ታሜ መዝናኛ TAME MEZNAGNA

Public

مشاهده کانال

نمی‌توانید بپیوندید؟ @yeteznanottig

۴۵۹ عضو

به‌روزرسانی شده: May 5, 2026 at 6:36 AM

ታሜ መዝናኛ TAME MEZNAGNA

ይሕ ቻናል በተለያዩ ደራሢያን የተፃፉ ድርሠቶችን እየኮመኮምን በየሣምንቱ በሚለቀቁ ሐገርኛ ዜማዎች የምንፈወሥበት የዕናንተው የመዝናኛ መድረክ ነው. ጥበብ ኅያው ትሑን

Follow @yeteznanottig to stay updated with the latest محتوای پینای (Filipino) trends and news

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (3 روز گذشته)

مجموع: 459

رشد 24 ساعت: +0 0%

آخرین پست‌ها

ታሜ መዝናኛ TAME MEZNAGNA

۶ اردیبهشت ۱۴۰۵، ۱۰:۱۵

ለምን ተነካው የምል አይነት ሰው ነኝ፤ትንሽ እንቅፋት ሲገጥመኝ ቀኔን ለሊቴን ሁሉ ነገሬን ለችግሬ ታምኜ ሰጥቼ የምታመም አይነት ሰው ። ችግርህን ዋጥ አድርገህ በዙሪያህ ያሉ ሰዎች እንዳይረበሹ በሳቅህ እየሸፈንኽ ፤ እንደ ኖርማል ሰው አክት ማድረግ...ትልቅ ብስለት አይደል ?


መቼም ይሄ ቪዲዮ በቲክቶክ ሲዘዋወር አይታቹታል...አሁን ከነገርኳችሁ ጋር ስለሚያያዝ ልጋብዛችሁ።

እንደ አውሮጳውያን አቆጣጠር በ2008 ዓ.ም አንድ አሜሪካዊ Press Secretary ሲጠበቅ ወደ ነበረው የውይይት መድረክ ወጥቶ በእርጋታ እንዲህ አለ :

ስላረፈድኹ ይቅርታ ፤ ባለቤቴ ቅርብ ሰዓት አርፋ(ሞታ) ነው። ዛሬ ብዙ አጀንዳዎች ነው ያሉን እንጀምር...እሺ ማቲው...
ማቲው...
በጣም አዝናለኹ...ማለቴ ባለቤትህ
ሴክሬቴሪው
አዎ እንደምትገምተው ህመሙ ከዚህ በፊት ከገጠሙኝ ህመሞች ሁሉ በጣም የከፋ ነው።ነገር ግን ዛሬ መስራት ያለብን ብዙ ስራ አለ።እሺ ቀጣይ ጥያቄ...ጂም፦
ጂም...

ምን እንደተፈጠረ ልጠይቅ ? እ ጄኒ..
.
ሴክሬተ
ሪው
ጂም የተከሰተውማ ባለቤቴ ሞታለች ። የመኪና አደጋ ነው...ህዝቡን ሁሉ (እኔ ችግር ውስጥ ) ማቆም አንችልም።ስለዚህ ለፕሬዝዳንቱ ጥያቄ ያለው ይቀ
ጥል።
ይሄን ሲል ሲያለቅስ አይታይም...ከወረቀቱ ላይ እንደሚያነብ ሁሉ ጎንበስ ቀና እያለ ይመልሳል።ሰዎቹ የተደናገጡ ይመስላሉ ሌላ ነገር ማውራት አልቻሉም። ግራ ገብቷቸዋል።
ከመሀል አንዱ ጠየ
ቀ...
ማድረግ የምችለው ነገር
አለ ?
ሴክሬ
ተሪው...
ካርድ እና አበባ ቢሮ መላክ
ትችላለህ።
በአጭሩ መለሰ።
አሁንም ሌላ ድምፅ
ከመሀል...
ልታወራው የምትችለው ሰው  ትፈልጋለህ...ወይም ልረዳህ የምችለው
ነገር አለ
?
ሴክሬተሪው
ሰዎች ይሄ ርዕስ ብቻ አይደለም የዛሬው አጀንዳችን...እመኑኝ ከምንም በላይ ይሄን መድረክ ትቼ ማልቀስ ነው የምፈልገው ግን አልችልም ምክንያቱም ትልቅ ሰው ነኝ ስራ አለኝ ፤ እናንተም እንደዛው ። ስለዚህ የባለቤቴን ነገር እንለፈውና አንድ የመጨረ
ሻ ጥያቄ ልውሰድ።
ተሰብሳቢው ጆሮውን ማመን
የከበደው ይ
መስላል።
እ
ሺ ዊልሰን
ዊልሰን.
..
ልጆች
ህ ሰምተዋል?
ሴክሬተሪው
ዊል ልጆቼ መኪና ውስጥ ከእናታቸው ጋር ነበሩ አንደኛዋ ኮማ ውስጥ
አ
ንደኛዋ እግሯን አጥታለች።


I mean እንዴት ነው ይሄ ሰውዬ ቆሞ የሄደው ? ጭራሽ ስራ ይመጣል ?
ጭራሽ ከሰዎች ጋር ያወራል ?
©ሶፊ




https://t.me/bestletters
https://t.me/bestletters
https://t.me/bestletters

ታሜ መዝናኛ TAME MEZNAGNA

۶ اردیبهشت ۱۴۰۵، ۱۰:۱۵

እንዴት እንደወደድኩት ብዙም አልተገለጠለትም....እንዲገለጥለትም አልፈቀድኩም ነበር....ጭንቅላቱን በበደል ሳጭቅ ነው የኖርኩት....እንባዬ በፊቱ እንዲቀል....በነጋ ቁጥር እንድሸረሸርበት ብዙ ደክሜያለሁ......

ትዕግስቱን አስጨርሼዋለሁ....ልምምጡ እንዳስናቀው እንዲሰማው ቀምሬያለሁ....እንደልቤ ሆኛለሁ....ልቡ ላይ ቆሜ ጥርሴን ፍቄያለሁ....አለሁኝ ብዬ ብን ብያለሁ....ነይልኝ ባለ ማግስት ሩቅ ሄጃለሁ....

አሁን የሞት መድሀኒት ናት ቢሉትም አይመጣም....

አይመጣም....

ካላየሀት እናትህ ትሞታለች ቢሉት አይመጣም....

አይመጣም....

ከመጣህ አርሴናል ዋንጫ ይበላል ቢሉትም አይመጣም....

መሬት ከፍ ሰማይ ዝቅ ቢል አይመጣም....

ላስጨክነው ያልቧጠጥኩት ጋራ ያልፈነቀልኩት ድንጋይ አልነበረም....

ሳስጨክነው ኖሬ ለካ ራሴን አላዘጋጀሁም ነበር....ያለእሱ እንዴት መኖር እንዳለብኝ ...እንዴት ሳያወሩ እንደሚዋል ሳላውቅበት ነው የሸኘሁት....

ለካ እወደዋለሁ....

አሁንም ሲነጋ ስልኩን መጠበቅ አልተውኩም....

"ደህና እደሪ" ሳይለኝ እንዴት በሰላም እንደሚታደር አላጠናሁም....

እንዴት ተሞኘሁ....

ቲሽ...

✍Shewit

https://t.me/shewitdorka
https://t.me/shewitdorka
https://t.me/shewitdorka

ታሜ መዝናኛ TAME MEZNAGNA

۶ اردیبهشت ۱۴۰۵، ۱۰:۱۵

አዳኙ እግዚአብሄር ከማዳኑ በፊት "ልትድን ትወዳለህን...?".....ብሎ ይጠይቃል.....እነሱም የአምላካቸውን ፈለግ ተከትለዋል...."የለምፅ ህክምና አለን....መታከም ትፈልጊያለሽ ወይ...?..." ያሉኝ የስራ ማመልከቻዬን ከተቀበሉ ወዲህ ነው.....

በእርግጥ ካሉት የለምፅ ህክምናዎች ወድ  የሚባለውን ህክምና (phototherapy) ከውጭ ያስመጡ ቢሆንም እኔ "ራሴን ተቀብያለሁ" ካልኳቸው በኃላ ስለህክምና አንስተውብኝ አያውቁም.....

ቡጉር ካለበት ሰው የብጉር መድሀኒት የሚገዛ እንደ ሞኝ በሚቆጠርበት ሀገር እኔን የቆዳ ህክምና ማዕከላቸው ውስጥ ሲቀጥሩ አንዳች አልተሳቀቁም....

"መዳን ሁሌ እንደሚታየው አይደለም ድኛለሁ" ስላቸው ከመቀመጫቸው ተነስተው አክብረውኛል....

እኔም እግዚአብሄር ያክብርልኝ ብያለሁ።

Bosphorus Dermatology and Aesthetic Center ይባላል....

የቆዳ እና የውበት ማዕከል ነው.....አድራሻችን ቦሌ መዳኒአለም ህድሞና ህንፃ ሁለተኛ ፎቅ ነው.....

የምንሰጣቸው አገልግሎቶች....

Facial and skin care service
Hair,beard and eyebrow transplant
Skincare and product consultation
Vitligo treatment
Diode laser hair removal
Cryolipolysis (fat freezing)
Picosecond laser (tatto removal)
PRP treatment
Acne scar treatment
Keloid treatment
Punch biopsy incisional and excisional biopsy.....እና ሌሎች ያልጠቀስኳቸውም አገልግሎቶች አሉን.....

እና ደሞ ስትመጡ አበባ አምጡልኝ😁💐

☎️📞0934368888
Follow our tiktok page👇👇👇

https://www.tiktok.com/@bosphorus.dermatology/video/

ታሜ መዝናኛ TAME MEZNAGNA

۶ اردیبهشت ۱۴۰۵، ۱۰:۱۵

የማልዋሸው

ህይወትን እንድረዳት አድርገከኛል........የሚሆነው ሁሉ እሺ ብዬ እንዳልቀል ........ነገሮችን ለምን ብዬ እንድጠይቅ  አድርገከኛል

የማልክደው

እራሴን እንድወድ አድርገከኛል በሁኔታዎች በነገሮች በህይወት ውስጥ እራሴን እንዳስቀድም አድርገከኛል

የማደንቀው

የፍቅርን ምንነት አስተምረከኛል .........ከመወደድ ከመፈቀር ከመጣላት ከመታቀር ከሁሉም በላይ ፍቅር መከባበር እና መተሳሰብ መሆኑ አሳይተከኛል

የምወደው

በምንም አይነት ሁኔታዎች ውስጥ አንሁን...ከጎጌ እንዳለክ እንደማትተወኝ አረጋግጠክልኛል.......አጥፍቼ አይኔን ላታይ ላታናግረኝ ምለክ ተገዝተክ በችግሬ ስዓት ከጎኔ ቆመክልኛል

የማይገባኝ

በፍቅራችን ውስጥ የኔ ፍቅር እንደሚበልጥ እየነገርከኝ..... በተግባር እና ፍቅርን በማሳየት ግን የኔ ፍቅር ምንም እንዳልሆነ ደጋግመህ አሳይተሀኛል ።

የሚያናደኝ

ሁሌም ከጎኔ መሆንን ከአይኔ አለመራቅን አስለምደሀኛል... በፈለኩኝ በናፈቀኝ ጊዜ ሁሉ እንደማገኝክ አስለምደሀኛል.... አሁን ስሬ ሳጣክ ልማዴን እያሰብኩኝ ታናድደኛለክ።

ያልቻልኩት

ርቀኸኝ ህይወትን ብቻዬን መግፋት አልቻልኩም... እንደልቤ ሳላገኝክ ስቀር እንደበፊቱ መሆን ከብዶኛል ... ቀስ በቀስ እራሴን እያጣው ያለው ይመስለኛል

ማረጋግጥልክ

መቼም ቢሆን አልተውክም... በደስታም በሀዘንም በህመምም በጤናም ሁሌም ከጎንክ አለው

እወድሀለው🥰🥰🥰

✍️Kalkidan

https://t.me/storyweaver36

ታሜ መዝናኛ TAME MEZNAGNA

۶ اردیبهشت ۱۴۰۵، ۱۰:۱۵

አባቴ ሰካራም ቢሆን ደስ ይለኝ ነበር...ነገረ ስራውን ሁሉ በመጠጥ ባሳብብለት...ራሱን አልነበረም ብዬ ምክንያት የምሰጥበት ሱስ ቢኖርበት ምነኛ ደስ ባለኝ....

በህሊና መታሰር ደስ አይልም....እሱን መግደል   ግን ደስ ይላል።....ሞኝ አይደለሁም ስለት አልመዘዝኩበትም....ዘሬ አላበደም ሽጉጥ አልደቀንኩበትም።

ጠበቅኩት....

ምን እስኪሆን...?

እስኪወድቅ በትዕግስት ጠበቅኩት።

እያገባሁ....ባናት ባናቱ እየወለድኩ ነው የጠበቅኩት.....ለሰርጌ ጉልበቱን ስሜ 'መርቀኝ' ብዬዋለሁ....ልጆቼን 'ሀያታችሁ ጋር' እያልኩ ወስጃለሁ....ቅዳሜ እና እሁድ 'ሀያቴ' ብለው ከሚጠሩት ከሚያሳሱ መንታ ልጆቼ ጋር ይውላል....እነርሱ ለወፍ ባስረከቡት ጥርሳቸው ምክንያት እሱ ደግሞ እድሜ ባራገፈው ጥርሱ ምክንያት እየተያዩ በድዳቸው ይስቃሉ።

እንደምበቀለው እንዳያስብ እስከጥግ ሄጃለሁ...

እንደምበቀለው ካሰበ እንደምፈልገው አያመውም ብዬ መልአክ ሆኜለታለሁ....

የሚያመን በጠበቅነው ልክ አይደል....እንደዛ።

ቀስ ብሎ እንዲሞት...ሞት እንደ ወንዝ እያሳሳቀ እንዲወስደው ነበር የፈለግኩት....

