هنوز هیچ نظری وجود ندارد. اولین نفری باشید که نظر خود را به اشتراک میگذارید!
آخرین پستها
تراث القصائد الحسينية
۵ اردیبهشت ۱۴۰۵، ۰۲:۳۶
#تـراث
بطولية لسيدي ومولاي قمر الحسين
علي الأكبر صلوات الله عليهما
لاح سرج أم الفخـر خيالها
دمر الخيل إو چدسها إو جالها
ــــــــــــــــــــــــــــــــــــــ
دمر الخيل إو چدسها إو حاسها
سلب سطواها إو عزمها إو باسها
ذل طواغيها إو فرس فراسها
حي ألأكبر والملازم شالها
ــــــــــــــــــــــــــــــــــــــ
صال ألأكبر وألحرب وج ناره
إو گام بالروس إيحصد بتاره
للنجاة الگوم لكدت غاره
إمنين ما تجبل الموت إگبالها
ــــــــــــــــــــــــــــــــــــــ
والرمگ تتعثر إبروس الزلم
عالجثث تسحگ إو تسحب باللجم
إتشوف من عگب المراجل والعزم
غدت تجفل من تشوف إخيالها
ــــــــــــــــــــــــــــــــــــــ
جفلت إحيود الزلم وإلكل تصيح
الغوث يا شبه النبي الهادي الفليح
وللنجاة النظر من عدهم شبيح
إمنين متفر ألأمل بذيالها
ــــــــــــــــــــــــــــــــــــــ
فرت الشجعان مختلفه الشعور
حام بيها وأصگر إچبود الصگور
ظنت إبهاليوم لن يوم النشور
إتساوت أرض العاليه إوي إجبالها
ــــــــــــــــــــــــــــــــــــــ
بطش بيها إبن النبي سيد ألأبطاح
سيفه عزرائيل أخذ كل ألأرواح
إو صوت إسرافيل چن بالصور صاح
گامت إو عرضت عليه أعمالها
ــــــــــــــــــــــــــــــــــــــ
ظنت الفرسان كل هذا السدر
حيث ألأكبر كبّر وبيها زجـر
چالعذاب الهون عالگوم إنحدر
والزلم ظنت دنت آجالها
ــــــــــــــــــــــــــــــــــــــ
غصن لاچن فرعـه من دوحة الجود
نفل للعز والفخر والمجد طود
رد لبوه متنومس إو چاسب الزود
إبذل فراعين الحرب وإرجالها
ــــــــــــــــــــــــــــــــــــــ
ناده يا بويه العطش چبدي إنفطر
والحديد أضهدني والظهري كسر
يا علي ناداه من چبدك أحر
چبدتي إو زيدت يبني إشعالها
ــــــــــــــــــــــــــــــــــــــ
يا شبيه المصطفه سيد الـوره
يا چبد حيدر إو يا ضي ناظره
بالخلد يسجيك جدك كوثره
للوغه رد وإستعد لنزالها
ــــــــــــــــــــــــــــــــــــــ
لأمر أبوه إمتثل عالموت إستعد
إتعادل إعله السرج وإتچنه ألأسد
هاشمي وإبغرته إيلوح السعد
ورايته العز والنصر يبرالها
ــــــــــــــــــــــــــــــــــــــ
محتزم رد للحرب وأسعر النار
إو ثار عج إخيولها إو سد ألأقطـار
والشمس كسفت إبرابعة النهار
وبزغ وجه إبن الحسين إبدالها
ــــــــــــــــــــــــــــــــــــــ
شع شعاع الشمس لاچنه گمر
لچن من زور العزم ضيه حمر
يحي چوچب ليل عدنان ومضر
والبني هاشم جبين إهلالها
الشاعر المرحوم
الشيخ كاظم المنظور الكربلائي
#اللهم_عجل_لوليك_الفرج
3,220
23
0
تراث القصائد الحسينية
۵ اردیبهشت ۱۴۰۵، ۰۲:۳۶
#تـراث
وبقي حبيبُ محمدٍ بين العدى
فردا يذُبُّ عن الحريم ويمنعُ 😭
كالليث منصلتا إلى أنْ غالَه
