*عمرك سألت نفسك ليه اليهؤد قالوا إن عُزير ابن الله؟ ومين عُزير ده أصلًا ؟!🤔‼️ ⤹*
في فترة من فترات ضعف بني إسرائيل، اتعرضوا للغزو من عدو، العدو ده يُقال إن كان اسمه بختنصر؛ ملك بلاد بابل.
بختنصر قتل أعداد كبيرة جدًا من بني إسرائيل وشرد أعداد أكتر، وقبل ما يمشي أخد الباقي منهم أسرى معاه!
مش بس كده، لا ده أمر جنوده بحرق التوراة، وردم بيت المقدس بالتراب!
خراب بمعنى الكلمة!
عُزير كان من ضمن الناس اللي بختنصر خدهم معاه بابل!
-مين عُزير؟🤔
=يُقال إن عُزير كان رجل صالح من بني إسرائيل ومافيش أي دليل من السنة أو القرآن يثبت إنه كان نبي، وهو قول جمهور العلماء
يقال إن بختنصر أخد غُزير وهو كان صبي صغير، ولما عُزير أتم ال٤٠سنة، الله أكرمه بالحكمة، وكان الشخص الرابع لحفاظ التوراة
-مين هما الحُفاظ التلاتة غيره؟
=سيدنا موسي وسيدنا عيسى ويشع.
لما سقطت الإمبراطورية البابلية عُزير ساب بابل ورجع فلسطين.
وفي يوم وعُزير راكب حماره وماشي بيه بين القرى مر على القرية اللي فيها بيت المقدس والبيوت اللي حواليه واللي كان لسة الخراب سايب علاماته عليهم!
بيوت خالية من السكان، خالية من أي علامة من علامات الحياة!
فلما شاف المنظر ده قال:"أَنَّىٰ يُحْيِي هَٰذِهِ اللَّهُ بَعْدَ مَوْتِهَا"
سؤال عُزير كان إستعجاب من قدرة الله مش كفر!
بعد ما سأل السؤال ده في نفسه، نزل من على حماره ودخل بيه مكان من الأماكن المهجورة دي وربطه جمبه، وطَلَع أكله عشان ياكل وكانت لسه الشمس طالعة.
الأكل كان عبارة عن فاكهة تين، عصير عنب وعيش ناشف، حط العيش الناشف في عصير العنب عشان يطرى شوية ويعرف ياكله، وفَرَد جسمه جنب الأكل، وعينه غفلت فنام!
لما صحي لقى مَلَك مُنزل من السماء واقف قدامه وسأله:"كم لبثت" (نمت أد إيه)؟
فعُزير رد على المَلَك وقاله:"لبثتُ يَوْمًا أَوْ بَعْضَ يَوْمٍ ۖ "
(يادوب نمت يوم، بس لما بص للسماء ولقى الشمس لسه طالعة قاله نمت كام ساعة بس)!
فالمَلَك قاله:"بَل لَّبِثْتَ مِائَةَ عَامٍ فَانظُرْ إِلَىٰ طَعَامِكَ وَشَرَابِكَ لَمْ يَتَسَنَّهْ ۖ وَانظُرْ إِلَىٰ حِمَارِكَ وَلِنَجْعَلَكَ آيَةً لِّلنَّاسِ ۖ وَانظُرْ إِلَى الْعِظَامِ كَيْفَ نُنشِزُهَا ثُمَّ نَكْسُوهَا لَحْمًا ۚ "
المَلَك قاله إنه مانمش ساعتين زي ما افتكر ،ولا حتى يوم كامل!، لا ده نام ١٠٠سنة!، والمعجزة إن أكله وشربه (التين والعيش الناشف وعصير العنب) لسه طازة زي ماهما محصلهومش أي حاجة!
لكن الحمار مات واتحلل وبقى عبارة عن عظم وتراب جنبه
-طب أشمعنى الحمار؟!