ከቀጠርኩለት ተመላላሽ ሰራተኛ "አባትህ ደክሟል ና እና እየው" የሚለውን ድምፅ በተንቀሳቃሽ ስልኬ ስሰማ ጮቤ ረግጫለሁ....ተንቀሳቃሽ ስልክ ከያዝኩ ቀን አንስቶ እንዲህ ያለ የምስራች ሰምቼበት አላውቅም።

ክረምት ላይ ነበር....

እኔ ባለቤቴ እና ልጆቼ ለመዝናናት ከሀገር ልንወጣ እየተዘገጃጀን ነበር.....የሰማሁትን የምስራች አልነገርኳትም....ሁሉም በደስታችን አይደሰትም አይደል....ውስጤ ስላለው የበቀል ጥማት ....ለአመታት ስለጠበቅኩት ቀን....ስለአስከፊው ልጅነቴ ባለቤቴ ምንም አታውቅም....

እንደ ነገ ልንበር ዛሬ "ፍሬዘር ለህክምና ክትትል ህንድ ሊሄድ እንደሆነ አሁን ደውሎ ነገረኝ...ስራውን የሚሸፍንለት ይፈልጋል....በቃ እናንተ ተዝናኑ...."....ስላት ፊቷን ቅጭም አድርጋ "ውይ ፍሬ ምን ሆነ ምን አገኘው" ብላ ስልኳን አነሳች....ቁጥሩን ከዝርዝር ስሞች አውጥታ አረንጓዴውን ተጫነች....

"አይጠራም መስመሩ ተይዟል ይላል...."....ብላኝ ደጋግማ ሞከረችለት....

የአባቴን መታመም ከሰማሁ በኃላ ፍሬዘር ጋር ደውዬለት አብረን እየጠጣን አምሽተናል....ሞቅ እንደማለት ሲለው "ስልኬ ዘጋብኝ ስልክህን ስጠኝ ማሂ ጋር ልደውል...."....ብዬው ሚስቴን በሱ ስልክ 'ጥቁር ዝርዝር' ውስጥ ከትቻት ስልኳን ከስልኩ አጥፍቼ ነበር....

ስልኩን መሞከር ሲደክማት "ሲጀመር ያለ አንተ አንዝናናም".... ብላ ለንቦጯን ጣለች።

" ልጆቻንን ስንት ጊዜ ከሀገር ውጪ እናዝናናችኃለን ብለን ሸመጠጥናቸው ....እንዴት እንዳቀለልሽው አላውቅም ግን በእነሱ ዘንድ አለመታመን ይብቃን..."....እና ሌላም ሌላም ብዬ ይዛቸው እንድትሄድ አሳመንኳት.....ልጇቿ ስስ ብልቷ ናቸው....ጓዛቸውን ጠቅልለው ሄዱ።

መጀመሪያ ያደረግኩት ነገር እትብቱ ከተቀበረበት ሰፈር በቅንጡ መኪናዬ መውሰድ ነበር....ከሰፈር ሰው ያልመረቀኝ አልነበረም...."ከወለዱ አይቀርስ እንዲህ ነው እንጂ...."....ተባለለት።

አውቃለሁ ውስጤ ተከፍቶ ቢታይ የማይረግመኝ አልነበረም....መ'በደሌን የነገርኩትም ያልነገርኩትም ለአባቴ የደገስኩትን የሞት ድግስ ቢያውቅ ደጋፊ አይኖረኝም...

"ምንም ቢሆን አባትህ አይደል"....የሚለኝ እንደሚበዛ ጠንቅቄ አውቃለሁ....አልጋ ላይ 'ስካ ንቀል' ጨዋታ የተጫወተ ሁሉ አባት አይደለም ብላቸው አማኑኤል ይወረውሩኝ ነበር።

"አንበሳዬ መጣህልኝ...."....ነበር ያለኝ ገና ቤት እንደገባሁ.....አንበሳው ቅርጥፍጥፍ አድርጎ ሊበላው ጥርሱን እንደሳለ አላወቀም ነበር።

አንድ አንዴ አለማወቅ ጥሩ ነው አይደል....እንደዛ።

✍ሸዊት

https://t.me/shewitdorka
https://t.me/shewitdorka
https://t.me/shewitdorka

ታሜ መዝናኛ TAME MEZNAGNA

۶ اردیبهشت ۱۴۰۵، ۱۰:۱۵

"በጣም የምትወጂው ምግብ ምንድን ነው....?..."....አለችኝ....

"ክትፎ...."

"በቂቤ አሳብጄ አምጥቼልሽ እንዳትበዪው....ዝም ብለሽ እዪው ብልሽስ..."

"አታደርጊውም..."

"እንደዛ ነው....ሁለት ቅልጥ ያለ ፍቅር ውስጥ የነበሩ ሰዎች ኖርማል ጓደኛ እንሁን ካሉ እንደዚህ ነው የሚፈጠረው....ክትፎውን አደራ እንዳትበዪው ብልሽም ስለምትወጂው አልፎ አልፎ እየቀመስሽ ትጠብቂኛለሽ....እና ከፍቅረኝነት በኃላ ጓደኝነት መለያየትን ፈርቶ የሚወሰን ውሳኔ ነው ሚመስለኝ....አልፎ አልፎ መቀማመስ አይጠፋውም....."

ከማትበዪው ክትፎ ደግሞ የምትበዪው ጎመን ይሻላል.....

ትንሽ አርፋ ቀጠለች....

"ቀድሞ አይን ነው ሚበላው ካልሽኝ ቀጥሎ አፍ ውስጥ እንደሚገባ ለተረጋገጠ ነገር ነው....ታውቂያለሽ ለፍርሀታችን የምንሰጠው ማፅናኛ ውስጥ የማይታይ ህመም አለ....እንደ እኔ እንደ እኔ ከተከደነ ቁስል የተገለጠ ቁስል ይሻላል..."

ልክ ናት🙌

✍Shewit

https://t.me/shewitdorka
https://t.me/shewitdorka
https://t.me/shewitdorka

ታሜ መዝናኛ TAME MEZNAGNA

۶ اردیبهشت ۱۴۰۵، ۱۰:۱۵

Ethiopian vitligo socity የሚባል ቴሌግራም ቻናል ውስጥ በንቃት እሳተፍ ነበር....

https://t.m/ethiopianvitiligosociety...
ከዚ ግሩፕ inbox ለሚያደርጉልኝ እርዳታ የሚፈልጉ ሰዎች ለማገዝ ንቁ ነበርኩኝ....እኔም ከብዙ መንገዳገድ በኃላ ቀጥ ብዬ ልቆም የቻልኩት ከዚ ግሩፕ በፊት model amanueal የከፈተው ግሩፕ ውስጥ ባገኘኃት ልጅ ነበር....(ስለ እሷ በሰፊው እነግራችኃለሁ)

እና ይሄ ወንድሜም ከዚያ ነው።

ይሄን የቆዳ በሽታ ይዤ እንዴት ባል አገባለሁ የምትል ሴት ....በዚህ ምክንያት ሚስት አጣሁ የሚለኝ ወንድ ቁጥር ጥቂት አልነበረም(የቆየ conversation ስለሆነ ነው አብዛኛዎቹን አላገኘኃቸውም)

እውነት ግን ለምፅ ትዳር ያሳጣል ወይ....?

እንደ እኔ እንደ እኔ የቆዳ ከለር መለወጥ የሚያሳጣው ትዳርን ሳይሆን ልክ ያልሆነ ትዳርን ነው... ማንም ቆንጆ ነገር ማየት አይጠላም....እኔም ብሆን ቆንጆ ባል ቢሰጠኝ አልጠላም😁   ጠዋት ከእንቅልፉ ነቅቶ ገልበጥ ሲል ቆንጆ ነገር ቢያይ ማን ይጠላበታል..😁........(ባንድ ወቅት እንዲህ ስል የሰማኝ ስሙን የማልጠቅሰው ሰው "አንቺም ሰው ሆነሽ ቆንጆ ባል ትመኛለሽ" ብሎኝ ነበር...ሰው አይደለሽም ያለውን በወቅቱ ባላምነውም እናቴ "እስቲ እምነት ተቀቢ...ይጥፋልሽ እና ሰው ሁኚ...."....ስትለኝ ሰው አለመሆኔን ላምን ጫፍ ደርሼ ነበር)....

ለሚያምኑን የምንናገረውን እያጠለልን ወገን።

እዚች ጋር አንድ ጥያቄ....

ሰው መሆን ማለት ምን ማለት ነው...?

ወደ ቀደመው ነገሬ ልመለስ....

ትዳር የልብ መተሳሰር እንጂ የቁንጅና ውድድር መድረክ አይደለም...ለዚያ ነው "ውይ አትመጥነውም እሱ እኮ ይቦንሳታል....አይተሽዋል ጥላሸት እኮ ነው ከሷ አንፃር"....የሚሉ ሽሙጫዎችን እያስተናገደ የሚኖር ትዳር የምናየው....ነገርየው የልብ ትስስር  ስለሆነ ነው....(ከጅምሩ እግዜር አመጣጥኖ ያዋሀደውን የምንመዝነው ማነን)

የቆዳ ከለር መቀየር ለአይን የሚሰጠው የተለየ ገፅታ አለ....እሱን እረዳለሁ....እያልኩ ያለሁት የተለየ ነገር ሁሉ አስቀያሚ አይደለም ነው....
እና ለምፅ ልብ አያነፃም።

አሳ የማይወድ ሰው ከተደረደረው ቡፌ አሳን መርጦ ይተዋል እንጂ አሳውን ለምን አሳ ሆንክ ላይህ አልፈልግም ብሎ ቡፌውን መድፋት ይችላል...?....አይችልም!!!!....ምክንያቱም እሱ ደጋሽ አይደለም ታዳሚ ነው....የሚስማማውን መርጦ መብላት እንጂ የማልወደው ነገር እንዴት ኖረ ብሎ ያዙኝ ልቀቁኝ ማለት አይችልም.....በተመሳሳይ አሳ ወዳጆችንም ቢጠየፍ አላዋቂ ያስብለዋል።

....ደጋሹ ፈጣሪ ነው....መርጦ ማየት የሰው መብት ነው....

ሌላ ቁምነገር ልበላችሁ....

የተቀደደ ጫማችሁ ላይ እያፈጠጣችሁ እየተሸማቀቃችሁ የምትራመዱ ከሆነ የሚያያችሁ ሰውም እናንተን ሳይሆን ጫማችሁን እያየ ይበልጥ ማሸማቀቅ ይጀምራል....ሰው ክብር የሚሰጣችሁ ራሳችሁን ባከበራችሁበት መጠን ነው....

የዚህ አለም ህግ 'ላለው ይጨመርለታል' ነው....ገንዘብ ብቻ አይደለም ላለው የሚጨመረው....ክብር ላለው ክብር ይጨመራል....ሀዘን ላለው ሀዘን...ደስታ ላለው ደስታ....ህጉ ነው....እናቶቻችንም ሲያመጣው አንዴ ነው ይሉ የለ....እንደዛ።

ራሱን የሚያከብር አክባሪ ይጨመርለታል።

ሌላ ቁም ነገር ልጨምር።

energy ይጋባል....ፖዘቲቭም ሆነ ኔጌቲቭ ኢነርጂ ይጋባል....ጓደኞቼ የፊቴን ከለር እንደሚወዱት ሲነገሩኝ  አልገረምም....ምክንያቱም የሰጠኃቸውን ነው የተቀበሉት....(እንደውም አለም የምትባል ጓደኛዬ ለጓደኛሽ በሽታ መድሀኒት የሚያውቅ ሰው እናገናኝሽ ሲሏት 'ሸዊት የደበቅሽ በሽታ አለ እንዴ' ብላኝ ታውቃለች....)....

እናንተ የሚታይ በሽታን invisible ማድረግ ይቻላል ለካ ።

ሸዊት ነበርኩኝ።

https://t.me/shewitdorka
https://t.me/shewitdorka
https://t.me/shewitdorka

ታሜ መዝናኛ TAME MEZNAGNA

۶ اردیبهشت ۱۴۰۵، ۱۰:۱۵

"ስለራስህ ንገረኝ? " አለች ። ...ለማወቅ እንደጓጓች ያስታውቃል።

"ምንም የሚነገር ነገር የለኝም..."  ብዬ ላድበሰብስ ሞከርኩ...በርግጥም የለም።ደሞ ቢኖርስ እኔ እንዲህ ነኝ ተብሎ ይወራል? ነውር አይደለም?

" ሶፍ ?!" አለች ልምምጥ በታጀበው ድምፀት።

እንደ ክርስቶስ አንዳንዶች እንዲህ ይሉኛል...ሌሎች ደግሞ እንደዛ እያልኹ ልመልስላት?

ደግሞ ሰዎች ስለኔ ምን እንደሚሉ በምን አውቃለኹ?

ብዙ ካሠላሰልኹ በኋላ ድምፄ እየተቆራረጠ እንዲህ አልኋት...

"አንዳንድ ቀን በጠዋት ተነስቼ ቴክኖሎጂ ምን ያህል ትኩረታችንን እደበታተነብን ለራሴ ተንትኜ ስልኬን ወዲያ አሽቀነጥረው እና አንባቢ እሆናለኹ...ወደ አንዱ ካፌ ሄጄ፤ስልኬን አጠፋና መፅሐፌን አነባለኹ...ለወትሮ ኮሽታ የሚረብሸኝ ሰው፤በዛ ሁሉ ሰው መሀል ቁጭ ብዬ፥አንዳች ድምፅ ሳይረብሸኝ በተመስጦ ደራሲው ባሳፈረኝ ምናብ እየተጓዝኩ እውላለሁ።

አንዳንዴ ደግሞ እንኳን መፅሐፍ ላነብ ቀርቶ ረጅም ፅሁፍ ሳይ እራሱ እንደ እርጉዝ ሴት ያቅለሸልሸኛል።በየሶሻል ሚዲያው እገሌ አገባ፣እገሌ መኪና ገዛ፣ዱባይ ሄደ፣ዛሬ እገሌ ቺክን ሳላድ በላ...ስንት ላይክ አገኘው? ስንት ቪው ?እገሌ እንዴት ነው የኔን ፖስት ላይክ ያላደረገው...እያልኹ ስባክን እውላለኹ።

አንዳንድ ቀን ደግሞ ተስፋ እንደቆረጠ፣እንደታመመ፣በደዌ እንደተመታ ሰው ከአልጋዬ መውረድ ይቀፈኛል።ስለንጋት፣ስለረፋዱ፣ስለቀትር ግድ አይሰጠኝም...በወጣትነቴ ያረጀው ያህል ይሰማኛል...

