هنوز هیچ نظری وجود ندارد. اولین نفری باشید که نظر خود را به اشتراک میگذارید!
آخرین پستها
حِنيّـة.
۲ خرداد ۱۴۰۵، ۲۳:۴۰
راح يكرهوك بدون سبب واسمك راح ينحط بسوالف مابيها داعي ومشاكل إنتَ مالك يد بيها راح يحچون عنك شغلات ما بيك وتطلع عنك قصص غريبة عجيبة وبالأخير راح يصوروك إنتَ الظالم الوحيد بكل القصة كل شي تتوقعه وما تتوقعه راح ينگال، إلا الطيب اللي سويته والخير اللي قدمته، وأي شغلة سويتها لوجه الله مو لخاطرهم صدگني هاي كلها راح تنمسح وتنتسي كأنها ما چانت أصلاً لهذا السبب، لازم تتقبل فكرة إنك مو دائماً مرغوب بيك، ولا إنتَ المحبوب عند الكل، رب العالمين هيج خلق الناس، عمرهم ما اجتمعوا ولا اتفقوا على أحد، فلا إنتَ الملاك الطاهر بنص شياطينهم، ولا إنتَ الوردة اللي تزهي بوسط شوكهم، ولا همَّ اللي راح يبقون إلك أو يبچون عليك لآخر العمر .. أخذها مني كلمة وخليها ببالك دوم مادام الله بگلبك ويسمعك ويشوفك امشي بطريقك ولا تلتفت وراك، ماراح ينفعك أحد إلا بعلمه ورحمته، ولا راح يضرك أحد إلا بحكمته♥️.
4,580
221
0
حِنيّـة.
۲ خرداد ۱۴۰۵، ۲۳:۴۰
الدنيا الي أنتَ واني وكُلنا بيها
هاي "مدرسة"
تخرجك مَنها هو يوم وفاتك.
4,440
251
0
حِنيّـة.
۲ خرداد ۱۴۰۵، ۲۳:۴۰
حتى لا يروح واهسك وتحس بالإحباط
عود نفسك لا توگف بنص الدرب، لا تعوف كتاب بديت بي، ولا مشروع صرت جزء منه، ولا فكرة خططت إلها، ولا طبع تعودت عليه، ولا سلوك مأدب ممشاك.. إلا إذا صار ظرف قاهر وگف بوجهك.
دير بالك من كثرة التنقل، ولا تخلي الملل يرافگك بكل خطوة ولا تباوع لبعيد وتنسى روحك والبيّدك
إياك تدور "الكمال" بكل شي لأن الكمال لله وحده، ولا تشتت روحك وتتطشر بكل وادي، تاليها حتى أنت ما تعرف تلم نفسك.
4,770
251
0
حِنيّـة.
۲ خرداد ۱۴۰۵، ۲۳:۴۰
اكو شغلات بالنسبة إلي قبل چم سنة چانت كلش غالية وما أگدر أشتريها..
اشتريتها ورا ما زاد سعرها وصارت بمقدوري وبين إيدي..
هسه هم اكو شغلات سعرها عالي عليّ.. بس أدري من رب العالمين يأذن لي بيها راح أگدر أشتريها بدون حول مني ولا قوة..
وهذا الشيء هو اللي عمّق يقيني برزق رب العالمين..
مالها علاقة لا بدول ولا بسياسات ولا بأقتصاد..
الرزق والبركة الهم حسابات ثانية تختلف تمامًا، وعقلنا المحدود يعجز عن تفسيرها..
