جزائريون وجزائريات🇩🇿

Public

مشاهده کانال

نمی‌توانید بپیوندید؟ @kronikalg2025

۲.۵k عضو

به‌روزرسانی شده: May 20, 2026 at 3:51 AM

جزائريون وجزائريات🇩🇿

مرحـــــبا بيــــــــكم في داركم ✨ قناتي مجرد فكرة مانـعرف اذا رح تنجح ولا لا نشالله تعجبكم برك 🫧 قناتنا قناة محترمة تنشر مجموعة من القصص باللهجـــــــــة الجزائرية ندو منها العبرة ان شاء الله 🎀 اتركوا بصمتكم بالتفاعل💗

Follow @kronikalg2025 to stay updated with the latest سریال‌های وب trends and news

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (7 روز گذشته)

مجموع: 2.5K

رشد 24 ساعت: +0 0%

آخرین پست‌ها

جزائريون وجزائريات🇩🇿

۹ اردیبهشت ۱۴۰۵، ۰۷:۱۳

✨ الحلقة_37_:
_ قعدت كيما راني واقفة ونشوف فيها كيفاه راها تبهدل فيا كانت في حقها قلبها محروق كما اي ام دير هكدا كنت حابه نجاوبها ونقولها والله ما كذبوا الكنات كي قالو دوك دوري ومن بعد كي شفت محمد ماهوش طايق ويحامي عليا قلت نتجاهلها احسن قرار راح ناخذه في حياتي
خليتها تهدر وحدها وانا قاتلتها غير بالقدر ايه صح عندك الحق انا الغلطة ايه والله ما نحشم رجعت كلش فيا حتى سكتت
مالقات ما تهدر محمد راه عارفني واش راني ندير قاعد يضحك
سكتت وقالتلي يلا للدار معايا انت و راجلك جيبي كابا لمي فيها كل قشكم راه كاين استوديو فارغ في دار اقعدو فيه
ولدي يقعد قدام عيني حتى يبرا ما حبيتش نجادلها وقتلها اوكي خليتها قاعدا مع ولدها وروحت لم في قشي وانا خايفة
وجدت الكابا وساك مارساي وحطيت فيها صبابط تاع محمد وشومبو...الخ
قلت ليها صاي كملت قالتلي اصبري نعيط للعائلة يجو قعدنا نستناو حتى جاااو خوتو الدراري قعدو معاه وحدهم في صالو و بداو يهدرو هدرا تاع رجال خرجو من الصالو و قعدنا كامل في الطونوبل
لحقنا للدار وكانت تماك غير اخت الكبيرة المطلقة
فاتوا الايام و عجوزتي داتني عند الطالب قالي مربوط على الذرية باش ما تجيبش الاولاد قالي ارقي في اقرب وقت باش يتحل الرباط قلت له اعطيني حل راه ماهوش قادر يمشي حالته كل يوم تزيد اعطاني من عنده قرعة ماء مرقية وقرعة زيت زيتون مرقي
قالي دهني في المفاصل و المناطق الحساسة باذن ربي دورك يتنفس شوية بصح لازم تجيبوه في اقرب وقت عندي نرقيه رقيا شرعية اعطيناه واش كتب ربي انا و عجوزتي و خرجنا من عنده و لحقنا للدار و بديت نداوم له في الزيت و الماء المرقيين كل يوم ندير له ونقول له يلاه نديك للراقي ثلاث مرات ربعة والو ما فدش ماكاين والو
قلت ممكن امر سبيطار عاودت رحت للسبيطار وهذه المره بريفي
و عطاوني واحد الدواء غالي ما كانش عندي الدراهم باش نشري له و يماه مسكينها غاضتني جرات معيا بزاف
تحطيت في الامر الواقع وقلت لازم نتكل على ذراعي في الوقت لي كان راجلي فاقد جسمه شلال قاع جسم صاي راقد فراش محمد ما يتحركش كانوا عندي زوج تلفزيون في الدار فتحت باجا في الفيسبوك وبديت ندخل القروبات ونحوس على مشتري ولا مشترية في اقرب وقت عانيت بزاف حتى راجلي عاد حاس روحه ثقيل على دارهم وقال لي حاب نولي للدار
كانوا خوتو يديروا في لي جاست قدامو نتاع ماناش باغينيك صاي دراهم و كملت ذاك بكري كانو يحبوه على جال صلاحهم كي طاحت به واحد ماوقف معاه
حكمني النيف عليه بعت التلفزيون وبعت ذهبي من الفيسبوك و رجعت لداري و بديت نصرف عليه من الدراهم هذيك اللي قعدت و بديت نداوي فيه ونداوي وكل مره نبيع حاجة من داري ساعة نبيع كنابيات ساعة نبيع خزانة فرغت داري بصح راجلي كان بدا يتحسن بشويا بشويا بدا يبرا مع ما حبستلوش الرقيا درت اللي نقدر عليه صلاة الرقيا غير باش ينوض وبالفعل رجعت له صحت محمد
ما احتاجت حتى واحد باش يمدلي ولا يشفق عليا بصح ما نكذبش عليكم داري فرغت كي رجع كيما الاول قالي والله نعوضها لك قاع واش بعتي وراني قد كلمتي
قلت له ربي رجعك ليا ومانيش باغيا نعاود نخسرك ماذا بيك ترتاح مليح و قلهم يزيدو يمدولك شهرين ترتاح فيهم ما عندكش بزاف مني بريت ولا سني الكونجي نتاعك ارتاح ايامك و ارجع للخدمة و كي ترجع دير واش حبيت المهم دركا صحتك

