ቶጳዝዮን

Public

مشاهده کانال

نمی‌توانید بپیوندید؟ @topazionnn

۳.۳k عضو

به‌روزرسانی شده: May 3, 2026 at 10:16 PM

ቶጳዝዮን

"ቶጳዝዮን"ማለት ቢጫ የከበረ ድንጋይ ፣ዕንቍ ማለት ነው። በተስፋ የተቃኘዉን ሀሳባችንን እና ስሜቶቻችንን በዕንቊ ቃላቶች እያዋዛን በብዕራችን የምንገልፅበት ምርጥ ቻናል ነው። ለማንኛውም አስተያየት👇👇 @ediwub @Tirrubel

@topazionnn is a dedicated channel for ediwub and tirrubel with regular updates in میم (Memes)

رتبه‌بندی

رتبه‌بندی جهانی

#456

رتبه‌بندی زبان

#45

رتبه‌بندی دسته‌بندی

#23

-1

رشد مشترکان (2 روز گذشته)

مجموع: 3.3K

رشد 24 ساعت: +79 2%

آخرین پست‌ها

ቶጳዝዮን

۸ اردیبهشت ۱۴۰۵، ۲۲:۳۹

አ ገ ሬ

አገሬ ውበት ነው፣
ለምለምና ነፋስ የሚጫወትበት፣
ፀሃይ የሞላበት፣ ቀለም የሞላበት።
አገሬ ቆላ ነው፣ ደጋ ወይና ደጋ፣
እዚያ ብርሃን አለ ሌሊቱ እስኪነጋ።
አገሬ ተራራ ሸለቆ ረባዳ፣
አገሬ ጅረት ነው ገደልና ሜዳ፣
ውበት ነው በበጋ ፀሃይ አትፋጅም፣
ክረምቱም አይበርድም፣
አይበርድም፣ አይበርድም።
አገሬ ጫካ ነው፣
እንሰሳት አራዊት የሚፈነጩበት፣
በወጥመድ ሳይገቡ ሳይነካቸው ጠላት።
እዚያ አለ ነፃነት፣
በሃገር መመካት፣
በተወላጅነት፣
በባለቤትነት፣
እዚያ አለ ነፃነት።
አገሬ ሃብት ነው፤
ጎመኑ ስብ ጮማ፣ ቆሎው ክትፎ ስጋ፣
ድርቆሹ ፍትፍት ነው፣ ቃሪያው ሙክት ሠንጋ፣
ጠጁ ነው ወለላ፣
ከኮኛክ ያስንቃል የመንደሩ ጠላ።
እህሉ ጣእም አለው እንጀራው ያጠግባል፣
ከቢራ ከሻምፓኝ ውሃው ይጣፍጣል፣
በዓሉ ይደምቃል፣
ሙዚቃው ያረካል፣
ጭፈራው ዘፈኑ ችግርን ያስረሳል።
እዚያ ዘመድ አለ፣
ሁሉም የናት ልጅ ነው፣
ሁሉም ያባት ልጅ ነው፣
ጠላትም አንዳንዴ ይመጣል መቃብር፣
ባለጋራም ቸር ነው “ያገር ልጅ ሲቸገር” ፤
ገነት ነው አገሬ።
ምነው ምን ሲደረግ ?
ምነው ለምን እንዴት ?
ዘራፊ ቀማኛ ምቀኛ ወንበዴ፣
ጥርኝ አፈር በጁ ስንዝር ወሰን አልፎ፣
የተቀደሰውን ያፍሪቃ ላይ ደሴት፣
ባያገኝ ለማርከስ ጠላት ይመኝ እንዴት።
እምቢኝ አሻፈረኝ፣
አሻፈረኝ እምቢ፣
መቅደስ ነው አገሬ፣
አድባር ነው አገሬ፣
እናትና አባት ድኸው ያደጉበት፣
ካያት ከቅደም አያት የተረካከቡት፣
አፈር የፈጩበት፣
ጥርስ የነቀሉበት።
አገሬ ዓርማ ነው፣ የነጻነት ዋንጫ፣
በቀይ የተጌጠ ባረንጓዴ ቢጫ።
እሾህ ነው አገሬ፣
በጀግናው ልጅ አጥንት የተከሰከሰ፣
ጠላት ያሳፈረ አጥቂን የመለሰ።
አገሬ ታቦት ነው ፣ መቅደስ የሃይማኖት፣
ዘመን የፈተነው በጠበል በጸሎት።
ለምለም ነው አገሬ፣
ውበት ነው አገሬ፣
ብሞት እሄዳለሁ ከመሬት ብገባ፣
እዚያ ነው አፈሩ፣ የማማ ያባባ።
ስሳብ እሔዳለሁ ቢሰበርም እግሬ፣
አለብኝ ቀጠሮ ከትውልድ አገሬ።
አለብኝ ቀጠሮ
ከትውልድ አገሬ፣
ካሳደገኝ ጓሮ።
*
©✍ ገብረ ክርስቶስ ደስታ

