Nejashi Printing Press

Public

مشاهده کانال

نمی‌توانید بپیوندید؟ @NejashiPP

۴.۸k عضو

به‌روزرسانی شده: May 17, 2026 at 9:34 PM

Nejashi Printing Press

ይህ የነጃሺ ማተሚያ ቤት ኦፊሻል የቴሌግራም ቻናል ነው። የተለያዩ ጠቃሚ መልዕክቶችን፣ አዳዲስ የህትመት ውጤቶቻችንና አገልግሎቶቻችንን ተከታተሉን፣ ለሌላውም ሼር አድርጉ።

@NejashiPP is a growing community focused on سریال‌های وب and related topics

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (4 روز گذشته)

مجموع: 4.8K

رشد 24 ساعت: -6 0%

آخرین پست‌ها

Nejashi Printing Press

۲۹ اردیبهشت ۱۴۰۵، ۱۷:۵۲

ከእነዚህ ሰዎች አንፃር እኛ የት ላይ እንገኛለን?
፨፨፨፨

1- ራፊዕ “ዐብደላህ ኢብን ዑመር (ረ.ዐ) ቤቱ ውስጥ ሲሆን የሚሠራው ምንድን ነበር?” ተበሎ ተጠየቀ፡፡
እርሱም “አትችሉትም! ለሁሉም ሰላቶች ዉዱእ ማድረግ፣ በሁሉም ሰላቶች መካከል ቁርኣን ማንበብ” ሲል መለሱ፡፡

2- ሙሐመድ ኢብን ዋሲዕ “ተቀመጥ፤ ለምን አትደገፍም” ተበሎ ተጠየቀ፡፡
እርሱም “የሚደገፈው ከቀጣዩ ዓለም ጭንቀት ነፃ የሆነ ሰው ነው፡፡ እኔ እስካሁን እንደፈራሁኝ ነኝ” ሲል መለሰ፡፡

3- ሣቢት አል-ቢናኒይ ለቅሶ ከማብዛቱ የተነሳ ዓይኖቹ ለመጥፋት ተቃረቡ፡፡ ወደ እርሱም አንድ ሐኪም መጣና “ለዓይኖችህ ህክምና አደርግልሃለሁ፤ ግን አንተ ከዛሬ ጀምሮ ላለማልቀስ ቃል ግባልኝ” አለው፡፡ እርሱም “አላህን ፈርተው ካላለቀሱ የዓይኖቼ በላጭነት የት ላይ ነው? ” ሲል መለሰለት፡፡

4- ለኢማም ሐሰን አል-በሰሪ ለማፍጠሪያ የሚሆን ውሃ በኩባያ መጣላቸው፡፡ ለመጠጣት ወደ አፋቸው ካስጠጉት በኋላ አለቀሱ፡፡ ከዙሪያቸው ያሉ ሰዎችም ለምን ታለቅሳለህ? ብለው ጠየቋቸው፡፡ እርሣቸውም “የጀሀነም ሰዎች ከጀነት ሰዎች የሚያደርጉትን የውሃ ልመና አስታወስኩ፡-
የሚሰጣቸውንም መልስ አስታወስኩኝ፡-
( አል-አእራፍ፡ 50)
እነዚያ ሃይማኖታቸው መሳለቂያና መጫወቻ አድርገው የያዙ፣ የቅርቢቱ ሕይወት ያታለለቻቸው፣ ይህንን ቀናቸውን (የፍርዱን ቀን) መገናኘትን እንደርሱ፣ በተአምራታችንም ይክዱ እንደነበሩ ዛሬ እንረሳቸዋለን፡፡

5- ዐጣእ ኢብን ሳኢብ የሚከተለውን ዘግቧል፤ “ወደ አባ ዐብዱረሕማን አስ-ሱለሚይ ሄድን፡፡ መስጂድ ውስጥ ሆኖ ጣዕረ-ሞት ውስጥ ገብቷል፡፡
እኛም “ወደ ቤትህ ወስደንህ ከፍራሽህ ላይ ብትተኛ የተሻለ ነው” አልነው፡፡ እሱም “ከእናንተ ውስጥ አንድ ሰው አንድ ሰላት መስጂድ ውስጥ ሰግዶ ሌላ ሰላት ለመስገድ መስጂድ ውስጥ አይጠባበቅም፤ የተጠባበቀውን ጊዜ ያህል ሰላት እየሰገደ እንደሆን አላህ ዘንድ የተጻፈለት፣ እንዲሁም መላእክት ለርሱ አላህን ምህረት የጠየቁለት ቢሆን እንጂ፡፡ የሚለውን የነብዩን (ሰ.ዐ.ወ) ሐዲስ ሰምቻለሁ፡፡ ስለዚህ መስጂድ ውስጥ ነው መሞት የምፈልገው” አለን፡፡


6- ሰዒድ ኢብን ሙሰየብ “ለ50 ዓመታት ያህል በመስጂድ ውስጥ የጀማዓ ሰላት አልፎኝ አያውቅም፣ ለ40 ዓመታት በመስጂድ ውስጥ የኢማሙ የመጀመሪያው ተክቢራ (ተክቢረተል-ኢሕራም) አልፎኝ አያውቅም፣ለ30 ዓመታት የመጀመሪያው ሶፍ ላይ ሆኜ እንዲሁም ሙአዚኑ እኔ ቀድሜ መስጂድ ውስጥ ሆኜ እንጂ አዛን ብሎ አያውቅም” ብሏል፡፡


7- ኢማም ቡኻሪ “ለአቅመ - አዳም ከደርስኩ ጀምሮ ሙስሊም ወንድሜን አምቼ አላውቅም” ብለዋል፡፡

8- ኢማሙ ሻፊዒይ “በእውነትም ሆነ ውሸት ጉዳይ በአላህ ስም ምዬ አላውቅም፣ ንጹህ ውሃ እንኳን መጠጣት ከአላህ ጋር ያለኝን ግንኙነት እንደሚያበላሽብኝ ባውቅ አልጠጣም ነበር” ብለዋል፡፡