1,640

جزائريون وجزائريات🇩🇿

۹ اردیبهشت ۱۴۰۵، ۰۷:۱۳

✨الحلقة_38_:
_
بعد ما برى محمد فاتو عامين عاد في عمري 30 سنة ومحمد 31 سنة عايشين حياتنا كيما كل زوجين وبدينا نعمر في دارنا اللي فرغت
في هذيك العامين كونت كل ما نرفد كرش يطيح البيبي طيحت ثلاث مرات في هذا العامين اللي فاتوا و هنا راجلي خدم راسه
وقالي اذا عاودتي رفدتي هذه المرة ما نقول حتى الواحد قلت له ايه عندك الحق سترا مليحة نقول غير ليماك قالي يما و ما تقوليلهاش خليها بيني و بينك حتى يصلح البيبي لي في كرشك قلت له هكذا تزعف مني راح دير لي عداو مع يماك
قال لي والله غير انت صح نية راكي عارفة الكنات يغير منك ممكن يما تحكي قدامهم على نيتها و هم يديرو في صوالحهم احرزي روحك وما عادش نروحو لا اقعدي في الدار حتان تولدي قلت له الكرش خميرة و راح تكبر قالي شوفي خلي نكرو و نبعدو ايامات وكي تولدي نرجع قلت له اوكي
خلي نرفد الكرش ومن بعد الهدرا سهلا فاتو ليام وهذه المرة رمضان كنا معروضين اول يوم عند عجوزتي كنت مازال مانيش بالكرش كي دخلنا عندهم كامل باولادهم و قاعدين و عجوزتي بدات لمحمد الاولاد ملاح و نعمة والله اولاد خوتك راهم و نسيني و الدراري كي يكبرو ينفعو والديهم خاصه بالكاتبه قلبي غير ميمتي و راجلي يسمع فيها وساكت كانت تشرلو على المرأة الثانية وانا مانيش فاهمة قعدنا في الطابلة و بدينا ناكلو و نحكوا و نضحكو بدات تهدر قدامي في موضوع حساس في هذه اللحظه كان راجلي مع الرجال
بدات تقول كنت نعرف واحدا ما تجيبش الاولاد راحت عرست لزوجها امراء ثانية وهي ما طلقتش قعدت مع راجلها بصح كل واحدا فيهم في دار واحدها حسيتها تمعنيلي الماكلة وقفت هنا
نوضت وخليتهم ياكلو و روحت لبست قشي ما حلبتش محمد خرجت عيات تقولي اصبري مانيش عليك علاه فهمتيني غلط ما حبيتش نسمح لها كثروها غاطتني روحي ماهيش هدرا تقولهالي
وين كنتو النهار اللي مرض كامل جبدت يدكم شكارا مقرون كي الناس ما طبطبتوليش في الباب وقلتولي هاكي ودورك جايين تقولولي زوجي له مرة ثانية و انيا في الطريق حاكما الطاكسي رايحا لداري كلمني محمد وينك وعلاش خرجتي واش كاين واش دارولك ونسمع فيه يعيط على يماه
كوبيت التليفون وما حبيتش نجاوبه و دخلت للدار و انيا في المرايا نمسح في وجهي حلفت دار عجوزتي والله ما عاد ندخلها كملت دوشي و درت كاس قهوة وقعدت مع راسي فتح محمد الباب بالمفتاح و ادخل قريب يهد عليا الدار بالضرب و العياط بديت نقول له بلي هما ظلموني وفهمت علاش هزيت روحي
قالي علاه ما كلمتينيش كان راني انا قلتلك يلاه سامحيني عيطت عليك و ضربتك كنت متقلق مش قصدي قلت له والله والله والله ربي اللي اكبر مني ومنك هذيك دار ما عادش ندخلها
قالي خلاص ما تبكيش ما عادش تروحي اقعدي هنا و انا وياه نحكو تعيط عجزتي في تليفوني و الله ما رفدت عليها و حطيتها في الريجيتي قدام ولدها شفت فيه قلت له عييت من دمارها و من هدرتها السامطة هي و كناتها قلهم يخطوني و نخطيهم و رايحا نفرق عليهم هذا وين فهمت علاش الكنات كامل فرقو عليها يماك ما تتعاشرش اسمحلي بصح لحقت تقولي زوجيه
هذه لا يمكن نديرها واذا عرف روحك راح تتزوج مرة ثانية انا نطلق روح لدار يما ما نقعدش في الذل

جزائريون وجزائريات🇩🇿

۹ اردیبهشت ۱۴۰۵، ۰۷:۱۳

✨ الحلقه_35_:
_
كي قال لي كيما هكذا ما حبيتش نجاوبه ما حبيتش نتجادل معه ولا نخلق مشاكل بسك كنت فرحانه بداري خليتها فاتوا ايامات قلت له محمد باغا ندير عرضه لداركم حشومه عليا مني تزوجنا وما درت لهمش عرضه عيب وعار عليا لازم ندير لهم عرضه كيما هما يعرضوني حتى انايا حابه نفرحهم كيما هما يفرحوني ويقيموني
اضحك وقال لي ههه احشيها لواحد اخر ما تحشيها ليا انا على بالي راكي حابه تزوخي بدارك اصبري شويه برك ممكن غدوه ولا بعد غدوه نقول لك اعرضيهم قلت له اوكي حبيبي مي مادا بيا نطيب لهم من عاداتنا نتاع الغرب حابه ندير لهم مختومه محاجب ولا حاجه كيما هكا نتبهر بها ولا ندير لهم عصبان ب الحمص شباب
فات يومين وجاب لي راجلي كاع واش نسحق كلمتهم نشفالها صبيحه الاثنين ولا الاحد والله مانيش شافيه مليح وقلت العجوزتي ارواحي انت وبناتك وكناينك راكم معروضين عندي للفطور ان شاء الله باذن ربي بديت نطيب كيما سميره تي في باسك انايا ما نكذبش عليكم يعني ما نعرفش نطيب كاع كاع درت اليوتيوب وبديت نطبق في المكونات والحمد لله جاتني في الشباب ما جيت نكمل فطوري حتى نطبطب الباب افتح راجلي الباب ولقاها يما واخته سلم عليهم وقال لهم مرتي راها في الكوزينه وين راهم الكنات وخوتي علاه ما جاوش قالت العجوزتي باللي راهم لاحقين في الطريق
مي كي دخلت للدار فتحت فمي ما شاء الله دارك كيفاه عاودتها يا ولدي العين حق يا ولدي كان بخرتوها ولا درتوا عنبر و ولا رشيتوها بالخل والملح قبل ما تعيطوا لنا والله واش نقول لك الحسادين بزاف ا ولدي نخاف تخرج في صحتك والله ولا صحه مرتك هاك تعرفني انا نحكي غير على جال صلاحكم
يا يما ما تلومينيش راها المراه حشمت دائما انتما تعرضوها وهي ما تعرضكمش ادخلوا ادخلوا الكوزينه كيف خدمتها شوفوا الصالون راني سبغتها والله واش نقولك كي كانت عند يماها قاعده خدمتها كوزينه ومن بعد كي جبناها من عند يماها ايامات انفاس اللي قعدتهم هنايا عندك في الدار صبغت لها الصالون خرجت من الكوزينه ورحت سلمت على عجوزتي وبنتها وقلت لهم تفضلوا انا دقيقه ونجي رجعت للكوزينتي وطفيت النار على طيابي ورحت للشومبرا سكمت روحي ودرت المكياج ولبست قفطاني خاصه بالكاتبه قلبي غير ميمتي شويه هكذا جاو الكنات ودخلوا للصالون وفاتحين فمهم يشوفوا في الدار من وجوههم كانت باينه الغيره ومش عاجبهم الحال اما خوتو دراري فرحوا وقعدوا يبركوا له مبروك دارك خدمتها صحيح الكوزينه كيفاه كانت مخروبه راهي تسكمت مرتك صباره ما شاء الله والكنات كانوا يسمعوا وكريب يديروا قط من المحصه كيفاه رجالاتهم يشكروني كملت العرضه بعد ما فطروا وكل واحد راح لداره وهنا بدات لي مشكله اخرى راجلي بعد العرضه بثلاث ايام يقول لك صح العين حق مرض مرضى اللي ما طاقش ينوض من الفراش كي نقول لكم يغزر غير بعينيه كان ما يقدرش يحرك رجليه نصه التحتاني مشلول يحرك غير يديه ولا يشوف بعينيه ويحضر ويتكلم حرت علاه راه يصرى لي هكذا راجلي باغي يروح من يديه انا وليت نديه للتواليت بيدي تحرق قلبي عليه بزاف حتى عاد يصبر فيا يقول لي لا لا شوفي شوفي راني نمشي وانا نقول راني نشوف فيك مش طايق خليني نقول ليماك مومو دير لك حل ولا نديك عند الطبيب قال ح اوكي نروحوا للطبيب كي روحنا للطبيب قال له ما بك والو كلش مسكم لاطاسيو سكر كلش مسكم اعطالوا شويه منشطه وشويه فيتامينات شريناهم من الفرماسيه ورجعنا للدار كنت انا اللي نسوق به قال لي غدوه سوقي بيا للخدمه وندخل نمد لهم الورقه باش يمدوا لي ملاظ سته شهور نرتاح فيهم كانت حالته كل يوم تزيد قدام عيني وانا مربوطه اليدين مش قادره ندير والو وهو يقول لي ما تخلعيش يما انا صايي ما لقيتش حل وقلت نعيط لي يماه وخلي يسرا اللي يسرى انا راجلي باش يروح من يدي مستحيل