1,840

ቶጳዝዮን

۸ اردیبهشت ۱۴۰۵، ۲۲:۳۹

📎 File

የማያልቅ መሻት
✍️ዔደን ታደሰ
https://t.me/ediwub

868

ቶጳዝዮን

۸ اردیبهشت ۱۴۰۵، ۲۲:۳۹

ዘማሪው በዜማው ሰባኪው በቃሉ፣
ጳጳሳት በቡራኬ እያከታተሉ
"ሰላም ነው" በማለት ህዝብን ሲያታልሉ፤
ህዝቡ በ1ነት
እውነትን ፍለጋ ከአዝማሪው ቤት ዋሉ፣

09/08/2018
በቴዲ አፍሮ ዘፈን ምክንያት
✍ https://t.me/Zemelak7

908

ቶጳዝዮን

۸ اردیبهشت ۱۴۰۵، ۲۲:۳۹

አያ ፍቅር ሆይ !
እኒያ ባሮችህ ላፍታ ሳይወቅሱህ
ከጥንት እስካሁን ስላወደሱህ
ጠገብሃል መሰል በደልከኝ በጣም !
"ፍቅር ከሌለኝ ከንቱ ነኝ" ብዬ
እምነቴን ክጄ ተስፋዬን ጥዬ
አንተን ስከተል
ጣልከኝ እገደል
መቼስ አይተዋል አገልጋዮችህ
እንዲህ አምኜህ ስትጥለኝ የትም
እንግዲህ እንጃ
ስምህ ቢጠፋ የለሁበትም ።

By Habtamu hadera

872

ቶጳዝዮን

۸ اردیبهشت ۱۴۰۵، ۲۲:۳۹

/ለእህት አለም/  ሽታዬዋ

እንባሽ ባይንሽ ፅዋ ሞልቶ
ከንፈር መጣጭ እስኪታዘብ፤
ስቃይ ጦሩን አስከትቶ
ሲጠፍርሽ መከራ ዘብ፤

ያካበትሽው  ከጅሽ ሲናድ
ኦና ሲሆን በረከትሽ፤
የድል ሻማሽ ጠፍቶ ሲቀር
ባይሰማ መለከትሽ፤

.
የኔ ያልሽው ሁሉ ሁሉ
ትቶሽ ሲሄድ በየምንዳው፤
ጓዙን ጭኖ ሲሰፍርብሽ
ብቸኝነት ከየጓዳው፤

የሰለለ እምነትሽን
በመዳፍሽ አልበጠስሽም፣
/ለምን ተስፋ አልቆረጥሽም/?

.
በየቀኑ በርምጃሽ ልክ
ተንኮለኛሽ እሾህ ሲያጥር፤
"ወይ እድሌ" ከማለት ውጭ
ልብሽ ክፉ ሳይጠረጥር፤

ቁስልሽን  በጨርቅ አስረሽ
እንደገና ለሾህ መንገድ
መንገታገት _መንገዳገድ...

