋጁ በብቃትና በውድድር ላይ የተመሠረተ ነጻና ገለልተኛ ሲቪል ሰርቪስ ይፈጥራል” በማለት አዋጁ የሠራተኛውንም ጥቅማጥቅም ያካተተ እንደሆነም ተናግረዋል።

ሀላፊው አክለውም አዋጁ የመንግሥት ሠራተኛው በብቃትና ውድድር ላይ ተመስርቶ ተገቢ የሆነ ጥቅም እንዲያገኝ የወጣ እንጂ መንግሥት ሠራተኛውን ለመቀነስ ያለመ እንዳልሆነ እና መረጃን በማጣመም ሕዝብን ለማደናገር የሚደረገው ጥረትም መሠረተ ቢስ ነው በማለት ተናግረዋል።

ዶ/ር ነገሪ ይህን ማስተባበያ ቢያቀርቡም መሠረት ሚድያ አሁንም የሠራተኛ ቅነሳውን በተመለከተ የሰራው ዘገባ ትክክለኛ እንደሆነ እንደሚያምን ለተከታታዮቹ ለመግለፅ ይወዳል።

በአሁን ሰአት በርካታ የመንግስት መስሪያ ቤቶች በየማስታወቂያ ቦርዶቻቸው የስራ ድልድል እየለጠፉ መሆኑን እና ከስራቸው የተቀነሱ ሰዎች ከወዲሁ እጣ ፈንታቸውን እያወቁ መሆኑን ያሰባሰብናቸው መረጃዎች ያሳያሉ።

መረጃን ከመሠረት!

https://t.me/MeseretMedia

Ethiopian Lecturers Voice

25 mai 2026, 17:22

የጤና ሚኒስቴር፣ በመላው ሀገሪቱ ላሉ የጤና ባለሙያዎች ነጻ የህክምና እና የትራንስፖርት አገልግሎትን ጨምሮ የተለያዩ ጥቅማ ጥቅሞችን የያዘ አዲስ ፓኬጅ ይፋ አደረገ። ይህ እርምጃ፣ የጤና ባለሙያዎች ከሶስት ወራት በፊት አድማ ከመቱ እና በመጪው መስከረም ወር ሌላ አድማ ለመጥራት በዝግጅት ላይ ባሉበት ወቅት የመጣ ነው።

በጤና ሚኒስትሯ ዶ/ር መቅደስ ዳባ በኩል ለክልሎች እና ለከተማ አስተዳደሮች በተላለፈው መመሪያ መሰረት፣ ከመስከረም 2018 ዓ.ም. ጀምሮ ተግባራዊ እንዲሆኑ ከታዘዙት ሰባት ዋና ዋና ጉዳዮች መካከል፦

1ኛ. ሁሉም የጤና ተቋማት ለሰራተኞቻቸው እና ለቤተሰቦቻቸው ብቻ የሚያገለግል "የሰራተኛ ክሊኒክ" በማቋቋም ነጻ ህክምና እንዲሰጡ ታዟል። የረጅም ጊዜ መፍትሄው ደግሞ የጤና መድን ሽፋን እንዲያገኙ ማድረግ ነው።

2ኛ. የጤና ተቋማት "ያላቸውን ተሽከርካሪ በመጠቀም" በስራ መግቢያ እና መውጫ ሰዓት ለሰራተኞቻቸው የትራንስፖርት አገልግሎት እንዲያቀርቡ መመሪያ ተሰጥቷል።

3ኛ. በእረፍት ቀናት እና በበዓላት ለሚሰሩ የትርፍ ሰዓት ስራዎች ክፍያ፣ በ2014 ዓ.ም. በወጣው የሲቪል ሰርቪስ መመሪያ መሰረት በተሻሻለው ስሌት እንዲፈጸም ታዟል።

ይህ የመንግስት ምላሽ፣ የጤና ባለሙያዎች ከጠቅላይ ሚኒስትር ዐቢይ አሕመድ ጋር ከተወያዩ በኋላ የመጣ ሲሆን፣ 'የኢትዮጵያ የጤና ባለሙያዎች ንቅናቄ' የተባለው ስብስብ ውሳኔዎቹን "እንደ ጥሩ ጅምር" እንደሚመለከተው ገልጿል።

ይሁን እንጂ ንቅናቄው፣ የማሻሻያዎቹን ተግባራዊነት በተመለከተ ከባድ ጥያቄዎችን አንስቷል።

ለትራንስፖርት አገልግሎት "አብዛኞቹ የጤና ተቋማት ከአምቡላንስ ውጪ ሌላ ተሽከርካሪ የላቸውም" በማለት የአፈጻጸሙን አዳጋችነት ጠቁሟል።