جزائريون وجزائريات🇩🇿

۹ اردیبهشت ۱۴۰۵، ۰۷:۱۳

✨الحلقه_36_:
_ بعدت على محمد وبلا ما يفيق حكمت التليفون ولقيت ما عنديش لينيتي عاود رجعت قعدت حداه بديت نقرا له في القران حتى نرقد كي غمض عينيه حكمت تليفونه بلا ما يفيق وكلمت عجوزتي قلت لها نسحقك في موضوع نجيك ولا تجيني قالت لي علاه كاش ما دلك ولدي قلت لها والله يا ميمتي هدره ما راهيش تاع التليفون لازم تجي بعينك وتشوفي
تخلعت وقالت لي واش كاين وعاد صوتها ما هوش صوت تلفت لها الهدره وقالت لي راني جايه يا بنتي غلبتني دمعتي وما قدرتش نشدها وبديت نبكي لها في التليفون تعبت يا ميمتي بدات تصبر فيا وتقول لي ربع ساعه نكون عندك كوبيت التليفون ورجعته لبلاصته وكانت ذيك الربوع ساعه بالنسبه ليا عام يفوت قدام عيني رجعت حدا فراش راجلي وبديت نقيس في السخانه نتاعو كانت طالعه بزاف ما حبتش كل تهبط شديت له يدو وبديت نقرا في المعوضات افتح عينيه وشاف فيا قال لي ما وليتش نصلح ما نقدرش نزيد نشوفك تتعذبي كيما هكذا وتتعبي معيا راني كل يوم نشوفك تخرجي الصباح وتشري وتجي وتروحي للمارشي للسوق الفرماسي وانا غي راقد مانيش راجل قلت له ما تقولش هكذا كيما وقفت معيا من قبل ولقيتني مش عذراء وقعدت متزوجني وما طلقتنيش حتى انا نوقف معك حتى للاخر مسح بيده على راسي وقال لي روحي لداركم ما نزيدش نتعبك معيا اكثر مع الخلصه حبست راكي عارفه المالاد باللي يخلصوا غير الشهر الاول والشهوره الاخرين تتسكر الكونترا قال لي زعما رايحه تصبري معيا راح تكملي مع الرجل ما هوش قادر يمشي على رجليه روحي لداركم كنت نسمع فيه ونبكي مانيش مصدقه محمد يقول لي هذه الهدره قلت له لا لا نقعد هنا ما نروحش لدارنا نشرب معك الماء والخبز ما نروحش ونخليك وحدك هنا قال لي شوفي حياتك مع واحد يستاهلك انا صاي بزاف قدامي يما راني شفت الشهر وانا على هذه حاله يعني صاي بزاف عليك ودرك رانا دخلنا في الشهر الثاني يعني راح تسوفري معيا راح تقدري سوفري معيا وتصبري على الماكياج وعلى اللبسه ومصروفك كل شهر راح تقدري تعيشي على خبز وماء قال لي اذا حابه تطلقي طلقي شديتلو فم وقلت له ما تنطقش هذه الكلمه قال لي ما نكذبش عليك راني حاس ربي قرب ويدي امانته خاصه بالكاتبه قلبي غير ميمتي شفت فيه و انا كلي محطمه واش بيك محمد واش هذه الهدره ما تخلعنيش راه من بعدك ما عنديش اذا رحت وخليتني حتى دارنا ما همش راح يديروا فيا الخير خليك معيا قلت له قول كرهتني من الاخر وما تقوليش اذا حابه تطلقي ولا روحي لدارك انا قلت لك راني معك للخر نقطه وارجع للسطر وخطيك من الهدره اللي تخلع وانا نهدر معاه طبطب الباب حبيت نروح نفتح الباب قالي اقعدي مازالني الرجل تاع الدار ومازالني نقدر نمشي قلت له اقعد ارتاح على بالي تقدر تمشي مي رجليك راهم خفاف ما قيمنيش وناض يفتح في الباب مالغري مش طايق يوقف لقيتها عجوزتي غير افتح الباب ولدها شافته تخلعت صحتو راحت قلتلي واش هذا قلت لها قدرا يا ميمتي رحت السبيطارات قالولي ماهوش مريض ما خليتش حاجه وما درتهاش و ولدك هو اللي قال لي ما تقوليلهاش بصح كي لقيتها وصلت لهنايا صاي خبرتك باش يكون عندك علم
شافت فيا وهي مقلقة كله منك قعدتي تمحصي في الكنات حتى نخرجت العين في ولدي روحي الله لا يتربحك ولدي بسبتك اليوم راه فراش تشوكيت هذه عجوزتي دارت عليا في دقيقه واحده راجلي حما عليا قالها خاطيها العكس وقفت معيا وقفه تاع الرجال راني في شهر وانا كيما هكا غير هي اللي دواتني وجرات معيا ودركه جايه تلومي فيها كنت في موقف لا يحسد ما عرفت نبكي ما عرفت نضحك
شافت فيا قالت لي مني تزوجتي وانت تبكي في ولدي طيحتي له ولده هلكتي له دراهمو والمصروف وخرجات الصيغا رواب ودركا طيحتي له صحته من واش من الكنات العكس انت اللي راكي غايرا منهم وقانطه منهم مش هما كل مش سامعين بك انت اللي راكي تجري موراهم بس يشوفوك باحسن حوليك انت اللي راكي تتبهي قدامهم مش هم انت عرفتيهم غيرين منك علاش تبيني لهم عارفه العين حق ها ولدي طاح دركه بين يديا واش يلمه