እያነከስሽ ያሳለፍሽው
ታሪክሽን ማን ሊያውቅልሽ
ኑሮሽ ሁሉ እንቆቅልሽ

ድካም ብቻ ዝለት ብቻ
ዓለም ሁሉ ቢሆንብሽ፤
ምን አስችሎት መኖር ያዘ
በቃ ማያውቅ ድንድን ልብሽ፤

በእጅሽ ጣቶች ተመናጭቀሽ
ያንገት ክርሽን አልበጠስሽም፣
ለምን ተስፋ አልቆረጥሽም?

1,780

ቶጳዝዮን

۸ اردیبهشت ۱۴۰۵، ۲۲:۳۹

📷 Photo

ክርስቶስ ተንሥአ እሙታን
‎በዐብይ ኃይል ወሥልጣን
‎ነቅተህ ስትፈልገን ከበረትህ ታጣን !
‎አሰሮ ለሰይጣን አግዐዞ ለአዳም
‎ዐለቱ ልባችን ፍቅርህን አይረዳም !
‎ሰላም እምይእዜሰ
‎ነፍስ እንዳልነበረ እንደዛ ያለቀሰ !
‎ማረኙ ይቅርና
‎ከመቅደስህ ደጃፍ የለም የደረሰ
.
‎ኮነ ፍስሓ ወሰላም ተቋጨ ሰቆቃ
‎ስጋ እየደለበ ነፍስ ለእስር በቃ
ደስታ ነው ብንባል በበዓለ ሀምሳ
‎ተደሰቱ ያለው ክርስቶስ ተረሳ

[ ጥሩቤል ]

እየጠፋን ነው እናስተውል !

https://t.me/ebuhbhr
https://t.me/ebuhbhr
https://t.me/tirrubel

695

ቶጳዝዮን

۸ اردیبهشت ۱۴۰۵، ۲۲:۳۹

የተጣለ ፈረስ
(በእውቀቱ ስዩም)

ዘመኑ ያለፈ
ጋማው የረገፈ ፤
የጎድን አጥንቱ ፤ ማበጠርያ መሳይ
ጠዋት  ህያው ፍጡር፥  ሌሊት የጅብ ሲሳይ
ከተማው መግቢያ ላይ
አቧራ የሚቅም
የተጣለ ፈረስ አጋጥሞሽ ፤ አያውቅም?

“ካሁን አሁን መጥቶ፤
ይወስደኛል ነድቶ
ከጋጣው  አግብቶ ፤ ያበላኛል እብቅ “
እያለ ጌታውን ፥ተግቶ  የሚጠብቅ
የዛሬ ተጎታች ፤ የትናንቱ ሰጋር
ተባብሮ የከዳው፤ ጊዜ ከጌታው ጋር
የቸገረው አቅም፥
የተጣለ ፈረስ ፤ አጋጥሞህ አያውቅም?

ደሞስ መች ይጠፋል? ካንቺም ከኔም መንደር
የቀድሞ ወታደር፥
በጨነቀን ጊዜ ፥“በናት ሀገር ጥሪ “
የምናጣድፈው፥
በድል ቀን ከድግስ፥ የማናሳትፈው
ከነጣቂ መዳፍ ፥ አገር  የሚያስመልስ
በገዛ አገሩ ላይ፥
መብቱ ከወፍ አንሶ፤ ጎጆ የማይቀልስ፤

ደሞ መች ይጠፋል፤ ከኔም ካንተም ቀየ
መንገድ ላይ ምናልፈው፥  አይተን እንዳለየ
የቀድሞ አስተማሪ
ላብ እያጣቀሰ ፊደል አስቆጣሪ
ቀሪ ሀብት ባይኖረው፤
የቀረውን ዘመን፤ እያሰላ ኗሪ፤

ቪላችንን ሞልተን፥ በሱ ጎጆ ጉድለት
ማሰብ አስተምሮን ፥ የማናስበለት
ቀኖቹን በትኖ፤ ሌሊቶቹን ዘርቶ
ናላውን፥ ጉልበቱን ፥ ውበቱን  ሰውቶ
የሚጎተት አገር፥ ከግቡ ለማድረስ
ሺህ መንገድ አቅንቶ፥ ሺህ ገደሎች  መውረስ
ሰው ቢሉት ሰው ነው ወይ?
የተጣለ ፈረስ ::

945

ቶጳዝዮን

۸ اردیبهشت ۱۴۰۵، ۲۲:۳۹

📷 Photo

.......

