هنوز هیچ نظری وجود ندارد. اولین نفری باشید که نظر خود را به اشتراک میگذارید!
آخرین پستها
مُصعب،الوَرفلِي .
۱۲ اردیبهشت ۱۴۰۵، ۱۸:۴۱
مرات تعطي من روحك بصدق ، وتكون نيتك صافية ، تعامل الناس بكل طيبة واحترام ، وتسأل عليهم وتوقف معاهم في وقت الشدة ، وبعدين فجأة تلقى كل شي تغيّر نفس الشخص اللي كان قريب ، يولّي بعيد ، ونفس الكلام يختفي كأنه ما كانش ، الحقيقة إن مش كل الناس تعرف تقدّر الطيبة ، وفي ناس تتعوّد على وجودك لدرجة إنهم معاش يحسّوا بقيمتك ، أو يمكن يلقو حد غيرك ويبدّلو اهتمامهم بكل بساطة مش ديما الغلط منك ، ومش لازم كل علاقة تستمر مهما عطيت ، خليك ديما على طيبتك ، بس تعلّم إنك ما تعطيش أكثر من اللازم لناس ما تعرفش تحافظ عليك اللي يبيك فعلاً ، عمره ما يبدّلك ، واللي يتغيّر عليك فجأة ، يمكن عمره ما كان صادق من البداية .
1,230
0
0
مُصعب،الوَرفلِي .
۱۲ اردیبهشت ۱۴۰۵، ۱۸:۴۱
لما نكون معاك طيب ونعاملك بكل ذوق واحترام ، وتتعود على هالشي ، هذا مش معناه إنك تقدر تعاملني على مزاجك أول ما يَتبدل أسلوبك تولي تتصرف بطريقة مش كويسة ، طبيعي نبدّل طريقتي معاك ، و وقتها حتذوق من نفس الأسلوب اللي عطيتني ، ويمكن حتى تكره الطريقة اللي خلتك توصل لشيء هذا و الاحترام شيء متبادل ، واللي يختار كيف يتعامل ، يتحمل نتيجة اختياره .
1,680
0
0
مُصعب،الوَرفلِي .
۱۲ اردیبهشت ۱۴۰۵، ۱۸:۴۱
شوف لما نكون معاك قدّع ونحترمك ، هذا مش ضعف ولا دروشة ، هذا لأنّي عارف قدرك وحاطك فوق راسي ، لكن واضح إنك ما تعرفش تفرّق بين الاحترام والضعف ، أنا لما نعطيك من روحي ونقدّرك ، مش لأنّي مجبور ، لكن لأنّي نبي نمشي بالأصول ، بس أول ما نشوفك تحاول تنقص مني ، ولا تستخف بيا ، هنا لازم توقف وتراجع روحك كويس ، أنا مش من الناس لي تسكت على الإهانة ، ولا نرضى حد يدوس عليّا ، لي عطيتك كان من طيب ، بس لو تبدل الأسلوب ، أنا نعرف نبدله أكثر ، خليك في حدودك ، وخلي معاملتك على قدّك ، لأنّي لو رجعت لنفسي الحقيقية ، مش حتعجبك النتيجة .
2,010
0
0
مُصعب،الوَرفلِي .
۱۲ اردیبهشت ۱۴۰۵، ۱۸:۴۱
أنا في طبعي إنسان مسالم ونحب نسامح ، وما نشيلش في قلبي لحد الدنيا ما تساهلش الواحد يعيش وهو معبّي روحه بالحقد لكن في نفس الوقت ، في مواقف ما تنتساش ، ومهما كان قلبي طيب في حاجات تخليك توقف وتقول خلاص ، لهنا وبس لو درت موقف في حقي ، تقعد تحلم إني ننساه بساهل أو نسامح كأن شي ما صار مش لأنّي شخص ما يسامحش ، لا والله ، لكن لأن موقفك هو لي علّمني وين نحطك ، وكيف نعاملك .
1,430
0
0
مُصعب،الوَرفلِي .