جزائريون وجزائريات🇩🇿

۹ اردیبهشت ۱۴۰۵، ۰۷:۱۳

✨الحلقة_32_:
_كان مش باقيلي بزااف على سبوع بنتي وعجوزتي توجد مع بناتها وراجلي داخل خارج عليا يطمن ويروح وانا شاكا فيهم كامل لي في دار حتى الماكلة وليت نخاف ناكل كونت نعيط لمحمد في تلفون ونقولو جيبلي حاجة ناكلها كونت خايفة على صحتي ولعدوات الكناين كل يوم يحكولي حكايات مانيش عارفة غير صح ولا يكذبو برك باش نكره عجوزتي و نربح معاها العيب ماحبيتش ناخد رايهم وندور على راجلي وعجوزتي مانيش صغيرة لي جاء يلعبلي بعقلي بصح نحط كلامهم في راسي واذا شوفت اي حاجة ماتعجبش نطبق واش قالولي
بدا يفوت الوقت وجاء السبوع نتاعي دارولي الدلاق (سيتار يغطو بيه النافس يلصق في الحيط) كانت لي تجي تجيب معاها الكانديا والبيض ودخلي في يدي فاميل ولا سوميل وتقولي سلاكت راسك كونت قعدا ونخمام في داري وكلام لكنات ماحبش يخرج من راسي ممكن صح راجلي راه يخون فيا طيبو الطعام بالخضرة واللحم الاحمر جاو غسلو يدين الحاضرين وانا دارولي طعام سراير(طعام خشين يكون لونو أخضر غامق) باش نبرا تم تم خاصة بالكاتبة قلبي غير ميمتي كونت ناكل قولت نعيط لمحمد كلمتو في تلفون بلا مايفيق اي واحد قوتلو وينك قالي راني نفطر مع رجال قوتلو محمد كي يكمل نفاس حابا نرجع لداري قالي كفاه قالتلك يما اقعدي عندي 15 يوم و روحي قوتلو ضاقت روحي محمد حابا داري نصيب راحتي قالي ماتتمسخريش بيا مزالك حايضة حشاكم لبنات المهم قوتلو محمد ما دخلكش فيا حابا داري اك عارفني مانتفاهمش مع الكناين قالي ياك راهم يجو ساعة على ساعة ماهمش ساكنين مع يما
شوفي انا باش نقول ليما هاتي مرتي ماتجيش قوليلها نت احسن واذا قبلت نجي نديك لدار قوتلو ياه ثاني داري ندي الإذن باش ندخلها قوتلك غدوا سي غدوا نروح
سكت قالي ربي يهديك هذا مانقولك كي كونتي عند يماك و هدرنا في هذا الموضوع وقبلتي تقعدي عند يما حتان تباري كفاه دورك تبدل رايك ابتهال هذي المرة ماتوحليهاش في الوحم نت لي وليتي سامطة ريقلي روحك يعطيك الصحة وخطينا من بسالتك مش وقتها
انا نروح نخدم ونت نافس نخليك وحدك في دار شكون يقابلك ها ديري عقلك في راسك ماكيش صغيرة راكي مراء
قوتلو خلاص دورك نحكي من بعد مع يماك واذا وافقت نقولك ارواح اديني قالي اوكي المهم انا مادخلونيش الوسط في حديثكم قوتلو اوكي
كوبيت تلفون وزادت شكوكي علاه مش حاب يديني لداري بحال راه مع مدامة في دار ولا بحال راه يدخلي نساء في ليل قعدت نطلع و نهبط وبديت نصدق كلام الكنات حسيتهم كولش قالو صحيح
كمل النفاس وراحو الناس والكنات كل وحدة راحت لدارها بعد ما ادات عشاها معاها وقبل مايروحو زادو عمروني مليح وانا نية وجايحة لي يلعب بيا نصدق قعدت غير مع ام راجلي وختو مطلقة نقصرو بالقازوز والقاطو توسخت روبتي روحت لدوش غسلتها وحدي خوفت نخلي ختو تغسلهالي لا تسحرني ولا كاش مايديرولي جات تعيط علاه نوضتي كان غسلتلك انا قوتلها لالا خلي عليك راني حابا نسركلي شوي كرهت القعاد قالتلي مليح كما تحبي بصح البرد يدخلك لرجليك البسي تقشير وعصبي راسك كي تحبي تمشي ماتخرجيش كما هك يدخلك الهواء لراسك
كانت حريصة معايا بصح ماقدرتش نصدقها رجعت لبلاصتي وقوتلها لعجوزتي ميمتي قالتلي اه بنتي قوتلها حاسا روحي مليحة ورتحت مانكثرش عليكم بزااف تعبتكم معايا نقدر نروح عادي غدوا لداري
كي سمعت الكلمة هذي ناضت كانت متكيا قالتلي يابنتي واش يقولو ناس مرت ولدها نافسا وخلاتها وحدها في دارها وزيد حتى أهلك بعاد يابنتي ويماك حطاتك أمانة عندي وراجلك خدام شكون يقعد يقابلك أصلا شكون قالك راكي مقلقتينا والله فارحين بيك مونستينا
قوتلها لا ماتخافيش والله غير راني بيا عادي غدوا نروح أصلا داك بكري العروسة كانت تقعد نافسا 20 يوم اما دورك عادت غير تكمل نفاسها تروح لدارها قالتلي يكذب عليك لي قالك هك مي راحتك كي عودتي حابا تروحي لدار مانغصبكش
كما تحبي يابنتي مي ناس مازالها تدخل وتخرج وناس تعرفنا يقولولي طلقتيها وحدها لدارها اصبري ايامات و روحي ماقدرتش نقوللها والو قوتلها معليش ميمتي وسكت حطيت راسي ورقدت وبديت نربط الأحداث ودوخت بين الحلول شكون راه يقول في الصح عجوزتي وراجلي ولا لكناين كان راسي مشوش من الافكار سلبية خايفة من كولش ماقدرتش نرقد وانا نخمام راسي راح يطربق من قلقة كلمة محمد باش نقولو واش قالت يماه مارفدش عليا هبلت وانا نكلم والو ماحبش يرفد قولت صاي هذا راه مع غيري راه يخون فيا ياحوجي داري كي ندير دورك قلبي كحال لحب هذاك راح و وليت نخمام غير كفاه نخلي راجلي قدام عينيا تعرفو الهوس هكاك كانت حالتي خوف مايخطينيش من كلام الكنات وكان اكبر مخاوفي انو محمد يروح ويخليني بيسك لقيت فيه لحنانة والأمان لي مالقيتوش حتى في عائلتي