አንዳንድ ቀን ደግሞ መናኒ እሆንና ለሊት ከወፎቹ ቀድሜ እነሳለኹ፤ከመሸ ሽንት ቤት መሄድ የምሰጋው ሰው የለሊቱ ግርማ ምንም ሳያስፈራኝ፥ደጀ ሰላም እሄዳለኹ።በፀሎት እና በምስጋና እተጋለኹ።ደግም ቢቆጠር የማያልቅ ኃጢአትን እንደሰራኹ እረሳና ከምእመኑ አቃቂር አወጣለኹ...

አየሽ እኔ ብዙ ሰው ነኝ።
አንተ ማነህ? ካልሽኝ እኔ የቱ እንሆንኹ አላውቅም።"

የተቀደደው ማስታወሻ
©ሶፊ

https://t.me/bestletters
https://t.me/bestletters
https://t.me/bestletters

ታሜ መዝናኛ TAME MEZNAGNA

۶ اردیبهشت ۱۴۰۵، ۱۰:۱۵

📷 Photo

ታሜ መዝናኛ TAME MEZNAGNA

۶ اردیبهشت ۱۴۰۵، ۱۰:۱۵

ዛሬ በራሴ ፎቶ የተከሰትኩት ስለ vitligo(ለምፅ) አንድ አንድ ነገር ልላችሁ ነው...

ነገርየው የቆዳ ቀለም የሚሰጠው የmelalin hormon እጥረት ነው....እኔ ፊቴ ላይ white spot ማየት የጀመርኩት የአስረኛ ክፍል እያለሁ ነበር....

እንዲህ ነበር የተጀመረው....በአንዲት white spot....

ለመጀመሪያ ጊዜ አፍንጫዬ ስር ጠብ ስላለው spot ለቤተሰብ ስናገር የተሰጠኝ መልስ አስደንግጦኝ ነበር....

"እግዚአብሔር ለሀጥያት መቀጣጫ ነው በለምፅ የሚመታው...."....ያለችኝ እናቴ ነበረች(እናቴን እያማሁላችሁ ሳይሆን ስለ ለምፅ ምን እንደሚታሰብ ለመናገር ነው)...

"ተንኮል አለባት እንዴ አለችኝ እናቴ"....ያለችኝ ጓደኛዬ ነበረች.....

በተንኮልና በሀጥያት ቢሆን ሁላችንም በነጣን ነበር....አለማወቅ።

እናቴም እጄን ይዛ አንድ የቆዳ ህክምና ቤት እስከማይቀራት ድረስ ተንከራተተች....ወዲህ ደግሞ ፀበል ይዛኝ ትሄድ ነበር....አንድ ቀን እንደውም ቅድሳት ስዕላት ፊት ተደፍታ "እኔ አሮጊቷ እያለሁ ምነው" እያለች አይኗ እስኪነረት ስታለቅስ አይቻታለሁ....

አለ የተባለበት ስትሮጥ አብሬያት ስሮጥ...."ሸዊት ፊትሽ እኮ ተበላሸ" ባሉኝ ቁጥር እንደ አልሸባብ ታጣቂ አይኔን አስቀርቼ በጨርቅ ፊቴን ስሸፈን 12ተኛ ክፍል ጨረስኩ....

የተለየ ነገር ሁሉ ብላሽ ነው ብሎ የከተበን ማነው ግን...?

ጊቢ የሄድኩት ለማረፍ ነበር....ከሁሉም....insecure ከሚያደርገኝ ማህበረሰብ ርቆ ደግሞ ሌላ ማህበረሰብ ለመልመድ....

እንዳልሄድ በዘመድ አዝማድ በጎረቤት ተለመንኩ...."ብጥብጥ አለ አርፈሽ ተቀመጪ"  ብለው ያሉኝ በእድሜ ገፋ ያሉ አልፎ አልፎ በእኛ ሰፈር የሚያልፉ የሟች ሀያቴ ጓደኛ ነበሩ....

"እዚሁ ሁኚ....ፊትሽን እየታከምሽ...."....ሲሉኝ መታከም እንደማልፈልግ ነገርኳቸው....የምቀባው ነገር ሁሉ ለውጥ የማያመጣ ገንዘብ መጨፍጨፊያ ብቻ ነበር....

"በይ እሺ እምነትሽን እየተቀባሽ ትማሪያለሽ....እዚህ ቅድስተ ማርያም አስመዘግብሻለሁ....ሙሉ ፊትሽን እየተቀባሽ ትሄጃለሽ...እዚሁ ሁኚ እንድከታተልሽ"....ያለችው እናቴ ነበረች።

"እምነት ተቀብቼ ትልህርት አልሄድም....ባይሆን ማታ ማታ እቀባለሁ...."....ያልኩት ለእናቴ ነበር....የሀያቴ ጓደኛ ግን እናቴን ቀድመው መለሱልኝ....

"እንኳን እምነት ይሄንንም ተሸክመሽ ትዞሪያለሽ....."....አሉኝና ገልመጥ አደረጉኝ.....ከዚህ በኃላ ሁለቴም ሳላስብ የጊቢ ቲኬት ቆረጥኩ......

ከተሸካሚው በላይ ተመልካች የሚከብደው ለምንድን ነው...?

አምስት አመታት ፊቴ ትዝ ሳይለኝ አለፈ.....አልፎ አልፎ አእምሮዬ ላይ ብልጭ ብለው ከሚጠፉ አንዳንድ ድምፆች በቀር ውስጤ ነፃልኝ.....

"ትምህርት ቤታችሁ ላይ የሚለምነው ለምፅ ያለበትን ሽማግሌን ብታይው ደም እያነባሽ ማረኝ ትዪ ነበር....የመለመኛ በሽታ ይዘሽ....."....ማንነቱን ከማልነግራችሁ የቅርቤ ሰው የተባልኩት ነው....

"እምነት ተቀብተሽ ነይ ትምህርት ቤት....ይሄን ከምናይ የተቀባውን ብናይ ይሻለናል...."....ስሟን ከማልነግራችሁ ጓደኛዬ....

"ካንቺ ጋር መሄድ አልፈልግም ማስክ አርጊ...."....ቃል በቃል ነው እንግዲህ....

የሁለት አመታት ክስተት....የብዙ አመታት ጠባሳ.....

.....ቆይቶ ሁሉም አለፈ....

....ነጋ......

ፈጣሪ ልቤን አጠነከረው...

ዳንኩኝ።

ለካ መዳን ሁሌ እንደሚታሰበው አይደለም ማለት ጀመርኩኝ....

self acceptance is ultimate medicine💙

ሸዊት ነበርኩኝ።

https://t.me/shewitdorka
https://t.me/shewitdorka
https://t.me/shewitdorka

ታሜ መዝናኛ TAME MEZNAGNA

۱ اردیبهشت ۱۴۰۵، ۱۲:۵۷

📷 Photo

‹‹የኢሚግሬሽን አበሳ››
(ክፍል ሶስት)
-----

ሁሉም ለራሱ ነው
-------
ሰልፌን አደራ ያልኳትን ሴት-

‹‹ምነው ምን ተፈጠረ?›› ስላት
‹‹ጉልበተኞቹ እየቀደሙ አለተራቸው እየገቡ ነው›› ብላ በማዘን መለሰችልኝ፡፡


ያልተቀላጠፉትና አይን አውጣ ያልሆኑት ሰዎች ተራቸውን ሲጠብቁ ጉልበተኛና ራስ ወዳዶቹ እየገፈተሯቸው ወደፊት እንደሄዱ እያስረዳችኝ ሲሆን አየሁት፡፡


ሁኔታው እንደ ህዝብ የሚወክለን መሰለኝ፡፡
ባንድ በኩል ጉልበተኛ ባለ ጅራፍ ይገርፈናል፤ በእርግጫ ያጎነናል፡፡
በሌላ በኩል አብሮን የሚሰቃየውን እኛን መሰል ረግጠን ራሳችንን ብቻ ለማትረፍ እንሮጣለን፡፡

አይ እኛ! ለጭቋኝ እና ለጭቆና እናመቻለን፡፡


ቅድም ቋንቋ አጥተን ያላወራነውን ሁለት ወጣቶችና ሴትየዋን “ከፈለጋችሁ ኑ” ብዬ ወደፊት ሄድኩ፡፡

የሆነ…አማጺ ቡድን የምመራ ነበር የምመስለው፡፡


ያ ከይሲ ከፈለገ ይርገጠኝ እንጂ በጨዋነት ተራዬን ልጠብቅ ብዬ እዚህማ አልውልም ብዬ፡፡


ፈራ ተባ እያሉ ተከተሉኝ፡፡




የከፈልሽበት የታለ?
----------------------
አሻራ ለመስጠት እዚህ ከመጣሁ ከአራት ሰአት ተኩል በኋላ የሚያስተናግደኝ ባለሙያ ፊት ለፊት ተቀምጫለሁ፡፡
አደራረሴ ከፋ እንጂ የደረሰኝ ሰው መልካምና ጨዋ ነው፡፡
በጨለማ የሚንቦገቦግ አብሪ ኮከብ፡፡

ዶክመንቶቼን በየተራ ተቀበለኝና-

‹‹እሺ ሕይወት…የከፍልሽበት ደረሰኝስ የታለ?›› ብሎ ሲጠይቀኝ ሰውነቴ ውሃ ሆነ፡፡


‹‹ካልተላክሽ አንቀበልም ብለውኝ እኮ ነው››…አልኩ እንባ እየተናነቀኝ፡፡

ከዚያ በኋላ አጭሩ ምልልሳችን እንደሚከተለው ቀጠለ፡፡

o ምኑን ነው አልቀበልም ያሉሽ..?
o ቅጣቱን አይደለ ምትለኝ?
o ቅጣት አለብሽ እንዴ…?
o አዎ…
o እስቲ ወረቀቱን ልየው ቆይ….አዎ አለብሽ ግን የከፍልሽበት ያልኩሽ እሱን አይደለም..
o ወይ እመብርሃን! ደግሞ ሌላ የሚከፈል ነበር እንዴ…?
o ቆይ ቆይ …እኔ ያልኩሽ በባንክ የከፍልሽበትን ነው…
o እ….እሱማ ከፍያለሁ
o ደረሰኙኝ ስጪኝ…
o ደረሰኙ ያስፈልጋል እንዴ…?
o አዎ…
o ወይኔ…አልያዝኩትም
o ኦ…ያስፈልጋል እሱ…
o ስልኬ ላይ ላሳይህ በናትህ ዋልኩ እዚህ..
o እንደ እሱ አይቻልም…ኮፒ ያስፈልጋል…
o እውነት…?
o አዎ…ሂጂና ፕሪንት አስደርጊ….
o የት…..?
o ኮፒ ያረግሽበት ቦታ…
o እና እዚያ ሄጄ ስመጣ…ወረፋዬስ…?
o ችግር የለውም አስገባሻለሁ…
o ቅጣቱንም በዛው ልክፈል…?
o አዎ…ቆይ ልጻፍበት…


ወደ ኮፒው ቦታ ሄድኩና ደረሰኙኝ በቴሌግራም ልኬ በሃምሳ ብር ፕሪንት አድረግኩ፡፡

ከዚያ ቅጣቴን ለመክፈል ቅድም ወደሄድኩበት ቦታ በውክቢያ ስደርስ ምን ገጠመኝ…?
ረጅም ሰልፍ! …ቢየንስ ሰላሳ ሰው …


o ምንድነው ደሞ ይሄ? አልኩ አንዱን ልጅ ጠጋ ብዬ፡፡ ሳወራ መጮህ ጀምሬያለሁ፡፡
o ለመክፈል…
o ይሄ ሁሉ ሰው…?
o አዎ…
o ወይኔ…..!


