⋆ ࣪. 🗯️
رحلة إلىٰ عالم آخر هاي قصة " بتول " بنية كُلش هادئة وتُحب ربّها بيوم من الأيام نامت بتول نومة عميقة ومرتاحة بس هالمرة حلمها چان مو مثل أي حلم چان رحلة لعالم محد يعرفه عدل عالم البرزخ لقاء الأرواح والصدى العميق شافت بتول نفسها بمكان غريب لا هوَ ليل ظلمة ولا هو نهار يعمي العيون چان ضوٌّ خفيف يلف المكان تحسّ بيه بهدوء بس بنفس الوكت چان اكو شي غريب ومخوّف. بسرعة عرفت بتول إنها بالبرزخ عالم بين دنيانا وبين الآخرة باوعت بتول حواليها وشافت أرواح تلمع خفيف وتحچي بهمس وأكو أرواح ثانية چان عليها مثل الضباب سمعت أصوات چنها صدى لأعمال سووها أصحابها بالدنيا قربت من وحدة من هاي الأرواح وشافت واحد تعرفه من زمان بس چان متوفي حاولت تحچي وياه بس هو بس يباوعلها بسكينة، چن السكينة هي اللي تحچي هنا افتهمت بتول إن الأرواح هناك ما تحچي مثلنا وإنما أعمالها هيَ اللي تحدد حالتها ، إذا چانت أعمالها زينة تعيش براحة وسعادة وإذا چانت أعمالها مو زينة تعيش بضيق وتعب أعمال تُصبح أنسًا أو ضيقًا شافت بتول شلون أعمال الناس الزينة بالدنيا تتحول هناك بالبرزخ لرفيق ويا الروح ينطيها نور وفرحة كُل تسبيحة وكُل صدقة وكُل كلمة حلوة تصير أنس وراحة للروح وبالمقابل، شافت شلون الذنوب والتقصير تتحول لضيقة ووحشة علىٰ هاي الأرواح اللي ما استعدت ليوم الحساب حست بتول بثگل بگلّبها وهيَ تشوف أرواح متأذية بسبب غفلتها عن الله وتقصيرها بحقوق الناس الزمن المُتغيّر واليقظة تأملت بتول حال الأرواح ماكو جسم ياكل ويشرب بس أرواح صافية تنتظر اليوم الكبير الي هوَ يوم الحساب حست إن الوقت بالبرزخ يختلف مرات تحسه لحظة ومرات تحسه أبدية وهذا يعتمد على حال الروح وأعمالها كعدت بتول من حلمها وهي مصدومة وكلش متأثرة گلبها چان يرجف من اللي شافته عرفت إن عالم البرزخ مو بس فكرة نسمعها وإنما حقيقة منتظرة كل واحد بينا بعد ما يموت .
⋆ ࣪. 🗯️
- العبرة من القصَة :
رسالة إلنا كلنا رسالة كلش بسيطة وواضحَة ترى البرزخ هذا هو المحطة الأولى بعد ما نفارق الدنيا يعني مو نهاية الطريق اللي سوّيناه بدنيانا من زين وشين، هو اللي يحدد شلون راح نعيش هناك تخيلوا كُل صلاة نصليها وكُل صيام نصومه وكُل فلس نتصدق بيه وكُل كلمة طيبة نطلعها من حلگنا وكُل گلب نجبره ، كُل مساعدة نقدمها لناس محتاجة كُل هذا راح يصير نور يونسنا ويجيب إلنا الفرحة هناك بالبرزخ ومثل ما اكو نور اكو هماتين ضلمة وتعب للّي قصروا وغفلوا عن ربهم وعن حقوق الناس المهم والمغزى من القصَة هو إن دنيانا هاي هي المزرعة اللي نزرع بيها لآخرتنا كُل لحظة نعيشها هيَ فرصة ذهبية نزرع بيها خير وهذا الخير راح نحصده بالبرزخ بيوم الحساب فلازم ما نأجل التوبة وما ننسى نستعد للموت لأن قبرنا هو أول بيت إلنا بالآخرة والبرزخ هو الباب اللي يراوينا شسوينا قبل لا نوگف گدام رب العالمين ، فدوة لعينكُم خلونا نتعظ من قصة " بتول " ونحاول بكِل گلبنا نعيش حياتنا بطريقة ترضي رب العالمين حتى نكون مستعدين لهالرحلة الحتمية رحلة لعالم البرزخ وبعدها لملتقى رب العباد .
⋆ ࣪. 🗯️
-بَتُول حَازُم
﮼بَتُول حَأْزِم
۳۱ اردیبهشت ۱۴۰۵، ۰۰:۲۶
كُلَّ المتاعِبِ أُجورٌ عِندَ الله .
20,300
439
0
﮼بَتُول حَأْزِم
۳۱ اردیبهشت ۱۴۰۵، ۰۰:۲۶
📷 Photo
السجادة حُضن للماعنده أُم .
25,600
630
﮼بَتُول حَأْزِم
۳۱ اردیبهشت ۱۴۰۵، ۰۰:۲۶
📷 Photo
♥️ .
31,800
996
﮼بَتُول حَأْزِم
۳۱ اردیبهشت ۱۴۰۵، ۰۰:۲۶
📷 Photo
بَتول طالِبة ثانِي متوسط .
15,200
506
﮼بَتُول حَأْزِم
۱۶ اردیبهشت ۱۴۰۵، ۱۱:۴۳
اللحظة الّي توكف بيها وتحير
من الألم منين تبدي تحجي
" لأيّ الأمور إليكَ أشكو ؟ "
14,300
259
0
﮼بَتُول حَأْزِم
۱۶ اردیبهشت ۱۴۰۵، ۱۱:۴۳
" الحمد للّٰه وصَل عاشور وامتدِّ العُمر بيّة "
13,900
267
0
﮼بَتُول حَأْزِم
۱۶ اردیبهشت ۱۴۰۵، ۱۱:۴۳
عندما كُنت في السن الخامسة من عمري كنت افكر ان لا يأتي محرم الا بصَوت ذالك الرجل الذي لا اعلم عنه سوىٰ صوته كان يضج منزلنا والشوارع بصوته الم اكن اعلم معنى كلماته التي كان يتلفظ بها لكن كنت استمع الى صوته تكراراً ثم كبرت مع قصائده اخذت معها حبي وإيماني بالله وال محمد حيث كل قصيدة كانت لها قصة معي ،كُل قصيدة تبنى لي اخلاقاً وإيماناً وتقربا بالله وبـ محمد وبعترته ف الحمد لله على نعمة نافدة روحي .
12,500
284
0
﮼بَتُول حَأْزِم
۱۶ اردیبهشت ۱۴۰۵، ۱۱:۴۳
بَتول طالِبة أول متوسَط.
15,800
261
0
﮼بَتُول حَأْزِم
۳۰ فروردین ۱۴۰۵، ۱۰:۲۰
من عُمق گلبكم ادعوا اللّٰه
يستجاب لدُعائي ويحقق
الي ببالي وحَتى لو تسوولي
" يامُسهل الامور ، يامُجيب "
شگد متگدرون وشُكرًا الكُم .