جزائريون وجزائريات🇩🇿

۹ اردیبهشت ۱۴۰۵، ۰۷:۱۳

✨الحلقة_33_:
_
كرشي وجعتني هذي كانت ديما تجني قبل مانتزوج كي نتقلق كرشي توجعني شديتها وماقدرتش نرقد نوضت روحت للحوش نتاع دار وقعدت ندور فيه ريحا وجايا وتلفون في يدي نكلم نكلم والو نبعت ميساجات والو 1 نتاع ليل ومحمد ماكلمنيش موالف يكلم جات شحال من فكرة في راسي وليت نقول الله لا يتربحكم يا العرايس لي وسوستني نتوما هانين مع راجلكم وانا خليتوني نخمام في كلامك كان من الاول ماسمعتلكمش كلامكم ماحبش يخرج من راسي قعدت ندور وندور في داك الحوش كبير نمشي يمين ويسار كما العقرب وانا خوف قاتلني محمد يخون فيا
حتان صونا تلفون في يدي نهز نلقاه راجلي هزيت وانا نعيط عليه وين كونت حاط تلفونك علاه مارفتش تم تم وين كونت مع شكون كونت ...الخ غميتو بالهدرة ناض يضحك قوتلو مانيش نضحك محمد اني سيريو قالي ايه اني شوفت ميساجاتك قتلتني بالضحك ياك قولتي لوحم يروح كي تولدي مي راني نشوف فيك مزالك تتوحمي ياااا ابتهال يا عمري افهمني نبغيك ماكونت مع حتى وحدا واش بيك شاكا فيا ديجا ليوم دالتي نقعد في الخدمة ليلة هذي عليها ماكلمتكش كان الشاف هنا جاتني لحظت إدراك ايه صح محمد خدام في ليل قالي بارح واش بيا نسيت قوتلو سامحني شكيت فيك ضحك قالي شكون راه يعمر فيك عليا هذي مش هدرتك نعرفك مليح خاصة بالكاتبة قلبي غير ميمتي قوتلو لالا حتى واحد قالي ابتهال الشك مش ديما مليح خطينا من عقلية دراري صغار واحكيلي واش قالتلك يما قوتلو اوكي بديت نحكيلو قالي شوفتي علاه قوتلك مانديكش لدار هاهي ماما فهماتك حتى انا مدابيا تكوني حدايا ونجي نلقى فطوري كرهت من ماكلة البرا مي لازمك تقعدي حتان تبراي مليح وترجعي ولا حابا ديري كما الكنات بسبت هذا الشيء يما كرهتهم قوتلو علاه واش دارو قالي ايه دوك العرايس لفايع عندك داسريهم تولي كيفهم ياك قبل قاااع ماترفدي الكرش قوتلك عندك داسريهم دسارتهم مش مليحة قوتلو علاه احكيلي بليز قالي اصبري نحكم بلاصة ونحكيلك حكم بلاصتو وانا جبت فراش فرشتو نتاع جلد المعزة وقعدت في الحوش قالي كنة الاولى كي جات كامل بغيناها كسبتنا كانو خوتي البنات يحكولها كولش وهي تروح تلحقو لخويا بالمقلوب قالي ايه انا كونت صغير يعني ماندخلش في هذي الامور مي كي ندخل لدار ونلقا لعياط نسقسي يقولولي فلان ضرب لبنات كان كبير وكامل نخافو منو بصح خوتي فاقولها بلي هي لي تحرش خويا وجبدو رواحهم عليها كان خويا هو لي يخدم على دار يصرف بصح مرتو تتصرف بالمصروف بحال بحال مصروف راجلي بيسك بابا بطال هنا قررنا انا وخوتي ثلاثة نخدمو ومانتكلوش على خونا لكبير عاد نتاع مرتو بشويا بشويا خويا قطع علينا ودار دار وحدو جات الكنة الثانية كانت عاقلة وتحبها يما وخوتي مي غارت منها الاولى وبدات تحرش فيها شحال من مرة خويا قريب يوصل لباب طلاق يما تعاود ترجعهم وخوتي البنات بسبت مشاكل كان اي خطيب يجي يقصد يقبلو غير باش يهربو من دار كونت صغير انا نتاع 20 سنة صغير نتاع خوتي كامل ومن بعد ثاني العروسة ثانية فرقت وقعدت ماما وحدها خوتي كامل تزوجو قعدت غير انا وخويا ثالث تزوج وهذي المرة الكنة ثالثة شريرة من الاول طلبت دار واحدها وشرطت عليه نكمل غير نفاسي ونروح لدار يما ما نقعدش عند يماك وبدات تفرض رايها عليها يما كرهت الكنات وكي لقاتك نت حنينة وعاقلة راهي تحبك كثر منهم وباين راهم غايرين منك اياك تسمعلهم اقعدي هكدا وخوتي يبغوك مش تجيبي لولاد دوري وديري لقرون كما لعراس لخرين قوتلو محمد نقولك الحق قالي اه انا ماكنش علبالي كل بهذي القصة مي كي حكيتلي عرفت علاش دارو رواحهم رجعولي وحبو يصاحبوني عمروني من جيهتك تعمار حتان وليت نشك فيك صح وقالولي يماك سحارة وخوتك واعرين وانا صدقتهم ضحك قالي زودها هذي مرة راح نحكي مع خوتي يشدو نساوينهم عليك مرة لولى سامحتهم ثانية كيفك بصح هذي مرة زودها وانا نقول علاش حابا تكملي نفاس في دار ونت علاه تسمعيلهم اه الهواء لي جاء يديك ماكيش صغيرة ابتهال لا نجي نصرفقك تفيقي لروحك شوي كان تقعدي تصدقي في كلام ناس والله مانطولوش ونولو كل واحد في طريق حطي عقلك في راسك واجبدي روحك عليهم انا من الاول قوتلك مادسريهمش بيسك مش حابهم يسممولك افكارك كيفهم لقاوك نية هاه لعبو بيك جايحة انا بغيتك بهلولة وبغيت نيتك وطيبت قلبك اقعدي هكدا وماتتبدليش نحي شك من راسك قوتلو محمد قالي اه سامحني ضحك قالي هاهي رجعت مهبولة نتاعي

جزائريون وجزائريات🇩🇿

۹ اردیبهشت ۱۴۰۵، ۰۷:۱۳

✨الحلقة_34_:
_قالي غدوا نجي نطل على دبدوبتي كوبيت تلفون ورجعت الفراش لبلاصتو و روحت رقدت حدا عجوزتي فاقتلي نوضت وين كونتي قوتلها محمد كلمني قالتلي اممممم ارقدي ارقدي البنات نتاع دورك قاع ماوليتوش تصبرو حشمت وغلبتني الضحكة غطيت راسي بالفراش ورقدت نضحك يا الكشفة
جاء صباح وكامل ناضو بكري نوضت روطار قالتلي ختو ليوم نايضا روطار نطقت عجوزتي امممم بارح بايتا مع داك تلفون نحلها عينيها قعدت ختو غير تضحك خلاص انا إبتلعني يا أرض نوضت نتغسل و روحت فطرت حتان يدخل محمد جايبلي روبا من دار و قش داخل و شومبوا باش نظف روحي شديت كابتي وحطيتها في شمبرة عجوزتي أيا و رجعت معاهم عجوزتي وختو فهموني بلا مانهدر راحو للكوزينا وقعدت مع محمد واما الشايب كان يتشمس فوق السطح على جال روماتيز
قالي جبتلك حاجة تبغيها قوتلو وشيه قالي افتحي ساشي ماقدرتش نمدهالك قدامهم فتحت لقيتها شيكولة باطة معمرة انواع قوتلو راها معمرة دورك نقسم معاهم قالي بصح جبتهالك ليك مش ليهم قوتلو لالا عيب قالي كما تحبي راني حكيت مع يما وقالتلي سمانة هذي اديها تبان ضاقت روحها بزااف قوتلو اك تحكي سيريو قالي واه قعدنا نقصرو ونحكي ونضحكو حتان دخلو خوتو والعرايس قالي غطي راسك بالخمار غطيت راسي دخلو لكنات وكان راجلي حدايا متحلف فيهم خاصة بالكاتبة قلبي غير ميمتي قالي اذا جاوك عندك تهدري معاهم الكلبات قوتلو اوكي
راح قعد ماخوتو باش يفهمهم يشدو نساء نتاعهم عليا قريب يهدمولي داري وانا قاعدة جاو تحزمو عندي واش راكي ابتهال قوتلهم بيا قالتلي واش درتي مع راجلك وبداو يهدرو وانا وذن تسمع وذن تخرج سمطتلهم الهدرة اني ريحا نرقد دورت من جيت الحيط ورقدت وخليتهم يهدر وحدهم يروحو يقودو
وليت كل يوم نديرلهم هك باش يخطوني وأخيرا تهنيت منهم رجعنا كما قبل هوما يكرهني وانا مش معبرتهم وراجلي هدر مع خوتو و الله اعلم واش صرا من بعد
المهم نختاصرو شوي
فاتو ليام وجاء نهار لي نرجع في لداري هزيت قشي و روحت مع راجلي لدار وكانت مفجأة عاودلها السبيغة كي كونت عند يما قاعدا وعاودلي الكوزينا قالي غضتني كوزينت ناس كل مخدومة غير نتاعك ناقصها بزااف صوالح مع العرس مالتيتش نسقمها كي جات فرصة النفاس قولت نسقمها قبل ماترجعي كانت فرحتي فرحتين الأولى داري وثانية راجلي حدايا
دخلت نشوف لقيتو شرالي روبو نتاع لعجين بيسك كونت نعجن بيدي كان يلاحظ في كولش شرالي كلمتزار بيسك كان عندي غير كليما وحدا في شمبرة وصالو مافيهاش تعرفو قريب نبكي ولا مرة شكيتلو كونت متحملة وساكتا بلا مانهدر ونقولو حاجة
جابلي قاع واش نسحق وانا نقول ما علبالوش بيا ممكن ماعندوش وهو كان يلاحظ في كولش بعينيه قالي قعدلك غير صالة جديدة نشريهالك تبدلي بين هذوك الزوج و فورنو صغير وبيانتخيس في الصالو وصاي دار كملت قوتلو محمد قالي اه حابا نعرض اهلك في داري حابا نزوخ حابا الكنات يشوفو دار دسول والفايونص ويشوفو كوزينتي كولها قزاز وطابلة مونجي حابتهم يموتو بالقنطة
قالي ابتهال انا خلصتي راحت عليك وزيد يما انا لي راني نصرف خوتي كامل شادين جيوبهم وخلي لماصو واكي فاهما نفوتو أيامات ونديروها موموا طيبي حاجة بقوامها ماطيبيش حاجة ناقصا وندي معايا طبسي للخدمة مني تزوجت جامي عرضتهم تجي مع بعضاها خير قوتلو اوكي كما تحب