አይዞሽ ጣ ጣ ነው የምናደርገው
---------------

ለክፍያ ቁጭ ብዬ ተሰለፍኩ፡፡
ተስፋ በቆረጠ ሰው ሁኔታ አገጬን በእጄ ደግፌ በዙሪያዬ ለሚሆነው ነገር ቦታም ግድም ሳልሰጥ ተቀምጫለሁ፡፡

መጽሃፍ ይዣለሁ፡፡ ማንበብ አስጠላኝ፡፡
ስልክ አለኝ፡፡ ምንም ማየት፣ ስራ መስራት እምቢ አለኝ፡፡
ዝም ብዬ ባዶ አየር ላይ ፍጥጥ፡፡


ያኔ ነው ቅድም ካልተላክሽ አትከፍይም ያለኝ ልጅ ወረቀቶቻችንን ስብስቦ እያለፈ-

‹‹አይዞሽ ቶሎ ያልቃል…ጣ ጣ ነው የምናደርገው›› ሲለኝ የባነንኩት፡፡ ሃሳብና ትካዜዬ አንጀቱን በልቶት ነው፡፡


ያሳለፍኩት ቀን የሚለውን እንዳላምን ቢያደርገኝም መልካም ንግግሩ ግን የዛለ መንፈሴን አደሰው፡፡

ታሜ መዝናኛ TAME MEZNAGNA

۱ اردیبهشت ۱۴۰۵، ۱۲:۵۷

(ከላይ የቀጠለ)
የት ሄደሽ ነበር?
----------------
የክፍያ ሰልፉ ላይ ከአንድ ሰአት በላይ አባክኜ፣

‹‹አይዞሽ አስገባሻለሁ›› ያለኝ ትሁቱ ሰራተኛ ጋር ተመለስኩ፡፡

ይሄ ሲሆን አስራ አንድ ሰአት ሊሆን እየተቃረበ ነው፡፡

የጀመራትን ልጅ እስኪጨርስ (አስተናግዶ ማለቴ ነው) ቆምኩ፡፡

በዚህ ሰአት ያ ተንከሲስ ሰውዬ ልርገጥሽ ወይ ልቆጣሽ ብሎ ቢመጣ ጫማዬንም ቢሆን አውልቄ እጅ በእጅ ለመፋለም ዝግጁ ነበርኩ፡፡

እንጥፍጣፊ ትእግስት፣ የቀረ ጉልበት፣ ብናኝ ጨዋነት አልነበረኝም፡፡

‹‹የት ሄደሽ ነበር?›› አለኝ ልጁ ፊቱ እንደተቀመጥኩ፡፡

‹‹አምባ ተልኬ›› ማለት እያሰኘኝ ‹‹ልከፍል ሰልፍ ላይ›› ስለው በሃዘኔታ ፈገግ አለና ዶክመንቶቼን ሲያሰባጥር-

‹‹ስንት ሰአት ነው ምትዘጉት?›› አልኩት
‹‹አይዞሽ እንቆያለን….ደሞ እኮ ጨርሰሻል›› ብሎ ሊያፅናናኝ ሞከረ፡፡
‹‹ቶሎ እጨርሳለሁ ብዬ እህል ሳልቀምስ መጥቼ በረሃብ ልሞት ነው…›› አልኩት ፊት ሰጠኝ ብዬ፡፡
‹‹ለምን አልበላሽም ነበር?››
‹‹ሃገሬን ረስቻት›› ልለው ፈለግኩ፤ ግን ዝም አልኩ፡፡

ሲጨርስ አጠገቡ ወደነበረው የአሻራ መቀበያ መሳሪያ ወደያዘ ልጅ መራኝ፡፡

አይንሽ አይታየኝም
---------------------
በመጨረሻ አሻራ ሰጥቼ፣ ፎቶ ተነስቼ ሳበቃ ይሄኛው ልጅ እዚህ ውስጥ እዩ ብሎ አጉሊ መነጽር የሚመስል የፕላስቲክ እቃ ሰጠኝ፡፡
እንዳለኝ አደረግኩ፡፡
ወደ ውስጥ ስመለከት ቀይ መብራት ይታየኛል፡፡

‹‹እየታየኝ አይደለም አይንሽን በደንብ ክፈቺ›› አለኝ፡፡ ይሄኛውም ትሁት ነው፡፡
ከፈትኩ፡፡

‹‹አይታየኝም…እስቲ እንደገና ሞክሪ››
ሞከርኩ፡፡

በዚህ ሁኔታ አስር የሚሆን ደቂቃ አለፈ፡፡

አልቅሺ አልቅሺ አለኝ፡፡

‹‹ምንድነው ችግሩ?›› ስለው
‹‹አይንሽ አይታየኝም›› አለኝ፡፡
‹‹ዛሬ ይሄ መስሪያ ቤት እኔን ብቻ ለይቶ ሊቀጣ ባጭር ታጥቋል እንዴ!›› ማለት ፈለግኩ፡፡
‹‹ማሽኑ ይሆን…እንደምታየው አይን አለኝ…አንተን እያየሁ ነው›› አልኩ የእሱን ትህትና በሚመጥን መልኩ፡፡
‹‹አሁን ሰርቼበታለሁ…የተቀባሽውን ነገር አለ…?››አለኝ፡፡
‹‹ማ እኔ..እ…ኩል ኩል ተቀብቻለሁ…››መለስኩ፡፡
‹‹እስቲ ጥረጊው››

ከቦርሳዬ ሶፍት አውጥቼ አይኖቼን ሞዠቅኩ፡፡
‹‹አሁን ሞክሪው›› አለኝ፡፡
ሞከርኩት

አሁንም አልታየውም፡፡

‹‹ውሃ ይዘሻል?›› ብሎ ጠየቀኝ
‹‹እ?››
‹‹ውሃ ይዘሻል ወይ…?›
‹‹አይ…አልያዝኩም…›› ረሃብና እንግልት ባሰለለው ድምጽ መለስኩለት፡፡

ከመስታወቱ ወዲያ አጠገቡ የተቀመጠ ግማሽ ሊትር ውሃ አነሳና-

‹‹እስቲ በዚህ ታጥበሽው ነይ…››አለኝ፡፡
እንዲህ አይነት ቦታም እንዲህም አይነት ሰው አለ፡፡

ወጥቼ ታጠብኩ፡፡
ተመለስኩ፡፡
ያው ነው፡፡

በመጨረሻ ‹‹እባክህ ሌላ ማሽን ልሞክር›› ስለው ወደሌላ መስኮት ልኮኝ የጠፋው አይኔ ተገኘ፡፡
የመከራ ቀኔም ፍጻሜ አገኘ፡፡

አልቆላታል ብሎ ሰነዶቼን የተቀበለኝን ሰው ፓስፖርቴን የት እንደምወሰድ ስጠይቀው ነገረኝ፡፡
ሁለት ጊዜ አስረግጨ መረጃውን ተቀበልኩ፡፡
ጥቁር አንበሳ የድሮው ኢሚግሬሽን፡፡ ረቡዕ ከሰአት፡፡

በተገላገልኩ መንፈስ ተንፍሼ ለመውጣት ኮተቴን ስሰበስብ በስድብ የተቀበለኝ ሰው ወደተቀመጥኩበት መጣና፣

ቁልቁል እያየኝ፣

‹‹አንቺ እስካሁን አለሽ እንዴ…?.›› አለኝ፡፡

የቀን ሙሉ ክፋቱን ያወራርድበት ያልኩትን አሸሙረኛ መልስ አጉረመረምኩ፡፡

እዚህ አይደለም/ ያንቺ አልመጣም
----------------------------
ረቡዕ ሰባት ሰአት ላይ የድሮው ኢሚግሬሽን ደርሼ ፓስፖርት ልወስድ ነው ያልኩት መረጃ አቀባይ ፓስፖርት አደይ አበባ ሳሪስ እንጂ እዚህ አይወሰድም ሲለኝ ሰውነቴ በንዴት ጋመ፡፡

እየቀፈፈኝ ኮል ሴንተር ስደውልና እሱ ያለውን ሲደግሙልኝ ምርጫ አልነበረኝምና ወደ ሳሪስ አደይ አበባ አቀናሁ፡፡

መጋዘን እንደነበረ የሚያሳብቀው ፓስፖርት መቀበያ ቤት በኮሮኮንች መንገድ በእግር የሚያስገባና መልከ ጥፉ ነው፡፡ በምን መመዘኛ እንደመረጡት አልገባኝም፤ በርቀትና ባለመመቸት?

ግን ለዚህ የማባክነው ጉልበት አልነበረኝም፡

ስገባ ‹‹አንቺ ማነሽ?›› ብሎ ያገጣበረኝ ሰው እንኳን ቅንጣት የስሜት ምላሽ አላገኘም፡፡

ደክሞኛል፡፡ ታክቶኛል፡፡

በሁለት ቀን ይደርሳል ስለተባለ ከኮፒና ፕሪንቲን ውጪ ከቅጣት ጋር ሃያ ስድስት ሺህ ብር የገበርኩለትን ፓስፖርቴን መቀበል ነው ብቸኛው ፍላጎቴ፡፡

ግን ይሄ ዛሬም አልሆነም፡፡

‹‹ያንቺ አልመጣም›› ተባልኩ፡፡
መቼ ይመጣል.ካልመጣ ለምን ዛሬ ተባልኩ ለምንስ የሁለት ቀን ከፈልኩ ብዬ ጥየቄ ባዥጎደጉድም ነገሬ ያለኝ ሰው አልነበረም፡፡

እንደ ፈጣን ሎተሪ ‹‹ዛሬ አልሆነም….እስቲ ነገ ሞክሪ››ከሚል መልስ በስተቀር ያገኘሁት ምላሽ አልነበረም፡፡

ያኔ ነው አንድ ሁለት እንደ እኔ አሻራ ከደም ጋር ሰጥተው እዚህ የደረሱ አስቸኳይ ፓስፖርት ፈላጊዎች ሁለት ሶስቴ ተቀጥረው ዞር በሉ መባላቸውን በምሬት ተንገሽግሸው ሲያወሩ የሰማሁት፡፡

----
(ማስታወሻ-ይህንን አቤቱታ ወ ወግ ለመጻፍ ማቀዴን የሚገልፀውን አጭር ጽሁፍ ሰኞ እለት (ከአደይ አበባው መጋዘን) በገጾቼ ስለቅ የኢሚግሬሽን ባልደረባዎች የደረሰብኝን እንግልት በዝርዝር እንዳስረዳ ጠይቀውኝ ይሄንኑ አድርጌያለሁ፡፡

ፓስፖርቴም ሃሙስ ከሰአት ተሰጥቶኛል፡፡ የእኔ ጉዳይ በክብር እንዲቋጭልኝ ቢረዱኝም በስልክም በአካልም ላገኘኋቸው የቢሮው የስራ ሃላፊዎች የቢሮው የአገልግሎት አሰጣጥ ስር ነቀል ለውጥ እንደሚፈልግ በታላቅ ምሬትና አጽንኦት ገልጫለሁ፡፡ ይህንን ወግ የጻፍኩትም ፓስፖርቴን ከተቀበልኩ በኋላ መሆኑን አስተውሉልኝ፡፡)

ታሜ መዝናኛ TAME MEZNAGNA

۱ اردیبهشت ۱۴۰۵، ۱۲:۵۷

<<የኢሚግሬሽን አበሳ>>
(ክፍል ሁለት)
------
በቆምኩበት ትንፋሼን ሰበሰብኩና ያንኑ ልጅ፣

‹‹እኔ የምልህ …ለማሳደስ ምን ምን ነው ኮፒ ማድረግ ያለብኝ?›› ብዬ ጠየቅኩት፡፡
‹‹እኔንጃ…እኔ ለአዲስ ነው የመጣሁት…እስቲ እዛ ጋር ኮፒ የሚሰሩትን ጠይቂያቸው…ለሰው ሲነግሩ ነበር…›› አለኝ፡፡

ጭንቅላቴን በምስጋና ጎንበስ አድርጌ ልሄድ ስል፣
‹‹እንዳላሳስትሽ ብዬ ነው›› ብሎ ጨመረ፡፡

‹‹ምናለ ይሄ ለእንግልት የቆመ የሚመስል ተቋምም እንዳንተ ባሰበልኝ›› ብዬና አመስግኜው ኮፒ ይሰራሉ ወደተባሉትና ሌላ የሰው ክምችት ወዳለበት ቦታ በጥድፊያ አመራሁ፡፡

ከመድረሴ አንደኛዋ ሴት ፈገግ ብላ፣

‹‹ኮፒ ነው ፕሪንት?› ስትለኝ እዚህ ቦታ አጥሩን አልፌ ከገባሁ ጀምሮ ያላየሁት አዲስ ነገር ሆነብኝና ደንገጥ አልኩ- ፈገግታዋን ማለቴ ነው፡፡

ልጁን የጠየቅኩትን ስጠይቃት በትህትና መለሰችልኝና ያስፈልጋሉ ያለችኝን ሁሉ ‹‹ለማንኛውም›› ብዬ ሁለት ሁለት ኮፒ አስደረጌ አሁንም ስጣደፍ የውጪኛው ሰልፍን ለመቀላቀል ተመለስኩ፡፡

ስመለስ ቅድም ሰዉን ሲያመናጭቅና ሲያስጨንቅ የነበረው ሰውዬ ሄዶ በቦታው ሌላ ሰው፣

‹‹አሻራ ለመስጠት የመጣችሁ ብቻ ኑ እዚጋ ተሰለፉ›› ብሎ ሲጮህ ደረስኩ፡፡

ለብዙ ሰአታት በመቀመጡ የተሰላቸው ህዝብ ባንዴ ብድግ ብሎ ወደእሱ ሲሄድ ሰውዬው በቁጣ-

‹‹በተራችሁ..በተራችሁ ተሰለፉ…አንድ ሰው ከሰልፍ ወጥቶ እንዳላይ…!›› ብሎ አንባረቀ፡፡

ወዲያው ሌላ መንፈሷ ከብስጭት የተሰራ የምትመስል ሴት መጣችና ሰልፉን አስተካክላ ቅድም ወደመጣሁበት በር በውክቢያ ትመራን ጀመር፡፡

እሷም አሁንም አሁንም፣

‹‹አትጋፉ…አትጋፉ…››እያለች ትእግስት በማጣት ትጮሃለች፡፡

ባላሰብኩት ፍጥነት ወደ ቅድሙ አዳራሽ እየተገፋ የሄደው ሰልፍ ተስፋ ቢያጭርብኝም በሩን ከማለፌ የቅድሙ የውዥንብራም ትእይንት አቀበለኝ፡፡

ቅድም ያገጣበረኝ ሰውዬ ቆሟል፡፡
ኤጭ፡፡

ከቆምሽ ይመታሻል!
------------------

‹‹እኔ እኮ ቁጭ በሉ ስትባሉ ለምንድነው ምትገተሩት?…ካሁን በኋላ እዚህ ጋር አንድ ሰው ቆሞ ባገኝ ዋ…›› እያለ የተቀመጠውም አልፎ አልፎ የቆሙት ላይም ሲያንባርቅ ሳይ ተሳቀቅኩ፡፡

የቅድሟ ሴትዮ ቁጭ በሉ ያለችን የ‹‹ተቀምጦ ሰልፍ››ን ተቃልቅዬ የሚሆነውን ሳይ ከፊተኛው ወንበሮች ረድፍ ላይ ተቀምጣ የነበረች ቀጭን ልጅ ፍንጥር ብላ ተነሳችና የሚስተናገደው ሰው ከተቀመጠበት ጀርባ፣ ከመስተንግዶ መስኮት ፊት ለፊት ቆመች፡፡

‹‹አንቺ ቁጭ በይ…ይሄ ሰውዬ ቆመሽ ካገኘሽ ይመታሻል›› የሚል የወንድ ድምጽ ሰማሁ፡፡

ለእሷ ነበር፡፡
ማስጠንቀቂያው ግን አልጠቀማትም፡፡

ተመልሳ ለመቀመጥ እድሉን ሳታገኝ ዋልጌው ስርአት አስከባሪ ከየት መጣ ሳይባል መጥቶ መቀመጫዋ ላይ በካልቾ አላት፡፡

ያየሁትን ማመን አቃተኝ፡፡
እርግጫ….? ጭራሽ እርግጫም አለ?