ነጻ ህክምናው ባለሙያዎች በሚሰሩበት ክልል ብቻ የተወሰነ ሊሆን ይችላል የሚል ስጋት እንዳላቸው ገልጸው፣ ይህም እንደ ጥቁር አንበሳ ያሉ ትላልቅ ሆስፒታሎችን ተደራሽነት ሊገድብ እንደሚችል አስረድተዋል።  👊

13,700

Ethiopian Lecturers Voice

25 mai 2026, 17:22

📷 Photo

የደሞዝ ጥያቄ ህጋዊ ነው አጣጥመን ለመሔድ እንሞክራለን - ጠቅላይ ሚኒስትር ዐቢይ አሕመድ (ዶ/ር)
********

ጠቅላይ ሚኒስትር ዐቢይ አሕመድ (ዶ/ር) ከመላው ኢትዮጵያ ከተውጣጡ መምህራን ጋር በተወያዩበት ወቅት የደሞዝ ጥያቄ ህጋዊ ነው አጣጥመን ለመሔድ እንሞክራለን ብለዋል፡፡

ለመምህራን ትልቅ ክብር እንዳላቸው የገለፁት ጠቅላይ ሚኒስትሩ፤ እኔ በህይወት እያለሁ መኪናቸውን ነድተው ሃይስኩል በር ላይ አቁመው ሲያስተምሩ ከማየት በላይ ደስታ የለኝም ሲሉ ተናግረዋል፡፡

ሰዎች በፖለቲካው መንደር፣ በፌስ ቡክ እንዲሁም በፓርላማ ነገሮችን አዛብተው ቢያመጡ የሚጠበቅ ነው፤ መምህራን ጋር ግን ነገር ከተበላሸ የሀገር ጉዳት ነው ብለዋል።

በመሆኑም የመምህራን ሐሳብ የፖሊሲ ግብዓት ጭምር በመሆኑ እያንዳንዱ የሚነሡ ጉዳዮችን በጥንቃቄ እንደሚያዩት ተናግረዋል።

አሁን የሚደረገው ውይይትም የይስሙላ ሳይሆን ከልብ የመነጨ እና ጥቅም የሚገኝበት ይሆናል ብለው እንደሚያምኑም ነው የገለጹት።

ደመወዝ ቢጨመር ቤት ቢኖር የሰው ልጅ ፍላጎት ገደብ የለውም ያሉት ጠቅላይ ሚኒስትሩ፣ ነገር ግን ለማደግና ለመሻሻል መጓጓት ተገቢ ስለሆነ ሁለቱን አጣጥሞ መሄድ እንደሚገባ ገልጸዋል።

በለሚ ታደሰ

#EBC #ebcdotstream #PMAbiy #Teachers

11,100

Ethiopian Lecturers Voice

25 mai 2026, 17:22

https://www.facebook.com/100077487704652/posts/735474339045483/?mibextid=rS40aB7S9Ucbxw6v

11,600

Ethiopian Lecturers Voice

25 mai 2026, 17:22

#ዜናመሠረት "የጤና ሚኒስቴር በድጋሚ ከድቶናል ስለዚህ የስራ ማቆም አድማው ይቀጥላል"- የኢትዮጵያ ጤና ባለሞያዎች ንቅናቄ ቦርድ

"እኛ እንደ ቦርድ ይህንን ቀውስ በውይይት ለመፍታት ሃላፊነት፣ ትዕግስት እና እውነተኛ ፈቃደኝነት አሳይተናል። ሚኒስቴር መስሪያ ቤቱ ግን በድርጊቱ እና በዝምታው በግልጽ እንዳሳየው የሀገሪቱን የጤና ስርዓትን የሚያገለግሉ ባለሙያዎችን ለመጠበቅ፣ ለማዳመጥ ወይም ለመደራደር ፈቃደኛ አለመሆኑን በግልጽ አሳይቷል። ስለዚህ በመላ አገሪቱ የምትገኙ የጤና ባለሙያዎች ይህን ጥሪ እናቀርባለን"

https://open.substack.com/pub/meseretmedia/p/bb9?utm_source=share&utm_medium=android&r=bb7g

12,500

Ethiopian Lecturers Voice

25 mai 2026, 17:22

📷 Photo

ጋሽ ኮራ

13,400

Ethiopian Lecturers Voice

25 mai 2026, 17:22

ባለፈው በገባነው ቃል መሰረት የመምህራንን መብት ለማስከበር ያለመ ማንኛውንም ገፅ እናስተዋውቃለን።

በትንሹ ከአስር በላይ ተመጋጋቢ ገፆች ያስፈልጉናል።

ተቀላቀሉ
1. https://www.facebook.com/ethiopia.lecturers?mibextid=ZbWKwL

2. https://t.me/+nqZomRhDtnFmY2Zk
(በዚህ ገፅ ውይይት እየተካሄደ ይገኛል። Be a leader there. Join now or on Saturday!)

