هنوز هیچ نظری وجود ندارد. اولین نفری باشید که نظر خود را به اشتراک میگذارید!
آخرین پستها
قصائد مكتوبه حسينيه +اشعار حسينية قناة
۲۹ اردیبهشت ۱۴۰۵، ۰۶:۳۶
📎 File
اعمال ليلة القدر.pdf
5,380
0
0
قصائد مكتوبه حسينيه +اشعار حسينية قناة
۲۹ اردیبهشت ۱۴۰۵، ۰۶:۳۶
"كلّما اقتربَتْ ليالي عليِّ أمير المؤمنين"
شعرْتُ باليُتْم وهو يأكُلُ ملامحي."
5,350
2
0
قصائد مكتوبه حسينيه +اشعار حسينية قناة
۲۹ اردیبهشت ۱۴۰۵، ۰۶:۳۶
اللهُم لا تجعل رمضان يمضي إلا وقد أعطيتَ كُل منا مُراده، ورويت قلوبنا بفيض كرمك، وحققتَ لنا ما كُنا نظنهُ مُستحيلاً، اللهم المتّسع والخير في الأمور كلّها فلا حول لنا ولا قوّة إلا بك .
5,690
4
0
قصائد مكتوبه حسينيه +اشعار حسينية قناة
۲۹ اردیبهشت ۱۴۰۵، ۰۶:۳۶
ها يا علي تعرفني انه ؟
انه السنه تموت وسنه
تاخذني ذكرى لچم گبر
انه الصرت ام الصبر
بس كون تعرف ياهي انه
،،،،،،،،،،،،،،،،،،،،،،،،،،
خلوني اني اوالدي گبل المنيه
امسح على جرحه بدمع لو باقي بيه
وشلت عيني من الزغر لاجل الزجيه
وهسه اكتمل بيه الالم هاي المسيه
لمن وگع حيدر علي
وحسيت محد ظل الي
گلبي الحرگ حتى الجمر
انه الصرت ام الصبر
بس كون تعرف ياهي انه
،،،،،،،،،،،،،،،،،،،،،،،،،،،
حيدر على بختك انه اليم راسك تنوح
فك حظنك اوعينك الي لا بويه لتروح
زينب گلبهه الونتك يلغالي مجروح
بويه ارد اسمعك لوعتي ها بويه مسموح
ارد احچي ضيم البلگلب
يلموتك اصعب من صعب
خليلي يا بويه الگبر
انه الصرت ام الصبر
بس كون تعرف ياهي انه
،،،،،،،،،،،،،،،،،،،،
لمتنه راحت يا علي وذيج المحنه
بيت الجمعنه من الزغر بيه وكبرنه
ما بيه بعد ذرة فرح من طيحة أمنه
كسرت گلب ما تنوصف بويه انكسرنه
هد حيلي الموادع تره
عينك علي يا حيدره
ما يسوى بفراگك عمر
انه الصرت ام الصبر
بس كون تعرف ياهي انه
،،،،،،،،،،،،،،،،،،،،،،،
يا داحي خيبر يا علي لا تمشي عني
هذا الدهر چن ياخذك يا بويه مني
چاوبني لا تسكت تره المنظر ذبحني
غمضت عينك والدمع كلش خنگني
بنتك واجيتك يلهوى
انطيهه لو روحي الدوى
وادري انته لا ما تنكسر
انه الصرت ام الصبر
بس كون تعرف ياهي انه
،،،،،،،،،،،،،،،،،،،،،،،،،
صوتي البعد ما ينسمع من كثر الونين
هو انت بس واحد علي وبس واحد حسين
اذاني والله موادعك لتغمض العين
حاچيني يا اطيب ابو انطي الوجه وين
يا بويه يكسرني اليتم
بالطف تره مزامط زلم
باچر وراي اچم شمر
انه الصرت ام الصبر
بس كون تعرف ياهي انه
،،،،،،،،،،،،،،،،،،،،،،،
تدري البنيه بلا أبو تاذيهه الايام
اولادك تصبح علي هم من الايتام
مو بس أبو نودع تره ودعنه الاسلام
يالغمضت عينك علي لا بويه لتنام
ضمني اعله صدرك يلابو
بردانه محتاجه لدفو
يا عمري المن تستمر