9- ወደ ኢማም አውዛዒይ ቤት አንዲት ሴት ገባች፡፡ ኢማም አውዛዒይ በሚሰግዱበት ቦታ (ሚሕራብ) ላይ ርጥብ ነገር አገኘች፡፡
ለባለቤታቸውም “አላህ ይዘንልሽ! የህፃናት ሽንት ከሼኹ መስገጃ ላይ ይገኛል” አለቻት፡፡
የአውዛዒይ ባለቤትም “ወዮልሽ! ይህ የምትመለከችው ርጥበት ሼይኹ የሌሊት ሰላት ሲሰግዱ የሚያነቡት እንባ ነው” አለቻት፡፡

10- ኢማም ኢብኑል ቀዪም ስለ ኡስታዛቸው ኢብን ተይሚያ የሚከተለውን ጽፈዋል፡- “በአላህ ይሁንብኝ ከኢብኑ ተይሚያ የተሻለ ያማረ ሕይወት የሚኖር አልተመለከትኩም፡፡ ከቅርቢቱ ዓለም የተሰጠው ፀጋ አናሣ፣ዛቻ እና እስር የበዛበት የሆነ ሕይወት ከመምራቱ ጋር ሁሌም ደስተኛና ልቦናውም ሰፊና ጠንካራ ነበር፡፡ የደስተኝነት ፀጋ በፊቱ ላይ ይስተዋላል፡፡ የሰዎች ማስፈራራት እንዲሁም ምድር ሰፊ ከመሆኗ ጋር ስትጠብበን ወደ እርሱ ዘንድ እንመጣ ነበር፡፡ ከንግግሮቹም ስንሰማ ያስጨነቁን ነገሮች በሙሉ ይወገዳሉ፡፡ ነፍሳችንም የተረጋጋች ሆና እንመለሣለን”፡፡

https://nejashibooks.com/

https://www.tiktok.com/@nejashibooks

1,780

Nejashi Printing Press

۲۹ اردیبهشت ۱۴۰۵، ۱۷:۵۲

https://vt.tiktok.com/ZS92ABtW8/

1,200

Nejashi Printing Press

۲۹ اردیبهشت ۱۴۰۵، ۱۷:۵۲

ከ “አርዓያ ቁጥር አንድ” መጽሐፍ የተወሰደ
****
ይህ መጽሐፍ የነቢዩን (ሰ.ዐ.ወ.) የተግባቦት መንገዶች ይዳስሳል፡፡ መጽሐፉ ቀጥር አንድ እና ሁለት አለው፡፡

አዘጋጁ ፡ ኡስታዝ ሙሐመድ ዑመር ነው፡፡
አንብቡት ትጠቀሙበታላችሁ፡፡
***
ከመጽሐፉ ፡-

የአላህ መልዕክተኛ (ሰ.ዐ.ወ) ከሁሉም በላይ በዱዓ ላይ ትኩረት ያደርጋሉ። እንደሰው ማድረግ ያለባቸውን ሁሉ ያደርጋሉ። ከዚያም ነገረ ጉዳያቸውን በአላህ ላይ ይተዋሉ። በሁሉም ነገር ላይ የመጨረሻውን ስኬት አላህን አጥብቀው ይለምናሉ። ከርሱ ፍቃድ ውጭ የሕይወትን ሚዛን መጠበቅና ለስኬት መብቃት እንደማይቻል ያስተምራሉ። ትልቁን የሕይወት ስዕል በሚይዙና አጠቃላይነት ባላቸው የዱዓ ቃላት ላይ ያተኩራሉ። ለአብነት የሚከተሉትን እንመልከት፤-

* ‹‹አላህ ሆይ! ፍቅርህን አንተን የሚወዱ ሰዎችንም ፍቅር ወደ ፍቅርህ የሚያደርሰኝንም በጎ ተግባር እለምነሃለሁ። አላህ ሆይ! ፍቅርህን ከነፍሴ ከቤተሰቤና ከቀዝቃዛ ውሃ ይበልጥ ለእኔ ተወዳጅ አድርግልኝ።›› (ቲርሚዚ የዘገቡት)

* ‹‹አላህ ሆይ! ከማይጠቅም ዕውቀት አንተን፣ አንተን ከማይፈራ ልቦና ከማትጠግብ ነፍስ፣ ተቀባይነት ከሌለው ዱዓ በአንተ እጠበቃለሁ።›› (ሙስሊም የዘገቡት)

*‹‹ዱዓ (ማድረግ) አምልኮት ነው።›› (አቡ ዳዉድና ቲርሚዚ)

* ‹‹አላህ ያልለመነውን ሰው በርሱ ላይ ይቆጣበታል።›› (ቲርሚዚ የዘገቡት)

ሰው የቱንም ያህል ቢያውቅ፣ የቱንም ያህል ቢጥር፣ የቱንም ዓይነት ደረጃ ላይ ቢደርስ፣ሁሌም ቢሆን የሚቀሩት ነገሮች አሉት። የሚያንሰው ዕውቀት፣ ያላገኘው አጋጣሚ፣ ያላሸነፋቸውና የሚታገሉት ስሜቶች ያሉበት ነው። በሌላ አባባል ሰው ውስን ነው። የሚሆነውን ለመሆን የፈጣሪውን እርዳታ ዘወትር መጠየቅ አለበት። በዱዓ ወደ ተመዛዘነ ሕይወት መቅረብ ይችላል።

ከአባባሎች
***
* ‹‹ጥልቅ የልብ ምኞት በዱዓ መልስ ያገኛል።›› (የሰዕድ ጥበቦች ገ/157)

* ‹‹ዱዓ በድርጊት ሊደገፍ ይገባል። አለዚያ ባዶውን ይቀራል።›› (የሰዕድ ጥበቦች /ገ/157)