ግማሹ ሰው ይበልሽ ተነግሮሻል በሚል አኳኃን ሲስቅና ሲያወካ እኔና ሌሎች ደግሞ ያየነው ትንግርት ሆኖብን ባለንበት ደነዘዝን፡፡

እኔን ጨምሮ ከመሃከላችን ለምን መታሃት…ለምንስ ትማታለህ ለማለት የደፈረ ግን አልነበረም፡፡

እየረበሻችሁ ቴክኖሎጂውን አበላሻችሁት!
------------------

ከእርግጫው መሸማቀቅ በኃላ ሰውየው ሲሄድ ወደ መስኮት ግር፣ ሲመጣ ምቱን ለማምለጥ ወደ ወንበር ለመመለስ የሚሮጠው ሁካታ ፈጠረ፡፡

ሙቀቱ አይገለጽም፡፡
ጣራው ከፍ ተደርጎ የተሰራ ልቅቅ ያለ አዳራሽ ቢሆንም ከወበቅ አላዳነንም፡፡

ወዲያው በፊልም ብቻ የማውቀው ጭስ አለ ብሎ ሲያስብ የእሳት አደጋን ለማሳስብ የሚጮኸው ጣራውን ላይ የተገጠመው ክብና ነጭ ‹‹ስሞክ ዲቴክተር አላርም›› እንደ ራበው የመንፈቅ ልጅ አሪ ማለት ጀመረ፡፡

ድምጹ ለጆሮ ይሰቀጥጣል፡፡

ሰዉ ሁሉ ምንድነው ምንድነው እያለ ሲያንጋጥጥ ያው የመከራ ባንዲራ የሆነ ሰውዬ ረጅምና አረንጓዴ የብረት ቱቦ ተሸክሞ ወደ እኛ መጣና፣

‹‹እስቲ ዝም በሉ….እየረበሻሁ ቴክኖሎጂውን አበላሻችሁት›› ሲል አልቻልኩም፡፡

ከት ብዬ ሳቅኩ፡፡

ቢሰማኝ በዚያው የብረት ቱቦ አናቴን ይለው ነበር፡፡

ደግነቱ አልሰማኝም፡፡ ለነገሩ በዚህ ሁሉ ሁካታና የአላርሙ ጩኸት መሃል እንዴት አድርጎ ይሰማኛል፡፡

ንጭንጩን ሳያቋርጥ የሚጮኸውን አላርም በያዘው የብረት ዘንግ ደንቆል ደንቆል ሲያደርገው ዝም አለ፡፡

ኡፎይ፡፡

እስከዛ ልክፈል?
----------------
የሰልፉ አካሄድና አንድ ሰው ለማስተናገድ የሚወስደው ጊዜ፣ ከሙቀትና መታፈኑ ጋር ተዳምሮ ሲያዝለኝ አንድ ሃሳብ መጣልኝ፡፡

ቅድም ኮፒ ያደረገችልኝ ልጅ (ብድር ይግባትና) ፣

‹‹ቅጣት ካለብሽ ወረቀቱን ስለሚፈልጉት የቀጠሮውን ወረቀትም ኮፒ አድርጊ›› ስላለችኝ ይሄ ሰልፍ እስኪደርሰኝ (ከደረሰኝ) ለምን ቅጣቱን አልከፍልም አልኩና በቀኝና ግራዬ ያሉትን ወጣቶች አፈራርቄ እያየሁ፣

‹‹መጣሁ እሺ…? ከፍዬ…ቅጣት አለብኝ…ሰልፌን እንዳትሰጡብኝ…እሺ…?››
አልኳቸው፡፡

ሁለቱም እንዳበድኩ ሁሉ ዝም ብለው ያዩኛል፡፡

ያልኩትን ደገምኩ፡፡

ያኔ ነው በቀኜ ካለችው ልጅ አጠገብ ያለች አንዲት ደርባባ ሴት-

‹‹አማርኛ አይችሉም›› ያለችኝ፡፡

ነገሬን ለእሷ ነግሬ ለእነሱ ደግሞ በምልክት መጣሁ አልኩና የሚከፈልበትን ቦታ ሌላ ደግ ሰው ጠይቄ ስበር ሄድኩ፡፡

ቅንፍ የሰራ ሰፊ ጠረጴዛን ወረው የቆሙ ሰዎች ጋር ሄድኩ፡፡

ሁለት አፍላ ወጣቶች ሲያስተናግዱ አየሁና፣

ወንዱ ጋር ጠጋ ብዬ፣

‹‹ሰላም ..ቅጣት ስላለብኝ ልከፍል ነበር›› አልኩት፡፡
ቀና ብሎ አየኝና፣
‹‹ልከውሻል? ›› ብሎ ጠየቀኝ በእርጋታ፡፡
‹‹እነማ? ›› መለስኩለት፡፡
‹‹ገንዘብ የምንቀበለው ከዚያ ሲልኩሽ ነው››…
‹‹አይ…እስክጠብቅ ልክፈል ብዬ ነው እኮ ›› ሰለው በትእግስት ‹‹እንደ እሱ አንሰራም…›› አለኝ፡፡

--

ኩም ብዬ ወደ ወረፋዬ ቦታ ስመለስ ነገር ተበላሻሽቷል፡፡
ከቅደሙ ሰልፋችን ወደ ፊት ሳይሆን ወደ ኋላ እንደተንፏቀቅን በእይታ ብቻ አወቅኩ፡፡

ተንጨረጨርኩ፡፡

(ክፍል ሶስትና የመጨረሻው ክፍል ነገ በዚሁ ሰአት ይለጠፋል)

ታሜ መዝናኛ TAME MEZNAGNA

۱ اردیبهشت ۱۴۰۵، ۱۲:۵۷

‹‹በዚህ ሳማርረው ቢመጣስ የባሰው?››
---------

የዛሬ አስራ አራት ዓመት ሞት የምወደው አባቴን በድንገት ሲመነትፈኝ እግዜርን አኩርፌው ነበር።



የሰጠኝን ሲወስድብኝ ካላስቀረህልኝ፣ እፍ ብሎ ነፍስ የዘራበትን ሲገድልብኝ ካላኖርክልኝ ብዬ መቼም የማላሸንፈው ጠብ ውስጥ ገባሁ።


ተንደፋደፍኩ፤ ተፍጨረጨርኩ፤ በከንቱ ተፍገመገምኩ።



ዓመታት አልፈው ጊዜ ቁስሌን ጠባሳ ካደረገው በሁዋላ የሚወዱት የሞተባቸው ወዳጆቼ፣

" የአባትሽን ሞት እንዴት ለመድሽው? እንዴትስ ተቀበልሽው? " ብለው ምክር ቢጤ ሲጠይቁኝ መልሴ፣
" ባልለምደውስ ምን ልለውጥ? ባልቀበለውስ ምን ላመጣ?" የሚል፣
በ ‹‹በዚህ ሳማርረው ቢመጣስ የባሰው›› በሚል የሚደመደም ነበር፡፡


በቅርቡ የመስፍን ወንደሰንን የምትጣፍጥ መፅሐፍ " ሸሙኔ"ን ሳነብ ግን ዋናው ገፀባህሪ ሸሙኔ በዚህ ጉዳይ ለዓመታት ልል ፈልጌ ቃላት ያላገኘሁለት ስሜቴን ፈትፍቶ ሲናገርልኝ አገኘሁት። ላካፍላችሁማ፡፡

--
አንድ ቀን ‹ሸሙኔ› አሉት አሉ ሸሙኔን፡፡

-ኧይ!
- እግዜርን አኩርፈህ ነበር የሚባለው እውነት ነው?
-እንዴታ!
-ከቶ ምን ቢያደርግህ ተኸለቀህ ተጣላህ?
-የኸለቀ አካላቴን በሞላ በእሳት ጎረብ ቢመታኝ!
-አዲያ አሁን ጠብ ነህ እርቅ?
-እርቅ፡፡ ተርቅም ሸርክ!
-አንተ ሆዬ፤ በአሳት ጎረብ የመታህን የታረቅኸው ምን ቢክስህ ነው?
-መቼ ክሶኝ?
-በማን ቢያሸመግልህ ነው?
-መቼ አሸማግሎኝ?
-ታዲያ እንዲያ ተበድለህ አለሽማግሌ አለካሳ እንዴት ታረቅህ?
-በዛቹ በመታኝ ሊደግመኝ ሲቃጣኝ….!

----
ሃዘን ላይ ያላችሁ ከዳግመኛ ሃዘን ይጠብቃችሁ፡፡
❤️❤️❤️❤️❤️❤️❤️❤️❤️❤️❤️❤️❤️

ታሜ መዝናኛ TAME MEZNAGNA

۱ اردیبهشت ۱۴۰۵، ۱۲:۵۷

📷 Photo

<<የኢሚግሬሽን አበሳ>>
(ክፍል አንድ)

----
ከአስራ አምስት ቀን በፊት…

የጓጓሁለትን ከስነጽሁፍ ጋር የተያያዘ ጉዞ ለማድረግ ቪዛ እየጠበቅኩ ሳለ‹‹ እቱ ገላ ፓስፖርትሽ ኤክስፓየር ሊያደርግ ከስድስት ወር በታች ስለቀረው ሲያምርሽ ይቅር›› ብለው ከለከሉኝ፡፡ ባለማስተዋል በሰራሁት ስህተት እያማረኝ ቀረሁ፡፡

ከሳምንት በኋላ…

ለስራ ጉዳይ ወደ ሌላ ሃገር መሄድ እንዳለብኝ ሳውቅ ሳይረፍድ ብዬ ፓስፖርቴን ለማሳደስ ተነሳሁ፡፡


‹‹አናስገባም ደንበኛ…እደጅ ይተኛ››
----------
ያለኝ ጊዜ ስለማያዝናና ሆድ ሆዴን እየበላኝ ሃያ አምስት ሺህ ብሬን ከፍዬ ለሁለት ቀኑ የአስቸኳይ እድሳት ልመዘገብ ወሰንኩ፡፡ ኢሚግሬሽን በኩራት በሚያስተዋውቀው አዲሱ ‹‹የኦንላይን›› ሲስተም ልመዘገብ ድረ ገጹ ገብቼ መስፈንጠሪያውን ተጫንኩ፡፡


እንደማስገባት አንጥሮ መለሰኝ፡፡
ድጋሚ ተጫንኩት፡
አሁንም አነጠረኝ፡፡

በዚህ ሁኔታ ብዙ ቆየን፡፡ ሰአታት፡፡
ያውቃሉ የምላቸው ሰዎች ጋር ደውዬ ስጠይቅ ብዙዎቹ ‹‹እሱ አይሰራም አትድከሚ እገሌ ጋር ደውይለት›› ሲሉኝ፣
አንዳንዶቹ ‹‹ቲክቶክ ላይ እንሞላለን የሚሉ ሰዎችን አድራሻ አለን›› ብለው ላኩልኝ፡፡

ግራ ተጋባሁ፡፡

ለመሆኑ በአንድ በኩል ሶስተኛ ወገን አትጠቀሙ፤ ማንንም ጣልቃ አታስገቡ እያለ ማሳሰቢያ የሚሰጠው ቢሮ ተጠቀሙ ያለን መስፈንጠሪያ እንደማያስፈነጥርና ጠጉር የሚያስነጭ እልህ ውስጥ እንደሚያስገባ ያውቅ ይሆን ብዬ ‹‹ግር ሲላችሁ ደውሉበት›› ብሎ በሰጠን ስልክ 8133 ደወልኩ፡፡

ብስጩዎቹ የኮል ሴንተር ሰራተኞች
----------
ደውዬ ያነሳው የኮል ሴንተሩ ሰው ያበደረኝን ብር ሳልመልስ ተጨማሪ ብድር የጠየቀኩት ይመስል እየተበሳጨ ‹‹ባንዴ አያስገባም፡፡ ደጋግመው ይሞክሩት›› በሚል መፍትሄ የማይሰጥ መልስ አዋክቦ ስልኩን አዘጋኝ፡፡

እንደ ተግደርዳሪ የሴት ሙሽራ ቤተሰብ ቅጥር ሰርቶ አላስገባም የሚለውንና ኦንላይን ተመዝገቢበት የተባልኩበትን አድራሻ ደጋግሜ ሞክርኩት፡፡ አልሰራም፡፡

በስራ ሰአት፡፡ አመሻሹን፡፡ በጣም ከመሸ በኋላ፡፡ በእኩለ ሌሊት፡፡ ሊነጋጋ ሲል፡፡
ወይ ፍንክች፡፡

ቀኔ ይሄዳል፡፡ የኮል ሴንተሩ ሰው ‹‹ደጋግመሽ ሞክሪው›› ይለኛል፡፡
ደጋግሜ የሞከርኩት ገገማ ሲስተም ደሜን ከማንተክተክ በስተቀር አልታዘዝ ይለኛል፡፡

በኋላ እንደ እኔ ያበሳጫቸው ሰዎችን ስጠይቅ፣
‹‹ ብዙ ጊዜ ከሶስት እስከ አስር ሰአት ብቻ ነው የሚሰራው›› ሲሉኝ ሳቄ መጣ፡፡
እሱም እንደ ቢሮ ሰራተኛ አርፍዶ እየገባ ቶሎ ወጪ ነው…?

ምን ጉድ ነው…?