۱۲ اردیبهشت ۱۴۰۵، ۱۸:۴۱
أنا واحد من الناس اللي مستحيل ينسى لا موقف، لا كلمة ، ولا حتى شخص عابر مرّ في حياتي لحظة وخلاص كل حاجة تصير ، تنحفر في بالي وكأنها توّا صايرة ، اللي يوقف معاي في وقت ضيق ، ولا يدير موقف طيب ، هذا مستحيل ننساه مهما طال الزمن وحتى الحاجات الصغيرة ، نظرة، كلمة، تصرّف كلهم نحفظهم ، ذاكرتي مش بس للذكريات الطيبة ، حتى المواقف اللي فيها وجع أو خيبة ، تفضل معاي ونسترجعها كأنها قدّامي يمكن هالشي يتعب مرات ، لكن في نفس الوقت يخلّيني نعرف قيمة الناس الصح ، واللي يستاهل يقعد في حياتي أنا ما ننساش ، لا خير ولا شر وكل واحد عطاني لحظة من وقته ، بطريقة أو بأخرى ، عنده مكان في ذاكرتي ، ومستحيل يضيع .
798
0
0
مُصعب،الوَرفلِي .
۱۲ اردیبهشت ۱۴۰۵، ۱۸:۴۱
رغم كل الظروف اللي نمر بيها في حياتي، سواء في الشغل ولا في حياتي اليوميه ، الحمدلله نحس روحي قاعد في أعلى مراتب راحة البال مش كل شي كامل ، ومش ديما الأمور تمشي زي ما نبي ، لكن راضي ومقتنع باللي عندي ، يمكن نكون مقصر شوية مع بعض الناس اللي في حياتي، وهذا شي نعترف بيه، لكن الحمدلله ربي ساترها ومعطيني فرص نراجع روحي ونصلح من روحي نعيش يومي بيومه ، ونحمد ربي على كل رزق يجي في طريقي ،سوء كان صغير ولا كبير ، وأكثر حاجة نقدرها ونحمد ربي عليها ، هي وجود أقرب الناس ليا جنبي ، هذي بروحها نعمة كبيرة ما تتعوضش، وربّي يدومهم ويخليهم ديما في حياتي .
926
0
0
مُصعب،الوَرفلِي .
۱۲ اردیبهشت ۱۴۰۵، ۱۸:۴۱
أنا كـ مُصعب ، إنسان نغلط زي أي حد ، ومانيش معصوم من الغلط لكن الفرق عندي مش في الغلطة ، الفرق في كيف نتعامل معاها كل مرة نغلط ، ما نمشيش وخلاص ، نقعد مع روحي ، نراجع ، نسأل علاش صار اللي صار وين كان عقلي وقت الغلط وشنو لازم نغير في روحي بيش ما نعاودش نفس الغلطة أنا مؤمن إن الغلط مش عيب ، العيب إنك تعرف روحك غلطان وتكابر أو تهرب لذلك ديما نحاول نكون صريح مع نفسي ، حتى لو الحقيقة توجع نواجه روحي قبل ما نواجه أي حد ، ونحاول نصلح من نفسي قبل أي حاجة ، نغلط صح ، لكن ما نرضاش نفضل نفس الشخص اللي غلط كل غلطة عندي درس ، وكل درس خطوة لقدام ومانخليش الغلط يتحول لعادة، لأني عارف إن أول مرة ممكن تكون ضعف ، لكن تكرارها يكون اختيار ، وانا نبي نختار نكون أحسن ، هكي أنا نشوف نفسي إنسان يغلط ، يصلح ، ويتعلم وديما يحاول ما يكررش نفس الغلط مرتين .
1,060
0
مُصعب،الوَرفلِي .
۱۲ اردیبهشت ۱۴۰۵، ۱۸:۴۱
من نعم الله عليك إنّه يوريك حقيقة الدنيا وناسها في عز شبابك باش ما تضيعش وتفهم بدري إن مش كل ضحكة صادقة ، ومش كل كلمة طيبة طالعة من قلب نضيف ، وتعلم إن لي يجي بالساهل يمشي بالساهل ، وإن الوجع لي تمشي بيه هو لي يقوّيك مش لي يكسرك ، وتعرف إن مرات القعدة بروحك أهون من ناس حضورهم تعب ، وإنك لو قعدت تجري ورا رضا الناس بتضيع روحك ، لأن الدنيا ما تعاودش نفس الدرس مرتين ولي ما يفهمش بدري، يدفعها غالي .
1,740
0
0
مُصعب،الوَرفلِي .
۱۲ اردیبهشت ۱۴۰۵، ۱۸:۴۱
خليك ديما فاهم روحك ، وعارف قيمتك ، وما تمشيش ورا كل حاجة تافهة تضيع وقتك وعقلك ، الإنسان الواعي مش كل كلمة تهزه ، ولا كل موقف يجرّه ، بالعكس يكون ثابت ويعرف يختار وين يحط روحه ، الدنيا مليانة حاجات سطحية ، بس مش كل شي يستاهل منك اهتمام ، كبر عقلك وخلي نظرتك بعيدة، وفكر قبل ما تتصرف ، مش عيب إنك تتجاهل ، ومش ضعف إنك تسكت على لي ما يستاهلش ، القوة الحقيقية إنك تعرف شنو مهم وشنو لا، وتعيش بهدوء وتركيز ، مش بجري ورا التفاهات خليك ثقيل ، في كلامك وفي تصرفاتك ، وخلي حضورك له معنى ، مش مجرد مرور خفيف في حياة الناس .