* ‹‹ጭንቀትና ግራ መጋባት ወደ ዱዓ መሩኝ። ዱዓ ግራ መጋባትንና ጭንቀትን አስወግድልኝ።›› (የሰዕድ ጥበቦች /ገ/157)

https://www.tiktok.com/@nejashibooks

https://nejashibooks.com/

1,490

Nejashi Printing Press

۲۹ اردیبهشت ۱۴۰۵، ۱۷:۵۲

📷 Photo

ከኢሕያእ ዑሉሚዲን ገፆች
አዘጋጅ ፡ ኢማም አል-ገዛሊ
ትርጉም ፡ ሙሐመድ ሰዒድ ABX (PhD)
ነጃሺ መፃሕፍት መደብር ያገኙታል ።

በትዕዛዝ አዲስ አበባ ውስጥ በሞተረኛ
ክልሎች እና ውጭ አገር በፖስታ ቤት በኩል እንልካለን ።

ስልክ - +251945858585

4,120

Nejashi Printing Press

۲۹ اردیبهشت ۱۴۰۵، ۱۷:۵۲

📷 Photo

ልዩነቱ ሰፍቷል
የሸይኽ ኻሊድ አር ራሺድ መጽሐፍ
ትርጉም - ጀማል ሙሐመድ
ነጃሺ ማተሚያ ቤት

4,320

Nejashi Printing Press

۲۹ اردیبهشت ۱۴۰۵، ۱۷:۵۲

📷 Photo

የሐጅ ግዴታነት በቁርኣን እና በነቢያዊ መልእክት (ሐዲሥ) የጸና ነው። ስለዚህ ማንኛውም አካላዊም ሆነ ቁሳዊ አቅሙ የተሟላለት ወንድ ይሁን ሴት ሙስሊም፣ በሕይወት ዘመኑ ቢያንስ አንድ ጊዜ ሐጅ ማድረግ ይኖርበታል።

ሐጅ እየደረሠ ነው።

ውድ አንባቢያን! ይህ መጽሐፍ በሐጅ እና ዑምራ ዙርያ የተዘጋጀ ድንቅ መጽሐፍ ነው።
የመጽሐፉ ዋና ዓላማ በተለይ ለመጀመሪያ ጊዜ ወደ ሐጅ እና ዑምራ ለሚጓዙ ምእመናን በሥርዓቱ ዙርያ የእስልምናን አስተምህሮ በትክክል አውቀው መተግበር ይችሉ ዘንድ መረጃ መስጠት ነው።

መጽሐፉ ምንም እንኳ አጠር ያለ ቢሆንም በጉዳዩ ዙርያ ጠቃሚ መረጃዎችን ይዟል።

ግለሰቦች፣
በሐጅና ዑምራ ዙርያ የሚሠሩ ተቋማትና ኤጀንሲዎች መጽሐፉን ይጠቀሙበት ዘንድ እንመክራለን።

https://www.tiktok.com/@nejashibooks

https://nejashibooks.com/

7,080

Nejashi Printing Press

۲۹ اردیبهشت ۱۴۰۵، ۱۷:۵۲

📷 Photo

2,150

Nejashi Printing Press

۲۹ اردیبهشت ۱۴۰۵، ۱۷:۵۲

https://vt.tiktok.com/ZSHbthTN3/

5,100

Nejashi Printing Press

۲۹ اردیبهشت ۱۴۰۵، ۱۷:۵۲

📷 Photo

https://vt.tiktok.com/ZSHbthTN3/

4,120

Nejashi Printing Press

۲۹ اردیبهشت ۱۴۰۵، ۱۷:۵۲

አዲስ አበባ ውስጥ በሞተረኛ
ወደተለያዩ የአገሪቱ ከተሞችና የውጭ አገራት በፖስታ ቤት በኩል እንልካለን።

ይዘዙን

ስልክ

+251945858585

5,380

Nejashi Printing Press

۱۴ اردیبهشت ۱۴۰۵، ۱۹:۵۵

በየዕለቱ እንድንሰግድ የታዘዝናቸው የአምስት ጊዜያት ሰላቶች፣ የልባችን ኦክሲጅን (እስትንፋስ) ናቸው።

ሰላት የተውን ጊዜ መተንፈስም ያቅተናል። አካላዊው ልባችን ያለ ኦክሲጅን መኖር እንደማይችለው ሁሉ፣ መንፈሳዊው ልባችንም ያለ ዚክር (በተለይም ያለ ሰላት) ሕያው ሊሆን አይችልም።

የሰላት መድኃኒት በታወቁ (ተለይተው በተወሰኑ) ሰዓቶች እንዲወሰድ በአላህ የታዘዘው ያለ ምክንያት አይደለም። ልክ አንድ ሐኪም እንደሚያዘው መድኃኒት፣ የሰላትን ክፍለ ጊዜ ጠብቀን መስገድ አለብን። ምክንያቱም ሐኪሙ (አላህ) ያን ያደረገበት እርሱ ብቻ የሚያውቀው ምክንያት አለው።
ለአላህ ከዶክተር ጋር የማይነፃፀር እጅግ የላቀ መገለጫ እንዳለው ሳይዘነጋ።

የፈጅር ሰላት፣ ፀሐይ ከመውጣቷ ጥቂት ቀደም ብሎ እንዲሰገድ ሲወስን ያን ያደረገበትን ምክንያት ያውቃል። ሐኪም ያዘዘልንን ሕይወት አድን መድኃኒት በየዕለቱ የተወሰነውን እየተውን ብንወስድ ምን ይከሰታል? በቀን አምስቴ እንድንወስድ የታዘዝነውን መድኃኒት፣ ማታ ከመኝታ በፊት አምስቱንም ብንወስድ ምን ይፈጠራል? መቼም መድኃኒቱ በታዘዘው ሰዓት መወሰድ የሚኖርበት እኛን በሕይወት እና በጤና ለማቆየት እንደሆነ አይጠፋንም።