‹‹ሎተሪ ደረሰኝ! ተመዘገብኩ!››
---------------
በእንዲህ ሁኔታ አበሳዬን ሳይ ከርሜ በወዳጆች እርዳታ ተመዘገብኩና ሃያ አምስት ሺህ ብሬን ሆጨጭ አድርጌ ከፍዬ የሁለት ቀን ቀጠሮ እንደተሰጠኝ የሚያበስረውና ‹‹በነጋታው ቀጠሮ እንደተያዘልኝ›› ጨምሮ ሌሎች ሃተታዎችን የያዘው ወረቀት ተላከልኝ፡፡

ይሄ የሆነው ሃሙስ ቀን ነው፡፡ ሃሙስ የቀን ቅዱስ አልኩና አርብ የምቀበለውን ፓስፖርቴን አስቤ ሌሎች የጉዞ ዝግጅቶቼ ላይ ለማተኮር ጊዜ በማግኘቴ ኡፎይ አልኩ፡፡

ታሜ መዝናኛ TAME MEZNAGNA

۱ اردیبهشت ۱۴۰۵، ۱۲:۵۷

(ከላይ የቀጠለ)
‹‹አሻራ ይሰጣል እንዴ?!››

ዓርብ ጥር 15 ፓስፖርቴን እቀበላለሁ ብዬ ዘና ብዬ ተቀምጬ ነበር፡፡ ግን ደግሞ ከወረቀቱ ውጪ ‹‹ነይና ውሰጂ የሚል ቴክስት ይደርስሻል›› በተባልኩት መሰረት ቴክስት እንዳልደረሰኝ በማሰብ ስጋት ብጤ ሽው እያለኝ ነበር፡፡

በዚያው ቀን ከተለያዩ ሰዎች አሻራን በተመለከተ የሚጋጩ መልእክቶች ይደርሱኝ ጀመር፡፡

አንዱ ለማሳደስ አሻራ አያስፈልግም ዝም ብለሽ ሄደሽ ፓስፖርትሽን ውሰጂ - ሌላው እንዴ አሻራማ ግድ ነው እስካሁን ሳትሰጪ ምነው ይለኛል፡፡

አሁንም የጠራ መረጃ ለማግኘት ብዬ ወደ ኮል ሴንተሩ ስደውል በእኔ ስህተት ስመዘገብ ያላስተዋልኩትን እውነት ትእግስት በማጣት ነገሩኝ፡፡ የተሰጠኝ ቀጠሮ የፓስፖርት መውሰጃ ሳይሆን አሻራ መስጫ እንደሆነ፡፡

ተናደድኩ ግን ስህተቱ የእኔ ስለነበር ንዴቴን ዋጥ አድርጌ ሰኞ ሄጄ ለመስጠት ወሰንኩና ኑሮዬን ቀጠልኩ፡፡

‹‹አሻራ ልሰጥ ሄጄ ደም ሰጠሁ››
-----
ሰኞ ረፋድ ላይ…

በሰው ወደ ታጨቀው የጎተራ ኢሚግሬሽን ቢሮ አሻራ ለመስጠት ገባሁ፡፡ ከዚህ በፊት የመጡ ሰዎች ሰው ይበዛል ቢሉኝም ገለጻቸው የማየውን የህዝብ ትርምስ የሚመጥን ሆኖ አላገኘሁትም፡፡

ህዝቤ በሰፊውና እጅግ በሚሞቀው መጋዘን መሰል አዳራሽ ውስጥ እንደ ጉንዳን ይርመሰመሳል፡፡

ህጸናት ያዘሉ እናቶች፡፡
ማስክ ያደረጉ አዛውንቶች፡፡
መአት አይነት የሃገሬን ቋንቋ በጩኸት የሚነጋገሩ ባለ ቆዳ ባለ ነጠላ ጫማ፣ ባለሸራ፣ ባለ ስኒከር ጫማ ወጣቶች፡፡ ቀሚስ በሱሪ የለበሱ አስራ ቤት ውስጥ ያሉ ቀጫጫ ኮረዳዎች፡፡
ቃሪያ ሱሪ በቲሸርት ያደረጉ ሰላላ ኮበሌዎች፡፡
አንድ የተጠጋው ሰው ላይ ሁሉ በቁጣ የሚያንባርቅ ደንብ ባለ ደንብ ልብስ አስከባሪ፡፡
በሁለት ረድፍ ተሰድረው ሃያ የሚሆኑ መስኮቶች ጀርባ ተቀምጠው ግር ብሎ የሚወራቸውን ሰው የሚያስተናግዱ ሰራተኞች፡፡

እነዚህ ሁሉ በጩኸት እና በሙቀት ታጅበው አይኔና ጆሮዬ ገቡ፡፡

ዞር አለብኝ፡፡

‹‹ስርአት አልባዎቹ ስርአት አስከባሪዎች››
--------
ዶክመንቶቼን ሸክፌ ያያዝኩበትን ትልቅ ቦርሳ እንደታቀፍኩ ወዴትና ማን ጋር መሄድ እንዳለብኝ ግራ ተጋብቼ ቆምኩ፡፡

የተጻፈ መረጃ፣ እዚህ ሂዱ፣ እዚያ ተቀመጡ እንዲህ አድርጉ የሚል ነገር በአይኖቼ አሰስኩ፡፡ የለም፡፡
ምርጫ ስላልነበረኝ ፈራ ተባ ስል ወደዚያ አስፈሪ ደንብ አስከባሪ ተጠጋሁ፡፡

‹‹ምንድነው?›› አለኝ በዚያው ብስጩ ሁኔታው ገና አጠገቡ ስደርስ፡፡

ወይኔ ጉዴ!

‹‹እንዴት ዋልክ ወንድሜ››

በእኔ ቤት ማለሳለሴ ነው፡፡

ዝም፡፡

አይኖቹን ጉርጥርጥ፡፡

‹‹አሻራ ልሰጥ ነበር…››
‹‹ታዲያ ስጪያ!…ይሄ ሁሉ እኮ ሊሰጥ ነው የመጣው…››

ይሄ ሁሉ ሰው ለአሻራ ነው…? ዛሬ እዚሁ ማደሬ ነው፡፡

‹‹አይ…ምን ምን ያስፈልጋል…ኮፒ ማድረግ አለብሽ ሲሉ ሰማሁ›› አልኩ ቀስ ብዬ ፡፡

ቅድም ደንግጨ በቆምኩበት ጆሮዬ የገቡትን መረጃዎች በማስታወስ፡፡

‹‹እና ኮፒ ሳታደርጊ ነው እዚ የመጣሽው…? ውጪ ወደዛ…እዛ በዚህ በር ሂጂና ኮፒ አድረገሽ ተራሽን ጠብቂ…እዚ ሌላ ወረፋ ነው…›› ብሎ አንባረቀብኝና ሌላ ሰው ላይ ሊጮህ በቆምኩበት ጥሎኝ ሄደ፡፡

ንዴቴን ዋጥ አድርጌ በጠቆመኝ በር ስወጣ በረንዳ መስሎ በታጠረውና በወንበሮች በተሞላው ሌላ ቦታ ከሃምሳ የማያንሱ ሰዎች በሌላ ጉልበተኛ ደንብ አስከባሪ እየተመናጨቁና እየተርበተበቱ ተራቸውን ለማስጠበቅ ከወንበር ወንበር ሲንፏቀቁ አየሁ፡፡

‹‹ይሄም የአሻራ ሰልፍ ነው?›› አልኩት አንዱን ከፊት የተቀመጠ ተገልጋይ ጎንበስ ብዬ፡፡
‹‹አዎ…ውስጥ ለመግባት እየጠበቅን ነው›› አለኝ በትህትና፡፡

ውስጥ የሚለው ቅድም የነበርኩበትን ቦታ እንደሆነ ስረዳ ሃሞቴ ፈሰሰ፡፡

(ይቀጥላል)

ታሜ መዝናኛ TAME MEZNAGNA

۱ اردیبهشت ۱۴۰۵، ۱۲:۵۷

እንክብሎቹ

+++++

በመጠን ትንሽ፣ በቅርጽ ክብ፣ በቀለም ነጭ፣ በብዛት ሁለት ነን።

ላብ ባቸፈቸፈበት የመዳፉ ጉድጓድ ውስጥ ተቀምጠን ከሚንቀጠቀጥ እጁ ጋር እንንቀጠቀጣለን፡፡

ለደቂቃዎች በድፍርስ አይኖቹ በጥንቃቄ አጤነን፣ ግራ በመጋባት አፈጠጠብን፡፡

ከመሰሎቻችን ጋር ተነባብረን ከከረምንበት የፕላስቲክ ብልቃጥ ውስጥ ሳያወጣን በፊት አንዴ "ወይኔ ራሴን"፣
ወዲያው $አረ ጀርባዬን"፣
ቆይቶ ደግሞ" ወየው ወገቤን" እያለ ሲነጫነጭ ሰምተነዋል፡፡

እጁን ወደ ተከፈተ አፉ አስጠጋና ከመዳፉ ወደ ምላሱ ከነበለን።

ከተቀዳ የቆየ ብርጭቆ ሙሉ ውሃ ጭልጥ እንዳደረገ በተቸለሰብን ውሃ እየተገፈተርን የቀደሙን መሰሎቻችን በሄዱበት መንገድ አሳብረን ሄድን።

እነሱም ሄደው ወደ ቀሩበት ሰወርዋራና ጨለማ ስፍራ ተምዘገዘግን፡፡

ዓላማችንን ልናሳካ፣ ኢላማችንን ልንመታ፡፡

-----

ይህ በሆነ ከግማሽ ሰዓት በኋላ የሚርበተበት ሰውነቱ እፎይታን ያገኘ መሰለ፡፡
ለዘለቄታው እንዳላረፈ ግን ያስታውቃል፡፡

አሁንም ትእግስት ባጣ ሰው ሁኔታ እየተቅበጠበጠ እረፍትን በጉጉት ይጠብቃል።
አሁንም አሁንም ስልኩ ላይ ያለውን ሰአት ይመለከታል፡፡
አይኖቹን በጣቶቹ ያሻል፡፡
ግንባሩን በአይበሉባው ይነካካል፡፡
ቁና ቁና ይተነፍሳል፡፡

ይቁነጠነጣል፡፡

እንዲህ ባለ ሁኔታ ጥቂት ቆይቶ ሲብስበት
"ኧረ ምን ጉድ ነው? አሁንም አልተሸለኝም" ብሎ ጮኸ።

የነበርንበትን ብልቃጥ አፈፍ አድርጎ አነሳ፡፡ እቂጡ ላይ በደብዛዛው የታተመውን ጽሁፍ ለማንበብ አይኖቹን እያስጨነቀ፣ አጨንቁሮ እያየ፣

‹‹ይሄ ነገር ኤክስፓየር አድርጓል እንዴ…? ከገዛሁት ገና ሳምንቱ…››

‹‹ነው ወይስ ደጋግሜ ስለወሰድኩ መድሃኒቱ ሰውነቴ ለመደው…ለምዶት ይሆን የማይሰራልኝ? …›› አለ፡፡

ወዲያው ደግሞ ብልቃጡን አሽቀንጥሮ ወረወረና፣
‹‹እናቷን ያቺ ገጣጣ ፋርማሲስት ናት የተጫወተችብኝ…የአውሮፓ ነው ብላ የህንድ ነው የሸጠችልኝ ማለት ነው…ድሮስ የህንድ ሆኖ እንዴት ሊሰራ ነበር…? ቆይ ምተዋት መሰላት…ነገ ፌክ መድሃኒቷን ይዤ እሄድላታለሁ...›› ብሎ በቁጣ ተናገረ፡፡

ቃላቱን ከአፉ ሲያወጣ በእርግጠኝነት ነው፡፡

ኤክስፓየር አድርጎ ነው፡፡
የህንድ ነው፡፡
ሰውነቴን ተላምዶት ነው፡፡

እሱ ከራሱ ጋር በቁጣ ሲያወራ እኛ ግን ማድረግ ያለብንን ነገር እያደረግን ነበር፡፡

በፍጥነት ከእንክብልነት ወደ ፈሳሽነት ተቀየርን፡፡
ሟሟን፡፡
ጠፋን፡፡

ህመሙ ግን አልጠፋም፡፡
ለልፋታችን ምላሽ፣ ለመድሃኒትነታችን እውቅና ሳይሰጥ ወይ ፍንክች ብሎ ባለበት ፀና፡፡

---
ከአንድ ሰአት በኋላ ሌላ ሁለት እንክብሎችን እንደ እኛ ጊዜ ሳያንገራግር ያለ ውሃ ዋጠ፡፡

ሳይቆይ በፍጹም ግዴለሽት ሌሎች አራት ኪኒኖችን እንደ ከረሜላ እየኮረሸመ ወደ እኛ ላከ፡፡

የናፈቀውን እረፍት ግን አላገኘም፡፡
ይልቅ ልንፈውሰው ከማንችለው ህመም ጋር አጋፍጦን ሲያበቃ ብዙ ስም እያወጣልን አንቋሸሸን፤ ወቀሰን፡፡

ከደቂቃዎች በሁዋላ ሁላችንም አንዳችም ዱካ ሳንተው ሰውነታችንን ሰውነቱ አድርገን ከናካቴው እንጠፋለን፡፡

ህመሙና ብስጭቱ ግን አብረውት ይቆያሉ፡፡

አዎ፤ ይሄ ሰው የተጠናወተው ደዌ፣ የያዘው በሽታ በኪኒን እንደማይፈወስ እስኪያውቅ ድረስ ህመሙም፣ ብስጭቱም አብረውት ይኖራሉ፡፡
💠💠💠💠💠💠💠💠💠

ታሜ መዝናኛ TAME MEZNAGNA

۱ اردیبهشت ۱۴۰۵، ۱۲:۵۷

📷 Photo

‹‹ፉል ሰርክል ሞመንት››

❤️❤️❤️❤️❤️❤️❤️

የባህል ማዕከል ልጅ ነኝ።

ከሃያ ምናምን ዓመት በፊት በአዲስ አበባ ዩኒቨርሲቲ ባህል ማዕከል መድረክ ላይ ድርሰቶቼን ሳቀርብ ፈራ ተባ እያልኩ ነበር፡፡

ከሙገሳ ይልቅ ለትችት ፈጥነው የሚዘረጉት የታዳሚ ተማሪዎች ምላስ እስከወዲያኛው እንዳልጽፍ ቅስሜን ቢሰብሩትስ?
ገምጋሚ አይኖቻቸው ነበልባል ሆነው ቢገርፉና ቢያደናብሩኝስ?
ድርሰቴን ባይወዱትስ?
ባክሽ ውረጂ ብለው ቢጮሁብኝስ?
በደቦ የማያባራ ሳቅ ቢስቁብኝስ? በሚሉ ሽብር የሚለቁ ሃሳቦች ወጀብ እየተመታሁ፣ እያመነታሁ ነበር ወደ መድረክ የምወጣው፡፡