سهمُ المنونِ فخرَّ وهو المرجع
عن سرجه يرنوا إلى فِسطاطه
والعينُ منه تستهلُّ وتدمعُ
أسفي على النسوانِ في ذُلِّ السِبا
إذ لم يَعُد أحدٌ هنالك يسمع
ومضى الجوادُ إلى خيامِ محمحما
ينعى الحسينَ ودمعُه يتدفَّعُ
فسمعن رنَّته النساءُ فقلن قدْ
وقع الذي كنا له نتوقَّع
فخرجن من فسطاطهنَّ صوارخا
جَزَعا صُراخا للصُّخورِ يُصدِّع
وأتينه والشمرُ جاثٍ فوقه
بحسامه للراس منه يُقطّع
فرقى الحسينَ وقلن ويلك ياعدوَّ
الله ماذا بالمطهَّر تصنع
فاحتزَّ رأسَ السبطِ يا لكِ لوعةً
لم يَبقَ للإسلامِ شملٌ يُجمع
وجرت خيولُهُمُ على جُثمانه
حتى تحطَّمَ صدرهُ والأضلُع
يا عينُ إبكي للحسينِ وأهلِه
بدمٍ إذا ما قلَّ منكِ المدمع
إبكي عليه ورأسُه في ذابِلٍ
والجسمُ منه بالسيوف مبضَّع
إبكي له ملقىً بلا غُسلٍ ولا
كفنٍ ولا نعشٍ هناك يُشيَّع
إبكي لنسوانِ الحسينِ حواسرا
في البيد ما فيهنَّ مَن يتقنع
إبكي لهنَّ يُسَقْنَ بعدَ حياتِه
قسرا وهُنَّ إذن عُطاشا جُوَّعُ
الشاعر المرحوم السيد
نعمان الأعرجي الحلي
#اللهم_عجل_لوليك_الفرج
#البقيع_مطلبنا_والنصر_لنا
4,090
17
تراث القصائد الحسينية
۵ اردیبهشت ۱۴۰۵، ۰۲:۳۶
#تـراث
لِمن القبور الدارسات بطيبة
عفت لها أهل الشقا آثارا
قُل للّذي أفتى بهدم قبورهم
أن سوف تصلى في القيامة نارا
أعَلِمتَ أيّ مراقد هدمتها
هي للملائك لا تزال مزارا
📚ليالي بيشاور
(407)
#اللهم_عجل_لوليك_الفرج
#البقيع_مطلبنا_والنصر_لنا
4,120
25
0
تراث القصائد الحسينية
۵ اردیبهشت ۱۴۰۵، ۰۲:۳۶
📎 File
3,820
18
0
تراث القصائد الحسينية
۵ اردیبهشت ۱۴۰۵، ۰۲:۳۶
#تـراث
هالنوح يازهرا على منهو تنوحين
نوحچ على المسموم لو نوحچ عله حسين
ــــــــــــــــــــــــــــــــــــــ
حنت ونادت والدمع بالخد بادي
أن تسئلوني ياخلگ كلهم أولادي
لاچن اصواب احسين ساطي في افادي
أعظم مصايبنا علينا مصيبة حسين
ــــــــــــــــــــــــــــــــــــــ
أبچي على أولادي گضو بالسيف والسم
وابچي اعله ابوهم قتيل لابن ملجم
وأنچان بالله تسألوني ياهو أعظم
كل المصايب هونتها امصيبة احسين
ــــــــــــــــــــــــــــــــــــــ
دهري رماني بالرزايا ابكل غالي
شتت اولادي عن يميني وعن شمالي
ما شوف ساعه فارغ امن النوح بالي
وأعظم عليه لو نعى الناعي على حسين
ــــــــــــــــــــــــــــــــــــــ
أبچي على اولادي ذبايح يوم عاشور
واني تبعت العزى ليهم وسط الگبور
وانسيت الظلع الي ابستر الباب مكسور
كل البچا والنوح والصيحة على حسين
ــــــــــــــــــــــــــــــــــــــ
اذا ابتليت ابمعضله وشگيت جيبك
اذكر حبيب المصطفى وانسى حبيبك
واذا ذكرت مصيبته الله يثيبتك
وسفه گضي مذبوح ما حد له غُمض عين
ــــــــــــــــــــــــــــــــــــــ
امصابه نحلني وهيج احزاني عليه
ورث عليه امصاب يوم الغاضريه
راسه مشو به او ظلت جثته رميه
ظلت ثلاثتيام لا غسل او تكفين