ከዛ ከማዶ ጋራ አይቼ ጭላንጭል ፀዳል፣

ለመሄድ ሳስብ ፈጥኜ ሀሳብ ሳነሳ ስጥል፣

የቅርቡን ማየት ተስኖኝ የሩቁን መንገድ ሳማትር፣

ለካ...................

የቤቴን ጽልመት ማርከሻ ኩራዝ ከቤቴ ነበር።

[ ዔደን ታደሰ ]
https://t.me/ediwub

4,390

ቶጳዝዮን

۸ اردیبهشت ۱۴۰۵، ۲۲:۳۹

📎 File

[ ዔደን ታደሰ]
https://t.me/ediwub

891

ቶጳዝዮን

۸ اردیبهشت ۱۴۰۵، ۲۲:۳۹

መውደዴን ለንፋስ ነግሬው - ይዞብኝ ሄደ
መልክሽን በብራና ስዬው -  ተቀደደ

ስስቴን ባሰፍረለት ለባህር
ሳቀብኝ እንደክፉ መምህር

ስላንቺ ሚሰማኝን ለሰማይ ብነግረው
አመቱን በሙሉ - ክረምት አደረገው

በነፍሴ ያመላለስኩት
በአጥንቴ የታመምኩት

ለሳር ለቅጠሉ ብለፍፍ
ተቆጠረ እንደሴተኛ አዳሪ እድፍ!

አየሽ !

ለዚህ ነው የምጎዳው - ለዚ ነው ምትጎጂው
ለማይሰማኝ ነውና የማወራው
ለማይሰማሽ ነውና የምታስረጂው!

እወቁልን አያሻንም  ይቅር አንታይ ከጫፍ ጫፍ
ብንታመም ዝም እንበል እንደሚጠረብ ዛፍ

አንዳንድ ልክ አለ
ቢነገረም የማይጠቅም - ቃልን ዝምታ ያሳከለ

አንዳንድ እውነት አለ
አንዳንድ ህመም አለ  - ብንለፋ ብንጥር
እያነሰ ሚሄድ  ባስረዳነው ቁጥር!

ኤልያስ ሽታኹን

1,100

ቶጳዝዮን

۲۶ فروردین ۱۴۰۵، ۰۸:۲۹

ማስያስ ናይን
.
.
.


በቅናት ተሞልተው -ለክሳቸዉ ፅሕፈት-ነዉርን ቢያጡብህ፤
አይሁድ ተመካክረው-ምስክርን ገዙ- አደፍ ሳይኖርብህ።

አይቶ ላስተዋለ-ልቆ የሚሰማ-ከአይሁድ ጫጫታ፤
ከንግግር በልጦ-ልብ የሚጠረጥር-ረጅም ዝምታ።

እንደምን ያለ ነው?

ምራቅ እየተፋ-ዲያቢሎስ አዳምን-ሲኦል እንዳስገባዉ፤
ጌታችን ተዋርዶ-ምራቅ ተተፍቶበት-ዳግመኛ ሊክሰዉ፤
ልምዳቸው እንዳይቀር-በርባንን ፍታልን ብለው ሲጠይቁ፤
ክርስቶስን ሰቅለው-ወንጀለኛን ገደልን-ብለው ሊራቀቁ።

የሾህ አክሊል -ጎነጎኑ -ከራሱ ሊያኖሩ፤
ሶኩን አቀዳጅተዉ-ንግሥናውን ሽረዉ-ሞቱን ሊናገሩ፤
ስቀለው!እያሉ - ሩህሩሁን ጌታ-ፍትሕን ነፈጉት፤
ንዋይ በገዛቸዉ-በሀሰት መሳክርት-ሞትን ፈረዱበት።

ስቀለው! ስቀለው !ይሰቀል !
የሚሉ ጩኸቶች -ከዛ ካደባባይ-አይለዉ ሲሰሙ፤
በጥላቻ መንፈስ -ፊቱን ተመልክተው-ሌሎች ሲራገሙ፤

እንደምን ያለ ነው ?