انه الصرت ام الصبر
بس كون تعرف ياهي انه
4,560
قصائد مكتوبه حسينيه +اشعار حسينية قناة
۲۹ اردیبهشت ۱۴۰۵، ۰۶:۳۶
🎥 Video
4,810
8
0
قصائد مكتوبه حسينيه +اشعار حسينية قناة
۲۹ اردیبهشت ۱۴۰۵، ۰۶:۳۶
قلها اسمعي يزينب
ما ينفع دوا الدكتور شافه
يختي ذابلة من السم اشفافه
يزينب راح والدنه حسافه/
يقللها يزينب يا حزينه
اخبرنج خبر لا تظهرينه
ترانا من ابونه أيسينه/
صاحت ومنها العين عبره
تخلوني اشد جرحه وانظره
اريد اعليه اشد معصب الزهره
عسنّه جرح ابونه يطيب ويبره/
تقول
هـالليلة ابـونه امسى ابشده
او جرحه الذي ابراسه مضهده
والـسم لـعد جـسمه تـعده
وابـروحه اشوفه ايلوج وحده/
بعد جرح الامام علي عليه السلام في ذلك الفجر المظلم عاد محمول على اكتاف الحسن والحسين وقبل ان يصل الى الدار أمر الحسنان ان ينزلانه كي لا تراه السيدة زينب بهذا المنظر المفجع
فعندما وصلوا الى الدار قالت السيدة زينب ;-
**
ها بويه منك مبعد الشر !
ياهو البعد بالشده يحضر ؟
ممدود والدم بلحيتك
چا غير زينب واعتنيتك
بويه بويه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بويه اعله بختك شو نعش جاي ؟
الرد الشمس شو يمشي بهداي
علباب طايح دمعي والماي
ممشه الجنازه ايتعب هواي
چا ليش راسك بويه مدمي
شفتك وجرني خيال هدمي
من الصدمه حيدر عاتبيتك
چا غير زينب واعتنيتك
بويه بويه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
رد الولي شرد أعله بيته ؟
مو ذاكه أبوي الودعيته
حيدر علي دموم ابلحيته
شنهي الجرى وظهرك حنيته
ما تمشي محتاج اليعينك
ثگلت بعد شيلت يمينك
مكسور گلبي وباب بيتك
چا غير زينب واعتنيتك
بويه بويه
،،،،،،،،،،،،،،،،،،،،،،،،،،،،،،،،،،،،،،،،،،،
يا بعد حيلي بيا وضع راد
تمشي وألك تچايه الاولاد
يا دار نوحي أتحولي رماد
ونيت بيچ أوني وما فاد
أهلآ يبعد الروح والبيت
ها بويه گلي شلون صليت ؟
من سيفهم گرب منيتك
چا غير زينب واعتنيتك
بويه بويه
،،،،،،،،،،،،،،،،،،،،،،،،،،،،،،،،،،،،،،
يا بعد روحي شبيك ما بيك
نام اعله چفي وخل اباريك
وين الألم شنهي اليأذيك
باوعلي بويه وخلي احاچيك
شنهي انتهت والعشره راحت
طاحت بنيتك بويه طاحت
بالزهره بويه وحلفيتك
چا غير زينب واعتنيتك
بويه بويه
،،،،،،،،،،،،،،،،،،،،،،،،،،،،،،،،،،،،،
بويه اليتامى تنوح علباب
ها وين ابونه وجرحه ما طاب ؟
گوم اعله حيلك ها يبو تراب
انته الصدگ والموت چذاب
فتحلي عينك شوف حالي
مكتوب أعيش بلايه والي
تتركني ابد ما حسبيتك
چا غير زينب واعتنيتك
بويه بويه
،،،،،،،،،،،،،،،،،،،،،،،،،،،،،،،،،،،،
يابو المحنه وطيب الذات
خلصت بعد والباقي ونات
من عمت عيني اعله اليتيمات
هم صرت منهن والبخت مات
لا أم بعد لا والد ألنه
يا موت يمفرگ شملنه