جزائريون وجزائريات🇩🇿

۹ اردیبهشت ۱۴۰۵، ۰۷:۱۳

✨الحلقة_30_:
_قعدت ليلة كاملا وانا تم وفرمليات داخلين خارجين عليا وكل مانرقد تجيني فرمليا وتنوضني تقولي اك تسمعي فيا نقولها واه تقولي خلاص ارقدي كانت الرقابا عليا مشددة تدخل وحدة تخرج وحدة بيسك ولدت وحدي صعيبة بزااف ومع لاطنسيو تخلط كولش مع بعضاه
جاء صباح وبديت نتفش ديك السمنية كانت من الضغط برك بدلولي الشمبرة ورجعني وين كونت وعطاوني نفطر وماء وانا حاجة ماهي حاليتلي خايفة من ردت الفعل نتاع محمد خايفة يقولي بنتي بسبتك راحت ولا حاجة كما هك بيسك كان غير يستنا فيها شرا سرير والقش والبوسات نتاع لبيبي دورك يديرلي حالة
جاء وقت الزيارة دخل راجلي وعجوزتي ويما وبويا كامل لعندي في يديهم شوي فواكه وحاجة ناكلها والكانديا وقش نبدل روبتي لي توسخت جات ماما لعندي كان جيت عارفة راح تولدي والله مانروح ونخليك ياك راكي لباس مابيك والو بواش حاسا قوتلها لالا راني بيا أصلا من قبل طبيبة لولى قااع قالتلي ممكن اذا قعدت لاطنسيو راح تزيدي في شهر 7 عليها ماتصدمتش عجوزتي مسكينها قالتلي بعد يومين نروحو للبلاد وتجي عندي تنفسي تقابلك بنتي وتقوم بيك شوفت فيها قوتلها كثر خيرك قعدو معايا يحكو ويقولولي ديري تزانيا وكولي سراير ملاح يصفو الرحام وبداو يوصو فيا وراجلي غير ساكت و واقف مني قالي سلاكت راسك مانقط حتى كلمة كان باين عليه متقلق ومش حاب يبين باش مايكملش عليا قريب يكمل وقت الزيارة خاصة بالكاتبة قلبي غير ميمتي راحت ماما وعجوزتي مع بابا لدار وقعد راجلي معايا راح هبط شرالي كاسكروط بيسك ماكلة سبيطار عفتها كي رجع لقاهم راحو قعد في جنب سرير وقالي ماتخافيش ربي دورك يعوضنا كما راحت المينوشة هذي راح يعوضنا ربي بمينوشة خلاف كان يصبر فيا وشادلي يدي ويحكي معايا كإنسان مسؤول قالي كولش بسبتي كان خليتك قدام عيني كان رانا مالحقناش لهنا والله مانسامح روحي كان تصرالك حاجة
علاه راكي تقلقي في روحك حاولي تنسي كولش باش تبراي ونديك لدار قوتلو دفنتوها قالي ايه بارح دفناها قوتلو شابة قالي ايه كما نت تبسمت قوتلو معليش نحاولو مرة جاية ممكن ربي يعوضنا قالي هذي المرة نتحمل وحمك ندي كونجي نقابلك حتان تولدي خلاص مانعاودش الغلطة مرتين كان جيت عارف قلقة مش مليحة ليك كان راني والله مابعتك لدار والديك
جات الفرمليا تنحلي في سيروم من يدي دارتلي برا وقالتلو لعشيا تقدرو تخرجوها شاف فيا وقالي نخليك ترتاحي يومين برك هنا نقعد معاك ومن بعد نرجعو كيف كيف للبلاد ونجيب ختي نقابلك في دار قوتلو اوكي كما تحب
كمل وقت الزيار خرج وخلاني وحدي في دقيقة وحدة تفكرت لباسي نتاعي كفاه كونت نرفض فيه مش حابا نتزوجو هربت من دار اديت الضرب من عند خوتي غير باه نقبل بيه وانا رفضاتو يعني كان تزوجت هذاك لي كونت نحبو بحال راح يصبر معيا كما هك وقيلا في شهري الاول يطلقني صح طريق الحلال مليحة كان ربي يعاقب فيا ويوريلي صح من غلط وعلاش كتبلي هذا وماكتبليش هذاك حمدت ربي وشكرتو وقعدت نستنا في العشيا تجي