1,960
0
0
مُصعب،الوَرفلِي .
۱۲ اردیبهشت ۱۴۰۵، ۱۸:۴۱
ضروري تكون واعي ، مش كل مرة تغلط وتقول ليش أنا هكي العبيط بس هو لي يعاود نفس الغلطة ويتوقع نتيجة مختلفة ، وقف مع روحك بصدق ، وافهم وين الخلل بدل ما تهرب ، أخطائك رسالة ، يا تقراها وتفهمها يا تعيشها كل يوم ، شغّل عقلك وراجع روحك ،مفيش حد بيصلحك غيرك ، يا تتعلم وتكبر ، يا تقعد تبرم في نفس الدوامة طول عمرك .
الدنيا تعلمك إنك كل ما تتعلق بحاجة زيادة ، حتكون أول حاجة تضيع منك وتوجعك .
2,350
0
0
مُصعب،الوَرفلِي .
۲۷ فروردین ۱۴۰۵، ۲۰:۳۲
الحقيقة إن الخذلان ما يجيش مرة وحدة ، يجيك على جرعات كل مرة أتنازل شوية ، كل مرة تسكت على حاجة ، لين يقعد السكوت عادة ، والوجع جزء منك ، هما ما تبدلوش، هما ديما هكي إنت لي كنت تحاول تشوفهم بالصورة لي تريحك ، مش بالصورة لي هما عليها .
2,060
0
0
مُصعب،الوَرفلِي .
۲۷ فروردین ۱۴۰۵، ۲۰:۳۲
والله أنا مانحبش نضايق حد لا بكلامي ولا بهدرزتي ولا بأي تصرّف يطلع مني نيتي دَيما تكون خفيفة ونبي نخفف على لي قدامي مش نزيد عليه لو يوم حسّيت إني ضايقت حد من غير قصد ، بالعكس ، أنا نحب نسأل ونفهم شن صاير معاك؟ علاش مضايق؟ يمكن نقدر نوقف معاك بكلمة طيبة ولا حتى بس نسمعلك .
2,400
0
0
مُصعب،الوَرفلِي .
۲۷ فروردین ۱۴۰۵، ۲۰:۳۲
أنا بنادم ما نعرفش معنى الاستسلام ، عمري ما وقفت على سبه شيء وما وصلتش فيه لو الطريق تسكر قدامي نفتح غيره ، ولو الدنيا وقفت ضدي نوقف أنا قدامها ، ما نركعش للفشل وما نخليش التعب يكسرني ، لأن لي في راسي نوصله غصب عن الظروف وغصب عن أي شيء ،
ديما نسعى ونتعب ونجرب ، مرة ومرتين وألف مرة، لين ناخذ لي نبيه بِيدي ما نستناش حد ، يعطيني فرصة ، أنا نصنع فرصتي بروحي ، حياتي ما فيهاش مكان نوقف فيه ولا نتراجع ، فيها سعي وتعب وعناد لين نوصل .
1,430
0
0
مُصعب،الوَرفلِي .
۲۷ فروردین ۱۴۰۵، ۲۰:۳۲
في ناس حياتهم فاضية لدرجة يخلّوا كل شي في حياتهم ويخشّوا في حياة غيرهم ، يقعدوا يحكوا ويحلّلوا ويطلّعوا في قصص من روسهم ، وكأنهم عايشين مع الناس لحظة بلحظة ، الكلام ساهل ، لكن الحقيقة إن لي يقعد يتبع في غيره غالباً يكون هارب من عيوبه هو الغريبة إنهم يحكوا بكل ثقة على ناس حتى مش موجودين ، لا يقدروا يدافعوا على نفسهم ولا يوضّحوا الحقيقة ، وهذا أكبر دليل إن الموضوع مش نصيحة ولا خوف ، الموضوع مجرد كلام فاضي وقلوب مشغولة بغيرها ،
لي يبي يرتاح في حياته لازم يفهم حاجة وحدة: ركّز في روحك ، كل واحد عنده طريقه، عنده ظروفه ، وعنده حياته لي أنت مش عايشها ، خليك في روحك ، طوّر من نفسك ، وخلي الناس تعيش حياتها بسلام ،
الدنيا أقصر من إنك تضيعها في مراقبة غيرك ، ولي يقعد يحكي على الناس أكثر من اللازم ، غالباً ما عنده شي يتكلم عليه في حياته هو .