የባዶነት ስሜት
ያስሚን ሙጃሂድ

ትርጉም ፡ ሱለይማን ጠይብ

https://www.tiktok.com/@nejashibooks

5,730

Nejashi Printing Press

۱۴ اردیبهشت ۱۴۰۵، ۱۹:۵۵

የሚያጎለብቱ ፈተናዎች
*,
ፍጥረትን ስናጠና የአላህን ሱንና (መንገድ) የተመለከቱ በርካታ እውነታዎችን እናገኛለን። ለምሳሌ፣ አጥንታችን ሲሰበርና መልሶ ሲድን፣ አጥንቱ ተሰብሮ የዳነበት ጥግን ቦታ ላይ የበለጠ ጠንካራ ይሆናል። ዓለማዊ ፈተናዎቻችንም ተመሳሳይ ባህሪ አላቸው። ከታላላቅ የሱና ምሁራን አንዱ የሆኑት አል-ዒዝ ኢብን ዐብዱሰላም “ፈተናዎችና 17 ፋይዳዎቻቸው” የሚሰኝ ዕውቅ ድርሰት አላቸው።

በዚህ ሥራቸው ሸይኹ፣ ፈተናዎች የአላህን የኃያልነት (ሁሉን ቻይነት) ልክ እንድንረዳ እንደሚያደርጉ አብራርተዋል። ብዙውን ጊዜ የሕይወታችን መሪዎች ራሳችን እንደሆንን እናስባለን። ሕይወታችንን ራሳችን የምንሾፍር ይመስለናል። ሁሉን ነገር የማበጀት እና ሰባራን ሁሉ የመጠገንን ከባድ ኃላፊነት ለመወጣት እንጥራለን። ይህ ደግሞ መከራ ውስጥ ይከተናል። ዘና ማለት አንችልም። እንቅልፍ ካይናችን ይሸሻል።

ብዙዎች፣ ሁኔታዎች ላይ ሥልጣን አለን ብለው በማሰባቸው ምክንያት ውስጣዊ ሰላምን አያገኙም። በሕይወታችን ላይ የተለገሥነውን ውሳኔ የማሳለፍ ክህሎት ትክክለኛ ሥልጣን አድርገን እንቆጥረዋለን። ፈተናዎችና መከራዎች ደግሞ አላህ በእኛ ላይ የማይገሠሥ ሥልጣን ያለው መሆኑን እንድናስታውስ ያስገድዱናል። አላህ አል-ቀሃር (አስገዳጅ) እና አል-ዐዚዝ (አሸናፊ) ነው።

እናም ይህ ዕውቀት ወደሚያድነንንና ድህነታችንን በማስታወስ አላህን እንድንከጅል ወደሚያደርገን ግንዛቤ ይመራናል። ከአላህ ፊት መልካም የማርገድ ስሜት ውስጣችን ያሰርፃል። “በአላህ ቢሆን እንጂ ኃይልም ሆነ ብልሃት የለም፣” የሚለውን ወርቃማ መርህ በገቢር ያስተምረናል። ሰዎችን ሁሉ ወይም ሁሉንም ነገር የምናድን እኛ አለመሆናችንን ይዘክረናል።
የምናስተካክለው እኛ እንዳልሆንን፣ ኃላፊነትም እንዳልተጣለብን ያስገነዝበናል። ይህ ኃላፊነት የአላህ መሆኑን ጭምር።

ይህ ግንዛቤ ሕይወታችንን መታደግ የሚችል ነው። ከሰዎች ጋር ያሉንን ግንኙነቶች ማረቅ ይችላል። የሰው ልጅ ልቦና የዓለምን ክብደት እንዲሸከም አልተበጀም። ይህን ክብደት መሸከም የሚችል አላህ ብቻ ነው። ይህን ጭነት ለሰማይና ለምድር ባለቤት እስካላስረከብን ድረስም ይህን ከንቱ ክህሎታችንን በሚያፈርስ ጫና ሥር ስንሰቃይ መኖራችን አይቀርም።

https://www.tiktok.com/@nejashibooks

https://nejashibooks.com/

5,820

Nejashi Printing Press

۱۴ اردیبهشت ۱۴۰۵، ۱۹:۵۵

https://vt.tiktok.com/ZSHf2Tm2N/

1,230

Nejashi Printing Press

۱۴ اردیبهشت ۱۴۰۵، ۱۹:۵۵

📷 Photo

የህሊና ዕረፍቶች (ከቁጥር 1- ቁጥር 4)
***

መጽሐፎቹ ውስጥ

* የተለያዩ መሳጭ ጥበባዊ ንግግርች፣
* የታላላቅ ሰዎች አባባሎች፣
* አጫጭርና ውብ የሆኑ ግጥሞች፣
* መረጃዎችና ቆንጆ ሀሳቦች ፣
* ቀልብን የሚያለሰልሱ ምክሮች፣
* አዝናኝ እና አስተማሪ መልእክቶች እና ሌሎችንም
* የማይሰለቹ መጣጥፎችን ያገኙባቸዋል፡፡

ነጃሺ መፃሕፍት መደብር ያገኟቸዋል።

1,780

Nejashi Printing Press

۱۴ اردیبهشت ۱۴۰۵، ۱۹:۵۵

📷 Photo

ፈተናዎች፣ እኛን ከኀጢአት ለማጽዳት የሚከሰቱበት ጊዜ አለ።
ነቢዩ (ሰ.ዐ.ወ) እንዲህ ይላሉ፦
“አንድን ሙስሊም ድካም፣ ህመም፣ ትካዜ፣ ሐዘን፣ ወይም ጉዳት -የእሾህ መውጋት ቢሆንም እንኳን- አይደርስበትም፤ አላህ የተወሰነውን ኀጢአቱን የሚያብስለት ቢሆን እንጂ።” (ቅጽ 7፣ ምዕራፍ 70፣ ቁጥር 545)