ህመምን ፈዉሶ-ጎባጣ ያቀናን አልባስክን መገፈፍ፤
ከእጅህ በጎረሰ-ካንተ በተማረ -ወንበዴ መገረፍ።

ዉሃን የፈጠረ-ዉሃ ተከልክሎ-ሀሞት ሲቀርብለት፤
በሰፈነግ ሞልተው-ሆምጣጤ ቅልቅል-ቀድተው ሊያጠጡት፤
መራራ መጠጡን -ቀመሰና ተወዉ-ሊጠጣ አልወደደም፤
ለወጉት ከሳሾች-ሰድበው ለተፉበት-በቀል አልተመኘም።

ድንግሊቱ ታለቅሳለች-ከመስቀሉ ስር ተደፍታ፤
በመስቀል ዉሎ እያየች-ልጇ ሲንገላታ፤
ከደረቱ የተጠጋው -ታማኙ አገልጋይ-ትህትናን ያዘለዉ፤
እናቱ ትሆን ዘንድ-እሱ እንዲሆን ልጇ-አደራ ተሰጠዉ።

የአለም ብርሃን-ተከሶ ብታየዉ-ጠሀይቱ ጨለመች፤
የፍጥረታት ጌታ-መሞቱን ብታየው-ጨረቃ ደም ሆነች።

ዮሴፍ ወ ኒቆዲሞስ -በሐር በፍታ ገነዙት፤
መግነዙን አስረው-ባዲስ መቃብር አኖሩት።

ጌታችን ተነሳ- በሃይሉ-መቃብሩን ፈነቃቅሎ፤
በሥልጣኑ- ነፃ አወጣን -ሞታችንን ገድሎ፤
በፍቅር ተስቦ-ነፍሳትን አወጣ-ሲኦልን መዝብሮ፤
እብለት የሌለውን -ትንቢቱን ፈፀመ-ዲያቢሎስ አስሮ።

ግን እኔስ????

ከትንቢቱ ፍፃሜ-ከሞትና ትንሣኤው -አብሬ ያልተባበርኩ፤
ከመርከቢቱ ተኝቼ-ከጥልቁ ባህር የሰመጥኩ፤
መንገዱ የጠፋብኝ-በሃጢአት ሸክም የጎሰቆልኩ፤
ከቤት ርቄ -'ምቅበዘበዝ-ማረፊያ አጥቼ፤
ወደ ኩነኔ የገባሁ-የፅድቅ መንገዱን ትቼ፤
ኪሪያላይሶን -ማረኝ አትለፈኝ፤
እንደቸርነትህ-ከእቅፍህ አስገባኝ።

የክፋትን መርዝ-በማር ለዉሼ-የምሸጥ፤
ከመቅደስህ ሰርቄ-ለመቅደስህ 'ምመፀዉት፤
ያቺን መክሊት -ቀበርኳት-እንዳተርፍበት ከሰጠኸኝ፤
ቆፍሬ አኖርኳት-ሸጬ ለዉጬ-ሳልገኝ፤
እብኖዲ ናይን -አምላክ ሆይ!ማረኝ፤
መፃጉዕ ነኝና- አይተህ አትለፈኝ።