2,020
0
مُصعب،الوَرفلِي .
۲۷ فروردین ۱۴۰۵، ۲۰:۳۲
الخبث مش ذكاء ، والنفاق مش سياسة ، الخبث قلة أصل ، والنفاق قلة قيمة ، لي يضحك في وجهك ويطعن في ظهرك، هذا مش إنسان ، هذا ظلّ ، يعيش على الضلمة وما يتحملش الضي ، النفاق يخليك أتبدل ، اليوم معاك وغدوة ضدك ، على حسب وين ما تهبّ الريح وين ما المصلحة ، والخبث يخليك تحسب روحك ذكي ، وانت في الحقيقة مكشوف، ريحتك طالعة وكلهم عرفينك ،لي يبيع كلمته ، يبيع روحه ، لي يخون الثقة ، عمره ما يربح ، حتى لو يحسابها مكسب ، خليك بعيد ع لي لسانه عسل وقلبه سمّ ، لأن الطعنات ما تجيش من عدو واضح ، تجي من واحد يقولك نبيك وهو أول واحد يحفرلك .
2,130
0
0
مُصعب،الوَرفلِي .
۲۷ فروردین ۱۴۰۵، ۲۰:۳۲
أنا معاش تميت نهتم بأي شي ولا يهمّني لي يصير برَحياتي قبل وتوا حياتي قعدت واضحة وبسيطة: خدمتي ، وصلاتي ، ونومي ، وقتي منظم وما فيش فراغ نضيّعه في حاجات ما تفيدش بأي شيء معاش عندي وقت نضيعه على ناس واجد ، في حياتي كم شخص وبس، ولي يستاهل يقعد الباقي كلّه برَ حساباتي راحتي النفسية أهم ، وضميري متريح مرضي والديه ، وهذا لي يهمّني توا .
2,270
0
0
مُصعب،الوَرفلِي .
۲۷ فروردین ۱۴۰۵، ۲۰:۳۲
خليك ديما مركز في روحك وحياتك اهتم بروحك ،بطموحاتك ، وبشن تبي توصل ، مش لازم كل وقتك يضيع وانت تشوف في الناس شن يديروا وشن عندهم ، كل واحد عنده طريقه وحياته ، خلي تركيزك على نفسك ، طور روحك، تعلم، اشتغل على أهدافك ، وكون النسخة لي تبيها من نفسك ،الناس ديما تحكي وديما تشوف ، لكن في النهاية حياتك انت لي عايشها مش هم ، خليك مهتم بروحك أكثر من اهتمامك. بالناس، لأن لما تبني روحك صح ، كل شي يجي في وقته.
1,810
0
0
مُصعب،الوَرفلِي .
۲۷ فروردین ۱۴۰۵، ۲۰:۳۲
الطموح مش كلمة وخلاص،الطموح هو إنك تقوم كل يوم حتى لو تعبان، حتى لو الدنيا ضدك إنك تحارب وتكمل، وما توقفش أول ما الطريق يتعبك، راهي الدنيا ما تعطيش حد شي بالساهل، وكل شي تبيه لازم تجري عليه وتدفع حقه تعب وصبر،مرات بتطيح، مرات تحس روحك بروحك، بس المهم ما تستسلمش،خليك ديما مَذكر علاش بديت، وخليك واقف على رجليك مهما صار لي يبي يوصل، يوصل بس لي يوقف في النص هو لي يخسر استمر، وحارب، وسع بالك، راهي نهايتك تعوّضك على كل شي فات .
1,590
0
0
مُصعب،الوَرفلِي .
۲۷ فروردین ۱۴۰۵، ۲۰:۳۲
تعبت وشفت لي يكفي وزيادة، ومرت عليّ أيام ما فيها كان الصبر، ما نطلبش من حد، ومانشكيش لحد، خاطر لي واقف عليه اليوم هو تعب سنين قاعد واقف رغم كل شي، مش لأني مرتاح، لكن لأني ما، نطيحش،نحمد في ربي مش ضعف، لكن يقين، ومتوكل عليه لأن الرزق بيده هو، مش بيد غيره،لي فات علّمني، ولي جاي نواجهه، وراسي مرفوع وقلبي ثابت.