=عشان الله أرد إنه يُحيي الحمار قدام عُزيز كرد على سؤاله اللي سأله في نفسه قبل ماينام، وفعلًا الله أمر عضم الحمار إنه يتجمع، ولما أتجمع أمر إن العضم يتكسي باللحم ورد له الروح من تاني، وكل ده كان قدام عُزير، شايف كل اللي بيحصل بعينه! عُزير اللي هو أصلًا كان معجزة لنفسه لما قام تاني من موته!
مش بس كده لا ده عُزير حصله مفاجأة لما خرج من المكان اللي كان فيه بعد ال١٠٠سنة ولقى القرية كلها فيها ناس وبقت طبيعية وكإن هي كمان دبت فيها الروح!
قال تعالى( آية ٢٥٩ من سورة البقرة) :"
أَوْ كَالَّذِي مَرَّ عَلَىٰ قَرْيَةٍ وَهِيَ خَاوِيَةٌ عَلَىٰ عُرُوشِهَا قَالَ أَنَّىٰ يُحْيِي هَٰذِهِ اللَّهُ بَعْدَ مَوْتِهَا ۖ فَأَمَاتَهُ اللَّهُ مِائَةَ عَامٍ ثُمَّ بَعَثَهُ ۖ قَالَ كَمْ لَبِثْتَ ۖ قَالَ لَبِثْتُ يَوْمًا أَوْ بَعْضَ يَوْمٍ ۖ قَالَ بَل لَّبِثْتَ مِائَةَ عَامٍ فَانظُرْ إِلَىٰ طَعَامِكَ وَشَرَابِكَ لَمْ يَتَسَنَّهْ ۖ وَانظُرْ إِلَىٰ حِمَارِكَ وَلِنَجْعَلَكَ آيَةً لِّلنَّاسِ ۖ وَانظُرْ إِلَى الْعِظَامِ كَيْفَ نُنشِزُهَا ثُمَّ نَكْسُوهَا لَحْمًا ۚ فَلَمَّا تَبَيَّنَ لَهُ قَالَ أَعْلَمُ أَنَّ اللَّهَ عَلَىٰ كُلِّ شَيْءٍ قَدِيرٌ"
أَدِيبْ 🤎
۱۰ فروردین ۱۴۰۵، ۰۶:۲۰
بعد كده رجع عُزير لبيته؛ العُزير كان له خادمة كان عمرها قريب من عمره، فلما وصل لقاها عدت ال١٤٠سنة تقريبًا وبقت كفيفة وهو لسه في ال٥٠ من عمره تقريبًا، لإنه بُعث من الموت في نفس العمر اللي مات فيه!
فلما عَرَفها بنفسه وإنه عُزير، كذبته وقالتله عُزير أختفى ومات من ١٠٠سنة، فلما حاول يقنعها تاني، قالتله:"العُزير كان مستجاب الدعاء، وعشان أصدق إنك العُزير، ادعيلي الله إنه يردلي بصري"!
وفعلًا عُزير دعالها وربنا رد لها بصرها.
فلما شافته عرفت إن هو العُزير، فجريت على بني اسرائيل وقالتلهم العُزير لسة عايش.
الناس ماكنوش مصدقينه فقرروا يختبروه وقالوله:"لما جه بختنصر وحرق كل التوراة، في رجل صالح دفن نسخه منها وقال لأهله على مكانها، والعُزير كان حافظ للتوراة، فلو أنت العُزير فعلًا، اقرأ علينا التوراة كلها "!
وفعلًا العُزير قرأ عليهم التوراة كاملة! وماغلطش في حرف!
فلما اليهؤد عرفوا اللي حصل لعُزير قالوا إن رجوع عُزير من الموت كان بسبب إنه ابن الله !