ወንጌልን ሰምቼ-በሌላኛው ጆሮ-ዘፈን ሳደምጥበት፤
ቆሞ ባስቀደሰ-በክቡር አካሌ-እየጨፈርኩበት፤
ዘወትር ከደጅህ -የምገኝ-መንፈሴ ካንተ የራቀ፤
ብኩን ከንቱ -መሆኔ-አለማወቄን ያሳበቀ፤
ማስያን ናይን- መሲሕ ሆይ! ማረኝ
ለምፅ  የወረሰኝ-ድዉይ ነኝና -አምላኬ ማረኝ፤
ማስያስ ናይን-መሲሕ ሆይ! ማረኝ።

✍ዔደን ታደሰ
https://t.me/ediwub

ቶጳዝዮን

۲۶ فروردین ۱۴۰۵، ۰۸:۲۹

📷 Photo

ስግደት እቆጥራለሁ ቆሜ ባንተ ስቅለት 🥀

https://t.me/ebuhbhr

556

ቶጳዝዮን

۲۶ فروردین ۱۴۰۵، ۰۸:۲۹

📷 Photo

https://t.me/ebuhbhr

711

ቶጳዝዮን

۲۶ فروردین ۱۴۰۵، ۰۸:۲۹

📷 Photo

ቅዱስ ሐሙስ

ከክብርህ ዝቅ ብለህ እግሮቼን አጥበሃል፤
በምሕረትህ ብዛት ነዉሬን ሸፍነሃል፤
በዚች ቅዱስ እለት.............
ስጋና ደምህን ቆርሰህ አቅርበሃል፤
ለአዳም ዘሮች ሁሉ ማዳንን ሰጥተሃል።
..................................................
በዔደን ታደሰ
https://t.me/ediwub

558

ቶጳዝዮን

۲۶ فروردین ۱۴۰۵، ۰۸:۲۹

"አንድ ቀን" በሚል ተስፋ. . .
.
ጥርስ ነክሰን መጣን፣በእሳት በረመጡ፣
ይክሰናል ብለን የቀን አመጣጡ!
.
"ዛሬ"ን አታቅልለው፤
"ዛሬ"ን አታባክነው፤
"አንድ ቀን!" ብለህ
የናፈቅከው ቀን ነው!
.
#ፈይሠል_አሚን
.

967

ቶጳዝዮን

۲۶ فروردین ۱۴۰۵، ۰۸:۲۹

📷 Photo

933

ቶጳዝዮን

۲۶ فروردین ۱۴۰۵، ۰۸:۲۹

📷 Photo

ሆሳዕና በአርያም
ልበል ቆሜ ከበራፍህ
እንደ እኔ ዓይነት ኃጥያተኛ
ባይመጥንም ለደጃፍህ
.
ሆሳዕና ልበል
እንደ ደቂቅ ህፃናቱ
አኑረኛል እያልኩ ልቀኝ
ሁሉን ችሎ በምህረቱ
.
ዘንባባዬን ልቅጠፍ
ላንጥፍ ተንበርክኬ
ወልደ ዳዊት ጌታ
እያልኩኝ አምላኬ
.
የቢታንያ ድንጋይ ልሳኑ ተፈቶ
ለክብርህ ተቀኝቷል ጌታውን ለይቶ
እኔም ልቀኝልህ ኃጥያቴ ቢበዛም
ፈጥረኸኛል እና ምንም ብበድልህ
ልጅህን አትረሳም!

🌿🌿🌿እንኳን አደረሳችሁ🌿🌿🌿

[ ጥሩቤል ]

https://t.me/ebuhbhr
https://t.me/ebuhbhr
https://t.me/tirrubel

774

ቶጳዝዮን

۲۶ فروردین ۱۴۰۵، ۰۸:۲۹

እንዴት?... ይረሳኛል
.
.
ከቤተመቅደሱ ማለዳ ተገኝተን ቆመን ለቅዳሴ፣
እዉነተኛ መስዋዕት ለአምላክ ስናቀርብ ክብርና ዉዳሴ፣

በሕማማት ሰሞን እንሞት እንደሆን ፍትሐት ስንፈታ፣
ከያዙት ዘንባባ ጥቂት ዝንጣፊ ሲሰጡን የኔታ፣

በጣቴ ለክተህ ፈጥነህ ስታበጃጅ ያማረ ቀለበት፣
ኪዳን እንዲሆነን ከእጄ ልታጠልቀዉ በዚህ ቅዱስ ሰንበት።

ትክ ብዬ ሳይህ.....