የኃላ ኋላ ግን በወጎቼ ተወዳጅነትና በአቻዎቼ ቸርነት ተበረታትቼ እጄና ምላሴ ሲፍታታ፣ መድረክ ላይ መደናገሬ ሲቀር ጭብጨባውን ብቻ ሳይሆን ምህረት የለሽ ትችቱንም እህ ብዬ ለመስማት ብርታቱን አገኘሁ፡፡

በአስተያየቱ ግፊበት የተባልኩትን ገፋሁበት፤ ጎብጧል ተብሎ የተነገረኝን አቃናሁበት፡፡

ባህል ማዕከል የድርሰት ሕይወቴን ሀ ብሎ አስጀመረኝ፤ ስለደራሲነት በነጻ አስተማረኝ፤ ሰራኝ፤ አነፀኝ።

ከሁሉ በላይ ደግሞ ከእኔ የተሻለ ያነበቡና የሚያነቡ፣ ከእኔ የላቀ የድርሰት ችሎታ ካላቸው እኩዮቼ ጋር አገናኘኝ፡፡

አንዳንድ የእድሜ ልክ ጓደኞቼንም ቸረኝ፡፡

አዲስ አበባ ዩኒቨርሲቲ ከቀለም ትምህርት ባሻገር ለድርሰት ችሎታዬ እያደር መሻሻል የማልከፍለውን ውለታ ውሎልኛል።

ለዓመታት የማሰብና የማሰላሰያ፣ የማንበብና የመተችያ፣ የመጻፍ እና የማካፋያ ስፍራ እንካችሁ ብሎኛል።

ከግቢ ወጥቼ ሕይወት በቀደደችልኝ ቦይ ስፈስና ከድርሰት ስርቅ የባህል ማዕከል ስንቅን እየቆነጠርኩ ስመገብ ኖሬያሁ፡፡

እነሆ ዛሬ የያኔዋ ደንባራ "የ404 ዶርም ሹክሹክታዎች" ወግ ጸሃፊና ወጣቷ ሕይወት ጎልምሳና "ደራሲ" ተብላ ወደ መነሻዋ ልትመለስ ነው፡፡

ፈረንጅ ‹‹ፉል ሰርክል ሞመንት›› ይለዋል ይሄንን፡፡

አንድ ሰው ተጉዞ ተጉዞ ከደረሰበት ነጥብ ወደ ተነሳበት ነጥብ ሲመለስ በሉት፡፡

ግን አመላለሱ ግርማ አለው፤ ህልሙን በግርድፉም ቢሆን አሳክቶ ነው የተመለሰው፡፡

እኔም እድሌ ተቃንቶ ነገ ረቡዕ ከምሽቱ 11.30 ጀምሮ ከደረስኩበት ወደ ተነሳሁበት ልሄድ ነው፡፡

ከተመቻችሁ ባህል ማዕከል ኑ እና አብረን እናምሽ፡፡

የባህል ማዕከል ልጅ ነኝ።

📏📏📏📏📏📏📏📏📏📏

ታሜ መዝናኛ TAME MEZNAGNA

۱ اردیبهشت ۱۴۰۵، ۱۲:۵۷

የሕይወትና የዮሐንስ ቤት
(ክፍል ሁለት)
—————————————————————————————————

“መቼ አረግዝሽና? ጅል አትሁን እንጂ ጆዬ! አለማርገዜ ጠፍቶኝ ነው ለእኔ የምትነግረኝ…? ለኮንቴንት ነው እንጂ… አርግዣለሁ ብል ሰዉ እንዴት እንደሚያብድ አስበው….የእርግዝና ዜና ሁሌም ቫይራል ይወጣል”

“ይሄ እንኳን ይከብዳል ሒዊ፣ አይሆንም” አለ ዮሐንስ ፈርጠም ብሎ፡፡

ሕይወት ግን አሳመነችው፡፡

ሥራ ነው፣ ሥራ ደግሞ ማድረግ ያለብንን ነገር አድርገን መሥራት ያለብን ነገር ነው ብላ፡፡

ስለዚህ የውሸት እርግዝናቸውን በሚመለከት የውሸት ቪዲዮ ሠርተው ተለቀቀቀ፡፡

እንዳለችውም ሰዉ አበደ፡፡ ተቀባበለው፡፡

ሰዉ ሕይወትና ዮሐንስ ልጅ ሊወልዱ ነው እያለ ቲክቶኩን ባንድ እግሩ አቆመው፡፡

“ሙሉ የእርግዝና ጉዞዬን ከእናንተ ጋር ነው የማሳልፈው” ስትል፣ ለአዲስ ወሬ የቀድሞ ተከታይ በየቀኑ ገጻቸውን ሲያስስ፣ አዲስ ገቢውም በረከተ፡፡

ዮሐንስ፣ “ ሆድሽ ሳይገፋ ሲቀር ያውቁ የለ?” ሲላት፤ ያኔ ነው የሚቀጥለው ሐሳብ የመጣላት፡፡

“ አስወረደኝ” ብሎ ቪዲዮ መሥራት፡፡

ካሜራ ፊት እያለቀሰች፤ ዮሐንስ እያባበላት፡፡ ቪዲዮው ተሠራ፡፡

ተለቀቀ፡፡

የዚህ ቪዲዮ ዕይታ፣ ዐይተው ከሚያውቁት ሁሉ ልቆ፣ የተከታዮቻቸውን ቁጥር ወደ ሦስት መቶ ሺህ አስፈነጠረው፡፡

በሦስተኛው ቀን፣ “ ጆዬ! ጉድ በል! ዮኒ ማኛ ስለ እኛ ቪድዮ ሠራ” ብላ አሳየችው፡፡

ዮሐንስ ምንም ሳይናገር ፊቱን አዙሮ ተኛ፡፡

ዮሐንስ ከባድ ውዥንብር ውስጥ ከገባ ሰነባብቷል፡፡

በእውነተኛ ሕይወታቸውና በካሜራ ተቀርጾ በሚቀርበው የቲክቶክ ሕይወታቸው መካከል ያለው መስመር ጠፍቶበት መደንዘዝ ጀምሯል፡፡

የማያባራው አዲስ ቪዲዮ የመሥራት ፍላጎት፣ በየዕለቱ ድራማ ቀምሞ የማቅረብ ግዴታው፣ ሁሉ ነገር በቁሙ ውስጥ ውስጡን ይበላው ጀመር፡፡

ደስታ ራቀው፡፡

አንዱን ምሽት፣ ሌላ የውሸት ጠብ ቀርጸው ካስተላለፉ በኋላ፣ ሶፋው ላይ ተቀምጣ ላይክና ሼር የምትቆጥረው ባለቤቱ ጋር ጠጋ ብሎ ተቀመጠና፣

“ሒዊ፣ እኔ ከዚህ በኋላ ቪዲዮ መሥራት አልችልም፡፡ የምናሳየው ነገር እውነት አይደለም፡፡ ካሜራ ፊት ለፊታችን ሳይኖር ማን እንደሆንን ሁሉ እየጠፋኝ ነው” አላት ድምፁ እየተሰባበረ፡፡

ሕይወት ስልኳ ላይ ማፍጠጥ ሳታቆም፣

“ጆዬ፣ አታካብድ፡፡ ይሄ ሥራ ነው፡፡ ደግሞ አንዴ ጀምረነዋል፡፡ ታውቃለህ ስንት እንደ እኛ ዓይነት ወጣት ባልና ሚስት ሦስት መቶ ሺህ ፎሎወር እንደሚመኙ…? ሕይወታችንን ቀየርን እኮ”

“ሦስት መቶ ሺህ የማናውቃቸው ሰዎች ማለትሽ ነው?” አላት ጭንቅላቱን ከግራ ወደ ቀኝ- ከቀኝ ወደ ግራ እየነቀነቀ፡፡ “ትዳራችን ለእነሱ ሲባል ይበተን?”

ሕይወት በረዥሙ ተነፈሰችና ስልኳን ሶፋው ላይ አስቀምጣ፣

“ጆዬ… እንግዲህ አንድ ነገር መሥዋዕትነት ይፈልጋል፡፡ ገንዘቡን ወደህ ሥራውን ጠልተህ አይሆንም፡፡ አሁን ምን ይሁን ነው የምትለኝ…? እንደ ድሮ ወደ ቢሮ ሥራዬ፣ አንተም ለትናንሽ ድርጅቶች ሎጎ ምናምን እየሳልክ ትንሽ ሳንቲም ወደ መለቃቀም እንመለስ…? ይሄንን ለምደን ወደ ኋላ መሄድ ይቻለናል…? ምንም ሳንይዝ… ቤት እንኳን ሳንገዛ… መኪና ሳንቀይር… ልጅ ሳንወልድ?”

ሊከራከራት ፈልጎ ነበር፡፡

ሊያሳምናት፤ ሐሳቧን ሊያስቀይራት፡፡

ሰላማችን ለላይክ፤ ሕይወታችንን ለሼር ሸጠነዋል፣ ሊላት ፈልጎ ነበር፡፡

ግን ሕይወት ልክ ናት፡፡

አንዴ አደባባይ በተሰጣ ሕይወት እንጀራ መብላት የለመዱ እጆች፣ እንዴት ወደ ኋላ ሊሄዱ ይቻላቸዋል? እነዚያ፣ እሱና እሷ ብቻ የሚያሳልፏቸው የጸጥታ ጊዜዎች፣ ጣፋጭና ሌላ ሰው የማያስገቡ የፍቅር ሰዐታት፣ ሣቅና ጨዋታው ለሰብስከሪብሽን በጨረታ ቀርበዋል፡፡

አሁን ትዳራቸው የእነሱ ትዳር ብቻ አይደለም፤ ሦስት መቶ ሺህ ሰዎች ካላዩት የሚፈረካከስ፣ ቅጥልጥል የፊልም ኤግዚቢሽን ሆኗል፡፡

------

ይህ በሆነ ወራት ሳይቆይ ሁሉ ነገር ተደረመሰ፡፡ አንዱን ቀን፣ ዮሐንስ በዚህ ሕይወት መቀጠል አቅቶት፣

“ ወይ እንደድሮው እንኑር ወይ እንፋታ” አላት፡፡

ጥያቄው ካንጀቱ እንደሆነና ሐሳቡ ቁርጥ መሆኑን ለማሳየት ጥቂት ልብሶቹን ሻንጣ ውስጥ አስገብቶ ነበር፡፡

የሰጣትን ምርጫ እንድታመዛዝን፣ ጥያቄውን አቅርቦ ሶፋው ላይ ፊት ለፊት በተቀመጡበት ያያታል፡፡

ታለቅሳለች ብሎ ጠብቆ ነበር፡፡

ትደነግጣለች ብሎ አስቦ ነበር፡፡

እሷ ግን ምንም ስሜት ሳታሳይ ስልኳን አንስታ፣ ቲክቶካቸውን ከፈተችና የቀጥታ ስርጭት ጀመረች፡፡

“ቤተሰቦቻችን፣ ዛሬ መጥፎ ዜና ልነግራችሁ ነው!” አለች ካሜራውን እያየች፡፡

“ጆዬ ጥሎኝ ሊሄድ ነው፤ እንፋታ አለኝ”

ዮሐንስ የዐይኖቹ ሽፋሽፍት ባለማመን እየተርገበገቡ ተመለከታት፡፡ ይሄንን፣ በባልና ሚስት መሀል ብቻ ሊቀር የሚገባውን አፍታ፣ እንደ ባል ሳታናግረው፣ እንደ ሚስት መልስ እንኳን ሳትሰጠው፣
ለሦስት መቶ ሃያ ሺ የማያውቋቸው ሰዎች በቀጥታ ማሰራጨት መጀመሯን ሊያምን አልቻለም፡፡

አንዴም ዞራ አላየችውም፡፡
አንዴም የተፈጠረውን ከባድ ነገር ቆም ብላ ለማስተዋል አልሞከረችም፡፡

ይሄንን ልብ የሚሰብር የትዳራቸውን መፍረስ መርዶ፣ ላይክ፣ ሼርና ኮሜንት ለሚገኝበት ቪዲዮ ፍጆታ እንዲውል ማድረግን ግን ያለማንገራገር መረጠች፡፡

ሕይወት፣ ለማታውቃቸው ሰዎች ገመናዋን መዘርገፏን ስትቀጥል፤ ዮሐንስ ተነስቶ የሸከፈውን ቦርሳ ያዘና ወደ ዋናው በር መራመድ ጀመረ፡፡

ያኔ ነው የስልክ ካሜራዋን ዐይን ወደ እሱ አዙራ፣

“ዕዩት… ጆዬ ጥሎኝ ሄደ… ሻንጣውን ዕዩ…” ማለት የጀመረችው፡፡

----

ዮሐንስ፣ ዋና በራቸውን ከጀርባው ዘግቶ ራሱን ከሕይወትና ከዮሐንስ ቤት ውጪ ሲያገኝ ያልጠበቀው እፎይታ ተሰማው፡፡

ካሜራ ያልተደገነበት ፊቱ በነጻነት ስሜት በራ፡፡
ለሰው ዕይታ ያልቀረበው ሁለመናው ጸዳል ለበሰ፡፡

ከበሩ ባሻገር የሕይወት እና ዮሐንስ ቤት የቀረችው ሕይወት ግን፣ የቲክቶክ ገጹ ከተከፈተ ለመጀመሪያ ጊዜ በቀጥታ ስርጭት ከሃያ ሺህ ሰዎች በላይ ያስገባ ወሬ ስላገኘች ይሄ ነው የማይባል ኩራት ተሰምቷት ነበር፡፡