زي ما قالت النصـ..ارى:" عيسى بن الله"
وبسبب قول اليهؤد وإفترائهم على الله بنسبهم إليه ولد وهو سبحانه لم يلد ولم يولد
أنزل آية ٣٠من سورة التوبة
فقال تعالى :"وَقَالَتِ الْيَهُودُ عُزَيْرٌ ابْنُ اللَّهِ وَقَالَتِ النَّصَارَى الْمَسِيحُ ابْنُ اللَّهِ ۖ ذَٰلِكَ قَوْلُهُم بِأَفْوَاهِهِمْ ۖ يُضَاهِئُونَ قَوْلَ الَّذِينَ كَفَرُوا مِن قَبْلُ ۚ قَاتَلَهُمُ اللَّهُ ۚ أَنَّىٰ يُؤْفَكُونَ"
1,720
28
أَدِيبْ 🤎
۱۰ فروردین ۱۴۰۵، ۰۶:۲۰
إنها ليلة الجمعة يا ربّ.. أحب الأيام إليك.. فاللهم ببركة الصلاة على حبيبك مُحمد نسألك أن تفرّج همومنا، وتُذهِب الحزن عن قلوبنا، وتُنزل علينا من السعادة والبشائر ما يفوق أمنياتنا، وتُجيب الخير من دعواتنا، وأن يُدرِكنا لُطفك، ويشملنا عفوك، وتحاوطنا ببركتك.. اليوم وكل يوم.. يا ربّ💗
1,540
12
0
أَدِيبْ 🤎
۱۰ فروردین ۱۴۰۵، ۰۶:۲۰
«بسم الله الذي لا يضر مع اسمه شيء في الأرض ولا في السماء، وهو السميع العليم»
ذكر طيب جميل، من قاله ثلاث مراتٍ حين يصبح وحين يمسي لم يضره من الله شيء.
1,480
15
0
أَدِيبْ 🤎
۱۰ فروردین ۱۴۰۵، ۰۶:۲۰
أدعوكَ في يوم الجمعه :
أهدِ لي نَفسي وأعنِي عليها ياربّ.
1,430
20
0
أَدِيبْ 🤎
۱۰ فروردین ۱۴۰۵، ۰۶:۲۰
إنَّ الصَّلاة على النَّبي غنيمةٌ، تُكفى بها همّك ويُغفر بها ذنبكَ وتنالُ بها رغائبك.💗
1,400
20
0
أَدِيبْ 🤎
۱۰ فروردین ۱۴۰۵، ۰۶:۲۰
في ليلة الجمعة:
*" يا رب اجبر خواطرنا جبراً يليق بكرمك،*
*وبشرنا بما يسرنا وكف عنا ما يضرنا،*
*واجعل لنا من كل ضيق مخرجاً ..وفرجاً،*
*وارزقنا استجابة لكل دعاء رفعناه إليك*
*وافتح لنا مغاليق الأمور.. ويسرها بلطفك،*
*يا أرحم الراحمين،*🤲🏻🤎🤎🤎🍂. .
1,880
13
0
أَدِيبْ 🤎
۱۰ فروردین ۱۴۰۵، ۰۶:۲۰
انسُوا المنطق وأنتم بتدعوا، قولوا كل اللي نفسكم فيه، وخَلُّوا عندكم حُسن ظن بالله، ومتشغلوش بالكم الدعوة دي هتتحقق إمتى ولا إزاي 💛.
1,860
23
0
أَدِيبْ 🤎
۱۰ فروردین ۱۴۰۵، ۰۶:۲۰
على طول كنت بسأل نفسي ليه اشمعنا اقول دعاء "اللهم إنك عفوٌ تحبُ العفوَ ، فاعفُ عني" ؟
لحد اما الحمد لله قابلت إجابة رائعة جدًا لابن القيم بتقول :"إن عَفا عنك، أَتتك حوائجُك من دونِ مسألة."
فاعفُ عنا ..
2,120
40
0
Showing 10 of 10 posts
No more posts
1,480
15
0
0
هنوز هیچ نظری وجود ندارد. اولین نفری باشید که نظر خود را به اشتراک میگذارید!