አንድ ታላቅ ገጣሚ እንዳለውም፦
“አንድ ሰው ምንጣፍ ሲደበድብ ውጥኑ ምንጣፉ አይደለም። ምንጣፉ ውስጥ ያለው አቧራ እንጂ።”

አንጥረኛ ወርቅን የሚቀጠቅጠው ሊያጠፋው አይደለም። ሊያፀዳው ነው።
አላህም ምእመናንን ለማጽዳት ልክ ወርቅ በእሳት እንደሚፈተን በፈተና እንደሚያፀዳቸው በቁርኣን ነግሮናል።
ወርቅ በእሳት ሲለበለብ ጉድፎቹ ይወገዱለታል።
የአማኝ ልብ በፈተና እንዲያልፍ ሲደረግም የቀልብ ላይ እድፎች ይወገዳሉ።

የባዶነት ስሜት መንስኤው እና ፈውስ
በያስሚን ሙጃሂድ
ትርጉም - ሱለይማን ጠይብ።




https://www.tiktok.com/@nejashibooks

https://nejashibooks.com/

5,430

Nejashi Printing Press

۲۹ فروردین ۱۴۰۵، ۱۵:۱۴

📷 Photo

አስደሣች ዜና ለመጽሐፍ ወዳጆች
****

የሦስተኛውን የሙስሊሞች ኸሊፋ የታላቁን ሰሐባ ዑሥማን ኢብኑ ዐፋን (ዙን-ኑረይን) ታሪክ የያዘ መጽሐፍ በነጃሺ ማተሚያ ቤት ታትሞ በዛሬው ዕለት በገበያ ላይ ውሏል።

መጽሐፉ 414 ገፆች አሉት።

አዘጋጁ ሸይኽ ዶ/ር ዐሊ ሙሐመድ ሶላቢ ናቸው።
ኡስታዝ አሕመድ ሑሴን ተርጉሞታል ።

መርካቶ ታላቁ አንዋር መስጊድ መግቢያ በር ላይ ነጃሺ መፃሕፍት መደብር ያገኙታል።

ነጃሺ የዕውቀት ማዕድ!!

https://nejashibooks.com/

https://www.tiktok.com/@nejashibooks

4,780

Nejashi Printing Press

۲۹ فروردین ۱۴۰۵، ۱۵:۱۴

📷 Photo

መላው ሙስሊም ማኅበረሰብ እንኳን ለዒድ አል-ፊጥር በሰላም አደረሣችሁ።
ዒዱኩም ሙባረክ!
ወኩሉ ዓሚን ወአንቱም ቢኸይር ።

ነጃሺ ማተሚያ ቤት
ነጃሺ መፃሕፍት መደብር


https://nejashibooks.com/

https://www.tiktok.com/@nejashibooks

1,860

Nejashi Printing Press

۲۹ فروردین ۱۴۰۵، ۱۵:۱۴

📷 Photo

አዲስ መጽሐፍ ከነጃሺ
***
የመጽሐፉ ሥም ፡ ነፍሲያን ማረቅ
አዘጋጅ ፡ ኢብን አል-ጀውዚ
ትርጉም ፡ ሱለይማን ጠይብ ሐምዛ
የገጽ ብዛት፡ 84

ስለ መጽሐፉ ፡ መጽሐፉ ነፍሲያን በማረቅ እና አጉል ፍላጎቶቿን በማገድብ ወደ ትልቅ ደረጃ ማድረስ ስለሚቻልበት ሁኔታ ይዳስሳል፡፡

ከመጽሐፉ ፡ አላህ ለሰው ልጆች የሚወስነውም ሆነ የሚያመላክተው ነገር ሁሉ ፋይዳው ለእነሱ ነው። አንድም እንደ የምግብ ፍላጎት ዓይነት ጠቃሚ ስሜቶች እንዲኖሯቸው አለዚያም እንደ ቁጣ ኃይል የመሣሠሉትን ክፋቶችን ለመቆጣጠር ነው። የምግብ ፍላጎት ወሰን ሲያልፍ ወደ ስግብግብነት ያመራል። በዚህ ምክንያትም ጎጂ ይሆናል። በተመሳሳይም የሰው ቁጣ ሚዛን ሲስት ጥፋት ማስከተሉ አይቀርም።
የዚህ መጽሐፍ ዋና ዓላማ የምጣኔን እና ትክክለኛነትን ሕግ በአእምሮ እና በልብ አውታሮች ውስጥ ማስረፅ፣ ማንበር እና ‹ሀዋእ›  (ሥጋዊ ዝንባሌ) ጉዳት እንዳያስከትል መድፈቅ የሚቻልበትን መንገድ መጠቆም ነው። አለፍ ሲልም የምጣኔን እና ትክክለኛነትን ሕግ የሚቃወምን ሥጋዊ ዝንባሌ ፈውሶችን ያመላክታል።
መጽሐፉ በአጫጭር ሰላሳ ምዕራፎች የተከፋፈለ ነው።

https://nejashibooks.com/

https://www.tiktok.com/@nejashibooks

3,890

Nejashi Printing Press

۲۰ فروردین ۱۴۰۵، ۲۱:۴۹

ከረመዳን ዕድሎች

2- አላህ ፊት የመቆም ዕድል
***
ይህ ዕድል፣ እውነተኛ አማኝ እንጂ ሌላው ሰው ልብ የማይለው፣ ቀልቡና መንፈሱ በኢማን ፈገግታ የፈኩለት ሰው ቢሆን እንጂ ሌላው ሥራዬ ብሎ የማይጠብቀው ትልቅ ዕድል ነው፡፡ እውነተኛ ደስታና ሰላም ምንጭ ነው፡፡ የኢማን ጥፍጥና፣ አላህን የመገዛት ጣዕም፣ ተለይቶ የሚታወቅበት አጋጣሚ ነው፡፡ ከአላህ ጋር ያለ ግንኙነት ይቀጠልበታል፣ ይታደስበታል፡፡ ወደ አላህ ይቃረቡበታል፡፡