گوه اعله گلبي أودعيتك
چا غير زينب واعتنيتك
بويه بويه
قصائد مكتوبه حسينيه +اشعار حسينية قناة
۲۹ اردیبهشت ۱۴۰۵، ۰۶:۳۶
من فاطمه العلي
هلي خلصو هلي
من الباب للمحراب لچمه
حيدر علي محتاجه اشمه
هلي خلصو هلي
***
شيعود لمتكم الي شيجيب ابوي وامي
مشتاگه للكعده سوى يا خبر موت جدمي
التمينه تونه وجتنه الاخبار
فرهدو فرحة گلبي والدار
الصدر اليضمنه ايكسره بسمار
منهه وكرهنه الباب والنار
من اهد طيحت أمنه طحنه
من ماتت وداعتهه متنه
والنوب طاح شلون زلمه
حيدر علي محتاجه اشمه
هلي خلصو هلي
*
مخنوكه يا وادم ترى صعبه اليفارگ روحه
من الليل حد جيت الفجر سهرانه لا مذبوحه
اتمنيت اشوف الچانو وياي
واشتم عطرهم وانحب هواي
الرايح گبر بس بالحلم جاي
بحسرة حظن خلاني وفياي
فگد العزيز يشل الچفوف
ياخذ الحيل وياخذ الشوف
يا شيلت المهيوب ندمه
حيدر علي محتاجه اشمه
هلي خلصو هلي
*
لا والد ولا أم بعد طير وبلا جنحانه
گاع وصفيت بلا مطر للموت اظل عطشانه
چلمة ال بويه امغربه لهناك
حدر التراب امدده اوياك
حاضر الشده الرمل غطاك
چنهه بحلم لمن دفناك
نهيل التراب ودمع العيون
ظلينه بس شلون وشلون
ميت واصيح الله يسلمه
حيدر علي محتاجه اشمه
هلي خلصو هلي
*
عيد المگابر من يهل كلمن يروح الناسه
يبدي المشيب من النظر سهله اليشيب راسه
يهل التراب اهلاه يلحنان
تعبان ظل ايتچي تعبان
يمكم گعدنه بعمر ذبلان
دورنه هلبت يمكم امچان
ياهو اليردهم راحو بعيد
هو العمر بالفرگه ميفيد
ياهو اليريد انموت يمه
حيدر علي محتاجه اشمه
هلي خلصو هلي
****
خلصت بعد يابو الحسن ردينه وشردينه ؟
تابوت رد من الدفن خلونه وانعافينه
بيت انهدم لن اهله غياب
لمة اهل خربهه التراب
ما ظل زغير اوجوه شياب
يسلمنه حزن انگاب لنگاب
وسفه التراب ايضم الاحنان
بعيد الله حتى الشوف تعبان
واضح دمعنه وما نضمه
حيدر علي محتاجه اشمه
هلي خلصو هلي
2,890
قصائد مكتوبه حسينيه +اشعار حسينية قناة
۲۹ اردیبهشت ۱۴۰۵، ۰۶:۳۶
شماله البين … لاجمني بالعزاز
حاربني زماني ... وكلبي معتاز
😔💔😔💔😔💔😔💔
شماله البين ماخذ مني الاحباب
وعله افراك الابو ياگلبي منصاب
وماشفت الفرح والدمع سچاب
كل يوم الدهر يگسرني ماجاز
😔💔😔💔😔💔😔💔
بعزيز الگلب هاليوم موجوعه
ايسي من الابو ياروحي مفجوعه
شلون تشيل عني وزيد اللوعه
ولدرب المكبره شالاه الجناز
😔💔😔💔😔💔😔💔
بعيد بعيد درب المگبره اعليه
ويگتل حيل يايوم الفراگيـه
شتحمل ياكلب دوم بمهضميه
وبس النوح والونه الكلب حاز
😔💔😔💔😔💔😔💔
تفارك زينب الحره اكطعت بيهه
ليش تشيل عن بتك تخليهه
مابيهه تون هاليوم عينيها
كل يوم الكلب بمصايبه فاز
😔💔😔💔😔💔😔💔
تهدم حيلها من فرگته اليوم
سايل يادمعها الكلب ملجوم
تصيح بصوت ياحيدر يچدوم
وعيني لشوفتك يالوالي تعتاز
😔💔😔💔😔💔😔💔