☺️☺️☺️☺️☺️☺️

ታሜ መዝናኛ TAME MEZNAGNA

۱ اردیبهشت ۱۴۰۵، ۱۲:۵۷

📷 Photo

የሕይወትና የዮሐንስ ቤት

÷÷÷=÷÷÷÷÷÷

ሕይወትና ዮሐንስ ወጣትና ደስተኛ ጥንዶች ናቸው፡፡

ገና መጋባታቸው ነው፡፡

ፍቅራቸው፣ በዚህ ዘመንም እንዲህ ዓይነት የሚያጃጅል ፍቅር አለ እንዴ? የሚያስብል ዓይነት ንጽህና ያለው ነው፡፡

ሀብታም አልነበሩም፤ ግን በቂ ኑሮ ነበራቸው፡፡

ዮሐንስ በጣም ጎበዝ ግራፊክስ ዲዛይነር ሲሆን ከጎን ደግሞ ተጨማሪ ገንዘብ ለማግኘት የፎቶግራፍና የቪዲዮ ሥራ ይሠራል፡፡ ሕይወት የምትሠራው ሀገር በቀል ኤንጂኦ ውስጥ ነው፡፡

የኪራይ ባለ አንድ መኝታ ኮንዶሚኒየም ቤታቸው፣ ከከተማው እምብርት ወጣ ብሎ ቢገኝም፣ የሕይወት አባት በስጦታነት የሰጧቸው አሮጌ ግን በደህና ይዞታ ላይ ያለ መኪናቸው ከታክሲ ጥበቃና ተያይዞ ከሚመጣ እንግልት አድኗቸዋል፡፡

ኑሯቸው ያልተትረፈረፈ፣ ግን በቂ ሲሆን ከሁሉም በላይ ግን ሰው ዐየው፣ አላየው፤ በሌሎች ተመሰከረለት፣ አልተመሰከረለት ግድ የማይሰጣቸው ልባቸውን የሚያሞቅ አፍላ ፍቅር ነበራቸው፡፡

አዲስ ባለትዳር ቢሆኑም ኑሯቸው በተመሳሳይ ግን በጣፋጭ ነገሮች የተሞላ ነው፡፡

ከሰኞ እስከ አርብ ማታ ማታ፣ ከሥራ በኋላ ሕይወት ምግብ ስትሠራ፣ ዮሐንስ ቤት እያስተካከለ በሚከፍተውና ልጅነታቸውን ባጣጣሙበት የዘጠናዎቹ ሙዚቃ ታጅበው ከቤታቸው ያመሻሉ፡፡

የእንቅልፍ ሰዐት ሲደርስ ተቃቅፈው ለጥ፡፡

አንዳንዴ ማታ ፊልም ያያሉ፤ ቲክቶክ ላይ ያፈጣሉ፡፡

ቅዳሜ፣ ለሳምንት የሚያስፈልጋቸውን የአስቤዛ ሸመታ ሲያደርጉ ያረፍዱና ከሰዐቱን ደግሞ የጀመሩት ተከታታይ ፊልምን በማየት ወይ ደግሞ ገንዘብ ያላቸው ሰሞን ከከተማ ወጣ በማለት ያሳልፉታል፡፡

እሑድ እሑድ፣ ሶቶ ተያይዘው ከቤታቸው ሳይርቅ የሚገኝ ካፌ ይሄዱና ቦምቦሊኖ በማኪያቶ ያሻምዳሉ፡፡

ከሰዐቱን ቤታቸው አንዱን ሲያነሱ፣ አንዱን ሲጥሉ ያመሹና የእንቅልፍ ሰዐት ሲደርስ ተቃቅፈው ለጥ ፡፡

በእነሱ ዕድሜ ያሉ የሌሎች ጥንዶችን ሕይወት ቲክቶክ ላይ ማየት እስኪጀምሩ፣ በኑሯቸው ደስተኛ ነበሩ፡፡

አዲስ የተጋቡ ጥንዶች በየቲክቶኩ ሰፊና ቅንጡ ቤት፣ በእንከን አልባ ፍቅር የተጠመቀ ትዳር፣ የሚያስጎመጁ የሽርሽር ጊዜዎች፣ ውድና የሚያማምሩ ስጦታዎችን ማሳየት ሲጀምሩ ግን ነገሮች መለዋወጥ ጀመሩ፡፡

በቲክቶክ የሚያይዋቸው ጥንዶች በእነሱ ዕድሜ ሆነው፣ እነሱ ያሉበት ከተማ እየኖሩ፣ የኑሮ ደረጃቸው ርቀት የትየሌሌ እንደሆነ ማስተዋል ጀመሩ፡፡

በመቶ ሺህ የሚቆጠሩ ተከታዮቻቸው፣ ከዚህም ከዚያም ማስታወቂያ አሰርቶ በብዙ መቶ ሺሆች የሚከፍላቸው ኩባንያ ብዛት፣ በነጻ የሚሄዱበት መአት ቫኬሽን ብዛት ሲያዩ በተለይ ሕይወት በአንድ ጥያቄ ተጠመደች፡፡ “እኛስ ለምን እንደነሱ አንሆንም?” በሚል፡፡

“ጆዬ፣ ቪዲዮ መስራትና ኤዲት ማድረግን ካንተ በላይ የሚችልበት የለም” አለች አንዱን ምሽት አልጋቸው ላይ ጋደም ብለው በየስልካቸው ቲክቶክን ሲያስሱ፡፡

“እኛም እኮ ቲክቶክ መጀመር እንችላለን፡፡ ሁሌ የምናያቸውን ባለትዳሮች ዐይተሀል፡፡ ብዙዎቹ ከመቶ ሺህ በላይ ተከታይ አላቸው፡፡ አሁን አሁንማ ለፕሮሞሽን የሚከፈላቸው ገንዘብ ራሱ ጆሮ ጭው ያደርጋል፡፡ በዚያ ላይ ሆቴሉ፣ ጉዞው፣ ቫኬሽኑ በነጻ ነው፡፡ የእኛ ሕይወት ከእነሱ አያንስም፡፡ ልዩነቱ የእኛን ውሎና
አዳር በቪዲዮ አለመቅረጻችንና ቲክቶክ ላይ አለማሳየታችን ብቻ ነው፡፡”

መጀመሪያ ላይ ዮሐንስ አንገራግሮ ነበር፡፡

“ኧረ ተይ በናትሽ፡፡ የእኛና የእነሱ ኑሮ የት ተገናኝቶ፡፡ እኛ እንደ እነሱ ውድ ነገር አንገዛ… ውድ ቦታ አንሄድ?” አላት፡፡

“እኮ! እሱን እኮ ነው የምልህ ታዲያ!” በአጽንኦት ተናገረች፡፡

“አብዛኛው ቲክቶክ ላይ ያለ ሕዝብ እሱን የሚመስል ሰው፣ የእሱን የሚመስል ኑሮ ነው ማየት የሚፈልገው፡፡ በቃ ተርታ ሰው፡፡ ቤታችን ጠባብ ነው፣ ፍቅራችን ግን ሰፊ… ይወዱናል እመነኝ….”

ያኔ ነው የሕይወትና የዮሐንስ ቤት የተሰኘው የቲክቶክ አካውንታቸው የተወለደው፡፡

ሲጀምሩት በጣም ያዝናናቸው ነበር፡፡ መደበኛ ሕይወታቸውን እየኖሩ፣ እሱኑ መቅረጽና ማሳየት ጀመሩ፡፡ እሑድ እሑድ ወደ ቦምቦሊኖው ቤት ሲሄዱ፣ ማኪያቶ ሲጠጡ፣ ቤት ምግብ ሠርተው ሲበሉ፣ ልደት ሲያከብሩ፣ ደብረ ዘይትና ናዝሬት ሄደው ፈታ ሲሉ፣ ፓርክ እየሄዱ ሲዝናኑ ማሳየት ብቻ ነበር፡፡

ሳያስቡት የተከታዮቻቸው ቁጥር ከዐሥር ሺህ ወደ ሃምሳ ሺህ፣ ከሃምሳ ሺህ ወደ መቶ ሺህ በፍጥነት አደገ፡፡

ያኔ ነው የሕይወትም ተከታዮቻቸውን የማስደሰት፣ የማስወራትና የመጨመር ጉጉት ያደገው፡፡

ብዙ ሳይቆይ የሚቀርጹትና የሚያጋሩት ቪዲዮም መቀየር ጀመረ፡፡ ሲጀመሩ እንደነበረው የዕለት ተዕለት ተደጋጋሚ ሕይወታቸውን ማየቱ የታከተው ተከታይ በገፍ፣

“ አዲስ ነገር አሳዩን ሰለቸን” ማለት ሲጀምር፣ ተከታይ ላለማጣት፤ ተከታይ ለመጨመርና የገጹን ተወዳጅነት ከፍ ለማድረግ ሕይወት መላ ዘየደች፡፡

“ከዚህ በፊት የማናሳያቸውን ነገር ማሳየት መጀመር አለብን” አለችው አንዱን ቀን፡፡

“አለ አይደል… ሌላው ሰው… በተለይ ባለትዳር ሶሻል ሚዲያ ላይ የማያሳየውን ነገር፡፡ ቢሮ ያሉ ሰዎች እንኳን ምን እንዳሉኝ ታውቃለህ…? ልክ ልዩና ባሏ እንደሚያደርጉት ለየት ያለ ነገር አሳዩ አሉኝ፡፡ ስለዚህ የሆነ… ስንጣላ ምናምን ቀርጸን እናሳያለን፡፡ ትልቅ ጠብ ምናምን አይደለም ግን ያው አነጋጋሪ የሚሆን ነገር… ሰዉን ትንሽ ለማንጫጫት”

ዮሐንስ ትንሽ ቢያንገራግርም ብዙም ሳይቆይ የሕይወትን ሐሳብ ግን መቀበሉ አልቀረም፡፡ ከዚያ ካሜራ ፊት ለፊታቸው ደግነው በተራ ነገር ሲጣሉ ቀረጹና አጋሩት፡፡

ሰዉ ተቀባበለው፡፡
ሰዉ ወደደው፡፡

አስተያየቱ፣ አንተ ነህ ጥፋተኛው፤ አንቺ ነሽ ጥፋተኛው የሚለው አራጋቢ በጨመረ ቁጥር፣ ሌላ ጠብ ቀርጸው ሲያቀርቡ፣ ሕዝቡ ከእነሱ ጋር ሱስ ያዘው፡፡

ያኔ ነው፣ ሕይወት የኤንጂኦ ሥራዋን በገዛ ፈቃዷ የለቀቀችው፡፡

“እዚህ ወር ሙሉ ተመላልሼ የማገኘውን ደሞዝ በሁለት ቀን እያገኘነው ነው፡፡ እንደ ወላጆቻችን ደሞዝ ላይ ተጣብቀን ከምንማቅቅ፣ ሠራ ሠራ አድርገን ለወደፊታችን ደህና ገንዘብ ብንይዝ ይሻላል፡፡”

ዮሐንስ በውሳኔዋ እርግጠኛ ባይሆንም፣ በማስታወቂያ የሚመጣላቸው ገንዘብ ደጎስ ያለ ስለነበር ብዙ አልተቃወማትም፡፡

ሕይወት ቲክቶክን የሙሉ ጊዜ ሥራዋ ስታደርግ፣ እያንዳንዷን እንቅስቃሴያቸውን መቅረጽና ማጋራት ጀመረች፡፡

ሲበሉ፣ ሲጠጡ፣ ሲቀመጡ፣ ሲሄዱ፣ ሲተኙ፣ ሲነቁ፣ ሲጣሉ፣ ሲታረቁ፤ ገበያ ቦታ፣ ከጓደኞቻቸው ጋር፣ እናት አባት ጥየቃ ላይ፣ የቤተዘመድ ሰርግ ላይ፡፡ ከሽንት ቤትና የባልና ሚስት መርፌና ክር ሰዐታቸው ውጪ፣ ከቀረጻ የሚያመልጥ አንድም የሕይወታቸው ክፍል አልነበረም፡፡

የተከታዮቻቸው ቁጥር ሁለት መቶ ሺህ ሲደርስ፣ ሕይወት ተከታዮቻችን ለማመስገን እና ገጻችንን ወደ ሚቀጥለው ደረጃ
ከፍ ለማድረግ አዲስ ነገር ማድረግ አለብን በሚል ሐሳብ ተጠመደች፡፡

“የምናቀርበው ነገር አዲስ ነገር የለውም… አሰልቺ እየሆነ ነው” አለችው፡፡

ከዚያ ደግሞ መልሱንም ሳትጠብቅ፣

“ለምን ማርገዜን በተመለከተ ቪዲዮ ሠርተን አንለቅም?” አለች፡፡

ዮሐንስ በድንጋጤ እያያት፣ “ምንድነው የምትይው…? መቼ አረገዝሽና?” አላት፡፡

(ክፍል ሁለት ነገ በዚሁ ሰዓት ይለጠፋል)

Showing 20 of 20 posts

No more posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

ታሜ መዝናኛ TAME MEZNAGNA

ታሜ መዝናኛ TAME MEZNAGNA

رتبه‌بندی

رشد مشترکان (3 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

˚ . ˚ wnky’s guestlist . ˚ .

لوازم خانگی آمد کالا

حَنيني

سوريانا كيدز

/ مقبلات/توصيل بنات /قناه مدام رورو ملكه التواصيل🍒♥

ريّاف

🔵فیزیک دهم استاد براتی🔵

زاپاس"اکسیر

کانال‌های تلگرام مرتبط

˚ . ˚ wnky’s guestlist . ˚ .

لوازم خانگی آمد کالا

حَنيني

سوريانا كيدز

/ مقبلات/توصيل بنات /قناه مدام رورو ملكه التواصيل🍒♥

ريّاف

🔵فیزیک دهم استاد براتی🔵

زاپاس"اکسیر

نظرات کاربران (0)

آخرین پست‌ها