ጉዳዮች የሚገሩበት፣ ችግሮች የሚቀረፉበት፣ ፈተናዎች የሚመለሱበት... ደጃፍ ነው፡፡ እንዲሁም ስህተቶች የሚታበሱበት፣ ኃጢያቶች የሚደመሰሱበት፣ ወንጀሎች ይቅር የሚባሉበት... አጋጣሚ ነው፡፡
ሶላት የተቂዮች (አላህን በቅን ፈሪዎች) ያይን ማረፊያ፣ የተውሒድ ባለቤቶች የልብ መርጊያ ናት፡፡
በሶላት ጭንቀቶች ይወገዳሉ፡፡ ሸክሞች ይቀላሉ፡፡ ትካዜዎች ይርቃሉ፡፡ ኃጢያቶች ይታበሳሉ፡፡ ይህ ሁሉ የሚሆነው ግን ከታላቁ ጌታው ፊት የቆመው ሰው፣ ራሱን አስተናንሶ፣ ባክብሮታዊ ፍርሃት ተሞልቶ፣ አንገቱን ሰብሮ፣ ሁለመናውን አረጋግቶ፣ አዕምሮውን ሰብስቦ፣ ልቡን ጥዶ፣ የጌታውን ፀጋና ምህረት ተስፋ አድርጎና የወዲያኛውን ዓለም ከልቡ አስቦ ከቆመ ብቻ ነው፡፡

ሶላት የነፍስ ማረፊያ፣ የቀልብ መርጊያ ናት፡፡ ለዚህ ነበር መልዕክተኛው (ሰ.ዐ.ወ) “የዓይን ማረፊያዬ በሶላት ውስጥ ተደረገችልኝ፡፡” ያሉት (ቡኻሪና ሙስሊም)
እንዲህም ይሉ ነበር፡- “አንተ ቢላል! (እባክህን) በሶላት አሳርፈን፡፡” (ቲርሚዚና አን-ነሳኢይ)
ግዴታ ከተደረገው ሶላት በተጨማሪ ሌሎች ሶላቶችን በፈቃደኝነት መስገድ፣ ማዘውተርና ማብዛት፣ ወደ ዓለማት ጌታ ያቃርባል፣ ውዴታውን ያስጨምራል፣ ፍቅሩን ያስተርፋል፣ የቅርብ ወዳጅነቱን ያስገኛል፡፡

ነቢያችን (ሰ.ዐ.ወ) ሶላትን እንዲያ የማፍቀራቸውና የማብዛታቸው አንዱ ምክንያት ይኸው ነበር፡፡ በያንዳንዷ ሌሊት አስራ አንድ ምናልባትም አስራ ሦስት ረከዓዎችን ይሰግዱ ነበር፡፡ ከግዴታዊ ሶላቶች በፊትና በኋላ የሚገኙ ጥብቅ ሱናዎችን በምንም ሁኔታ አይተውዋቸውም ነበር፡፡
የዱሐ (የረፋድ ሠዓት) ሶላት አራት ረከዓ ወይም ከዚያ በላይ ይሰግዱ ነበር።

ሌሊት በሚሰግዱበት ጊዜ ረከዓዎችን ያስረዝሟቸው ነበር፡፡

የግዴታዊ ሶላት አሥራ ሰባት ረከዓዎችን ጨምሮ፣ በየቀኑ ወይም በሃያ አራት ሰዓት ውስጥ ከአርባ (40) ረከዓዎች በላይ መስገድ ዘወትራዊ ተግባራቸው ነበር ።

ነቢያችን (ሰ.ዐ.ወ)፡- “የሌሊት ሶላትን አደራ፣ ከናንተ በፊት የነበሩ ደጋግ ሰዎች ዘወትራዊ ተግባር ነው፡፡” በማለት ተከታዮቻቸውን በአፅንኦት መክረው አልፈዋል።

ሰህል ኢብን ሰዕድ (ረ.ዐ) ባስተላለፈው ሐዲሥ “ጅብሪል ወደኔ መጣና “አንተ ሙሐመድ! የፈለግከውን ያህል ኑር፣ በእርግጥ ትሞታለህ፡፡ አንድን ሰው የፈለግከውን ያህል ውደደው፣ በእርግጥ ትለየዋለህ፡፡ የፈለግከውን ሥራ፣ በእርግጥ ዋጋው ይከፈልሃል፡፡ ልብ በል! የሙእሚን ግርማ ሞገሱ በሌሊት መቆሙ ነው፣ ልዕልናው ደግሞ ከሰዎች ምንም አለመፈለጉ ነው፡፡” አለኝ ብለዋል።

አላህ ይዘንላቸውና! ወህብ ኢብን ሙነበህ እንዲህ ይሉ ነበር፡- “በሌሊት ሶላት የተናቀ ይከበርበታል፣ የተዋረደ ልዕልና ያገኝበታል፡፡ የቀን ፆም፣ ከግለሰቡ ላይ ሥጋዊ ስሜቶችን ይቆርጣል፡፡ ሙእሚን ጀነት ውስጥ እንጅ እረፍት የለውም፡፡”

ኢብን ዐባስ (ረ.ዐ.) በበኩላቸው፣ ነገ በፍርዱ ቀን የሚቆምበት ጊዜ እንዲያጥርለት የሚፈልግ ሰው፣ ዛሬ ዱንያ ላይ ሳለ ያን ጊዜ ፈርቶና የጌታውን እዝነትና ፀጋ ተስፋ አድርጎ በሌሊቶቿ ውስጥ ሲቆም፣ ሲጎነበስና ሱጁድ ሲያደርግ አላህ ይየው ብለዋል።