አይንህ ስራህ ላይ ነው፣
ልብህ ሀሳብ ላይ ነው።

እንዴት ይረሳኛል......
#በሆሳዕና እለት ከእጄ ያገባኸዉ ዉቡ ቀለበቴ፣
ላይወልቅ ተሰፍቷል ተለይቶ አያዉቅም ከአራተኛው ጣቴ፣

ዛሬም እንደትናንት በአዝማናት ንጉደት ፈፅሞ አላረጀም፣
መዓዛው ሳይጠፋ እንደለጋነቱ ካይኔ አልተሰወረም።


✍ዔደን ታደሰ
https://t.me/ediwub

4,290

ቶጳዝዮን

۲۶ فروردین ۱۴۰۵، ۰۸:۲۹

የሀሳብ ሸክም አጎበጠህ፤
ከዳህ አይደል በቀን ወኒህ።
አይዞን...
ሁሉ ነገር ሲሆን ጤዛ፤
ያየ ልብ ውስጥ ሀዘን በዛ፤
ወዳጂ ዘመድ የሚያፅናና፤
የለም አይደል የኔ ጀግና።
አይዞን...
ያጣኸውን የሆንከን ነገር ቅለት፤
የሆነልህ የተሰጠህ ነገር ብዛት፤
አስብ እና.....
ትረዳለህ መመረጥክን በእግዜር ዘንዳ፤
ይገባሀል ለደስታህ የከፈለው እዳ ፍዳ።

የዛን ለታ ወብ ፈገግታ፤
ትጎላለች ሀዘን ጭቅንህን እረታ፤
አምላክ አለ አይዞን በርታ።
✍️ዕሌኒ
( https://t.me/eluuu2112)

779

ቶጳዝዮን

۲۶ فروردین ۱۴۰۵، ۰۸:۲۹

📷 Photo

ሆሳዕና🌿🌿

ኦሽሽሽሽ......
በአለንጋቸው አሉት ንቀውት እነሱ
ክርስቶስ በጀርባው መጓዙን ቢረሱ፤
ደሞም ብለው ብለው.....
ያሸክሙት ጀመር እህል ገለባውን
ጌታን እንደያዘ ዘንግተው 'ጀርባውን'፤
........................
እኔ ሀጥአን ልጅህ.....
አርቄ ሳስበው ነገሩን ሳጤነው፣
ለካስ.....
'አለንጋ' እና 'ዱላ' ሚገባው ለኔ ነው💔!


ያቡ✍️ https://t.me/weyblann


🌿🌿እንኳን አደረሳችሁ🙏🌿🌿

851

Showing 20 of 20 posts

No more posts

رتبه‌بندی

ورود لازم است

نظرات کاربران (0)

هنوز هیچ نظری وجود ندارد. اولین نفری باشید که نظر خود را به اشتراک می‌گذارید!

کانال‌های تلگرام مرتبط

Loading recommended channels...

ቶጳዝዮን

ቶጳዝዮን

رتبه‌بندی

رشد مشترکان (2 روز گذشته)

آخرین پست‌ها

رتبه‌بندی

نظرات کاربران (0)

کانال‌های تلگرام مرتبط

Paradox meme

WIN MEME

موسسه تام لند

ملصقات متحركات - GIF

MILITA CAMP

𝐕𝐢𝐜𝐭𝐨𝐫𝐢𝐚.

الاستاذ ادم جمال الصراف

آی توییت

کانال‌های تلگرام مرتبط

Paradox meme

WIN MEME

موسسه تام لند

ملصقات متحركات - GIF

MILITA CAMP

𝐕𝐢𝐜𝐭𝐨𝐫𝐢𝐚.

الاستاذ ادم جمال الصراف

آی توییت

نظرات کاربران (0)

آخرین پست‌ها