ــــــــــــــــــــــــــــــــــــــ
والله ما شتت اولادي في البريه
واسقاهم الغصات او كاسات المنيه
الا الذي هم من گبل دخلو عليه
او لحو بالضرب واسقطو الجنين
ــــــــــــــــــــــــــــــــــــــ
ولا بلد الا وفيها منهم أكبور
ليه ابغداد المشومه منطفي نور
وابنه علي في طوس گلبه انشطر باشطور
والي نحلني ياخلايگ ذبحة حسين
ــــــــــــــــــــــــــــــــــــــ
واحد ابطوس امغرب او واحد ابغداد
او واحد بسامرا او عني كلهم ابعاد
ماعندي الا من سقوه السم في زاد
او عندي گبر باقي البقيه اخليفة احسين
الشاعر المرحوم الملا علي بن فايز
#اللهم_عجل_لوليك_الفرج
4,440
تراث القصائد الحسينية
۵ اردیبهشت ۱۴۰۵، ۰۲:۳۶
خدام الحسين يطلقون حملة
على برنامج X (التويتر)
بالمطالبة ببناء قبور سادة البقيع
وهذا الهاشتاگ
#البقيع_مطلبنا_والنصر_لنا
لا تقصروا بالوقوف معهم
خدمة لسادة البقيع
(روحي لترابهم الفداء)
3,620
26
0
تراث القصائد الحسينية
۵ اردیبهشت ۱۴۰۵، ۰۲:۳۶
#تـراث
يمتى بو صالح يثور ابثاره
وتسطع بكل النواحي انواره
ــــــــــــــــــــــــــــــــــــــ
بالفرج عجل يبو صالح وثور
الذخر انت والعلى الشيعه غيور
سيدي ما يحتمل گلب الصبور
والدهر بینا فعل بافکاره
ــــــــــــــــــــــــــــــــــــــ
سيدي بجاه الرسول وبضعته
الطاهره الماتت چبدها امفتته
وبالضلع لقسم عليك وكسرته
وبالجنين وعصرته ومسماره
ــــــــــــــــــــــــــــــــــــــ
بجاه داحي الباب هزاز الحصون
نور عرش الله وسر الله المصون
ساقي العدوان من سيفه المنون
ناصر احمد و آیته وکراره
ــــــــــــــــــــــــــــــــــــــ
ذاك ابو الحسنين حصن الله المنيع
وجاه شبله اللي جرع سم النقيع
عمك اللي انهدم قبره بالبقيع
سيدي وقطعوا غصب زوّاره
ــــــــــــــــــــــــــــــــــــــ
سيدي وبجاه عملة كربلا
وجثة الظلت بدمها مغسله
بذبحة الخامس فرجنا تعجّله
بالحريم اللي خذوها يساره
ــــــــــــــــــــــــــــــــــــــ
سيدي بـجــاه الـتـگيد باليسر
وابنه الباقر وبالصادق دجر
سيفك وخـل تـرف رايات النصر
وثور يـالترقب مجي انصاره
ــــــــــــــــــــــــــــــــــــــ
وحق ابوك الكاظم وشبله علي
تثور ماظل الشريعتكم ولي
چي رضيت الدين يمحى وينولي
واحنا نمشي والدمع يتجارى
ــــــــــــــــــــــــــــــــــــــ
وبالجواد وعلي وحق العسكري
ضايعين وكل وكت نجرع شري
ترخص وطب على الكوفه والغري
انت سيف الله دشنها غاره
ــــــــــــــــــــــــــــــــــــــ
إنت سيف الله ولسانه وآيته
والإسم لعظم ورب اولايته
تدري ابعبدك عطيه وغايته
بيك يتوسل يــحــامــي جـاره
ــــــــــــــــــــــــــــــــــــــ
يبو صالح چم نخيتك قبل هاي
انت الوسيله يا ذرى الشيعه وذراي
بيك حاجاتي انقضت يا ملتجاي
شع يـنــور الــخــالــق ومـخـتـاره
الشاعر المرحوم ملا عطية الجمري
(406)
#اللهم_عجل_لوليك_الفرج