16,000

Ethiopian Lecturers Voice

25 mai 2026, 17:22

የዩኒቨርሲቲ መምህር ለመሆን ከጎበዝም በጣም 'ሰቃይ' ተማሪ መሆን አለብህ። እንዲያ ለመሆን ከፍተኛ ልፋት ይጠይቃል። የሕክምና ተማሪ ሆነህ ሰቅለህ በዩኒቨርሲቲዎች 9k/month እየተከፈለህ ሕክምና ተማሪዎችን ስታስተምር ደሞ አስበው።

ጎበዝ ተማሪነት + ልፋት በተከበሩ ሙያዎች (ሕክምና፣ መምህርነት ...) ለማገልገል ሲውል የተቀናጣ ኑሮ ባያስኖር እንኳን እንዴት መሠረታዊ ፍላጎቶችን ለማሟላት ያንሳል?

ጎበዝ! ህመምህ ሲጠና refer የሚፃፍልህ ወደነዚህ ሐኪሞች ነው፤ መገኛቸው ደሞ ግብር ከፍለን ወይም በእኛ ሥም ተጠይቆ በሚመጣ እርዳታ ወይም ብድር በሚተዳደሩ የሕዝብ ጤና ተቋማት ውስጥ ነው። 'መሰረታዊ ፍላጎቴን ማሟላት አልቻልኩም፤ መፍትሔ ስጡኝ' የሚለውን genuine የጤና ባለሙያዎች ጥያቄ 'ፖለቲካዊ ፍላጎት ያላቸው ...' የሚል ፍቺ በ360° ቢታሰብ አንድ ቀዳዳ እንኳን አይገኝም። ይህንን ጥያቄ ጠምዝዞ ለራሱ ጥቅም ሊጠቀምበት የሚሞክር በየትኛውም ወገን የሚገኝ ፖለቲከኛ የቤተሰቡ አካል ታሞ 'ማጣፊያው ይጠረው' ተብሎ አይረገም ነገር! 😥

እኔ ግብር ከፋይ ነኝ! መብቴን እጠይቃለሁ! የሕዝብ ጤና ተቋማት ውስጥ አገልግሎት ማግኘት ስለምፈልግ (ሙሉ መብቴም ስለሆነ for that matter) absolutely genuine የሆነው የጤና ባለሙያዎች የሕልውና ጥያቄ መልስ ይሰጠው!

ይህ ተፈጥሮአዊ እንዲሁም በህገ-መንግሥቱ የተቀመጠ የግብር ከፋዮች የመብት ጥያቄ ነው። It has nothing to do with 'dirty' politics!

Via ሀውለት ሙሀመድ

11,600

Ethiopian Lecturers Voice

25 mai 2026, 17:22

ሰላም

ከ 1997 ዓ.ም ጀምሮ እስከ 2017 ዓ.ም የነበረ የዩኒቨርሲቲ መምህራን ደሞዝ መረጃ ያለው https://t.me/MESSAGEELABOT ላይ ላኩልን

ከ1997 ዓም እስከ 2017 የሀገሪቱ በጀት አሀዛዊ ቁጥር ያለውም ላኩልን።

10,100

Showing 10 of 10 posts

No more posts

Note

Connexion requise

Avis des utilisateurs (0)

Il n'y a pas encore d'avis. Soyez le premier à partager votre opinion !

Chaînes Telegram connexes

Loading recommended channels...

Ethiopian Lecturers Voice

Ethiopian Lecturers Voice

Classement

Croissance des abonnés (Les 8 derniers jours)

Derniers articles

Note

Avis des utilisateurs (0)

Chaînes Telegram connexes

Brainedge ($LEARN) - Announcement

Allali Allemand

La linguistique pour la prédication islamique

Learn_french

ICI MOSCOU !

Le français pas à pas

French | Français

Merkez Al Fussha

Chaînes Telegram connexes

Brainedge ($LEARN) - Announcement

Allali Allemand

La linguistique pour la prédication islamique

Learn_french

ICI MOSCOU !

Le français pas à pas

French | Français

Merkez Al Fussha

Avis des utilisateurs (0)

Derniers articles