جزائريون وجزائريات🇩🇿

۹ اردیبهشت ۱۴۰۵، ۰۷:۱۳

✨الحلقة_31_:
_جات العشيا وجاو اهلي وراجلي خرجوني من سبيطار روحنا لدار يما وختي كانت مطيبا شخشوخة بيسك راجلي وعجوزتي عندنا ضياف وكانو خياتي لمتزوجات في دار يستنو فيا نجي باش يطمنو عليا عادو جيران داخلين خارجين علينا وماما سمعت لي يسوا ولي مايسواش بلي بنتي زيدت وحدها
فاتو اليومين نتاعي وكونت ريحا للبلاد وين داري حتان يما زاد شدتنا عندها أيامات قالتلهم ماتروحوش حتان نديها عند المسادا تمسدك باش رحامك يطلع باين رحامك هابط
وعجوزتي قبلت روحت معاهم عند المسادا تمسدني كونت فرحانة بيسك ماما وعجوزتي متفاهمين مع بعضاهم رجعت من عندها وياربي عظامي حسيتهم مدقدقين
زدت قعدت يوم رتحت فيه وطلعت لداري وطريق كامل عجوزتي تلوم في راجلي بسبتك ومانعرف واه و هو ساكت وانا ساكتة مش حابين نجوبوها وبدات تفهم فينا راكم تعرفو كلام الكبار كي داير وحنى غير ايه ايه
لحقنى للبلاد و اداني راجلي عند عجوزتي ننفس مسكينها ختو قامت بيا كي نقولكم لي نديرو معاها قليل والله العظيم قليل
جاو الكناين الله ينعلهم وبداو يغيزو فيا املا ماتت بنتك ايه كفاه ماتت ايه سمعانا راجلك قالك روحي عند يماك علاه ماصبرش مش من حقو يقولك روحي ونت علاه قبلتي تروحي كان قعدتي في دار وبداو يوسوسو فيا كالشياطين فوق راسي
ماتسكتيلوش ومرة جايا قولي لالا مانروحش وماتقعديش كالجايحة هاكي خسرتي بنتك بسبت القلقة كان جاء صح يبغيك قالتلك طبيبة قدامو مالازمش تتقلقي علاه دارلك هك خاصة بالكاتبة قلبي غير ميمتي تعرفو حتان قنعني بهدرتهم بلي محمد ماكانش بيه الوحم كان ناوي نوية اخرة قالولي بلاك بعتك كان حاب يعاود عليك زواج ومن بعد يجيبك ولا راه يخون فيك جايحة خليتيلو دار وجيتي قعدتي في دار عجوزتك روحي لدارك بلاك راه غير يحشيلك فيها ممكن راه يوجد في وراقي طلاق كفاه هذي على جال وحم يبعتك لوالديك قصة ماتدخلش الراس كان كلامهم منطقي شوي مافهمتش لا كانو صح ينصحو فيا ولا راهم يحرضو فيا باش ندير لقرون على راجلي
نطقت الكنة الاولى ياحليلك والله يجوك في الاول ناس ملاح ومن بعد يدورو عليك يماه واعرة ممكن قاع اذا طولتي وماهزتيش الكرش تزوجلو كونت خايفة من هدرتهم وانا غير نسمع ونماركي في راسي كانت السلبيات اكثر من الايجابيات
قالولي كي تكملي سبوعك وديرلك العرضة ماتقعديش هنا صاي راكي تقدري تمشي وطيبي روحي لدارك وشدي راجلك مش كما يكون قدام عينك الله اعلم واش راه يدير دورك وحدو في دار ماتكونيش جبريا صح في لول كامل مابغيناش بعض وكان بيناتنا مشاكل بصح مانتمنو لحتى وحدة دارها تتخرب
قوتلهم كثر خيركم وعادو يقولولي البسي وسقمي و قلشي راجلك واكسبيه بالكلام الحلو وخطيك من خدان الراي لي يقولهالك تقولي ايه تقلشي عليه مش ديما ايه مش دايما كلمتو تمشي وحنى نهدرو دخلت ختو سكتو الكناين وسكت معاهم
زرعولي شك في قلبي وليت حاستهم كامل راهم يخدعو فيا مش قادرا ندير لمان في حتى واحد لا الكناين ولا عجوزتي ولا حتى بناتها حتى راجلي بديت نخاف كانو يتعشاو وانا عقلي مش معاهم كونت خايفة من المجهول واش راه يستنا فيا للقدام

جزائريون وجزائريات🇩🇿

۹ اردیبهشت ۱۴۰۵، ۰۷:۱۳

✨الحلقة_29_:
_قوتلو سما راك تقولي سمانة جاية اك جاي لعندي قالي ايه طورت من الفرحة قوتلو يماك تحبني خير منك طيشتني عند اهلي على جال وحم ماقدرتش تصبر ضحك قالي والله نبغيك قوتلو محمد نسقسيك كفاه حتان وليت تحبني
قالي مش وقت هذي الاسئلة قوتلو يلاه بليز احكلي قولي كونت نحوس على عروسة في اقرب وقت تكون مثقفة و كبيرة مش حابها نتاع 2000 حابا تكون كبيرة وتعرف صلاحها قوتلهم لدار حوسولي حتان قالي الشايب راها كاينا بنت صاحبي عندو زوج بلا زواج ولباقي متزوجين بناتو كامل قارين وماشاء الله حطهم على الجرح يبرا قوتلو خلاص قابل بصح مانديش حوت في الماء قالي نروحو نشوفو شوفة شرعية عندهم عادة اذا ماعجباتكش الطفلة تحط تحت 500الف واذا عجباتك الطفلة تحط فوق 500 الف قوتلو خلاص جاء داك نهار لأول مرة نشوفك فيه خمار فوق راسك تتمشي حدا ختك حشمانة حطيتي صينية و روحت بنتيلي عاقلة قولت هذي لي نكمل معاها حياتي والله من نهار داك وانا نحلم غير كتاه تكوني ليا صح ماتوصلناش لا تلفون لا خرجات ديريكت خطبة وعرس بصح حبيتك كونت غير نستنا فيك ديك ليلة لي نشوفك بالابيض
قوتلو ايه سامحني فسدتلك ديك ليلة كان صارحتك من الاول مايصراش كل هذا الشيء قالي ماتقوليش هك كولش مكتوب ربي وراكي دورك ام ولادي خاصة بالكاتبة قلبي غير ميمتي بداء يفوت الوقت يا البنات وقعدلي ربع ايام ويجي محمد يديني لداري عاد يجيني سطر قاوي تقول راح نولد وكي نروح لطبيبة تقولي مزال شهر تعاودت الجاست مرتين وطبيبة كانت ترجعني تقولي مزال ماتزيديش دورك حتان قالتلي ماما صاي ماعادش تروحي هذا غير لبيبي راه يتقلب برك كي يجيك سطر احقريه
قوتلها اوكي مي انا كونت حاسا روحي راح نولد في هذا الشهر بيسك وجع مش طبيعي قرب عرس سيهام وقالولي يلاه معانا قوتلهم لالا محمد قالي ماتروحيش هاني قاعدة في دار روحو نتوما ازهو قالت ماما لختي اقعدي معاها عسيها نطقت ختي مها مها نروح شحال وانا نستنا في العرس غاضتني قوتلهم روحو واش راح يصرالي مزال شهري وبابا هنا اي حاجة تلفون بيناتنا قالتلي راكي سور ماكانش سطر قوتلها واه مكانش خرجو من دار وقعدت وحدي مع بابا قعدنا نحكو وضحكو انا وياه قالي جيبلي قشابيتي راني خارج جبتهالو لبسها وراح
حكمت تلفوني وكلمت محمد وبدينا نتمعشو شويا هك جاني نفس السطر بصح هذي المرة قوي نوضت نعيط قالي محمد واش بيك قوتلو وقيلا راح نولد ضحك قالي ياك قالتلك طبيبة شهر تاسع تولدي اقعدي شدي بلاصة وماتعبيش روحك
قعدت نحكي حتان عاود قوى وهذي المرة خرج الماء من تحتي حشاك محمد تخلع كي قوتلو جاتني زحمة نتاع لولادة اذا عندك رقم يما كلمهم يجو كوبا عليا وكلم دار وانا نتلوا لبيبي حاب يخرج صعيبة انك تولدي وحدك مش كما في سبيطار يعاونك كونت نعيط كالمهبولة كلمني محمد و مش قدا حتى نسمع صوت موسيقى خبطت التلفون رميتو رميا لي تشك لقزاز نتاعو وانا نعيط ....ماااامااا ..ودموع
دخل بابا بعد ماكلماتو ماما مع خويا مسكين هزني وانا سمينة نسمع فيه يصوط و انا بين يديه حطوني في لوطو وطريق كامل شادا روبتي بيدي خايفة نولد موما طفلة طيح في حجري شويا هك حسيت راس خرج قوتلهم ازربوووووو اختصرنا طريق ولحقنا لسبيطار كانت حالتي تبكي الحجر ولوطو توسخت قشي كيف كيف دخلوني وعاونني شوي بصح روطار قالتلها راها زيدت وحدها اقطعو الصرة
نشوف فيهم خرجت طفلة ماتبكيش ساكتا حشمتها الساشفام ضربتها تحت ظهرها باش تنوض ماكانش حسها عايت تعاود فيها ماكاين والو وانا غير نشوف وطفلة تخيط فيا خلاص عقلي راح يخرج قوتلها ماتت شافت فيا قالتلي لالا بنت حيا قوتلها وينها قالتلي ارقدي من بعد نجيبهالك اداوني وين نساء قاعدين كانو في كل شومبرة ثلاث نساء تماك غير دخلت حكمتني الفشلة و رقدت
نوضني حس نتاع دراري صغار فتحت عينيا كامل ولادهم حداهم إلا أنا عرفتها توفات بنتي وخباو عليا الخبر باش ماتطلعش لاطنسيو شديت فمي بيدي وطاحو شوي دمعات غاضني محمد كان يستنا فيها شافتني لي حدايا وعادت تصبر فيا مزالك صغيرة و دورك تعاودي تجيبي خلافها جات الفرمليا دور علينا لقاتني الضغط طالع قالتلي علاه راكي تقلقي في روحك بنتك طير من طيور الجنة عادي ربي دورك يعوضك والله هي عاشت بصح نت كي زيدتيها وحدك ضغطتي على روحك وعلى لبيبي تعبتو لزوج عليها توفات
قاستلي لاطنسيو وكانت ماطمنش هنا بدلتلي الشمبرة حطوني وحدي كانو دايرين لباري في يدي تيو نتاع السيروم وتيو حشاكم لي يصفي الدم مع البول كانت حالتي بين لحياة و الموت وصل وقت الزيارة وماخلاو حتى واحد يدخل لعندي حاولو حاولو قاللهم ممنوع لازم ترتاح عرفتها راني في الريسك قادر ربي يدو أمانتو في اي دقيقة