በረመዷን ወር ውስጥ ከሚገኙ ዕድሎች ሁሉ በላይ ትልቁና ወርቃማው ዕድል ግን፣ ከመቸውም ጊዜ በበለጠ በከፍተኛ ትጋት ልናነጋት በሚገባን፣ “ለይለት አል-ቀድር” የሚል ስያሜ በተሰጣት ልዩ ሌሊት ውስጥ ከአላህ ፊት የመቆም እድል ነው፡፡

https://nejashibooks.com/


https://www.tiktok.com/@nejashibooks

Nejashi Printing Press

۲۰ فروردین ۱۴۰۵، ۲۱:۴۹

ውድ ደንበኞቻችን
ቅዳሜና እሁድን ጨምሮ መርካቶ አንዋር መስጊድ መግቢያ በር ላይ የሚገኘው መክተባችን ወሩን ሙሉ ክፍት ነው።

https://nejashibooks.com/

https://www.tiktok.com/@nejashibooks

1,270

Nejashi Printing Press

۲۰ فروردین ۱۴۰۵، ۲۱:۴۹

በድር - በኢስላም ታሪክ ታላቁና የመጀመርያው ድል
***
ረመዷን ሙስሊሞች በመንፈሳዊነት በከፍተኛ ደረጃ የሚነቃቁበት ወር ነው፡፡ ከትእግስት እስከ ተስፋ ከቁርጠኝነት እስከ ፅናት አቋማቸው ከፍ ይላል፡፡ መልካም ነገር ሁሉ ይገራላቸዋል፡፡ ለዚህም ነው ረመዷን የድል ወር ነው ተብሎ የሚታሰበው፡፡ በርካታ ድሎችና ስኬቶች የተገኙበት ወር በመሆኑ ፡፡

ከነኚህ ድሎች መካከልም በሁለተኛው ዓመተ ሂጅራ ረመዷን 17 ቀን ከመዲና 150 ኪሜ ርቀት አካባቢ በድር በተባለው ቦታ ላይ የዋለው የታላቁ የበድር ጦርነት ይታወሳል፡፡ በዚህ ጦርነት ላይ በቁጥር 314 የሚሆኑ በወጉ ያልታጠቁ ሙስሊሞች በሚገባ ከታጠቀውና በእግረኛ እና ፈረሠኛ ከተደራጀው 1ሺህ የሚሆን የቁረይሽ ጦር ጋር ገጥመው አሸንፈዋል፡፡

የበድር ጦርነት ለሙስሊሞች መንሠራራት ትልቅ የመስፈንጠሪያ ክስተት ሆኖ አገልግሏል፡፡ ከዚያ በኋላ የሙስሊሞች ወኔ በእጅጉ ከፍ አለ፡፡ በአላህ ላይ ያላቸው እምነትም ይበልጥ ተጠናከረ፡፡ በድሉ ሞራልም ሙስሊሞች በሚገባ እየተደራጁ መጡ፡፡ በዙርያቸው ባሉ ጠላቶችም ሊፈሩ ቻሉ፡፡

በድር ሐሰትና እውነት፣ እምነትና ክህደት ፍንት ብሎ የተለየበት ቀን በመሆኑ የውም አል-ፉርቃን /የመለያ ቀን በመባል ይታወቃል፡፡

በድር የመጀመርያዎቹ በቁጥር ጥቂት የሆኑ ሙስሊሞች በጥቂት ሰውና የመሣርያ አቅም በሁሉም ዘርፍ እጅጉ በሚበልጣቸው ጠላት ላይ ከፍተኛ ድል የተቀዳጁበት በመሆኑ ሁሌም እንደተወሳ ይኖራል፡፡

https://nejashibooks.com/

https://www.tiktok.com/@nejashibooks

1,410

Nejashi Printing Press

۲۰ فروردین ۱۴۰۵، ۲۱:۴۹

ትላልቅ ታሪኮችን ሰፊ ምርምር በማድረግ አደራጅተው በመፃፍ የሚታወቁት ሸይኽ ዶ/ር ዐሊ ሙሐመድ አስ-ሶላቢ በዚህ በተከበረው ወርሀ ረመዷን የ25 የአላህ ነቢያትና መልእክተኞችን ታሪክ የያዘ ትልቅ ጥራዝ 18 ቅጽ (ኢንሳይክሎፒዲያ) ህትመቱ አልቆ መረከባቸውን ገልፃዋል፡፡

የመፃሕፍቱ ሕትመት የተከናወነው ደማስቆ በሚገኘው ዳር ኢብኑ ከሢር ነው፡፡
በመፃሕፍቱ ከፍጥረት መጀመር ጀምሮ የአላህ ነቢያቶች የአደም ዐ.ሰ. ኑሕ፣ ሁድ፣ ሷሊሕ፣ ኢብራሂም፣ ሉጥ፣ ኢስማዒል፣ ኢስሐቅ፣ የዕቁብ፣ ዩሱፍ፣ ሹዐይብ፣ ሃሩን፣ ሙሳ፣ ዳውድ፣ ሱለይማን፣ አዩብ፣ ዩኑስ፣ ኢድሪስ፣ ዙልኪፍል፣ ኢልያስ፣ አል-የሰዕ፣ ዘከርያ፣ የሕያ፣ ዒሳ እና የመጨረሻው ነቢይ የአላህ መልእክተኛ ሙሐመድ (ሰ.ዐ.ወ.) ታሪኮች የተካተቱበት ነው፡፡ እነኚህ ሀያ አምስቱ የአላህ ነቢያት ቁርኣን ውስጥ ሥማቸው ተጠቅሷል፡፡

ዶ/ር ዐሊ ሶላቢ ከዚህ ቀደም ያዘጋጇቸው ግዙፍ መፃሕፍት ማለትም የነቢዩ ሙሐመድ የሕይወት ታሪክ የያዘው ለዓለማት እዝነት፣ እንዲሁም የአስ-ስዲቅ አቡክር እና የአል-ፋሩቅ ዑመርን ሙሉ የሕይወት ታሪኮች የያዙ መፃሕፍት በኡስታዝ አሕመድ ሑሴን (አቡ ቢላል) በነጃሺ ማተሚያ መታተማቸው ይታወሳል፡፡