جزائريون وجزائريات🇩🇿

۲۶ فروردین ۱۴۰۵، ۲۲:۰۶

✨الحلقة_28_:
_قوتلو ماتكسرش راسك بزااف صاي نروح عند يما انسب حل ليا وليك قالي اوكي غدوا لالا اصبري حتان نخلص نبعتك بمصروفك قوتلو خلاص يلاه نرقدو دخان بزااف مش مليح شوف شحال من قارو وزيد قهوة حكلة خرجنا من البالكو و روحنا للفراش رقدنا وكل واحد فينا يخمام في حاجة و العالم ربي
جاء صباح وعادي كما اي صباح نفس الروتين يتعاود قوتلو باش نكتب الكارني ونعرف جنس البيبي طفلة ولا طفل لازم نروح عند البريفي قالي اوكي لبس قشو و روحنا لبريفي كانت فارغة دخلت جيت انا الاولى دارتلي الايكو وكانت طفلة
فرحت كي قالت طفلة مام راجلي فرح كانت اول طفلة في العايلة كناين كامل جايبين دراري كي قالت طفلة راجلي قريب يموت من الفرحة يعني عندهم بنات في دار مي بنات خياتو لبنات مش دراري قالي ان شاء الله تفتحلنا بيبان الخير
نطقت طبيبة ياختي نقصي القلقة راه ضغطك طالع بزااف ولطانسيو ماهيش تهبط كامل اذا تقعدي كما هك ممكن تولدي في شهرك 7 مش مليح ليك تتقلقي قوتلها ان شاء الله عطاتني نصائح واش ناكل واش ماناكلش واش نشرب واش مانشربش خاصة بالكاتبة قلبي غير ميمتي خرجنا من عندها وراجلي يقولي نديرلها شمبرة نشريلها هك وهك وانا نقولو مزال مش دورك خلي كي نولد واشري دورك مزال الحال وهو يقولي بنتي بنت باباها ندللها نت تولي تغيري منها فرحت كي لقيتو فرحان كونت خايفة مايحبش فكرت الطفلة عاد يقولي اسمعي كلام طبيبة وديري كما تقولك وكي نمدلك مصروفك تروحي لعند يماك ماتكليش كدا ماديريش كدا كان خايف عليا طمن قلبي قولت لالا محمد نيتو صافية ماهش راح يخدعني مستحيل باين يحبني
فاتو الايام وجاء اليوم لي ودعت فيه راجلي قعدنا ليلة و نهار في الطريق لحقت عند يما وكامل رحبو بيا مع راجلي قعد معايا يوم واحد ورقد مع خويا صغير في نفس الشومبرة يرتاح من تعب الطريق قبل ما يروح عطاني واش كتب ربي وعطاني معاه تلفون جديد لي شراهلي بالتقصيد وقالي اي حاجة كلمني نجي لعندك تهلي في بنتي وراني داير فيك ثيقة خطينا من انستغرام والفيسبوك هذي مرة صح نقتلك
قوتلو اوكي لغيور نتاعي راح نتوحشك كي ترجع لدار سلامات كلمني نطمن عليك قالي اوكي رقمي راه ماركي عندك وراني مفلكسيلك وراني ساعة ساعة نجي نطل عليك قوتلو اوكي
ودعنا بعض وراح وخلاني قعدت في دار مع ختي صغير مزال مش متزوجة ضحك الحديث مع بعض ويما تقولي راكي غايا مع راجلك كاش مابيناتكم زعكت ختي وقعدت تهدر معايا راسي راسها قوتلها لالا ماكاين والو ماحبيتش نقوللها بلي هو لي قالي روحي قوتلها انا قوتلو اديني عند يما توحشتها وكي نزيد ارواح اديني قالتلي اه املا استحفظي على روحك
وصل ليل وصونى تلفوني نيميرو راجلي رفدت عليه قالي ونسني في طريق وانا نسوق قعدت نحكي معاه لوجه الصباح هو يقولي روحي ترقدي وانا نقولو لالا اني نونس فيك قعدنا نتشايخو وحالتنا حالة وصلت 4 نتاع صباح قوتلو ريحا نرقد ودعتو ورقدت وانا مطمنة محمد مستحيل يخليني باين يبغني كونت فرحانة أصلا كي شوفت اهلي مني تزوجت مازدتش شوفتهم
فات شهر ودخل شهر 7 وراجلي جاء طل عليا و رجع للبلاد كي رجع وحدو يماه حلفتلو يجيبني قالتلو عيب جيب مرتك قالها خليها انا عارف علاه قالتلو ياسدي جيبها عندي تقعد قالها خلاص ندي إذن من الخدمة ونجيبها مش راح يمدهلي دورك حتان سمانة جاية قالتلو اوكي سمانة جاية جيبها
كان يحكيلي كولش في تلفون قالي طلعت يما تشتيك ضحكت قوتلو ربي يدوم محبتا

Showing 11 of 11 posts

No more posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

جزائريون وجزائريات🇩🇿

جزائريون وجزائريات🇩🇿

رتبه‌بندی

رشد مشترکان (7 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

Reza Pahlavi | رضا پهلوی

Net Account | نت اكانت

مسلسل الاسيرة مدبلج

⚀بیـــماریهای زنان⚀

کانال دوازدهم | کنکور ۱۴۰۵

متجر MODRIĊ

جوهرة القصر

مسلسلات هندية مترجمة

کانال‌های تلگرام مرتبط

Reza Pahlavi | رضا پهلوی

Net Account | نت اكانت

مسلسل الاسيرة مدبلج

⚀بیـــماریهای زنان⚀

کانال دوازدهم | کنکور ۱۴۰۵

متجر MODRIĊ

جوهرة القصر

مسلسلات هندية مترجمة

نظرات کاربران (0)

آخرین پست‌ها