ማተሚያ ቤታችን የዙን-ኑረይን ዑሥማን ኢብኑ ዐፋን ታሪክ የያዘ መጽሐፍ በቅርቡ በገበያ ላይ ያውላል፡፡

https://nejashibooks.com/

https://www.tiktok.com/@nejashibooks

1,520

Nejashi Printing Press

۲۰ فروردین ۱۴۰۵، ۲۱:۴۹

የረመዳን ዕድሎች

1- የመፆም ዕድል
*
በረመዷን ወር ውስጥ የሚገኙት ኢማናዊ ዕድሎች በርካታና ምቹ ናቸው፡፡ ብልህ ሰው እነኚህን አላህን የሚገዛባቸውን አጋጣሚዎች፣ በረከት የሚዘንብባቸውን ባለመልካም መዓዛ ወቅቶች በአግባቡ ይጠቀማል፡፡

አቡ-ዘር (ረ.ዐ.) እንዲህ ይሉ ነበር፡-
“ሰዎች ሆይ! በእውነት ልምከራችሁ፡፡ ለመቃብሮች የብቸኝነት ኑሮ፣ በሌሊት ጨለማ ውስጥ ስገዱ፡፡ ለትንሳኤው ቀን መጨናነቅ፣ ዱንያ ውስጥ እያላችሁ ፁሙ፡፡ ያን የጭንቅ ቀን ፈርታችሁ መፅውቱ፡፡”

አል-አስወድ ኢብን የዚድ ፆም ያበዛ ነበር፡፡ አንድ ዓይኑ እስክትጠፋ ድረስ ያዘወትር ነበር፡፡ “አካልህን ለምን ይህን ያህል ታስቃያለህ?” ተብሎ በተጠየቀ ቁጥር “ዘላለማዊ ረፍቱን ፈልጌ” በማለት ይመልስ ነበር፡፡

ዓሚር ኢብን አብዲ ቀይስ ይህችን ዓለም ተለይተው የሚጓዙባት የመጨረሻዋ ሰዓት የቀረበች ጊዜ አለቀሱ፡፡ “ምን አስለቀሰዎት?” ተባሉ፡፡ እንዲህ የሚል መልስ ሰጡ፡- “ያለቀስኩት ሞትን ፈርቼ አይደለም፣ ለመኖር ጓጉቼም አይደለም፡፡ ነገር ግን በአላህ መንገድ በሚደረግ ጉዞ ላይ ከሚኖረው ጥማት፣ ከቀዝቃዛው ወቅት የሌሊት ሶላት መለየቴ ነው የሚያስለቅሰኝ፡፡”

አንድ የአላህ ወዳጅም እንዲሁ፣ ከሞት አፋፍ ላይ የደረሱ ጊዜ በኃይለኛ ፍርሃት ተዋጡ፣ ተንሰቅስቀው አለቀሱ፡፡ ይህን ሁኔታቸውን የተመለከቱ ሰዎች ለምን? ብለው ሲጠይቋቸው እንዲህ በማለት ተናገሩ፡- “ፆመኞች ለአላህ ብለው ሲፆሙ ከነሱ ውስጥ ባለመሆኔ ሰጋጆች ለአላህ ብለው ሲሰግዱ ከነሱ ውስጥ ባለመሆኔ፣ አወዳሾች ለአላህ ብለው አምላካቸውን ሲያወድሱ ከነሱ ውስጥ ባለመሆኔ፣ እንጂ በሌላ ነገር አይደለም ያለቀስኩት፡፡ ይኸው ነው የሚያስለቅሰኝ፡፡”

በረመዷን ወር ውስጥ የሚገኘው የመፆም ዕድል በሌላ በምንም ነገር ሊለወጥ የማይችል እድል ነው፡፡ ከረመዷን ውጭ ሌሎች በርካታ የፆም ዓይነቶች ወይም የመፆሚያ አጋጣሚዎች መኖራቸው እውነት ነው፡፡ ነገር ግን ልቡ በኢማን የተሞላና በእርግጠኝነት የተዋበ ሰው ካልሆነ በስተቀር ሌላው ሰው አይሳካለትም፡፡ ተሳክቶለት ቢፆምም አያሳምረውም፡፡ የረመዷን ፆም ግን ግዴታ ነውና ሁሉም ይፆመዋል፡፡ ይህ ማለት ግን እያንዳንዱ ሰው አስተካክሎና አሟልቶ ይፆመዋል ማለት አይደለም፡፡ አንዱ ግለሰብ ከሌላው ግለሰብ በልባዊነቱ ይለያያል፡፡ በዚህ ምክንያትም ነው፣ ምንዳው ከኔ ብቻ ነው በማለት አላህ ወደ ራሱ ያስጠጋው፡፡

https://nejashibooks.com/

https://www.tiktok.com/@nejashibooks

5,350

Showing 23 of 23 posts

No more posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

Nejashi Printing Press

Nejashi Printing Press

رتبه‌بندی

رشد مشترکان (4 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

Reza Pahlavi | رضا پهلوی

Net Account | نت اكانت

مسلسل الاسيرة مدبلج

⚀بیـــماریهای زنان⚀

کانال دوازدهم | کنکور ۱۴۰۵

متجر MODRIĊ

جوهرة القصر

مسلسلات هندية مترجمة

کانال‌های تلگرام مرتبط

Reza Pahlavi | رضا پهلوی

Net Account | نت اكانت

مسلسل الاسيرة مدبلج

⚀بیـــماریهای زنان⚀

کانال دوازدهم | کنکور ۱۴۰۵

متجر MODRIĊ

جوهرة القصر

مسلسلات هندية مترجمة

نظرات کاربران (0)

آخرین پست‌ها